అహ్మదాబాద్‌: గుజరాత్‌ తీరంలో మాదకద్రవ్యాలను అక్రమంగా తీసుకువచ్చే పాకిస్తాన్‌ స్మగ్లర్ల ఆటకట్టింది. గుజరాత్‌ యాంటీ టెర్రరిస్ట్‌ బృందం(ఏటీఎస్‌), తీర రక్షక దళం(ఐసీజీ) సంయుక్తంగా చేపట్టిన ఆపరేషన్‌లో రూ.1,800 కోట్ల విలువైన 300 కిలోల మెథాంఫెటమైన్‌ అనే సింథటిక్‌ డ్రగ్‌ పట్టుబడింది. ఈ నెల 12వ తేదీ అర్ధరాత్రి దాటాక అరేబియా సముద్రంలో ఘటన చోటుచేసుకుంది. ఫిదా అనే పేరున్న మాఫియా ముఠా చేపల పడవలో భారత జలాల్లోకి ప్రవేశించనుందంటూ ఏటీఎస్‌ అందించిన నిఘా సమాచారం మేరకు ఐసీజీ గస్తీని ముమ్మరం చేసింది. అంతర్జాతీయ సముద్ర జలాలకు అత్యంత సమీపంలో అర్ధరాత్రి సమయంలో ఐసీజీ గస్తీ ఓడను దూరం నుంచే గమనించిన స్మగ్లర్లు తమ బోటులో ఉన్న డ్రగ్స్‌ డ్రమ్ములను సముద్రంలో విసిరేశారు. వేగంగా అంతర్జాతీయ సముద్ర జలాల సరిహద్దుల వైపు వెళ్లిపోయారు. ఇదంతా వెంటవెంటనే జరిగిపోయింది. వారిని పట్టుకునేందుకు ఐసీజీ చేసిన ప్రయత్నం ఫలించలేదు. కటిక చీకటిలోనే వారు విసిరేసిన డ్రగ్‌ పార్శిళ్లను ఐసీజీ, ఏటీఎస్‌ సిబ్బంది గుర్తించి వాటిని స్వాధీనం చేసుకున్నారు. అందులో ఉన్న 311 ప్యాకెట్లలో 311 కిలోల మెథాంఫెటమైన్‌ను పోర్బందర్‌ తీరానికి తరలించి, దర్యాప్తు చేపట్టామని ఐసీజీ తెలిపింది. ఈ ప్యాకెట్లను ప్లాస్టిక్‌ డ్రమ్ముల్లో సీల్‌ వేసి ఉంచారని, సముద్ర జలాల్లో వేసినా అందులోని సరుకు పాడవదని ఏటీఎస్‌ డిప్యూటీ ఇన్‌స్పెక్టర్‌ జనరల్‌ సునీల్‌ జోషి చెప్పారు. ఈ డ్రగ్స్‌ గమ్యస్థానం తమిళనాడని ఆయన వివరించారు. పాక్‌లోని పస్ని పోర్టు నుంచి బయలుదేరిన మాఫియా సభ్యులు సముద్ర జలాల్లోనే డ్రగ్స్‌ను మరో బోటులోకి మార్చి, ఆపైన తమిళనాడుకు చేరవేయాల్సి ఉందని ఆయన వెల్లడించారు. ఇటీవలి కాలంలో ఇటువంటి 13 ఆపరేషన్లను విజయవంతంగా పూర్తి చేసి, అక్రమార్కుల ఆటకట్టించామని వివరించారు. కాగా, ఐస్, క్రిస్టల్‌ మెథ్‌ అని కూడా పిలిచే మెథాంఫెటమైన్‌ చాలా శక్తివంతమైన డ్రగ్‌. పొట్టలో రూ.7.85 కోట్ల కొకైన్‌ ముంబై: ముంబైలోని ఛత్రపతి శివాజీ అంతర్జాతీయ విమానాశ్రయంలో కస్టమ్స్‌ అధికారులు ఉగాండా దేశస్తుడి పొట్టలో రూ.7.85 కోట్ల విలువుండే 785 గ్రాముల కొకైన్‌ను గుర్తించారు. ఈ నెల 9వ తేదీన రాత్రి ఓ విమానంలో వచ్చిన అతడిని అధికారులు అడ్డుకున్నారు. విచారణ సమయంలో అతడు ఆందోళనతో కనిపించడంతో కనిపించాడు. దీంతో, వెంటనే ఆస్పత్రికి తీసుకెళ్లారు. పరీక్షలు చేయించగా పొట్టలో టాబ్లెట్లు ఉన్నట్లు తేలింది.

తిరుపతి మంగళం: అక్రమంగా తరలిస్తున్న రూ.4.5 కోట్ల విలువైన ఏడు టన్నుల ఎర్రచందనాన్ని తిరు­పతి టాస్క్‌ఫోర్స్‌ పోలీసులు పట్టుకుని ముగ్గురు అంతర్రాష్ట్ర స్మగ్లర్లను అరెస్ట్‌ చేశారు. ఈ సందర్భంగా గురువారం తిరుపతిలోని టాస్క్‌ఫోర్స్‌ కార్యా­లయం వద్ద పట్టుబడిన ఎర్రచందనాన్ని టాస్క్‌­ఫోర్స్‌ ఎస్పీలు సుబ్బరాయుడు, శ్రీనివాస్‌లు పరిశీ­లించారు. చిత్తూరు జిల్లా గుడిపాల మండలం చిత్తూరు–వేలూరు రోడ్డులో పానాటుర్‌ సమీపంలో­ని అండర్‌ బ్రిడ్జ్‌ వద్ద టాస్క్‌ఫోర్స్‌ పోలీసులు ఆకస్మికంగా వాహనాలను తనిఖీలు నిర్వహించారు. టాస్క్‌ఫోర్స్‌ పోలీసులను చూసి కంటైనర్‌ లారీని కొద్ది దూరంలో ఆపి ముగ్గురు స్మగ్లర్లు పారిపోయేందుకు ప్రయత్నించారు. వారిని అదుపులోకి తీసు­కుని కంటైనర్‌లో పరిశీలిస్తే ఎర్రచందనం ఉన్నట్టు గుర్తించారు. ఎర్రచందనాన్ని తమిళనాడు రాష్ట్రం సేలం సమీపంలోని గోడౌన్‌కు తరలించి అక్కడి నుంచి అసోంకు తరలిస్తున్నట్లు విచారణలో స్మగ్ల­ర్లు చెప్పారు. నిందితుల్లో తమిళనా­డుకు చెందిన నరేంద్రకుమార్, అసోంకు చెందిన బినోయ్‌కుమా­ర్‌­భగత్, రాజస్తాన్‌కు చెందిన విజయ్‌జోషి ఉన్నారు.

సాక్షి, అమరావతి: టీడీపీ హయాంలో నిబం­ధనలను ఉల్లంఘించి, జీవనదులను విధ్వంసం చేసి.. పర్యా­వ­రణాన్ని చావుదెబ్బ తీస్తూ అడ్డ­గోలుగా యథేచ్ఛగా ఇసుక దోపిడీ సాగిందని జాతీయ హరిత ట్రిబ్యునల్‌ (ఎన్జీటీ) తేల్చి చెప్పింది. కృష్ణా నదీ గర్భంలో ప్రకా­శం బ్యారేజ్‌ జల విస్తరణ ప్రాంతంలో అప్పటి సీఎం చంద్రబాబు నివాసముంటున్న అక్రమ కట్టడానికి కూత వేటు దూరంలో పొక్లెయినర్లతో భారీ ఎత్తున ఇసుకను తవ్వి.. వందలాది ట్రక్కులు, లారీలు, ట్రా­క్టర్లలో ఇసుకను స్మగ్ల­ర్లు తరలిస్తున్నా ప్రభుత్వం చూ­సీ చూడనట్లు వ్యవ­హరించిందని మండిపడింది. ఈ మేరకు 2019 ఏ­ప్రిల్‌ 4న స్పష్టం చేసింది. టీడీపీ ప్రభుత్వం ఉచిత ఇసుక విధానాన్ని 2016 మార్చి 4 నుంచి అమల్లోకి తెచ్చింది. ఆ తర్వాత ఇసుక స్మగ్లర్లు విజృంభించారు. అప్పటి నుంచి ఒక్క ప్రకాశం బ్యా­రే­జ్‌ జల విస్తరణ ప్రాంతంలో ఎనిమిది చోట్ల రోజూ 34 వేల టన్నుల ఇసుకను పొక్లెయిన్‌లతో తవ్వి 2,500 ట్రక్కుల్లో తరలించి.. ఒక్కో ట్రక్కు ఇసుకను కనీసం రూ.5 వే­ల చొప్పున విక్రయించి రూ.1.25 కోట్ల చొప్పున ఏ­డాదికి రూ.450 కోట్లను ఇసుక స్మగ్లర్ల ముఠా ఆర్జించిందని ఎన్జీటీ తేల్చింది. శ్రవణ్‌­కుమార్‌ అనే న్యాయ­వాది వేరే కేసులో రాష్ట్ర వ్యాప్తంగా ఇసుక అక్రమ త­వ్వ­కాల ద్వారా ఏడాదికి రూ.పది వేల కోట్లను స్మ­గ్లర్లు సంపాదిస్తున్నారని చెప్పడాన్ని ఎన్జీటీ ఎత్తిచూపింది. అక్రమంగా ఇసుకను తవ్వడం ద్వారా పర్యావరణానికి తీవ్ర విఘాతం కలిగిందని.. అందు­కు రూ.వంద కోట్ల జరిమానాగా చెల్లించాలని గత ప్రభుత్వాన్ని ఆదేశించింది. ఆ రూ.100 కోట్లను ఇసు­క స్మగ్లర్ల నుంచే వసూలు చేయాలంటూ 2019 ఏప్రిల్‌ 4న పేర్కొంది. అప్పట్లో అధికారంలో ఉన్నది టీడీపీ సర్కారే. ప్రకాశం బ్యారేజ్‌ జల విస్తరణ ప్రాంతంలోనే 8 చోట్ల అక్రమంగా ఇసు­క­ను తవ్వి, తరలించి, విక్రయించి ఏడా­దికి రూ.450 కోట్లను ఇసు­క స్మగ్లర్లు దోచేస్తే.. రాష్ట్ర వ్యాప్తంగా గోదావరి, పె­న్నా, తుంగభద్ర, వంశధార, నాగావళి, చిత్రావతి సహా జీవనదులు, వాగులు, వంకల్లో ఇసు­కను అడ్డ­గోలు­గా దోచేయడం ద్వారా ఇంకెన్ని రూ.వేల కోట్ల దోచు­కొని ఉంటారో అంచనా వేసుకోవచ్చు. ప్రకాశం బ్యా­రే­జ్‌ జల విస్తరణ ప్రాంతంలో కృష్ణా నది గర్భంలో అక్రమంగా పొక్లెయిన్‌లతో ఇసుకను తవ్వి,  తరలించడం ద్వారా పర్యావరణానికి విఘాతం కలుగుతోందంటూ 2016లో ఎన్జీటీలో రైతులు పిటిషన్‌ దాఖలు చేశారు. దీనిపై విచారణ జరిపిన ఎన్జీటీ.. తక్షణమే ఇసుక అక్రమ తవ్వకాలను ఆపేయాలని ఆదేశిస్తూ 2017 ఫిబ్రవరి 23న ప్రభుత్వానికి నోటీసులిచ్చింది. కానీ.. ఎన్జీటీ ఆదేశాలను తుంగలో తొక్కిన అప్పటి రాష్ట్ర ప్రభుత్వం యథేచ్ఛగా ఇసుక అక్రమ తవ్వకాలకు దన్నుగా నిలిచింది. ఇదే అంశాన్ని రైతులు మరోసారి ఎన్జీటీ దృష్టికి తీసుకెళ్లారు. దాంతో.. కృష్ణా నది గర్భంలో అక్రమ ఇసుక తవ్వకాలను నిగ్గు తేల్చాలని కేంద్ర కాలుష్య నియంత్రణ మండలి(సీపీసీబీ), రాష్ట్ర కాలుష్య నియంత్రణ మండలి(పీసీబీ)లను 2018 డిసెంబర్‌ 21న ఎన్జీటీ ఆదేశించింది. సీపీసీబీ, పీసీబీలకు చెందిన ఏడుగురు అధికారులతో విచారణ కమిటీని నియమించింది. బాబు జమానాలో లెక్కలేనన్ని ఇసుక అక్రమాలు చంద్రబాబు జమానాలో తవ్వినకొద్దీ లెక్కలేనన్ని ఇసుక అక్రమాలు బయటపడ్డాయి. చంద్రబాబు, లోకేశ్‌ కనుసన్నల్లో అప్పట్లో రాష్ట్ర వ్యాప్తంగా ఇసుక మాఫియా యథేచ్ఛగా తవ్వకాలు సాగించి, ఇసుకను తరలించింది. అప్పటి టీడీపీ మంత్రులు, ఎమ్మె­ల్యేలు, ప్రజాప్రతినిధులైన దేవినేని ఉమామహేశ్వర­రావు, సోమిరెడ్డి చంద్రమోహన్‌రెడ్డి, అమర్‌నాథ్‌రెడ్డి, నక్కా ఆనందబాబు, జవహర్, చింతమనేని ప్రభా­కర్, కూన రవికుమార్, పెందుర్తి వెంకటేష్, బూరు­గుపల్లి శేషారావు, ముళ్లపూడి బాపిరాజు, శ్రావణ్‌ కుమార్, తంగిరాల సౌమ్య, కొమ్మాలపాటి శ్రీధర్, శ్రీరాం తాతయ్య, ఆలపాటి రాజా తదితరులు ఇసుక అక్రమాల్లో చెలరేగిపోయారు. ఈ ముఠా అంతా ఇసుక ద్వారా దోపిడి చేసిన మొత్తంలో నెలవారీ కమీషన్లు ఏకంగా రూ.500 కోట్లు లోకేశ్‌కు ముట్టజెప్పేవారనేది బహిరంగ రహస్యం. గోదావరి, కృష్ణా, వంశధార, నాగావళి, పెన్నా నదులతోపాటు తమ్మిలేరు తదితర నదులు, ఏరుల్లో సైతం అడ్డు అదుపులేకుండా పెద్ద ఎత్తున ఇసుక దందా సాగించారు. స్వయం సహాయక బృందాల పేరుతో టీడీపీ పెద్దల కనుసన్నల్లోనే పార్టీ మంత్రులు, ఎమ్మెల్యేలు ఇసుక దందా నడిపారు. ఇసుక విధానంపై ఇష్టానుసారంగా తమకు అనుకూలంగా నిర్ణయాలు మార్చుకుంటూ దాదాపు 19 సార్లు జీఓలు ఇచ్చారు. వాస్తవానికి ఉచితంగా ఇసుక ఎవరికీ అందలేదు. అధిక ధర చెల్లించి కొనుక్కోవాల్సిన దుస్థితి కల్పించారు. పొరుగు రాష్ట్రాలకు సైతం పెద్ద ఎత్తున ఇసుకను లారీల్లో తరలించారు. అడ్డుకున్న వారిపై టీడీపీ నేతలు రెచ్చిపోయి దాడులు చేశారు. దాడులకు పాల్పడిన వారిపై చర్యలు తీసుకోవాల్సిన ప్రభుత్వం బాధితులనే తప్పు పట్టడం అప్పట్లో సర్వత్రా చర్చనీయాంశమైంది.   దోపిడీ గుట్టు రట్టు చేసిన కమిటీ  ఎన్జీటీ ఏర్పాటు చేసిన విచారణ కమిటీ.. చంద్ర­బాబు నివాసం ఉంటున్న అక్రమ కట్టడానికి కూత­వేటు దూరంలో కృష్ణా నది గర్భంలో ఇసుకను తవ్వుతున్న ప్రాంతంతోసహా ఎగువన మరో ఏడు రీచ్‌లను 2019 జనవరి 17, 18న క్షేత్ర స్థాయిలో తనిఖీ చేసింది. ఆ తనిఖీలో వెల్లడైన అంశాల ఆధారంగా 2019 జనవరి 21న ఎన్జీటీకి నివేదిక ఇచ్చింది. నివేదికలో ప్రధానాంశాలు..  ► ప్రకాశం బ్యారేజ్‌ జల విస్తరణ ప్రాంతంలో కృష్ణా నది గర్భంలో అనుమతి లేకుండా.. నదీ ప­రి­­రక్షణ చట్టం, పర్యావరణ నిబంధనలకు విరుద్ధంగా ఎనిమిది చోట్ల భారీ ప్రొక్లెయి­న్‌లు, మర పడవల ద్వారా రోజుకు సుమారు 34,650 టన్నుల ఇసుకను తవ్వుతున్నారు. ఇలా తవ్విన ఇసుకను రోజూ 2,500 ట్రక్కులు, లారీలు, ట్రాక్టర్ల ద్వారా తరలిస్తున్నారు. ట్రక్కు ఇసుకను కనీసం రూ.5 వేల చొప్పున విక్రయి­స్తు­న్నారు. అంటే రోజుకు ఇసుక అక్రమ అమ్మ­కా­లతో రూ.1.25 కోట్లు ఆర్జిస్తున్నారు. ఏడా­దికి ఈ 8 రీచ్‌ల నుంచే రూ.450 కోట్ల చొప్పున కొల్లగొట్టారు. ప్రకాశం బ్యారేజ్‌ జల విస్తరణ ప్రాంతంలో అడ్డగోలుగా ఇసుకను తవ్వేయడం వల్ల జీవ­నది కృష్ణా విధ్వంసమైంది. కృష్ణా నది గర్భంలో 25 మీటర్ల లోతు వరకు ఇసుకను తవ్వడంతో భారీ గోతులు ఏర్పడ్డాయి. అందు­వల్ల ప్ర­వా­హ దిశ మారే అవకాశం ఉంది. వరద గట్లు, భవానీ ద్వీపం దెబ్బతిన్నాయి. ► ఈ నివేదికను సమగ్రంగా పరిశీలించిన ఎన్జీటీ.. ఇసుక స్మగ్లర్లకు దన్నుగా నిలిచిన అప్పటి టీడీపీ ప్రభుత్వంపై తీవ్ర స్థాయిలో విరుచుకుపడింది. రూ.వంద కోట్లను జరిమానాగా విధించింది.  ► ఇసుక దందా గురించి 2016 నుంచి హిందూ వంటి జాతీయ పత్రికలతోపాటు టీవీ ఛానెళ్లు వరుస కథనాలను ప్రసారం చేయడాన్ని ఎన్జీటీ తన తీర్పులో ప్రస్తావించింది. ఇసుక స్మగ్లర్లు తవ్వేసిన గుంతల్లో పడి.. ఇష్టారాజ్యంగా ట్రక్కులు నడపడం వల్ల వాటి కింది పడి 14 మంది చనిపోవడాన్ని ఎత్తిచూపింది. ఇసుక స్మగ్లర్లు అడ్డగోలుగా దోచేస్తున్నా.. దా­నికి అడ్డుకట్ట వేయకుండా ప్రభుత్వం ప్రేక్షక పాత్ర పోషించడంలో ఔచిత్యం ఏమిటని చంద్రబాబు సర్కార్‌ను నిలదీసింది.  

సాక్షి, అమరావతి: పేదల బియ్యాన్ని బొక్కే అక్రమార్కులపై వైఎస్‌ జగన్‌మోహన్‌ రెడ్డి ప్రభుత్వం కఠిన చర్యలు చేపడుతోంది. పటిష్ట చర్యలతో బియ్యం అక్రమ రవాణాకు చెక్‌ పెడుతోంది. ప్రజా పంపిణీ వ్యవస్థను మరింత సమర్ధవంతంగా నిర్వహిస్తోంది. చౌక ధరల దుకాణాల ద్వారా పేదలకు పంపిణీ చేసే నిత్యావసరాలను దారిమళ్లించడం, దుర్వినియోగానికి పాల్పడిన వారిపై 6ఏ కేసులతో పాటు క్రిమినల్‌ కేసులు కూడా నమోదు చేస్తోంది. ఇప్పుడు దీర్ఘకాలికంగా బియ్యాన్ని బ్లాక్‌ మార్కెటింగ్‌ చేస్తూ, తరచూ పట్టుబడిన వ్యక్తులపై పీడీ యాక్టును ప్రయోగిస్తోంది. ప్రత్యేక కార్యాచరణతో సత్ఫలితాలు గతంలో రేషన్‌ బియ్యం విచ్చలవిడిగా అక్రమ రవాణా జరిగేది. వందల టన్నుల బియ్యం సరిహద్దులు దాటేసేది. మరోపక్క పేదలు తినే బియ్యంపై కొందరు అసత్య ప్రచారం చేసి, వాటిని తక్కువ రేటుకు కొని,  తిరిగి పాలిష్‌ పట్టి మార్కెట్‌లోకి తెచ్చి అధిక ధరలకు అమ్మి సొమ్ము చేసుకునేవారు. లారీలతో లోడ్లు తరలిపోతున్నా కేసులే నమోదయ్యేవి కావు. వైఎస్‌ జగన్‌మోహన్‌ రెడ్డి ప్రభుత్వం ఇటువంటి అక్రమార్కుల ఆట కట్టిస్తోంది. రేషన్‌ బియ్యం రవాణాపై నిఘాను పటిష్టం చేసింది. అంతర్రాష్ట్ర సరిహద్దులు, మండల నిల్వ పాయింట్లు, చౌక దుకాణాలు, ఎండీయూ వాహనాలపై విజిలెన్స్‌ అండ్‌ ఎన్‌ఫోర్స్‌మెంట్‌ నిరంతర నిఘా పెట్టడంతో చాలా వరకు అక్రమ రవాణా తగ్గింది. రాష్ట్రవ్యాప్తంగా ఈ ఏడాది ఏప్రిల్‌ వరకు 743 మందిని అరెస్టు చేసింది. నిత్యావసర వస్తువుల చట్టం – 1955 సెక్షన్‌ 6ఏ ప్రకారం అక్రమ రవాణాలో పట్టుబడిన సరకులు, వాహనాలను స్వాధీనం చేసుకొని, కేసులు నమోదు చేస్తోంది. ఈ కేసులు సత్వరం పరిష్కారమయ్యేలా చర్యలు తీసుకొని, అక్రమార్కులకు త్వరితగతిన శిక్షలు పడేలా చేస్తోంది. పట్టుబడిన బియ్యాన్ని వెంటనే తిరిగి పీడీఎస్, మార్కెట్‌లోకి తెస్తోంది. ఇందుకోసం ప్రత్యేక కార్యాచరణ రూపొందించింది. జిల్లాల్లో బియ్యం అక్రమరవాణాలో పట్టుబడ్డ సరుకు నిల్వల విలువ రూ.50 లక్షల లోపు ఉంటే జేసీలు, అంతకు పైబడి ఉంటే కలెక్టర్లకు కేసుల పరిష్కార బాధ్యతలను అప్పగించింది. ఫలితంగా ఏళ్లు తరబడి సీజ్‌ చేసిన సరుకు ముక్కిపోయి, పురుగులు పట్టి పాడవకుండా బహిరంగ వేలం ద్వారా వెంటనే తిరిగి మార్కెట్లోకి తెస్తోంది. ఇలా గడిచిన నాలుగేళ్లలో 6ఏ కేసులు 8,696 నమోదు చేస్తే, వాటిల్లో 4,565 కేసులను పరిష్కరించింది. మొత్తం 4.70లక్షల క్వింటాళ్ల స్టాక్‌ను స్వాధీనం చేసుకోగా, 2.82 లక్షల క్వింటాళ్ల బియ్యాన్ని తిరిగి పీడీఎస్, మార్కెట్‌లోకి  తీసుకొచ్చింది.  రియల్‌ టైం మానిటరింగ్‌ 6ఏ కేసుల స్థితిగతులను ఎప్పటికప్పుడు ఆన్‌లైన్‌లో పర్యవేక్షించేందుకు పౌర సరఫరాల శాఖ ప్రత్యేక యాప్‌ను అభివృద్ధి చేసింది. కేసు నమోదు చేసిన వెంటనే సీజ్‌ చేసిన స్టాక్‌ వివరాలను ఇందులో అప్‌లోడ్‌ చేస్తారు. జిల్లాలు, తేదీలు, నెలలవారీగా నమోదైన కేసులు, పరిష్కరించినవి, సీజ్‌ చేసిన స్టాకు, బయటకు విడుదల చేసిన స్టాక్‌ వివరాలను రియల్‌ టైమ్‌ మానిటరింగ్‌ చేసేలా ప్రత్యేక వ్యవస్థను రూపొందించారు. పీడీఎస్‌ బియ్యాన్ని దారి మళ్లించి, వాటిని రీసైక్లింగ్‌ చేసి కస్టమ్‌ మిల్లింగ్‌ రైస్‌ కింద చూపించడం, పాలిష్‌ పట్టి కొత్త ప్యాకింగ్‌లో మార్కెట్‌లో విక్రయించడాన్ని సంపూర్ణంగా నిరోధించే ప్రయత్నం చేస్తోంది. పటిష్ట నిఘాతో అక్రమ రవాణా కట్టడి ఇప్పటి వరకు అక్రమ రవాణా చేస్తూ పట్టుబడ్డ బియ్యాన్ని సీజ్‌ చేసి పక్కన పెట్టేవారు. వాటిని పట్టించుకోకపోవడంతో తినడానికి పనికిరాకుండా పాడయ్యేవి. ఈ క్రమంలోనే మేము 6ఏ కేసుల పరిష్కారంపై దృష్టి పెట్టాం. కేసులు వేగంగా పరిష్కారమయ్యేలా పర్యవేక్షిస్తున్నాం. దీనికి తోడు బ్లాక్‌ మార్కెట్‌ దందాకు పాల్పడే వారిని పీడీ యాక్టులో పెడుతున్నాం. పటిష్ట నిఘా ఉంది కాబట్టే కేసులు నమోదవుతున్నాయి. అంతేగానీ అక్రమ రవాణా జరిగిపోతున్నట్టు కాదు. – హెచ్‌.అరుణ్‌ కుమార్, కమిషనర్, పౌరసరఫరాల శాఖ 

చుంచుపల్లి: ఒకవైపు హరితహారం కింద రాష్ట్ర ప్రభుత్వం మొక్కలను విరివిగా నాటుతూ అడవులను పెంచేలా చర్యలు తీసుకుంటుంటే మరోవైపు అడవులను నిరంతరం కాపాడాల్సిన అటవీశాఖ సిబ్బందిలో కొందరు ఇంటిదొంగలుగా మారుతున్నారు. గుట్టుచప్పుడు కాకుండా అక్రమార్కులకు సహకరిస్తున్నారు. ఇదే అదునుగా అక్రమార్కులు విలువైన టేకు, జిట్రేగి, వేప, తుమ్మ చెట్లను నరికి ఇతర ప్రాంతాలకు తరలిస్తూ సొమ్ము చేసుకుంటున్నారు. ఈ నేపథ్యంలో గడిచిన ఏడాది కాలంగా కలప స్మగ్లర్లకు సహకరిస్తున్నారనే కారణంతో ఇల్లెందు, భద్రాచలం, మణుగూరు, కొత్తగూడెం అటవీ డివిజన్ల పరిధిలో పలువురు సెక్షన్‌ ఆఫీసర్లు, బీట్‌ ఆఫీసర్లపై శాఖాపరమైన చర్యలు తీసుకున్నారు. అయినా కలప అక్రమంగా తరలిపోతోంది. ఉన్నతాధికారులు నామమాత్రపు చర్యలతో చేతులు దులుపుకుంటున్నారని, అందుకే సిబ్బందిలో మార్పు రావడం లేదనే ఆరోపణలు వ్యక్తమవుతున్నాయి. కొన్ని సంఘటనలను పరిశీలిస్తే.. ● దుమ్ముగూడెం మండలంలో రెండేళ్ల క్రితం ఇద్దరు అటవీశాఖ సిబ్బంది మధ్య కలప రవాణాకు సంబంధించిన పంపకాల్లో తేడా రావడంతో గొడవ జరిగింది. దీంతో ఉన్నతాధికారులు విచారణ చేపట్టి వారిపై సస్పెన్షన్‌ వేటు వేశారు. ● భద్రాచలం డివిజన్‌ పరిధిలోని ఒక గ్రామంలో అక్రమంగా కలపను తరలిస్తున్న ట్రాక్టర్‌ను స్థానికులు గుర్తించి ఆపేశారు. ఈ వ్యవహారంలో నిర్లక్ష్యంగా వ్యవహరించిన క్షేత్రస్థాయి అటవీ ఉద్యోగిపై అధికారులు చర్యలు తీసుకున్నారు. ● గతేడాది మార్చిలో చాతకొండ రేంజ్‌ పరిధిలో అటవీ ప్రాంతం నుంచి అక్రమంగా కలప తరలిస్తూ కొత్తగూడెం క్రాస్‌ రోడ్డు వద్ద పట్టుబడిన వాహనాన్ని వదిలేసేందుకు సహకరించారనే కారణంతో ఒక రేంజ్‌ ఆఫీసర్‌తో పాటు, ఇద్దరు బీట్‌ ఆఫీసర్లను సస్పెండ్‌ చేశారు. ● అదే ఏడాది జూన్‌లో అశ్వాపురం రేంజ్‌ పరిధిలో అక్రమంగా నిల్వ ఉంచిన టేకు కలప విషయంలో టాస్క్‌ఫోర్స్‌ అధికారులు దాడులు నిర్వహించి స్వాధీనం చేసుకున్నారు. అధికారుల నివేదిక ఆధారంగా ఇందులో నిర్లక్ష్యంగా వ్యహరించిన ఇద్దరు బీట్‌ ఆఫీసర్లను సస్పెండ్‌ చేశారు. ● ఇల్లెందు రేంజ్‌ పరిధిలో కలప విక్రయం, నిధుల గోల్‌మాల్‌ వంటి అవినీతి ఆరోపణల నేపథ్యంలో విచారణ చేసిన అటవీశాఖ ఉన్నతాధికారులు గతేడాది జూలైలో ఒక రేంజర్‌తోపాటు ఇద్దరు సెక్షన్‌ ఆఫీసర్లు, ఒక బీట్‌ ఆఫీసర్‌ను సస్పెండ్‌ చేశారు. ● ఇక తాజాగా అశ్వాపురం రేంజ్‌ ఇరవెండి పరిధి లో జామాయిల్‌ కలపను కొట్టి ఐటీసీ కాంట్రాక్టర్ల తో కలిసి విక్రయించారనే ఆరోపణలతో విచారణ చేపట్టి అటవీశాఖ జిల్లా అధికారులు ఒక సెక్షన్‌ ఆఫీసర్‌, ఒక బీట్‌ ఆఫీసర్‌ను సస్పెండ్‌ చేశారు. ఉపేక్షించేది లేదు అటవీశాఖలో పనిచేస్తూ తప్పుడు మార్గాల్లో స్మగ్లర్లకు సహకరించే అటవీ సిబ్బంది విషయంలో ఉపేక్షించేది లేదు. అలాంటి వారిపై నిఘా పెట్టి ఎప్పటికప్పుడు చర్యలు తీసుకుంటున్నాం. ఇప్పటికే పలువురిపై క్రమశిక్షణ చర్యలు తీసుకున్నాం. పద్ధతి మార్చుకోకపోతే శాఖాపరంగా కఠినమైన చర్యలకు సైతం వెనకాడబోం. –లక్ష్మణ్‌ రంజిత్‌ నాయక్‌, డీఎఫ్‌ఓ

సాక్షి, అమరావతి: సారా, గంజాయి దందాను కట్టడి చేయడానికి స్పెషల్‌ ఎన్‌ఫోర్స్‌మెంట్‌ బ్యూరో (సెబ్‌) దూకుడు పెంచింది. వారం రోజుల్లోనే విస్తృతంగా దాడులు జరిపి 566 కేసులు నమోదు చేసి 705 మందిని అరెస్టు చేసింది. అలాగే 64 వాహనాలను జప్తు చేసింది. ఆపరేషన్‌ పరివర్తన్‌ 2.0 కింద సారా తయారీ, రవాణాపై సెబ్‌ ఉక్కుపాదం మోపుతోంది. ఇప్పటికే లక్షలాది ఎకరాల్లో గంజాయి సాగును ధ్వంసం చేసింది. రాష్ట్ర సరిహద్దులకు అవతల సాగు చేసిన గంజాయిని రాష్ట్రం గుండా అక్రమ రవాణా చేయకుండా ప్రత్యేక కార్యాచరణ చేపట్టింది. గత వారం రోజులుగా రాష్ట్రవ్యాప్తంగా విస్తృతంగా దాడులు నిర్వహిస్తోంది. స్మగ్లర్లు అక్రమ రవాణాకు ఉపయోగించే దారులను ఇప్పటికే మ్యాపింగ్‌ చేసి సీసీ టీవీ కెమెరాలను ఏర్పాటు చేసింది. అల్లూరి సీతారామరాజు జిల్లాలోని దోనూరు, చింతూరు, ఇదుగురలపల్లి, లక్ష్మీపురం, మారేడుమిల్లిలతోపాటు అనకాపల్లి జిల్లాలోని తాటిపర్తి, భీమవరం గ్రామాల్లో చెక్‌ పోస్టులను నెలకొల్పింది. మరోవైపు వివిధ జిల్లాల్లో సారా తయారీ కేంద్రాలను గుర్తించేందుకు ప్రత్యేక బృందాలను వినియోగించింది. క్షేత్రస్థాయి నుంచి పక్కా సమాచారాన్ని తెప్పించుకుంటూ దాడులు నిర్వహిస్తోంది. వారం రోజులుగా చేపడుతున్న కార్యాచరణ సత్ఫలితాలను అందించిందని సెబ్‌ వర్గాలు తెలిపాయి. సారా తయారీ, విక్రయాలకు సంబంధించి 560 కేసులు నమోదు చేసి 692 మందిని అరెస్టు చేశారు. అలాగే 2,940 లీటర్ల సారాను స్వాధీనం చేసుకోవడంతోపాటు 30 లీటర్ల సారా ఊటను సెబ్‌ ధ్వంసం చేసింది. 63 వాహనాలను జప్తు చేశారు. గంజాయి అక్రమ రవాణాకు సంబంధించి 6 కేసులు నమోదు చేసింది. 13 మందిని అరెస్టు చేశారు. అలాగే 1,009 కిలోల గంజాయిని స్వాధీనం చేసుకోవడంతోపాటు ఒక వాహనాన్ని జప్తు చేశారు.  

జయపురం(భువనేశ్వర్‌): కొరాపుట్‌ జిల్లాలో గంజాయి రవాణా ముఠా రోజుకో కొత్త మార్గాలు వెతుకుతున్నారు. అధికారుల కళ్లు గప్పి, పెద్ద ఎత్తున సరుకు ఇతర రాష్ట్రాలకు తరలించేందుకు ప్రయత్నిస్తున్నారు. పోలీసులు కూడా వారి ఆగడాలకు అడ్డుకట్ట వేస్తున్నారు. ఈ నేపథ్యంలో కొబ్బరికాయల లోడు మధ్య ట్రక్కులో తీసుకు వెళ్తున్న సుమారు 16క్వింటాళ్ల గంజాయిని జయపురం ఎక్సైజ్‌ పోలీసులు శనివారం రాత్రి స్వాధీనం చేసుకున్నారు. దీనికి సంబంధించిన వివరాలను ఎక్సైజ్‌ ఎస్పీ మనోజ్‌కుమార్‌ సెఠి ఆదివారం వెల్లడించారు. గంజాయి రవాణా అవుతుందనే విశ్వసనీయ సమాచారం మేరకు ఇన్‌స్పెక్టర్‌ ప్రమోద్‌కుమార్‌ బంటువ, ఎస్‌ఐ దిలీప్‌కుమార్‌ రథ్‌తో కూడిన ప్రత్యేక బృందం జయపురం వైపు వెళ్తున్న ట్రక్కును గమనించారు. వారిచ్చిన ఆనవాళ్ల ఆధారంగా ఎక్సైజ్‌ ఇన్‌స్పెక్టర్‌ దుర్భదల్‌ బిశ్వాల్, ఆఫీస్‌ ఇన్‌చార్జి సంజయ్‌కుమార్‌ కండి, ఏఎస్‌ఐ ఎం.లక్ష్మణరావు, మాధవేశ్‌ మహంతి, సిబ్బంది జయపురం ఘాట్‌ రోడ్డులో మాటు వేశారు. అతి వేగంగా వస్తున్న ట్రక్కుని నిలువరించి, సోదా చేయగా.. అందులో 100 బస్తాల కొబ్బరి కాయలతో పాటు 150  గంజాయి బస్తాలు బయటపడ్డాయి. పట్టుబడిన సరుకు విలువ సుమారు రూ.81 లక్షలు ఉంటుందని వెల్డించారు. ఘటనకు సంబంధించి బీహార్‌ రాష్ట్రానికి చెందిన డ్రైవర్‌ ప్రభు యాదవ్‌(35)ను అరెస్ట్‌ చేసినట్లు వివరించారు.  పద్మపూర్‌లో 3 క్వింటాళ్లు..  రాయగడ: జిల్లాలోని పద్మపూర్‌ పోలీసులు రూ.15 లక్షల విలువైన 3క్వింటాళ్ల గంజాయిని స్వాధీనం చేసుకున్నారు. దీనికి సంబంధించి ఉత్తరప్రదేశ్‌కు చెందిన యష్‌బీర్‌ సింగ్‌(60), పన్నాలాల్‌ బాస్‌దేవ్‌(57)ను అరెస్ట్‌ చేశారు. పద్మపూర్‌ పోలీస్‌ స్టేషన్‌ పరిధిలోని మరిడిగుడ వద్ద శనివారం రాత్రి వాహన తనిఖీలు నిర్వహిస్తున్న పోలీసులు రాయగడ వైపు వెళ్తున్న లారీని తనిఖీ చేశారు. క్రిమిసంహారక మందు సరఫరా చేసే డ్రమ్ముల్లో 300 కిలోల గంజాయిని గుర్తించారు. దీంతో లారీతో పాటు డ్రైవర్, హెల్పర్‌ను అరెస్ట్‌ చేసి, కోర్టుకు తరలించారు. కేసు నమోదు చేసి దర్యాప్తు చేస్తున్నామని పోలీసులు వివరించారు.  నలుగురి అరెస్ట్‌..  మల్కన్‌గిరి: జిల్లాలోని చిత్రకొండ సమితి మంత్రిపూట్‌ గ్రామం వద్ద చిత్రకొండ పోలీసులు శనివారం రాత్రి పెట్రోలింగ్‌ నిర్వహిస్తున్నారు. ఆ సమయంలో అతివేగంగా వస్తున్న వాహనాన్ని తనిఖీ చేయగా, 253 కిలోల గంజాయిని గుర్తించారు. దీనిని బీహార్‌కు తరలిస్తున్నట్లు సమాచారం. దీనికి సంబంధించి జిల్లాలోని ఎంవీ–38 గ్రామానికి చెందిన ప్రకాష్‌ సర్దార్, బీహర్‌కు చెందిన సునీల్‌కుమార్, హరేంద్రకుమార్, విజేంద్రకుమార్‌ లను అరెస్ట్‌ చేశారు. నిందితులకు సోమవారం వైద్య పరీక్షలు నిర్వహించిన అనంతరం, కోర్టులో హాజరు పరుస్తామని ఎస్‌డీపీఓ అన్షుమాన్‌ ద్వివేది తెలిపారు. పట్టుబడ్డ గంజాయి విలువ సుమారు రూ.12 లక్షలు ఉంటుందని వివరించారు.

ఎటపాక డివిజన్‌లో అటవీ వనాలుకన్నీరు పెడుతున్నాయి. ఒకప్పుడు పచ్చదనంతోకళకళలాడుతున్న ఈ ప్రాంతంలో వనాలు స్మగ్లర్ల గొడ్డలి వేటుకు నేలకొరుగుతున్నాయి. పచ్చదనంతో కళకళలాడాల్సిన ఈ ప్రాంతాలు కళావిహీనంగా మారుతున్నాయి. స్మగ్లర్ల ఆగడాలకు అడ్డుకట్ట వేయాల్సిన అటవీశాఖ సిబ్బంది చూసీ చూడనట్టువదిలేస్తున్నారని విలపిస్తున్నాయి.  ఎటపాక: ఎటపాక డివిజన్‌లో అడవులు అంతరించిపోతున్నాయి. ఒక్కప్పుడు టేకు, జిట్రేకు వంటి విలువైన అటవీ వనాలకు  నిలయమైన ఈ ప్రాంతంలో ప్రస్తుతం వాటి జాడ కనిపించని పరిస్థితి నెలకొంది. అటవీ సిబ్బందిలో కొంతమంది స్మగ్లర్లకు సహకరిస్తున్నారన్న విమర్శలు ఉన్నాయి. అక్రమ కలప రవాణాకు అడ్డుకట్ట వేసేందుకు నెల్లిపాక జాతీయరహదారి సెంటర్‌లో ఏర్పాటు చేసిన అటవీశాఖ తనిఖీ కేంద్రం మామూళ్ల  వసూళ్లకే పరిమితమైందన్న ఆరోపణలు వ్యక్తమవుతున్నాయి.   పక్క రాష్ట్రాలకు..  ఎటపాక, చింతూరు మండలాల అటవీ ప్రాంతంలో 18,046 హెక్టార్లలో అటవీ ప్రాంతం ఉంది.   ఇక్కడ నుంచి హైదరాబాద్, విజయవాడ తదితర నగరాలకు టేకు కలప రవాణా జరుగుతోంది. తెలంగాణలోని భద్రాచలం పట్టణ కేంద్రంగా కలప తరలింపులో కీలకపాత్ర పోషిస్తున్నట్టు సమాచారం. వీరు తెలంగాణ సరిహద్దున ఉన్న ఆంధ్రా పరిధిలోని అటవీ సంపదను కొల్లగొడుతున్నారు. వీరికి మండలంలోని స్మగ్లర్లు సహకరిస్తుండటంతో విలువైన టేకు కలప పక్క రాష్ట్రాలకు తరలిపోతోంది.   గోదావరి నదిని దాటించి..  అటవీ కలపను గోదావరి నది దాటించి అక్కడ నుంచి వాహనాల్లో పక్క జిల్లాలకు చేరవేస్తున్నారు. అటవీశాఖలో పనిచేస్తున్న కొంతమంది సిబ్బందితో ముందుగానే చేసుకున్న ఒప్పందాల మేరకు ఈ అక్రమ రావాణా నిరాటంకంగా కొనసాగుతుందనే ఆరోపణలు ఉన్నాయి. ఈ క్రమంలోనే స్మగ్లర్లు టేకు ప్లాంటేషన్లపై కూడా కన్నేశారు. నెల్లిపాక  రేంజ్‌ పరిధిలోని బండిరేవు, మాధవరావుపేట ,ఈడీపల్లి ప్రాంతాల్లోని టేకు ప్లాంటేషన్లలో భారీ టేకు వృక్షాలు గొడ్డలి వేటుకు గురవుతున్నాయి.  అడవుల్లో టేకు చెట్లను నరికిన అనంతరం అక్కడనే సైజులుగా కోసి లారీ, కార్లలో విజయవాడ, రాజమండ్రి, హైదరాబాదు తదితర ప్రాంతాలకు తరలిస్తున్నారు.   అక్రమాలను అడ్డుకోలేకపోతున్న చెక్‌పోస్టు   నెల్లిపాక జాతీయ రహదారిలో అటవీ చెక్‌పోస్టు ఉన్నా అక్రమ రవాణా మాత్రం ఆగడం లేదు. చెక్‌పోస్టులో విధులు నిర్వహిస్తున్న సిబ్బంది వాహనాలను పూర్తి స్థాయిలో తనిఖీ చేయకుండా వదిలిపెడుతున్నారన్న విమర్శలున్నాయి. దీంతో  డివిజన్‌ నుంచి వాహనాల ద్వారా కలపను దర్జాగా తరలించుకుపోతున్నారు.   సిబ్బందిని మేనేజ్‌ చేస్తూ..  స్మగ్లర్లు,ఫర్నిచర్‌ తరలించేవారు ముందుగా చెక్‌పోస్టు సిబ్బందిని మేనేజ్‌ చేసి కలపను చెక్‌పోస్ట్‌ దాటించి భద్రాచలం చేరవేస్తున్నారు. అక్రమ కలపపై ఎవరైనా ముందస్తు సమాచారం ఇస్తే తప్ప ఇక్కడి సిబ్బంది కలప రవాణాపై పూర్తి స్థాయిలో దృష్టి సారించడం లేదనే ఆరోపణలు ఉన్నాయి. చెక్‌పోస్టులో సిబ్బందితో పాటు స్మగ్లర్లు అప్పడుప్పుడు చెక్‌పోస్టు వద్ద ఉండటం పలు అనుమానాలకు తావిస్తోంది. రాత్రి సమయంలో అటవీశాఖకు సంబంధం లేని కొంతమంది వ్యక్తులు చెక్‌పోస్టులో సిబ్బందితో పాటు కనపడుతున్నారు. స్మగ్లర్లతో చేతులు కలిపి..?  ఇక్కడి అటవీ రేంజ్‌ పరిధిలో విధులు నిర్వహించే  కొంత మంది సిబ్బంది స్మగ్లర్లతో చేతులు కలిపి ఈ కలప అక్రమ రవాణా చేస్తున్నారనే విమర్శలు లేకపోలేదు. సిబ్బందికి నెల వారీ మామూళ్లకు ఆశపడి పట్టించుకోలేదన్న ఆరోపణలున్నాయి. కొందరు పరిమిట్ల ముసుగులో కలప అక్రమ దందా చేస్తున్నారు. ఉన్నతాధికారుల ఆదేశాలతో అడపా దడపా తనిఖీలు చేస్తున్న సిబ్బంది తప్పనిసరి పరిస్థితుల్లో  కలపను పట్టుకుంటున్నా స్మగ్లర్లు బేరసారాలు సాగించి చక్రం తిప్పుతున్నారు. నెల్లిపాక రేంజ్‌ పరిధిలో ఒకప్పుడు దట్టమైన అడవులు ఉండేవి. ఇప్పుడు మైదాన ప్రాంతాన్ని తలపిస్తున్నాయి.  ఇక్కడి అటవీశాఖ అధికారుల పర్యవేక్షణ.. పనితీరుకు ఇవి అద్దం పడుతున్నాయి.  చర్యలు తీసుకుంటాం  కలప అక్రమ రవాణాపై దృష్టి సారిస్తాం. అడవుల్లో కలప నరికి అక్రమ రవాణాకు పాల్పడిన వారిపై చర్యలు తీసుకుంటాం. నెల్లిపాక చెక్‌పోస్టు వద్ద తనిఖీలు పటిష్టంగా చేపట్టి కలప రవాణాను అరికడతాం.  – కొండలరావు, ఇన్‌చార్జి రేంజర్, నెల్లిపాక   (చదవండి: ఊరుకాని ఊరులో.. ఇది కదా మానవత్వం అంటే!)

సాక్షి, న్యూఢిల్లీ: అక్రమంగా గోవులను తరలిస్తున్న స్మగ్లింగ్‌ ముఠాను గురుగ్రామ్‌ పోలీసులు అర్ధరాత్రి ఛేజ్‌ చేసి పట్టుకున్నారు. దొంగలను పట్టుకునేందు పోలీసులు.. హాలీవుడ్‌ మూవీ రేంజ్‌లో రోడ్డుపై లారీని ఛేజ్‌ చేశారు. దీనికి సంబంధించిన వీడియో సోషల్‌ మీడియాలో ట్రెండింగ్‌లో నిలిచింది. వివరాల ప్రకారం.. ఐదుగురు పశువుల స్మగ్లర్లు గోవులను అక‍్రమంగా తరలిస్తుండగా పోలీసులు వారి వాహనాన్ని వెంబడించారు. అయితే, స్మగ‍్లర్లు ఢిల్లీ బోర్డర్‌ నుండి గురుగ్రామ్‌లోకి ప్రవేశిస్తుండగా పోలీసులు వాహనాన్ని తనిఖీ చేసే ప్రయత్నం చేశారు. ఈ క్రమంలో స్మగ్లర్లు లారీని ఆపకుండా స్పీడ్‌గా వెళ్లిపో​యారు. దీంతో పోలీసులు వారిని వెంబడించి దాదాపు 22 కిలోమీటర్ల దూరం ఛేజింగ్‌ చేసిన తర్వాత వారిని పట్టుకున్నారు.  Cow Smugglers for Illegal Slaughter Perpetrators: TASLIM, SHAHID, KHALID, BALLU Thanks to Gurugram Police for catching these thieves. https://t.co/JnlW8cfOV9 — शुद्ध | Shuddha (@ShuddhaWorld) April 10, 2022 ఛేజ్‌ చేసే క్రమంలో పోలీసులు.. స్మగ్లర్ల లారీపై కాల్పులు జరిపారు. ఈ కాల్పుల్ల్లో లారీ టైర్‌ పేలిపోయినప్పటికీ వారు వాహనాన్ని మాత్రం ఆపలేదు. కాగా, లారీ పట్టుకున్న తర్వాత పోలీసులు వారిని అదుపులోకి తీసుకున్నారు. ఆ తర్వాత లారీలో తనిఖీలు చేపట్టగా అందులో తుపాకులు, బుల్లెట్లలను పోలీసులు స్వాధీనం చేసుకున్నారు. అయితే, ఆవుల స్మగ్లర్లు గురుగ్రామ్‌లో భీభత్సం సృష్టించడం ఇదేమీ మొదటిసారి కాదు. హర్యానా ప్రభుత్వం ఆవుల స్మగ్లింగ్‌కు వ్యతిరేకంగా కఠినమైన చట్టాలను రూపొందించినప్పటికీ స్మగ్లర్లు రెచ్చిపోతూనే ఉన్నారు. పశువుల అక్రమ రవాణా పెరుగుతూనే ఉంది. 

అల్వాల్‌: పంజాబ్‌ నుంచి రాష్ట్రానికి మాదకద్రవ్యాలను తీసుకొచ్చి విక్రయిస్తున్న ఇద్దరిని హైదరాబాద్‌ పోలీసులు అరెస్టు చేశారు. వివరాలను రాచకొండ పోలీసు కమిషనర్‌ మహేష్‌ భగవత్‌ శుక్రవారం వెల్లడించారు. పంజాబ్‌కు చెందిన జగ్తార్‌సింగ్‌ (58) లారీ డ్రైవర్‌గా పనిచేసేవాడు. 12 ఏళ్ల క్రితం  వలసొచ్చి మేడ్చల్‌ కండ్లకోయ టోల్‌ప్లాజా సమీపంలో పం జాబీ ధాబా నిర్వహిస్తున్నాడు. రంజిత్‌సింగ్‌ అనే లారీ డ్రైవర్‌తో ఏర్పడిన పరిచయంతో పంజాబ్‌ నుంచి  డ్రగ్‌ను తెప్పించి ధాబాకు వచ్చేవారికి చిన్నచిన్న ప్యాకెట్ల రూపంలో విక్రయించేవాడు. మార్చి 31న రాత్రి 10 గంటలకు శామీర్‌పేట్‌ రోడ్డు వద్ద ఓ అనుమానితకారును ఎస్‌ఓటీ పోలీసులు తనిఖీ చేయగా జగ్తార్‌సింగ్, అతని అనుచరుడు జైమాల్‌సింగ్‌ 900 గ్రాముల మాదకద్రవ్యం ప్యాకెట్లతో పట్టుబడ్డారు. దీంతో వారిని అరెస్టు చేసి, మాదక ద్రవ్యం ప్యాకెట్లతోపాటు కారు, 3 సెల్‌ఫోన్లు చేసుకున్నారు. వాటి విలువ  రూ. 15 లక్షలు. రంజిత్‌సింగ్‌ పరారీలో ఉన్నాడు. పోలీసులు స్వాధీనం చేసుకున్న మాదకద్రవ్యాలు 

సాక్షి, విశాఖపట్నం/పెందుర్తి : గంజాయి నియంత్రణ, నిర్మూలనలో దేశంలోనే ఇదో సరికొత్త రికార్డు.. ఒకటి కాదు.. రెండు కాదు.. వెయ్యి కాదు.. ఏకంగా 2 లక్షల కిలోల గంజాయిని శనివారం పోలీసులు ధ్వంసం చేశారు. దీని విలువ సుమారు రూ.300 కోట్లు ఉంటుందని అంచనా. ఆపరేషన్‌ పరివర్తన్‌లో భాగంగా గత కొద్ది నెలలుగా ఉత్తరాంధ్ర మూడు జిల్లాలతో పాటు, తూర్పుగోదావరి జిల్లాలో అక్రమంగా రవాణా చేస్తుండగా పోలీసులు స్వాధీనం చేసుకున్న గంజాయిది. అనకాపల్లి నియోజకవర్గం కోడూరులో డ్రగ్‌ డిస్పోజల్‌ కమిటీ ఆధ్వర్యంలో రాష్ట్ర డీజీపీ గౌతమ్‌ సవాంగ్‌ గంజాయి సంచులకు స్వయంగా నిప్పు పెట్టి ధ్వంసం చేశారు.   దశాబ్దాల కాలంగా ఆంధ్రా–ఒడిశా సరిహద్దు ప్రాంతంలో గంజాయి సాగు చేస్తున్నారు. దళారులు, మావోయిస్టులు గిరిజనులను భయపెట్టి గంజాయిని సాగు చేయిస్తూ డబ్బులు సంపాదిస్తున్నారు. అయితే ఆపరేషన్‌ పరివర్తన్‌లో భాగంగా ప్రభుత్వం గంజాయి రవాణా, సాగుపై దృష్టిపెట్టింది. నార్కొటిక్స్, ఇంటెలిజెన్స్, ఇతర ప్రభుత్వ శాఖల సమన్వయంతో ఇంత భారీ మొత్తంలో గంజాయిని స్వాధీనం చేసుకున్నారు. మొత్తం 577 కేసుల్లో 1500 మందిని పోలీసులు అరెస్ట్‌ చేశారు.    మరో 7,552 ఎకరాల్లో గంజాయి సాగు ధ్వంసం   అలాగే ఏజెన్సీ ప్రాంతం 11 మండలాల్లోని 313 శివారు గ్రామాల్లో 406 ప్రత్యేక బృందాలతో మొత్తం 7,552 ఎకరాల్లోని గంజాయి సాగును పోలీసులు ధ్వంసం చేశారు. ఈ గంజాయి విలువ రూ.9,251.32 కోట్ల దాకా ఉంటుంది. ఎస్‌ఈబీ, శాంతి భద్రతల పోలీసులు 7,152 ఎకరాల్లో గంజాయి సాగును ధ్వంసం చేస్తే.. 400 ఎకరాల వరకూ ఆయా గ్రామాల గిరిజన ప్రజలే స్వచ్ఛందంగా ముందుకొచ్చి ధ్వంసం చేయడం విశేషం. గంజాయి సాగును గుర్తించేందుకు అత్యాధునిక పరికరాలు, డ్రోన్లు, శాటిలైట్‌ ఫోన్లు, ఆర్టిఫిషియల్‌ ఇంటెలిజెన్స్‌ ఆథారిత శాటిలైట్‌ ఇమేజ్‌ ప్రాసెసింగ్‌తో ‘ఆడ్రిన్‌ ఇమేజరీ’ని వినియోగించారు. ఓ పక్క సరిహద్దు గిరిజన గ్రామాల్లో గంజాయి సాగును పెద్ద ఎత్తున ధ్వంసం చేస్తూనే.. అదే సమయంలో అన్ని రవాణా మార్గాల్లో విస్తృత తనిఖీలు, ఆకస్మిక దాడులు నిర్వహించారు. 120 అంతర్రాష్ట్ర మొబైల్‌ చెక్‌ పోస్టులు ఏర్పాటు చేశారు. భవిష్యత్తులో గిరిజనులు, స్థానికులు గంజాయి సాగు వైపు మళ్లకుండా వారిలో చైతన్యం కలిగేలా 1,963 అవగాహన కార్యక్రమాలు, 93 ర్యాలీలు నిర్వహించారు. అలాగే గంజాయి సాగుపై ఆధారపడి జీవిస్తున్న గిరిజనులకు ప్రత్యామ్నాయంగా కాఫీ, జింజర్, రాగులు, స్ట్రాబెర్రీ, మిరియాలు తదితర పంటలు సాగు చేసేలా ప్రభుత్వం ప్రోత్సహిస్తోంది.   టూరిస్టులుగా వచ్చి.. స్మగ్లింగ్‌   గంజాయి స్మగ్లర్లు ఉత్తరాది రాష్ట్రాల నుంచి టూరిస్ట్‌లుగా వస్తున్నారు. తిరిగి వెళ్లేటప్పుడు రైలు, బస్సు, ఇతర మార్గాలను ఉపయోగించుకుంటున్నారు. దేశంలోనే విశాఖ ఏజెన్సీలోని గంజాయికి ప్రత్యేకమైన ఆదరణ ఉండటంతో ఈ ప్రాంతం కీలకంగా మారింది. అరెస్ట్‌ అయిన 1500 మందిలో మధ్యప్రదేశ్, ఉత్తరప్రదేశ్, బిహార్, కర్ణాటక, తమిళనాడు, తెలంగాణ, ఛత్తీస్‌గఢ్‌ రాష్ట్రాలకు చెందిన స్మగర్లు 154 మంది ఉండటం గమనార్హం. గంజాయి ధ్వంసం కార్యక్రమంలో అడిషనల్‌ డీజీ(ఎల్‌ అండ్‌ బీ) రవిశంకర్‌ అయ్యన్నార్, అడిషనల్‌ డీజీ(గ్రే హౌండ్స్‌) ఆర్కే మీనా, ఎస్‌ఈబీ డైరెక్టర్‌ వినీత్‌ బ్రిజ్‌లాల్, ఐజీ రంగారావు తదితరులు పాల్గొన్నారు. గంజాయిని గుట్టలుగా పేర్చి తగలబెడుతున్న దృశ్యం శారదా పీఠంలో డీజీపీ..  విశాఖ శ్రీ శారదా పీఠాన్ని డీజీపీ గౌతమ్‌ సవాంగ్‌ శనివారం సందర్శించారు. పీఠాధిపతి స్వరూపానందేంద్ర సరస్వతి, ఉత్తరాధికారి స్వాత్మానందేంద్ర సరస్వతిలను కలిసి ఆశీస్సులు తీసుకున్నారు. ఈ సందర్భంగా పీఠంలోని రాజశ్యామల అమ్మవారికి డీజీపీ ప్రత్యేక పూజలు నిర్వహించారు.   సచివాలయ వ్యవస్థతో గిరిజనుల్లో పెనుమార్పు  ఆపరేషన్‌ పరివర్తన్‌తో గిరిజన గ్రామాల ప్రజలు, యువతలో మార్పు మొదలైంది. వారంతా అభివృద్ధిని కోరుకుంటున్నారు. ప్రభుత్వం ఏర్పాటు చేసిన గ్రామ సచివాలయ వ్యవస్థ గిరిజన యువతలో మార్పునకు కీలకంగా మారింది. గ్రామ సచివాలయ ఉద్యోగులు, వలంటీర్లుగా గిరిజన యువత చేరడం, తద్వారా గంజాయి సాగుతో నష్టాలు తెలుసుకోవడం, ప్రజలకు తెలియజేయడం వంటివి కీలక పరిణామాలు.   – గౌతమ్‌ సవాంగ్, డీజీపీ  

కడప అర్బన్‌/చంద్రగిరి:  వైఎస్సార్, చిత్తూరు జిల్లాల్లో శనివారం పోలీసులు పెద్ద ఎత్తున ఎర్రచందనాన్ని స్వాధీనం చేసుకుని ఐదుగురు స్మగ్లర్లను అరెస్టు చేశారు. మూడు వాహనాలను సీజ్‌ చేశారు. వైఎస్సార్‌ జిల్లా కాశినాయన మండలం ఆకులనారాయణ పల్లి సమీపంలోని అడవుల్లో నిందితులు ఎర్రచందనం చెట్లను నరికి, దుంగలుగా తయారుచేసి వాహనాల్లోకి ఎక్కించి తరలించడానికి సిద్ధంగా ఉంచారు. ఆ సమయంలో పోరుమామిళ్ల సీఐ రమేష్‌బాబు, ఎస్‌ఏ కాశినాయన ఎస్‌ఐ అరుణ్‌రెడ్డి తమ సిబ్బందితో దాడి చేసి నలుగురిని అరెస్ట్‌ చేశారు. వారి వద్ద నుంచి 455 కిలోల బరువున్న 20 ఎర్రచందనం దుంగలు, 2 వాహనాలను  స్వాధీనం చేసుకున్నారు. అరెస్టయిన వారిలో జిల్లాలోని బి.మఠం మండలం సోమిరెడ్డి పల్లెకు చెందిన దేవర్ల సుబ్రమణ్యం, ప్రకాశం జిల్లా సంతమాగులూరు మండలం మీనేకళ్లు గ్రామానికి చెందిన రావూరి ఉమాశంకర్, కొమరోలు మండలం అక్కపల్లికి చెందిన ధనపాటి రమణయ్య, అదే మండలానికి చెందిన భూమ వసంతకుమార్‌ ఉన్నారు. ఎవరైనా ఎర్రచందనం అక్రమ రవాణాకు పాల్పడినా, వారికి సహకరించినా కఠినచర్యలు తీసుకుంటామని ఎస్పీ  అన్బురాజన్‌ హెచ్చరించారు.    కూరగాయల మాటున..  చిత్తూరు జిల్లా టాస్క్‌ఫోర్స్‌ ఎస్పీ ఆదేశాల మేరకు.. ఆర్‌ఎస్‌ఐ వాసు సిబ్బందితో కలసి శనివారం 3 గంటల సమయంలో మూలపల్లి వద్ద వాహన తనిఖీ చేపట్టారు. ఈ క్రమంలో ఓ ఐచర్‌ వాహనం ఆపకుండా వేగంగా అధికారులను దాటి వెళ్లిపోవడంతో  దానిని వెంబడించారు. కొంతదూరం వెళ్లగానే వాహనం అదుపుతప్పి రోడ్డు పక్కనే ఉన్న ముళ్లకంపలోకి దూసుకెళ్లింది. వాహనం తనిఖీ చేయగా సుమారు 14 ఎర్రచందనం దుంగలు ఉన్నాయి. ఆర్‌ఎస్‌ఐ వాసు మాట్లాడుతూ.. ఐచర్‌ వాహనం కింది భాగంలో ఎర్రచందనం ఉంచి, దానిపైన చెక్కలు ఏర్పాటు చేసి కూరగాయలను రవాణా చేసే వాహనం మాదిరి చేశారని తెలిపారు. దాడుల్లో పట్టుబడిన డ్రైవర్‌ తిరుపతికి చెందిన ప్రభాకర్‌గా గుర్తించామన్నారు. అనంతరం వాహనంతో పాటు ఎర్రచందనం, నిందితుడిని చంద్రగిరి పోలీసులకు అప్పగించారు. 

నర్సీపట్నం (విశాఖపట్నం): నర్సీపట్నంలో మహారాష్ట్ర గంజాయి ముఠా బీభత్సం సృష్టించింది. వెనుక పోలీసులు వెంబడిస్తున్నారనే కారణంతో వేగంగా వెళ్తూ అడ్డొచ్చిన .. ప్రతి దానిని గుద్దుకుంటూ అలజడి రేకెత్తించారు. ఘటన వివరాలిలాఉన్నాయి.  మహారాష్ట్రకు చెందిన సిద్ధూ, ఇఫ్రాన్, రోహిత్‌ చింతపల్లిలో  240 కిలోల గంజాయిని కొనుగోలు చేశారు. మహారాష్ట్ర తీసుకెళ్లేందుకు కారులో నర్సీపట్నం వైపు వస్తుండగా.. డౌనూరు చెక్‌పోస్టు వద్ద పోలీసులు అపేందుకు ప్రయత్నించగా తప్పించుకుని వచ్చేశారు. దీంతో అప్రమత్తమైన పోలీసులు నర్సీపట్నం ట్రాఫిక్‌ ఎస్‌ఐకు కారులో వస్తున్న గంజాయి స్మగ్లర్ల సమాచారం అందించారు.   ప్రభుత్వ డిగ్రీ కళాశాల, అబిద్‌సెంటర్‌ వద్ద పోలీసులు స్మగ్లర్ల కారును ఆపేందుకు ప్రయత్నించగా వృద్ధురాలికి  డాష్‌ ఇచ్చి వేగంగా దూసుకెళ్లారు.  శ్రీకన్య సెంటర్‌లో విధి నిర్వహణలో ఉన్న ఎస్‌ఐ ఆపే ప్రయత్నం చేయగా.. బారికేడ్లను గుద్దుకుని వెళ్లిపోయారు. వెంటనే ఎస్‌ఐ ద్విచక్రవాహనంపైన, పోలీసు వాహనంతో సిబ్బంది గంజాయి కారును వెంబడించారు. గంజాయి స్మగ్లర్లు కారుతో ఎలా పడితే అలా దూసుకొస్తుండడంతో వాహనదారులు, ప్రజలు హడలెత్తిపోయారు. స్మగ్లర్ల వాహనం, పోలీసు వాహనం ఒకదాని వెనుక మరొకటి వేగంగా దూసుకెళ్తుండడంతో సినిమా సీన్‌ను తలపించింది. కాగా,  దొరికిపోతామనే భయంతో స్మగ్లర్లు పెదబొడ్డేపల్లి వంతెన సమీపంలో కారును ఆపి వంతెన కింద ఉన్న కాలువలోకి దూకేశారు. దీంతో స్థానికులు,  పోలీసులు వారిని చుట్టుముట్టారు. కాలువలోంచి ముగ్గురు స్మగ్లర్లను బయటకు రప్పించి స్టేషన్‌కు తరలించారు. 

నెల్లూరు (క్రైమ్‌): నెల్లూరు–చిత్తూరు జిల్లాల మధ్య అటవీ ప్రాంతంలో ఎర్ర చందనం వృక్షాలను నేలకూల్చి.. వాటి దుంగల్ని అక్రమంగా తరలిస్తున్న ముఠా గుట్టును పోలీసులు రట్టు చేశారు. స్మగ్లర్లను పట్టుకునేందుకు వెళ్లిన పోలీసులపైకి వాహనాలను దూకించి.. గొడ్డళ్లు, బరిసెలు విసిరి వారిని చంపేందుకు యత్నించారు. ఆ దాడి నుంచి చాకచక్యంగా తప్పించుకున్న పోలీసులు అతి కష్టంపై ముఠాలోని ముగ్గురు ప్రధాన నిందితులతోపాటు 55 మంది తమిళ కూలీలను అరెస్ట్‌ చేశారు. రూ.17.38 లక్షలు విలువైన 45 ఎర్రచందనం దుంగలను, ఓ లారీని, ఓ కారును, రూ.75,230 నగదు, 31 సెల్‌ఫోన్లు,  24 గొడ్డళ్లు, 3 బరిసెలు, 2 రంపాలను స్వాధీనం చేసుకున్నారు.   పక్కా ప్రణాళికతో..  ఈ ఘటనకు సంబంధించి వెంకటాచలం మండలం చెముడుగుంటలోని జిల్లా పోలీస్‌ శిక్షణ కళాశాలలో జిల్లా ఎస్పీ సీహెచ్‌.విజయారావు ఆదివారం తెలిపిన వివరాలిలా ఉన్నాయి. చిత్తూరు జిల్లా వీబీపురం మండలం ఆరెగ్రాముకు చెందిన దాము అనే వ్యక్తికి ఆయిల్‌ ట్యాంకర్లు ఉండేవి. నష్టాల పాలైన దాము వాటిని అమ్మేశాడు. ఆ తరువాత తనవద్ద డ్రైవర్‌ పనిచేసిన తమిళనాడులోని వేలూరుకు చెందిన కుప్పన్‌ సుబ్రహ్మణ్యంతో కలిసి 5 నెలల క్రితం పాండిచ్చేరికి చెందిన ఎర్రచందనం దుంగల స్మగ్లర్‌ పెరుమాళ్లు వేలుమలైను కలిశాడు. తాను ఎర్ర చందనం అక్రమ రవాణా చేస్తానని చెప్పడంతో వేలుమలై తన బావమరిది రాధాకృష్ణ పళనిని వారికి పరిచయం చేశాడు. వీరంతా కలిసి చిత్తూరు, నెల్లూరు జిల్లాల్లోని అటవీ ప్రాంతంలో ఎర్ర చందనం వృక్షాలను నరికి అక్రమంగా తరలించేందుకు పక్కా ప్రణాళికలు రూపొందించుకున్నారు. ఈ నెల 20న పాండిచ్చేరి నుంచి 55 మంది తమిళ కూలీలు లారీలో తీసుకొచ్చారు. దాము, పళని, సుబ్రహ్మణ్యం కారులో వారికి ఎస్కార్ట్‌గా గూడూరు చేరారు. అక్కడ వైఎస్సార్‌ జిల్లా రైల్వేకోడూరుకు చెందిన చంద్రశేఖర్‌ను కలిశారు. చంద్రశేఖర్‌ అక్కడి నుంచి వారందరినీ రాపూరు అటవీ ప్రాంతంలోకి తీసుకెళ్లారు. కూలీలు ఎర్రచందనం వృక్షాల్ని నేలకూల్చారు. దీనిపై ఎస్పీ సీహెచ్‌ విజయారావుకు పక్కా సమాచారం అందటంతో ఆయన ఆదేశాల మేరకు ఈ నెల 21న పోలీసులు రాపూరు అటవీ ప్రాంతానికి చేరుకుని గాలించారు. పోలీసుల రాకను పసిగట్టిన స్మగ్లర్లు అప్పటివరకు నరికిన ఎర్రచందనం దుంగలను పోలీసుల కంటపడకుండా లారీలో ఉంచి ఈ నెల 22న అటవీ ప్రాంతం నుంచి బయలుదేరారు.  పోలీసుల్ని చంపేందుకూ వెనుకాడని దుండగులు   పోలీసులు నిందితుల కోసం జిల్లా వ్యాప్తంగా వాహన తనిఖీలు చేపట్టారు. చిల్లకూరు మండలం బూదనం టోల్‌ప్లాజా వద్ద పోలీసులు వాహన తనిఖీలు నిర్వహించారు. దీనిని గమనించిన స్మగ్లర్లు తాము ప్రయాణిస్తున్న కారుతో పోలీసుల్ని ఢీకొట్టి ముందుకు వెళ్లేందుకు ప్రయత్నించగా.. లారీలోని తమిళ కూలీలు గొడ్డళ్లను పోలీసులపైకి విసిరి వారిని చంపేందుకు ప్రయత్నించారు. అప్రమత్తమైన పోలీసులు చాకచక్యంగా వ్యవహరించి నిందితులను అదుపులోకి తీసుకున్నారు.   

సూళ్లూరుపేట: భారీ మొత్తంలో శ్రీగంధం దుంగలను శ్రీ పొట్టి శ్రీరాములు నెల్లూరు జిల్లా సూళ్లూరుపేట పోలీసులు పట్టుకున్నట్లు గూడూరు డీఎస్పీ రాజగోపాల్‌ వెల్లడించారు. ఒక లారీ, రెండు కార్లను స్వాధీనం చేసుకుని, 8 మంది స్మగ్లర్లను అదుపులోకి తీసుకున్నట్లు తెలిపారు. స్థానిక పోలీస్‌స్టేషన్‌లో శుక్రవారం విలేకరులకు వివరాలు వెల్లడించారు. శ్రీగంధం దుంగలను తరలిస్తున్నారనే సమాచారం అందుకున్న సూళ్లూరుపేట సీఐ వెంకటేశ్వర్లురెడ్డి, తడ, శ్రీహరికోట ఎస్‌ఐలు శ్రీనివాసులురెడ్డి, రోజాలత సిబ్బంది వాహనాల తనిఖీలు నిర్వహించారు. నెల్లూరు జిల్లా రిజిస్ట్రేషన్‌ కలిగిన లారీని తనిఖీ చేయగా 484 శ్రీగంధం దుంగలు ఉన్నట్లు గుర్తించి స్వాధీనం చేసుకున్నామన్నారు. ఈ లారీకి పైలెట్లుగా వచ్చిన రెండు కార్లను కూడా పట్టుకున్నారు. గూడూరు మండలం చెన్నూరుకు చెందిన లారీ డ్రైవర్‌ తుపాకుల మునీంద్రను అదుపులోకి తీసుకుని విచారించగా అనంతసాగరం మండలం రేవూరుకు చెందిన మోడిబోయిన మురళీకృష్ణ, దగదర్తి చింతోడు సెంటర్‌కు చెందిన ఉప్పు రామచంద్రయ్య, నెల్లూరు నగరం భక్తవత్సలనగర్‌కు చెందిన కర్నాటి మాలకొండయ్య, గూడూరు మండలం మిట్మాత్మకూరుకు చెందిన కర్రా పెంచలయ్య, వెంకటగిరి మండలం సిద్ధాగుంటకు చెందిన కనియపల్లి వెంకటరమణయ్య, పొదలకూరు మండలం వనంతోపునకు చెందిన నల్లు మణి, రాపూరు మండలం గోనుపల్లికి చెందిన వెలుగు అంకయ్య ఈ అక్రమ రవాణా వెనుక ఉన్నారని వెల్లడించారు. దీంతో ప్రత్యేక బృందాలను ఏర్పాటు చేసి ఈ ఏడుగురిని జిల్లాలో పలుచోట్ల గురువారం అరెస్ట్‌ చేశారు. పట్టుబడిన శ్రీగంధం దుంగల విలువ సుమారు రూ.35 లక్షల వరకు ఉంటుందని డీఎస్పీ తెలిపారు.   

సాక్షి, అమరావతి: రాష్ట్రంలో గంజాయి మాఫియాను కూకూటి వేళ్లతో పెకలించి వేసేందుకు ప్రభుత్వం సన్నద్ధమైంది. ప్రధానంగా ఇతర రాష్ట్రాల్లో ఉంటూ మన రాష్ట్రంలో గంజాయి దందాను శాసిస్తున్న స్మగ్లర్లకు చెక్‌ పెట్టేందుకు స్పెషల్‌ ఎన్‌ఫోర్స్‌మెంట్‌ బ్యూరో (సెబ్‌) సిద్ధమైంది. ‘ఆపరేషన్‌ పరివర్తన్‌’ పేరిట ఆంధ్ర–ఒడిశా సరిహద్దుల్లో (ఏవోబీలో) 8 వేల ఎకరాలకుపైగా గంజాయి సాగును సెబ్‌ ధ్వంసం చేసింది. ఇప్పుడు అంతర్రాష్ట్ర స్మగ్లర్ల ఆట కట్టించేందుకు ప్రత్యేక ఆపరేషన్‌ చేపట్టింది. అందుకోసం అంతర్రాష్ట్ర గంజాయి స్మగ్లర్ల జాబితాను రూపొందించింది. ఆ రాష్ట్రాలతో సమన్వయం చేసుకుంటూ కార్యాచరణకు ఉపక్రమించింది. అత్యంత కీలకమైన ఈ ఆపరేషన్‌ కోసం జాయింట్‌ టాస్క్‌ఫోర్స్‌ను ఏర్పాటు చేస్తోంది.  648 మంది అంతర్రాష్ట్ర స్మగ్లర్లు   ఏవోబీలో గంజాయి దందాను శాసిస్తున్న 648 మంది అంతర్రాష్ట్ర స్మగ్లర్లను సెబ్‌ గుర్తించింది. వారు విశాఖపట్నం, తూర్పుగోదావరి జిల్లాల్లో దశాబ్దాలుగా నెట్‌వర్క్‌ ఏర్పాటు చేసుకుని గంజాయి అక్రమ రవాణాను వ్యవస్థీకృతం చేశారు. ఎంపిక చేసిన గిరిజనుల ద్వారా గంజాయి సాగు చేయించి, పంట వచ్చిన తరువాత ఎండబెట్టించి, వారే కొనుగోలు చేసి ఏడాది పొడుగునా ఇతర రాష్ట్రాలకు రవాణా చేస్తున్నారు. గత ప్రభుత్వాలు అడపాదడపా గంజాయి అక్రమ రవాణా చేస్తున్న వారిపై చర్యలు తీసుకున్నాయి గానీ, ఇతర రాష్ట్రాల్లో తిష్టవేసిన స్మగ్లర్లపై గురి పెట్టలేదు. మొదటిసారిగా వైఎస్సార్‌సీపీ ప్రభుత్వం వారి ఆట కట్టిస్తోంది. అంతర్రాష్ట్ర స్మగ్లర్లు ఉన్న రాష్ట్రాల పోలీసు ఉన్నతాధికారులతో సెబ్‌ ఉన్నతాధికారులు ఇప్పటికే పలు దఫాలుగా చర్చించి ఉమ్మడి కార్యాచరణను రూపొందించారు. పరస్పర సహకారంతో ఇప్పటికే 50 మంది అంతర్రాష్ట్ర స్మగ్లర్లని సెబ్‌ అరెస్టు చేసింది. రాష్ట్ర అధికారులు ఆ రాష్ట్రాలకు వెళ్లి 30 మందిని అరెస్టు చేసి తీసుకువచ్చారు. తెలంగాణ పోలీసులు 15 మందిని మన రాష్ట్రానికి అప్పగించారు. కేరళ ఇద్దరిని, కర్ణాటక ఇద్దరిని, తమిళనాడు ఒకరిని అప్పగించాయి. మిగిలిన స్మగ్లర్లను కూడా అరెస్టు చేసేందుకు సెబ్‌ రెండంచెల్లో ‘జాయింట్‌ టాస్క్‌ ఫోర్స్‌’ను ఏర్పాటు చేస్తోంది. డీజీపీ చైర్మన్‌గా ఉండే నోడల్‌ ఏజెన్సీలో సెబ్‌ కమిషనర్, డీఐజీలు సభ్యులుగా ఉంటారు. సెబ్‌ డైరెక్టర్‌ ఆధ్వర్యంలోని కార్యనిర్వాహక టాస్క్‌ ఫోర్స్‌లో ఎంపిక చేసిన జిల్లాల ఎస్పీలు, అదనపు ఎస్పీలు సభ్యులుగా ఉంటారు. ఈ జాయింట్‌ టాస్క్‌ ఫోర్స్‌ ఎప్పటికప్పుడు ఇతర రాష్ట్రాల పోలీసు అధికారులతో సమన్వయం చేసుకుంటూ అంతర్రాష్ట్ర స్మగ్లర్లను అరెస్టు చేసి న్యాయస్థానంలో శిక్షలు విధించేలా పర్యవేక్షిస్తుంది.   రాష్ట్రం నుంచి అప్పగించింది 20 మందిని  కాగా మన రాష్ట్రానికి చెందిన కొందరు స్మగ్లర్లు ఇతర రాష్ట్రాల్లో అక్రమ మద్యం, ఇతర దందాలకు పాల్పడుతున్నారు. ఆ రాష్ట్రాలు ఇచ్చిన జాబితా మేరకు సెబ్‌ అధికారులు వారిని అదుపులోకి తీసుకుని ఆ రాష్ట్రాల పోలీసులకు అప్పగిస్తున్నారు. ఇప్పటికే 20 మందిని వివిధ రాష్ట్రాలకు అప్పగించారు.  

ఒకప్పుడు దండకారణ్యంగా ఉన్న మహదేవపూర్‌ అడవులు ప్రస్తుతం పలుచబడ్డాయి. కొన్ని రోజులుగా స్తబ్ధుగా ఉన్న కలప రవాణా మళ్లీ పుంజుకుంది. ప్రస్తుతం మహారాష్ట్ర, ఛత్తీస్‌గఢ్‌ రాష్ట్రాల నుంచి తెలంగాణకు కలప అక్రమంగా తరలివస్తుంది. అటవీశాఖ అధికారుల నిర్లక్ష్యంతో కలపకు కాళ్లు వచ్చాయనే చందంగా తయారైంది. ఆయా రాష్ట్రాల నుంచి విలువైన వృక్ష సంపద కాళేశ్వరం, మేడిగడ్డ, అన్నారం వంతెనల మీదుగా తెలంగాణలోని భూపాలపల్లి, వరంగల్, హైదరాబాద్, కరీంనగర్, మంచిర్యాల పట్టణాలకు యథేచ్ఛగా తరలిపోతున్నట్లు తెలిసింది. రూ.లక్షల్లో వ్యాపారం సాగుతున్నప్పటికీ అటవీశాఖ అధికారులు మొద్దునిద్ర వీడడం లేదు. కానీ ఎక్కడా అటవీశాఖ చెక్‌పోస్టులు లేకపోవడంతో అక్కమార్కులకు ఆడిందే ఆట పాడిండే పాటగా తయారైందని విమర్శలు ఉన్నాయి. – కాళేశ్వరం మహారాష్ట్ర, ఛత్తీస్‌గఢ్‌ రాష్ట్రాల్లో విలువైన టేకు వృక్ష సంపద అపారంగా ఉంది. కానీ అక్కడ విలువ తక్కువగా ఉండడంతో అక్రమార్కులు గోదావరి, ప్రాణహిత, ఇంద్రావతి నదుల సరిహద్దుల నుంచి కలప వ్యాపారం జోరుగా చేస్తున్నారు. మహారాష్ట్ర నుంచి కాళేశ్వరం అంతర్రాష్ట్ర వంతెన మీదుగా రాత్రి వేళల్లో కలప తరలివస్తుంది. అవతలి వైపు సిరొంచ వద్ద మహారాష్ట్ర చెక్‌పోస్టు ఉంది. అక్కడి సిబ్బందిని మచ్చిక చేసుకొని కలపను టాటా ఏసీ, వ్యాను, లారీల్లో తరలిస్తున్నట్లు తెలిసింది. మేడిగడ్డ బ్యారేజీ మీదుగా కలప తరలిస్తున్నట్లు సమాచారం. ఈ రెండు వంతెనలు దాటి అన్నారం బ్యారేజీ మీదుగా కలప పట్టణాలకు తరలిపోతుంది. కానీ ఎక్కడా ఈ మూడు వంతెనల వద్ద చెక్‌పోస్టులు ఏర్పాటు చేయకపోవడంతో నిత్యం రూ.లక్షల విలువైన టేకు తరలిపోతుందని తెలిసింది. రాత్రి వేళల్లో నిఘా తగ్గడంతో.. ఇలా కలప వ్యాపారం జరుగుతున్నా అధికారులు అటువైపు చూడడం లేదు. ఆగస్టు, సెప్టెంబర్, అక్టోబర్‌ నెలలో సిరొంచ వద్ద తెలంగాణలోని కొంత మంది స్మగ్లర్లు కొన్ని సందర్భాల్లో టాటా ఏసీ వాహనాల్లో తరలిస్తూ లక్షల విలువైన కలపతో అక్కడి అటవీశాఖ అధికారులకు పట్టుబడ్డారు.   తెలంగాణలో ఇళ్ల నిర్మాణం.. తెలంగాణ వ్యాప్తంగా ఇళ్ల నిర్మాణం జోరందుకుంది. దానికి అనుగుణంగా గృహాల యజమానులు కలపను కొనుగోలు చేస్తున్నారు. కలప స్మగ్లర్లు రూ. 5–6వేల వరకు 6 ఫీట్ల పొడవు, ఆరు ఇంచుల వెడల్పు గల (దుంగ) కలపకు తీసుకొంటున్నారు. మహారాష్ట్ర, ఛత్తీస్‌గఢ్‌లలో రూ.2500–3200 వరకు కొనుగోలు చేస్తూ దండుకుంటున్నారు. ఇళ్లలో దర్వాజలు, తలుపులు, కిటికీలతో పాటు ఇంటికి సంబంధించి ఫర్నిచర్‌ కోసం కలపను తరలిస్తున్నారు. మహదేవపూర్, పలిమెల మండలాల్లో పనిచేస్తున్న ప్రభుత్వ ఉద్యోగులు ఉద్యోగరీత్యా పనిచేసి బదిలీ అయ్యే సందర్భంలో కూడా లక్షల విలువైన పర్నిచర్‌ను తయారు చేయించుకొని అనుమతులు లేకుండా తరలిపోతున్నారు. వారిపైన కూడా నిఘా లేదని తెలిసింది. అటవీశాఖ అధికారులు మాత్రం కలపను కాపాడే ప్రయత్నం చేయడం లేదు. వంతెనల వద్ద చెక్‌పోస్టుల ఏర్పాటులో జాప్యం ఎందుకు ప్రదర్శిస్తున్నారో తెలియడం లేదని సామాన్య ప్రజలు పేర్కొంటున్నారు. ఈ విషయమై మహదేవపూర్‌ ఎఫ్‌డీఓ వజ్రారెడ్డిని ఫోన్‌లో సంప్రదించగా.. మా రేంజ్‌ పరిధిలో అటవీశాఖ సిబ్బంది లేరన్నారు. చెక్‌పోస్టు ఏర్పాటు చేయాలని పై అధికారులకు నివేదిక పంపాం. మహారాష్ట్ర నుంచి కలప వస్తే మా సిబ్బంది పట్టుకుంటున్నారని పేర్కొన్నారు.  నదుల మీదుగా.. అప్పుడప్పుడు వంతెనల నుంచి కాకుండా అధికారులను రూటు మార్చేందుకు గోదావరి, ప్రాణహిత, ఇంద్రావతి నదుల మీదుగా టేకు తెప్పలుగా కట్టి తరలిస్తున్నారు. ఇలా తెప్పల ద్వారా తెచ్చిన కలపను పలిమెల, మహదేవపూర్, కాళేశ్వరం మండలాల నుంచి, అటు ఏటూరునాగారం మీదుగా కూడా ప్రైవేట్‌ వాహనాల్లో తరలిస్తూ సొమ్ము చేసుకుంటున్నారు. తనిఖీల్లో దొరికేటివి కొన్ని మాత్రమే.. విలువైన టేకు మాత్రం అధికారుల కళ్లు గప్పి అందకుండా యథేచ్ఛగా తరలిస్తున్నారు.  

సాక్షి, విశాఖపట్నం: విశాఖ ఏజెన్సీలో గంజాయి స్మగ్లర్లు బరితెగించారు. లంబసింగి ఘాట్‌రోడ్డులో పోలీసులపైకి స్మగ్లర్లు రాళ్లు రువ్వారు. ఆత్మరక్షణ కోసం పోలీసులు గాల్లోకి కాల్పులు జరిపారు. భారీ ఎత్తున గంజాయిని నల్లగొండ జిల్లా పోలీసులు పట్టుకున్నారు. ఇప్పటికే  పట్టుబడిన నిందితులు ఇచ్చిన సమాచారం మేరకు నల్లగొండ నుంచి విశాఖ ఏజెన్సీ ప్రాంతానికి పోలీసులు వెళ్లారు. ఘటనా స్థలానికి నర్సీపట్నం నుంచి పోలీసు బలగాలను తరలించారు.

సాక్షి, అమరావతి: ఇటీవల గుజరాత్‌లో స్వాధీనం చేసుకున్న హెరాయిన్‌ నిల్వలతో ఆంధ్రప్రదేశ్‌కు సంబంధం లేదని కేంద్ర రెవెన్యూ ఇంటెలిజెన్స్‌ (డీఆర్‌ఐ) వర్గాలు స్పష్టం చేశాయి. అఫ్గానిస్తాన్‌ నుంచి ఇరాక్‌ మీదుగా గుజరాత్‌కు దిగుమతైన రూ.21 వేల కోట్ల విలువైన హెరాయిన్‌ గమ్యస్థానం దేశ రాజధాని ఢిల్లీయేనని  ప్రాథమికంగా నిర్ధారించింది. డీఆర్‌ఐ, ఇతర నిఘా సంస్థలను బురిడీ కొట్టించేందుకే స్మగ్లర్లు విజయవాడ చిరునామాను వాడుకున్నట్లు తుది అంచనాకు వచ్చింది. దేశ భద్రతకు సంబంధించిన అంశాలతో ముడిపడిన డ్రగ్స్‌ అక్రమ తరలింపు కేసులో దర్యాప్తును కేంద్ర హోంశాఖ జాతీయ దర్యాప్తు సంస్థ (ఎన్‌ఐఏ)కు అప్పగించింది. హెరాయిన్‌ దిగుమతితో ఏపీకి సంబంధం లేదని ఈ కేసుకు సంబంధించిన నివేదికలో స్పష్టంగా పేర్కొనడం గమనార్హం.  విజయవాడకు సంబంధమే లేదు...  ఈ కేసులో చెన్నైకు చెందిన మాచవరం సుధాకర్, ఆయన భార్య గోవిందరాజు దుర్గాపూర్ణిమ వైశాలితోపాటు ఆరుగురు అఫ్గాన్‌వాసులు, ఉజ్బెకిస్తాన్‌కు చెందిన ఓ మహిళను డీఆర్‌ఐ ఇప్పటికే అరెస్టు చేసింది. అఫ్గానిస్తాన్‌ కేంద్రంగా పనిచేస్తున్న ముఠా హెరాయిన్‌ దిగుమతి దందాలో సుధాకర్‌ దంపతులను కమీషన్‌ ప్రాతిపదికన వాడుకుందని డీఆర్‌ఐ ప్రాథమికంగా గుర్తించింది. ఈ క్రమంలోనే నిందితులు విజయవాడ చిరునామాతో రిజిస్టర్‌ చేసిన అషీ ట్రేడింగ్‌ కంపెనీ పేరును వాడుకునేందుకు సమ్మతించారు. అఫ్గానిస్తాన్‌కు చెందిన ముఠా సభ్యులే మన దేశంలోనూ తిష్టవేసి డ్రగ్స్‌ రాకెట్‌ నడిపించారు. సెప్టెంబర్‌ 14, 15వ తేదీల్లో దాదాపు రూ.21 వేల కోట్ల విలువైన రెండు కంటైనర్ల హెరాయిన్‌ను డీఆర్‌ఐ జప్తు చేసిన విషయం విదితమే. అషీ ట్రేడింగ్‌ కంపెనీ పేరుతో జూన్‌లో కూడా అఫ్గానిస్తాన్‌ నుంచి రెండు కంటైనర్ల హెరాయిన్‌ను ముంద్రా పోర్టులో దిగుమతి చేసి గుట్టుచప్పుడు కాకుండా ఢిల్లీకి తరలించినట్లు విచారణలో వెల్లడి కావడం ప్రాధాన్యం సంతరించుకుంది. ఆ రెండు కంటైనర్ల హెరాయిన్‌ను గుజరాత్‌ నుంచి నేరుగా ఢిల్లీకి తరలించారని, విజయవాడకుగానీ ఆంధ్ర ప్రదేశ్‌లోని ఇతర చోట్లకుగానీ తరలించలేదన్నది కీలక అంశమని డీఆర్‌ఐ అధికారులు చెబుతున్నారు. అంటే కేవలం తమ కళ్లు గప్పేందుకే విజయవాడ చిరునామాను వినియోగించుకున్నారని, హెరాయిన్‌ స్మగ్లింగ్‌తో ఆంధ్రప్రదేశ్‌కు ఎలాంటి సంబంధం లేదన్నది స్పష్టమైందని డీఆర్‌ఐ అధికారులు చెబుతున్నారు. ప్రాధాన్యం సంతరించుకున్న న్యాయమూర్తి వ్యాఖ్యలు  గుజరాత్‌లో హెరాయిన్‌ జప్తు కేసులో అరెస్టైన నిందితులను న్యాయస్థానంలో ప్రవేశపెట్టినప్పుడు న్యాయమూర్తి చేసిన వ్యాఖ్యలు ప్రాధాన్యం సంతరించుకున్నాయి. విజయవాడకు చెందిన సంస్థ హెరాయిన్‌ను దిగుమతి చేసుకుంటే పశ్చిమ తీరాన గుజరాత్‌లో ఉన్న ముంద్రా పోర్టుకు ఎందుకు తెస్తారు? విజయవాడకు సమీపంలో తూర్పు తీరంలోనే పలు పోర్టులు ఉన్నాయి కదా? అని పేర్కొన్నారు. హెరాయిన్‌ను ఢిల్లీకి తరలించాలన్నదే స్మగ్లర్ల ఉద్దేశమని డీఆర్‌ఐ కూడా న్యాయస్థానానికి తెలిపింది. విజయవాడకు చేర్చడం అసలు స్మగ్లర్ల లక్ష్యమే కాదని పేర్కొంది. స్మగ్లింగ్‌ ముఠా అంతా అఫ్గానిస్తాన్, ఇరాన్, ఢిల్లీల్లో ఉన్నట్లు స్పష్టం చేసింది. చెన్నై నుంచి అఫ్గానిస్తాన్‌లోని ముఠా సభ్యులతో ఫోన్‌లో మాట్లాడి హెరాయిన్‌ను గుజరాత్‌ తీరానికి తెప్పించి ఢిల్లీకి తరలిస్తున్నారని తెలిపింది. అఫ్గానిస్తాన్, ఇరాన్‌లోని ముఠాలు నడుపుతున్న ఈ దందాలో ఉగ్రవాద, దేశ వ్యతిరేక శక్తుల ప్రమేయం ఉన్నట్లు కేంద్ర హోంశాఖ భావిస్తోంది. ఈ నేపథ్యంలో సాధారణ స్మగ్లింగ్‌ కేసులు విచారించే డీఆర్‌ఐ కాకుండా ఉగ్రవాద నేరాలను దర్యాప్తు చేసే ‘ఎన్‌ఐఏ’కు బాధ్యతలు అప్పగించాలని నిర్ణయించింది.   

సాక్షి, సంగారెడ్డి(మెదక్‌): ఆంధ్ర, ఒడిశా సరిహద్దులకు పరిమితమైన గంజాయి సాగు ఇప్పుడు తెలంగాణ జిల్లాల్లోనూ విస్తరిస్తోంది. ప్రధానంగా సంగారెడ్డి, కామారెడ్డి, రంగారెడ్డి, సూర్యాపేట జిల్లాలో విస్తారంగా సాగవుతోంది. సంగారెడ్డి జిల్లా పరిధిలోని కర్ణాటక సరిహద్దు మారుమూల గ్రామాల్లో గంజాయి క్షేత్రాలు వెలుగులోకి వస్తున్నాయి. ఏకంగా వేల సంఖ్యలో గంజాయిని సాగు చేస్తున్న క్షేత్రాలు బయటపడటం ఆందోళన కలిగిస్తోంది. గంజాయిని అంతర పంటగా సాగు చేస్తున్న పొలాలను తరచూ గుర్తిస్తున్న ఎక్సైజ్, పోలీసు శాఖ అధికారులు మొక్కలను ధ్వంసం చేసి కేసులు నమోదు చేస్తున్నారు.   ఒకేచోట రూ.ఐదు కోట్ల విలువైన మొక్కలు  ► సంగారెడ్డి జిల్లా ఏడాకులపల్లి గ్రామ శివారులో వెంకటేశ్‌ అనే వ్యక్తికి చెందిన ఐదెకరాల్లో ఇటీవల మూడు వేలకు పైగా గంజాయి మొక్కలు సాగవుతున్నట్లు ఎక్సైజ్‌ అధికారులు గుర్తించారు. ఈ గంజాయి మొక్కల విలువ సుమారు రూ.5 కోట్లు ఉంటుందని అధికారులు ప్రకటించారు.  ► కర్ణాటక సరిహద్దు జహీరాబాద్‌ డివిజన్‌లోని పలు గ్రామాల్లో 12 గంజాయి క్షేత్రాలను ఎక్సైజ్, పోలీసుశాఖ అధికారులు గుర్తించి, వేల సంఖ్యలో మొక్కలను ధ్వంసం చేశారు. రాయ్‌కోడ్‌ మండలం ఉలిగెరలో నాలుగు వేల మొక్కలను గుర్తించారు. పత్తి, చెరుకు, అరటి తోటల్లో భారీగా గంజాయి సాగవుతోంది.  ► బాన్సువాడ మండలంలోని సోమ్లానాయక్‌ తం డాలో, గాంధారి మండలం ధన్‌సింగ్‌తండా శివా రులోనూ ఇటీవల గంజాయి సాగవుతున్నట్లు గు ర్తించి మొక్కలను దహనం చేశారు. రంగారెడ్డి, సూర్యాపేట జిల్లాలోనూ గంజాయి క్షేత్రాలపై ఇటీవల అధికారుల దాడులు కొనసాగాయి.  జైళ్లలో మగ్గుతున్నది రైతులే..  ముంబైకి చెందిన స్మగ్లింగ్‌ ముఠాలు తమ ఏజెంట్ల ద్వారా ఇక్కడి అమాయక రైతులను ట్రాప్‌ చేసి గంజాయిని సాగు చేసేలా ప్రోత్సహిస్తున్నాయి. కొందరు రైతులు స్థానికేతరుల భూములు కౌలుకు తీసుకొని అందులో అంతర పంటగా గంజాయిని సాగు చేస్తున్నట్లు తమ దృష్టికి వచ్చిందని ఎక్సైజ్‌ అధికారి అశోక్‌కుమార్‌ ‘సాక్షి’తో పేర్కొన్నారు. ఈ పంట సాగుతో తక్కువ సమయంలో ఎక్కువ డబ్బులు వస్తుండటంతో కొందరు అమాయక రైతులు దీనివైపు మొగ్గు చూపుతున్నారు. అయితే పట్టుబడితే నెలల తరబడి జైలులో మగ్గుతున్నారు. గంజాయి సాగుచేస్తున్న అమాయక రైతులు ఎన్‌డీపీఎస్‌ వంటి కేసులను ఎదుర్కొంటుండగా, ముంబైలో కూర్చుని రూ.కోట్లు గడిస్తున్న దందా సూత్రధారులపై ఒక్క కేసు కూడా నమోదు కాకపోవడం గమనార్హం. ఇద్దరు మైనర్లపై కేసు  జగిత్యాల జిల్లా ఇబ్రహీంపట్నం పోలీస్‌స్టేషన్‌ పరిధిలోని మేడిపల్లి గ్రామంలో ఇద్దరు బాలురు తమ వ్యవసాయ క్షేత్రంలో గంజాయి సాగు చేస్తున్నారు. సమాచారం అందుకున్న పోలీసులు బుధవారం వ్యవసాయ క్షేత్రంలో తనిఖీలు చేసి గంజాయి మొక్కలను స్వాధీనం చేసుకున్నారు. గ్రామానికి చెందిన ఇద్దరు బాలురు మూడు నెలల క్రితం తమ వ్యవసాయ క్షేత్రంలో గంజాయి విత్తనాలు నాటారని సమాచారం అందిందని మెట్‌పల్లి సీఐ శ్రీను వివరించారు. వారిపై కేసు నమోదు చేసినట్లు పేర్కొన్నారు. చదవండి: Singareni Employees: ఒక్కో కార్మికుడికి రూ.1.15 లక్షలు

కేశవర్ణన, చిత్రణ లేని ప్రాచీన సాహితీ కళారూపాలు లేవంటే అతిశయోక్తి కాదు! ఆధునిక యుగం మొదలయ్యే సరికి – ఎన్నో శాస్త్ర సాంకేతిక సాంస్కృతిక వర్తక వాణిజ్య అంశాలతో విడదీయలేనంతగా చిక్కుముడి పడిపోయిన జుట్టుకథను సరదాగా చెప్పుకుందాం... కేశసంరక్షణ ఆధునిక కాలంలో ఒక ప్రత్యేక శాస్త్రంగా ‘ట్రైకాలజీ’ పేరుతో అభివృద్ధి చెందింది. ఎంతగానో విస్తృతి చెందిన ఆధునిక వైద్యరంగంలో ఇది పారామెడికల్‌ సైన్స్‌గా గుర్తింపు పొందింది. ఇక సాదాసీదా క్షురకులు సహా కేశాలంకార నిపుణుల సంగతి సరేసరి! చరిత్ర పరిణామంలో ఇదొక పార్శ్వమైతే, మరోవైపు కత్తిరించి పారేసిన జుట్టు గుట్టలు కొందరికి కోట్లాదిగా విలువచేసే నోట్ల కట్టలు సంపాదించి పెడుతున్నాయి. ప్రపంచవ్యాప్తంగా కేవలం జుట్టునే ఆలంబనగా చేసుకుని ఉపాధి పొందుతున్న వారి సంఖ్య కోట్లలోనే ఉంటుంది. కేశఖండన, కేశసంరక్షణల వ్యాపారం కళ్లు చెదిరేస్థాయిలో సాగుతోంది. ప్రపంచవ్యాప్తంగా ఈ వ్యాపారం 2020 సంవత్సరంలో 7506 కోట్ల డాలర్ల (రూ.5.48 లక్షల కోట్లు) మేరకు సాగింది. ఇది 2019 నాటితో పోల్చుకుంటే, 4.63 శాతం తక్కువ. ‘కరోనా’ ప్రభావం కారణంగా లాక్‌డౌన్‌లో సెలూన్‌లు, బ్యూటీపార్లర్లు, కాస్మొటిక్‌ క్లినిక్‌లు మూతబడటంతో ఈ వ్యాపారం కాస్త తగ్గినా, 2021–28 మధ్య కాలంలో 5.76 శాతం మేరకు సగటు వార్షిక వృద్ధి సాధించగలదని, 2028 నాటికి 11297 కోట్ల డాలర్ల (రూ.8.26 లక్షల కోట్లు) మేరకు చేరుకోగలదని ‘ఫార్చ్యూన్‌’ పత్రిక ఇటీవల ఒక అంచనాను ప్రకటించింది. జనాభాలో రెండో పెద్దదేశమైన మన భారత్‌లో కేశసంరక్షణ వ్యాపారం 2020 సంవత్సరంలో రూ.25 వేల కోట్లకు పైమాటే! ఇవన్నీ సంఘటిత రంగంలో జరిగిన వ్యాపారానికి సంబంధించిన లెక్కలు. ఇక అసంఘటిత రంగంలో జరిగే వ్యాపారం, విదేశాలకు జుట్టు అక్రమ రవాణా లావాదేవీలకు సంబంధించిన అధికారిక అంచనాలేవీ లేవు.  కేశ విశేషాలను చెప్పుకోవాలంటే కొండవీటి చాంతాడు కంటే పొడవాటి జాబితానే తయారవుతుంది గాని, ఎక్కువ మందికి తెలియని కొన్ని ఆశ్చర్యకరమైన వేశ విశేషాలను మచ్చుకు చెప్పుకుందాం... ►తలతో సహా మనుషుల శరీరంపై సగటున లక్ష నుంచి లక్షన్నర వరకు వెంట్రుకలు ఉంటాయి. ►వీటిలో రోజూ దాదాపు 50–150 వెంట్రుకలు రాలిపోతూ ఉంటాయి. అంతకంటే ఎక్కువగా వెంట్రుకలు రాలిపోతున్నట్లయితే మాత్రం ఏదో సమస్య ఉన్నట్లే!  ►వెంట్రుకలు ప్రధానంగా ‘కెరాటిన్‌’ అనే ప్రొటీన్‌ ద్వారా తయారవుతాయి. జంతువుల కొమ్ముల్లో ఉండే ప్రధాన పదార్థం కూడా ఇదే. ►ఒక వెంట్రుక ఆయుర్దాయం దాదాపు ఐదేళ్ల వరకు ఉంటుంది. ►ఒక వెంట్రుక అదే మందంలో ఉండే రాగితీగ కంటే దృఢంగా ఉంటుంది. ►భయపడినప్పుడు లేదా చలిగా ఉన్నప్పుడు వెంట్రుకలు నిక్కబొడుచుకుంటాయి– అదే గూస్‌బంప్స్‌ ఏర్పడతాయి. ఆ సమయంలో వెంట్రుకల కుదుళ్లలోని కండరాలు సంకోచించడం వల్ల అలా జరుగుతుంది. ►విగ్గులు ఆధునిక ఫ్యాషన్‌ సాధనాలేమీ కాదు. ప్రాచీనకాలం నుంచే ఉండేవి. పేల బెడద పడలేక ప్రాచీన ఈజిప్షియన్లు చాలామంది గుండు గొరిగించుకునేవారు. గుండు కనిపించకుండా ఉండటానికి విగ్గులు వాడేవారు. బహుశ చరిత్రలో తొలి ‘విగ్గరులు’ ఈజిప్షియన్లే కాబోలు! ►ఫ్రెంచి పాలకుడు పద్నాలుగో లూయీ కాలంలో విగ్గులకు కిరీటాల స్థాయి గౌరవం ఉండేది. అప్పట్లో యూరోప్‌ దేశాల్లో విగ్గుధారణ ఒక స్టేటస్‌ సింబల్‌. ఎంత పెద్ద విగ్గు ధరిస్తే అంత గొప్ప అన్నమాట! అందుకే ప్రముఖులను ప్రస్తావించడానికి ‘బిగ్‌విగ్స్‌’ అనే పదబంధం ఏర్పడింది. ►కొన్ని వృత్తుల్లోని ఉన్నత పదవుల్లో ఉండేవారంతా తప్పనిసరిగా విగ్గులు ధరించేలా చట్టం తేవాలంటూ విగ్గుతయారీదారులు బ్రిటిష్‌ పాలకుడు మూడో జార్జ్‌కి 1765లో విజ్ఞప్తి చేశారు. రాజావారు సదరు విజ్ఞప్తిని తోసిపుచ్చారు. అయితే, బ్రిటన్‌లో న్యాయమూర్తులందరూ ఇప్పటికీ తప్పనిసరిగా విగ్గులు ధరించే విధులకు హాజరవడం ఆనవాయితీగా కొనసాగుతోంది. జుట్టునూ వదలని స్మగ్లర్లు విలువైన బంగారం, వజ్రాలు వంటివి స్మగ్లింగ్‌ చేయడం మామూలే. గంజాయి సహా రకరకాల మాదక ద్రవ్యాలను స్మగ్లింగ్‌ చేయడం కూడా మామూలే. కత్తిరించాక తుడిచి పారేసే జుట్టును కూడా స్మగ్లింగ్‌ చేసేవారున్నారు. మన దేశం నుంచి గుట్టలు గుట్టలుగా జుట్టును గుట్టుచప్పుడు కాకుండా విదేశాలకు తరలించే తతంగం కొన్నేళ్ల నుంచి నిరాఘాటంగా కొనసాగుతూనే ఉంది. హైదరాబాద్, గుంటూరు ప్రాంతాల్లో చైనాకు అక్రమంగా తరలించడానికి సిద్ధంగా గోదాముల్లో దాచిన జుట్టు గుట్టలను కొద్ది వారాల కిందటే ఎన్‌ఫోర్స్‌మెంట్‌ డైరెక్టరేట్‌ అధికారులు స్వాధీనం చేసుకున్న సంగతి తెలిసిందే. అక్రమంగా తరలించడం కోసం గోదాముల్లో దాచిపెట్టిన జుట్టును, అక్రమంగా తరలిస్తున్న జుట్టును అధికారులు పట్టుకోవడం ఇదే మొదటిసారి కాదు.  గడచిన కొద్ది సంవత్సరాల్లో ఎన్‌ఫోర్స్‌మెంట్‌ డైరెక్టరేట్‌ అధికారులే కాదు, అస్సాం రైఫిల్స్, బీఎస్‌ఎఫ్‌ తదితర పారామిలటరీ బలగాలు కూడా సరిహద్దులను దాటబోతున్న జుట్టును భారీ పరిమాణంలో స్వాధీనం చేసుకున్న ఉదంతాలు ఉన్నాయి. జుట్టు అక్రమ రవాణాను అరికట్టడానికి మరిన్ని కట్టుదిట్టమైన చర్యలు చేపట్టాలని వాణిజ్య మంత్రిత్వశాఖ కేంద్ర పరోక్ష పన్నులు, కస్టమ్స్‌ బోర్డుకు రెండేళ్ల కిందట ఆదేశాలు జారీ చేసినా, జుట్టు స్మగ్లింగ్‌ యథావిధిగా జరుగుతూనే ఉంది. ఫలితంగా జుట్టు ఎగుమతుల వల్ల ప్రభుత్వానికి రావాల్సిన ఆదాయానికి గండిపడుతోంది.  జుట్టును అక్రమంగా తరలించడం వల్ల ప్రభుత్వానికి వాటిల్లుతున్న నష్టం ఒక ఎత్తయితే, అనుమతులు తీసుకుని సాగిస్తున్న జుట్టు ఎగుమతుల్లో జరుగుతున్న మోసాలు మరో ఎత్తు. జుట్టును ఎగుమతి చేసే వ్యాపారులు తాము ఎగుమతి చేసే సరుకు విలువ తగ్గించి చూపుతూ ప్రభుత్వానికి చెల్లించాల్సిన దాని కంటే తక్కువ మొత్తంలో పన్నులు చెల్లిస్తూ పబ్బం గడుపుకుంటున్నారు. ఎగుమతి చేసే జుట్టును నాణ్యతను బట్టి విడదీసి, కిలో ఒక యూనిట్‌ చొప్పున చిన్న చిన్న గుట్టలుగా చుడతారు. వీటిని ‘గోలి’, ‘ఛుట్టి’, ‘థుట్టి’ అనే పేర్లతో వ్యవహరిస్తుంటారు.  మన దేశంలో కిలో జుట్టు విలువ రూ.4,500 నుంచి రూ.6,000 వరకు ఉంటోంది. ఎగుమతిదారులు కిలో విలువ గరిష్ఠంగా రూ.1,400 వరకు మాత్రమే చూపుతూ పన్నులు ఎగవేస్తున్నారు. మన దేశం నుంచి దొంగచాటుగా రవాణా అయ్యే జుట్టులో ఎక్కువ భాగం మయన్మార్, వియత్నాం, బంగ్లాదేశ్‌ల మీదుగా భూమార్గంలో చైనాకు చేరుకుంటోంది. మన దేశం నుంచి ఏటా విదేశాలకు చేరుతున్న జుట్టు విలువ రూ.6 వేల కోట్ల నుంచి రూ.8 వేల కోట్ల వరకు ఉంటోంది. ఇందులో 5 శాతం జుట్టు తిరుపతి సహా వివిధ పుణ్యక్షేత్రాల్లో భక్తులు సమర్పించుకునే నీలాల నుంచే చేరుతోంది.  మన దేశంలో జరిగే జుట్టు ఎగుమతుల వ్యాపారంపై ఆధారపడి ప్రత్యక్షంగా, పరోక్షంగా దాదాపు 8 లక్షల మంది జీవనోపాధి పొందుతున్నారని ‘హ్యూమన్‌ హెయిర్‌ అండ్‌ హెయిర్‌ ప్రోడక్ట్స్‌ మ్యానుఫాక్చరర్స్‌ అండ్‌ ఎక్స్‌పోర్టర్స్‌ అసోసియేషన్‌ ఆఫ్‌ ఇండియా’ అధ్యక్షుడు సునీల్‌ ఇమామి మీడియాకు తెలిపారు. జుట్టు స్మగ్లింగ్‌ కారణంగా హెయిర్‌ ప్రాసెసింగ్‌ పరిశ్రమపై ఆధారపడి బతికే 4.1 లక్షల మంది ఉపాధి కోల్పోయిన పరిస్థితులు వాటిల్లాయని ఆయన ఆవేదన వ్యక్తం చేశారు.  ఈ స్మగ్లింగ్‌ వల్ల అటు ప్రభుత్వానికే కాదు, ఇటు అనుమతులు పొంది వ్యాపారాలు సాగిస్తున్న ఎగుమతిదారులకు కూడా భారీ నష్టం వాటిల్లుతోందని ఇమామి చెప్పారు. ఇదిలా ఉంటే, దేశం నుంచి అక్రమంగా రవాణా అవుతున్న జుట్టు విలువ దాదాపు రూ.8 వేల కోట్ల వరకు ఉంటుందని, దీనివల్ల జీఎస్టీ ఆదాయానికి గండిపడుతోందని డైరెక్టరేట్‌ జనరల్‌ ఆఫ్‌ కమర్షియల్‌ ఇంటెలిజెన్స్‌ అండ్‌ స్టాటిస్టిక్స్‌ ఉన్నతాధికారులు చెబుతున్నారు.  జుట్టుతో ఏం చేస్తారంటే.... ఆ మాత్రం మాకు తెలీదేంటి? విగ్గులు తయారు చేస్తారు అనుకుంటున్నారా? ఔను! రకరకాల మార్గాల్లో సేకరించిన జుట్టుతో సవరాలు, విగ్గులు, కృత్రిమ గడ్డాలు, కనుబొమ్మలు వంటివి కూడా తయారు చేస్తారు. అలాగని, జుట్టు ప్రయోజనాలు ఈ మాత్రానికే పరిమితం కాదు. జుట్టును చాపల్లా నేసి, వాటిని మొక్కల రక్షణ కోసం ఉపయోగిస్తారు. ఈ చాపలు టెర్రస్‌ గార్డెన్లు పెంచేవారికి బాగా ఉపయోగపడతాయి. సముద్రంలో చిందిన చమురు తెట్టును శుభ్రం చేయడానికి జుట్టుతో తయారు చేసిన ‘హెయిర్‌ బూమ్స్‌’ను ఉపయోగిస్తున్నారు.  చమురు తెట్టును శుభ్రం చేయడానికి జుట్టుతో తయారు చేసిన మరింత మెరుగైన నమూనా పరికరాల తయారీపై ‘నాసా’ శాస్త్రవేత్తలు పరీక్షలు జరుపుతున్నారు. నేటివ్‌ అమెరికన్లు జుట్టుతో పొడవాటి తాళ్లను పేని, వాటితో రకరకాల వస్తువులు తయారు చేస్తారు. ఇటీవలికాలంలో కొన్నిచోట్ల దుస్తుల తయారీలోను, కళాకృతుల తయారీలోను, ఫర్నిచర్‌ తయారీలోనూ జుట్టును ఉపయోగిస్తున్నారు. ఇక జుట్టు నుంచి వేరుచేసిన ప్రొటీన్‌ను సోయాసాస్, పలు బేకరీ ఉత్పత్తుల తయారీలో ఉపయోగిస్తారు.  రీసైకిల్‌ చేసిన జుట్టును ఎరువుల తయారీలో కూడా ఉపయోగిస్తారు. జుట్టులో 16 శాతం మేరకు నత్రజని ఉంటుంది. పశువుల వ్యర్థాలతో తయారయ్యే సేంద్రియ ఎరువులో ఉండే నత్రజని 0.2–0.3 శాతం మాత్రమే. జుట్టుతో తయారైన ఎరువు పర్యావరణానికి ఏమాత్రం హాని కలిగించదు. కొద్దినెలల్లోనే ఇది మట్టిలో పూర్తిగా కలిసిపోయి, మొక్కలకు కావలసిన పోషకాలను పుష్కలంగా అందిస్తుంది.  జుట్టుతో మరో వ్యవసాయ ప్రయోజనం కూడా ఉంది. జుట్టుతో అల్లిన చాపలతో కంచెలను ఏర్పాటు చేసుకుంటే, వాటిని దాటుకుని కుందేళ్లు, ఉడుతలు, ఎలుకలు వంటి జంతువులు పొలాల్లోకి, తోటల్లోకి చొరబడి పంటలను నాశనం చేయలేవు. అంతేకాదు, జుట్టుతో తయారైన చాపలు పంటలను నాశనం చేసే కొన్ని రకాల పురుగులను కూడా సమర్థంగా నిరోధించగలవు. పంటపొలాలకు, తోటలకు రక్షణగా జుట్టుతో తయారైన చాపలతో కంచెలను ఏర్పాటు చేసుకునే పద్ధతి కొన్ని అగ్రదేశాల్లో పరిమితంగానే వాడుకలో ఉంది. ఇదే పద్ధతి వ్యాప్తి చెందితే రైతులకు పురుగుమందుల ఖర్చు గణనీయంగా తగ్గుతుంది. అమెరికాలోని ఫ్లోరిడా ప్రాంతంలో కొందరు రైతులు తమ పంటచేలకు జుట్టుతో తయారైన చాపలను కంచెలుగా ఏర్పాటు చేసుకోవడం వల్ల వారికి పురుగుమందుల కోసం అయ్యే ఖర్చుతో ఏటా 50 వేల డాలర్లు (రూ.36.67 లక్షలు) ఆదా కావడమే కాకుండా, దాదాపు పదిలక్షలకు పైగా మొక్కలు నాశనం కాకుండా బతికి ఎదిగాయని అక్కడి అధికారులు వెల్లడించారు.  జుట్టు నుంచి వేరుచేసిన ప్రొటీన్లను ఔషధాల తయారీలోనూ ఉపయోగిస్తారు. జుట్టు నుంచి వేరు చేసిన ఎల్‌–సిస్టీన్, ఎన్‌–ఎసిటైల్‌ ఎల్‌–సిస్టీన్‌ (ఎన్‌ఏసీ) ప్రొటీన్లతో ఔషధాలను తయారు చేస్తున్నారు. వైద్యరంగంలో జుట్టు వినియోగం కొత్తదేమీ కాదు. ప్రాచీనకాలంలోనే భారత్, చైనాలలో వైద్యులు జుట్టును కాల్చి బూడిద చేసి, ఆ బూడిదను గాయాలకు పైపూతగా ఉపయోగించేవారు. మధ్యయుగంలో పలు యూరోప్‌ దేశాల్లో శస్త్రచికిత్సలు చేసేటప్పుడు కుట్లు వేయడానికి మనుషుల వెంట్రుకలతో తయారు చేసిన దారాలను ఉపయోగించేవారు. మనుషుల జుట్టుకు గల దారుఢ్యం అమోఘమైనది. జుట్టుతో తయారైన దారాలను శస్త్రచికిత్సల్లో కుట్లు వేయడానికి ఇప్పుడు కూడా భేషుగ్గా ఉపయోగించవచ్చని ఆధునిక పరిశోధకులు కూడా చెబుతున్నారు. షాంపూలు, కండిషనర్లు వంటి కేశసంరక్షణ ఉత్పత్తులను తయారు చేసేవారు తమ ఉత్పత్తుల పనితీరును పరీక్షించడానికి జుట్టుతో తయారైన ‘టెస్ట్‌ స్వాచెస్‌’ను ఉపయోగిస్తుంటారు.  తల‘కట్టు కథలు’ నాగరికత మొదలైనప్పటి నుంచే మనుషులకు జుట్టు మీద మోజు మొదలైంది. ముఖ్యంగా తలకట్టును తీర్చిదిద్దుకోవడాన్ని నాగరికతకే తలమానికంగా భావించడం మొదలైంది. తలకట్టును చూసి మనుషుల స్వభావాలను అంచనా వేసే లక్షణం మనుషుల్లో ఇప్పటికీ ఉంది. బహుశ ఈ లక్షణం ఆదిమ అవశేషమేమో! తలపై జుట్టును ఏపుగా పెంచుకోవడమే కాకుండా, ఆ జుట్టును కాపాడుకోవడానికి అనేక జాగ్రత్తలు తీసుకునేవారు. ప్రాచీన ఈజిప్షియన్లు జుట్టును కాపాడుకోవడానికి ఆముదం, బాదంనూనె రాసుకునేవారు. ఎడారి ప్రాంతపు పొడి వాతావరణంలో వారి జుట్టుకు ఇవి రక్షణ కల్పించేవి. క్రీస్తుపూర్వం 1500 నాటి అస్సీరియన్‌ రాజులు రింగురింగులుగా మెలితిరిగే ఉంగరాల జుట్టు కోసం పడరాని పాట్లు పడేవారు. వాళ్లలో సహజంగానే ఉంగరాల జుట్టు ఉంటే సరేసరి.  వాళ్లు అదృష్టవంతుల కిందే లెక్క! ఎలాంటి మెలికల్లేని నిలువైన జుట్టు ఉంటే మాత్రం దానిని రింగురింగులుగా మెలితిప్పడానికి వేడిచేసిన ఇనుప చువ్వలను ఉపయోగించేవారు. క్రీస్తుశకం 13వ శతాబ్ది కాలంలో ఇటలీ ప్రాంతంలో బల్లికొవ్వును ఆలివ్‌నూనెలో కలిపి మరిగించి, చల్లార్చి దానిని తలకు పట్టించుకునేవారు. జుట్టు ఏమాత్రం చెదిరిపోకుండా కట్టుదిట్టమైన తలకట్టును తీర్చిదిద్దుకోవడానికి క్రీస్తుశకం 16వ శతాబ్దికి చెందిన బ్రిటిష్‌ మహిళలు తలకు మైనాన్ని పట్టించేవారు. ఇంచుమించు అదేకాలంలో ఫ్రాన్స్‌లో మరో ట్రెండ్‌ ఉండేది. అక్కడి జనాలు జుట్టు పోషణ కోసం ఎముకల మూలుగను ఉపయోగించేవారు. మేక, గొర్రె, గొడ్డు ఎముకల మూలుగను హేజెల్‌నట్‌ ఆయిల్‌లో బాగా గిలకొట్టి కలిపి, దానికి కాసింత నిమ్మరసం చేర్చి తలకు పూసుకునేవారు. ఇప్పుడు విరివిగా వాడుకలో ఉన్న లిక్విడ్‌ షాంపూ అందుబాటులోకి వచ్చి వందేళ్లు కూడా పూర్తి కాలేదుగాని, ప్రాచీనకాలంలో భారత ఉపఖండంలో జనాలు కుంకుడుకాయలతో, షీకాయతో జుట్టును శుభ్రం చేసుకునేవారు.  జర్మన్‌ రసాయనవేత్త, వ్యాపారవేత్త హాన్స్‌ స్క్వార్జ్‌కోఫ్‌ తొలిసారిగా 1927లో ‘స్క్వార్జ్‌కోఫ్‌’ బ్రాండ్‌ పేరుతో లిక్విడ్‌ షాంపూను మార్కెట్‌లోకి ప్రవేశపెట్టాడు. ఆ తర్వాత వివిధ దేశాల్లోని మిగిలిన సంస్థలు కూడా వేర్వేరు ఫార్ములాలతో షాంపూలను తయారు చేయడం మొదలుబెట్టాయి. కేశ సంరక్షణ ఉత్పత్తుల పరిణామం తలనూనెల నుంచి షాంపూల వరకు మాత్రమే పరిమితం కాలేదు. కండిషనర్లు, హెయిర్‌క్రీమ్స్, జెల్స్, బట్టతలపై జుట్టు మొలిపించే లోషన్స్, సీరమ్స్, నెరిసిన జుట్టుకు టెంపరరీ పడుచుదనం తెప్పించేందుకు వాడే రకరకాల హెయిర్‌డైలు వంటి నానా ఉత్పత్తులు ఇటీవలి కాలంలో మార్కెట్‌ను ముంచెత్తుతున్నాయి. తల మీద జుట్టును పొడవుగా పెంచుకోవడం కొన్నాళ్లు ఫ్యాషన్‌గా ఉంటే కురచగా కత్తిరించుకోవడం మరికొన్నాళ్లు ఫ్యాషన్‌గా చలామణీలో ఉంటుంది.  పొడవాటి జుట్టుకు పోనీ కట్టుకోవడం, చుట్టూ కురచగా కత్తిరించి, తల నడిమధ్యలో గోపురంలా జుట్టును తీర్చిదిద్దుకోవడం– ఇలా చెప్పుకుంటూ పోతే తలకట్టులో రకరకాల ఫ్యాషన్లు. ఫ్యాషన్లకు అనుగుణంగా మాసిన తలపై జుట్టును కత్తిరించి చక్కగా తీర్చిదిద్దే పనిలో గ్రామీణ క్షురకుల మొదలుకొని నగరాల్లోని సెలూన్లు, బ్యూటీపార్లర్ల వరకు వివిధ దశల్లో ఉపయోగించే దువ్వెనలు, కత్తులు, కత్తెర్లు, రేజర్లు, ట్రిమ్మర్లు, షేవింగ్‌ బ్రష్‌లు, షేవింగ్‌ క్రీములు, ఆఫ్టర్‌షేవ్‌ లోషన్లు వంటి ఉత్పత్తులు, అవాంఛిత రోమాలను తొలగించుకోవడానికి ఉపయోగించే హెయిర్‌ రిమూవర్లు వంటి ఉత్పత్తుల మార్కెట్‌ కూడా తక్కువేమీ కాదు. విగ్గు విలాసం ఖండిత మానవ కేశాలలో ఎక్కువ భాగం చేరేది విగ్గుల పరిశ్రమకే. విగ్గులను తయారు చేసే కంపెనీలు విగ్గులతో పాటు కృత్రిమ కనుబొమ్మలు, మీసాలు, గడ్డాలు వంటివి కూడా తయారు చేస్తాయి. స్థూలంగా ఈ పరిశ్రమను హెయిర్‌ విగ్స్‌ అండ్‌ ఎక్స్‌టెన్షన్స్‌ ఇండస్ట్రీగా పిలుస్తారు. ఇదివరకటి కాలంలో ఈ పరిశ్రమకు ఎక్కువగా వినోదరంగం నుంచే ఎక్కువగా గిరాకీ ఉండేది. సినీ పరిశ్రమ, నాటకాలు, సంప్రదాయ వేడుకల్లో వేషాలు వేసేవారు, విచిత్ర వేషధారణ వంటి సాంస్కృతిక కార్యక్రమాల నిర్వాహకులు వంటి వారు మాత్రమే విగ్గులను కొనుగోలు చేసేవారు. జుట్టు ఊడిపోయి బట్టతల ఏర్పడినా సామాన్య ప్రజలు విగ్గుల జోలికి వెళ్లడం చాలా అరుదుగా ఉండేది.  గడచిన రెండు దశాబ్దాలుగా సామాన్య ప్రజానీకం నుంచి కూడా విగ్గులకు గిరాకీ పెరుగుతూ వస్తోంది. అంతర్జాతీయ అంచనాల ప్రకారం ప్రపంచవ్యాప్తంగా గత ఏడాది జరిగిన విగ్గుల అమ్మకాల విలువ 700 కోట్ల డాలర్లకు (సుమారు రూ.52 వేల కోట్లు)  పైమాటే! రానున్న ఐదేళ్లలో ఈ మార్కెట్‌ 13 శాతం వార్షికవృద్ధి సాధించగలదని ‘బిజినెస్‌వైర్‌’అంచనా వేస్తోంది. వివిధ దేశాల్లోని విగ్గుల తయారీ కంపెనీలకు భారీ పరిమాణంలో జుట్టును సరఫరా చేసేవి ఆసియన్‌ దేశాలైతే, విగ్గులను ఎక్కువగా వినియోగించేది వివిధ దేశాల్లో స్థిరపడిన నల్లజాతీయులేనని అంతర్జాతీయ గణాంకాలు చెబుతున్నాయి.  అత్యధికంగా జుట్టును ఎగుమతి చేసే దేశాల్లో చైనా, భారత్, మయాన్మార్‌ మొదటి మూడు స్థానాల్లో నిలుస్తున్నాయి. జుట్టును అత్యధికంగా దిగుమతి చేసుకునే దేశాల్లో యూరోప్‌ దేశాలు, అమెరికా అగ్రస్థానంలో నిలుస్తున్నాయి. భారీ ఎత్తున సాగే స్మగ్లింగ్‌ను సమర్థంగా అడ్డుకోగలిగితే, జుట్టు ఎగుమతుల్లో నిజానికి భారత్‌దే మొదటి స్థానమని దేశంలోని జుట్టు ఎగుమతిదారుల సంఘాలు చెబుతున్నాయి. ఇటీవలి కాలంలో మన దేశంలోనూ విగ్గులకు గిరాకీ పెరుగుతోంది. హెయిర్‌ ట్రాన్స్‌ప్లాంటేషన్‌ వంటి ప్రక్రియలు ఖర్చుతో కూడుకున్నవి కావడంతో బట్టతలలవారు విగ్గులపై మొగ్గు చూపుతున్నారు. ఇదిలా ఉంటే,  క్యాన్సర్‌ బారినపడి కీమోథెరపీ, రేడియేషన్‌ చికిత్సల ప్రభావం వల్ల జుట్టు కోల్పోయిన వారు కూడా ఆత్మస్థైర్యం కోసం విగ్గులను వాడుతున్నారు.  క్యాన్సర్‌ రోగులకు విగ్గుల కోసం జుట్టును దానం చేసేవారి సంఖ్య కూడా పెరుగుతోంది. మన దేశంలో విగ్గుల తయారీ పరిశ్రమ వార్షిక వ్యాపారం విలువ దాదాపు రూ.300 కోట్ల వరకు ఉంటుందని మార్కెట్‌ వర్గాల అంచనా. ‘కరోనా’ ప్రభావంతో నాణ్యమైన జుట్టు ధర భారీగా పెరిగింది. ‘కరోనా’కు ముందు 19–26 అంగుళాల పొడవు ఉండే జుట్టు ధర కిలో 16 వేల వరకు ఉంటే, ప్రస్తుతం ఈ ధర రూ. 25 వేల వరకు పెరిగిందని చెన్నైకి చెందిన జుట్టు ఎగుమతి సంస్థ ‘శ్రీ సాయిరాం హెయిర్‌ ఇండస్ట్రీస్‌’ ప్రతినిధి ఒకరు చెప్పారు. తిరుమలలో భక్తులు సమర్పించుకునే నీలాలను టీటీడీ నిర్వహించే వేలంపాటలో చెన్నైలోని ఎగుమతిదారులు కొనుగోలు చేస్తుంటారు. తర్వాత నాణ్యత వారీగా గ్రేడింగ్‌ చేసి, శుభ్రం చేశాక విదేశాలకు ఎగుమతి చేస్తుంటారు. అక్కడ జుట్టు కత్తిరించి డబ్బులిస్తారంట!! ఎక్కడైనా జుట్టు కత్తించినందుకు క్షురకులకు డబ్బులు చెల్లిస్తారు. బ్రిటన్‌లోని కొన్ని సెలూన్లలో మాత్రం జుట్టు కత్తిరించుకునే కస్టమర్లకే ఎదురు డబ్బులిస్తారు. బ్రిటన్‌లోని ‘సెలూన్‌పే’ వంటి కొన్ని సంస్థలు కస్టమర్లకు ఎదురు డబ్బులు చెల్లిస్తూనే తమ వ్యాపారాన్ని మూడు జుట్టుగుట్టలు ఆరు నోట్లకట్టలుగా సాగిస్తున్నాయి. పొడవాటి జుట్టుతో సెలూన్‌లోకి అడుగుపెట్టి, శుభ్రంగా అంటకత్తెర వేయించుకోవడానికి సిద్ధపడితే, జుట్టు నాణ్యతను బట్టి 75–100 పౌండ్ల (సుమారు రూ.7600– రూ.10,130) వరకు చెల్లిస్తారు. కత్తిరించిన తర్వాత ఈ జుట్టును సెలూన్‌ నిర్వాహకులే జాగ్రత్తగా గ్రేడింగ్‌ చేసి, ప్యాక్‌ చేస్తారు. తర్వాత జుట్టు ప్యాకెట్లను విగ్గుల తయారీ కంపెనీలకు టోకున విక్రయిస్తారు. బ్రిటన్‌లోని ప్రముఖ విగ్గుల కంపెనీలన్నీ ఇలా నేరుగా సెలూన్ల నుంచే జుట్టు గుట్టలను కొనుగోలు చేస్తాయి. సెలూన్ల ద్వారా సాగే జుట్టు విక్రయాలకు లెక్కలన్నీ పక్కాగా నమోదవుతుంటాయి. ఈ లావాదేవీల ద్వారా గత ఏడాది 3.8 కోట్ల పౌండ్ల (రూ.384 కోట్లు) ఆదాయం లభించినట్లు అక్కడి రెవెన్యూ–కస్టమ్స్‌ విభాగం ప్రకటించింది. చదవండి: Tips To Grow Hair Naturally: మీకో విషయం తెలుసా? రోజూ ఈ సంఖ్యలో వెంట్రుకలు రాలడం సహజమేనట!

మల్లాపూర్‌ (కోరుట్ల): ఇసుక అక్రమ రవాణాను అడ్డుకున్నారన్న ఆగ్రహంతో స్మగ్లర్లు ఏకంగా పోలీసులపైనే దాడి చేశారు. రాళ్లు, కర్రలు, పారలతో ట్రైనీ ఎస్సై, ఇద్దరు కానిస్టేబుళ్లను విచక్షణా రహితంగా కొట్టారు. ఈ ఘటన జగిత్యాల జిల్లా మల్లాపూర్‌ మండలంలోని వేంపల్లి శివారు పెద్దవాగులో సోమవారం అర్ధరాత్రి చోటుచేసుకుంది. రాయికల్‌ మండలం కొత్తపేట వడ్డెర కాలనీ గ్రామానికి చెందిన కొందరు వేంపల్లి పెద్దవాగులోంచి ఇసుక అక్రమంగా తరలించేందుకు మూడు, నాలుగు రోజులుగా యత్నిస్తున్నారు. దీంతో స్థానికులు పోలీసులకు సమాచారం అందించారు. ఈ క్రమంలోనే సోమవారం అర్ధరాత్రి 20 ట్రాక్టర్లలో,  సుమారు 60 మందికి పైగా స్మగ్లర్లు పెద్దవాగులోకి చేరుకుని ఇసుకను తోడుతున్నారు. సమాచారం అందుకున్న ట్రైనీ ఎస్సై వెంకటేశ్, పోలీస్‌ కానిస్టేబుళ్లు శ్రీనివాస్, రాజ్‌కుమార్‌ అక్కడకు వెళ్లి రవాణాకు సిద్ధంగా ఉన్న ట్రాక్టర్లను అడ్డుకున్నారు. దీంతో సుమారు 40 మందికి పైగా దుండగులు పోలీసులతో వాగ్వాదానికి దిగుతూ రాళ్లు, కర్రలు, పారలతో దాడికి తెగబడ్డారు. ఈ ఘటనలో ట్రైనీ ఎస్సైకి స్వల్ప గాయాలయ్యాయి. ఇద్దరు కానిస్టేబుళ్లకు తీవ్రగాయాలయ్యాయి. ప్రాణ భయంతో పరుగులు తీసిన పోలీసులు ఉన్నతాధికారులకు సమాచారం అందించారు. దీంతో మెట్‌పల్లి డీఎస్పీ గౌస్‌బాబా, సీఐ శ్రీనివాస్, సబ్‌డివిజన్‌ పరిధిలోని ఎస్సైలు, పోలీసులతో వేంపల్లికి చేరుకున్నారు. గాయపడ్డ కానిస్టేబుళ్లకు వైద్యసేవలు అందించారు. అనంతరం ఇసుక ట్రాక్టర్లను పోలీస్‌స్టేషన్‌కు తరలించారు. కాగా పోలీసులపై దాడి చేసిన 24 మందిపై కేసు నమోదు చేశామని, 10 మందిని అరెస్టు చేసి రిమాండ్‌కు తరలించామని సీఐ శ్రీనివాస్‌ తెలిపారు. ట్రైనీ ఎస్సైపై దాడి జరగలేదని, ఇద్దరు కానిస్టేబుళ్లపై దుండగులు దాడి చేసి గాయపరిచారని సీఐ వివరించారు.  

తిరుమల: శేషాచలం కొండల్లో అగ్ని ప్రమాదం సంభవించింది. శేషాతీర్థం అటవీ ప్రాంతాల్లో మంటలు పెద్ద ఎత్తున ఎగసిపడుతున్నాయి. శేష తీర్థం సమీపంలోని డబ్బారెకుల కొనలో అగ్నిప్రమాదం చోటు చేసుకుంది. గురువారం రాత్రి మంటలు దట్టంగా వ్యాపించాయి. అటవీ ప్రాంతంలో భారీగా మంటలు ఎగసిపడుతుండడంతో అడవంతా అగ్నికి ఆహుతయ్యే ప్రమాదం పొంచి ఉంది. అయితే మంటలు చెలరేగిన ప్రాంతానికి అగ్నిమాపక సిబ్బంది, అటవీ అధికారులు చేరడానికి చాలా సమయం పట్టే అవకాశం ఉంది. ఆ ప్రాంతానికి కనీసం మనుషులు చేరుకోడానికి ఒక రోజు సమయం పడుతుంది. దీంతో ఆ మంటలు తీవ్రమయ్యే ప్రమాదం ఉంది. అయితే ఆ మంటలు ఎవరైనా ఎర్రచందనం స్మగ్లర్లు పెట్టారా అనే అనుమానాలు వ్యక్తమవుతున్నాయి. వేసవికాలంలో శేషచల కొండల్లో అగ్ని ప్రమాదాలు సంభవించడం సాధారణం.

ఇక్కడ చిత్రంలో కనిపిస్తున్న వృద్ధులను చూస్తే ఏమనిపిస్తోంది? చూడటానికి ఒకేలా ఉన్నా డ్రెస్‌లే వేర్వేరుగా ఉన్నాయనుకుంటున్నారు కదూ! అవును నిజమే..ముగ్గురు కాదు..ఒక్కడే..కాకపోతే త్రిబుల్‌ యాక్షన్‌..అవసరం బట్టి ఆర్టీసీ బస్టాండు, తిరుమల, శేషాచలం అడవుల్లో వీళ్లు వేస్తున్న ‘ఎర్ర’గెటప్‌లివి. ఈ తమిళ తంబీల సెటప్‌ చూసి టాస్క్‌ఫోర్స్‌ విస్తుపోయింది. ఈ గెటప్‌ల కథేమిటంటే.. సాక్షి, చంద్రగిరి: ఎర్రచందనం దుంగల కోసం శేషాచలం అడవుల్లోకి ప్రవేశిస్తున్న ఎర్రకూలీలు, స్మగ్లర్లను టాస్క్‌ఫోర్స్‌ అధికారులు అడ్డుకున్న ఘటన శ్రీవారిమెట్టు వద్ద చోటు చేసుకుంది. టాస్క్‌ఫోర్స్‌ ఎస్పీ ఆంజనేయులు ఆదేశాలతో ఆర్‌ఎస్‌ఐ వాసు, డీఆర్‌ఓ నరసింహారావు బృందాలు మంగళవారం అర్ధరాత్రి శ్రీవారిమెట్టు వద్ద కూంబింగ్‌ చేశాయి. సుమారు 15 మంది స్మగ్లర్లు, కూలీలు అడవిలోకి ప్రవేశిస్తుండటం చూసి వారిని అదుపులోకి తీసుకునేందుకు యత్నించడంతో వారు పారిపోయారు. వెంటాడి ఒకరిని అదుపులో కి తీసుకున్నారు. చదవండి: భూమి ఇస్తేనే.. తలకొరివి పెడతా..!  ప్రాధమిక విచారణలో అతడు తిరువణ్ణామలై జిల్లా జమునామత్తూరు, వెళ్లి చెరువుకు  చెందిన వెంకటేశన్‌ అని తేలింది. ఎర్రచందనం దుంగల కోసం వచ్చినట్లు అతడు వెల్లడించాడు. అతని నుంచి స్వాధీనం చేసుకున్న బ్యాగును తనిఖీ చేయగా 3 జతల దుస్తులు లభించాయి. బస్సులో రావడానికి తెల్లటి దుస్తులు, తిరుమలలో తిరిగేందుకు కాషాయం దుస్తులు, అడవిలో వెళ్లేందుకు మరొక దుస్తులు ఉన్నట్లు గుర్తించారు. అనంతరం స్మగ్లర్‌ వేషధారణకు సంబంధించిన ఫొటోలను టాస్క్‌ఫోర్స్‌ అధికారులు విడుదల చేశారు. నిందితుడిని పోలీసు స్టేషన్‌కు తరలించారు. సీఐ చంద్రశేఖర్‌ కేసు నమోదు చేసి దర్యాప్తు చేస్తున్నారు. పారిపోయిన వారి కోసం గాలిస్తున్నారు. చదవండి: రేపటి వరకు టీచర్ల బదిలీల వెబ్‌ ఆప్షన్‌

వల్లూరు (వైఎస్సార్‌ జిల్లా): వైఎస్సార్‌ జిల్లా కడప–తాడిపత్రి ప్రధాన రహదారిపై వల్లూరు మండల పరిధిలోని గోటూరు, తోల్లగంగనపల్లె బస్‌స్టాప్‌ల మధ్య సోమవారం వేకువజామున చోటుచేసుకున్న ఘోర రోడ్డు ప్రమాదంలో నలుగురు సజీవ దహనమయ్యారు. మరో ఇద్దరికి గాయాలు కాగా.. వారిలో ఒకరు చికిత్స పొందుతూ మృతి చెందారు. పోలీసులు తెలిపిన వివరాల ప్రకారం.. కంకరను అన్‌లోడ్‌ చేసిన టిప్పర్‌ వేకువజామున 3.15 గంటల సమయంలో కడప వైపు వెళ్లేందుకు ప్రధాన రహదారిపైకి ఎక్కుతుండగా అనంతపురం వైపు ఎర్ర చందనం దుంగలను తరలిస్తున్న స్కార్పియో వాహనం అతి వేగంగా వచ్చి ఢీకొట్టింది. దాని వెనుకే వస్తున్న మరో కారు సైతం వీటిని ఢీకొంది. దీంతో టిప్పర్‌ డీజిల్‌ ట్యాంక్‌ ధ్వంసమై మంటలు చెలరేగాయి. ఈ దుర్ఘటనలో స్కార్పియో వాహనంలోని ఎర్రచందనం స్మగ్లింగ్‌ ముఠాకు చెందిన కూలీల్లో నలుగురు సజీవ దహనం కాగా.. అందులో ఉన్న ఎర్ర చందనం దుంగలు కాలిపోయాయి. తీవ్ర గాయాల పాలైన మరో ముగ్గురిని 108 వాహనంలో కడప రిమ్స్‌కు తరలించగా.. అక్కడ చికిత్స పొందుతూ మూర్తి అనే మరో కూలీ మృతి చెందాడు. ప్రాథమిక ఆధారాలను బట్టి సజీవ దహనమైన వారిలో ముగ్గురు తమిళనాడుకు చెందిన రాజన్, సందిరన్, రామచంద్రన్‌గా తెలుస్తోంది. మృతుల్లో మరొకరి వివరాలు తెలియాల్సి ఉంది. ప్రమాదంలో టిప్పర్, స్కార్పియోతో పాటు మరో కారు కూడా కాలిపోయాయి. ప్రమాదం జరిగిన వెంటనే టిప్పర్‌ డ్రైవర్‌ కిందకు దూకి అపాయం నుంచి తప్పించుకున్నాడు. ప్రమాదానికి గురైన మరో కారు ఎవరిది, అందులో ప్రయాణిస్తున్న వారు ఏమయ్యారనేది ఇంకా తెలియరాలేదు.  ప్రమాదంతో వెలుగులోకొచ్చిన స్మగ్లింగ్‌ అరుదైన ఎర్ర చందనం చెట్లు కడప, రాజంపేట, ప్రొద్దుటూరు డివిజన్ల పరిధిలో దాదాపు 3.5 లక్షల హెక్టార్లలో విస్తరించి ఉన్నాయి. ఈ మూడు డివిజన్ల పరిధిలో అటవీ శాఖ ఆధ్వర్యంలో 13 చెక్‌ పోస్టులు నడుస్తున్నాయి. గతంలో కడప డివిజన్‌లోని సిద్ధవటం, రాయచోటి, వేంపల్లె, భాకరాపేట ప్రాంతాల నుంచి ఎర్ర చందనం ఎక్కువగా స్మగ్లింగ్‌ అయ్యేది. ఆ తరువాత సద్దుమణిగినా.. ఈ ఘటనతో స్మగ్లర్ల ఉనికి మరోసారి వెలుగులోకి వచ్చింది. 

(పెద్దదోర్నాల): టైగర్‌.. కొద్దిరోజులుగా నల్లమల అటవీ శాఖలో మార్మోగుతున్న పేరు. స్మగ్లర్లు, వేటగాళ్ల గుండెల్లో గుబులు పుట్టిస్తున్న పేరు. తమను ఎవరూ పట్టుకోలేరని విర్రవీగుతున్న వారిని ఇట్టే పట్టేస్తూ జైల్లో ఊచలు లెక్కించేలా చేస్తున్న ఉత్తమ జాతి జాగిలమే ఈ టైగర్‌. నిజ నిర్ధారణకు అవసరమైన సాక్ష్యాలను అటవీ శాఖాధికారులకు అందిస్తూ నల్లమల అభయారణ్యంలోకి వచ్చిన కొద్దిరోజుల్లోనే ఈ జాగిలం తన సత్తా చాటుతోంది.  ఆంధ్రప్రదేశ్‌లోని ప్రకాశం, కర్నూలు, గుంటూరు జిల్లాలతో పాటు తెలంగాణలోని మహబూబ్‌నగర్, నల్గొండ జిల్లాల్లో 9 వేల చదరపు కిలోమీటర్లలో నల్లమల అభయారణ్యం విస్తరించి ఉంది. ఇక్కడ వన్య ప్రాణుల వేటతో పాటు, అడవులను కొల్లగొట్టే ఘటనలు యథేచ్ఛగా సాగుతున్నాయి. అటవీ వైశాల్యం పెద్దది కావటం, సిబ్బంది తక్కువగా ఉండటంతో స్మగ్లర్లు, వేటగాళ్లకు ఎదురులేకుండా పోతోంది. దీంతోపాటు అటవీ సిబ్బందిపై స్మగ్లర్లు దాడులకు తెగబడుతుండటంతో వీరిని నియంత్రించటం ఆ శాఖకు కష్టంగా మారింది. దీంతో అధికారులు పోలీసు శాఖ తరహాలోనే డాగ్‌ స్క్వాడ్‌ను రంగంలోకి దించారు.   ‘టైగర్‌’కు ప్రత్యేక సౌకర్యాలు  నిజ నిర్ధారణలో కీలకంగా వ్యవహరిస్తున్న ఈ టైగర్‌కు అటవీ శాఖ అధికారులు ప్రత్యేక సౌకర్యాలు కల్పించారు. 22 కేజీల బరువు, 24 అంగుళాల ఎత్తుండే ఈ జాగిలానికి అటవీ శాఖ కార్యాలయంలో ఓ క్వార్టర్‌ను కేటాయించారు. దీనికి ప్రతిరోజూ ప్రత్యేక డైట్‌ మెనూను అమలుచేస్తుంటారు. ఏటా వ్యాక్సిన్‌లు, డీవార్మింగ్‌ మాత్రలను వేయిస్తామని శిక్షకుడు సుధాకర్‌ తెలిపారు.  శిక్షణలో భాగంగా డాగ్‌ విన్యాసం  జర్మన్‌ షెపర్డ్‌తో స్మగ్లర్లలో గుబులు జర్మన్‌ షెపర్డ్‌ జాతికి చెందిన ఈ మగ శునకానికి (టైగర్‌) గ్వాలియర్‌లో శిక్షణను ఇప్పించారు. ఈ శునకం అభయారణ్యంలో కలప స్మగ్లర్లు, వేటగాళ్ల  కార్యకలాపాలను అడ్డుకోవటంతో పాటు, పులులు ఇతర వన్య ప్రాణుల కదలికలను పసిగడుతోందని అధికారులు ఈ టైగర్‌ సేవలను కొనియాడుతున్నారు. ఇప్పటివరకు ఎంతోమంది నేరగాళ్లను ఈ ‘టైగర్‌’ పట్టించింది. ఉదా..  ► నంద్యాల డివిజన్‌ పచ్చర్లలోని రైలు పట్టాల పక్కన 2018 నవంబర్‌ 17న ఓ చిరుత అనుమానాస్పద స్థితిలో మృతిచెందింది. అధికారులు ఈ ‘టైగర్‌’ సహాయంతో ఘటన కారణాలను ఛేదించారు.  ► 2020 జనవరి 16న మం డల పరిధిలో సిబ్బంది పెట్రోలింగ్‌ నిర్వహిస్తుండగా ఓ వ్యక్తి వద్ద కుందేళ్లు ఉన్నట్లు ఈ టైగర్‌ పసిగట్టి నిందితుడ్ని పట్టుకోవటంలో కీలకంగా వ్యవహరించింది.    ► అలాగే, ఇదే ఏడాది మార్చి 30న కర్నూల్‌ జిల్లా నాగటూటి రేంజిలో కొందరు వ్యక్తుల వద్ద కణితి మాంసాన్ని గుర్తించిన ‘టైగర్‌’ వారిని పట్టించింది. ఆ కేసులో దుండగులకు జైలుశిక్షలు పడ్డాయి.   ► ఇదే సంవత్సరం జూలై 21న మండలంలోని సుందరయ్య కాల నీలో బతికున్న రెండు కుందేళ్లతో సంచరిస్తున్న వ్యక్తిని పసిగట్టింది.   ► మొన్న ఆగస్టులో హసానాబాద వద్ద అడవిపంది మాంసాన్ని పంచుకుంటున్న వ్యక్తులను కటకటాల పాలయ్యేలా చేసింది. ‘టైగర్‌’ సేవలు అమోఘం  అటవీ శాఖకు ‘టైగర్‌’ అందిస్తున్న సేవలు అమోఘం. గతంలో ఎన్నో కేసులను ఛేదించిన సందర్భాలున్నాయి. ఓ వన్యప్రాణిని కాల్చేసిన సంఘటనలో, నేరస్తులను పట్టుకోవడంలో చాకచక్యంగా వ్యవహరించింది.  – బబిత, డీఎఫ్‌ఓ, మార్కాపురం   

సాక్షి, అమరావతి: అక్రమార్కుల ఆటలు కట్టించేందుకు ముఖ్యమంత్రి వైఎస్‌ జగన్‌మోహన్‌రెడ్డి ఆలోచనల్లోంచి పుట్టిన స్పెషల్‌ ఎన్‌ఫోర్స్‌మెంట్‌ బ్యూరో (సెబ్‌) మెరుగైన పనితీరుతో దూసుకెళ్తోంది. అమల్లోకొచ్చిన కొద్ది రోజుల్లోనే సెబ్‌ స్మగ్లర్ల పాలిట సింహస్వప్నంగా మారింది. అక్రమార్కుల ఎత్తులకు పై ఎత్తులు వేస్తూ బెండు తీస్తోంది. మూడునెలల్లోనే ముప్పై వేలకు పైగా కేసులు నమోదుచేసి ధోనంబర్ దందాగాళ్ళ గుండెల్లో దడ పుట్టిస్తోంది. శాండ్ మాఫియా, గంజాయి స్మగ్లింగ్, సారా తయారీదారుపై ఉక్కుపాదం మోపుతోంది. తాజాగా కృష్ణాజిల్లా బంటుమిల్లి మండలం అర్తమూరులో ఎస్సై తులసి రామకృష్ణ ఆధ్వర్యంలో 500 లీటర్ల బెల్లం ఊటలను ఎస్‌ఈబీ బృందం ధ్వంసం చేసింది. దీంతోపాటు పశ్చిమగోదావరి జిల్లా కొవ్వూరు ఎక్సైజ్ పరిధిలో సెబ్ అధికారులు దాడులు చేసి 45 లీటర్ల నాటుసారా స్వాధీనం చేసుకున్నారు. 400 లీటర్ల బెల్లం ఊటలు ధ్వంసం చేశారు. ఐదుగురు నిందితులను అరెస్టు చేసి జైలుకు తరలించారు. రాష్ట్ర సరిహద్దుల్లో నిఘా కట్టుదిట్టం చేశామని అక్రమరవాణా ఆపకపోతే కఠినచర్యలు తప్పవని ఈ సందర్భంగా సెబ్ డైరెక్టర్ రామకృష్ణ హెచ్చరించారు. (చదవండి: మడ అడవుల్లో సారా బట్టీలపై మెరుపు దాడి)

కోల్‌కతా: భారత్‌–బంగ్లాదేశ్‌ సరిహద్దుల్లో బీఎస్‌ఎఫ్‌ జవాన్లు జరిపిన కాల్పుల్లో బంగ్లాదేశ్‌కు చెందిన ఒక స్మగ్లర్‌ మృతి చెందాడు. పశ్చిమ బెంగాల్‌లోని మాల్డా జిల్లా గోపాల్‌నగర్‌ సమీపంలో శనివారం రాత్రి ఈ ఘటన చోటుచేసుకుంది. స్మగ్లర్‌ కత్తితో జరిపిన దాడిలో జవాను ఒకరు స్వల్పంగా గాయపడ్డారని బీఎస్‌ఎఫ్‌ తెలిపింది. రాత్రి 10 గంటల సమయంలో భారత్, బంగ్లాదేశ్‌లకు చెందిన సుమారు 12 మందితో కూడిన స్మగ్లర్ల బృందం సరిహద్దు కంచెకు సమీపంలో సంచరిస్తున్నట్లు జవాన్లు పసిగట్టారు. పట్టుకునేందుకు ప్రయత్నించగా తమ వద్ద ఉన్న దగ్గుమందు ఫెన్సిడైల్‌ బాటిళ్లను కంచె వద్ద పడేసి పరుగు తీశారు. ఒక బంగ్లాదేశీ స్మగ్లర్‌ మాత్రం జవానుపై కత్తితో దాడి చేశాడు. దీంతో జవాను ఆత్మరక్షణ కోసం జరిపిన కాల్పుల్లో ఆ వ్యక్తి చనిపోయాడు. ఈ సందర్భంగా మత్తు కోసం వాడే 75 బాటిళ్ల ఫెన్సిడైల్‌తోపాటు ఒక కత్తిని స్వాధీనం చేసుకున్నారు. చదవండి: 14 కేజీల బంగారం మాయం..

ముంబై: ముంబైలో భారీగా డ్రగ్స్ పట్టుబడ్డాయి. ఓడరేవుకు సమీపంలో కస్టమ్స్, డైరెక్టరేట్ ఆఫ్ రెవెన్యూ ఇంటెలిజెన్స్‌ అధికారులు జాయింట్ ఆపరేషన్ నిర్వహించారు. ఈ ఆపరేషన్‌లో రూ. 1000 కోట్ల విలువైన డ్రగ్స్ పట్టుబడ్డాయి. 191 కిలోల డ్రగ్స్‌ను అధికారులు సీజ్ చేశారు. హెరాయిన్‌ను అక్రమంగా రవాణ చేస్తున్న ఇద్దరు నిందితులను అదుపులోకి తీసుకున్న పోలీసులు అరెస్ట్‌ చేసి కోర్టులో హాజరుపరిచారు. దీంతో వారికి కోర్టు 14 రోజుల జ్యుడీషియల్ కస్టడీ విధించింది. ఆఫ్ఘనిస్తాన్ నుంచి డ్రగ్స్‌ను నిందితులు తీసుకొచ్చినట్లుగా అధికారులు గుర్తించారు. కాగా.. ప్లాస్టిక్ పైపులకు వెదురు రంగు వేసి ఆయుర్వేద మందులంటూ స్మగ్లర్లు దిగుమతి చేసేందుకు ప్రయత్నించారు. (ఏటీఎం కార్డుతో దోచేశారు) 191 kg of drugs, worth Rs 1000 crores, seized at Nhava Sheva port of Navi Mumbai in a joint operation with customs. Transported inside pipes, drugs were brought through Afghanistan. Court has sent the two accused to 14 days police custody: Directorate of Revenue Intelligence pic.twitter.com/YZw10V7kuw — ANI (@ANI) August 10, 2020

సాక్షి, చిత్తూరు : శేషాచలం అడవుల్లో మరోసారి తమిళ స్మగ్లర్లు రెచ్చిపోయారు. లాక్‌డౌన్ కారణంగా కొంతకాలం అడవుల్లోకి ప్రవేశించని స్మగ్లర్లు ఇప్పుడు మళ్లీ తమ వేట ప్రారంభించారు. రెండు రోజులుగా పెద్ద ఎత్తున శేషాచల అడవుల్లోకి వచ్చిన తమిళ స్మగ్లర్లు భారీ ఎత్తున ఎర్ర చందనం దుంగలు తరలించే ప్రయత్నం చేశారు. ఇదే సమయంలో తిరుపతి టాస్క్ పోర్స్ సిబ్బంది కుంబింగ్‌కు వెళ్ళింది. చంద్రగిరి మండలం భీమవరం ఘాట్‌లో  కుంబింగ్ పార్టీకి స్మగ్లర్లు తారస పడ్డారు. స్మగ్లర్లు మొదట పోలీసుల మీద రాళ్ళ దాడి చేశారు. పోలీసులు ప్రతి గతించడం తో స్మగ్లర్లు దుంగలు వదిలేసి పారిపోయారు. తమ వెంట ఉన్న బ్యాగ్‌లను వదిలేసి పోయారు. మొత్తం 33 దుంగలను స్వాదీనం చేసుకొన్నారు. దాదాపు రెండు కోట్ల రూపాయల విలువ ఉంటుందని అధికారులు అంచనా వేశారు.

సాక్షి, విజయవాడ: మత్తు పదార్థాలను రవాణా చేసే స్మగ్లర్లపై కఠిన చర్యలు తీసుకుంటామని ఏపీ డీజీపీ గౌతమ్‌ సవాంగ్‌  హెచ్చరించారు. శుక్రవారం ఆయన మీడియా సమావేశంలో మాట్లాడుతూ.. పాఠశాలలు, కళాశాలలకు డ్రగ్స్ సరఫరా చేసే ముఠాల ఆట కట్టిస్తామని పేర్కొన్నారు. మాదక ద్రవ్యాల ఉచ్చులో పడి విద్యార్థులు తమ  బంగారు భవిష్యత్తును నాశనం చేసుకోవద్దని డీజీపీ సూచించారు.మత్తు పదార్థాల రవాణాను నిరోధించడానికి దక్షిణాది పోలీసులు పరస్పరం సహకరించుకోవాలని కోరారు. డ్రోన్లు, రిమోట్ సెన్సింగ్ డాటా ద్వారా గంజాయి పంటలను గుర్తించి ధ్వంసం చేస్తున్నామని తెలిపారు. రాష్ట్రాల మధ్య సమన్వయ చర్చల ద్వారా మత్తు పదార్థాలు, మాదక ద్రవ్యాల రవాణాను నివారిస్తామని డీజీపీ గౌతమ్‌ సవాంగ్‌ తెలిపారు.

నెల్లూరు (క్రైమ్‌): గంజాయికి బానిసైన ఐదుగురు ఇంజనీరింగ్‌ విద్యార్థులు స్మగ్లర్లుగా అవతారమెత్తిన ఘటన శ్రీ పొట్టిశ్రీరాములు నెల్లూరు జిల్లాలో చోటు చేసుకుంది. సోమవారం నెల్లూరులోని ఉమేష్‌చంద్రా మెమోరియల్‌ కాన్ఫరెన్స్‌ హాల్‌లో కావలి డీఎస్పీ డి.ప్రసాద్‌  తెలిపిన వివరాల మేరకు..  శ్రీకాకుళానికి చెందిన ఎస్‌.పవన్‌కల్యాణ్, విశాఖపట్టణానికి చెందిన లోకనాథ్‌ అఖిల్, విజయనగరం జిల్లాకు చెందిన బి.రవితేజ, శ్రీ పొట్టి శ్రీరాములు నెల్లూరు జిల్లా జలదంకి మండలానికి చెందిన అమర్‌నాథ్‌ (కారు డ్రైవర్‌) వేలూరులోని విట్‌ కళాశాలలో ఇంజనీరింగ్‌ చదివారన్నారు. వీరంతా అక్కడ చదువుతున్న సమయంలోనే గంజాయికి బానిసలయ్యారని తెలిపారు. మత్తుకు బానిసైన వీరు గంజాయి తామే సరఫరా చేస్తే, తమ అవసరాలు తీరడంతో పాటు అధికంగా డబ్బులొస్తాయని భావించి స్మగ్లర్లుగా అవతారమెత్తారని చెప్పారు. విశాఖ ఏజెన్సీలోని తమ స్నేహితుడి ద్వారా గంజాయిని కొనుగోలు చేసి రైలు, రోడ్డు మార్గాన వేలూరుకు తరలించేవారని తెలిపారు. విశాఖ ఏజెన్సీలో కేజీ రూ.3 వేలకు కొనుగోలు చేసి వేలూరులో రూ.25 వేలకు విక్రయిస్తున్నారని, రెండేళ్లుగా ఈ అక్రమ రవాణా నిరాటంకంగా సాగుతోందని వివరించారు. సరుకు తీసుకెళుతూ..  నిందితులు పవన్‌కల్యాణ్, లోక్‌నాథ్‌ అఖిల్, రవితేజ, అమర్‌నాథ్‌ అద్దెకు కారు తీసుకుని విశాఖ ఏజెన్సీలోని అరకులో గంజాయిని కొనుగోలు చేశారు. కారులో వేలూరుకు బయలు దేరారు. కావలి వద్ద కారును ఆపి తమ స్నేహితుడైన గంజాయి విక్రేత (మహారాష్ట్ర, పూణేకు చెందిన) ప్రత్యూష్‌ సిన్హాతో మాట్లాడుతుండగా.. అనుమానం వచ్చిన పోలీసులు తనిఖీ చేయడంతో విషయం బయటకు పొక్కింది. దీంతో సోమవారం వారందరిని పోలీసులు అరెస్టు చేశారు. వారిని విచారించగా ఈ వ్యవహారంలో మరికొంతమంది హస్తం ఉందని చెప్పడంతో వారి కోసం పోలీసులు గాలిస్తున్నారు.

చంద్రగిరి (చిత్తూరు జిల్లా): ఎర్రచందనం తరలిస్తున్న స్మగ్లర్లను పట్టుకునేందుకు వెళ్లిన టాస్క్‌ఫోర్స్‌ సిబ్బందిపై కూలీలు తిరగబడిన ఘటన చిత్తూరు జిల్లా శేషాచల అటవీ ప్రాంతంలో శుక్రవారం తెల్లవారుజామున చోటుచేసుకుంది. దీంతో టాస్క్‌ఫోర్స్‌ సిబ్బంది గాలిలోకి ఒక రౌండ్‌ కాల్పులు జరపగా.. కూలీలు పరారయ్యారు. వారిని వెంబడించిన పోలీసులు ఒక స్మగ్లర్‌ను అదుపులోకి తీసుకుని 6 ఎర్రచందనం దుంగలను స్వాధీనం చేసుకున్నారు. వివరాలు టాస్క్‌ఫోర్స్‌ బృందం గురువారం రాత్రి శేషాచల అటవీ ప్రాంతంలో కూంబింగ్‌ చేపట్టింది. ఆ బృందం శుక్రవారం తెల్లవారుజామున మూలపల్లి అటవీ ప్రాంతానికి చేరుకోగా.. పొదల మధ్య నక్కిన కూలీలు స్మగ్లర్లు ఒక్కసారిగా వారిపై రాళ్ల వర్షం కురిపించారు. దీంతో పోలీసులు గాల్లోకి కాల్పులు జరిపారు. దీంతో వారు ఎర్రచందనం దుంగలను వదిలేసి పారిపోయారు. చీకటిలో వారిని వెంబడించగా ఒక స్మగ్లర్‌ దొరికాడు. మిగిలిన వారి కోసం గాలిస్తున్నారు. పట్టుబడిన స్మగ్లర్‌ తమిళనాడులోని తిరువణ్ణామలై జిల్లా జమునమత్తూరు తాలూకా నాచమలై గ్రామానికి చెందిన సుబ్రహ్మణ్యంగా గుర్తించారు.  

సాక్షి, కొత్తగూడెం: అటవీ సంపదను రక్షించడంతో పాటు అడవిలోని కలపను అమ్మగా వచ్చిన మొత్తాన్ని ప్రభుత్వానికి అందించాల్సిన అధికారులు.. ఆ డబ్బును సొంతానికి వాడుకోవడం అనేక విమర్శలకు తావిస్తోంది. జిల్లాలోని దమ్మపేట, ములకలపల్లి, పాల్వంచ రేంజ్‌ల పరిధిలో కొందరు అధికారులు ఇష్టారాజ్యంగా వ్యవహరిస్తూ ప్రభుత్వ ఆదాయానికి భారీగా గండికొడుతున్నారనే ఫిర్యాదులు వెల్లువెత్తుతున్నాయి. ఈ నేపథ్యంలో నేరుగా అటవీ శాఖ ప్రిన్సిపల్‌ చీఫ్‌ కన్జర్వేటర్‌ ఆఫ్‌ విజిలెన్స్‌ దాడులు చేయించారు. ఈ దాడుల్లో ఎఫ్‌డీఓ, ఎఫ్‌ఆర్‌ఓలకు సంబంధించిన అనేక విషయాలు వెలుగులోకి వచ్చాయి. అక్రమ కలప లారీలను పట్టుకోవడంతో పాటు మరికొన్ని వాస్తవాలు సైతం తెలుసుకున్నట్లు సమాచారం. దమ్మపేట రేంజ్‌లోని పూసుగుంట, ఆర్లపెంట సెక్షన్‌ల పరిధిలో నుంచి సరిహద్దు ఏపీలోకి యథేచ్ఛగా కలప రవాణా చేసినట్లు తెలుస్తోంది. సీతారామ కెనాల్‌ అలైన్‌మెంట్‌లో వచ్చిన కలపను పట్టాభూముల పర్మిట్ల మీద ముందుగా మాట్లాడుకున్న ఏపీలోని వ్యాపారులకు నేరుగా అమ్ముకున్నట్లు సమాచారం. ఏపీ దగ్గరగా ఉండడం, మధ్యలో ఒకే చెక్‌పోస్ట్‌ ఉండడం, అదీ వీరి పరిధిలోనే ఉండడంతో ఆడిందే ఆటగా మారింది. అలాగే ఒకే పర్మిట్‌పై రెండు లారీ లోడ్లు పంపినట్లు తెలుస్తోంది. ఇక సీతారామ కెనాల్‌పై చెట్లు నరికించేందుకు కూలీలను ఉపయోగిస్తే ప్రభుత్వం ఖర్చులు ఇస్తుంది. అలా కాకుంగా ఏపీకి చెందిన తమకు అనుకూలమైన వ్యాపారులతోనే కలప నరికించడంతో పాటు సదరు కలపను నేరుగా వారే తీసుకెళ్లేలా ఏర్పాట్లు చేసుకుని, కూలీ ఖర్చులు మాత్రం ఈ అధికారులే తీసుకోవడం గమనార్హం. ఈ క్రమంలో వారం రోజుల క్రితం సదరు వ్యాపారి తీసుకెళుతున్న కలప లారీని కిందిస్థాయి బీట్, సెక్షన్‌ అధికారులు పాల్వంచ డిపోకు తరలించగా, ఈ లారీ కలపను నేరుగా అనధికారికంగా ఐటీసీకి అమ్మడం విశేషం. కిందిస్థాయి సిబ్బందిని మాత్రం ఇతర అంశాల నెపంతో పరోక్షంగా ఇబ్బందుల పాలు చేస్తున్నట్లు తెలుస్తోంది. ఖమ్మం జిల్లాకు చెందిన మరో ఇద్దరు ఎఫ్‌ఆర్‌ఓల సహకారంతో కొన్నిసార్లు కలపను ఖమ్మం, సత్తుపల్లి సామిల్లులకు సైతం పంపుతుండడం గమనార్హం. ఇక రైతులకు చెందిన చేదు వేప (సాధారణ) కలప అమ్మకానికి అటవీశాఖ అనుమతులతో పనిలేదు. వీఆర్‌ఓ, ఎఫ్‌బీఓ సంతకంతో రవాణా చేయవచ్చు. దీంతో ఇటీవల ఫలానా పట్టాభూమి అనేది లేకుండా 5 లారీల వేప రవాణా చేసినట్లు సమాచారం. ఈ వేప టన్ను రూ.8 వేలు. ఒక్కో లారీకి 30 టన్నుల కలప ఉంటుంది.  ధర ఎక్కువ.. చూపింది తక్కువ..  ములకలపల్లి రేంజ్‌ ఒడ్డుగూడెం డిపోలో ఆక్షన్‌ సేల్‌లో భాగంగా వెదురుబొంగు ధర ఎక్కువగా పలికినప్పటికీ.. తక్కువగా చూపారనే  ఆరోపణలు ఉన్నాయి. వెదురుబొంగుకు ఒక్కొక్కటి రూ.80 ఉండగా, వేలంలో రూ.120 వచ్చినట్లు తెలుస్తోంది. కానీ పోటీ లేదని, రూ.80 మాత్రమే పలికిందని చూపడం గమనార్హం. బయట ఒక్కో వెదురుబొంగుకు రూ.180 వరకు ఉంది. దీంతో ప్రభుత్వానికి 20 నుంచి 30 శాతం ఆదాయం పోతోంది. ఇక టేకు కలప అయితే నేరుగా ఇంటికే తీసుకెళ్లినట్లు ఆరోపణలు ఉన్నాయి. స్పాట్‌ ఆక్షన్‌ వద్ద ఎఫ్‌డీఓ ఉండి బిడ్‌ జాబితా రాయాల్సి ఉంటుంది. అయితే సదరు వేలందారులతో కుమ్మక్కై కార్యాలయానికి వెళ్లి రాసుకున్నారనే ఆరోపణలు వెల్లువెత్తుతున్నాయి. ఈ అంశాలన్నీ విజిలెన్స్‌ అధికారులు సేకరించినట్లు తెలుస్తోంది. ఇప్పటికే జిల్లా ఉన్నతాధికారులపై ప్రిన్సిపల్‌ చీఫ్‌ కన్జర్వేటర్‌ ఆగ్రహం వ్యక్తం చేసినట్లు సమాచారం. దీనిపై జిల్లా అటవీ అధికారి శివాల రాంబాబును వివరణ కోరగా వ్యాపారులతో కుమ్మక్కు అయినట్లు, అక్రమాలకు పాల్పడినట్లు రుజువైతే శాఖాపరమైన చర్యలు తీసుకుంటామన్నారు.

ఈ ఒడిషా మహిళలు తమ అడవులను స్మగ్లర్ల బారి నుంచి 20 సంవత్సరాలుగా కంటికి రెప్పలా కాపాడుకుంటున్నారు. హిందూ మహాసముద్రంలో ఏర్పడిన వాయుగుండం కారణంగా రెండు దశాబ్దాల కిందట తుడిచిపెట్టుకుపోయిన అడవిని కాపాడుకునే బాధ్యతను నెత్తిన వేసుకున్నారు. అడవులు నేలమట్టమైపోయిన నేపథ్యంలో పీర్‌జహానియా వన్‌ సురఖ్యా సమితి అనే సంస్థను స్థాపించి, అడవులను కాపాడుకుంటున్నారు. ఒడిషా, బీహార్‌ప్రాంతాలను తరచు తుఫాను భయం వెంటాడుతూనే ఉంటుంది. 20 ఏళ్ల క్రితం వచ్చిన తుఫాను అడవులను నిర్వీర్యం చేసేసింది. వరదలు కొన్ని చెట్లను లాగేసుకుంటే, అడవి దొంగలు మిగిలిన చెట్లను కొట్టేస్తున్నారు. ‘‘దొంగలు వచ్చినట్లు అనుమానం రాగానే మేము మా కర్రలతో గట్టిగా నేల మీద కొడతాం, పదిమందిమి కలిసి ఒకేసారి ఈలలు వేస్తాం’ అంటారు 52 సంవత్సరాల చారులత బిశ్వాల్‌. వారంతా వంతులవారీగా అడవిలో తిరుగుతూ కాపలా కాస్తుంటారు. ‘‘అడవులను నరకడానికి ఎవరైనా వస్తే, మా ఈలల శబ్దాలు, మా కర్రల చప్పుళ్లు విని పారిపోతున్నారు’’ అంటారు పీర్‌ జహానియా వన్‌ సురఖ్యా సమితికి సెక్రటరీగా పనిచేస్తున్న బిశ్వాల్‌. 2012లో ఈ సంస్థ వారు అవార్డులు అందుకున్నారు. వారి గ్రామాన్ని కాపాడుకోవడంలో వారు చూపిన బాధ్యతను గుర్తించి ఈ అవార్డులు అందించారు. అడ్డదిడ్డంగా విస్తరించిన సరుగుడు చెట్ల కొమ్మలను నరికేసి, తక్కువ పరిధిలో విస్తరించే జీడిచెట్లను నాటుతున్నారు వీరు. ‘‘తీరంలో ఉన్న మా ఇళ్లన్నీ నేలమట్టమయ్యాయి. చేతికి అందివచ్చిన పంటలు కూడా తుడిచిపెట్టుకు పోయాయి. భూములన్నీ నిస్సారమైపోయాయి. కొన్నిరోజుల పాటు తిండి లేకుండా గడపాల్సి వచ్చింది. అడవులు లేకపోవడం వల్లే ఇంత జరిగిందని అర్థమైంది. అలాగే ఇళ్ల దగ్గర కూడా చెట్లు లేకపోవడం కూడా కారణమేనని తెలిసింది. అందుకే మేమంతా అడవులను కాపాడుతామని ప్రమాణం చేశాం’’ అంటారు బిశ్వాల్‌..  2001లో 70 మంది మహిళలు ఒక్క మాటగా నిలిచారు. అడవులను మేమే రక్షించుకుంటాం అని స్త్రీశక్తిని బలంగా చాటారు. ఒక్కో ఇంటి నుంచి కనీసంగా ఒకరు ముందుకు వచ్చారు. 75 హెక్టార్ల అడవిని తమ సొంత బిడ్డగా భావించుకోవడం మొదలుపెట్టారు. దేవీ నదికి దగ్గరగా ఉన్న ఈ గ్రామంలో మొత్తం 103 గృహాలు ఉన్నాయి. ఇంట్లోని మగవారంతా జీవనం కోసం సముద్రంలోకి చేపలు పట్టడానికి వెళ్తుంటారు. అందుకే మహిళలు ఈ బాధ్యతను తీసుకున్నారని చెబుతారు బెహరా.  రెండు రోజులకి ఒకరు చొప్పున బాధ్యతలను సమానంగా పంచుకుంటున్నారు. ఉదయం 7.30 గంటలకు వెళ్లి, మళ్లీ మధ్యాహ్నానికి ఇంటికి వచ్చి, భోజనం చేసి, ఇంటిని చక్కదిద్దుకుని, మళ్లీ సాయంత్రం విజిల్స్‌ పుచ్చుకుని వెళ్లి, చీకటి పడుతుండగా ఇంటికి వస్తారు. అడవిలోకి వెళ్లడానికి మీరు భయపడరా అని ప్రశ్నిస్తే, ‘మాకెందుకు భయం, అడవి అంటే మా ఇల్లే కదా, అడవి మీద మాకు హక్కులు లేకపోయినా, దాన్ని రక్షించడం మా విధి’ అని చెబుతారు బిశ్వాల్‌. ప్రతి చెట్టును వీరు తమ బిడ్డగా భావిస్తూ, కంటికి రెప్పలా కాపాడుకుంటారు. బిడ్డకు ఏదైనా జరిగితే తల్లి ఎంత బాధపడుతుందో, ఈ చెట్లకి ఏం జరిగినా వీరంతా అలాగే బాధపడతారు. ఇవి వారి జీవితంలో భాగంగా మారిపోయాయి. ఇప్పుడు వారి గ్రామం పచ్చగా కళకళలాడుతోంది. స్వచ్ఛమైన తాగునీరు దొరుకుతోంది. ఉప్పు నీటిని నిరోధించే మొక్కలను పెంచటమే ఇందుకు కారణం. పొలాలు కూడా వరదలు, ఈదురు గాలుల బారిన పడకుండా ఏపుగా పెరుగుతున్నాయి. 

చిత్తూరు, పీలేరు: ఎర్రచందనం స్మగ్లింగ్‌కు వెళుతున్న 30 మంది తమిళ కూలీలను సినీ ఫక్కీలో అరెస్ట్‌ చేసిన సంఘటన గురువారం సాయంత్రం పీలేరు నాలుగు రోడ్ల కూడలిలో కలకలం సృష్టించింది. వివరాలు..ముందుగా అందిన సమాచారం మేరకు పీలేరు ఫారెస్ట్‌ ఫ్లయింగ్‌ స్క్వాడ్‌ అధికారులు, సిబ్బంది కలకడ నుంచి ఈచర్‌ వాహనాన్ని వెంబడించారు. స్మగ్లర్లు, కూలీలను మారణాయుధాలతో తరలిస్తున్నారనే సమాచారం అందడంతో ఆద్యంతం అనుమానం రాకుండా అప్రమత్తంగా వ్యవహరించారు. చాకచక్యంగా పీలేరు నాలుగు రోడ్ల కూడలిలో తుపాకులు ఎక్కుపెట్టి ఏపీ16 టీఎక్స్‌ 3615 నంబరు గల ఈచర్‌ వాహనాన్ని అదుపులోకి తీసుకున్నారు. వాహనంలో ఎటువంటి అనుమానం రాకుండా చుట్టూ టమోటా బుట్టలు పెట్టి లోన 30 మంది ఎర్ర కూలీలు, స్మగ్లర్లు ఉండటం గుర్తించారు. అలాగే అడవిలో వంట చేసేందుకు అవసరమైన వస్తు సామగ్రి, సరకులు అందులో ఉన్నాయి. తుపాకులతో చుట్టుముట్టడంతో వారి నుంచి ఎలాంటి ప్రతిఘటన ఎదురు కాలేదు. వారిని అటవీ కార్యాలయానికి తరలించారు. వివరాలు రాబట్టే ప్రయత్నంలో ఉన్నారు. ఎక్కడి నుంచి ఎక్కడికి వెళుతున్నారో విచారణలో తెలియాల్సి ఉంది. అటవీ అధికారుల గోప్యత విచారణ అనంతరం పూర్తి వివరాలు తెలుపుతామంటూ అటవీ అధికారులు మీడియాకు చెప్పారు. డీఎఫ్‌ఓ నరసింహారావు ఆధ్వర్యంలో ఫారెస్ట్‌ అధికారులు, సాయుధ పోలీసు సమక్షంలో విచారణ చేస్తున్నారు. పెద్ద సంఖ్యలో ఎర్రకూలీలు, స్మగ్లర్లను ఫారెస్ట్‌ అధికారులు పట్టుకోవడం పీలేరులో చర్చనీయాంశమైంది.

ఇచ్చోడ(బోథ్‌): ఆదిలాబాద్‌ జిల్లా ఇచ్చోడ మం డలం చించోలి ఎక్స్‌రోడ్డు వద్ద శనివారం రాత్రి కలప స్మగ్లర్లు అటవీ అధికారులపై దాడి చేశారు. ఈ సంఘటనలో టైగర్‌జోన్‌ ఎఫ్‌ఆర్వో వాహబ్‌ అహ్మద్, బేస్‌క్యాంప్‌ ఉద్యోగి శంకర్‌ గాయపడ్డారు. ఎఫ్‌ఆర్వో వాహబ్‌ అహ్మద్‌ సిబ్బందితో కలసి పెట్రోలింగ్‌ నిర్వహిస్తున్న సమయంలో సిరిచెల్మ అటవీ ప్రాంతంలో కొందరు మూడు ఎడ్లబండ్లలో టేకు దుంగలను తరలిస్తుండగా పట్టుకున్నారు. వాటిని ఇచ్చోడ అటవీ కార్యాలయానికి తరలిస్తుండగా చించోలి ఎక్స్‌రోడ్డు వద్ద కలప స్మగ్లర్లు కాపుకాసి అటవీ అధికారులపై ఒక్కసారిగా దాడి చేశారు. ఎడ్లబండ్లను తీసుకెళ్లిపోయారు. ఎఫ్‌ఆర్వో ఫిర్యాదు మేరకు గుండాల గ్రామానికి చెందిన అఫ్సర్, అలీంలతోపాటు మరో ఎనిమిది మందిపై కేసు నమోదు చేసినట్లు ఎస్సై పుల్లయ్య తెలిపారు. 

సాక్షి, హైదరాబాద్‌: విదేశాల నుంచి అంతర్జాతీయ సర్వీసుగా వచ్చి దేశంలోకి ప్రవేశించిన తరవాత దేశవాళీ సర్వీసులుగా మారే విమానాలు కేంద్రంగా సాగుతున్న బంగారం అక్రమ రవాణా వ్యవహారం మరోసారి తెరపైకి వచ్చింది. హైదరాబాద్‌లోని శంషాబాద్‌ అంతర్జాతీయ విమానాశ్రయం కస్టమ్స్‌ అధికారులు గురువారం ఇద్దరు స్మగ్లర్లను పట్టుకుని కిలో బంగారం స్వాధీనం చేసుకున్నారు. కస్టమ్స్‌ నిఘాకు చిక్కకుండా స్మగ్లర్లు అనుసరిస్తున్న ఈ విధానంపై కొంతకాలంగా కన్నేసిన అధికారులు వరుసగా అడ్డుకట్ట వేయగలుగుతున్నారు. జెడ్డా నుంచి త్రివేండ్రం మీదుగా హైదరాబాద్‌కు వచ్చిన కేరళవాసి అర కిలో బంగారాన్ని ‘రెక్టమ్‌ కన్‌సీల్‌మెంట్‌’పంథాలో తీసుకువస్తూ కస్టమ్స్‌ అధికారులకు చిక్కాడు. అలాగే, బహ్రెయిన్‌ నుంచి వచ్చిన ఉత్తరప్రదేశ్‌వాసిని పట్టుకున్న అధికారులు మరో 460 గ్రాముల పసిడిని స్వాధీనం చేసుకున్నారు. ఒకే రోజు ఇద్దరు స్మగ్లర్లు చిక్కడం గమనార్హం. అంతర్జాతీయంగా నడిచే విమానాలపై కస్టమ్స్‌ తనిఖీలు ముమ్మరం చేయడంతో స్మగ్లర్లు పంథా మార్చుకున్నారు. దుబాయ్, మస్కట్, సౌదీ అరేబియా తదితర దేశాల నుంచి భారత్‌లోకి ప్రవేశించే వరకు అంతర్జాతీయ సర్వీసుగా, ఆపై డొమెస్టిక్‌గా మారిపోయే విమానాలను ఎంచుకుని వాటి ద్వారా రవాణా ప్రారంభించారు. స్మగ్లింగ్‌ ముఠాసభ్యులు ఆ విమానం ప్రారంభమయ్యే ప్రాంతంతోపాటు దేశవాళీ సర్వీసుగా మారే ప్రాంతంలోనూ ముందే ప్రయాణికుల రూపంలో కాచుకుని ఉంటారు. సాంకేతిక పరిభాషలో వీరిని క్యారియర్లుగా పేర్కొంటారు. వీరు చిక్కినా లింకు ముందుకు సాగడం కష్టం. ఆయా దేశాల్లో ఆదాయపుపన్ను లేకపోవడంతో మనీలాండరింగ్‌ సమస్య ఉత్పన్నం కాదు. ఇక్కడ నుంచి హవాలా ద్వారా నల్లధనాన్ని పంపి, బంగారం కొని తీసుకువస్తున్నట్లు అధికారులు అనుమానిస్తున్నారు. కేరళవాసి ప్రయాణించిన విమానం అక్కడి నుంచి కేరళలోని త్రివేండ్రానికి అంతర్జాతీయ సర్వీసుగా నడుస్తుంది. ఆపై డొమెస్టిక్‌ సర్వీసుగా మారిపోయి హైదరాబాద్‌కు వస్తుంది. ఈ నేపథ్యంలోనే స్మగ్లర్లు దీనిని ఎంచుకున్నట్టు కస్టమ్స్‌ అధికారులు తెలిపారు. అత్యధికశాతం స్మగ్లర్లు బం గారాన్ని బ్యాగుల అడుగుభాగంలో ఉండే తొడుగు లు, లోదుస్తులు, రహస్యజేబులు, బూట్ల సోల్, కార్ట న్‌ బాక్సులు, ఎలక్ట్రానిక్‌ వస్తువులు, పౌడర్‌ డబ్బాలతోపాటు మొబైల్‌ చార్జర్స్‌లోనూ దాచి తీసుకువచ్చేవారు. బ్యాగుల జిప్పులు, బెల్టుల రూపం లోకి బంగారాన్ని మార్చి పైన తాపడం పూసి తీసుకువచ్చేవారు. తాజాగా రెక్టమ్‌ కన్‌సీల్‌మెంట్‌ జోరు గా సాగుతోందని కేరళవాసి ఉదంతం బయటపెట్టింది.  స్మగ్లర్లు పట్టుబడింది ఇలా...  సుదీర్ఘకాలం తమ వద్ద పని చేసే క్యారియర్లకు ముంబై, కేరళల్లో ప్రత్యేక శస్త్రచికిత్సలు చేయించడం ద్వారా వారి మలద్వారాన్ని అవసరమైన మేర వెడల్పు(రెక్టమ్‌ కన్‌సీల్‌మెంట్‌) చేయిస్తున్నారు. ఇందులో గరిష్టంగా రెండు కిలోల వరకు బంగారాన్ని చిన్న బిస్కెట్ల రూపంలో పెట్టేలా ఏర్పాటు చేస్తున్నారు. బంగారానికి నల్ల కార్బన్‌ పేపర్‌ చుట్టడం ద్వారా స్కానర్‌కు చిక్కకుండా మలద్వారంలో పెట్టుకుంటున్న క్యారియర్లు అక్రమ రవాణాకు పాల్పడుతున్నారని తాజా ఉదంతం స్పష్టం చేసింది. ఈవిధంగా కేరళవాసి రెక్టమ్‌ కన్‌సీల్‌మెంట్‌లో అర కిలో బంగారం పెట్టుకుని వచ్చి పట్టుబడ్డాడు. ఆ తర్వాత కొద్దిసేపటికే బహ్రెయిన్‌ నుంచి వచ్చిన ఉత్తరప్రదేశ్‌ వాసి 460 గ్రాముల బంగారా న్ని బ్యాగ్‌ అడుగుభాగంలో దాచి తీసుకువస్తూ పట్టుబడ్డాడు. హైదరాబాద్‌లో ఎవరికి చేరవేయడానికి వచ్చారనే కోణంలో దర్యాప్తు చేస్తున్నారు.   

సాక్షి, తిరుపతి: గత కొంతకాలంగా యథేచ్చగా స్మగ్లింగ్‌కు పాల్పడుతున్న నలుగురు స్మగ్లర్లను టాస్క్‌ ఫోర్స్‌ అధికారులు ఎట్టకేలకు పట్టుకున్నారు. తమిళనాడుకు చెందిన నలుగురు స్మగ్లర్లు తిరుచానూరు సమీపంలోని చైతన్యపురంలోని ఓ ఇంట్లో దాగిఉన్నారని పక్కా సమాచారం అందుకున్న టాస్క్‌పోర్స్‌ అధికారులు లైవ్‌ ఆపరేషన్‌ చేపట్టారు. మొదట భారీగా సిబ్బందిని మోహరించి స్మగ్లర్లు ఉన్న ఇంటిని తమ ఆధీనంలోకి తీసుకున్నారు. దీంతో భయాందోళనకు గురైన స్మగ్లర్లు సిబ్బందిపై బాటిల్స్‌ విసిరారు. అంతేకాకుండా ఇంటిలోపలికి ప్రవేశించిన సిబ్బందిపై కత్తులతో దాడికి యత్నించారు. స్మగ్లర్ల దాడిని చాకచక్యంగా ప్రతిఘటించిన సిబ్బంది, వారిని అదుపులోకి తీసుకున్నారు. మరింత సమాచారం తెలియాల్సివుంది. 

తిరుపతి సిటీ: ఎర్ర స్మగ్లర్లు శ్రీవారి భక్తుల ముసుగులో కొండలోకి ప్రవేశిస్తున్నారు. ఈ విషయాన్ని గుర్తించిన టాస్క్‌ఫోర్స్‌ సిబ్బంది కూంబింగ్‌ను ముమ్మరం చేశారు. ఒక దశలో స్మగ్లర్లు తమ వద్ద ఉన్న ఆయుధాలు, రాళ్లతో దాడులకు దిగుతున్నారు. టాస్క్‌ఫోర్స్‌ సిబ్బంది చాకచక్యంగా వ్యవహరించి కొందరిని అదుపులోకి తీసుకుంటున్నారు. టాస్క్‌ఫోర్స్‌ ఐజీ మాగంటి కాంతారావు ఆదేశాల మేరకు ఆర్‌ఐ భాస్కర్‌ తన సిబ్బందితో కలిసి శనివారం రాత్రి కూంబింగ్‌ చేపట్టారు. ఆదివారం ఉదయం నరసింగాపురం బ్రిడ్జి నుంచి లోనికి వెళ్లే మార్గంలో స్మగ్లర్ల రాకను పసిగట్టారు. సిబ్బంది అప్రమత్తమై వేర్వేరుగా విడిపోయి ముళ్లపొదల్లో మాటువేశారు. ఏడుగురు స్మగ్లర్లపై మూకుమ్మడిగా దాడి చేశారు. స్మగ్లర్లు తమ వద్ద ఉన్న ఆయుధాలు, నిత్యావసర సరుకులు పారవేసి పారిపోయారు. వారిలో తమిళనాడు వేలూరు జిల్లా తిరుపత్తూరు పుదురునాడుకు చెందిన అలిగేషన్‌ను అదుపులోకి తీసుకున్నారు. అదేవిధంగా శ్రీవారి భక్తుల ముసుగులో అడవిలోకి ప్రవేశిస్తున్నట్టు గుర్తించారు. సంఘటనా స్థలాన్ని టాస్క్‌ఫోర్స్‌ డీఎస్పీ వెంకటరమణ, ఏసీఎఫ్‌ కృష్ణయ్య, ఎఫ్‌ఆర్‌వో ప్రసాద్‌ పరిశీలించారు. స్మగ్లర్లు అడవిలోకి వెళ్లకుండా కట్టడి చేయడంలో ప్రతిభ కనబరిచిన సిబ్బందిని టాస్క్‌ఫోర్స్‌ ఐజీ కాంతారావు, ఎస్పీ రవిశంకర్‌ ప్రత్యేకంగా అభినందించారు.    

సాక్షి, హైదరాబాద్‌ : కడ్డీలు.. బిస్కట్లు.. వివిధ వస్తువుల రూపంలో ఇప్పటి వరకూ పసిడి స్మగ్లింగ్‌కు పాల్పడిన ముఠాలు.. తాజాగా హెన్నా(మెహెందీ పొడి)తో బంగారాన్ని కలిపి, పేస్ట్‌లా మార్చి అక్రమ రవాణా చేసేస్తున్నాయి. ఈ గోల్డ్‌ పేస్ట్‌ స్మగ్లింగ్‌ కోసం శ్రీలంక రాజధాని కొలంబో నుంచి వచ్చిన ‘ఇంటర్నేషనల్‌–డొమెస్టిక్‌’ఫ్లైట్‌ను స్మగ్లర్లు తమకు అనుకూలంగా మార్చుకున్నారు. పేస్ట్‌ రూపంలో తీసుకువచ్చిన బంగారాన్ని శంషాబాద్‌ విమానాశ్రయంలో డైరెక్టరేట్‌ ఆఫ్‌ రెవెన్యూ ఇంటెలిజెన్స్‌(డీఆర్‌ఐ) అధికారులు పట్టుకున్నారు. దీన్ని తీసుకువచ్చిన చెన్నై వాసిని అదుపులోకి తీసుకుని విచారిస్తున్నారు.   కొలంబో నుంచి నగరానికి..  కొలంబోకు చెందిన సూత్రధారులు 1,150 గ్రాముల బంగారాన్ని మెత్తని పొడిగా చేశారు. ఆ పొడి కూడా బంగారం రంగులోనే ఉండటంతో పట్టుబడే అవకాశాలు ఎక్కువగా ఉన్నాయి. దీంతో బంగారం పొడిని గోధుమ రంగులో ఉండే హెన్నాలో కలిపేశారు. 1,120 గ్రాముల బంగారం పొడిలో 730 గ్రాముల హెన్నాను కలిపారు. పౌడర్‌ రూపంలోకి మారిన బంగారం, హెన్నా మిక్స్‌ను పేస్ట్‌గా మార్చడానికి చెక్లెట్‌ తయారీకి వినియోగించే లిక్విడ్స్‌ వాడారు. ఇలా తయారైన గోధుమ రంగు పేస్ట్‌ను ప్లాస్టిక్‌ కవర్‌లో ప్యాక్‌ చేసిన స్మగ్లర్లు.. దాన్ని బ్రౌన్‌ కవర్లలో ఉంచి పైన ప్లాస్టర్లు వేశారు. ఇలా తయారు చేసిన 1,850 గ్రాముల బరువున్న 2 ప్యాకెట్లను ‘ఇంటర్నేషనల్‌–డొమెస్టిక్‌’పంథాలో శంషాబాద్‌కు పంపారు.  చేతికి పసిడి అంటకుండా..  విమానంలో సీట్లు బుక్‌ చేసుకోవడంలో తెలివిగా వ్యవహరించిన ఈ వ్యవస్థీకృత ముఠా ‘చేతికి పసిడి’అంటకుండా పని పూర్తి చేయడానికి పథకం వేసింది. అంతర్జాతీయ సర్వీసుల్ని నడిపే అన్ని విమానయాన సంస్థలూ మార్గ మధ్యలో దేశవాళీ సర్వీసుగా మార్పును ప్రోత్సహించవు. కొన్ని మాత్రమే ఈ విధానాన్ని అవలంభిస్తున్నాయి. స్పైస్‌ జెట్‌కు చెందిన ఎస్‌జీ–1314 విమానం కొలంబో–హైదరాబాద్‌ మధ్య నడుస్తుంది. ఇది కొలంబోలో అంతర్జాతీయ సర్వీసుగా మొదలై మధురై వచ్చిన తర్వాత దేశవాళీ సర్వీసుగా మారుతుంది. డొమెస్టిక్‌ ట్రావెల్‌ కోసం టిక్కెట్లు బుక్‌ చేసుకున్న, అప్పటికప్పుడు కొనుగోలు చేసిన ప్రయాణికులను అంతర్జాతీయ ప్రయాణికులతో కలిపి గమ్యస్థానాలకు చేరుస్తుంది. ఈ ఎయిర్‌లైన్స్‌ టికెట్లు ఆన్‌లైన్‌లో బుక్‌ చేసుకునే సమయంలో కల్పిస్తున్న మరో సౌకర్యాన్ని స్మగ్లర్లు తమకు అనుకూలంగా మార్చుకున్నారు.  పసిడి ప్యాకెట్లను సీటు కిందే వదిలి..  కొలంబో నుంచి రెండు ‘గోల్డ్‌ పేస్ట్‌’ప్యాకెట్లను తీసుకుని ఓ స్మగ్లర్‌ మధురై వరకు వచ్చాడు. పసిడి ప్యాకెట్లు ఉన్న హ్యాండ్‌ బ్యాగేజ్‌ను తన సీటు కిందే వదిలి అంతర్జాతీయ ప్రయాణికుడిగా విమానం దిగి కస్టమ్స్‌ తనిఖీలు పూర్తి చేసుకుని బయటకు వెళ్లిపోయాడు. స్మగ్లింగ్‌ ముఠాలో పాత్రధారిగా ఉన్న చెన్నైకు చెందిన మరో వ్యక్తి హైదరాబాద్‌కు వచ్చే డొమెస్టిక్‌ ప్యాసింజర్‌గా అదే విమానం ఎక్కాడు. ఇతగాడు కొలంబో నుంచి వచ్చిన వ్యక్తి కూర్చున్న సీటులోనే కూర్చున్నాడు. విమానం హైదరాబాద్‌ చేరేసరికి ఈ చెన్నై వాసి దేశవాళీ ప్రయాణికుడే కావడం తో కస్టమ్స్‌ తనిఖీలూ లేకుండా హ్యాండ్‌ బ్యాగేజ్‌తో విమానాశ్రయం నుంచి బయటకు వచ్చేయవచ్చు.  ప్రత్యేక బృందం కాపు కాసి..  ఈ విమానం శనివారం తెల్లవారుజామున శంషాబాద్‌ విమానాశ్రయం చేరే వరకు అంతా స్మగ్లర్లు అనుకున్న ప్రకారమే జరిగింది. అయితే ఈ వ్యవహారంపై డీఆర్‌ఐ హైదరాబాద్‌ జోనల్‌ యూనిట్‌కు ఉప్పందడంతో ఓ ప్రత్యేక బృందం విమానాశ్రయంలో కాపుకాసింది. ఫ్లైట్‌ దిగి హ్యాండ్‌ బ్యాగేజ్‌తో ఎరైవింగ్‌ హాల్‌ వైపు వెళ్తున్న చెన్నై వాసిని అదుపులోకి తీసుకుని తనిఖీ చేసింది. రెండు ప్యాకెట్లు స్వాధీనం చేసుకుని విచారించిన నేపథ్యంలో సూత్రధారులెవరో తనకు తెలియదని, కమీషన్‌ తీసుకుని పని చేసే తాను మధురై నుంచి హైదరాబాద్‌ చేరుస్తానని, ముఠాకు చెందిన రిసీవర్లే తన వద్దకు వచ్చి ప్యాకెట్లు తీసుకువెళ్తారని తెలిపాడు. ఇతడి వద్ద లభించిన రెండు ప్యాకెట్లలోని 1,850 గ్రాముల పేస్ట్‌ను ఓ గిన్నెలో వేసి కిరోసిన్‌ పోసి నిప్పుపెట్టగా అది పొడిగా మారింది. ఈ పొడిని కొలిమిలో కరిగించగా.. 1,120.78 గ్రాముల బంగారు బిస్కెట్‌ తయారైంది. దీని విలువ మార్కెట్‌లో రూ.34,57,606 ఉంటుందని డీఆర్‌ఐ అధికారులు తెలిపారు. ఈ తరహా ‘గోల్డ్‌ పేస్ట్‌’కేసు హైదరాబాద్‌లో చిక్కడం ఇదే తొలిసారని పేర్కొన్నారు.  వివిధ కోణాల్లో దర్యాప్తు.. ఈ కేసును అధికారులు పలు కోణాల్లో దర్యాప్తు జరుపుతున్నారు. కొన్ని విమానయాన సంస్థలు టికెట్లను ఆన్‌లైన్‌లో బుక్‌ చేసుకునేప్పుడు ‘చూజ్‌ యువర్‌ సీట్‌’పేరుతో ప్రయాణికుడు తమకు అనువైన సీటును ఎంపిక చేసుకునే అవకాశం కల్పిస్తున్నాయి. దీన్నే స్మగ్లింగ్‌ గ్యాంగ్స్‌ తమకు అనువుగా మార్చుకుంటున్నాయని తేలింది. కొలంబో నుంచి మదురై, మదురై నుంచి హైదరాబాద్‌ రావడానికి ముఠా సభ్యుల కోసం నిర్ణీత సమయం ముందుగానే విడివిడిగా ఒకే విమానంలో టికెట్లు బుక్‌ చేస్తున్నారు సూత్రధారులు. ఈ అన్ని సర్వీసుల్లోనూ ఒకే సీటును వారు ఎంచుకుని ఎటువంటి ఇబ్బందీ లేకుండా పథకాన్ని అమలు చేస్తున్నారని అధికారులు గుర్తించారు. మరికొందరు స్మగ్లర్స్‌ ఇదే తరహా అక్రమ రవాణాకు పాల్పడుతున్నారని అనుమానిస్తున్న అధికారులు నిఘా ముమ్మరం చేయాలని నిర్ణయించారు.

తమిళసినిమా: అగ్రనటి నయనతార. ఆమె చిత్రం అంటే వ్యాపారం పరంగా ఎలాంటి ఢోకా ఉండదు. ఇక ప్రేక్షకులు కూడా నయనతార చిత్రం అంటే ఎలాగున్నా మినిమం గ్యారెంటీ ఇచ్చే పరిస్థితిలో ఉన్నారు. అలాంటిది ఆ నటి చిత్రంపై దర్శక నిర్మాతలు అసంతృప్తితో ఉండడం ఏమిటనేగా మీ సందేహం. ఆ కథేంటో చూసేద్దాం. నయనతార నటించిన లేడీ ఓరియెంటెడ్‌ చిత్రాల్లో కొలమావు కోకిల ఒకటి. ఆమె డ్రగ్స్‌ స్మగ్లర్‌గా నటించిన ఈ చిత్రం నిర్మాణ కార్యక్రమాలు పూర్తి చేసుకుని విడుదలకు సిద్ధం అవుతోంది. నెల్సన్‌ దర్శకత్వం వహించిన ఈ చిత్రాన్ని లైకా సంస్థ నిర్మించింది. చిత్ర నాయకి డ్రగ్స్‌ స్మగ్లర్‌ పాత్రలో నటిస్తోందన్న సమాచారం బయటకు రాగానే కొలమావు కోకిల చిత్రంపై ఆసక్తి పెరిగిపోయింది. ఇక నయనతార ప్రధాన పాత్ర పోషించిన చిత్రం కావడంతో అంచనాలు పెరిగిపోయాయి. చిత్రం టీజర్‌ ఇప్పటికే మార్కెట్‌లో సందడి చేస్తోంది. అందులో నయనతారను విపరీతంగా ఒన్‌సైడ్‌ చేసే హాస్యనటుడు యోగిబాబు పాత్రకు క్రేజ్‌ విపరీతంగా పెరిగిపోయింది. అంతా బాగానే ఉంది. సమస్య అంతా సెన్సార్‌బోర్డుతోనే. ఈ చిత్రం సెన్సార్‌కు వెళ్లగా పూర్తిగా చూసిన సభ్యులు నిర్ధాక్షణ్యంగా ఏ సర్టిఫికెట్‌ ఇచ్చేశారు. దీంతో చిత్ర వర్గాలకు షాక్‌. అయితే దర్శకుడు నెల్సన్‌ ఎలాగో సెన్సార్‌ సభ్యులతో పోరాడి యూ/ఏ సర్టిఫికెట్‌కు తీసుకొచ్చినట్లు సమాచారం. అదీ కొన్ని సన్నివేశాల కట్స్‌ తరువాతేనట. అయితే చిత్ర నిర్మాత మాత్రం ఈ విషయంలో చాలా అప్‌సెట్‌ అయ్యారని, కొలమావు కోకిలను రివైజింగ్‌ కమిటీకి తీసుకెళ్లాలనే ఆలోచనలో ఉన్నట్లు సోషల్‌ మీడియాల్లో వైరల్‌ అవుతోంది. ఆర్‌సీకి వెళ్లితే నయనతార చిత్రానికి యూ సర్టిఫికెట్‌ లభిస్తుందని నిర్మాత నమ్ముతున్నట్లు సమాచారం. మరి ఏం జరుగుతుందో చూద్దాం.

సాక్షి, చిత్తూరు : రేణిగుంట అటవీ చెక్‌ పోస్ట్‌ వద్ద పోలీసులు భారీ మొత్తంలో బంగారాన్ని స్వాధీనం చేసుకున్నారు. రేణిగుంట మీదుగా రాజంపేటకు బంగారాన్ని తరలిస్తున్నట్లు సమాచారం అందడంతో ఆదివారం సాయంత్రం ఐదు గంటలకు ఆంజనేయపురం చెక్‌పోస్ట్‌ వద్ద వాహనాల తనిఖీని చేపట్టారు. అటుగా వస్తున్న టాటా సుమోను తనిఖీ చేయగా పెద్ద మొత్తంలో బంగారు బిస్కెట్లను గుర్తించారు. దీంతో వాహనంలో ఉన్న ఆరుగురిని అదుపులోకి తీసుకున్నారు. వారంతా కడప వాసులుగా పోలీసులు గుర్తించారు. స్వాధీనం చేసుకున్న బంగారం విలువ దాదాపు కోటి రూపాయల వరకు ఉంటుందని పోలీసులు తెలిపారు. కువైట్‌లో పనిచేస్తూ సొంత ఊరికి వెళ్తామని చెప్పి సెలవు తీసుకొని ఇక్కడికి వచ్చినట్లు పోలీసులు తెలిపారు. ఎవరికి ఎక్కడా అనుమానం రాకుండా పక్కా పథకం ప్రకారం స్మగ్లింగ్‌ చేశారన్నారు. వాహనంతో పాటు ఆరుగురిని రేణికుంట అర్బన్‌ పోలీసు స్టేషన్‌కు తరలించారు.

తమిళసినిమా: లేడీ సూపర్‌స్టార్‌ నయనతార స్మగ్లర్‌ అవతారమెత్తారట. ఈ బ్యూటీ నటించిన చిత్రాలకిప్పుడు యమ క్రేజ్‌ ఉన్న విషయం తెలిసిందే. తమిళంతో పాటు తెలుగులోనూ చేతి నిండా అవకాశాలు ఉన్నాయి. మరిన్ని చిత్రాలు ఈ అమ్మడి కోసం వెయిటింగ్‌లో ఉన్నాయి.  స్టార్‌ హీరోల చిత్రాలకు దీటుగా నయనతార ప్రధాన పాత్రల్లో నటించిన చిత్రాలకు మార్కెట్‌ ఉంది. ఈ మధ్య అరమ్‌ చిత్రం సాధించిన వసూళ్లే అందుకు సాక్ష్యం. నయనతార అరమ్‌ చిత్రంలో ప్రజల కోసం పోరాడిన కలెక్టర్‌గా ప్రేక్షకులను అలరించారు. అలాంటి ఇమేజ్‌ తెచ్చుకున్న నయనతారను స్మగ్లర్‌గా  చూడగలమా? చూసి తీరాల్సిందే. ఎందుకంటే తన తాజా చిత్రంలో డ్రగ్స్‌ స్మగ్లర్‌గా ఈ అగ్ర నటి ప్రేక్షకుల ముందుకు రాబోతున్నారన్నది తాజా సమాచారం. నయనతార నటిస్తున్న లేడీ ఓరియంటెడ్‌ కథా చిత్రాల్లో కొలమావు కోకిల ఒకటి. నిర్మాణ కార్యక్రమాలు చివరి దశకు చేరుకున్న ఈ చిత్రానికి యువ సంగీత దర్శకుడు అనిరుద్‌ సంగీత భాణీలు కడుతున్నారు. అంతే కాదు ఇందులో  ఒక గెస్ట్‌ పాత్రలో మెరవనున్నారనే ప్రచారం సోషల్‌ మీడియాల్లో వైరల్‌ అవుతోంది. ఇటీవల అనిరుద్‌ ఓ ఇంటర్వ్యూలో పేర్కొంటూ కొలమావు కోకిల చిత్రంలో నయనతార ఇంట్లోనే మాదక ద్రవ్యాలను విక్రయించే యువతిగా నటిస్తున్నట్లు తెలిపారు. అయితే ఆమె అలా డ్రగ్స్‌ స్మగ్లర్‌గా ఎందుకు మారారన్నది చిత్రంలో ఆసక్తికరమైన అంశంగా ఉంటుందని చెప్పారు. ఏదేమైనా కొలమావు కోకిల చిత్రం డార్క్‌ హ్యూమర్‌ కథా చిత్రంగా అందరికీ వినోదాన్ని పంచుతుందని చిత్ర వర్గాలు పేర్కొంటున్నాయి. ఇందులో నయనతారతో పాటు, జాక్యూలైన్, యోగి బాబు, శరణ్య, నిషా ప్రధాన పాత్రలను పోషిస్తున్నారు. ఈ చిత్రం కోసం నటుడు శివకార్తీకేయన్‌ ఒక పాటను రాయడం విశేషం.

సాక్షి, నెల్లూరు: నెల్లూరు జిల్లాలో పెద్ద మొత్తంలో గురువారం ఎర్రచందనం పట్టుబడింది. జిల్లా సరిహద్దు అడవుల్లో పోలీసులు కూంబింగ్‌ నిర్వహించారు. ఈ సందర్భంగా ఆరుగురు స్మగ్లర్లను అరెస్టు చేశారు. వారి నుంచి రూ. 3 కోట్ల విలువైన ఎర్రచందనం దుంగలు, 20 సెల్‌ఫోన్స్‌, రెండు వాహనాలు స్వాధీనం చేసుకున్నారు. పోలీసులు అదుపులోకి తీసుకున్న నిందితులు మోస్ట్‌ వాంటెడ్‌ స్మగ్లర్లని జిల్లా ఎస్పీ రామకృష్ణ తెలిపారు.

సాక్షి, బీఎన్‌ కండ్రిగ: ఎర్రచందనం స్మగ్లర్లను బీఎన్ కండ్రిగ పోలీసులు అరెస్టు చేశారు. చిత్తూరుజిల్లా పిచ్చాటూరు మండలంలోని అడవుల నుంచి ఎ​ర్రచందనం స్మగ్లింగ్‌ జరుగుతుండగా బీఎన్‌ కండ్రిగ పోలీసులు దాడి చేసి ఐదుగురు స్మగ్లర్లను పట్టుకున్నారు. వీరినుంచి రూ.35 లక్షల విలువ చేసే ఎర్రచందనం దుంగలను స్వాధీనం చేసుకున్నారు. మూడు వాహనాలను కూడా సీజ్ చేశారు.

వైఎస్సార్‌ జిల్లా : అంతర్జాతీయ ఎర్రచందనం స్మగ్లర్ అనేకట్ బాబు అలియాస్ వేలూరు బాబుతో పాటు అతని నలుగురు అనుచరులను వైఎస్సార్ జిల్లా పోలీసులు అరెస్ట్‌ చేశారు. నిందితులు ఇప్పటి వరకు 500 టన్నుల ఎర్రచందనం అక్రమ రవాణా చేసినట్లు విచారణలో వెల్లడైందని పోలీసులు తెలిపారు. వారి నుంచి 1.5 కోట్ల రూపాయల విలువ గల 37 ఎర్ర చందనం దుంగలు,3 కార్లు, ఒక టాటా సుమో, 5 మొబైల్ ఫోన్లు స్వాధీనం చేసుకున్నట్లు జిల్లా ఎస్పీ బాబుజీ తెలిపారు.

సాక్షి, తిరుపతి :‘నలుగురు కిడ్నాపర్లు.. స్మగ్లర్లు టీడీపీని అడ్డుపెట్టుకుని అవినీతి, అరాచకాలకు పాల్పడుతున్నారు. ఆ నేతలపై కఠిన చర్యలు తీసుకోండి’ అని అధికార పార్టీకి చెందిన కొంతమంది నాయకులు ముఖ్యమంత్రి చంద్రబాబుకు ఫి ర్యాదు చేశారు. సంక్రాంతి వేడుకలకు వచ్చిన ముఖ్యమంత్రితోపాటు మంత్రి లోకేష్‌ను పాకాల మండలం నేతలు మంగళవారం కలిశారు. రాతపూర్వకంగా ఫిర్యాదు చేశారు. బెల్ట్‌షాపులు నడిపేవారు, కిడ్నాపర్లు, ఎర్రస్మగ్లర్లు పార్టీలో తిష్టవేసి అరాచకాలు చేస్తున్నారని పేర్కొన్నారు.  గల్లా అరుణకుమారి, బాలకృష్ణారెడ్డి పేర్లతో మండలంలో దందాలు చేస్తూ లక్షలు వసూలు చేస్తున్నారని తెలిపారు. మండల స్థాయిలో రెవెన్యూ పంచాయతీరాజ్, ఎక్సైజ్‌ ఇలా అన్ని విభాగాల్లో మా మూళ్లు వసూలు చేస్తున్నారని, ఇవ్వని వారపై వేధింపులకు దిగుతున్నారని ముఖ్యమంత్రికి చెప్పారు. పార్టీని అడ్డంగా అమ్మేస్తున్నారని, పరువు బజారున పడిందని వివరించారు. ఆ నలుగురి కారణంగా పార్టీ కేడర్‌ నిస్సహాయ స్థితిలో ఉందని ఆవేదన వ్యక్తం చేశారు. వారిపై పూర్తిస్థాయిలో విచారణ చేసి పార్టీ నుంచి బహిష్కరించాలని విజ్ఞప్తి చేశారు.  నాగరాజనాయుడే సూత్రధారి పార్టీ జిల్లా ఉపాధ్యక్షుడు నాగరాజనాయుడు మద్యం మాఫి యాను ప్రోత్సహిస్తున్నారని ఫిర్యాదులో పేర్కొన్నారు. ఈయ న మండలంలోని మిగిలిన మద్యం షాపులపై పెత్తనం చెలా యిస్తూ మాటవినని వారిపై తప్పుడు కేసులు బనాయించేలా చేస్తున్నారని చెప్పుకొచ్చారు. మాట వినని అధికార పార్టీ నేతలపైనా కేసులు పెట్టి బెదిరింపులకు గురిచేస్తున్నారని ఆవేదన వెళ్లగక్కారు. ఆయన అనుమతిలేనిదే ఎవరికీ ఎలాంటి పనులు మంజూరు చేయవద్దని మండల కార్యాలయాల్లో దౌర్జన్యానికి దిగుతున్నట్లు వివరించారు. పర్సెంటేజీ ఇస్తే తప్ప అభివృద్ధి పనులు మంజూరు కావని బహిరంగానే చెబుతున్నారని, దీంతో పార్టీ కేడర్‌ తీవ్ర అసంతృప్తితో ఉన్నారని ఫిర్యాదు చేశారు. జెడ్పీటీసీ సురేష్‌ బంధువు కావడంతో వీరి అరాచకాలు మితిమీరినట్లు ఫిర్యాదులో పేర్కొన్నారు.  పార్టీలో కిడ్నాపర్లు, స్మగ్లర్లు పాకాల మండలం టీడీపీలో కిడ్నాపర్లు, స్మగ్లర్లు పెత్తనం చెలాయిస్తున్నారంటూ చలపతినాయుడు, కిశోర్‌నాయుడిపై ఫిర్యాదు చేశారు. పార్టీ నాయకులుగా చెలామణి అవుతున్న వీరు ఎర్రచందనం స్మగ్లింగ్‌ చేస్తూ ఇప్పటికే పట్టుపడ్డారని చెప్పారు. మూడేళ్లుగా వీరి అరాచకాలకు అడ్డేలేకుండా పోయిందన్నారు. వీరిని పార్టీ నుంచి బహిష్కరించాలని కోరారు. వీరి ఫిర్యాదుపె కంగుతిన్న ఆ నలుగురు నేతలు నియోజకవర్గ పార్టీ ఇన్‌చార్జ్‌ గల్లా అరుణకుమారి, గతంలో ఆమెకు పీఏగా పనిచేసిన బాలకృష్ణారెడ్డిని ప్రసన్నం చేసుకునే పనిలో పడినట్లు తెలిసింది. 

సాక్షి, హైదరాబాద్‌ : నిషేధిత క్యాట్‌ఫిష్‌ పిల్లల (సీడ్‌) అక్రమ రవాణా గుట్టును శంషాబాద్‌ విమానాశ్రయ కస్టమ్స్‌ అధికారులు రట్టు చేశారు. మంగళవారం ఇద్దరిని అదుపులోకి తీసుకుని, 44 బాక్సుల్లో పార్శిల్‌ చేసిన లక్ష క్యాట్‌ఫిష్‌ సీడ్స్‌ను స్వాధీనం చేసుకున్నారు. కాలుష్య కారకం కావడంతో భారతదేశంలో క్యాట్‌ఫిష్‌ పెంపకంపై నిషేధం కొనసాగుతోంది. దీంతో పొరుగున ఉన్న బంగ్లాదేశ్‌ నుంచి ఈ సీడ్‌ను కర్ణాటకలోని బీదర్‌కు చెందిన స్మగ్లర్లు ఖరీదు చేస్తున్నారు. దీన్ని నేరుగా బంగ్లాదేశ్‌ నుంచి బీదర్‌కు తరలించే ఆస్కారం లేదు. ప్యాకెట్లలో ఉన్న ఈ సీడ్‌కు ప్రతి నాలుగు గంటలకూ ఒకసారి ఆక్సిజన్‌ అందిస్తూ ఉండాలి. 12 గంటల్లోనే గమ్యస్థానానికి చేర్చి చెరువులో వదిలేయాలి. దీంతో స్మగ్లర్లు ఈ సీడ్‌ను తొలుత బంగ్లాదేశ్‌ నుంచి కోల్‌కతాకు తీసుకువస్తున్నారు. అక్కడ నుంచి ప్యాసింజర్‌ ఫ్లైట్‌లో లైవ్‌ ఫిష్‌ పేరుతో కార్గో బుక్‌ చేస్తున్నారు. ఇలా హైదరాబాద్‌కు తీసుకువచ్చిన తర్వాత రోడ్డు మార్గంలో బీదర్‌కు తరలిస్తున్నారు. ముందుగా అందిన సమాచారం మేరకు కస్టమ్స్‌ అధీనంలోని ఎయిర్‌ ఇంటెలిజెన్స్‌ యూనిట్‌ (ఏఐయూ) అధికారులు మంగళవారం ఇండిగో ప్యాసింజర్‌ ఫ్లైట్‌ కార్గోలో బుక్‌ చేసిన 44 కార్టన్‌ బాక్సుల్ని తనిఖీ చేశారు. ఇందులో క్యాట్‌ఫిష్‌ సీడ్‌ బయటపడటంతో రవాణా చేస్తున్న ఇద్దరినీ అదుపులోకి తీసుకున్నారు. ప్రస్తుతం వీటి విలువ రూ.మూడు లక్షలు ఉంటుందని, పెరిగిన తర్వాత రేటు కొన్ని రెట్లు పెరుగుతుందని కస్టమ్స్‌ అధికారులు తెలిపారు. 

సాక్షి, నెల్లూరు: నెల్లూరు జిల్లాలో భారీగా ఎర్రచందనం పట్టుబడింది. జిల్లాలో పోలీసులు మంగళవారం తనిఖీలు చేపట్టారు. ఈ సోదాల్లో 14 మంది అంతర్రాష్ట్ర ఎర్రచందనం స్మగ్లర్లను అదుపులోకి తీసుకున్నారు. వారి వద్ద నుంచి రూ. 50 లక్షల విలువైన ఎర్రచందనం దుంగలు స్వాధీనం చేసుకున్నారు. నిందితులపై కేసు నమోదు చేసిన పోలీసులు విచారణ చేపడుతున్నారు.   

సాక్షి, చిత్తూరు: చిత్తూరు జ్లిలాలో ఎర్రచందనం స్మగ్లర్లు మరోసారి రెచ్చిపోయారు. జిల్లాలోని చంద్రగిరి మండలం మొరవపల్లి వద్ద శుక్రవారం పోలీసులు కూంబింగ్‌ నిర్వహించారు. పోలీసులు కూంబింగ్‌లో ఎర్రచందనం కూలీలు తారసపడ్డారు. వారిని పట్టుకునేందుకు పోలీసులు ప్రయత్నించగా, స్మగ్లర్లు పోలీసులపై రాళ్లు విసిరి అక్కడ నుంచి పరారయ్యారు. దీంతో వారి కోసం పోలీసులు పెద్దఎత్తున గాలింపు చర్యలు చేపడుతున్నారు. సంఘటనా స్థలంలో 20 ఎర్రచందన దుంగలు, వాహనాన్ని పోలీసులు స్వాధీనం చేసుకున్నారు.

సాక్షి, తిరుపతి: చిత్తూరు జిల్లాలో మరోసారి ఎర్రచందనం దుంగలు పట్టుబడ్డాయి. శ్రీవారి మెట్టు సమీపంలో శుక్రవారం పోలీసులు కూంబింగ్‌​ నిర్వహించారు. ఈ క్రమంలో పోలీసులకు ఎర్రచందనం కూలీలు తారసపడ్డారు. పోలీసులను చూసి ఎర్రచందనం దుంగలను వదిలేసి కూలీలు పరారయ్యారు. ఘటనాస్థలంలో 8 ఎర్రచందనం దుంగలను స్వాధీనం చేసుకున్నారు.  

సాక్షి ప్రతినిధి, మంచిర్యాల: హరితహారం పేరుతో ప్రభుత్వం ఓవైపు కోట్లాది రూపాయలు వెచ్చించి మూడేళ్లుగా మొక్కలు నాటే కార్యక్రమాన్ని చేపడుతుండగా, మరోవైపు అడవుల నరికివేత యథావిధిగా కొనసాగుతోంది. అడవుల జిల్లా ఉమ్మడి ఆదిలాబాద్‌ నుంచి మొదలుకొని వరంగల్, మెదక్, ఖమ్మం, మహబూబ్‌నగర్‌ వరకు అడవుల నరికివేత యథేచ్ఛగా సాగుతోంది. అటవీ ప్రాంతంలోని గ్రామాలకు చెందిన వారితో పాటు కలప స్మగ్లర్లు విలువైన టేకు చెట్లను నరికి తరలించుకుపోతున్నారు. అటవీశాఖ మంత్రి జోగు రామన్న ప్రాతినిథ్యం వహిస్తున్న ఆదిలాబాద్‌ జిల్లాలో అడవుల ధ్వంసం ప్రమాదకర స్థాయిలో సాగుతోంది. ముఖ్యమంత్రి కె.చంద్రశేఖర్‌రావు ఎమ్మెల్యేగా గెలిచిన గజ్వేల్‌లో నెలనెలా రూ. కోట్ల విలువైన కలప అక్రమంగా రవాణా అవుతుండగా, భూపాలపల్లి జిల్లాకు ఛత్తీస్‌గఢ్‌ రాష్ట్రం నుంచి అక్రమంగా కలప తరలివస్తోంది. ఖమ్మం, కొత్తగూడెంల్లో కూడా దాదాపుగా ఇదే పరిస్థితి. నాగర్‌కర్నూలు జిల్లా పరిధిలోని నల్లమల అడవుల్లో కూడా టేకు వృక్షాలు కనుమరుగవుతున్నాయి. అటవీశాఖ అధికారుల పర్యవేక్షణ లోపం, చెక్‌పోస్టులు నామమాత్రంగా మిగిలిపోవడం, స్మగ్లర్లకు సిబ్బంది సహకారం నేపథ్యంలో అడవుల్లోని భారీ వృక్షాలు స్మగ్లర్ల ద్వారా హైదరాబాద్‌తో పాటు ఇతర రాష్ట్రాలకు చేరిపోతున్నాయి. మామూళ్ల మత్తులో అటవీ అధికారులు చోద్యం చూస్తున్నారు. అభయారణ్యం నుంచే నరికివేత ఆదిలాబాద్‌ ఉమ్మడి జిల్లా పరిధిలోని కవ్వాల్‌ అభయారణ్యం పరిధిలోని పలు మండలాల్లో అడవిని నరికి చెట్లను తరలించే కార్యక్రమం పకడ్బందీగా సాగుతోంది. ఇక్కడికి వందేళ్ల క్రితం వలస వచ్చిన ముల్తానీ కుటుంబాలతో పాటు మహారాష్ట్రకు చెందిన స్మగ్లర్లు, స్థానికులు అడవుల నరికివేతలో కీలకంగా వ్యవహరిస్తున్నారు. తాళ్లపేట రేంజ్‌ పరిధిలోని మల్యాల, సింగరాయిపేట, తపాల్‌పూర్, మహ్మదాబాద్‌ బీట్‌ల నుంచి టేకు చెట్ల నరికివేత, కలప తరలింపు ప్రక్రియ సాగుతోంది. బోథ్‌ మండలం పరిధిలోని మర్లపల్లి, నిగిని అటవీ ప్రాంతాల నుంచి చెట్లను నరికి వేస్తున్నారు. పెంబి మండలంలోని పలు ప్రాంతాలతో పాటు తిర్యాణి, మంగి, గుండాల, ఖానాపూర్, ఉట్నూరు, ఇచ్చోడ ప్రాంతాల నుంచి కలప నరికివేత, అక్రమ రవాణా కొనసాగుతోంది. బోథ్, నేరడిగొండ, గుడిహత్నూర్, తలమడుగు, ఉట్నూర్, నార్నూర్‌ మండలాలలోని అడవుల్లో స్మగ్లర్లు పగటి వేళల్లో నరికే చెట్లను గుర్తించి, రాత్రివేళ్లల్లో నరికి హైదరాబాద్, మంచిర్యాల, నిజామాబాద్, కరీంనగర్‌ జిల్లాలకు తరలిస్తున్నారు.  సిద్ధిపేట జిల్లాలో సీఎం కేసీఆర్‌ ప్రాతినిధ్యం వహిస్తున్న గజ్వేల్‌ నియోజకవర్గంలో ఎలాంటి అనుమతులు లేకుండానే రూ. కోట్ల విలువైన అటవీ కలప తరలిపోతోంది. జయశంకర్‌ భూపాలపల్లి జిల్లాలో పరిస్థితి రివర్స్‌లో ఉంది. ఇక్కడికి ఛత్తీస్‌గఢ్‌ నుంచి అక్రమంగా కలపను స్మగ్లర్లు తీసుకొస్తున్నారు. ‘చెన్నూరు అటవీ ప్రాంతంలోని దుగ్నెపల్లి జీపీ పరిధిలోని లింగంపేట అడవిలో నరికిన 40 టేకు చెట్లను దుంగలుగా మార్చి ట్రక్కులో మంచిర్యాల వైపు తరలిస్తుండగా శుక్రవారం చెన్నూరు రూరల్‌ పోలీసులు అదుపులోకి తీసుకున్నారు’ కుమ్రం భీం జిల్లాలోని మామిడిపల్లి అటవీ సెక్షన్‌ కొత్తపల్లి బీట్‌ పరిధిలోని అడవిలో మామిడిపల్లి నుంచి కవ్వాల్‌కు రోడ్డు వేయాలన్న డిమాండ్‌తో మామిడిపల్లి గ్రామస్తులు అడవిలోని 120 టేకు వృక్షాలను నరికివేశారు. 

సాక్షి, కడప అర్బన్‌:  మోస్ట్‌ వాంటెడ్‌ అంతర్రాష్ట్ర స్మగ్లర్‌ ఆర్కాట్‌ భాయ్‌తోపాటు, మరో 10 మంది స్మగ్లర్లను జిల్లాలోని మూడు పోలీస్‌స్టేషన్ల పరిధిలో పోలీసులు అరెస్ట్‌ చేశారు. వారి వద్ద నుంచి 85 ఎర్రచందనం దుంగలు, కంటైనర్, రెండు లారీలు, మూడు కార్లు, రెండు ద్విచక్ర వాహనాలను స్వాధీనం చేసుకున్నారు. వీటన్నింటి విలువ దాదాపు రూ.3 కోట్లు ఉంటుందన్నారు. మంగళవారం వైఎస్సార్‌ జిల్లా కడపలోని పోలీస్‌ పరేడ్‌ గ్రౌండ్స్‌లో విలేకరుల సమావేశంలో జిల్లా ఎస్పీ బాబూజీ అట్టాడ వివరాలు వెల్లడించారు. రైల్వేకోడూరు, ఓబులవారిపల్లె, చిట్వేలి పోలీస్‌స్టేషన్ల పరిధిలో తమిళనాడుకు చెందిన ఆర్కాట్‌ భాయ్, వెడి శక్తివేలు, మురగరి రామన్‌లు, చిన్నకన్‌ నాగరాజు, విశ్వనాథన్, గోవిందరాజు సందీప్‌కుమార్‌; ఓబులవారిపల్లెకు చెందిన ఆదిశేఖర్‌రెడ్డి అలియాస్‌ మందారపు బాబు, వై.కోటకు చెందిన పాకాల చంద్రమౌళి, చెన్నంరాజుపోడుకు చెందిన గంగరాజు వెంకటరామరాజు, గుంటుమడుగు దశరథరాజు, తలారి సుబ్బారాయుడులను పట్టుకున్నామన్నారు. వీరంతా ఎర్రచందనం దుంగలను వాహనాల ద్వారా అక్రమ రవాణా చేస్తున్నారని తెలిపారు. ఆర్కాట్‌ భాయ్‌.. దుబాయ్‌కి చెందిన ఎర్రచందనం స్మగ్లర్‌ సాజికి ప్రధాన అనుచరుడని, దాదాపు 500 టన్నుల ఎర్రచందనం దుంగలను అక్రమ రవాణా చేసినట్టు తెలిసిందన్నారు. పట్టుకున్న 11 మందిలో ఏడుగురు అంతర్రాష్ట్ర ఎర్రచందనం స్మగ్లర్లు అని పేర్కొన్నారు. వీరిని అరెస్ట్‌ చేయడంలో కీలకపాత్ర పోషించిన రాజంపేట డీఎస్పీ లక్ష్మీనారాయణ, ఫ్యాక్షన్‌  జోన్‌ డీఎస్పీ శ్రీనివాసులు, సీఐలు కనుమారి సాయినాథ్, ఎస్‌డీ శివశంకర్‌ నాయక్, ఎస్‌ఐలు భక్త వత్సలం, బి.హేమకుమార్, కొండారెడ్డి, వెంకటేశ్వర్లు, హాజివల్లి, డాక్టర్‌ నాయక్, బి.నాగమురళి, కానిస్టేబుళ్లను ఎస్పీ అభినందించారు. 

ఇచ్చోడ(బోథ్‌): ఆదిలాబాద్‌ జిల్లాలో అటవీశాఖ సిబ్బందిపై కలప స్మగ్లర్లు మంగళవారం రాత్రి మరోసారి దాడికి దిగారు. ఈ దాడుల్లో బేస్‌ క్యాంప్‌ ఉద్యోగి సిడాం బాపురావు తలకు తీవ్రగాయాలయ్యాయి. ఫారెస్ట్‌ బీట్‌ ఆఫీసర్‌ రాజు ఇచ్చిన ఫిర్యాదు మేరకు ఇచ్చోడ పోలీస్టేషన్‌లో గుండాల గ్రామానికి చెందిన తొమ్మిది మంది కలప స్మగ్లర్లపై పోలీసులు హత్యానేరం (307) కింద కేసులు నమోదు చేశారు. కవ్వాల్‌ టైగర్‌జోన్‌ అటవీ అధికారి వాహబ్‌ అహ్మద్‌కు మాల్యాల్, జుగునపూర్‌ సమీపంలో అక్రమ కలప రవాణా చేయడానికి స్మగ్లర్లు వాహనంతో సిద్ధంగా ఉన్నట్లు మంగళవారం రాత్రి సమాచారం అందింది. దీంతో అయన సిబ్బందిని అప్రమత్తం చేసి బీట్‌ ఆఫీసర్‌ రాజు, బేస్‌ క్యాంప్‌ సిబ్బందితో పెట్రోలింగ్‌ చేయించారు. వేకువ జామున జుగనపూర్‌ సమీపంలో ముసుగులు కట్టుకొని మూడు మోటార్‌ బైకులపై వచ్చిన స్మగ్లర్లు పెట్రోలింగ్‌ నిర్వహిస్తున్న అటవీశాఖ వాహనంపై రాళ్లతో దాడికి దిగారు. వీరు తేరుకునేలోపే వాహనంలో వెనుకలో ఉన్న సిడాం బాపురావు తలకు తీవ్రగాయమైంది. దీంతో వెళ్లిన వారంతా ఇచ్చోడకు తిరిగివచ్చారు. ఈ దాడుల్లో బైకులపై వచ్చిన దుండగులే కాకుండా పంటపొలాల్లో మరికొంత మంది స్మగ్లర్లు ఉన్నట్లు వారు తెలిపారు. ఇటీవల అటవీశాఖ సిబ్బంది కేశవపట్నం,గుండాల గ్రామాలపై మూడు సార్లు దాడులు నిర్వహించి.. కలపతో పాటు కట్టె కోత యంత్రాలను స్వాధీనం చేసుకున్న నేపథ్యంలో పథకం ప్రకారం ఈ దాడికి దిగినట్లు భావిస్తున్నారు. 

జయశంకర్ భూపాలపల్లి: అటవీ శాఖ అధికారులపై కలప స్మగ్లర్లు దాడికి పాల్పడ్డారు. ఈ ఘటన జయశంకర్ భూపాలపల్లి జిల్లాలోని భూపాలపల్లి మండలం గుర్రంపేట శివారులో మంగళవారం చోటు చేసుకుంది. చెల్పూరు అటవీ రేంజ్ అధికారి విక్రముద్దీన్ మరో నలుగురు సిబ్బందిపై స్మగ్లర్లు రాళ్లు, గొడ్డళ్లతో దాడికి దిగారు. ఈ దాడిలో అటవీ సిబ్బందికి గాయాలయ్యాయి. దాడి ఘటనపై అటవీ సిబ్బంది వెంకటాపూర్ పోలీస్‌స్టేషన్‌లో ఫిర్యాదు చేశారు.  


 అటవీ శాఖలోని అన్ని విభాగాల్లో మంజూరైన పోస్టులు 6,882
 ప్రస్తుతం ఉన్న ఉద్యోగుల సంఖ్య 3,511
 భర్తీ కావాల్సిన ఉద్యోగాలు 3,371
 ఖాళీల శాతం 48.98
  
 సాక్షి, అమరావతి: రాష్ట్రంలోని నెల్లూరు, తూర్పు గోదావరి, పశ్చిమ గోదావరి, విశాఖపట్నం, గుంటూరు, చిత్తూరు తదితర జిల్లాల్లో లక్షలాది ఎకరాల అటవీ భూమి ఆక్రమణలపాలైంది. మరోవైపు అత్యంత విలువైన అటవీ సంపద అడ్డగోలుగా దోపిడీకి గురవుతోంది. ఎర్రచందనం నిరాటంకంగా ఎల్లలు దాటి పోతోంది. శేషాచలం అడవుల నుంచి ఎర్రచందనం దుంగలు లారీలు, కార్లు, మినీ వ్యాన్లలో సైతం నిత్యం తరలిపోతున్నాయి. స్మగ్లర్ల నుంచి స్వాధీనం చేసుకున్న ఎర్రచందనం విక్రయం కోసం ఇటీవల అటవీశాఖ టెండర్లు నిర్వహించగా నాణ్యమైన కలప టన్ను రూ.30 లక్షలు పలికింది.
 
 ఇంత విలువైన ఎర్రచందనం భారీ పరిమాణంలో శేషాచలం నుంచి తమిళనాడు, గుజరాత్, మహారాష్ట్రలకు అక్రమంగా తరలిస్తున్నారు. ముఖ్యమంత్రి సొంత జిల్లా చిత్తూరులో స్మగ్లర్లు పంపిన ఎర్రచందనం కూలీలు అరకొరగా ఉన్న అటవీ సిబ్బందిపై దాడులకు తెగబడిన సందర్భాలూ ఉన్నాయి. అయినా ప్రభుత్వం పట్టించుకోవడం లేదు. అడవుల పరిరక్షణను పూర్తిగా గాలికి వదిలేసింది. నిత్యం అడవుల్లో తిరుగుతూ నిఘా కొనసాగించే క్షేత్రస్థాయి సిబ్బంది మొదలుకుని, ఉన్నతాధికారుల వరకు వేల సంఖ్యలో పోస్టులు ఖాళీగా ఉన్నా భర్తీ చేయడం లేదు. ప్రభుత్వ నిర్లక్ష్యమే అడవి తల్లి పాలిట శాపంగా మారిందని అధికారవర్గాలు వ్యాఖ్యానిస్తున్నాయి. ఎర్రచందనం స్మగ్లింగ్‌ నిరోధ టాస్క్‌ఫోర్స్‌ (ఆర్‌ఎస్‌ఏఎస్‌టీఎఫ్‌)కు మంజూరు చేసిన పోస్టుల భర్తీని సైతం ప్రభుత్వం పట్టించుకోకపోవడం అటవీ సంపద పరిరక్షణపై ప్రభుత్వానికి ఉన్న నిర్లక్ష్యాన్ని స్పష్టం చేస్తోందనే విమర్శలు వ్యక్తమవుతున్నాయి. 
  
 సగానికి పైగా పోస్టులు ఖాళీయే.. అటవీ భూమి, అటవీ సంపద పరిరక్షణలో
 క్షేత్రస్థాయిలో ఉండే ఫారెస్టు సెక్షనాఫీసర్లు (ఎఫ్‌ఎస్‌ఓ), ఫారెస్ట్‌ బీట్‌ ఆఫీసర్లు (ఎఫ్‌బీఓ), అసిస్టెంట్‌ బీట్‌ ఆఫీసర్ల (ఏబీవో) పాత్ర ఎంతో కీలకం. వీరిని పర్యవేక్షిస్తూ మార్గనిర్దేశం చేసే ఫారెస్ట్‌ రేంజి ఆఫీసర్లు (ఎఫ్‌ఆర్‌ఓ), డిప్యూటీ రేంజి ఆఫీసర్లు (ఆర్‌ఓ)ల భూమికా ముఖ్యమైనదే. అటవీ పరిభాషలో నిర్దిష్ట ప్రాంతాన్ని బీట్‌ అంటారు. ఆ ప్రాంతాన్ని పర్యవేక్షించే బాధ్యత బీట్‌ ఆఫీసరుదే. అటవీ ప్రాంతంలో ఎవరెవరు తిరుగుతున్నారు? టేకు, ఎర్రచందనం, బట్టగడప, రోజ్‌ ఉడ్‌ వంటి విలువైన చెట్లను ఎవరు నరుకుతున్నారు? ఎక్కడకు తరలిస్తున్నారు? ఈ దందా వెనుక ఎవరున్నారు? ఎలా అడ్డుకట్ట వేయాలి? అనే సమాచారం తెలియాలంటే క్షేత్రస్థాయి సిబ్బంది నిత్యం అడవిలో తిరగాలి? రోజూ తిరుగుతూ పరిశీలిస్తుంటేనే ఎక్కడెక్కడ ఏయే చెట్లు ఉండాలి.
 
 ఎక్కడ ఏ చెట్లు కొట్టారు.. అనే విషయాలు తెలుస్తాయి. కానీ రాష్ట్రంలో బీట్‌ ఆఫీసరు కేడర్‌ స్ట్రెంగ్త్‌ (మంజూరైన పోస్టులు)లో సుమారు 40 శాతం మంది మాత్రమే ఉన్నారు. మిగిలిన 60 శాతం ఖాళీలే. అసిస్టెంట్‌ బీట్‌ ఆఫీసరు, ఫారెస్ట్‌ సెక్షనాఫీసరు పోస్టులు కూడా సగానికి పైగా ఖాళీ ఉన్నాయి. ఇవి మంజూరైన పోస్టుల్లో ఖాళీలు మాత్రమే. వాస్తవ అవసరాల ప్రాతిపదికన అయితే అటవీశాఖకు మంజూరు చేసిన క్షేత్రస్థాయి పోస్టుల కంటే రెట్టింపు సిబ్బంది అవసరం. ఈ విషయాన్ని అటవీశాఖ అధికారులే అంగీకరిస్తున్నారు.  
  
 ఎన్నిసార్లు ప్రతిపాదనలు పంపినా.. 
 క్షేత్రస్థాయి అటవీ సిబ్బంది ఖాళీల భర్తీ కోసం అటవీశాఖ ఎన్నిసార్లు ప్రతిపాదనలు పంపినా ప్రభుత్వం పట్టించుకోవడంలేదు. నాలుగేళ్ల క్రితం రాష్ట్రం ఉమ్మడిగా ఉన్నప్పుడే 13 ఏపీ జిల్లాల్లో 1,256 ఎఫ్‌ఎస్‌ఓ, ఎఫ్‌బీఓ, ఏబీవో పోస్టుల భర్తీ కోసం అప్పటి ప్రభుత్వం నోటిఫికేషన్‌ జారీ చేసి రాతపరీక్ష, శరీర దారుఢ్య పరీక్షలు కూడా నిర్వహించింది. జిల్లాల వారీగా ఎంపిక పరీక్షలు పూర్తయి ఫలితాలు సిద్ధమయ్యాయి. రాష్ట్ర విభజన జరిగినా యథాతథంగా ఫలితాలు ప్రకటించి భర్తీ చేసే అవకాశం ఉన్నప్పటికీ ప్రస్తుత ప్రభుత్వంఆ పరీక్షలను రద్దు చేసింది. మూడేళ్లయినా తిరిగి ఆ ఖాళీల భర్తీకి ఎలాంటి చర్యలు తీసుకోలేదు. ‘ఇంట్లో బీరువాలో దాచుకున్న వస్తువులే చోరీ అవుతున్నాయి.
 
 ఇక అడవి అనేది బహిరంగ కోశాగారం లాంటిది. ఇందులో విలువైన కలప స్మగ్లింగ్‌ను నిరోధించాలంటే పెద్ద సంఖ్యలో సిబ్బంది అవసరం. అయితే దురదృష్టవశాత్తూ రాష్ట్ర అటవీశాఖలో ఉండాల్సిన సిబ్బందిలో నాలుగోవంతు కూడా లేరు. కేడర్‌ స్ట్రెంగ్త్‌ను రెండింతలు చేయాల్సిన అవసరం ఉంటే మంజూరైన పోస్టుల్లోనే సగం ఖాళీలుంటే ఎలా..’ అని ఒక సీనియర్‌ అటవీశాఖ అధికారి ప్రశ్నించారు. ఇక ‘శేషాచలం అడవుల్లో ఎర్రచందనం పరిరక్షణ కోసం పది సాయుధ బేస్‌ క్యాంపులు ఏర్పాటు చేసి 605 మందిని నియమించాలన్న ప్రతిపాదన కాగితాలకే పరిమితమైంది. స్మగ్లింగ్‌ నిరోధ టాస్క్‌ఫోర్సులో సగం ఖాళీలు అలాగే ఉన్నాయి. ఎర్రచందనం స్మగ్లింగ్‌ నిరోధంపై ప్రభుత్వానికి శ్రద్ధ లేదనడానికి ఇంతకంటే నిదర్శనాలు ఏముంటాయి..’ అని కా అధికారి ప్రశ్నించారు.


 - ఓఆర్‌ఆర్‌పై 300 కేజీల గంజాయి పట్టివేత 
 - విశాఖ జిల్లా నర్సీపట్నం నుంచి  రవాణా 
 - ఐదుగురి అరెస్ట్‌.. పరారీలో మరో ముగ్గురు 
  
 హైదరాబాద్‌: పైన మొక్కజొన్న సంచులు.. కింద గంజాయి బ్యాగ్‌లు.. మాదకద్రవ్యాల రవాణా కోసం స్మగ్లర్లు ఎన్నుకున్న మార్గమిది. బుధవారం ఔటర్‌ రింగ్‌ రోడ్డుపై బొలేరో వాహనంలో తరలిస్తున్న 300 కిలోల గంజాయిని పోలీసులు స్వాధీనం చేసుకున్నారు. ఐదుగురిని అరెస్ట్‌ చేశారు. బుధవారం శంషాబాద్‌ డీసీసీ పీవీ పద్మజ విలేకరులకు వివరాలు వెల్లడించారు. వారం రోజులుగా ఔటర్‌పై ఆర్‌జీఐఏ పోలీసులతో పాటు ఎస్‌ఓటీ, సీసీఎస్‌ పోలీసులు తనిఖీలు చేస్తున్నారు. మంగళవారం రాత్రి 10 గంటల సమయంలో అనుమానాస్పదంగా వెళుతున్న బొలేరో వాహనాన్ని ఆపి తనిఖీ చేశారు. వాహనం లోడులో పై భాగం మొత్తం మొక్కజొన్న సంచులతో నింపి.. కింది భాగంలో 11 బ్యాగుల్లో తరలిస్తున్న 300 కేజీల గంజాయి గుట్టు రట్టయ్యింది.
 
 విశాఖ జిల్లా చింతపల్లి తొటమామిడి గ్రామానికి చెందిన లక్ష్మణ్‌రావు, సంగారెడ్డి జిల్లా నారాయణ్‌ఖేడ్‌ గ్రామానికి చెందిన పరుశురాంతో గంజాయిని స్మగ్లింగ్‌ చేసే విషయంలో ఒప్పందం కుదుర్చుకున్నాడు. విశాఖ జిల్లా నర్సీపట్నం నుంచి బొలేరో వాహనంలో మూడు క్వింటాళ్ల గంజాయిని బ్యాగుల్లో సర్దుకుని, దానిపై భారీగా మొక్కజొన్న సంచులను వేసుకుని విశాఖ జిల్లా కోడుగుమ్మడి గ్రామానికి చెందిన తంబెల్లి చందర్‌రావు(24), తుని మండలానికి చెందిన జొక్కన్న శ్రీను బయలుదేరారు. సంగారెడ్డి జిల్లాకు చెందిన మోహన్‌(20), సీహెచ్‌ వెంకట్‌(29) ఇండికా కారులో పరుశురాం సూచనల మేరకు సూర్యాపేట నుంచి బొలేరో వాహనానికి పైలట్‌గా వస్తూ పోలీసు తనిఖీల గురించి బొలేరోలో ఉన్న వారికి సమాచారం అందిస్తున్నారు.
 
 శంషాబాద్‌ కొత్వాల్‌గూడ పరిధిలోకి వచ్చిన వీరి వాహనాలను పోలీసులు తనిఖీ చేయడంతో గంజాయి రవాణా గుట్టు రట్టయింది. రూ.30 లక్షల విలువ చేసే 300 కేజీల గంజాయితో పాటు రెండు వాహనాలు, రూ.4,250 నగదు, ఆరు సెల్‌ఫోన్లు స్వాధీనం చేసుకున్నారు. చందర్‌రావు, శ్రీను, మోహన్, వెంకట్‌తోపాటు విశాఖ వాసి బొంతల నాగులను అరెస్ట్‌ చేసి రిమాండ్‌కు తరలించారు. లక్ష్మణ్‌రావు, పరుశురాంతో పాటు విశాఖ వాసి తంబెల్ల సురేశ్‌ పరారీలో ఉన్నారు.


 దుబాయ్‌: యెమెన్‌ సమీపంలో గురువారం దారుణం చోటుచేసుకుంది. స్థానిక అధికారులు అరెస్టు చేస్తారన్న భయంతో స్మగ్లర్లు అక్రమంగా యెమెన్‌కు తరలిస్తున్న 180 మంది ఆఫ్రికన్లను సముద్రంలోకి తోసేయడంతో ఆరుగురు మృతి చెందగా..దాదాపు 50 మంది గల్లంతయ్యారు. ప్రస్తుతం గాయాలతో యెమెన్‌ దక్షిణ తీరానికి చేరుకున్న 25 మంది శరణార్థులకు చికిత్స అందిస్తున్నట్లు ఐరాస అంతర్జాతీయ వలస వ్యవహారాల సంస్థ(ఐఓఎం) తెలిపింది.
 శరణార్థుల్లో ఇథియోపియోకు చెందిన యువతీయువకులే ఎక్కువగా ఉన్నట్లు వెల్లడించింది. బుధవారం కూడా మనుషులను అక్రమరవాణా చేస్తున్న స్మగ్లర్లు యెమెన్‌ తీరం సమీపంలో సోమాలియా,ఇథియోపియాకు చెందిన 120 మంది శరణార్థులను సముద్రంలోకి తోసేయడంతో 50 మంది మృతి చెందగా, 22 మంది గల్లంతయ్యారని ఐఓఎం పేర్కొంది. తీరానికి కొట్టుకువచ్చిన 29 మృతదేహాలను మిగిలిన శరణార్థులు పూడ్చిపెట్టారని వెల్లడించింది.


 రెండే రెండు క్షణాలు...
 ఆ రెండు క్షణాలు ఆలస్యమైతే..
 ఘోరం జరిగేది. మూడు నిండు ప్రాణాలు పోయేవి. అప్రమత్తతే ఆదుకుంది. అసలేం జరిగిందంటే...
 
 అశ్వారావుపేట: అశ్వారావుపేట మండలంలో కలప స్మగ్లర్లు బరితెగింగించారు. చివరకు, పోలీస్‌ జీపుపైకి వ్యానుతో దూసుకొచ్చారు. పోలీస్‌ స్టేషన్‌కు కూతవేటు దూరంలో గురువారం తెల్లవారుఝామున ఇది జరిగింది. అశ్వారావుపేట ఏఎస్‌ఐ శంకర్‌ తెలిపిన వివరాలు.. గురువారం తెల్లవారుఝామున సుమారు మూడు గంటలు. ఏఎస్‌ఐ శంకర్, హోంగార్డులు ఐతపు వెంకటరమణ, వెంకటేశ్వర్లు (డ్రైవర్‌)కలిసి బస్టాండ్‌ పక్కనున్న బ్రాందీ షాపు వద్ద తనిఖీ నిర్వహించారు. వారి జీపు ముందుకు వెళుతోంది. సరిగ్గా అదే సమయంలో వినాయకపురం రోడ్‌ నుంచి వోల్వో స్టిక్కర్‌తో ఐషర్‌ వ్యాన్‌ వాయు వేగంతో దూసుకొస్తోంది. పోలీస్‌ జీప్‌ డ్రైవర్‌ గమనించాడు. వెంటనే అప్రమత్తమయ్యాడు. ప్రమాదం తప్పింది. పోలీస్‌స్టేషన్‌ ముందు నుంచే ఆ వ్యాన్‌ మెరుపు వేగంతో దూసుకెళ్లింది. దానిని జీపులతో పోలీసులు వెంబడిస్తున్నారు. కొద్ది దూరం వెళ్లగానే డీజిల్‌ అయిపోయింది. వెంటనే కిందికి దిగి, అటుగా వస్తున్న రెండు ద్విచక్ర వాహనాలను ఆపి, వాటిపై వెంబడించారు. కాకతీయ గేటు వద్ద ఆ వ్యానును అడ్డగించారు.
 
 నంబర్‌ లేదు.. సామాన్లు లేవు..
 ఆ వ్యానులో బాడీలో కేవలం ఆరు నారవేప దుంగలు (ఒక్కోటి మీటర్‌ వెడల్పు, రెండు మీటర్ల పొడవు,. వీటి విలువ రూ.2.50లక్షలు) ఉన్నాయి. నంబర్‌ ప్లేట్‌ లేదు. ఈ దుంగలను రాజమండ్రికి తరలించేందుకు మండలంలోని ఆసుపాకకు చెందిన ఓ ముఠా రవాణా చేస్తున్నట్టుగా పోలీసుల విచారణలో తేలింది. పోలీసులను చూడగానే ఆ వ్యానులోని వారు కిందకు దూకి చీకట్లో పారిపోయారు. జరిగినదంతా అశ్వారావుపేట ఎస్‌ఐ సురేష్‌కు తెతిపారు. ఇంతలో అటవీ సిబ్బంది వచ్చారు. వ్యాన్‌ గేర్‌ రాడ్‌ ఊగిపోతూ న్యూట్రల్‌లో ఉందా... గేర్‌లో ఉందా తెలియని పరిస్థితి. బ్రేక్, ఎక్సలరేటర్, క్లచ్‌లకు కనీసం పెడల్స్‌ కూడా లేవు. స్టీరింగ్‌ ఊగుతోంది. ఎంత ప్రయత్నించినా వ్యాన్‌ స్టార్ట్‌ కాలేదు. క్రేన్‌ సాయంతో దానిని తెల్లవారుఝామునే పోలీస్‌ స్టేషన్‌కు తరలించారు. అశ్వారావుపేట రేంజర్‌ మక్తార్‌ హుస్సేన్‌కు ఆ కలప వ్యానును పోలీసులు అప్పగించారు.
 
 గుండె ఆగినట్టయింది...
 జీపు మీదకు వ్యాన్‌ దూసుకురావడంతో ఒక్కసారిగా గుండె ఆగినట్టయిందని పోలీసు సిబ్బంది ‘సాక్షి’తో చెప్పారు. తమ డ్రైవర్‌ వెంకటేశ్వర్లు ఏమాత్రం ఏమరుపాటు ఉన్నా.. తమ ముగ్గురి ప్రాణాలు గాల్లో కలిసేవేమోనని ఆందోళన వ్యక్తం చేశారు.


 తిరుపతి: ఎర్రచందనం స్మగ్లంగ్‌ కొంతపుంతలు తొక్కుతోంది. ఏకంగా హెరిటేజ్‌ వాహనంలో ఎర్రచందనాన్ని అక్రమ రవాణా చేస్తున్నారు. తిరుపతి టాస్క్‌ఫోర్క్‌ అధికారులు నిర్వహించిన తనిఖీల్లో ఈ విషయం బయటపడింది. హెరిటేజ్‌ వాహనాలను ఎర్రచందనం రవాణాకు ఉపయోగిస్తున్నారని చాలా రోజుల నుంచి విమర్శలు వచ్చాయి. అయితే అనుమానాలు నిజం చేస్తూ హెరిటేజ్‌ వాహనాన్ని స్మగ్లర్లు అక్రమ రవాణాకు ఉపయోగించారు.
  
 వివరాలు.. తిరుపతి శివారులో గ్రాండ్‌ వరల్ఢ్‌ జీవకోన అటవీప్రాంతంలో టాస్క్‌ఫోర్స్‌ పోలీసులు సోమవారం రాత్రి నుంచి కూంబింగ్‌ నిర్వహించారు. ఈ కూంబింగ్‌లో మంగళవారం తెల్లవారుజామున ఎర్రచందనం స్మగ్లర్లు టాస్క్‌ఫోర్స్‌ పోలీసులకు తారసపడ్డారు. పోలీసులను గమనించిన స్మగ్లర్లు పోలీసులపై రాళ్లదాడికి దిగారు. దీంతో పోలీసులు గాల్లోకి కాల్పులు జరిపారు. దాదాపు వంద మంది ఎర్రచందనం స్మగ్లర్లు వాహనాలు వదిలి పరారయ్యారు. అయితే స్మగ్లర్లు వదిలి వెళ్లిన వాహనాలు హెరిటేజ్‌ సంస్థకు చెందినవిగా పోలీసులు గుర్తించారు. ఈ ఘటనలో కోట్ల విలువైన ఎర్రచందనం స్వాధీనం చేసుకున్నారు.
  
 కాగా హెరిటేజ్‌ వాహనంలో దుంగల రవాణాపై పోలీసులు స్పష్టమైన సమాచారం ఇవ్వడం లేదు. పట్టుబడిన వాహనాలు రెండు నంబర్లతో రిజిస్టర్‌ అయినట్టు తెలుస్తోంది. ఒకటి ఏపీకి సంబందించిన రిజిస్ట్రేషన్‌ కాగ, మరొకటి తమిళనాడుది గా గుర్తించారు. తమిళనాడుకు చెందిన రిజిస్టర్‌ నంబర్‌ కనిపించకుండా స్మగ్లర్లు పెయింటింగ్‌ వేశారు. అయితే ఈ అంశంపై పోలీసులు పూర్తి సమాచారం సేకరించేందుకు విచారణ చేపట్టారు.
 
  


 మర్రిపాడు: శ్రీ పొట్టి శ్రీరాములు నెల్లూరు జిల్లా మర్రిపాడు మండలం కదిరినాయుడు అటవీ ప్రాంతంలో అక్రమంగా తరలిస్తున్న ఎర్రచందనాన్ని పోలీసులు స్వాధీనం చేసుకున్నారు. పక్కా సమాచారంతో గురువారం వేకువజామున అడవిలో గాలింపు చేపట్టిన పోలీసులకు ఎర్రచందనం కూలీలు తారసపడ్డారు. దీంతో 25 మంది కూలీలను అరెస్ట్‌ చేసి.. 28 ఎర్రచందనం దుంగలను స్వాధీనం చేసుకున్నారు. నలుగురు కూలీలు పోలీసుల నుంచి తప్పించుకుని పారిపోతూ చీకటిలో వంతెన పై నుంచి కిందకు దూకడంతో గాయపడ్డారు. కూలీలందరూ తమిళనాడుకు చెందినవారేనని పోలీసులు తెలిపారు. వీరు మూడురోజుల క్రితమే అడవిలోకి వచ్చినట్లు సమాచారం.


 విశాఖపట్నం: విశాఖ జిల్లా మాడుగుల మండలం సాగరం వద్ద సోమవారం భారీగా గంజాయి పట్టుబడింది. ఏజెన్సీ నుంచి నగరానికి గంజాయి తరలిస్తున్నారనే సమాచారంతో పోలీసులు తనిఖీలు నిర్వహిస్తుండగా.. పోలీసులను గుర్తించిన స్మగ్లర్లు కారును వేగంగా పక్కకు తిప్పడంతో అదుపుతప్పి బోల్తా కొట్టింది. ముగ్గురు స్మగ్లర్లు అక్కడి నుంచి పరారు కాగా పోలీసులు కారుతో పాటు 200 కిలోల గంజాయి స్వాధీనం చేసుకున్నారు. 


 చిత్తూరు : ఎర్రచందనం స్మగ్లర్లకు జిల్లాలో మరో ఎదరుదెబ్బ తగిలింది. మదనపల్లె సబ్‌ డివిజన్‌ పరిధిలో పీలేరు, సత్యవేడు పోలీసులు, టాస్క్‌ఫోర్స్‌ సిబ్బంది సహాయంతో రెండు ఎర్రచందనం స్మగ్లింగ్‌ గ్యాంగుల్లో ఎనిమిది మందిని అరెస్ట్‌ చేశారు. వారి నుంచి 6 వాహనాలు( 1 లారీ, 1 కారు, 4 మోటారు సైకిళ్లు), సుమారు 1.5 టన్నుల బరువైన 48 ఎర్ర చందనం దుంగలు స్వాధీనం చేసుకున్నారు. పట్టుబడిన వారిలో అబ్దుల్‌ రహమాన్‌ అనే అంతర్జాతీయ స్మగ్లర్‌ కూడా ఉన్నట్లు పోలీసులు తెలిపారు. ఈ మేరకు చిత్తూరు జిల్లా ఎస్పీ జి. శ్రీనివాస్‌ విలేకరుల సమావేశంలో వివరాలు వెల్లడించారు.


 ►వారాల తరబడి కొండా కోనల్లో మకాం
 ►అదును చూసి వన సంపదపై వేటు
 ►నలు దిశలా యథేచ్ఛగా అక్రమ రవాణా
 ►టాస్క్‌ఫోర్స్‌ కదలికలపై  స్మగ్లర్ల ముందస్తు నిఘా
 ►ఎదురు పడితే దాడి... క్షణాల్లో కనుమరుగు
 ►రాత్రింబవళ్లూ కొనసాగుతున్న కూంబింగ్‌
 
 అడవి తల్లి కన్నీరు పెడుతోంది. కొండల మధ్య పెరుగుతున్న ఎర్ర కూలీల అరాచకాలకూ, అక్రమ రవాణాకు తల్లడిల్లుతోంది. టన్నుల     కొద్దీ తరలిపోతున్న ఎర్రచందనాన్ని కాపాడుకోలేక విలవిలలాడుతోంది. పోలీసుల కూంబింగ్‌ జరుగుతున్నా తెలివిగా తప్పించుకుంటోన్న స్మగ్లర్ల మాయాజాలానికి మూగగా రోదిస్తోంది. మారుతున్న మంత్రులు, ఏడాదికోసారి జరిపే సమీక్షలు, తీసుకునే నిర్ణయాలూ స్మగింగ్‌ను ఏ మాత్రం ఆపలేకపోతున్నాయని పదేపదే     ఆక్రోశిస్తోంది.
 
 తిరుపతి : స్మగ్లర్ల గొడ్డళ్ల వేటుకు శేషాచలం నిలువెల్లా వణికిపోతోంది.  తిరుపతి, భాకరాపేట, పీలేరు, తలకోన, కరకంబాడి ప్రాంతాలతో పాటు కడప జిల్లా రైల్వేకోడూరు, రాజంపేట ప్రాంతాల్లో శేషాచలం విస్తరించి ఉంది. రెండు వారాలుగా ఎండల తీవ్రత ఎక్కువగా ఉండటంతో టాస్క్‌ఫోర్స్, పోలీస్, అటవీ పోలీసుల తనిఖీలు పగటి పూట తగ్గాయి. సరిగ్గా మిట్ట  మధ్యాహ్నం వేళ స్మగ్లర్లు వ్యూహాత్మకంగా అడవిలోకి ప్రవేశిస్తున్నారు. తమిళనాడు నుంచి బస్సుల్లో, కారుల్లో వచ్చే వందలాది మంది ఎర్ర కూలీలు, స్మగ్లర్లు వాటర్‌ బాటిళ్లు, బియ్యం. పప్పు, బిస్కెట్లు, కూల్‌డ్రింక్స్, తినుబండారాలతో పాటు పదునైన గొడ్డళ్లు, రంపాలతో అడవిలోకి ప్రవేశిస్తున్నారు.
 
 ప్రధానంగా భాకరాపేట, శ్రీవారిమెట్లు, కరకంబాడి, మామండూరు ప్రాంతా ల్లో ఉన్న కాలి బాటల ద్వారా ఫారెస్టులోకి ప్రవేశిస్తున్న స్మగ్లర్లు మేకలిబండ, సచ్చినోడిబండ, చీకటీగలకోన ప్రాంతాల్లోని కొండ రాళ్లు, చిన్నచిన్న గుహల్లో రోజుల కొద్దీ తలదాచుకుంటూ పగటి పూట ఎర్రచందనం చెట్లు నరుకుతున్నారు. సుమారు 10 నుంచి 20 చెట్లు నరికాక వాటిని రవాణా చేసే పనుల్లో పడుతున్నారు. అక్రమ రవాణా సమయంలో పోలీసులు ఎదురు పడితే దుంగలను కింద పడేసి అడవిలోకి పారిపోతున్నారు. రోజుకు వంద మందికి పైగా ఎర్ర కూలీలు అటవీ ప్రాంతంలోకి ప్రవేశిస్తున్నారని అంచనా. అన్ని ప్రాంతాల్లోనూ సుమారు వెయ్యిమందికి పైగా ఎర్ర కూలీలు అడవిలోనే ఉంటారని పోలీసుల అంచనా.
 
 పారిపోయే వారే ఎక్కువ...
 శేషాచలంలో తిరుపతి టాస్క్‌ఫోర్స్‌ కూంబింగ్‌ పెరిగింది. మొత్తం 4 బృందాలు ఆయుధాలతో అడవిలో స్మగ్లర్ల కోసం జల్లెడ పడుతున్నాయి. అయితే వీరి రాకను ముందే పసిగడుతున్న స్మగ్లర్లు పోలీసుల కన్నుగప్పి రాళ్లు, గుబురు చెట్ల మధ్య తలదాచుకుంటున్నారు. కొంత మంది తప్పించుకోలేక పోలీసులకు చిక్కుతున్నారు. అయితే పోలీసులకు దొరికేవారి కంటే తప్పించుకుని అడవిలోకి పారిపోయే వారే ఎక్కువ.
 
 పటిష్ట ప్రణాళికలు కరువు...
 ఎర్ర చందనం స్మగ్లింగ్‌ను నిలువరించే విషయంలో ప్రభుత్వం విఫలమవుతూనే ఉంది. పటిష్టమైన ప్రణాళికలు లేకపోవడం, సరిపడ సిబ్బందిని, ఆయుధాలను సమకూర్చలేకపోవడమే కారణమని తెలు స్తోంది. తిరుపతి టాస్క్‌ఫోర్సుకు కేటాయించిన సిబ్బందిని పూర్తిగా సమకూర్చే విషయంలో సర్కారు మూడేళ్లుగా మీనమేషాలు లెక్కిస్తూనే ఉంది. ఈ లోగా ఇటీవలనే అటవీ శాఖకు కొత్త మంత్రి వచ్చారు. సీఎంతో చర్చించిన మీదట అదనపు బలగాల కేటాయింపు జరుగుతుందని చెప్పారు. ఈ లోగా జరగాల్సిన స్మగ్లింగ్‌ మొత్తం జరుగుతూనే ఉంది.
 
 దుంగలు రోజూ దొరుకుతూనే ఉన్నాయ్‌...
 రోజూ ఎక్కడో ఒక చోట టాస్క్‌ఫోర్స్‌ పోలీసులు స్వాధీనం చేసుకుంటున్న ఎర్ర చందనం దుంగలు పెరిగిన స్మగ్లింగ్‌ను తేట తెల్లం చేస్తున్నాయి. దుంగలు దొరుకుతున్నాయి గానీ, వాటిని రవాణా చేసే ఎర్ర కూలీలు, స్మగ్లర్లు మాత్రం దొరకడం లేదు. దీంతో కోట్ల విలువ చేసే వన సంపద యథేచ్ఛగా సరిహద్దులు దాటుతూనే ఉంది. దీనికి ముగింపు ఎలా పలకాలో పోలీసులకు అర్థం కావడం లేదు.


 కడప: జిల్లాలోని మూడు వేర్వేరు ప్రాంతాల్లో జరిపిన దాడుల్లో 14 మంది ఎర్రచందనం స్మగ్లర్లను పోలీసులు అరెస్ట్‌ చేశారు. వారి వద్ద నుంచి 627 కిలోల బరువున్న 41 ‘ఎర్ర’  దుంగలతో పాటు 10 సెల్‌ఫోన్లు, 2 కార్లు, ఓ ద్విచక్రవాహనం స్వాధీనం చేసుకున్నారు. ఈ మేరకు బుధవారం జిల్లా కేంద్రంలోని పోలీస్‌ పరేడ్‌ గ్రౌండ్‌లో జరిగిన విలేకరుల సమావేశంలో ఓఎస్‌డీ సత్య ఏసుబాబు వివరాలు తెలిపారు. పట్టుబడిన వారిలో అంతర్జాతీయ స్మగ్లర్‌ సాహూల్‌భాయ్‌ ప్రధాన అనుచరుడు శివలింగం శ్రీధర్‌తో పాటు అంతర్రాష్ట్ర స్మగ్లర్‌ ఇక్రం భాయ్‌ ఉన్నట్లు ఆయన తెలిపారు. 


 ఇసుక దందా ఆగడం లేదు. పోలీసుల మామూళ్లు ఆగడం లేదు. స్వర్ణముఖి, కాళంగి నదుల నుంచి ఇసుకను తరలిస్తూ స్మగ్లర్లు పేట్రేగిపోతున్నారు. ఇది ఆంధ్రా–తమిళనాడు సరిహద్దు పోలీస్‌స్టేషన్లకు కూడా వరంగా మారింది.  తడ, సూళ్లూరుపేట, చిత్తూరు జిల్లా పరిధిలోని వరదయ్యపాళెం మండలాల్లో పలు ప్రాంతాలను డంపింగ్‌ కేంద్రాలుగా ఎంపిక చేసుకున్నారు. రాత్రి వేళల్లో ట్రాక్టర్లలో తమిళనాడుకు ఇసుకను తరలిçస్తూ రూ.లక్షలు దోచుకుంటున్నారు.
 
 సూళ్లూరుపేట : పగలంతా ట్రాక్టర్లు ద్వారా డంపింగ్‌ కేంద్రాలకు ఇసుక తరలించుకుంటున్నారు. రాత్రి 8 గంటలైతే చాలు జేసీబీలతో తమిళనాడుకు చెందిన లారీలకు లోడ్‌ చేసి ఇసుకను తరలిస్తున్నారు. ఇసుక మాఫియా ఆగడాలతోనే చిత్తూరుజిల్లా ఏర్పేడులో 16 మంది బలైన విషయం తెలిసిందే. తడ మండలం సరి«హద్దుల్లోని ఆరంబాకం, కారూరు, పూడి, మాంబట్టు అపాచీ వెనుక భాగాన టీడీపీ చోటా నాయకులే డంపింగ్‌ కేంద్రాలు నిర్వహిస్తున్నారు. ఎవరిదైనా ట్రాక్టరు పట్టుకుంటే చాలు టీడీపీ నేతలు అధికారులకు ఫోన్‌ చేసి మనోడే వదిలేయండి హుకుంజారీ చేస్తున్నారు. దీంతో అధికారులు కూడా తమకెందున్నట్గు వ్యవహరిస్తున్నారు. ఉచితంగా ఇసుక తీసుకోవచ్చుననే ప్రభుత్వ ప్రకటన అక్రమార్కులకు వరంగా మారింది. దీంతో పట్టపగలు పబ్లిగ్గానే ఇసుకను తరలిస్తున్నారు.
 
  తమిళనాడులో నిబంధనలు కఠినతరం
 తమిళనాడులో ఎక్కడా ఇసుక తవ్వకూడదనే నిబంధనలను కఠినంగా అమలు చేయడంతో ఆంధ్రా నుంచి వెళ్లే ఇసుక మీదే ఆధారపడి భవన నిర్మాణాలు చేస్తున్నారు. నాయుడుపేట, శ్రీకాళహస్తి, పెళ్లకూరు, కోట, వాకాడు, సూళ్లూరుపేట, దొరవారిసత్రం, తడ మండలాల నుంచి శ్రీసిటీ, రామాపురం పేరుతో పగలూ రాత్రి తేడా లేకుండా సుమారు రోజుకు 400  ట్రాక్టర్లతో ఇసుకను తరలిస్తున్నారు. ఆంధ్రా–తమిళనాడు సరిహద్దుల్లోని పలు ప్రాంతాల్లో డంపింగ్‌ కేంద్రాలు ఏర్పాటు చేసుకుని అక్కడ నుంచి లారీల్లో ఇసుకను చెన్నై, తిరుచ్చి, కోయంబత్తూరు తదితర పట్టణాలకు  రవాణా చేస్తున్నారు.
 
 ఆంధ్రా ఇసుకకు డిమాండ్‌
 జిల్లాలోని స్వర్ణముఖి, కాళంగి నది ఇసుకకు తమిళనాడులో డిమాండ్‌ ఉండటంతో అక్రమ రవాణా పెరిగిపోయింది. ఆంద్రా–తమిళనాడు సరిహద్దులోని ఆరంబాకంలో పెన్నా, స్వర్ణముఖి ఇసుక టన్ను రూ.450 నుంచి  రూ.500  కొనుగోలు చేస్తున్నారు. ఒక్కో ట్రాక్టర్‌కు 6 నుంచి 8 టన్నుల దాకా లోడ్‌ చేసుకుని వెళుతున్నారు. చెరకు రవాణా చేస్తే ట్రాలీలో అయితే 20 టన్నుల ఇసుకను లోడ్‌ చేసుకుని వెళుతున్నారు. చెన్నై, కోయంబత్తూరు, తిరుచ్చి నగరాల్లో ఒక్క లారీ ఇసుక రూ.లక్ష నుంచి రూ.1.5 లక్షల వరకు పలుకుతోంది. దీంతో తమిళనాడుకు చెందిన వ్యక్తులు కొంతమంది సూళ్లూరుపేట, వరదయ్యపాళెం మండలాల సరి«హద్దులోని సంతవేలూరు రోడ్డు సమీపంలోని మంగళంపాడు చెరువుకు సమీపంలో రెండు డంపింగ్‌ కేంద్రాల నుంచి లారీలతో ఇసుకను తరలిస్తున్నారు.
 
 మామూళ్లు మత్తులో జోగుతున్న పోలీసులు
 ఇసుక అక్రమ రవాణాను అడ్డుకోవడానికి ఏర్పాటు చేసిన పోలీస్‌ చెక్‌పోస్టులను ఎత్తేశారు. ఇసుక ఉచితమని ప్రభుత్వం ప్రకటించినపుడు తొలుత తడ పోలీస్‌స్టేషన్‌ ముందు తనిఖీ పాయింట్‌ ఏర్పాటు చేశారు. ఆ తరువాత తడ మండలం పన్నంగాడు వద్ద ఏఆర్‌ పోలీసులు, స్థానిక పోలీసులను మమేకం చేసి నిఘా ఏర్పాటు చేశారు. చెక్‌పోస్టు పెట్టిన కొద్ది రోజులు అందరూ భయంగానే వ్యవహరించారు. తమిళనాడుకు చెందిన స్మగ్లర్లు తడ, సూళ్లూరుపేట పోలీసులతో మాట్లాడుకుని నెల మామూళ్లు ఏర్పాటు చేసుకుని లారీలతో రవాణా చేయడం ప్రారంభించారు. రవాణాలో పోలీసులే కొంత వెసులుబాటు కల్పిస్తూ రావడంతో నాయుడుపేట, వాకాడు, కోట, పెళ్లకూరు, సూళ్లూరుపేట, తడ నుంచి ట్రాక్టర్లు ద్వారా శ్రీసిటీ పేరుతో ఆరంబాకం దాకా ఇసుక తరలించడం ప్రారంభించారు. ఆ తరువాత నెమ్మదిగా తెలుగు తమ్ముళ్ల జోక్యం పెరిగింది.
 
 ఇదే అదునుగా చేసుకున్న పోలీసులు సరిహద్దు చెక్‌పోస్టును నెమ్మదిగా ఎత్తేశారు. ఒక ట్రాక్టర్‌కు నెలకు దొరవారిసత్రం పోలీస్‌స్టేషన్, సూళ్లూరుపేట పోలీస్‌స్టేసన్‌లో రూ.3,200 లెక్కన మామూళ్లు ఏర్పాటు చేసుకున్నారు. తడ పోలీస్‌స్టేషన్‌లో నెలకు రూ.5,200 లెక్కన నెలకు సుమారుగా 300 నుంచి 350 ట్రాక్టర్ల వరకు నెల మామూళ్లు చెల్లిస్తున్నారు. తడ చెక్‌పోస్టులో ఒక ట్రాక్టర్‌కు నెలకు రూ.5వేలు లెక్కన వసూలు చేస్తున్నారు. ఈ మొత్తంలో ఎవరి వాటా ఎంత అనేది సూళ్లూరుపేట సీఐ, తడ ఎస్సైలకే తెలియాలి. ఇదే తరహాలో ఇసుక అక్రమ రవాణా జరిగితే  స్వర్ణముఖి, కాళంగి నదుల్లో ఇసుక కనుమరుగైపోయి భవిష్యత్తులో భూగర్భజలమట్టం భారీగా పడిపోయే అవకాశం ఉంది.


 2 కిలోల బంగారంతీసుకువచ్చిన వృద్ధురాలు
 366 గ్రాములు తెచ్చిన మరో మహిళ
 అదుపులోకి తీసుకున్న కస్టమ్స్‌ అధికారులు
 
 సాక్షి, హైదరాబాద్‌: శంషాబాద్‌ విమానాశ్రయ కస్టమ్స్‌ అధికారులు ఒకే విమానంలో హైదరాబాద్‌ నగరానికి చెందిన ఇద్దరు స్మగ్లర్లను బుధవారం రాత్రి పట్టుకున్నారు. వీరి నుంచి రూ.70.98 లక్షలు విలువైన 2.366 కిలోల బంగారాన్ని స్వాధీనం చేసుకున్నారు. బుధవారం రాత్రి జెడ్డా నుంచి సౌదీ ఎయిర్‌లైన్స్‌ ఫ్లైట్‌లో ఇద్దరు మహిళలు హైదరాబాద్‌కు చేరుకున్నారు. వీరిలో ఒకరైన 60 ఏళ్ల వృద్ధురాలు విమానాశ్రయంలో అనుమానాస్పదంగా సంచ రించడాన్ని కస్టమ్స్‌ అధీనంలోని ఎయిర్‌ ఇంటెలిజెన్స్‌ యూనిట్‌ అధికారులు గుర్తించారు.
 
 అదుపులోకి తీసుకొని తనిఖీలు చేయగా... వస్త్రాల్లో దాచుకున్న రెండు కేజీల బంగారం బయటపడింది. వృద్ధురాలిని క్యారియర్‌గా వాడుకున్న సూత్రధారులు ఒక్కోటి కేజీ బరువున్న బిస్కెట్‌ను మూడేసి ముక్కలు చేసి జెడ్డాలో అప్పగించారని బయటపడింది. దీన్ని హైదరాబాద్‌ చేరిస్తే కొంత మొత్తం కమీషన్‌ ఇస్తానంటూ ఒప్పందం కుదుర్చుకున్నారు. ఈ క్యారియర్‌ ఫొటోను వాట్సాప్‌ ద్వారా ఇక్కడున్న రిసీవర్లకు సూత్రధారులు పంపారు.
 
  శంషాబాద్‌ విమానాశ్రయంలో దిగిన వెంటనే తమ వాళ్లే వచ్చి బంగారం తీసుకుని నగదు చెల్లిస్తా రంటూ వృద్ధురాలికి చెప్పారు. ఈ రిసీవర్ల కోసం వెతుకుతున్న నేపథ్యంలోనే వృద్ధురాలు కస్టమ్స్‌ అధికారులకు చిక్కారు. ఇదే విమానంలో వచ్చిన మరో మహిళ సైతం తన దుస్తుల్లో 366 గ్రాముల బంగారం దాచుకుని వచ్చింది.
 
 నగరానికే చెందిన ఈమెను సైతం అదుపులోకి తీసుకున్న కస్టమ్స్‌ అధికారులు బంగారం స్వాధీనం చేసుకున్నారు. ప్రాథమిక ఆధారాలను బట్టి ఈ మహిళ వ్యక్తిగతంగానే బంగారం తీసుకు వస్తున్నట్లు అనుమా నిస్తున్నారు. వృద్ధురాలికి బంగారం ఇచ్చిన సూత్రధారులు, ఇక్కడ దాన్ని తీసుకునే రిసీవర్ల కోసం కస్టమ్స్‌ అధికారులు లోతుగా ఆరా తీస్తున్నారు.
 
  


 చిత్తూరు క్రైం: కర్ణాటక రాష్ట్రంలోని మాలేరులో రూ.30 లక్షల విలువైన ఎర్రచందనం దుంగలను చిత్తూరు పోలీసులు స్వాదీనం చేసుకున్నారు. తమిళనాడులోని వేలూరుకు చెందిన జ్యోతి(43), ఆమె భర్త నాగేంద్ర, వేలూరులో బీటెక్‌ చదువుతున్న ఆమె ఇద్దరు పిల్లలు, మరో ఇద్దరిని పోలీసులు సోమవారం ఉదయం వేలూరులో అరెస్టు చేశారు. వీరంతా ఎర్రచందనం స్మగ్లింగ్‌లో ఆరితేరారు. వీరిని చిత్తూరు తరలించిన పోలీసులు ఎస్పీ సమక్షంలో విలేకరుల ఎదుట ప్రవేశపెట్టారు.


 నేపాల్‌ మీదుగా తరలిస్తున్న స్మగ్లర్లు
 విమాన, సముద్ర మార్గాల్లో ముంబైకి
 పెరూ, లిబియాల్లోనే ఉత్పత్తి
 తమ దేశాలకు ‘పంపేది’ వస్త్రాలుగా
 డ్రగ్స్‌ ముఠా విచారణలో వెలుగులోకి
 
 సిటీబ్యూరో: విదేశాల నుంచి దేశంలోని మత్తు పదార్థాలను తీసుకురావడానికి స్మగ్లర్లు కొత్తకొత్త ‘మార్గాలను’ అనుసరిస్తున్నారు. ముంబైకి విమాన, సముద్ర మార్గాల్లో, రోడ్డు మార్గంలో నేపాల్‌ నుంచీ వీటిని తరలిస్తున్నారు. నగర టాస్క్‌ఫోర్స్‌ పోలీసులు సోమవారం అరెస్టు చేసిన ముఠా విచారణలో అనేక కీలకాంశాలు వెలుగులోకి వచ్చాయి. దేశంలో నివసిస్తున్న నైజీరియా, సౌతాఫ్రికన్లు ఇక్కడ డ్రగ్స్‌ విక్రయించగా వచ్చిన సొమ్మును వస్త్రాలుగా మార్చి తమ దేశాలకు తరలిస్తున్నట్లు వెల్లడైంది.
 
 కీలక సూత్రధారి జేమ్స్‌ మండేలా...
 సిటీలో కొకైన్‌ క్రయవిక్రయాలకు పాల్పడుతున్న జేమ్స్‌ మండేలా (సౌతాఫ్రికా), డ్రాకే ఒవెన్‌ (ఘనా)లతో పాటు నగరంలో నివసిస్తున్న జూనియర్‌ ఆర్టిస్ట్‌ అభిషేక్‌ కుమార్, జి.శ్రీనివాసులు (ఆఫీస్‌ బాయ్‌), ఎం.శ్రీనివాస్‌ (ప్రైవేట్‌ ఉద్యోగి), జేఈ నవీన్‌కుమార్‌ (కారు డ్రైవర్‌)లను టాస్క్‌ఫోర్స్‌ పోలీసులు సోమవారం అరెస్టు చేసిన విషయం విదితమే. వీరి నుంచి 370 గ్రాముల కొకైన్‌ స్వాధీనం చేసుకున్నారు. ఈ ముఠాకు సౌతాఫ్రికావాసి జేమ్స్‌ మండేలా కీలక సూత్రధారిగా ఉన్నట్లు పోలీసులు గుర్తించారు. బిజినెస్‌ వీసాపై వచ్చిన ఇతను ముంబైలో నివసిస్తూ తన బంధువైన ఒవెన్‌ను సైతం పిలిపించుకుని వ్యాపార కార్యకలాపాలను విస్తరిస్తున్నాడు.
 
 దుస్తుల్లోకి మారకం
 డ్రగ్స్‌ దందాలో కీలకంగా వ్యవహరిస్తున్న నైజీరియా, సౌతాఫ్రికన్లు తమ కుటుంబాలను వారి దేశాల్లోనే ఉంచుతున్నారు. విజిట్, బిజినెస్, స్టడీ వీసాలపై వస్తూ దేశంలో స్థిరపడుతున్నారు. ‘సరుకు’ విక్రయించడం ద్వారా వచ్చిన సొమ్మును నగదు రూపంలో ఆయా దేశాలకు పంపాలంటే అనేక ఇబ్బందులు ఉంటున్నాయి. ఈ నేపథ్యంలో విక్రేతలంతా’ వస్త్రవ్యాపారులుగా మారిపోతున్నారు. దందాలో సంపాదించిన డబ్బుతో ప్రతి నెలా ముంబై, ఢిల్లీ తదితర నగరాల్లోని హోల్‌సేల్‌ మార్కెట్లలో వస్త్రాలు ఖరీదు చేస్తున్నారు. బిజినెస్‌ వీసాపై ఉన్న వారి సహకారంతో వీటిని తమ దేశాలకు ఎక్స్‌పోర్ట్‌ చేస్తున్నారు. ఆయా దేశాల్లోని వీరి కుటుంబీకులు వస్త్రదుకాణాలు నిర్వహిస్తూ ఇలా వచ్చిన వాటిని అమ్మి సొమ్ము చేసుకుంటున్నట్లు సమాచారం.
 
 సంపన్న కుటుంబమే అయినా...
 టాస్క్‌ఫోర్స్‌ పోలీసులకు సోమవారం పట్టుబడిన ఆరుగురిలో ఒకడైన అభిషేక్‌ కుమార్‌ స్వస్థలం ముం బై. మోడలింగ్‌తో పాటు బాలీవుడ్‌ సినిమాల్లో చిన్నచిన్న క్యారెక్టర్లు చేశాడు. ఇతడిది సంపన్న కుటుంబమే అయినా, గతంలో కొన్ని సినిమాల్లో నటించిన అభిషేక్‌కు జల్సాలకు అలవాటు పడ్డాడు. తరచుగా సింగపూర్, మలేషియాలకు టూర్లు వెళ్ళిరావడం, పార్టీలు నిర్వహించడం చేసేవాడు. ఇలానే ఇతడికి జేమ్స్‌ మండేలాతో పరిచయమై మాదకద్రవ్యాలకు బానిసయ్యాడు. ఆపై సినిమా, మోడలింగ్‌ ఆఫర్లు తగ్గిపోవడంతో డబ్బు సంపాదించడం కోసం మండేలాతో కలిసే డ్రగ్స్‌ విక్రేతగా మారాడు. తదుపరి విచారణ నిమిత్తం ఆరుగురు నిందితుల్నీ కస్టడీలోకి తీసుకోవాలని పోలీసులు నిర్ణయించారు.  
 
 కేజీ రూ.లక్షకు ఖరీదు చేస్తూ...
 కొకైన్‌ ప్రధానంగా పెరూ, లిబియా దేశాల్లో ఉత్పత్తి అవుతోంది. అక్కడి వారితో సంబంధాలు ఏర్పాటు చేసుకున్న జేమ్స్‌ మండేలా కేజీ రూ.లక్ష (గ్రాము రూ.వెయ్యి) చొప్పున ఖరీదు చేస్తున్నాడు. అందుకు సరిపడ నగదు అక్కడి చేరిన వెంటనే వారు పార్శిల్‌ చేసి కొరియర్‌ ద్వారా విమాన మార్గంలో ముంబైకి పంపిస్తున్నారు. వీటిని స్కానింగ్‌ చేసినా లోపలి వస్తువులు కనిపించకుండా ఉండేలా కార్బన్‌ పేపర్‌ చుట్టడం వంటి జాగ్రత్తలు తీసుకుంటున్నారు. ఇందులో ఇబ్బందులు ఎదురయ్యే పక్షంలో తమ అనుచరురుల ద్వారా సముద్ర మార్గంలో ఓడల ద్వారా ముంబై కి చేరుస్తున్నారు. వీటిని అందుకునే మండేలా ముంబైలోనే ఉంటూ... ఒవెన్‌ ద్వారా దేశవ్యాప్తంగా సరఫరా చేసేవాడు. నిఘా, తనిఖీలు తక్కువగా ఉంటాయన్న ఉద్దేశంతోనే వీరు అక్రమ రవాణాకు బస్సుల్ని ఆశ్రయిస్తున్నారు. వినియోగదారుడి వద్దకు చేరేసరికి గ్రాము కొకైన్‌ రూ.5 వేలు పలుకుతోంది.
 
 కొత్తగా నేపాల్‌ రూట్‌...
 విమానాశ్రయాల్లో తనిఖీలు ఎక్కువగా ఉన్నప్పుడు, ‘సరుకు’ అత్యవసరంగా డెలివరీ చేయాల్సి వచ్చినప్పుడు ఈ ముఠాలు నేపాల్‌ మార్గాన్ని అనుసరిస్తున్నట్లు కొత్తగా వెలుగులోకి వచ్చింది. పెరూ, లిబియాల్లో ఉండే సప్లయర్లు తమ అనుచరులకు నేపాల్‌ విజిట్‌ వీసా తీసుకుంటున్నారు. ‘సరుకు’తో సహా విమానంలో కనీసం ఇద్దరిని పంపుతూ ఒకరిని నేపాల్‌లోనే ఉంచేస్తున్నారు. ‘మాల్‌’ తీసుకుని భారత్‌లోకి ప్రవేశించే వ్యక్తి తన పాస్‌పోర్ట్‌ను నేపాల్‌లో ఉన్న వ్యక్తి వద్దే ఉంచేసి అక్రమంగా ఇక్కడకు అడుగుపెడతాడు. ఒకవేళ అతడు చిక్కినా... పాస్‌పోర్ట్‌ పోలీసులకు దొరక్కపోతే బెయిల్‌పై వచ్చి తమ దేశం పారిపోవడానికి అనువుగా ఈ జాగ్రత్తలు తీసుకుంటున్నారు. ‘సరుకు’ డెలివరీ అయిన తర్వాత నేపాల్‌ మీదుగానే తమ దేశాలకు వెళ్ళిపోతున్నట్లు గుర్తించామని పోలీసులు పేర్కొన్నారు.
  


 టాస్క్‌ఫోర్స్‌ డీఐజీ  కాంతారావు ప్రశ్న
 
 తిరుపతి మంగళం: మనదేశంలో ఎవరి సహాయ సహకారాలు లేకుండా అత్యం త విలువైన ఎర్రచందనం ఆంధ్ర రాష్ట్రం తో పాటు దేశ సరిద్దులు దాటి ఇతర దేశాలకు ఎలా వెళుతోందని టాస్క్‌ఫోర్స్‌ డీఐజీ మాగాంటి కాంతారావు ప్రశ్నించారు. ప్రభుత్వ అధికారులు, ప్రజాప్రతినిధుల అండదండలు లేకుం డా ఒక్క దుంగ కూడా బయటకు వెళ్లే అవకాశం లేదని ఆయన అభిప్రాయపడ్డారు. మంగళవారం  కపిలితీర్థం సమీపంలోని టాస్క్‌ఫోర్స్‌ కార్యాలయంలో డీఐజీ విలేకరుల సమావేశం నిర్వహిం చి మాట్లాడారు. ఎర్రచందనం అక్రమ రవాణాను అరికట్టేందుకు తాము కంటి మీద కునుకు లేకుండా పనిచేస్తున్నామన్నారు.
 
 తమకు ఎవరి సహకారం లభిం చకున్నా కేవలం 150మంది సిబ్బందితో ఎర్రచందన అక్రమ రవాణాను, బడా స్మగ్లర్ల ఆట కట్టించినట్లు పేర్కొన్నారు. శేషాచల అడవుల్లోకి తమిళనాడులోని జావాదీహిల్‌కు చెందిన కూలీలు రాకుం డా చాలావరకు కట్టడి చేశామన్నారు. అటవీ, టాస్క్‌ఫోర్స్‌ అధికారులపై ఎర్ర స్మగ్లర్లు దాడులకు పాల్పడాలంటే భయపడేలా చేశామన్నారు. అయితే  ఎర్రచందనంతో పాటు అడవుల్లో అక్కడక్కడా ఉన్న శ్రీగంధం చెట్లపై కూడ ఎర్రస్మగ్లర్ల కన్ను పడిందన్నారు. దీనిపై పూర్తిస్థాయిలో నిఘా పెట్టి అక్రమ రవాణాను అరికట్టేందుకు నిరంతరం కృషి చేస్తామన్నారు. డీఎస్పీలు శ్రీధర్‌రావు, హరినాథ్‌బాబు, మహేశ్వరరాజు పాల్గొన్నారు.


 చిన్నగొట్టిగల్లు: చిత్తూరు జిల్లా చిన్నగొట్టిగల్లు మండలం భాకరాపేట అటవీ ప్రాంతంలో అటవీశాఖాధికారులు కూంబింగ్ నిర్వహిస్తుండగా కనికల కొండ వద్ద సుమారు 30 మంది ఎర్రచందనం స్మగ్లర్లు తారసపడ్డారు. అటవీశాఖాధికారులను గమనించిన స్మగ్లర్లు ఎర్రచందనం దుంగలను అక్కడే వదిలి పారిపోయేందుకు ప్రయత్నించారు. దీంతో అధికారులు వెంబడించి ముగ్గురిని పట్టుకున్నారు. స్మగ్లర్లు వదిలేసిన 29 ఎర్రచందనం దుంగలను స్వాధీనం చేసుకున్నారు. పారిపోయిన స్మగ్లర్ల కోసం గాలింపు చర్యలు మమ్మురం చేశారు. కేసు నమోదు చేసి దర్యాప్తు చేస్తున్నారు.


 ► యథేచ్ఛగా గంజాయి రవాణా చేస్తున్న స్మగ్లర్లు
 ►  రైతులను పావులుగా వాడుకుంటూ సాగు
 ►  రైల్వే పోలీసుల కళ్లుగప్పి బోగీల్లో తరలింపు
 ► ముంబై, సూరత్, పుణెల్లో అమ్మకాలు
 
 సాక్షి, రంగారెడ్డి జిల్లా ప్రతినిధి: గంజాయి రవాణాకు వికారాబాద్‌ అడ్డాగా మారుతోంది. గుట్టుగా సాగుతున్న ఈ దందా వెనుక బడా ముఠా ఉన్నట్లు తెలుస్తోంది. కోట్‌పల్లి, బంట్వారం మండలంలో వాణిజ్య పంటల మాటున సాగు చేస్తున్న గంజాయి రైలు మార్గాన ఇతర రాష్ట్రాలకు తరలిపోతోంది. రైళ్లలో నిఘా, చెక్‌పోస్టులు లేకపోవడంతో మత్తు పదార్థాల రవాణా యథేచ్ఛగా సాగు తోంది. మహారాష్ట్ర లాతూరు కేంద్రంగా పని చేస్తున్న స్మగ్లర్లు ఇక్కడి రైతులను పావులుగా చేసుకొని ఈ అక్రమ దందాను సాగిస్తున్నట్లు ఇటీవల  అధికారుల దాడిలో బయటపడింది.
 
 నల్లబజారులో గంజాయికి డిమాండ్‌
 నిషేధిత మత్తు పదార్థం కావడంతో నల్లబజారులో గంజాయికి భారీ డిమాండ్‌ ఉంది. ఈ నేపథ్యంలోనే లాతూరుకు చెందిన స్మగ్లర్లు అమాయక రైతాంగానికి ఆశ చూపి.. తమ పొలాల్లో గంజాయి సేద్యం చేసేలా ఒప్పందం కుదుర్చుకుంటున్నారు. ఈ క్రమం లోనే కర్ణాటక సరిహద్దులోని కోట్‌పల్లి మం డల పరిధిలోని గ్రామాల్లో గంజాయి పంట సాగవుతోంది. పసుపు, కంది పంటల మధ్య లో ఎకరాకు 25 గంజాయి మొక్కలను పెంచు తారు. ఒక్కో మొక్క నుంచి సుమారు అరకేజీ వరకు గంజాయి ఉత్పత్తి అవుతుంది. ఇలా పండించిన గంజాయిని ఎండపెట్టి ఇంట్లో నిల్వ చేసిన తర్వాత లాతూరుకు చెందిన స్మగ్లర్లు గ్రామాలకు వచ్చి.. కిలోకు రూ.2 వేల చొప్పున ఖరీదు చేస్తారు. నేరుగా మధ్యవర్తు లో.. స్మగ్లర్లో ఇంటికే వచ్చి సేకరిస్తున్నందున ఈజీ మనీకి అలవాటు పడ్డ కొందరు రైతులు గంజాయి ఉచ్చులో పడ్డారు. ఇదే అదనుగా గతంలో కేవలం బార్వాద్‌కే పరిమితమైన ఈ దందా ఇతర గ్రామాలకూ పాకింది.
 
 తరలింపు ఇలా..
 బార్వాద్‌ నుంచి వికా>రాబాద్‌ రైల్వేస్టేషన్ మార్గమధ్యంలో చెక్‌ పోస్టులు లేకపోవడం స్మగ్లర్లకు అనుకూలంగా మారింది. ఈ ప్రాం తం రాష్ట్ర సరిహద్దులో ఉండడం.. చుట్టూ అటవీ ప్రాంతం ఉండడంతో ఎవరూ పసి గట్టరని భావిస్తున్న అక్రమార్కులు గంజాయి సాగుకు ఈ ప్రాంతాన్ని ఎంచుకున్నట్లు కనిపి స్తోంది.  వికారాబాద్‌ నుంచి రాకపోకలు సాగించే రామేశ్వరం –ఓకా ఎక్స్‌ప్రెస్, విశాఖ పట్నం –ముం బై ఎల్‌టీటీ ఎక్స్‌ప్రెస్, కాచి గూడ ప్యాసింజర్, కోణార్క్‌ ఎక్స్‌ప్రెస్, గ్రాండ్‌ ట్రంక్‌ ఎక్స్‌ప్రెస్‌ లలో గంజాయిని ముంబై, లాతూరు ప్రాంతాలకు తరలుతున్నట్లు విచారణలో తేలిందని తాండూరు ఎక్సైజ్‌ ఇన్్స క్టర్‌ భరత్‌భూషణ్‌ ‘సాక్షి’కి తెలిపారు.
 
 కనిపెట్టకుండా...
 గంజాయి రవాణాలో ముఠా సభ్యులు పక్కా ప్లాన్ తో వ్యవహరిస్తున్నారు. రైతుల నుంచి సేకరించిన మత్తు పదార్థాన్ని లగేజీ బ్యాగుల్లో భద్ర పరిచి.. దాన్ని ప్రయాణికుల బోగీల సీట్ల కింది భాగంలో దాచిపెడతారు. ఈ సంచు లపై అనుమానం రాకుండా మరో బోగీలో ముఠాసభ్యులు ప్రయాణిస్తారు. ఎవరైనా సంచులను పసిగట్టినా ఏమి మట్టి అంటకుం డా బయటపడాలనే ఆలోచనతోనే ఈ ఎత్తు గడ వేస్తున్నట్లు తెలిసింది. రైల్వే పోలీసులు గుర్తించకపోతే ముంబై, సూరత్, పుణెలకు చేరవేస్తారు. కిలో గంజాయిని రూ.7 వేల వర కు విక్రయిస్తూ సొమ్ము చేసుకుంటున్నారు.
 
 గుట్టు వెలుగులోకి వచ్చిందిలా..?
 వికారాబాద్‌ జిల్లాలో నెల రోజుల క్రితం తాండూరు ఎక్సైజ్‌ సీఐ భరత్‌భూషణ్‌ ఆధ్వర్యంలో తనిఖీలు నిర్వహించారు. దాం తో బార్వాద్‌ కేంద్రంగా కొన‘సాగు’ తోన్న గంజాయి గుట్టు రట్టైంది. వ్యవసాయ పొలా ల్లో సాధారణ పంటల మధ్యలో గంజాయి మొక్కల పెంపకం బహిర్గతమైంది. అధికా రులు రైతులుగా భావిస్తున్న లక్ష్మారెడ్డి, వెంక టయ్య, రాచయ్య, శ్రీశైలం, పాండయ్య ఇళ్ల లో తనిఖీలు నిర్వహించగా బ్యాగుల్లో ఉన్న 43 కిలోల ఎండబెట్టిన గంజాయి లభిం చింది. లక్ష్మారెడ్డి, వెంకటయ్య సాగుచేస్తున్న పసుపు, పత్తి పొలాల్లోనూ అధికారులు తని ఖీలు నిర్వహించారు. పత్తి, పసుపు పొలాల మధ్య గంజాయిసాగు చేసినట్టు తనిఖీల్లో తేలింది.
 
 పొలాల్లో 50 కిలోల మొక్కలను స్వాధీనం చేసుకున్నారు. బార్వాద్‌ నుంచి వికారాబాద్‌ రైల్వేస్టేషన్ వరకు  చెక్‌పోస్టులు లేకపోవడం.. రైళ్లలో కూడా నిఘా తక్కువగా ఉండడంతో గంజాయి రవాణా సులువుగా సాగుతుండడంతో ఈ ప్రాంతం తమకు అనువుగా స్మగ్లర్లు మలుచుకున్నారు.


 ► కడెం అడవులకు రక్షణ కరువు
 ►పట్టించుకోని అధికారులు
 కడెం :  నిర్మల్ డివిజన్‌లోని కడెం అటవీ క్షేత్రంలో క్రమంగా అడవులకు రక్షణ కరువైంది. స్మగ్లర్లు పెట్రేగిపోతున్నారు. కడెం అటవీ క్షేత్ర కార్యాలయానికి కూతవేటు దూరంలోనే అడవికి రక్షణ లేదు. అటవీక్షేత్ర కార్యాలయానికి అతి సమీపంలో పెద్దూర్ సెక్షన్‌లో కొద్దిరోజుల క్రితం టేకుచెట్లు యథేచ్ఛగా నరికివేతకు గురయ్యారుు. అటవీ క్షేత్రంలో ఎక్కువ విస్తీర్ణంలో అడవి ఉందంటే అది గంగాపూర్ సెక్షన్‌లోనే. టైగర్‌జోన్ పరిధిలోని ఈ అడవిని కోర్ ఏరియా అంటారు. ఈ అడవిలో పులితో సహా అనేక వన్య ప్రాణులు ఆవాసం ఉంటారుు. అటవీ శాఖ ఉన్నతాధికారులు ఇక్కడికి సందర్శనకు వస్తుంటారు. అరుుతే, కొద్దిరోజుల క్రితం గంగాపూర్ సమీపంలో కొందరు నాలుగైదు చెట్లు నరికారు. కొద్దిరోజులుగా పెద్దూర్ సెక్షన్‌లోనే చెట్లు నరికివేతకు గురవుతున్నారుు. ప్రధాన రహదారి పక్కనే ఉన్న చెట్లను స్మగ్లర్లు నిర్భయంగా నరికివేస్తున్నారు. అధికారులు పట్టించుకోవడం లేదు.
 
 సిబ్బంది కొరత
 రేంజిని కడెం, ఉడుంపూర్‌గా రెండుగా విభజించారు. కడెం రేంజి అధికారికే అదనంగా ఉడుంపూర్ బాధ్యతలు అప్పగించారు. ఇక పాండ్వాపూర్ గ్రామం వద్ద గల అటవీ చెక్‌పోస్టు గతంలో జన్నారం డివిజన్‌లోని అటవీ సిబ్బంది నిర్వహించారు. కానీ, జిల్లాల పునర్విభజన తర్వాత ఆ చెక్‌పోస్టును కడెం రేంజి పరిధిలోకి తెచ్చారు. దీంతో ఈ చెక్‌పోస్టు వద్ద గంగాపూర్ సెక్షన్ సిబ్బందికి అదనపు బాధ్యతలు అప్పజెప్పారు. దీంతో ఆ సిబ్బంది అసలు విధులు పక్కకు పోయారుు. ఇటు చెక్ పోస్టు వద్దే ఎక్కువ సమయం గడపాల్సి రావటం, తమ విధులు కాగానే అలసిపోవటంతో డ్యూటీ పక్కకుపోతుంది. ప్రస్తుతం చెక్‌పోస్టు వద్ద గంగాపూర్ సెక్షన్ సిబ్బంది అందరూ షిప్టు ప్రకారంగా డ్యూటీలు చేస్తున్నారు.
 
 ఎక్కువ అటవీ ఉన్న గంగాపూర్ సెక్షన్ పరిధిలో ఉన్న ఈ చెక్‌పోస్టు వద్ద ఎఫ్‌ఎస్వో, ఎఫ్‌బీవోలుకాకుండా ప్రత్యేక సిబ్బందిని నియమించాల్సింది. పెద్దూర్ సెక్షన్‌లో ఈ బీటు పెద్దదే. మద్దిపడగ, చిట్యాల, ధర్మాజీపేట బీట్లు ఉన్నారుు. ఇంకా, మద్దిపడగలో కడెంలో అటవీ నర్సరీలు ఉన్నారుు. వీటన్నింటినీ ఒక్క ఎఫ్‌ఎస్వో, ఎఫ్‌బీఓనే బాధ్యతలు నిర్వహిస్తోంది. దీంతో విధుల నిర్వహణకు అనేక ఇబ్బందులవుతున్నారుు. సంబంధిత ఉన్నతాధికారులు ముందు లోటుపాట్లను సవరించాలి. అడవిపై రక్షణను మరింత కట్టుదిట్టం చేయాల్సిన బాధ్యత అధికారులపై ఉంది.
  
 పకడ్బందీగా వ్యవహరిస్తాం
 కడెం క్షేత్ర పరిధిలోని అడవిని రక్షించే విషయంలో దృష్టిసారిస్తాం. విధి నిర్వహణలో మరింత పకడ్బందీగా వ్యవహరిస్తాం. స్మగ్లింగ్‌ను పూర్తిగా నివారిస్తాం. సిబ్బంది కొరతపై ఉన్నతాధికారులకు నివేదించాం. రాథోడ్ రమేశ్, ఎఫ్‌ఆర్వో, కడెం


 చంద్రగిరి: చిత్తూరుజిల్లా చంద్రగిరి మండలం నరసింగాపురం రైల్వే గేటు వద్ద సోమవారం రాత్రి టాస్క్‌ఫోర్సు పోలీసులపై ఎర్రచందనం స్మగ్లర్లు రాళ్లతో దాడి చేశారు.
 
 వివరాలు.. టాస్క్‌ఫోర్సు ఆర్‌ఎస్‌ఐ భాస్కర్ ఆధ్వర్యంలో పోలీసులు, అటవీ శాఖాధికారులు సంయుక్తంగా కూంబింగ్ నిర్వహిస్తున్నారు. నరసింగాపురం రైల్వే గేటుకు సమీపంలో 50మందికిపైగా స్మగ్లర్లు ఎర్రచందనం దుంగలను అక్రమంగా రవాణా చేస్తూ ఎదురుపడ్డారు. వీరిని పట్టుకునేందుకు యత్నించిన టాస్క్‌ఫోర్సు పోలీసులపై స్మగ్లర్లు రాళ్లతో దాడి చేశారు. పోలీసులు కూడా గట్టిగా ఎదుర్కోవడంతో దుంగలను వదిలేసి స్మగ్లర్లు పరారయ్యారు. 48 దుంగలను పోలీసులు స్వాధీనం చేసుకున్నారు.


 నిజామాబాద్ క్రైం : జిల్లా కేంద్రం అడ్డాగా గంజాయి రవాణా గుట్టుగా రవాణా అవుతోంది. భారీ స్థారుులో మహారాష్ట్రకు స్మగ్లర్లు సరఫరా చేస్తూ రూ.కోట్లు సంపాదిస్తున్నారు. జిల్లా కేంద్రంలో రవాణాకు అనుకూలంగా ఉన్న ప్రాంతాలపై పోలీసుల నిఘా కరువవడంతో గంజారుు రవాణా సాఫీగా సాగుతోంది. బస్టాండ్, రైల్వేస్టేషన్, జిల్లా సరిహద్దులో చెక్‌పోస్టుల మీదుగా గంజారుు రవాణా అవుతుందని పోలీసులకు సమాచారం వస్తే తప్పా స్పందించడం లేదు. మాములు సమయాల్లో ఈ ప్రాంతాలపై గట్టి నిఘా వేయలేక పోతున్నారు. ఫలితంగా గంజారుు రవాణాకు అడ్డూఅదుపూ లేకుండా పోతోంది. జిల్లా కేంద్రానికి చెందిన కొందరు స్మగ్లర్లు తమ అనుయాయులకు డబ్బు ఆశచూపి వారితో గంజారుు రవాణా చేరుుస్తున్నట్లు సమాచారం.
 
 గంజారుు రవాణపై నిఘా పెట్టిన కొంతమంది పోలీసులు తమకు తెలిసి తెలియనట్లుగా వ్యవహరిస్తున్నారని ఆరోపణలు ఉన్నారుు. గంజా రుు రవాణాకు రోడ్డు, రైల్వే మార్గాలు అనుకూలంగా ఉండటంతో స్మగ్లర్లు సులువుగా గంజారుుని జిల్లా దాటిస్తున్నారు. ఒరిస్సాలో పండించే శీలావతి గంజారుుకి మహారాష్ట్రలో విపరీతమైన డిమాండ్ ఉంటుంది. దీంతో స్మగ్లర్లు ఎక్కువగా మహా రాష్ట్రకు తరలించి సొమ్ము చేసుకుంటున్నారు. అరుుతే మహారాష్ట్రకు గంజారుు రవాణా చేసేందుకు ఏ రైలు అరుుతే పోలీసులకు అనుమానం రాదో ఆ రైలు ద్వా రానే గంజారుు జిల్లా దాటిస్తున్నారు.
 
 రోడ్డు ద్వారా అనుమానం రాని వాహనాలలో గంజారుు రవాణా చేస్తున్నట్లు తెలిసింది. ఖరీదైన వాహనాలను గంజారుు రవాణాకు ఉపయోగిస్తుండటంతో అట్టి వాహనాలు సులువుగా చెక్‌పోస్టులు దాటుతున్నారుు. ఖరీదైన వాహనాన్ని చెక్‌పోస్టులో సిబ్బంది చూసీచూడనట్లుగా వదిలేస్తుండటంతో స్మగ్లర్లకు ఈ వాహనాలు కలిసివస్తున్నారుు. మూడు నెలలుగా గమనిస్తే గంజారుు కేసులు పోలీస్, ఎకై ్సజ్‌శాఖ, రైల్వే పోలీస్‌స్టేషన్‌లో ఒక్కటి నమోదు కాకపోవటం చూస్తుంటే గప్ చుప్‌గా గంజారుు కొనసాగుతుందన్న అనుమానాలు వ్యక్తమవుతున్నారుు.
 డబ్బు ఆశ చూపి..
 గంజారుు స్మగ్లర్లు నిరుద్యోగ యువతను, పేదరికంతో బాధపడుతున్న మహిళలకు డబ్బు ఆశ చూసి వారితో గంజారుు స్మగ్లింగ్ చేరుుస్తున్నట్లు సమాచారం. ఒరిస్సాలో కిలో గంజారుు రూ.1000 తీసుకొచ్చి మహారాష్ట్రలో రూ. 10 వేలకు విక్రరుుస్తున్నారు. ఇలా ఒక కిలోకు రూ. 9 వేలు లాభం వస్తుండటంతో గంజారుు రవాణా చేరుుంచే వారికి రూ. 2 వేల నుంచి రూ. 3 వేలు ఇస్తున్నారు. అక్రమ సంపాదన బాగుండటంతో ఒకసారి గంజారుు రవాణాకు అలవాటు పడిన వారు ఇదే వృత్తిగా భావిస్తూ పబ్బం గడుపుకుంటున్నారు. ఒరిస్సా నుంచి జిల్లాకు గంజారుు రవాణా చేరుకునే సరికి మూడు సార్లు చేతులు మారుతున్నట్లు సమాచారం. ముఖ్యంగా యువకులు పోలీసులకు ఎటువంటి అనుమానం రాకుండా ల్యాప్‌టాప్ బ్యాగ్‌లలో దాదాపు అరుుదు కిలోల వరకు గంజారుు ప్యాకెట్లను వేసుకుని జిల్లాను దాటిస్తున్నారు. పోలీసుల కంటికి వీరు మామూలు విద్యార్థులుగా కనిపిస్తుండటంతో వారిపై పోలీసులకు అనుమానం కలగటంలేదు. గతంలో కామారెడ్డి బాన్సువాడ రహదారిలో గంజారుు రవాణా చేస్తూ గాంధారి పోలీసులకు చిక్కిన వారిలో యువకులే ఉండటం విశేషం.
 గంజారుు పండే ప్రాంతాలు
 గతంలో జిల్లాలో కొన్ని ప్రాంతాలు గంజారుు పంటలకు పెట్టింది పేరుగా ఉండేది. నిజామాబాద్ మండలం మంచిప్ప, బైరాపూర్ తండా, ఎల్లమ్మకుంట, కాల్పొల్ తండా, డిచ్‌పల్లి, సిరికొండ, ధర్పల్లి, భీంగల్.. కామారెడ్డి జిల్లాలోని గాంధారి, బాన్సువాడ మండలాల్లోని మారుమూల గ్రామాల్లో గంజారుు సాగయ్యేది. పోలీసులు, ఎక్సైజ్‌శాఖ అధికారులు వెళ్లనటువంటి ప్రాంతాల్లో గంజారుు సాగు చేసేవారు. అక్కడ పండించిన పంటలు రవాణా చేస్తుంటే ఎకై ్సజ్ లేదా పోలీసులకు సమాచారం వస్తే పట్టుకునేవారు. లేదంటే  స్మగ్లర్లు గంజారుును మహారాష్ట్రకు సులభంగా తరలించి సోమ్ము చేసుకునేవారు. దీంతో ఎకై ్సజ్‌శాఖ అధికారులు కొంతమంది ఇన్‌ఫార్మర్లను నియమించుకుని గంజారుు పండించే ప్రాంతాలను వారి ద్వారా తెలుసుకుని ఆ ప్రాంతాలపై దాడులు చేసేవారు. ఇలా దాడులు ఎక్కువ చేయటంతో గంజారుు పంటను పండించే వారు తగ్గిపోయారు. ఆరు నెలల క్రితం బైరాపూర్ తండాలో కొంతమంది తమ ఇళ్ల ముందే గంజారుు మొక్కలను నాటారు. ఎకై ్సజ్‌శాఖ అధికారులు అక్కడకు వెళ్లి 102 గంజారుు మొక్కలను ధ్వంసం చేసి తొలగించారు. మొక్కలను నాటిన వారిపై కేసులు నమోదు చేశారు. అనంతరం గంజారుు పంటను పండించే వారిని బైండోవర్లు చేయటం మొదలుపెట్టడంతో పూర్తిగా తగ్గింది. కానీ.. ప్రస్తుతం జిల్లాలో గంజా రుు పండించే పంటలు పూర్తిగా నిర్మూలన అరుునప్పుటికి ఒరిస్సా నుంచి నిజామాబాద్ అడ్డాగా మహారాష్ట్రకు స్మగ్లర్లు గంజారుు రవాణా చేస్తునే ఉన్నారు.
 పెద్ద ఘటనలు..
 గత జూలై 1న ఢిల్లీ పాలెం ఎరుుర్‌పోర్టు రాజ్‌నగర్‌కు చెందిన రాజ్‌కుమార్, జై చాపల్ ఆర్‌కే పురం సబ్జి మార్కెట్‌కు చెందిన ఎస్ విజయ్‌పాల్ స్మగ్లర్లు ఒరిస్సా నుంచి వయా నిజామాబాద్ మీదుగా ఢిల్లీకి గంజారుు రవాణా చేస్తూ నిజామాబాద్ రూరల్ పోలీసులకు పట్టుబడ్డారు. వీరిని నుంచి పోలీసులు రెండు క్వింటాళ్ల గంజారుు స్వాధీనం చేసుకున్నారు. వీరి నుంచి గంజారుు కొనుగోలు చేసిన వర్ని మండలం శ్రీనగర్‌కు చెందిన వ్యక్తిని పోలీసులు అరెస్టు చేశారు. స్మగ్లర్ల నుంచి రూ.7.12 లక్షలు స్వాధీనం చేసుకున్నారు.
 ఈ యేడాది ఏప్రిల్ 27న గాంధారి మండలంలో ఎకై ్సజ్‌శాఖ అధికారులు  100 కిలోల ఎండు గంజారుుని పట్టుకున్నారు. దీనిని భిచ్కుంద మండలం పెద్దకొడపల్‌గల్ గ్రామానికి చెందిన భగీరథ అనే వ్యక్తి గంజారుుని తీసుకెళ్తున్నట్లు అధికారులకు పట్టుబడిన వ్యక్తులు తెలుపటంతో అప్రమత్తమైన అధికారులు భగీరథ ఇంట్లో సోదాలు చేపట్టారు. కానీ.. భగీరథ అంతకుముందే తప్పించుకుని పోయాడు. ఇప్పటి వరకు భగీరథ పోలీసులకు చిక్కక పోవటం గమనార్హం.


 ఆగని వనమేధం
 చోద్యం చూస్తున్న అధికారులు
  
 జన్నారం : కవ్వాల్‌ పులుల రక్షిత ప్రదేశం.. కవ్వాల్‌ అభయారణ్యం అని దేశ వ్యాప్తంగా పేరు గాంచిన అడవి రోజురోజుకూ కర్పూరంలా కరిగిపోతోంది. అడవుల రక్షణ చేపట్టాల్సిన అధికారులు, అధికారుల తీరు పర్యవేక్షించాల్సిన ఉన్నతాధికారుల పర్యవేక్షణ కరువై అడవులు మైదానాలుగా మారుతున్నాయి. కవ్వాల్, కల్లెడ, మహ్మదాబాద్‌ అటవీ సెక్షన్ల పరిధిలో స్మగ్లర్లు టేకు కలపను అధికారుల కళ్లు కప్పి తరలించడమే ఇందుకు ఉదాహరణగా చెప్పొచ్చు.కవ్వాల్‌ అభయారణ్యం 2012లో పులుల ర క్షిత ప్రదేశంగా మారింది. పులుల రక్షిత ప్రదేశంలో 893 చదరపు  కిలోమీటర్ల కోర్‌ ఏరియా, 1,123 చదరపు కిలోమీటర్ల బఫర్‌ ఏరియాను గుర్తించారు. జన్నారం అటవీ డివిజన్‌ పరిధిలో 18 సెక్షన్లు, 43 బీట్లు ఉన్నాయి. అడవుల రక్షణ కోసం డివిజన్‌లో రేంజ్‌ అధికారుల పర్యవేక్షణలో సెక్షన్‌ అధికారులు 18, బీట్‌ అధికారులు 43, ఐదుగురు రేంజ్‌ ఆఫీసర్లు, 88 మంది బేస్‌క్యాంపు సిబ్బంది పనిచేస్తున్నారు. కానీ.. కలప తరలింపును అడ్డుకోవడంలో మాత్రం విఫలమవుతున్నారు.
  
 కానీ.. కలప తరలింపు ఆపడంలో అధికారులు విఫలమవుతున్నారు. టైగర్‌జోన్‌ ఏర్పాటు నుంచి ఎన్ని నిబంధనలు తీసుకొచ్చినా అవేమీ పట్టనట్లుగా స్మగ్లర్లు తమ పని కానిచ్చేస్తున్నారు. డివిజన్‌లోని భర్తన్‌పేట్, కవ్వాల్, మహ్మదాబాద్, కల్లెడ అటవీ సెక్షన్లలో విలువైన టేకు చెట్లు ఇంకా నేలకు ఒరుగుతూనే ఉన్నాయి. స్మగ్లర్లు తమ స్వలాభం కోసం చెట్లను నిర్దాక్షిణ్యంగా నరికి, కలప రూపంలో బయటకు తీసుకుపోతుంటే అడ్డుకట్ట వేయాల్సిన కొందరు అధికారులు వారికి వంత పాడుతున్నట్లు ఆరోపణలు ఉన్నాయి. దీంతో స్మగ్లర్ల పని సులవవుతోందని వారు అంటున్నారు. ఎడ్లబండ్లు, సైకిళ్లపై అడవులకు వెళ్లి విలువైన టేకు వృక్షాలను నేల కూల్చి.. అందులో నుంచి వారికి అవసరమైన కలపను ఊరు బయట పెట్టి ముక్కలు చేస్తున్నారు. వాటిని ఇతర పట్టణాలకు తీసుకెళ్లి వేల రుపాయలు సొమ్ము చేసుకుంటున్నారు. కవ్వాల్‌ అటవి ప్రాంతం నుంచి కూడా కలప రవాణా కొనసాగుతున్నట్లు సమాచారం. 
  
 ఉత్సవాల్లో విగ్రహాల్లా బేస్‌క్యాంపులు
 అడవులను రక్షించడంలో భాగంగా రాత్రి, పగలు అడవుల్లో గస్తీ తిరిగి స్మగ్లింగ్‌కు బ్రేకులు వేయాల్సిన బేస్‌క్యాంపు సిబ్బంది ఉత్సవ విగ్రహాల్లా మారారు. జన్నారం డివిజన్‌ పరిధిలో నాలుగు బేస్‌ క్యాంపులు పనిచేస్తున్నాయి. అయితే.. వీరు అడవిని రక్షించాల్సిన పనికి మించి అధికారులు ఏం పని చెప్తే అదే చేయాల్సి వస్తోంది. కర్ర పట్టుకున్న సెక్షన్‌ అధికారి లేదా బీట్‌ అధికారి ఫోన్‌ చేస్తే వదిలివేయాల్సిన పరిస్థితి ఏర్పడింది.  
  
 భయపడుతున్న పులి..
 గతంలో కవ్వాల్‌ ప్రాంతంలో మైసమ్మలొద్ది, గొల్లగుట్ట, దొంగపల్లి ప్రాంతంలో తిరిగిన పులి ఇప్పుడు రెండు నెలలుగా కెమెరాలకు చిక్కడం లేదు. అడవుల్లో అలజడి ఎక్కువగా ఉండటంతోనే పులులు బయటకు రావడం లేదని టైగర్‌ కన్జర్వేషన్‌ సొసైటీ సభ్యులు పేర్కొంటున్నారు. 
  
 మచ్చుకు కొన్ని సంఘటనలు 
 కవ్వాల్‌ అభయారణ్యం నుంచి నిత్యం ఏదో ఒక ప్రాంతం నుంచి కలప తరలిస్తున్నారు. కవ్వాల్‌ నుంచి రెండు నెలల క్రితం కలప తరలిస్తున్న మూడు ఆటోలను కలమడుగు చెక్‌పోస్టు వద్ద పట్టుకున్నారు. 
  
 అదే విధంగా చింతగూడ నుంచి తరలించిన ఆటోను ఇందన్‌పల్లి వద్ద పట్టుకున్నారు. మహ్మదాబాద్‌ బీట్‌ పరిధిలో ప్రధాన రహదారి పక్కనే చెట్టును రంపంతో కోసి పట్టుకెళ్లారు. ఇక్కడ అధికారుల సహకారం లేనిదే ఇంత జరుగుతుందా అని స్థానికులు ప్రశ్నిస్తున్నారు. 
  
 కవ్వాల్‌ అటవి బీట్‌ నుంచి రోజూ కలప తరలిస్తున్నట్లు గ్రామస్తులు చెబుతున్నారు. ఉన్నత అధికారుల దృష్టికి తీసుకెళ్లిన ఫలితం లేదని గ్రామస్తులు పేర్కొంటున్నారు. అటవీ అధికారులు కలప పట్టుకోవడంలో నిర్లక్ష్యం చేయడం వల్ల పోలీసులు కలప స్మగ్లింగ్‌ నిరోధించడానికి రంగంలో దిగారు. ఈ క్రమంలో పలుమార్లు కలప పట్టుకుని అటవి శాఖ అధికారులకు అప్పగిస్తున్నారు. సీఐ మోహన్‌ పలుసార్లు కలప పట్టుకుని అటవి అధికారులకు అప్పగించారు. 
  
 పది రోజుల క్రితం కవ్వాల నుంచి ఆటోలో కలప తీసుకువస్తుండగా స్రై్టకింగ్‌ ఫోర్స్‌ సెక్షన్‌ అధికారి వినయ్‌కుమార్‌ పట్టుకున్నారు. డ్రైవర్‌ ఎదురు తిరగడంతో పోలీస్‌ కేసు నమోదు చే శారు. ఈ విషయంలో ఉన్నతాధికారులు దృష్టి సారించి కలప స్మగ్లింగ్‌ నిరోధించకుంటే రానున్న రోజుల్లో అడవులు మైదానంగా మారే అవకాశం ఉంది. 
  
 రెండు రోజుల క్రితం సోనాపూర్‌తండా బీట్‌ పరిధిలో కలప తరలిస్తున్నారనే సమాచారం అందుకున్న బీట్‌ అధికారి ఆడెపు కిరణ్, మరో ఇద్దరు బేస్‌ క్యాంపు సిబ్బంది కలిసి కామన్‌పల్లి కెనాల్‌ మీదుగా సోనాపూర్‌ వైపు వెళ్లారు. ఎదురుగా వస్తున్న పలువురిని అనుమానాస్పదంగా కనిపించిన వారిని ఎక్కడికెళ్తున్నారని ప్రశ్నించగా.. వారు కిరణ్‌ అనే అధికారిపై దాడికి దిగారు. 
  
 నిఘా పెట్టాం
 బేస్‌క్యాంపులు, స్రై్టకింగ్‌ ఫోర్స్‌లతో నిఘా పెట్టాం. రాత్రి పెట్రోలింగ్‌ నిర్వహిస్తున్నా. పోలీసుల సహాయంతో కలప స్మగ్లింగ్‌ నిరోధిస్తున్నాం. సమాచారం అందిస్తే కలప తరలించిన వారిపై చర్యలు తీసుకుంటాం. కలప తరలింపు నిరోధించడంలో అధికారులు నిర్లక్ష్యం చేస్తే చర్యలు తప్పవు. 
 - ప్రతాప్, రేంజ్‌ అధికారి


 కర్నూలు (టౌన్‌):  రుద్రవరం మండలం శ్రీరంగాపురం గ్రామ సమీపంలోని అయ్యకుంట చెరువు వద్ద ఎర్రచందనం దుంగలను స్మగ్లింగ్‌ చేస్తున్న 13 మంది ముఠా సభ్యులను పోలీసులు అరెస్టు చేశారు. వారి నుంచి 45 దుంగలను స్వాధీనం చేసుకున్నారు. ఈ సందర్భంగా సోమవారం సాయంత్రం స్థానిక జిల్లా పోలీసు కార్యాలయంలోని ఆవరణలో జిల్లా ఎస్పీ ఆకె రవికృష్ణ విలేకరుల సమావేశం నిర్వహించి వివరాలు వెల్లడించారు. అరెస్టు అయిన వారిలో భీరం నరసింహారెడ్డి, తలారీ నరసింహులు, తలారీ హరి, షేక్‌ చిన్న హుస్సేన్, దేవిశెట్టి సుబ్బారావు, సంపంగి వడ్డె శ్రీను, షేక్‌ రఫీ, బోయ ప్రసాద్, చాకలి హరిలింగం, ఆవుల ఓబులేసు, కొత్తమాసి వెంకటయ్య, గుర్రందాసు, కొత్త మాసి ధనపాల్‌ ఉన్నారు. వీరిపై రుద్రవరం పోలీసుస్టేషన్‌లో 158/2016 కింద ఎర్రచందనం, పర్యావరణ ఆటవీ చట్టాల కేసు నమోదు చేశారు. వీరంతా రుద్రవరం మండలంలోని శ్రీరంగా పురం, పెద్దకడబూరు, నరసాపురం, బండిఆత్మకూరు మండలం లింగాపురం గ్రామాలకు చెందిన వారు. స్మగ్లర్ల అరెస్ట్‌లో ప్రతిభ చూపిన సీఐ ప్రభాకర్‌ రెడ్డి, రుద్రవరం ఎస్‌ఐ హనుమంతయ్య, ఎఎస్‌ఐ రామయ్య, హెడ్‌ కానిస్టేబుల్‌ భూపాల్‌ రెడ్డి, కానిస్టేబుల్‌ కుమార్, రమేష్, శాంతి రెడ్డి, హోంగార్డు బాలసామి, హరిని ఎస్పీ అభినందించి రివార్డు ప్రకటించారు.   
  


 తిరుపతిలో పెద్ద ఎత్తున ఫ్లాట్లు, ఖాళీస్థలాల కొనుగోళ్లు
 స్మగ్లర్లకు సహకరిస్తూ రెండు చేతులా ఆర్జిస్తున్నట్లు ఆరోపణలు
  
 జిల్లా అటవీ శాఖలో ఇంటి దొంగల చేతివాటం పెచ్చుమీరుతోంది. పలువురు ఉద్యోగుల అడ్డగోలు దందాకు అడ్డూ అదుపూ లేకుండాపోతోంది. కొంతమంది ఉద్యోగులు అడ్డదారి సంపాదనకు అలవాటు పడ్డారనే ఆరోపణలు బలంగా వినిపిస్తున్నాయి. ఎంతో కాలం నుంచి ఒకే సీటులో కొనసాగుతున్న కొందరు నిబంధనలను తుంగలో తొక్కి ఇష్టారాజ్యంగా అక్రమ సంపాదనను అలవాటు చేసుకుంటున్నారు. ఇప్పటికే పలువురు కోట్ల రూపాయల విలువైన ఆస్తులు కూడబెట్టుకున్నారు. వీరిలో చాలామంది తిరుపతి నగరంలో ఖాళీ స్థలాలు, ఇళ్ల ఫ్లాట్లు కొనుగోలు చేశారు.   
  
 సాక్షి ప్రతినిధి, తిరుపతి: ఎర్రచందనం స్మగ్లర్లను అరికట్టడంలో ఏ మాత్రం చొరవ చూపని కొందరు ఫారెస్ట్‌ ఉద్యోగులు దీపం ఉండగానే ఇల్లు చక్కబెట్టుకోవాలన్న చందాన మూడో కంటికి తెలియకుండా స్మగ్లర్లకు పరోక్షంగా సాయమందిస్తున్నారనే ఆరోపణలు బాహాటంగా వినిపిస్తున్నాయి. నాలుగు జిల్లాల్లో 5 లక్షల హెక్టార్ల విస్తీర్ణంలో విస్తరించి ఉన్న శేషాచలం అడవుల్లో ఎర్రచందనం చెట్లు ఎక్కువగా ఉన్నాయి. వీటిని నరికి దుంగలను స్మగ్లింగ్‌ చేయడానికి స్మగ్లర్లు నిత్యం ప్రయత్నిస్తూనే ఉన్నారు. వీరి ఆగడాలను అరికట్టడమే కాకుండా అన్ని రకాల అటవీ సంపదను పరిరక్షించాల్సిన బాధ్యత అటవీ శాఖ ఉద్యోగుల పైనే ఉంది. అయితే జిల్లా అటవీ శాఖలో పనిచేసే పలువురు ఉద్యోగుల పోకడ మాత్రం ఇందుకు భిన్నంగా కనిపిస్తోంది. అడ్డదారిలో సంపాదనే లక్ష్యంగా వీరు ముందుకు సాగుతున్నారన్న ఆరోపణలు వినిపిస్తున్నాయి. 
  
 మామండూరు, తిరుపతి చుట్టుపక్కల ఎఫ్‌ఆర్‌వోగా పనిచేసి భారీగా సంపాదించి పలు సందర్భాల్లో  సీఎఫ్‌వో ఆగ్రహానికి గురైన   ఉద్యోగి ఇప్పటికీ తన పంథాను మార్చుకోలేదని తెల్సింది. ఆంజనేయపురం చెక్‌పోస్టును అడ్డాగా మార్చుకుని పలువురు ఉద్యోగులు రెండు చేతులా సంపాదిస్తున్నారన్న ఆరోపణలు వినిపిస్తున్నాయి. బాలపల్లి, రైల్వేకోడూరు ప్రాంతాల్లో పనిచేసిన ఓ ఉద్యోగి తిరుపతిలో నాలుగైదు చోట్ల లక్షలు పెట్టి ఖాళీస్థలాలు కొనుగోలు చేసినట్లు తెల్సింది. ఈయన అవినీతిపై ఆరా తీసిన అటవీ అధికారులు ఒకట్రెండు సార్లు హెచ్చరించారు. గతంలో అవినీతి ఆరోపణలు ఎదుర్కొని ప్రస్తుతం టీటీడీలో పనిచేస్తోన్న ఓ అధికారి తీరులోనూ పెద్దగా మార్పులేదని సమాచారం. కొందరు ఎఫ్‌బీవో, ఏబీవో, ఎఫ్‌ఎస్‌వో, ఎఫ్‌ఆర్‌వోల, డిప్యూటీ ఎఫ్‌ఆర్‌వోలపై ఇప్పటికీ ఆరోపణలు వెల్లువెత్తుతున్నాయి. భాకరాపేట, రంగంపేట, పీలేరు ప్రాంతాల్లో పనిచేసే ఒకరిద్దరు ఉద్యోగుల తీరు కూడా ఇష్టారాజ్యంగా ఉన్నట్లు సమాచారం. సంపాదన ఎక్కడ ఏ రూపంలో ఉన్నప్పటికీ ఆయా ఉద్యోగులు ఆస్తుల కొనుగోళ్లు మాత్రం తిరుపతిలోనే జరుపుతున్నారు. అక్రమ సంపాదన సొమ్ములతో పలువురు శివజ్యోతినగర్, కొరమేనుగుంట, రేణిగుంట, పాడిపేట, మంగళం, కరకంబాడి రోడ్డుల్లో ఖాళీస్థలాలు, డబుల్, ట్రిపుల్‌ బెడ్‌రూం ఫ్లాట్లు కొనుగోలు చేసినట్లు తెల్సింది.అంగబలం, అర్థబలం ఎక్కువగా ఉన్న అధికార పార్టీ నాయకులతో సన్నిహితంగా మెలిగే మరికొందరు ఉద్యోగులు రాత్రి వేళల్లో తనిఖీలంటూ వేలకు వేలు సంపాదిస్తున్నట్లు సమాచారం.  ఉద్యోగుల తీరులో మార్పు వస్తేనే ఎర్రచందనం స్మగ్లింగ్‌ తగ్గుముఖం పడుతుందన్న అభిప్రాయం వ్యక్తమవుతోంది. ఇప్పటికైనా ఉన్నతాధికారులు దృష్టి సారించాల్సిన అవసరం ఉంది. 
  


 అక్రమంగా ఎర్రచందనం దుంగలను తరలిస్తున్న దుండగులను పట్టుకోవడానికి యత్నించిన పోలీసులపై దాడికి యత్నించారు. ఈ సంఘటన వైఎస్సార్ కడప జిల్లా సుండుపల్లి మండలం చిన్న గొల్లపల్లి అటవీ ప్రాంతంలో శుక్రవారం ఉదయం చోటుచేసుకుంది. స్థానిక రామన్నకుంట సమీపంలోని ఎర్రచందనం దుంగలు స్మగ్లింగ్ జరగుతుందనే సమాచారంతో రంగంలోకి దిగిన పోలీసులపై స్మగ్లర్లు నాగరాజు, లక్ష్మయ్య, సుబ్బయ్య కత్తులతో దాడి చేశారు. ఈ దాడుల నుంచి తప్పించుకున్న పోలీసులు ఇద్దరు దొంగలను అదుపులోకి తీసుకొని వారి వద్ద నుంచి ఏడు ఎర్రచందనం దుంగలను స్వాధీనం చేసుకున్నారు. పరారైన మరో దొంగ కోసం పోలీసులు గాలింపు చర్యలు చేపడుతున్నారు.
  


 తిరుపతి: టాస్క్‌ఫోర్స్ పోలీసులపై ఎర్రచందనం స్మగ్లర్లు దాడి చేశారు. సోమవారం కూంబింగ్ నిర్వహిస్తున్న పోలీసులకు స్మగ్లర్లు కంటపడ్డారు.  లొంగిపొమ్మని హెచ్చరికలు చేసినా పట్టించుకోకుండా వారు.. పోలీసులపై రాళ్లతో దాడి చేశారు. ఈ దాడిలో ఓ పోలీసుకు తీవ్రగాయాలయ్యాయి. దీంతో పోలీసులు ఓ రౌండ్ గాలిలోకి కాల్పులు జరిపారు.
 
 ఈ సంఘటన ముంగిలిపట్టు పరిధిలోని అక్కన్న దొన ఏరియాలో చోటుచేసుకుంది. ఈ ఘటనకు సంబంధించి నలుగురిని పోలీసులు అరెస్ట్ చేశారు. వారి నుంచి 35 ఎర్రచందనం దుంగలను స్వాధీనం చేసుకున్నారు. ఆపరేషన్ కొనసాగుతోంది.


 చిత్తూరు  పోలీసులు 2 కోట్లు విలువ చేసే ఎర్రచందనాన్ని బుధవారం తమిళనాడు రాష్ట్రం పొండూరులో స్వాధీనం చేసుకున్నారు. ఈ వివరాలు గురువారం ఏఆర్ గ్రౌండ్‌లో రాయలసీమ ఐజీ శ్రీధర్‌రావు, ఎస్పీ జయలక్ష్మీ విలేకర్ల సమావేశంలో తెలిపారు. ఆగస్టు 19వ తేదీన చంద్రగిరి పరిధిలో రాంమోహన్, అతని అనుచరులు జగన్నాధం, బాలన్‌ను ఎర్రచందనం అక్రమరవాణాకు పాల్పడుతూ ఉండగా అదుపులోకి తీసుకున్నామని వివరించారు. . పోలీసుల దాడుల్లో  ముగ్గరు మాత్రమే పట్టుబడ్డారని... మిగతా.. 13 మంది పరారైయ్యారని చెప్పారు.
  
 వీరిని విచారించగా పారిపోయిన వారిలో ప్రధాన స్మగ్లర్ కిరుబాకరాన్ అలియాస్ కిరుబా, అలియాస్ కిరుబాను తెలిసిందని చెప్పారు. వీరిని ఆగస్టు 23వ తేదీన అరెస్ట్ చేశామన్నారు.  కిరుబాకరన్ తమిళనాడు రాష్ట్రంలోని కాంచీపురం జిల్లా పెరంబదూర్ తాలూకా పొండూరు గ్రామంలో ఆటోమేటిక్ కారిడార్‌లో ఓ గోడౌన్‌లో మరో స్మగ్లర్ అయిన సెల్వరాజ్ ఇతనికి సంబంధించిన దుంగలను దాచి ఉన్నట్లు విచారణలో తేలిందని చెప్పారు. ఈ సమాచారం మేరకు బుధవారం గోడౌన్ పై దాడులు నిర్వహించి 2 కోట్ల రూపాయలు విలువ చేసే 395 దుంగలు స్వాధీనం చేసుకున్నామన్నారు. దీని బరువు సుమారు 9,586 కేజీలు (9.5) టన్నులు ఉంటుందన్నారు. వీరి వద్ద నుండి ఎర్రచందనం దుంగలతో పాటు ఈచర్ లారీ, 2 వెయిట్ మిషన్లు, 2 రంపాలు స్వాధీనం చేసుకుని గోడౌన్‌ను సీజ్ చేశామన్నారు.
 
 2014 జూలై నుంచి 1393 కేసులు నమోదు 
 2014 జూలై నుంచి ఇప్పటి వరకు 1393 కేసులను రాయలసీమలో నమోదు చేసినట్లు రాయలసీమ రేంజ్ ఐజీ శ్రీధర్‌రావు తెలిపారు. ఇందులో 6,924 మందిని అరెస్ట్ చేశామన్నారు. వీరిలో ఏపీకి చెందిన వారు 3,221 మంది ఉండగా ఇతర రాష్ట్రాలకు చెందిన వారు 3,703 మంది ఉన్నామన్నారు. ఇప్పటి వరకు 22,108 ఎర్రచందనం దుంగలు, 1016 వాహనాలను స్వాధీనం చేసుకున్నామన్నారు.


 - పట్టుబడ్ల స్మగ్లర్లు
 శంషాబాద్(రంగారెడ్డి జిల్లా)
 శంషాబాద్ విమానాశ్రయంలో కస్టమ్స్ అధికారుల తనిఖీల్లో ఇద్దరు స్మగ్లర్లు పట్టుబడ్డారు. వారి నుంచి అక్రమంగా రవాణా చేస్తున్న 792 గ్రాముల బంగారాన్ని, సుమారు రూ.22 లక్షల నగదు స్వాధీనం చేసుకున్నారు. వీరు దోహ నుంచి ఖతార్ ఎయిర్‌లైన్స్ విమానంలో శంషాబాద్‌కు బ్యాగ్‌లో పెట్టుకుని వస్తుండగా పట్టుబడ్డారు. కేసు నమోదు చేసి దర్యాప్తు చేస్తున్నారు.
 
  


 
 అక్రమాలను అరికట్టేందుకు చర్యలు 
 
 సీపీ సుధీర్‌బాబు 
 
 వరంగల్‌ : గతంలో గంజాయి కొనుగోళ్లు, అమ్మకాలకు పాల్పడిన నిందితుల పూర్తి సమాచారం సేకరించాలని వరంగల్‌ పోలీస్‌ కమిషనర్‌ జి.సుధీర్‌బాబు అన్నారు. ఆత్మకూరు పోలీ సులు గురువారం హన్మకొండ ప్రాంతానికి చెం దిన వంగ ఆనసూర్య, నరేందర్‌ను అరెస్ట్‌ చేసి వారి నుంచి రూ.10 లక్షల విలువైన 160 కిలోల ఎండు గంజాయిని స్వాధీనం చేసుకున్నారు. ఆ గంజాయిని గురువారం రాత్రి సీపీ పరిశీలించారు. ఈ సందర్భంగా మాట్లాడుతూ అససూర్య, నరేందర్‌ ముఠాగా ఏర్పడి ఆత్మకూరు పోలీస్‌ స్టేషన్‌ పరిధిలోని దామెర గ్రామం అడ్డా గా శుద్ధి చేసిన గంజాయి కొంటూ, అమ్ముతున్నారని విచారణలో తేలిందన్నారు. నర్సంపేట, వెంకటాపూర్‌ ప్రాంతాలకు చెందిన మహేందర్, ఇజ్జగిరి రవి వద్ద శుద్ధి చేసిన గంజాయిని తక్కు వ ధరకు కొనుగోలు చేసి అధిక ధరకు మహారాష్ట్రలోని నాందేడ్‌ ప్రాంతంలో అమ్ముతున్నారని వివరించా రు. కాజీపేట్‌ ఎసీపీ జనార్దన్‌ ఆదేశాల మేరకు ఆత్మకూరు పోలీసులు దామెరలో దాడు లు చేశారని తెలిపారు. నిల్వ చేసిన 160 కిలోల గంజాయి ని 2 కిలోల చొప్పున 80 ప్యాకెట్లుగా చేసి గోనే సంచిలో ఉంచి మహారాష్ట్రకు తరలించే క్రమంలో పట్టుబడ్డారని తెలి పారు. కమిషనరేట్‌ పరిధిలో గుట్కాలు, గం జాయి సరఫరాకు పాల్పడే వ్యక్తులను ఉపేక్షిం చేదిలేదని హెచ్చరించారు. గుట్కా, గంజాయి నిల్వలకు సంబంధించిన సమాచారం తెలిస్తే డయల్‌ నెం.100, పోలీస్‌ కమిషనరేట్‌ వాట్సప్‌ నెంబర్‌ 9491089257కు సమాచారం అందించాలని కోరారు. వారి వివరాలు గోప్యంగా ఉం చుతామని చెప్పారు. ఆయన వెంట కాజీపేట ఎసీపీ జనార్దన్, ఆత్మకూరు సీఐ రవికుమార్, ఎస్సై విఠల్‌ ఉన్నారు.  


 - పుష్కర విధుల్లో జిల్లా పోలీసులు
 - ఇదే అదునుగా పేట్రేగుతున్న స్మగ్లర్లు
 - శేషాచలం నుంచి పెద్ద ఎత్తున ఎర్రచందనం రవాణా
 - బుధ, గురువారాల్లో 13 మంది స్మగ్లర్లు అరెస్ట్
 - బడా స్మగ్లర్ శ్రీనివాసరెడ్డి కోసం గాలింపు
 
 సాక్షి ప్రతినిధి. తిరుపతి
  శేషాచలంలోని ఎర్ర చందనం డంప్‌లు ఒక్కొక్కటిగా బయటకొస్తున్నాయి. తమిళనాడు నుంచి వస్తోన్న ఎర్ర స్మగ్లర్లు చాకచక్యంగా ఎర్రదుంగల తరలింపును ముమ్మరం చేశారు. జిల్లా పోలీసుల్లో 80 శాతం మంది కృష్ణా పుష్కర విధులకు హాజరవడం వీరికి కలిసొచ్చింది. ఇదే సరైన అదునుగా భావించిన స్మగ్లర్లు అడవుల్లో దాచిన ఎర్రచందనం దుంగల డంప్‌లను గుట్టూచప్పుడు కాకుండా బయటకు రవాణా చేసేందుకు యత్నిస్తున్నారు. గడచిన మూడు రోజులుగా ఈ రవాణా పెరిగినట్లు టాస్క్‌ఫోర్సు అధికారులు గుర్తించారు. బుధ, గురువారాల్లో విస్తృతంగా తనిఖీలు జరిపి 13 మంది స్మగ్లర్లను అరెస్టు చేశారు. వీరి నుంచి రూ.40 లక్షల విలువైన 58 ఎర్రచందనం దుంగలను (2 టన్నులు)స్వాధీనం చేసుకున్నారు.
 
 చిత్తూరు, కడప, అనంతపురం జిల్లాల్లోని 5 లక్షల హెక్టార్ల విస్తీర్ణంలో ఉన్న శేషాచలంలో ఇంకా 30 శాతం ఎర్రచందనం చెట్లు ఉన్నాయి. ఇప్పటికే నరికిన చెట్ల తాలూకు దుంగల నిల్వలు పెద్ద ఎత్తున అడవుల్లో నిల్వ ఉన్నాయి. వీటిని బయటకు తరలించే విషయంలో ఇటు ఆంధ్ర, అటు తమిళనాడు స్మగ్లర్లు విస్తృతంగా ప్రయత్నిస్తూనే ఉన్నారు. గడచిన రెండు నెలల్లో సుమారు 20 టన్నులకు పైన ఎర్ర దుంగలను స్వాధీనం చేసుకున్న టాస్క్‌ఫోర్స్ పోలీసులు 25 మందికి పైబడి స్మగ్లర్లును అరెస్టు చేశారు. రెడ్‌శాండల్ యాంటీ స్మగ్లింగ్ టాస్క్‌ఫోర్స్‌కు చెందిన 13 బృందాలు శేషాచలంలో కూంబింగ్ నిర్వహిస్తున్నాయి. వెలిగొండ, పాలకొండ, నల్లమల, లంకమల అటవీ ప్రాంతాల్లో వీరి కూంబింగ్ జరుగుతోంది. ఈ నెల ఏడో తేదీన జిల్లాకు చెందిన 80 శాతం మంది పోలీసులు కృష్ణా పుష్కర విధులకు వెళ్లిపోయారు. దీంతో అన్ని మార్గాల్లోనూ పోలీసుల తనిఖీలు లేకుండా పోయాయి. ఇదే అదునుగా తీసుకున్న స్మగ్లర్లు రాత్రి వేళల్లో యథేచ్చగా ఎర్రచందనాన్ని రవాణా చేస్తున్నారు.
 
 13 మంది అరెస్టు ...పరారీలో ముగ్గురు
 ఇదిలా ఉండగా బుధవారం మధ్యాహ్నం ఉగ్గరాల తిప్ప దగ్గర కూంబింగ్‌లో ఉన్న టాస్క్‌ఫోర్సు పోలీసులకు ఎర్ర చందనం దుంగలను రవాణా చేసే ముగ్గురు తమిళనాడు స్మగ్లర్లు దొరికారు. వీరిని చాకచక్యంగా అరెస్టు చేసిన పోలీసులు వీరి నుంచి 58 దుంగలు (2 టన్నులు)స్వాధీనం చేసుకున్నారు. వీటి విలువ రూ.40 లక్షలు ఉంటుందని టాస్క్‌ఫోర్సు డీఎస్సీ శ్రీధర్‌రావు విలేకరులకు తెలిపారు. గురువారం ఉదయం 5 గంటలకు జూపార్కు సమీపంలోని పెరుమాళ్లపల్లి అడవుల్లో అడవిలోకి ప్రవేశిస్తోన్న ఎర్ర స్మగ్లర్లపై టాస్క్‌ఫోర్సు ఆర్‌ఎస్‌ఐ వాసు, నర్సింహయ్యల టీములు ఒక్కసారిగా దాడులు జరిపాయి.
  
 మొత్తం 10 మందిని అరెస్టు చేశారు. వీరిలో రేణిగుంటకు చెందిన కె. శివ, తిరుచ్చికి చెందిన లక్ష్మన్ సెంథిల్ కుమార్, రాసు షణ్ముగం, పిలెందిరన్ అంగముత్తు, క్రిష్టన్‌మూర్తి, రామర్ నాగరాజన్, నల్లిస్వామి పెరుమాళ్, నగరాజన్ సత్యవేల్, సంథానమ్ రవి, సంథానమ్ రాములు ఉన్నారని డీఎస్పీ శ్రీథర్‌రావు వివరించారు. వీరికి నాయకత్వం వహిస్తోన్న పేరూరి శ్రీనివాసరెడ్డి, మునస్వామి, రామానాయుడులు పరారయ్యారు. అరెస్టయిన వారి నుంచి ఓ ఆటో, ద్విచక్రవాహనాన్ని స్వాధీనం చేసుకున్నారు. బడా స్మగ్లర్ పేరూరి శ్రీనివాసరెడ్డి కోసం గాలిస్తున్నారు. సహకరిస్తోన్న అగ్రికల్చర్ కాలేజీ వాచ్‌మెన్, రైల్వే ఉద్యోగిలను విచారించేందుకు పోలీసులు సిద్ధమవుతున్నారు.


 స్మగ్లర్లు గంజాయి రవాణాకు రకరకాల పద్ధతులు అవలంబిస్తున్నారు. గంజాయిని పుచ్చకాయల లోడుతో వెళ్తున్న ఓ లారీలో దాచి రవాణా చేస్తుండగా కడియం వద్ద పోలీసుల తనిఖీల్లో బయటపడింది. ఈ సంఘటనకు సంబంధించి ఒక లారీ, టెంపో, రెండు ఎస్కార్టు కారులు స్వాధీనం చేసుకున్నారు. నలుగురు నిందితులను అరెస్ట్ చేసిన రాజమండ్రి పోలీసులు దర్యాప్తు చేస్తున్నారు. పట్టుబడిన గంజాయి సుమారు 4 టన్నులు ఉంటుంది.
 
  


 బహిరంగ వేలంతో ఎర్రబంగారానికిపెరుగుతన్న డిమాండ్
 చిత్తూరు, వైఎస్సార్ జిల్లాల్లో నుంచే రిమోట్ చేస్తున్న స్మగ్లర్లు
 తమిళనాడుకు చెందిన వారే మేస్త్రీలు, కూలీలు
  
  అంతర్జాతీయ మార్కెట్లో రోజురోజుకు డిమాండ్ పెరుగుతున్న అత్యంత అరుదైన సహజసిద్ధ జీవ ఖనిజం ఎర్రచందనం. దేశవ్యాప్తంగానే కాదు, అంతర్జాతీయ స్థాయిలోనే ఎర్రచందనానికి జిల్లా పెట్టింది పేరు. అందుకే స్మగ్లర్మ కన్ను ఎప్పటి నుంచో శేషాచలం అడవుల్లో పెరిగే ఎర్రచందనంపై పడింది. దీనికి తోడు ప్రభుత్వం ఎర్రచందనం బహిరంగ వేలాన్ని ప్రవేశ పెట్టడంతో నాణ్యమైన సరుకు కోసం ఎర్రదొంగలు దుంగల కోసం వేటను మరింత ముమ్మరం చేస్తున్నారు.
  
  
 భాకరాపేట: రాష్ట్ర ప్రభుత్వం ఎర్రచందనాన్ని బహిరంగ వేలం వేయుడంతో అంతర్జాతీయుంగా డిమాండ్ ఏర్పడింది. స్మగ్లర్లు ఇక్కడ పెరిగే ఎర్ర చందనం వృక్షాలను విపరీతంగా నరికివేస్తూ బ్లాక్ మార్కెట్‌కు తరలిస్తున్నారన్నది జగమెరిగిన సత్యం. అడవికే వచ్చి నెంబర్ 1 క్వాలిటీ సరుకు తెచ్చే కూలీలకు స్మగ్లర్లు అధిక పారితోషికం ఇచ్చేందుకు కూడా ఒప్పందం కుదర్చుకుంటున్నారు. గత 20 ఏళ్ల క్రితం ఎర్రచందనం చె ట్లకు ఫారెస్టు శాఖ నెంబర్ ప్లేట్లు వేసింది. ప్రస్తుతం వాటినే కూలీలు నరకి వేస్తుండడంతో ఆ శాఖ ఏమీ చేయాలో దిక్కు తెలియని స్థితిలో ఉంది.
 
 చిత్తూరు, వైఎస్సార్ జిల్లాల నుంచే రిమోట్
 చిత్తూరు,కడప, నెల్లూరు జిల్లాల  సరిహద్దుల్లో ఎర్రచందనం ఎక్కువగా ఉండడంతో ఈ జిల్లాలకు చెందిన స్మగ్లర్లు అక్కడే ఉంటూ కూలీలను రిమోట్ చేస్తున్నారనేది అందరికీ తెలిసిందే. గతంలో కూలీలు చెట్లను 2 నుంచి 4 అడుగులు వరకు మొదుళ్లు వదలి నరికేవారు. ఇప్పుడు డివూండ్‌తో పాటు క్వాలిటీకి ప్రాధాన్యం ఇవ్వడంతో ప్రస్తుతం వాటిపై కన్నుపడింది. రాష్ట్ర ప్రభుత్వం ఎర్రచందనం అరికట్టడంలో విఫలం అరుుందనే చెప్పా లి. సాక్షాత్తు రాష్ట్ర వుుఖ్యవుంత్రి చంద్రబాబునాయుుడు సొంత జిల్లా వారే ఎర్రచందనం తరలించడంలో సిద ్ధహస్తులు. వీరిని వదలి తమిళనాడులో ఉండే కూలీలకు అవగాహన కల్పించడంపైనా వివుర్శలు వస్తున్నాయి. వేలం లో ఏ గ్రేడ్ ఎర్ర దుంగలు విలువ ఒక్కసారిగా అవూం తం టన్ను ధర రూ.1.40 కోట్లు పలకగా స్మగ్లర్లు టన్ను రూ.60 లక్షలకే సరఫరా చేస్తున్నా రు. దీంతో రాష్ట్రప్రభుత్వం పలు డిపోల్లో ఉన్న ఎర్రచందనం దుంగలకు డ్రెస్సింగ్ చేసి రేణిగుంట డిపోకు తరలించినట్లు సమాచారం .
  .
  
 అడవిలోకి వెళ్లకుండా అడ్డుకుంటున్నాం
 అడవికి వెళ్లే వూర్గాల వద్దనే కాపు కాసి అడ్డుకుంటూ, నిరోధించేందుకు కృషి చేస్తున్నాం. గత రెండు నెలల్లోనే సువూరు 10 గ్రూపులను అడవిలోకి వెళ్లక వుుందే నిరోధించాం. అరుుతే పటిష్ట చర్యలు చేపట్టాం. ఎంతటి వారైనా వదిలే ప్రసక్తే లేదు. ప్రభుత్వం కూడా చాలా సీరియుస్‌గా ఉంది.  - రఘునాథ్, భాకరాపేట ఫారెస్టు రేంజర్
  
  
  


 ♦ శేషాచలం, నల్లమల్ల అడవులను టార్గెట్ చేస్తున్న స్మగ్లర్లు
 ♦ అడవి బాగా తెలిసిన వారి ద్వారా కదులుతున్న వైనం
 ♦ ఎర్రచందనంపైనే దృష్టిపెట్టిన పోలీసులు
 ♦ ఇదే అదునుగా ఎల్లలు దాటిస్తున్న అక్రమార్కులు
 ♦ చెట్లను నరికి చిన్నచిన్న  మొద్దులుగా చేసి సూట్‌కేసుల్లో  తరలిస్తున్నట్లు ప్రచారం
 ♦ రెండింటిపై  దృష్టిపెట్టామన్న ఎస్పీ
 సాక్షి, కడప :  అందరి దృష్టి ఎర్రచందనంపైనే... అటు పోలీసులు, ఇటు ఫారెస్టు అధికారులు ఎర్రచందనం ఎల్లలు దాటకుండా ఉండేందుకు ఎక్కడచూసినా చెక్‌పోస్టులు.. చెకప్‌లు... అడవిలో కూంబింగ్‌లు కొనసాగిస్తూనే ఉన్నారు. అయితే కొంతమంది స్మగ్లర్లు రూట్‌మార్చారు. నిఘా బాగా పెరిగిన నేపథ్యంలో ఎర్రచందనాన్ని వదిలేసి శ్రీగంధం చెట్లపై దృష్టిసారించినట్లు తెలుస్తోంది. శేషాచలం, నల్లమల అడవుల్లో అరుదుగా లభించే శ్రీగంధాన్ని నరికి సరిహద్దులు దాటిస్తున్నారు. పైగా గంధపు చెట్లను నరికి చిన్నచిన్న మొద్దులుగా తయారు చేసి వాటిని సూట్‌కేసుల్లో భద్రపరిచి జాగ్రత్తగా అడవులు దాటిస్తున్నట్లు తెలియవచ్చింది. అలవాటైన కొంతమంది పోలీసు, ఫారెస్టు అధికారులకు మామూళ్లు సమర్పిస్తూ అదను చూసి అక్రమంగా తరలించుకుపోతున్నట్లు తెలుస్తోంది.
 అడవిపై పట్టున్న వారి ద్వారా సేకరణతమిళనాడు ప్రాంతంలో పేరుమోసిన స్మగ్లర్ వీరప్పన్ అనుచరులుగా ముద్రపడిన కొంతమంది అనుభవజ్ఞులైన వారి ద్వారా శ్రీగంధం చెట్ల నరికివేత జరుగుతున్నట్లు విశ్వసనీయ సమాచారం. ఎందుకంటే ఎర్రచందనం చెట్లతో పోలిస్తే నల్లమల, శేషాచలం అడవుల్లో శ్రీగంధం చెట్లు చాలా తక్కువ. అయితే రేటు మాత్రం చాలా ఎక్కువ. ప్రస్తుత పరిస్థితుల్లో శ్రీగంధమే మేలని భావించిన కొంతమంది స్మగ్లర్లు ఈ దిశగా అడుగులు వేస్తున్నారు. అరుదుగా శ్రీగంధం చెట్లు ఉండటంతో అడవిపై పట్టున్న వారు మాత్రమే చెట్లు ఎక్కడెక్కడ ఉండేది గుర్తు పట్టగలరు. వారి సహకారంతోనే అడవుల్లో రంగప్రవేశం చేస్తున్న కొందరు అక్రమార్కులు గుట్టుచప్పుడు కాకుండా సరిహద్దులు దాటిస్తున్నారు.
 సూట్‌కేసుల్లో తరలింపు
 స్మగ్లర్లు తెలివిగా శ్రీగంధం చెట్లను నరికి చిన్నచిన్న మొద్దులుగా తయారు చేసి సూట్‌కేసుల్లో భద్రపరిచి తరలిస్తున్నారు. వాటిని రాయచోటి మీదుగా బెంగళూరుకు తరలిస్తున్నారని, మరోపక్క హైదరాబాద్, కేరళ, తమిళనాడు లాంటి ప్రాంతాలకు కూడా పంపిస్తున్నట్లు తెలిసింది. ఇటీవలే చిన్నచిన్న మొద్దులను బాక్సుల్లో పెట్టి ఓ ప్రైవేటు బస్సుల్లో లగేజీ కింద పెట్టి ఇక్కడి నుంచి పంపగా.....హైదరాబాద్‌లో సంబంధిత వ్యక్తులు వచ్చి హడావుడిగా తీసుకెళ్లారు. అయితే సమాచారం అందుకున్న పోలీసులు హైదరాబాద్‌లో బస్సును తనిఖీ చేసే సమయానికే దుంగలను తరలించుకుపోవడంతో వ్యవహారం బట్టబయలు కాలేదు. అప్పటి నుంచి పోలీసులు ప్రైవేటు బస్సుల యజమానులకు జాగ్రత్తలు సూచించారు. ఏది ఏమైనా  స్మగ్లర్లు ఎప్పటికప్పుడు ఎత్తుకుపైఎత్తులు వేస్తూ విలువైన దుంగల్ని తరలించుకుపోతున్నారు.
 ఏది తరలించినా వదలం : ఎస్పీ
 ప్రత్యేకంగా ఎర్రచందనం అక్రమ రవాణా నివారణకు అవసరమైన అన్ని చర్యలు తీసుకుంటున్నామని ఎస్పీ పీహెచ్‌డీ రామకృష్ణ స్పష్టం చేశారు. ఎర్రచందనాన్ని, శ్రీ గంధంను తరలించే వారిని వదిలిపెట్టే సమస్యే లేదని తేల్చిచెప్పారు. పోలీసులపై కూడా ఆరోపణలు రాకుండా ఇక నుంచి రొటేషన్ పద్ధతిలో....జిల్లాలోని అన్ని పోలీసుస్టేషన్ల పరిధిలోని కానిస్టేబుల్ నుంచి సీఐ వరకు అందరినీ వినియోగించుకుంటామని తెలియజేశారు. అంతేకాకుండా చందనం అక్రమ రవాణా నివారణకు టాస్క్‌ఫోర్స్, లీగల్, కూంబింగ్, ఇతర రాష్ట్రాల్లో ఉన్న స్మగ్లర్లను పట్టుకొచ్చేందుకు ప్రత్యేక టీంలను ఏర్పాటు చేస్తున్నట్లు వివరించారు. అలాగే డ్రోన్ కెమెరాలను ఏర్పాటు చేసి ఎప్పటికప్పుడు సంఘటనా ప్రాంతాన్ని పసిగట్టి ఎర్రస్మగ్లర్ల ఆట కట్టించేందుకు వ్యూహాలు రచించామని ఆయన వివరించారు.


 ► మొక్కలు నాటే కీలక సమయంలో చేతులెత్తేసిన అధికారులు
 ►  సెలవుల్లో వెళ్లిన డీఎఫ్‌వో
 ► ఇక్కడ పనిచేసేందుకు జంకుతున్న అధికారులు
 ► అస్తవ్యస్తంగా సామాజిక వన విభాగం
 ►  ప్రశ్నార్థకంగా హరితహారం అమలు
  
  
 సాక్షి ప్రతినిధి, ఆదిలాబాద్ : అడవిలో తిరగాల్సిన పనిలేదు.. కలప స్మగ్లర్లతో గొడవేలేదు.. కేవలం మొక్కల పెంపకం, నర్సరీల నిర్వహణ పనులు చూసుకుంటే సరిపోతుంది.. పైగా హరితహారం కార్యక్రమం పేరుతో రూ.కోట్లలో నిధులు.. ఇలా అటవీ శాఖ సామాజిక వన (సోషల్ ఫారెస్టు) విభాగంలో పనిచేసేందుకు సాధారణంగా అధికారులు, సిబ్బంది పోటీ పడుతుంటారు. కానీ.. ఇప్పుడు జిల్లాలో ఈ పరిస్థితులకు భిన్నంగా తయారైంది. నిధులు దేవుడెరుగు.. ఇప్పుడు ఈ విభాగంలో పనిచేయాలంటే అధికారులు జంకుతున్నారు. కార్యాలయంలో కీలక అధికారులు సైతం సెలవుబాట పట్టారు. వర్షాకాలం ఆరంభమైంది.. అందులోనూ మొక్కలు నాటే సీజన్ ఇది. ప్రభుత్వం హరితహారం కార్యక్రమాన్ని ప్రతిష్టాత్మకంగా అమలు చేస్తోంది. ఈ కార్యక్రమం అమలులో కీలక పాత్ర పోషించాల్సిన సోషల్ ఫారెస్టు విభాగానికి ప్రస్తుతం దిక్కూమొక్కు లేకుండా పోయింది.
 
 ఇటీవల సోషల్ ఫారెస్టు డీఎఫ్‌వోగా బాధ్యతలు తీసుకున్న గోపాల్‌రావు వారం రోజుల క్రితం సెలవుల్లో వెళ్లిపోయారు. కార్యాలయంలో పాలనా వ్యవహారాలు చూడాల్సిన సూపరింటెండెంట్ కూడా కొన్ని రోజులుగా సెలవుల్లో ఉంటున్నారు. సోషల్ ఫారెస్టు డీఎఫ్‌వోగా పనిచేసేందుకు టెరిటోరియల్ తదితర విభాగాల్లో పనిచేస్తున్న డీఎఫ్‌వోలెవరూ ముందుకు రావడం లేదని సమాచారం. దీంతో ఆసిఫాబాద్ సబ్ డీఎఫ్‌వోగా పనిచేస్తున్న శ్రీనివాసరావుకు సోషల్ ఫారెస్టు డీఎఫ్‌వో బాధ్యతలు అప్పగించారు. కొన్ని నెలలుగా ఖాళీగా ఉన్న రెండు ఎఫ్‌ఆర్‌వోల స్థానాల్లో పనిచేసేందుకు కూడా ఎవ్వరూ ముందుకు రావడం లేదని సమాచారం.
 
 
  ఎందుకీ పరిస్థితి..?
 రాష్ట్రంలో ఉన్న పచ్చదనాన్ని 33 శాతానికి పెంచడమే లక్ష్యంగా ప్రభుత్వం హరితహారం పథకాన్ని ప్రతిష్టాత్మకంగా అమలు చేస్తోంది. ఇందుకోసం జిల్లాకు రూ.వందల కోట్లు మంజూరు చేసింది. మొదటి విడతలో ఈ కార్యక్రమానికి భారీగా నిధులు వచ్చాయి. ఇది అక్రమార్కులకు వరంగా మారింది. మొక్కల కొనుగోళ్ల పేరుతో భారీగా అక్రమాలకు పాల్పడ్డారు. అటవీ శాఖలో పనిచేస్తున్న అధికారులే బినామీ ఏజెన్సీలను సృష్టించి రూ.లక్షల్లో నిధులు కాజేశారు. మొక్కలను కొనుగోలు చేసినట్లు.. వాటిని నాటినట్లు రికార్డులు సృష్టించి వచ్చిన నిధులను కలిసి పంచుకున్నారు. మరోవైపు నర్సరీల పెంపకంలోనూ భారీ అక్రమాలకు పాల్పడ్డారు. నర్సరీల నిర్వహణ పేరుతో వచ్చిన నిధులను చాలాచోట్ల పక్కదారి పట్టించారు.
 
 రాజకీయ అండదండలుండటంతో అడిగే నాథుడే లేకుండా పోయాడు. రూ.కోట్లలో హరితహారం నిధులు పక్కదారి పట్టడంపై తీవ్ర విమర్శలు వ్యక్తమయ్యాయి. ఈ మేరకు రాష్ట్ర ఉన్నతాధికారులకు పలు ఫిర్యాదులు వెళ్లడంతో ఈ అక్రమాలపై విచారణ చేపట్టారు. ఫ్లయింగ్ స్క్వాడ్ విభాగంతో శాఖ పరమైన విచారణ జరిగింది. ఈ అక్రమాలన్నీ వాస్తవమేనని తేలడంతో ఏకంగా సోషల్ ఫారెస్ట్ డీఎఫ్‌వోతో పాటు, ఇద్దరు రేంజ్ ఆఫీసర్లపై కూడా సస్పెన్షన్ వేటు పడింది. ఈ హరితహారం అక్రమాలు ఇటు టెరిటోరియల్ విభాగానికి కూడా పాకింది. హరితహారం కోసం వచ్చిన నిధులను సొంతానికి వాడుకున్నారనే ఆరోపణలపై ఇటీవల మరో అధికారిని కూడా సస్పెండ్ చేశారు. ఇలా అస్తవ్యస్తంగా మారిన సోషల్ ఫారెస్టు విభాగంలో జరిగిన భారీ అవినీతి అక్రమాల తలనొప్పులు తమకెందుకనే ఉద్దేశంతో ఈ విభాగంలో పనిచేసేందుకు అధికారులెవరూ ముందుకు రావడంలేదనే అభిప్రాయం వ్యక్తమవుతుంది.
 
 పైగా రాజకీయ ఒత్తిళ్లకు తలొగ్గి నిబంధనలకు విరుద్ధంగా పనులు చేయాల్సి వస్తుందనే భయంతో ఇక్కడ పనిచేసేందుకు డీఎఫ్‌వోలు ముందుకు రావడం లేదనే చర్చ ఆ శాఖ వర్గాల్లో సాగుతోంది. సస్పెన్షన్‌కు గురైన డీఎఫ్‌వో స్థానంలో కొన్ని రోజుల క్రితం గోపాల్‌రావును నియమించారు. తీరా వర్షాకాలం ప్రారంభమై హరితహారం మొక్కలు నాటే కీలక సమయంలో ఆయన కూడా సెలవుల్లో వెళ్లిపోయారు. దీంతో ఆసిఫాబాద్‌లో ఉండే సబ్ డీఎఫ్‌వోకు ఈ బాధ్యతలు అప్పగించాల్సిన పరిస్థితి నెలకొంది.
 
 
  వెలుగులోకి వాస్తవాలు..
  హరితహారం పథకం వాస్తవాలను పరిశీలించేందుకు ముఖ్యమంత్రి కార్యదర్శి ప్రియంక వర్గీస్ ఇటీవల జిల్లాకు వచ్చి సమీక్ష సమావేశం నిర్వహించారు. జిల్లాలో గతేడాది లక్షల్లో మొక్కలు నాటి నిధులు డ్రా చేసినప్పటికీ, బతికిన మొక్కలెన్నీ.. నిర్దేశిత లక్ష్యం ఏ మేరకు నెరవేరింది.. అనే అంశాలపై వాస్తవ పరిస్థితులు విరుద్ధంగా ఉండటంతో ఆమె తీవ్ర అసంతృప్తి వ్యక్తం చేశారు. వివిధ శాఖల సమన్వయంతో మొక్కలు నాటినా వాటి పెంపకం బాధ్యతలను ఆయా శాఖలు గాలికొదిలేసాయి. కనీసం ఎన్ని మొక్కలు బతికి ఉన్నాయనే సమాచారం ఏ ఒక్క శాఖ వద్ద కూడా లేదంటే ఈ హరితహారం అమలు తీరు తీవ్ర విమర్శలకు దారితీసింది. ప్రియంక వర్గీస్ పర్యటన ముగిసిన వెంటనే డీఎఫ్‌వో గోపాల్‌రావు సెలవుపై వెళ్లడం గమనార్హం.


 మన్యంలో విసృ్తతంగా గంజాయి వ్యాపారం
 భారీగా పట్టుబడుతున్న సరకు
 రెండు నెలల్లో సుమారు 40 మంది అరెస్ట్
 దొరికే వారంతా చోటామోటాలే  స్మగ్లర్లతో చేతులు కలుపుతున్న పోలీస్
  
 పెద్దఎత్తున గంజాయి పట్టివేత.. నిందితుల అరెస్టు... ఇది నిత్యం మనకు పత్రికల్లో కనిపించే వార్త. అయితే పోలీసులకు దొరుకు తున్నదంతా చోటామోటా నిందితులే.. దీని వెనక ఉండే అసలు స్మగ్లర్లు మాత్రం చిక్కరు. పోలీసులు కూడా ఎవరైనా సమాచారం ఇస్తేనే దాడులు చేస్తున్నారు తప్ప స్వతహాగా  దాడులు నిర్వహించే సందర్భాలు అరుదు. కొన్ని చోట్ల స్మగ్లర్లతో పోలీసులు చేతులు కలుపుతుండటంతో గంజాయి రావాణా  సాఫీగా సాగిపోతోంది.    
  
 విశాఖపట్నం: గంజాయి రవాణాపై విస్తృతంగా దాడులు నిర్వహిస్తున్న చిన్నచిన్న నిందితులే దొరుకుతున్నారు తప్ప అసలు నేరస్తులు మాత్రం పట్టుబడటంలేదు. మన్యంలో గంజాయి సాగు అడ్డూ అదుపూ లేకుండా జరుగుతోంది. ఇతర రాష్ట్రాల నుంచి ఇక్కడికి వచ్చి వ్యాపారులు గిరిజనులతో గంజాయి సాగు చేయిస్తున్నారు. అమాయక గిరిజన యువకులకు ఆశలు కల్పించి అక్రమంగా గంజాయిని  ఏజెన్సీ నుంచి బయటకు తెప్పిస్తున్నారు. దానిని ఇతర రాష్ట్రాలకే కాకుండా విదేశాలకు సైతం ఎగుమతి చేస్తున్నారు. దీనిపై గత మార్చిలో ‘సాక్షి టాస్క్‌ఫోర్స్’ సమగ్ర కధనం ప్రచురించడంతో ఎకై ్సజ్ శాఖ మంత్రి కొల్లు రవీంద్ర స్పందించి గంజాయి సాగు, రవాణా నియంత్రణకు ప్రత్యేక కార్యాచరణ రూపొందిస్తామని ప్రకటించారు. ఓ కమిటీని వేస్తామన్నారు. కానీ ఇంత వరకూ ఆ మాటలు ఆచరణకు నోచు కోలేదు. దీంతో మన్యంలో గంజాయి అక్రమ రవాణా యథేచ్ఛగా సాగుతోంది.
  
 ఇంటి దొంగలు.. : కొందరు పోలీసులు స్మగ్లర్లతో చేతులు కలిపి, వారి నుంచి ముడుపులు తీసుకుని రవాణాకు సహకరిస్తున్నారు. కొద్ది నెలల క్రితం పాయకరావుపేటలో నకిలీ ఎస్‌ఐ పోలీసులకు దొరికాడు. నాతవరం పోలీస్‌స్టేషన్ కానిస్టేబుళ్లు కొండయ్య, సత్యనారాయణ  రూ.2లక్షలు తీసుకుని పట్టుబడ్డారు. వారిని పోలీసులు కటకటాల వెనక్కు పంపించారు. పోలీసులు వెళ్లలేని చోట, వారి సంచారం లేని సమయంలో నకిలీలు రంగ ప్రవేశం చేసి స్మగ్లర్ల నుంచి సొమ్ములు దండుకుంటున్నారు. కొందరు పోలీసులు వీరి గురించి తెలిసి కూడా చూసీ చూడనట్లు వ్యవహరిస్తున్నారు. వారి దందాలో వాటాలు తీసుకోవడం వల్లనే వదిలేస్తున్నారనే ఆరోపణలు ఉన్నాయి.
  
 తోటలపై దాడులు ఏవీ? : స్మగ్లర్ల మధ్య భేదాభిప్రాయాల వల్ల వారిలో కొందరు పోలీసులకు సమాచారం ఇస్తున్నారు. అలా వచ్చిన సమాచారంతోనే రవాణాపై దాడులు చేస్తున్నారు. గత ఏప్రిల్ నుంచి ఇప్పటి వరకూ సుమారు కేసులు నమోదు చేశారు. 40 మంది వరకు పట్టుబడ్డారు.  నాలుగు వేల కేజీలకు పైగా గంజాయిని పట్టుకున్నారు. 13 వాహనాలు స్వాధీనం చేసుకున్నారు. అయితే పట్టుబడుతున్న వారంతా కేవలం కొరియర్లు, కూలీలు, అమాయక గిరిజనులు మాత్రమే. అసలు నేరస్ధులు ఎప్పుడూ సేఫ్ జోన్‌లోనే ఉంటున్నారు. ఇక సాగు భూముల్లో గంజాయి పంటలను ధ్వంసం చేసేందుకు మాత్రం పోలీసులు సాహసించడం లేదు. ఏడాదికి రెండు మూడు సార్లు నామ మాత్రంగా రోడ్డు పక్కన ఉన్న తోటలను కొద్దిగా ధ్వంసం చేస్తుంటే స్థానిక గిరిజన రైతుల నుంచి తీవ్ర ప్రతిఘటనతో పాటు రాజకీయ వత్తిళ్లు ఎదుర్కొంటున్నారు. పైగా అడవి లోపలికి వెళ్లి తోటలు ధ్వంసం చేస్తే అక్కడి నుంచి పంటను బయటకు తరలించడం చాలా కష్టం. ఈ నేపధ్యంలో తోటలు ధ్వంసం చేయడమే మానేస్తున్నారు.
  
 రవాణా సాగుతోందిలా..:  జీకేవీధి, చింతపల్లి, జి.మాడుగుల, పెదబయలు, ముంచంగిపుట్‌లతో పాటు ఆంధ్రా-ఒరిస్సా సరిహద్దు (ఏవోబీ)లో 150 గ్రామాల్లో గంజాయి భారీగా సాగవుతోంది.  వేల ఎకరాల్లో 6 వేల టన్నుల గంజాయిని ఏటా పండిస్తున్నారు. ఈ ప్రాంతాల్లో అధిక భాగం మావోయిస్టులకు పట్టున్న ప్రాంతాలే కావడం విశేషం.
  
 వేలాది ఎకరాల్లో ఏజెన్సీలో పండించిన గంజాయిని ఆరు నుంచి ఎనిమిది ప్రధాన, 120 ఇతర మార్గాల్లో పాడేరు, చింతపల్లి, సీలేరు, అరకు ఘాట్‌ల నుంచి మైదాన ప్రాంతాల మీదుగా హైదరాబాద్‌తో పాటు గోవా, కేరళ, తమిళనాడు వంటి రాష్ట్రాలకు తరలిస్తున్నారు. అక్కడి నుంచి ఇతర దేశాలకు స్మగ్లింగ్ చేస్తున్నారు. దీని కోసం ఇతర రాష్ట్రాల నుంచి స్మగ్లర్లు వచ్చి ఇక్కడి గిరిజనులు, యువత, విద్యార్థుల సహకారం తీసుకుంటున్నారు. విశాఖ ఏజెన్సీని గంజాయిని పట్టుకెళ్లేందుకు వచ్చిన  స్మగ్లర్లలో మహారాష్ట్రకు చెందిన నలుగురి, ఒడిశా రాష్ట్రం బరంపురానికి చెందిన ఒకరిని పోలీసులు నాలుగు రోజుల క్రితం పాడేరు, నర్సీపట్నంలో పట్టుకున్నారు.  వాహనాల్లో గంజాయి రవాణాకు ప్రత్యేక మార్పులు చేస్తున్నారు. ఆయుధాలు కూడా వెంటబెట్టుకుంటున్నారు. ఇటీవల పాడేరులో ఓ వ్యాపారి వద్ద ఆయుధాలు కూడా పట్టుబడ్డాయి. ఒక్కో బస్తా ఖరీదు రకాన్ని బట్టి రూ.5 వేల నుంచి రూ.16 వేల వరకూ ఉంటోంది. 
  


 అమృత్ సర్: దేశంలోకి అక్రమంగా చొరబడడానికి ప్రయత్నించిన స్మగ్లర్లను బీఎస్ఎఫ్ దళాలు కాల్చి చంపాయి. భద్రతా దళాలకు, స్మగ్లర్లకు  జరిగిన కాల్పుల్లో ఇద్దరు పాకిస్థాన్ స్మగ్లర్లు మృతి చెందగా, ఒక బీఎస్ఎఫ్ జవానుకు గాయాలయ్యాయి. పంజాబ్ లోని ఫజిల్కా ప్రాంతంలోఆదివారం ఈ ఘటన జరిగింది. స్మగ్లర్ల   నుంచి 15 నార్కోటిక్, హెరాయిన్ ప్యాకెట్లను, ఆయుధాలను స్వాధీనం  చేసుకున్నట్లు అధికారులు వెల్లడించాయి.
  


 రంగారెడ్డి జిల్లాలో పట్టుబడిన 100కు పైగా ఒంటెలు
 
  బంట్వారం: రాజస్థాన్ నుంచి తెలుగు రాష్ట్రాలకు ఒంటెలను యథేచ్ఛగా స్మగ్లింగ్ చేస్తున్నారు. శుక్రవారం కర్ణాటక సరిహద్దులో ఉన్న రంగారెడ్డి జిల్లా బంట్వారం మండలం బొప్పునారం సమీపం నుంచి 100కు పైగా ఒంటెలను తరలిస్తుండగా స్థానిక పోలీసులు పట్టుకున్నారు. పదిమంది కూలీలు వీటిని అటవీ మార్గంలో తీసుకెళ్తున్నారు. ఈ విషయంపై పీపుల్ ఫర్ ఎనిమల్ సొసైటీ సభ్యుల నుంచి డీజీపీ, ఎస్పీలకు సమాచారం అందింది. వారి ఆదేశం మేరకు స్థానిక పోలీసులు ఒంటెలను అడ్డుకున్నారు.
 
 స్మగ్లర్లు తాండూరు మీదుగా హైదరాబాద్, ఏపీలోని కడపకు వాటిని తరలిస్తున్నట్టు తెలిసింది. పశు వైద్యాధికారులు ఒంటెలను పరీక్షించగా.. దాదాపు 90శాతం మేరకు అవి ఆరోగ్యంగానే ఉన్నట్లు వారు నిర్ధారించారు. ఈ నెల 6న రంజాన్ మాసం ప్రారం భం కానున్న నేపథ్యంలో వాటిని వధించేందుకు తీసుకెళ్తున్నట్టు సమాచారం.


 చిత్తూరు జిల్లా భాకరాపేట సమీపంలోని శేషాచలం అడవుల్లో ఇద్దరు ఎర్రచందనం స్మగర్లను గురువారం అర్ధరాత్రి అటవీ, టాస్క్‌ఫోర్స్ పోలీసులు అదుపులోకి తీసుకున్నారు. మరికొందరు స్మగ్లరు పరారయ్యారు. సంఘటనా స్థలం నుంచి కొన్ని ఎర్రచందనం దుంగలను స్వాధీనం చేసుకున్నారు. పరారైన వారి కోసం టాస్క్‌ఫోర్స్ దళాలు కూంబింగ్ చేపట్టాయి.
 
  


 ► పరస్పరం ఫిర్యాదులు
 ► కొందరికి అధికార పార్టీ  నేతల అండ
 ► వారిని పట్టించుకోని అధికారులు
  
 బీవీపాళెం(తడ) : చెన్నై కేంద్రంగా కొందరు ట్రాన్స్‌పోర్టర్లు సరుకుల ఎగుమతులు, దిగుమతులు చేస్తుంటారు. వారంతా సరుకు పరిస్థితిని బట్టి రవాణా చార్జీలు వసూలు చేస్తారు. ఈ క్రమంలో కొన్ని సరుకులను బిల్లులు లేకుండా రవాణా చేస్తుంటారు. చెన్నైలో కొనుగోలు చేసిన సరుకును ఎలాంటి పన్నులు చెల్లించకుండానే మన రాష్ట్రానికి చేరుస్తున్నారు. ఇదే క్రమంలో ఆంధ్రా వైపు నుంచి కూడా కొన్ని వస్తువులను సరిహద్దులను దాటిస్తున్నారు. ఇందుకు గానూ వ్యాపారుల నుంచి భారీగా వసూలు చేస్తారు. మధ్యలో వాహనాలను అధికారులు పట్టుకోకుండా ఎప్పటికప్పుడు ముడుపులు అందజేస్తుంటారనే ఆరోపణలు ఉన్నాయి.
 
 తాజాగా ట్రాన్స్‌పోర్టర్ల ముసుగులో కొందరు స్మగ్లర్లు రంగ ప్రవేశం చేశారు. వీరి ద్వారా సరుకుల రవాణా చేస్తే పెట్టుబడి తక్కువగా ఉంటుందని ఎక్కువమంది వ్యాపారులు వారి వైపే మొగ్గుచూపుతున్నారు. ఎక్కువగా నిత్యావసర సరుకులు, సుగంధ ద్రవ్యాలతో పాటు వివిధ రకాల ఎలక్ట్రానిక్ వస్తువులు, నిషేదిత గుట్కాలు, పాన్‌మసాలాలను ట్రాన్స్‌పోర్టర్ల ముసుగులోని స్మగ్లర్లు యథేచ్ఛగా సరిహద్దులు దాటించేస్తున్నారు.
 
 
 వివాదాలతో   రచ్చకెక్కిన వ్యవహారం
 గతంలో కొద్దిమంది మాత్రమే ఇలా వ్యాపారం సాగించేవారు. ప్రస్తుతం ఇలాంటి వ్యాపారాలు సాగించే వారు బాగా పెరిగిపోయారు. దీంతో పోటీ పెరిగి వ్యాపారులను తమ ట్రాన్స్‌పోర్ట్ వైపు ఆకర్షించేందుకు స్మగ్లర్లు ఎత్తుగడలు మొదలుపెట్టారు. సూళ్లూరుపేట, గూడూరు, వెంకటగిరి, నెల్లూరు ప్రాంతాలు చెన్నైకి దగ్గరలో ఉండటంతో ఆయా ప్రాంతాల్లో కార్యాలయాలు ఏర్పాటు చేసుకుని ఒకరిపై ఒకరు అధికారులకు ఫిర్యాదులు చేస్తూ అవతలి వారి వాహనాలను పట్టించే పనులను మొదలుపెట్టారు. ఇందులోనూ అధికారులు పక్షపాతంగా వ్యవహరిస్తున్నారు. అధికార పార్టీకి అనుకూలంగా ఉండే రవాణాదారులకు వత్తాసు పలుకుతున్నారు. ప్రస్తుత పరిస్థితుల్లో అధికార పార్టీ నాయకుల అండతో జీరో దందా వ్యాపారం సాగిస్తున్న రవాణాదారులను ఏ అధికారీ ఎదుర్కొనే పరిస్థితి లేదు.
  
  
 గుట్టుగా సాగిపోతున్న జీరోదందా స్మగ్లర్ల మధ్య వివాదాల నేపథ్యంలో మరోమారు రచ్చకెక్కింది. ఇటీవల ఓ వర్గానికి చెందిన పార్శిల్ లారీని అధికారులు పట్టుకోవడంతో, సంబంధిత వ్యక్తులు చెక్‌పోస్ట్‌కు వచ్చి చేసిన హడావుడి చర్చనీయాంశంగా మారింది. మరోవైపు అధికారులు కూడా స్మగ్లర్లలో ఓ వర్గానికి కొమ్ముకాస్తున్నారనే ఆరోపణలు వెల్లువెత్తుతున్నాయి.


 చిత్తూరు: చిత్తూరు జిల్లాలోని కండ్రిగ మండలం కారనిమిట్టలో పోలీసులపై ఎర్రచందనం స్మగ్లర్లు దాడులకు పాల్పడ్డారు. అందిన పక్కా సమాచారం మేరకు పోలీసులు సోమవారం కారనిమిట్టలోని మామిడి తోటలో ఎర్రచందనం డంపింగ్పై దాడులు చేశారు. దాంతో పోలీసులపై స్మగ్లర్లు దాడికి పాల్పడటంతో ఏడుగురి స్మగ్లర్లను పోలీసులు అరెస్ట్ చేశారు.
 
 మరో ఐదుగురు పరారైనట్టు పోలీసులు తెలిపారు. ఎర్రచందనం స్మగ్లర్ల నుంచి రూ. 10 లక్షల విలువైన ఎర్రచందనం, మారణాయుధాలను పోలీసులు స్వాధీనం చేసుకున్నారు.


 ► వారంతా కుమ్ముక్కయ్యారు
 ► చేతులు మారిన రూ.3 కోట్లు
 ► ఆ రెండు రాత్రుల్లో టేకు చెట్ల నరికివేత
 ► నివేదిక కోరిన కేంద్ర అటవీ, పర్యావరణశాఖ
 ► కేసును నీరుగార్చే పనిలో టీడీపీ నేతలు
  
 తిలాపాపం.. తలాపిడికెడు అన్నచందంగా టేకుచెట్ల నరికివేతలోఅధికారులు పాత్ర బయటపడింది. శ్రీవేదగిరి నరసింహస్వామిదేవస్థాన భూముల్లో ఉన్న విలువైన టేకు, మామిడి, కొబ్బరి, వేప చెట్లను టీడీపీ నాయకుడు నరికివేసిన విషయం తెలిసిందే. అందులో కొందరు రెవెన్యూ, అటవీ, దేవాదాయశాఖ అధికారుల ప్రమేయం ఉన్నట్లుగా ప్రాథమిక విచారణలో వెల్లడైంది. టీడీపీ నేతతో కుమ్ముక్కైన అధికారులు గుట్టుచప్పుడు కాకుండా నకిలీ పత్రాలు సృష్టించి దేవుడికే శఠగోపం పెట్టారు. నెల్లూరు రూరల్ ఎమ్మెల్యే కోటంరెడ్డి శ్రీధర్‌రెడ్డి చొరవతో ఈ బాగోతం వెలుగుచూసింది. అయితే టీడీపీ ముఖ్యనాయకుల ఒత్తిళ్లతో అక్రమాలకు పాల్పడిన వారిపై చర్యలు తీసుకునేందుకు వెనుకడుగువేస్తున్నట్లు తెలుస్తోంది.
  
  మంత్రికి ఫిర్యాదు చేసిన ఎమ్మెల్యే కోటంరెడ్డి
 శ్రీవేదగిరి నరసింహస్వామి ఆలయ భూముల్లోని విలువైన టేకుచెట్ల నరికివేతలో భాగం పంచుకున్న అధికారులు, లీజుదారులపై చర్యలు తీసుకోవాలని నెల్లూరు రూరల్ ఎమ్మెల్యే కోటంరెడ్డి శ్రీధర్‌రెడ్డి మంత్రి పొంగూరు నారాయణకు ఫిర్యాదుచేశారు. భూములు లీజు పొందినప్పటి నుంచి, నకిలీ పత్రాలతో టేకు చెట్ల నరికివేత వంటి అక్రమాలతో కూడిన నివేదికను గురువారం మంత్రి నారాయణకు అందజేశారు.
  
  
  సాక్షి ప్రతినిధి, నెల్లూరు : నెల్లూరు రూరల్ పరిధిలో వెలిసిన శ్రీవేదగిరి నరసింహస్వామి మాన్యం భూముల్లోని రూ.కోట్లు విలువచేసే టేకు, వేప, మామిడి, కొబ్బరిచెట్లపై కన్నేసిన టీడీపీ నేత వేమిరెడ్డి హరిశివారెడ్డి అధికారుల సహకారంతో నకిలీ ధ్రువీకరణపత్రాలు సృష్టించాడు. సర్వేనంబర్ 262/1, 263/1, 264, 265లో ఉన్న 30.12 ఎకరాలను లీజుద్వారా దక్కించుకున్నాడు. అందులో భాగంగా  249, 255, 262 సర్వే నంబర్లతో పాటు మరో 24 నంబర్లను చూపి అందులో 375 టేకుచెట్లు ఉన్నాయని పట్టాదారు పాసుపుస్తకాలు పెట్టి అనుమతి  కోరారు.అయితే 132, 133, 134, 135 సర్వే నంబర్లతో ఉన్న పట్టాదారు పాసుపుస్తకాలను జతచేశారు. అయితే ఇవి నకిలీ పాసుపుస్తకాలని రెవెన్యూ అధికారి ఒకరు వెల్లడించారు.
 
 అనుమతులు ఇచ్చిన పత్రాల్లో ఉన్న సర్వేనంబర్లలో ఎందులో ఎన్ని టేకుచెట్లు ఉన్నాయనే విషయం, హద్దులు చూపించలేదు. అయితే 262/1లో 5.9 ఎకరాల్లో 359 టేకుచెట్లను కొట్టుకుని తరలించేందుకు అనుమతులు ఇచ్చినట్లు తెలుస్తోంది. ఆ సర్వేనంబర్‌లో టేకుచెట్లు ఉన్నట్లు అధికారులు ఎక్కడా ధ్రువీకరించలేదు. ఎక్కడ టేకుచెట్లు ఉన్నాయో రెవెన్యూ, అటవీ, దేవాదాయశాఖ అధికారులు తెలిసే శ్రీనరసింహస్వామి ఆలయభూముల్లో ఉన్న టేకుచెట్లను తరలించి సొమ్ముచేసుకునేందుకు పథకం వేసినట్లు సమాచారం.
 
 
  ఆ రెండు రాత్రుల్లో చెట్ల నరికివేత :
  చెట్లను ఈనెల 7, 8 తేదీల్లో నరికివేసినట్లు స్థానికులు చె బుతున్నారు. ఆ రెండు రోజుల రాత్రుల్లో విద్యుత్ లైట్లు ఏర్పాటు చేసుకుని రంపాలతో చెట్లను కోసివేసి తరలించినట్లుగా తెలిసింది. వాటిలో కొన్ని దుంగలను రాత్రికి రాత్రే రాష్ట్ర సరిహద్దు దాటించినట్లు తెలిపారు. ఇంత జరిగినా దేవస్థాన అధికారులు వారంతట వారు పోలీసులకు ఫిర్యాదు చేసిన పోలేదు. స్థానిక ఎమ్మెల్యే కోటంరెడ్డి శ్రీధర్‌రెడ్డి దేవస్థాన ఈఓ నాగేశ్వరావును కొన్ని ప్రశ్నలు వేస్తూ రాతపూర్వకంగా ఫిర్యాదు చేశారు. అయితే ఈఓ వెంటనే ఫిర్యాదు ఇవ్వలేదు. ఎమ్మెల్యే మరోసారి ఈఓను సంప్రదించిన తర్వాతే ఈఓ పోలీసులకు ఫిర్యాదుచేసినట్లు తెలుస్తోంది. ఈ వ్యవహారంలో సుమారు రూ.3 కోట్లు చేతులు మారినట్లు విశ్వసనీయ సమాచారం. చేసిన తప్పును కప్పిపుచ్చుకునేందుకు మూడుశాఖల అధికారులు ఒకరిపై ఒకరు చెప్పి తప్పించుకునే ప్రయత్నాలు ప్రారంభించారు.
 
 
  దొంగలను కాపాడే యత్నం :
  ఈ వ్యవహారంలో ఇంతవరకు ఎలాంటి చర్యలు తీసుకోలేదు. కేసును నీరుగార్చేందుకు టీడీపీ ముఖ్యనేతలు ఇద్దరు రంగంలోకి దిగినట్లు సమాచారం. అందులో భాగంగా ఉన్నతాధికారులపై తీవ్ర ఒత్తిళ్లు తీసుకువస్తున్నారు. పర్యావరణ నిబంధనల ఉల్లంఘన కింద కేంద్ర అటవీ, పర్యావరణ మంత్రిత్వశాఖకు పలువురు ఫిర్యాదులు చేశారు. స్పందించిన ఉన్నతాధికారులు చెట్ల నరికివేతపై నివేదిక పంపాలని రాష్ట్ర ప్రభుత్వాన్ని ఆదేశించినట్లు తెలిసింది. కేంద్ర ఇంటిలిజెన్స్ అధికారులు కూడా ఈవ్యవహారంలో సంబంధం ఉన్న రాజకీయ నాయకులు, లీజుదారులులతో పాటు తమిళ స్మగ్లర్ల పాత్రపై నివేదికను రూపొందిస్తున్నారు. అయితే టీడీపీ నాయకులు మాత్రం ఆ నివేదికలు అనుకూలంగా ఇవ్వాలని ఒత్తిళ్లు చేస్తున్నట్లు విశ్వసనీయ సమాచారం.


 -  రూ.44.5లక్షలు స్వాధీనం
 స్టోన్‌హౌస్ పేట (నెల్లూరు)
 నలుగురు ఎర్రచందనం స్మగ్లర్లను నెల్లూరు జిల్లా పోలీసులు మంగళవారం అరెస్ట్ చేశారు. వారి నుంచి రూ.55 లక్షల విలువైన ఎర్రచందనం, నగదు, వాహనాన్ని స్వాధీనం చేసుకున్నారు. ఎస్పీ విశాల్ గున్నె మంగళవారం జిల్లా కేంద్రంలోని ఉమేష్ చంద్ర కాన్ఫరెన్స్ హాల్లో మీడియా సమావేశంలో ఈ వివరాలు వెల్లడించారు.
  
 పేరం ప్రవీణ్, పొదిలి నాగరాజు, బూదూరు లోకేష్, ఎగ్గోని వెంకట కృష్ణారెడ్డితోపాటు మరో ఇద్దరు మర్రిపాడు మండలం బ్రాహ్మణపల్లి సమీపంలోని అటవీ ప్రాంతం నుంచి కారులో ఎర్రచందనం దుంగలను తరలిస్తున్నట్టు పోలీసులకు సమాచారం అందింది. దీంతో పోలీసులు మంగళవారం ఆత్మకూరు మండలం నెల్లూరుపాలెం సెంటర్ వద్ద వారిని పట్టుకున్నారు. వారి నుంచి 44.50 లక్షల నగదు, రూ.5.60 లక్షలు విలువ చేసే 23 ఎర్రచందనం దుంగలు, బొలెరో వాహనాన్ని స్వాధీనం చేసుకున్నారు.


 కడప: వైఎస్సార్ జిల్లా పోలీసులు నలుగురు అంతర్జాతీయ స్థాయి ఎర్రచందనం స్మగ్లర్లను సోమవారం తెల్లవారుజామున అరెస్ట్ చేశారు. వారి నుంచి కోటి రూపాయల ఎర్రచందనం స్వాధీనం చేసుకున్నారు. బద్వేలు, నెల్లూరు రహదారిలో గోపవరం మండలం పీపీ కుంట చెక్‌పోస్ట్ వద్ద నలుగురిని అరెస్ట్ చేసినట్టు ఎస్పీ నవీన్‌గులాటి జిల్లా కేంద్రంలో విలేకరులో సమావేశంలో వెల్లడించారు. టి.వెంకటేశ్వర్‌రెడ్డి, షేక్ నవీద్, షేక్ సుజీద్, షేక్ అలీ్‌ఫ్‌ను అరెస్ట్ చేసి 2.2 టన్నుల బరువైన 169 ఎర్రచందనం దుంగలను, అశోల్ లేలాండ్ లారీతోపాటు రెండు కార్లు, ఆరు సెల్‌ఫోన్లను స్వాధీనం చేసుకున్నట్టు ఎస్పీ తెలిపారు.
  


 నిజామాబాద్ : నిజామాబాద్ జిల్లా ఆర్మూర్ మండలం పెర్కిట్లో డ్రగ్స్ అక్రమ రవాణా చేస్తున్న ఐదుగురు స్మగ్లర్లను పోలీసులు శుక్రవారం అరెస్ట్ చేశారు. వారి వద్ద నుంచి 120 కిలోల క్లోరో హైడ్రేట్, 8 కిలోల అల్ఫాజోలం స్వాధీనం చేసుకున్నారు. అనంతరం వారిని పోలీస్ స్టేషన్కి తరలించారు. వారిపై వివిధ సెక్షన్ల కింద కేసు నమోదు చేశారు. అందులోభాగంగా పోలీసులు  తమదైన శైలిలో వారిని దర్యాప్తు చేస్తున్నారు.


  11 దుంగల స్వాధీనం
  
 ఉదయగిరి : ఎర్రచందనం అక్రమ రవాణాకు పాల్పడుతున్న నలుగురు స్మగ్లర్లను అరెస్ట్ చేసి, తరలించేందుకు సిద్ధంగా 11 దుంగలను స్వాధీనం చేసుకున్నట్లు తిరుపతి టాస్క్‌ఫోర్స్ డీఎస్పీ జి.హరినాథ్‌బాబు తెలిపారు. ఆయన ఉదయగిరి అటవీ రేంజ్ కార్యాలయం లో విలేకర్ల సమావేశంలో మాట్లాడుతూ నాలుగు రోజుల క్రితం తమిళనాడు రాష్ట్రం సేలం జిల్లాకు చెందిన 30 మంది ఎర్రచందనం స్మగ్లర్లు ఆంధ్రప్రదేశ్‌కు చెందిన ఓ లారీలో నెల్లూరు నుంచి వైఎస్సార్ జిల్లా బద్వేల్ మండలం ద్వారా వెలుగొండ అడవుల్లోకి ప్రవేశించారన్నారు.
  
 సీతారామపురం మండలంలో దేవమ్మ చెరువు బీట్ పరిధిలో దున్నపోతుల గుండం, కణితిల సిరి ప్రాంతాల్లో చొరపడ్డారని సమాచారం అందిందన్నారు. దీంతో తిరుపతి టాస్క్‌ఫోర్స్, పోలీస్, అటవీ శాఖ సిబ్బంది సిబ్బంది సంయుక్తంగా కూంబింగ్ నిర్వహించామన్నారు. తరలించేందుకు సిద్ధంగా ఉన్న 11 ఎర్రచందనం దుంగలను స్వాధీనం చేసుకోవడంతో పాటు స్మగ్లర్లు సెల్వకుమార్, ఎలుమలై, సత్యరాజు, కుమార్‌ను అరెస్ట్ చేశామన్నారు.  ఉదయగిరి రేంజ్ అధికారి వెంకటేశ్వరరావు, సీఐ శ్రీనివాసరావు, టాస్క్‌ఫోర్స్ రేంజ్ అధికారి వెంకటసుబ్బయ్య పాల్గొన్నారు.


 ► తమిళ కూలీలతో భారీగా ఎర్రచందనం చెట్ల నరికివేత
 ► సిద్దేశ్వరం అడవుల్లో కొనసాగుతున్న కూంబింగ్
  
  ప్రభుత్వం ఎన్ని చర్యలు తీసుకుంటున్నా ఎర్రచందనం అక్రమ రవాణాను అరికట్ట లేకపోతోంది. అటవీ శాఖ అధికారులు, పోలీసుల కళ్లుకప్పి స్మగ్లర్లు ఎర్రచందనం దుంగలను తరలిస్తున్నారు. ఈ అక్రమ రవాణాలో తమిళ కూలీలు కీలకపాత్ర పోషిస్తున్నారు.
  
 ఉదయగిరి:  ఉదయగిరి నియోజకవర్గంలోని సిద్దేశ్వరం అడవుల్లో తమిళనాడుకు చెందిన 30 మంది కూలీలు అడవిలోకి ప్రవేశించి ఎర్రచందనం చెట్లు నరికివేస్తున్నట్లు మూడురోజుల క్రితం పోలీసులకు సమాచారం అందింది. దీంతో ప్రత్యేకదళాలు, అటవీ సిబ్బంది కలిసి ఆదివారం గాలింపు చర్యలు చేపట్టగా నలుగురు తమిళ కూలీలు చిక్కారు. మిగతా 26 మంది తప్పించుకున్నట్లు తెలిసింది. వీరిని పట్టుకునేందుకు బలగాలు అన్ని వైపులనుంచి గాలింపు చర్యలు ముమ్మరం చేశాయి. ఇప్పటికే కూలీలు నరికివేసిన ఎర్రచందనం దుంగలను కనుక్కునే పనిలో పోలీసులు నిమగ్నమయ్యారు. సుమారు రూ.50 లక్షలకు పైగా విలువచేసే దుంగలను నరికి దాచినట్లుగా అనుమానిస్తున్నారు.
 
 ఈ దుంగలను ఎప్పటికప్పుడు బయటకు తరలించి ఉండవచ్చని ఓ పోలీసు అధికారి అనుమానం వ్యక్తం చేశారు. మొత్తమ్మీద సిద్దేశ్వరం అడవుల్లోని సుదూర ప్రాంతంలో ఉన్న లోయల్లోనే నాణ్యమైన చందనాన్ని కొల్లగొట్టేందుకు స్మగ్లర్లు నిరంతరం తమ ప్రక్రియను కొనసాగిస్తూనే ఉన్నారు. ఈ సమస్య అటు అటవీ, ఇటు పోలీసు బలగాలకు సవాల్‌గా మారింది. ప్రపంచంలోకెల్లా నాణ్యమైన ఎర్రచందనం నెల్లూరు, చిత్తూరు జిల్లాల సరిహద్దుల్లోని వెలుగొండ అడవుల్లో ఉంది. దీనిని అక్రమంగా నరికి స్మగ్లింగ్ చేస్తూ అనేకమంది రూ.కోట్లకు పడగలెత్తారు. ఈ వ్యవహారంలో బడా నాయకులతో పాటు కొందరు రాజకీయ నేతల ప్రమేయం
  
  
  ఉన్న విషయం అందరికీ విదితమే.
  కడప జిల్లానుంచి ప్రవేశం.. సిద్దేశ్వరం అడవుల్లోని లోయల్లో ఉన్న ఎర్రచందనం దుంగలను నరికేందుకు తమిళనాడు నుంచి తీసుకొచ్చిన కూలీలను స్మగ్లర్లు కడప జిల్లా బద్వేలు వైపునుంచి లోపలకు తీసుకెళుతున్నారు. ఈ ఏడాది ఫిబ్రవరి 23న అదే వైపునుంచి 60 మంది తమిళ కూలీలు సిద్దేశ్వరం అడవుల్లోకి ప్రవేశించారు. విషయం తెలుసుకున్న అటవీ, పోలీసు బలగాలు రంగప్రవేశం చేసి కూలీలు చెట్లు నరికే ప్రాంతానికి ప్రవేశించాయి. అప్పట్లో నలుగురు కూలీలు పట్టుబడ్డారు. 50 మందికి పైగా తప్పించుకున్నారు. పోలీసులు వెంటాడినప్పటికీ ప్రయోజనం లేకపోయింది. అప్పటికే కూలీలు కొట్టిన ఎర్రచందనం దుంగలను స్మగ్లర్లు సురక్షిత ప్రాంతాలకు తరలించుకున్నారు.  గత ఏడాది డిసెంబర్‌లో ఉదయగిరి మండలం కుర్రపల్లి వద్ద అక్రమంగా తరలిస్తున్న 60 దుంగలను, నలుగురు చెన్నై స్మగ్లర్లును పోలీసులు పట్టుకున్నారు. రూ.60 లక్షలు విలువచేసే దుంగలను పోలీసులు స్వాధీనం చేసుకున్నారు. అదే నెలలోకూడా మరో 50 ఎర్రచందనం దుంగలను ప్రత్యేక పోలీసులు గాలింపు చర్యల్లో భాగంగా కనుక్కొన్నారు. స్మగ్లర్లు తప్పించుకున్నారు. కొంతకాలం పాటు స్తబ్దుగా ఉన్న ఎర్ర స్మగ్లర్లు అవకాశం దొరికినప్పుడల్లా స్మగ్లింగ్‌కు పాల్పడుతూనే ఉన్నారు. గతంలో స్మగ్లర్లు స్థానికులతో మాత్రమే ఎర్రచందనం చెట్లు నరికించి స్మగ్లింగ్ చేసేవారు. ఏడాది నుంచి స్థానికులు దీనికి దూరంగా ఉండటంతో తమిళనాడు నుంచి ఎక్కువ మొత్తం ఇచ్చి కూలీలను పిలిపించుకుంటున్నారు.
  
  అటవీ సిబ్బంది ప్రమేయంపై అనుమానాలు
  ఈ ప్రాంతంలో పనిచేస్తున్న కొంతమంది సిబ్బంది సహకారం స్మగ్లర్లకు ఉండవచ్చని భావిస్తున్నారు. కూంబింగ్ కోసం అడవిలోకి ప్రత్యేక బలగాలు ప్రవేశించే అవకాశం ఉన్న సమయంలో ముందస్తుగానే స్మగ్లర్లకు సమాచారం అందుతున్నట్లు తెలుస్తోంది. దీంతో ఎక్కువమంది కూలీలు తప్పించుకుంటున్నారు. ఒకరిద్దరు మాత్రమే పోలీసులకు చిక్కుతున్నారు. కొన్నేళ్లనుంచి ఇదే ప్రాంతంలో పాతుకుపోయిన అటవీ, పోలీసు సిబ్బంది సహకారం స్మగ్లర్లకు లభిస్తున్నట్లుగా సమాచారం. ఏది ఏమైనప్పటికీ ఎర్రచందనం స్మగ్లింగ్ నిరోధానికి ప్రభుత్వం ఎన్ని చట్టాలు తెచ్చినా ఆశించిన ప్రయోజనాలు మాత్రం కనిపించడం లేదు.
  


 ► తమిళనాడులో ఎన్నికల నేపథ్యంలో
 ► కర్ణాటక రాష్ట్రానికి తరలింపు
 ► అనంతపురం కేంద్రంగా రవాణా
  
  
 సాక్షి ప్రతినిధి తిరుపతి: ఎర్రచందనం స్మగ్లర్లు రూటు మార్చారు. తమిళనాడులో ఎన్నికలు జరుగుతుండడంతో స్మగ్లర్లు ఎర్రచందనం దుంగలను కర్ణాటకకు తరలించే ఏర్పాట్లు చేసుకుంటున్నారు. అనంతపురం సరిహద్దు ప్రాంతాలు కదిరి, హిందూపురం, రాప్తాడు కేంద్రంగా ఈ దందా సాగుతున్నట్లు సమాచారం. ఇటీవల కర్ణాటక ప్రాంతంలోని బాగేపల్లెలో లారీలో మొత్తం 95 దుంగలు దొరకడం అనుమానాలకు తావిస్తోంది. దీనికితోడు జిల్లాలో 4, 5 రోజు లుగా ఎర్రచందనం దుంగల స్వాధీనం తగ్గింది. దీంతో టాస్క్‌ఫోర్స్, అటవీ శాఖ అధికారులు ఆరా తీశారు. దీని ప్రకారం అడవిలోకి వెళ్లిన స్మగ్లర్లు దుంగలను బయటకు తరలించకుండా దట్టమైన అటవీ ప్రాంతంలో డంపులు ఏర్పాటు చేస్తున్నట్లు సమచారం. బాలుపల్లె, సానిపాయితోపాటు అనంతపురం జిల్లాలో వీటిని ఏర్పాటు చేస్తున్నట్లు గుర్తించినట్లు తెలుస్తోంది.
 
 
  ఎన్నికల నేపథ్యంలో...
  తమిళనాడులో ఎన్నికల నేపథ్యంలో పోలీసులు కట్టుదిట్టమైన ఏర్పాట్లు చేశారు. దీనికి తోడు సరిహద్దు ప్రాంతాల్లో చెక్‌పోస్టుల్లో నిఘా కట్టుదిట్టం చేయడంతో స్మగర్లు తాత్కాలికంగా తమిళనాడు వైపు ఎర్రచందనాన్ని తరలించడం ఆపివేసినట్లు తెలుస్తోంది. దీనికితోడు ఎండలు కూడా మండిపోతుండడంతో అడవిలోకి వెళ్లడానికి కూలీలు జంకుతున్నట్లు అటవీ శాఖ వర్గాలు అంచనా వేస్తున్నాయి.
 
  అనంతపురం జిల్లాపై దృష్టి....
  ఎర్ర స్మగ్లర్లు అనంతపురం జిల్లాలో డంపులు ఏర్పాటు చేస్తున్నారని పసిగట్టిన టాస్క్‌ఫోర్స్ అధికారులు దాడులు చేసి ఎర్ర స్మగ్లింగ్‌కు అడ్డుకట్ట వేసేందుకు సన్నాహాలు చేస్తున్నారు. ఇందులో భాగంగా అనంతపురం జిల్లాలో ఎర్ర చందనంపై అవగాహన కల్పించేందుకు డీఐజీ కాంతారావు చర్యలు తీసుకుంటున్నట్టు సమాచారం.
 
 ఇందులో భాగంగా త్వరలో కదిరి ప్రాంతంలో సదస్సు నిర్వహించనున్నారు. అనంతపురం జిల్లాలోని హిందుపురం ప్రాంతాల్లో డంపులు ఏర్పాటు చేసుకుని, కర్ణాటకకు ఎర్ర చందనం తరలించేందుకు సురక్షిత మార్గంగా స్మగ్లర్లు ఎంచుకున్నట్లు టాస్క్‌ఫోర్స్ పోలీసులు భావిస్తున్నారు. పట్టుగూళ్ల మాటున కర్ణాటకకు ఎర్రదుంగలను తరలిస్తున్నట్లు పోలీసులు సైతం కనుగొన్నట్లు తెలుస్తోంది. అక్కడి నుంచి ఎర్ర రవాణాకు అడ్డుకట్ట వేసేందుకు పోలీసులు ప్రత్యేక బలగాలను వినియోగిస్తున్నారు.


 చంద్రగిరి: చిత్తూరు జిల్లా చంద్రగిరి మండలంలో ఎర్రచందనం స్మగ్లర్ల కోసం వేట కొనసాగుతోంది. కేఎంఎం కళాశాల సమీపంలో కూంబింగ్ నిర్వహించిన టాస్క్ఫోర్స్ పోలీసులు.. శుక్రవారం ఇద్దరు ఎర్రచందనం స్మగ్లర్లను అదుపులోకి తీసుకున్నారు. పరారైన మరికొందరి కోసం గాలింపు చర్యలు కొనసాగుతున్నాయి.
  


 తుంబురు తీర్థం మార్గంలో యథేచ్ఛగా చెట్ల నరికివేత
 మోడులుగా మారిన  ఎర్రచందనం వృక్షాలు
  
 తిరుమల: శేషాచలంలోని విలువైన ఎర్రచందనం లూటీ అయ్యింది. స్మగ్లర్ల ధన దాహానికి ఎర్రచందనం వృక్షాలు నేలకొరిగాయి. అటవీ సంపద ఎల్లలు దాటగా వృక్షాలు మోడులుగా మిగిలాయి. చిత్తూరు, వైఎస్‌ఆర్ జిల్లాల పరిధిలో 5.5 లక్షల హెక్టార్ల విస్తీర్ణంలోని శేషాచల అడవుల్లో శ్రీవేంకటేశ్వర అభయారణ్యం ఉంది. తూర్పున రాజంపేట, పడమర తలకోన వరకు విస్తరించిన  దట్టమైన అటవీ మార్గాల్లో విలువైన ఎర్రచందనం వృక్షాలు ఉన్నాయి. తుంబరు తీర్థం మార్గంలో ఎర్రచందనం వృక్షాలు భారీగా విస్తరించి ఉన్నాయి. ఒకప్పుడు చెట్లతో కళకళలాడే ఈ ప్రాంతమంతా నేడు మోడులు కనిపిస్తున్నాయి. భారీ వృక్షాలను దుండగులు నరికేశారు. గుట్టుచప్పుడు కాకుండా ఎల్లలు దాటించేశారు. ఏటేటా ఈ ప్రాంతంలో ఎర్రచందనం చెట్లు తరిగిపోతున్నట్టు లెక్కలు చెబుతున్నాయి. అయినా రక్షణ చర్యలు మాత్రం అంతంతమాత్రంగానే కనిపిస్తున్నాయి. దుండగులు యథేచ్ఛగా అడవిలోకి చొరవడి విలువైన కలపను సరిహద్దులు దాటిస్తూ సొమ్ము చేసుకుంటున్నారు.
  
 అడవిలోనే దండగులు తిష్ట?
 తుంబురు తీర్థం మార్గంలోని ఎర్రచందనం చెట్లను నరికి తరలించిన తాజా గుర్తులు ఉన్నాయి. ఈ మార్గంలో దుండగులు తాపీగా కూర్చుని చెట్లను నరికి, దుంగలుగా మార్చి వదిలిని చెక్కలు ఉన్నాయి. అంటే అడవిలో దుండగులు పెద్ద ఎత్తున తిష్టవేసినట్టు తెలుస్తోంది. మామండూరు, రాజంపేట మార్గం నుంచి దుండగులు అడవిలోకి చొరబడుతున్నట్టు తెలుస్తోంది. అక్రమ రవాణాను అడ్డుకోకపోతే ఎర్రచందనం కనుమరుగయ్యే పరిస్థితులు కనిపిస్తున్నాయి.
  


 ఐదుగురు స్మగ్లర్ల అరెస్టు
 రూ.3 కోట్ల విలువైన దుంగలు, వాహనాలు స్వాధీనం  
 తప్పించుకున్న మరో ముఠా  ఎస్పీ శ్రీనివాస్ వెల్లడి     
  
 చిత్తూరు (అర్బన్): ఎర్ర చందనం స్మగ్లర్లను పట్టుకోవడానికి గత వారం రోజులుగా చిత్తూరు పోలీసులు కర్ణాటకలో నిర్వహించిన ‘ఆపరేషన్‌రెడ్’ ముగిసింది. ఈ ఆపరేషన్‌లో ఐదుగురు స్మగ్లర్లను అరెస్టు చేశారు. చిత్తూరులోని పోలీసు మైదానంలో ఎస్పీ ఘట్టంనేని శ్రీనివాస్ బుధవారం ఈ వివరాలను మీడియాకు వెల్లడించారు. ఈ ఆపరేషన్‌లో స్మగర్ల నుంచి రూ.3 కోట్ల విలువైన 7 టన్నుల ఎర్రచందనం దుంగలు, నాలుగు వాహనాలను స్వాధీనం చేసుకున్నట్లు ఎస్పీ తెలిపారు.
  
 బయట పడింది ఇలా..
 పది రోజుల క్రితం కల్లూరులో పోలీసు లు వాహనాలు తనిఖీ చేస్తుండగా ఓ ఇన్నోవా వాహనం విధుల్లో ఉన్న కానిస్టేబుల్ గౌస్‌బాషాను ఢీకొని వెళ్లిపోయింది. ఈ ప్రమాదంలో కానిస్టేబుల్ కాలు కూడా విరిగింది. వాహనాన్ని వెంబడించిన పోలీసులు బెంగళూరుకు చెందిన ఇర్ఫాన్, సయ్యద్ ముబారక్ అనే ఇద్దరిని అరెస్టు చేశారు. వీరిచ్చిన సమాచారంతో బెంగళూరు సమీపంలోని కటికనహళ్లి, గిడ్డప్పనహళ్లి ప్రాంతాల్లో చిత్తూరు ఓఎస్డీ రత్న ఆధ్వర్యంలో కర్ణాటక పోలీసుల సాయంతో దాడులు చేశారు. ఈ దాడుల్లో పేరుమోసిన అంతరాష్ట్ర స్మగ్లర్ ఫసీ ఉద్దీన్‌కు చెందిన డంప్ స్వాధీనం చేసుకున్నారు. అయితే ఇతను పరారయ్యాడు. కాగా కర్ణాటకకు చెందిన పలువురు పెద్ద మనుషులతో కలిసి ఫసీ గతంలో చిత్తూరు పోలీసులను ఆశ్రయించి తన ప్రాంతంలో ఎర్రచందనంపై కళాజాత, అవగాహన సదస్సులు నిర్వహించాలని కోరడం విశేషం! పైకి పెద్దమనుషులుగా లోపల స్మగ్లర్లుగా చెలామణి అవుతున్న వైనాన్ని సైతం పోలీసులు కనిపెట్టారు. ఇక అదే ప్రాంతంలో జమీర్‌ఖాన్ గ్యాంగ్‌ను పోలీసులు అరెస్టు చేశారు.
  
 నిందితులు
  పట్టుబడ్డ వారిలో జమీర్‌ఖాన్ (26) కటిహనహళ్లికి చెందిన వ్యక్తి. చూడటానికి బాలీవుడ్ సినిమాల్లో విలన్‌లా కనిపించే ఇతను అంతర్ రాష్ట్ర స్మగ్లర్. పదో తరగతి వరకు చదివి, మెడికల్ షాపులో పని చేస్తుండేవాడు. అయితే 2014 నుంచి ఎర్రచందనం అక్రమ రవాణా చేస్తూ తమిళనాడుకు చెందిన శశి అనే వ్యక్తి ద్వారా కూలీలను రప్పించేవాడు. ఇతనిపై 12 కేసులు ఉన్నాయి. అలాగే ఇదే ప్రాంతానికి చెందిన అదిల్ షరీఫ్ (27), షేక్ ముబారక్ (26), తౌసీఉల్లా ఖాన్ (30), మహ్మద్ యూసఫ్ (27లను సైతం పోలీసులు అరెస్టు చేశారు. నిందితులు ఒక్కొక్కరిపై 5 నుంచి 12 కేసులు జిల్లాలోని పలు పోలీసు స్టేషన్లలో నమోదయ్యాయి. ఈ ఆపరేషన్‌లో ఫసీ గ్యాంగ్ కోసం, కూలీలు, మేస్త్రీలను సరఫరా చేసే తమిళనాడుకు చెందిన శని అనే వ్యక్తి కోసం పోలీసులు గాలిస్తున్నారు.
  
 అభినందన
 ఆపరేషన్‌లో పాల్గొన్న పోలీసు అధికారులు, సిబ్బందిని ఎస్పీ అభినందించారు. అందరికీ ప్రశంసా పత్రాలను అందచేశారు. సమావేశంలో ఓఎస్డీ రత్న, డీఎస్పీలు గిరిధర్, రామ్‌కుమార్, లక్ష్మీనాయుడు, శ్రీకాంత్, దేవదాసు, సీఐలు, ఎస్‌ఐలు పాల్గొన్నారు.
  


 ఇటీవల కాలంలో చిత్తూరు జిల్లా పోలీసులు అరెస్టుచేసి, రిమాండ్‌లో ఉన్న నలుగురు ఎర్రచందనం స్మగ్లర్లపై బుధవారం పోలీసులు ప్రివెంటివ్ డిటెన్షన్ (పీడీ) యాక్టు నమోదుచేశారు. జిల్లా కలెక్టర్ ఉత్తర్వుల మేరకు తమిళనాడుకు చెందిన ఆర్ముగకుమార్ (48), చిత్తూరుకు చెందిన ఏ.కమల్‌కిషోర్ (32), కర్ణాటకకు చెందిన మీర్జాబేగ్ (39), సప్జర్ షరీఫ్ (29) అనే స్మగ్లర్లపై పీడీ నమోదు చేసినట్లు చిత్తూరు ఎస్పీ శ్రీనివాస్ బుధవారం తెలిపారు.
 వీరిలో ఆర్ముగకుమార్, కమల్‌కిషోర్, మీర్జాబేగ్ అంతర్జాతీయ స్మగ్లర్లు. నిందితులు నలుగురు ఇప్పటివరకు విదేశాలకు 430 టన్నుల ఎర్రచందనం దుంగలను జిల్లా నుంచి తరలించినట్లు పోలీసులు పేర్కొన్నారు. ఇప్పటికే జుడీషియల్ కస్టడీలో ఉన్న నలుగురిని కడప కేంద్ర కారాగారానికి తరలించినట్లు ఎస్పీ పేర్కొన్నారు.
 
  


 ఎర్రచందనం దుంగలను అక్రమంగా రవాణా చేసి గోదాముల్లో నిల్వ చేసిన కర్ణాటకకు చెందిన ఐదుగురు స్మగ్లర్లను చిత్తూరు పోలీసులు బుధవారం అరెస్టుచేశారు. నిందితుల నుంచి నాలుగు వాహనాలు, ఏడు టన్నుల బరువున్న 320 ఎర్రచందనం దుంగలను స్వాధీనం చేసుకున్నారు. ఆ వివరాలను బుధవారం చిత్తూరు ఎస్పీ శ్రీనివాస్ వెల్లడించారు.
 కర్ణాటకలో ఎర్రచందనం స్మగ్లర్లు ఉన్నారనే సమాచారంతో పోలీసులు గత వారం రోజులుగా బెంగళూరు సమీపంలోని కటికనహళ్లి, గిడ్డనహళ్లి ప్రాంతాల్లో దాడులు చేశారు. ఈ దాడుల్లో కర్ణాటకకు చెందిన జమీర్‌ఖాన్ (26), అదిల్ షరీఫ్ (27), షేక్ ముబారక్(26), తౌసీఉల్ల ఖాన్ (30), మహ్మద్ యూసఫ్ (27)అనే ఐదుగురు స్మగ్లర్లను అరెస్టుచేశారు.
 మరో స్మగ్లర్ ఫసీ నిర్వహిస్తున్న ఎర్రచందనం డంప్‌ను సైతం పోలీసులు స్వాధీనం చేసుకున్నారు. అతనితో పాటు అతని గ్యాంగ్ పరారీలో ఉంది. నిందితుల నుంచి స్వాధీనం చేసుకున్న వాహనాలు, ఎర్రచందనం విలువ దాదాపు రూ.3 కోట్లు ఉంటుందని ఎస్పీ తెలిపారు. పరారీలో ఉన్న నిందితుల కోసం గాలిస్తున్నామనీ, త్వరలోనే వారిని కూడా అరెస్టు చేస్తామన్నారు.
  


 కేసులున్నప్పటికీ కోర్టు కేసు నంబర్లకు నోచుకోని వైనం
 పోలీస్, అటవీశాఖల సమన్వయ లోపం
 చార్జ్‌షీట్ల నమోదులో తీవ్ర జాప్యం
 జిల్లావ్యాప్తంగా వందల కేసుల్లో ఇదే సమస్య    
  
 ప్రభుత్వ శాఖల మధ్య సమన్వయ లోపం ఎర్రస్మగ్లర్లకు వరంగా మారింది. అటవీశాఖ నుంచి త్వరితగతిన ప్రాసిక్యూషన్ ఆర్డర్స్ అందకపోవడం, పోలీసుల నుంచి సకాలంలో ఎఫ్‌ఐఆర్ రిమాండర్లు వెళ్లకపోవడంతో ఎర్రచందనం కేసులు ముందుకు సాగడం లేదు. ఫలితంగా ఏళ్లు గడుస్తున్నా నిందితులు దర్జాగా తిరుగుతూ కోర్టులంటే ఏమాత్రం భయం లేకుండా వ్యవహరిస్తున్నారు. కొన్ని పోలీస్ స్టేషన్లలో కేసులు కట్టిన ఎస్‌ఐలు రిటైరైనా, ఆ కేసుల్లో ఇంతవరకు కోర్టు నంబర్ కాలేదంటే పరిస్థితి ఎలా ఉందో అర్థం చేసుకోవచ్చు.కోర్టు వాయిదాలను కూడా పట్టించుకోవడం లేదు.
 
 ఎర్రచందనం కేసుల్లో నిబంధనలిలా..
 ఎర్రచందనం దుంగలతో పాటు వాటిని తరలించే వారిని పట్టుకున్నపుడు ప్రాపర్టీని సీజ్ చేసి నిందితులపై పోలీసులు కేసులు నమోదు చే స్తారు. అరెస్ట్ చూపే నాటికి అందుబాటులో ఉన్న నిందితులను రిమాండ్‌కు పంపుతూ మిగిలిన వారిని పరారీలో చూపుతారు. ఆపై అరెస్ట్ అయిన వారికి సంబంధించిన ఎఫ్‌ఐఆర్‌ను అటవీశాఖకు అందించాల్సి ఉంది. వీరికి సంబంధిత డివిజన్ పరిధిలోని సబ్ డీఎఫ్‌వో స్థాయి అధికారి ప్రాసిక్యూషన్ ఉత్తర్వులను జారీచేస్తారు. దీంతో కేసుకు సంబంధించి కోర్టులో సీసీ (కోర్ట్ కేస్) నంబర్ వచ్చి కేసుకు సంబంధించిన వాయిదాలు ప్రారంభమవుతాయి. ఐవో (ఇన్వెస్టిగేషన్ ఆఫీసర్) విచారణతో ఈ కేసుల్లో నిందితులకు శిక్షలు పడే అవకాశం ఉంది. పోలీస్ కేసుల్లో సీజ్ అయిన అటవీశాఖకు అప్పగించిన వాహనాలు, ప్రాపర్టీపై విలువ కట్టి వారు వేలం తదితర ప్రక్రియలను నిర్వహిస్తారు.
  
 కానీ.. జరుగుతున్నదేమంటే..
 ఉదాహరణకు పలమనేరు పోలీస్ స్టేషన్ పరిధిలో పలు ఎర్రచందనం కేసులను అటవీశాఖకే అప్పగించేశారు. అయితే ఐపీసీ 379 సెక్షన్ ఉన్న కేసులను మాత్రం పోలీసులే చేపట్టాల్సి ఉంది. గత మూడేళ్లలో సుమారు 12కు పైగా ఎర్రచందనం కేసుల్లో 70 మందికి పైగా నిందితులను స్థానిక పోలీసులు అరెస్ట్‌చేశారు. అయితే కోర్టులో నంబర్ కాకపోవడంతో ఇంతవరకు వారికి వాయిదాలు మొదలు కాలేదు. మూడేళ్లకు ముందు బెయిలుపై వె ళ్లిన నిందితులు ఇంతవరకు కోర్టు మెట్లు ఎక్కని పరిస్థితి. ఇలా చేయడంతో నిందితులకు ఎంతోమేలు కాగా కేసులు కూడా వీగిపోయే పరిస్థితి ఉంది. ఈ సమస్య కేవలం ఒక పలమనేరులోనే కాదు. జిల్లాలోని పలు స్టేషన్ల పరిధిలో వందల సంఖ్యల కేసులు ఇంతవరకు నెంబర్లకు నోచుకోక కోర్టు విచారణలు ఆలస్యమవుతున్నాయి. దీనంతటికీ కారణం పోలీసుల అలసత్వం, అటవీశాఖ నిర్లక్ష్యంగా తెలుస్తోంది.
 
 కుదరని పొంతన
 ఎర్రచందనం కేసుల్లో భారీ కేసులను మాత్రం పోలీసులు డీల్ చే స్తూ బలహీనమైన కేసులను తమకు అంటగట్టడం ఎంతవరకు సమంజసమని మొదటి నుంచి అటవీశాఖ మధనపడుతూనే ఉంది. అయితే ఇందుకు కారణం లేకపోలేదు. సంబంధిత కేసులకు సంబంధించి పెద్ద కేసుల్లో నిందితుల నుంచి పోలీసులు ఎంతోకొంత గుంజుకుంటున్నారని, తమకొచ్చే కేసులు ఏ మాత్రం  ప్రయోజనం లేని కేసులని అటవీ శాఖ భావిస్తున్నట్టు ఆరోపణలున్నాయి. ఈ కారణంగానే పోలీస్ కేసుల్లో నిందితులకు వెంటనే ప్రాసిక్యూషన్ ఉత్తర్వులను అటవీశాఖ ఇవ్వడం లేదనే విమర్శలు సైతం వినిపిస్తున్నాయి. ఈ విషయమై పలమనేరు సీఐ సురేంద్రరెడ్డిని వివరణ కోరగా తాము నిందితులను అరెస్ట్‌చేసిన వెంటనే ఎఫ్‌ఐఆర్ కాపీలను అటవీశాఖకు పంపుతున్నామని అయితే వారినుంచే ప్రాసిక్యూషన్ ఉత్తర్వులు ఆలస్యమవుతున్నాయన్నారు. ఇదే విషయమై ఎఫ్‌ఆర్వో శివన్నను వివరణ కోరగా పరారీలో ఉన్న నిందితులకు కూడా ప్రాసిక్యూషన్ ఉత్తర్వులు ఇవ్వాలంటే కుదరదు కాబట్టే తాము ఆలస్యం చేయాల్సి వస్తోందన్నారు. పీటీ (ప్రిజనర్స్ ట్రాన్స్‌ఫర్) వారెంట్లలోనూ తమకు ఎఫ్‌ఐఆర్ ఇవ్వాల్సిందేనన్నారు.
  
  


 వైఎస్ఆర్ కడప జిల్లా : రైల్వే కోడూరు మండలం బాలుపల్లి చెక్ పోస్ట్ వద్ద సీఐ రసూల్‌సాహెబ్ ఆధ్వర్యంలో పోలీసులు, అటవీశాఖ సిబ్బంది శనివారం కూంబింగ్ నిర్వహించారు. రైల్వే ట్రాక్ వద్ద రవాణా చేసేందుకు ఉంచిన 100 ఎర్రచందనం దుంగలను అధికారులు స్వాధీనం చేసుకున్నారు. అయితే కూంబింగ్ నిర్వహిస్తున్న విషయాన్ని పసిగట్టిన ఎర్రచందనం స్మగ్లర్లు అక్కడి నుంచి పరారైయ్యారు. స్వాధీనం చేసుకున్న ఎర్రచందనం విలువ రూ. 2 కోట్లు ఉంటుందని అధికారులు తెలిపారు.


 అనంతపురం జిల్లా కదిరి శివారులో ఆరుగురు ఎర్రచందనం స్మగ్లర్లను పోలీసులు సోమవారం రాత్రి అరెస్ట్ చేశారు. ఐదు ఎర్రచందనం దుంగలను, మూడు మోటార్‌సైకిళ్లు, రెండు వేల రూపాయల నగదును స్వాధీనం చేసుకున్నారు. నారాయణ, అమరేందర్‌రెడ్డి, చిన్నయ్య, శంకరప్ప, వెంకటరమణ, కార్తీక్‌లను అరెస్ట్ చేసి అర్బన్ స్టేషన్‌కు తరలించారు.
 
  


 గంజాయి సాగు, రవాణాపై ఎక్సైజ్ శాఖ ప్రత్యేక నిఘా పెట్టడంతో మన్యంలో సాగుదారులు, స్మగ్లర్ల గుండెల్లో రైళ్లు పరిగెడుతున్నాయి. 20 రోజుల్లో ఏజెన్సీలో మూడు వేల కిలోలకు పైగా గంజాయిని పోలీసులు స్వాధీనం చేసుకున్నారు. కొందరు స్మగ్లర్లు పోలీసుల కదలికలను పసిగట్టి వారి కళ్లుగప్పి గంజాయిని తరలిస్తుండగా, మరి కొందరు గంజాయి రవాణాకు కొత్త మార్గాలను అన్వేషిస్తున్నారు.
  
 జి.మాడుగుల: విశాఖ ఏజెన్సీలో ఈ ఏడాది గంజాయి సాగు, రవాణా భారీగా పెరిగింది. పోలీసులు కూడా విస్తృతంగా దాడులు నిర్వహిస్తూ కొంతవరకు అడ్డుకట్ట వేయగలుగుతున్నా దొరికేదాని కంటే సరిహద్దులు దాటి వెళ్లేదే ఎక్కువ. ఏజెన్సీ ప్రాంతాల్లో అమాయక గిరిజనులను, యువకులను   వ్యాపారులు, ఏజెంట్లు, ఇతర రాష్ట్రాలకు చెందిన స్మగ్లర్లు మభ్యపెట్టి, డబ్బు ఎరచూపి గంజాయి సాగు, రవాణా చేయటానికి దింపుతున్నారు. గతంలో మన్యంలో జి.కె.వీధి, చింతపల్లి, ముంచంగిపుట్టు, జి.మాడుగుల మండలాల్లో 20 నుండి 30 గ్రామాలకు మాత్రమే పరిమితమైన గంజాయి సాగు ఈ ఏడాది ప్రతీ మండలంలోను 20 నుండి 50 గ్రామాలకు పాకింది. గంజాయి స్మగ్లర్లు పెట్టుబడులు అందించి ప్రోత్సహించటంతో మారుమూల గ్రామాల్లో కొండపోడు, పంట భూముల్లో గంజాయి  సాగు విస్తృతం చేశారు. ఈ ప్రాంతంలో శీలవతి, పిక్క వంటి   విలువైన గంజాయి రకాలు పండిస్తున్నారు.
 
 గంజాయి రవాణాకు ఏజెంట్లే కీలకం
 గిరిజన ప్రాంతాల్లో పండించే గంజాయిని కొనుగోలు చేసి వాహనాలు, మోతబరువుతో హైదరాబాద్, విశాఖపట్నం, వంటి మైదాన ప్రాంతాలకు తరలించటానికి స్మగ్లర్లు ఏర్పాటు చేసుకున్న ఏజెంట్లు కీలకంగా మారారు. వీరు గంజాయి సాగుదార్ల నుండి సులువుగా కొనుగోలు చేసి రహస్య  ప్రాంతాలకు తరలించి  2కిలోలు బరువు ఉండేలా కూలీలతో ప్యాక్ చేయిస్తారు. పోలీస్, ఎక్సైజ్ పోలీస్‌ల కదలికలను పసిగట్టి జీపులు, కార్లు, వ్యాన్ల, లారీ, అటో వంటి వాహనాల్లో స్మగ్లర్లు  చెప్పిన చోటకు తరలిస్తుంటారు. గంజాయి సాగుదార్ల కంటే ఏజెంట్లు, దళారీ వ్యాపారులకే అధిక మొత్తంలో నగదు ముడుతుంది. గ్రామాల్లో, మండల కేంద్రాల్లో స్మగ్లర్లు ఏర్పాటు చేసుకొన్న ఏజెంట్లు   స్థిరాస్తులుతో పాటు రూ.లక్షల్లో సొమ్ము కూడపెడుతున్నారు. వాహనాలపై ప్రెస్, పోలీస్, ప్రభుత్వవాహనం, ప్రొహిబిషన్, ఎక్సైజ్ వంటి పేర్లతో  పోలీసులు అభ్యంతరం చెప్పని వాహనాల్లో  ముందు, వెనుక పెలైట్ ద్విచక్ర వాహనాలు ఏర్పాటు చేసుకొని రూ.లక్షల విలువ చేసే గంజాయి తరలిస్తుంటారు. మండలంలో అనేక  గ్రామాల్లో   రవాణాకు సిద్ధం చేసిన గంజాయి నిల్వలు ఉన్నట్టు తెలిసింది. మండలాల్లో గంజాయి వ్యాపారులు, స్మగ్లర్లు ఏజెంట్లను గుర్తిస్తున్నామని పోలీస్, ఎక్సైజ్ పోలీస్‌లు అధికారులు చెప్పడం తప్ప ఇప్పటివరకు పెద్దగా చర్యలు చేపట్టకపోవటం విమర్శలకు తావిస్త్తోంది. గంజాయి వ్యాపారులు, స్మగ్లర్లు, ఏజెంట్లు ఎవరన్నది బహిరంగ రహస్యమే అయినా వారిని విచారించడం, వారి సంపాదన, కదలికలపై దృష్టిపెట్టడం, కూడబెట్టిన ఆస్తులు జప్తు చేయటం, కేసులు నమోదు వంటి చర్యలు లేకపోవడం గంజాయి వ్యాపారులకు వరంగా మారింది,
  
 చిన్న వ్యాపారాలు.. పెద్ద ఆస్తులు
 గ్రామాలు, మండల కేంద్రాల్లో పైకి చిన్న వ్యాపారాలు నడుపుకుంటూ పెద్దపెద్ద ఆస్తులు సంపాదించారంటే దీని వెనుక రహస్యమేమిటో అర్థం చేసుకొవచ్చు. వీరికి మైదాన ప్రాంతాల్లో రూ. కోట్ల ఆస్తులున్నాయంటే అది గంజాయి సొమ్మేనని ఈ ప్రాంతంలో చెప్పుకుంటారు.
  
 అమాయకుల బలి!
 గంజాయిని వాహనాలు, మోత బరువుతో మైదాన ప్రాంతాలకు తరలించే సమయంలో పోలీసులకు పట్టుబడితే అసలు స్మగ్లర్లు, ఏజెంట్లు తప్పించుకొని అమాయక గిరిజనులు బలైపోతున్నారు. గంజాయి మూటలు (ఒక్కో మూట 25 కిలోలు) వ్యాపారులు చెప్పిన చోటికి చేర్చటానికి కూలీలకు రూ. మూడు నుంచి నాలుగు వేల వరకు ముట్టచెబుతారని తెలిసింది. గంజాయి దాడుల్లో  ఎక్కువ మంది అమాయక గిరిజనులే విశాఖ సెంట్రల్ జైల్లో ఉన్నారు. జి.మాడుగుల మండలంలో పలు ప్రాంతాల్లో 20 రోజుల్లో నిర్వహించిన పోలీస్, ఎక్సైజ్ దాడుల్లో భారీ ఎత్తున రవాణాకు సిద్ధం చేసిన  సుమారు మూడ వేల కిలోల గంజాయి పట్టుబడగా 14 మందిని అరెస్టు చేశారు. ఏదేమైనా పోలీసు ఉన్నతాధికారులు ఆదేశాల మేరకు ఇటీవల దాడులు పెరిగాయనే చెప్పొచ్చు. దీంతో స్మగ్లర్లలో కూడా వణుకు ప్రారంభమైంది. కొందరు ఆచితూచి అతి జాగ్రత్తగా గంజాయిని తరలిస్తుండగా, మరి కొందరు కొత్తకొత్త ఎత్తుగడలతో పోలీసుల కళ్లుగప్పి గంజాయిని పెద్ద ఎత్తున తరలిస్తున్నారని తెలిసింది.
  


 గంజాయి రవాణాకు కొత్త ఎత్తుగడ
 పోలీసులకు సమాచారం అందకుండా సెల్ సేవలకు అంతరాయం
  
 సీలేరు:   గంజాయి రవాణాకు స్మగ్లర్లు రోజుకో ఎత్తుగడ వేస్తున్నారు. ఎలాగైనా కోట్లకు పడగెత్తాలనే ఉద్దేశంతో అనేక తప్పుడు పనులకు పాల్పడుతున్నారు. వారు పండించిన గంజాయిని గుట్టు చప్పుడు కాకుండా మైదాన ప్రాంతానికి తరలించే క్రమంలో ఏజెన్సీలో  ప్రజలను ఇబ్బందులు పెడుతున్నారు. గంజాయి రవాణా చేస్తున్న సమయంలో  జీకేవీధి మండలం మారుమూల గ్రామాల్లో  సెల్ సేవలకు అంతరాయం కలిగిస్తున్నారు. గంజాయి రవాణాలో పోలీసులకు సమాచారం ఇచ్చి పట్టిస్తున్నారన్న నెపంతో ఓఎస్‌డీ కేబుల్‌ను కాల్చివేయడం, గొడ్డలితో నరికేయడం వంటి పనులకు పాల్పడుతున్నారు. మారుమూల గ్రామాల నుంచి తరలిస్తున్న గంజాయి  ఇటీవల వివిధ ప్రాంతాల్లో పెద్దఎత్తున పోలీసులకు పట్టుబడింది. ఈ కేసుల్లో పలువురు జైలు పాలయ్యారు.  దీంతో పోలీసులకు సమాచారం చేరకుండా గంజాయి స్మగ్లర్లు సెల్ సిగ్నల్‌కు అంతరాయం కలిగించి గంజాయి తరలిస్తున్నారు. జీకేవీధి నుంచి సీలేరు వరకు కొన్ని చోట్ల  మార్గమధ్యలో వంతెనల దగ్గర ఓఎఫ్‌సీ కేబుల్ పైనే ఉండటంతో ఈ పనులకు పాల్పడుతున్నారు.
 
 సీలేరులో బుధవారం దారకొండ సమీపంలో కొందరు వ్యక్తులు  ఓఎఫ్‌సీ కేబుల్‌ను వెదురుకర్రలతో తగులబెట్టారు. దీంతో రెండు రోజులపాటు సీలేరులో సెల్‌సేవలు నిలిచిపోయాయి. ప్రభుత్వ, ప్రైవేటు, జెన్‌కో కార్యాలయాల పనులు పూర్తిగా నిలిచిపోయాయి. ఈ ప్రాంతంలో ఇటువంటి సంఘటనలు తరచూ జరుగుతున్నాయని, ఇది గంజాయి స్మగ్లర్ల పనే అని గిరిజనులు చెబుతున్నారు.  కేబుల్ వైర్లు ఎక్కడ తె ంపారో  తెలుసుకునేందుకు  బీఎస్‌ఎన్‌ఎల్ అధికారులకు 3 రోజులు పడుతుండటంతో సెల్ సేవలు నిలిచిపోయి ఇబ్బందులు పడుతున్నారు.   అధికారులు ఈ సమస్యకు శాశ్వత పరిష్కారం చూడాలని ఈ ప్రాంత వినియోగదారులు కోరుతున్నారు.
  


 అక్రమంగా తరలిస్తున్న రూ. 5 కోట్ల విలువైన ఎర్రచందనం దుంగులను పోలీసులు స్వాధీనం చేసుకున్నారు. వైఎస్సార్‌కడప జిల్లా రైల్వేకోడూరు మండలం బాలుపల్లిలో బుధవారం ఉదయం అటవీ అధికారులు, పోలీసులు తనిఖీలు నిర్వహిస్తుండగా.. వాగేటికోన నుంచి వస్తున్న కంటైనర్‌ను గుర్తించారు.
 వాహనాన్ని ఆపడానికి ప్రయత్నించగా.. అందులో ఉన్న డ్రైవర్ సహా మరో వ్యక్తి అక్కడి నుంచి పరారయ్యాడు. దీంతో కంటైనర్ తెరిచి చూసిన అధికారులకు భారీ ఎర్రచందనం దుంగలు దర్శనమిచ్చాయి. 6 టన్నుల బరువున్న 200 దుంగలను స్వాధీనం చేసుకున్న పోలీసులు వాటి విలువ సుమారు రూ. 5 కోట్లు ఉంటుందని అంచనా వేస్తున్నారు.
  


  జి.మాడుగుల పోలీసులు సోమవారం స్వాధీనం చేసుకున్న గంజాయిని పరిశీలిస్తున్న పాడేరు ఏఎస్పీ శశికుమార్‌రెడ్డి
  యథేచ్ఛగా గంజాయి రవాణా దాడులు జరుగుతున్నా జంకని స్మగ్లర్లు  నెల రోజుల్లో 13 టన్నుల  గంజాయి పట్టివేతఇక్కడ చెల్లించేది రూ. లక్షల్లో.. ఆర్జించేది కోట్లలో..
  
  పాడేరు:  ఎక్కడ చూసినా గంజాయి గుప్పుమంటోంది. మన్యం నుంచి యథేచ్ఛగా గంజాయి రవాణా సాగుతోంది. జిల్లాలో రోజుకో చోట పోలీసులు గంజాయి రవాణాను పసిగట్టి అడ్డుకుంటున్నా  గంజాయి రవాణా నిత్యకృత్యంగా మారింది. పోలీసుల నిఘా ఉన్నా లెక్క చేయకుండా గంజాయి రవాణాకు స్మగ్లర్లు వెనుకాడటం లేదు. ఈ ఏడాది మన్యంలో పెద్ద ఎత్తున గంజాయి సాగైనట్లు తెలుస్తోంది.   రెండు మాసాలుగా గంజాయి రవాణా సాగుతోంది. మన్యం నలుమూలల నుంచి గంజాయిని రవాణా చేస్తున్నారు. పోలీసు, ఎక్సైజ్ అధికారుల  కళ్లుగప్పి నిరాటంకంగా తరలిస్తున్నారు. వేలాది ఎకరాల్లో పండిస్తున్న  గంజాయిపై ఈ ఏడాది నియంత్రణ లేకపోవడంతో రవాణా జోరు ఎక్కువైంది.   వాహన ప్రమాదాల్లో పెద్ద ఎత్తున గంజాయి పట్టుబడుతోంది. మన్యం నుంచి జిల్లా కేంద్రానికి ఆటోలు మొదలుకొని కార్లు, వ్యాన్లు, లారీల్లో భారీగా గంజాయి రవాణా సాగిస్తున్నారు. మన్యం నుంచి విశాఖ జిల్లా కేంద్రానికి పలు దారుల్లో రాత్రి పగలు తేడా లేకుండా గంజాయి రవాణా జరుగుతోంది. జనవరి నెలలో పలుచోట్ల రవాణాలో పోలీసులకు సుమారు 13 వేల కిలోలు గంజాయి  పట్టుబడింది.  గొలుగొండ, దేవరాపల్లి, నర్సీపట్నం, పెదబయలు, వేపాడ, రావికమతం, చింతపల్లి, హుకుంపేట, గోపాలపట్నం, గుత్తులపుట్టు, అరకులోయ, గొలుగొండ, చింతపల్లి ప్రాంతాల్లో ఇటీవల పోలీసులు రవాణా అవుతున్న గంజాయిని పట్టుకున్నారు.
 
 జనవరి 22న విజయవాడ సమీపంలో ఇబ్రహీంపట్నంలో లారీలో భారీగా రవాణా అవుతున్న 3 వేల కిలోలు గంజాయిని, విజయవాడలో రవాణాకు సిద్ధం చేసి ఉంచిన మరో 700 కిలోల గంజాయిని 23న పోలీసులు స్వాధీనం చేసుకున్నారు. రెండు రోజుల క్రితం విజయవాడలో గంజాయి వ్యాపారంలో సూత్రధారిగా ఉన్న నార్ల వంశీకృష్ణను పోలీసులు అరెస్ట్ చేశారు. సోమవారం జి.మాడుగుల మండలంలోని గెమ్మెలి ప్రాంతంలో రవాణాకు సిద్ధం చేసి ఉంచిన 2 వేల కిలోలకు పైగా గంజాయిని స్వాధీనం చేసుకున్నారు. మంగళవారం చోడవరం సమీపంలోని గాంధీగ్రామం వద్ద 480 కిలోలు స్వాధీనం చేసుకున్నారు.
 
  గిరిజనుల అమాయకత్వమే ఆసరా
 మన్యంలో గిరిజనుల అమాయకత్వమే ఆసరాగా చేసుకున్న గంజాయి స్మగ్మర్లు కోట్లాది రూపాయాలు ఆర్జిస్తున్నారు. ఇక్కడ గిరిజనులతో సాగు చేయించి శీలవతి రకం కిలో రూ.2వేలకు గంజాయిని సిద్ధం చేసుకుని తమిళనాడు రాష్ట్రంలో రవాణ చేస్తూ కిలో గంజాయికి రూ.10వేల చొప్పున అమ్మకాలు సాగిస్తూ సొమ్ము చేసుకుంటున్నారు. ఇదే మన్యంలో సాగు చేసే గంజాయి అంతర్జాతీయ మార్కెట్‌లో కిలో రూ.20వేలకు అమ్ముడవుతుంది. దీంతో ఎక్కువ మొత్తంలో భారీగా ఎగుమతులు జరుగుతున్నాయి.


 రవాణా చేయడానికి సిద్ధంగా ఉంచిన 2 టన్నుల గంజాయితో పాటు అక్రమంగా కారులో తరలిస్తున్న 50 కిలోల గంజాయిని పోలీసులు పట్టుకున్నారు. విశాఖ జిల్లా జి. మాడుగుల మండలం జమ్మిలి గ్రామంలోని ఓ ఇంట్లో అక్రమంగా గంజాయి నిల్వ ఉంచారనే సమాచారంతో రంగంలోకి దిగిన పోలీసులు 2 టన్నుల గంజాయిని స్వాధీనం చేసుకున్నారు.
 గంజాయిని తరలించడానికి యత్నిస్తున్న ఏడుగురు స్మగ్లర్లను అరెస్ట్ చేశారు. మరో ఘటనలో కారులో అక్రమంగా తరలిస్తున్న 50 కిలోల గంజాయిని గుర్తించిన పోలీసులు గంజాయితో పాటు ఇద్దరు వ్యక్తులను అదుపులోకి తీసుకున్నారు. స్వాధీనం చేసుకున్న గంజాయి విలువ సుమారు రూ. 52 లక్షల వరకు ఉంటుందని పోలీసులు అంచనా వేస్తున్నారు.
  


 వైఎస్సార్ జిల్లా: ఎర్రచందనం స్మగ్లింగ్కు పాల్పడుతున్న అంతర్రాష్ట్ర ముఠాను ఆదివారం పోలీసులు అరెస్ట్ చేశారు. ఓబులవారిపల్లె మండలం గాజల అటవీప్రాంతంలో ఎర్రచందనం స్మగ్లర్ల నుంచి ఓ కారు, రెండు స్కూటర్లు, రూ.10 లక్షల విలువైన 16 ఎర్రచందనం దుంగలను పోలీసులు స్వాధీనం చేసుకున్నారు. పట్టుబడిన వారిలో తమిళనాడు, కర్ణాటకకు చెందిన వారితో పాటు ఇద్దరు స్థానికులు ఉన్నారు. నిందితులపై కేసు నమోదు చేసి కోర్టులో హాజరు పరచనున్నట్లు రాజంపేట డీఎస్పీ తెలిపారు.
  


 అక్రమంగా ఎర్రచందనం దుంగలను తరలిస్తున్న ఆరుగురు ‘ఎర్ర’దొంగలను పోలీసులు అదుపులోకి తీసుకున్నారు. వారి వద్ద నుంచి 42 ఎర్రచందనం దుంగలతో పాటు ఓ ఆటోను స్వాధీనం చేసుకున్నారు. ఈ సంఘటన నెల్లూరు జిల్లా మర్రిపాడు బస్టాండ్ సెంటర్‌లో బుధవారం చోటుచేసుకుంది.
  అటవీ ప్రాంత నుంచి ఆటోలో తరలిస్తున్న ఎర్రచందనం దుంగలను గుర్తించిన పోలీసులు ఆటోను అడ్డుకొని ఆటోలో ఉన్న ముగ్గురినితో పాటు ఆటోకు ఎస్కార్ట్‌గా వచ్చిన మరో ముగ్గురిని అదుపులోకి తీసుకున్నారు.
 
  


 ఒకరికి ఫోన్ చేయబోయి మరొకరి చేసిన ఫోన్ కాల్ తో అసలుకే ఎసరొచ్చింది. ఎర్రచందనం దుంగలను విక్రయించే యత్నంలో... స్మగ్లర్లు చేసిన ఫోన్ కాల్ పోలీసులకు వెళ్లింది. దీంతో కథ అడ్డం తిరిగింది. వివరాల్లోకి వెళితే..  చిత్తూరు జిల్లా నిమ్మనపల్లె మండలం అగ్రహారం గ్రామంలో కొందరు స్మగ్లర్లు ఎర్రచందనం దుంగలను దాచి ఉంచారు.
 ఓ ఇంట్లో దాచి ఉంచిన దుంగలను స్మగ్లర్లు విక్రయించేందుకు యత్నించారు. ఈ క్రమంలోనే కొంత మంది కొనుగోలుదార్లకు  ఫోన్ చేశారు. వీటిలో ఓ ఫోన్ కాల్ పొరపాటున పోలీసు అధికారులకు వెళ్లింది. అనుకోకుండా వచ్చిన అవకాశాన్ని సద్వినియోగం చేసుకున్న పోలీసులు.. పథకం ప్రకారం స్మగ్లర్లకు ఎలాంటి అనుమానం రాకుండా అగ్రహారంపై దాడి చేశారు. అక్రమంగా దాచిన ఒక టన్ను బరువున్న ఎర్ర చందనం దుంగలను స్వాధీనం చేసుకున్నారు. ఈ దాడిలో ముగ్గురిని అరెస్టు చేశారు.
 
  


 రైల్వే కోడూరు: వైఎస్ఆర్ జిల్లా రైల్వే కోడూరు వద్ద శనివారం పోలీసులు తనిఖీలు చేపట్టారు. మండలంలోని శెట్టికుంట వద్ద తనిఖీలు చేయగా ఎర్రచందనంతో వెళ్తున్న వాహనాలను గుర్తించారు. అక్రమ రవాణా చేస్తున్న దాదాపు రూ. కోటి  విలువైన ఎర్రచందనాన్ని అధికారులు పట్టుకున్నారు. తమిళనాడుకు చెందిన 31 మంది కూలీలను అదుపులోకి తీసుకున్నారు. ఓ లారీ, కారు ను సీజ్ చేశారు. కేసు నమోదు చేసి విచారణ చేస్తున్నారు.


 శంషాబాద్‌: శంషాబాద్ ఎయిర్ పోర్టులో రెండున్నర కేజీల బంగారాన్ని డీఆర్‌ఐ అధికారులు స్వాధీనం చేసుకున్నారు. శుక్రవారం దుబాయి నుంచి శంషాబాద్‌కు వచ్చిన ఏయిర్‌ ఇండియా విమానంలో డీఆర్‌ఐ అధికారులు ఆకస్మిక తనిఖీలు జరిపారు.
 
 ఈ తనిఖీల్లో విలువైన బంగారం దొరికినట్టు అధికారులు పేర్కొన్నారు. ఎవరో గుర్తు తెలియని స్మగ్లర్లు బంగారాన్ని వదిలివెళ్లి ఉంటారని వారు భావిస్తున్నారు.


 మహిళలు.. పోకిరీలు, మృగాళ్లకే కాదు.. స్మగ్లర్లకూ టార్గెట్ అవుతున్నారు. వారికి రకరకాల ఆశలు చూపి క్యారియర్లుగా వినియోగిస్తున్నారు. కస్టమ్స్ అధికారుల కన్ను మహిళలపై ఎక్కువగా ఉండదనే ఉద్దేశంతో ఈ పంథా అనుసరిస్తున్నట్లు అధికారుల అనుమానం. గడిచిన మూడు నెలల్లో ఈ తరహాలో బంగారం, మాదకద్రవ్యాలు స్మగ్లింగ్ చేస్తూ ఏడుగురు మహిళలు పట్టుబడడమే ఇందుకు నిదర్శనం. ఇటీవల ఆంధ్రప్రదేశ్‌లోని కడప జిల్లాకు చెందిన గంగుల మల్లేశ్వరి బ్యాంకాక్ నుంచి 4.5 కేజీల బంగారు బిస్కెట్లతో వస్తూ శంషాబాద్ విమానాశ్రయంలో కస్టమ్స్ అధికారులకు పట్టుబడింది.
  
 * క్యారియర్లుగా వినియోగించుకుంటున్న స్మగ్లర్లు
 * కస్టమ్స్ అధికారులకూ అనుమానం రాకూడదనే..
 * ఇటీవల  4.5 కేజీల పసిడితో చిక్కిన కడప మహిళ
 * శంషాబాద్ విమానాశ్రయం కేంద్రంగా వ్యవహారం
  
 వారిని అనుమానించడం తక్కువే..
  సాధారణంగా స్మగ్లర్లు అనగానే అందరి మదిలో మెదిలేది పురుషులే. దీనికి తోడు మహిళలూ.. అందునా నిండు గర్భిణి, చంకలో పసి పిల్లలతో వచ్చేవారిని అధికారులు అనుమానించడం తక్కువ. ఈ కారణంగా దుబాయ్ తదితర దేశాల నుంచి వచ్చే పేద, మధ్య తరగతి మహిళలకు కమీషన్ ఆశ చూపుతున్న బడా స్మగ్లర్లు వారికి బంగారం, మాదకద్రవ్యాలు అప్పగిస్తున్నారు.
 
 డ్రగ్స్ మాట అటుంచితే.. పసిడి తీసుకువచ్చే ఉమెన్ క్యారియర్లను ఎక్కువగా ఆయా దేశాల్లోని అంతర్జాతీయ విమానాశ్రయాల్లోనే గుర్తించి స్మగ్లర్లు వారికి ఇచ్చి పంపిస్తున్నారు. మాదకద్రవ్యాలను కడుపులో దాచి గర్భవతులుగా, చంటి బిడ్డలతో వస్తున్న వారికి బంగారం తదితరాలను అప్పగించి పంపిస్తున్నారు.
  
 డీఎఫ్‌ఎమ్‌డీల వద్దా బురిడీ..
 వివిధ రూపాలు, పంథాల్లో బంగారం అక్రమంగా తీసుకొస్తున్న మహిళలకు విమానాశ్రయాల్లోని డోర్ ఫ్రేమ్ మెటల్ డిటెక్టర్స్ (డీఎఫ్‌ఎండీ)లు కూడా కొంత వరకు ‘సహకరిస్తున్నాయి’. ఏదైనా అక్రమ రవాణా విషయం కస్టమ్స్ అధికారులు గుర్తించాలంటే పక్కా సమాచారం, ఎయిర్ ఇంటెలిజెన్స్ యూనిట్ (ఏఐయూ) నిఘాల కంటే డీఎఫ్‌ఎండీఏ ఎక్కువగా ఉపకరిస్తున్నాయి.
 
 క్యారియర్లు దాటుతున్న సమయంలో లోపల దాచి ఉంచిన మెటల్ కారణంగా డీఎఫ్‌ఎండీలు శబ్ధం చేస్తాయి. మహిళలు సాధారణంగానే కొంత వరకు నగలు ధరించి ఉంటారు. వీటి వల్లే శబ్ధం వచ్చి ఉంటుందని అధికారులు భావించే ఆస్కారం సైతం ఉంటుందనే బడా స్మగ్లర్లు మహిళల్ని వినియోగించుకుంటున్నారు.
  
 కీలక వ్యక్తులు చిక్కడం కష్టమే..
 ఈ తరహాలో అక్రమ రవాణా చేస్తూ చిక్కుతున్న మహిళల్ని ఎంత విచారించినా ముఠా వెనుక ఉన్న సూత్రధారులను కనిపెట్టడం కష్టంగా మారుతోందని కస్టమ్స్ అధికారులు చెప్తున్నారు. ఆయా దేశాల్లోని విమానాశ్రయాల్లో వీరికి బంగారం అప్పగించే ముఠా సభ్యులు దాన్ని ఎవరికి డెలివరీ చేయాలో మాత్రం మహిళలకు చెప్పట్లేదు.
 
 కేవలం విమానాశ్రయం నుంచి బయటకు వచ్చాక ఓ ప్రాంతంలో వేచి ఉండమనో, ఫలానా హోటల్/లాడ్జిలో బస చేయాలనో సూచిస్తున్నారు. ముఠాకు చెందిన రిసీవర్లు అక్కడికే వెళ్లి బంగారం తీసుకుని మహిళలకు కమీషన్ చెల్లిస్తున్నారు. ఈ కారణంగానే విమానాశ్రయాల్లో పట్టుబడుతున్న క్యారియర్ల కేసుల్లో పురోగతి ఉండట్లేదని వివరిస్తున్నారు.
  
 ముమ్మర కసరత్తు చేస్తున్న కస్టమ్స్..
 బడా స్మగ్లర్లు మహిళలను అక్రమ రవాణాకు వినియోగించుకుంటున్నారనే ఉద్దేశంతో ప్రతి మహిళను ఆపి తనిఖీ చేయడం సాధ్యం కాదు. అలా చేస్తే అమాయకులు సైతం తీవ్ర ఇబ్బందులు పడే అవకాశం ఉంటుంది. ఈ నేపథ్యంలోనే కస్టమ్స్ సహా ఇతర ఏజెన్సీల అధికారులు మహిళా ప్రయాణికుల జాబితాను ముందే సేకరిస్తున్నారు. వారు విదేశాలకు ఎప్పుడు వెళ్లారు? ఆఖరుసారిగా ఎప్పుడు వచ్చారు? ఏ వీసాపై వెళ్లారు? వారి నేపథ్యం ఏమిటి? తదితరాలను ఆరా తీస్తున్నారు. కేవలం అనుమానాస్పదమైన వారిని మాత్రమే అదుపులోకి తీసుకుంటూ ఫలితాలు సాధిస్తున్నారు.
  
 ఉదాహరణలు ఎన్నో..
 * ఇటీవల దుబాయ్ నుంచి ‘గర్భిణిగా’ వచ్చిన సౌత్ ఆఫ్రికా మహిళ మూసా తన కడుపులో 793 గ్రాముల కొకైన్‌తో చిక్కింది.
 * మూడు నెలల క్రితం సౌదీ నుంచి తన భర్త, ఏడాదిన్నర కుమారుడితో వచ్చిన మహిళ 1.75 కేజీల బంగారంతో పట్టుబడింది.
 * బ్యాంకాక్, దుబాయ్ నుంచి వచ్చిన నలుగురు మహిళల్ని అదుపులోకి తీసుకున్న కస్టమ్స్ అధికారులు వారి నుంచి నాలుగు కేజీల బంగారం స్వాధీనం చేసుకున్నారు.
 * సింగపూర్ నుంచి వచ్చిన ముగ్గురు మహిళల్ని తనిఖీ చేయగా 5.1 కేజీల బంగారంతో పట్టుబడ్డారు.
 * యూఏఈ నుంచి వచ్చిన ఇద్దరు మహిళల్ని పట్టుకున్న కస్టమ్స్ అధికారులుకు 1.3 కేజీల బంగారం దొరికింది.


 మదనపల్లె: చిత్తూరు జిల్లాలో పోలీసులు నిర్వహించిన దాడుల్లో నలుగురిని అరెస్ట్‌చేసి వారి 9 లక్షల విలువైన 16 ఎర్రచందనం దుంగలను స్వాధీనం చేసుకున్నారు. వైఎస్సార్ జిల్లా శేషాచలం అడవుల నుంచి ఎర్రచందనం దుంగలను తరలిస్తున్నారని వచ్చిన సమాచారంతో ఈ దాడులు నిర్వహించారు.
 మదనపల్లె రూరల్ ఎస్‌ఐ రవిప్రకాశ్‌రెడ్డి ఆధ్వర్యంలో వేంపల్లె క్రాస్ వద్ద బొలేరో విహనంలో 8 ఎర్రచందనం దుంగలను తరలిస్తుండగా పట్టుకున్నారు. ఈ సందర్భంగా కర్ణాటక కోలార్ జిల్లా కేజీఎఫ్‌కు చెందిన నిసార్‌ఖాన్(32), తమిళనాడు వేలూరు జిల్లా ఆర్కాడ్‌కు చెందిన మన్సూర్(20), వేలూరు పట్టణానికి చెందిన ఇందాద్ షరీఫ్(30) లను అరెస్ట్ చేశారు. అలాగే మదనపల్లె అర్బన్ ఎస్‌ఐ దస్తగిరి ఆధ్వర్యంలో పోలీసులు పట్టణంలోని నీరుగట్టుపల్లె వద్ద ఫోర్ట్ కారులో తరలిస్తున్న 8 ఎర్రచందనం దుంగలను స్వాధీనం చేసుకున్నారు. కర్ణాటక హొస్కోటకు చెందిన అంజుమ్(51)ని అరెస్ట్ చేశారు.
  


 కమల్‌కిషోర్, మీర్జా, షరీఫ్, స్వామి అరెస్టు
 ముగ్గురిపై జిల్లాలో 75 కేసులు
  
 చిత్తూరు (అర్బన్) :చిత్తూరు పోలీసులు చేపట్టిన ఆపరేషన్ రెడ్‌లో ముగ్గురు ప్రధాన అంతర్రాష్ట్ర స్మగ్లర్లను అరెస్టు చేశారు. జిల్లాలోని బంగారుపాళ్యం, పీలేరు, చిత్తూరు వన్‌టౌన్ పోలీసు స్టేషన్ ప్రాంతాల్లో ఆదివారం ఏకకాలంలో సోదాలు నిర్వహించారు. ఈ సోదాల్లో చిత్తూరు నగరానికి చెందిన కమల్‌కిషోర్, బెంగళూరుకు చెందిన మీర్జా, సఫ్దర్ షరీఫ్, అలాగే బంగారుపాళ్యానికి చెంది న మేస్త్రీ స్వామి పట్టుబడ్డారు. ఈ ముగ్గురిపై జిల్లాలోని పలు పోలీసు స్టేషన్లలో 75 కేసులు నమోదయ్యాయి. నిందితుల నుంచి మూడు కార్లు, 28 ఎర్రచందనం దుంగలను స్వాధీనం చేసుకున్నామని, వీటి విలువ రూ.28 లక్షలు ఉంటుందని ఓఎస్‌డీ రత్న తెలిపారు. నగరంలోని పోలీసు పెరెడ్ గ్రౌండ్‌లో సోమవారం ఏర్పాటు చేసిన విలేకరుల సమావేశం లో ఆమె ఈ వివరాలను వెల్లడించారు. సమావేశంలో డీఎస్పీలు గిరిధర్, లక్ష్మీనాయుడు, దేవదాసు, సీఐలు మహేశ్వర్, నిరంజన్‌కుమార్ పాల్గొన్నారు.
 
  ఆరుగురు ఎర్ర స్మగ్లర్లపై ‘పీడీ’ నమోదుకు ప్రతిపాదనలు
  ఎర్రచందనం అక్రమ రవాణాలో అరెస్టయిన ఆరుగురు స్మగ్లర్లపై ప్రివెంటివ్ డిటెక్టివ్ (పీడీ) యాక్టు కింద కేసులు నమోదు చేయడానికి జిల్లా పోలీసు శాఖ ప్రతిపాదనలు పంపింది. సోమవారం చిత్తూరు ఓఎస్‌డీ రత్న దీనిపై మాట్లాడుతూ ఆరుగురు స్మగ్లర్లపై పీడీ నమోదు చేయడానికి కలెక్టర్‌కు నివేదిక పంపామన్నారు. ఈనెలాఖరులోపు అనుమతి వస్తుందని, అనంతరం స్మగ్లర్లను పీడీ యాక్టు కింద కడప, రాజమండ్రి జైలుకు తరలిస్తామన్నారు. ఇప్పటికే జిల్లాలో పీడీ యాక్టు కింద 44 మందిని అరెస్టు చేసినట్లు ఆమె పేర్కొన్నారు.
  
 కమల్‌కిషోర్: ఇతన్ని కమల్ (32) అని కూడా పిలుస్తుంటారు. చిత్తూరు లోని రామ్‌నగర్ కాలనీకి చెందిన రిటైర్డ్ ఆర్టీసీ ఉద్యోగి టీఏ.పద్మనాభం కుమారుడు.  ఎంబీఏ వరకు చదువుకున్న ఇతను పలు సాఫ్ట్‌వేర్ కంపెనీ ల్లో పనిచేశాడు. 2011 నుంచి ఎర్రచందనం రవాణా చేస్తున్నాడు. చిత్తూరుకు చెందిన టీడీపీ నాయకుడు వసంత్‌కుమార్, తుమ్మింద పాళ్యం గౌస్‌తో సంబంధాలున్నాయి. ఇప్పటి వరకు వంద టన్నుల వరకు ఎర్రచందనం దుంగల్ని ఎగుమతి చేసి రూ.10 కోట్ల వరకు సంపాదించాడు. బెంగళూరులో ఇతను, స్మగ్లర్ మీర్జా కలిసి ఓ పబ్‌ను నడుపుతున్నారు.
  
 మీర్జా: మీర్జాబేగ్, ఖాస్ (39) అనే పేర్లతో కూడా ఇతన్ని పిలుస్తారు. ఎర్రచందనం వ్యాపారంలో మోస్ట్‌వాంటెడ్ కింగ్ పిన్ మీర్జా. మూడో తరగతి వరకు చదువుకున్న మీర్జా గతంలో ద్విచక్ర వాహనాల వ్యాపారం చేసేవాడు. 2013 నుంచి ఎర్రచందనం అక్రమ రవాణాలో ఉన్నాడు. ఇతనిపై జిల్లాలో 30 కేసులు ఉన్నాయి. జిల్లా నుంచి 30 టన్నుల వరకు ఎర్రచందనం రవాణా చేసి రూ.3 కోట్ల వరకు సంపాదించాడు.
  
 స్వామి: బంగారుపాళ్యంకు చెందిన పేరు స్వామి (32) 2009 నుంచి ఎర్రచందనం అక్రమ రవాణా చేస్తున్నాడు. ఇతను మేస్త్రీగా వ్యవహరిస్తున్నా డు. కమల్‌కిషోర్, మీర్జాను పట్టుకోవడానికి ఆపరేషన్ రెడ్‌లో ఉన్న సీఐలు బెంగళూరులోని ఓ ప్రాంతంలో భిక్షగాళ్లుగా గెటెప్ వేసుకున్నారు. మరో అధికారి పబ్‌లో సరదాగా అమ్మాయిలతో గడపడానికన్నట్లు పిల్ల జమిందార్ వేషం కట్టారు. ఇంకొకరు క్యాబ్ డ్రైవర్‌గా వ్యవహరించారు. ప్రాణాలకు తెగించి ఈ ముగ్గు రు స్మగ్లర్లను పట్టుకున్నారు. వీరికి త్వరలోనే ఎస్పీ చేతు లు మీదుగా రివార్డులు అందజేయనున్నట్టు ఓఎస్‌డీ రత్న తెలిపారు.
  
 షరీఫ్: బెంగళూరులోని భనశంకరి ప్రాంతానికి చెందిన సఫ్దర్ షరీఫ్ (29) రెండో తరగతి వరకు చదువుకున్నాడు. గతంలో స్పిరిట్ వ్యాపారం చేసేవాడు. 2013 నుంచి ఎర్రచంద నం అక్రమ రవాణా చేస్తున్నాడు. ఇతనికి ఆంధ్రాతో పాటు కర్ణాటక, ముం బయి, ఢిల్లీకి చెందిన స్మగ్లర్లతో సంబంధాలున్నాయి. ఇతను ఇప్పటి వరకు వంద టన్నుల ఎర్రచందనం దుంగలను మన జిల్లా నుంచి తెప్పిం చుకుని ఇతర రాష్ట్రాలకు ఎగుమతి చేశాడు. ఇతనిపై జిల్లాలోని పలు పోలీసుస్టేషన్లలో 15 కేసులు న్నాయి. ఈ రెండేళ్ల కాలంలో స్మగ్లింగ్ ద్వారా రూ.10 కోట్లు సంపాదించాడు.
  
  


 
 
 
 
 - అటవీచట్టం-1967లో సవరణల ద్వారా సాధ్యం.. ఆ దిశగా ఆలోచించండి
 - శాంతిభద్రతల సమీక్షలో అధికారులతో సీఎం చంద్రబాబు
  అవసరతీసుకురావాల్సి
 
 సాక్షి, విజయవాడ బ్యూరో: రాష్ట్రంలో ఎర్రచందనం స్మగ్లర్ల కార్యకలాపాలు మళ్లీ పెరిగాయని, వారి ఆగడాలకు అడ్డుకట్ట వేసేలా కట్టుదిట్టమైన చర్యలు చేపట్టాలని పోలీస్ ఉన్నతాధికారులను సీఎం చంద్రబాబు ఆదేశించారు. స్మగ్లర్ల ఆస్తులను జప్తు చేసే అధికారం ఉండేలా అటవీచట్టం-1967లో సవరణలు తీసుకురావాల్సి ఉందని సీఎం అభిప్రాయపడ్డారు. రాష్ట్రంలోని శాంతిభద్రతలపై సీఎం తన నివాసంలో ఆదివారం సమీక్ష నిర్వహించారు.
 
 ఎర్రచందనం స్మగర్ల ఆగడాలకు అరికట్టేలా నిరంతరం నిఘా ఉంచాలని, సీసీటీవీ మానిటరింగ్, ఎఫెక్టివ్ ట్రెంచింగ్, అవుట్‌పోస్టులు పెంచడం, అదనపు సిబ్బంది నియామకం వంటి చర్యలు చేపట్టాలని సీఎం ఆదేశించారు. పోలీస్ శాఖలో సాఫ్ట్‌వేర్‌ను మరింత అభివృద్ధి చేసుకుని, నేరాల నియంత్రణలో శాస్త్రసాంకేతిక పరిజ్ఞానంతో సమర్థత పెంచుకోవాలని అన్నారు. గతంలో పలు నేరాల్లో గుర్తించిన 2వేల మంది నేరగాళ్ల వేలిముద్రలు, ఐరీష్ నమూనాలను సేకరించి సెంట్రల్ సర్వర్‌లో నమోదు చేసి వారి కదలికలపై నిఘా పెంచాలని అన్నారు.
 
 అన్ని స్థాయిల్లోను పోలీసులు పనిచేసిన చోట్ల నేరాల నియంత్రణలో పనితీరుపై ఐదేళ్ల ట్రాక్ రికార్డును తయారు చేయాలని అన్నారు. వారి హయాంలో ఆయా స్టేషన్‌లలో నమోదైన కేసుల సంఖ్య, నిందితులకు పడ్డ శిక్షలు తదితర వివరాలతో పోలీసుల పనితీరును బేరీజు వేసే ప్రక్రియ వచ్చే ఏడాది మార్చి నాటికి పూర్తి చేయాలని ఆదేశించారు.
  
 భవిష్యత్‌లో పోలీస్ శాఖలో తీసుకునే నిర్ణయాలకు ఈ ట్రాక్ రికార్డు ఒక ప్రాతిపదికగా ఉంటుందని అన్నారు. సమావేశంలో శాంతిభద్రతల డీడీజీ ఆర్పీ ఠాకూర్, ఇంటలిజెన్స్ ఏడీజీ ఏబీ వెంకటేశ్వరరావు, ఐజీ హరీశ్‌గుప్తా, విజయవాడ, విశాఖపట్నం పోలీస్ కమిషనర్‌లు గౌతం సవాంగ్, అమిత్‌గార్గ్, సీఎంవో సంయుక్త కార్యదర్శి ప్రద్యుమ్న పాల్గొన్నారు.


 - శేషాచలం ఎన్‌కౌంటర్‌పై దారి తప్పిన దర్యాప్తు
 - ఒత్తిళ్లకు తలొగ్గిన ‘సిట్’
  
 సాక్షి, హైదరాబాద్: దేశవ్యాప్తంగా సంచలనం సృష్టించిన శేషాచలం ఎన్‌కౌంటర్‌పై దర్యాప్తు దారి తప్పిందా? విచారణలో నిష్పక్షపాతంగా వ్యవహరించాల్సిన సిట్(ప్రత్యేక దర్యాప్తు బృందం) యువనేత ఒత్తిళ్లకు తలొగ్గిందా? అనే ప్రశ్నలకు అవుననే సమాధానం వినిపిస్తోంది. ఎర్ర చందనం వృక్షాలను నరికే కూలీలను తమిళనాడు నుంచి శేషాచలం అడవులకు రప్పించిన కీలక స్మగ్లర్‌ను సిట్ అధికారులు ఇప్పటికీ విచారించలేదు.
  
  చిత్తూరు జిల్లాకు చెందిన అధికార టీడీపీ కీలక నేత ఒకరు ఎర్రచందనం స్మగ్లింగ్‌లో దిట్ట. యువనేతకు సన్నిహితుడైన ఆ నాయకుడు.. ఎన్నికల్లో చిత్తూరు జిల్లాలో టీడీపీకి ఆర్థికంగా అండగా నిలిచారు. టీడీపీ అధికారంలోకి వచ్చాక ఆ పచ్చ స్మగ్లర్ ఆడిందే ఆట పాడిందే పాట అన్నట్లుగా సాగుతోంది. ఆయనే తమిళనాడు నుంచి దళారీల ద్వారా ఏప్రిల్ 6న కూలీలను రప్పించారు. వారిని చిత్తూరు జిల్లా సరిహద్దుల్లో పోలీసులు అదే రోజున అదుపులోకి తీసుకుని.. ఏప్రిల్ 7న ఎన్‌కౌంటర్ చేశారని తమిళనాడు ప్రజా సంఘాలు ఆరోపించాయి.
  
  దర్యాప్తు నిష్పక్షపాతంగా జరిగితే తనకు సన్నిహితుడైన స్మగ్లర్‌కు ఇక్కట్లు తప్పవని భావించిన యువనేత ‘సిట్’ అధికారులపై తీవ్రస్థాయిలో ఒత్తిడి తెచ్చారు. దాంతో సిట్ అధికారులు స్మగ్లర్ వైపు కన్నెత్తి కూడా చూడటం లేదు.


 నేరస్తులను గుర్తించడంలో విఫలమవుతున్న పోలీసులు
  
  జల్సాలకు అలవాటు పడ్డ యువత డబ్బు సంపాదనే ధ్యేయంగా అక్రమ మార్గాల వైపు
  మొగ్గుచూపుతోంది. ముఖ్యంగా ఎర్రచందనం స్మగ్లింగ్‌కు సంబంధించి పెలైట్లుగాను
  డ్రగ్స్ తదితర మాదకద్రవ్యాల వైపు మరలుతున్నారు.  గతంలో జరిగిన సంఘటనలే
  కాకుండా ఇటీవల పోలీసు అరెస్టుల్లో కూడా యువకుల పాత్రతో పాటు వారికి స్మగ్లర్లు
  అందిస్తున్న డ్రగ్స్ కూడా వెలుగులోకి వస్తున్నాయి.
  
  
  సాక్షి, చిత్తూరు : చైనాతో పాటు ఇతర దేశాలకు చెందిన స్మగ్లర్లు భారతదేశానికి బ్రౌన్ షుగర్, కోకైన్ వంటి మాదక ద్రవ్యాలను దిగుమతి చేయిస్తున్నారు. అయితే మొదట వీటి గురించి తెలియని యువకులు కొందరి మాయలో పడుతున్నారు. 2014 అక్టోబర్ 12తేదీన బతుకుదెరువు కోసం కువైట్‌కు వెళ్తూ చెన్నై విమానాశ్రయంలో పట్టుబడ్డ పీలేరుకు చెందిన ఆనంద్ విషయంలో నార్కో అనాలసిస్ విభాగం పలు పరీక్షలు చేసి చిత్తూరు జిల్లా పోలీసులకు సమాచారం అందించినా అసలు నిందితులను పట్టుకోలేకపోయారు. ఆనంద్ అనే వ్యక్తి ఆరోతరగతి వరకు చదువుకుని గొర్రెల కాపరిగా ఉంటూ, గిట్టుబాటు కాక ఆ గొర్రెలను అమ్ముకుని వచ్చిన డబ్బుతో కువైట్‌కు వెళ్లేందుకు బయలుదేరాడు.
 
 అతని సమీప గ్రామస్తుడైన వ్యక్తి వచ్చి పది గోధుమ పిండి పొట్లాలని చెప్పి బ్యాగు ఇచ్చి దాంతోపాటు ఆనంద్‌ను చెన్నై ఎయిర్‌పోర్టులో వదిలి వచ్చాడు. ఎయిర్‌పోర్టులోకి వెళ్లిన ఆనంద్ కస్టమ్ అధికారుల తనిఖీల్లో బ్రౌన్ షుగర్ తరలిస్తున్నట్లు బయటపడింది. అయితే నేటికీ ఆనంద్ విడుదల కాకపోగా దీనికి సంబంధించిన వ్యక్తులను అరెస్టు చేయడంలో పోలీసులు విఫలమయ్యారు. అయితే ఇదే కేసుకు సంబంధించి మదనపల్లెకు చెందిన ఛాయాదేవి అనే మహిళకు కూడా సంబంధమున్నట్లు, నైజీరియాలో ఆమె పట్టుబడట్లు కూడా అప్పుడు వార్తలొచ్చాయి. అయితే మదనపల్లె పోలీసులు ఆమె పాస్‌పోర్టును, తదితరాలను క్షుణ్ణంగా పరిశీలించారు.  విచారణలో ఛాయాదేవికీ, ఆ కేసుకు ఎటువంటి సంబంధం లేదని  మదనపల్లె టూ టౌన్ పోలీసులు తేల్చారు.
 
 అయితే నిరుద్యోగ యువకులు మాత్రం మాదకద్రవ్యాల ముఠా చేతుల్లో సమిధులవుతున్నారు.  ఎర్రచందనం అక్రమ రవాణా సమాచారాన్ని ఏదో ఒక విధంగా తెలుసుకుంటున్నా, మాదకద్రవ్యాల సమాచారం సేకణలో పోలీసులు విఫలమవుతున్నారు. దుబాయ్, చెన్నై, థాయ్‌లాండ్, నేపాల్‌లకు చెందిన పలువురు అంతర్జాతీయ స్మగ్లర్ల విచారణలో వారు తమ దేశాలకు ఎర్రచందనం తెప్పించుకోవడంతో పాటు ఎర్రచందానాన్ని పంపుతున్న ఇండియాకు మాదకద్రవ్యాలను పంపుతున్న ట్లు పోలీసులు సమాచారాన్ని రాబట్టగలిగారు. అయి తే చెన్నై ఎయిర్‌పోర్టు సంఘటన జరిగి సంవత్సరం దాటుతున్నా కేసు పురోగతి సాధించింది లేదు.


 కర్నాటక రాష్ట్రంలో అక్రమంగా నిల్వ చేసిన రూ.కోటి విలువైన ఎర్రచందనం దుంగల్ని చిత్తూరు పోలీసులు స్వాధీనం చేసుకున్నారు. దుంగలతో పాటు ముగ్గురు స్మగ్లర్లను అరెస్టు చేశారు.
 ఆదివారం బంగారుపాళ్యం, మదనపల్లె టూటౌన్ పోలీసు స్టేషన్ ప్రాంతాల్లో పోలీసులు దాడులు నిర్వహించారు. ఈ దాడుల్లో ముగ్గురు ఎర్రచందనం స్మగ్లర్లను అరెస్టు చేశారు. వీరు ఇచ్చిన సమాచారంతో కర్నాటక రాష్ట్రం దొడ్లబళ్లాపూర్, కడనూర్ గ్రామంలో అంజాద్ కు చెందిన మామిడి తోటలో మూడు టన్నుల ఎర్రచందనం దుంగల్ని స్వాధీనం చేసుకున్నారు.
 అయితే పోలీసుల జాడ పసిగట్టిన అంజాద్ పారిపోయినట్లు సమాచారం. అరెస్టయిన వారిలో చిత్తూరు నగరంలోని జాన్స్‌గార్డెన్‌కు చెందిన మహ్మద్ అల్తాఫ్ హుస్సేన్ (36), తమిళనాడు క్రిష్ణగిరి జిల్లా ఉత్తస్‌గారై తాలూకా కీలమత్తూరుకు చెందిన ఎస్.అరుల్ (25), ఎస్.శరవన (22)లు ఉన్నారు.
 
 
  


 హైదరాబాద్ : నగరంలోని నేరేడ్మెట్ ప్రాంతంలో శనివారం ఉదయం దారుణం చోటు చేసుకుంది.  ఓ మహిళపై గంజాయి స్మగ్లర్లు దాడి చేశారు. ఈ దాడిలో సదరు మహిళ తీవ్రంగా గాయపడ్డింది. స్థానికులు వెంటనే స్పందించి పోలీసులకు సమాచారం అందించారు. పోలీసులు ఘటన స్థలానికి చేరుకుని... బాధితురాలిని గాంధీ ఆసుపత్రికి తరలించారు. అయితే ఆమె పరిస్థితి విషమంగా ఉందని వైద్యులు వెల్లడించారని పోలీసులు తెలిపారు.
 పోలీసుల కథనం ప్రకారం... నేరేడ్మెట్ ప్రాంతంలో ఇటీవల గంజాయి తాగుతున్న వారి సంఖ్య ఇబ్బడిముబ్బడిగా పెరిగింది. ఆ గంజాయి మత్తులో రహదారిపై వెళ్తున్న వారిని పలు ఇబ్బందులకు గురి చేస్తున్నారు. దాంతో స్థానికంగా గంజాయి సేవించే వారిపై ఓ మహిళ ఇటీవల పోలీసులకు సమాచారం ఇచ్చింది. దాంతో ఆగ్రహించిన గంజాయి స్మగ్లర్లు ఆమెపై దాడి చేశారని పోలీసులు తెలిపారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు. 


 బంగారుపాళెం : ఎర్రచందనం అక్రమ రవాణా చేస్తున్న ఇద్దరు అంతర్రాష్ట్ర స్మగ్లర్లను అరెస్టు చేసినట్లు డీఎస్పీ శంకర్ తెలిపారు. స్థానిక పోలీస్‌స్టేషన్ ఆవరణలో బుధవారం ఆయన విలేకరులతో మాట్లాడుతూ బంగారుపాళెం మండలం మాధవనగర్ వద్ద ఆపకుండా వెళుతున్న టాటా ఎక్స్‌ఆన్ వాహనాన్ని ఎస్‌ఐలు ఉమామహేశ్వర్‌రావు, దిలీప్‌కుమార్, సిబ్బంది పట్టుకున్నారన్నారు.
 
 ఇద్దరు పరారు కాగా ఇద్దరిని అదుపులోకి తీసుకున్నట్లు తెలిపారు. వాహనంలో మూడు ఎర్రచందనం దుంగలు, రెండు ఇనుపరాడ్లు, రెండు కత్తులను గుర్తించి స్వాధీనం చేసుకున్నట్లు తెలిపారు. పట్టుబడిన వ్యక్తుల్లో కృష్ణగిరికి చెందిన షణ్ముగం, గోవిందరాజులు ఉన్నట్లు తెలిపారు. వాహన డ్రైవర్ శక్తివేల్, ప్రధాన స్మగ్లర్ మున్నాబాయ్ పరారైనట్లు చెప్పారు. నిందితులను కోర్టుకు హాజరు పరచనున్నట్లు పేర్కొన్నారు.  
  
  


 సాక్షి, హైదరాబాద్: మరో ఇద్దరు ఎర్రచందనం స్మగ్లర్‌లపై పీడీ చట్టాన్ని ప్రయోగిస్తూ శనివారం ప్రభుత్వం ఉత్తర్వులు జారీ చేసింది. చిత్తూరులో ఇరువరానికి చెందిన షేక్ అబ్దుల్ మజీబ్(36), రొంపిచెర్ల మండలం గానుగులచింతకు చెందిన కె.పురుషోత్తంరెడ్డి(28)లపై పలు ఎర్రచందనం స్మగ్లింగ్ కేసులు నమోదయ్యాయి.
 
 ఆ ఇద్దరు స్మగ్లర్లపై పీడీ చట్టాన్ని ప్రయోగించేందుకు అనుమతించాలని గతేడాది డిసెంబర్ 20న చిత్తూరు జిల్లా కలెక్టర్ సిద్ధార్థ్‌జైన్ ప్రభుత్వానికి నివేదిక పంపారు. దీనిపై ఆ ఇద్దరూ తమకు ఎర్రచందనం స్మగ్లింగ్‌తో సంబంధం లేదని, పీడీ చట్టాన్ని ప్రయోగించవద్దని ప్రభుత్వానికి దరఖాస్తు చేసుకున్నారు. వీటిపై విచారించిన పీడీ యాక్ట్ సలహా మండలి ఆ ఇద్దరి దరఖాస్తులను దోచిపుచ్చింది. వారిపై పీడీ చట్టాన్ని ప్రయోగించేందుకు అనుమతి ఇచ్చింది.


 పోలీసులపై ఫిర్యాదుకు      వెనుకాడని స్మగ్లర్లు
 వడ మాలపేట ఉదంతంతో  వణుకుతున్న పోలీసులు
  
  స్మగ్లర్లకు చుట్టాలుగా మారి చట్టాలకు తిలోదకాలిచ్చిన జిల్లా ఖాకీల్లో ఇప్పుడు కలవరం మొదలైంది. ఇన్నాళ్లూ ఎర్ర దొంగల పేరుతో లక్షలు సంపాదించిన వారంతా తమ పేరెక్కడ బయటపడతుందోనని లోలోన వణికిపోతున్నారు. ఇన్నాళ్లూ తమకు ముచ్చెమటలు పట్టించిన పోలీసుల కక్కూర్తిని బయట పెట్టేందుకు స్మగ్లర్లు ధైర్యంగా ముందుకొస్తుండడమే.. దీనికి ప్రధాన కారణంగా తెలుస్తోంది.
  
  తిరుపతి సిటీ/తిరుపతి క్రైం: వడమాలపేట పోలీసుల ఉదంతం జిల్లా పోలీసు యంత్రాంగంలో ప్రకంపనలు సృష్టిస్తోంది. ఎర్రచందనం స్మగ్లర్ల నుంచి డబ్బు వసూలు చేసి అడ్డంగా దొరికిన వడమాలపేట ఎస్‌ఐ, హెడ్ కానిస్టేబుల్, కానిస్టేబుల్ ఇంటెలిజెన్స్‌కు బుక్కైపోయారు. ఈ నేపథ్యంలో ఎర్రదొంగల నుంచి ఆ మ్యామ్యాలు స్వీకరించిన పోలీసులకు ముచ్చెమటలు పడుతున్నాయి. స్మగ్లర్లను గతంలో వేధింపులకు గురిచేసిన పలువురు పోలీస్ ఉన్నతాధికారుల నుంచి కానిస్టేబుల్ వరకు  తీవ్ర భయాందోళనలతో వణికిపోతున్నారు. ఎర్రచందనం స్మగ్లర్లను, కూలీలను అరెస్ట్ చేయాడానికి రాయలసీమ పరిధిలో పోలీస్ టాస్క్‌ఫోర్సు బృందాలను ప్రత్యేకంగా నియమించారు. ఇదే అదునుగా భావించిన లా అండ్ ఆర్డర్ పోలీసులు గతంలో ఎర్రచందనం స్మగ్లింగ్ చేస్తున్న వారి వివరాలను ఆరా తీస్తూ వారిని అనధికారికంగా స్టేషన్లకు  పిలిపించి లక్షలాది రూపాయలు దండుకున్నారనే ఆరోపణలు వినిపిస్తున్నాయి.
 
  విచారణ పేరుతో.. దోపిడీ
  స్మగ్లర్లకు చెందిన వాహనాలు, విలువైన వస్తువులను పోలీసులు విచారణ పేరుతో తీసుకుని వెనక్కి ఇవ్వన్నట్లు తెలుస్తోంది. చిత్తూరు జిల్లాతో పాటు తిరుపతి అర్బన్ జిల్లాలో ఏర్పడిన టాస్క్‌ఫోర్స్ పోలీసులు... ఎర్రస్మగ్లర్ల పేరుతో కొంతమందిని విచారణకు తీసుకొచ్చి వారి వద్ద లక్షల రూపాయలు తీసుకున్నారనే ఆరోపణలు ఇప్పుడు పెద్దఎత్తున వినిపిస్తున్నాయి. అయితే ఎర్రచందనం స్మగ్లర్లు బయటకు చెప్పుకోలేక, ఏవరికైనా ఫిర్యాదు చేస్తే మరింతగా వేధింపులు ఉంటాయని లోలోలపలే కుమిలిపోయేవారు. అయితే ఇప్పుడు కొందరు ధైర్యం చేసి పోలీసుపైనే ఫిర్యాదులు చేసేందుకు సిద్ధమౌతున్నారు.
 
  ఇంకా ఎంతమంది పోలీసులున్నారో..
  ఎర్రచందనం స్మగ్లర్ ఫిర్యాదు మేరకు రేణిగుంట పోలీసులు వడమాల పేట ఎస్‌ఐతోపాటు ఇద్దరు కానిస్టేబుళ్లపై కేసులు నమోదు అయ్యింది. దీంతో ఈ లెక్కన స్మగ్లర్లను డ బ్బు వేధింపులకు గురిచేస్తున్న పోలీసు అధికారులు, కానిస్టేబుళ్లు ఎందరున్నారో ఇకపై వెలుగులోకి వచ్చే అవకాశం ఉంది. కడప, చిత్తూరు జిల్లాల్లో పనిచేసే 134 మంది పోలీసులకు, అధికారులకు ఎర్రచందనం స్మగ్లింగ్ వ్యవహారాల్లో ప్రత్యక్ష, పరోక్ష ప్రమేయాలు ఉన్నట్లు అప్పట్లోనే టాస్క్‌ఫోర్స్ పోలీసులు గుర్తించి నివేదికలు తయారు చేశారు. ఈ వ్యవహారంలో టాస్క్‌ఫోర్స్ ఓఎస్‌డీగా పనిచేసిన అధికారిని 2014లో ప్రభుత్వం సస్పెండ్ చేసింది. అంతేకాకుండా కార్వేటినగరం సర్కిల్ పరిధిలో ఒక హత్యకేసులో భారీగా ముడుపులు తీసుకున్నారనే ఆరోపణలతో సీఐతోపాటు ఎస్‌ఐను సస్పెండ్ చేశారు.
 
 ఇటివల ఎస్వీయూ పోలీస్ స్టేషన్‌లో అనధికారికంగా హైదరాబాదుకు చెందిన వ్యక్తిని ఒక ఎస్‌ఐ, బ్లూకోల్ట్ కానిస్టేబుల్ రెండు రోజుల పాటు విచారణ పేరుతో నిర్బధించారనే ఆరోపణలు వెలుగు చేశాయి. పైగా బాధితుడి నుంచి కారు, బంగారు ఉంగారాన్ని స్వాధీనం చేసుకుని వదలిపెట్టినట్లు సమాచారం. ఆ కేసులో బాధితుడు అర్బన్ పోలీసులకు ఫిర్యాదు చేయడంతో స్పెషల్‌బ్రాంచి డీఎస్పీ విచారణ చేపట్టినట్లు సమాచారం. పోలీస్ శాఖలో అనేకమంది స్మగ్లర్లతో చేతులు కలిపి లక్షలాది రూపాయలు తీసుకున్నట్లు సమాచారం. జిల్లా వ్యాప్తంగా పోలీసుల వేధింపులకు గురై లక్షలాది రూపాయలు పోగొట్టుకున్న ఎర్ర స్మగ్లర్లకు వడమాలపేట ఉదంతం చెప్పలేనంత గుండె ధైర్యాన్ని ఇస్తుందని పోలీసు శాఖలోని కొందరు అధికారులే చెబుతుండడం గమనార్హం.
  


 విద్యా వ్యవస్థను కాపాడుకునేందుకు ఉద్యమించాలి
 ఏఐఎస్‌ఎఫ్ సదస్సులో సీపీఐ నేత నారాయణ
  
 తిరుపతి కల్చరల్:  విద్యా వ్యవస్థలోకి స్లగ్లర్లు, మాఫియా లీడర్లు, రాజకీయ నాయకులు ప్రవేశించి భ్రష్టు పట్టిస్తున్నారని సీపీఐ జాతీయ కార్యదర్శివర్గ సభ్యుడు కె.నారాయణ అన్నారు. ఎస్వీయూలో జరుగుతున్న ఏఐఎస్‌ఎఫ్ 80వ వార్షికోత్సవం రెండో రోజు గురువారం విద్యారంగంలో కాషాయీకరణ-సవాళ్లు అనే అంశంపై నిర్వహించిన సదస్సును నారాయణ ప్రారంభించారు. ఈ సందర్భంగా ఆయన మాట్లా డుతూ విద్యారంగాన్ని పరిరక్షించుకునేందుకు విద్యార్థులు ఉద్యమిం చాల్సిన అవసరం ఉందన్నారు. బలమైన విద్యార్థి ఉద్యమాన్ని నడిపిన చరిత్ర ఏఐఎస్‌ఎఫ్‌కు ఉందన్నారు.  నేడు దేశంలో అన్ని వర్గాల ప్రజలు సమస్యలతో సతమతమవుతున్నారని, అవి పరిష్కారం కావాలంటే వామపక్ష ఉద్యమం బలోపేతం కావాలని అన్నారు. సదస్సుకు ముఖ్య అతిథిగా హాజరైన మహాత్మాగాంధీ యూనివర్సిటీ మాజీ వీసీ విభూది నారాయణరాయ్ మాట్లాడుతూ పాఠ్యాంశాలను వక్రీకరించి విద్యార్థులకు బోధించడమంటే చరిత్రను హత్య చేసినట్లేనని  స్పష్టం చేశారు.
 
 కేంద్రంలో అధికారంలో ఉన్న బీజేపీ ప్రభుత్వం పాఠ్యాంశాల్లో మార్పులు తీసుకువచ్చి వారికి అనుకూలంగా చేసుకోవాలని ప్రయత్నిస్తోందని, దీన్ని విద్యార్థి లోకం ప్రతిఘటించాలని ఆయన పిలుపునిచ్చారు. ఆర్‌ఎస్‌ఎస్‌కు చెందిన వ్యక్తులు మతోన్మాదం వైపు విద్యావ్యవస్థను లాగేందుకు ప్రయత్నిస్తున్నారని విమర్శించారు. ముస్లిం, మైనారిటీ, మహిళలు, దళితుల వ్యతిరేక భావాలను పాఠ్యాంశాల్లో చొప్పించేందుకు ప్రయత్నం జరుగుతోందన్నారు. విద్యార్థుల మనస్సులో హిందుత్వ భావజాలం ఎక్కించి వారివైపు తిప్పుకునే కుట్ర చేస్తున్నారన్నారు. అనంతరం ఏఐఎస్‌ఎఫ్ 80వ వార్షికోత్సవ పుస్తకాన్ని ఆవిష్కరించారు. ఈ కార్యక్రమంలో ఏఐఎస్‌ఎఫ్ జాతీయ అధ్యక్ష, ప్రధాన కార్యదర్శులు వలీ ఉల్లా ఖాదరి, విశ్వజిత్‌కుమార్ తదితరులు పాల్గొన్నారు.
  
  
  
  


 కడప క్రైం : జైపాల్ అనే కరుడుగట్టిన ఎర్రచందనం అంతర్జాతీయ స్మగ్లర్ పట్టుబడ్డాడు. హర్యానా రాష్ట్రంలోని గుర్గావ్ జిల్లా నవరంగ్‌పూర్‌లో జిల్లాకు చెందిన టాస్క్‌ఫోర్స్ పోలీసులు ఇతన్ని అరెస్ట్ చేశారు. అక్కడి కోర్టులో హాజరు పరిచి ట్రాన్సిట్ వారెంట్‌పై శనివారం కడపకు తీసుకువచ్చారు. ఇతని వివరాలను జిల్లా ఎస్పీ డాక్టర్ నవీన్ గులాఠీ మీడియాకు వివరించారు. జిల్లాలోని బొడ్డె పెద్ద వెంకట రమణ, జంగాల శివశంకర్, కర్ణాటక రాష్ట్రానికి చెందిన ఫయాజ్ షరీఫ్, రియాజ్ షరీఫ్, ఫైరోజ్‌ఖాన్, ముక్తియార్ ఖాన్‌ల వద్ద నుంచి ఇతను ఎర్రచందనం దుంగలను కొనుగోలు చేసేవాడు.
  
  వాటితో పూసల దండలు తయారు చేసి చైనా తదితర దేశాలకు ఎగుమతి చేసేవాడు. ఇప్పటిదాకా రూ.60-70 కోట్ల విలువైన దుంగలను తరలించాడు. ఇప్పటికే ఇతనిపై ఓబులవారిపల్లె, పెండ్లిమర్రి పోలీసుస్టేషన్ల పరిధిలో కేసులు నమోదయ్యాయి. ఇతని అరెస్టులో కీలకపాత్ర పోషించిన పులివెందుల ఏఎస్పీ అన్బురాజన్, టాస్క్‌ఫోర్స్ సీఐ రాజేంద్రప్రసాద్, రైల్వేకోడూరు సీఐ రసూల్‌సాహెబ్, ఎస్‌ఐలు శివశంకర్, ఎస్‌కే రోషన్, రాజరాజేశ్వరరెడ్డి తదితరులను ఎస్పీ అభినందించారు.
  


 రైతులకు టోకరా పెట్టి సొమ్ము చేసుకుంటున్న అక్రమార్కులు
 చిగురాల్‌పల్లి పరిసరాల్లో చెట్లు నరికివేత..
  
  పరిగి : అక్రమార్కులు యథేచ్ఛగా గంధపు చెట్లు నరికి సొమ్ము చేసుకుంటున్నారు. రైతులకు టోకరా వేసి తమపని కానిస్తున్నారు. పరి గి మండల పరిధిలోని చిగురాల్‌పల్లి పరిసరా లు గంధపు చెక్కల స్మగ్లింగ్‌కు అడ్డాగా మారుతోంది. అక్రమార్కులు రైతులకు రూ. 1000, 2000 చేతిలో పెట్టి లక్షలు సొమ్ము చేసుకుంటున్నారు. రైతులు చెట్లు విక్రయించేం దుకు అంగీకరిస్తే పగలే నరుకుతారు.. లేదంటే రాత్రికి రాత్రే చెట్లను మాయం చేస్తారు. ఇదే తరహాలో గురువారం కొందరు గంధపు చెక్కల వ్యాపారులు చిగురాల్‌పల్లి పొలాల్లో గంధపు చెట్లను నరుకుతూ ‘సాక్షి’ కెమెరాకు చిక్కారు.  
 
  దందా ఇలా నడిపిస్తారు...
  స్మగ్లర్లు ముందు గంధపు చెట్లు లభించే ప్రాంతాలను ఎంచుకుంటారు. ఎవరూ లేనప్పుడు ఒంటరిగా వెళ్లి చెట్టుకు హ్యాండ్ డ్రిల్లర్‌తో రంధ్రం చేస్తుంటారు. చెట్టులో గంధం ఏమేరకు తయారైందో తెలుసుకొని తమకు విక్రయించాలని రైతును కలుస్తారు. బేరం కుదిరితే పగలే రైతులు ఉన్న సమయంలో గంధపు చెట్లను నరుకుతారు. రైతు అంగీకరించకుంటే రాత్రి సమయాల్లో నరికి మాయం చేస్తారు.  
 
  రైతులకు కుచ్చుటోపీ...
  గంధపు చెక్కుల విలువ రైతులకు తెలియకపోవడం అక్రమార్కులకు వరంగా మారుతోంది. దీంతో స్మగ్లర్లు వారికి కుచ్చటోపీ పెడుతూ లక్షల్లో సొమ్ముచేసుకుంటున్నారు. స్మగ్లర్లు ఒక్కో చెట్టుకు రూ. 1000 నుంచి 2000 వరకు చెల్లిస్తారు. దాంట్లోంచి గంధం తీసి కిలో రూ. 1000 నుంచి రెండు వేల వరకు విక్రయిస్తారు. ఈ ప్రాంతంలో గంధపు చెట్లు నరుకుతున్నవారిలో ఎక్కువ శాతం పూడూరు మండల కేంద్రానికి చెందిన వారని సమాచారం.