TV
ముగిసిన జేఈఈ మెయిన్స్‌ పరీక్షలు
విద్యారణ్యపురి: దేశంలోని ప్రతిష్టాత్మక ఐఐటీ, నిట్‌లలో ఇంజనీరింగ్‌లో ప్రవేశాలకు నిర్వహిస్తున్న జేఈఈ మెయిన్స్‌ పరీక్షలు గురువారంతో ముగిశాయి. హనుమకొండ, వరంగల్‌లో కలిపి 5 పరీక్ష కేంద్రాల్లో కొనసాగుతున్న పరీక్షలు ముగిశాయి. చివరిరోజు గురువారం ఒకే సెషన్‌లో నిర్వహించిన పరీక్షకు మొత్తంగా 754 మంది అభ్యర్థులు హాజరవ్వాల్సి ఉండగా.. 574 మంది అభ్యర్థులు హాజరైనట్లు 180 మంది గైర్హాజరైనట్లు సిటీ కో–ఆర్డినేటర్‌ కె.శ్రీలతారెడ్డి తెలిపారు.
ఎంజీఎం పూర్తి స్థాయి
సూపరింటెండెంట్‌గా కిశోర్‌
ఎంజీఎం : ఎంజీఎం ఆస్పత్రి సూపరింటెండెంట్‌గా ప్రస్తుతం ఇన్‌చార్జ్‌గా కొనసాగుతున్న డాక్టర్‌ కిశోర్‌ గురువారం పూర్తి బాధ్యతలు స్వీకరించారు. సూపరింటెండెంట్‌ డాక్టర్‌ మురళి నవంబర్‌ 14 నుంచి సెలవులో వెళ్లడంతో పాటు సూపరింటెండెంట్‌ పదవికి రాజీ నామా చేస్తున్నట్లు కేఎంసీ ప్రిన్సిపాల్‌ డాక్టర్‌ రాంకుమార్‌రెడ్డికి పత్రాన్ని సమర్పించారు. ఈ క్రమంలో కొన్ని నెలల క్రితం జరిగిన బదిలీల్లో భాగంగా సిద్దిపేట ఆస్పత్రి సూపరింటెండెంట్‌గా పనిచేస్తున్న డాక్టర్‌ కిశోర్‌ ఎంజీఎంకు బదిలీ అయి ఇన్‌చార్జ్‌గా కొనసాగుతున్నారు. పూర్తి స్థాయి సూపరింటెండెంట్‌ లేక ఆస్పత్రిలో నెలకొంటున్న ఆర్థిక పరమైన ఇబ్బందుల దృష్ట్యా కలెక్టర్‌ డాక్టర్‌ సత్యశారద కిశోర్‌కు పూర్తి స్థాయి అదనపు బాధ్యతలు అప్పగిస్తూ ఉత్తర్వులు జారీ చేశారు.
కుస్తీలో తొలి
బంగారం పతకం
వరంగల్‌ క్రైం: కరీంనగర్‌ జిల్లా కేంద్రంలో జరుగుతున్న రాష్ట్రస్థాయి పోలీస్‌ క్రీడల్లో వరంగల్‌ పోలీస్‌ కమిషనరేట్‌కు చెందిన కానిస్టేబుల్‌ నవీన్‌ రెజ్లింగ్‌ (97 కిలోల ఫ్రీ స్టైల్‌ విభాగం) పోటీల్లో హైదరాబాద్‌ కమిషనరేట్‌కు చెందిన క్రీడాకారుడిపై విజయం సాధించారు. నవీన్‌ వరంగల్‌ పోలీస్‌ కమిషనరేట్‌కు తొలి బంగారు పతకాన్ని సాధించి పెట్టాడు. ఈ సందర్భంగా సీపీ అంబర్‌ కిషోర్‌ ఝాతో పాటు జట్టు మేనేజర్‌ నాగయ్య అభినందనలు తెలియజేశారు.
నిబంధనలు పాటిస్తేనే
అనుమతులు
వరంగల్‌ అర్బన్‌: భవన నిర్మాణదారులు నిబంధనలు పాటిస్తేనే అనుమతులు మంజూరు చేస్తామని బల్దియా కమిషనర్‌ డాక్టర్‌ అశ్విని తానాజీ వాకడే స్పష్టం చేశారు. నగర పరిధి పలు ప్రాంతాల్లో లేఔట్ల ఏర్పాటు, బిల్డింగ్‌ నిర్మాణ అనుమతుల మంజూరుకు క్షేత్రస్థాయిలో తనిఖీ చేశారు. అమ్మవారిపేట, మడికొండ, వడ్డేపల్లి ప్రాంతాల్లో కొలతలు వేసి సమాచారాన్ని ధ్రువీకరించి నమోదు చేసుకున్నారు. కమిషనర్‌ వెంట ఇన్‌చార్జ్‌ సిటీ ప్లానర్‌ రవీందర్‌ రాడేకర్‌, అసిస్టెంట్‌ సిటీప్లానర్లు ఎర్షాద్‌, రజిత తదితరులు పాల్గొన్నారు.
నిట్‌లో పుస్తక ప్రదర్శన
కాజీపేట అర్బన్‌: నిట్‌ వరంగల్‌లో గురువారం ఏర్పాటు చేసిన రెండు రోజుల పుస్తక ప్రదర్శన–25ను నిట్‌ డైరెక్టర్‌ బిద్యాధర్‌ సుబుదీ ప్రారంభించి మాట్లాడారు. ప్రతి ఒక్క రూ పుస్తక పఠనాన్ని అలవర్చుకోవాలన్నారు. నిట్‌ సెంట్రల్‌ లైబ్రరీ ఆధ్వర్యంలో నిర్వహిస్తున్న ఈ పుస్తక ప్రదర్శనలో దేశవ్యాప్తంగా 17 మంది ప్రముఖ ప్రచురణకర్తలు, సరఫరాదా రులు, విక్రేతలు భాగస్వాములు కావడం అభినందనీయమన్నారు. రెండు రోజుల బుక్‌ఫేర్‌లో ఇంజనీరింగ్‌, సైన్స్‌, టెక్నాలజీ, మేనేజ్‌మెంట్‌, సామాజిక శాస్త్రాలు, హ్యుమనిటీస్‌ విభాగ పుస్తకాలు అందుబాటులో ఉంటాయని విద్యార్థులు వినియోగించుకోవాలని కోరారు. కార్యక్రమంలో నిట్‌ లైబ్రేరియన్‌, ప్రొఫెసర్‌ శ్రీనివాసరావు, ప్రొఫెసర్లు ఆనంద్‌కిషోర్‌, ఇర్రన్న, బాలకృష్ణ పాల్గొన్నారు.
ముగిసిన జేఈఈ మెయిన్స్‌ పరీక్షలు
ముగిసిన జేఈఈ మెయిన్స్‌ పరీక్షలు
ముగిసిన జేఈఈ మెయిన్స్‌ పరీక్షలు
Comments
Please login to add a commentAdd a comment