TV
ఏఐపై మరింత అవగాహన అవసరం
రామగిరి(మంథని): ప్రస్తుతం ఏఐ విస్తృమైందని, దానిపై విద్యార్థులకు అవగాహన అవసరమని ఎన్టీపీసీ ఎగ్జిక్యూటివ్‌ ఇంజినీర్‌ వి.భార్గవ్‌ అన్నారు. సెంటినరీకాలనీ మంథని జేఎన్టీయూలో ఇండియన్‌ ఇన్‌స్టిట్యూషన్‌ ఆఫ్‌ ఇండస్ట్రియల్‌ ఇంజినీరింగ్‌, హైదరాబాద్‌ 68వ అవిర్భావం సందర్భంగా చాప్టర్‌ చైర్మన్‌ ప్రభాకర్‌రావు ఆధ్వర్యంలో విద్యార్థులకు ఏఐపై గురువారం అవగాహన కల్పించారు. భార్గవ్‌ మాట్లాడుతూ, ఆర్టిఫిషియల్‌ ఇంటలిజెన్స్‌(ఏఐ) టూల్స్‌పై విద్యార్థులు అవగాహన కలిగి ఉండలన్నారు. ఆధునిక సాంకేతికతలో ఆర్టిఫిషియల్‌ ఇంటలిజెన్స్‌(ఏఐ) విప్లవాత్మక శక్తిగా మారిందన్నారు. ఏఐ టూల్స్‌తో పరిశోధనలు సులభం అవుతాయని తెలిపారు. ఏఐ ఇంజినీరింగ్‌లోనే కాకుండా అన్ని రంగాల్లోనూ ఉపయోగకరంగా ఉంటోందని వివరించారు. సుమారు 200 మంది విద్యార్థులు హాజరయ్యారు. ఈ కార్యక్రమంలో ఐఐఐఈ సెక్రటరీ కె.చంద్రశేఖర్‌, ఆర్జీ–2,3 జీఎంలు బండి వెంకటయ్య, నరేంద్ర సుధాకర్‌రావు, ప్రిన్సిపాల్‌ చెరుకు శ్రీధర్‌రెడ్డి తదితరులు పాల్గొన్నారు.
ఎన్టీపీసీ ఎగ్జిక్యూటివ్‌ ఇంజినీర్‌ భార్గవ్‌
Comments
Please login to add a commentAdd a comment