అభిమానుల మాట వింటారా? పర్యటనలో జనసైనికులేమో పవన్‌ కళ్యాణ్‌ను సీఎం సీఎం అంటూ నినాదాలు చేస్తున్నారని, ఆయనేమో చంద్రబాబు మరో రెండు పర్యాయాలు సీఎంగా ఉండాలని కోరుకుంటున్నారని రాజన్నదొర ఎద్దేవా చేశారు. చంద్రబాబే సీఎంగా ఉండాలంటూ పదేపదే చెబుతున్న పవన్‌ కళ్యాణ్‌... తన అభిమానుల మాట మన్నించి ఎప్పుడు సీఎం అవుతారని ప్రశ్నించారు. సాక్షి ప్రతినిధి, విజయనగరం: ఆంధ్రప్రదేశ్‌ రాష్ట్రాన్ని అత్యధిక కాలం పాలించినది తెలుగుదేశం పార్టీయేనని, అందులోనూ నాలుగు దఫాలుగా సుదీర్ఘకాలం ముఖ్యమంత్రిగా పనిచేసిందీ చంద్రబాబు మాత్రమేనని, అంత అనుభవకాలంలో ఏ ఒక్క గిరిశిఖర గ్రామానికై నా రోడ్డు వేశారా? అని ఆయనను ప్రశ్నించాలని ఉపముఖ్యమంత్రి పవన్‌ కళ్యాణ్‌కు మాజీ ఉపముఖ్యమంత్రి, వైఎస్సార్‌సీపీ నాయకుడు పీడిక రాజన్నదొర హితవు పలికారు. సాలూరు నియోజకవర్గం నుంచి టీడీపీ నాయకులే ఎక్కువ కాలం ఎమ్మెల్యేగా ఎన్నికయ్యారని, ప్రస్తుత ఎమ్మెల్యే రాష్ట్ర మహిళా శిశు, గిరిజన సంక్షేమశాఖల మంత్రి గుమ్మడి సంధ్యారాణి కూడా ఎమ్మెల్సీగా ఆరేళ్లపాటు పదవిని అనుభవించారని, మరి వారు ఏ ప్రాంతానికి రోడ్డు వేయించారో ఒక్కసారి అడిగితే పవన్‌కు తెలిసేదని అన్నారు. సాలూరు నియోజకవర్గంలో శుక్రవారం పర్యటించి పవన్‌ కళ్యాణ్‌ చేసిన వ్యాఖ్యలపై రాజన్నదొర తీవ్రంగా స్పందించారు. శనివారం సాలూరులోని తన నివాసంలో మీడియా సమావేశంలో మాట్లాడారు. ఆయన మాటల్లోనే... ● ఉపముఖ్యమంత్రి హోదాలో పవన్‌ కళ్యాణ్‌ గిరిజన ప్రాంతానికి రావడాన్ని ఒక గిరిజన నాయకుడిగా తాను స్వాగతిస్తాను. కానీ గతమేమిటో, గిరిశిఖర గ్రామాల్లో అభివృద్ధి ఎవరి హయాంలో జరిగిందో తెలుసుకోకుండా రాజకీయాల కోసం ఏవేవో మాట్లాడితే మాత్రం కచ్చితంగా ఖండిస్తాను. ● గత పాలకులు ఏజెన్సీలో గిరిశిఖర ప్రాంతాలకు రోడ్లు వేయలేదని మాట్లాడటం పూర్తిగా అసంబద్ధం. సాలూరు నియోజకవర్గంలోని గిరిజన ప్రాంతంలో కొటియా గ్రామాలకు మొట్టమొదట బీటీ రోడ్డును తాను ఎమ్మెల్యేగా దివంగత ముఖ్యమంత్రి వైఎస్‌ రాజశేఖరరెడ్డిని ఒప్పించి నిర్మాణం చేయించాను. తర్వాత మళ్లీ ఆయన కుమారుడు వై.ఎస్‌.జగన్‌మోహన్‌రెడ్డి ముఖ్యమంత్రి అయిన తర్వాత 11 బీటీ రోడ్లు, ఎనిమిది భారీ వంతెనలను మంజూరుచేయించాను. వాటిలో చాలావరకూ నిర్మాణ పనులు పూర్తి అయ్యాయని, తద్వారా గిరిజన గ్రామాలకు మైదాన ప్రాంతంతో అనుసంధానం ఏర్పడింది. గిరిజనులకు ప్రయాణ, వైద్య సౌకర్యం ఎంతో మెరుగుపడింది. ● గిరిజన ప్రాంతాలకు గత పాలకులు రోడ్డు వేయలేదని మొసలికన్నీరు కార్చడం సరికాదు. ముందుగా ముఖ్యమంత్రి చంద్రబాబును ఒక్క రోడ్డు అయినా నిర్మించారా అని ప్రశ్నించాలి. ● సాలూరు మండలంలోని సిరివర గ్రామానికి చెందిన ఓ గిరిజన గర్భిణి ప్రసవ వేదనపై జాతీయ మానవహక్కుల కమిషన్‌ సుమోటాగా స్పందించి నోటీసులు పంపించినప్పుడు అధికారంలో ఉన్నది కూడా టీడీపీయే. ముఖ్యమంత్రి పదవిలో ఉన్నది కూడా చంద్రబాబు. నాడు హడావిడిగా రూ.8 కోట్లతో రోడ్డు మంజూరుచేస్తున్నట్లు టీడీపీ ప్రభుత్వం ఉత్తర్వులు జారీ చేసింది. తీరా 2019లో దిగిపోయేనాటికి కూడా నిధులు మంజూరుచేయకుండా గిరిజనులను మోసం చేశారు. అలా ఎందుకు చేశావని చంద్రబాబునే పవన్‌ కళ్యాణ్‌ ప్రశ్నించాలి. ● సాలూరు నియోజకవర్గంలో పర్యటన సందర్భంగా ఉపముఖ్యమంత్రి పవన్‌ కళ్యాణ్‌ నడిచివెళ్లిన బాగుజోల గ్రామానికి మట్టి రోడ్డు వేయించిందీ వైఎస్సార్‌సీపీ ప్రభుత్వమే. సిరివర రోడ్డుకు, కొదమకు అటవీ ప్రాంతంలో కొండలు, గుట్టలు తొలిచి మట్టి రోడ్డు వేయించాం. చిలకమెండంగి రోడ్డుకు కూడా కేంద్రానికి పోలీసు అధికారుల ద్వారా నివేదికలు పంపించి పీఎంజేఎస్‌వై నిధుల కోసం ప్రయత్నాలు చేశాను. ఆ ప్రతిపాదనలు పెండింగ్‌లో ఉన్నాయి. గిరిజనులను అడిగితే చెప్పేవారు... గిరిజన ప్రాంతాలకు గత పాలకులు ఎవ్వరూ రాలేదని, తానే కాలినడకన వచ్చానని పవన్‌ కళ్యాణ్‌ మాట్లాడటాన్ని రాజన్నదొర తప్పుబట్టారు. చిలకమెండంగి, బాగుజోల తదితర గిరిశిఖర, గిరిజన గ్రామాలకు తాను కాలినడకన వెళ్లి అక్కడి గిరిజనులతో మాట్లాడి ఎన్నో సమస్యలు పరిష్కరించానని గుర్తు చేశారు. గత ఎమ్మెల్యే, మాజీ మంత్రి రాజన్నదొర ఇక్కడకు ఎప్పుడైనా వచ్చారా అని గిరిజనులను పవన్‌ కళ్యాణ్‌ అడిగి ఉంటే వారు వాస్తవమేమిటో చెప్పేవారన్నారు. అలాగాకుండా ఇక్కడకు గత పాలకులెవరైనా వచ్చారా? అంటే... లేదు లేదు అని చెప్పండంటూ మంత్రి సంధ్యారాణి సిగ్గులేకుండా గిరిజనులకు సైగ చేసి చేతులు ఊపించారని చెప్పారు. ఆమె ఎన్నిసార్లు వెళ్లారో పవన్‌ కళ్యాణ్‌ అడిగి ఉండాల్సిందన్నారు. 2014–19 కాలంలో చంద్రబాబు ముఖ్యమంత్రిగా ఉన్నప్పుడే సంధ్యారాణి కూడా ఎమ్మెల్సీ అయ్యారని, ఆ సమయంలో ఈ గిరిశిఖర గ్రామాలకు ఒక్క రోడ్డు అయినా తీసుకొచ్చారా అని ప్రశ్నిస్తే బాగుండేదన్నారు. కనీసం ఇప్పుడైనా పవన్‌ కళ్యాణ్‌ తాను గిరిజనులకు ఇచ్చిన హామీలన్నీ కూటమి ప్రభుత్వాన్ని ఒప్పించి ఆచరణలోకి తేవాలని కోరారు. ఆంధ్రప్రదేశ్‌లో ఎక్కువకాలం టీడీపీదే ఏలుబడి రాష్ట్రాన్ని అత్యధిక కాలం పాలించింది చంద్రబాబే ఏ ఒక్క గిరిశిఖర గ్రామానికై నా రోడ్డువేశారేమో ఆయన్ను ప్రశ్నించండి ఉపముఖ్యమంత్రి పవన్‌ కళ్యాణ్‌కు మాజీ ఉపముఖ్యమంత్రి రాజన్నదొర హితోపదేశం గిరిశిఖర గ్రామాలకు వై.ఎస్‌.జగన్‌ మోహన్‌రెడ్డి పాలనలోనే రోడ్లు పవన్‌ నడిచిన మట్టిరోడ్డూ వేసిందీ వైఎస్సార్‌సీపీ హయాంలోనేనని స్పష్టీకరణ

మొక్కజొన్న నీట మునిగింది... వరిచేను కోత కోసిన తరువాత 15 రోజుల క్రితమే ఐదు ఎకరాల్లో మొక్కజొన్న విత్తనాలు వేశాను. గత రెండు రోజులుగా కురుస్తున్న వర్షాల కారణంగా పొలాల్లో నీరు చేరి మొక్కజొన్న పంటంతా ముంపునకు గురైంది. ఇప్పుడిప్పుడే మొలకలు వచ్చిన దశలో భూమి ఊటపట్టింది. దీంతో నష్టమే జరుగుతుంది. ఎకరాకు రూ.10వేల చొప్పున పెట్టుబడి అయ్యింది. –చింతల భుజింగనాయుడు, రైతు, తెర్లాం విజయనగరం ఫోర్ట్‌: రైతులను తుఫాన్‌ ముంచేసింది. గత నాలుగు రోజులుగా కురిసిన వర్షాలకు పంట పొలాలు చెరువులను తలపస్తున్నాయి. పనలపై ఉన్న వరి పంట నీటిలో తేలాయాడుతోంది. మొక్కజొన్న పంటకు నష్టం కలిగింది. పెసర, మినుము పంటలు దెబ్బతిన్నాయి. వేలాది హెక్టార్లలో పంటలకు నష్టం వాటిల్లడంతో రైతన్నలు కన్నీరు పెడుతున్నారు. నష్టం ఇలా... తుఫాన్‌ వర్షాలకు వరి, మొక్కజొన్న, అపరాల పంటలు 5,013 హెక్టార్లలో దెబ్బతిన్నట్టు వ్యవసాయాధికారులు ప్రాథమిక అంచనా వేశారు. 13 మంది రైతులకు చెందిన 12 హెక్టార్లలో వరి పంట పూర్తిగా దెబ్బతిన్నట్టు నిర్ధారించారు. 699 మంది రైతులు సాగుచేసిన 741.55 హెక్టార్లలో మొక్కజొన్న, 4,244 మంది రైతులకు చెందిన 4,258.95 హెక్టార్లలో అపరాలు (పెసర, మినుము)లకు నష్టం వాటిల్లింది. మినుము పంటకు అపార నష్టం అరెకరా విస్తీర్ణంలో మినుము వేశాను. చేను బాగా ఎదుగుతున్న క్రమంలో వాయుగుండంతో వర్షాలు కురిశాయి. మొక్కలు పాడైపోయాయి. పంట పనికొచ్చే స్థితిలోలేదు. గతంలో సీఎంగా జగన్‌ ఉన్నప్పుడు పంటలు ఏవైనా నష్టపోతే పరిహారం వచ్చేది. ఇప్పుడు పంట నష్టం చూసేందుకు కూడా ఏ అధికారీ రాలేదు. – కటికి శ్రీనివాసరావు, రైతు, రామభద్రపురం జిల్లాలో 5,013 హెక్టార్లలో పంటలకు నష్టం ప్రాఽథమికంగా అంచనా వేసిన అధికారులు నీట మునిగిన వరి, మొక్కజొన్న, పెసర, మినుము పంటలు

విజయనగరం రూరల్‌: కోరుకొండ సైనిక పాఠశాలలో విద్యనభ్యసించడం పూర్వజన్మ సుకృతమని పాఠశాల ప్రిన్సిపాల్‌ ఎస్‌ఎస్‌.శాస్త్రి పేర్కోన్నారు. పాఠశాలలోని పివిజి.రాజు ఆడిటోరియంలో శనివారం జరిగిన వార్షికోత్సవ ముగింపుతో పాటు పేరేంట్స్‌ డే కార్యక్రమంలో ఆయన పాల్గొన్నారు. ఈ సందర్భంగా విద్యార్థులనుద్దేశించి మాట్లాడారు. కోరుకొండ సైనిక పాఠశాలలో నిర్వహించిన ఈ వేడుకలు విద్యార్థుల ప్రయాణంలో మరో మైలురాయిని సూచిస్తున్నాయన్నారు. ఇక్కడ విద్యతో పాటు వ్యక్తిగత జీవనశైలి, క్రమశిక్షణ, వృత్తిపట్ల అంకితభావం, కుటుంబ విలువల వంటి ఎన్నో లక్షణాలను నేర్చుకోవడం తద్వారా వాటిని అమలు చేయడంలో పలువురికి ఆదర్శవంతులవ్వడం జరుగుతుందన్నారు. ముందు తరం విద్యార్థులు ఎంతో మందికి నేడు ప్రపంచంలోనే ఉన్నత స్థాయిలో ఉండి పాఠశాలకు, తద్వారా దేశానికి ఎంతో కీర్తిని తీసుకువచ్చారన్నారు. అనంతరం పాఠశాల విజయాలు, విద్యావేత్తలు, క్రీడలు, పాఠ్యాంశాలలో క్యాడెట్ల అద్భుతమైన ప్రదర్శనలు నిర్వహించారు. కార్యక్రమంలో ప్రత్యేక ఆకర్షణగా ప్రతిభను, సృజనాత్మకతను చాటిచెప్పే సాంసృతిక ఉత్సవాలను ఘనంగా నిర్వహించారు. అనంతరం విద్యార్థులకు బహుమతులను అందజేశారు. కార్యక్రమంలో రియర్‌ అడ్మిరల్‌ కె.శ్రీనివాస్‌తో పాటు విద్యార్థుల తల్లిదండ్రులు పాల్గొన్నారు. ప్రిన్సిపాల్‌ ఎస్‌ఎస్‌.శాస్త్రి

విజయనగరం ఫోర్ట్‌: జిల్లా వైద్య ఆరోగ్యశాఖాధికారి (డీఎంహెచ్‌ఓ)గా విశాఖపట్నం జిల్లా వ్యాధి నిరోధకటీకాల అధికారి డాక్టర్‌ ఎస్‌.జీవన రాణి పదోన్నతిపై నియామకమయ్యారు. ఇక్కడ డీఎంహెచ్‌ఓగా విధులు నిర్వర్తిస్తున్న డాక్టర్‌ ఎస్‌.భాస్కరరావుకు పార్వతీపురం మన్యం జిల్లాకు బదిలీ అయింది. ఈ మేరకు శనివారం వైద్య ఆరోగ్యశాఖ ప్రత్యేక ప్రధాన కార్యదర్శిఎం.టి. కృష్ణబాబు ఉత్తర్వులు జారీచేశారు. పంటల బీమా గడువు పెంపు ● జిల్లా వ్యవసాయ అధికారి తారకరామారావు విజయనగరం ఫోర్ట్‌: రబీ పంటలకు బీమా గడువును ఈ నెలాఖరువరకు పెంచామని, రైతులు బీమా ప్రీమియం చెల్లించాలని జిల్లా వ్యవసాయ అధికారి వి.తారకరామారావు తెలిపారు. జిల్లాలో రబీలో 5,801 హెక్టార్లలో మొక్కజొన్న, 4,081 హెక్టార్లలో పెసర, 10,067 హెక్టార్లలో మినుము పంట సాగువుతోందన్నారు. వరి, మొక్కజొన్న, పెసర, మినుము తదితర పంటలకు బీమా ప్రీమియం చెల్లించేందుకు రైతు సేవా కేంద్రం అసిస్టెంట్‌ను సంప్రదించాలన్నారు. వరి పంటకు ఎకరాకు రూ.630, మొక్కజొన్నకు రూ.540, పెసర, మినుము పంటలకు రూ. 300 వంతున ప్రీమియం చెల్లించి బీమా సదుపాయం పొందాలన్నారు. సంక్రాంతి పురస్కారాలకు దరఖాస్తుల ఆహ్వానం విజయనగరం టౌన్‌: నూతన సంవత్సరం, సంక్రాంతి పండగను పురస్కరించుకుని ‘సంక్రాంతి పురస్కారం–2025’కు దరఖాస్తులు ఆహ్వానిస్తున్నట్లు సర్వేజనా సుఖినోభవంతు సాహిత్య, సామాజిక, సాంస్కృతిక సేవా సంస్థ వ్యవస్థాపకుడు డాక్టర్‌ ఈఎస్‌ఎన్‌ నారాయణ శనివారం ఒక ప్రకటనలో తెలిపారు. ఉభయ తెలుగు రాష్ట్రాల్లోని సమాజ సేవకులు, ఉపాధ్యాయులు, వైద్యులు, ఇంజినీర్లు, యోగా, మెడిటేషన్‌, సంగీత, నృత్యగురువులు, క్రీడాకారులు, మేధావుల నుంచి దరఖాస్తులు కోరుతున్నట్లు పేర్కొన్నారు. ఈ నెల 31లోపు దరఖాస్తులు చేసుకోవాలని కోరారు. వివరాలకు 96523 47207 నంబర్‌ను సంప్రదించాలన్నారు. పంటల సస్యరక్షణే ప్రధానం గజపతినగరం: ఎడతెరిపి లేకుండా కురుస్తున్న వర్షాల నుంచి పంటల సంక్షణకు రైతులు ప్రత్యేక శ్రద్ధ చూపాలని ఏరవాక కేంద్రం జిల్లా కోఆర్డినేటర్‌ కె.లక్ష్మణ్‌ తెలిపారు. గజపతినగరం మండలం శ్రీరంగ రాజపురం, తుమికాపల్లి, లోగిశ గ్రామాలను ఆయన శనివారం సందర్శించారు. మొక్కజొన్న, వరి పంటలను పరిశీలించారు. మొక్కజొన్న సంరక్షణ పద్ధతులను వివరించారు. వ్యవసాయ అధికారులు కె.మహరాజన్‌, గోవిందమ్మ, ధనలక్ష్మి పాల్గొన్నారు.

విజయనగరం లీగల్‌: చట్టాలపై ఖైదీలు అవగాహన కలిగి ఉండాలని అదనపు సీనియర్‌ సివిల్‌ జడ్జి, జిల్లా న్యాయ సేవా అధికార సంస్థ కార్యదర్శి టి.వి.రాజేష్‌కుమార్‌ అన్నారు. జిల్లా ప్రధాన న్యాయమూర్తి బి.సాయికళ్యాణ్‌ చక్రవర్తి ఆదేశాల మేరకు విజయనగరం సబ్‌జైల్‌ను శనివారం సందర్శించారు. కారాగారంలో ఉన్న ఖైదీలకు న్యాయ విజ్ఞాన సదస్సు నిర్వహించారు. సబ్‌ జైల్‌లో కొనసాగుతున్న జైల్‌ లీగల్‌ ఎయిడ్‌ క్లినిక్‌లను తనిఖీ చేశారు. జైల్‌ క్లినిక్‌ను సందర్శించే న్యాయవాదులు, పారా లీగల్‌ వలంటీర్లు నిర్వహిస్తున్న విధులపై ఆరా తీశారు. జైలులో ఉన్న ముద్దాయిలకు సకాలంలో న్యాయ సహాయం అందించడానికి జైల్‌ లీగల్‌ ఎయిడ్‌ క్లినిక్లను ఏర్పాటు చేసినట్టు వెల్లడించారు. జైల్‌లో ఉన్న ముద్దాయిలకు ఉచిత న్యాయ సహాయం అందించడమే జిల్లా న్యాయ సేవాధికార సంస్థ ముఖ్య కర్తవ్యమన్నారు. జైలులో అమలవుతున్న సౌకర్యాలపై ఖైదీలను అడిగి తెలుసుకున్నారు. వంట గది, భోజనశాల, స్టోర్‌ రూమ్‌, మరుగుదొడ్లను పరిశీలించారు.

–8లోఅవకాశాలను అందిపుచ్చుకోవాలి అవకాశాలను విద్యార్థులు అందిపుచ్చుకోవాలని నయంత విశ్వ విద్యాలయం సీఈఓ రంజన్‌ బెనర్జీ పిలుపునిచ్చారు.జియ్యమ్మవలస: వారిది ఉమ్మడి కుటుంబం. వ్యవసాయమే జీవనాధారం. ఇంటిల్లిపాదీ ఆరుగాలం పొలంలో శ్రమిస్తూ కుటుంబాలను నెట్టుకువస్తున్నారు. ఇప్పుడు ఆ పొలంలోనే ఒక్కొక్కరుగా తనువుచాలిస్తుండడం కలవరపరుస్తోంది. ఐదేళ్ల కిందట పెద్దన్నయ్య కృష్ణ పొలంలోనే మృతి చెందగా.. ఇప్పుడు పొలానికి వెళ్లిన ఇద్దరు అన్నదమ్ములు ఒకేసారి విద్యుత్‌షాక్‌కు గురై మృతి చెందడంతో కుటుంబ సభ్యులు కన్నీరుమున్నీరుగా విలపిస్తున్నారు. గ్రామస్తులు, పోలీసులు తెలిపిన వివరాల ప్రకారం.. జియ్యమ్మవలస మండలం శిఖబడి గ్రామానికి చెందిన ఇద్దరు అన్నదమ్ములు వైకుంఠపు శ్రీను (45), సింహాచలం(43) ఎస్టీ మరువాడ వద్ద ఉన్న పొలంలో రబీ వరి పంట కోసం నారుమడి సిద్ధం చేసేందుకు శనివారం ఉదయం వెళ్లారు. ఎప్పటికీ ఇంటికి రాకపోవడంతో కుటుంబ సభ్యులు ఫోన్‌చేశారు. ఫోన్‌ లిఫ్ట్‌ చేయకపోవడంతో పొలానికి వెళ్లి చూడగా ఇద్దరూ విగతజీవులుగా పడి ఉన్నారు. మోటారు వేసే సమయంలో సపోర్టు వైరుకు విద్యుత్‌ ప్రసరించడం, దానికి వారు తగలడంతో షాక్‌కు గురై మృతిచెంది ఉంటారని భావిస్తున్నారు. మృతుల్లో శ్రీను ఇద్దరు కుమారుల్లో చక్రధర్‌ ఎంసీఏ చేస్తుండగా వెంకటేష్‌ ఐటీఐ చదివి ప్రైవేటు ఉద్యోగంలో ఇటీవల చేరాడు. సింహాచలంకు రమ్య అనే పాప డిగ్రీ చదువుతుండగా రమేష్‌ ఐటీఐ చదువుతున్నాడు. ఐదేళ్ల కిందట మృతిచెందిన కృష్ణకు ఇద్దరు అమ్మాయిలు ఉండగా వారికి పెళ్లళ్లు జరిగాయి. ఇంటికి పెద్ద దిక్కుగా ఉన్న ఇద్దరు అన్నదమ్ములు ఒకేసారి విద్యుత్‌షాక్‌కు గురై మృతి చెందడంతో ఆ కుటుంబంలో విషాదం అలముకుంది. మృతుల తండ్రి మరణించగా తల్లి మహాలక్ష్మి ఉంది. ఇంటికి పెద్ద దిక్కును మృత్యువు కాటేయడంతో కుటుంబ సభ్యులు కన్నీరుమున్నీరుగా విలపిస్తున్నారు. మృతుల కుటుంబ సభ్యులు ఇచ్చిన ఫిర్యాదు మేరకు ఎస్‌ఐ ప్రసన్నకుమార్‌ ఘటనా స్థలాన్ని పరిశీలించారు. కేసు నమోదు చేశారు. మృతదేహాలను పోస్టుమార్టం నిమిత్తం పార్వతీపురం జిల్లా ఆస్పత్రికి తరలించారు. విద్యుత్‌ షాక్‌తో ఇద్దరు అన్నదమ్ములు మృతి శిఖబడి గ్రామంలో విషాదం గతంలో వారి అన్నయ్య కూడా పొలంలోనే తనువుచాలించిన వైనం

జననేత, వైస్సార్‌సీపీ అధ్యక్షుడు, మాజీ ముఖ్యమంత్రి వై.ఎస్‌.జగన్‌మోహన్‌రెడ్డి జన్మదిన వేడుకలు ఊరూరా సందడిగా సాగాయి. పార్టీ నాయకులు, కార్యకర్తలు ఆలయాల్లో ప్రత్యేక పూజలు చేశారు. కేకులు కట్‌చేసి అభిమానులకు పంచిపెట్టారు. రక్తదాన శిబిరాల్లో ఉత్సాహంగా పాల్గొన్నారు. ఆస్పత్రుల్లో రోగులకు పండ్లు, రొట్టెలు, పలు చోట్ల పేదలకు చీరలు, దుప్పట్లు, రగ్గులు పంపిణీ చేశారు. పార్టీ బలోపేతమే లక్ష్యంగా ముందుకు సాగాలని పార్టీ నేతలు పిలుపునిచ్చారు. కూటమి ప్రభుత్వ ప్రజావ్యతిరేక విధానాలను ఎండగట్టాలని కోరారు. రానున్న ఎన్నికల్లో విజయమే లక్ష్యంగా ముందుకు సాగాలన్నారు. ప్రజలకు అండగా నిలవాలని సూచించారు. – సాక్షి ప్రతినిధి, విజయనగరం

● జిల్లా న్యాయసేవాధికార సంస్ధ కార్యదర్శి టివి.రాజేష్‌కుమార్‌ విజయనగరం క్రైమ్‌: రిమాండ్‌లో ఉన్న ముద్దాయిలకు ఎవరూ న్యాయవాది లేకుండా ఉండకూడదని, అలాంటి వారికి జిల్లా న్యాయసేవాధికార సంస్ధ న్యాయవాదిని ఉచితంగా అందిస్తుందని అదనపు సీనియర్‌ సివిల్‌ జడ్జి, జిల్లా న్యాయసేవాధికార సంస్ధ కార్యదర్శి టివి.రాజేష్‌కుమార్‌ పేర్కొన్నారు. జిల్లా ప్రధాన న్యాయమూర్తి బి.సాయి కళ్యాణ చక్రవర్తి ఆదేశాలతో శనివారం విజయనగరం సబ్‌జైల్‌ను సందర్శించారు. కారాగారంలో ఉన్న ఖైదీలకు న్యాయ విజ్ఞాన సదస్సును నిర్వహించి, వారికి పలు చట్టాలపై అవగాహన కల్పించారు. 70 ఏళ్లు పైబడిన వృద్ధులు, అస్వస్ధతతో ఉన్నటువంటి ఖైదీల వివరాలను అడిగి తెలుసుకున్నారు. సబ్‌ జైల్లో కొనసాగుతున్న జైల్‌ లీగల్‌, ఎయిడ్‌ క్లినిక్‌లను తనిఖీ చేశారు. జైల్లో ఉన్న ముద్దాయిలకు సకాలంలో న్యాయసహాయమందించేందుకు జైల్‌ లీగల్‌ ఎయిడ్‌ క్లినిక్‌ ఏర్పాటు చేశామని, వాటిని సక్రమంగా కొనసాగించాలని సూచించారు. జైల్లో ఉన్న ముద్దాయిలకు ఉచిత న్యాయ సహాయమందించడమే జిల్లా న్యాయసేవాధికార సంస్థ ముఖ్య కర్తవ్యమన్నారు. జైల్లో అమలవుతున్న సౌకర్యాలు గురించి ఖైదీలను అడిగి తెలుసుకున్నారు. వంటగదిని, భోజనశాలను, స్టోర్‌ రూమ్‌ తదితర వాటిని సందర్శించి సంతృప్తి వ్యక్తం చేశారు. కార్యక్రమంలో సబ్‌ జైల్‌ సూపరింటెండెంట్‌ బి.సంపత్‌కుమార్‌ రెడ్డి తదితరులు పాల్గొన్నారు.

పాలకొండ రూరల్‌: రిమాండ్‌ ఖైదీల ఆరోగ్య స్థితిగతులపై సబ్‌ జైల్‌ అధికారులు ప్రత్యేక శ్రద్ధ తీసుకోవాలని ఉమ్మడి శ్రీకాకుళం జిల్లా అదనపు జడ్జి సీహెచ్‌ వివేకానంద శ్రీనివాస్‌ కోరారు. పాలకొండ సబ్‌ జైల్‌లో స్థానిక జూనియర్‌ సివిల్‌ కోర్టు న్యాయమూర్తి ఎ.విజయరాజుకుమార్‌తో కలసి శనివారం న్యాయవిజ్ఞాన సదస్సు నిర్వహించారు. రిమాండ్‌ ఖైదీలకు అందుతున్న న్యాయ సేవలపై ఆరా తీశారు. వారు చేసిన నేరం, బెయిల్‌ విషయంలో అందుతున్న సేవలను అడిగి తెలుసుకున్నారు. అనంతరం జైలు పరిసరాలు, పారిశుద్ధ్య నిర్వహణ, భోజనం, రికార్డుల నిర్వహణను పరిశీలించారు. ఆయన వెంట శ్రీకాకుళం సబ్‌ జడ్జి ఆర్‌.సన్యాసిరావు, న్యాయవాదులు బి.రామ్మోహనరావు, ఆర్‌.కుమారస్వామి, ఎన్‌.సింహాచలం, జైల్‌ ఇన్‌చార్జి పి.చంద్రరావు, వార్డర్లు బి.విజయకుమార్‌, హేమ సుందర్‌, ఏఎస్సై శ్రీనివాస్‌నాయుడు తదితరులు ఉన్నారు. ఉమ్మడి శ్రీకాకుళం జిల్లా అదనపు జడ్జి

బొబ్బిలి రూరల్‌: పాఠశాలలోని విద్యార్థులకు మానసిక పటుత్వంతో పాటు వికాసం, శారీరక ధైర్యం, దేశభక్తిని తెలియజేయాలంటే ప్రతీ పాఠశాలలో స్కౌట్స్‌ అండ్‌ గైడ్స్‌తో పాటు ఎన్‌సీసీని ప్రవేశపెట్టాలని డెల్టా సంఘ అధ్యక్షుడు మింది విజయమోహనరావు డిమాండ్‌ చేశారు. మండలంలోని అలజంగి ఎంపీపీ పాఠశాలలో ఆ సంఘ సభ్యులు శుక్రవారం విలేకరులతో మాట్లాడారు. విద్యార్థి దశ నుంచే చిన్నారుల్లో ప్రాధమిక హక్కులు, సామాజిక బాధ్యత, స్వీయ రక్షణ తదితర అంశాల్లో పూర్తి స్థాయి అవగాహన కల్పించాల్సిన బాధ్యత ప్రభుత్వాలపై ఉందన్నారు. ఆ దిశగా ప్రభుత్వం ఆలోచన చేయాలని కోరారు. సమావేశంలో సభ్యులు శ్రీనివాసరావు, ప్రసాద్‌ తదితరులు పాల్గొన్నారు.

విజయనగరం అర్బన్‌: వివిధ అభివృద్ధి పనులు, ప్రజా సంక్షేమానికి కేంద్ర ప్రభుత్వం మంజూరు చేస్తున్న నిధులు, పథకాలను సద్వినియోగం చేసుకోవాలని రాష్ట్ర ఎంఎస్‌ఎంఈ, సెర్ప్‌, ఎన్నారై వ్యవహారాల శాఖ మంత్రి కొండపల్లి శ్రీనివాస్‌ అన్నారు. ఇప్పటికే రాష్ట్రంలో 73 కేంద్ర పథకాలు ప్రారంభమయ్యాయని మరో 20 పథకాలు త్వరలో అమలు కానున్నాయని తెలిపారు. వాటిని జిల్లా అభివృద్ధికి అన్వయించడంలో నిర్లక్ష్యం వహించవద్దని తెలిపారు. కలెక్టరేట్‌ ఆడిటోరియంలో ఎంపీ కలిశెట్టి అప్పలనాయుడు అధ్యక్షతన శనివారం జరిగిన జిల్లా అభివృద్ధి, సమన్వయ, పర్యవేక్షణ కమిటీ (దిశ) సమావేశంలో ఆయన మాట్లాడారు. ప్రధాన మంత్రి సూర్యఘర్‌ పథకంపై అందరికీ అవగాహన కల్పించాలన్నారు. ఎంపీ మాట్లాడుతూ మార్పు కోసం అధికారులు, ప్రజాప్రతినిధులంతా సమన్వయంతో కలిసి కృషి చేద్దామని పిలుపునిచ్చారు. వ్యవసాయం, విద్యుత్‌, సమగ్ర శిక్ష, జాతీయ రహదారుల నిర్మాణం, వైద్యారోగ్యం, సీ్త్ర శిశు సంక్షేమం, పరిశ్రమలు, పశు సంవర్థకం, స్వచ్ఛ భారత్‌, జలజీవన్‌ మిషన్‌ తదితర పథకాలపై సమీక్షించారు. కలెక్టర్‌ డాక్టర్‌ బీఆర్‌ అంబేడ్కర్‌ మాట్లాడుతూ ప్రధాన మంత్రి సూర్యఘర్‌ పథకాన్ని జిల్లాలోని ఎస్సీ, ఎస్టీలు సద్వినియోగం చేసుకునేలా అవగాహన కల్పిస్తున్నామన్నారు. సమావేశంలో ఎమ్మెల్యేలు కోళ్ల లతితకుమారి, లోకం మాధవి, జెడ్పీ సీఈఓ బీవీసత్యనారాయణ, డిప్యూటీ సీఈఓ ఆర్‌.వెంకటరామన్‌, వివిధ శాఖల అధికారులు పాల్గొన్నారు.

● నలుగురికి తీవ్ర గాయాలు ● కొరసవాడ యాతపేట వద్ద ఆటోను ఢీకొన్న స్కార్పియో ● ఇద్దరి పరిస్థితి విషమంపాతపట్నం: మండలంలోని కొరసవాడ యాతపేట సమీపంలో జాతీయ రహదారిపై పాతపట్నం ఎమ్మెల్యే మామిడి గోవిందరావు తనయుడు సాయిగణేష్‌ ప్రయాణిస్తున్న స్కార్పియో ఎదురుగా వస్తున్న ఆటోను ఢీకొన్న ఘటనలో నలుగురికి తీవ్ర గాయాలు కాగా మరొకరు స్పల్పంగా గాయపడ్డారు. స్థానికులు, పోలీసులు తెలిపిన వివరాల ప్రకారం.. పాతపట్నం శివశంకర్‌ కాలనీలో నివాసముంటున్న ఉపాధ్యాయుడు సింగ ఆనంద్‌ శనివారం మృతి చెందాడు. అతని కుటుంబ సభ్యులను పరామర్శించేందుకు పార్వతీపురం మన్యం జిల్లా భామిని మండలం లివిరి గ్రామానికి చెందిన ఒకే కుటుంబానికి చెందిన చెప్పల బోగయ్య, సంతు, సవలాపురం నరేష్‌, గణేష్‌లు కలిసి ఆటో డ్రైవర్‌ కూర్మాన సునీల్‌తో కలిసి వచ్చారు. పరామర్శ అనంతరం స్వగ్రామం తిరిగి వెళ్తుండగా శనివారం మధ్యాహ్నం 1.30 గంటల సమయంలో కొరసవాడ యాతపేట సమీపంలోని మలుపు వద్దకు వచ్చే సరికి ఎదురుగా పాతపట్నం ఎమ్మెల్యే మామిడి గోవిందరావు తనయుడు మామిడి సాయి గణేష్‌ ప్రయాణిస్తున్న స్కార్పియో ఢీ కొట్టింది. ఆటో బోల్తాపడగా.. స్కార్పియో పక్కనే ఉన్న టేకు తోటలోకి దూసుకుపోయింది. ఈ ఘటనలో ఆటోలో ఉన్న నలుగురితో పాటు డ్రైవర్‌కు గాయాలయ్యాయి. ప్రమాదం జరిగిన వెంటనే ఎమ్మెల్యే తనయుడు సాయిగణేష్‌, డ్రైవర్‌ రాజేష్‌లు అక్కడి నుంచి వెళ్లిపోయారు. సమాచారం అందుకున్న సీఐ వి.రామారావు ఘటనా స్థలానికి చేరుకుని క్షతగాత్రులను అంబులెన్స్‌లో పాతపట్నం సీహెచ్‌సీకు తరలించారు. వైద్యులు మన్మధరావు, విక్రమ్‌, దేవిప్రసాద్‌లు ప్రథమ చికిత్స అందించి మెరుగైన చికిత్సకోసం అంబులెన్స్‌లో శ్రీకాకుళం రిమ్స్‌కు తరలించారు. చెప్పల బోగయ్యకు, చెప్పల సంతుల పరిస్థితి విషమంగా ఉన్నట్లు సమాచారం. కేసు నమోదు చేసి దర్యాప్తు చేస్తున్నామని సీఐ రామారావు తెలిపారు.

బాధిత కుటుంబాలకు● నాగళ్లవలసలో రెండు కుటుంబాలకు పరిహారం ● రూ.2 లక్షల చొప్పున చెక్‌లు అందజేసిన జెడ్పీ చైర్మన్‌ మజ్జి శ్రీనివాసరావు చీపురుపల్లి: డయేరియా కారణంగా మృతి చెందిన వారి కుటుంబాలకు వైఎస్సార్‌సీపీ జాతీయ అధ్యక్షుడు, మాజీ సీఎం జగన్‌మోహన్‌రెడ్డి అండగా నిలిచారని, మాట ఇవ్వడమే కాకుండా అమలు చేసి చూపించారని ఆ పార్టీ జిల్లా అధ్యక్షుడు, జిల్లా పరిషత్‌ చైర్మన్‌ మజ్జి శ్రీనివాసరావు అన్నారు. గుర్ల మండలంలోని నాగళ్లవలసలో డయేరియా కారణంగా మృతి చెందిన రెండు కుటుంబాలకు వైఎస్సార్‌సీపీ అధినేత జగన్‌మోహన్‌రెడ్డి పంపిన రూ.2 లక్షల చెక్కులను శనివారం స్థానిక పార్టీ కార్యాలయంలో ఏర్పాటు చేసిన కార్యక్రమంలో అందజేసారు. ఈ సందర్భంగా ఆయన మాట్లాడుతూ గుర్ల మండలంలో డయేరియా విజృంభించడంతో 13 మంది మృతి చెందడంతో కుటుంబాలు అనాధలుగా మిగిలాయన్నారు. అదే సమయంలో ఆ కుటుంబాలను ఓదార్చేందుకు వచ్చిన మాజీ ముఖ్యమంత్రి జగన్‌మోహన్‌రెడ్డి మృతుల కుటుంబాలకు రూ.2 లక్షలు చొప్పున పరిహారం అందజేస్తామని మాట ఇచ్చారని, ఆ మాట ప్రకారం ఇప్పటికే 11 కుటుంబాలకు పరిహారం చెక్కులు పంపిణీ చేసినట్లు చెప్పారు. తాజాగా నాగళ్లవలసకు చెందిన బూరి శాంతి, బూరి నీలమ్మలకు పార్టీ కేంద్ర కార్యాలయం నుంచి వచ్చిన చెక్కులను అందజేసినట్లు చెప్పారు. గుర్ల డయేరియా బాధిత కుటుంబాలకు మాజీ ముఖ్యమంత్రి ఇచ్చిన మాట నిలబెట్టుకున్నారని స్పష్టం చేసారు. కానీ ప్రభుత్వం కనీసం బాధిత కుటుంబాలను పట్టించుకోలేదన్నారు. కార్యక్రమంలో వైఎస్సార్‌సీపీ గుర్ల మండల నాయకులు కెవి.సూర్యనారాయణరాజు, పొట్నూరు సన్యాశినాయుడు, శీర అప్పలనాయుడు, స్వామినాయుడు, తోట తిరుపతి, బెల్లాన బంగారునాయుడు తదితరులు పాల్గొన్నారు.

విజయనగరం: కబడ్డీ, ఖోఖో క్రీడల పితామహుడు దివంగత వై.భగవాన్‌దాస్‌ మాస్టారు జయంతిని పురష్కరించుకుని ఈ నెల 24న జిల్లా స్థాయి ఉన్నత పాఠశాలల బాలుర కబడ్డీ పోటీలు నిర్వహించనున్నట్లు భగవాన్‌దాస్‌ స్పోర్ట్స్‌ క్లబ్‌ ప్రతినిధులు శనివారం ఒక ప్రకటనలో తెలిపారు. ఆ రోజు ఉదయం 9 గంటల నుంచి సాయంత్రం 6 గంటల వరకు విజయనగరం జిల్లా కేంద్రంలోని కస్పా కార్పొరేషన్‌ ఉన్నత పాఠశాల ఆవరణలో ఈ పోటీలు నిర్వహించనున్నట్లు పేర్కొన్నారు. పోటీల్లో ప్రస్తుతం ఉన్నత పాఠశాలల్లో చదువుతున్న బాలుర క్రీడాకారులు మాత్రమే పాల్గొనేందుకు అర్హులుగా పేర్కొన్నారు. పోటీల్లో పాల్గొనదలచిన క్రీడాకారులు 94906 63367, 94947 77753 ఫోన్‌ నండర్లను సంప్రదించాలని సూచించారు.

నెల్లిమర్ల రూరల్‌: అవకాశాలను విద్యార్థులు అందిపుచ్చుకోవాలని నయంత విశ్వ విద్యాలయం సీఈఓ ప్రొఫెసర్‌ రంజన్‌ బెనర్జీ పిలుపునిచ్చారు. విజయనగరం జిల్లా నెల్లిమర్ల మండలంలోని టెక్కలి సెంచూరియన్‌ విశ్వవిద్యాలయంలో వర్సిటీ 4వ స్నాతకోత్సవ వేడుకులను శనివారం ఘనంగా నిర్వహించారు. ముఖ్య అతిథిగా హాజరైన రంజన్‌ బెనర్జీ మాట్లాడుతూ ఏ రంగంలోనైనా విద్యార్థులు తమ అభిరుచులకు అనుగుణంగా కృషి చేసినప్పుడే గొప్ప విజయాలు సొంతమవుతాయన్నారు. ఉన్నత స్థాయికి వెళుతూనే ఇతరులకు చేయూతనివ్వాలన్నారు. ఇతరుల జీవితాల్లో చిరునవ్వులు చూడగలిగినప్పుడే మంచి విజయాలు సాధించినవారమవుతామన్నారు. సెంచూరియన్‌ వర్సిటీ అధ్యక్షుడు ప్రొఫెసర్‌ ముక్తికాంత మిశ్రా, ఉపాధ్యక్షుడు ప్రొఫెసర్‌ డీఎన్‌రావు విద్యార్థులు సాధించిన విజయాలను ప్రశంసించారు. వర్సిటీ చాన్సలర్‌ జీఎస్‌ఎన్‌ రాజు మాట్లాడుతూ ప్రపంచ స్థాయి ప్రమాణాలతో నాణ్యమైన విద్యను అందిస్తున్నందుకు గర్వంగా ఉందన్నారు. ఏడేళ్ల వ్యవధిలోనే దేశంలో అగ్రశ్రేణి విశ్వ విద్యాలయాల్లో ఒకటిగా సెంచూరియన్‌ అవతరించిందన్నారు. వైస్‌ చాన్సలర్‌ ప్రశాంత కుమార్‌ మహంతి మాట్లాడుతూ వర్సిటీను వ్యాపారం కోసం స్థాపించబడలేదని, శక్తివంతమైన విద్యార్థులను సమాజానికి అందించేందుకు నిరంతర కృషి చేస్తున్నామన్నారు. అనంతరం 201 మంది విద్యార్థులకు డిగ్రీలు, మరో ఐదుగురు విద్యార్థులకు పీహెచ్‌డీలు, 16 మందికి బంగారు పతకాలు, 8 మందికి నగదు ప్రొత్సాహకాలను వక్తలు అందజేశారు. కార్యక్రమంలో భువనేశ్వర్‌ వర్సిటీ వీసీ సుప్రియా పట్నాయక్‌, రిజిస్ట్రార్‌ పల్లవి, పాలకమండలి సభ్యుడు, పారిశ్రామికవేత్త కుమార్‌ రాజా, డాక్టర్‌ పి.ఎస్‌.ఠాగూర్‌, ప్రొఫెసర్‌ కె.సి.బి.రావు, పీఎన్‌ఎస్‌వీ నరసింహం, ప్రొఫెసర్లు, విద్యార్థులు పాల్గొన్నారు.

రాజాం: వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి అంటే ఓ ప్రభంజనమని మాజీ ఎంపీ బెల్లాన చంద్రశేఖర్‌ అన్నారు. జగన్‌ పుట్టిన రోజు సందర్భంగా రాజాంలో పార్టీ కార్యాలయం వద్ద నిర్వహించిన బర్త్‌డే వేడుకల్లో పాల్గొన్న ఆయన అనంతరం విలేకరుల సమావేశంలో మాట్లాడారు. ఇచ్చిన మాట ప్రకారం అన్ని హామీలను పాటించిన ఘనత జగన్‌మోహన్‌రెడ్డికే దక్కుతుందన్నారు. అబద్దపు హామీలిచ్చి అధికారంలోకి వచ్చిన కూటమి ఆరు నెలల్లోనే ప్రజా వ్యతిరేకత చవి చూస్తుందన్నారు. ఒక్క హామీని కూడా అమలు చేయలేక చేతులెత్తిసిందన్నారు. ప్రజా నాయకుడు జగన్‌మోహన్‌రెడ్డి పుట్టిన రోజు ప్రజలకు పండగ రోజులా ఉందని, అందుకే అందరూ వాడవాడలా ఆయన జన్మదిన వేడుకలను పండగలా జరుపుతున్నారన్నారు. అనంతరం ఎమ్మెల్సీ పాలవలస విక్రాంత్‌, పార్టీ రాజాం ఇన్‌చార్జి డాక్టర్‌ తలే రాజేష్‌ కూటమి అరాచకాలను ఎండగట్టారు. మాజీ ఎమ్మెల్యే తలే భద్రయ్య, రాజాం, రేగిడి, వంగర మండలాల పార్టీ అధ్యక్షుడు పాలవలస శ్రీనివాసరావు, లావేటి రాజగోపాలనాయుడు, కరణం సుదర్శనరావు, వావిలపల్లి జగన్మోహనరాఉవ, వంగర ఎంపీపీ ఉత్తరావెల్లి సురష్‌ముఖర్జీ, రాజాం జెడ్పీటీసీ బండి నర్సింహులు తదితరులు పాల్గొన్నారు.

విజయనగరం అర్బన్‌: ఆంధ్ర రాష్ట మహిళా క్రికెట్‌ అండర్‌ – 19 జట్టుకు పట్టణానికి చెందిన శ్రీలక్ష్మి గణపతి డిగ్రీ కళాశాల బీకాం రెండో సంవత్సర విద్యార్థిని కోరుకొండ హారిక ఎంపికై ంది. ఈ మేరకు ఆంధ్ర క్రికెట్‌ అసోసియేషన్‌ కార్యదర్శి సానా సతీష్‌బాబు నుంచి ఎంపిక ఆదేశాలు వచ్చాయని కళాశాల కరెస్పాండెంట్‌ వై.శ్రీనివాసరావు శనివారం ఒక ప్రకటనలో తెలిపారు. జనవరి 4న కేరళలో జరిగే వన్‌డే క్రికెట్‌ పోటీలలో పాల్గొనే ఆంధ్ర మహిళా క్రికెట్‌ అండర్‌–19 జట్టుకు ప్రాతినిధ్యం వహిస్తుందని పేర్కొన్నారు. ఈ సందర్భంగా శుక్రవారం కళాశాల ప్రాంగణంలో జరిగిన కార్యక్రమంలో హారికను కళాశాల యాజమాన్యం, కళాశాల బోధన, బోధనేతర సిబ్బంది, తోటి విద్యార్థులు అభినందించారు.బడిగంట మోగాక సెలవు కబురు● ● ప్రహసనంగా హాజరు తంతువిజయనగరం అర్బన్‌: తుఫాన్‌ కారణంగా రెండు రోజుల క్రితం నుంచి జిల్లాలో కురుస్తున్న వర్షాలు విద్యార్థుల, ఉపాధ్యాయుల రా కపోకలకు ఇబ్బందికరంగా ఉంటుందని భా వించిన జిల్లా యంత్రాంగం శనివారం సెలవు ప్రకటించింది. అయితే సకాలంలో ఆదేశాలు ఇవ్వకపోడం వల్ల సెలవు ఉద్దేశం నెరవేరలేదు. దీంతో విద్యార్థులు, ఉపాధ్యాయులకు ఇబ్బందులు తప్పలేదు. శనివారం తెల్లవారుజాము నుంచి జిల్లా వ్యాప్తంగా వర్షం కురిసింది. సెలవు ప్రకటిస్తారని ప్రభుత్వ, ప్రైవేటు పాఠశాలల నిర్వాహకులు ఎదురు చూసారు. సెలవు ప్రకటిస్తున్నట్లు ఉదయం 8.50 గంటలకు సెల్‌ఫోన్‌ ద్వారా సమాచారాన్ని జిల్లా యంత్రాంగం విడుదల చేసింది. షెడ్యూల్‌ ప్రకారం ఆ సమయానికి విద్యార్థులు, ఉపాధ్యాయులు విధిగా హాజరై ప్రార్ధన ప్రక్రియలో ఉన్నారు. తరగతి గదుల్లోకి విద్యార్థులు వెళ్లి హాజరు తీసుకున్న తరువాత సెలవు సమాచారాన్ని ఉపాధ్యాయులు తెలుసుకున్నారు. అప్పుడే ఉత్సాహంగా స్కూళ్లకు వచ్చిన పిల్లల్ని ఇంటికి పంపలేక, జిల్లా యంత్రాంగం సెలవు ఆదేశాలను పాటించలేక మధ్యాహ్నం భోజనం వరకు ఉంచి రెండో పూట పాఠశాల నిర్వాహకులు సెలవు ప్రకటించారు. దీంతో విద్యార్థుల, ఉపాధ్యాయుల హాజరు కూడా ప్రహసనంగా మారింది. జిల్లా యంత్రాంగం ప్రకటించిన మేరకు సెలవు దినమా? లేక ఒక పూట విధులు నిర్వహించినందున హాఫ్‌ డే పని దినమా? తేలక హాజరు తంతు ప్రహసనంగా మారింది. గంజాయి వ్యాపారుల నుంచి ఆస్తులు కొనుగోలు చేయొద్దు ● విశాఖ రేంజ్‌ డీఐజీ గోపీనాథ్‌ జట్టి విజయనగరం క్రైమ్‌: గంజాయి వ్యాపారం ద్వారా ఆస్తులు కూడబెట్టిన వ్యక్తుల నుంచి ఎవరూ ఆస్తులు కొనుగోలు చేయవద్దని ప్రజలకు విశాఖ రేంజ్‌ డీఐజీ గోపీనాథ్‌ జట్టి శనివారం ఒక ప్రకటనలో విజ్ఞప్తి చేశారు. అక్రమ వ్యాపారాలతో కూడబెట్టిన ఆస్తులను, వారి నుంచి తిరిగి ఎవరైనా కొనుగోలు చేస్తే చట్టపరమైన చిక్కులు తప్పవని హెచ్చరించారు. గంజాయి అక్రమ రవాణా, విక్రయం, అమ్మకాలు నిర్వహించి, ఆస్తులు కూడబెడితే వాటిని సీజ్‌ లేదా జప్తు చేసేందుకు పోలీసు శాఖ చర్యలు చేపడుతుందన్నారు. రేంజ్‌ పరిధిలో ఇటువంటి అక్రమ వ్యాపారాలకు పాల్పడిన వ్యక్తులను ఇప్పటికే గుర్తించామని, వారి ఆస్తులను సీజ్‌ చేసేందుకు చట్టపరమైన చర్యలు చేపడుతున్న నేపథ్యంలో ప్రజలు అప్రమత్తంగా ఉండాలన్నారు. ప్రజలు ఏమైనా నూతనంగా ఆస్తులు కొనుగోలు చేసే ముందు సదరు విక్రయదారులు ఆయా ఆస్తులు ఏ విధంగా సంక్రమించాయి, వాటి చట్టపరమైన స్ధితిని ముందుగా ధ్రువీకరించుకోవాలన్నారు. లేకుంటే కొనుగోలుదారులు చట్టపరమైన, ఆర్థికపరమైన సమస్యల్లో చిక్కుకుపోతారన్నారు. అటువంటి ఆస్తులతో కూడిన లావాదేవీలతో కొనుగోలుదారులకు చట్టపరమైన తీవ్ర పరిణామాలు తప్పవని సూచించారు. ఇదేరకంగా అనకాపల్లి జిల్లా రోలుగుంట మండలానికి చెందిన పడాల నాగేశ్వరరావు అనే వ్యక్తి దశాబ్ద కాలంగా గంజాయి వ్యాపారం సాగించి, తన పేరున, భార్య పేరున 15.36 ఎకరాల భూములు కొనుగోలు చేశారని, సదరు భూమి విలువ రూ.62.80 లక్షలు ఉంటుందని విచారణలో వెల్లడైందన్నారు. ఈ ఆదాయం అక్రమ సంపాదనగానే గుర్తించడం జరుగుతుందన్నారు.

విజయనగరం అర్బన్‌: తుఫాన్‌ వర్షాలకు ధాన్యం తడవకుండా తగిన జాగ్రత్త చర్యలను తీసుకోవాలని కలెక్టర్‌ డాక్టర్‌ బీఆర్‌ అంబేడ్కర్‌ అధికారులకు సూచించారు. నూర్పిడి పూర్తిచేసి అమ్మకానికి సిద్ధంగా ఉన్న సుమారు 40 వేల మెట్రిక్‌ టన్నుల ధాన్యాన్ని తక్షణమే కొనుగోలు చేయాలని ఆదేశించారు. వర్షాల కారణంగా జిల్లాలో ఏ ఒక్క రైతుకూ పంట నష్టం వాటిల్లకుండా చూడాలన్నారు. జిల్లాపై వర్షాల ప్రభావం తన చాంబర్‌ నుంచి మండల ప్రత్యేకాధికారులు, తహసీల్దార్లు, ఇతర మండల స్థాయి అధికారులతో టెలికాన్ఫరెన్స్‌లో శుక్రవారం సమీక్షించారు. ఇప్పటివరకు నూర్పిడిచేసిన 2.27 లక్షల మెట్రిక్‌ టన్నుల ధాన్యం రైతుల వద్ద ఉండగా 1.83 లక్షల టన్నులను కొనుగోలు చేసినట్టు వెల్లడించారు. పంట సంరక్షణకు అవసరమైన టార్పాలిన్లను రైతులకు అందజేయాలని సూచించారు. గంట్యాడ, చీపురుపల్లి, గరివిడి మండలాలకు చెందిన పలువురు రైతులతో కలెక్టర్‌ నేరుగా ఫోన్‌లో మాట్లాడారు. సమస్యలను తెలుసుకున్నారు. కార్యక్రమంలో జేసీ ఎస్‌.సేతుమాధవన్‌, సివిల్‌ సప్లయీస్‌ డీఎం కె.మీనాకుమారి, జిల్లా వ్యసాయాధికారి వీటీ రామారావు పాల్గొన్నారు. కలెక్టర్‌ డాక్టర్‌ బీఆర్‌ అంబేడ్కర్‌

విజయనగరం అర్బన్‌: ప్రమాణికుల భద్రతే లక్ష్యంగా రవాణా సేవలను సంస్థ అందిస్తోందని, ఆ దిశగా ఉద్యోగులు పనిచేయాలని రాష్ట్ర రవాణా శాఖ మంత్రి మండిపల్లి రాంప్రసాద్‌ రెడ్డి సూచించారు. విజయనగరం ఆర్టీసీ డిపో ఆవరణలో శుక్రవారం జరిగిన వివిధ కార్యక్రమాల్లో ఆయన పాల్గొన్నారు. తొలుత 10 బస్సులను జెండా ఊపి ప్రారంభించారు. రెండు బస్సులు విజయనగరం నుంచి శ్రీకాకుళానికి, మిగిలినవి అనకాపల్లి, శ్రీకాకుళం డిపోలకు చెందినవి ఉన్నాయి. ఈ సందర్భంగా ఆయన మాట్లాడుతూ కార్మికులు, ప్రయాణికులు రెండు కళ్లు వంటివారని, ఎటువంటి సమస్యలు వచ్చినా ఆందుకుంటామన్నారు. రాష్ట్ర ఎంఎస్‌ఎంఈ, సెర్ప్‌ శాఖ మంత్రి కొండపల్లి శ్రీనివాస్‌ మాట్లాడుతూ ఒక సంస్థను నిలబెడిటే ఆ సంస్థ మనకు భవిష్యత్తును ఇస్తుందని తెలిపారు. భవిష్యత్తులో ఎలక్ట్రిక్‌ వాహనాలను ప్రవేశపెట్టే ఆలోచనలో ప్రభుత్వం ఉందన్నారు. అనంతరం ఉత్తమ సేవలందించిన డ్రైవర్లు, కండక్టర్లకు ప్రశంసా పత్రాలను, నగదు పారితోషికాన్ని మంత్రి చేతుల మీదుగా అందజేశారు. కార్యక్రమంలో ఎమ్మెల్యే పి.అదితిగజపతిరాజు, ఆర్టీసీ జోనల్‌ చైర్మన్‌ దున్నదొర, ఆర్టీసీ ఈడీ విజయకుమార్‌, జిల్లా ప్రజా రవాణా అధికారి అప్పలనారాయణ, డిప్యూటీ సీటీఎం సుధాబిందు, ఆర్టీసీ యూనియన్‌ ప్రతినధులు, ఉద్యోగులు పాల్గొన్నారు. కార్మికుల సమస్యలపై వివిధ యూనియన్‌ ప్రతినిధులు మంత్రికి వినతులు అందజేశారు. రాష్ట్ర రవాణా శాఖ మంత్రి మండిపల్లి రాంప్రసాద్‌రెడ్డి

విజయనగరం ఫోర్ట్‌: బంగాళాఖాతంలో ఏర్పడిన అల్పపీడన ప్రభావంతో జిల్లా వ్యాప్తంగా వర్షాలు కురుస్తున్నాయి. తెరిపివ్వకుండా వాన కురవడంతో పల్లపు పొలాల్లో నీరు చేరింది. ఆరుగాలం శ్రమించి సాగుచేసిన వరి, అపరాల పంటలను ముంచెత్తింది. వరి పనలు నీటమునిగాయి. కొన్నిచోట్ల కుప్పలకు సగం వరకు వర్షపునీరు చేరింది. రైతుల గుండె బరువెక్కుతోంది. ధాన్యం రంగు మారి మొలకలు వస్తాయన్న ఆవేదన వెంటాడుతోంది. ఫెంగల్‌ తుఫాన్‌ వల్ల జరిగిన నష్టం నుంచి తేరుకోకముందే వాయుగుండం కారణంగా కురిసిన వర్షాలు వరి రైతు నడ్డివిరిచాయాంటూ ఆందోళన వ్యక్తంచేస్తున్నారు. కుప్పల రూపంలోనే... జిల్లాలో ప్రస్తుతం వరి పంట 1.25 లక్షల ఎకరాల్లో పొలంలో కుప్పల రూపంలో ఉంది. 95 వేల ఎకరాల్లో వరి పంట కోసి పొలంలో పనలపై ఉంది. 1.11 లక్షల ఎకరాల్లో నూర్పులు పూర్తయ్యాయి. వీటి ద్వారా 2.27 లక్షల మెట్రిక్‌ టన్నులు ధాన్యం దిగుబడి వచ్చింది. ఇందులో 1.83 లక్షల మెట్రిక్‌ టన్నులు ధాన్యం కొనుగోలు చేశారు. ఇంకా 44 మెట్రిక్‌ టన్నుల ధాన్యం కొనుగోలు చేయాల్సి ఉంది. ప్రస్తుతం పొలాల్లో నీరు చేరడంతో వరి నూర్పులు మరింత ఆలస్యం కానున్నాయి. మరోవైపు 11,711 హెక్టార్లలో సాగుచేసిన అపరాలు (పెసర, మినుము) పంటలు నీట మునిగాయి. నీటమునిగిన వరి పంట జిల్లాలో 95 వేల ఎకరాల్లో పనల రూపంలో వరి 1.25 లక్షల ఎకరాల్లో వరి కుప్పల రూపంలో పొలాల్లోనే.. శుక్రవారం నమోదైన వర్షపాతం ఇలా.. మెంటాడ 62.3 మి.మీ బొండపలి 48.1 మి.మీ గంట్యాడ 43.6 మి.మీ నెలిమర్ల 44.1 మి.మీ రామభద్రపురం 42.9 మి.మీ బాడంగి 43.2 మి.మీ

● అమరావతిలో 2027 జాతీయ క్రీడలను నిర్వహించేందుకు సన్నాహాలు ● రాష్ట్ర రవాణా, క్రీడల మంత్రి మండిపల్లి రాంప్రసాద్‌ రెడ్డివిజయనగరం: రాష్ట్రంలో క్రీడారంగాన్ని ప్రోత్సహించడం ద్వారా క్రీడాంధ్ర ప్రదేశ్‌గా రూపొందించే లక్ష్యంతో దేశంలోనే అత్యుత్తమ క్రీడాపాలసీని తీసుకువచ్చినట్లు రాష్ట్ర క్రీడలు, యువజన సర్వీసులు, రవాణాశాఖ మంత్రి మండిపల్లి రాంప్రసాద్‌ రెడ్డి అన్నారు. రాష్ట్రంలో క్రీడాకారుల భవిష్యత్తును తీర్చిదిద్దే విధంగా అన్ని ప్రాంతాల్లో క్రీడా ప్రాంగణాలు, స్టేడియంలు, అకాడమీలు ఏర్పాటు చేస్తున్నట్లు చెప్పారు. ఈ మేరకు విజయనగరంలోని విజ్జి స్టేడియంలో రూ.6 కోట్ల వ్యయంతో నిర్మించిన మల్టీ పర్పస్‌ ఇండోర్‌ హాల్‌ను మంత్రి కొండపల్లి శ్రీనివాస్‌, ఎమ్మెల్యే అదితి గజపతితో కలిసి ఆయన శుక్రవారం ప్రారంభించారు. ఈ సందర్భంగా విజ్జి స్టేడియంలోని మల్టీ పర్పస్‌ ఇండోర్‌ హాల్‌లో మంత్రులు రాంప్రసాద్‌ రెడ్డి, కొండపల్లి శ్రీనివాస్‌, ఎమ్మెల్యే అదితి గజపతి, కలెక్టర్‌ డాక్టర్‌ అంబేడ్కర్‌, శాప్‌ ఎం.డి గిరీశ తదితరులు కాసేపు షటిల్‌ ఆడారు. జిల్లాకు చెందిన క్రీడాకారులతో మంత్రులు, అధికారులు ముచ్చటించారు. ఈ సందర్భంగా క్రీడా మంత్రి రాంప్రసాద్‌ రెడ్డి మాట్లాడుతూ రాష్ట్రం నుంచి జాతీయ, అంతర్జాతీయ స్థాయిలో నిర్వహించే క్రీడల్లో పాల్గొని పతకాలు సాధించిన క్రీడాకారులకు ప్రోత్సాహకాలు ఇచ్చే విధంగా చర్యలు చేపడతామన్నారు. క్రీడాకారులకు ప్రభుత్వ ఉద్యోగాల్లో ప్రస్తుతం ఉన్న 2 శాతం రిజర్వేషన్‌ను 3 శాతానికి పెంచినట్లు తెలిపారు. ప్రాథమిక స్థాయి నుంచి కార్పొరేట్‌ స్థాయి వరకు పాఠశాలల్లో క్రీడలను ప్రోత్సహించేలా చర్యలు తీసుకుంటామన్నారు. వచ్చే జాతీయ క్రీడలను 2027లో అమరావతిలో నిర్వహించేందుకు ప్రణాళికా బద్ధంగా సన్నాహాలు చేస్తున్నామని చెప్పారు. యువతకు క్రీడలు ముఖ్యం రాష్ట్ర చిన్న పరిశ్రమలు, సెర్ప్‌, ఎన్‌ఆర్‌ఐ. వ్యవహారాల శాఖ మంత్రి కొండపల్లి శ్రీనివాస్‌ మాట్లాడుతూ రాష్ట్రంలో విద్యలో క్రీడలను భాగంగా చేసేందుకు ప్రభుత్వం అన్ని విధాలా ప్రయత్నాలు చేస్తోందని చెప్పారు. యువతకు క్రీడలు ఎంతో ముఖ్యమని వారిని క్రీడల్లో ప్రోత్సహించే ఉద్దేశంతో ప్రభుత్వం చర్యలు చేపడుతోందన్నారు. కార్యక్రమంలో శాప్‌ ఎం.డి. గిరీశ, కలెక్టర్‌ డాక్టర్‌ బీఆర్‌ అంబేడ్కర్‌, డీఎస్‌డీఓ వేంకటేశ్వర రావు, డిప్యూటీ రవాణా కమిషనర్‌ మణికుమార్‌, రవాణా శాఖ అధికారులు, టీడీపీ నాయకులు పాల్గొన్నారు.

సీతంపేట: స్థానిక అడ్వెంచర్‌ పార్కును నీతి అయోగ్‌ బృందం శుక్రవారం సందర్శించింది. పార్కులో ఏర్పాటు చేసిన వివిధ సాహసక్రీడల్లో పాల్గొన్నారు. ఫైవ్‌ డీ థియేటర్‌లో మూవీని చూశారు.కార్యక్రమంలో నీతిఅయోగ్‌ డిప్యూటీ సెక్రటరీ అరవింద్‌కుమార్‌, యంగ్‌ఫ్రొఫెషనల్‌ ఇంద్రజిత్‌కుమార్‌, ఐటీడీఏ ఏపీఓ చిన్నబాబు తదితరులు పాల్గొన్నారు. నీతి అయోగ్‌ లక్ష్యాలను చేరాలిభామిని: మండలంలోని ఆదివాసీ గిరిజన ప్రాంతాల్లో నీతి అయోగ్‌ బృందం శుక్రవారం పర్యటించింది.నీతి అయోగ్‌ డిప్యూటీ సెక్రటరీ అరవింద్‌ కుమార్‌, యంగ్‌ ప్రొఫెషనల్‌ ఇంద్రజిత్‌ కుమార్‌, ఐటీడీఏ ఏపీఓ చిన్నబాబు, మధుసూధన్‌ బృందం మండలంలోని పాలస్‌కోట, నల్లరాయిగూడ.సన్నాయిగూడ,భామినిలలో పర్యటించారు.నీతి అయోగ్‌లో ఆస్పిరేషన్‌ బ్లాక్‌ కింద భామిని మండలం ఎంపిక కావడంతో మండలంలో పీఎం జన్‌మాన్‌ కార్యక్రమాలపై సమీక్షించారు.నల్లరాయిగూడలో వన్‌ధన్‌ వికాస్‌ కేంద్రాన్ని పరిశీలించి సభ్యులతో మాట్లాడారు.ఆదివాసీల తాగునీటి సమస్య,పక్కా గృహాల నిర్మాణాలు, విద్యుత్తు, వైద్య సౌకర్యంపై సమీక్షించారు.

కొత్తవలస: మండలంలోని మంగళపాలెం గ్రామంలో గురుదేవ చారిటబుల్‌ ట్రస్టు ఆధ్వర్యంలో విజయశ్రీ ఉప్పలపాటి మెమోరియల్‌ (యుఎన్‌ఎ)సాయంతో నిర్మాణం చేసిన 100 పడకల క్యాన్సర్‌ ఆస్పత్రి ఉత్తరాంధ్ర ప్రజలకు ఎంతో ఉపయోగకరంగా ఉంటుందని మంత్రి కొండపల్లి శ్రీనివాస్‌ అన్నారు.నిర్మాణం పూర్తయిన ఆస్పత్రిని శృంగవరపుకోట, విజయనగరం ఎమ్మెల్యేలు కోళ్ల లలితకుమారి, అదితి గజపతిలతో కలిసి మంత్రి శ్రీనివాస్‌ శుక్రవారం ప్రారంభించారు. ఈ సందర్భంగా ఆయన మాట్లాడుతూ జామి మండలానికి చెందిన ఉప్పలపాటి వెంకటపతిరాజు సుమారు 40 సంవత్సరాల క్రితం అమెరికా వెళ్లి స్థిరపడి ఈ ప్రాంత ప్రజలపై మమకారంతో గురుదేవ చారిటబుల్‌ ట్రస్టు చేస్తున్న సేవలపై అపారనమ్మకంతో ఈ క్యాన్సర్‌ ఆస్పత్రి నిర్మించి తనతో ప్రారంభింప చేయడం తనకు ఎంతో ఆనందంగా ఉందన్నారు, ఈ ఆస్పత్రి ఉత్తరాంధ్ర ప్రజలకే కాకుండా దేశంలో ఉన్న క్యాన్సర్‌ బాధితులకు ఎంతగానో ఉపయోగ పడుతుందని అభిప్రాయపడ్డారు. ట్రస్టు చైర్మన్‌ రాపర్తి జగదీష్‌బాబు మాట్లాడుతూ ఈ అస్పత్రి నిర్మాణానికి ఉప్పలపాటి మెమోరియల్‌ పౌండేషన్‌ వ్యవస్థాపకుడు ఉప్పలపాటి వెంకటపతిరాజు రూ.15 కోట్ల వరకు సాయం అందించారని తెలిపారు. ఆస్పత్రిలో అత్యాధునిక కీమోథెరపీ, ఐసీయూ వంటి సదుపాయాలు ఏర్పాటు చేశామని, అతి తక్కవ ధరలకే క్యాన్సర్‌ రోగులకు చికిత్స అందిస్తామన్నారు. కార్యక్రమంలో ట్రస్టు సభ్యులు, ఉప్పలపాటి మెమోరియల్‌ ఫౌండేషన్‌ సిబ్బంది పాల్గొన్నారు. మంత్రి కొండపల్లి శ్రీనివాస్‌

విజయనగరం క్రైమ్‌: జిల్లాలోని ఎస్‌.కోట పోలీస్‌స్టేషన్‌ పరిధిలో బొడ్డవర చెక్‌పోస్టు వద్ద పోలీసులు వాహన తనిఖీలు చేపట్టి, పక్కా సమాచారంతో 117కిలోల 100 గ్రాముల గంజాయిని పట్టుకున్నారు. బొలెరో వాహనంలో అక్రమ రవాణాకు పాల్పడుతున్న ఇద్దరు నిందితులను ఎస్‌.కోట పోలీసులు అరెస్టు చేశారు. ఈ మేరకు ఎస్పీ వకుల్‌ జిందాల్‌ జిల్లా పోలీసు కార్యాలయంలో శుక్రవారం నిర్వహించిన సమావేశంలో వెల్లడించిన వివరాలిలా ఉన్నాయి. ఎస్‌.కోట పోలీసులకు వచ్చిన కచ్చితమైన సమాచారంతో సీఐ వీఎన్‌.మూర్తి ఆధ్వర్యంలో పోలీస్‌ సిబ్బంది గురువారం బొడ్డవర చెక్‌పోస్టు వద్ద వాహన తనిఖీలు చేపట్టారు. ఒడిశా నుంచి ఇద్దరు వ్యక్తులు బొలెరో వాహనంలో గంజాయిని కేరళ రాష్ట్రానికి తరలిస్తూ పట్టుబడ్డారు. పట్టుబడిన ఇద్దరు నిందితులను విచారణ చేయగా కేరళ రాష్ట్రానికి చెందిన రామ్‌ అనే వ్యక్తి ఆదేశాలతో ముందుగా అరకు వచ్చి, అక్కడ వేరే వ్యక్తుల సహకారంతో ఒడిశా రాష్ట్రానికి వెళ్లి గంజాయిని కొనుగోలు చేసి, ఎవరికీ అనుమానం రాకుండా వాహనం వెనుక భాగాన్ని ఒక అరగా మార్పు చేసి, దానిలో గంజాయిని డంప్‌ చేసి, కేరళ రాష్ట్రానికి తరలిస్తుండగా పట్టుబడ్డారు. నిందితులిద్దరూ కేరళ రాష్ట్రంలోని త్రిశూర్‌ జిల్లా చెర్పుకు చెందిన అన్సర్‌ పీఎ.అలియాస్‌ పడిక్కవిట్టి అన్సర్‌ (ఎ–2), అదేవిధంగా ఫిరోస్‌ కేకే (ఎ–3)లుగా గుర్తించామన్నారు. వారి నుంచి గంజాయి, వాహనం, రెండు మొబైల్‌ ఫోన్‌లు, రూ.10, 310 నగదు సీజ్‌ చేశామన్నారు. పట్టుబడిన గంజాయి రూ. 5 లక్షల 58వేల 500 ఉంటుందని ఎస్పీ తెలిపారు. విచారణలో ఈ కేసుతో కేరళ రాష్ట్రానికి చెందిన రామ్‌తో సహా మరో ఇద్దరికి సంబంధం ఉన్నట్లు గుర్తించామని, వారిని కూడా త్వరలో అరెస్టు చేస్తామన్నారు. సమావేశంలో విజయనగరం డీఎస్పీ ఎం.శ్రీనివాసరావు, ఎస్‌.కోట సీఐ వి.నారాయణమూర్తి, ఎస్బీ సీఐలు ఏవీ.లీలారావు, ఆర్‌వీఆర్‌కే.చౌదరి పాల్గొన్నారు. బొడ్డవర చెక్‌పోస్టు వద్ద బొలెరో వాహనం సీజ్‌ ఇద్దరు నిందితుల అరెస్ట్‌

గజపతినగరం: మండల కేంద్రంలోని రైల్వేస్టేషన్‌ సమీపంలో జాతీయ రహదారి వద్ద కారు ఢీకొట్టడంతో జరిగిన ప్రమాదంలో ఓయువకుడు తీవ్రగాయాలపాలయ్యాడు. శుక్రవారం రాత్రి జరిగిన ఈ సంఘటనపై స్థానికులు తెలిపిన వివరాల ప్రకారం విశాఖపట్నం నుంచి రామభద్రపురం వైపు వెళ్తున్న కారు గజపతినగరం రైల్వేస్టేషన్‌ జాతీయ రహదారి వద్ద పురిటి పెంట గ్రామానికి చెందిన బాలి జోగినాయుడిని బలంగా ఢీకొట్టింది. దీంతో తీవ్రగాయాలపాలైన జోగినాయుడిని విజయనగరం మహరాజా ఆస్పత్రికి తరలించగా చికిత్స పొందుతున్నట్లు స్థానికులు చెప్పారు. పోలీసులు కారును అదుపులోకి తీసుకుని దర్యాప్తు చేస్తున్నారు. సిటీబస్సు ఢీకొని వీఆర్‌ఏకు.. కొత్తవలస: మండలంలోని తుమ్మికాపల్లి ఫ్లైఓవర్‌ వద్ద శుక్రవారం జరిగిన రోడ్డు ప్రమాదంలో లక్కవరపుకోట తహసీల్దార్‌ కార్యాలయంలో వీఆర్‌ఏగా పనిచేస్తున్న కె.మాధవి తీవ్రంగా గాయపడ్డారు. తుమ్మికాపల్లి గ్రామానికి చెందిన మాధవి విధులకు వెళ్లడానికి నడుచుకుంటూ బ్రిడ్జి వద్దకు వెళ్తుండగా సిటీ బస్సు ఢీకొట్టింది. దీంతో ఆమె తలకు తీవ్ర గాయమై అధిక రక్తస్రావం జరిగింది. వెంటనే స్థానికులు విశాఖపట్నం ఆస్పత్రికి తరలించారు.