TV
సిడ్నీ: ఈ ఏడాది మహిళల బిగ్‌బాష్‌ లీగ్‌ (డబ్ల్యూబీబీఎల్‌) టి20 టోర్నీలో భారత కెప్టెన్‌ హర్మన్‌ప్రీత్‌ కౌర్, జెమీమా రోడ్రిగ్స్, దీప్తి శర్మ ఆడటం దాదాపు ఖరారైంది. డబ్ల్యూబీబీఎల్‌ డ్రాఫ్టింగ్‌ జాబితాలో ఈ ముగ్గురి పేర్లు ఉండటమే దీనికి కారణం. మెల్‌బోర్న్‌ రెనిగేడ్స్‌ జట్టుకు ప్రాతినిధ్యం వహిస్తున్న హర్మన్‌ప్రీత్‌ను ఫ్రాంచైజీ రిటైన్‌ చేసుకోనుంది. ఈ మేరకు ఫ్రాంచైజీలు సోమవారం అట్టిపెట్టుకోవాలనుకుంటున్న ప్లేయర్ల జాబితా విడుదల చేశాయి.
అడిలైడ్‌ స్ట్రయికర్స్‌ ఫ్రాంచైజీకి ప్రాతినిధ్యం వహిస్తున్న జెమీమా రోడ్రిగ్స్, దీప్తి శర్మను ఆ జట్టు రిటైన్‌ చేసుకోనుంది. సూజీ బేట్స్‌ (సిడ్నీ సిక్సర్స్‌), అలీస్‌ కాప్సీ (మెల్‌బోర్న్‌ స్టార్స్‌), సోఫియా ఎకెల్‌స్టోన్‌ (సిడ్నీ సిక్సర్స్‌), షబ్నిమ్‌ ఇస్మాయిల్‌ (హోబర్ట్‌ హరికేన్స్‌), హీతర్‌ నైట్‌ (సిడ్నీ థండర్‌), డానీ వ్యాట్‌ (పెర్త్‌ స్కార్చెర్స్‌) రిటెన్షన్‌ జాబితాలో ఉన్నారు. ఈ ఏడాది అక్టోబర్‌ 27 నుంచి డిసెంబర్‌ 1 వరకు డబ్ల్యూబీబీఎల్‌ సీజన్‌ జరగనుంది.
Comments
Please login to add a commentAdd a comment