లోక్‌సభలో రాజ్యాంగంపై చర్చ.. రాహుల్‌ వర్సెస్‌ మోదీ.. అప్‌డేట్స్‌

Live Updates..

రాజ్యాంగంపై చర్చ.. ప్రధాని మోదీ సమాధానం

• ఇవాళ మనం ప్రజాస్వామ్య పండుగను జరుపుకుంటున్నాం
• రాజ్యాంగ నిర్మాతలతో పాటు దేశ ప్రజలకు ధన్యవాదాలు
• ప్రజాస్వామ్య భావనను 75 ఏళ్లుగా నిలబెట్టుకున్నాం
• అందుకు ప్రజలకే మొదట ఘనత దక్కుతుంది
• భారత ప్రజాస్వామ్యం ప్రపంచానికే ఆదర్శంగా నిలిచింది
• మనది అతిపెద్ద ప్రజాస్వామ్య దేశమే కాదు.. ప్రజాస్వామ్యానికి పుట్టినిల్లు కూడా
• మనది మదర్‌ ఆఫ్‌ డెమోక్రసీ
• దేశం వేగంగా అభివృద్ధి చెందుతోంది
• త్వరలోనే మూడో బలమైన ఆర్థిక శక్తిగా అవతరించబోతుంది
• రాజ్యాంగంలో మహిళలు కీలక ప్రాంత పోషించారు
• వివిధ రంగాలకు చెందిన  ఆ మహిళలు రాజ్యాంగ నిర్మాణంలో చాలా ప్రభావశీలంగా పనిచేశారు.
• భిన్నత్వంలో ఏకత్వం భారత్‌  ప్రత్యేకత
• భారతీయుల ఏకతనే రాజ్యాంగం కూడా ప్రస్తావించింది
• ఆర్టికల్‌ 370 దేశం ఏకత్వానికి అడ్డుగా నిలిచింది.
• ప్రజాస్వామ్యానికి రాజ్యాంగం తల్లి లాంటింది
• భారత ప్రజాస్వామ్యం, గణతంత్రం ఎంతో గొప్పది
• మన రాజ్యాంగం ఎన్నో దేశాలకు స్ఫూర్తిగా నిలిచింది.
• ఎందరో మహానుభావులు మన రాజ్యాంగాన్ని రచించారు.
• ప్రజా స్వామ్య దేశాలు భారత్‌ను విశ్వసిస్తున్నాయి.
• గాంధీ కుటుంబం రాజ్యాంగాన్ని అవమానించింది.
• కాంగ్రెస్‌ నేతలు రాజ్యాంగ నిర్మాతలను అవమానించారు
• కాంగ్రెస్‌ ప్రజాస్వామ్యం గొంతు నొక్కింది
• ప్రజల మద్దతు లేకుండానే గాంధీ కుటుంబం దేశాన్ని పాలించింది.
   

లోక్‌సభలో రాజ్యాంగంపై వాడీవేడీ చర్చ..

• కాసేపట్లో ప్రతిపక్ష నేతల ప్రశ్నలపై సమాధానం ఇవ్వనున్న ప్రధాని మోదీ
• పార్లమెంటులో రాజ్యాంగంపై రెండో రోజు కొనసాగుతున్న చర్చ

రాజ్యాంగ చర్చలో..  హైదరాబాద్‌ ఎంపీ అసదుద్దీన్‌ ఒవైసీ 

• రాజ్యాంగంలోని ఆర్టికల్‌ 26.. మతపరమైన విద్యాసంస్థల ఏర్పాటు, నిర్వాహణకు వెసులుబాటు కల్పించింది 
• కానీ, ప్రధాని మాత్రం వక్ఫ్‌ బోర్డుకు రాజ్యాంగంతో ఏమాత్రం సంబంధం లేదని అంటున్నారు. 
• అసలు ఈ ప్రధానికి పాఠాలు నేర్పింది ఎవరు?. 
• ఆయన్ని(ప్రధాని మోదీని ఉద్దేశించి..) ఆర్టికల్‌ 26 చదవమనండి. 
• వక్ఫ్‌ ఆస్తులను లాక్కునే కుట్రను కేంద్రం చేస్తోంది 

#WATCH | During discussion on 75th anniversary of adoption of the Constitution of India, AIMIM MP Asaduddin Owaisi says, "Read Article 26, it gives religious denomination, the right to establish and maintain institution for religious and charitable purposes. The Prime Minister… pic.twitter.com/5KOoRAe6Vm

— ANI (@ANI) December 14, 2024

అందుకే కులగణన.. రాజ్యాంగ చర్చలో రాహుల్‌ గాంధీ

• 50 శాతం రిజర్వేషన్‌ అనే గోడను మేం బద్ధలు కొడతాం
• అందుకే కులగణనని తెరపైకి తెచ్చాం
• మీరేం చెప్తారో.. చెప్పుకోండి
• దేశం కోసం రాజ్యాంగం.. ఇండియా కూటమి సిద్ధాంతం
• రాజ్యాంగ పరిరక్షణ కోసమే ఈ కూటమి ఉంది
• ఆర్థిక-సామాజిక సమానత్వాలు లేకుండా రాజకీయ ఐక్యత మనుగడ కష్టమని అంబేద్కర్‌ చెప్పారు
• ఇవాళ అదే ప్రతీ ఒక్కరి ముందు కనిపిస్తోంది
• రాజకీయ సమానత్వం లేకుండా పోయింది
• దేశంలోని వ్యవస్థలన్నింటిని గుప్పిట పట్టేశారు
• సామాజిక, ఆర్థిక సమానత్వాలు లేకుండా పోయాయి
• దళితులు, ఆదివాసీలు, వెనుకబడిన కులాలు, రైతులు, శ్రామికులు..  దేశంలో వీళ్లు(బీజేపీ) ఎవరి బొటనవేళ్లు కత్తిరిస్తున్నారో దేశానికి చూపించాలనుకున్నాం
• ఈ క్రమంలోనే కులగణన మా తదుపరి అడుగు అయ్యింది
• కులగణనతో భారత్‌లో సరికొత్త అభివృద్ధికి బాటలు వేస్తాం

అలా రాజ్యాంగంలో ఉందా? చూపించండి: రాహుల్‌ గాంధీ

• కుల, వర్ణ, వర్గ, లింగ.. వివక్ష రహిత సమాజం కొనసాగాలని రాజ్యాంగంలో ఉంది.
• కొన్నిరోజుల కిందట.. సంభల్‌ నుంచి కొందరు యువకులు నన్ను చూడడానికి వచ్చారు
• అమాయకులైన ఐదుగురు నిర్దాక్షిణ్యంగా కాల్చి చంపబడ్డారు
• అలా చంపేయమని రాజ్యాంగంలో రాసి ఉందా?
• మీరు ఎక్కడికి వెళ్లినా..  ఒక మతంతో మరొక మతానికి వ్యతిరేకంగా ద్వేషాన్ని వెదజల్లుతారు.
• హాథ్రస్‌ సామూహిక అత్యాచార బాధితురాలి ఇంటికి వెళ్లి పరామర్శించా
• బాధితులు మాత్రం ఇంటినుంచి బయటకు రాలేని పరిస్థితి.
• ఒక మతానికి వ్యతిరేకంగా మరో మతాన్ని  ఉసిగొల్పాలని, ఒక దళిత కుటుంబాన్ని బంధించాలని నేరాలు చేసిన వాళ్లను స్వేచ్ఛగా తిరిగేందుకు స్వేచ్ఛ ఇవ్వాలని రాజ్యాంగంలో ఉందా?
• రాజ్యాంగంలో అలా ఎక్కడ రాశారు? నాకు చూపించండి.. 
• రాజ్యాంగం ప్రతి ఒక్కరికీ రక్షణ కల్పిస్తోంది. 
• బీజేపీ మాత్రం దానిపై దాడి చేస్తూనే ఉంది

లోక్‌సభలో రాజ్యాంగంపై చర్చ.. ప్రతిపక్ష నేత రాహుల్‌ గాంధీ ప్రసంగం

• అగ్నివీర్‌తో దేశ యువత బొటనవేలు తెంపేశారు
• దేశవ్యాప్తంగా 70 పేపర్ల లీకేజీ ఘటనలు వెలుగు చూశాయి
• పేపర్‌ లీక్‌లతో యువత బొటనవేలు తెంపేశారు
• ఢిల్లీ సరిహద్దులో రైతులపైకి టియర్‌ గ్యాస్‌ ప్రయోగిస్తున్నారు.. రైతులపై లాఠీ ఛార్జీలు చేస్తున్నారు
• వాళ్లు మిమ్మల్ని కోరేది మద్దతు ధర.. ఆ డిమాండ్‌ సబబైందే
• కానీ, అదానీ, అంబానీలను అందలం ఎక్కిస్తూ.. అన్నదాతల బొటనవేలు కూడా తెంపేశారు
• అభయ ముద్రతో మేం(కాంగ్రెస్‌) ‘‘భయపడొద్దు’’ అని ప్రజలకు చెప్తుంటే.. మీరేమో వాళ్ల బొటనవేలు తెంచేస్తున్నారు
• ఇదే మీకు మాకు ఉన్న తేడా!

లోక్‌సభలో రాజ్యాంగంపై చర్చ.. ప్రతిపక్ష నేత రాహుల్‌ గాంధీ ప్రసంగం

• అనేకమంది మేధావుల లోచనలకు ప్రతిరూపం మన రాజ్యాంగం
• దేశంలో ప్రజలు వివిధ రకాల సిద్ధాంతాలను పాటిస్తారు
• సావర్కర్‌ సిద్దాంతాలను తప్పుబట్టిన  రాహుల్‌ గాంధీ 
• మనుస్మృతి సిద్ధాంతాలను అనుసరించి రాజ్యాంగం ఉండాలని సావర్కర్‌ విశ్వసించారు
• రాజ్యాంగం, మనుస్మృతి వేర్వేరు
• రాజ్యాంగం ఆధునిక భారత దస్త్రం.. కానీ, ప్రాచీన భారతం, దాని ఆలోచనలు అందులో ఉన్నాయి
• రాజ్యాంగాన్ని తెరిస్తే.. అంబేద్కర్‌, గాంధీ, నెహ్రూల ఆకాంక్షలు, ఆలోచనలు మనకు కనిపిస్తాయి
• సావర్కర్‌ గురించి ప్రశ్నిస్తే నన్ను దోషిగా చూస్తున్నారు
• మహాభారతంలోని కులవివక్షను ప్రస్తావించిన రాహుల్‌ గాంధీ
• ఏకలవ్యుడు ద్రోణాచార్యుడి దగ్గరకు విలువిద్య నేర్పమని వెళ్లాడు
• నువ్వు మా జాతివాడివి కాదని ఏకలవ్యుడ్ని వెనక్కి పంపాడు
• ద్రోణుడి ప్రతిరూపంతో ఏకలవ్యుడు విలువిద్య నేర్చుకున్నాడు
• ద్రోణుడు కోరితే తన బొటనవేలును గురుదక్షిణగా ఇచ్చాడు
• ద్రోణుడి మాదిరిగానే మీరు(కేంద్రాన్ని ఉద్దేశించి..) కూడా దేశ యువత బొటనవేలును కత్తిరిస్తున్నారు. 
   

#WATCH | During discussion on 75th anniversary of adoption of the Constitution of India, Lok Sabha LoP Rahul Gandhi says, "This is Abhayamudra. Confidence, strength and fearlessness come through skill, through thumb. These people are against this. The manner in which Dronacharya… pic.twitter.com/nIropoeCfq

— ANI (@ANI) December 14, 2024

#WATCH | During discussion on 75th anniversary of adoption of the Constitution of India, Lok Sabha LoP Rahul Gandhi says, "I want to start my speech by quoting what the Supreme Leader, not of the BJP but of the modern interpretation of the ideas of the RSS has to say about the… pic.twitter.com/eS7HGR8Ivp

— ANI (@ANI) December 14, 2024

జమిలి ఎన్నికలకు కాంగ్రెస్‌ వ్యతిరేకం: కార్తీ చిదంబరం
👉వన్ నేషన్ వన్ ఎలక్షన్‌పై, కాంగ్రెస్ ఎంపీ కార్తీ చిదంబరం మాట్లాడుతూ..‘కాంగ్రెస్ పార్టీ ఈ ప్రతిపాదనను వ్యతిరేకిస్తోంది. డీఎంకేతో సహా అనేక ప్రాంతీయ పార్టీలు ఈ ప్రతిపాదనను వ్యతిరేకిస్తున్నాయి. సమాఖ్య నిర్మాణాన్ని తీసివేయడానికి ప్రభుత్వం చేస్తున్న మరో ప్రయత్నం ఇది. రాష్ట్ర ఎన్నికలు ప్రజాస్వామ్యానికి చాలా మంచివి. రాష్ట్ర ఎన్నికలు రాజకీయ పార్టీలను ఆమోదించడానికి లేదా తిరస్కరించడానికి ప్రజలకు అవకాశం ఇస్తాయి అని కామెంట్స్‌ చేశారు.

#WATCH | Delhi: On One Nation One Election, Congress MP Karti Chidambaram says, "The Congress party will oppose this proposal and many regional parties including the DMK oppose the proposal. It is yet another attempt by the government to take away the federal structure. Having… pic.twitter.com/kK2CfP1KFm

— ANI (@ANI) December 14, 2024

అలా చేయడం నియంతృత్వమే.. 
👉జమిలి ఎన్నికలపై టీఎంసీ ఎంపీ కీర్తి ఆజాద్ మాట్లాడుతూ..‘1966-68 వరకు ప్రతీ ప్రభుత్వం ఐదేళ్ల పాటు కొనసాగింది. అందుకే అన్ని ఎన్నికలు కలిసి జరిగేవి. కానీ సంకీర్ణ ప్రభుత్వాలు ఏర్పడటం ప్రారంభమైన తర్వాత వ్యవస్థ మారిపోయింది. సంకీర్ణాల వల్ల కొన్నిసార్లు ప్రభుత్వం పడిపోతుంది. ఇలాంటి నిర్ణయాలు ఏకపక్షంగా తీసుకోవద్దు. ప్రతిపక్షంతో మాట్లాడకుండా దీనిని తీసుకురావడం నియంతృత్వం అవుతుంది.

#WATCH | Delhi | On One Nation One Election, TMC MP Kirti Azad says, “Till 1966-68, all the elections used to happen together because the government used to run for 5 years. But then the system changed because coalition governments started forming and sometimes the government… pic.twitter.com/Cjiz5jzSNA

— ANI (@ANI) December 14, 2024

👉దేశంలో మైనారిటీలపై జరుగుతున్న అంశం లోక్‌సభలో చర్చకు వచ్చింది.. ఈ సందర్బంగా ప్రతిపక్షాలకు కేంద్రమంత్రి కిరణ్‌ రిజిజు కౌంటరిచ్చారు. 

👉లోక్‌సభలో కేంద్ర పార్లమెంటరీ వ్యవహారాల మంత్రి కిరెన్ రిజిజు మాట్లాడుతూ.. మన దేశంలో మైనారిటీలకు రక్షణ లేదని ప్రతిపక్ష నేతలు ఎందుకు అంటున్నారు. దేశ ప్రతిష్టకు భంగం కలిగించే ఇలాంటి మాటలు మాట్లాడకూడదు. ఏ ఒక్క పార్టీ కోసమో చెప్పడం లేదు. నేను దేశం కోసం చెబుతున్నాను.

👉యూరోపియన్ యూనియన్‌లోని సెంటర్ ఫర్ పాలసీ అనాలిసిస్ సర్వే ప్రకారం.. యూరోపియన్ యూనియన్‌లో 48% మంది ప్రజలు వివక్షకు గురయ్యారు. అందులో ముస్లింలు, హిందువులు, మైనారిటీలు కూడా ఉన్నారు. స్పెయిన్‌లో ముస్లింలపై వివక్ష ఎక్కువగా ఉంది. ముస్లింలపై అంతర్గత ద్వేషపూరిత నేరాల నివేదిక ఇచ్చారు. ఈ నివేదికలో కూడా పాకిస్తాన్ పరిస్థితి, బంగ్లాదేశ్‌లో జరుగుతున్న విషయాలను వెల్లడించారు. ఆ‍ప్ఘనిస్తాన్‌ సహా టిబెట్‌లో జరుగుతున్న పరిణామాలను సైతం చెప్పారు. అలాంటప్పుడు ఈ దేశంలో మైనారిటీలకు రక్షణ లేదని ఎందుకంటున్నారు అని ఘాటు విమర్శలు చేశారు.
 

#WATCH | In Lok Sabha, Union Parliamentary Affairs Minister Kiren Rijiju says, "...A narrative is being created. According to the survey of the Center for Policy Analysis in European Union, 48% people in European Union have been victims of discrimination. Most of them are… pic.twitter.com/oqZVtpGLDn

— ANI (@ANI) December 14, 2024

👉రాజ్యాంగంపై కొంతకాలంగా అధికార, ప్రతిపక్షాల మధ్య సాగుతున్న ఆరోపణలు, ప్రత్యారోపణల యుద్ధం పార్లమెంటుకు చేరింది. ఇరుపక్షాల మధ్య మధ్య ఇవాళ లోక్‌సభలో వాడీవేడి చర్చ జరగనుంది. రాజ్యాంగ వజ్రోత్సవాల సందర్భంగా జరుగుతున్న ప్రత్యేక చర్చలో ప్రధాని మోదీ- ప్రతిపక్ష నేత రాహుల్‌ గాంధీ ఇవాళ మాట్లాడనున్నారు. 

👉లోక్‌సభ చేపట్టిన రెండు రోజుల చర్చలో.. ఇవాళ కూడా ఆసక్తికర పరిణామాలు చోటు చేసుకునే అవకాశాలున్నాయి. రాజ్యాంగంపై చర్చలో.. రాహుల్‌ గాంధీ, ఇతర పార్టీల నేతలూ మాట్లాడతారు. సాయంత్రం.. ఆఖర్లో ప్రధాని ప్రసంగంతో ఈ చర్చ ముగియనుంది. ఈ క్రమంలో  నిన్న ప్రియాంక గాంధీ.. ఇవాళ రాహుల్‌ గాంధీ వేసిన ప్రశ్నలకు, విమర్శలకు మోదీ స్పందించనున్నారు.

👉పార్లమెంట్‌ వద్ద ప్రియాంక గాంధీ సహా ప్రతిపక్ష పార్టీల నేతలు నిరసన వ్యక్తం చేస్తున్నారు. ఈ సందర్బంగా ప్రియాంక మాట్లాడుతూ.. విపత్తుకు గురైన వయనాడ్‌కు స్పెషల్‌ ప్యాకేటీ ఇచ్చేందుకు కేంద్రం నిరాకరించింది. హిమాచల్‌లో కూడా ఇలాంటి విపత్తే సంభవించింది. ఈ మేరకు సాయం కేంద్రాన్ని కోరాం. ఈ మేరకు ప్రధాని మోదీ, హోంమంత్రి అమిత్‌ షాకు లేఖ రాశాం. కానీ, విన్నపాన్ని వారు పట్టించుకోలేదు. విపత్తును కూడా రాజకీయ కోణంలోనే చూస్తున్నారు. అక్కడ నివస్తున్న వాళ్లు కూడా భారతీయలే అని కామెంట్స్‌ చేశారు.

#WATCH | Delhi: Congress MP Priyanka Gandhi Vadra says, "The government is refusing to give a special package to Wayanad. We have requested the Home Minister, we have written to the Prime Minister...Himachal Pradesh has also seen similar large-scale devastation and there is a… https://t.co/mIyBAQipwu pic.twitter.com/7xdie56kHH

— ANI (@ANI) December 14, 2024

👉తొలిరోజు.. శుక్రవారం బీజేపీ అగ్రనేత, కేంద్ర మంత్రి రాజ్‌నాథ్‌ సింగ్‌ ఈ చర్చను ప్రారంభించారు. కాంగ్రెస్‌కు ఎప్పుడూ అధికారంపైనే యావ అని, అందుకోసం రాజ్యాంగానికి నిరంతరం తూట్లు పొడుస్తూ వచ్చిందని మండిపడ్డారు. ‘‘కాంగ్రెస్‌ తన దశాబ్దాల పాలనలో వ్యవస్థల స్వయం ప్రతిపత్తిని ఎన్నడూ సహించింది లేదు. రాజ్యాంగ విలువలకు, స్ఫూర్తికి పాతర వేసేందుకు శక్తివంచన లేకుండా ప్రయత్నించింది. అలాంటి పార్టీ నోట రాజ్యాంగ పరిరక్షణ వంటి మాటలు వినడం ఎబ్బెట్టుగా ఉంది’’ అంటూ ఎత్తిపొడిచారు. 

👉ఆయన విమర్శలకు కాంగ్రెస్‌ తరఫున నూతన ఎంపీ ప్రియాంకా గాంధీ వాద్రా గట్టిగా కౌంటరిచ్చారు. పార్లమెంట్‌లో తొలి ప్రసంగం చేసిన ఆమె.. బీజేపీపై ఎదురుదాడి చేశారు. అసలు దేశానికి రాజ్యాంగం కల్పించిన రక్షణ కవచానికి నిలువునా తూట్లు పొడిచిందే మోదీ ప్రభుత్వమంటూ దుయ్యబట్టారు.

ఎల్లుండి జమిలి బిల్లు
👉సోమవారం లోక్‌సభ ముందుకు జమిలి ఎన్నికల బిల్లు రానుంది. కేంద్ర న్యాయశాఖ మంత్రి అర్జున్ రామ్ మేఘవాల్  బిల్లును ప్రవేశపెట్టనున్నారు. లోక్‌సభలో ప్రవేశపెట్టిన అనంతరం జాయింట్ పార్లమెంటరీ కమిటీ పరిశీలనకు వన్ నేషనల్ వన్ ఎలక్షన్ బిల్ వెళ్లనుంది. 129వ రాజ్యాంగ  సవరణ బిల్లుగా సోమవారం లోక్‌సభ బిజినెస్‌లో లిస్ట్ జమిలి ఎన్నికల బిల్లును చేర్చారు. రాజ్యాంగంలోని ఆర్టికల్స్ 82, 83, 172, 327కు సవరణలు ప్రతిపాదిస్తూ బిల్లు రూపకల్పన చేశారు.  

👉లోక్‌సభ ఎన్నికలతో పాటే అన్ని రాష్ట్రాల అసెంబ్లీ ఎన్నికలు నిర్వహించేలా బిల్లును ప్రతిపాదించారు. మధ్యలో అసెంబ్లీలు రద్దయినప్పటికీ మిగిలిన కాలానికే  ఎన్నికల నిర్వహణ జరిగేలా బిల్లులో సవరణలు చేశారు. అసెంబ్లీలు ఉన్న ఢిల్లీ, జమ్మకశ్మీర్, పాండిచ్చేరి, కేంద్రపాలిత ప్రాంతాల కోసం మరొక సవరణ బిల్లును ప్రభుత్వం రూపొందించింది. అపాయింటెడ్‌ డే  తర్వాత ఒకే సారి లోక్‌సభ, అసెంబ్లీ ఎన్నికలు జరిగేలా ప్లాన్‌ చేశారు. 

👉ఇదిలా ఉండగా.. అపాయింటెడ్‌ డే 2029 కంటే ముందే ఉంటుందా? లేదా అనేదానిపై భిన్నమైన చర్చలు కొనసాగుతున్నాయి. ప్రధాన ప్రతిపక్షం కాంగ్రెస్ పార్టీ సహకరిస్తేనే జమిలి ఎన్నికల బిల్లు చట్ట రూపం దాల్చే అవకాశం ఉంది.