వైఎస్సార్‌సీపీ రెండు విభాగాల జిల్లా అధ్యక్షులు నియామకం

వైఎస్సార్‌సీపీ రెండు విభాగాల జిల్లా అధ్యక్షులు నియామకం

నరసరావుపేట: నియోజకవర్గంలో ఇరువురు నాయకులకు పార్టీ అనుబంధ విభాగాలకు జిల్లా బాధ్యతలు అప్పగిస్తూ మాజీ ముఖ్యమంత్రి, వైఎస్సార్‌సీపీ అధ్యక్షులు వైఎస్‌ జగన్‌మోహన్‌రెడ్డి బుధవారం ఆదేశాలు జారీ చేశారు. ఈ మేరకు రొంపిచర్ల మండలం వడ్లమూడివారి పాలెంకు చెందిన అన్నెం పున్నారెడ్డిని రైతు విభాగ జిల్లా అధ్యక్షులుగాను, పట్టణానికి చెందిన గుజ్జర్లపూడి ఆకాష్‌కుమార్‌ను స్టూడెంట్‌ విభాగ జిల్లా అధ్యక్షులుగా నియమిస్తూ కేంద్ర పార్టీ కార్యాలయం ఉత్తర్వులు జారీ చేసింది.

విజయకీలాద్రిపై

ప్రత్యేక పూజలు

తాడేపల్లిరూరల్‌: సీతానగరం విజయకీలాద్రి దివ్య క్షేత్రంపై త్రిదండి చిన్న శ్రీమన్నారాయణ రామానుజ జీయర్‌ స్వామి మంగళా శాసనాలతో బుధవారం ప్రత్యేక పూజా కార్యక్రమాలు నిర్వహించారు. ఈ సందర్భంగా జీయర్‌ ఎడ్యుకేషనల్‌ ట్రస్ట్‌ నిర్వాహకులు పురాణం వెంకటాచార్యులు మాట్లాడుతూ ఉత్తరాషాఢ నక్షత్రము, అమావాస్యను పురస్కరించుకుని ఉదయం 9 గంటలకు భూ వరాహస్వామికి పంచామృతాలతో అభిషేకం నిర్వహించామని, 10 గంటలకు సర్వ గ్రహ దోష నివారణ, ఆయురారోగ్యం కోసం సర్వరక్షాకర (సుదర్శన హోమం) నిర్వహించామని భక్తులు అధిక సంఖ్యలో ఈ హోమ కార్యక్రమంలో పాల్గొని తీర్ధ ప్రసాదాలు స్వీకరించారని వివరించారు.

యార్డుకు 1,05,694 మిర్చి బస్తాలు

కొరిటెపాడు(గుంటూరు): గుంటూరు మార్కెట్‌ యార్డుకు బుధవారం 1,05,694 మిర్చి బస్తాలు రాగా, గత నిల్వలతో కలిపి ఈ–నామ్‌ విధానం ద్వారా 1,01,695 బస్తాలు అమ్మకాలు జరిగాయి. నాన్‌ ఏసీ కామన్‌ రకం 334, నంబర్‌–5, 273, 341, 4884, సూపర్‌–10 రకాల సగటు ధర రూ.7,000 నుంచి రూ.15,200 వరకు పలికింది. నాన్‌ ఏసీ ప్రత్యేక రకం తేజ, బాడిగ, దేవనూరు డీలక్స్‌ రకాల సగటు ధర రూ.7,000 నుంచి రూ.15,000 వరకు ధర లభించింది. ఏసీ కామన్‌ రకం రూ.7,500 నుంచి రూ.13,000 వరకు ధర పలికింది. ఏసీ ప్రత్యేక రకాలకు రూ.7,500 నుంచి రూ.13,500 వరకు ధర లభించింది. తాలు రకం మిర్చికి రూ.4,000 నుంచి రూ.10,500 వరకు ధర పలికింది. అమ్మకాలు ముగిసే సమయానికి యార్డులో ఇంకా 74,693 బస్తాలు నిల్వ ఉన్నట్లు యార్డు ఉన్నతశ్రేణి కార్యదర్శి వినుకొండ ఆంజనేయులు తెలిపారు.

సాగునీటి సమాచారం

తాడేపల్లిరూరల్‌ (దుగ్గిరాల) : కృష్ణా పశ్చిమ ప్రధాన కాలువకు సీతానగరం వద్ద బుధవారం 1816 క్యూసెక్కులు విడుదల చేశారు. హై లెవల్‌ కాలువకు 106 క్యూసెక్కులు, బ్యాంక్‌ కెనాల్‌కు 163 క్యూసెక్కులు, తూర్పు కెనాల్‌కు 243 క్యూసెక్కులు, పశ్చిమ కెనాల్‌కు 176 క్యూసెక్కులు, నిజాంపట్నం కాలువకు 51 క్యూసెక్కులు, కొమ్మమూరు కాలువకు 514 క్యూసెక్కులు విడుదల చేశారు.

ఏఎన్‌యూ దూరవిద్య డిగ్రీ ఫలితాలు విడుదల

ఏఎన్‌యూ(గుంటూరు): ఆచార్య నాగార్జున విశ్వవిద్యాలయంలోని సెంటర్‌ ఫర్‌ డిస్టెన్స్‌ ఎడ్యుకేషన్‌ గతేడాది అక్టోబర్‌, నవంబర్‌ నెలల్లో నిర్వహించిన డిగ్రీ కోర్సుల ఫలితాలను బుధవారం దూరవిద్యా కేంద్రం డైరెక్టర్‌ ఆచార్య వి.వెంకటేశ్వర్లు కార్యాలయంలో ఫలితాలు విడుదల చేశారు. ఆయన మాట్లాడుతూ ఈ ఫలితాల్లో బీఏ, బీకాం (జనరల్‌), (కంప్యూటర్‌ అప్లికేషన్స్‌) ఒకటి, రెండు, మూడో సెమిస్టర్ల రెగ్యులర్‌, సప్లమెంటరీ ఫలితాలు విడుదల చేసినట్లు వెల్లడించారు. అభ్యర్థులు రీవాల్యుయేషన్‌కు దరఖాస్తు చేసుకోవాలనుకుంటే ఫిబ్రవరి 11లోగా ఒక్కో పేపర్‌కు రూ.770 చెల్లించి, 14లోగా పరీక్షల కో–ఆర్డినేటర్‌ కార్యాలయానికి దరఖాస్తు అందించాలి.

1/3

వైఎస్సార్‌సీపీ రెండు విభాగాల జిల్లా అధ్యక్షులు నియామకం

2/3

వైఎస్సార్‌సీపీ రెండు విభాగాల జిల్లా అధ్యక్షులు నియామకం

3/3

వైఎస్సార్‌సీపీ రెండు విభాగాల జిల్లా అధ్యక్షులు నియామకం