విజయనగరం అర్బన్‌: జాతీయస్థాయి గణిత శాస్త్ర సదస్సును ఈ నెల 31, ఫిబ్రవరి 1 తేదీల్లో ఎంఆర్‌ అటానమస్‌ కళాశాలలో రెండు రోజుల పాటు నిర్వహిస్తామని ఆ కళాశాల ప్రిన్సిపాల్‌ డాక్టర్‌ ఎం.సాంబశివరావు తెలిపారు. స్థానిక కళాశాలలో సోమవారం నిర ్వహించిన విలేకరుల సమావేశంలో సదస్సు పూర్తి వివరాల షెడ్యూల్‌ బ్రోచర్‌ను ఆయన ఆవిష్కరించారు. ఈ సందర్భంగా ఆయన మాట్లాడుతూ బెంగళూరు సైన్స్‌ అకాడమీ ఆర్థిక సహకారంతో సదస్సు సాగుతుందన్నారు. చైన్నె మేథ్‌మెటిక్స్‌ ఇనిస్టిట్యూట్‌కు చెందిన డైరెక్టర్‌ ప్రొఫెసర్‌ రాజీవ్‌ కరండికల్‌, రిసోర్స్‌ వర్సన్స్‌ కన్వీనర్‌గా, రిసోర్స్‌ పర్సన్స్‌గా ఐఎంఎస్‌ ప్రొఫెసర్‌ పాంచాలి, సీఎంఐ ప్రొఫెసర్‌ బి.వి.రామకృష్ణ, హనుమంతు మనోజ్‌ వ్యవహరిస్తారని తెలిపారు. ప్రస్తుత సామాజిక పరిస్థితులకు అనుగుణంగా గణిత శాస్త్రంలో వస్తున్న మార్పులు, శాస్త్ర సాంకేతిక రంగాల గురించి వివరిస్తారన్నారు. కార్యక్రమంలో కళాశాల గణిత శాస్త్ర విభాగాధిపతి ఎస్‌.సూరిబాబు, అధ్యాపకులు ఉమాశంకర్‌, ఝాన్సీ, స్వామినాయుడు, స్వాతి, రమేష్‌, శ్రీదేవి, ధర్మారావు, ఊర్మిల, సాంఖ్యక శాస్త్ర అధ్యాపకులు ఎం.వి.లక్ష్మి, నరేష్‌, ఐక్యూ ఏసీ కోఆర్డినేటర్‌ అచ్యుతరావు, సలహాదారు సూరినాయుడు, తదితరులు పాల్గొన్నారు. ప్రిన్సిపాల్‌ డాక్టర్‌ ఎం.సాంబశివరావు

పార్వతీపురం: పార్వతీపురం నుంచి అలమండకు బొలెరో వాహనంలో అక్రమంగా తరలిస్తున్న 27 క్వింటాళ్ల పీడీఎస్‌ బియ్యాన్ని పట్టుకుని కేసు నమోదు చేసినట్లు సీఎస్‌డీటీ ఎం.రాజేంద్ర తెలిపారు. సోమవారం సాయంత్రం ముందస్తు సమాచారం మేరకు మండలంలోని పెదబొండపల్లి గ్రామంవద్ద బొలెరో వాహనంలో 54 ప్లాస్టిక్‌ సంచుల్లో తరలిస్తున్న 2700 కిలోల పీడీఎస్‌ బియ్యం విజిలెన్స్‌ ఎస్సై రామారావు ఆధ్వర్యంలో పట్టుకున్నట్లు తెలిపారు. ఈ సందర్భంగా ఆయన మాట్లాడుతూ పీడీఎస్‌ బియ్యాన్ని విక్రయించినా, కొనుగోలు చేసినా, నిల్వ చేసినా చట్టపరమైన చర్యలు తీసుకోనున్నట్లు హెచ్చరించారు. కార్యక్రమంలో కానిస్టేబుల్‌ లక్ష్మీనారాయణ తదితరులు పాల్గొన్నారు.

పనులు నిలిచిపోవడంతో కత్తులకవిటి వద్ద వెలవెలబోతున్న పాత ఆయకట్టు ఎడమకాలువ ● తోటపల్లి ఆయకట్టు రైతులకు కూటమి వెన్నుపోటు ● రూ.193 కోట్లతో జరుగుతున్న ఆధునికీకరణ పనులను రద్దు చేసిన ప్రభుత్వం ● రబీ సాగుకు నీరు విడిచిపెట్టని జలవనరులశాఖ అధికారులు ● వాస్తవంగా పనులు చేసేందుకు అదును ఇదే.. ● కాలువల పనులు చేపట్టకపోతే ఆయకట్టు శివారు భూములకు సాగునీరు ప్రశ్నార్థకమే.. ● తోటపల్లి పాత ఆయకట్టు సుమారు 64 వేల ఎకరాలు చిత్తశుద్ధి ఉంటే పనులు చేయండి ఎన్నికల ముందు రైతులకు ఇచ్చిన మాటను కూటమి నాయకులకు చిత్తశుద్ధి ఉంటే నిలబెట్టుకోవాలి. ఇలా అర్ధాంతరంగా కాలువ పనులు నిలిపివేయడం పద్ధతికాదు. రబీకి నీరవ్వనన్నారు... కనీసం ఖరీఫ్‌ నాటికై నా కాలువ పనులు చేపట్టి శివారు ఆయకట్టుకు నీరందేలా చొరవ చూపాలి. – కర్రి లీలాప్రసాదరావు, వైఎస్సార్‌సీపీ జిల్లా కార్యదర్శి, నడుకూరు, వీరఘట్టం మండలం ప్రభుత్వానికి సమగ్ర నివేదిక ఇచ్చాం తోటపల్లి పాత ఆయకట్టు కాలువల ఆధునికీకరణ పనులు 25 శాతం కంటే తక్కువ జరిగినందున ఈ పనులు ప్రభుత్వం నిలిపివేసింది. ప్రస్తుతం పనులు చేపట్టేందుకు వాతావరణం అనుకూలంగా ఉందని, ఇక్కడ రైతుల పరిస్థితి, వారి జీవనాధారంపై ప్రభుత్వానికి సమగ్ర నివేదిక ఇచ్చాం. తదుపరి ప్రభుత్వ ఆదేశాల మేరకు చర్యలు తీసుకుంటాం. – వై.గన్నిరాజు, డీఈఈ, జలవనరులశాఖ, పాకొండ డివిజన్‌ వీరఘట్టం: తోటపల్లి జలాశయం.. పార్వతీపురం మన్యం, విజయనగరం, శ్రీకాకుళం జిల్లాల రైతులకు సాగునీటి ఆదరువు. ప్రాజెక్టులో నీరున్నా కాలువలు అభివృద్ధి చేయకపోవడంతో ఆయకట్టుకు పూర్తిస్థాయిలో నీరు అందడం లేదు. గతంలో విడుదల చేసిన రూ.193 కోట్ల ఖర్చుతో జరుగుతున్న పాత ఆయకట్టు కాల్వల ఆధునికీకరణ పనులను టీడీపీ కూటమి ప్రభుత్వం రద్దుచేయడంతో ఎక్కడి పనులు అక్కడ నిలిచిపోయాయి. వాస్తవంగా కాలువల పనులు చేపట్టేందుకు ఇదే అదును. ఇప్పటి నుంచి నిరంతరాయంగా 6 నెలల పాటు పనులు చేపడితే వచ్చే ఖరీఫ్‌ సీజన్‌లో పుష్కలంగా శివారు భూములకు సాగునీరందించవచ్చు. ప్రభుత్వ తీరుతో పాత ఆయకట్టు పనులు ఎక్కడి వేసిన గొంగళి అక్కడే అన్న చందంగా మారాయి. ఇదే పరిస్థితి కొనసాగితే రానున్న ఖరీఫ్‌ సీజన్‌కు శివారు భూములకు సాగునీరు ప్రశ్నార్ధకమేనని రైతులు ఆవేదన చెందుతున్నారు. కాలువల పనులు నిలిచిపోయాయి... జలశయంలోని నీటిని రబీ పంటల సాగుకు విడిచిపెట్టాలని రైతులు విజ్ఞప్తిచేస్తున్నా పట్టించుకునేవారే కరువయ్యారు. నీరు విడుదల అంశం తమ చేతిలో లేదంటూ జలవనరులశాఖ అధికారులు చేతులెత్తేస్తున్నారు. ● ఇదీ పరిస్థితి... 2014–19 మధ్య కాలంలో టీడీపీ ప్రభుత్వ హయాంలో తోటపల్లి కాలువల ఆధునికీకరణ పనులు కేవలం 9 శాతం మాత్రమే జరగగా అప్పటి టీడీపీ ప్రభుత్వం చిల్లిగవ్వ కూడా బిల్లులు చెల్లించలేదు. 2019లో అధికారంలోకి వచ్చిన వైఎస్సార్‌సీపీ ప్రభుత్వం 2019–24 వరకు 14 శాతం పనులు పూర్తిచేసింది. రెండు విడతలకు 2021 మార్చి 31న రూ.15.96కోట్లును, తర్వాత 2022 మార్చి 31న రూ.7.63కోట్లను అప్పటి వరకు జరిగిన పనులకు గత వైఎస్సార్‌సీపీ ప్రభుత్వం బిల్లులు చెల్లించింది. ఇంత వరకు 23 శాతం పనులు మాత్రమే జరిగాయని చెప్పి తోటపల్లి ఆధునికీకరణ పనులను రద్దుచేయడంపై విమర్శలు వెల్లువెత్తుతున్నాయి. పనులు పూర్తిచేసేలా చూడాలే తప్ప పనులను రద్దుచేయడం ఏమిటని రైతులు ప్రశ్నిస్తున్నారు. నమ్మించి మోసం చేశారు.. గతేడాది జరిగిన సార్వత్రిక ఎన్నికల సమయంలో కూటమి ప్రభుత్వం అధికారంలోకి వస్తే తోటపల్లి పాత ఆయకట్టు కాలువల ఆధునికీకరణ పనులను శరవేగంగా పూర్తి చేసి మూడు పంటలకు నీరిస్తామని నమ్మబలికారు. ఇప్పుడేమో కాలువ పనులు 25 శాతం కూడా పూర్తి కానందున తోటపల్లిని ప్రాధాన్యత ప్రాజెక్టుల నుంచి తప్పించారు. ఫలితంగా తోటపల్లి పాత ఆయకట్టు కాలువల్లో జరుగుతున్న ఆధునికీకరణ పనులు ఎక్కడివక్కడే నిలిచిపోయాయి. కాలువ పనులు నెమ్మదిగా జరుగుతున్నాయని చెప్పింది కూటమి నాయకులే... ఎన్నికల ప్రచారంలో భాగంగా ఈ ప్రాంతానికి ప్రతిపక్ష నాయకుడి హోదాలో వచ్చిన ప్రస్తుత ముఖ్యమంత్రి నారా చంద్రబాబునాయుడు ఇక్కడ సెల్ఫీ కూడా తీసుకున్నారు.. తీరా అధికారం చేపట్టాక తోటపల్లి ప్రాజెక్టు పాత ఆయకట్టు పనులను నిలిపివేయడంపై రైతులు మండిపడుతున్నారు. నమ్మించి మోసం చేశారని వాపోతున్నారు. రబీకి నీరివ్వరంట... తోటపల్లి పాత ఆయకట్టు ఆధునికీకరణ పనులు ఆగినందున కనీసం ఈ రబీలోనైనా తోటపల్లి పాత ఆయకట్టుకు సాగునీరు విడుదల చేయాలని ఇటీవల నూతనంగా ఎంపికై న 25 మంది నీటి సంఘాల అధ్యక్షులు, టీసీలతో కలిసి జలవనరులశాఖ అధికారులను కోరారు. తోటపల్లి పాత ఆయకట్టు పరిధిలో ఉన్న కుడి, ఎడమ కాలువల్లో ఆధునికీకరణ పనులను ప్రభుత్వం రద్దు చేసిందని జలవనరులశాఖ అధికారులు స్పష్టం చేశారని, ప్రాజెక్టుల్లో గరిష్ట నీటి మట్టం 105 మీటర్లు కాగా ప్రస్తుతం ప్రాజెక్టులో 104.15 మీటర్లు ఉందని, పాత ఆయకట్టు కాలువల ద్వారా రబీ సాగుకు నీరు విడుదల చేయాలని విజ్ఞప్తి చేసినా కుదరదని ప్రాజెక్టు అధికారులు తేల్చిచెప్పడం గమనార్హం. ఖరీఫ్‌ పరిస్థితి? రబీకి సాగునీరు విడుదల చేయలేమని అధికారులు చేతులెత్తేశారు. మరి రానున్న ఖరీఫ్‌కు పాలకొండ శివారు వరకు నీరు వస్తుందా అంటే అది కూడా ప్రశ్నార్థకంగానే మారింది. పాత ఆయకట్టు కాలువల కింద సుమారు 64 వేల ఎకరాల సాగుభూమి ఉంది. ఏటా ఖరీఫ్‌లో జూలై, ఆగస్టు నెలల్లో సాగునీరు విడుదల చేస్తున్నారు. నవంబర్‌ నెలాఖరున నీటిని నిలుపుదల చేస్తున్నారు. రెండు పంటలకు నీరివ్వాల్సి ఉన్నా ఆ దిశగా అడుగులు పడడం లేదు. ప్రస్తుతం కాలువ పనులకు వాతావరణం అనుకూలంగా ఉన్నా పనులు చేయకుండా తోటపల్లిపై కూటమి ప్రభుత్వం నిర్లక్ష్యధోరణి ప్రదర్శిస్తుండడంపై రైతన్నలు మండిపడుతున్నారు. ఇప్పుడు పనులు చేపట్టకపోతే రానున్న ఖరీఫ్‌కు సాగునీరు వస్తుందా అని ప్రశ్నిస్తున్నారు. పనులు వెంటనే ప్రారంభించాలి తోటపల్లి పాత ఆయకట్టును సస్యశ్యామలం చేస్తామని ఎన్నికల ముందు రైతాంగానికి కల్లబొల్లి మాటలు చెప్పిన కూటమి ప్రభుత్వం... ప్రస్తుతం ప్రాధాన్యతా జాబితా నుంచి తోటపల్లి ఆధునికీకరణ పనులను తప్పించడం సరైన విధానం కాదు. తోటపల్లి కాలువ పనులు పూర్తి చేస్తారని మిమ్మిల్ని నమ్మి ఓట్లు వేసిన రైతన్నలను మోసం చేయడం పద్ధతి కాదు. ఆపేసిన తోటపల్లి పాత ఆయకట్టు ఆధునికీకరణ పనులను వెంటనే ప్రారంభించాలి. – జంపు కన్నతల్లి, జెట్పీటీసీ సభ్యురాలు, వీరఘట్టం

బొండపల్లి: మండలంలోని బిళ్లలవలస గ్రామం డయేరియాతో మంచంపట్టింది. మూడు రోజుల వ్యవధిలో 16 మంది డయేరియాతో అస్వస్థతకు గురయ్యారు. వీరిలో ఎనిమిది మంది వివిధ ఆస్పత్రుల్లో వైద్యసేవలు పొందుతుండగా, మరో ఎనిమిది మంది గ్రామంలో ఏర్పాటుచేసిన వైద్యశిబిరంలో సేవలు పొందుతున్నారు. ఈ నెల 17న పత్తిగుళ్ల దీపికకు డయేరియా లక్షణాలు కనపడడంతో విజయనగరంలోని ఘోష ఆస్పత్రికి తరలించారు. అదే రోజు పత్తిగుళ్ల రాజశేఖర్‌ను ఓ ప్రైవేటు ఆస్పత్రికి, వెంపడాపు పైడితల్లిని జిల్లా కేంద్రాస్పత్రికి తీసుకెళ్లారు. 18వ తేదీన రౌతు చరణ్‌ తేజ, సుంకరి అప్పలనాయుడు, ఇపర్తి సీతమ్మను, 20వ తేదీ ఉదయం నక్కాన పైడమ్మకు వాంతలు, విరేచనాలు కావడంతో స్థానికంగా ఉన్న ఆస్పత్రులకు తీసుకెళ్లారు. గ్రామంలో పలువురిలో డయేరియా లక్షణాలు కనిపించడంతో బొండపల్లి పీహెచ్‌సీ వైద్యాధికారి ఎల్‌.సత్యనారాయణ, సమీరాలు సచివాలయంలో ఏర్పాటుచేసిన వైద్య శిబిరంలో సేవలందించారు. ఇంటింట సర్వే చేసి డయేరియా బాధిత లక్షణాలు ఉన్నవారికి సేవలందిస్తున్నారు. పత్తిగుళ్ల బంగారయ్య, గౌరి, అప్పారావు, పతివాడ సూర్యకళ, బూర అప్పయ్యమ్మ, రౌతు అప్పయ్యమ్మ, ఎర్రి యామిని, సుంకరి అప్పయ్యమ్మకు గ్రామంలోనే వైద్యసేవలందించారు. ఎలాంటి ప్రాణాపాయంలేదని, రోగులు కోలుకుంటున్నట్టు పీహెచ్‌సీ వైద్యులు తెలిపారు. కొందరు డిశ్చార్జ్‌ అయ్యారన్నారు. కలుషిత ఆహారం తినడం వల్లే డయేరియా సోకినట్టు గుర్తించామన్నారు. గ్రామాన్ని సందర్శించిన డీఎంహెచ్‌ఓ డయేరియా ప్రబలిన సమాచారం అందుకున్న జిల్లా వైద్య ఆరోగ్యశాఖ అధికారిణి జీవనరాణి, అడిషనల్‌ డీఎంహెచ్‌ఓ రాణిలు గ్రామాన్ని సోమవారం సందర్శించారు. డయేరియా వ్యాప్తిపై ఆరాతీశారు. వైద్య సిబ్బందికి పలు సూచనలు చేశారు. డయేరియా కట్టడిలో నిర్లక్ష్యం చేస్తే చర్యలు తప్పవని హెచ్చరించారు. క్లోరిన్‌ మాత్రలను ఇంటింటికి పంపిణీ చేయాలన్నారు. అనంతరం గ్రామంలోని తాగునీటి పథకాలు, కాలువలను పరిశీలించారు. జిల్లా కేంద్రంలోని ఓ ప్రైవేటు ఆస్పత్రిలో చికిత్స పోందుతున్న రోగిని పరామర్శించి రోగి ఆరోగ్య పరిస్థితిపై ఆరా తీశారు. ఆరు బయటే వైద్యం మూడు రోజుల వ్యవధిలో వ్యాధిబారిన పడి 16 మంది అస్వస్థత వీరిలో 8 మందికి వివిధ ఆస్పత్రుల్లో వైద్యసేవలు కలుషిత ఆహారమే కారణమని తేల్చిన వైద్యులు గ్రామంలోని సచివాలయం వద్ద ఏర్పాటు చేసిన వైద్య శిబిరంలో రోగులకు సరైన సౌకర్యాలు కల్పనలో వైద్యసిబ్బంది విఫలమయ్యారు. ఆరుబయటే రోగులకు వైద్యసేవలు అందించడంపై గ్రామస్తులు మండిపడ్డారు. పెంట కృష్ణమ్మ, ఎర్రి యామిని తదితరులు తమ ఇంటి నుంచి తెచ్చుకున్న మంచంపైనే సచివాలయం బయట వైద్యసేవలు పొందారు. డయేరియా వ్యాప్తితో ఆర్‌డబ్ల్యూఎస్‌, పంచాయతీ అధికారులు అప్రమత్తమయ్యారు. తాగునీటి పథకాన్ని క్లోరినేషన్‌ చేయడంతో పాటు, కాలువల్లో బ్లీచింగ్‌ చల్లి, పూడికలను తొలగించారు. తాగునీటి శాంపిల్స్‌ను పరీక్షల కోసం ల్యాబ్‌కు పంపించినట్టు ఎంపీడీఓ గిరిబాల తెలిపారు.

విజయనగరం ఫోర్ట్‌: రైతుల నుంచి బస్తాకు అదనంగా రెండు కేజీలు చొప్పన మిల్లర్లు వసూలు చేస్తున్నారనే అంశంపై ‘ఇదేం దోపిడీ..! శీర్షికన ‘సాక్షి’లో సోమవారం ప్రచురితమైన కథనానికి వ్యవసాయ, సివిల్‌ సప్‌లై అధికారులు స్పందించారు. గంట్యాడ మండలంలోని సిరిపురం రైతు సేవా కేంద్రం (రైతు భరోసా కేంద్రం)ను సివిల్‌ సప్‌లై డీటీ మూర్తి, మండల వ్యవసాయ అధికారి బి.శ్యామ్‌కుమార్‌ పరిశీలించారు. ధాన్యం కొనుగోలుకు సంబంఽధించిన రికార్డులు, ట్రక్‌ షీట్లను తనిఖీచేశారు. 110 ఏళ్ల వృద్ధురాలు మృతి గుర్ల: మండలంలోని రాగోలులో 110 ఏళ్ల వయస్సు గల వృద్ధురాలు దిండి రాములమ్మ సోమవారం మృతి చెందింది. ఆమె మృతి చెందిన వరకు ఎటువంటి అనార్యోగం దరి చేర లేదని కుటుంబ సభ్యులు తెలిపారు. ప్రపంచాన్ని గడగడలాడించిన కరోనా సైతం ఆమెకు భయపడిందంటూ గ్రామస్తులు చర్చించుకుంటున్నారు. గ్రామంలో అత్యధిక వయస్కురాలు మృతి చెందడంపై విచారం వ్యక్తంచేశారు. మృతురాలికి ముగ్గురు మగ పిల్లలు, ఇద్దరు ఆడ పిల్లలు ఉన్నారు. గణతంత్ర వేడుకలకు పక్కా ఏర్పాట్లు ● కలెక్టర్‌ డాక్టర్‌ బీఆర్‌ అంబేడ్కర్‌ విజయనగరం అర్బన్‌: జిల్లా కేంద్రంలోని పోలీస్‌ పరేడ్‌ గ్రౌండ్‌లో ఈ నెల 26న గణతంత్ర వేడుకలను ఘనంగా నిర్వహించేందుకు అవసరమైన అన్ని ఏర్పాట్లు చేయాలని కలెక్టర్‌ డాక్టర్‌ బీఆర్‌ అంబేడ్కర్‌ జిల్లా అధికారులను ఆదేశించారు. గణతంత్ర వేడుకల నిర్వహణపై కలెక్టర్‌ జిల్లా అధికారులతో సోమవారం సమీక్షించారు. ప్రశంసా పత్రాల కోసం ఉద్యోగుల పేర్లను సిఫారుసు చేస్తూ వెంటనే లేఖలు అందజేయాలని ఆదేశించారు. ప్రభుత్వశాఖల ఆధ్వర్యంలో చేపట్టిన కార్యక్రమాలపై శకటాల ప్రదర్శన, స్టాల్స్‌ ఏర్పాటు చేయాలని చెప్పారు. రెవెన్యూ, మున్సిపల్‌ తదితర శాఖల అధికారులు మైదానాన్ని సిద్ధం చేయడం, వేదిక, తాత్కాలిక మరుగుదొడ్ల ఏర్పాట్లు చూడాలన్నారు. సమావేశంలో జాయింట్‌ కలెక్టర్‌ ఎస్‌.సేతుమాధవన్‌, డీఆర్‌ఓ ఎస్‌.శ్రీనివాసమూర్తి, ఆర్డీఓ దాట్ల కీర్తి, తదితరులు పాల్గొన్నారు. ఇండియా బుక్‌ ఆఫ్‌ రికార్డ్స్‌లో ప్రసాద్‌ ● రెడ్‌క్రాస్‌పై విడుదలైన స్టాంప్స్‌ సేకరణ ● 177 దేశాల్లో విడుదలైన స్టాంపులు, కవర్లు సేకరణ ● గతంలో గాంధీజీపై స్టాంప్స్‌ సేకరణలో రికార్డు చీపురుపల్లి: ఇండియా బుక్‌ ఆఫ్‌ రికార్డ్స్‌లో చీపురుపల్లి పట్టణంలోని శ్రీనివాసా జూనియర్‌ కళాశాల ప్రిన్సిపాల్‌ ఏడీఎన్‌ఎస్‌వీ ప్రసాద్‌ స్థానం దక్కించుకున్నారు. ఇండియన్‌ రెడ్‌క్రాస్‌ సంస్థపై ముద్రించిన స్టాంప్స్‌, కవర్స్‌ను సేకరించి అవార్డును అందుకున్నారు. 2011 నుంచి 2024 మధ్య ప్రపంచ వ్యాప్తంగా 177 దేశాల్లో రెడ్‌క్రాస్‌ సంస్థ పేరుతో విడుదలైన 1313 స్టాంప్స్‌, కవర్స్‌ను ప్రసాద్‌ సేకరించారు. దీనికి గాను ఇండియా బుక్‌ ఆఫ్‌ రికార్డ్స్‌ ఆయనను గుర్తించి అవార్డుకు ఎంపిక చేసి మెడల్‌, ధ్రువీకరణ పత్రం, జ్ఞాపికను ఆ సంస్థ చీఫ్‌ ఎడిటర్‌ డా.బిస్వరూప్‌ రాయ్‌ చౌదరి ప్రదానం చేశారు. ప్రసాద్‌ గతంలో కూడా బాపూజీపై ప్రపంచ వ్యాప్తంగా విడుదలైన స్టాంప్స్‌ సేకరణలో ఇండియా బుక్‌ ఆఫ్‌ రికార్డ్స్‌లో స్థానం సంపాదించారు. ఆయనను కళాశాల అధ్యాపకులు, సిబ్బంది అభినందించారు.

చికెన్‌బ్రాయిలర్‌ లైవ్‌ డ్రెస్‌డ్‌ స్కిన్‌లెస్‌ శ్రీ147 శ్రీ264 శ్రీ274చీపురుపల్లి: చాలాకాలం తరువాత చీపురుపల్లి పట్టణంలో జరిగిన చోరీలు కలకలం సృష్టించాయి. అందులోనూ ఒకే రోజు మూడిళ్లలో చోరీ జరగడం స్థానికంగా భయాందోళనకు దారితీసింది. పథకం ప్రకారమే దుండగులు మూడిళ్లలో ప్రవేశించినట్లు అనుమానాలు వ్యక్తమవుతున్నాయి. అయితే చోరీ జరిగిన మూడిళ్లలోనూ ఎవరూ లేకపోవడం, తాళాలు వేసి ఉండడంతోనే ఆ ఇళ్లనే దుండగులు ఎంచుకున్నట్లు తెలుస్తోంది. మూడిళ్లలో చోరీలకు పాల్పడినప్పటికీ రెండిళ్లలో ఎలాంటి విలువైన వస్తువులు లభించకపోగా ఒక ఇంటిలో కేజీ 350 గ్రాములు వెండి, 700 గ్రాముల బంగారం చోరీకి గురయ్యాయి. ఆదివారం రాత్రి జరిగిన ఈ చోరీలకు సంబంధించి సోమవారం ఉదయం స్థానికులు ఇచ్చిన సమాచారం మేరకు ఎస్సై ఎల్‌.దామోదరరావు దర్యాప్తు నిర్వహించి తెలియజేసిన వివరాలిలా ఉన్నాయి. పట్టణంలోని లెక్చరర్స్‌ కాలనీలో నివాసం ఉంటున్న విశ్రాంత ఉపాధ్యాయుడు పెద్ది మహేశ్వరరావు, రామకృష్ణారెడ్డి కుటుంబాలు క్యాంప్‌లో ఉండడంతో వారి ఇళ్ల తాళాలు పగలుగొట్టి దుండగులు లోనికి ప్రవేశించారు. అలాగే కోటదుర్గమ్మవారి వీధిలో అరబిందో అపార్ట్‌మెంట్‌లో నివాసం ఉంటున్న బొత్స శ్రీహరిరావు నివాసంలో కూడా ఎవరూ లేకపోవడంతో ఇంటిలోకి దుండగులు ప్రవేశించారు. అయితే రామకృష్ణారెడ్డి, శ్రీహరిరావు ఇళ్లల్లో విలువైన వస్తువులు లేకపోవడంతో ఇళ్లను చిందరవందర చేశారు. లెక్చరర్స్‌ కాలనీకి చెందిన పెద్ది మహేశ్వరరావు నివాసంలో కేజీ 350 గ్రాములు వెండి, 7 గ్రాములు బంగారం అపహరించుకుపోయారు. క్లూస్‌ బృందాలు సంఘటనా స్థలానికి చేరుకుని నేరస్థుల ఆధారాలు సేకరించాయి. ఈ మేరకు కేసు నమోదు చేసినట్లు ఎస్సై దామోదరరావు తెలిపారు. ఒకే రోజు మూడిళ్లలో చోరీ కేజీ 350 గ్రాములు వెండి, 7 గ్రాముల బంగారం అపహరణ ఆధారాలు సేకరించిన క్లూస్‌ టీమ్‌

మంత్రి ఇలాకాలోఆకస్మిక దాడులు చేస్తున్నాం గ్రామాల్లో ఆకస్మిక దాడులు చేసి బెల్టుషాపుల నిర్వాహకులపై కేసులు నమోదు చేస్తున్నాం. బెల్టు షాపుల నిర్వహణ కోసం వేలం పాటలు నిర్వహించిన విషయం తెలియరాలేదు. సిబ్బందిని పంపించి చర్యలు తీసుకుంటాం. – విజయలక్ష్మి, ఎకై ్సజ్‌ శాఖ సర్కిల్‌ ఇన్‌స్పెక్టర్‌● షాపుల నిర్వహణ కోసం గ్రామాల్లో వేలం పాటలు ● నిర్వాహకులకు మంత్రి బంధువుల అండదండలు ● ప్రతి గ్రామంలో 5 నుంచి 10 వరకు బెల్టుషాపుల నిర్వహణ ● చోద్యం చూస్తున్న ఎకై ్సజ్‌ శాఖ అధికారులుగంట్యాడ: మండలంలోని ఓ గ్రామంలో బెల్టు షాపు నిర్వహణకు కొద్ది రోజుల క్రితం వేలం పాట నిర్వహించారు. ఆ గ్రామంలో సుమారు రూ. 5 లక్షల వరకు ఓ వ్యక్తి వేలం పాటలో పాడుకున్నట్లు సమాచారం. ఈ గ్రామంలో వేలంపాట నిర్వహించే ముందు మంత్రి కొండపల్లి శ్రీనివాస్‌ బంధువు ఒకరిని గ్రామస్తులు కలిసినట్లు సమాచారం. మీకు ఏమీ ఫర్వాలేదు. నేను చూసుకుంటూ..మీరు వేలం పాట పెట్టుకోండి అని సదరు బంధువు గ్రామస్తులకు అభయం ఇచ్చినట్లు ఆరోపణలు వినిపిస్తున్నాయి. మండలం కేంద్రానికి అతి సమీపంలో ఉన్న మరో గ్రామంలో బెల్టు షాపు నిర్వహణకు వేలం పాట నిర్వహించారు. వేలం పాటలో ఓ వ్యక్తి రూ.4 లక్షలకు బెల్టుషాపును దక్కించుకున్నట్లు తెలిసింది. దీంతో నిర్భయంగా బెల్టు షాపు నిర్వహించుకుంటున్నారు. ● మండలంలోని మరో గ్రామంలో బెల్ట్‌షాపు కోసం వేలం పాట నిర్వహించారు. ఇందులో ఓ వ్యక్తి రూ.4 లక్షలకు వేలం పాట దక్కించుకున్నట్లు తెలిసింది. దీంతో ఈ గ్రామంలో కూడా మద్యం యథేచ్ఛగా విక్రయిస్తున్నట్లు విమర్శలు వ్యక్తమవుతున్నాయి. ఈ మూడు గ్రామాల్లో బెల్టు షాపుల కోసం వేలం పాటలు జరిగాయి. వేలం పాటలు లేకుండానే పలు గ్రామాల్లో బెల్టుషాపులు నిర్వహిస్తున్నారు. అధికారం ఉంది కదా అని అధికార పార్టీ నేతలే బెల్టుషాపులు ఎక్కువగా నిర్వహిస్తున్నట్లు విమర్శలు వెలువెత్తుతున్నాయి. గ్రామాల్లో 5 నుంచి 10 వరకు బెల్టుషాపులు గ్రామాల్లో సందుకు ఒకటి, పుట్టకొకటి చొప్పున బెల్టుషాపులు వెలిశాయి. వేలం పాట జరిగిన గ్రామాల్లో మినహాయిస్తే మిగిలిన గ్రామాల్లో 5 నుంచి 10 వరకు బెల్టుషాపులు వెలిశాయి. కొన్ని గ్రామాల్లో 15 నుంచి 20 వరకు బెల్టుషాపులు ఉన్నాయి. ఏటీఎంల మాదిరి బెల్టుషాపుల నిర్వహణ గ్రామాల్లో బెల్టు షాపులు ఏటీఎం (ఎనీ టైమ్‌ మద్యం) మాదిరి నిర్వహిస్తున్నారు. అర్ధరాత్రి అయినా, తెల్లవారుజామున అయినా ఎప్పుడు కావాలంటే అప్పుడు విచ్చలవిడిగా మద్యం విక్రయిస్తున్నారు. కొంతమంది అయితే బ్రష్‌ చేయడం కంటే ముందే మద్యం తాగుతున్నారు. దీన్ని బట్టి పరిస్థితి ఎంత దారుణంగా ఉందో అర్థం చేసుకోవచ్చు. పట్టించుకోని ఎకై ్సజ్‌ శాఖ అధికారులు గ్రామాల్లో బెల్టుషాపులు యథేచ్ఛగా నిర్వహిస్తున్నప్పటికీ చర్యలు చేపట్టాల్సిన ఎకై ్సజ్‌శాఖ చోద్యం చూస్తోందనే విమర్శలు వినిపిస్తున్నాయి. కొంతమంది ఎకై ్సజ్‌ శాఖ అధికారులు అయితే ఎవరైనా బెల్టు షాపుల గురించి సమాచారం ఇస్తే ఆ సమాచారాన్ని వెంటనే బెల్టు షాపులకు చేరవేరస్తున్నారు. దీంతో వారు సమాచారం ఇచ్చిన వారిని బెదిరిస్తున్నట్లు ఆరోపణలు వినిపిస్తున్నాయి.చంద్రబాబువి ఉత్తి మాటలే! బెల్టు షాపులు నిర్వహిస్తే తోలు తీస్తాం, నార తీస్తాం అని ముఖ్యమంత్రి చంద్రబాబు ప్రకటించారు. కానీ సాక్షాత్తు జిల్లాకు చెందిన మంత్రి కొండపల్లి శ్రీనివాస్‌ ప్రాతినిధ్యం వహిస్తున్న మండలంలోనే బెల్టుషాపులు విచ్చలవిడిగా వెలిశాయి. కొన్ని గ్రామాల్లో బెల్టుషాపుల కోసం వేలం పాటలు కూడా నిర్వహించారు. బెల్టు షాపుల నిర్వహణకు మంత్రి అండదండలు ఉన్నాయనే ఆరోపణలు పెద్ద ఎత్తున వినిపిస్తున్నాయి.

పార్వతీపురం: ప్రజాసమస్యల పరిష్కారమే ధ్యేయంగా పనిచేయాలని కేఆర్‌ఆర్‌సీ ఉప కలెక్టర్‌ పి.ధర్మచంద్రారెడ్డి అధికారులను ఆదేశించారు. ఈ మేరకు సోమవారం కలెక్టరేట్‌లో ప్రజా సమస్యల పరిష్కార వేదిక(పీజీఆర్‌ఎస్‌) కార్యక్రమం నిర్వహించి అర్జీదారుల నుంచి 68 వినతులను స్వీకరించారు. ఈ సందర్భంగా ఆయన మాట్లాడుతూ పీజీఆర్‌ఎస్‌కు ప్రభుత్వం అత్యంత ప్రాధాన్యం ఇస్తోందన్నారు. సమస్యకు నాణ్యమైన పరిష్కారం చూపాలని, తద్వారా అర్జీదారు సంతృప్తి వ్యక్తం చేసేలా పరిష్కారం ఉండాలని పేర్కొన్నారు. ఎట్టి పరిస్థితులోను ఒకసారి వచ్చిన అర్జీ మళ్లీ రీ ఓపెన్‌ కారాదని అధికారులకు స్పష్టం చేశారు. పీజీఆర్‌ఎస్‌ పర్యవేక్షణ కోసం జిల్లా స్థాయిలో నోడల్‌ అధికారిని నియమించినట్లు తెలిపారు. కార్యక్రమంలో జిల్లా వ్యవసాయాధికారి రాబర్ట్‌పాల్‌, జిల్లా పశుసంవర్థకశాఖాధికారి డాక్టర్‌ ఎస్‌.మన్మథరావు, ఏపీఈపీడీసీఎల్‌ ఎస్‌ఈ లక్ష్మణరావు, డ్వామా పీడీ రామచంద్రరావు, ఆర్‌డబ్ల్యూఎస్‌ ఈఈ ప్రభాకరరావు తదితరులు పాల్గొన్నారు. పీజీఆర్‌ఎస్‌కు 25 వినతులు సీతంపేట: స్థానిక ఐటీడీఏలో సోమవారం నిర్వహించిన ప్రజాసమస్యల పరిష్కార వేదికకు 25 వినతులు వచ్చాయి. పీహెచ్‌వో ఎస్‌వీ గణేష్‌ ఆధ్వర్యంలో కార్యక్రమాన్ని నిర్వహించారు. హుస్సేన్‌పురం సచివాలయం నుంచి గదబవలసకు బీటీ రోడ్డు మంజూరు చేయాలని పెద్దగదబవలసకు చెందిన ఆర్‌.కృష్ణ వినతి అందజేశారు. మూలగూడకు చెందిన మండల పరిషత్‌ స్కూల్‌కు ప్రహరీ, మరుగుదొడ్లు మంజూరు చేయాలని పి.చౌదరి కోరారు. వజ్జాయిగూడ గ్రామస్తులు కమ్యూనిటీ హాల్‌ మంజూరు చేయాలని విజ్ఞప్తి చేశారు. ట్రైకార్‌ రుణాలు ఇప్పించాలని పలువురు కోరారు. గిరిజన సంక్షేమశాఖ డీడీ అన్నదొర, ట్రైబల్‌ వెల్ఫేర్‌ ఇంజినీరింగ్‌ ఈఈ రమాదేవి, వెలుగు ఏపీడీ సన్యాసిరావు, ఏటీడబ్ల్యూవో మంగవేణి తదితరులు కార్యక్రమంలో పాల్గొన్నారు. సాలూరులో 139 అర్జీలు సాలూరు: మున్సిపల్‌ కార్యాలయంలో సోమవారం నిర్వహించిన ప్రజాసమస్యల పరిష్కార వేదికకు 139 అర్జీలు వచ్చినట్లు అధికారులు తెలిపారు. రాష్ట్ర సీ్త్రశిశుసంక్షేమం, గిరిజన సంక్షేమశాఖమంత్రి గుమ్మడి సంధ్యారాణి, అధికారులు ప్రజల నుంచి అర్జీలను స్వీకరించారు. అవకాశమున్న సమస్యలను తక్షణమే, మిగిలిన సమస్యలను ప్రాధాన్య క్రమంలో పరిష్కరించాలని అధికారులను మంత్రి ఆదేశించారు. కార్యక్రమంలో డీఆర్‌ఓ హేమలత, మున్సిపల్‌ కమిషనర్‌ సత్యనారాయణ, డీఎల్‌డీఓ రమేష్‌రామన్‌, ఐటీడీఏ డీఈ బలివాడ సంతోష్‌, జీఎస్‌డబ్ల్యూఎస్‌ డిస్ట్రిక్ట్‌ కో ఆర్డినేటర్‌ చిట్టిబాబు, పలువురు అధికారులు తదితరులు పాల్గొన్నారు. ఎస్పీ గ్రీవెన్స్‌ సెల్‌కు 5 ఫిర్యాదులు పార్వతీపురంటౌన్‌: ప్రజా సమస్యల పరిష్కార వేదికకు అందే ఫిర్యాదుల పరిష్కారంలో అలసత్వం వద్దని అదనపు ఎస్పీ డా.ఒ.దిలీప్‌ కిరణ్‌ అన్నారు. ఈ మేరకు సోమవారం జిల్లా పోలీస్‌ కార్యాలయంలో ప్రజా సమస్యల పరిష్కార వేదిక కార్యక్రమాన్ని ఆయన నిర్వహించి 5 ఫిర్యాదులు స్వీకరిచారు. ఈ కార్యక్రమానికి జిల్లా నలుమూలల నుంచి వచ్చిన ఫిర్యాదుదారుల నుంచి ఫిర్యాదులను స్వీకరించి, బాధితులతో మాట్లాడి సమస్యలను అడిగి తెలుసుకుని, వారి ఫిర్యాదులను పరిశీలించారు. కుటుంబ కలహాలు, సైబర్‌ మోసాలు, తల్లిదండ్రుల వేధింపులు, భర్త/అత్తారింటి వేధింపులు, భూ–ఆస్తి వివాదాలు, నకిలీ పత్రాలు, అధిక వడ్డీలు, ఆన్‌లైన్‌ మోసం, ప్రేమ పేరుతో మోసం, ఇతర సమస్యలపై ఫిర్యాదుదారులు స్వేచ్ఛగా విన్నవించుకోగా, వారి సమస్యలపై సంబంధిత పోలీసు అధికారులతో అదనపు ఎస్పీ స్వయంగా ఫోన్‌లో మాట్లాడి ఫిర్యాదు అంశాలను పరిశీలించి, వాటి పూర్వాపరాలను విచారణ చేసి, ఫిర్యాదు అంశాలు వాస్తవాలైనట్లయితే చట్ట పరిధిలో తక్షణ చర్యలు చేపట్టాలని ఆదేశించారు. కార్యక్రమంలో అదనపు ఎస్పీతో పాటు ఎస్సై ఫకృద్దీన్‌, సిబ్బంది పాల్గొన్నారు.

చీపురుపల్లి రూరల్‌(గరివిడి): గరివిడి మండలంలోని తోండ్రంగి జిల్లా పరిషత్‌ ఉన్నత పాఠశాలకు చెందిన విద్యార్థులు జాతీయస్థాయి సైక్లింగ్‌ పోటీలకు ఎంపికయ్యారు. డిసెంబర్‌ 21 నుంచి 23 వరకు కృష్ణా జిల్లాలో జరిగిన రాష్ట్రస్థాయి సైక్లింగ్‌ పోటీల్లో పాఠశాలకు చెందిన విద్యార్థులు సీహెచ్‌.నారాయణరావు, బి.అనుపమ, జె.వెన్నెల, పి.థెరిసా, ఒ.సౌమ్య, ఎం.సౌజన్య, ఎన్‌.జ్యోషిత, కె.మాదురి, డి.హేమలత, ఎస్‌.అవినాష్‌, కె.కావ్య సత్తా చాటి జాతీయస్థాయి పోటీలకు ఎంపికయ్యారు. నెల 22 నుంచి 26 వరకు బీహార్‌ రాష్ట్రంలోని పాట్నాలో, ఝార్ఖండ్‌ రాష్ట్రంలోని రాంచిలో జరగనున్న జాతీయస్థాయి పోటీల్లో ఈ విద్యార్థులు ప్రతిభను చాటనున్నారు. జాతీయస్థాయి పోటీల్లో ప్రాతినిధ్యం వహించనున్న విద్యార్థులను పాఠశాల ప్రధానోపాధ్యాయుడు కడలి రమేష్‌కుమార్‌, పీడీ సత్యనారాయణ, ఉపాధ్యాయ సిబ్బంది అభినందించారు.

● ఎమ్మెల్సీలు తలశిల రఘురాం.. లేళ్ల అప్పిరెడ్డిపాలకొండ రూరల్‌: వైఎస్సార్‌ కాంగ్రెస్‌ పార్టీ ఆవిర్భావం నుంచి పాలవలస రాజశేఖరం ఈ ప్రాంతానికి పెద్దన్నలా కీలకంగా వ్యవహరించారని ఆ పార్టీ రాష్ట్ర కార్యాలయ నిర్వాహకులు, ప్రోగ్రాం కో–ఆర్డినేటర్‌ ఎమ్మెల్సీలు తలశిల రఘురాం, లేళ్ల అప్పిరెడ్డి, జేఏసీ కన్వీనర్‌ హర్షవర్ధన్‌ రెడ్డి తదితరులు అన్నారు. ఇటీవల మరణించిన పాలవలస రాజశేఖరం కుటుంబసభ్యులను సోమవారం వారి స్వగృహంలో పరామర్శించారు. ఈ క్రమంలో రాజశేఖరం సతీమణి ఇందుమతి, కుమారుడు, ఎమ్మెల్సీ విక్రాంత్‌, కుమార్తె, పాతపట్నం మాజీ ఎమ్మెల్యే రెడ్డి శాంతితో మాట్లాడుతూ వారి తండ్రితో వారికి ఉన్న వ్యక్తిగత అనుబంధాన్ని, కీలక సమయాల్లో పార్టీ అభ్యున్నతికి ఆయన అందించిన సలహాలు, కృషి గుర్తు చేసుకున్నారు. ఆయన లేని లోటు తీర్చలేదంటూ తమ ప్రగాఢ సానుభూతిని తెలియజేశారు. ఈ కలయికలో వారి వెంట నియోజకవర్గ మాజీ ఎమ్మెల్యే విశ్వాసరాయి కళావతి, ఏపీ టిడ్కో మాజీ చైర్మన్‌ జమ్మాన ప్రసన్నకుమార్‌, పాలవలస ధవళేశ్వరరావుతో పాటు పాలకొండ, పాతపట్నం, రాజాం నియోజకవర్గాలకు చెందిన పలువురు ప్రజాప్రతినిధులు, పార్టీశ్రేణులు ఉన్నారు. అంతకుముందు వీరు రాజశేఖరం చిత్రపటానికి పూలమాలలు వేసి నివాళులర్పించారు.

విజయనగరం అర్బన్‌: ప్రజా వినతుల పరిష్కార వేదికకు వచ్చే ప్రతి వినతికి పరిష్కారం చూపాల్సిందేనని కలెక్టర్‌ డాక్టర్‌ బీఆర్‌అంబేడ్కర్‌ స్పష్టం చేశారు. ప్రభుత్వం నిర్దేశించిన గడువులోగా వినతుల పరిష్కారం జరగాలన్నారు. ఆయా వినతుల తనిఖీ సందర్భంగా అర్జీదారు సంతృప్తి చెందే రీతిలో వినతిని పరిష్కరించలేదని నిర్ధారణ జరిగితే ఆ వినతిని మళ్లీ తెరిచి సంతృప్తికర పరిష్కారం చూపించాల్సి ఉంటుందన్నారు. కలెక్టరేట్‌లోని సమావేశ మందిరంలో సోమవారం నిర్వహించిన ప్రజాసమస్యల పరిష్కార వేదికలో కలెక్టర్‌ అంబేడ్కర్‌ పాల్గొని జాయింట్‌ కలెక్టర్‌ ఎస్‌.సేతుమాధవన్‌, డీఆర్‌ఓ శ్రీనివాసమూర్తి, ఆర్‌డీఓ కీర్తిలతో కలిసి వినతుల స్వీకరణ చేపట్టారు. ఈ సందర్భంగా వినతుల పరిష్కారంపై కలెక్టర్‌ సమీక్షించారు. ప్రజావినతుల పరిష్కార వేదికలో ప్రజల నుంచి వచ్చిన వినతులను ఆయా శాఖల జిల్లా అధికారులకు అందజేసి వాటిని పరిష్కరించాలని ఆదేశించారు. ఈ సందర్బంగా పలు సమస్యల పరిష్కారంపై 183 వినతులు అందాయి. ఆర్‌అండ్‌బీ స్థలం ఆక్రమణను అడ్డుకోవాలి చీపురుపల్లి మండలం పత్తికాయవలస గ్రామంలో లావేరు రోడ్డును ఆనుకుని ఉత్తర దిశగా ఆర్‌అండ్‌బీ రహదారిపై ఉన్న ప్రభుత్వ స్థలం ఆక్రమణకు గురైందని దాన్ని అడ్డుకోవాలని ఆ గ్రామ మాజీ సర్పంచ్‌ పట్ట ఎల్లయ్య కోరారు. కలెక్టరేట్‌లో సోమవారం జరిగిన ప్రజా వినతుల పరిష్కార వేదికకు ఆయనతోపాటు పలువురు గ్రామస్తులు వచ్చి ఫిర్యాదు చేశారు. ఈ అక్రమణపై స్థానిక తహసీల్దార్‌, ఆర్‌ఆండ్‌బీ అధికారులు, పోలీసులకు ఈ నెల 8న ఇచ్చిన ఫిర్యాదుపై సంబంధిత అధికారులు స్పందించి చీపురుపల్లి సర్వేయర్‌తో సర్వే చేశారు. ఆర్‌అండ్‌బీ స్థలంగా రుజువు అవడంతో ఖాళీ చేయమని ఆదేశాలిచ్చారు. అయితే అధికారుల ఆదేశాలను పట్టించుకోవడం లేదని జిల్లా స్థాయిలో చర్యలు తీసుకుని ఆక్రమణలను తొలగించాలని వారు కోరారు. ప్రజాసమస్యల పరిష్కారవేదికకు 32 ఫిర్యాదులు విజయనగరం క్రై మ్‌: ప్రజల సమస్యలు తక్షణ పరిష్కారానికి ‘ప్రజా సమస్యల పరిష్కార వేదిక’ ఎంతగానో ఉపయోగపడుతుందని ఎస్పీ వకుల్‌ జిందల్‌ పేర్కొన్నారు. జిల్లా పోలీసు కార్యాలయంలో సోమవారం ప్రజల నుంచి 32 ఫిర్యాదులను ఆయన స్వీకరించారు. ప్రజల సమస్యలను శ్రద్ధగా విని, సంబంధిత పోలీసు అధికారులతో వీడియో కాన్ఫరెన్స్‌లో మాట్లాడి, ఫిర్యాదుదారుల సమస్యల పరిష్కారానికి చట్టపరిధిలో చర్యలు చేపట్టి, న్యాయం చేయాలని అధికారులను ఆదేశించారు. కలెక్టర్‌ డాక్టర్‌ బీఆర్‌అంబేడ్కర్‌

గంట్యాడ: విశాఖపట్నం జిల్లా అంకుపాలెంలో ఈనెల 25, 26, 27 తేదీలలో 71 వ అంతర జిల్లాల సీ్త్ర, పురుషల కబడ్డీ పోటీలు జరగనున్నాయని జిల్లా కబడ్డీ అసోసియేషన్‌ అధ్యక్ష, కార్యదర్శులు అవనాపు విజయ్‌, రంధి నాగేశ్వరావులు సోమవారం ఒక ప్రకటనలో తెలిపారు. ఈ పోటీల్లో పాల్గొనేందుకు గంట్యాడ హైస్కూల్‌లో ఈనెల 22 వతేదీ మధ్యాహ్నాం 2 గంటలకు కబడ్టీ జట్లను ఎంపిక చేయనున్నామని చెప్పారు. క్రీడాకారులు అధార్‌ కార్డుతో హాజరు కావాలని సూచించారు. పురుషలు బరువు 85 కేజీలు, సీ్త్రలు బరువు 75 కేజీల లోపు ఉండాలని పేర్కొన్నారు. ఆసక్తి గల క్రీడాకారాలు ఫోన్‌ 9440888369,9010727069 నంబర్లను సంప్రదించాలని సూచించారు. కదలని ఏనుగుల గుంపుకొమరాడ: మండలాన్ని గజరాజుల బాధలు వీడడం లేదు. గత కొన్నాళ్లుగా జంఝావతి రబ్బర్‌ డ్యామ్‌, రాజ్యలక్ష్మీపురం, గంగరేగువలస తదితర గ్రామా పరిసరాల్లో గజరాజుల గుంపు సంచరిస్తోంది. ఈ ప్రాంతంలో పుష్కలంగా కూరగాయల సాగు నీటి వనరులు ఉండడంతో ఈ ప్రాంతాన్ని ఏనుగులు విడిచివెళ్లడం లేదు. అటవీశాఖ అధికారులు పర్యవేక్షణ చేయడం లేదని రైతులు ఆవేదన వ్యక్తం చేస్తున్నారు. ఈ ఏరియాలో జొన్న, టమాటో లాంటి పంటలు సాగులో ఉండడంతో ఏం చేయాలో దిక్కుతోచని స్థితిలో రైతులు ఉన్నారు. ఈ ప్రాంతం నుంచి గజరాజులను తరలించే చర్యలు తీసుకోవాలని ఈ ప్రాంత రైతులు కోరుతున్నారు. పేకాట శిబిరంపై దాడిగజపతినగరం: మండలంలోని పాతబగ్గాం గ్రామంలో పేకాట ఆడుతున్న నలుగురు వ్యక్తులను అదుపులోకి తీసుకున్నట్లు స్థానిక ఎస్సై కె.లక్ష్మణరావు తెలిపారు. ఈ మేరకు సోమవారం ఆయన విలేకరులతో మాట్లాడుతూ గ్రామంలో ఆడుతున్న పేకాట శిబిరంపై దాడి చేసి పేకాట రాయుళ్ల నుంచి రూ.7వేల510 నగదును స్వాధీనం చేసుకుని సీజ్‌ చేసి నిందితులపై కేసు నమోదు చేసినట్లు చెప్పారు. ఏడుగురు కోడిపందెంరాయుళ్ల అరెస్టువేపాడ: మండలంలోని అరిగిపాలెం సమీపంలో ఏడుగురు కోడిపందాల రాయుళ్లు పట్టుబడినట్లు వల్లంపూడి ఎస్సై బి.దేవి తెలిపారు. సోమవారం సాయంత్రం వల్లంపూడి పోలీసులు నిర్వహించిన దాడుల్లో కోడిపందెం నిర్వహిస్తున్న ఏడుగురు వ్యక్తులను అదుపులోకి తీసుకుని వారి నుంచి రూ.10,680లు ఏడు సెల్‌ఫోన్లు, ఎనిమిది ద్విచక్రవాహనాలు స్వాధీనం చేసుకుని సీజ్‌ చేసినట్లు ఎస్సై చెప్పారు.

విజయనగరం ఫోర్ట్‌: తిరుమల నర్సింగ్‌ కళాశాలకు చెందిన విద్యార్థిని జాతీయస్థాయి పోటీలకు ఎంపికై ంది. కళాశాలకు చెందిన ఉజ్జి కావ్యాంజలి ఈనెల 17, 18 తేదీల్లో ప్రకాశం జిల్లా పొదిలిలో జరిగిన రాష్ట్రస్థాయి పోటీల్లో సెపక్‌ తక్రా (లెగ్‌ వాలీబాల్‌) పోటీల్లో పాల్గొని తృతీయస్థానం సాధించి జాతీయస్థాయి పోటీలకు ఎంపికై ంది. జనవరి 22వతేదీన నంద్యాల జిల్లాలో జరగనున్న జాతీయస్థాయి పోటీల్లో కావ్యాంజలి పాల్గొంటుంది. జాతీయస్థాయి పోటీలకు ఎంపికై నందుకు ఆమెను కళాశాల డైరెక్టర్‌ డాక్టర్‌ కె.తిరుమల ప్రసాద్‌ అభినందిస్తూ, ఆమెకు రూ.5 వేలు నగదు బహూకరించారు.

సోమవారం శ్రీ 20 శ్రీ జనవరి శ్రీ 2025యూరియా కరువు ప్రతి ఏడాదీ యూరియా సమస్య రైతులను వెంటాడుతోంది. రెతులకు యూరియా పూర్తిస్థాయిలో అందించలేకపోతున్నారన్న విమర్శలు వ్యక్తమవుతున్నాయి. –8లోఆరుగాలం కష్టించి పండించిన పంట దిగుబడుల విక్రయంలో అన్నదాత నిలువు దోపిడీకి గురవుతున్నాడు. దీన్ని అరికట్టాల్సిన అధికారులు చూసీచూడనట్టు వ్యవహరిస్తున్నారు. ధాన్యం విక్రయంలో రైతులను మిల్లర్లు దోచుకుంటున్నారు. ఈ విషయం రైతుల ముందే జరుగుతున్నా... ఏమీ అడగలేని నిస్సహాయ స్థితి వారిది. అడ్డుకోవాల్సిన అధికారులు కూడా ఏం పోయిందిలే.. అన్నట్టు సమాధానపరిచే పరిస్థితి. ధాన్యం కొనుగోలు విషయంలో కూటమి సర్కార్‌ చెబుతున్న మాటలకు క్షేత్ర స్థాయిలో జరుగుతున్న పరిణామాలకు అస్సలు పొంతన ఉండడం లేదు. మేలు మాని నిర్లక్ష్యంతో కీడు చేశారు.. బొబ్బిలి: అలవి కాని హామీలనిచ్చిన కూటమి ప్రభుత్వం ప్రజలకు హామీల అమలుతో మేలు చేస్తుందనుకుంటే.. వైకుంఠ దర్శన టిక్కెట్ల జారీ ప్రక్రియలో నిర్లక్ష్యంతో భక్తులు మృతి చెందేలా కీడు చేసిందని రైతు సంక్షేమ సంఘం అధ్యక్షుడు వేమిరెడ్డి లక్ష్మునాయుడు ధ్వజమెత్తారు. ఆదివారం సంఘ కార్యాలయంలో ఆయన విలేకర్లతో మాట్లాడారు. టిక్కెట్ల జారీలో భద్రతా ఏర్పాట్లలో తీవ్ర నిర్లక్ష్యంతో ఆరుగురు భక్తుల మృతితో పాటు దాదాపు 60 మంది గాయాల పాలవడానికి కారణమయిన ప్రభుత్వ యంత్రాంగానికి వారి నిర్లక్ష్యం ఎలా తెలిసివస్తుందోనని అన్నారు. అంతే కాకుండా ఇటీవల బాలుడు మేడ పైనుంచి పడి మృతి చెందడంతో పాటు తిరుమల కొండపై నకిలీ టిక్కెట్ల దందాలు, మాంసాహారాలు పెచ్చుమీరుతున్నాయన్నారు. సనాతన ధర్మం అంటూ ప్రచారం చేసుకుంటే సరిపోతుందా.. ఆయన ప్రశ్నించారు. మరోవైపు సంక్షేమ పథకాలు మంజూరు కాక ప్రజలు తీవ్ర ఆందోళన చెందుతున్నారని వాపోయారు. ప్రజలకు సంక్షేమం లేకపోగా మరింతగా అవస్థలు పెరుగుతున్నాయన్నారు. ఇది ఏపీ ప్రజలు చేసుకున్న కర్మఫలంలా ఉందని ఎద్దేవా చేశారు. ఆయనతో పాటు రాంబార్కి తిరుపతిరావు, కేశవరావు పాల్గొన్నారు. న్యాయం కోసం దరఖాస్తు చేసుకోవచ్చు బొబ్బిలి: రిమాండ్‌ ఖైదీలు తమకు న్యాయం జరగలేదని భావిస్తే న్యాయం కోసం దరఖాస్తు చేసుకునే వెసులుబాటు, న్యాయం పొందే అవకాశం భారత న్యాయ వ్యవస్థలో ఉందని సీనియర్‌ సివిల్‌ జడ్జి ఎస్‌ అరుణశ్రీ అన్నారు. ఆదివారం ఆమె తన సిబ్బందితో కలసి స్థానిక సబ్‌జైలును సందర్శించారు. అక్కడి రిమాండ్‌ ఖైదీలకు న్యాయ అవగాహన కల్పించారు. డంకేషావలీబాబా ఉరుసు ఉత్సవాలు విజయనగరం టౌన్‌: నగరంలోని కోట జంక్షన్‌ వద్దనున్న డంకేషావలీబాబా ఉరుసు ఉత్సవాలలో భాగంగా ఆదివారం పురవీధుల్లో ర్యాలీలు నిర్వహించారు. బాబాకు ప్రత్యేక పూజలు చేశారు. దర్గా వంశపారంపర్య సేవకులు ఖాదమ్‌ షేక్‌ బహుదూర్‌ షేక్‌ షాజహాన్‌ ఆధ్వర్యంలో బాబాకు చందనోత్సవం గంధ మహోత్సవాలను నిర్వహించారు. 350 ఏళ్ల చరిత్ర కలిగిన బాబా దర్గాను ఆదివారం కాంగ్రెస్‌ కమిటీ ప్రతినిధులు అబ్దుల్‌ కరీమ్‌, విద్యాసాగర్‌, శ్రీనివాస్‌, సతీష్‌ రెహమాన్‌ తదితరులు దర్శించుకున్నారు. ● రైతుల నెత్తిన కుచ్చుటోపి ● అదనంగా ధాన్యం వసూలు ● 40 కేజీల బస్తాకు 41 కేజీలు తీసుకుంటున్న వైనం ● 80 గ్రాముల సంచికి అదనంగా 2 కేజీలు తీసుకుంటున్న మిల్లర్లు ● అన్ని మిల్లుల వద్ద ఇదే పరిస్థితి ● ఆర్‌బీకే సిబ్బంది మిల్లర్లకు సహకరిస్తున్నట్టు విమర్శలు ● ఇప్పటి వరకు 2,86,842 మెట్రిక్‌ టన్నుల ధాన్యం కొనుగోలు ●గంట్యాడ మండలానికి చెందిన పీవై నాయుడు అనే రైతు అదే మండలంలో ఉన్న రైస్‌ మిల్లుకు 8435 కేజీల ధాన్యం తీసుకువెళ్లాడు. 40 కేజీల బస్తా చొప్పున 210 బస్తాలు రావాల్సి ఉండగా 205 బస్తాలకు 41 కేజీల బస్తా చొప్పున ట్రక్‌ షీట్‌ ఆర్‌బీకే సిబ్బంది కొట్టారు. దీంతో అతను 200 కేజీల ధాన్యం నష్టపోయాడు. ●జామి మండలానికి చెందిన రామచంద్రరావు అనే రైతు గంట్యాడ మండలంలోని ఓ మిల్లుకు ధాన్యం తీసుకుని వెళ్లాడు. మిల్లులో ఉన్న వే బ్రిడ్జి వద్ద తూకం వేయగా 179 బస్తాలు(40 కేజీలవి) వచ్చాయి. కానీ 82 కేజీల చొప్పున 175 బస్తాలకు మాత్రమే ఆర్‌బీకే సిబ్బంది ట్రక్‌ షీట్‌ కొట్టారు. దీని వల్ల అతను 160 కేజీల ధాన్యం నష్టపోయాడు. విజయనగరం ఫోర్ట్‌: జిల్లాలో ధాన్యం కొనుగోలు కేంద్రాల వద్ద ధాన్యం విక్రయించిన రైతులు దోపిడీకి గురవుతున్నారు. అత్యంత పారదర్శకంగా ధాన్యం కొనుగోలు చేస్తున్నామని కూటమి సర్కార్‌ గొప్పులు చెబుతుంది. కానీ తాము దగాకు గురవుతుంటే పట్టించుకునే నాధుడే కరువయ్యాడని అన్నదాత ఆవేదన చెందుతున్నాడు. నిబంధనల ప్రకారం 40 కేజీల ధాన్యం సంచి పేరిట యాజమానులు రైతులను దోచేస్తున్నా పట్టించుకోవడం లేదనే ఆరోపణలు వినిపిస్తున్నాయి. కేవలం 80 గ్రాముల గోనె సంచిని బూచిగా చూపి రైతులు నుంచి అదనంగా 2 కేజీలు వసూలు చేస్తున్నారు. అధికారులు సైతం 2 కేజీలే కదా లైట్‌ తీసుకోండి అంటూ చెప్పడం గమనార్హం. కొన్ని ప్రాంతాల్లో ఇంకా ఎక్కువగా తీసుకుంటున్నారు. ఇది పెద్ద సమస్యే కాదని ఓ అధికారి చెప్పారంటే పరిస్థితి అర్ధం చేసుకోవచ్చు. 2,86,842 మెట్రిక్‌ టన్నుల ధాన్యం కొనుగోలు జిల్లాలో 483 ధాన్యం కొనుగోలు కేంద్రాల(రైతు సేవా కేంద్రాలు) ద్వారా రైతుల నుంచి ధాన్యం కొనుగోలు చేస్తున్నారు. ఇప్పటి వరకు 3,19,424 మెట్రిక్‌ టన్నులు ధాన్యం కొనుగోలుకు షెడ్యూల్‌ ఇచ్చారు. వీటిలో ఇప్పటి వరకు 2,86,842 మెట్రిక్‌ టన్నుల ధాన్యం కొనుగోలు చేసారు. షెడ్యూల్‌ ప్రకారం ఇంకా 32,582 మెట్రిక్‌ టన్నుల ధాన్యం కొనుగోలు చేయాల్సి ఉంది. ఇందులో 2,79,446 మెట్రిక్‌ టన్నుల ధాన్యానికి ట్రక్‌ షీట్‌ జనరేట్‌ చేసారు. ఇంకా 7,396 మెట్రిక్‌ టన్నుల ధాన్యానికి ట్రక్‌ షీట్‌ జనరేట్‌ చేయాల్సి ఉంది. 80 కేజీల బస్తాకు 2 కేజీల చొప్పున దోపిడీ 80 గ్రాములు ఉండే గోనె సంచిలో ధాన్యం నింపి రైతులు ధాన్యం కొనుగోలు కేంద్రాల ద్వారా తరలిస్తున్నారు. 80 కేజీల బస్తాకు మిల్లు యాజయానులు 2 కేజీలు అదనంగా 82 కేజీలు చొప్పున తీసుకుంటున్నారు. దీని వల్ల రైతులు వేలాది రుపాయిలు నష్టపోతున్నారు. రైతులకు మేలు చేయాల్సిన అధికారులు చూసీ చూడనట్టు వ్యవహారిస్తున్నారన్న విమర్శలు వినిపిస్తున్నాయి. ● సమీపిస్తున్న పదో తరగతి పరీక్షలు ● విద్యార్థులకు చేరని స్టడీ మెటీరియల్‌ ● పీడీఎఫ్‌ కాపీ ఇచ్చి ప్రింట్‌ తీయించుకోవాలంటున్న అధికారులు ● విద్యార్థులపై అదనపు భారం ● ఆరు సబ్జెక్టులు ● ఏడు ప్రశ్న పత్రాలుగా పరీక్షలు ● నామమాత్రంగా ప్రత్యేక తరగతులు ● మారిన ప్రశ్న పత్రాలపై సాధన చేయలేని విద్యార్థులు ● ఉత్తీర్ణత శాతంపై అధికారుల్లో ఆందోళన న్యూస్‌రీల్‌అదనంగా తీసుకోకూడదు.. గోనె సంచి బరువు ఎంత ఉంటే అంతే ధాన్యం అదనంగా తీసుకోవాలి. ఈ మేరకు అన్ని రైతు భరోసా కేంద్రాలకు ఆదేశాలు జారీ చేసాం. మరోసారి ఆదేశాలు ఇస్తాం. రైతుల నుంచి అద నంగా ధాన్యం తీసుకుంటే చర్యలు తీసుకుంటాం. – వి.తారకరామారావు, జిల్లా వ్యవసాయ అధికారి

రామభద్రపురం: పదో తరగతి పరీక్షలు సమీపిస్తున్నాయి. మార్చి 17 నుంచి 31 వరకు పరీక్షలు జరగనున్న నేపథ్యంలో విద్యార్థులను సన్నద్ధం చేసేందుకు విద్యా శాఖ అధికారులు డిసెంబర్‌ 1 నుంచే వంద రోజుల ప్రత్యేక కార్యాచరణ ప్రారంభించారు. ఇప్పటివరకు స్టడీ మెటీరియల్‌ కూడా విద్యార్థులకు అందలేదు. జిల్లాలోని 336 ప్రభుత్వ పాఠశాలల్లో 16,650 మంది విద్యార్థులు పదో తరగతి పరీక్షలు రాయనున్నారు. పది పరీక్షల ఫలితాలు పెంచేందు కు ఉదయం గంట, మధ్యాహ్నం గంట ప్రత్యేక స్టడీ అవర్స్‌ నిర్వహించాలని ప్రత్యేక ప్రణాళికలు తయా రు చేయాలని ఉన్నతాధికారులు ఆదేశాలిచ్చారు. అయితే స్టడీ అవర్స్‌ నామమాత్రంగా జరుగుతున్నాయని, విద్యా శాఖ అధికారుల పర్యవేక్షణను గాలికొదలడంతో హెచ్‌ఎం, టీచర్లు కూడా ఏ మాత్రం శ్రద్ధ చూపడం లేదనే విమర్శలు వినిపిస్తున్నాయి. అప్పుడలా.. ఇప్పుడిలా.. పది పరీక్షల ఫలితాల పెంపునకు గత వైఎస్సార్‌సీపీ ప్రభుత్వంలో సబ్జెక్టు నిపుణులను ఎంపిక చేసి, వారితో స్టడీ మెటీరియల్‌ను తయారు చేయించే వారు. ఎఫ్‌ఏ–1, ఎఫ్‌ఏ–2 పరీక్షలతో పాటు, స్లిప్‌ టెస్ట్‌లలో వచ్చిన మార్కుల ఆధారంగా విద్యార్థులను ఏ, బీ, సీ, డీ కేటగిరీలుగా విభజించి సీ, డీ కేటగిరీ విద్యార్థుల కోసం ప్రత్యేక స్టడీ మెటీరియల్‌ తయారు చేసి ఉచితంగా అందించి వారిపై ప్రత్యేక దృష్టి సారించేవారు. ఇప్పుడు ఆ పరిస్థితులు ఎక్కడా కనిపించడం లేదు. ప్రస్తుత కూటమి ప్రభుత్వం అలాంటి చర్యలేవీ చేపట్టడం లేదు. విద్యార్థులకు ఉచితంగా స్టడీ మెటీరియల్‌ ఇవ్వకుండా అఽ‘ధనం’భారం వేసేందుకు సిద్ధం అయ్యింది. ఈ ఏడాది నిధులు లేవని రాష్ట్ర విద్యా శాఖ తయారు చేసిన క్వశ్చన్‌ బ్యాంకు, మోడల్‌ ప్రశ్న పత్రాలతో కూడిన బుక్‌లెట్లను పీడీఎఫ్‌ ఫైల్‌ రూపంలో స్కూళ్లకు పంపించారు. విద్యార్థులనే ప్రింట్‌ తీసుకుని చదువుకోవాలని సూచనలు చేస్తున్నారని సమాచారం. లాంగ్వేజ్‌ బుక్‌లెట్‌, నాన్‌ లాంగ్వేజ్‌ బుక్‌లెట్‌లను ప్రింట్‌ తీసుకోవాలంటే విద్యార్థులపై అదనపు భారం పడుతుందని ఉపాధ్యాయులు, తల్లిదండ్రులు అభిప్రాయపడుతున్నారు. గత ఏడాది జిల్లాలో అన్ని ప్రభుత్వ పాఠశాలల్లో 23,690 మంది పదో తరగతి విద్యార్థులు పది పరీక్షలు రాశారు. వీరిలో 91.82 శాతం మంది విద్యార్థులు ఉత్తీర్ణత సాధించారు. గతేడాది సాధించిన ఫలితాలపై సమీక్షించి ఏ సబ్జెక్టుల్లో ఎక్కువ మంది విద్యార్థులు ఫెయిలయ్యారో గుర్తించి ఆ పరిస్థితి ఈ ఏడాది పునరావృతం కాకుండా చర్యలు చేపట్టాల్సిన విద్యా శాఖ అధికారులు అవేమీ పట్టించుకోవడం లేదు. దీంతో ఈ ఏడాది పరీక్షల ఫలితాలు ఎలా ఉంటాయోనన్న ఆందోళన విద్యార్థుల తల్లిదండ్రుల్లో నెలకొంది. పరీక్షల నిర్వహణ ఇలా.. 2020లో ఆరో తరగతిలో ఉన్న విద్యార్థులు ఈ ఏడాది మార్చిలో పదో తరగతి పరీక్షలు ఇంగ్లిష్‌ మీడియంతో పాటు ఎన్‌సీఈఆర్‌టీ సిలబస్‌తో కూడిన పరీక్షలు రాయనున్నారు. ఈ పరీక్షలను మాత్రం ఎస్‌ఎస్‌సీ నిర్వహిస్తోంది. ఆరు సబ్జెక్టులు, ఏడు పేపర్ల విధానంలో పదో తరగతి పరీక్షలు నిర్వహించేందుకు ప్రభుత్వ పరీక్షల విభాగం నిర్ణయించింది. సైన్స్‌ సబ్జెక్టులో భౌతిక, రసాయన శాస్త్రం ఒకటిగా, జీవ శాస్త్రం ఒకటిగా 50 మార్కుల చొప్పున్న రెండు పరీక్షలు నిర్వహించనున్నారు. మిగిలిన ఐదు సబ్జెక్టులకు సంబంధించి ఐదు పరీక్ష లు 100 మార్కులకు ఉంటుంది. మొత్తం 3.15 గంటల సమయం ఇస్తుండగా అన్ని ప్రశ్నలు రాయాలి. 24 పేజీల ఆన్సర్‌ బుక్‌లెట్‌ ఇస్తారు. ఆ తరువాత అడిగితే మరో 12 పేజీల బుక్‌లెట్‌ ఇవ్వనున్నారు. ఉత్తమ ఫలితాలే లక్ష్యం ఉత్తమ ఫలితాలే లక్ష్యంగా వంద రోజుల ప్రణాళికలు తయారు చేశాం. ఎంఈఓలు, హెచ్‌ఎంలతో సమీక్షలు నిర్వహించడంతో పాటు పర్యవేక్షణ చేస్తున్నాం. విద్యార్థులకు గతంలో స్టడీ మెటీరియల్‌ను డీసీఈబీ ద్వారా ఇచ్చే వాళ్లం. అయితే డీసీఈబీలో నిధులకొరత ఉండడంతో ఈ ఏడాది స్టడీ మెటీరియల్‌ ఇవ్వలేకపోతున్నాం. రాష్ట్ర విద్యా శాఖ కార్యాలయం అధికారులే తయారు చేసి పంపించిన క్వశ్చన్‌ బ్యాంకు, మోడల్‌ క్వశ్చన్‌ పేపర్ల బుక్‌లెట్‌లు పీడీఎఫ్‌ ఫైల్స్‌ను స్కూళ్లకు పంపించాం. వాటిని ప్రింట్‌ తీసుకోవాలని తెలియజేశాం. – యూ మాణిక్యంనాయుడు, డీఈఓ, విజయనగరం

మిమ్స్‌ విద్యార్థి ● బ్యాక్‌లాగ్స్‌ ఉండిపోవడంతో మనస్తాపం ● సూసైడ్‌ నోట్‌ రాసి.. పురుగు మందు తాగిన వైనం ● కుమారుడి మృతితో విలపిస్తున్న తల్లిదండ్రులు ఆత్మహత్యకు పాల్పడిన అతుకూరి సాయి మణిదీప్‌ నెల్లిమర్ల: తమ కుమారుడు వైద్య వృత్తిలో స్థిరపడతాడని ఆ తల్లిదండ్రులు ఎంతో సంబరపడిపోయారు. మరికొన్ని రోజుల్లో ఎంబీబీఎస్‌ పట్టా పుచ్చుకుని, రోగులతో పాటు తమకు కూడా వైద్యసేవలు అందిస్తాడని ఆశ పడ్డారు. అయితే వారి ఆశలు ఆడియాసలయ్యాయి. చేతికి అందివచ్చిన కొడుకు బలవన్మరణానికి పాల్పడ్డాడు. ఎంబీబీఎస్‌ రెండో సంవత్సరం నుంచి బ్యాక్‌లాగ్స్‌ ఉండిపోవడంతో మనస్తాపానికి గురై ఆత్మహత్య చేసుకున్నాడు. దీంతో తల్లిదండ్రులు కన్నీరుమున్నీరుగా విలపిస్తున్నారు. పోలీసులు, సహ విద్యార్థులు అందించిన వివరాల ప్రకారం.. నెల్లిమర్ల పట్టణంలో ఉన్న మిమ్స్‌ వైద్య కళాశాలలో తూర్పు గోదావరి జిల్లా నిడదవోలుకు చెందిన అతుకూరి సాయి మణిదీప్‌(24) ఎంబీబీఎస్‌ ఫైనల్‌ ఇయర్‌ చదువుతున్నాడు. ఆదివారం ఉదయం కళాశాల ప్రాంగణంలో ఉన్న హాస్టల్‌ గదిలో పురుగుల మందు తాగి ఆత్మహత్యకు పాల్పడ్డాడు. ఆన్‌లైన్‌లో పురుగుల మందు తెప్పించుకుని, కూల్‌ డ్రింకులో కలుపుకుని తాగా డు. విషయం తెలుసుకున్న సహ విద్యార్థులు విషయాన్ని మిమ్స్‌ యాజమాన్యానికి తెలియజేశారు. యాజమాన్య ప్రతినిధులు నెల్లిమర్ల పోలీసులకు సమాచారం అందించారు. ఎస్‌ఐ గణేష్‌ తమ సిబ్బందితో కలిసి సంఘటనా స్థలాన్ని పరిశీలించారు. సాయి మణిదీప్‌ బెడ్‌ కింద పోలీసులకు సూసైడ్‌ నోట్‌ లభించింది. చదువు విషయంలో మనస్తాపానికి గురై ఆత్మహత్యకు పాల్పడుతున్నట్లు సదరు నోట్‌లో మృతుడు ప్రస్తావించాడు. బ్యాక్‌ లాగ్స్‌ ఎక్కువగా ఉండటం, చదువుపై ఏకాగ్రత లేకపోవడంతో చనిపో తున్నట్లు రాసాడు. సూసైడ్‌ నోట్‌ ఆధారంగా కేసు నమోదు చేసి, దర్యాప్తు చేస్తున్నట్లు ఎస్‌ఐ గణేష్‌ తెలిపారు.

● వేమన విగ్రహంతో పురవీధుల్లో భారీ ర్యాలీ ● ఉత్తరాంధ్ర నుంచి హాజరైన వేలాది మంది భక్తులు విజయనగరం టౌన్‌: ఆధ్యాత్మిక కవి వేమన భగవా న్‌ తన పద్యాల ద్వారా యావత్తు ప్రపంచానికి ఆధ్యాత్మిక జ్ఞానం తెలియజేశారని పలువురు పేర్కొన్నారు. ప్రబోధ సేవా సమితి, ఇందూ జ్ఞానవేదిక జిల్లా శాఖ అధ్యక్షుడు వానపల్లి శంకరరావు నేత్రత్వంలో ప్రబోధానంద యోగీశ్వరుల దివ్యాశీస్సుల తో వేమన జయంతి వేడుకలను టీటీడీ కల్యాణ మండపంలో ఆదివారం ఘనంగా నిర్వహించారు. ఈ సందర్భంగా నిర్వహించిన ప్రత్యేక పూజల్లో పాల్గొన్న పలువురు మాట్లాడుతూ వేమన సాధార ణ వ్యక్తి కాదని, సాక్ష్యాత్తు భగవాన్‌ స్వరూపమన్నా రు. ఆయన పద్యాల ద్వారా ఎంతో ఆధ్యాత్మిక జ్ఞానాన్ని ప్రజలకు తెలియజేశారన్నారు. జీవాత్మ, ఆత్మ పరమాత్మ విధానాన్ని ఆయన తన రచనల ద్వారా తెలియజేశారన్నారు. అనంతరం సమితి ప్రతినిధులు వారిని ఘనంగా సత్కరించారు. మధ్యాహ్నం వేమన ప్రతిమను విజయనగర పురవీధుల్లో భారీ ఊరేగింపు నిర్వహించారు. కార్యక్రమంలో ఎమ్మెల్యే అదితి గజపతిరాజు, ఉపాధ్యాయ ఎమ్మెల్సీ పాకలపాటి రఘువర్మ రాజు, తూర్పు కాపు సంక్షేమ సంఘం చైర్‌పర్సన్‌ పాలవలస యశస్విని, మాజీ ఉపాధ్యాయ ఎమ్మెల్సీ గాదె శ్రీనివాసులనాయుడు, రాష్ట్ర బాలల హక్కుల కమిషన్‌ చైర్మన్‌ డాక్టర్‌ కేసలి అప్పారావు, బాలల న్యాయ మండలి సభ్యులు కరణం జనార్ధనరావు, సాంఘిక సంక్షేమ శాఖ డిప్యూటీ డైరెక్టర్‌ రామానందం, జాతీయ రెడ్డి సంక్షేమ సంఘం అధ్యక్షుడు మారం బాలబ్రహ్మారెడ్డి, రెడ్డి సంక్షేమ సంఘం ప్రతినిధులు, ఉత్తరాంధ్ర ప్రబోధ సేవా సమితి ప్రతినిధులు అధిక సంఖ్యలో పాల్గొన్నారు.

చీపురుపల్లిరూరల్‌(గరివిడి): ప్రతి ఏడాదీ యూరియా సమస్య రైతులను వెంటాడుతోంది. ప్రభుత్వాలు మారినా, పాలకులు మారినా రైతులకు యూరియా పూర్తిస్థాయిలో అందించలేకపోతున్నారన్న విమర్శలు వ్యక్తమవుతున్నాయి. ఇటీవల గరివిడిలో జరిగిన మండల సర్వసభ్య సమావేశంలో ప్రజాప్రతినిధులు సైతం యూరియా అందుబాటులో ఉండడం లేదని, యూరియా కోసం రైతులు ఇబ్బందులు పడుతున్నారని ఆవేదన వ్యక్తం చేశారు. పంటల ఎదుగుదలకు యూరియా చాలా అవసరం. అలాంటి యూరియా సకాలంలో ఆందుబాటులో లేకపోవడంతో రైతులు ఇబ్బందులు పడాల్సిన పరిస్థితి ఎదురవుతోంది. గరివిడి మండలంలో 21 రైతు సేవాకేంద్రాలు ఉన్నాయి.వాటితో పాటు కాపుశంభాం, కోనూరు, తాటిగూడ, గొట్నంది గ్రామాల్లో సొసైటీలు ఉన్నాయి. గతంలో రైతు భరోసా కేంద్రాల వ్యవస్థ రాకముందు యూరియా సొసైటీల ద్వారా పూర్తిస్థాయిలో రైతులకు అందించేవారు. వైఎస్సార్‌ కాంగ్రెస్‌ ప్రభుత్వంలో రైతుభరోసా కేంద్రాల వ్యవస్థను నెలకొల్పిన తరువాత గ్రామాల్లో ఉండే రైతు భరోసా కేంద్రాల నుంచి నేరుగా ఎరువులను అందించే సౌకర్యం కల్పించింది. దీంతో గ్రామాల్లో ఉండే రైతులకు పట్టణాలకు పోయి ఎరువులను కొనుగోలు చేసే కష్టాలు తగ్గినట్లయ్యింది. ఇదిలా ఉండగా కూటమి ప్రభుత్వం అఽధికారంలోకి వచ్చిన తరువాత రబీ సీజన్‌లో సొసైటీల్లోగాని, రైతు సేవా కేంద్రాల్లో గాని యూరియా కావాల్సినంత ఉండడం లేదని, ఈ కారణంగా యూరియా కోసం ఇబ్బందులు పడాల్సి వస్తోందని రైతులు చెబుతున్న మాట. గత వైస్సార్‌సీపీ ప్రభుత్వంలో ముందస్తుగానే యూరియా అందుబాటులో ఉండేదని, ఇప్పుడు ఆ పరిస్థితి లేదన్న అభిప్రాయాలు వ్యక్తమవుతున్నాయి. రైతు భరోసా కేంద్రాల్లోను, సొసైటీల్లో యూరియా అందుబాటులో ఉంటే ప్రభుత్వం నిర్ణయించిన రూ.266లకు యూరియా అందేదని, ప్రభుత్వ కార్యాలయాల్లో అందుబాటులో లేకపోవటంతో ఓపెన్‌ మార్కెట్‌లో కొనుగోలు చేయాల్సిన పరిస్థితి వస్తోందని చెబుతున్నారు. ప్రభుత్వ కార్యాలయాల్లో యూరియా అందుబాటులో లేకపోయినా బయట మార్కెట్లో విచ్చలవిడిగా దొరుకుతోందని, ఒక్కో యూరియా బస్తాకు అదనంగా 50 నుంచి 80 రూపాయలు వెచ్చించి కొనాల్సి వస్తోందని ఆవేదన చెందుతున్నారు. పంట ఎదుగుదలకు యూరియానే ఆధారం ఖరీఫ్‌, రబీ సీజన్‌లలో పంట ఎదుగుదల కోసం రైతులు ఎక్కువగా యూరియాపైనే ఆధార పడతారు. ఎప్పటిలాగానే ఈ ఏడాది రబీ సీజన్‌లో 3000 ఎకరాల్లో అధిక విస్తీర్ణంలో మొక్కజొన్న పంటను సాగుచేశారు. మొక్కజొన్నతో పాటు ఇతర రకాల కూరగాయలు, మిరప, అపరాలు, బొప్పాయి, వేరుశనగ తదితర రకాల పంటలతో కలిపి 5వేల ఎకరాలకు పైబడే సాగుబడి చేశారు. ఖరీఫ్‌లో కంటే రబీ సీజన్‌లోనే మొక్కజొన్న పంటను సాగుచేసేందుకు రైతులు ముందడుగు వేస్తారు.రబీ సీజన్‌లో సాగుచేసిన పంట నుంచి దిగుబడులు అనుకూలంగా రావడం కారణంగా రైతులు మొక్కజొన్నను ప్రధానపంటగా సాగు చేస్తారు. మొక్కజొన్నతో పాటు ఇతర పంటలకు యూరియానే ప్రధాన ఆధారం. యూరియా సకాలంలో పంటకు అందించకపోతే పంట ఎదుగుదల లోపిస్తుందని చెప్తున్నారు. యూరియాను రైతుసేవా కేంద్రాల్లో అందుబాటులోనికి తీసుకువస్తున్నప్పటికీ ఏమాత్రం సరిపోవడం లేదని, పంటల సాగుకు సరిపడే విధంగా యూరియాను అందుబాటులోకి తీసుకురావాలని రైతులు కోరుతున్నారు. అరకొరగా సరఫరా ఎరువు కోసం రైతుల అవస్థలు

పాలకొండ రూరల్‌: కడుపు నొప్పితో పలుమార్లు ఆస్పత్రుల్లో చేరి చికిత్స పొందుతున్న ఓ వ్యక్తి తన ఆరోగ్య సమస్య తీవ్రతను తట్టుకోలేక ఆస్పత్రిలోనే ఉరివేసుకుని ఆత్మహత్యకు పాల్పడ్డాడు. పాలకొండలో జరిగిన ఈ ఘటనపై పోలీసులు తెలిపిన వివరాలిలా ఉన్నాయి. నియోజకవర్గంలోని వీరఘట్టం మండలం తలవరం గ్రామానికి చెందిన బెవర జోగినాయుడు(45) రెండేళ్లుగా తీవ్ర కడుపునొప్పి(పాంక్రియాటిస్‌) సమస్యతో బాధపడుతున్నాడు. ఈ క్రమంలో పలు ఆస్పత్రుల్లో వైద్యం పొందినా ఆరోగ్యం మెరుగుపడలేదు. తాజాగా శనివారం మరోమారు నొప్పిరావడంతో వేకువజామున జోగినాయుడు తన భార్య కల్యాణితో కలిసి పాలకొండ ఏరియా ఆస్పత్రిలో చేరాడు. వైద్యసేవలు పొందుతూ అర్ధరాత్రి దాటిన తరువాత మేల్‌ వార్డు సమీపంలో ఉన్న బాత్‌రూమ్‌కు వెళ్లి తన వద్ద ఉన్న తువ్వాలుతో కిటికీకి ఉరి వేసుకుని ఆత్యహత్య చేసుకున్నాడు. ఆదివారం తెల్లవారు జామున సహచర రోగులు ఈ విషయం గమనించి వార్డులో ఉన్న మృతుడి భార్యకు తెలియజేశారు. ఆస్పత్రి వర్గాలు పోలీసులకు సమాచారం అందించగా ఆస్పత్రికి వచ్చారు. విషయం తెలుసుకున్న మృతుని బంధువులు ఆస్పత్రికి చేరుకుని జోగినాయుడు మృతదేహానికి పోస్టుమార్టం చేయవద్దని, అలాగే అప్పగించాలని ఓవైపు ఆస్పత్రి, మరోవైపు పోలీసులతో వాదులాటకు దిగారు. పాలకొండ సీఐ మీసాల చంద్రమౌళి ఆస్పత్రికి చేరుకుని ఎంఎల్‌సీ (మెడికో లీగల్‌ కేస్‌) నమోదైన క్రమంలో అధికార వర్గాలకు సహకరించాలని వారికి నచ్చజెప్పి పోస్టుమార్టం పూర్తి చేయించారు. అనంతరం మృతదేహాన్ని కుటుంబసభ్యులకు అప్పగించారు. మృతుని భార్య ఫిర్యాదు మేరకు కేసు నమోదుచేసినట్లు ఏఎస్సై నారాయణ తెలిపారు. మృతునికి భార్యతో పాటు కుమారుడు వెంకటేష్‌, కుమార్తె సూర్యకళ ఉన్నారు. వ్యవసాయ పనులు చేస్తూ కుటుంబాన్ని పోషిస్తున్న జోగినాయుడు సౌమ్యుడని, ఆ కుటుంబం పెద్దదిక్కు కోల్పోవడం పట్ల గ్రామస్తులు తమ ఆవేదన వ్యక్తం చేశారు. పోస్టుమార్టం వద్దన్న కుటుంబసభ్యులు నచ్చజెప్పిన పోలీసులు

పార్వతీపురంటౌన్‌: పార్వతీపురం మన్యం జిల్లాలో వివిధ ఐసీడీఎస్‌ ప్రాజెక్టుల పరిధిలో ఖాళీగా ఉన్న అంగన్వాడీ సహాయకుల పోస్టుల నియామకానికి నోటిఫికేషన్‌ విడుదల చేసినట్లు ఐసీడీఎస్‌ పీడీ డా.టి. కనకదుర్గ తెలిపారు. ఈ మేరకు ఆదివారం ఆమె ఒక ప్రకటన విడుదల చేశారు. జిల్లాలోని పాలకొండ డివిజన్‌లో సీతంపేట ప్రాజెక్టు పరిధిలో రెండు, భామిని ప్రాజెక్టు పరిధిలో ఒక పోస్టు, కురుపాం ప్రాజెక్టు పరిధిలో ఆరు, పార్వతీపురం డివిజన్‌లో పార్వతీపురం ప్రాజెక్టు పరిధిలో ఒకటి, సాలూరు ప్రాజెక్టు పరిధిలో ఒకటి అంగన్వాడీ సహాయకుల పోస్టులు ఖాళీగా ఉన్నాయని, వాటి భర్తీకి నోటిఫికేషన్‌ జారీ చేశామని చెప్పారు. 11 అంగన్వాడీ సహాయకుల పోస్టుల ఖాళీలను షెడ్యూల్‌ ట్రైబల్‌ హ్యాబిటేషన్‌ గ్రామాలను అనుసరించి షెడ్యూల్‌ ట్రైబల్‌ అభ్యర్థులు దరఖాస్తు చేసుకోవాలని పిలుపునిచ్చారు. ఐసీడీఎస్‌ ప్రాజెక్టు ఒక యూనిట్‌గా ఐసీడీఎస్‌ ప్రాజెక్టు ఒక యూనిట్‌గా పరిగణించి కేటగిరిని నిర్ధారించి పోస్టులను ప్రకటించామన్నారు. స్థానికంగా స్థిరనివాసం కలిగిన అర్హులైన వివాహిత మహిళా అభ్యర్థుల నుంచి దరఖాస్తులు కోరుతున్నామన్నారు. దరఖాస్తులను జనవరి 27వ తేదీ సాయంత్రం 5 గంటలలోపు సంబంధిత ఐసీడీఎస్‌ ప్రాజెక్ట్‌ కార్యాలయంలో అందజేయాలని పేర్కొన్నారు. ఇంటర్వూ తేదీ, స్థలం తదుపరి తెలియజేయనున్నట్లు తెలిపారు. నిబంధనలు తప్పనిసరి అంగన్వాడీ సహాయకుల నియమకానికి స్థానిక స్థిర నివాసం కలిగిన వివాహిత మహిళ అయి ఉండాలి. 2024 జూలై 1వ తేదీ నాటికి 21 నుంచి 35 సంవత్సరాల మధ్య వయస్సు కలిగి ఉండాలి. ఎస్టీ కేంద్రాలకు ఎస్టీ కేటగిరికి రోస్టరులో రిజిస్టర్‌ అయిన పోస్టులకు 21 సంవత్సరాలు నిండిన అభ్యర్థులు లేని పక్షంలో 18 సంవత్సరాలు నిండిన వారిని కూడా పరిగణనలోకి తీసుకోనున్నట్లు ఐసీడీఎస్‌ పీడీ కనకదుర్గ చెప్పారు. 10వ తరగతి ఉత్తీర్ణులైన వారు అర్హులని, 10వ తరగతి పాస్‌ అయిన వారు లేకపోతే దాని కన్నా తక్కువ విద్యార్హత కలిగిన వారిని పరిగణనలోకి తీసుకోనున్నామన్నారు. బోనస్‌ మార్కులు ఇలా.. 10వ తరగతి పరీక్ష ఉత్తీర్ణత అయిన అభ్యర్థులకు 50 మార్కులు, ప్రీస్కూల్‌ టీచర్‌/కృషి/ప్రీస్కూల్‌ మేనేజ్‌మెంట్‌ ఇంటర్‌మీడియట్‌ బోర్డు, గుర్తింపు పొందిన యూనివర్సిటీ ద్వారా పొందిన సర్టిఫికెట్‌ కలిగిన వారు లేదా ఈసీఈ వర్కర్‌గా పనిచేస్తున్న వారికి 5 మార్కులు, వితంతువులకు 5 మార్కులు, మైనార్టీ తీరని పిల్లలు కలిగిన వితంతువులకు 5 మార్కులు, పూర్తి ఆనాథ, బాలసదన్‌ ప్రభుత్వ సంస్థలలో నివసించి మంచి నడవడిక, సత్ప్రవర్తన సర్టిఫికెట్‌ కలిగినవారికి 10 మార్కులు, అర్హత కలిగిన దివ్యాంగులకు 5 మార్కులు, మౌఖిక ఇంటర్వ్యూకు 20 మార్కులు వెరసి వంద మార్కులకు పరిగణించనున్నట్లు ఐసీడీఎస్‌ పీడీ కనకదుర్గ వివరించారు. 11 పోస్టుల భర్తీ ఐసీడీఎస్‌ పీడీ డా. టి. కనకదుర్గ

మక్కువ: ఉత్తరాంధ్రుల ఇలవేల్పు శంబర పోలమాంబ అమ్మవారిని ఆదివారం భక్తులు దర్శించుకునేందుకు రావడంతో చదురుగుడి భక్తులతో కిటకిటలాడింది. వచ్చే సోమవారం నుంచి అమ్మవారి జాతర ప్రారంభంకావడంతో రద్దీ ఎక్కువగా ఉండే అవకాశమున్నందున సుదూర ప్రాంతాలనుంచి భక్తులు అధికసంఖ్యలో ఆలయానికి చేరుకున్నారు. అంతేకాకుండా ఆదివారం సెలవుదినం కావడం, సోమవారం నుంచి పాఠశాలలు తెరుచుకోనుండడంతో భక్తులు ఆలయానికి చేరుకుని అమ్మవారిని దర్శించుకున్నారు. చీరలు, ఘటాలు, కోళ్లు మొక్కుబడులు చెల్లించుకున్నారు. భక్తులకు ఇబ్బందులు కలగకుండా ఆలయ ఈవో వి.వి. సూర్యనారాయణ చర్యలు చేపట్టారు. అమ్మవారి ఘటాలకు ప్రత్యేక పూజలు చదురుగుడిలోని అమ్మవారి ఘటాలకు భక్తులు ప్రత్యేక పూజలు నిర్వహించారు. అమ్మవారి ఘటాలకు చీరలు చూపించి, తలపై అమ్మవారి ఘటాలను ఎత్తుకుని మొక్కులు చెల్లించుకున్నారు. మధ్యాహ్నం 3గంటల తరువాత అమ్మవారి ఘటాలను గ్రామంలోని అన్ని పురవీధుల్లో ఊరేగించారు. సుదూర ప్రాంతాలనుంచి ఆలయానికి చేరుకున్న భక్తులు అమ్మవారి ఘటాలకు ప్రత్యేక పూజలు మొక్కులు తీర్చుకున్న భక్తులు

సీతంపేట: మండలంలోని ఆడలి వ్యూపాయింట్‌ మార్గంలో ఉన్న రహదారి మలుపులను ఐటీడీఏ పీఓ సి.యశ్వంత్‌కుమార్‌ రెడ్డి పరిశీలించారు. ఈనెల 18న ఆహ్లాదం మాటున విషాదం శీర్షికన ఘాట్‌ రోడ్‌లో మలుపులతో పాటు ఇటీవల ఆడలి వెళ్లే మార్గంలో జరిగిన వరుస రోడ్డు ప్రమాదాలపై సాక్షిలో వచ్చిన కథనంపై ఆయన స్పందించారు. ఈ మేరకు ఎక్కడెక్కడ మలుపులు ఉన్నాయో స్వయంగా చూశారు. రహదారి విస్తరణ, మలుపుల వద్ద రక్షణ గోడల నిర్మాణానికి ఎంత ఖర్చు అవుతుందో ప్రతిపాదనలు తయారు చేయాలని ట్రైబల్‌ వెల్ఫేర్‌ ఇంజినీరింగ్‌ అధికారులను ఆదేశించారు.హెచ్చరిక బోర్డులు ఏర్పాటు చేయాలని చెప్పారు. జలుబుగూడ గ్రామానికి రహదారి నిర్మాణానికి కూడా ప్రతిపాదించాలని సూచించారు. కార్యక్రమంలో ఏఈ నాగభూషణరావు పాల్గొన్నారు.తోటపల్లి ఈఈ రామచంద్రరావుకు ఉద్యోగోన్నతి● పోలవరం హెడ్‌వర్క్స్‌ సర్కిల్‌ ఎస్‌ఈగా నియామకం విజయనగరం అర్బన్‌: తోటపల్లి ప్రాజెక్ట్‌ రాజాం డివిజన్‌ ఈఈ రెడ్డి రామచంద్రరావుకు సూపరింటెండెంట్‌ ఇంజినీర్‌ (ఎస్‌ఈ)గా పదోన్నతి లభించింది. ఇరిగేషన్‌ శాఖలో ఖాళీగా ఉన్న ఎస్‌ఈ. పోస్టులకు ప్రభుత్వం ఇటీవల విడుదల చేసిన పదోన్నతుల జాబితాలో ఆయన పేరును పేర్కొంది. పదోన్నతి అధికారులకు పోస్టుల కేటాయింపులు కూడా తాజాగా జరిగాయి. పోలవరం హెడ్‌ వర్క్స్‌ సర్కిల్‌ ఎస్‌ఈగా రామచంద్రరావుకు నియామకాలు విడుదలయ్యాయి. ఈఈ కేడర్‌లో వివిధ ప్రాంతాల్లో 12 సంవత్సరాలు పనిచేసిన అనుభవం ఆయనకు ఉంది. రాజాం డివిజన్‌ ఈఈగా 10 ఏళ్లు, వంశధార ప్రాజెక్టు హిరమండలం డివిజన్‌ ఈఈగా ఒక సంవత్సరం పనిచేశారు. అంతకుముందు విశాఖలోని నార్త్‌ కోస్టు చీఫ్‌ ఇంజినీర్‌ కార్యాలయంలో డిప్యూటీ చీఫ్‌ ఇంజనీర్‌గా ఒక సంవత్సరం పనిచేశారు. ఇద్దరు నిందితులకు రిమాండ్‌పాచిపెంట: మండలంలోని పాంచాలి గ్రామంలో పాంచాలి ఉమామహేశ్వరరావు అనే వ్యక్తిని గాయపరిచి, అతని వద్ద ఉన్న సెల్‌ఫోన్‌, నగదు మరికొందరి దగ్గర నగదు, సెల్‌ఫోన్‌లను దొంగలించిన కేసులో ఇద్దరు నిందితులను రిమాండ్‌కు తరలించినట్లు సీఐ రామకృష్ణ తెలిపారు. ఈ మేరకు ఆదివారం ఆయన పాచిపెంట పోలీస్‌స్టేషన్‌లో ఎస్సై వెంకటసురేష్‌తో కలిసి విలేకరుల సమావేశం నిర్వహించి మాట్లాడుతూ ఈ నెల 16న ఉమామహేశ్వరరావుపై జరిగిన దాడి, దోపిడీ కేసులో ఉనుకూరు జోసెఫ్‌, మోసూరు శివలను అరెస్ట్‌ చేసి రిమాండ్‌కు తరలించామన్నారు. వారు దోచుకున్న సెల్‌ఫోన్లను, నగదును దాడి సమయంలో ఉపయోగించిన ఆయుధాన్ని స్వాధీనం చేసుకున్నట్లు తెలిపారు. డ్రైనేజీలో పడి గుర్తు తెలియని వ్యక్తి మృతివిజయనగరం క్రైమ్‌: స్థానిక దాసన్నపేట రైతు బజార్‌ దగ్గరలో ఉన్న డ్రైనేజీలో గుర్తు తెలియని వ్యక్తి పడి మృతిచెందినట్లు టూటౌన్‌ సీఐ శ్రీనివాసరావు ఆదివారం తెలిపారు. మృతుడికి సుమారు 35 నుంచి 40 ఏళ్ల వయసు ఉంటుందని, మృతుడి చేతిపై ఆదిలక్ష్మి అనే పచ్చబొట్టు ఉందని చెప్పారు. మృతదేహాన్ని జిల్లా కేంద్రాస్పత్రికి తరలించామని, ఆచూకీ తెలిసిన వారు ఫోన్‌ 9121109420, 9121109438 నంబర్లను సంప్రదించాలని కోరారు. 300 సారా ప్యాకెట్ల పట్టివేతసాలూరు: పట్టణంలో సారా ప్యాకెట్లు కలిగి ఉన్న ఒడిశాకు చెందిన మహిళను పట్టుకున్నట్లు పట్టణ పోలీసులు తెలిపారు. ముందస్తు సమాచారం మేరకు ఎరుకుల వీధి జంక్షన్‌ వద్ద 30 లీటర్లు (300 ప్యాకెట్లు)తో ఉన్న ఒడిశా రాష్ట్రానికి చెందిన మహిళను ఆదివారం అరె స్ట్‌ చేసి రిమాండ్‌కు తరలించామని చెప్పారు. సారా,ఇతర మత్తు పదార్థాలు రవాణా చేసినా, క్రయవిక్రయాలు చేసిన చట్టప్రకారం చర్యలు తీసుకోనున్నట్లు హెచ్చరించారు.

● సుమారు రూ.3లక్షలు వరకు ఆస్తినష్టం ● భోరున విలపిస్తున్న రైతులుతెర్లాం: మండలంలోని సుందరాడ గ్రామంలో ఆదివారం సాయంత్రం జరిగిన అగ్ని ప్రమాదంలో 140 బస్తాల దిగుబడినిచ్చే నాలుగు వరిచేను కుప్పలు పూర్తిగా దగ్ధమయ్యాయి. ప్రమాదానికి సంబంధించి బాధిత రైతులు, స్థానికులు తెలిపిన వివరాలిలా ఉన్నాయి. గ్రామానికి చెందిన రేజేటి లక్ష్ముం, ముత్తా నగేష్‌, కుసుమూరు పెంటయ్య, ముత్తా తిరుపతి అనే రైతులు సంక్రాంతి పండగ ముందు వరిచేను కోసి, గ్రామానికి సమీపంలో ఉన్న పణుకురాయిపై కుప్పలు వేశారు. సంక్రాంతి పండగ అయిన తరువాత వరిచేను నూర్పులు చేసుకోవచ్చని భావించారు. అయితే ఆదివారం సాయంత్రం జరిగిన అగ్నిప్రమాదంలో నాలుగు వరిచేను కుప్పలు పూర్తిగా దగ్ధమయ్యాయి. సుమారు 140 బస్తాల వరకు ధాన్యం దిగుబడి వచ్చేదని, సుమారు రూ.3లక్షల వరకు నలుగురు రైతులకు నష్టం వాటిల్లిందని బాధిత రైతులు, గ్రామస్తులు అంటున్నారు. ఆరుగాలం కష్టపడి పండించిన వరిచేను అగ్నికీలలకు ఆహుతైపోయిందని, చేతికంది వచ్చిన పంట బూడిదైపోయిందని బాధిత రైతులు కన్నీరుమున్నీరుగా విలపిస్తున్నారు. నలుగురు రైతులకు సంబంధించిన నాలుగు వరిచేను కుప్పల్లో ఒక్క ధాన్యం గింజ కూడా మిగలకుండా పూర్తిగా కాలిపోవడంతో వారంతా ఆవేదన వ్యక్తం చేస్తున్నారు. అగ్నిప్రమాదం జరిగిన వెంటనే స్థానికులు రాజాంలోని అగ్నిమాపక కేంద్రానికి సమాచారం అందించడంతో సిబ్బంది శకటంతో వచ్చి మంటలను అదుపు చేశారు. సకాలంలో అగ్నిమాపక సిబ్బంది, గ్రామస్తులు స్పందించి మంటలను అదుపు చేయడంతో పక్కనే ఉన్న మరికొన్ని వరిచేను కుప్పలకు ఎటువంటి ప్రమాదం వాటిల్లలేదు.

● ఆర్టీసీ కాంప్లెక్స్‌ వద్ద వామపక్ష పార్టీల నిరసనవిజయనగరం పూల్‌ బాగ్‌: అంబేడ్కర్‌పై అనుచితమైన వ్యాఖ్యలు చేసిన కేంద్ర హోంమంత్రి అమిత్‌ షా విజయవాడ పర్యటనను నిరసిస్తూ స్థానిక ఆర్టీసీ కాంప్లెక్స్‌ వద్ద సీపీఎం, సీపీఐలు ఆధ్వర్యంలో ఆదివారం నిరసన చేపట్టాయి. ఈ సందర్భంగా సీపీఎం జిల్లా కార్యదర్శి తమ్మినేని సూర్యనారాయణ, సీపీఐ(ఎంఎల్‌)జిల్లా నాయకుడు బెహరా శంకరరావులు మాట్లాడుతూ..రాజ్యాంగాన్ని, అవమా నించి, అంబేడ్కర్‌పై అనుచితమైన వ్యాఖ్యలు చేసిన కేంద్ర హోంమంత్రి అమిత్‌ షా నైతికంగా రాజీనామా చేయాలని డిమాండ్‌ చేశారు. విశాఖ స్టీల్‌ ప్లాంట్‌ అమ్ముతున్నా కేంద్ర ప్రభుత్వంలో కీలక పాత్ర పోషించిన అమిత్‌ షా రాష్ట్రానికి వస్తే టీడీపీ, జనసేన నేతలు స్వాగతం పలకడం సిగ్గు చేటన్నారు. ప్రజలంతా అమిత్‌ షా పర్యటనను వ్యతిరేకించాలని పిలుపునిచ్చారు. కార్యక్రమంలో వామపక్షాల నాయకులు రెడ్డి శంకరరావు, టీవీ రమణ, ఎం. అప్పలరాజు తదితరులు పాల్గొన్నారు.

● బాధితుల వేడుకోలుబొండపల్లి: తమకు అసరాగా 13 సంవత్సరాలుగా ఉన్న రేకుల షెడ్డును తొలగించిన స్థానంలోనే తనకు నీడను కల్పించాలని కోరుతూ బాధిత కుటుంబం అక్కడే చలిలోనే నాలుగు రోజులుగా కాలం వెళ్లదీస్తున్నారు. మండలంలోని గొల్లలపేట గ్రామానికి చెందిన పీతల చంటిబాబు గ్రామానికి సమీపంలో రేకుల షెడ్డును సెంటున్నర స్థలంలో 13 సంవత్సరాల క్రితం వేసుకుని అక్కడే నివాసం ఉంటూ జీవనం సాగిస్తున్నాడు. అయితే ఇటీవల రెవెన్యూ అధికారులు ప్రభుత్వ స్థలంలో రేకుల షెడ్డు వేసుకున్నాడని చెప్పి నోటీసులు జారీ చేసి షెడ్డును పొక్లెయిన్‌తో బలవంతంగా తొలగించారు. కేవలం రాజకీయ కారణాలతోనే తన షెడ్డును తొలగించారని ఇదే సర్వే నంబర్‌లో ప్రభుత్వ భూమి అని చెబుతున్న దానిలో నీలగిరి మొక్కలు వేసుకుని సాగు చేస్తున్న రైతును ఎందుకు తొలగించలేదని, అలాగే మండలంలో చాలా చోట్ల అక్రమణలు ఉన్నా తనపై కక్షగట్టి తొలగించడం దారుణమని వాపోతున్నాడు. తనకు న్యాయం చేసి తాను రేకుల షెడ్డు వేసుకుని జీవనం సాగిస్తున్న చోటనే తనకు నీడ కల్పించాలని కోరుతూ బాధితుడు కుటుంబంతో సహా అక్కడే రాత్రీపగలు చలిలో కాలం వెళ్ల దీస్తున్నాడు. ప్రభుత్వం, అధికారులు తనకు న్యాయం చేయాలని లేకుంటే అంతవరకు షెడ్డు తొలగించిన స్థలం నుంచి కదిలేది లేదని తెగేసి చెబుతున్నాడు.