రెండు లారీలు ఢీ..8 కిలోమీటర్లు ట్రాఫిక్ జాం

చివ్వెంల(నల్లగొండ): ఎదురెదురుగా వస్తున్న రెండు లారీలు ఢీకొన్న ఘటనలో ఇద్దరు డ్రైవర్‌లకు తీవ్ర గాయాలయ్యాయి. ఈ ఘటనతో లారీలు రోడ్డుకు అడ్డంగా నిలిచిపోవడంతో.. భారీగా ట్రాఫిక్ స్తంభించింది. నల్లగొండ జిల్లా చివ్వెంల మండల కేంద్రంలో సోమవారం తెల్లవారుజామున రెండు లారీలు ఢీకొన్నాయి.

ఈ ప్రమాదంలో ఇద్దరు డ్రైవర్‌లకు తీవ్ర గాయాలవడంతో.. వారిని ఆస్పత్రికి తరలించారు. లారీలు రోడ్డుకు అడ్డంగా నిలిచిపోవడంతో.. సూర్యాపేట-ఖమ్మం రహదారి పై ఎనిమిది కిలోమీటర్ల మేరా వాహనాలు నిలిచిపోయాయి. సమాచారం అందుకున్న పోలీసులు వాహనాలను తొలగించడానికి యత్నిస్తున్నారు.