వైభవంగా నవీన ప్రార్థనలు

వైభవంగా నవీన ప్రార్థనలు

కొత్తవలస: మండలంలోని గొల్లలపాలెం గ్రామ సమీపంలోని కొండడాబాల ఆర్‌సీఎం చర్చి (వ్యాకులమాత పుణ్యరక్షేత్రం)లో మంగళవారం నవీన ప్రార్థనలు వైభవంగా సాగాయి. అనకాపల్లి జిల్లా పెదబొడ్డేపల్లి, కొత్తకోట, మాడుగులు, చోడవరం మండలాల్లోని చర్చిల విచారణ కర్తలు, క్రైస్తవ సోదరులు ప్రార్థనల్లో పాల్గొన్నారు. ఫాదర్‌ యేసురత్నం మరియతల్లి ప్రయాణం–శ్రీసభ ప్రయాణాన్ని వివరించారు. కార్యక్రమంలో పుణ్యక్షేత్ర డైరెక్టర్‌ గొండాడ రాజు పాల్గొన్నారు.

కుష్ఠు వ్యాధిగ్రస్తులను త్వరగా గుర్తించాలి

● రాష్ట్ర కుష్ఠు నివారణశాఖ జేడీ సాగర్‌

విజయనగరం ఫోర్ట్‌: కుష్ఠు వ్యాధిగ్రస్తులను త్వరగా గుర్తించాలని రాష్ట్ర కుష్ఠు నివారణ శా ఖ జేడీ డాక్టర్‌ సాగర్‌ వైద్య సిబ్బందికి సూచించారు. విజయనగరం సర్వజన ఆస్పత్రి డెర్మటాలజీ విభాగం వైద్యులతో మంగళవారం నిర్వహించిన సమావేశంలో ఆయన మాట్లా డారు. స్పర్శ, నొప్పిలేని మచ్చలను కుష్ఠు వ్యాధి లక్షణాలుగా గుర్తించాలన్నారు. సమావేశంలో జిల్లా కుష్ఠు నివారణ అధికారి డాక్టర్‌ కె.రాణి, డాక్టర్‌ శివకుమార్‌, డాక్టర్‌ అర్చన, డాక్టర్‌ పద్మశ్రీ, తదితరులు పాల్గొన్నారు.

రెవెన్యూ వినతులను త్వరగా పరిష్కరించాలి

● సంయుక్త కలెక్టర్‌ సేతు మాధవన్‌

విజయనగరం అర్బన్‌: రెవెన్యూ సదస్సుల్లో నమోదైన వినతులను త్వరగా పరిష్కరించాలని జేసీ సేతు మాధవన్‌ రెవెన్యూ అధికారులను ఆదేశించారు. పీజీఆర్‌ఎస్‌, రెవెన్యూ, రీ సర్వే వినతులు, ఫ్రీ హోల్డ్‌ భూములు, పీఓఎల్‌ఆర్‌ తదితర రెవెన్యూ అంశాలపై మండలాల వారీగా సమీక్షించారు. రీ సర్వే వినతుల పరిష్కారంలో పురోగతి లేదన్నారు. గ్రామ సర్వేయర్లు, వీఆర్వోలు సమన్వయంతో వేగంగా పరిష్కారమయ్యేలా చూడాలని ఆదేశించారు. వీడియో కాన్ఫరెన్స్‌లో డీఆర్వో శ్రీనివాసమూర్తి, కేఆర్‌ఆర్సీ డిప్యూటీ కలెక్టర్‌ మురళి, డిప్యూటీ కలెక్టర్లు, ఆర్డీఓలు పాల్గొన్నారు.

1/1

వైభవంగా నవీన ప్రార్థనలు