మంచిపేరు తెండి

మంచిపేరు తెండి

బాధ్యతగా పనిచేసి
ఎస్పీ నారాయణరెడ్డి

అనంతగిరి: విధి నిర్వహణలో సిబ్బంది, అధికారులు బాధ్యతగా పనిచేసి పోలీసు శాఖకు మంచిపేరు తేవాలని ఎస్పీ నారాయణరెడ్డి సూచించారు. శనివారం ఎస్పీ కార్యాలయ ఆవరణలోని సమావేశ మందిరంలో ఏఆర్‌ పోలీసులతో దర్బార్‌ కార్యక్రమం నిర్వహించారు. ఈ సందర్భంగా సిబ్బంది సమస్యలను అడిగి తెలుసుకున్నారు. అనంతరం ఆయన మాట్లాడుతూ.. పోలీసు శాఖ అనేది క్రమశిక్షణకు మారుపేరన్నారు. ప్రతి ఒక్కరూ క్రమశిక్షణతో విధులు నిర్వర్తించాలన్నారు. ముఖ్యమైన విధుల్లో సమయపాలన పాటించడంతో పాటు నీట్‌ టర్న్‌ ఔట్‌ అనుసరించాలన్నారు. సిబ్బంది సమస్యలు తెలుసుకునేందుకు జిల్లా పోలీసు కార్యాలయంలో ఫిర్యాదుల బాక్స్‌ ఏర్పాటు చేయనున్నట్లు తెలిపారు. అంతర్జాతీయ మహిళా దినోత్సవాన్ని పురస్కరించుకొని జిల్లాలోని మహిళా అధికారులు, సిబ్బందికి శుభాకాంక్షలు తెలిపారు. కార్యక్రమంలో ఏఆర్‌ ఎస్‌ఐలు, హెచ్‌సీలు, పీసీలు, డబ్ల్యూ పీసీలు పాల్గొన్నారు.