5 నెలల గరిష్టానికి వినియోగదారుల ద్రవ్యోల్బణం

సాక్షి, ముంబై : వినియోగదారుల ద్రవ్యోల్బణం ఐదు నెలల గరిష్టానికి ఎగిసింది. ఆగస్టు నెలలో వినియోగదారుల ద్రవ్యోల్బణం 3.36 శాతంగా నమోదైంది. ఆహారం, ఇంధన ధరలు ఎక్కువగా పెరుగడంతో ఈ ద్రవ్యోల్బణం పెరిగిందని మంగళవారం ప్రభుత్వం వెలువరించిన డేటాలో వెల్లడైంది. జూలై నెలలో ఈ ద్రవ్యోల్బణం 2.36 శాతంగా నమోదైంది. ఇదే సమయంలో పారిశ్రామికోత్పత్తి రికవరీ అయింది. జూలై నెలలో దీని వృద్ధి 1.2 శాతంగా నమోదైనట్టు తెలిసింది. జూన్‌ నెలలో ఈ ఉత్పత్తి కేవలం 0.2 శాతంగానే ఉంది. రాయిటర్స్‌ డేటా అంచనాల ప్రకారం ఆగస్టు నెలలో వినియోగదారుల ద్రవ్యోల్బణం 3.20 శాతంగానే ఉంటుందనని తెలిసింది.