ఇద్దరు వ్యక్తులు అరెస్ట్: పీఎస్ ఎదుట గ్రామస్తుల ఆందోళన

మచిలీపట్నం: చోరీ కేసులో కృష్ణా జిల్లా చల్లపల్లి మండలం మంగళాపురం గ్రామానికి చెందిన ఇద్దరు వ్యక్తులను మచిలీపట్నం పట్టణ పోలీసులు శుక్రవారం ఆర్థరాత్రి అదుపులోకి తీసుకున్నారు. అనంతరం వారికి మచిలీపట్నంలోని రూరల్ పోలీసు స్టేషన్కు తరలించారు. ఆ విషయాన్ని తెలుసుకున్న గ్రామస్తులు శనివారం తెల్లవారుజామున పోలీసు స్టేషన్కు చేరుకున్నారు.

సదరు వ్యక్తులు ఇద్దరు అమాయకులని వారిని వెంటనే విడుదల చేయాలని గ్రామస్తులు పోలీసు స్టేషన్ ఎదుట ఆందోళనకు దిగారు. ఆ క్రమంలో వారు స్టేషన్లోకి చొచ్చుకుని వెళ్లి... కిటికి అద్దాలు, ఫర్నీచర్ ధ్వంసం చేశారు. దాంతో పోలీసు స్టేషన్ వద్ద పరిస్థితి ఉద్రిక్తంగా మారింది. పోలీసు ఉన్నతాధికారులు రూరల్ పోలీసు స్టేషన్కు చేరుకున్నారు. గ్రామస్తులను స్టేషన్ను బయటకు పంపేందుకు ప్రయత్నిస్తున్నారు.