TV
పారిస్‌ ఒలింపిక్స్‌ అశ్వక క్రీడల్లో (ఈక్వెస్ట్రియన్‌) భారత్‌కు నిరాశ తప్పలేదు. 2022 హాంగ్జూ ఆసియా క్రీడల డ్రెసాజ్‌ విభాగంలో రెండు పతకాలతో మెరిసిన అనూష్ అగర్వల్లా.. విశ్వక్రీడల్లో అదే జోరు కనబర్చలేకపోయాడు. బుధవారం పురుషుల వ్యక్తిగత డ్రెసాజ్‌ ఈవెంట్‌ గ్రూప్‌ స్టేజ్‌లో అనూష్ 66.444 పాయింట్లతో తొమ్మిదో స్థానంతో సరిపెట్టుకున్నాడు. గ్రూప్‌ ‘ఇ’లో పోటీపడిన 24 ఏళ్ల అనూష్ భారత్‌ నుంచి ఒలింపిక్స్‌ డ్రెసాజ్‌ విభాగంలో పాల్గొన్న తొలి ప్లేయర్‌గా రికార్డుల్లోకెక్కాడు.
