TV
పుంగనూరు: ఎర్రచందనం స్మగ్లింగ్ కార్యాకలాపాలకు అడ్డుకునేందుకు అధికారులు ఎప్పటికప్పుడూ చర్యలు చేపడుతున్నా... ఎర్రచందనం అక్రమ రవాణాకు తెరపడటంలేదు. తాజాగా చిత్తూరు జిల్లా చౌడేపల్లిలో ఎర్రచందనాన్ని అక్రమంగా తరలిస్తున్న ముగ్గురిని పుంగనూరు పోలీసులు శనివారం ఉదయం అరెస్ట్ చేశారు.
చౌడేపల్లి మండల కేంద్రంలోని ఓ తోటలో ఎర్ర చందనం దుంగలను నిల్వచేసి వాటిని కర్ణాటక రాష్ట్రానికి తరలించే ప్రయత్నంలో ఉన్నట్టు పోలీసులు సమాచారం అందుకున్నారు. దీంతో పలమనేరు డీఎస్పీ శంకర్ ఆధ్వర్యంలో దాడులు నిర్వహించి ముగ్గురిని అరెస్ట్ చేశారు. వారి నుంచి రూ. 7 లక్షల విలువచేసే ఎర్ర చందనం స్వాధీనం చేసుకున్నట్టు పోలీసులు తెలిపారు.
