TV
ఇబ్రహీంపట్నం రూరల్ (కృష్ణా జిల్లా) : రెండు బైక్‌లు ఢీకొన్న ప్రమాదంలో నాలుగేళ్ల బాలుడు కింద పడి మృతి చెందాడు. కృష్ణా జిల్లా ఇబ్రహీంపట్నం మండలం కిలేష్‌పురం వద్ద ఆదివారం ఉదయం ఈ ప్రమాదం జరిగింది.
నందిగామ నుంచి జలీల్‌ ఖాన్ తన భార్య, కుమారుడు బాబూషా(4)తో బైక్‌పై ఇబ్రహీంపట్నంలోని ఓ కార్యక్రమానికి హాజరయ్యేందుకు బయలుదేరాడు. కిలేష్‌పురం వద్ద రోడ్డు క్రాస్ చేస్తున్న వేరొక బైక్‌ను ఢీకొనడంతో.. వారు కింద పడిపోయారు. బాబూషా తలకు గాయం కావడంతో ఆ చిన్నారి అక్కడికక్కడే మృతి చెందాడు.
