TV
న్యూఢిల్లీ: భారత నావికాదళం కొత్త అధిపతిగా వైస్‌ అడ్మిరల్‌ ఆర్‌.హరికుమార్‌ బాధ్యతలు చేపడతారని రక్షణ శాఖ మంగళవారం తెలిపింది. హరికుమార్‌ ప్రస్తుతం వెస్టర్న్‌ నావల్‌ కమాండ్ ఫ్లాగ్‌ ఆఫీసర్‌ కమాండింగ్‌–ఇన్‌–చీఫ్‌గా ఉన్నారు.
ఈనెల 30వ తేదీన రిటైర్‌ కానున్న నేవీ ప్రస్తుత అధిపతి, అడ్మిరల్‌ కరంబీర్‌ సింగ్‌ నుంచి అదే రోజు మధ్యాహ్నం ఆయన బాధ్యతలు స్వీకరిస్తారని వెల్లడించింది. కేరళకు చెందిన హరికుమార్‌కు కమాండ్, స్టాఫ్, ఇన్‌స్ట్రక్షనల్‌ సంబంధ విధుల్లో దాదాపు 39 ఏళ్ల అనుభవం ఉంది.
