TV
హైదరాబాద్‌: హెచ్‌ఎమ్‌డీ గ్లోబల్‌ సంస్థ తాజాగా నోకియా5310 ఫీచర్‌ ఫోన్‌ను మార్కెట్లోకి తెచ్చింది. 2007లో నోకియా 5310 ఎక్స్‌ప్రెస్‌ మ్యూజిక్‌ పేరుతో వచ్చిన ఫీచర్‌ ఫోన్‌ను మరింత అప్‌గ్రేడ్‌ చేసి అందిస్తున్నామని హెచ్‌ఎమ్‌డీ గ్లోబల్‌ వైస్‌ ప్రెసిడెంట్‌ సన్మీత్‌ సింగ్‌ పేర్కొన్నారు. ఈ డ్యుయల్‌ సిమ్‌ ఫోన్‌ ధర రూ. 3,399 అని తెలిపారు. ఈ ఫోన్‌లో ఇన్‌బిల్ట్‌ ఎమ్‌పీ 3 ప్లేయర్, వైర్లెస్‌ ఎఫ్‌ఎమ్‌ రేడియో, వెనక వైపు ఎల్‌ఈడీ ఫ్లాష్‌తో కూడిన వీజీఏ కెమెరా. 2.4 అంగుళాల క్యూవీజీఏ డిస్‌ప్లే, 16 ఎమ్‌బీ స్టోరేజ్, 32 జీబీ ఎక్స్‌పాండబుల్‌ మెమెరీ, 1,200 ఎమ్‌ఏహెచ్‌ బ్యాటరీ తదితర ఫీచర్లున్నాయి. ఈ నెల 23 నుంచి నోకియా ఇండియా ఆన్‌లైన్, అమెజాన్‌ల ద్వారా కొనుగోలు చేయవచ్చు. వచ్చే నెల 23 నుంచి రిటైల్‌ స్టోర్స్‌లో లభ్యం కానున్నది.
Comments
Please login to add a commentAdd a comment