11వేలతో ఈ కారును బుక్ చేసుకోండి!

న్యూఢిల్లీ : ఎప్పటినుంచో వేచిచూస్తున్న మారుతీ సుజుకీ తనకొత్త సెడాన్ 2017 డిజైర్ ను మే 16న మార్కెట్లోకి లాంచ్ చేయబోతుంది. గతవారం ఆవిష్కరించిన ఈ కొత్త సెడాన్ ప్రీ-బుకింగ్స్ ను ఈ కంపెనీ ప్రారంభించేసింది. లాంచింగ్ కు రాబోతున్న 2017 డిజైర్ వాహనాన్ని ముందస్తు పేమెంట్ కింద 11వేల రూపాయలు కట్టి బుకింగ్ చేసుకోవచ్చని మారుతీసుజుకీ ప్రకటించింది. దేశవ్యాప్తంగా ఉన్న 2000 డీలర్ షిప్ లలో ఈ బుకింగ్స్ అందుబాటులో ఉంటాయని పేర్కొంది. పెట్రోల్, డీజిల్ ఆప్షన్లలో రాబోతున్న నాలుగు వేరియంట్లలో పలు రకాల కాస్మోటిక్, స్టైలింగ్, ఫీచర్లను మారుతీ సుజుకీ మార్చింది.