24న విజయమ్మ పర్యటన

24న విజయమ్మ పర్యటన

ఏలూరు, న్యూస్‌లైన్ : వైఎస్సార్ కాంగ్రెస్ పార్టీ గౌరవాధ్యక్షురాలు వైఎస్ విజయమ్మ ఈ నెల 24వ తేదీన జిల్లాలో ఎన్నికల ప్రచారం నిర్వహించనున్నారు. మూడు నియోజకవర్గాల్లో ఆమె పర్యటనకు పార్టీ నేతలు షెడ్యూల్ రూపొం దిస్తున్నారు. ఉదయం నిడదవోలు నియోజకవర్గంలో వైఎస్సార్ జనభేరిలో విజయమ్మ పాల్గొని ప్రసంగిస్తారు. సాయంత్రం 4 గంటలకు పోలవరంలోను, 6.30 గంటలకు కొవ్వూరు నియోజకవర్గ పరిధిలోని తాళ్లపూడిలో నిర్వహించనున్న జనభేరి సభల్లో  ఆమె పాల్గొంటారు. ఈ సభలను విజయవంతం చేయాలని వైఎస్సార్ కాంగ్రెస్ పార్టీ జిల్లా కన్వీనర్, పోలవరం ఎమ్మెల్యే తెల్లం బాలరాజు,  పిలుపునిచ్చారు. నెలరోజుల వ్యవధిలో వైఎస్ విజయమ్మ ఎన్నికల ప్రచారం నిమిత్తం జిల్లాకు రావడం ఇది మూడోసారి. గత నెల 26వ తేదీన జంగారెడ్డిగూడెంలో జనభేరిలో పాల్గొన్నారు. ఈ నెల 16వ తేదీన చింతలపూడి, గోపాలపురంలో రోడ్‌షో, జనభేరి సభల్లో పాల్గొన్నారు.