మద్యం, మనీ పంపిణీపై కన్నేయండి: డీజీపీ

మద్యం, మనీ పంపిణీపై కన్నేయండి: డీజీపీ

హైదరాబాద్: సీనియర్ పోలీసు అధికారులతో సోమవారం సమావేశమైన  డీజీపీ బి.ప్రసాదరావు తెలంగాణలో తాజా పరిస్థితిని సమీక్షించారు. పోలీసులు అప్రమత్తంగా వ్యవహరించాలని ఆదేశించారు. ముఖ్యంగా మంగళవారం ఒకరోజు అత్యంత కీలక మైందని... మద్యం, డబ్బు పంపిణీతో పాటు ఇతర గృహోపకరణ వస్తువులు పంపిణీ చేసి ఓటర్లను మచ్చిక చేసుకునే ప్రయత్నాలు జరుగుతాయని, పోలీసు యంత్రాంగం జాగ్రత్తగా మెలగాలని ఆదేశించారు. ప్రధానంగా ప్రతి అసెంబ్లీ సెగ్మెంట్‌లో స్థానికులు మాత్రమే ఉండేలా చర్యలు తీసుకోవాలని, ఇతర ప్రాంతాల వారు రాకుండా కన్నేసి ఉంచాలని, ఒక వేళ నియోజకవర్గాల్లో ఇతర ప్రాంతాల వారు ఉన్నట్లు తెలిస్తే వెంటనే వారిని పంపించి వేయాలని  సూచించారు.