సాక్షి, హైదరాబాద్‌: వన్యప్రాణుల దాడుల ఘటనల్లో మరణించిన వారికి ఇచ్చే నష్టపరిహారాన్ని రూ. 10 లక్షల నుంచి రూ. 20 లక్షలకు పెంచే విషయాన్ని పరిశీలిస్తున్నట్లు అటవీ, పర్యావరణ శాఖ మంత్రి కొండా సురేఖ తెలిపారు. కాంగ్రెస్‌ ప్రభుత్వం అధికారంలోకి వచ్చాక పరిహారాన్ని రూ. 5 లక్షల నుంచి 10 లక్షలకు పెంచిన విషయాన్ని ఆమె గుర్తుచేశారు. శుక్రవారం కొండా సురేఖ అధ్యక్షతన అమ్రాబాద్, కవ్వాల్‌ టైగర్‌ రిజర్వ్‌ గవరి్నంగ్‌ బాడీస్‌ సమావేశం జరిగింది.ఈ భేటీలో సురేఖ మాట్లాడుతూ ఆమ్రాబాద్, కవ్వాల్‌ టైగర్‌ రిజర్వ్‌ల పరిధిలోని గ్రామాల తరలింపు ప్రక్రియ ప్రజల భావోద్వేగాలతో ముడిపడి ఉన్నందున వారిలో విశ్వాసాన్ని కల్పిస్తూ పునరావాస ప్రక్రియను చేపట్టాలని అధికారులకు సూచించారు. పునరావాసం కోసం తరలించిన కుటుంబాలకు శాశ్వత పట్టాలు అందించాలని, రాకపోకల నిమిత్తం గ్రీన్‌ పాసులు అందించాలని, స్కూల్‌ ఏర్పాటు చేయాలని ఖానాపూర్‌ ఎమ్మెల్యే వెడ్మా బొజ్జు మంత్రిని కోరారు. సాధారణ అటవీ ఉత్పత్తులను సేకరించే స్థానికులపై మానవత్వం చూపాలని మంత్రి అధికారులకు సూచించారు. అక్కమహాదేవి గుహలు, సలేశ్వరం జాతరకు సౌకర్యాలు దోమలపెంట–శ్రీశైలం ఎకో టూరిజం సర్క్యూట్‌లో భాగంగా అక్కమహాదేవి గుహలను సందర్శించే భక్తులకు యాత్రా సౌకర్యాల కల్పనకు ఉన్న అవకాశాలను పరిశీలించాలని అధికారులను మంత్రి సురేఖ ఆదేశించారు. తెలంగాణ అమర్నాథ్‌ యాత్రగా ప్రసిద్ధిగాంచిన సలేశ్వరం జాతరను భవిష్యత్తులో చేపట్టనున్న సర్క్యూట్‌లలో చేర్చి ప్రభుత్వపరంగా యాత్రా సౌకర్యాలను కలి్పంచే దిశగా కార్యాచరణ చేపట్టాలన్నారు. ఈ భేటీలో అచ్చంపేట ఎమ్మెల్యే వంశీ కృష్ణ, నిజామాబాద్‌ రూరల్‌ ఎమ్మెల్యే ఆర్‌. భూపతిరెడ్డి, అటవీశాఖ ముఖ్య కార్యదర్శి అహ్మద్‌ నదీమ్, పీసీసీఎఫ్‌ డోబ్రియాల్, పిసిసిఎఫ్‌ (వైల్డ్‌ లైఫ్‌) ఏలూసింగ్, డీసీసీఎఫ్‌ ఆంజనేయులు(హెడ్‌ ఆఫీస్‌), ఓఎస్డీ శంకరన్‌ పాల్గొన్నారు.

సాక్షి,హైదరాబాద్‌: రాష్ట్ర నీటిపారుదల, పౌరసరఫరాల శాఖ మంత్రి ఉత్తమ్‌కుమార్‌రెడ్డి సోమవారం(ఆగస్టు12) ఢిల్లీ పర్యటనకు బయలుదేరి వెళ్లారు. పర్యటనలో భాగంగా నేషనల్‌డ్యామ్‌సేఫ్టీఅథారిటీ(ఎన్డీఎస్‌ఏ) ఛైర్మన్‌ను ఉత్తమ్‌కుమార్‌రెడ్డి భేటీ అవనున్నారు.మంగళవారం ఏఐసీసీ అధ్యక్షుడు మల్లికార్జునఖర్గే అధ్యక్షతన జరగనున్న అన్ని రాష్ట్రాల కాంగ్రెస్‌(పీసీసీ) అధ్యక్షుల భేటీలో ఉత్తమ్‌ పాల్గొననున్నారు. సీఎం, పీసీసీ అధ్యక్షుడు రేవంత్‌రెడ్డి ప్రస్తుతం విదేశీ పర్యటనలో ఉన్నందున ఆయనకు బదులు సమావేశంలో ఉత్తమ్ కుమార్ రెడ్డి పాల్గొంటారు.

సాక్షి, హైదరాబాద్‌: తెలంగాణ అవతరణ దశాబ్ది ఉత్సవాలు ఆదివారం రాత్రి ట్యాంక్‌బండ్‌పై ఘనంగా జరిగాయి. వర్షంలోనే ఆవిర్భావ ఉత్సవాలు కొనసాగాయి. ఈ వేడుకలకు ముఖ్య అతిథిగా రాష్ట్ర గవర్నర్‌ సీపీ రాధాకృష్ణన్‌ హాజరవ్వగా, ఆయనతో కలిసి సీఎం రేవంత్‌రెడ్డి, సీఎస్‌ శాంతి కుమారి, మంత్రులు ట్యాంక్‌ బండ్‌పై ఏర్పాటు చేసిన వివిధ స్టాళ్లను పరిశీలించారు.ఉత్సవాల్లో భాగంగా కళాకారుల నృత్యాలు, ఆటపాటలు ఆకట్టుకున్నాయి. ఈ వేడుకల్లో పూర్తి తెలంగాణ గీతాన్ని వినిపించారు. జయ జయహే తెలంగాణ గేయం 13.5 నిమిషాల పూర్తి వెర్షన్‌ విడుదల చేశారు. గేయ రచయిత అందెశ్రీ, సంగీత దర్శకుడు కీరవాణిలను ఘనంగా సత్కరించారు. సాంస్కృతిక కార్యక్రమాలు తిలకించడానికి నగరవాసులు భారీగా తరలివచ్చారు. దీంతో ట్యాంక్‌ బండ్‌ పరిసరాలు జనసంద్రంగా మారాయి. లైటింగ్, భారీ ఎల్‌ఈడీ స్క్రీన్స్ ఏర్పాటు చేశారు.

సాక్షి, సిద్ధిపేట జిల్లా: రైతుల ఉసురు పోసుకుందంటూ.. బీజేపీని కార్మిక, కర్షక వ్యతిరేక పార్టీగా అభివర్ణించారు మాజీ మంత్రి హరీష్‌రావు. బడా బడా కార్పొరేట్ సంస్థల గురించి మాత్రమే బీజేపీ ఆలోచించిందని.. 14 లక్షల కోట్లు మాఫీ చేసిందన్నారు. పేదలకు ఒక్క రూపాయి మాఫీ చేయలేదని విమర్శించారు.హుస్నాబాద్ అంబేద్కర్‌ చౌరస్తాలో కార్నర్ మీటింగ్‌లో ఆయన మాట్లాడుతూ, బీజేపీ పంచిన బొమ్మలను చూసి ఓటు వేస్తే కడుపు నిండుతుందా? అంటూ ప్రశ్నించారు.అయోధ్య రామాలయం బీజేపీ కట్టలేదు.. ట్రస్ట్ కట్టింది.ఆలయ నిర్మాణానికి తానుకూడా 2 లక్షలు ఇచ్చానని చెప్పారు.నిన్న హైదరాబాద్‌లో రాహుల్ గాంధీ సభ తుస్సు మంది. 30 వేల కుర్చీలు వేస్తే 3 వేల మంది రాలేదు. కాంగ్రెస్ వాళ్లు వచ్చి ఓటు అడిగితే ఐదు నెలల 12,500 ఇచ్చిన తర్వాతే ఓటు వేస్తామని అక్క చెల్లెళ్లు చెప్పండి. ప్రియాంక గాంధీ గెలిచాక ఇస్తామని హామీ ఇచ్చిన మెడికల్ కాలేజీ హుస్నాబాద్‌కు వచ్చిందా? రేవంత్ రెడ్డి కంటే రాహుల్ గాంధీ ఎక్కువ అబద్ధాలు మాట్లాడున్నాడు, ఆయన రాహుల్ గాంధీ కాదు రాంగ్ గాంధీ’’ అంటూ హరీశ్‌ ఎద్దేవా చేశారు.‘‘ఈ కాంగ్రెస్ పాలన వచ్చాక కల్యాణ లక్ష్మి ఖతమయ్యింది. తులం బంగారం తుస్సు మంది. బండి సంజయ్ బొమ్మలు పంచి ఓట్లు వేయమంటున్నాడు. బండి సంజయ్ కి ఓటు వేస్తే అంతా వృధా అయిపోతుంది. కరీంనగర్‌లో కాంగ్రెస్ పార్టీ మూడోస్థాలో ఉంది. అది గెలిచే ప్రసక్తే లేదు’’ అని హరీశ్‌రావు పేర్కొన్నారు.

సాక్షి, హైదరాబాద్‌: రాబోయే ఆగస్టు 15వ తేదీలోపు తెలంగాణ కాంగ్రెస్‌ ప్రభుత్వం రైతు రుణమాఫీ చేసి, హామీలను అమలు చేస్తే తాను రాజీనామా చేస్తానని మాజీ మంత్రి హరీష్‌ రావు సవాల్‌ విసిరారు. దీంతో, ఎన్నికల వేళ మరోసారి పొలిటికల్‌ హీట్‌ చోటుచేసుకుంది. కాగా, మాజీ మంత్రి హరీష్‌ సంగారెడ్డిలో బుధవారం మీడియాతో మాట్లాడుతూ.. ‘సీఎం రేవంత్‌ సవాల్‌ను నేను స్వీకరిస్తున్నా. అధికార పార్టీ ఇచ్చిన హామీలను నెరవేర్చేలా చేసే బాధ్యత ప్రతిపక్షంగా మాపై ఉంది. అలాగే, సీఎంకి కూడా సవాల్‌ చేస్తున్నా. కాంగ్రెస్ ప్రభుత్వం ఇచ్చిన హామీలను అమలు చేసి.. ఆగస్టు 15లోగా ఏకకాలంలో రుణ మాఫీ చేస్తే.. నేను ఎమ్మెల్యే పదవికి రాజీనామా చేస్తాను. మళ్లీ ఎన్నికల్లో పోటీ చేయను. అలాగే రైతు రుణమాఫీ, కాంగ్రెస్ ఇచ్చిన ఆరు హామీలు అమలు చేయకపోతే.. సీఎం రేవంత్ రెడ్డి రాజీనామాకు సిద్ధమా?. తెలంగాణ అసెంబ్లీ ముందు ఉన్న అమరుల స్థూపం వద్ద తెలంగాణ అభివృద్ధిపై చర్చ పెడదాం. నేను చర్చకు వస్తాను. రేవంత్ చర్చకు వచ్చే దమ్ముందా?’ అని కామెంట్స్‌ చేశారు. సీఎం రేవంత్ రెడ్డికి నేను సవాల్ విసురుతున్నఎల్లుండి అసెంబ్లీ ముందు అమరవీరుల స్తూపం వద్దకి నేను వస్తా.. మీరు రండి అమరవీరుల సాక్షిగా ప్రమాణం చేద్దాంఆగస్ట్ 15 లోపు మీరు ఇచ్చిన అన్ని గ్యారెంటీలు అమలు చేస్తానని నువ్వు ప్రమాణం చెయ్యి..ఆగస్ట్ 15 లోపు పూర్తిగా ఆరు గ్యారంటీలు అమలు… pic.twitter.com/jUVKakgdYf— Telugu Scribe (@TeluguScribe) April 24, 2024Video Credit: Telugu Scribeఇదే సమయంలో సీఎం రేవంత్‌కు హరీష్‌ రావు కౌంటరిచ్చారు. ‘నాకు పదవి కంటే తెలంగాణ ప్రజల సంక్షేమమే ముఖ్యం. గతంలో కొడంగల్‌లో ఓడిపోతే సన్యాసం తీసుకుంటానని చెప్పి తోక ముడిచి మాట తప్పిన వ్యక్తి రేవంత్ రెడ్డి. ఆరు గ్యారెంటీలను డిసెంబర్ 9 కల్లా అమలు చేస్తామని చెప్పి మాట తప్పింది కాంగ్రెస్ పార్టీ. ఇచ్చిన మాట తప్పడం, పూటకో పార్టీ మారడం మీ నైజం. 120 రోజులు దాటినా మీ గ్యారెంటీలు ఏమయ్యాయి?. మహాలక్ష్మి పథకంలో మహిళలకు రూ.2,500 ఎందుకు ఇవ్వలేదు? రైతులకు ఎకరానికి రైతు బంధు రూ.15,000 సహాయం ఎందుకు ఇవ్వలేదు? ధాన్యానికి రూ.500 బోనస్ ఏది?. తెలంగాణ ప్రజలు కాంగ్రెస్‌ను నమ్మే పరిస్థితి లేదు’ అంటూ వ్యాఖ్యలు చేశారు.

తెలంగాణ రాష్ట్ర ముఖ్యమంత్రి రేవంత్‌రెడ్డి దావోస్‌ పర్యటన సందర్భంగా పలు కంపెనీలు రాష్ట్రంలో పెట్టుబడులు పెట్టేందుకు ప్రభుత్వంతో అవగాహనా ఒప్పందాలు కుదుర్చుకున్నాయి. ఆరు కంపెనీలు మొత్తం రూ.37,870 కోట్లు పెట్టుబడి పెట్టేందుకు ముందుకొచ్చిన విషయం తెలిసిందే. అమెరికాకు చెందిన ప్రముఖ ఎలక్ట్రిక్​ కార్ల కంపెనీ టెస్లా, చైనా ఈవీ కంపెనీ బీవైడీ తెలంగాణకు వచ్చే అవకాశాలు కనిపిస్తున్నట్లు కొన్ని మీడియా కథనాల ద్వారా తెలుస్తుంది. తెలంగాణలో తయారీ ప్లాంట్ల ఏర్పాటు గురించి టెస్లా, బీవైడీలతో సంప్రదింపులు జరుపుతున్నట్లు తెలంగాణ ముఖ్యమంత్రి రేవంత్ రెడ్డి తెలిపారు. లండన్‌లోని భారత హైకమిషన్‌లో జరిగిన ఒక కార్యక్రమంలో ఆయన మాట్లాడారు. ప్రపంచంలోని రెండు అతిపెద్ద ఎలక్ట్రిక్ వాహనాల తయారీ సంస్థలను హైదరాబాద్‌కు తీసుకొచ్చే ప్రయత్నాలు జరుగుతున్నట్లు పేర్కొన్నారు. ఇదీ చదవండి: రోడ్లపై ‘స్మార్ట్‌ఫోన్‌ జాంబీ’లున్నాయి జాగ్రత్త..! ఇదిలా ఉండగా.. హైదరాబాద్‌లో తయారీ యూనిట్‌ను ఏర్పాటు చేయడానికి చైనాకు చెందిన బీవైడీ సంస్థకు కేంద్రం గత ఏడాది అనుమతి నిరాకరించింది. టెస్లా రెండు సంవత్సరాలుగా భారతదేశంలోకి ప్రవేశించాలని చూస్తోంది. ట్యాక్స్‌ రాయితీలు ఇవ్వాలని టెస్లా డిమాండ్‌ చేస్తున్నట్లు తెలిసింది. అయితే అందుకు కేంద్రం ఒప్పకోవడం లేదనే వాదనలున్నాయి.

ప్రతిభ ఎవడి సొత్తూ కాదు. కానీ అసామాన్య ప్రతిభ మాత్రం కొందరికే సొంతం. రోజూ చేసే పనే అయినా దానిలో బుద్ధి కుశలతను ప్రదర్శించి, మేధో తనాన్ని రంగరించి కొత్త ఆవిష్కరణలకు నాంది పలుకుతారు.  ఆధునిక పోకడలకు, తమదైన టెక్నాలజీ  జోడించి శభాష్‌ అనుపించుకుంటారు. అలాంటి  నైపుణ్యంతో ఒక కార్పెంటర్‌ వార్తల్లో నిలిచారు. ఈ కళాకారుడు హస్తకళా నైపుణ్యంతో సత్యనారాయణ వ్రత పీఠాన్ని  తయారు చేసిన తీరు అద్భుతంగా నిలిచింది.  (ఆనంద్‌ మహీంద్ర ఎమోషనల్‌ వీడియో: బిగ్‌ సెల్యూట్‌ అంటున్న నెటిజన్లు) నేతన్న నైపుణ్యాన్ని చిన్న అగ్గిపెట్టెలో చీరను మడిచిపెట్టిన చందంగా ఒక కార్పెంటర్ పెట్టెలో పూజా పీఠాన్ని విడిగా అమర్చాడు. ఆ తరువాత ఒక్కో భాగాన్ని తీసి ఒక క్రమంగా పద్దతిలో ఎటాచ్‌ చేయడం సూపర్బ్‌గా నిలిచింది.  దీనికి సంబంధించిన వీడియోను రాగుల సంపత్‌ ట్విటర్‌లో షేర్‌ చేశారు. దీన్ని తెలంగాణా ఐటీ శాఖా మంత్రి కేటీఆర్‌కు ట్యాగ్‌ చేస్తూ ఆయనకు సాయం చేయాల్సిందిగా విజ్ఞప్తి చేశారు. దీనికి ఫిదా అయిన కేటీర్‌ చాలా గ్రేట్‌ స్కిల్‌ అంటూ కమెంట్‌ చేశారు. అతనికి ఎలా చేయూత అందించవచ్చో పరిశీలించాల్సిందిగా  సంబంధింత  అధికారులకు ట్విటర్‌ ద్వారా సూచించారు.  ఈ  వీడియో ప్రస్తుతం నెటిజన్లును విపరీతంగా  ఆకట్టుకుంటోంది. (దుబాయ్‌లో మరో అద్భుతం: ఈ వీడియో చూస్తే మతిపోవాల్సిందే!) Absolutely great skill Request @TWorksHyd to reach out to see how we could help https://t.co/KQe8zKOrCY — KTR (@KTRBRS) August 16, 2023

సాక్షి, ఆసిఫాబాద్‌: రాష్ట్రంలో పోడుసాగు విషయంలో గిరిజనులపై పెట్టిన కేసులన్నింటినీ ఎత్తివేస్తామని ముఖ్యమంత్రి కె.చంద్రశేఖర్‌రావు ప్రకటించారు. గతంలో అడవులను ఆక్రమించారని కొందరు గిరిజనులపై కేసులు నమోదయ్యాయని, వాటిని ఎత్తేయాలని నిర్ణయించామని చెప్పారు. ఇందుకోసం అనుసరించాల్సిన ప్రక్రియను చేపట్టాలని సీఎస్, డీజీపీలను ఆదేశించామని వెల్లడించారు. రాష్ట్రంలో 1.51 లక్షల మంది గిరిజనులు, ఆదివాసీలకు 4.06 లక్షల ఎకరాలకుపైగా పట్టాలను పంపిణీ చేస్తున్నామని చెప్పారు. గిరిజనేతరుల సాగులో ఉన్న పోడు భూములకు పట్టాలివ్వడంలో కొంత సమస్య ఉందని, 75 ఏళ్లుగా వారు ఒకేచోట నివాసం ఉంటున్నట్టు రుజువు చేయాల్సి ఉంటుందని, ఇందుకోసం ఓ ప్రక్రియను తీసుకొచ్చి సమస్యను పరిష్కరించి, ఆలస్యంగానైనా వారికి కూడా పట్టాలు అందజేస్తామన్నారు. కుమురంభీం జిల్లా పర్యటనలో భాగంగా శుక్రవారం ఆసిఫాబాద్‌కు వచ్చిన సీఎం కేసీఆర్‌.. పట్టణంలో ఏర్పాటు చేసిన కుమురంభీం, మాజీ మంత్రి కోటా్నక భీంరావు విగ్రహాలను.. తర్వాత బీఆర్‌ఎస్‌ కార్యాలయం, ఎస్పీ కార్యాలయం, సమీకృత కలెక్టరేట్‌ సముదాయాలను ప్రారంభించారు. అనంతరం ప్రగతి నివేదన సభలో ఆసిఫాబాద్, సిర్పూర్‌ కాగజ్‌నగర్‌ నియోజకవర్గాల గిరిజనులకు పోడు పట్టాలు, రూ.23.56 కోట్ల మేర పోడు భూముల రైతుబంధు చెక్కులను మహిళల పేరిట అందజేశారు. ఈ సందర్భంగా కేసీఆర్‌ ప్రసంగం ఆయన మాటల్లోనే.. ‘‘తెలంగాణ ఉద్యమ సమయంలో ఈ అటవీ ప్రాంతాల్లో తిరుగుతున్నప్పుడు ‘మా గూడెంలో మా రాజ్యం.. మా తండాల్లో మా రాజ్యం’అని చెప్పేవారు. అనేక దశాబ్దాలు పోరాటం చేసినా సాధ్యం కాలేదు. కానీ బీఆర్‌ఎస్‌ ప్రభుత్వం వచ్చాక రాష్ట్రంలో 3 నుంచి 4 వేల గిరిజన గూడేలు, తండాలను ప్రత్యేక గ్రామ పంచాయతీలుగా ఏర్పాటు చేశాం. పోరాట యోధుడు కుమురంభీం పేరిట ఆసిఫాబాద్‌ జిల్లాను ఏర్పాటు చేసుకున్నాం. ఒకప్పుడు బెజ్జూర్‌ నుంచి ఆదిలాబాద్‌ వెళ్లాలంటే చాలా బాధపడేవాళ్లం. ఇప్పుడా పరిస్థితి లేదు. మీ ముంగిటకే కలెక్టరేట్, ఎస్పీ కార్యాలయాలు వచ్చేశాయి. పోడు పట్టాల పంపిణీ ప్రక్రియకు ఇక్కడి నుంచే శ్రీకారం చుట్టాం. ఒకప్పుడు వర్షాకాలం వచ్చిందంటే గిరిజనులు వ్యాధులతో సతమతం అయ్యేవారు. ‘మంచం పట్టిన మన్యం’అంటూ వార్తలు వచ్చేవి. ఇప్పుడా దుస్థితి లేదు. మిషన్‌ భగీరథ నీళ్లు వచ్చాయి. వైద్య వ్యవస్థను బాగు చేసుకున్నాం. ఇప్పుడు మారుమూల ఆసిఫాబాద్‌కు కూడా వైద్యకళాశాలను సాధించుకున్నాం.                               ఆసిఫాబాద్‌ జిల్లాకు వరాలు..  వార్ధా నదిపై వంతెన కావాలని స్థానిక ఎమ్మెల్యే కోనేరు కోనప్ప అడిగారు. ఆ బ్యారేజీ కోసం రూ.75 కోట్లు ఇప్పుడే మంజూరు చేస్తున్నా. అలాగే టెక్నికల్‌ కాలేజీ కావాలన్నారు. ఐటీఐని మంజూరు చేస్తున్నా. బుద్ధుడి విగ్రహాన్ని ఏర్పాటు చేసి మినీ ట్యాంక్‌బండ్‌గా నాగమ్మ చెరువును అభివృద్ధి చేస్తాం. ఆసిఫాబాద్‌ మున్సిపాలిటీకి త్వరలోనే నోటిఫికేషన్‌ విడుదల చేస్తాం. ఆసిఫాబాద్, కాగజ్‌నగర్‌ మున్సిపాలిటీలకు రూ.25 కోట్లు చొప్పున, జిల్లాలోని 335 గ్రామ పంచాయతీలకు రూ.10 లక్షల చొప్పున సీఎం ప్రత్యేక నిధి నుంచి మంజూరు చేస్తున్నాం. మంచిర్యాల జిల్లాలోని 7 మున్సిపాలిటీలు, 311 గ్రామ పంచాయతీలకు కూడా నిధులు మంజూరు చేస్తున్నా.  ధరణి తీసేస్తే దోపిడీయే..  ఇవాళ గుంట నక్కలు అవాకులు చవాకులు పేలుతున్నాయి. రైతుల కోసమే ధరణి తెచ్చాం. కానీ అధికారంలోకి వస్తే ధరణి తీసేస్తామని కాంగ్రెస్‌ చెబుతోంది. ధరణి తీసేస్తే మళ్లీ పైరవీకారుల, దోపిడీదారుల రాజ్యం వస్తుంది.  పోడు భూములకు ఉచితంగా కరెంటు, బోర్లు  రాష్ట్రంలో 1.51 లక్షల మంది గిరిజనులు, ఆదివాసీలకు 4.06 లక్షల ఎకరాలకుపైగా పోడు పట్టాలను పంపిణీ చేస్తున్నాం. ఆసిఫాబాద్‌ ఎమ్మెల్యే ఆత్రం సక్కు కోరినట్లుగా ఆదివాసీ, గిరిజన బిడ్డల పొలాలకు ఉచితంగా త్రీఫేజ్‌ కరెంట్‌ను రెండు మూడు నెలల్లో ఇప్పిస్తాం. పట్టాలు పొందిన రైతులకు గిరివికాస్‌ కింద ఉచితంగా బోర్లు వేయిస్తాం..’’అని సీఎం కేసీఆర్‌ హామీ ఇచ్చారు. తెలంగాణలో అమలు చేస్తున్న పథకాలు కావాలని పొరుగున ఉన్న మహారాష్ట్ర రైతులు కోరుతున్నారని.. లేదంటే తెలంగాణలో కలిపేయాలని అక్కడి గ్రామాల సర్పంచులు డిమాండ్‌ చేస్తున్నారని చెప్పారు. ఈ కార్యక్రమంలో మంత్రులు మహమూద్‌ అలీ, ప్రశాంత్‌రెడ్డి, ఇంద్రకరణ్‌రెడ్డి, ప్రభుత్వ విప్‌ బాల్క సుమన్, ఎమ్మెల్యే కోనేరు కోనప్ప, ఎమ్మెల్యే ఆత్రం సక్కు, జెడ్పీ చైర్‌పర్సన్‌ కోవ లక్ష్మి తదితరులు పాల్గొన్నారు. కాగా.. కేసీఆర్‌ ఆసిఫాబాద్‌లో కార్యక్రమం అనంతరం సాయంత్రం 5.15 గంటలకు రోడ్డు మార్గంలో బయలుదేరారు. మధ్యలో పెద్దపల్లి జిల్లా గోదావరిఖనిలో గోదావరి వంతెన వద్ద ఆగారు. గోదారమ్మకు నమస్కరించి, నదిలో నాణేలు వేసి తిరిగి బయలుదేరి ఎర్రవల్లికి చేరుకున్నారు. 

తెలంగాణలో అధికారం కోసం కాంగ్రెస్ నాయకులు చాలా కష్టపడుతున్నారు. పాదయాత్రలు చేస్తున్నారు. ప్రభుత్వం మీద ఫైట్ చేస్తున్నారు. కాని కొందరు నేతలు చేస్తున్న ప్రకటనలతో పార్టీ మూల్యం చెల్లించుకోవాల్సి వస్తోందనే ఆవేదన వ్యక్తం అవుతోంది. ఎంత శ్రమిస్తున్నా వారి మాటలతో తమ కష్టమంతా బూడిదలో పోసిన పన్నీరవుతోందని వాపోతున్నారు. నోరు జారుతున్న ఆ నాయకులు ఎవరు?  గడచిన 9 సంవత్సరాలుగా కేసీఆర్ ప్రభుత్వం మీద కాంగ్రెస్ పోరాడుతూనే ఉంది. మూడోసారి కూడా ఓడిపోతే...ఇక పార్టీ పరిస్థితి మరింత జారుతుందని గ్రహించిన టీ.కాంగ్రెస్ నేతలు రాబోయే ఎన్నికలను దృష్టిలో పెట్టుకుని తీవ్రంగా శ్రమిస్తున్నారు. రకరకాల కార్యక్రమాలతో సీనియర్లంతా రోడ్ల మీద జనంతోనే ఉంటున్నారు. పాదయాత్రలు చేస్తున్నారు. ప్రజలకు సంబంధించిన ప్రతి విషయంలోనూ ప్రభుత్వంతో పోరాడుతున్నారు. ఈసారి ఎలాగైనా అధికారంలోకి రావాలనే పట్టుదలతో ఉన్నారు తెలంగాణ కాంగ్రెస్ నేతలు. అయితే కొందరు సీనియర్లు చేస్తున్న వ్యాఖ్యలు మొత్తంగా పార్టీకి నష్టం చేసేవిగా ఉంటున్నాయని గాంధీభవన్ వర్గాలు ఆందోళన చెందుతున్నాయి. కాంగ్రెస్ అగ్రనేత రాహుల్ గాంధీ పార్లమెంట్ సభ్యత్వంపై వేసిన అనర్హతను ఖండించేదుకు ప్రెస్ మీట్ పెట్టారు సీనియర్ నాయకుడు కుందూరు జానారెడ్డి. అయితే ఇదే సమయంలో జాతీయ స్థాయిలో కలసి వచ్చే పార్టీలతో పనిచేస్తాం. ప్రజలు నిర్ణయిస్తే బీఆర్ఎస్‌తో పొత్తు ఉంటుందని కామెంట్ చేశారు జానారెడ్డి. జాతీయ స్థాయిలో బీజేపీని ఎదుర్కునేందుకు అన్ని పార్టీలను కలుపుకుపోతాం అని జానారెడ్డి చెప్పదలుచుకున్నారు. కానీ మరోరకంగా అర్థం వచ్చేలా వాఖ్యానించడంతో ఇప్పుడు ఇదే హాట్ టాపిక్ గా మారింది. ఇప్పటికే బీఆర్ఎస్, టీ కాంగ్రెస్ పొత్తు చర్చ కాంగ్రెస్‌కు తీవ్ర నష్టం చేస్తుందని భావిస్తుంటే... పొత్తుకు మరింత బలం చేకూర్చేలా జానారెడ్డి చేసిన వాఖ్యలు టీ కాంగ్రెస్ ను ఇరకాటంలోకి నెట్టాయి. మరోవైపు ఎంపీ కోమటిరెడ్డి వెంకటరెడ్డి చేసిన వాఖ్యలు కూడా పార్టీని తీవ్ర ఇబ్బందుల్లోకి నెట్టాయి. తెలంగాణలో కాంగ్రెస్ కు 40 నుంచి 50 స్థానాలు వస్తాయని, సెక్యులర్ పార్టీలతో పొత్తు పెట్టుకుంటామని కోమటిరెడ్డి వాఖ్యానించారు. దీంతో కాంగ్రెస్, బీఆర్ఎస్ మధ్య పొత్తు చిగురిస్తుందనే చర్చ జోరుగా సాగుతోంది. కాంగ్రెస్ సీనియర్లు చేస్తున్న ఇటువంటి ప్రకటనలను బీజేపీ తనకు అనుకూలంగా మలచుకుంటోంది. ఇక రాష్ట్రంలో వివిధ పార్టీలతో పొత్తుపై చర్చ జరిగేలా కొన్ని రోజులుగా బీఆర్ఎస్ వ్యవహార శైలి ఉంటోంది. రాహుల్ గాంధీపై పార్లమెంట్ లో అనర్హత వేటు విషయంలో సీఎం కేసీఆర్ తో పాటు బీఆర్ఎస్ పార్టీ నేతలంతా ఖండించారు. దీనికి తోడు కేంద్ర ప్రభుత్వం దర్యాప్తు సంస్థలను పావులుగా వాడుకుంటోందని సుప్రీం కోర్ట్ లో వేసిన పిటిషన్ లో కాంగ్రెస్ తో పాటు బీఆర్ఎస్ కూడా ఉంది. ఇలా టీ కాంగ్రెస్ నేతలు అప్పుడప్పుడు చేసే వాఖ్యలు, వారు వ్యవహరిస్తున్న తీరు, బీఆర్ఎస్ విధానాలు రెండు పార్టీల మధ్య పొత్తు గురించి ప్రజల్లో చర్చ జరిగేలా చేస్తున్నాయి... పొత్తు అంశంపై చర్చ జరిగితే అది కాంగ్రెస్ కే నష్టం అంటున్నారు రాజకీయ విశ్లేషకులు. కాంగ్రెస్ నాయకులు చేసే ప్రకటనలు, వారి వ్యవహార శైలి వల్ల బీజేపీ పెరిగి...అంతిమంగా కాంగ్రెస్‌కే నష్టం కలుగుతుందనే అభిప్రాయాలు వ్యక్తమవుతున్నాయి. 

సాక్షి, హైదరాబాద్‌: తెలంగాణలో ‘రథయాత్ర’లకు బీజేపీ సిద్ధమౌతోంది. నిర్ణీతగడువు ప్రకారం వచ్చే ఏడాది చివర్లో అసెంబ్లీ ఎన్నికలు జరగాల్సి ఉండగా.. ఈ జనవరి నుంచి వివిధ రూపాల్లో పార్టీ కార్యక్రమాలను ఉధృతం చేయాలని జాతీయ నాయకత్వం నిర్ణయించింది. జనవరి 15 లేదా 16వ తేదీ నుంచి రాష్ట్ర బీజేపీ అధ్యక్షుడు బండి సంజయ్‌.. రోజుకు 3 అసెంబ్లీ నియోజకవర్గాల చొప్పున పర్యటనలు చేపట్టనున్నారు. దాదాపు రెండువారాల్లో ఈ పర్యటనలు ముగిశాక, ఫిబ్రవరి మొదటి, రెండోవారంలో రథయాత్రలు చేపట్టాలని సూత్రప్రాయంగా నిర్ణయించినట్టు పార్టీవర్గాల సమాచారం. రాష్ట్రం మొత్తాన్ని ఒకేసారి కవర్‌ చేసేలా నాలుగుదిక్కులా నాలుగు రథయాత్రలను నిర్వహించే ఆలోచనలో ఉన్నట్టు తెలుస్తోంది. ఈ యాత్రల షెడ్యూల్, రూట్లపై చర్చించి, తుదిరూపునిచ్చేందుకు బీజేపీ తెలంగాణ వ్యవహారాల ఇన్‌చార్జి తరుణ్‌ ఛుగ్‌ రాష్ట్రానికి రానున్నట్టు పార్టీ వర్గాలు తెలిపాయి. ఇదే సమయంలో బండి సంజయ్‌ పాదయాత్రలకు కూడా బ్రేక్‌ పడినట్టు సమాచారం.  ఒకరిద్దరికే మైలేజ్‌ వచ్చేలా కాకుండా.. జనవరిలో హైదరాబాద్, సికింద్రాబాద్‌ నగరాల పరిధిలోని 16 నుంచి 18 అసెంబ్లీ నియోజకవర్గాల్లో ఆరోవిడత పాదయాత్ర చేపట్టాలని తొలుత భావించారు. ఈ యాత్ర ఉంటే దానిపైనే మొత్తం పార్టీ యంత్రాంగం, వనరులు వంటివి పూర్తిస్థాయిలో కేంద్రీకరించాల్సి ఉన్నందున, బస్సుయాత్రలతో రాష్ట్రం నలువైపులా చుట్టివస్తే మంచిదనే అభిప్రాయంతో బీజేపీ నాయకత్వం ఉన్నట్టు తెలుస్తోంది. ఒకరిద్దరు ముఖ్యనేతలకే మైలేజ్‌ వచ్చేట్లు కాకుండా సమిష్టిగా నేతలకు ప్రాధాన్యత లభించేలా కార్యక్రమాలకు తుది రూపు ఇవ్వాలని నిర్ణయించినట్టు తెలిసింది.  7న అసెంబ్లీ సదస్సులు అసెంబ్లీ ఎన్నికలను దృష్టిలో ఉంచుకుని పార్టీని సంస్థాగతంగా పూరిస్థాయిలో బలోపేతం చేయ డం, ఒక్కో అసెంబ్లీ నియోజకవర్గానికి ఒక్కో ప్రభారీ, విస్తారక్‌ల చొప్పున నియామకం, అన్ని పోలింగ్‌బూత్‌ కమిటీల నియామకం పూర్తి, మండల, గ్రామస్థాయి కమిటీల ఏర్పాటు వంటి వాటిని వెంటనే  పూర్తి చేయాలని రాష్ట్ర పార్టీని జాతీయ నాయకత్వం ఆదేశించినట్టు సమాచారం. వచ్చేనెల మొదటివారం కల్లా మండలాల వారిగా బూత్‌ కమిటీల నియామకం పూర్తి చేసి, 7న 119 నియోజకవర్గాల్లో బూత్‌ కమిటీలు పాల్గొనేలా అసెంబ్లీ సదస్సులు నిర్వహించాలని నిర్ణయించింది. పార్టీ జాతీయ అధ్యక్షుడు జేపీ నడ్డా ఈ సదస్సులనుద్దేశించి వర్చువల్‌గా ప్రసంగించనున్నారు.  నేడు నగరానికి బీఎల్‌ సంతోష్‌.. ఈ నెల 28, 29 తేదీల్లో దక్షిణాది రాష్ట్రాల లోక్‌సభ నియోజకవర్గాల పూర్తి సమయ కార్యకర్తల సమావేశం హైదరాబాద్‌లో జరగనుంది. మేడ్చల్‌ జిల్లా శామీర్‌పేటలోని ఓ రిసార్ట్‌లో నిర్వహిస్తున్న ఈ శిక్షణ శిబిరంలో పాల్గొనేందుకు బీజేపీ జాతీయ ప్రధాన కార్యదర్శి (సంస్థాగత) బీఎల్‌ సంతోష్, కార్యదర్శి (సంస్థాగత) శివప్రకాష్, రాష్ట్ర సంస్థాగత ఇన్‌చార్జి సునీల్‌ బన్సల్‌ మంగళవారం రాత్రి నగరానికి చేరుకుంటారు. శిక్షణా శిబిరం ముగిశాక 29న సాయంత్రం తెలంగాణ అసెంబ్లీ కోర్‌ కమిటీలతో సంతోష్, బన్సల్‌ సమావేశం కానున్నారు.  ఒక్కో సెగ్మెంట్‌కు ఐదుగురు పాలక్‌లు ఒక్కో నియోజకవర్గానికి ఐదుగురేసి చొప్పున ముఖ్యనేతలను బీజేపీ నియమించనుంది. మాజీ ఎంపీలు, ఎమ్మెల్యేలు, ఎమ్మెల్సీలు, జాతీయ కార్యవర్గసభ్యులు, ఇతర ముఖ్య నేతలను పాలక్‌లుగా నియమిస్తారు. ఇక ఒక్కో నియోజకవర్గానికి ఒక స్థానికేతర ఇన్‌చార్జి (ప్రభారీ)ని కూడా నియమిస్తారు. 

సాక్షి, హైదరాబాద్‌: కేంద్ర, రాష్ట్ర ప్రభుత్వాలు వైద్యారోగ్య రంగంలో ఎన్ని పథకాలు తీసుకువస్తున్నా.. వైద్య సదుపాయాలు పెంచుతున్నట్టు చెప్తున్నా.. ప్రజలపై భారం మాత్రం తగ్గడం లేదు. దేశంలో ఆరోగ్యంపై జరుగుతు­న్న మొత్తం వ్యయంలో సగం ఖర్చును ప్రజలే సొంతంగా భరించాల్సిన పరిస్థితి ఉంది. ఇది పేద, మధ్య తరగతి వర్గాలపై మోయలేని భారంగా మారుతోందని నిపుణులు ఆందోళన వ్యక్తం చేస్తున్నారు. కరోనా పరిస్థితుల్లో ఆరోగ్యం కోసం ఖర్చు గణనీయంగా పెరిగినా.. కేంద్ర, రాష్ట్ర ప్రభుత్వాల ఖర్చు అవసరమైన మేర పెరగడం లేదని, ప్రజలపైనే భారం పడుతోందని స్పష్టం చేస్తున్నారు.  కేంద్ర ప్రభుత్వ నివేదికలోనే..  దేశంలో రాష్ట్రాల వారీగా ఆరోగ్యంపై ప్రభుత్వాలు, ప్రజలు చేస్తున్న ఖర్చుపై కేంద్ర ప్రభుత్వం తాజాగా ఒక నివేదిక విడుదల చేసింది. 2018–19 నాటి అంచనాల ప్రకారం తయారు చేసిన ఈ నివేదికపై ఇటీవల పార్లమెంటులోనూ చర్చ జరిగింది. దాని ప్రకారం దేశంలో ఆరోగ్యంపై మొత్తంగా రూ.5,96,440 కోట్లు వ్యయం అవుతోంది. కేంద్ర, రాష్ట్ర ప్రభుత్వాలు కలిపి భరిస్తున్నది రూ.2,42,219 కోట్లే. అంటే సుమారు 41 శాతం మాత్రమే. అదే ప్రజలు సొంతంగా చేసిన ఖర్చులు రూ.2,87,573 కోట్లు (సుమారు 48శాతం) కావడం గమనార్హం. ఇక ప్రైవేటు ఆరోగ్య బీమా ద్వారా అందుతున్నది రూ.39,201 కోట్లు (6.57 శాతం), మిగతా సొమ్ము వివిధ స్వచ్చంద  సంస్థలు, ఇతర మార్గాల ద్వారా ఆరోగ్య ఖర్చుల కోసం అందుతోంది.  ప్రభుత్వాల వ్యయం పెరుగుతున్నా..  ఆరోగ్యం కోసం ప్రజలు చేస్తున్న సొంత ఖర్చు తగ్గుతోందని.. ప్రభుత్వాల వ్యయం పెరుగుతోందని కేంద్ర నివేదికలోని గణాంకాలు వెల్లడిస్తున్నాయి. 2015–16లో ప్రభుత్వాల ఖర్చు సుమారు 30 శాతం వరకే ఉండగా ఇప్పుడు 41 శాతానికి చేరింది. ప్రజలు సొంతంగా చేస్తున్న ఖర్చు 62 శాతం నుంచి 48 శాతానికి తగ్గింది. ఆరోగ్య వ్యయంలో ప్రభుత్వాల వాటా గణనీయంగా పెరగడం మంచి పరిణామమే అయినా.. సగం కూడా లేకపోవడం, మిగతా భారం ప్రజలపై పడటం సరికాదని నిపుణులు చెప్తున్నారు. మొత్తం ఆరోగ్య వ్యయంలో ప్రజల ఖర్చు 10 శాతం వరకే ఉండాలని, ప్రభుత్వాలే వ్యయం పెంచాలని స్పష్టం చేస్తున్నారు.  యూపీలో ఎక్కువ ఖర్చు  దేశంలో ఆరోగ్యానికి అత్యధికంగా ఖర్చు చేస్తున్న రాష్ట్రాల్లో ఉత్తరప్రదేశ్‌ మొదటి స్థానంలో నిలిచింది. ఆ రాష్ట్రంలో రూ.78,297 కోట్లు ఆరోగ్యం కోసం ఖర్చు చేస్తున్నారు. మహారాష్ట్రలో రూ.66,703 కోట్లు, పశ్చిమబెంగాల్‌లో రూ.45,277 కోట్లు, కేరళ రూ.34,548 కోట్లు, తమిళనాడులో రూ.32,767 కోట్లు, కర్ణాటకలో రూ.32,198 కోట్లు, రాజస్థాన్‌లో రూ.29,905 కోట్లు, గుజరాత్‌లో రూ.26,812 కోట్లు, ఆంధ్రప్రదేశ్‌లో రూ.25,828 కోట్లు, మధ్యప్రదేశ్‌లో రూ.20,725 కోట్లు ఖర్చు చేశారు. ప్రభుత్వాలే భరించే ఖర్చు ప్రకారం చూస్తే.. ఉత్తరాఖండ్‌ 61 శాతంతో టాప్‌లో నిలిచింది.    నివేదికలో ముఖ్యాంశాలివీ..  ► దేశంలో 2018–19 సంవత్సరానికి మొత్తం ఆరోగ్య వ్యయం రూ.5,96,440 కోట్లు (ఇది జీడీపీలో 3.16 శాతం.. తలసరి ఖర్చు రూ.4,470).  ► మొత్తం ఆరోగ్య వ్యయంలో ప్రభుత్వాలు చేస్తున్న ఖర్చు రూ.2,42,219 కోట్లు (తలసరి రూ.1,815)కాగా.. ఇందులో కేంద్ర ప్రభుత్వ వాటా 34.3 శాతం, రాష్ట్ర ప్రభుత్వాల వాటా 65.7 శాతంగా ఉంది.  ►కేంద్రం జాతీయ ఆరోగ్య మిషన్‌పై చేస్తున్న వ్యయం రూ.30,578 కోట్లు, డిఫెన్స్‌ మెడికల్‌ సర్వీసెస్‌ కింద రూ.12,852 కోట్లు, రైల్వే హెల్త్‌ సర్వీసెస్‌ రూ.4,606 కోట్లు, కేంద్ర ప్రభుత్వ ఆరోగ్య పథకం (సీజీహెచ్‌ఎస్‌) రూ.4,060 కోట్లు, ఎక్స్‌ సర్వీస్‌మెన్‌ కాంట్రిబ్యూటరీ హెల్త్‌ స్కీమ్‌కు రూ.3,226 కోట్లు, అన్ని ప్రభుత్వ ఆర్థిక ఆరోగ్య బీమా పథకాల ద్వారా ఖర్చులు కలిపి రూ.12,680 కోట్లు.  ► ఆరోగ్యంపై ప్రజలు సొంతంగా చేసిన ఖర్చులు రూ.2,87,573 కోట్లు (మొత్తం ఆరోగ్య వ్యయంలో 48.21 శాతం.. తలసరిన చూస్తే రూ.2,155), ప్రైవేటు ఆరోగ్య బీమా ద్వారా అందుతున్నది రూ.39,201 కోట్లు (6.57 శాతం).  ►మొత్తంగా ఆరోగ్యానికి అయ్యే ఖర్చులో రూ.93,689 కోట్లు ప్రభుత్వ ఆస్పత్రులకు, ప్రైవేట్‌ ఆస్పత్రులకు రూ.1,55,013 కోట్లు (28.69%). ప్రాథమిక ఆరోగ్య కేంద్రాలు, డిస్పెన్సరీలు, కుటుంబ నియంత్రణ కేంద్రాలకు కలిపి చేసే ఖర్చు రూ.41,875 కోట్లు, ఇతర ప్రైవేట్‌ ప్రొవైడర్లకు (ప్రైవేట్‌ క్లినిక్‌లతో సహా) రూ.23,610 కోట్లు, పేషెంట్‌ ట్రాన్స్‌పోర్ట్, ఎమర్జెన్సీ రెస్క్యూ ప్రొవైడర్లకు రూ.18,909 కోట్లు, మెడికల్‌ అండ్‌ డయాగ్నస్టిక్‌ లేబొరేటరీలకు రూ.21,162 కోట్లు, ఫార్మసీలకు రూ.1,22,077 కోట్లు, ఇతర రిటైలర్లకు రూ.643 కోట్లు, ప్రివెంటివ్‌ కేర్‌ ప్రొవైడర్లకు రూ.28,841 కోట్లు, హెల్త్‌ సిస్టమ్‌ అడ్మినిస్ట్రేషన్, ఫైనాన్సింగ్‌ ప్రొవైడర్లు, ఇతర ఆరోగ్య సంరక్షణలకు దాదాపు రూ. 21,612 కోట్లు ఖర్చు చేస్తున్నారు. మరిన్ని నిధులు ఇతర అవసరాలకు ఖర్చవుతున్నాయి.  ► తెలంగాణలో జీఎస్‌డీపీలో మొత్తం ఆరోగ్య ఖర్చు 1.8 శాతంగా ఉంది. ఇందులో ప్రభుత్వ ఖర్చు 0.7 శాతం, ప్రజలు సొంతంగా చేస్తున్న ఖర్చు 0.9 శాతం, ఆరోగ్య బీమా, ఇతర వ్యవస్థల ద్వారా 0.2శాతం ఖర్చు జరుగుతోంది.    దేశంలో ఆరోగ్యంపై వ్యయం తీరు ఇలా.. (రూ.కోట్లలో)  అంశం           2015–16    2016–17    2017–18    2018–19  ప్రభుత్వ ఖర్చు        1,61,863    1,88,010    2,31,104    2,42,219  ప్రజల సొంత ఖర్చు        3,20,211    3,40,196    2,76,532    2,87,573  ప్రైవేట్‌ బీమా కంపెనీలు    22,013        27,339        33,048        39,201    క్యూబాలో జనం సొంత ఖర్చు 8 శాతమే..  ప్రపంచంలో ఆరోగ్యంపై చేస్తున్న ఖర్చులో ప్రజలు సొంతంగా చేస్తున్నది 36 శాతమే. మన దేశంలో అది 48 శాతంగా ఉంది. అదే క్యూబా వంటి దేశంలో కేవలం 8 శాతమే. మన దేశంలో ప్రజల ఖర్చు తగ్గుతూ వస్తున్నట్టు కేంద్ర గణాంకాలు చెప్తున్నా.. ప్రభుత్వాలు భరించే మొత్తం గణనీయంగా పెరగాల్సి ఉంది. బడ్జెట్లో ఆరోగ్యానికి కేటాయింపులు పెంచడం వల్ల ప్రజల జేబు ఖర్చు తగ్గుతుంది. ప్రైవేట్‌ బీమా కంపెనీలు ఆరోగ్య రంగంలో భాగస్వామ్యం కావడం, ఆరోగ్యశ్రీ, ఆయుష్మాన్‌ భారత్, ఇతర ఆరోగ్య పథకాలతో ప్రయోజనం ఉంటోంది.   డాక్టర్‌ కిరణ్‌ మాదల, క్రిటికల్‌ కేర్‌ విభాగాధిపతి, నిజామాబాద్‌ మెడికల్‌ కాలేజీ    జేబు ఖర్చు 10శాతం లోపే ఉండాలి  ఆరోగ్య వ్యయంపై ప్రభుత్వ లెక్కలు సరిగా లేవని అనిపిస్తోంది. మాకున్న అంచనా ప్రకారం 80శాతం ఆరోగ్య ఖర్చును ప్రజలే భరిస్తున్నారు. ఒకవేళ ప్రభుత్వ లెక్కలనే పరిగణనలోకి తీసుకున్నా.. అది ప్రజలపై పెను భారమే. అభివృద్ధి చెందిన దేశాల్లో ఆరోగ్యంపై ప్రజలు చేస్తున్న ఖర్చు కేవలం 10 శాతమే. డెన్మార్క్, చెకోస్లావేకియా, చైనా, వియత్నాం, ఉత్తర కొరియా వంటిచోట్ల ఎక్కువగా ప్రభుత్వాలే ఖర్చు చేస్తున్నాయి. అమెరికా వంటి చోట్ల బీమా పథకాలు ఉన్నాయి. కానీ బీమా కంపెనీలు ఎక్కువ ధరలతో కూడిన మందులు ఇవ్వడానికి, ఖర్చుకు ముందుకు రావు. అమెరికాలో వస్తున్న సమస్య ఇదే. అందువల్ల దేశంలో ప్రభుత్వమే ఖర్చు పెంచాలి.  – డాక్టర్‌ యలమంచి రవీంద్రనాథ్, ప్రముఖ వైద్యుడు, ఖమ్మం   

సాక్షి, హైదరాబాద్‌: రాష్ట్రంలోని అసైన్డ్‌ భూములపై రాష్ట్రప్రభుత్వం దృష్టి సారించింది. ఈ భూములకు సంబంధించి నిరుపేదలకు హక్కులు కల్పించే విషయమై సమాలోచనలు చేస్తోంది. ఈ భూములపై లబ్ధిదారులకు హక్కులు కల్పించడానికి ఉన్న అవకాశాలేంటి? కల్పిస్తే జరిగే పరిణామాలేంటి? హ­క్కు­లు ఇవ్వడం ద్వారా పేదల నుంచి భూములు అన్యాక్రాంతం కాకుండా ప్రభుత్వం తీసుకోగలిగిన చర్యలేమైనా ఉన్నాయా? లబ్ధిదారుల నుంచి ఇప్పటి­కే ఇతరుల చేతుల్లోకి వెళ్లిన భూములను ఏం చేయాలి? వీలున్నచోట్ల అసైన్డ్‌ భూములను ప్రభుత్వమే కొనుగోలు చేసే అవకాశముందా? అనే అంశాలపై ప్రభుత్వం లోతుగా పరిశీలిస్తున్నట్టు సమాచారం. అయితే, ఏది చేయాలన్నా తెలంగాణ అసై­న్డ్‌ భూముల బదలాయింపు నిషేధచట్టం–1977 (పీవోటీ యాక్ట్‌)కు కచ్చితంగా సవరణ చేయా­ల్సి ఉన్నందున డిసెంబర్‌లో నిర్వహించే శీతాకాల లేదంటే బడ్జెట్‌ సమావేశాల్లో ఇందుకు సంబంధించిన బిల్లు పెట్టే అవకాశముందని తెలుస్తోంది.  ఆర్థిక భరోసా వచ్చేనా..? వాస్తవానికి, గత కొన్నేళ్లుగా రాష్ట్రంలోని వ్యవసాయ భూముల ధరలకు రెక్కలొచ్చాయి. ప్రభుత్వవర్గాల కథనం ప్రకారం ఏ మారుమూల ప్రాంతంలోనైనా ఎకరం భూమి 15–20 లక్షలు పలుకుతోంది. డిమాండ్‌ ఉన్న ప్రాంతాల్లో ఎకరా కోట్లు పలుకుతుంటే రాజధాని శివార్లలో పదుల కోట్లు దాటుతోంది. ఈ నేపథ్యంలో ఆ భూములను అనుభవించే వీలులేకుండా కేవలం సాగు హక్కులు కల్పించడంవల్ల ఎలాంటి ప్రయోజనం ఉండదని, వ్యవసాయాన్నే నమ్ముకుని బతుకుతున్న పేదలు వారి అవసరాలకు వాటిని ఇతరులకు అమ్ముకోగలిగితే కొంత ఆర్థిక భరోసా వస్తుందనే వాదన కూడా ఉంది. ఈ నేపథ్యంలోనే గతంలో కూడా పలుమార్లు రాష్ట్రంలోని అసైన్డ్‌ భూముల పరిస్థితిపై ప్రభుత్వం నివేదికలు తెప్పించుకుంది. అసైన్డ్‌ భూములు అసైనీల చేతుల్లోనే ఉన్నాయా? అన్యాక్రాంతమైన భూములెన్ని? అసైనీల దగ్గరి నుంచి కొనుగోలు చేసిన వారి సామాజిక, ఆర్థిక పరిస్థితులేంటి? అన్నదానిపై రెవెన్యూ వర్గాలు ప్రభుత్వానికి వివరాలు పంపాయి. ఈ వివరాల ప్రకారం దాదాపు 40 శాతం భూములు అసైనీల చేతుల్లో లేవని సమాచారం. ఈ నేపథ్యంలో అన్యాక్రాంతమైన భూములను ఏం చేయాలన్న దానిపై ప్రభుత్వం ఎటూ తేల్చుకోలేకపోతోంది.  1/70 చట్టం తరహాలో... రాజధాని శివార్లలోని అసైన్డ్‌ భూములకు పరిహారం ఇవ్వడం(కొనుగోలు చేయడం) ద్వారా ఆ భూములను సొంతం చేసుకుని వాటిని వేలం వేయాలనే ప్రతిపాదన గతంలోనే ప్రభుత్వ పరిశీలనలో ఉంది. ఈ మేరకు శంషాబాద్‌సహా కొన్ని మండలాల్లోని అసైన్డ్‌ భూముల కొనుగోలు, అమ్మకాలపై ప్రభుత్వం వద్ద నివేదిక కూడా ఉంది. దీనికితోడు అసైన్డ్‌ భూములను ప్రభుత్వమే కొనుగోలు చేసే వెసులుబాటు కూడా ఉంది. కేంద్ర ప్రభుత్వపరిధిలోని 1/70 చట్టం ప్రకారం(అటవీ చట్టం) గిరిజన, ఆదివాసీ ప్రాంతాల్లో గిరిజనేతరులకు భూములుంటే వాటిని కేవలం గిరిజనులకు మాత్రమే అమ్మాలి. కొనేందుకు గిరిజనులెవరూ ముందుకు రాకపోతే ప్రభుత్వమే వాటిని కొనుగోలు చేయవచ్చు. ఈ వెసులుబాటు ఆధారంగానే రాష్ట్రంలోని అసైన్డ్‌ భూములను కొనుగోలు చేయాలనే ఆలోచనలో ప్రభుత్వ వర్గాలు ఉన్నాయి. అయితే, రాష్ట్రవ్యాప్తంగా అన్ని భూములను కొనుగోలు చేసే పరిస్థితి ఉండదు. ఈ నేపథ్యంలో ఏం చేయాలన్న దానిపై న్యాయనిపుణుల సలహాలు కూడా తీసుకున్నట్టు సమాచారం. మొత్తం మీద అసైన్డ్‌ భూములకు హక్కులు కల్పించే విషయంలో అన్ని ప్రత్యామ్నాయాలను పరిశీలిస్తున్న ప్రభుత్వం త్వరలోనే ఒక నిర్ణయానికి వస్తుందనే చర్చ రెవెన్యూ వర్గాల్లో జరుగుతోంది.  అన్నీ క్షుణ్ణంగా ఆలోచించిన తర్వాతే...  గత కొన్నేళ్ల పరిణామాలను చూస్తే దేశవ్యాప్తంగా భూముల అమ్మకాలు, కొనుగోళ్ల మీద ఆంక్షలన్నింటినీ సడలించుకుంటూ వస్తున్నాం. 2004లో ప్రపంచ బ్యాంకు తయారు చేసిన నివేదిక కూడా ఆంక్షలను తొలగించాలని, భూక్రయ, విక్రయ లావాదేవీలు సులభతరం చేయాలని ప్రతిపాదించింది. ‘ల్యాండ్‌ పాలసీస్‌ ఫర్‌ గ్రోత్‌ అండ్‌ పావర్టీ రిడక్షన్‌’ పేరిట భారతదేశం కోసం ప్రత్యేకంగా తయారుచేసిన నివేదిక ఇది. ఆర్థిక సరళీకరణ సూత్రం మార్కెట్‌లో భూలావాదేవీలు సులభతరంగా ఉండాలని చెబుతోంది. మనం వద్దనుకున్నా, కావాలనుకున్నా ఆంక్షలు ఎత్తివేయడమే మన ముందున్న మార్గం. అయితే, ఆంక్షలు ఎత్తివేసే సమయంలో ఎవరి రక్షణ కోసం చట్టాలు చేశామో వారు నష్టపోకుండా చూసుకోవాలి. ఈ పరిస్థితుల్లో పేదల భూములపై కొంతమేరకు ఆంక్షల సడలింపు అవసరం. అసైన్డ్‌ భూములను ప్రభుత్వం కొనుగోలు చేసే అంశం లేదా ఎస్సీ, ఎస్టీ కార్పొరేషన్లు కొనుగోలు చేయాలన్న కోనేరు రంగారావు నివేదికను పరిశీలించాలి. లేదంటే కొంత కాలపరిమితికి అమ్ముకునే అవకాశమివ్వాలి. అలా అమ్ముకునే సమయంలో కూడా ప్రభుత్వం నుంచి అనుమతి తీసుకున్న తర్వాతనే ఆ భూమిపై హక్కులు బదలాయించాలి. –భూమి సునీల్, భూచట్టాల నిపుణుడు, నల్సార్‌ విశ్వవిద్యాలయ అసోసియేట్‌ ప్రొఫెసర్‌  స్ఫూర్తికి విఘాతం కలిగితే..! తెలంగాణలో దాదాపు 15 లక్షల మందికిపైగా పేదలకు 24 లక్షల ఎకరాలను అసైన్‌ చేసినట్టు లెక్కలు చెబుతున్నాయి. అయితే, ఈ భూములపై సదరు పేదలకు హక్కు ఉండదు. కేవలం సాగు మాత్రమే చేసుకోవాలి. ఇతరులకు అమ్మడం ద్వారా అసైనీలు వారి హక్కులను బదలాయించే వెసులుబాటు లేదు. పొరుగునే ఉన్న కర్ణాటకలో అసైన్‌ చేసిన 20 ఏళ్ల తర్వాత అమ్ముకునే అవకాశముంది. మనరాష్ట్రంలో ఆ హక్కులు కల్పిస్తే బడుగుల చేతుల్లో ఉన్న ఆ కొద్ది భూమి ధనవంతులు, భూస్వాముల చేతుల్లోకి వెళ్లిపోతుందని, తద్వారా అసైన్డ్‌ స్ఫూర్తికే విఘాతం కలుగుతుందని, రాష్ట్రంలో భూముల్లేని పేదలసంఖ్య పెరిగిపోతుందనే వాదన ఉంది. ఈ వాదనను దృష్టిలో ఉంచుకునే ప్రభుత్వం పలు ప్రత్యామ్నాయాలను పరిశీలిస్తోందని తెలుస్తోంది.   

సాక్షి, హైదరాబాద్‌: గ్రూప్‌–4 కొలువుల భర్తీ ప్రక్రియకు ఆదిలోనే అడ్డంకులు మొదలయ్యాయి. ఈ కొలువులకు సంబంధించిన దరఖాస్తుల స్వీకర­ణ ప్రక్రియ ఆకస్మికంగా వాయిదా పడగా.. పూర్తి­స్థాయి నోటిఫికేషన్‌ను సైతం విడుదల చేయకపో­వడంతో అభ్యర్థుల్లో అయోమయం నెలకొంది. రాష్ట్ర ప్రభుత్వ పరిధిలోని 25 విభాగాల్లో గ్రూ­ప్‌–4 కేటగిరీలోని 9,168 ఉద్యోగాల భర్తీకి సంబంధించి తెలంగాణ పబ్లిక్‌ సర్వీస్‌ కమిషన్‌ (టీఎస్‌పీఎస్సీ) ఈనెల 1న వెబ్‌ నోట్‌ (ప్రాథ­మిక ప్రకటన)ను విడుదల చేసింది. ఈ క్రమంలో డిసెంబర్‌ 23వ తేదీన వెబ్‌సైట్‌లో పూర్తిస్థాయి నోటిఫికేషన్‌ను అందుబాటులో ఉంచనున్నట్లు ప్రకటించిన కమిషన్‌.. 23వ తేదీ నుంచి 2023–జనవరి 12వ తేదీ వరకు ఆన్‌లైన్‌లో దరఖాస్తులను స్వీకరించనున్నట్లు ఆ వెబ్‌నోట్‌లో వెల్లడించింది. దీంతో అభ్యర్థులంతా దరఖాస్తుల భర్తీ, శిక్షణకు సన్నద్ధమవుతున్న తరుణంలో ఆకస్మికంగా దరఖాస్తుల స్వీకరణ ప్రక్రియను వాయిదా వేస్తున్నట్లు శుక్రవారం టీఎస్‌పీఎస్సీ ప్రకటించింది. మరోవైపు జిల్లాల వారీగా ఉద్యోగ ఖాళీలు, రిజర్వేషన్లు, విద్యార్హతలు, రోస్టర్‌ ఆధారిత సమాచారంతో కూడిన పూర్తిస్థాయి నోటిఫికేషన్‌ను విడుదల చేయకపోవడంతో అభ్యర్థుల్లో గందరగోళం నెలకొంది. సాంకేతిక కారణాలంటూ.. సాంకేతిక కారణాల వల్ల గ్రూప్‌–4 ఉద్యోగాలకు సంబంధించి దరఖాస్తుల స్వీకరణ తేదీలను మార్పు చేస్తున్నట్లు టీఎస్‌పీఎస్సీ శుక్రవారం ఒక వెబ్‌నోట్‌ను విడుదల చేసింది. ఈనెల 30వ తేదీ నుంచి 2023 జనవరి 19వ తేదీ సాయంత్రం 5 గంటల వరకు ఆన్‌లైన్‌లో దరఖాస్తులు స్వీకరిస్తామని తెలిపింది. ఈ ఉద్యోగాలకు అవసరమైన అర్హత సమాచారాన్ని వెబ్‌సైట్‌లో చూసి నిర్దేశించిన ప్రొఫార్మా ఆధారంగా ఆన్‌లైన్‌లో దరఖాస్తులు సమర్పించాలని స్పష్టం చేసింది. ఈ క్రమంలో పూర్తిస్థాయి నోటిఫికేషన్‌పై స్పష్టత ఇవ్వనప్పటికీ, నిర్దేశించిన తేదీ నుంచి దరఖాస్తులు స్వీకరిస్తామని వివరించింది. కాగా, గ్రూప్‌–4 ఉద్యోగాలకు సంబంధించి ప్రాథమిక ప్రకటనలో కేవలం శాఖల వారీగా ఉద్యోగ ఖాళీల సంఖ్య మాత్రమే ఉంది. పూర్తిస్థాయి నోటిఫికేషన్‌లో జిల్లాల వారీగా ఖాళీలు, ఎవరెవరు అర్హులు, రిజర్వేషన్ల వారీగా పోస్టులు.. తదితర పూర్తిస్థాయి సమాచారం ఉంటుంది. అయితే పూర్తిస్థాయి నోటిఫికేషన్‌ విడుదల కాకపోవడం.. సాంకేతిక కారణాల వల్ల ప్రస్తుతం దరఖాస్తుల స్వీకరణ వాయిదా వేయడంతో ఆశావహులు ఆందోళన చెందుతున్నారు. తదుపరి ఏమవుతుందో..? తెలంగాణ ప్రత్యేక రాష్ట్రం ఏర్పాటు తర్వాత అత్యధిక పోస్టులతో గ్రూప్‌–4 ఉద్యోగాల భర్తీ ప్రకటించడం ఇదే మొదటిసారి. మరోవైపు అన్ని ప్రభుత్వ శాఖల్లో దాదాపు 80 వేల ఉద్యోగాల భర్తీ చేపడుతుండగా.. ఈ ఖాళీల్లో గ్రూప్‌–4 కొలువుల సంఖ్య 12 శాతం ఉంటుంది. ఇంత పెద్ద మొత్తంలో ఉద్యోగ ఖాళీలను భర్తీ చేస్తున్న వేళ నిరుద్యోగులు అత్యంత ఉత్సాహంతో సన్నద్ధమవుతుండగా టీఎస్‌పీఎస్సీ ఇలా అర్ధంతరంగా దరఖాస్తుల స్వీకరణను వాయిదా వేయడం, పూర్తిస్థాయి ప్రకటన విడుదల చేయకపోవడంతో తదుపరి పరిణామాలు ఎలా ఉంటాయోనని అభ్యర్థులు ఆందోళన చెందుతున్నారు. మరోవైపు శాఖల వారీగా సరైన సమాచారం అందకుండానే ఉద్యోగాల భర్తీకి ప్రాథమిక ప్రకటన విడుదల చేశారనే సందేహాన్ని పలువురు వ్యక్తం చేస్తున్నారు.  

సాక్షి, హైదరాబాద్‌: హైదరాబాద్‌ నగర అభివృద్ధిపై మాట్లాడే నైతిక హక్కు కేంద్రమంత్రి కిషన్‌ రెడ్డికి లేదని చరిత్రలో ఎన్నడూ లేనంతగా హైదరాబాద్‌ నగరం అభివృద్ధి చెందుతోందని బీఆర్‌ఎస్‌ వర్కింగ్‌ ప్రెసిడెంట్, మున్సిపల్‌ శాఖ మంత్రి కె.తారకరామారావు స్పష్టం చేశారు. నగర అభివృద్ధిపై కిషన్‌రెడ్డి కళ్లుండీ చూడలేని పరిస్థితిలో ఉన్నారని అన్నారు. నగరం నలుమూలలా అద్భుతంగా విస్తరిస్తూ అభివృద్ధి సాధిస్తుంటే చూసి ఓర్వలేక, అసత్యాలు మాట్లాడుతున్నారని విమర్శించారు. హైదరాబాద్‌ నగరానికి ఒక్కపైసా అదనంగా తేలేని కేంద్రమంత్రి తెలంగాణ ప్రభుత్వం చేస్తున్న విస్తృతమైన అభివృద్ధిలో కేంద్రం వాటా ఎంతో ప్రజలకు వివరించాలని డిమాండ్‌ చేశారు. ప్యాసింజర్‌ లిఫ్ట్‌లను ప్రారంభించడం, కురుకురే ప్యాకెట్లను పంచడమే అభివృద్ధి అనుకుంటున్న కిషన్‌రెడ్డి పనికిమాలిన మాటలు బంద్‌ చేసి హైదరాబాద్‌కు నిధులను తీసుకురావాలని సూచించారు.  సొంత నియోజకవర్గంలో ఏం చేశావ్‌ కిషన్‌..?   వరదలతో అతలాకుతలం అయిన హైదరాబాద్‌కు కేంద్ర ప్రభుత్వం నుంచి నయాపైసా నిధులు తీసుకురాలేని నిస్సహాయ మంత్రిగా కిషన్‌రెడ్డి చరిత్రలో నిలిచిపోయారని కేటీఆర్‌ విమర్శించారు. తెలంగాణకు న్యాయంగా రావాల్సిన నిధులు, సంస్థలను గుజరాత్‌కు తరలించుకుపోయిన ప్రధానమంత్రిని ఇదేందని అడగలేని కిషన్‌ ..తెలంగాణ సొమ్ము తింటూ నరేంద్రమోదీ పాట పాడుతున్నారని మండిపడ్డారు. సొంత నియోజకవర్గం సికింద్రాబాద్‌లో కేంద్రప్రభుత్వ నిధులతో ఏం అభివృద్ధి చేసిండో చెప్పాలని నిలదీశారు. సొంత నియోజకవర్గ పరిధిలో జరుగుతున్న అంబర్‌పేట్‌ ఫ్లైఓవర్‌ పనులు మూడేళ్ల నుంచి నిదానంగా కొనసాగుతూనే ఉన్నా రోడ్ల మీద ఏర్పడ్డ గుంతలతో ప్రమాదాలు జరుగుతున్నా ఏ మాత్రం చలించని కిషన్‌రెడ్డి తన అసమర్థతను కప్పిపుచ్చుకోవడానికి రాష్ట్ర ప్రభుత్వంపై నిందలు వేయడం అజ్ఞానం, అవగాహనా రాహిత్యం తప్ప మరొకటి కాదని మంత్రి కేటీఆర్‌ గురువారం ఇక్కడ ఓ ప్రకటనలో పేర్కొన్నారు.  

సాక్షి,హైదరాబాద్‌: హైదరాబాద్‌లోని ప్రముఖ మ్యూజియం సాలార్‌ జంగ్ మ్యూజియం సందర్శకులకు ఒక బంపర్‌ ఆఫర్‌. అంతర్జాతీయ మ్యూజియం డే ని పురస్కరించుకుని కేంద్రం, సాంస్కృతిక శాఖ ఆధ్వర్యంలో 6 రోజుల పాటు ప్రత్యేక ఉత్సవాలను నిర్వహిస్తోంది.  ఇందులో భాగంగా పిల్లా పెద్దా అంతా ఉచితంగా మ్యూజియాన్ని సందర్శించే అవకాశాన్ని  కల్పిస్తోంది. అంతేకాదు ప్రత్యేక వర్క్‌షాప్‌లు,  పెయింటింగ్స్‌ ఎగ్జిబిషన్‌, ఫోటోగ్రఫీ పోటీలను కూడా ఏర్పాటు చేసింది. మే 16వ తేదీ నుంచి 21 తేదీ వరకు జరిగే ఈ ఉత్సవాల వివరాలను నిర్వాహకులు మీడియాకు వెల్లడించారు.  ‘ఇంటర్నేషనల్‌ మ్యూజియం డే’ 1977 నుండి ప్రతి సంవత్సరం మే 18వ తేదీన ప్రపంచవ్యాప్తంగా అంతర్జాతీయ మ్యూజియం డేని నిర్వహిస్తున్నారు. సమాజ అభివృద్ధిలో మ్యూజియంలు ఎంత ముఖ్యమైనవో అవగాహన కల్పించే లక్ష్యంతో అంతర్జాతీయ మ్యూజియమ్స్ కౌన్సిల్ (ఐకామ్‌) ఈ పిలుపు నిచ్చింది. 2022లో ‘పవర్‌ ఆఫ్‌ మ్యూజియమ్స్‌’ అనే థీమ్‌తో ఈ సెలబ్రేషన్స్‌ నిర్వహిస్తున్నారు.  ప్రపంచవ్యాప్తంగా ఉన్న మ్యూజియంలు అంతర్జాతీయ మ్యూజియం దినోత్సవాల్లో పాల్గొంటాయి. గత సంవత్సరం, సుమారు 158 దేశాల్లో 37వేలకు పైగా మ్యూజియంలు ఈ వేడుకల్లో పాలు పంచుకున్నాయి.  75 వసంతాల ఆజాదీ కా అమృత మహోత్సవ్‌లో భాగంగా అంతర్జాతీయ మ్యూజియం డే సందర్భంగా దేశవ్యాప్తంగా ఉన్న మ్యూజియంలలో కేంద్రం, సాంస్కృతిక శాఖ ఆధ్వర్యంలో ప్రత్యేక కార్యక్రమాలను నిర్వహిస్తున్నట్టు సాలార్‌ జంగ్‌ మ్యూజియం డైరెక్టర్‌ డా.నాగేందర్‌ రెడ్డి ప్రకటించారు. ఇందులో భాగంగానే హైదరాబాద్‌లోని సాలార్‌ జంగ్‌ మ్యూజియంలో కూడా పెద్ద ఎత్తున సెలబ్రేషన్స్‌ ఉంటాయని తెలిపారు. అలాగే రాత్రి 9 గంటల వరకు ప్రజల సందర్శనార్థం మ్యూజియంను తెరిచి ఉంచుతామని, ఈ అవకాశాన్ని ప్రజలు వినియోగించు కోవాలని తెలిపారు.  భవిష్యత్తులో కూడా రాత్రి తొమ్మిదిగంటల వరకు మ్యూజియం సందర్శన అవకాశాన్ని పరిశీలిస్తున్నట్టు తెలిపారు. అంతేకాదు సెల్ఫీలు లేదా ఫోటోలు తీసుకునేందుకు వీలుగా సెల్పీ, ఫోటో పాయిం‍ట్లను ఈ సందర్భంగా లాంచ్‌ చేయనున్నామని చెప్పారు. మ్యూజియాన్ని సందర్శించేలా దివ్యాంగులు, అనాథ విద్యార్థులను ప్రత్యేకంగా ఆహ్వానిస్తామని ఆయన వెల్లడించారు. ఉత్సవాల చివరి రోజైన 21వ తేదీన వివిధ విదేశీ కార్యాలయాల ప్రతినిధులు కూడా మ్యూజియాన్ని సందర్శిస్తారని నాగేందర్‌ చెప్పారు.  అలాగే చక్కటి పెయింటింగ్స్‌తో ఒక ఎగ్జిబిషన్‌ కూడా ఉంటుందని హైదరాబాద్‌ ఆర్ట్‌ అసోసియేషన్‌ సెక్రటరీ రమణారెడ్డి వెల్లడించారు. ఈ సెలబ్రేషన్స్‌లో విజేతలకు క్యాష్‌ అవార్డులను ఇస్తున్నట్టు  తెలిపారు.  ఆరు రోజుల ఉత్సవాల్లో భాగంగా 18వ తేదీ ఫోటోగ్రఫీ  కాంపిటీషన్‌  కూడా ఉంటుంది. మ్యూజియం వద్ద రిజిస్ట్రేషన్‌ చేసుకున్న పోటీదారులు ఒక్కొక్కరు  25 దాకా ఎంట్రీలను పంపవచ్చన్నారు. భాగ్య నగర్‌ ఫోటో ఆర్ట్‌ క్లబ్‌ సౌజన్యంతో ఉత్తమమైన వాటిని ఎంపిక చేసి బహుమతులు అందజేస్తామని సిగ్మా అకాడమీ ఆఫ్ ఫోటోగ్రఫీ  సెక్రటరీ కే జనార్థన్‌ తెలిపారు.  వీటితో  పాటు ఇంటాక్‌ కన్వీనర్‌ అనురాధారెడ్డి  ఆధ్వర్యంలో  హైదరాబాద్‌కు ప్రత్యేకమైన బిద్రి ఆర్ట్‌పై  ప్రసంగిస్తారని నిర్వాహకులు తెలిపారు. అలాగే ప్రివెంటివ్‌ కన్జర్వేషన్‌ మీద  ఒక వెబ్‌నార్‌ నిర్వహిస్తామని కూడా వెల్లడించారు. కాగా హైదరాబాద్‌లోని సాలార్ జంగ్ మ్యూజియం భారతదేశంలో మూడో అతిపెద్దది. ఈ మ్యూజియం ప్రపంచంలోని విభిన్న యూరోపియన్, ఆసియా, దూర ప్రాచ్య దేశాలకు కెందిన కళాత్మక వస్తువుల భాండాగారం. ప్రపంచం నలుమూలల నుండి సేకరించిన విలువైన వస్తువులు, అరుదైన  కలాఖండాలు  ఇక్కడ కొలువు దీరాయి. ముఖ్యంగా ఈ  మ్యూజియంలో గంటల గడియారం ఒక పెద్ద ఆకర్షణ. ఇంకా మేలిముసుగు రెబెక్కా, స్త్రీ-పురుష శిల్పం, ప్రధానంగా చెప్పు కోవచ్చు. ఇంకా అలనాటి అపురూప కళాఖండాలు, ఏనుగు దంతాల కళాకృతులు, పాలరాతి శిల్పాలు,  బొమ్మలు, వస్త్రాలు, చేతివ్రాతలు, సెరామిక్స్, లోహ కళాఖండాలు, తివాచీలు, గడియారాలు, చెస్‌ బోర్డులు ఇలా చాలానే ఉన్నాయి. మరి ఇంకెందుకు ఆలస్యం.. ఈ అవకాశాన్ని వినియోగించుకుని సాలార్‌ జంగ్‌ మ్యూజియంలోని విశేషాలను కనులారా వీక్షించండి.

సాక్షి, హైదరాబాద్‌: మహిళల భద్రత, రక్షణ కోసం ఆరేళ్ల కిందట హైదరాబాద్‌ నగరంలో ప్రారంభించిన ‘షీ టీమ్స్‌’ అద్భుత ఫలితాలు చూపుతున్న సంగతి తెలిసిందే. ఈ క్రమంలోనే రాష్ట్రంలోని మరికొన్ని పట్టణాలకూ ‘షీ టీమ్స్‌’ సేవలు విస్తరించాయి. ఇప్పుడు ఇదే కోవలో పల్లెల్లోని మహిళల కోసమూ ప్రత్యేక కమిటీలు ఏర్పాటుకానున్నాయి. గ్రామ, జిల్లా స్థాయిలో సామాజిక కార్యాచరణ కమిటీ(సోషల్‌ యాక్షన్‌ టీమ్‌)లు ఏర్పడనున్నాయి. రాష్ట్ర పంచాయతీరాజ్, గ్రామీణాభివృద్ధి శాఖలో అంతర్భాగంగా ఉన్న గ్రామీణ దారిద్య్ర నిర్మూలన సొసైటీ (సొసైటీ ఫర్‌ ఎలిమినేషన్‌ ఆఫ్‌ రూరల్‌ పావర్టీ) ఆధ్వర్యంలో ఇవి ఏర్పడనున్నాయి. జిల్లా స్థాయి కమిటీలో కలెక్టర్, ఎస్పీ, జిల్లా గ్రామీణ అభివృద్ధి అధికారి (డీఆర్‌డీఓ)కీ చోటు కల్పిస్తారు. గ్రామ, మండల మండల స్థాయిలో పరిష్కారం కాని సమస్యలను జిల్లా స్థాయి కమిటీలు పరిష్కరించనున్నాయి.  శిక్షణ అనంతరం క్షేత్రస్థాయి కార్యాచరణలోకి...  రాష్ట్రంలోని ప్రతీ మండలంలో ముగ్గురు స్వయంశక్తి మహిళా సంఘాల సభ్యులతో సహా ఎమ్మార్వో, సబ్‌–ఇన్‌స్పెక్టర్, ఇందిరా క్రాంతి పథం ఏపీఎం, అంగన్‌వాడీ సూపర్‌వైజర్లు సభ్యులుగా కమిటీలు ఏర్పాటు చేస్తున్నారు. ఆయా మండలాల పరిధిలోని గ్రామాల్లో స్త్రీల సమస్యల పరిశీలన, తమ దృష్టికొచ్చే సమస్యల పూర్వాపరాలు తెలుసుకుని వాటి పరిష్కారానికి అవసరమైన చర్యలను ఈ కమిటీలు తీసుకుంటాయి. ఇప్పటికే వివిధ జిల్లాల పరిధిలో పలుచోట్ల సామాజిక కమిటీలు ఏర్పడగా, విడతల వారీ పూర్తి స్థాయిలో శిక్షణ కార్యక్రమాలు చేపట్టాక క్షేత్రస్థాయిలో పనిచేయడం ప్రారంభిస్తాయి. ఈ కమిటీల సభ్యులకు న్యాయ, చట్ట, భద్రతా, రెవెన్యూ, ఇతరత్రా అంశాలపై ఆయా రంగాల నిపుణులతో శిక్షణ కార్యక్రమాలు నిర్వహిస్తున్నారు. ఇప్పటిదాకా రెండు, మూడు దశలుగా శిక్షణ కార్యక్రమాలు పూర్తికాగా వేలాది సభ్యులకు వివిధ అంశాలపై అవగాహన కల్పించినట్లు అధికారులు తెలిపారు. గతంలో ఏర్పాటుచేసిన జెండర్‌ కమిటీల్లో ఉన్నవారితోపాటు, గ్రామ, మండల సమాఖ్య పాల క మండళ్ల సభ్యులనూ ఈ కమిటీల్లోనూ నియమిస్తున్నారు. అలాగే కార్యాచరణ కమిటీకి గ్రామ స్థాయిలో ముగ్గురిని అనుబంధ సభ్యులుగా నియమిస్తారు. మహిళల సమస్యలను తక్షణం గుర్తించేందుకు వీరి నియామకం ద్వారా అవకాశం ఉంటుందని అధికారులు భావిస్తున్నారు. గ్రామస్థాయి నుంచి ఆయా అంశాలకు సంబంధించిన బాధ్యతలను ఈ సోషల్‌ యాక్షన్‌ టీంలు నిర్వహించనున్నాయి.   ఏయే బాధ్యతలు అప్పగించనున్నారంటే..  గ్రామీణ మహిళల సాధికారత సాధన దిశలో స్త్రీల హక్కులు, చట్టాలపై అవగాహన కల్పించడం. ఆర్థిక, సామాజిక, చట్టపరమైన అంశాల్లో అండగా ఉండడం.   బాల్య వివాహాలు, వరకట్న, లైంగిక వేధింపులు, గృహ హింస, మహిళల అక్రమ రవాణా నివారణ, మూఢ నమ్మకాలు అరికట్టడం   యుక్త వయసు దశ దాటే వరకు అమ్మాయిలు ఎదుర్కొనే వివిధ సమస్యలు అధిగమించేందుకు ఏం చేయాలనే దానిపై ప్రత్యేక అవగాహన కల్పించడం. కౌమార దశకు వచ్చే బాలికలకు వ్యక్తిగత పరిశుభ్రత, ఆరోగ్యపరంగా వచ్చే మార్పులపై అవగాహన కల్పించడం.  లింగ నిర్ధారణ పరీక్షలు నిర్వహించకుండా అవగాహన, ప్రచార కార్యక్రమాలు నిర్వహించడం.   అనాథలు, వితంతువుల సమస్యలు అధ్యయనం చేసి, వాటి పరిష్కారానికి అవసరమైన సహాయం అందించడం.   బాలకార్మిక వ్యవస్థ నిర్మూలనకు చేపట్టాల్సిన చర్యలపై నిర్ణయం తీసుకునే అధికారమూ కమిటీలకే ఇవ్వాలని భావిస్తున్నారు. గ్రామీణ మహిళల రక్షణకు సోషల్‌ యాక్షన్‌ టీమ్‌లు  

హైదరాబాద్, బిజినెస్‌ బ్యూరో: టీఎస్‌ ఐపాస్‌ ద్వారా ఇప్పటి వరకు 6,700 యూనిట్లకు క్లియరెన్సులు ఇచ్చామని తెలంగాణ రాష్ట్ర పరిశ్రమలు, ఐటీ శాఖ మంత్రి కె.తారక రామారావు గురువారం వెల్లడించారు. వీటి ద్వారా రూ.1,36,000 కోట్ల పెట్టుబడులను ఆకర్శించామని పేర్కొన్నారు. ప్రత్యక్షంగా 5 లక్షల మందికి ఉద్యోగాలు వచ్చాయని చెప్పారు. పరోక్షంగా మరో 10 లక్షల మందికి ఉపాధి అవకాశాలు లభించాయని వివరించారు. ఇప్పటికే కార్యకలాపాలు సాగిస్తున్న కంపెనీల విస్తరణకు తోడ్పాటు అందిస్తున్నట్టు చెప్పారు. ఇండస్ట్రియల్‌ హెల్త్‌ క్లినిక్‌ ద్వారా ఖాయిలా పడ్డ యూనిట్లను తెరిచేందుకు శాయశక్తులా కృషిచేస్తున్నట్టు తెలిపారు. ఇండియన్‌ చాంబర్‌ ఆఫ్‌ కామర్స్‌ (ఐసీసీ) దక్షిణ ప్రాంత మండలి తొలి సమావేశానికి కేటీఆర్‌ ముఖ్య అతిథిగా విచ్చేశారు. చిన్న, మధ్యతరహా (ఎస్‌ఎంఈ) కంపెనీలకు చేయూతనివ్వాల్సిందిగా ఐసీసీ ప్రతినిధులను కోరారు. రానున్న రోజుల్లో ఎస్‌ఎం ఈలే ఎక్కువ సంఖ్యలో ఉద్యోగాలను సృష్టించనున్నాయని అన్నారు. మంచి వ్యాపార ఆలోచన ఉండి కూడా మెంటార్‌షిప్‌ లేక విఫలమైన కంపెనీలు ఉన్నాయని గుర్తుచేశారు. తెలంగాణ అభివృద్ధిలో పాలుపంచుకుంటామని ఐసీసీ దక్షిణ ప్రాంత మండ లి చైర్మన్‌ రాజీవ్‌ రెడ్డి తెలిపారు. సమావేశంలో ఐసీసీ ప్రెసిడెంట్‌ శాశ్వత్‌ గోయెంకా, చాంబర్‌ ప్రతినిధులు మయంక్‌ జలాన్, రాజీవ్‌ సింగ్‌ పాల్గొన్నారు. 


 సాక్షి, హైదరాబాద్: రాష్ట్రంలో డెంగీ, విషజ్వరాలతో ప్రజ లు పిట్టల్లా రాలిపోతుంటే ప్రభుత్వం నిద్రపోతోందని టీపీసీసీ కార్యనిర్వాహక అధ్యక్షుడు మల్లు భట్టివిక్రమార్క మంగళవారం విమర్శించారు. తెలంగాణ రాష్ట్రానికి డెంగీ సోకిందన్నారు. అధికారులు, ప్రభుత్వ యంత్రాంగమంతా మంత్రులకు, ఎమ్మెల్యేలకు సేవలు చేయడంలో మునిగిపోయారన్నారు. ఖమ్మం జిల్లాలోని బోనకల్, రావినూతల, ఆళ్లపాడు తదితర గ్రామాల్లో డెంగీ మరణాలు పదుల సంఖ్యను దాటిపోయాయన్నారు.
 
 ఒక్క రావినూతలలోనే వైద్య ఖర్చులకు పేదలు రూ.10కోట్లు ఖర్చుపెట్టారన్నారు. వైద్యానికి డబ్బు లేని పేదలు చాలామంది ప్రాణాలు కోల్పోయారన్నారు. రాష్ట్రం జ్వరాలతో ఇబ్బందులు పడుతుంటే... ప్రజలు బ్రహ్మాండంగా ఉన్నారని గవర్నర్ ఎలా పొగుడుతారన్నారు. డెంగీతో మరణించిన వారి కుటుంబాలకు రూ.10 లక్షల ఎక్స్‌గ్రేషియా ఇవ్వాలన్నారు.


 - నూతన జిల్లాల్లో అవసరమైన ఉద్యోగ నియామకాలకు సిద్ధం: కేసీఆర్
 - అర్హత ఉన్నవారందరికీ ప్రమోషన్లు కల్పించేందుకు చర్యలు తీసుకుంటాం
 - ఎలాంటి పైరవీల్లేకుండా ప్రజలకు పథకాలు అందాలి
 - ఉమ్మడి రాష్ట్రంలోని అవలక్షణాలేవీ ఉండొద్దు
 - అనుబంధ శాఖలన్నీ ఒకే గొడుగు కిందకు తేవాలి
 - శాఖలన్నీ ప్రజలకు అందుబాటులో ఉండాలి
 - శాంతిభద్రతలు అత్యంత ముఖ్యం.. పోలీసు వ్యవస్థ పటిష్టంగా ఉండాలి
 - సిద్దిపేట జిల్లా ప్రారంభోత్సవంలో పాల్గొంటా
 - జిల్లాల పునర్విభజన పురోగతిపై 6న కలెక్టర్ల సదస్సు
 
 సాక్షి, హైదరాబాద్: కొత్త జిల్లాల ఏర్పాటు నేపథ్యంలో క్షేత్రస్థాయిలో అవసరమైన మేరకు ఉద్యోగ నియామకాలు చేపట్టేందుకు ప్రభుత్వం సిద్ధంగా ఉందని ముఖ్యమంత్రి కె.చంద్రశేఖర్‌రావు ప్రకటించారు. అర్హత ఉన్న ఉద్యోగులందరికీ ప్రమోషన్లు ఇచ్చి వారు పూర్తి నిబద్ధతతో ప్రజలకు సేవలందించేలా చర్యలు తీసుకుంటామన్నారు. పైరవీలకు తావులేకుండా సంక్షేమ పథకాల కోసం ప్రజలే  నేరుగా ప్రభుత్వ యంత్రాంగాన్ని సంప్రదించేలా ప్రణాళిక రూపొందించాలని అధికారులను ఆదేశించారు. కొత్త జిల్లాల ఏర్పాటులో భాగంగా ప్రభుత్వ శాఖల పునర్ వ్యవస్థీకరణపై సీఎం శనివారం క్యాంపు కార్యాలయంలో ఉన్నతాధికారులతో సమీక్ష నిర్వహించారు.
 
 కొత్త జిల్లాలకు ఉద్యోగుల సర్దుబాటు, పదోన్నతులు, నియామకాలు తదితర అంశాలపై చర్చించారు. ఈ సమావేశంలో ప్రభుత్వ సీఎస్ రాజీవ్ శర్మ, డీజీపీ అనురాగ్ శర్మ, ఇంటెలిజెన్స్ ఐజీ నవీన్ చంద్, సీఎంవో అధికారులు నర్సింగ్ రావు, స్మితా సబర్వాల్, శాంతాకుమారి, భూపాల్‌రెడ్డి, రాజశేఖర్ రెడ్డి తదితరులు పాల్గొన్నారు. ఈ సందర్భంగా సీఎం మాట్లాడుతూ.. సంక్షేమ పథకాల అమలు, పరిపాలనలో ఉద్యోగులూ భాగస్వాములేనన్నారు. అనుబంధ శాఖలన్నింటినీ ఒకే గొడుగు కిందకు తీసుకురావాలని సూచించారు. నేరాల అదుపునకు పటిష్ట పోలీసు వ్యవస్థ ఉండేలా చర్యలు తీసుకోవాలన్నారు. కొత్తగా ఏర్పడే మండల కేంద్రాల్లో పోలీస్ స్టేషన్ల ఏర్పాటుకు తగిన సిబ్బందిని నియమించాలన్నారు.
 
 ప్రజలకు చేరువగా..: కొత్త జిల్లాల్లో ప్రభుత్వ శాఖల పునర్‌వ్యవస్థీకరణ ప్రజలకు మేలు చేసేలా కార్యాచరణ ఉండాలని సీఎం  ఆదేశించారు. సంక్షేమ పథకాలు పొందే లబ్ధిదారుడి పూర్తి వివరాలు కలెక్టర్ల కంప్యూటర్‌లో ఉండే విధంగా డిజిటలైజేషన్ చేపట్టాలన్నారు. ప్రభుత్వ శాఖలను పూర్తి స్థాయిలో పునర్ వ్యవస్థీకరించాలన్నారు. ప్రభుత్వ శాఖలు ప్రజలకు అందుబాటులో ఉండేలా కొత్త జిల్లాల నమూనా ఉండాలన్నారు.
 
 సిద్దిపేట జిల్లా ప్రారంభోత్సవంలో పాల్గొంటా: రాష్ట్ర ప్రజలందరూ సంతోషించేలా కొత్త జిల్లాల ఆవిర్భావం జరగాలని సీఎం ఆకాంక్షించారు. దసరా రోజు కొత్తగా ఏర్పడే సిద్దిపేట జిల్లా ప్రారంభోత్సవంలో తాను పాల్గొంటానన్నారు. మంత్రులు, ప్రభుత్వ సీఎస్, డీజీపీ వంటి ప్రభుత్వ ఉన్నతాధికారులు ఇతర జిల్లాల్లో పరిపాలన ప్రక్రియను ప్రారంభించేలా ఏర్పాట్లు చేయాలని ఆదేశించారు. జిల్లాల పునర్విభజన పురోగతిని చర్చించేందుకు ఈ నెల 6న కలెక్టర్ల సదస్సు నిర్వహించాలన్నారు.
 
 సాగు, నీటిపారుదలకు అధిక ప్రాధాన్యం: వ్యవసాయం, నీటిపారుదల వంటి కీలక రంగాలకు ప్రభుత్వం ప్రాధాన్యం ఇస్తుందని సీఎం చెప్పారు. దేశానికే అన్నపూర్ణగా ఉండాల్సిన ప్రాంతం గత పాలకుల నిర్లక్ష్యం వల్ల కరువుతో తల్లడిల్లే పరిస్థితి వచ్చిందని ఆవేదన వ్యక్తం చేశారు. 58 ఏళ్ల సమైక్య రాష్ట్ర చరిత్రలో ఒకేఒక్కసారి బడ్జెట్‌కు సాగునీటి పారుదలకు రూ.15,500 కోట్ల బడ్జెట్‌లో కేటాయించారన్నారు. సమైక్య రాష్ట్రంలో అవే అత్యధిక కేటాయింపులని వివరించారు. ఇప్పుడు తెలంగాణలో ఏడాదికి రూ.25 వేల కోట్లు కేటాయిస్తున్నామన్నారు.  ఉమ్మడి రాష్ట్రంలో 13 మంది ఇరిగేషన్ చీఫ్ ఇంజనీర్లు ఉంటే.. నేడు ఒక్క తెలంగాణకే 15 మంది ఉన్నారన్నారు.


 కాజీపేట రూరల్‌ : తెలంగాణలోæ వైఎస్సార్‌ కాంగ్రెస్‌ పార్టీ బలోపేతానికి కృషి చేస్తున్నట్లు ఆ పార్టీ రాష్ట్ర కార్యదర్శి, జిల్లా పరిశీలకుడు వేముల శేఖర్‌ రెడ్డి అన్నారు. హన్మకొండ వైస్సార్‌ సీపీ జిల్లా పార్టీ కార్యాలయంలో ఆదివారం జిల్లా స్థాయి కార్యకర్తల విస్తృత సమావేశం జరిగింది. ఈ కార్యక్రమంలో శేఖర్‌ రెడ్డి, రాష్ట్ర ప్రధాన కార్యదర్శి జెన్నారెడ్డి మహేందర్‌ రెడ్డి పాల్గొన్నారు.
  
 ఈ సందర్భంగా శేఖర్‌ రెడ్డి మాట్లాడుతూ జిల్లాలోని వైఎస్సార్‌సీపీ బలోపేతానికి గ్రామ స్థాయి నుండి ప్రతి కార్యకర్త సైనికునివలే పని చేయాలని దివంగత మహానేత డాక్టర్‌ వైఎస్‌ రాజశేఖర్‌ రెడ్డి ప్రవేశపెట్టిన సంక్షేమ పథకాలను ప్రజల వద్దకు తీసుకెళ్లి రాజన్న పాలన గురించి వివరించాలని అన్నారు. అక్టోబర్‌ నెలలో వైఎస్సార్‌ సీపీ అధినేత వైఎస్‌.జగన్‌మోహన్‌ రెడ్డితో వరంగల్‌ ముఖ్య నాయకులతో సమావేశం హైదరాబాద్‌లో ఉంటుందని ఆయన అన్నారు.
  
 రాష్ట్ర ప్రధాన కార్యదర్శి జెన్నారెడ్డి మహేందర్‌ రెడ్డి మాట్లాడుతూ రాష్ట్రంలో సిఎం కేసీఆర్‌ పాలనతో ప్రజలు విస్తుపోతున్నారని అన్నారు. తెరమీదికి తీసువచ్చిన హన్మకొండ, వరంగల్‌ జిల్లాలో వరంగల్‌ జిల్లా మాత్రమే ఉండాలని జనగాంను కొత్త జిల్లాగా ఏర్పాటు చేయాలని ఆయన డిమాండ్‌ చేశారు. జిల్లా అధ్యక్షుడు నాడెం శాంతికుమార్‌ మాట్లాడుతూ సెప్టెంబర్‌ 2వ తేదీన జరిగే మహానేత దివంగత వైఎస్‌. రాజశేఖర్‌ రెడ్డి వర్థంతిని జిల్లా స్థాయిలో నాయకులు, కార్యకర్తలు జరుపాలని పలు సేవా కార్యక్రమాలను నిర్వహించాలని ఆయన అన్నారు.
  
 శేఖర్‌రెడ్డి, జెన్నారెడ్డి మహేందర్‌రెడ్డి సమక్షంలో 26 మంది వైఎస్సార్‌ సీపీ మండల పార్టి అధ్యక్షుల ప్రమాణస్వీకారోత్సవం జరిగింది. అంతకు ముందు మహానేత డాక్టర్‌ వైఎస్‌.రాజశేఖర్‌ రెడ్డి చిత్ర పటానికి పూలమాలలు వేసి నివాళులర్పించారు. ఈ కార్యక్రమంలో రాష్ట్ర కార్యదర్శి సంగాల ఇర్మియా, రాష్ట్ర కార్మిక కార్యదర్శి గౌని సాంబయ్య గౌడ్, జిల్లా ప్రధాన కార్యదర్శి దోపతి సుదర్శన్‌రెడ్డి,  జిల్లా యూత్‌ ప్రెసిడెంట్‌ అప్పం కిషన్, జిల్లా అధికార ప్రతినిధి అమరేందర్‌ రెడ్డి, జిల్లా రైతు విభాగం అధ్యక్షుడు అచ్చిరెడ్డి, మహిళ విభాగం అధ్యక్షురాలు బీంరెడ్డి స్వప్న, క్రిస్టియన్‌ మైనార్టి జిల్లా అధ్యక్షుడు జన్ను విల్సన్‌ రాబర్ట్, జిల్లా నాయకులు కమలాకర్‌రెడ్డి, ప్రభాకర్, చందా హరికృష్ణ, మైలగాని కళ్యాణ్, ఎస్సీ సెల్‌ జిల్లా అధ్యక్షుడు బొచ్చురవి, గాంధీ, సుమన్‌ గౌడ్, సుమిత్‌ గుప్తా, మండల అధ్యక్షుడు వీరారెడ్డి, సైదులు, భాస్కర్, రత్నాకర్, రవి, గజపతి, రమేష్, శ్రీను, జంపయ్య, ఆంజనేయులు, సుమన్, నర్సన్న, లింగన్న,  సుజాత, సౌమ్యనాయక్‌ కార్యకర్తలు తదితరులు పాల్గొన్నారు.  


 హన్మకొండ : రాష్ట్ర బీసీ సంక్షేమ శాఖ మంత్రి జోగు రామన్నను తెలంగాణ ఆరె కుల సం క్షేమ సంఘం నాయకులు కలిశారు. సోమవారం హైదరాబాద్‌లో మంత్రిని తెలంగాణ ఆరె కుల సంక్షేమ సంఘం రాష్ట్ర అధ్యక్షుడు సోమిడి అంజన్‌రావు, మాజీ జెడ్పీటీసీ సభ్యు డు నాగూర్ల వెంకటేశ్వర్లు ఆధ్వర్యంలో సం ఘం నాయకులు కలిసి ఆరె కులాన్ని ఓబీసీలో చేర్చాలని కోరారు. ఈ అంశాన్ని కేంద్ర ఓబీసీ కమిషన్‌ దృష్టికి తీసుకెళ్తానని మంత్రి హామీ ఇచ్చారని వారు తెలిపారు. సంఘం నాయకులు భలేరావు మనోహర్‌రావు, సిందె రాంనర్సయ్య, జెండా రాజేష్, ఇంగ్లీ శివాజీ, మాసంపల్లి లింగాజి పాల్గొన్నారు.  


 
 బీజేపీ జిల్లా అధ్యక్షుడు అశోక్‌రెడ్డి
 
 హన్మకొండ : తెలంగాణ ప్రాంతం నైజాం పాలన నుంచి విముక్తి పొంది భారత్‌లో విలీనమైన రోజు సెప్టెంబర్‌ 17న విమోచన దినోత్సవాన్ని ప్రభుత్వం అధికారికంగా నిర్వహించాలని బీజేపీ జిల్లా అధ్యక్షుడు ఎడ్ల అశోక్‌రెడ్డి డిమాండ్‌ చేశారు. గురువారం హన్మకొండలోని పార్టీ జిల్లా కార్యాలయం లో నిర్వహించిన బీజేవైఎం జిల్లా పదాధికారుల సమావేశంలో ఆయన మాట్లాడారు. జిల్లాలోని అన్ని మండల కేంద్రాల్లో బీజేవైఎం ఆధ్వర్యంలో విమోచన దినోత్సవాలను ఘనంగా నిర్వహించాలని పిలుపునిచ్చారు. బీజేవైఎం రాష్ట్ర ఉపాధ్యక్షుడు అరుణ్‌కుమార్‌ మాట్లాడుతూ ఎంసెట్‌ పేపర్‌ లీకేజీలో ప్రభుత్వం హస్తముందని ఆరోపిం చారు. దీనికి బాధ్యత వహిస్తూ విద్యాశాఖ మంత్రి కడియం శ్రీహరి, ఉన్నత విద్యామండలి చైర్మన్‌ ప్రొఫెసర్‌ పాపిరెడ్డి వెంటనే రాజీనామా చేయాలని డిమాండ్‌ చేశారు. లేకుంటే బీజేవైఎం ఆధ్వర్యంలో పెద్ద ఎత్తున ఆందోళన కార్యక్రమాలు చేపడుతామని హెచ్చరించారు. సమావేశంలో బీజేవైఎం జిల్లా ప్రధాన కార్యదర్శి బూరుగు సురేష్‌గౌడ్, జిల్లా ఇన్‌చార్జి కేవీఎల్‌ఎన్‌ రెడ్డి, నాయకులు వల్లభు వెంకన్న, బుర్రి ఉమాశంకర్, పూసల శ్రావణ్, మోడెపల్లి సాయన్న, సురేష్, అశోక్, స్వామి, శ్రావణ్‌కుమార్‌ పాల్గొన్నారు.  


 - ఒకవేళ కుదరకుంటే 9 నుంచి నిర్వహణకు బోర్డు కసరత్తు
 - రెండు రకాల ప్రతిపాదనలు సిద్ధం చేస్తున్న అధికారులు
 - ఏపీ కంటే ముందుగానే పరీక్షలు నిర్వహించాలని నిర్ణయం
  
 సాక్షి, హైదరాబాద్: వచ్చే ఏడాది మార్చి 2 నుంచి ఇంటర్ పరీక్షలను నిర్వహించేందుకు ఇంటర్మీడియెట్ బోర్డు కసరత్తు చేస్తోంది. జాతీయస్థాయి ప్రవేశ పరీక్షల తేదీలు, సెలవులను పరిగణనలోకి తీసుకొని ఒకవేళ 2 నుంచి నిర్వహణ సాధ్యం కాకుంటే అదే నెల 9వ తేదీ నుంచి నిర్వహించాలని భావిస్తోంది. ఈ మేరకు రెండు రకాల ప్రతిపాదనలు సిద్ధం చేస్తోంది.
 
 తొలుత మార్చి 11 నుంచి పరీక్షలు నిర్వహిం చాలని ఉన్నతాధికారులు భావించినా ఆంధ్రప్రదేశ్‌లో ఇంటర్ పరీక్షలను అదే తేదీ నుంచి నిర్వహించేందుకు ఏపీ ఇంటర్మీడియెట్ బోర్డు ఇప్పటికే షెడ్యూలు/టైంటేబుల్ జారీ చేయడంతో అంతకంటే ముందుగానే పరీక్షల నిర్వహణకు చర్యలు చేపట్టాలని అధికారులు నిర్ణయించారు. ఏప్రిల్  మొదటి వారంలో (4వ తేదీన నిర్వహించే అవకాశం) ఎన్‌ఐటీల్లో ప్రవేశాల కోసం జేఈఈ మెయిన్ రాత పరీక్షను నిర్వహించే అవకాశం ఉండటం, అదే నెల నుంచి జూన్ వరకు వివిధ జాతీయస్థాయి పోటీ పరీక్షలు జరగనున్న నేపథ్యంలో మార్చిలోనే ఇంటర్ పరీక్షలను పూర్తి చేయాలని బోర్డు వర్గాలు భావిస్తున్నాయి. తద్వారా విద్యార్థులు జాతీయస్థాయి పోటీ పరీక్షలకు సిద్ధమయ్యేం దుకు సులభంగా ఉంటుందని, విద్యార్థులపై ఒత్తిడి లేకుండా చూడవచ్చని పేర్కొంటున్నాయి.
 
 ఈసారి ఇంటర్ ప్రథమ, ద్వితీయ సంవత్సర పరీక్షలకు దాదాపు 9.5 లక్షల మంది విద్యార్థులు హాజరు కానున్నారు. ప్రాక్టికల్స్, ఎన్విరాన్‌మెంటల్ ఎడ్యుకేషన్, ఎథిక్స్ అండ్ హ్యూమన్ వాల్యూస్ వంటి పరీక్షలను ఫిబ్రవరిలోనే బోర్డు నిర్వహించనుంది. మరోవైపు మార్చి మూడో వారంలో పదో తరగతి పరీక్షలను (మార్చి 16 లేదా 18వ తేదీ నుంచి ప్రారంభించే అవకాశం ఉంది) నిర్వహించాలని పాఠశాల విద్యాశాఖ భావిస్తోంది. ఈ నేపథ్యంలో అంతకంటే ముందే ఇంటర్ పరీక్షలను పూర్తి చేసేలా బోర్డు ఏర్పాట్లు చేస్తోంది. గత విద్యా సంవత్సరం ఇంటర్ పరీక్షలను 2015 మార్చి 9 నుంచి బోర్డు నిర్వహించింది. ప్రథమ సంవత్సర ఫలితాలను ఏప్రిల్ 22న, ద్వితీయ సంవత్సర ఫలితాలను ఏప్రిల్ 27న ప్రకటించింది.


 హైదరాబాద్: తెలంగాణ ముఖ్యమంత్రి కే చంద్రశేఖరరావుతో శుక్రవారం చైనా పారిశ్రామికవేత్తల బృందం భేటీ అయింది. ఈ సందర్భంగా తెలంగాణలో పెట్టుబడుల అవకాశాలపై సీఎం సమక్షంలో అధికారులు పవర్పాయింట్ ప్రజెంటేషన్ ఇచ్చారు. తెలంగాణ ప్రభుత్వం, చైనా కంపెనీల మధ్య రెండు ఎంవోయూలు కుదిరాయి.  తెలంగాణలో డ్రైపోర్టు ఏర్పాటుకు చైనాకు చెందిన సాని గ్రూపు సంసిద్ధత వ్యక్తం చేసింది. ప్రీ ఫ్యాబ్ కాంక్రీట్ మ్యాన్ఫ్యాక్చరింగ్ ఫ్యాక్టరీ స్థాపించేందుకు సాని గ్రూపు ముందుకువచ్చింది.


 కోటి రతనాల తెలంగాణ తొలిసారి సీఎం కేసీఆర్ గారు.. తొలిసారి వుుఖ్యవుంత్రి హోదాలో మా నియోజకవర్గంలో సోమవారం పర్యటిస్తున్నందుకు ధన్యవాదాలు. ప్రపంచంలోనే పర్యాటక, ఆహ్లాదకరమైన ప్రాంతంగా నాకు విదేశీయుులు ఎనమిదోస్థానం కల్పించారు. మనదేశంలో రెండోస్థానం నాదే. మీరు ఏలుతున్న రాష్ట్రంలో నేనే నంబర్‌వన్. మీరు వుుఖ్యవుంత్రి అయ్యూక జూరాల నీటిని తెచ్చి నాకు వురింత గుర్తింపు తెస్తారని ఆశించా. ఆలస్యమైనా ఓర్చుకుంటున్నా.  పాకాల సరస్సు అనే నేను.. సవుస్త జీవరాశికి కల్పతరువును. నా చుట్టూ ఎత్తై గుట్టలు, పచ్చని చెట్లు, వాటి వుధ్య జీవితాలను అల్లుకున్న ప్రాణకోటికి అవసరమైన అంతులేని ఔషధ మొక్కలు. నిజం చెప్పాలంటే నేనే ప్రకృతిని.నీటిని..కూటిని..!! నాలో ఈదులాడే చేపపిల్ల.. దాని కోసం జపం చేసే కొంటె కొంగ.. ఆడఈడ మేసి ఆకలి వేయుగా దప్పిక తీర్చుకునేందుకు నా వద్దకు వచ్చే పశువుల వుంద.. నాలో ఉన్న చెట్లపై గూడు కట్టుకున్న పిచ్చుకల కిలకిలలు.. సహజ జీవన సౌందర్యం.. అలనాటి కాకతీయు రాజులు ఒక ప్రణాళిక ప్రకారం నాకు ప్రాణం పోశారు.
 
  ప్రపంచ సరస్సుల్లో దేశంలోనే రెండవ స్థానం
  వుుందే చెప్పినట్లు నీను ప్రకృతి ప్రతిరూపాన్ని...నాలో నీళ్ళు..వాట్లో చేపపిల్లలు ఉన్నారుు. అటవీ ప్రాంతంలో నివసించే వన్యప్రాణుల దప్పిక తీర్చుకునేందుకు ఏకైక దిక్కును.. చెరువు కట్టపై వానర సైన్యం సందడి..చెట్లపై కోరుులలు, చిలుకలు, గొర్రెంకలు, గిజిగాళ్ళు, పాలపిట్టలు, గువ్వలు లాంటి పక్షులు చేసే సందడి అంతా..ఇంతా కాదు. నీళ్లలో ఉన్న చెట్ల కొవ్ములకు వేలాడే గూళ్ళు కట్టే పచ్చపిట్టల అందాలను, వాటి కిలకిలారివాన్ని చెప్పనలవి కాదు. వడ్ల పిట్ట తన వాడి వుుక్కుతో చెట్ల కొవ్ములను తొలిచే చప్పుడు వినితీరాల్సిందే..ఎక్కడో వాటేడి తెచ్చుకున్న ఎరను నా తావుకు వచ్చి తినే గద్దలు, డేగలు, కాకుల సంగతి సరేసరి..ఇదే కాదండోయ్ నా వద్దకు వచ్చే పర్యాటకులందరికి సుగందపు వాసనలను వెదజల్లుతాను కూడా.
 .
  బాధపడుతున్నా..
  ఇన్ని అద్భుతాలు నాలో ఇమిడి ఉన్నారుు. వీటిని వీక్షించేందుకు వస్తున్న పర్యాటకులను పూర్తి సంతృప్తి పర్చకపోవడంతో బాధపడుతున్నా. 1980లో నా చెంతన ఒక పార్కు ఉండేది..అందులో వివిధ రకాల జంతువుల ఉండే వి.. అప్పట్లో సందడి ఉండగా పర్యాటకులు ఆనందపడేవారు. 1985లో దాన్ని తొలగించడంతో దుఖిఃచాను. ఏళ్ల తరబడి కాసిన్ని డబ్బులు కేటారుుంచి నా వద్ద సౌకర్యాలు కల్పించి చూడాల్సిన వారు లేరు. అందుకే వుుఖ్యవుంత్రి మీరైనా నా అందాలను ప్రపంచానికి చాటిచెప్పేందుకు నా పరిధిలో సౌకర్యాలు కల్పించి, సమస్యలు పరిష్కరిస్తారని ఆశిస్తున్నా..
  ఇట్లు
  మీ పాకాల సరస్సు
  - నర్సంపేట
  


 గత జూన్ నెల లెక్కలను విడివిడిగా వెల్లడించిన ఆర్టీసీ 
  తెలంగాణలో రూ. 7.87 కోట్ల మిగులు
  
  ఆంధ్రప్రదేశ్‌లో   రూ. 20.18 కోట్ల నష్టం
  ఇరు రాష్ట్రాల లెక్కలను తేల్చిన అధికారులు
 తెలంగాణలోని మూడు జోన్లలో లాభాల పంట
 ఏపీలోని అన్ని జోన్లూ నష్టాల బాటలోనే..
  
 హైదరాబాద్: కొన్నేళ్లుగా తీవ్ర నష్టాల్లో ఉన్నామని చెబుతోన్న ఆర్టీసీ... తొలిసారిగా తెలంగాణ ప్రాంతంలో లాభాలు ఆర్జిస్తున్నట్లు ప్రకటించింది. ఇదే సమయంలో ఆంధ్రప్రదేశ్‌లో మాత్రం భారీ నష్టాలు కొనసాగుతున్నాయని వెల్లడించింది. గత జూన్‌లో తెలంగాణ ఆర్టీసీ రూ. 7.87 కోట్ల లాభాలు ఆర్జించగా... ఇదే నెలలో ఆంధ్రప్రదేశ్ ఆర్టీసీ రూ. 20.18 కోట్ల నష్టాలను మూటగట్టుకున్నట్లు తెలిపింది. అధికారికంగా రాష్ట్ర విభజన జరిగిన జూన్ నెలలో ఇది చోటు చేసుకోవటం గమనార్హం.
 
 రాష్ట్రం విడిపోయినా ఆర్టీసీ ఉమ్మడిగా ఉండటంతో అన్ని లెక్కలనూ ఉమ్మడిగానే చూపుతూ వచ్చిన ఆర్టీసీ.. తొలిసారిగా గత జూన్ నెల లెక్కలను విడివిడిగా వెల్లడించింది. జూన్ నెల ఆదాయ/అప్పుల వివరాలతో కూడిన జాబితాను అధికారులు శుక్రవారం అధికారికంగా తేల్చారు. గత మే నెల వరకు రెండు ప్రాంతాల్లో ఆర్టీసీ నష్టాల్లో ఉన్నట్లు చూపించగా... ఇప్పుడు తెలంగాణ ప్రాంతంలో లాభాలు వస్తున్నట్లు చూపారు. అయితే కొన్నేళ్లుగా లాభాల ఊసే లేని ఆర్టీసీలో ఒకే నెలలో ఏకంగా రూ. 7.87 కోట్ల లాభాలు చూపడంపై చర్చకు తెరలేచింది. గత ఆరు నెలల కాలానికి దేశవ్యాప్తంగా రవాణా సంస్థల లాభనష్టాల వివరాలను కేంద్ర రోడ్డు రవాణా ఇనిస్టిట్యూట్ ఆధ్వర్యంలోని ‘ఇండియన్ జర్నల్ ఆఫ్ ట్రాన్స్‌పోర్ట్ మేనేజ్‌మెంట్’ తాజా సంచికలో వెల్లడించింది. దాని ప్రకారం దేశవ్యాప్తంగా కర్ణాటకలోని ఈశాన్య కర్ణాటక ఆర్టీసీ మాత్రమే లాభాల్లో ఉండగా... మిగతా 59 కార్పొరేషన్లు నష్టాల్లో ఉన్నాయి. అందులోనూ ఈశాన్య కర్ణాటక ఆర్టీసీ కూడా ఆరు నెలల కాలానికి  కేవలం రూ. 2.70 కోట్ల లాభాలే ఆర్జించింది. అలాంటిది తెలంగాణ ఆర్టీసీ ఏకంగా ఒక్క జూన్ నెలలోనే రూ. 7.87 కోట్ల లాభాలు పొందడాన్ని అధికారులు విశేషంగా పరిగణిస్తున్నారు. అయితే తర్వాతి నెలల్లో ఈ లాభాలు ఉంటాయోలేదో చెప్పలేమని.. ఇంతకుముందటిలా నష్టాలు ఉండకపోవచ్చని మాత్రం చెబుతున్నారు. ప్రస్తుతం అధికారులు జూలై వివరాలను క్రోడీకరిస్తున్నారు.
  
 ఇటు లాభం.. అటు నష్టం
 
 గత ఆర్థిక సంవత్సరంలో తెలంగాణలోని మూడు జోన్లకుగాను సిటీ జోన్ రెండు నెలల పాటు స్వల్ప లాభాలనార్జించగా హైదరాబాద్ జోన్, కరీంనగర్ జోన్ మాత్రం నష్టాలనే మూట గట్టుకున్నాయి. అదే ప్రస్తుత ఆర్థిక సంవత్సరం జూన్ నెలలో ఈ మూడు జోన్లు కూడా లాభాల బాటపట్టడం విశేషం. హైదరాబాద్ జోన్ రూ. 35 లక్షల స్వల్ప లాభాన్నే పొందినప్పటికీ... హైదరాబాద్ సిటీ, కరీంనగర్ జోన్‌లు ఏకంగా రూ. 3 కోట్లను మించి లాభాలు పొందాయి. ఇదే సమయంలో ఆంధ్రప్రదేశ్‌లోని నెల్లూరు, వైఎస్సార్ కడప, విజయవాడ, విజయనగరం జోన్లన్నీ నష్టాలు చవిచూశాయి. ఆర్టీసీలో అతిపెద్ద వ్యయం పద్దు డీజిల్‌దే. ఆ నెలలో తెలంగాణలో డీజిల్‌కు ఖర్చు రూ. 109 కోట్లు కాగా, ఏపీలో రూ. 140 కోట్లుగా నమోదైంది.
  
 ముందు నుంచీ లాభాలు..
 
 చాలాకాలంగా తెలంగాణ ప్రాంతంలో ఆర్టీసీకి లాభాలు వస్తున్నప్పటికీ.. ఉమ్మడిగా ఉంటుండటంతో అది కనిపించడం లేదని ఆర్టీసీ తెలంగాణ అధికారులు చెబుతున్నారు.  ఆర్టీసీ విభజన వ్యవహారాన్ని పర్యవేక్షిస్తున్న షీలాభిడే కమిటీ నియమించిన ప్రైవేటు కన్సల్టెన్సీ రూపొందించిన నివేదిక తప్పుల తడక అని దీనితో తేలిపోయిందని అంటున్నారు. తెలంగాణ ఆర్టీసీ వార్షిక నష్టాలు రూ. 900 కోట్లుగా ఉన్నట్లు ఆర్టీసీ రికార్డులు సూచిస్తున్నా.. అవి రూ. 1,350 కోట్ల వరకు ఉన్నట్లు ప్రైవేటు కన్సల్టెన్సీ తేల్చిందని, అంత నష్టాలు ఉండవనేది తాజా లెక్కలతో తేలిపోయినందున ఆ నివేదికను పరిగణించొద్దని వారు పేర్కొంటున్నారు.
  
  


 హైదరాబాద్: తెలంగాణ జెన్‌కోకు ప్రభుత్వం ఇద్దరు డెరైక్టర్లను నియమించింది. ఈ మేర కు ఇంధనశాఖ ముఖ్యకార్యదర్శి ఎస్‌కే జోిషీ మంగళవారం ఉత్తర్వులు జారీచేశారు. జెన్‌కోలో చీఫ్ ఇంజనీర్‌గా ఉన్న సచ్చిదానందంను డెరైక్టర్ (థర్మల్)గా, జూలై 31న పదవీ విరమణ చేసిన వెంకటరాజంను డెరైక్టర్ (హైడల్)గా నియమించారు.
 
 వీరి నియామకానికి సంబంధించిన నియమ నిబంధనలపై ప్రత్యేకంగా ఉత్తర్వులు జారీచేస్తామని పేర్కొన్నారు. టీ జెన్‌కోకు డెరైక్టర్లను నియమించాలని సంస్థ సీఎండీ దేవులపల్లి ప్రభాకర్‌రావు జూన్ 13న ప్రభుత్వాన్ని కోరారు.
  


 హైదరాబాద్: అంతర్జాతీయ ప్రమాణాలతో హాలీవుడ్‌ను తలపించేలా తెలంగాణలో సినిమా సిటీని నిర్మించతలపెట్టినట్లు ముఖ్యమంత్రి కె.చంద్రశేఖర్‌రావు ప్రకటించారు. సోమవారం సచివాలయంలో సీఎం కేసీఆర్‌తో ఫిల్మ్ ఫెడరేషన్ ఆఫ్ ఇండియా అధ్యక్షుడు రవి కొత్తరకార, సి.కళ్యాణ్, శశికుమార్, నందకుమార్, ఎన్.శంకర్, హెచ్‌డి గంగరాజు, కాట్రగడ్డ ప్రసాద్, ఉదయ్‌సింగ్, ఎ.రాజ్‌కుమార్ భేటీ అయ్యారు. ఈ సందర్భంగా కేసీఆర్ మాట్లాడుతూ సినిమా సిటీ కేవలం సినిమాలు తీయడానికే పరిమితం కాకుండా, టీవీ సీరియళ్లు, కార్యక్రమాల రూపకల్పన, గ్రాఫిక్ ఎఫెక్ట్స్, యాని మేషన్, ప్రజా సమస్యలపై లఘుచిత్రాలకు ప్రాధాన్యం ఉంటుందని చెప్పారు. ఎక్కడ, ఎలా నిర్మిం చాలనే దానిపై త్వరలో ఒక సమావేశాన్ని ఏర్పాటుచేస్తామన్నారు.
 
 ముంబై సినీ పరిశ్రమ ప్రతినిధులు, భారతదేశ సినీరంగపెద్దలు, తెలుగు సినీపరిశ్రమకు చెందిన ప్రతినిధులను ఆహ్వానించి వారి సలహాలు, సూచనలు తీసుకుంటామని చెప్పా రు. అనంతరం ఫిల్మ్‌ఫెడరేషన్ ప్రతినిధులు మాట్లాడుతూ  ప్రపంచవ్యాప్తంగా భారత్ కేం ద్రంగా తెలంగాణ ఫిల్మ్‌సిటీ మారాలనే సంకల్పానికి తాము కూడా చేయూతనందిస్తామని తెలిపారు. రెండువేల ఎకరాల్లో ప్రారంభించే ఈ ఫిల్మ్‌సిటీ అన్ని భాషల సినిమాల తయారీకి కేంద్రం కావాలని ఆశిస్తున్నామన్నారు.
 
 సీఎంతో టర్కీ కాన్సూల్‌జనరల్ భేటీ
 
  ఈ ఏడాది అక్టోబర్ 24న హైదరాబాద్‌లో జరగనున్న తమ జాతీయ దినోత్సవాల్లో పాల్గొనాలని టర్కీ కాన్సూల్‌జనరల్ మురాత్ ఒమెరోగ్లు  తెలంగాణ రాష్ట్ర ముఖ్యమంత్రి కేసీఆర్‌ను ఆహ్వానించారు. దీనికి కేసీఆర్ సమ్మతించారు. సోమవారం సచివాలయంలో మురాత్ తెలంగాణ సీఎంతో భేటీ ఆయ్యారు. కాగా, మరోసారి సమావేశమై ద్వైపాక్షిక సంబంధాలపై చర్చించాలని నిర్ణయించారు.  టర్కీలోని ఇస్తాంబుల్ ఇప్పుడు నవీకరించిన నగరమని, దీనిని సందర్శించాలనే ఆలోచనతో ఉన్నట్టు చెప్పారు. సీఎం  పర్యటనకు  అన్ని ఏర్పాటుచేస్తామని మురాత్ ఒమెరోగ్లు హామీ ఇచ్చారు.
  


 రేసులో భట్టి, శ్రీధర్‌బాబు, డీకే, షబ్బీర్, వివేక్, పొన్నం 
 ఢిల్లీకి రావాలని జానారెడ్డికి అధిష్టానం పిలుపు
  
  
 రేపు హస్తినకు జానా.. ఢిల్లీ చేరిన పొన్నాల
 పార్టీ బలోపేతంపైనా చర్చించే అవకాశం
 తనకు మరికొంత గడువు ఇవ్వాలని
 హైకమాండ్‌కు వినతి
  
 హైదరాబాద్: తెలంగాణ ప్రదేశ్ కాంగ్రెస్ కమిటీ అధ్యక్ష పదవి నుంచి పొన్నాల లక్ష్మయ్యను తప్పించే అవకాశాలు స్పష్టంగా కనిపిస్తున్నాయి. ఆయన స్థానంలో ఎవరిని నియమించాలనే అంశంపై హైకమాండ్ పెద్దలు కసరత్తు ముమ్మ రం చేసినట్లు తెలుస్తోంది. అందులో భాగంగా కాంగ్రెస్ శాసనసభాపక్ష నేత కె.జానారెడ్డిని ఢిల్లీ రావాలని కాంగ్రెస్ రాష్ట్ర వ్యవహారాల ఇన్‌చార్జి దిగ్విజయ్‌సింగ్ ఆదేశించినట్లు సమాచారం. సీఎల్పీ, టీపీసీసీ మధ్య సమన్వయం లేకపోవడం, టీపీసీసీ చీఫ్‌ను మార్చాలంటూ పార్టీలో పలువురు నేతలు హైకమాండ్‌పై ఒత్తిడి తెస్తుండటం, పొన్నాలను తప్పించాలం టూ మరికొందరు నేతలు బాహాటంగానే డిమాండ్ చేస్తున్న నేపథ్యంలో పొన్నాలను తప్పించి, అసంతృప్తికి తెరదించాలని ఢిల్లీ పెద్దలు నిర్ణయించారు. తెలంగాణ నేతలందరినీ ఒకే తాటిపైకి తీసుకొచ్చి టీఆర్‌ఎస్ ప్రభుత్వాన్ని ఎండగట్టేలా ఉత్సాహం నింపాలని యోచిస్తున్నారు. పార్టీ వర్గాల సమాచా రం మేరకు.. దిగ్విజయ్‌సింగ్ ఆదివారం జానారెడ్డికి ఫోన్ చేసి టీపీసీసీ చీఫ్ మార్పు, పార్టీ బ లోపేతం, టీఆర్‌ఎస్ ప్రభుత్వ పనితీరు వంటి అంశాలపై చర్చించేందుకు ఢిల్లీ రావాలని సూచించారు. వచ్చే వారంలో వస్తానని జానారెడ్డి చెప్పినప్పటికీ.. ఈ వారమే రావాలని దిగ్విజయ్ స్పష్టం చేశారు. దీంతో బుధవారం జానారెడ్డి ఢిల్లీ వెళ్లేందుకు సిద్ధమయ్యారు.
 
 రేసులో ఎందరో..
 
 పొన్నాలను తప్పిస్తారని కొంతకాలంగా ప్రచారం జరుగుతుం డడంతో టీపీసీసీ పదవిపై పలువురు నేతలు ఆశలు పెట్టుకున్నారు. కొందరు నేతలు ఏకంగా కాంగ్రెస్ అధినేత్రి సోనియాగాంధీతోపాటు హైకమాండ్ పెద్దలను కలసి తమకు అవకా శం ఇవ్వాలని కోరారు. మరికొందరు తమకు అనుకూలంగా ఉన్న పెద్దల ద్వారా లాబీయింగ్ చేసే పనిలో పడ్డారు. శాసనసభ మాజీ డిప్యూటీ స్పీకర్ మల్లు భట్టి విక్రమార్క పేరు అధిష్టానం పెద్దల ముందు పరిశీలనకు వచ్చినప్పటికీ భట్టి వ్యతిరేకులు ఆయనపై పలు ఫిర్యాదులు చేయడంతో.. తాత్కాలి కంగా ఆ పేరును పక్కన పెట్టినట్లు తెలుస్తోంది. శాసనమండలిలో ఉపనేత షబ్బీర్‌అలీ పేరు కూడా తెరపైకి వచ్చినా.. శాసనమండలి ప్రతిపక్షనేత డి.శ్రీనివాస్ పదవీకాలం వచ్చే ఏడాది మార్చిలో ముగుస్తున్నందున ఆ పదవిని షబ్బీర్ ఆశిస్తున్నట్లు తెలిసింది.
 
 ఇక మాజీ మంత్రి డీకే అరుణ కొద్దిరోజులుగా టీపీసీసీ చీఫ్ పదవి కోసం తీవ్రంగా యత్నిస్తున్నారు. మాజీ ఎంపీలు వివేక్, పొన్నం ప్రభాకర్ కూడా లాబీయింగ్ చేస్తున్నారు. ఇక రాబోయే ఐదేళ్లు పార్టీకి అవసరమైన ఆర్థిక వనరులు సమకూరుస్తానని వివేక్ ప్రతిపాదించినట్లు సమాచారం. అయితే మాజీ మంత్రి శ్రీధర్‌బాబు పేరును జానారెడ్డి తెరపైకి తెచ్చినట్లు సమాచారం. సీఎల్పీ, పీసీసీ సమన్వయం తో ముందుకు వెళ్లాలంటే శ్రీధర్‌బాబుకు టీపీసీసీ చీఫ్ పగ్గా లు అప్పగించడం మేలని కొందరు సూచిస్తున్నారు. ఈ నేపథ్యంలో పొన్నాల లక్ష్మయ్య హుటాహుటిన హస్తిన బయలుదేరి వెళ్లారు. తనకు మరికొంత గడువిస్తే పార్టీని గాడిలో పెడతానని హైకమాండ్ పెద్దలకు విజ్ఞప్తి చేసినట్లు తెలుస్తోంది.
  


 మంగళవారం కరీంనగర్, గురువారం నిజామాబాద్
 
 హైదరాబాద్: తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర్‌రావు జిల్లాల పర్యటనకు వెళ్తున్నారు. మంగళవారం కరీంనగర్ జిల్లాలో, గురువారం నిజామాబాద్ జిల్లాలో ముఖ్యమంత్రి పర్యటించనున్నారు. ముఖ్యమంత్రిగా కేసీఆర్ బాధ్యతలు స్వీకరించిన తరువాత సొంత నియోజకవర్గం గజ్వేల్‌లో మాత్రమే ఆయన ఒకరోజు పర్యటించారు. రెండు నెలల పాటు ఆయన హైదరాబాద్‌లోనే ఉంటూ ప్రతిరోజూ కలెక్టర్లతో సమీక్షలు నిర్వహించి ప్రభుత్వ ప్రాధాన్య అంశాలను వెల్లడించిన సంగతి తెలిసిందే.
 
 గత నెలలో జరిగిన కేబినెట్ సమావేశంలో టీఆర్‌ఎస్ మేనిఫెస్టోలో ప్రస్తావించిన దాదాపు అన్ని అంశాలకు ఆమోద ముద్ర వేసిన తరువాత.. తొలిసారిగా జిల్లాల పర్యటనకు వెళ్తున్నారు. తెలంగాణ ఉద్యమానికి కరీంనగర్ ప్రాణం పోసిందని, 2001 మే 17వ తేదీన అక్కడ నిర్వహించిన సభ తెలంగాణ రాష్ట్రాన్ని సాధించి పెట్టిందని కేసీఆర్ అధికారులకు తెలిపారు. కరీంనగర్‌తో తనకు విడదీయరాని అనుబంధం ఉందని, జిల్లా అభివృద్ధి తన బాధ్యత అని సీఎం వివరించారు. నిజామాబాద్ జిల్లా పర్యటనలో భాగంగా ఆర్మూర్, అంకాపూర్ వెళ్ళనున్నట్లు వెల్లడించారు
  


 ఎల్‌బీ స్టేడియంలో నిర్వహణ
 5 నుంచి సీఎం జిల్లాల పర్యటన
 మంత్రులు, ఎంపీల సమావేశంలో కేసీఆర్ నిర్ణయం
 
 హైదరాబాద్: తెలంగాణ రాష్ట్ర సమితి ప్లీనరీని ఈ నెల మూడోవారంలో హైదరాబాద్‌లోని ఎల్‌బీ స్టేడియంలో ఘనంగా నిర్వహించాలని ముఖ్యమంత్రి, పార్టీ అధినేత కె.చంద్రశేఖర్‌రావు నిర్ణయించారు. ఆది వారం రాజ్యసభ సభ్యుడు కె.కేశవరావు నివాసంలో ఉప ముఖ్యమంత్రులు, మంత్రులు, ఎంపీలతో ఆయన సమావేశమయ్యారు. మూడోవారంలో ఒకరోజు పూర్తిగా పార్టీ ప్లీనరీని నిర్వహించాలని నిర్ణయిం చారు. ప్రభుత్వంతో పార్టీకి సమన్వయాన్ని పెంచాలని కేసీఆర్ భావిస్తున్నారు.  ప్రభుత్వం నుంచి పార్టీ ఆశిస్తున్నదేమిటి, ప్రజల్లో ఎలాంటి డిమాండ్లు ఉన్నాయనే సమాచారాన్ని పార్టీ మండలస్థాయి నాయకుల నుంచి తీసుకోవాలంటున్నారు.
 
 పార్టీలో ఉన్న ఖాళీలు, ప్రభుత్వ నామినేటెడ్ పదవుల భర్తీ వంటివాటిపైనా దృష్టి సారించను న్నారు. ప్రభుత్వ కార్యక్రమాలను ప్రజల్లోకి తీసుకుపోవడం, తెలంగాణ పునర్నిర్మాణంలో ప్రజల భాగస్వామ్యం పెంచే విధంగా ప్లీనరీని నిర్వహించాలని భావిస్తున్నారు. ఈ నెల 19న జరిగే ఇంటింటీ సర్వేను దృష్టిలో పెట్టుకుని ఈ నెల 15నగాని, 22న గాని ఈ ప్లీనరీని నిర్వహిస్తారు.
 
 జిల్లాల పర్యటనలో కేసీఆర్...
 
  సీఎం కేసీఆర్ ఈ నెల 5న కరీంనగర్, 7న నిజామాబా ద్, 8న ఆదిలాబాద్  జిల్లాల్లో పర్యటించనున్నారు. జి ల్లాల వారీగా పార్టీ పరిస్థితిపై సమాచారాన్ని సేకరించే బాధ్యతను మంత్రి హరీశ్‌రావుకు అప్పగించారు.  
 
 చానళ్లపై దీటుగా స్పందించండి
 
 కొన్ని ఛానళ్లను తెలంగాణలో ఎంఎస్‌ఓలు నిలిపేయడంపై పార్లమెంటులో చర్చకు వస్తే, టీఆర్‌ఎస్ ఎం పీలు దీటుగా స్పందించాలని సీఎం కేసీఆర్ సూచిం చారు. ఆ ఛానళ్లపై చర్య అంశం స్పీకరు, మండలి చైర్మన్ పరిధిలోనే ఉన్నాయని, తెలంగాణ ప్రభుత్వానికి ఎలాంటి సంబంధం లేదని చెప్పాలన్నారు.
 
 ప్రత్యేక హైకోర్టుపై పార్లమెంట్‌లో పోరాటం: కేకే
 
 తెలంగాణకు ప్రత్యేకంగా హైకోర్టును ఏర్పాటు చేయాలని, దీనిపై పార్లమెంటు సమావేశాల్లో పోరాడుతామ ని ఎంపీ కె.కేశవరావు చెప్పారు. ఏపీతో వైరం లేదని, అభివృద్ధిలో పోటీ మాత్రమే ఉందన్నారు. సమావేశంలో ఉప ముఖ్యమంత్రులు మహమూద్ అలీ, డాక్టర్ టి.రాజయ్య, ఆర్థికమంత్రి ఈటెల రాజేందర్, సాగునీటిపారుదల, గనుల శాఖల మంత్రి టి.హరీశ్‌రావు, ఎక్సైజ్‌శాఖా మంత్రి టి.పద్మారావు, శాసనమండలి చైర్మన్ కె.స్వామిగౌడ్, డిప్యూటీ చైర్మన్ నేతి విద్యాసాగర్, డిప్యూటీ స్పీకర్ పద్మా దేవేందర్ రెడ్డి, ఎంపీలు కడియం శ్రీహరి, సీతారాం నాయక్, కె.విశ్వేశ్వర్ రెడ్డి, కె.కవిత, ఎమ్మెల్సీ రాములు నాయక్ పాల్గొన్నారు.  
 
  కేసీఆర్‌తో గట్టు, జనక్ ప్రసాద్, విజయారెడ్డి భేటీ
 
  ఇదిలా ఉండగా, కె.చంద్రశేఖర్‌రావుతో వైఎస్సార్ కాంగ్రెస్‌పార్టీ నేతలు గట్టు రామచంద్రరావు, జనక్ ప్రసాద్‌లు ఆదివారం భేటీ అయ్యారు. హైదరాబాద్‌లో తెరువబోయే కల్లు దుకాణాల్లో పాతవారినే నియమించాలని సీఎంకు వారు విజ్ఞప్తి చేశారు. కల్లు దుకాణాల్లో గతంలో పనిచేసిన వారంతా ఉపాధిని కోల్పో యి చాలా ఇబ్బందులు పడుతున్నారని వివరించారు. దీనికి సీఎం కేసీఆర్ సానుకూలంగా స్పందించారు. తెలంగాణ ప్రభుత్వ పథకాలు, భవిష్యత్ వ్యూహం, ప్రజల సమస్యలు, పరిష్కారాలపై సుమారు గంటన్నర పాటు వీరితో కేసీఆర్ మాట్లాడారు. వీరు చర్చిస్తున్న సమయంలోనే పీజేఆర్ కూతురు విజయారెడ్డి కూడా వచ్చి కేసీఆర్‌తో సమావేశమయ్యారు.
  
  గ్రేటర్ ఎన్నికలపై ప్రత్యేక దృష్టి
 
  రానున్న గ్రేటర్ హైదరాబాద్ మునిసిపల్ కార్పొరేషన్ ఎన్నికల దృష్ట్యా రాజధానిలో టీఆర్‌ఎస్‌ను బలోపేతం చేయాలని సీఎం కేసీఆర్ యోచిస్తున్నా రు. ఇందుకోసం పార్టీశ్రేణులను సమాయత్తం చేయడంతోపాటు వివిధ పార్టీల ముఖ్యనేతలను, కార్పొరేటర్లను టీఆర్‌ఎస్‌లో చేర్చుకోవాలని ఆదేశించారు. సుమారు 25 మంది కార్పొరేటర్లు టీఆర్‌ఎస్‌లో చేరడానికి ప్రస్తుతం సిద్ధంగా ఉన్నారని కేసీఆర్ వెల్లడించారు. పార్టీని డివిజన్ల వారీగా సమాయత్తం చేయాల్సిన బాధ్యతను పార్టీ సెక్రటరీ జనరల్, ఎంపీ కె.కేశవరావుకు కేసీఆర్ అప్పగించారు.
  


 బెంగళూరు: పదవులు కాపాడుకునేందుకే తెలంగాణ, ఆంధ్రప్రదేశ్ రాష్ట్రాల ముఖ్యమంత్రులు చంద్రశేఖర్‌రావు, చంద్రబాబు ప్రయత్నిస్తున్నారని... ఆ క్రమంలోనే వారు ప్రజా సమస్యలను పట్టించుకోవటం మానేశారని సీపీఐ జాతీయ కార్యవర్గ సభ్యుడు నారాయణ విమర్శించారు.
 
 బెంగళూరులో ఆదివారం ఆయన విలేకరులతో మాట్లాడారు. విద్యుత్ సమస్య తలెత్తకుండా చూడాలని, విద్యార్థులకు ఫీజు రీయింబర్స్‌మెంట్ కల్పించాలని, ప్రజల మధ్య సఖ్యత పెంచే చర్యలు తీసుకోవాలని హితవు పలికారు.
  


 తనంతట తానుగా వెళ్లి కలసిన కేంద్ర మంత్రి
 ఇరు రాష్ట్రాల మధ్య అగాధం
 నేపథ్యంలో భేటీకి ప్రాధాన్యత
  
  హైదరాబాద్: కేంద్ర మంత్రి, బీజేపీ సీనియర్ నేత ఎం.వెంకయ్యనాయుడు తెలంగాణ ముఖ్యమంత్రి కె.చంద్రశేఖర్‌రావుతో మళ్లీ దోస్తీ చేసే ప్రయత్నంలో ఉన్నారు. శనివారం ఆయన తనంతట తాను తెలంగాణ సీఎం క్యాంపు కార్యాలయానికి వెళ్లి కేసీఆర్ తో సమావేశమయ్యారు. అంతకు ముందు చంద్రబాబుతోనూ భేటీ అయ్యారు. ఇరు రాష్ట్రాల మధ్య పలు అంశాలపై తీవ్రస్థాయిలో వివాదాలు నెలకొన్న నేపథ్యంలో ఈ భేటీలకు ప్రాధాన్యత ఏర్పడింది. ఈ అం శాలపై బాబు సహా ఆంధ్రప్రదేశ్ రాష్ట్ర మంత్రులందరూ కేసీఆర్‌పై తీవ్రస్థాయిలో విమర్శలు గుప్పిస్తుం డగా... వీటికి ప్రతిగా కేసీఆర్ వీలున్నప్పుడల్లా చంద్రబాబుపైన, వెంకయ్యపైన ధ్వజమెత్తుతున్నారు. వెంకయ్య కూడా కేసీఆర్‌పై ఆగ్రహం వ్యక్తం చేసేవారు. తెలంగాణ ప్రభుత్వ నిర్ణయాలను తప్పుపట్టేవారు. ఇటీవలి కాలంలో కేసీఆర్‌పై వెంకయ్యనాయుడు వైఖ రిలో మార్పు వచ్చింది. తెలంగాణ ప్రభుత్వ నిర్ణయా లు, ఇతర అంశాలపై మాట్లాడనని చెబుతున్నారు. సమస్యలపై రెండు ప్రభుత్వాలూ కలసి కూర్చొని మాట్లాడుకోవాలన్నది తన ఆకాంక్షని అంటున్నారు.
 
 సమస్యలను పరిష్కరించుకోవాలి : వెంకయ్య
 
 ఆంధ్రప్రదేశ్, తెలంగాణ రాష్ట్ర ప్రభుత్వాలు కలిసి కూర్చొని సమస్యలను పరిష్కరించుకోవాలని రెండు రాష్ట్రాల ముఖ్యమంత్రులకు సలహా ఇచ్చినట్టు వెంకయ్యనాయుడు చెప్పారు. కేసీఆర్‌తో భేటీ అనంతరం ఆయన విలేకరులతో మాట్లాడుతూ.. ఇరు రాష్ట్రాల సీఎంలను మర్యాదపూర్వకంగా కలసినప్పటికీ, ఈ సమావేశాలు అర్థవంతంగా సాగాయన్నారు. కేంద్రం, తెలంగాణ ప్రభుత్వాల మధ్య ఏర్పడిన గ్యాప్ తొల గించడానికి తాను కేసీఆర్‌తో భేటీ అయ్యానన్న మీడి యా ప్రతినిధుల వ్యాఖ్యలను ఆయన ఖండించారు. రాష్ట్ర ప్రభుత్వాల పరిపాలనకు సంబంధించిన వివాదంపై మాట్లాడబోనన్నారు. విభజన చట్టంలో పేర్కొ న్న అంశాల మేరకు ప్రభుత్వాలు నడుచుకోవాలని, వివాదాలు తెచ్చుకోవాల్సిన అవసరం లేదన్నారు.
 
 ఏపీకి నిధులివ్వాలని కోరిన బాబు
 
 వెంకయ్యనాయుడుతో భేటీ సందర్భంగా రాష్ట్రానికి అందాల్సిన నిధులను వెంటనే మంజూరు చేయాలని కోరినట్టు చంద్రబాబు తెలిపారు. రాష్ట్రానికి రావాల్సిన ప్రాజెక్టులు, మంజూరు చేయాల్సిన పనుల విషయంలో సత్వరమే చర్యలు తీసుకోవాలని కోరినట్టు చెప్పారు. విశాఖ, వీజీటీఎం పరిధిలో మెట్రో రైలు ప్రాజెక్టులను సత్వరమే ప్రారంభించి పూర్తి చేసేందుకు కృషి చేయాలని కోరానన్నారు.
  
  


 హైదరాబాద్: రాష్ట్రాన్ని అన్నిరంగాల్లో అభివృద్ధి చేస్తానంటూ ముఖ్యమంత్రి కె.చంద్రశేఖర్‌రావు చెబుతున్న మాటలు సమీక్షలకే పరిమితమయ్యాయని బీజేపీ తెలంగాణ అధ్యక్షుడు కిషన్‌రెడ్డి విమర్శించారు. సీఎం మాటలు కోటలు దాటుతున్నా పనులు మాత్రం సచివాలయం గేటు దాటడం లేదని ఎద్దేవా చేశారు. సోమవారం ఆయన పార్టీ కార్యాలయంలో విలేకరులతో మాట్లాడారు.
 
 ఎంపీ కవిత దేశానికి వ్యతిరేకంగా మాట్లాడితే ఎవరూ పట్టించుకోలేదు కాని, తమ ఎమ్మెల్యే లక్ష్మణ్ సానియాపై చేసిన వ్యాఖ్యలపై రాద్ధాంతం చేశారని పేర్కొన్నారు.  బీజేపీ జాతీయ అధ్యక్షుడు అమిత్‌షా వచ్చేనెలలో  రాష్ట్రానికి వస్తున్నారని, పార్టీ బలోపేతానికి  రెండురోజుల పాటు భేటీలు నిర్వహించి మార్గదర్శనం చేయనున్నారని కిషన్‌రెడ్డి తెలిపారు.
  
  


 తెలంగాణకు మహారాష్ట్ర హామీ ‘మహా’మంత్రితో హరీష్‌రావు చర్చలు సఫలం
  
  హైదరాబాద్: తెలంగాణ సాగునీటి ప్రాజెక్టుల నిర్మాణానికి, నిర్వహణకు సంపూర్ణ సహకారం అందిస్తామని మహా రాష్ట్ర ప్రభుత్వం స్పష్టం చేసింది. ప్రాణహిత-చేవెళ్ల ప్రాజెక్టు సహా లెండి, దిగువ పెన్‌గంగ ప్రాజెక్టులకు చెందిన అన్ని అంశాలను సామరస్యంగా పరిష్కరించుకునేందుకు తోడ్పాటును అందిస్తామని హామీ ఇచ్చింది. ప్రాణహిత బ్యారేజ్ తుది అలైన్‌మెంట్, ముంపు ప్రాంతం, బ్యారేజ్ ఎత్తు అంశాలపై చర్చించుకునేందుకు ఈ ఏడాది ఆగస్టుకు ముందే అంతర్రాష్ట్ర స్టాండింగ్ కమిటీ సమావేశాన్ని ఏర్పాటు చేసేందుకు ముందుకు వచ్చిం ది. సాగునీటి ప్రాజెక్టులకున్న అడ్డంకులను తొలగించుకునే  క్రమంలో మహారాష్ట్ర ప్రభుత్వంతో చర్చించేందుకు రాష్ట్ర నీటి పారుదలశాఖ మంత్రి టి.హరీష్‌రావు నేతృత్వంలోని ప్రజా ప్రతినిధులు, అధికారుల బృందం బుధవారం ముంబైకి వెళ్లిం ది. మహారాష్ట్ర నీటిపారుదలశాఖ మంత్రి హసన్ ముష్రిఫ్‌తో భేటీ అయిన బృందం లెండి, దిగువ పెన్‌గంగ, ప్రాణహిత-చేవెళ్ల ప్రాజెక్టులపై చర్చించింది. ఈ ప్రాజెక్టులకు సంబంధించి పలు అంశాలపై ఇరు రాష్ట్రాల మధ్య అంగీకారం కుదిరింది. లెండి ప్రాజెక్టు ముంపు గ్రామాలకు సహాయ పునరావాసం, పునర్నిర్మాణం అందించేందుకు, హెడ్‌వర్క్‌లను పూర్తి చేసేం దుకు ఒప్పుకొంది. బిచ్కుంద, మద్నూర్ మండలాల్లో 22 వేల ఎకరాలకు సాగునీరందించే లెండి ప్రాజెక్టును 2015లో పూర్తి చేయాలని కోరిన తెలంగాణ ప్రభుత్వం, పెరిగిన అంచనా వ్యయానికి తగ్గట్టు వాటాను చెల్లించేందుకు అంగీకరించింది.
 
 బ్యారేజ్ నిర్మాణ అధ్యయనానికి మద్దతు..
 
 దిగువ పెన్‌గంగ ప్రాజెక్టు చేపట్టేందుకు రెండు రాష్ట్రాల మధ్య జరిగిన ఒప్పందాన్ని తిరిగి ధృవీకరించాలని కోరిన మహారాష్ట్ర అభ్యర్థనకు తెలంగాణ ప్రభుత్వం అంగీకారం తెలిపింది. దిగువ పెన్‌గంగ,  కింద ప్రతిపాదించిన బ్యారేజ్‌ను ప్రధాన పెన్‌గంగ నుంచి విడదీయాలని, గతంలో చేసిన ప్రతిపాదనలకు  కేంద్ర జల సంఘం నుంచి ఆమోదం తీసుకోవాలని తెలంగాణ ప్రభుత్వం కోరగా.. మహారాష్ట్ర అంగీకారం తెలిపింది.  పెన్‌గంగ డ్యామ్ దిగువన బ్యారేజ్ నిర్మించేందుకు పూర్తిస్థాయి అధ్యయనానికి మహారాష్ట్ర ప్రభుత్వం తమ సమ్మతి తెలిపింది.   ప్రతినిధి బృందంలో రాష్ట్ర అటవీశాఖ మం త్రి జోగు రామన్న, ఎంపీ బీబీ పాటిల్, ఎమ్మెల్యేలు హన్మం త్ షిండే, కోనేరు కోనప్ప, ఢిల్లీలో రాష్ట్ర ప్రభుత్వ ప్రతినిధి వేణుగోపాలాచారి, నీటిపారుదలశాఖ సలహాదారు విద్యాసాగర్‌రావు, నీటిపారుదలశాఖ ముఖ్య కార్యదర్శి అరవింద్‌రెడ్డి, ఇంజనీర్ ఇన్ చీఫ్ మురళీధర్, ప్రాణహిత చీఫ్ ఇంజనీర్ హరిరామ్, గోదావరి బేసిన్ కమిషనర్ మధుసూదన్‌రావు ఉన్నారు.
  


 పొన్నాలను తప్పించే యోచనలో కాంగ్రెస్ హైకమాండ్!
 తెరపైకి మల్లు భట్టి విక్రమార్క పేరు
  
 హైదరాబాద్:  తెలంగాణ ప్రదేశ్ కాంగ్రెస్ కమిటీ అధ్యక్షుడు పొన్నాల లక్ష్మయ్యను తప్పించాలని కాంగ్రెస్ అధిష్టానం పెద్దలు భావిస్తున్నారు. ఆయన స్థానంలో టీపీసీసీ సారథిగా ఎవరిని నియమిస్తే బాగుంటుందనే అంశంపై పార్టీ రాష్ట్ర వ్యవహారాల ఇన్‌చార్జి దిగ్విజయ్‌సింగ్ అభిప్రాయ సేకరణ జరుపుతున్నారు. పొన్నాల నాయకత్వంపై తీవ్ర అసంతృప్తితో ఉన్న పలువురు సీనియర్ నేతలు ఆయనను తప్పించాలని కోరుతూ గత కొంత కాలంగా హైకమాండ్‌పై ఒత్తిడి తెస్తున్నారు. తెలంగాణ రాష్ట్రాన్ని ఏర్పాటు చేసినా కాంగ్రెస్ లబ్ధి పొందకపోవడానికి నాయకుల మధ్య ఐక్యత లోపించడమేనని భావిస్తున్న కాంగ్రెస్ అధిష్టానం, రాష్ట్ర నాయకులను సమన్వయపర్చడంలో పొన్నాల వైఫల్యం చెందారనే అంచనాకు వచ్చింది. అయితే గతంలోలా హైకమాండ్ ఏకపక్షంగా నిర్ణయం తీసుకునే అవకాశాల్లేవని, సీనియర్ నేతల అభిప్రాయాలను పరిగణనలోకి తీసుకుని అధ్యక్షుడిని నియమించాలని నిర్ణయించిందని ఏఐసీసీ సీనియర్ నేత ఒకరు తెలిపారు. ఆయన వ్యాఖ్యలకు బలం చేకూరే విధంగా పార్టీ రాష్ర్ట వ్యవహారాల ఇన్‌చార్జి దిగ్విజయ్‌సింగ్ గత కొద్దిరోజులుగా రాష్ట్రంలోని పలువురు నేతలకు ఫోన్లు చేసి పొన్నాల పనితీరుతోపాటు కొత్త సారథి ఎవరయితే బాగుంటుందని ఆరా తీస్తుట్టు తెలిసింది.
 
 సీఎల్పీ నేత జానారెడ్డి, మండలిలో ప్రతిపక్షనేత డీఎస్, ఉపనేత షబ్బీర్‌అలీ, ఏఐసీసీ కార్యదర్శులు వి.హనుమంతరావు, జి.చిన్నారెడ్డి, రాష్ట్ర యువజన కాంగ్రెస్ అధ్యక్షుడు వంశీచంద్‌రెడ్డితోపాటు పలువురు సీనియర్ నేతలకు ఫోన్‌చేసి వారి అభిప్రాయాలను తీసుకున్నట్లు సమాచారం. ఉత్తర తెలంగాణలో కాంగ్రెస్ పార్టీ పూర్తిగా బలహీనమైనందున ఆ ప్రాంత  నాయకుడికి పార్టీ పగ్గాలు అప్పగించాలని కొందరు, సామాజికవర్గాలతో పనిలేకుండా పార్టీ బలోపేతమే లక్ష్యంగా కొత్త అధ్యక్షుడిని నియామకం ఉండాలని మరికొందరు నేతలు అభిప్రాయపడినట్లు తెలిసింది. సామాజిక సమీకరణల్లో భాగంగా ఎస్సీ లేదా బీసీ నేతను టీపీసీసీ చీఫ్‌గా నియమించాలని పార్టీ నిర్ణయించినట్లు తెలిసింది. ఇప్పటికే రెడ్డి సామాజికవర్గానికి సీఎల్పీ, బీసీ సామాజిక వర్గానికి మండలి ప్రతిపక్షనేత పదవి ఇచ్చినందున ఇతరవర్గాలకు టీపీసీసీ పగ్గాలు అప్పగించడం ద్వారా సామాజిక న్యాయం జరుగుతుందని అంచనా వేసిన హైకమాండ్ కాంగ్రెస్ ఎమ్మెల్యే మల్లు భట్టివిక్రమార్క పేరును కూడా పరిశీలిస్తున్నట్లు తెలిసింది. మరో పక్క ఏఐసీసీ ప్రక్షాళనలో భాగంగా దిగ్విజయ్‌సింగ్‌ను తప్పిస్తే రాష్ట్ర ఇన్‌చార్జి పగ్గాలను ముకుల్ వాస్నిక్‌కు అప్పగించే అవకాశాలున్నాయని తెలిసింది. ఈ నెలాఖరు లేదా వచ్చే నెల తొలివారంలో ఏఐసీసీని పునర్‌వ్యవస్థీకరిస్తారని, ఆ తరువాతే టీపీసీసీ చీఫ్ నియామకం ఉంటుందని ఏఐసీసీ వర్గాలు పేర్కొన్నాయి.
  
  
  


 త్వరలోనే తెలంగాణ లో పార్టీకి పూర్తిస్థాయి కమిటీలు
 
 హైదరాబాద్: తెలంగాణలో టీడీపీ పటిష్టత కోసం వారానికోకరోజు సమయమిస్తానని ఆ పార్టీ అధ్యక్షుడు, ఆంధ్రప్రదేశ్ ముఖ్యమంత్రి చంద్రబాబు చెప్పారు. తెలంగాణలో పార్టీకి త్వరలోనే పూర్తిస్థాయి కార్యవర్గాన్ని ఏర్పాటు చేయడంతో పాటు జిల్లా, మండల స్థాయిల్లో కమిటీలను నియమించనున్నట్లు వివరించారు. లేక్‌వ్యూ అతిథి గృహంలో శుక్రవారం తెలంగాణ తెలుగుదేశం పార్టీ విస్తృతస్థాయి సమావేశం జరిగింది.
 
 పార్టీ రాష్ట్ర, జిల్లా స్థాయి నాయకులు హాజరైన ఈ సమావేశంలో ఆయన తెలంగాణలో పార్టీని బలోపేతం చేసేందుకు చేపట్టాల్సిన చర్యల గురించి పార్టీ ఎమ్మెల్యేలు, ఇతర నేతల అభిప్రాయాన్ని కోరారు. ఈ సమావేశానికి కొంతకాలంగా అసంతృప్తితో ఉన్న సనత్‌నగర్ ఎమ్మెల్యే, హైదరాబాద్ జిల్లా పార్టీ నగర అధ్యక్షుడు తలసాని శ్రీనివాస్‌యాదవ్ గైర్హాజరయ్యారు.
  
  


 తెలంగాణ కోసం అష్టకష్టాలు పడ్డాం
 పార్టీ ఫణంగా పెట్టినా ఆదరించలేదు
 జేఏసీ నేతల ఎదుట జానారెడ్డి నిర్వేదం
  
 హైదరాబాద్: ‘తెలంగాణ కోసం అష్టకష్టాలు పడ్డాం. ఎన్నో త్యాగాలు చేశాం. సొంత పార్టీనే ఎదిరించాం. పదవులనూ త్యజించాం. చివరకు సీమాంధ్రలో పార్టీనే ఫణంగా పెట్టాం. ఇంత చేసినా మాకు ఒరిగిందేమిటి? ప్రజలు మమ్ముల్ని ఆదరించలేదు. ఇంతకంటే ఇక మేం చేయగలిగిందేముంది?’ తెలంగాణ  ఉద్యోగసంఘాల నేతల ఎదుట కాంగ్రెస్ శాసనసభాపక్ష నేత కె.జానారెడ్డి నిర్వేదంగా చేసిన వ్యాఖ్యలివి. ఆదివారం సాయంత్రం జేఏసీ నేతలు సి.విఠల్, మణిపాల్‌రెడ్డి, రవీందర్‌రెడ్డి, సతీశ్ తదితరులు జానారెడ్డి  ఇంటికి వెళ్లి రాజ్యసభలో పోలవరం బిల్లును అడ్డుకునేలా కాంగ్రెస్ అధిష్టానంపై ఒత్తిడి తేవాలని విజ్ఞప్తి చేశారు.
 
 రాజ్యసభలో బీజేపీ కంటే కాంగ్రెస్‌కు మెజారిటీ ఉన్నందున పోలవరం బిల్లుకు వ్యతిరేకంగా ఓటేస్తే వీగిపోతుందని చెప్పారు. ఈ సందర్భంగా జానారెడ్డి పైవిధంగా స్పందించారు. జేఏసీ వర్గాల సమాచారం మేరకు.. తెలంగాణ కోసం పార్టీలో, బయటా   ఎంతో శ్రమించినా ప్రజలు కాంగ్రెస్‌ను ఆదరించకపోవడం తీవ్ర నిరాశకు గురిచేసిందని జానారెడ్డి వాపోయారు. ఇదిలా ఉండగా, ముంపు గ్రామాల విలీనం పై కాంగ్రెస్ అధినేత్రితో సోనియాతో చర్చిస్తానని జానారెడ్డి జేఏసీ నేతలకు హామీ ఇచ్చారు


 ఆంధ్రప్రదేశ్, తెలంగాణ రాష్ట్రాల ముఖ్యమంత్రులు తెలుగుజాతి విస్తృత ప్రయోజనాలను దృష్టిలో పెట్టుకుని కీచులాటలు మానుకోవాలి. స్వల్ప విషయాలపై ఘర్షణ పంథాకు స్వస్తి చెప్పాలి. విశాల హృదయంతో వ్యవహరించేవారి స్థాయి పెరుగుతుంది. జాతీయ మీడియా, రాజకీయ పార్టీలు ఇదంతా వినోదంగా చూస్తున్నాయి.
  
 కేంద్రంలో నెల రోజుల పాలన తర్వాత ప్రధాని నరేంద్ర మోడీ ప్రతిష్ట పెరిగింద న్న అభిప్రాయం ప్రధానంగా వ్యక్తమవుతోంది.  అందరి అంచనాలను మించి ఆయన పనిచేస్తున్నారు. అదేవిధంగా కొత్తగా ఏర్పడిన ఆంధ్రప్రదేశ్, తెలంగాణ ప్రభుత్వాల గురించి కూడా ఒకసారి మదింపు వేయాల్సిన అవసరం ఉంది.  మోడీ సర్కారుకు నెల రోజులపాటు ‘రాజకీయ హనీ మూన్’ వ్యవధి లభిస్తే తెలంగాణ, ఆంధ్రప్రదేశ్ ప్రభుత్వాలకు ఒక్కరోజు కూడా ఊపిరి తీసుకోడానికి తీరికలేకుండా పోయింది. బీజేపీని గతంలో ఎన్నడూ సమర్థించని చిన్న రాష్ట్రాలు కూడా మోడీ ప్రధాని అయ్యాక ఆయనకు ఎంతో ప్రాధాన్యమివ్వడం ప్రారంభించాయి. మరోవైపు తెలంగాణ, ఆంధ్రప్రదేశ్ ముఖ్యమంత్రుల వైఖరుల కారణంగా తెలుగువారి ప్రతిష్ట మసకబారుతోంది. ఇది సాటి తెలుగువారికి ఎంతో ఆందోళన కలిగించే విషయం. ఆంగ్లేయులు ‘విభజించు-పాలించు’ సూత్రంతో భారత్‌ను పాలించగా, కే చంద్రశేఖరరావు, చంద్రబాబునాయుడు కీచులాడుకుంటూ కేంద్రం తలదూర్చేలా హాస్యాస్పదంగా వ్యవహారం చేస్తున్నారు. ఈ ఇద్దరు సీఎంలూ తాత్కాలిక పాలకులు. వీరు తమ విధానాలను చక్కదిద్దుకోకపోతే తెలుగువారి ప్రతిష్ట పూర్తిగా మంటగలిసిపోతుంది.
 
 ఇద్దరూ ఇద్దరే
 
 కేసీఆర్, చంద్రబాబు రాజకీయాలలో, పాలనాయంత్రాంగంలో రాటుదేలినవారే. ఏళ్ల తరబడి రాజకీయాలలో కొనసాగుతున్న ఈ రాజకీయ ద్వయానికి ఎత్తులు పైఎత్తులు బాగానే తెలుసు. తాము రచించుకునే  వ్యూహాలను విజయవంతంగా అమలు చేయగలిగేవారే. వీరిలో గొప్ప నాయకత్వ లక్షణాలు ఉన్నప్పటికీ రకరకాల కారణాల వల్ల హస్తినలో మాత్రం వీరికి అంత సానుకూలత లేదనే చెప్పాలి.
  తెలంగాణలో పూర్తి మెజారిటీ సాధించినందున ప్రభుత్వాన్ని నడిపేం దుకు కేసీఆర్‌కు ఇతర పార్టీలపై ఆధారపడాల్సిన అవసరం లేదు. రాహుల్ గాంధీని ప్రధానిని చేసేందుకు సమర్థిస్తానని ఎన్నికల ఫలితాలకు ముందు కేసీఆర్ ఒక సందర్భంలో అన్నారు. అంటే భవిష్యత్తులో కాంగ్రెస్‌తో తమకు రాజకీయ అవసరం పడుతుందన్న ఉద్దేశం అప్పట్లో ఆయన మనసులో ఉంది. అంతేకాదు, తమ సర్కారు ఏర్పాటుకు కాంగ్రెస్   తోడ్పాటు అవసరమొస్తుందని భావించి మోడీకి దూరమయ్యారు. టీఆర్‌ఎస్‌కు పార్లమెంట్‌లో 11 మంది ఎంపీలు ఉన్నప్పటికీ వారికి కేసీఆర్‌తో తూగగల రాజకీయ స్థాయి, వ్యూహ నిపుణత వంటి లక్షణాలు లేవు.  టీఆర్‌ఎస్ ఎంపీలపై బీజేపీకి కూడా పెద్దగా ఆధారపడాల్సిన అవసరం లేదు. ఇప్పటి వరకు కేసీఆర్ అనుసరించిన ఎత్తుగడలు సరిగా లేవని చెప్పాలి. ఆయనవి అన్నీ ప్రతికూల డిమాండ్లే! ఆంధ్రప్రదేశ్‌కు ఇచ్చినవన్నీ కచ్చితంగా తెలంగాణకూ ఇవ్వాలన్నట్టుగా డిమాండ్ చేస్తున్నారు. ఆయన ప్రతికూల వైఖరి అవలంబిస్తున్నారు. ఈ పద్ధతి జాతీయస్థాయిలో నడవదు. ఆంధ్రప్రదేశ్‌కు అవసరమైన సాయం అందించాల్సిందిగా కేసీఆర్ అడుగుతూనే... అదే సమయంలో తమ రాష్ట్రమైన తెలంగాణకు కావల్సిన డిమాండ్లు చేస్తే బాగుండేది. ప్రతి విషయంలో అడుగడుగునా ఆంధ్రప్రదేశ్‌కు అడ్డుతగులుతూ, ఆయన తన ప్రతిష్టను దిగజార్చుకున్నారు. అంతేగాదు, సమస్యలే కాని చిన్నాచితకా విషయాలను పెద్ద  సమస్యలుగా సృష్టించి కేసీఆర్ తన ఇమేజ్‌ను మసకబార్చుకున్నారు. సచివాలయం, ఇతర కార్యాలయాలకు విద్యుత్ సరఫరాను నిలిపివేస్తామని హెచ్చరించడం పిల్లచేష్టలుగా కనిపిస్తాయి. సెటిలర్స్‌ను బెదిరించడం వల్ల తెలంగాణ బ్రాండ్ ఇమేజ్ దెబ్బతింటుంది. మీడియాతో ఘర్షణ పంథా వల్ల జాతీయ మీడియాలో టీఆర్‌ఎస్ సర్కారుకు ఇప్పటికే చెడ్డ పేరు వచ్చింది.
 
 మజ్లిస్, ఇతర పార్టీల ఎమ్మెల్యేలను ఆకట్టుకునేందుకు కేసీఆర్ చేసే ప్రయత్నాలు బట్టి ఒక విషయాన్ని ఊహించవచ్చు. అతి త్వరలో రాజకీయ తిరుగుబాటు జరగవచ్చన్న భయం ఆయన్ని పట్టి పీడిస్తూ ఉండవచ్చు. టీఆర్‌ఎస్‌కు పూర్తి మెజారిటీ ఉంది కాబట్టి జనరంజకంగా పాలిస్తే ఆయన దేనికీ భయపడాల్సిన అవసరం లేదు. కాని టీఆర్‌ఎస్‌లో కొన్ని సామాజిక వర్గాలు ఉన్నందున ఆయనలో కొంత భయం గూడుకట్టుకుని ఉంది. నిరంతరం సమస్యలను సృష్టించడం, ఆందోళనలు నడపడం ద్వారా ప్రభుత్వంలో భిన్నవైఖరులకు తావులేకుండా చూసుకోవాలన్నది ఆయన వ్యూహం. కేంద్రంలో బీజేపీ సర్కారు మాదిరిగా టీఆర్‌ఎస్‌లో కూడా రాజకీయ హేమాహేమీలు, చెప్పుకోదగిన ప్రముఖులెవరూ లేరు.
 
 1978లో రాజకీయాలలో ప్రవేశించిన చంద్రబాబునాయుడు కేంద్రంలో దేవెగౌడ, ఐకే గుజ్రాల్ సంకీర్ణ ప్రభుత్వాలను ఏర్పాటు చేయడంలో కీలకపాత్ర పోషించారు. తర్వాత వాజ్‌పేయి సర్కారుకు కూడా మద్దతునిచ్చారు. పదేళ్లపాటు ప్రతిపక్షంలో గడిపిన తర్వాత ఇటీవలే అధికారంలోకి వచ్చారు. గత 45 రోజుల్లో తెలుగువారు రెండు భిన్నరకాల చంద్రబాబులను చూశారు. నవ్యాంధ్రప్రదేశ్ నిర్మాణానికి అవసరమైన అనుభవం తనవద్ద ఉందని పదేపదే చెప్పారు. అయితే ఆ అనుభవం సరిపోతుందా అన్నది చర్చనీయాంశమే. గానుగెద్దుకు కూడా  తన జీవితంలో ఎన్నో చుట్లు తిరిగిన విస్తృతానుభవం ఉంటుంది. అంతమాత్రాన అది సరిపోదు కదా! చంద్రబాబులో కొత్తగా ఎలాంటి ఐడియాలు లేవు. 30 ఏళ్ల క్రితం ఆయన చుట్టూ తిరిగిన వారే ఇప్పుడూ ఉన్నారు. వీరు కొత్తగా ఎలాంటి మార్పులు తీసుకురాలేరు. అవసరానికి మించిన అనుభవం ఆంధ్రప్రదేశ్ కొంపముంచేలా ఉంది.
 
 ఢిల్లీ చుట్టూ చంద్రబాబు చక్కర్లు
 
  అనుభవం తక్కువగా ఉన్న కేసీఆర్‌కు భిన్నంగా చంద్రబాబు మాటిమాటికీ ఢిల్లీకి చక్కర్లు కొడుతూ నిధుల కోసం దేబిరించడం చూడడానికే ఇబ్బందికరంగా ఉంది. రాజకీయంగా సీనియర్ నేత అయిన చంద్రబాబు కొంచెం హుందాగా వ్యవహరించి తెలుగువారి గౌరవాన్ని నిలబెట్టాలి. కేంద్ర విద్యుత్ మంత్రి పీయూష్ గోయల్, కేంద్ర జలవనరుల మంత్రి ఉమా భారతిల ముందు ఆయన మోకరిల్లాల్సిన అవసరమేముంది? ముఖ్యమంత్రులు జయలలిత, నవీన్ పట్నాయక్‌లు కేంద్రానికి దూరంగా ఉంటున్నప్పటికీ వారు అడిగిన పనులను మోడీ సర్కారు గౌరవంగా చేస్తోంది. తెలంగాణ, ఆంధ్రప్రదేశ్‌లో బీజేపీ ఎదుగుతుందని ఆ పార్టీ గట్టి విశ్వాసంతో ఉంది.
 
 సామరస్యంగా సమస్యల పరిష్కారం
 తెలంగాణ, ఆంధ్రప్రదేశ్ రాష్ట్రాల ముఖ్యమంత్రులు తెలుగుజాతి విశాల ప్రయోజనాలను దృష్టిలో పెట్టుకుని కీచులాటలకు స్వస్తి చెప్పాలి. విద్యార్థుల స్కాలర్‌షిప్‌లు, మరుగుదొడ్లు, క్యాంటీన్లు వంటి విషయాల్లో ఘర్షణ పంథాకు స్వస్తి చెప్పాలి. విశాల హృదయంతో వ్యవహరించేవారి స్థాయి పెరుగుతుంది. జాతీయ మీడియా, రాజకీయ పార్టీలు ఇదంతా వినోదంగా చూస్తున్నాయి. స్వల్ప విషయాలపై ఘర్షణపడడం మానుకోవాలి. సమస్యలపై ఇచ్చిపుచ్చుకునే ధోరణిలో వ్యవహరించుకోవాలి. ముఖ్యంగా విద్యుత్, నదీ జలాలు, ఇతర సమస్యలను నేరుగా మాట్లాడుకుని పరిష్కరించుకోవచ్చు. ఉమాభారతి, పీయూష్ గోయల్ వంటి జూనియర్ మంత్రులకు వీటిని పరిష్కరించే సత్తా ఏమీ లేదు. రెండు రాష్ట్రాల సీఎంలు తమ ఢిల్లీ పర్యటనలకు తగిన సందర్భాలలో ప్రతిపక్ష నాయకుల్ని కూడా వెంటబెట్టుకుని తీసుకువెళ్లాలి. దీనివల్ల కేంద్రానికి సానుకూల సంకేతాలు పంపినట్టవుతుంది.
  లోక్‌సభలో ప్రతిపక్ష హోదా కోసం కాంగ్రెస్ అధ్యక్షురాలు సోనియాగాంధీ ఎందుకు గట్టిగా పట్టుబడుతున్నారో తెలుసా? రాజకీయాలలో ‘ఇమేజ్’కు ఆమె ఇస్తున్న విలువే దీనికి కారణమని చెప్పాలి. రాజకీయాలలో ఇమేజ్‌ను కోల్పోతే అంతా కోల్పోయినట్టే. కేసీఆర్, చంద్రబాబునాయుడు కూడా రాజకీయాలలో ప్రతిష్ట విలువ గురించి ఇకనైనా తెలుసుకోవాలి. ప్రతిష్ట మంటగలిసాక, రాజకీయాల్లో నవ్వులపాలయ్యాక ఎవరూ లెక్కచెయ్యరు మరి!
 
 (వ్యాసకర్త రాజకీయ విశ్లేషకులు)  పెంటపాటి పుల్లారావు
  


 తెలంగాణ ప్రభుత్వానికి సుప్రీంకోర్టు ఆదేశాలు
 
 హైదరాబాద్: తెలంగాణ రాష్ట్రంలోని అన్ని ప్రభుత్వ పాఠశాలల్లో నెల రోజుల్లోగా మరుగుదొడ్లు ఏర్పాటు చేయాలని, తాగునీటి వసతిని కల్పించాలని సుప్రీంకోర్టు ఆదేశించింది. ఉమ్మడి రాష్ట్రంలో విద్యార్థులకు టాయిలెట్, తాగునీటి సదుపాయాలు కల్పించడంలో ప్రభుత్వం విఫలమైందని.. 40 శాతం పాఠశాలల్లో కూడా టాయిలెట్ సదుపాయం లేదని ఒక స్వచ్ఛంద సంస్థ సుప్రీంకోర్టును ఆశ్రయించింది. దీనిపై సోమవారం సుప్రీంకోర్టు విచారణ జరిపింది.
 
 విచారణకు తెలంగాణ విద్యాశాఖ అధికారి ఒకరు హాజరయ్యారు. అనంతరం ఆయన మాట్లాడుతూ.. తెలంగాణలోని పాఠశాలల్లో ఈ సదుపాయాలు కల్పించేందుకు సుప్రీంకోర్టు నెల రోజులు గడువు ఇచ్చిందని చెప్పారు. కాగా, సుప్రీం తీర్పు నేపథ్యంలో ఏయే స్కూళ్లలో తాగునీరు, టాయిలెట్ సదుపాయాలు లేవో గుర్తించాలని జిల్లా విద్యాశాఖ అధికారులను ఉన్నతాధికారులు ఆదేశించారు. ఆ సౌకర్యాలను కల్పించేందుకు చర్యలను వెంటనే చేపట్టాలని సూచించారు.
  
  


 1956 కటాఫ్‌తో నష్టపోతామంటున్న భద్రాచలం, పాల్వంచ ప్రజలు
  
 హైదరాబాద్: 1956 కన్నా ముందు తెలంగాణలో స్థిరపడిన కుటుంబాలకే ఫీజు రీయింబర్స్‌మెంట్‌ను వర్తింపజేయాలని రాష్ర్ట ప్రభుత్వం నిర్ణయించినట్లు వస్తున్న కథనాలపై కొన్ని ప్రాంతాల్లోని ప్రజల్లో ఆందోళన వ్యక్తమవుతోంది. ముఖ్యంగా ఖమ్మం జిల్లాలో భద్రాచలం, పాల్వంచ డివిజన్ల పరిధిలోని ప్రజలు తీవ్రంగా కలవర పడుతున్నారు. ఈ నిర్ణయం అమల్లోకి వస్తే ఈ రెండు డివిజన్లకు చెందిన విద్యార్థులెవరికీ ఫీజు రీయింబర్స్‌మెంట్ వర్తించే అవకాశాలు కనిపించడం లేదు. కేవలం ఈ రెండు డివిజన్లలోనే 60 వేల మందికిపైగా విద్యార్థులు ఫీజుల పథకానికి దూరం కానున్నారు. ఎందుకంటే 1956కు పూర్వం ఈ రెండు డివిజన్లు తూర్పుగోదావరి జిల్లా పరిధిలో ఉన్నాయి. ఉమ్మడి ఆంధ్రప్రదేశ్ అవతరణ జరిగిన మూడేళ్ల తర్వాత అంటే 1959 నవంబర్ 17న మళ్లీ ఈ రెండు డివిజన్లను ఖమ్మం జిల్లా పరిధిలోకి తీసుకొచ్చారు.
 
 ఈ నేపథ్యంలో 1956 సంవత్సరాన్ని పరిగణనలోకి తీసుకుంటే తమ పిల్లలకు అన్యాయం జరుగుతుందని ఇక్కడి వారు అంటున్నారు. ఇప్పటికే పోలవరం ముంపు మండలాలను ఆంధ్రప్రదేశ్‌లో కలుపుతూ కేంద్రం తెచ్చిన ఆర్డినెన్స్‌తో ఈ ప్రాంతం వారు తీవ్ర ఆందోళనలో ఉన్నారు. తాజాగా ఫీజు రీయింబర్స్‌మెంట్ విషయంలో తెలంగాణ ప్రభుత్వ యోచన వారిని మరింత గందరగోళంలోకి నెట్టినట్లయింది. కాగా, ప్రభుత్వం తక్షణమే ఈ అంశాన్ని పునఃపరిశీలించాలని కాంగ్రెస్ నేతలు విజ్ఞప్తి చేశారు. శుక్రవారం సీఎల్పీ కార్యాలయంలో మండలి నేత డీఎస్ మీడియాతో మాట్లాడుతూ.. ఈ రెండు డివిజన్లకు మినహాయింపు ఇవ్వాలని కోరారు. తెలంగాణ అంతటికీ 1956 నవంబర్ 1కి పూర్వం కటాఫ్‌గా నిర్ణయించినా, భద్రాచలం, పాల్వంచలకు మాత్రం 1959ను కటాఫ్‌గా ప్రకటించాలని కోరారు. మరోవైపు ఇదే అంశంపై కాంగ్రెస్ ఎమ్మెల్సీ పొంగులేటి సుధాకర్‌రెడ్డి శుక్రవారం ముఖ్యమంత్రి కేసీఆర్‌కు లేఖ రాశారు. ముంపు మండలాలపై ఆర్డినెన్స్‌ను ఉపసంహరించుకునేలా కేంద్రంపై ఒత్తిడి తేవాలని కూడా అందులో పేర్కొన్నారు.
  


 ఆగిన ప్రాజెక్టుకు పరుగులు
 సీఎం సమీక్షలో నిర్ణయం
 {పాణహిత-చేవెళ్లతో  లింక్
 సాగు, తాగునీటికి  కొత్త ఆశలు
  
  అర్ధంతరంగా ఆగిన మధ్యమానేరు ప్రాజెక్టుకు ప్రాణం పోసేందుకు ప్రభుత్వం నడుం బిగించింది. ముఖ్యమంత్రి కేసీఆర్ తెలంగాణలోని సాగునీటి ప్రాజెక్టుల సమీక్షలో ప్రాణహిత చేవెళ్ల ప్రాజెక్టును మిడ్‌మానేరు వరకు వేగంగా పూర్తి చేయాలని నిర్ణయించారు. దీంతో మిడ్‌మానేరు ప్రాజెక్టుపై కొత్త ఆశలు చిగురించాయి. ప్రాణహిత చేవెళ్ల సుజల స్రవంతి మెగా ప్రాజెక్టు నిర్మాణానికి ప్రభుత్వం అధిక ప్రాధాన్యతనివ్వటంతో అందులో అంతర్భాగమైన మిడ్ మానేరుకు జవజీవం పోసినట్లయింది. నత్తనడకన సాగుతున్న పనులు వేగం పుంజుకోనున్నాయి.  - సాక్షి ప్రతినిధి, కరీంనగర్
  
 దివంగత ముఖ్యమంత్రి వైఎస్.రాజశేఖరరెడ్డి జలయుజ్ఞంలో భాగంగా జిల్లాలో మిడ్ మానేరు ప్రాజెక్టును తలపెట్టారు. మెట్ట ప్రాంతంలోని రైతులను ఆదుకునేందుకు ఎనిమిదేళ్ల కిందట పనులు ప్రారంభించారు. కానీ కాంట్రాక్టర్ల గిమ్మిక్కులతో ఈ జలాశయు నిర్మాణం పునాదుల్లోనే ఆగిపోయింది. కరీంనగర్, వరంగల్ జిల్లాల్లోని 18 మండలాల్లోని రెండు లక్షల ఎకరాలకు సాగు నీరు అందించేందుకు ఈ బృహత్తర ప్రాజెక్టును చేపట్టారు. దీంతో సిరిసిల్ల, హుస్నాబాద్ నియోజకవర్గాల పరిధిలోని 10 మండలాలు, 157 గ్రామాలకు సాగునీరు, తాగునీటి సమస్య తీరిపోనుంది. బోయినపల్లి మండ లం మాన్వాడ వద్ద 25.873 టీఎంసీల నీటిని నిల్వ చేసేందుకు 2006లో మిడ్‌మానేరు జలాశయానికి అప్పటి సీఎం వైఎస్ శంకుస్థాపన చేశారు. మొదటిసారి రూ.339.39 కోట్లకే పనులు చేసేందుకు ముందుకు వచ్చిన కంపెనీ అడ్వాన్సులు తీసుకొని చేతులెత్తేసింది. నిదానంగా తేరుకున్న సర్కారు నాలుగేళ్ల తర్వాత రూ.454 కోట్ల అంచనాలతో మరోసారి టెండర్లు పిలిచింది. 20 శాతం లెస్‌కు రూ.360.90 కోట్లకు  ఎంఎస్ ఎస్‌ఏపీఎల్, అండ్ ఎంబీఎల్, ఐవీఆర్సీఎల్ అనే సంస్థలు జాయింట్ వెంచర్‌లో పనులు దక్కించుకున్నారుు. 2012 ఏప్రిల్ 23న మంత్రులు శ్రీధర్‌బాబు, సుదర్శన్‌రెడ్డి రెండో దఫా పనులను ప్రారంభించారు. ఒప్పందం ప్రకారం 2015 ఏప్రిల్ నాటికి రిజర్వాయుర్ నిర్మాణం పూర్తి కావాలి. కానీ.. ఇప్పటికీ 20 శాతం పనులు పూర్తి కాలేదు.
 
 ఇల్లంతకుంట మండలం కందికట్కూర్ పరిసరాల్లో స్పిల్‌వే నిర్మాణంలో ఉంది. రిజర్వాయుర్‌కు 25 గేట్లు ఏర్పాటు చేయాల్సి ఉంది. ప్రాజెక్ట్ పనుల్లో బాగంగా క్రాస్ రెగ్యులేటర్లు, రెండు తూము లు నిర్మించాల్సి ఉంది. బోయినపల్లి మండలం కొదురుపాక, నీలోజిపల్లె వద్ద కట్ట నిర్మాణం జరిగింది. మానేరు అవతలి వైపు ఇల్లంతకుంట మండలం గుర్రంవానిపల్లె, సిరిసిల్ల మం డలం చీర్లవంచ వైపు కట్ట నిర్మించారు. ప్రధాన కట్ట నిర్మాణం కొంత మేరకు పూర్తికాగా.. రాతి కట్టడాలు (రివిట్‌మెంట్) పూర్తి కాలేదు. కోట్ల రూపాయలతో జలాశయం చుట్టూ నిర్మిం చిన కట్టలు కనపడకుండా చెట్లు, పిచ్చిమొక్కలు, ముల్లపొదలు ఏర్పడి నిర్వీర్యమై వాటి ఆనవాల్లే కనపడడంలేదు. ఇప్పటికే కురిసిన వర్షాలతో అడుగడుగునా కట్టలకు గండ్లు పడ్డా యి. శ్రీరాంసాగర్ మిగులు జలాలను సద్వినియోగం చేసేం దుకు ఎస్సారెస్పీ నుంచి గతంలో 122 కిలోమీటర్ల పొడవున వరద కాలువ పూర్తి చేశారు. ఈ కాల్వ ద్వారా వచ్చిన వరద నీటిని సైతంనిల్వ చేసేందుకు వీలుగా ఈ రిజర్వాయుర్ డిజైన్ చేశారు. జలాశయంలో ముంపునకు గురయ్యే సిరిసిల్ల మండలంలోని చీర్లవంచ, చింతల్‌ఠాణా, వేములవాడ మండలంలోని అనుపురం, కొడుముంజ, రుద్రవరం, సంకెపల్లి, బోయినపల్లి మండలంలోని వర్దవెల్లి, కొదురుపాక, నీలోజిపల్లె, శాభాష్‌పల్లి గ్రామాల్లో నిర్వాసితులకు పరిహారం అసంపూర్ణంగా అందింది. నిర్వాసితుల సమస్యలతోపాటు ఈ ప్రాజెక్టుపై సర్కారు నిర్లక్ష్యం.. నిధుల కేటాయింపు తీరును ఎండగట్టేందుకు గతంలో ఇదే రిజర్వాయర్ సమీపంలో టీఆర్‌ఎస్ అధినేత కేసీఆర్ వంటావార్పు చేపట్టి ఆందోళన చేశారు. తాజాగా సీఎం హోదాలో కేసీఆర్ ఈ ప్రాజెక్టుపై ప్రత్యేక దృష్టి కేంద్రీకరించటం ప్రాధాన్యాన్ని సంతరించుకుంది.
  
  ప్రాణహిత-చేవెళ్లతో లింక్ ఇలా..
  
  ఆదిలాబాద్ జిల్లాలోని ప్రాణహిత నుంచి 160 టీఎంసీలు, ఎల్లంపల్లి బ్యారేజీ సమీపంలో గోదావరి నుంచి 20 టీఎంసీల నీటిని మెట్టప్రాంతాలకు మళ్లించేందుకు డాక్టర్ అంబేద్కర్ ప్రాణహిత-చేవెళ్ల సుజల స్రవంతి భారీ ప్రాజెక్టు రూపుదిద్దుకుంది. జలయజ్ఞంలో భాగంగా అప్పటి కాంగ్రెస్ ప్రభుత్వం ఈ మెగా ప్రాజెక్టును ప్రారంభించింది. ఆదిలాబాద్, నిజామాబాద్, కరీంనగర్, మెదక్, వరంగల్, నల్గొండ, రంగారెడ్డి జిల్లాల్లోని 16.40 లక్షల ఎకరాలకు సాగునీటిని, జంట నగరాలకు, ప్రాజెక్టు విస్తరించిన పరిధిలోని గ్రామాలకు తాగునీటిని, పారిశ్రామిక అవసరాలకు సైతం నీటిని అందించే బహుళ ప్రయోజనాలుండేలా ఈ ప్రాజెక్టును డిజైన్ చేశారు. ప్రాజెక్టును మొత్తం ఏడు లింక్‌లుగా విభజించారు.
 
 మొదటి లింక్‌లో ఆదిలాబాద్ జిల్లాలోని తుమ్మెడిహట్టి సమీపంలో నిర్మించే ప్రాణహిత బ్యారేజీ నుంచి గోదావరిఖని సమీపంలోని ఎల్లంపల్లి ప్రాజెక్టుకు నీటిని తరలిస్తారు. రెండో లింక్‌లో ఎల్లంపల్లి నుంచి మిడ్ మానేరుకు నీటిని తరలిస్తారు. మూడో లింక్‌లో మిడ్ మానేరు నుంచి గంభీరావుపేట సమీపంలో ఉన్న ఎగువ మానేరుకు, నాలుగో లింక్‌లో మిడ్ మానేరు నుంచి మెదక్ జిల్లాలోని పాములపర్తి రిజర్వాయర్‌కు నీటిని మళ్లించాల్సి ఉంది. తాజాగా రాష్ట్ర ప్రభుత్వం మిడ్ మానేరు వరకు ప్రాణహిత ప్రాజెక్టు పనులను వేగంగా పూర్తి చేయాలని నిర్ణయించటంతో.. జిల్లా పరిధిలో దాదాపు 80 వేల ఎకరాల ఆయకట్టుకు సాగునీరు అందనుంది.                 
  


 పోలవరం ఆర్డినెన్స్‌ను రద్దు చేయాలి
 ముంపు ప్రాంతాలను తెలంగాణలోనే కొనసాగించాలి
 రైతు రుణాలను మాఫీ చేసి,కొత్త రుణాలు ఇవ్వాలి
 విత్తనాల సరఫరాలో జాప్యం వీడి రైతులను ఆదుకోవాలి
 రాష్ట్ర ప్రభుత్వానికి పొంగులేటి శ్రీనివాసరెడ్డి విజ్ఞప్తి
  సీఎం, మంత్రులను కలిసిన  ఖమ్మం ఎంపీ
  
 ఖమ్మం గాంధీచౌక్:    పోలవరంపై కేంద్రం ఇచ్చిన ఆర్డినెన్స్‌ను రద్దుచేసి తెలంగాణలోనే కొనసాగించాలని ఖమ్మం పార్లమెంట్ సభ్యులు పొంగులేటి శ్రీనివాసరెడ్డి ముఖ్యమంత్రి కె. చంద్రశేఖరరావుకు విజ్ఞప్తి చేశారు. పొంగులేటి హైదరాబాద్‌లో ముఖ్యమంత్రి కేసీఆర్, ఆర్థికమంత్రి ఈటెల రాజేందర్, ఐటీ మంత్రి కేటీఆర్, విద్యాశాఖమంత్రి జగదీశ్వర్ రెడ్డిలను కలిశారు. ఈ సందర్భంగా పొంగులేటి రైతు రుణాలను వీలైనంత త్వరగా మాఫీ చేసి కొత్తరుణాలను మంజూరు చేయాలని కోరారు. ఖరీఫ్ సీజన్ ప్రారంభమైనా నేటి వరకు అందాల్సిన విత్తనాలు దొరకక రైతులు ఇబ్బంది పడుతున్నారని అన్నారు. వెంటనే సబ్సిడీపై విత్తనాలు సరఫరా చేయాలని డిమాండ్ చేశారు. జిల్లాలో తాగునీటి ఎద్దడి తీవ్రంగా ఉందని, కొన్ని ప్రాంతాల్లో ప్రజలు కిలోమీటర్ల దూరం వెళ్లి నీటిని తెచ్చుకుంటున్నారని వివరించారు. తాగునీటి సమస్య పరిష్కారానికి సాగర్ జలాలను విడుదల చేసి చెరువులను నింపాలని కోరారు. ఫీజు రీయింబర్స్‌మెంట్‌పై విద్యార్థులు, కళాశాల యాజమాన్యాల్లో నెలకొన్న సందిగ్ధతను తొలగించాలన్నారు. కళాశాల యాజమాన్యాలకు దిశానిర్దేశం చేయాలన్నారు.
 
 పోలవరానికి వ్యతిరేకంగా పోరాడుతాం..
 
 కేంద్ర ప్రభుత్వ అనాలోచిత నిర్ణయంతో వెలువడిన పోలవరం ఆర్డినెన్స్‌ను తక్షణమే రద్దుచేయాలని ఎంపీ పొంగులేటి శ్రీనివాసరెడ్డి ఓ ప్రకటనలో డిమాండ్ చేశారు. ముంపు ప్రాంతాల విలీనానికి వ్యతిరేకంగా అ టు పార్లమెంట్‌లోనూ, ఇటు జిల్లావాసిగా వైఎస్‌ఆర్ కాంగ్రెస్ పార్టీ తరఫున పోరాటాలు ముమ్మరం చేస్తామని ఆయన స్పష్టం చేశారు. పోలవరానికి వ్యతిరేకంగా పోరాడే రాజకీయపక్షాలు, ప్రజా సంఘాలకు తమ మద్దతు ఉంటుందన్నారు. అమాయక గిరిజనులకు అన్యాయం జరిగితే చూస్తూ ఊరుకోబోమని హెచ్చరించారు. రైతు రుణాలను మాఫీ చేసి కొత్త రుణాలు మంజూరు చరేయాలని కోరారు. బియాస్ మృతుల వెతుకులాటలో జాప్యంపై పొంగులేటి మండిపడ్డారు. విద్యార్థులు గల్లంతై వారం దాటినా మృతదేహాలను వెలికి తీయకుండా వారి తల్లిదండ్రులను తీరని వేదనకు గురిచేస్తున్నారని వాపోయారు. మృతి చెందిన ప్రతి కుటుంబానికి రూ.20 లక్షల ఎక్స్‌గ్రేషియా చెల్లించాలని డిమాండ్ చేవారు. జిల్లాకు చెందిన బియాస్ మృతులు కిరణ్, ఉపేందర్‌ల కుటుంబాలకు ఆయన ప్రగాఢ సానుభూతి తెలిపారు. ఎవరెస్ట్‌ను అధిరోహించిన జిల్లావాసి సాధనపల్లి ఆనంద్‌కుమార్, నిజామాబాద్‌కు చెందిన పూర్ణలను అభినందించారు. ఇటువంటి సాహసికులకు ప్రభుత్వం తగిన ప్రోత్సాహం ఇస్తూ ముందుకు తీసుకు వెళ్లాలని కోరారు. జిల్లాకు చెందిన ఆనంద్‌కు తాను అండగా ఉంటానని పొంగులేటి పేర్కొన్నారు. త్వరలోనే ఈ విద్యార్థులను కలవనున్నట్లు ఆయన ప్రకటించారు.
  
  
  


 హైదరాబాద్: తెలంగాణలో టీడీపీ చెల్లని పైసాగా మారిందని టీఆర్‌ఎస్ శాసనసభ్యుడు కొప్పుల ఈశ్వర్, అధికార ప్రతినిధి కె.రాజయ్య యాదవ్ అన్నారు. సోమవారం హైదరాబాద్‌లో వారు వేర్వేరుగా విలేకరులతో మాట్లాడారు. శాసనసభాపక్ష కార్యాలయంలో విలేకరులతో ఈశ్వర్ మాట్లాడుతూ మద్యం విధానం,  శాసనసభ సమావేశాల తీరుపై టీడీపీ తెలంగాణ అధ్యక్షులు ఎల్.రమణ చేసిన ఆరోపణలు దారుణమన్నారు. శాసనసభలో ముఖ్యమంత్రి కేసీఆర్, ఇతర మంత్రులు హూందాగా వ్యవహరించారన్నారు. టీడీపీ సభ్యులకు పోలవరం ఆర్డినెన్సుపై మాట్లాడే అవకాశం ఇవ్వలేదంటూ చవకబారు విమర్శలకు దిగడం మంచిది కాదన్నారు.  
 
 అబద్దాలు మాట్లాడితే కోర్టుకీడుస్తాం: రాజయ్య యాదవ్
 
  టీఆర్‌ఎస్‌ను, కేసీఆర్‌ను అప్రతిష్ట పాల్జేయడానికి అబద్దాలు మాట్లాడితే తెలంగాణ టీడీపీ నేతలను కోర్టుకు ఈడుస్తామని అధికార ప్రతినిధి కె.రాజయ్య యాదవ్ హెచ్చరించారు. తెలంగాణభవన్‌లో విలేకరులతో మాట్లాడుతూ మద్యం విధానం, రైతు రుణమాఫీ, విద్యార్థుల ఫీజు రీయింబర్స్‌మెంటు అమలుకు ప్రభుత్వం కట్టుబడి ఉందన్నారు. అయినా టీడీపీ నేతలు నోటికొచ్చినట్లు మాట్లాడటం దారుణమన్నారు. అందుకే టీడీపీకి ప్రతిపక్ష హోదా ఇవ్వకుండా తెలంగాణ ప్రజలు బుద్డి చెప్పారని గుర్తుచేశారు.
  
  


 మండి :  బియాస్ నదిలో గల్లంతు అయిన విద్యార్థుల తల్లిదండ్రులకు హిమాచల్ ప్రదేశ్ ప్రభుత్వం మిస్సింగ్, డెత్ సర్టిఫికెట్లను అందచేసింది. అకస్మాత్తుగా నదిలో నీరు పెరగటం వల్లే విద్యార్థులు కొట్టుకుపోయారని హిమాచల్ ప్రభుత్వం ధ్రువీకరించింది. మరణ ధ్రువీకరణ పత్రాలతో పాటు ఎఫ్ఐఆర్ కాపీలను అందచేసింది.
  
 మృతదేహాలు లభ్యమైతే హైదరాబాద్కు తరలిస్తామని హిమాచల్ ప్రభుత్వ అధికారులు...విద్యార్థుల తల్లిదండ్రులకు తెలిపారు. గత పదిరోజులుగా జరిగిన గాలింపు చర్యల్లో తమ పిల్లల జాడ తెలియక తల్లిదండ్రులు నిరాశతో వెనుదిరిగారు. మరోవైపు తెలంగాణ హోంమంత్రి నాయిని నర్సింహారెడ్డి హిమాచల్ ప్రదేశ్ నుంచి హైదరాబాద్ చేరుకున్నారు. విద్యార్థుల గల్లంతుపై ఆయన ముఖ్యమంత్రి కేసీఆర్కు నివేదిక సమర్పించనున్నారు.
 
 కాగా ఆధునిక సాంకేతిక పరిజ్ఞానం, ముమ్మర గాలింపులు బియాస్‌నదిలో గల్లంతైన విద్యార్థుల మతదేహాలను వెలికితీయడంలో విఫలమయ్యాయి. భారీ స్థాయిలో గాలింపు చర్యలు జరిగినప్పటికీ ఒక్క మతదేహం కూడా బయటపడలేదు. సైడ్ సోనార్ పరికరాలు, మానవ రహిత విమానాలు ఉపయోగించినా, నీటి విడుదలను పూర్తిగా ఆపివేసి సంఘటనాస్థలంలో గజ ఈతగాళ్లు విస్తతంగా గాలింపు చేపట్టినా ప్రయోజనం లేకపోయింది. 24మంది గల్లంతు కాగా కేవలం ఎనిమిది మృతదేహాలు మాత్రమే లభ్యమయ్యాయి. మిగతావారి జాడ తెలియలేదు. గల్లంతైన వారిలో 16 మంది విద్యార్థుల జాడ తెలియక పోవడంతో వారి తల్లిదండ్రుల వేదన వర్ణనాతీతంగా ఉంది.
  


 బీజేపీ అధ్యక్షుడు కిషన్‌రెడ్డి
  
 హైదరాబాద్: తెలంగాణ రాష్ర్ట ప్రభుత్వం కేవలం మాటలకే పరిమితం కాకుండా ఆచరణలో స్పష్టమైన వైఖరితో ముందుకు సాగాలని బీజేపీ తెలంగాణ అధ్యక్షుడు జి. కిషన్‌రెడ్డి అన్నారు. ఆదివారం బీజేపీ రాష్ట్ర కార్యాలయంలో ఆయన విలేకరులతో మాట్లాడారు. శాసనసభలో ఇచ్చిన హామీలపై స్పష్టత ఇవ్వడంతో పాటు పాలనలో వేగం పెంచాలని సూచించారు. అసెంబ్లీ సమావేశాల్లో 10 తీర్మానాలను తూతూ మంత్రంగా ఆమోదించారే తప్ప.. కనీస చర్చ జరపలేదన్నారు. వ్యవసాయ సీజన్ ప్రారంభమవుతున్న తరుణంలో పాత రుణం చెల్లిస్తే గానీ, బ్యాంకులు కొత్త రుణాలు మంజూరు చేసే పరిస్థితి లేదని, దీనిని దృష్టిలో పెట్టుకొని రుణమాఫీపై ప్రభుత్వం అవసరమైన చర్యలు తీసుకోవాలన్నారు. రైతులకు ఎరువులు, విత్తనాల వంటి వాటి విషయంలో సమస్యలు తలెత్తకుండా చర్యలు తీసుకోవాలని డిమాండ్ చేశారు.
 
 గ్రామీణ ప్రాంతాల్లో విద్యుత్ కోతలు తీవ్రంగా ఉన్నాయని, ఇళ్ల నిర్మాణ పథకం నిలిచిపోయిందని.. టీఆర్‌ఎస్ ప్రభుత్వం డబుల్ బెడ్‌రూంలు కట్టిస్తామని ప్రకటించడంతో లబ్ధిదారులు నిరీక్షిస్తున్నారని చెప్పారు. అలాగే, ఫీజు రీయింబర్స్‌మెంట్ చెల్లింపులపై ప్రభుత్వం ఎలాంటి నిర్ణయం తీసుకోలేదని, దీంతో కళాశాల యాజమాన్యాలు విద్యార్థుల అడ్మిషన్ల విషయంలో ఎటూ నిర్ణయం తీసుకోలేకపోతున్నాయని కిషన్‌రెడ్డి పేర్కొన్నారు.  ఎక్సైజ్ పాలసీలో కూడా బెల్టు షాపులను రద్దు చేస్తూ నిర్ణయం తీసుకోలేదని, గత ప్రభుత్వం వైన్‌షాపుల నుంచి బార్లను వేరు చేయకపోవడంతో టీఆర్‌ఎస్ తీవ్రంగా వ్యతిరేకించిందని గుర్తు చేశారు. ముస్లిం రిజర్వేషన్లు అమలు జరిగే ప్రసక్తే లేదని, దీనిని తాము అడ్డుకుంటామన్నారు. మతపరమైన రిజర్వేషన్లకు బీజేపీ వ్యతిరేకమని స్పష్టం చేశారు. సోమవారం నగరంలో బీజేపీ రాష్ట్ర స్థాయి సమావేశం జరుగుతుందని, రాష్ట్ర సంస్థాగత వ్యవహారాల ఇన్‌చార్జి సతీష్‌జీ పర్యవేక్షణలో ఈ సమావేశం జరుగుతుందన్నారు. రాష్ట్ర పదాధికారులు, జాతీయ నాయకులు, జిల్లాల అధ్యక్షులు ఇటీవల ఎన్నికల్లో పోటీ చేసిన ఎమ్మెల్యే, ఎంపీ అభ్యర్థులు ఈ సమావేశంలో పాల్గొంటారని తెలిపారు. ఈ సమావేశంలో పార్టీ రాష్ట్ర నాయకులు ప్రకాష్‌రెడ్డి, ప్రదీప్ కుమార్, భీంరావు తదితరులు పాల్గొన్నారు.
  
  


 విద్యార్థుల మృతదేహాల కోసం హోంమంత్రి నాయిని ప్రకటన   
 మండి జిల్లా, బియాస్ నదీపరీవాహక గ్రామాల్లో చాటింపు  
 దుర్ఘటనపై సీఎంకు నివేదిక
  
 హైదరాబాద్: హిమాచల్‌ప్రదేశ్‌లోని బియాస్ నదిలో గల్లంతైన విద్యార్థుల జాడ తెలిపిన వారికి రూ.10 వేల బహుమతి ఇస్తామని తెలంగాణ రాష్ట్ర హోంమంత్రి నాయిని నర్సింహారెడ్డి ఆదివారం ప్రకటించారు. ఈ మేరకు బియాస్ నదీ పరీవాహక ప్రాంతంలోని గ్రామాలతోపాటు మండి జిల్లాలో చాటింపు వేయించినట్లు తెలిపారు. ఆ గ్రామాలకు గల్లంతైన  విద్యార్థుల ఫోటోలను  పంపించామన్నారు. అలాగే, బియాస్ నదీ పరీవాహకప్రాంతంలో ప్రభుత్వ సిబ్బందిని నియమించి నీటిలో ఏదైనా మృతదేహం కనిపిస్తే సమాచారం ఇచ్చేలా ఏర్పాట్లు చేయమని మండి జిల్లా కలెక్టరును, రాష్ట్ర ముఖ్యమంత్రిని కోరామన్నారు. లార్జి డ్యాం వద్ద  సహాయక చర్యలను  గత ఎనిమిది రోజులుగా  పర్యవేక్షిస్తున్న  నాయిని నర్సింహారెడ్డి ఆదివారం రాత్రి  ‘సాక్షి’తో మాట్లాడారు. విద్యార్థుల దుర్మరణానికి కారణమైన ఘటనపై ముఖ్యమంత్రి కే చంద్రశేఖర్ రావుకు సమగ్ర నివేదిక ఇవ్వనున్నానని చెప్పారు. దాని ఆధారంగా విజ్ఞాన్‌జ్యోతి  కాలేజీ  యాజమాన్యంపై ఎలాంటి చర్య తీసుకోవాలనేది సీఎం నిర్ణయిస్తారని నాయిని వివరించారు. ముందు జాగ్రత్త చర్యలు తీసుకోకుండా గేట్లు తెరిచిన లార్జి ప్రాజెక్టు అధికారులపైన కూడా చట్టపరమైన చర్యలు ఉంటాయన్నారు. దానికి సంబంధించి ఇక్కడి జిల్లా కలెక్టరు నివేదికను రూపొందిస్తున్నారన్నారు. ఇక్కడ విద్యార్థుల తల్లిదండ్రులు కాకుండా వారి బంధువులు ఉంటారని, అలాగే, కాలేజీ తరఫున మరో ఇద్దరు ఇక్కడే ఉంటారని నాయిని చెప్పారు. అవసరమైతే మృతదేహాలకు డీఎన్‌ఏ పరీక్ష కూడా చేయిస్తామని వెల్లడించారు. తాను, రెవిన్యూ శాఖ ముఖ్య కార్యదర్శి మీనా సోమవారం హైదరాబాద్‌కు తిరిగి వస్తున్నామని, తమస్థానంలో రాష్ట్ర రవాణా శాఖ మంత్రి మహేందర్‌రెడ్డి, రాష్ట్ర క్రీడల శాఖ కార్యదర్శి అగర్వాల్‌లు ఇక్కడికి వచ్చి సహాయక చర్యలను పర్యవేక్షిస్తారని నాయిని వెల్లడించారు. స్పెషల్ బెటాలియన్ అదనపు డీజీ రాజీవ్‌త్రివేది సైతం మృత దేహాలు దొరికేంతవరకు తన టీమ్‌తో ఇక్కడే ఉంటారన్నారు.
 
 ఎనిమిదో రోజూ ఫలితమివ్వని గాలింపు
 
 ఆదివారం ఎనిమిదో రోజు లార్జి, పాండో డ్యాంలలో గాలింపు బృందాలు.. నదీజలాల లోతుల్లో ఉన్న వాటిని కూడా గుర్తించగల అత్యాధునిక సోనార్ పరికరం ద్వారా ఉదయం 7 నుంచి సాయంత్రం 5 గంటల వరకు గాలింపు జరిపినా ఒక్క మృతదేహాన్ని కూడా కనుక్కోలేకపోయాయి. నౌకా దళానికి చెందిన గజ ఈతగాళ్ల బృందం పాండో డ్యాం నుంచి లార్జి డ్యాం వరకు  17 కిలోమీటర్ల మేర జల్లెడ పట్టినా ఫలితం లేకపోయింది. రాష్ట్రం నుంచి వెళ్లిన రాజీవ్ త్రివేది సైతం తన 25 మంది బృందంతో గాలింపు చర్యల్లో పాలుపంచుకున్నారు. పాండో డ్యాంకు ఎగువన మృతదేహాలు ఉండవచ్చని అనుమానించిన నేవీ అధికారులు ఆ ప్రాంతంలో కొన్ని గుర్తులు ఏర్పాటు చేసుకున్నారు. సోమవారం ఉదయం ఆ ప్రాంతాల్లో లోతుగా గాలించాలని నిర్ణయించారు. పెను ప్రమాదం జరిగి ఎనిమిది రోజులవుతున్నా గల్లంతైన వారిలో 16 మంది విద్యార్థుల జాడ తెలియక పోవడంతో వారి తల్లిదండ్రుల వేదన వర్ణణాతీతంగా ఉంది. కనీసం మా బిడ్డల మృతదేహాలైనా తెచ్చి ఇవ్వండంటూ మంత్రి నాయిని ముందు కన్నీరుమున్నీరవుతున్నారు. బురద లేదా బండరాళ్ల మధ్య ఒకవేళ  మృతదేహాలు చిక్కుకుని ఉంటే పై నుంచి నీటిని వేగంగా వదలడం వల్ల అవి పైకి తేలే అవకాశాలు ఉన్నాయని జిల్లా కలెక్టర్ సూచించారని, అయితే అందుకు విద్యార్థుల తల్లిదండ్రులు అంగీకరించలేదని నాయిని తెలిపారు.
 
 అది ఇసుక తవ్వకం కోసం వేసిన రోడ్డు
 
 సిమ్లా: బియాస్ నదిలో తెలుగు విద్యార్థుల దుర్మరణం.. హిమాచల్ ప్రదేశ్‌లో అక్రమ ఇసుక తవ్వకాల వ్యవహారాన్ని తెరపైకి తెచ్చింది. డ్యాం కిందనున్న నదిలోకి విద్యార్థులు ఇసుక తవ్వకం కోసం వేసిన ఒక అక్రమ రోడ్డు ద్వారానే వెళ్లారు. ఆ దుర్ఘటనను చిత్రీకరించిన వీడియోలోనూ నదీతీరం నుంచి ఇసుకను తీసుకువెళ్తున్న ఒక ట్రాక్టర్ కనిపించింది. ఈ నేపథ్యంలో.. విద్యార్థులు గల్లంతైన ప్రాంతాన్ని రాష్ట్ర పరిశ్రమల శాఖ మంత్రి ముఖేశ్ అగ్నిహోత్రి ఆదివారం సందర్శించారు. అక్రమ ఇసుక తవ్వకాలపై కఠిన చర్యలు తీసుకోవాలని, నదీతీరానికి దారితీసే అన్ని అనధికార దారులను మూసేయాలని అధికారులను ఆదేశించారు.
  
 విద్యార్థుల ఫీజులు వాపసు: నాయిని
 
 విహారయాత్రలో మృతిచెందిన విద్యార్థులు చెల్లించిన ఫీజులను తిరిగి చెల్లించేందుకు విజ్ఞానజ్యోతి కాలేజీ యాజమాన్యం అంగీకరించిందని నాయిని నర్సింహారెడ్డి వెల్లడించారు. బ్యాంకు రుణం ద్వారా ఫీజులు చెల్లించి ఉంటే, దానిని కూడా మాఫీ చేయిస్తారని చెప్పారు. అలాగే, మృతుల కుటుంబానికి చెందిన వారికి తమ కాలేజీలో ఇంజనీరింగ్ సీటును ఉచితంగా ఇచ్చేందుకు కూడా కాలేజీ యాజమాన్యం ఒప్పుకుందని తెలి పారు. మృతుల కుటుంబసభ్యుల్లో ఒకరికి ఉద్యోగమిచ్చే విషయంలో.. తమ నిబంధనల ప్రకారం ఇంటర్వ్యూలను జరిపి ఎంపిక చేస్తామని, అవసరమైతే నిబంధనలను పక్కనబెట్టే విషయాన్ని కూడా ఆలోచిస్తామని వారు హామీ ఇచ్చారని నాయిని తెలిపారు. మృతి చెందిన విద్యార్థుల కుటుంబసభ్యుల్లో ఒకరికి ప్రభుత్వ ఉద్యోగం ఇచ్చే విషయంపై ముఖ్యమంత్రి నిర్ణయం తీసుకుంటారన్నారు.
  
  


  హైదరాబాద్: దేశంలోనే హైదరాబాద్‌ను పారిశ్రామికంగా మొదటిస్థానంలో నిలిపేందుకు తెలంగాణ రాష్ట్రప్రభుత్వం కృతనిశ్చయంతో ఉందని ఐటీ,పంచాయతీరాజ్ శాఖల మంత్రి కల్వకుంట్ల తారకరామారావు( కేటీఆర్) తెలిపారు. బంజారాహిల్స్‌లోని తాజ్‌కృష్ణలో రౌండ్ టేబుల్ ఇండియా ఏరియా-9 ఆధ్వర్యంలో తెలంగాణ రాష్ట్రంలో ప్రస్తుత పరిస్థితులు, పెట్టుబడులు, వ్యాపారాలు అనువైన పరిస్థితులపై విశ్లేషించేందుకు, సందేహాలు నివృత్తి చేసేందుకు ఏర్పాటు చేసిన సమావేశంలో ఆయన ముఖ్య అతిథిగా  పాల్గొన్నారు. ఈ సందర్భంగా మాట్లాడుతూ.. దేశంలోని వివిధ రాష్ట్రాల నుంచి వచ్చి ఇక్కడ స్థిరపడిన వారందరికీ తెలంగాణ ప్రభుత్వం అండగా ఉంటుందని స్పష్టం చేశారు. ఇప్పటికే నగరంలో ఐటీ, ఫార్మా, బల్క్‌డ్రగ్, బయోటెక్నాలజీ, సీడ్, పౌల్ట్రీ పరిశ్రమలు విస్తరించాయన్నారు. ఆయారంగాల్లో మరిన్ని పెట్టుబడులను తాము ఆహ్వానిస్తున్నట్టు కేటీఆర్ తెలిపారు.
 
 ఐఎస్‌బీ, ఐఐఐటీలతో కలసి దేశంలోనే అతిపెద్ద ఇంక్యుబేటర్‌కు రూపకల్పన చేస్తామన్నారు. హైదరాబాద్‌ను వైఫై నెట్‌వర్క్‌తో అనుసంధానం చేసే ఆలోచనలో ఉన్నామని, తద్వారా నగరఖ్యాతిని పెంపొందించడమే కాకుండా ఆకర్షణీయమైన ప్రాంతంగా తీర్చిదిద్దుతామని చెప్పారు. లక్షకుపైగా ఇంజనీరింగ్  తదితర గ్రాడ్యుయేట్‌లు ప్రతి ఏటా ఉత్తీర్ణులై బయటకు వస్తున్నారని వీరికి ఉద్యోగ అవకాశాలు కల్పించేందుకు ప్రయత్నిస్తున్నామన్నారు. ఇందుకోసం హైదరాబాద్‌లోని సాఫ్ట్‌వేర్ కంపెనీలు, ఇంజనీరింగ్ కాలేజీలకు ప్రభుత్వం సంధానకర్తగా వ్యవహరిస్తుందని చెప్పారు. ఈ కార్యక్రమంలో రౌంట్ టేబుల్ ఇండియా 9 ప్రతినిధులు రియాజ్ ఖాన్ తదితరులు పాల్గొన్నారు.
  
  


 టీఆర్‌ఎస్ ఎమ్మెల్యేలు రేఖ, సురేఖ, లక్ష్మి, శోభ
 
 హైదరాబాద్: ప్రభుత్వానికి నిర్మాణాత్మక సహకారం అందించాలని, బంగారు తెలంగాణగా తీర్చిదిద్దే కృషిలో కలసి రావాలని టీఆర్‌ఎస్ మహిళా శాసనసభ్యులు అజ్మీరా రేఖ, కొండా సురేఖ, బొడిగె శోభ, కోవ లక్ష్మి విపక్షాలను కోరారు. శుక్రవారం అసెంబ్లీ మీడియా పాయింట్ వద్ద వారు మీడియాతో మాట్లాడారు. సభలో కేసీఆర్ చేసిన ప్రసంగం ప్రజల్లో ఉన్న అనుమానాలు తొలగించిందని పేర్కొన్నారు. రుణాల రీషెడ్యూలు, ఫీజు రీయింబర్స్‌మెంట్‌లపై రెండు రోజుల్లో నిర్ణయం తీసుకుంటానని సీఎం చెప్పారని, ఈ అంశాలపై  విపక్షాలు గందరగోళం సృష్టించవద్దని సూచించారు.
 
 సాహసోపేత నిర్ణయం:  జూపల్లి, రవీందర్‌రెడ్డి
 
  20 వేల కోట్ల రూపాయల వ్యవసాయ రుణాలను మాఫీ చేయాలని నిర్ణయించడం సాహసోపేతమని టీఆర్‌ఎస్ ఎమ్మెల్యేలు జూపల్లి కృష్ణారావు, ఏనుగు రవీందర్‌రెడ్డి అన్నారు. బంగారు ఆభరణాలమీద తీసుకున్న  రుణాలకు కూడా మాఫీ వర్తిస్తుందని ప్రకటించడంతో విపక్షాలకు  ఏం మాట్లాడాలో తెలియని పరిస్థితి ఎదురయ్యిందన్నారు. రుణమాఫీపై కొన్నిపార్టీలు రైతులను తప్పుదోవ పట్టించాయన్నారు. ప్రజలను పక్కదారి పట్టించే ప్రయత్నాలను మానుకోవాలని వారు కోరారు.
 
 రిజర్వేషన్ల హామీపై అనుమానాలు: జీవన్‌రెడ్డి
 
  శాసనసభలో ముఖ్యమంత్రి మాటలను వింటే ముస్లిం రిజర్వేషన్ల హామీని నిలబెట్టుకుంటారా అన్న సందేహం కలుగుతున్నదని కాంగ్రెస్ పార్టీ ఎమ్మెల్యే టి. జీవన్‌రెడ్డి అన్నారు. ఎన్నికల ప్రచారంలో స్పష్టమైన హామీ ఇచ్చిన కేసీఆర్ ఇప్పుడు ముస్లింల కు రిజర్వేషన్లు కల్పించేందుకు ప్రయత్నం చేస్తామనడం బాధ్యతారాహిత్యమేనన్నా రు. తెలంగాణ కోసం పోరాడిన విద్యార్థులను స్వాతంత్య్ర సమరయోధులుగా ప్రకటించడం సాధ్యం కాదని చెప్పడం ఉద్యమకారులను అవమానించడమేనన్నారు.
 
  ఏపీ సచివాలయం ఎల్ బ్లాక్‌లో అగ్నిప్రమాదం
 
  హైదరాబాద్: ఆంధ్రప్రదేశ్ ప్రభుత్వ పరిపాలనా కేంద్రమైన సచివాలయంలోని ఎల్ బ్లాక్ మూడో అంతస్తులో శుక్రవారం సాయంత్రం స్వల్ప అగ్నిప్రమాదం సంభవించింది. స్విచ్‌బోర్డు వద్ద షార్ట్ సర్క్యూట్ అవడంతో మంటలు రేగాయి. అయితే అప్రమత్తమైన సిబ్బంది వెంటనే మంటలను ఆర్పివేశారు. ఈ సంఘటనలో ఎలాంటి ఆస్తినష్టం వాటిల్లలేదు. ఇదే ఎల్ బ్లాక్‌లోని 8వ అంతస్తులో ఆంధ్రప్రదేశ్ సీఎం కార్యాలయాన్ని ఏర్పాటు చేస్తుండడం తెలిసిందే.
  


 అసెంబ్లీ పదవులతో తగ్గిన ఒత్తిడి  అయినా ఆశావహులు చాలామందే
  
 హైదరాబాద్: తెలంగాణ రాష్ట్ర మంత్రివర్గ విస్తరణ ఈ నెల 22న ఉండే అవకాశముంది. జూన్ 2న ముఖ్యమంత్రిగా కె.చంద్రశేఖర్‌రావు, మరో 11 మంది మంత్రులు గా ప్రమాణం చేసినపుడు మరోవారంలో మంత్రివర్గ విస్తరణ ఉంటుందని సీఎం సన్నిహిత వర్గాలు వెల్లడించాయి.   22 వ  తేదీకంటే ముందే మంత్రివర్గాన్ని విస్తరించాలని సీఎం నిర్ణయిస్తే, అసెంబ్లీ సమావేశాలు ముగిసిన తరువాత ఈ నెల 18 న విస్తరణ జరిగే అవకాశాలు కూడా ఉన్నాయని కేసీఆర్ సన్నిహితుడొకరు వెల్లడించారు. మంత్రిపదవుల కోసం ఆశావహుల జాబితా పెద్దగా ఉండడంతో ఒత్తిడిని తగ్గించుకోవడానికి శాసనసభ పదవులను కేసీఆర్ వినియోగించుకున్నారు. తెలంగాణ రాష్ట్రమంత్రివర్గంలో తప్పకుండా స్థానం దక్కుతుందని ఆశించిన పలువురు పార్టీ సీనియర్లకు శాసనసభలోనూ, మండలిలోనూ వివిధ హోదాల్లో అవకాశాలను కల్పిస్తున్నారు. పార్టీ ఆవిర్భావం నుండి పనిచేసిన ఎస్.మధుసూదనాచారిని అసెంబ్లీ స్పీకర్‌గా చేశారు. రెండోసారి ఎమ్మెల్యేగా గెలిచిన పద్మా దేవేందర్ రెడ్డిని డిప్యూటీ స్పీకర్‌గా చేశారు. రెండోసారి గెలిచిన నల్లాల ఓదెలును చీఫ్‌విప్‌గా, విప్‌లుగా మరికొం దరు సీనియర్లను చేస్తున్నారు. మంత్రివర్గంలో స్థానం కల్పించడంతో పాటు ఉద్యోగుల వ్యవహారాలను అప్పగిస్తామని ఎమ్మెల్సీ స్వామిగౌడ్‌కు కేసీఆర్ గతంలో బహిరంగసభల్లోనే వాగ్దానం చేశారు. ఇప్పుడాయనకు శాసనమండలి డిప్యూటీ చైర్మన్‌గా అవకాశం కల్పించాలనుకుంటున్నారు. శాసనసభ, శాసనమండలి పదవులతో మంత్రివర్గంపై ఆశావహుల ఒత్తిడిని కేసీఆర్ కొంతవరకు తగ్గించుకోగలిగారు.  12 మందితో ఏర్పాటైన తెలంగాణ మంత్రివర్గంలో మహబూబ్‌నగర్, ఖమ్మం జిల్లాలకు అవకాశం దక్కలేదు. మెదక్ (కేసీఆర్, హరీశ్‌రావు), కరీంనగర్ (ఈటెల రాజేందర్, కేటీఆర్) జిల్లాలకు రెండేసి మంత్రిపదవులు దక్కాయి. హైదరాబాద్‌లో నాయిని, టి.పద్మారావు, మహమూద్ అలీలకు ఇవ్వడం ద్వారా ముగ్గురికి అవకాశం కల్పించారు.
 
 మిగిలిన రంగారెడ్డి, నల్లగొండ, వరంగల్, నిజామాబాద్, ఆదిలాబాద్ జిల్లాల నుండి మంత్రివర్గంలో ఒక్కొక్కరికి అవకాశం దక్కింది. అయితే వరంగల్‌కు స్పీకర్, మెదక్‌కు డిప్యూటీ స్పీకర్ పదవులు అదనంగా దక్కాయి. కాగా, మలిదశ విస్తరణలో ముందుగా మహబూబ్‌నగర్‌కు తప్పనిసరిగా అవకాశం ఇవ్వాల్సి ఉంది. ఖమ్మం జిల్లాలో జలగం వెంకట్రావు ఒక్కరు మాత్రమే ఎమ్మెల్యేగా ఉండడంతో దీనిపై సీఎం కేసీఆర్ ఎలాంటి నిర్ణయం తీసుకుంటారనేది అర్థం కావడం లేదు. కేసీఆర్‌కు చెందిన సామాజికవర్గం నుండి ఇప్పటికే మంత్రివర్గంలో ముగ్గురు (కేసీఆర్, కేటీఆర్, హరీశ్‌రావు) ఉన్నారు. మహబూబ్‌నగర్ నుండి జూపల్లి కృష్ణారావుకు తప్పనిసరిగా అవకాశం కల్పించే అవకాశం ఉంది. దీనితో ఆ సామాజికవర్గానికి మంత్రివర్గంలో సంఖ్య 4కు చేరుతుంది. అదే సామాజికవర్గానికి చెందిన జలగం వెంకట్రావుకు అవకాశం వస్తుందా అనేది అనుమానమే. వరంగల్ జిల్లా నుండి చందూలాల్, కొండా సురేఖ వంటి సీనియర్లు మంత్రివర్గంలో స్థానాన్ని ఆశిస్తున్నారు. మహబూబ్‌నగర్ నుండి సి.లక్ష్మా రెడ్డికి కూడా అవకాశం కల్పించనున్నారు. వి.శ్రీనివాస్‌గౌడ్ కూడా అమాత్యపదవిని ఆశిస్తున్నారు. కరీంనగర్ నుండి కొప్పుల ఈశ్వర్‌కు అవకాశం ఇవ్వాల్సి ఉంది. నిజామాబాద్ నుండి గంపా గోవర్ధన్, ఏనుగు రవీందర్ రెడ్డిలు ఆశిస్తుండగా వీరిలో ఒకరికి అవకాశం రానుంది. ఆదిలాబాద్‌లోని ఇద్దరు మహిళా ఎమ్మెల్యేల్లో ఒకరికి మంత్రివర్గంలో చోటు కల్పించాలనే యోచనలో కేసీఆర్ ఉన్నట్టు తెలుస్తోంది.
  
  
  


 నల్లగొండ ఎంపీ గుత్తా సుఖేందర్‌రెడ్డి వ్యాఖ్య
 
 హైదరాబాద్: తెలంగాణ కోసం వందలాది మంది యువకులు ప్రాణత్యాగాలు చేసి అమరవీరులైతే.. అదే అంశంపై పోరాడిన తెలంగాణ కాంగ్రెస్ మాజీ ఎంపీలు రాజకీయంగా అమరులయ్యారని నల్లగొండ ఎంపీ గుత్తా సుఖేందర్‌రెడ్డి ఆవేదన వ్యక్తం చేశారు. సీఎం కె.చంద్రశేఖరరావును అభినందించేందుకు గురువారం అసెంబ్లీ లాబీకి వచ్చిన సందర్భంగా గుత్తా... విలేకర్లతో ముచ్చటించారు.
 
 కాంగ్రెస్‌పై కక్షతో ప్రజలు దేశవ్యాప్తంగా పార్టీని ఓడిస్తే తెలంగాణ రాష్ట్రమిచ్చినా కనికరం లేకుండా ఈ ప్రాంత కాంగ్రెస్ నేతలను సైతం ఓడించారని వ్యాఖ్యానించారు. తెలంగాణ కోసం అమరులైన వారు కొత్త రాష్ట్రాన్ని చూడలేకపోయినా ఆ అదృష్టం తమ పార్టీ నేతలకు కలిగిందన్నారు. అంతకుముందు గుత్తా సీఎంను కలిసి జిల్లా సమస్యలపై వినతి పత్రం అందజేశారు.
  
  


 రైల్వే మంత్రికి ఎంపీ దత్తాత్రేయ విజ్ఞప్తి
 
 న్యూఢిల్లీ: తెలంగాణ రాష్ట్రంలో రైల్వే అభివృద్ధి పనుల కోసం 2014-15 బడ్జెట్‌లో రూ.1000 కోట్లు కేటాయించాలని బీజేపీ ఎంపీ బండారు దత్తాత్రేయ కేంద్ర రైల్వే మంత్రి సదానంద గౌడకు విజ్ఞప్తి చేశారు. అత్యాధునిక సౌకర్యాలు, మౌలిక సదుపాయాలతో సికింద్రాబాద్ రైల్వేస్టేషన్‌ను అంతర్జాతీయ స్థాయిలో తీర్చిదిద్దాలని విన్నవించారు. తెలంగాణలో చేపట్టాల్సిన రైల్వే ప్రాజెక్టుల వివరాలతో కూడిన వినతిపత్రాన్ని గురువారం ఆయన రైల్వేమంత్రికి అందచేశారు. హైదరాబాద్- ఢిల్లీ, హైదరాబాద్- బికనీర్ మధ్య బుల్లెట్ రైళ్లను నడిపించాలని, సికింద్రాబాద్-బికనీర్, సికింద్రాబాద్ రాజ్‌కోట్‌ల మధ్య నడుస్తున్న సూపర్‌ఫాస్ట్ రైళ్లను ఇక మీదట రోజూ నడిపించేలా చర్యలు తీసుకోవాలని కోరారు. సికింద్రాబాద్-కాజీపేట మధ్య మూడో లైను ఏర్పాటు చేయాలని, సికింద్రాబాద్-నాగపూర్ మార్గంలోని నిజామాబాద్, ఆదిలాబాద్ లైను విద్యుదీకరణ చేయాలని, కరీంనగర్-హసన్‌పర్తి లైనుకు నిధులు కేటాయించాలని ఆయన కోరారు. మణుగూరు-రామగుండం, భద్రాచలం-కొవ్వూరు, మెదక్-అక్కన్నపేట మధ్య కొత్త లైన్లను ఏర్పాటు చేయాలన్నారు.
 
 హైదరాబాద్-మధురై (వయా తిరుపతి), సికింద్రాబాద్‌లో రాత్రి 9 గంటలకు బయలు దేరి మరుసటిరోజు ఉదయం 6.30 గంటలకు బెంగుళూరు చేరేలా షెడ్యూల్‌తో కొత్త రైలును ఏర్పాటు చేయాలని, సికింద్రాబాద్-మహబూబ్‌నగర్, హైదరాబాద్-భద్రాచలం రోడ్, సికింద్రాబాద్-నల్లగొండ, కాజీపేట-కాగజ్‌నగర్‌ల మధ్య ఇంటర్ సిటీ, సికింద్రాబాద్-గోవా, హైదరాబాద్-ముంబై మధ్య సూపర్‌ఫాస్ట్ రైళ్లను ఏర్పాటు చేయాలని రైల్వే మంత్రికి ఆయన విజ్ఞప్తి చేశారు.
  


 అన్ని శాఖలకు ఆర్థిక శాఖ ఆదేశం  ఈనెల 30 లోగా బడ్జెట్ అంచనాలను పంపించాలని ఉత్తర్వులు
  
 హైదరాబాద్: ప్రణాళికేతర పథకాల కొనసాగింపు అవసరమా..? అవసరం లేని పథకాలకు నిధులు కేటాయించకపోతే ఏర్పడే పరిణామాలు ఏమిటన్న వివరాలను లోతుగా పరిశీలించాలని ఆర్థిక శాఖ అన్ని శాఖలను ఆదేశించింది. ఎలాంటి ప్రయోజనం లేని పథకాలను కొనసాగించడం కంటే వాటిని మూసేయడం, దశలవారీగా తగ్గించే అంశాలను కూడా పరిశీలించాలని స్పష్టం చేసింది. అలాంటి పథకాలకు నిధుల కోరే సమయంలో పూర్తి హేతుబద్ధత ఉండాలని సూచించాలని కోరింది. అనేక శాఖలు ఎలాంటి కసరత్తు లేకుండా బడ్జెట్ అంచనాలను పంపిస్తున్నాయని, అలా కాకుండా పూర్తిస్థాయి అధ్యయనం తరువాతే పంపించాలని స్పష్టం చేసింది. తెలంగాణ రాష్ట్రానికి సంబంధించి బడ్జెట్ అంచనాలను ఈనెల 30వ తేదీలోగా పంపించాలని అన్ని శాఖలకు ఆర్థిక శాఖ ముఖ్యకార్యదర్శి వి.నాగిరెడ్డి ఆదేశాలు జారీ చేశారు.
 
 ఆయా విభాగాల అధిపతులు తమ బడ్జెట్ అంచనాలను 25వ తేదీలోగా సంబంధిత శాఖల అధిపతులకు సమర్పిస్తే శాఖాధిపతుల స్థాయిలోనే వాటిని పరిశీలించాలని సూచించారు. కార్యాలయ వ్యయం కింద చూపే పద్దులో మంచినీరు, విద్యుత్ బిల్లుల అంశాన్ని స్పష్టంగా పేర్కొనాలని, ఏ అవసరం కోసం పరికరాలు కొనుగోలు చేస్తామన్న అంశాన్ని వివరించాల్సి ఉంటుందని ఆర్థికశాఖ పేర్కొంది. విద్యుత్, నీటి బకాయిలున్న పక్షంలో ఎంత మొత్తం బకాయిలున్నాయో వివరించడంతోపాటు, చెల్లించకపోవడానికి గల కారణాలను విశదీకరించాలని కోరారు. మరిన్ని ఆదేశాలు ఈ విధంగా ఉన్నాయిప్రణాళిక వ్యయాన్ని ప్రణాళికేతర వ్యయాన్ని కలపడానికి వీల్లేదు.
 
 తెలంగాణ రాష్ట్రానికి అనుగుణమైన ప్రణాళిక పథకాలనే అంచనాల్లో రూపొందించాలి.కొత్త పథకాలైతే ఎప్పుడు ప్రారంభించారు. ఎంత వ్యయం అయింది. ఈ సంవత్సరంలో ఎంత కావాల్సి ఉంది అన్న వివరాలను పొందుపర్చాలి. ఈ పథకాన్ని ఆమోదించిన తేదీని కూడా పేర్కొనాలి.ఆన్‌లైన్‌లో సంబంధిత శాఖలకు విభాగాల అధిపతులు అంచనాలను 25లోగా ఇవ్వాలి. ఆయా శాఖలు జూన్ 30లోగా ఆర్థిక శాఖకు పంపించాలి.జూన్ 30వ తేదీ తరువాత వచ్చే అంచనాలను బడ్జెట్‌లో పొందుపర్చడం సాధ్యం కాదు.ఆమోదించిన పథకంలో తొలగింపులు, మార్పులు చేయరాదు. ప్రస్తుతమున్న బడ్జెట్‌పై మరీ ఎక్కువ అంచనాలు వేసి పంపించవద్దు. ఒకవేళ బడ్జెట్ పెంచాల్సివస్తే.. అందుకు సంబంధించి ప్రభుత్వ ఉత్తర్వులను జత చేయాలి.కాంట్రాక్టు/ఔట్‌సోర్సింగ్ ఉద్యోగుల నియామకానికి సంబంధించి ప్రభుత్వ ఉత్తర్వులు, రేట్ కాంట్రాక్టు, పీరియడ్ ఆఫ్ కాంట్రాక్టు, ఎంతమంది ఉన్నారన్న వివరాలు ఇవ్వాలి.సబార్డినేట్ ఉద్యోగుల యూనిఫాం కోసం కేటాయించిన నిధులను ఇతరత్రా మళ్లించరాదు.
  


 సీఎంగా పనికొచ్చే వ్యక్తి ఫ్లోర్‌లీడర్‌గా అనర్హుడా: బీసీ సంఘాల ప్రశ్న
  
 తలసాని, ఆర్.కృష్ణయ్యలకుటీ టీడీఎల్‌పీలో ఏ పదవులు ఇవ్వని బాబు
 ఉప నాయకులుగా రేవంత్, సండ్ర,విప్‌గా ప్రకాశ్ గౌడ్, కోశాధికారిగా మాగంటి
 బాబు నిర్ణయంపై తలసాని తీవ్ర అసంతృప్తి
 అసెంబ్లీ హాల్లో వెనకాల కూర్చొన్న తలసాని, ఆర్.కృష్ణయ్య
  
 హైదరాబాద్: తెలంగాణలో తెలుగుదేశం అధికారంలోకి వస్తే బీసీ నేత ఆర్.కృష్ణయ్యను సీఎం చేస్తా... ఎన్నికల ముందు తెలుగుదేశం అధినేత చంద్రబాబు తెలంగాణలోని బహిరంగసభల్లో చేసిన వాగ్దానమిది. సీమాంధ్ర ఎన్నికల ప్రచారంలోనూ ఇదే విషయాన్ని చెపుతూ అక్కడ బీసీ ఓట్లకు గాలం వేశారు. తీరా... తెలంగాణలో టీడీపీ 15 సీట్లు గెలుచుకొని మూడో అతిపెద్ద పార్టీగా నిలిచిన నేపథ్యంలో చంద్రబాబు తన వాగ్దానాన్ని పక్కనపెట్టారు. బీసీలకు సీఎం ఇస్తానన్న బాబు టీడీఎల్‌పీ ఫ్లోర్ లీడర్‌ను కూడా ఇవ్వలేదు. తెలంగాణ టీడీఎల్‌పీ నాయకుడి విషయంలో రోజుకోరకంగా వ్యవహరిస్తున్న చంద్రబాబు తీరా సోమవారం రాత్రి పాలకుర్తి ఎమ్మెల్యే ఎర్రబెల్లి దయాకర్‌రావును ఫ్లోర్‌లీడర్‌గా నియమించారు. ఈ మేరకు అధికారిక ప్రకటన వెలువడింది. అయితే ఈ పదవి కోసం పోటీ పడ్డ బీసీ నేతలైన కృష్ణయ్య, తలసాని శ్రీనివాస్ యాదవ్‌లకు టీడీఎల్‌పీలో ఏ పదవులు ఇవ్వకుండా దూరం చేశారు. డిప్యూటీ ఫ్లోర్‌లీడర్లుగా ఎ.రేవంత్ రెడ్డి, సండ్ర వెంకట వీరయ్య, విప్‌గా ప్రకాశ్ గౌడ్, కోశాధికారిగా మాగంటి గోపీనాథ్, టీడీఎల్‌పీ కార్యదర్శులుగా జి. సాయన్న, మంచిరెడ్డి కిషన్‌రెడ్డి, తీగల కృష్ణారెడ్డిలను నియమించారు.
 
 నేతల తీవ్ర అసంతృప్తి
 
 పార్టీ అధికారంలోకి వస్తే తెలంగాణ సీఎంగా బీసీ నేత ఆర్.కృష్ణయ్యను ప్రకటించిన బాబు ... తీరా ఇప్పుడు పార్టీ ఫ్లోర్ లీడర్‌గా కూడా పనికిరాడన్న విధంగా వ్యవహరించడం ఏమిటని బీసీ సంఘాల నేతలు ఆగ్రహం వ్యక్తం చేస్తున్నారు. నాలుగు దశాబ్దాల బీసీ ఉద్యమంలో ఎన్నో విజయాలు సాధించిన చరిత్ర ఆర్.కృష్ణయ్యకు ఉందని ఎన్నికల్లో ప్రతిచోటా చెప్పిన బాబు... ప్రతిపక్షంలో ఫ్లోర్‌లీడర్‌గా కూడా వ్యవహరించ లేరని నిర్ధారణకు వచ్చారా? అని ప్రశ్నిస్తున్నారు. టీడీఎల్‌పీలో కృష్ణయ్యకు ఏ పదవి ఇవ్వకపోవడం బీసీలను అవమానపరచడమేనని మండిపడుతున్నారు.
 
 ఏ పదవీ వద్దన్న తలసానికి ఉత్తి చేతులే!
 
 చంద్రబాబు ఎన్నికల ముందు ఇచ్చిన మాటకు కట్టుబడి బీసీకే టీడీఎల్‌పీ నాయకత్వ బాధ్యతలు అప్పగిస్తే ఆర్.కృష్ణయ్య కాకపోతే తలసాని శ్రీనివాస్ యాదవ్‌కే ఆ పదవి దక్కుతుందని భావించారు. కానీ శనివారం రాత్రి 10 గంటల సమయంలో ఎర్రబెల్లిని ఖరారు చేస్తున్నట్లు తలసానికి చెప్పారు. దీంతో ఆయన తీవ్ర అసంతృప్తి వ్యక్తం చేస్తూ తనకు ఏ పదవులు వద్దని, ఎమ్మెల్యేగానే కొనసాగుతానని చెప్పి వెళ్లిపోయారు. ఆయన ఆవేశంలో అన్న మాటలనే ని జం చేస్తూ ఉప నాయకుడి హోదా కూడా ఇవ్వకుండా చంద్రబాబు పక్కన పెట్టారు. కాగా సోమవారం అసెంబ్లీ హాలులో ఆర్.కృష్ణయ్య ఒంటరిగా వెనుక సీట్లలో కూర్చొని తన అసంతృప్తి వ్యక్తం చేయగా, తలసాని కొడంగల్ ఎమ్మెల్యే రేవంత్‌రెడ్డితో కలిసి మూడో బెంచీపై కూర్చోవడం గమనార్హం.
  
  


 అన్ని పార్టీల మద్దతుతో ఏకగ్రీవమైన ఎన్నిక
 నేడు అధికారిక ప్రకటన...అనంతరం బాధ్యతల స్వీకరణ
  
 హైదరాబాద్: తెలంగాణ రాష్ట్ర తొలి శాసనసభాపతిగా వరంగల్ జిల్లా భుపాలపల్లి ఎమ్మెల్యే సిరికొండ మధుసూదనాచారి ఎన్నికయ్యారు. స్పీకర్ అభ్యర్థిగా సోమవారం ఆయన ఒక్కరే నామినేషన్ దాఖలు చేశారు. ముఖ్యమంత్రి కేసీఆర్ సహా విపక్షాల ఫ్లోర్‌లీడర్లు ఆయనకు మద్దతుగా నామినేషన్ పత్రాలపై సంతకాలు చేశారు. దీంతో ఆయన ఏకగ్రీవంగా ఎన్నికైనట్లే. మంగళవారం ఉదయం 11 గంటలకు సభ ప్రారంభమైన వెంటనే మధుసూదనాచారి స్పీకర్‌గా ఎన్నికైనట్లు ప్రొటెం స్పీకర్ జానారెడ్డి ప్రకటిస్తారు. ఆ తరువాత సీఎం సహా వివిధ పార్టీల ఫ్లోర్‌లీడర్లంతా మధుసూదనాచారిని స్పీకర్ స్థానం వరకూ గౌరవంగా తీసుకెళతారు. అనంతరం స్పీకర్‌కు అభినందనలు తెలిపే కార్యక్రమంతో సభ మరుసటిరోజుకు వాయిదా పడుతుంది.
 
  ఫలించిన టీఆర్‌ఎస్ మంతనాలు: శాసనసభ స్పీకర్, డిప్యూటీ స్పీకర్ ఎన్నిక ఏకగ్రీవమయ్యేందుకు టీఆర్‌ఎస్ నేతలు గత రెండ్రోజులుగా చేసిన ప్రయత్నాలు ఫలించాయి. శాసనసభ వ్యవహారాల మంత్రి హరీశ్‌రావు శని, ఆదివారాల్లో కాంగ్రెస్, టీడీపీ, మజ్లిస్, బీజేపీ, వైఎస్సార్ కాంగ్రెస్, సీపీఐ, సీపీఎం, బీఎస్పీ ఫ్లోర్‌లీడర్లను కలసి స్పీకర్ ఎన్నికపై మాట్లాడారు. మధుసూదనాచారిని స్పీకర్ అభ్యర్ధిగా బరిలో దింపుతున్నందున మద్దతివ్వాలని కోరారు. అదే సమయంలో ముఖ్యమంత్రి కేసీఆర్ సైతం ఆయా పార్టీల నేతలకు ఫోన్లు చేసి ఎన్నిక ఏకగ్రీవమయ్యేందుకు సహకరించాలని విజ్ఞప్తి చేయడంతో అన్ని పార్టీలు సానుకూలంగా స్పందించాయి.
  


 ఆంధ్రప్రదేశ్‌లో ఎక్కువుగా ఉన్న 13 మంది తెలంగాణకు
  
 రోస్టర్ విధానంలో కేటాయింపు
  
  హైదరాబాద్: ఐఏఎస్‌ల తుది పంపిణీని ఈ నెలాఖరుకల్లా పూర్తి చేయడానికి ప్రత్యూష సిన్హా కమిటీ కసరత్తు చేస్తోంది. దీనికి సంబంధించి త్వరలోనే మార్గదర్శకాలను ఖరారు చేయనుంది. ఆ మార్గదర్శకాల మేరకు ఐఏఎస్‌ల తుది పంపిణీని తెలంగాణ, ఆంధ్రప్రదేశ్ రాష్ట్రాలకు చేయనుంది. తాత్కాలికంగా తెలంగాణకు 41 మంది ఐఏఎస్‌లను మాత్రమే కేంద్ర ప్రభుత్వం కేటాయించింది. మిగతా ఐఏఎస్‌లందరూ ఆంధ్రప్రదేశ్ ప్రభుత్వంలోనే పనిచేయనున్నారు. ఈ నేపథ్యంలో తెలంగాణలో శాఖలకు ఐఏఎస్ అధికారులు లేక పరిపాలన సాగడం లేదు. అలాగే ఆంధ్రప్రదేశ్‌లో ఎక్కువ మంది ఐఏఎస్‌లు ఖాళీగా ఉన్నారు. ఈ నేపథ్యంలో నెలాఖరులోగా ఐఏఎస్‌ల పంపిణీని పూర్తి చేయాలని ప్రత్యూష సిన్హా కమిటీ నిర్ణయించింది.
 
 ఆ కమిటీ లెక్కల ప్రకారం ఆంధ్రప్రదేశ్‌కు చెందిన డెరైక్ట్ రిక్రూటీ ఐఏఎస్‌ల్లో 13 మంది ఎక్కువగా ఉన్నట్లు తేలింది. దీంతో ఎక్కువగా ఉన్న వారిని రోస్టర్ విధానంలో తెలంగాణ ప్రభుత్వానికి కేటాయించనున్నారు. రెండు రాష్ట్రాల్లో ఐఏఎస్‌ల సంఖ్య ఎంత అనేది ఇప్పటికే కేంద్ర ప్రభుత్వం నిర్ధారించిన విషయం తెలిసిందే. జిల్లాల నిష్పత్తి ప్రకారం ఆంధ్రప్రదేశ్ రాష్ట్రానికి 211 ఐఏఎస్ పోస్టులను, తెలంగాణకు 163 ఐఏఎస్ పోస్టులను కేంద్రం కేటాయించిన విషయం తెలిసిందే.
  


 అస్తవ్యస్తంగా ఉద్యోగులు, ఫైళ్ల మార్పిడి    పలు శాఖలకు ఇక్కడ, అక్కడ ఐఏఎస్‌లు లేరు
  
 ఇన్‌చార్జీలతో తాత్కాలిక ఏర్పాటు చేసిన సీమాంధ్ర సర్కారు
 సీమాంధ్ర ఆర్థిక శాఖ ఉద్యోగులకు కుర్చీలు, టేబుళ్లు కరువు
 సెక్షన్లకు అనువుగా లేని నార్త్ హెచ్ బ్లాకు
 సీమాంధ్రకు కేటాయించిన బ్లాకుల్లో కనీస వసతులు లేవు
  
 హైదరాబాద్: ఇటు తెలంగాణ, అటు సీమాంధ్ర రాష్ట్రాల పరిపాలనకు కేంద్ర బిందువైన సచివాలయంలో ఉద్యోగులు, ఫైళ్ల మార్పిడి గందరగోళంగా తయారైంది. అలాగే ఇటు తెలంగాణలోను, అటు సీమాంధ్రలోను పలు శాఖలకు ఐఏఎస్ అధికారులు లేకపోవడంతో సాధారణంగా కొనసాగాల్సిన పరిపాలన స్తంభించిపోయింది. ఉమ్మడి రాష్ట్రంలో పనిచేస్తున్న ఐఏఎస్‌లలో 44 మందిని తెలంగాణ రాష్ట్రానికి కేంద్రం తాత్కాలికంగా కేటాయించడంతో వారందరికీ తెలంగాణ ప్రభుత్వం పోస్టింగ్‌లను ఇచ్చింది. దీంతో ఆ ఐఏఎస్ అధికారులందరూ తెలంగాణ ప్రభుత్వానికి చెందిన శాఖల పాలన పనులకే పరిమితం అయ్యారు. ఉదాహరణకు మున్సిపల్ శాఖ ముఖ్యకార్యదర్శి ఎస్.కె. జోషి తెలంగాణ ప్రభుత్వానికి వెళ్లిపోవడంతో సీమాంధ్ర ప్రభుత్వంలో మున్సిపల్ శాఖకు ముఖ్యకార్యదర్శి ఎవరూ లేరు. దీంతో ఆ శాఖలో విభజన పనులు అస్తవ్యస్తంగా మారాయి. ఇలా 44 మంది ఐఏఎస్‌లు వదిలి వెళ్లిన శాఖల్లో ప్రస్తుత పరిస్థితి గందరగోళంగా ఉంది. ఈ నేపథ్యంలో సీమాంధ్ర ప్రభుత్వం బుధవారం 22 శాఖలకు ఇన్‌చార్జిలుగా ఐఏఎస్‌లను నియమిస్తూ నిర్ణయం తీసుకుంది. ఈ మేరకు ఆంధ్రప్రదేశ్ ప్రభుత్వ ప్రధాన కార్యదర్శి ఐ.వై.ఆర్. కృష్ణారావు బుధవారం ఉత్తర్వులు జారీ చేశారు. సీమాంధ్ర పరిస్థితి ఇలా ఉంటే.. తెలంగాణ సర్కారుకు కేవలం 44 మంది ఐఏఎస్‌లనే కేటాయించడంతో చాలా శాఖలకు ఐఏఎస్‌లు లేకుండా పోయారు. దీంతో ఆయా శాఖల్లో సాధారణ పరిపాలన అంశాలు కూడా ముందుకు కదలడం లేదు.
 
 గదులున్నాయ్.. కుర్చీలు, టేబుళ్లు లేవ్..
 
 మరో పక్క సీమాంధ్ర ప్రభుత్వానికి సచివాలయంలో కేటాయించిన చాలా బ్లాకుల్లో ఉద్యోగులు పనిచేయడానికి కనీస వసతులు కూడా లేవు. దీని కారణంగా తెలంగాణకు చెందిన బ్లాకుల నుంచి సీమాంధ్ర బ్లాకుల్లోకి  ఉద్యోగుల మార్పిడిలో జాప్యం జరుగుతోంది. అదే సమయంలో తెలంగాణకు చెందిన ఉద్యోగులు, అధికారులు వారికి కేటాయించిన బ్లాకుల్లోకి రావాలంటే సీమాంధ్రకు చెందిన వారు ఆ బ్లాకులు మారి వెళ్లాల్సి ఉంది. ఉమ్మడి రాష్ట్రంలో ప్రస్తుతం సచివాలయంలోని డీ బ్లాకులో ఆర్థిక శాఖ పనిచేస్తోంది. అయితే రాష్ట్ర విభజన నేపథ్యంలో సీమాంధ్ర ఆర్థిక శాఖ అధికారులు, ఉద్యోగులకు నార్త్ హెచ్ బ్లాకును కేటాయించారు. ఆ బ్లాకులో రెండో అంతస్తులోని ఐఏఎస్‌ల కార్యాలయాలు చాలా చిన్నవిగా ఉన్నాయి. అయినా ఆర్థిక శాఖ అధికారులు అజేయ కల్లం, పీవీ రమేశ్, ప్రేమచంద్రారెడ్డి వెళ్లిపోయారు. అయితే అదే బ్లాకులో ఆర్థికశాఖ ఉద్యోగులు పనిచేయడానికి ఏ మాత్రం వీలుగా లేదు. సెక్షన్స్ పనిచేయడానికి వీలుగా అక్కడ విద్యుత్ కనెక్షన్లు, నెట్‌వర్క్ కనెక్షన్ లేదు. కంప్యూటర్లపై పనిచేయడానికి ఏర్పాట్లు కూడా లేవు. అక్కడ గదులు తప్ప వాటిలో కుర్చీలు, టేబుళ్లు లేవు.
 
 ఏ సెక్షన్‌లో ఎన్ని ఫైళ్లు: బుధవారం డి-బ్లాకులోని సీమాంధ్ర ఆర్థిక శాఖ ఉద్యోగులు ఫైళ్లు, పుస్తకాలను గోనె సంచుల్లో కట్టి సిద్ధంగా పెట్టుకున్నారు. ఏ రాష్ట్రానికి చెందిన ఫైళ్లను ఆ రాష్ట్రానికి ఇచ్చేందుకు వీలుగా.. పలు ఫైళ్లను స్కానింగ్ చేశారు. అయితే ఏ సెక్షన్‌లో ఎన్ని ఫైళ్లు ఉన్నాయో లెక్క తేల్చలేదు. దీంతో ఇరు రాష్ట్రాలకు చెందిన సెక్షన్ ఆఫీసర్లు.. ఫైళ్ల మార్పిడిపై సందిగ్ధంలో పడ్డారు. ఎన్ని ఉన్నాయో తెలియకుండా ఫైళ్లు అప్పగించారంటూ.. నో డ్యూ సర్టిఫికెట్ ఎలా ఇస్తామనే సందేహం సెక్షన్ ఆఫీసర్లలో నెలకొంది.
  


 పోలీసు అధికారుల సంఘం నేతలతో డీజీపీ అనురాగ్‌శర్మ
 
 హైదరాబాద్: పోలీసు ప్రతిష్టను పెంచే విధం గా సమష్టిగా పని చేద్దామని తెలంగాణ డీజీపీ అనురాగ్ శర్మ పిలుపునిచ్చారు. మంగళవారం పోలీసు అధికారుల సంఘం అధ్యక్షుడు గోపిరెడ్డి నేతృత్వంలో వివిధ విభాగాల సంఘం నాయకులు డీజీపీని కలిసి శుభాకాం క్షలు తెలిపారు. ఈ సందర్భంగా ఆయన మా ట్లాడుతూ పోలీసుల సమస్యలు చాలా వరకు తనకు తెలుసునని, తన పరిధిలో ఉన్న వాటి ని పరిష్కరించేందుకు కృషి చేస్తానని చెప్పా రు. ప్రభుత్వ స్థాయిలో ఉన్న వాటిని ముఖ్యమంత్రి, హోంమంత్రిల దృష్టికి తీసుకెళుతాన ని హామీ ఇచ్చారు. డీజీపీని  కలిసిన వారిలో తెలంగాణ జిల్లాల పోలీసు సంఘాల అధ్యక్షులు, ఎస్‌పీఎఫ్, ఏపీఎస్‌పీ, గ్రేహౌండ్స్, ఆర్మ్‌డ్ రిజర్వు విభాగాల సంఘం నేతలు ఉన్నారు.
 
  పలువురు అదనపు డీజీల బాధ్యతల స్వీకరణ
 
 మంగళవారం పలువురు అదనపు డీజీ స్థాయి అధికారులు బాధ్యతలను స్వీరించారు. రాష్ట్ర శాంతి భద్రతల విభాగం అదనపు డీజీ సత్యనారాయణ్, తెలంగాణ స్పెషల్ పోలీసు బెటాలియన్, ఆక్టోపస్, పోలీసు స్పోర్ట్స్ విభాగం అదనపు డీజీ రాజీవ్ త్రివేది, ఎస్‌పీఎఫ్, ప్రింటింగ్ స్టేషనరీ కమిషనర్ తేజ్‌దీప్ కౌర్ మీనన్, జైళ్ల శాఖ  డెరైక్టర్ జనరల్ వినయ్‌కుమార్ సింగ్, అవినీతి నిరోధక శాఖ డెరైక్టర్ కుమార్ విశ్వజిత్‌లు ఉన్నారు. వీరితోపాటు ఐజీ స్థాయి అధికారులు వి.నవీన్‌చంద్, స్వాతి లక్రా, చారుసిన్హా, సౌమ్యమిశ్రా, డాక్టర్ ఆర్‌ఎస్ ప్రవీణ్ కుమార్, అమిత్ గార్గ్ తదితర అధికారులు కూడా బాధ్యతలను  స్వీకరించిన వారిలో ఉన్నారు.
  
  


 రసాభాసగా సీఎల్పీ భేటీ
 
 డీఎస్, షబ్బీర్‌కు మద్దతుగా రెండుగా చీలిపోయిన ఎమ్మెల్సీలు
 అధిష్టానం దూతల ముందే దూషణలపర్వం
 డీఎస్ ఒక్కో ఎమ్మెల్సీకి రూ.10 లక్షలు ఆఫర్ చేశారన్న రాజలింగం
 ఆరోపణలను ఖండించిన డీఎస్ వర్గం
  
 హైదరాబాద్: తెలంగాణ శాసన మండలి ప్రతిపక్ష నేత ఎంపిక కోసం మంగళవారం జరిగిన సీఎల్పీ భేటీ సవ్యంగానే జరిగినట్టు పైకి కనిపిస్తున్నా లోపల మాత్రం పెద్ద గొడవే జరిగింది. ఎమ్మెల్సీలు రెండు వర్గాలుగా చీలిపోయి ఒకరిపైకి ఒకరు దూషణలపర్వానికి దిగారు. దీంతో అధిష్టానం పెద్దలు బిత్తరపోవాల్సి వచ్చింది. చివరికి వారు ఇరువర్గాలను శాంతింపజేసి ఎంపిక ప్రక్రియను మమ అనిపించారు. తనకు మద్దతివ్వాలంటూ ఒక్కో ఎమ్మెల్సీకి డి.శ్రీనివాస్ రూ.10 లక్షలు ఇచ్చినట్లు ఆ పార్టీ ఎమ్మెల్సీ రాజలింగం ఏకంగా సీఎల్పీ సమావేశంలోనే ఆరోపించడం తీవ్ర చర్చనీయాంశమైంది. టీఆర్‌ఎస్‌తో కుమ్మక్కైన డీఎస్‌కు మండలి ప్రతిపక్ష నేత పదవి ఎట్లా ఇస్తారంటూ నిలదీసిన రాజలింగంకు... మాజీ మంత్రి షబ్బీర్ అలీ సైతం మద్దతు పలికారు. ఆయనతోపాటు పలువురు ఎమ్మెల్సీలూ డీఎస్‌పై ఆరోపణలు చేశారు. వీటిని ఖండిస్తూ డీఎస్ వర్గం.. షబ్బీర్ అలీపై ప్రత్యారోపణలు చేయడంతో సమావేశం ఒకదశలో రసాభాసగా మారింది. భేటీ అదుపు తప్పిందని గ్రహించిన హైకమాండ్ దూతలు వయలార్, దిగ్విజయ్‌సింగ్‌లు... ఇరువర్గాలకు సర్దిచెప్పే ప్రయత్నం చేశారు. ఒక్కొక్కరిని పిలిచి బుజ్జగింపు యత్నాలు ప్రారంభించారు. డీఎస్‌కు మండలి ప్రతిపక్ష నేత పదవి, షబ్బీర్ అలీకి ఉపనేత పదవి ఇస్తామని ప్రతిపాదించారు. ఇందుకు షబ్బీర్ అయిష్టత వ్యక్తం చేసినప్పటికీ ఆయన పేరును ప్రకటించారు. డీఎస్, షబ్బీర్ అలీ ఇద్దరూ నిజామాబాద్ జిల్లాకు చెందిన వారే కావడం గమనార్హం. ఒకే జిల్లాకు రెండు పదవులు ఇవ్వడం పట్ల కాంగ్రెస్ నేతలు విస్మయం వ్యక్తం చేస్తున్నారు. బేరసారాలు బయటకు పొక్కడం, ఈ విషయం ప్రజల్లోకి వెళితే కాంగ్రెస్ మరింత చులకన అవుతుందనే ఉద్దేశంతోనే షబ్బీర్ అలీకి ఉపనేత పదవిని కట్టబెట్టారనే వ్యాఖ్యలు వినిపిస్తున్నాయి.
 
 17 మంది.. రెండున్నర గంటల సినిమా!
 
 కాంగ్రెస్ ఎమ్మెల్సీల సమావేశం సస్పెన్స్ సినిమాను తలపించింది. మండలిలో అధికార టీఆర్‌ఎస్‌తో పోలిస్తే ప్రతిపక్ష కాంగ్రెస్‌కు ఎమ్మెల్సీల సంఖ్య ఎక్కువగా ఉండటంతో ప్రతిపక్ష పదవి కోసం గట్టి పోటీ నెలకొంది. డీఎస్, షబ్బీర్ గత వారం రోజులుగా ఎమ్మెల్సీలతో ముఖాముఖి సమావేశమై మద్దతు కూడగట్టే పనిలో పడ్డారు. చివరి నిమిషం వరకు ఎమ్మెల్సీలతో మంతనాలు జరిపారు. అభిప్రాయ సేకరణ సమయంలోనూ ఇద్దరు నేతలు ఎవరికి వారే తమకే మండలి ప్రతిపక్ష నేత పదవి దక్కుతుందనే ధీమాలో ఉన్నారు. కాంగ్రెస్‌కు 17 మంది ఎమ్మెల్సీలుండగా మంగళవారంనాటి సమావేశానికి 16 మంది మాత్రమే హాజరయ్యారు. కరీంనగర్ జిల్లాకు చెందిన ఎమ్మెల్సీ సంతోష్‌కుమార్ తన సమీప బంధువు చనిపోవడంతో రాలేదు. సమావేశానికి హాజరైన వారిలో ఏడుగురు (కేఆర్ ఆమోస్, యాదవరెడ్డి, భానుప్రసాద్, వి.భూపాల్‌రెడ్డి, రాజలింగం, జగదీశ్వర్‌రెడ్డి, పీర్ షబ్బీర్ అహ్మద్) షబ్బీర్ అలీకి మండలి ప్రతిపక్షనేత పదవి ఇవ్వాలని ప్రతిపాదించారు. అదే సమయంలో డీఎస్ పేరును ఏడుగురు (పొంగులేటి సుధాకర్‌రెడ్డి, ఫారూఖ్ హుస్సేన్, నేతి విద్యాసాగర్, డి.రాజేశ్వర్, ఎమ్మెస్ ప్రభాకర్, బి.వెంకట్రావు, మాగం రంగారెడ్డి) ఎమ్మెల్సీలు ప్రతిపాదించారు. చివర్లో తాను డీఎస్‌కు మద్దతిస్తున్నట్లు సంతోష్‌కుమార్ లేఖ పంపడంతో హైకమాండ్ పెద్దలు డీఎస్ పేరును ప్రకటించేందుకు సిద్ధమయ్యారు. ఆ సమయంలో రాజలింగం డీఎస్‌పై చేసిన ఆరోపణలు సమావేశంలో కలకలం రేపాయి.
 
 డీఎస్ రూ.10 లక్షలు ఇవ్వబోయారు: రాజలింగం
 
 సమావేశానంతరం రాజలింగం మీడియాతో మాట్లాడుతూ ‘‘ఒక్కో ఎమ్మెల్సీకి డీఎస్ రూ.10 లక్షలు ఇచ్చారు. నాకు కూడా ఆఫర్ చేస్తే వద్దని తిరస్కరించాను. టీఆర్‌ఎస్‌తో కుమ్మక్కై కేసీఆర్ ప్రభుత్వంలో లోపాయికారీ పనులు చేసుకునేందుకే డీఎస్ మండలి ప్రతిపక్షనేత పదవిని ఆశించి అందరినీ మేనేజ్ చేస్తున్నాడు. 8 మంది ఎమ్మెల్సీలు వ్యతిరేకించినా హైకమాండ్ పెద్దలు ఆయన పేరునే ఖరారు చేశారు’’ అని అన్నారు. కాగా, రాజలింగం చేసిన ఆరోపణలకు విలువ లేదని ఎమ్మెల్సీ పొంగులేటి సుధాకర్‌రెడ్డి వ్యాఖ్యానించారు.
 
 షబ్బీర్‌కు హ్యాండిచ్చిన ప్రభాకర్!
 
 మండలి ప్రతిపక్షనేత పదవిపై గంపెడాశలు పెట్టుకున్న షబ్బీర్ అలీకి ఎమ్మెల్సీ ఎమ్మెస్ ప్రభాకర్ హ్యాండిచ్చినట్లు తెలుస్తోంది. తనకు 8 మంది ఎమ్మెల్సీలు మద్దతు ఇస్తారని షబ్బీర్ భావించారు. వీరిలో ప్రభాకర్ కూడా ఉన్నట్లు షబ్బీర్ అలీ చెబుతున్నారు. అయితే సమావేశం ప్రారంభం వరకు తమతోనే ఉన్న ప్రభాకర్ చివరి నిమిషంలో డీఎస్‌వైపు వెళ్లారని షబ్బీర్ వాపోయారు.
 
 ఎన్నిక ఏకగ్రీవమే: వయలార్
 
  మండలి ప్రతిపక్షనేతగా డీఎస్, ఉపనేతగా షబ్బీర్ అలీ ఏకగ్రీవంగా ఎన్నికైనట్లు వయలార్ రవి ప్రకటించారు. ఎమ్మెల్సీల సమావేశానంతరం దిగ్విజయ్‌సింగ్, వయలార్, పొన్నాల, డీఎస్ మీడియా ముందుకొచ్చారు. ఆ సమయంలో షబ్బీర్‌ను సైతం మీడియా ముందుకు రావాలని హైకమాండ్ పెద్దలు కోరినా ఆయన పట్టించుకోలేదు. తాను రానని పేర్కొంటూ వాహనం ఎక్కేందుకు ప్రయత్నించారు. కుంతియా, తిరునావక్కరసార్ ఆయనను బతిమిలాడి మీడియా ముందుకు తీసుకొచ్చారు. అనంతరం డీఎస్ మాట్లాడుతూ తనకు మద్దతిచ్చిన ఎమ్మెల్సీలకు కృతజ్ఞతలు తెలిపారు. షబ్బీర్‌తో కలిసి పనిచేస్తానని చెప్పారు. ఆ తర్వాత షబ్బీర్‌ను మాట్లాడాలని దిగ్విజయ్ కోరగా.. ‘ఇదేమైనా సంతోషకరమైన సమయమా? మాట్లాడటానికేముంది?’’ అని ఆయన వ్యాఖ్యానించారు.
  
 30న టీ-కాంగ్రెస్‌లో సమీక్ష
 
 డీఎస్‌పై ఆరోపణలను తీవ్రంగా పరిగణిస్తున్నాం: దిగ్విజయ్
 
  తెలంగాణలో కాంగ్రెస్ పార్టీ ఓటమికి కారణాలను విశ్లేషించేందుకు నెలాఖరులో రెండు రోజులపాటు ప్రత్యేకంగా సమావేశాన్ని నిర్వహించాలని అధిష్టానం నిర్ణయించింది. ఇందుకు ఈ నెల 30, వచ్చే నెల 1న సమావేశం కానున్నట్లు పార్టీ రాష్ట్ర వ్యవహారాల ఇన్‌చార్జి దిగ్విజయ్‌సింగ్ వెల్లడించారు. మంగళవారం సాయంత్రం ఆయన మీడియాతో మాట్లాడారు. తెలంగాణలో పార్టీ ఓటమికి కారణాలపై లోతుగా అధ్యయనం చేస్తామన్నారు. కాగా, ఎమ్మెల్సీలను డబ్బులతో ప్రభావితం చేయడం వల్లే మండలి ప్రతిపక్ష నేతగా సీనియర్ నేత డీఎస్ ఎన్నికయ్యారంటూ ఎమ్మెల్సీ రాజలింగం చేసిన ఆరోపణలను తీవ్రంగా పరిగణిస్తున్నట్లు చెప్పారు. ఈ విషయంలో తగిన చర్యలు తీసుకుంటామన్నారు. అంతకుముందు జిల్లా పరిషత్, మున్సిపల్ చైర్మన్ ఎన్నికల్లో అనుసరించాల్సిన వ్యూహంపై అందుబాటులో ఉన్న పార్టీ నేతలతో గాంధీభవన్‌లో దిగ్విజయ్ సమావేశమయ్యారు. ఈ విషయంలో పటిష్ట వ్యూహంతో ముందుకు వెళ్లాలని పార్టీ నేతలకు సూచించారు. ఈ సందర్భంగా ఆయన జిల్లాలవారీగా ఫలితాలు, ఇతర వివరాలను అడిగి తెలుసుకున్నారు.
  
  


 టీ జేఏసీ చైర్మన్ కోదండరాం
  
 హైదరాబాద్ తెలంగాణ రాష్ట్రం దేశ పటంలో కేంద్ర బిందువులా ఉందని తెలంగాణ రాజకీయ జేఏసీ చైర్మన్ ప్రొఫెసర్ కోదండరాం అన్నారు. మంగళవారం సోమాజిగూడ ప్రెస్‌క్లబ్‌లో తెలంగాణ విద్యావంతుల వేదిక అధ్యక్షుడు మల్లేపల్లి లక్ష్మయ్య ఆధ్వర్యంలో భారతదేశ మ్యాప్‌లో 29వ రాష్ట్రంగా తెలంగాణ రాష్ట్రాన్ని పొందుపర్చిన నమూనా మ్యాప్‌ను ఆవిష్కరించారు. ఈ సందర్భంగా కోదండరాం మాట్లాడుతూ.. మన రాష్ర్టం మధ్యప్రదేశ్, కర్ణాటక, మహారాష్ట్రకు కూడలిగా ఉందన్నారు. ఒడిశా, ఛత్తీస్‌ఘడ్ రాష్ట్రాలకు వ్యాపార కేంద్రంగా ఉంటుందని, దాన్ని దృష్టిలో ఉంచుకొని రవాణ వ్యవస్థను పెంపొందించుకుంటే వ్యాపారాన్ని విస్తరించవచ్చన్నారు. గోదావరి, ప్రాణహితకు వంతెనలు నిర్మిస్తే అశేష అవకాశాలు లభిస్తాయన్నారు.
 
 రాష్ట్రంలో వస్త్ర పరిశ్రమకు మంచి భవిష్యత్తు ఉంటుందని, రామగుండం నుంచి కాగజ్‌నగర్ వరకు పారిశ్రామికవాడలుగా మార్చుకునేందుకు అనువైన ప్రదేశంగా ఉందన్నారు. టీఎన్‌జీవో అధ్యక్షుడు దేవీప్రసాద్ మాట్లాడుతూ ఎన్నో పోరాటాలు చేసి సాధించుకున్న తెలంగాణను మిగతా రాష్ట్రాల కన్నా అభివృద్ధి చేసి ఆదర్శవంతమైన రాష్ట్రంగా తీర్చిదిద్దేందుకు శ్రమించాలని కోరారు. సీనియర్ జర్నలిస్టు రామచంద్రమూర్తి మాట్లాడుతూ తెలంగాణ రాష్ట్రాన్ని 29వ రాష్ట్రంగా దేశ చిత్రపటంలో నమోదు చేయడం చారిత్రాత్మక ఘట్టమన్నారు.
  
  


 ఏఐసీసీ ప్రధాన కార్యదర్శి దిగ్విజయ్ సింగ్
 
 శంషాబాద్, రాజకీయ లబ్ధి పొందాలనే ఉద్దేశంతో  తెలంగాణ రాష్ట్రాన్ని ఏర్పాటు చేయలేదని ఏఐసీసీ ప్రధాన కార్యదర్శి దిగ్విజయ్ సింగ్ అన్నారు. సోమవారం శంషాబాద్ విమానాశ్రయంలో మీడియాతో మాట్లాడారు. తెలంగాణ ప్రజల చిరకాల ఆకాంక్షను గుర్తించే యూపీఏ ప్రభుత్వం రాష్ట్రాన్ని ఏర్పాటు చేసిందన్నారు. రాజీవ్‌గాంధీ అంతర్జాతీయ విమానాశ్రయానికి పేరు మార్చే యోచన సరైంది కాదని ఆయన అభిప్రాయపడ్డారు.
  
  


 నల్లజెండాలు ఎగురవేసిన ఆదివాసీలు  ప్రభుత్వ కార్యాలయాల్లోనూ స్తబ్ధత
  
 భద్రాచలం,  ఖమ్మం జిల్లాలోని పోలవరం ముంపు మండలాల్లో తెలంగాణ ఆవిర్భావ దినోత్సవ సందడి కనిపించలేదు. తెలంగాణ పది జిల్లాల్లో ఓ వైపు ఉవ్వెత్తున సంబురాలు చేసుకోగా, ముంపు మండలాల్లో ఆదివాసీలు నిరసన గళం వినిపించారు. తెలంగాణ రాష్ట్ర ఆవిర్భావ దినోత్సవాలకు బదులు ఆర్డినెన్స్‌కు వ్యతిరేకంగా నిరసన దినంగా పాటించారు. భద్రాచలం లో ఆదివాసీ ఐక్య సంఘాల ఆధ్వర్యంలో గిరిజన అమరవీరుల విగ్రహం వద్ద నోటికి నల్ల రిబ్బన్‌లు కట్టుకొని నిరసన తెలిపారు. ఆ తర్వాత అక్కడే నల్లజెండాను ఆవిష్కరించారు. చింతూరు మండల కేంద్రంలో ర్యాలీ నిర్వహించారు. తెలంగాణ ముఖ్యమంత్రి కేసీఆర్ దిష్టిబొమ్మను దహనం చేశారు. కుక్కునూరులో రాస్తారోకో నిర్వహించారు.
 
 మండల పరిషత్, రెవెన్యూ కార్యాలయాల ఎదుట ధర్నా నిర్వహించారు. మండల సరిహద్దు గ్రామమైన లంకాలపల్లి వద్ద ‘ఆంధ్రా వద్దు-తెలంగాణ ముద్దు’ అంటూ బ్యానర్‌ను ఏర్పాటుచేశారు. ‘సీమాంధ్ర ఉద్యోగులారా.. మండలానికి రాకండి’ అంటూ  నినాదాలు చేశారు. భద్రాచలం డివిజన్‌లోని కూనవరం, వీఆర్‌పురం, చింతూరు, భద్రాచలం(పట్టణం మినహా) మండలాలు, పాల్వంచ డివిజన్‌లోని కుక్కునూరు, వేలేరుపాడు, బూర్గంపాడు (12 గ్రామాలు మినహా) మండలాల్లోని ప్రభుత్వ కార్యాలయాల్లో కూడా జాతీయజెండా ఎగురలేదు. ముంపు మండలాలన్నీ సోమవారం నుంచి భౌగోళికంగా ఆంధ్రప్రదేశ్‌లో కలవడంతో ఈ ప్రాంతంలో వేడుకలు నిర్వహించలేదు. అవశేష ఆంధ్రప్రదేశ్ రాష్ట్రంలో కలిపిన మండలాల్లోని వివిధ శాఖల్లో పనిచేసే ప్రభుత్వ ఉద్యోగులంతా దాదాపు తెలంగాణ రాష్ట్రానికే చెందిన  వారే కావడంతో వేడుకలకు సిద్ధమైనప్పటికీ  తప్పనిసరి పరిస్థితుల్లో వాటికి దూరంగా ఉన్నారు.
  
  


 దేశం గర్వించేలా తెలుగువారి ఖ్యాతిని ముందుకు తీసుకెళదాం: జగన్
  
 వైసీపీ కార్యాలయంలో తెలంగాణ సంబురాలు
 జాతీయ, పార్టీ జెండాలను ఆవిష్కరించిన జగన్
 2నిమిషాలు మౌనం పాటించి అమరులకు నివాళులు
 తెలంగాణ ప్రజల గుండెల్లో వైఎస్ ఉన్నారని వెల్లడి
  
  హైదరాబాద్: వైఎస్సార్ కాంగ్రెస్ పార్టీ ఇక నుంచి జాతీయ పార్టీగా కొనసాగనుందని ఆ పార్టీ అధినేత వైఎస్ జగన్‌మోహన్‌రెడ్డి తెలిపారు. తెలంగాణ రాష్ట్ర ఆవిర్భావం సందర్భంగా తెలంగాణలోని ప్రతి ఒక్కరికీ మనస్ఫూర్తిగా శుభాకాంక్షలు తెలుపుతున్నట్లు ప్రకటించారు. తెలంగాణకు తొలిసీఎంగా బాధ్యతలు చేపట్టిన కేసీఆర్‌కు అభినందనలు తెలిపారు. మంచి చేసే ప్రతి పనికి వైఎస్సార్‌సీపీ తోడుగా ఉంటుందన్నారు. సోమవారం హైదరాబాద్‌లోని పార్టీ కేంద్ర కార్యాలయం వద్ద జాతీయ పతాకంతో పాటు పార్టీ జెండా ను జగన్ ఆవిష్కరించారు. తెలంగాణ ఉద్యమ అమరవీరులకు రెండునిమిషాల పాటు మౌనం పాటించి, నివాళులు అర్పించారు. అంతకు ముందు దివంగత సీఎం వైఎస్ రాజశేఖరరెడ్డి విగ్రహానికి పూలమాల వేసి నివాళి అర్పించారు. అనంతరం భారీగా తరలివచ్చిన నేతలు, కార్యకర్తలను ఉద్దేశించి జగన్‌మోహన్‌రెడ్డి ప్రసంగించారు. ఒకే భాష, ఒకే జాతిగా ఉన్న రెండు రాష్ట్రాల ప్రజలుగా ఒకరికొకరు సహకరించుకుంటూ దేశం గర్వపడేలా తెలుగువారి ఖ్యాతిని ముందుకు తీసుకెళదామని పిలుపునిచ్చారు. ‘‘తెలంగాణ రాష్ట్ర ఏర్పాటు జరిగి పోయింది. తెలంగాణ రాకముందు అంతా కలిసి ఉండాలని.. తెలుగు వారిని చూసి దేశమంతా గర్వపడేలా ఉండాలని తాపత్రయపడ్డాం. కానీ విభజన జరిగిపోయింది.
 
 అయినా రాష్ట్రాలను వేరు చేయగలిగారుగాని తెలుగు వారి మనసులను వేరు చేయలేరని మరోసారి ఉద్ఘాటిస్తున్నా. ఈ ప్రాంతం వారికి ఏ సమస్య వచ్చినా ఆ ప్రాంతం వారు తోడుగా ఉంటారు. ఆ ప్రాంతం వారికి ఏ సమస్య వచ్చినా ఈ ప్రాంతం వారు తోడుగా ఉంటారు..’’అని జగన్‌మోహన్‌రెడ్డి చెప్పారు. సీమాంధ్రతో పాటు తెలంగాణలోనూ ప్రతీ ఒక్కరి గుండెల్లో వైఎస్ రాజశేఖరరెడ్డి బతికే ఉన్నారన్నారు. గతంలో ఎవరూ చేయని విధంగా తెలంగాణ ప్రజల కోసం వైఎస్ గడప, గడపను తట్టారని, తెలంగాణ అభివృద్ధి కోసం ఏ ముఖ్యమంత్రీ చేయని విధంగా చేశారని ఆయన పేర్కొన్నారు. రైతులు 17 లక్షల పంపుసెట్ల ఆధారంగా వ్యవసాయం చేయగలుగుతున్నారంటే.. అది రాజశేఖరరెడ్డి ద్వారానే జరిగిందని చెప్పడానికి గర్వపడుతున్నామని జగన్ పేర్కొన్నారు. ప్రతి పేదవాడికి వైఎస్ అండగా నిలబడ్డారు కాబట్టే, రాష్ట్రాలకు అతీతంగా తెలంగాణలో కూడా గుండెల్లో పెట్టుకొని ఆరాధిస్తున్నారన్నారు. రాజశేఖరరెడ్డి కలలుగన్న సువర్ణయుగాన్ని కచ్చితంగా తెలంగాణలో తెచ్చుకునే ప్రయత్నం చేస్తామని జగన్ చెప్పారు.
 
 తెలంగాణ నేతలతో సమావేశం
 
  తెలంగాణ ఆవిర్భావం సందర్భంగా పార్టీ కార్యాలయం వద్ద జెండా ఆవిష్కరణ అనంతరం తెలంగాణకు చెందిన నేతలతో జగన్ అరగంట పాటు ప్రత్యేకంగా చర్చించారు. తెలంగాణలో పార్టీని బలోపేతం చేయడం, తీసుకోవాల్సిన చర్యల గురించి సమాలోచనలు జరిపారు. వైఎస్ కలలు కన్న సువర్ణయుగాన్ని తెలంగాణలో తెచ్చుకునేందుకు కచ్చితమైన ప్రయత్నం చేయాలన్నారు. ఈ సమావేశంలో తెలంగాణ అడహక్ కమిటీ సభ్యులు పొంగులేటి శ్రీనివాస్‌రెడ్డి, గట్టు రామచంద్రరావు, హెచ్.ఎ.రెహ్మాన్, బి.జనక్‌ప్రసాద్, నల్లా సూర్యప్రకాష్, విజయారెడ్డి, కె.శివకుమార్, టి.వెంకట్రావ్, గట్టు శ్రీకాంత్‌రెడ్డితో పాటు ఎమ్మెల్యేలు తాటి వెంకటేశ్వర్లు, పాయం వెంకటేశ్వర్లు, బానోతు మదన్‌లాల్  తదితరులు పాల్గొన్నారు.
  
  


 కేసీఆర్ మంత్రివర్గంపై టీఆర్‌ఎస్‌లో తర్జనభర్జన!
  పార్టీ ముఖ్యుల మధ్య వాదోపవాదాలు
 
 హైదరాబాద్: తెలంగాణ సీఎంగా కేసీఆర్ నేతృత్వంలో కొలువుదీరిన రాష్ట్ర మంత్రివర్గంపై సోమవారం ఉదయం వరకు అధికార టీఆర్‌ఎస్ పార్టీ గోప్యతను పాటించింది. మంత్రివర్గ కూర్పుపై పార్టీలోని ముఖ్య నేతలకు కూడా సమాచారం అందలేదు. అయితే ఈ విషయంపై పార్టీలో అంతర్గతంగా తీవ్ర చర్చలు జరిగాయని విశ్వసనీయంగా తెలుస్తోంది. మంత్రివర్గంలో ఎవరెవరికి చోటు కల్పించాలన్న దానిపై ఆదివారం అర్ధరాత్రి దాటిన తర్వాత కూడా పార్టీ ముఖ్యుల మధ్య తీవ్ర వాదోపవాదాలు జరిగినట్టు సమాచారం. దీని వల్లే కేబినెట్‌లో ఉండే సభ్యుల సంఖ్య, ఎవరెవరికి అవకాశం లభిస్తుందన్న విషయాలపై సోమవారం ఉదయం వరకూ స్పష్టత రాలేదు. పార్టీ వర్గాల సమాచారం ప్రకారం కేసీఆర్ అదృష్ట సంఖ్యగా భావించే ఆరుగురితోనే సీఎం సహా మంత్రివర్గం ఉండాలని తొలుత భావించారు. అయితే ఆదివారం ఉదయానికి ఈ సంఖ్య తొమ్మిదికి చేరింది. తీవ్ర తర్జనభర్జనలతో అర్ధరాత్రి దాటిన తర్వాత జరిగిన చర్చలతో చివరకు మంత్రుల సంఖ్య 12కు చేరింది. అయితే విధేయతకే కేసీఆర్ పెద్దపీట వేశారు.
 
 పార్టీ ఆవిర్భావం నుంచి తనకు అండగా ఉన్న వారికే మంత్రివర్గంలో స్థానం దక్కింది. మహమూద్ అలీ, నాయిని నర్సింహారెడ్డి, జి.జగదీశ్ రెడ్డి, ఈటెల రాజేందర్, టి.పద్మారావు తదితరులు పార్టీకి కష్ట కాలాల్లోనూ కేసీఆర్‌కు విధేయంగా, అండగా ఉన్నారు. జగదీశ్ రెడ్డి ఆది నుంచీ కేసీఆర్‌కు అత్యంత సన్నిహితంగా ఉన్నారు. కాంగ్రెస్‌కు పట్టుండే నల్లగొండ జిల్లాలోని సగం నియోజకవర్గాల్లో పార్టీ అభ్యర్థులను గెలిపించగలిగారు. నాయిని నర్సింహారెడ్డి కూడా అత్యంత విధేయుడు. ఈటెల రాజేందర్ కూడా పార్టీకి అన్ని కాలాల్లో విధేయంగా పనిచేశారు. మహమూద్ అలీకి సమర్థత కన్నా విధేయత, మైనారిటీల్లో సీనియర్ లేకపోవడం వంటి కారణాలతో అవకాశం వచ్చింది. ఇక ఉప ఎన్నికల్లో ఓడిపోయినా, పార్టీకి ప్రతికూల సమయాల్లోనూ కేసీఆర్‌కు అండగా ఉన్న పద్మారావుకు మంత్రివర్గంలో స్థానం దక్కింది. మిగిలిన వారిలో సామాజికవర్గ సమతూకం, సీనియారిటీ, జిల్లాలకు అవకాశం వంటి అంశాల ఆధారంగా మంత్రి పదవి వరించింది. ఆదిలాబాద్ జిల్లాలో జోగు రామన్న కన్నా సీనియర్లు లేరు. బీసీ సామాజికవర్గం కూడా కావడంతో అనివార్యంగానే అవకాశం వచ్చింది. పోచారం శ్రీనివాస్ రెడ్డికీ గతంలో చాలా శాఖలు నిర్వహించిన సీనియారిటీ, సామాజికవర్గం కలిసి వచ్చింది.
  
  


  హైదరాబాద : తెలంగాణ సీఎం కె.చంద్రశేఖర్‌రావు పాలనలో పారదర్శకత లోపిస్తే ఆయన తాతనైనా ఎదిరిస్తామని సీపీఐ నేత కె.నారాయణ హెచ్చరించారు. తెలంగాణ ఆవిర్భావ సంబురాలను సోమవారం స్థానిక మఖ్దూంభవన్‌లో ఘనంగా నిర్వహించారు. నారాయణ మాట్లాడుతూ, తెలంగాణలో వనరులకు, కష్టపడే ప్రజలకు కొదవలేదన్నారు. తెలంగాణ  ఏర్పడినా భూమి, భుక్తి కోసం ఇంకా పోరాటం కొనసాగించాల్సిన అవసరం ఉందన్నారు.
 
 మన ప్రభుత్వమే కదాని ప్రజలు ఉదాసీనతగా ఉంటే మరో నిజాం ఏలుబడి వచ్చే ప్రమాదముందని హెచ్చరించారు. ప్రజలను చైతన్య పరిచేందుకు వామపక్ష పార్టీలన్నింటినీ ఒక గొడుగు కిందకు తెచ్చేం దుకు కృషి చేస్తామని చెప్పారు. కమ్యూనిస్టులు కలసి ఉంటే నిన్నటి ఎన్నికల్లో గులాబీ స్థానంలో ఎర్రజెండా ఎగిరేదన్నారు. టీసీపీఐ కార్యదర్శి చాడా వెంకటరెడ్డి మాట్లాడుతూ తెలంగాణ ఏర్పాటులో అందరి పాత్రా ఉందన్నారు.
  
  


 టీడీపీ అధికార ప్రతినిధి రేవంత్‌రెడ్డి
 
  హైదరాబాద్: తెలంగాణలో తొలి ప్రభుత్వాన్ని ఏర్పాటు చేసిన కేసీఆర్ మంత్రివర్గాన్ని సొంత ఆస్తి పంచుకున్నట్లు ఏర్పాటు చేశారని టీడీపీ అధికార ప్రతినిధి, ఎమ్మెల్యే రేవంత్‌రెడ్డి విమర్శించారు. 25 శాతం మంత్రి పదవులు తన బంధువులకే ఇచ్చి, మంత్రివర్గాన్ని ఫ్యామిలీ ప్యాకేజీగా మార్చేశారన్నా రు. ఎన్టీఆర్ ట్రస్ట్ భవన్‌లో సోమవారం ఆయన మీడియాతో మాట్లాడారు. కేసీఆర్ మంత్రివర్గంలో ఒక్క మహిళకు గానీ, గిరిజనుడికి గానీ స్థానం కల్పిం చలేదన్నారు. ఏ సభ లోనూ సభ్యుడు కాని నాయిని నర్సింహారెడ్డికి హోం మంత్రి పదవి ఇచ్చిన కేసీఆర్ తెలంగాణ కోసం ప్రాణత్యాగం చేసిన శ్రీకాంతాచారి తల్లిని ఎందుకు మరచిపోయారని ప్రశ్నించారు. తెలంగాణ అమరవీరుల ఉనికి కనిపించకుం డా చేయాలనేది కేసీఆర్ ప్రయత్నమన్నారు.
 
 అందుకే తెలంగాణ లోగోలో కూడా అమరవీరుల స్తూపానికి స్థానం ఇవ్వలేదని విమర్శించారు. జిల్లాలోని 7 అసెంబ్లీ, ఒక లోక్‌సభ సీటును గెలిపించిన పాలమూరుకు మంత్రి పదవి ఇవ్వకుండా కేసీఆర్ ద్రోహం చేశారన్నారు. మంత్రివర్గంలో పాలమూరుకు అవకాశం ఇవ్వకపోతే కేసీఆర్‌ను అడ్డుకుంటామని హెచ్చరించారు. శ్రీనివాస్‌గౌడ్, స్వామిగౌడ్ లకు మంత్రి పదవులు ఇస్తే బాగుండేదన్నారు.
  
  


 హైదరాబాద్: ప్రజల చిరకాల ఆకాంక్ష అయిన ప్రత్యేక రాష్ట్రం ఏర్పాటవుతున్న సందర్భంగా తెలంగాణ రాష్ట్ర ప్రజలకు, కొత్త ప్రభుత్వానికి కేంద్ర మంత్రి వెంకయ్యనాయుడు శుభాకాంక్షలు తెలిపారు. తెలుగు ప్రజలు రెండు రాష్ట్రాలుగా విడిపోయినప్పటికీ సోదరులుగా ఒకరికొకరు సహకరించుకోవాలని పిలుపునిచ్చారు. రాష్ట్రాన్ని అభివృద్ధి పథంలో నడిపించుకోవాలని ఆకాంక్షించారు. ఈ మేరకు ఆదివారం ఓ ప్రకటన విడుదల చేశారు. అన్ని విధాలా కేంద్రం నుంచి సహాయ సహకారాలు అందించడానికి మోడీ నాయకత్వంలో ప్రభుత్వం సిద్ధంగా ఉంటుందని తెలిపారు.  
  


 ముంపుప్రాంతాలపై టీ-టీడీపీ వైఖరి వెల్లడించాలి: తమ్మినేని
 
 భద్రాచలం: పోలవరం ప్రాజెక్టు నిర్మాణాన్ని అడ్డుకునేందుకు జాతీయస్థాయిలో ఉద్యవుం చేపడతామని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం అన్నారు. ముంపు మండలాల బదలాయింపు ఆర్డినెన్స్‌ను రద్దు చేయాలని కోరుతూ భద్రాచలం ఎమ్మెల్యే సున్నం రాజయ్య చేపట్టిన ఆమరణ దీక్షకు ఆదివారం ఆయన సంఘీభావం తెలిపారు.
 
 ఈ సందర్భంగా మాట్లాడుతూ.. ప్రధాని నరేంద్రమోడీ ఇంత హడావిడిగా ముంపు మండలాల బదలాయింపుపై ఆర్డినెన్స్ తీసుకురావాల్సిన అవసరం ఏమిటని ప్రశ్నించారు.  ముంపు ప్రాంతాలపై తెలంగాణ ప్రాంత టీడీపీ నాయకులు స్పష్టమైన వైఖరి ప్రకటించాలని తమ్మినేని డిమాండ్ చేశారు.  
  


 కోదండరాం డిమాండ్  తెలంగాణ వచ్చిన సంతోషం లేదని ఆవేదన
  
 ఉద్యమాన్ని ఉధృతం చేద్దాం
 కాంట్రాక్టర్ల మేలుకే పోలవరం
 గ్రామ సభలను పరిగణనలోకి తీసుకోవాలి
 ఆర్డినెన్స్‌పై చంద్రబాబు సమాధానం చెప్పాలి
  
 హైదరాబాద్: పోలవరం ప్రాజెక్టు డిజైన్‌ను మార్చడం కాదు ఆదివాసీల ఉనికినే కనుమరుగు చేయనున్న పోలవరం ప్రాజెక్ట్‌ను రద్దు చేయాలనే అంశాన్ని ఆది వాసీలు ముందుకు తేవాలని తెలంగాణ రాజకీయ జెఏసి చైర్మన్ ప్రొఫెసర్ కోదండరాం సూచించారు. కేంద్రప్రభుత్వం జారీచేసిన ఆర్డినెన్స్ వ్యతిరేకించే అన్ని రాజకీయ పార్టీలు, ప్రజా సంఘాలను ఏకతాటిపైకి తెచ్చి ఐక్య ఉద్యమాన్ని నిర్మించాలని ఆయన పిలుపునిచ్చారు. ఆదివారం సుందరయ్య విజ్ఞాన కేంద్రంలో తెలంగాణ గిరిజన సంఘం రాష్ట్ర కమిటీ ఆధ్వర్యంలో రౌండ్‌టేబుల్ సమావేశం జరిగింది. ఆర్డినెన్స్ పార్లమెంట్‌లో చట్టం కాకముందే ఉద్యమాన్ని ఉదృతం చేస్తే న్యాయం జరుగుతుందని కోదండరాం అన్నారు. కాంట్రాక్టర్లు, కార్పొరేట్ శక్తులకు ప్రయోజనం చేకూర్చడానికే ప్రాజెక్ట్‌ను నిర్మిస్తున్నారని, ఈ ప్రాజెక్ట్ నిర్మాణం లో రైతుల, ప్రజల ప్రయోజనాలు ఏమీలేవని ఆయన పేర్కొన్నారు. ఒక రాష్ట్రంలోని ముంపు ప్రాంతాలను మరో రాష్ట్రానికి తరలించడం దేశంలో ఇప్పటి వరకు జరుగలేదన్నారు. సరిహద్దులను ప్రజల నిర్ణయాల మేరకు ఏర్పాటు చేయాలి తప్ప సొంత నిర్ణయాలు తీసుకోవడం సరికాదన్నారు.పెసా చట్టం ప్రకారం ముంపు గ్రామాల గ్రామసభలు, మండల పరిషత్‌ల తీర్మానాలను పరిగణలోకి తీసుకోవాలని సూచించారు. ఆంధ్రప్రదేశ్ ముఖ్యమంత్రి చంద్రబాబునాయుడు ఆర్డినెన్స్‌పై తన వైఖరి చెప్పాలని ఆయన డిమాండ్ చేశారు. ఎమ్మెల్సీ కె.నాగేశ్వర్ మాట్లాడుతూ, ప్రభుత్వం జారీ చేసిన ఆర్డినెన్స్‌ను వెంటనే రద్దు చేయాలని, ఈ అంశాన్ని తాను శాసనమండలిలో లేవనెత్తనున్నట్టు చెప్పారు. భద్రాచలం ఎమ్మెల్యే సున్నం రాజయ్యను అప్రజాస్వామికంగా అరెస్టు చేశారన్నారు. కార్యక్రమంలో గిరిజన సంఘం రాష్ట్ర నాయకులు శ్రీరాంనాయక్, సిపిఎం నాయకులు సారంపల్లి మల్లారెడ్డి, నాయకులు వెంకటరమణ, ధర్మానాయక్, సోమయ్య తదితరులు పాల్గొన్నారు.
 
  ఆదివాసీల మునకతో తీరని వ్యథ
 
 సుందరయ్య కళానిలయంలో ఆదివారం తెలంగాణ బీఎస్‌ఎన్‌ఎల్ ఉద్యోగుల జాయింట్ యాక్షన్ కమిటీ ఆధ్వర్యంలో జరిగిన తెలంగాణ విజయోత్సవ సభలో కోదండరాం మాట్లాడుతూ, తెలంగాణ వచ్చినా మనలో పూర్తి సంతోషం లేదన్నా రు. ఆదివాసీ సమాజం మన కళ్ల ముందే మునిగిపోతుందనే బాధ ఉందన్నారు. అనేక రూపాల్లో పోరాటాలు చేయడం వల్లనే తెలంగాణ వచ్చిందన్నారు. ఇది ఆంధ్రా వాళ్ల ఆధిపత్యం నుంచి బయటపడటానికి జరిగిన పోరాటమన్నారు. ఐతే పోలరం ప్రాజెక్ట్‌వల్ల ఆదివాసీలు మునిగిపోతున్నారని ఆవేదన వ్యక్తం చేశారు. ఆదివాసీలు కాకుండా బలమైన సామాజిక వర్గం అక్కడ ఉంటే ఆ ప్రాజెక్టును నిర్మించేవారా అని ప్రశ్నించారు. చంద్రబాబు నిజమైన మానవతావాది అయితే ప్రాజెక్టు నిర్మాణం గురించి ఆలోచించాలన్నారు. కాంట్రాక్టర్లకు మేలు చేసేందుకే ఈ ప్రాజెక్టును నిర్మిస్తున్నారని అన్నారు. ముంపునకు గురయ్యే ఆదివాసీలకు న్యాయం జరిగేలా పోరాటం చేయాలని పిలుపునిచ్చారు. ముషీరాబాద్ ఎమ్మెల్యే డాక్టర్ కె.లక్ష్మణ్ మాట్లాడుతూ, తెలంగాణ పునర్నిర్మాణంలో ప్రజల కలలను సాకారం చేయాలన్నారు. తెలంగాణ వచ్చిం దని సంబరాలు చేసుకోవడం కాదు వచ్చిన తెలంగాణను అభివృద్ధి చేసుకోవాలని సూచించారు. తెలంగాణ రచయితల సంఘం అధ్యక్షుడు జూలూరి గౌరిశంకర్ మాట్లాడుతూ, తెలంగాణ ఉద్యోగులు అవినీతిలో మునిగిపోవద్దని కోరారు.    జాయింట్ యాక్షన్ కమిటి చైర్మన్ జగన్‌మోన్ రెడ్డి అధ్యక్షతన జరిగిన ఈ కార్యక్రమంలో నమస్తే తెలంగాణ ఎడిటర్ అల్లం నారాయణ, ప్రొఫెసర్ హరగోపాల్, రాజకీయ విశ్లేషకులు వి.ప్రకాష్ తదితరులు పాల్గొన్నారు.
  
  


 హైదరాబాద్: తెలంగాణలో ఆస్తులను పంచుకోలేదని చంద్రబాబునాయుడు రెచ్చగొడుతున్నారని, ఇది మంచిది కాదని టీఆర్‌ఎస్ నాయకుడు నోముల నర్సింహయ్య హెచ్చరించారు. హైదరాబాద్‌లోని తెలంగాణభవన్‌లో ఆయన శనివారం మాట్లాడుతూ, అప్పులను మాత్రమే పంచుకున్నామని, ఇంకా ఆస్తులను పంచుకోవాల్సి ఉందంటూ రెచ్చగొట్టే విధంగా చంద్రబాబు వ్యవహరిస్తున్నారని అన్నారు. విడిపోయిన తర్వాత అన్నదమ్ములుగా కలసి అభివృద్ధి చెందేవిధంగా రెండు రాష్ట్రాల మధ్య సంబంధాలుండాలన్నారు. సంబంధాలను చెడగొట్టే విధంగా వ్యవహరించడం మంచిది కాదన్నారు.
  


 కార్యకలాపాల ఆధారంగా {sాన్స్‌కో పోస్టులను విభజించాలి: టీజాక్
  
 హైదరాబాద్: తెలంగాణ విద్యుత్ రంగానికి అదే అన్యాయం కొనసాగుతోందని తెలంగాణ విద్యుత్ ఉద్యోగుల జేఏసీ (టీజాక్) మండిపడింది. ట్రాన్స్‌కోలో ఉద్యోగులను జనాభా ప్రాతిపదికన కాకుండా కార్యకలాపాల ఆధారంగా విభజించాలని టీజాక్ కో-ఆర్డినేటర్ కె. రఘు డిమాండ్ చేశారు. జనాభా ప్రాతిపదికన విభజించడం వల్ల పోస్టుల్లో తెలంగాణకు కేవలం 42 శాతమే వచ్చిందన్నారు. విద్యుత్ సరఫరా లైను పొడవు, సబ్‌స్టేషన్లు, ట్రాన్స్‌ఫార్మర్ల సంఖ్య, విద్యుత్ డిమాండ్ ఆధారంగా విభజిస్తే 53 శాతం వస్తుందన్నారు.
 
 తెలంగాణకు కేవలం 42 శాతం చేయడం వల్ల ఉద్యోగుల సంఖ్య తగ్గిపోయి అనేక విభాగాలు కుప్పకూలిపోయే ప్రమాదం ఉందని ఆందోళన వ్యక్తం చేశారు. అంతర్రాష్ట్ర ప్రాజెక్టులైన మాచ్‌ఖండ్, బలిమెల, టీబీ డ్యామ్‌లకు సంబంధించిన ఆస్తులను సీమాంధ్రలో కలుపుతూ ఉత్తర్వులివ్వడాన్ని ఆయన తప్పుపట్టారు. అంతర్రాష్ట్ర ప్రాజెక్టులను సీమాంధ్ర ప్రాజెక్టులుగా పరిగణించడం చట్టవిరుద్ధమని మండిపడ్డారు. వీటి ఆస్తులపై రెండు రాష్ట్రాలకూ హక్కులు కల్పించాలని డిమాండ్ చేశారు. వీటిపై న్యాయం చేయాలని కోరుతూ రాష్ట్ర ప్రభుత్వ ప్రధాన కార్యదర్శి సీఎస్‌తో పాటు గవర్నరు సలహాదారులను కూడా కలవనున్నట్టు ఆయన పేర్కొన్నారు.


 న్యూఢిల్లీ : తెలంగాణ పీసీసీ అధ్యక్షుడు పొన్నాల లక్ష్మయ్య గురువారం ఉదయం ఢిల్లీ చేరుకున్నారు. సార్వత్రిక ఎన్నికల్లో తెలంగాణలో పార్టీ ఓటమిపై ఆయన  పార్టీ అధినేత్రి సోనియాగాంధీ, రాహుల్ గాంధీ, దిగ్విజయ్ సింగ్లకు సమగ్రంగా నివేదికలు అందచేయనున్నారు. ఎన్నికల్లో కాంగ్రెస్ ఓటమికి పూర్తి బాధ్యత నాదే.... ఇదే మాటకు ఇప్పటికీ కట్టుబడే ఉన్నానన్న పొన్నాల మరోవైపు పీసీసీ అధ్యక్ష పదవికి రాజీనామాపై  సందిగ్ధంలో ఉన్నారు.
 
 ఈ నేపథ్యంలో పొన్నాల  ఢిల్లీ పర్యటన తెలంగాణ కాంగ్రెస్‌లో హాట్‌టాపిక్‌గా మారింది. పొన్నాల తక్షణమే టీపీసీసీ అధ్యక్ష పదవికి రాజీనామా చేయాలంటూ సొంత పార్టీ నుంచి తీవ్రస్థాయిలో ఒత్తిళ్లు వస్తున్నాయి. పొన్నాల రాజీనామాపై ఓవైపు సీనియర్ల నుంచి ఒత్తిళ్లు రావడం, మరోవైపు ఆయన తీరుపై అధిష్టానం గుర్రుగా ఉన్న పరిస్థితుల్లో తెలంగాణలో ఓటమిపై నివేదికలు సమర్పించనున్నారు.
 
  


 టీపీసీసీ అధ్యక్ష పదవి నుంచి తప్పుకోవాలంటూ సీనియర్ల ఒత్తిళ్లు
 నేడు ఢిల్లీకి పొన్నాల పయనం
 ఎన్నికల్లో ఓటమిపై అధిష్టానానికి నివేదిక
  
 హైదరాబాద్: ‘ఎన్నికల్లో కాంగ్రెస్ ఓటమికి పూర్తి బాధ్యత నాదే. ఇదే మాటకు ఇప్పటికీ కట్టుబడే ఉన్నా.’- తెలంగాణ పీసీసీ అధ్యక్షుడు పొన్నాల లక్ష్మయ్య మంగళవారం గాంధీభవన్‌లో విలేకరులతో మాట్లాడుతూ చేసిన వ్యాఖ్యలివి.
   
 ‘ఓటమికి బాధ్యత వహిస్తానని చెబుతున్న పొన్నాల ఇంకా టీపీసీసీ అధ్యక్ష పదవిలో ఎలా కొనసాగుతారు? వెంటనే రాజీనామా చేయాలి. లేకుంటే రాజకీయాల్లో ‘నైతిక బాధ్యత’ అనే పదానికి అర్ధమే ఉండదు ’ - తెలంగాణ కాంగ్రెస్ సీనియర్ నేతల వ్యాఖ్యలు.
  పొన్నాల  ఢిల్లీ పర్యటన తెలంగాణ కాంగ్రెస్‌లో హాట్‌టాపిక్‌గా మారింది. పొన్నాల రాజీనామాపై ఓవైపు సీనియర్ల నుంచి ఒత్తిళ్లు రావడం, వురోవైపు ఆయన తీరుపై అధిష్టానం గుర్రుగా ఉన్న పరిస్థితుల్లో తెలంగాణలో ఓటమిపై నివేదికతో పొన్నాల బుధవారం ఢిల్లీ పయునవువుతున్నారు.
 
 పొన్నాల తక్షణమే టీపీసీసీ అధ్యక్ష పదవికి రాజీనామా చేయాలంటూ సొంత పార్టీ నుంచి తీవ్రస్థాయిలో ఒత్తిళ్లు వస్తున్నాయి. మాజీ మంత్రులు జానారెడ్డి, దానం నాగేం దర్, ఎంపీ పాల్వాయి గోవర్ధన్‌రెడ్డి, మాజీ ఎంపీలు మధుయాష్కీ, రాజయ్య, పొన్నం ప్రభాకర్‌తోపాటు మెజారిటీ నాయకులు, కార్యకర్తలు పొన్నాల తప్పుకుంటేనే మేలనే భావనను వ్యక్తం చేశారు. టీపీసీసీ అధ్యక్షుడిగా కొనసాగుతూ  30 వేల పైచిలుకు ఓట్ల తేడాతో ఓటమి పాలైన పొన్నాల లక్ష్మయ్య ఇంకా ఏ ముఖం పెట్టుకుని ఆ పదవిలో కొనసాగుతారంటూ నేరుగానే ప్రశ్నలు సంధిస్తున్నారు.
 
 దేశంలో కాంగ్రెస్ ఓటమికి బాధ్యత వహిస్తూ సోనియా, రాహుల్ రాజీనావూకు సిద్ధపడ్డ విషయాన్ని వారు గుర్తు చేస్తున్నారు. ఇప్పటికే పలువురు నేతలు హైకమాండ్ పెద్దలను కలసి ఆయనను తప్పించాలని ఫిర్యాదు చేశారు.   ఓటమిపై పొన్నాల అధిష్టానానికి నివేదిక సమర్పించను న్నారు.
 
 సోనియాగాంధీ తెలంగాణ రాష్ట్రాన్ని ఏర్పాటు చేసినా కాంగ్రెస్‌వల్లే తెలంగాణ వచ్చిందనే అంశాన్ని తీసుకెళ్లడంలో కాంగ్రెస్ పార్టీ నాయకులు ఉమ్మడిగా విఫలమయ్యారని, దీనికితోడు 10 ఏళ్ల ప్రభుత్వ వ్యతిరేకత, దేశంలో ఏర్పడిన  రాజకీయ కారణాలు ఓటమికి ప్రధాన కారణాలని ఆ నివేదికలో పేర్కొన్నట్లు తెలుస్తోంది. అదేవిధంగా ఎన్నికల్లో ఓటమికి ఉమ్మడి బాధ్యత వహిస్తున్నామంటూ ఈనెల 20న గాంధీభవన్‌లో టీపీసీసీ నేతలు చేసిన తీర్మానం ప్రతిని కూడా జతచేయనున్నట్టు సమాచారం.


 న్యూఢిల్లీ: కేంద్ర కేబినెట్‌లో తెలంగాణకు ప్రాతినిధ్యం దక్కకపోవడంపై పార్టీయే విచారించి చెబుతుందని, దానిపై తానేమీ వ్యాఖ్యానించనని బీజేపీ ఎంపీ బండారు దత్తాత్రేయ చెప్పారు. కేబినెట్‌లో ఎవరికి స్థానం కల్పించాలనే విషయంలో ప్రధాని మోడీ తీసుకున్న నిర్ణయాన్ని తప్పుపట్టకూడదన్నారు. ఢిల్లీలో సోమవారం రాత్రి ఆయన మీడియాతో మాట్లాడారు. కొత్తగా ఏర్పాటైన తెలంగాణ రాష్ట్రానికి కేబినెట్‌లో ప్రాతినిధ్యం దక్కకపోవడంపై అడగ్గా..‘ కేబినెట్‌లోకి ఎవరిని తీసుకోవాలి.
 
 ఎవరిని తీసుకోకూడదనే విషయంలో ప్రధాని నరేంద్ర మోడీ నిర్ణయం తీసుకుంటారు. నేను గతంలో మంత్రిగా చేశా. ఇప్పుడు మంచి మెజార్టీతో గెలిచివచ్చా. తెలంగాణకు ఎందుకు ప్రాతినిధ్యం లేదనే విషయం పార్టీ విచారించి ఆలోచించి చెబుతుంది’ అని బదులిచ్చారు. తెలంగాణ అభివృద్ధికి ఎన్డీఏ సహకరిస్తుందంటారా అని ప్రశ్నించగా తెలంగాణ అభివృద్ధి విషయంలో బీజేపీకి చిత్తశుద్ధి ఉందన్నారు.


 హైదరాబాద్: నరేంద్రమోడీ కేబినెట్‌లో చోటు ఖాయమని గంపెడాశ పెట్టుకున్న సికింద్రాబాద్ ఎంపీ బండారు దత్తాత్రేయకు నిరాశే మిగిలింది. తెలంగాణ నుంచి ఎకైక ఎంపీ కావటంతో మంత్రిపదవి తథ్యమని ఆయన భావించారు. కానీ సోమవారం కొలువుదీరిన మోడీ మంత్రి మండలిలో దత్తాత్రేయకు అవకాశం దక్కలేదు. ప్రమాణ స్వీకార కార్యక్రమానికి దత్తాత్రేయ ఉత్సాహంగా కుటుంబ సభ్యులతో కలసి ఢిల్లీ వెళ్లారు. మంత్రి పదవి దక్కిన వారి వివరాలేవీ ముందస్తుగా వెల్లడించకపోవటంతో అందరికీ సోమవారం ఉదయమే సమాచారం అందుతుందని తేలిపోయింది. సోమవారం ఉదయం గుజరాత్ భవన్‌లో మోడీ ఏర్పాటు చేసిన టీపార్టీకి పలువురు నేతలకు పిలుపొచ్చింది. వారంతా మంత్రివర్గంలో చోటు దక్కినవారే. దీనికి దత్తాత్రేయను ఆహ్వానించకపోవటంతోనే ఆయనలో అనుమానం బలపడింది. అప్పటికే మోడీ జాబితాను రాష్ట్రపతి భవన్‌కు పంపారు. ఆ జాబితాలో పేర్లున్నవారందరికీ అక్కడి నుంచి ఫోన్ ద్వారా ఆహ్వానం అందింది. అయితే  మధ్యాహ్నం వరకు ఎదురు చూసినా ఫోన్‌కాల్ రాకపోవటంతో తనకు అవకాశం దక్కలేదని దత్తాత్రేయ నిర్ధారించుకున్నారు.
 
 వెంటనే పార్టీ అధ్యక్షుడు రాజ్‌నాథ్‌ను సంప్రదించి విషయంపై ఆరా తీశారు. ప్రస్తుతానికి పరిమిత సభ్యులతో మంత్రివర్గాన్ని ఏర్పాటు చేయాలని ప్రధానమంత్రి నరేంద్రమోడీ నిర్ణయించుకున్నారని, ఈ కారణంగానే చాలామంది సీనియర్లకు కూడా అవకాశం దక్కలేదని, పార్లమెంటు బడ్జెట్ సమావేశాల తర్వాత జరిగే విస్తరణలో మరికొంతమందికి అవకాశం ఉంటుందని రాజ్‌నాథ్, దత్తాత్రేయకు స్పష్టం చేసినట్లు సమాచారం. దీంతో మలి విస్తరణలో తనకు అవకాశం దక్కుతుందని దత్తాత్రేయ నమ్మకంతో ఉన్నారు.
  
 మోడీ నుంచి లభించని హామీ: ఎన్నికల ఫలితాలు వెలువడిన వెంటనే దత్తాత్రేయ ఢిల్లీ వెళ్లి మర్యాదపూర్వకంగా మోడీని కలిశారు. బీజేపీ భారీ విజయం దక్కించుకున్నందుకు మోడీని అభినందించి తనకు మంత్రివర్గంలో అవకాశం కల్పించాలని కోరారు. అయితే తెలంగాణలో పార్టీని బలోపేతం చేయాల్సిన అవసరం ఉందన్న మోడీ దత్తన్నకు మంత్రిపదవిపై హామీ ఇవ్వలేదని సమాచారం.


 కసరత్తు  చేస్తున్న టీఆర్‌ఎస్ అధిష్టానం
 
 హైదరాబాద్: అపాయింటెడ్‌డే (జూన్ 2) తర్వాత  తెలంగాణ రాష్ట్రంలో ఎస్పీ, రేంజ్ డీఐజీలను మార్చడానికి కసరత్తు సాగుతున్నట్లు సమాచారం. ఉత్తర తెలంగాణలో ఇద్దరు ఎస్పీలు, దక్షిణ తెలంగాణలో మరో ఇద్దరు లేక ముగ్గురు ఎస్పీలను, హైదరాబాద్, నిజామాబాద్, కరీంనగర్, వరంగల్ రేంజ్ డీఐజీలలో ఇద్దరిని త్వరలో బదిలీ చేయనున్నట్లు విశ్వసనీయంగా తెలిసింది. గత ఎన్నికల్లో అధికార పార్టీ మంత్రుల చొరవతో వారికి పోస్టింగ్‌లు లభించినట్లు భావిస్తున్న టీఆర్‌ఎస్ అధిష్టానం ఈ నిర్ణయానికి వచ్చినట్లు తెలుస్తోంది. దీనికితోడు బాధ్యతల నిర్వహణలో వారు అలసత్వం ప్రదర్శించినట్లు ఫిర్యాదులు ఉండటం కూడా వారిని మార్చాలని నిర్ణయించడానికిగల కారణాల్లో ఒకటని ఆ పార్టీ వర్గాలు పేర్కొంటున్నాయి.
  


 తెలంగాణను వ్యతిరేకించిన ఆ పార్టీకి సలాం కొడతారా?: కిషన్‌రెడ్డి
  
 ఆ పార్టీ రజాకార్ల వారసత్వమని మరిచారా?
 తెలంగాణలో ఖాసీం రజ్వీ అకృత్యాలు గుర్తులేదా..{పజలకు కేసీఆర్ సమాధానం చెప్పాలి
 తెలంగాణ రాష్ట్ర చిహ్నంలో చార్మినార్ బదులు మరేదైనా చారిత్రక గుర్తును వాడాలి    
  
  హైదరాబాద్: తెలంగాణ రాష్ట్రం ఏర్పాటును తీవ్రంగా వ్యతిరేకించి, తెలంగాణ ఉద్యమాన్ని కించపరచేలా వ్యవహరించిన మజ్లిస్‌తో దోస్తీకి ఎందుకు తాపత్రయపడుతున్నారో తెలంగాణ రాష్ర్ట్రంలో తొలి ప్రభుత్వాన్ని ఏర్పాటు చేయబోతున్న టీఆర్‌ఎస్ అధినేత కేసీఆర్ ప్రజలకు సమాధానం చెప్పాలని బీజేపీ తెలంగాణ రాష్ట్ర శాఖ అధ్యక్షుడు కిషన్‌రెడ్డి డిమాండ్ చేశారు. కాంగ్రెస్ నీడలో బలపడేందుకు నిన్నటి వరకు యత్నించిన మజ్లిస్ పార్టీ నేతలపై దేశ ద్రోహం కేసులున్న సంగతి కేసీఆర్‌కు తెలియదా అని ప్రశ్నించారు. అయినా వారి మద్దతు కోసం వారికి ఎదురేగి మరీ సలాం కొట్టాల్సిన పరిస్థితి ఎందుకు వచ్చిందో వివరణ ఇవ్వాలన్నారు.  శనివారం సాయంత్రం ఆయన బీజేపీ రాష్ట్ర కార్యాలయంలో విలేఖరుల సమావేశంలో మాట్లాడారు. ఖాసిం ర జ్వీ ఆధ్వర్యంలో తెలంగాణ పల్లెల్లో వందలమంది మహిళలపై అత్యాచారాలు చేసి అడ్డొచ్చిన వారిని ఊచకోత కోసిన రజాకార్ల వారసత్వంగా ఎదిగిన పార్టీ మజ్లిస్ అన్న విషయాన్ని కేసీఆర్ మరిచారా అని ప్రశ్నించారు. తెలంగాణలో సాయుధపోరాటం ఎందుకు వచ్చిందో, నాటి యోధులకు ఎందుకు సమరయోధుల పింఛన్ ఇస్తున్నారో టీఆర్‌ఎస్ అధినేత గుర్తుచేసుకోవాలన్నారు.
 
 కొద్దిసేపు పోలీసులు పట్టించుకోకుంటే భారతీయుల సంగతేంటో చూద్దామంటూ ప్రసంగించి ఒక వర్గం వారిని రెచ్చగొట్టి దేశ ద్రోహం కేసులు ఎదుర్కొంటున్న మజ్లిస్ నేతలకు కేసీఆర్ కుటుంబం సాదరస్వాగతం పలికి ప్రభుత్వానికి మద్దతు కోరటం దారుణమన్నారు. ఎన్నో పోరాటాల తర్వాత సాధించుకున్న తెలంగాణ తొలి ప్రభుత్వాన్ని మజ్లిస్ మద్దతుతో ఏర్పాటు చేయటం ఏమాత్రం శుభం కాదన్నారు. హైదరాబాద్‌లో బలంలేని టీఆర్‌ఎస్ త్వరలో జరిగే జీహెచ్‌ఎంసీ ఎన్నికల్లో ఓ పది సీట్లు పొందేందుకు మజ్లిస్ దోస్తీకి ఆరాటపడటం అవకాశవాదమన్నారు. చార్మినార్ ఓ మతానికి సంబంధించిందని గతంలో పదేపదే చెప్పిన మజ్లిస్ నేతల ఒత్తిడితో దాని చిత్రాన్ని తెలంగాణ రాష్ట్ర అధికారిక చిహ్నంలో పొందుపరచాలని చేస్తున్న ప్రయత్నాన్ని బీజేపీ వ్యతిరేకిస్తోందని తెలిపారు. వాస్తవానికి కూడా చార్మినార్ కట్టడంలో మసీదు ఉన్నందున... అది కాకుండా రాష్ట్ర చరిత్రను ప్రతిబింబించే ఇతర గుర్తులకు ఆ చిహ్నంలో చోటు ఇవ్వాలని విజ్ఞప్తి చేశారు.
 
  విధివిధానాల ప్రకారమే ఉద్యోగుల విభజన జరగాలి...
 
  రాష్ట్రం విడిపోయినప్పుడు ఉద్యోగుల విభజన ఎలా జరగాలన్న అంశంపై రూపొందించిన విధివిధానాలు, మార్గదర్శకాల ప్రకారమే ఇప్పుడు పంపకం జరగాలని కిషన్‌రెడ్డి అన్నారు. ఈ పంపకం సామరస్యపూర్వకంగా జరిగేలా సహకరించాలే తప్ప రెచ్చగొట్టేలా వ్యవహరించ వద్దని హితవు పలికారు. తెలంగాణ ఉద్యమ నేత విఠల్‌ను ఆంధ్రప్రదేశ్‌కు కేటాయించటం అవివేకమన్నారు.


 టీఆర్‌ఎస్ వార్‌రూం, టీఎన్జీవో గ్రీవెన్స్‌సెల్‌కు సమాచారం ఇవ్వండి: దేవీప్రసాద్
 
 సచివాలయంలో తెలంగాణ ఉద్యోగులే పనిచేయాలి
 స్థానికత ఆధారంగా విభజన జరిగే వరకు అప్రమత్తంగా ఉండాలని పిలుపు
  
  కరీంనగర్ : తెలంగాణలో పనిచేస్తున్న సీమాంధ్ర ఉద్యోగులను గుర్తించి టీఆర్‌ఎస్ వార్‌రూంకు, టీఎన్జీవో ఏర్పాటు చేసిన గ్రీవెన్స్‌సెల్‌కు వెంటనే సమాచారం అందించాలని టీఎన్‌జీవో అధ్యక్షుడు దేవీప్రసాద్ ఉద్యోగులకు పిలుపునిచ్చారు. శనివారం ఆయన కరీంనగర్‌లో ఆయన విలేకరుల సమావేశంలో మాట్లాడారు. తెలంగాణ సచివాలయంలో ఈ ప్రాంత ఉద్యోగులు మాత్రమే పనిచేయాలన్నారు. తెలంగాణ ఉద్యోగులం సీమాంధ్రలో పనిచేయమని, అదేవిధంగా సీమాంధ్ర ఉద్యోగులు ఇక్కడ పనిచేయొద్దని అన్నారు. ఇప్పటికే సీమాంధ్రలో ఉన్న మూడు వేల మంది తెలంగాణ ఉద్యోగులు జన్మభూమిపై మమకారంతో ఇక్కడే పనిచేసేందుకు వాంటరీ రిక్వెస్ట్ ట్రాన్స్‌ఫర్ పెట్టుకున్నారని తెలిపారు. ఏపీఎన్జీవో నాయకులు సీమాంధ్ర ఉద్యోగుల్లో అభద్రతా భావాన్ని పెంపొందించవద్దని కోరారు. ఆంధ్ర ఉద్యోగులకు ఆప్షన్లు ఉండవని కేసీఆర్ చెప్పిన మాటను తప్పుపట్టవద్దన్నారు.
 
 అది ఒక్క కేసీఆర్ మాటే కాదని, నాలుగున్నర లక్షల తెలంగాణ ఉద్యోగుల మాటతో పాటు నాలుగున్నర కోట్ల ప్రజల డిమాండ్ అని పేర్కొన్నారు. ఆయా హెడ్‌వోడీ కార్యాలయాల్లో పనిచేస్తున్న ఉద్యోగుల జాబితా ఇంతవరకు ప్రచురణకు నోచుకోలేదని చెప్పారు. జాబితాను బహిరంగంగా వెల్లడిస్తే తప్పుడు సమాచారమిచ్చిన ఉద్యోగుల వివరాలు బయటపడి అపాయింటెడ్ డే, కొత్త ప్రభుత్వ ప్రమాణ స్వీకారంలోపు పరిశీలించే అవకాశం ఉండేదన్నారు. స్థానికత ఆధారంగా విభజన జరిగేంత వరకు ఉద్యోగులు అప్రమత్తంగా ఉండాలని దేవీప్రసాద్ సూచించారు. ఇప్పటివరకు 23 జిల్లాలకు ప్రాతినిధ్యం వహించిన సచివాలయంలో తెలంగాణ జిల్లాల వారిని పట్టించుకోలేదన్నారు. అందుకే సచివాలయంలో తెలంగాణ ఉద్యోగులే పనిచేయాలన్నారు. 58ః42 ప్రకారం ఉద్యోగుల విభజన ప్రక్రియలో మంజూరీ పోస్టులను కాకుండా వర్కింగ్ పోస్టులను విభజించడం సరికాదన్నారు. రెవెన్యూ శాఖలో రద్దు చేసిన తెలంగాణలోని నాలుగు వందల పోస్టులను వెంటనే పునరుద్ధరించాలని దేవీప్రసాద్ డిమాండ్ చేశారు.
  


 తెలంగాణకు రూ.67వేల కోట్లు, సీమాంధ్రకు రూ.93వేల కోట్ల అప్పు
  
 తాత్కాలిక లెక్కల ప్రకారం అంచనా వేసిన ఆర్థిక శాఖ అధికారులు
 జనాభా ప్రాతిపదికన రెండు రాష్ట్రాలకు అప్పుల పంపిణీ
 ఎవరు ఏ అప్పు ఎంత వడ్డీతో కట్టాలో చెప్పనున్న ఆర్‌బీఐ
  
  హైదరాబాద్: రాష్ట్ర విభజన నేపథ్యంలో ఉమ్మడి రాష్ట్రంలో అప్పులను కొన్నింటిని ప్రాజెక్టుల వారీగా ఏ ప్రాంతానికి వినియోగిస్తే ఆ ప్రాంతానికి పంపిణీ చేయనున్నారు. ప్రత్యేకంగా ఒక ప్రాంతానికి మాత్రమే అప్పు తెచ్చినట్లు నిర్ధారించలేమని జనాభా ప్రాతిపదికన రెండు రాష్ట్రాలకు పంపిణీ చేయనున్నా రు. అప్పుల పంపిణీకి సంబంధించి తాత్కాలికంగా ఆర్థికశాఖ అంచనాలను వేసింది. ఇప్పటి వరకు ఉమ్మడిరాష్ట్రంలో అన్ని రకాల అప్పులు కలిపి రూ.1.60లక్షల కోట్లుగా తేల్చారు. ఇందులో తెలంగాణకు రూ.67వేల కోట్లు, ఆంధ్రప్రదేశ్‌కు రూ.93 వేల కోట్ల అప్పు ఉంటుందని ప్రాథమిక అంచనాలో తేల్చింది. ఇందులో ప్రత్యేకంగా ఒక ప్రాంతంలోని ప్రాజెక్టులకు తెచ్చిన విదేశీ, స్వదేశీ అప్పులను ఆయా ప్రాంతాలకే కేటాయించారు. అలాగే సాగునీటి ప్రాజెక్టులతో పాటు ఇతర ప్రాజెక్టులకు వెచ్చించిన అప్పులను మాత్రం జనాభా ప్రాతిపదికనే పంపిణీ చేస్తున్నారు. ప్రతి ఆర్థిక సంవత్సరంలో ప్రణాళిక పద్దు కింద ఆస్తుల కల్పన వ్యయం కోసం సెక్యూరిటీల విక్రయం ద్వారా ప్రభుత్వం అప్పులు చేస్తుంది. ఈ అప్పులను బడ్జెట్ ద్వారా సాగునీటి ప్రాజెక్టులతో పాటు ఇతర ఆస్తుల కల్పన కోసం వ్యయం చేస్తారు.
 
 మొత్తం బడ్జెట్ ఆధారంగా వ్యయం చేస్తున్నందున ప్రాంతాల వారీగా ప్రాజెక్టుల వ్యయం తీయడంలేదని అధికార వర్గాలు తెలిపాయి. ప్రాజెక్టుల వారీగా వ్యయం తీయాలంటే ప్రణాళిక పద్దు కింద ఏ జిల్లాల్లో ఏ ఆర్థిక సంవత్సరంలో ఎంత వ్యయం చేసిందీ గత 30 సంవత్సరాల నుంచి లెక్కలు తీయాల్సి వస్తుంది. ఈ నేపథ్యంలో బడ్జెట్ కోసం తెచ్చిన అప్పులను రెండు రాష్ట్రాలకు జనాభా ప్రాతిపదికన పంపిణీ చేయనున్నారని అధికార వర్గాలు తెలిపాయి. విదేశీ సంస్థలు, నాబార్డు నుంచి తెచ్చిన అప్పులను ప్రత్యేకంగా ప్రాజెక్టుల వారీగా తెచ్చినందున ఆ అప్పులను ఏ ప్రాంతంలో ఆ ప్రాజెక్టు ఉంటే ఆ ప్రాంతానికి అప్పులను లెక్కకట్టినట్లు వివరించాయి. రాష్ట్ర ప్రభుత్వం తెచ్చే అప్పులు కొన్ని 20 సంవత్సరాల్లో, కొన్ని 15 సంవత్సరాల్లో, కొన్ని పది సంవత్సరాల్లో, మరికొన్ని ఐదు సంవత్సరాల్లో తీర్చాల్సిన అప్పులు ఉంటాయని, వాటిలోను వడ్డీ శాతాల్లో వ్యత్యాసం ఉంటుందని ఉన్నతాధికారి ఒకరు తెలిపారు. అప్పులు తీర్చే సమయం, వడ్డీ శాతాలను పరిగణనలోకి తీసుకుని ఏ రాష్ట్రంలో ఎంత కాలంలో, ఎంత వడ్డీ అప్పులను తీర్చాలో ఆర్‌బీఐ నిర్ధారించనుందని తెలిపారు.
  
 
  


 ఏపీసీసీ అధ్యక్షుడు రఘువీరారెడ్డి
 
 అనంతపురం: టీఆర్‌ఎస్ అధినేత కె.చంద్రశేఖర్‌రావు మాటలు తెలంగాణకు నష్టం కలిగిస్తాయని ఏపీసీసీ అధ్యక్షుడు ఎన్.రఘువీరారెడ్డి అన్నారు. శనివారం ఆయన అనంతపురంలో విలేకరులతో మాట్లాడారు. ‘కేసీఆర్ గతంలో ఒక పార్టీ అధ్యక్షుడు. ఇప్పుడు తెలంగాణ రాష్ట్రానికి కాబోతున్న తొలి ముఖ్యమంత్రి. అలాంటప్పుడు ఆయన ఎంతో హుందాగా ఉండాల’ని హితవు పలికారు.
 
 ‘గతంలో ప్రజలను రెచ్చగొట్టేలా మాట్లాడారంటే అర్థముంది. ఇప్పుడు ఆ అవసరం ఏముంది?  ఇప్పుడూ రెచ్చగొట్టేలా మాట్లాడుతూ తప్పు చేస్తున్నారు. ఆయన మాటలు తెలంగాణకు నష్టం కలిగిస్తాయ’ని అన్నారు. తెలంగాణలో ఉండే ప్రతి ఒక్కరికీ అండగా ఉంటామని, అక్కడున్న ఏ ఒక్కరిపైనా ఈగ కూడా వాలకుండా రక్షణ కవచంగా నిలుస్తామని భరోసా ఇచ్చారు.   
  
  


 హైదరాబాద్ : గాంధీభవన్‌లో కాంగ్రెస్ కార్యకర్తలు మరోసారి రెచ్చిపోయారు. బుధవారం జరిగిన పార్టీ సమావేశంలో కార్యకర్తల మధ్య రసాభాస చోటుచేసుకుంది. కాంగ్రెస్ పార్టీ ఓటమికి నేతలే కారణమంటూ కార్యకర్తలు మరోసారి విరుచుకుపడ్డారు. దాంతో తెలంగాణ పీసీసీ అధ్యక్షుడు పొన్నాల లక్ష్మయ్య అనుచరులకు, కార్యకర్తల మధ్య తోపులాట జరిగింది. ఒకరినొకరు తోసుకోవటంతో ఉద్రిక్తత నెలకొంది.
 
 కాగా సార్వత్రిక ఎన్నికల  ఫలితాల తర్వాత తొలిసారి గాంధీభవన్‌కు వచ్చిన టీ-కాంగ్రెస్ నేతలకు నిన్న ఘోర పరాభవం ఎదురైంది. ప్రత్యేక రాష్ట్రాన్ని సాధించినప్పటికీ తెలంగాణలో కాంగ్రెస్ పరాజయం పాలవడానికి టీపీసీసీ పెద్దలే కారణమంటూ కార్యకర్తలు తీవ్రస్థాయిలో ధ్వజమెత్తారు. ‘మీవల్లే పార్టీ సర్వనాశనమైంది.
 పాతికేళ్లుగా పార్టీ కోసం పనిచేస్తున్న మాలాంటి వాళ్ల నోట్లో మన్నుకొట్టారు. అయినా సిగ్గులేకుండా ఎందుకొచ్చారు? తక్షణమే రాజీనామా చేసి వెళ్లిపోండి’ అంటూ టీపీసీసీ అధ్యక్షుడు పొన్నాల లక్ష్మయ్య, కార్యనిర్వాహక అధ్యక్షుడు ఉత్తమ్‌కుమార్‌రెడ్డి, ప్రచార కమిటీ చైర్మన్ దామోదర రాజనర్సింహలను గాంధీభవన్‌లో నిలదీశారు. కార్యకర్తల ఆగ్రహానికి విస్తుపోయిన సదరు నేతలు చేసేదేమీ లేక తలదించుకుని వెళ్లిపోయారు.
 
  


 మీ వల్లే పార్టీ నాశనమైంది..
 మా నోట్లో మట్టికొట్టారు
 పొన్నాల, దామోదర్, ఉత్తమ్‌పై కార్యకర్తల ఫైర్
  
 తక్షణమే రాజీనామా చేసి వెళ్లిపోండి
 టీపీసీసీ నేతలను తూర్పారబట్టిన పార్టీ వర్గాలు
 కార్యకర్తల తిట్ల ధాటికి తలవంచుకుని జారుకున్న నేతలు
 
 హైదరాబాద్: సార్వత్రిక ఎన్నికల  ఫలితాల తర్వాత తొలిసారి గాంధీభవన్‌కు వచ్చిన టీ-కాంగ్రెస్ నేతలకు ఘోర పరాభవం ఎదురైంది. ప్రత్యేక రాష్ట్రాన్ని సాధించినప్పటికీ తెలంగాణలో కాంగ్రెస్ పరాజయం పాలవడానికి టీపీసీసీ పెద్దలే కారణమంటూ కార్యకర్తలు తీవ్రస్థాయిలో ధ్వజమెత్తారు. ‘మీవల్లే పార్టీ సర్వనాశనమైంది. పాతికేళ్లుగా పార్టీ కోసం పనిచేస్తున్న మాలాంటి వాళ్ల నోట్లో మన్నుకొట్టారు. అయినా సిగ్గులేకుండా ఎందుకొచ్చారు? తక్షణమే రాజీనామా చేసి వెళ్లిపోండి’ అంటూ టీపీసీసీ అధ్యక్షుడు పొన్నాల లక్ష్మయ్య, కార్యనిర్వాహక అధ్యక్షుడు ఉత్తమ్‌కుమార్‌రెడ్డి, ప్రచార కమిటీ చైర్మన్ దామోదర రాజనర్సింహలను గాంధీభవన్‌లో నిలదీశారు. కార్యకర్తల ఆగ్రహానికి విస్తుపోయిన సదరు నేతలు చేసేదేమీ లేక తలదించుకుని వెళ్లిపోయారు.
 
 అధినేత్రి సోనియా, ఉపాధ్యక్షుడు రాహుల్‌గాంధీ నాయకత్వాన్ని బలపరుస్తూ తీర్మానం చేసేందుకు పొన్నాల ఆధ్వర్యంలో గాంధీభవన్‌లో మంగళవారం అందుబాటులో ఉన్న టీపీసీసీ ముఖ్య నేతలు సమావేశ మయ్యారు. ఉత్తమ్, దామోదరతో పాటు పీసీసీ మాజీ అధ్యక్షుడు డి.శ్రీనివాస్, మాజీ మంత్రి జానారెడ్డి, ఎంపీలు రేణుకా చౌదరి, గుత్తా సుఖేందర్‌రెడ్డి, ఎమ్మెల్యేలు మల్లు భట్టివిక్రమార్క, జి.చిన్నారెడ్డి, ఎమ్మెల్సీలు పొంగులేటి సుధాకర్‌రెడ్డి, ఆమోస్, జగదీశ్వర్‌రెడ్డి తదితరులు ఈ భేటీకి హాజరయ్యారు.
 
 టీపీసీసీ తీర్మానాన్ని దామోదర రాజనర్సింహ చదివి విన్పించగా.. మిగిలిన వారు దాన్ని ఏకగ్రీవంగా ఆమోదించారు. ఈ సందర్భంగా టీపీసీసీ కార్యదర్శులు బొల్లు కిషన్, బొట్టు వెంకన్న, జ్ఞానసుందర్ తదితరులు లేచి తమకు మాట్లాడే అవకాశం ఇవ్వాల్సిందిగా కోరారు. అయితే వేదికపైనున్న నేతలు మైకు ఇవ్వకుండా సమావేశం ముగిసినట్లు ప్రకటించి వేదిక దిగబోయారు.
 
 దీంతో తీవ్ర ఆగ్రహానికి లోనైన సదరు నాయకులు, కార్యకర్తలు వేదిక వద్దకు దూసుకొచ్చారు. ‘‘మీవల్లే కాంగ్రెస్ నాశనమైంది. ముమ్మాటికీ నాయకత్వ లోపమే. ఈ వాస్తవాన్ని మీరేందుకు ఒప్పుకోవడం లేదు? పాతికేళ్లుగా పార్టీని నమ్ముకుని రక్తం ధారపోసిన మా నోట్లో మన్నుకొట్టారు. తెలంగాణ ఇచ్చినా జనంలోకి వెళ్లలేక పార్టీని సర్వనాశనం చేశారు. అయినా సిగ్గులేకుండా ఎందుకొచ్చారు? టీపీసీసీ అధ్యక్షుడిగా ఉంటూ ఘోరంగా ఓడిపోయిన పొన్నాల ఆ పదవిలో ఉండటానికి వీల్లేదు. టీపీసీసీ ప్రచార కమిటీ చైర్మన్‌గా ఉంటూ సొంత జిల్లాకే పరిమితమైన దామోదర రాజనర్సిహ... తనకు, తన భార్యకే టికెట్లు తెచ్చుకున్న ఉత్తమ్‌కుమార్‌రెడ్డి తక్షణమే పార్టీకి రాజీనామా చేయాలి’’ అని డిమాండ్ చేశారు.
 
 దీంతో ఖిన్నులైన టీపీసీసీ పెద్దలు మౌనంగా ఉండిపోయారు. వారిని చుట్టుముట్టిన కార్యకర్తలు.. పొన్నాల, దామోదర, ఉత్తమ్‌కు వ్యతిరేకంగా నినాదాలు చేశారు. రేణుకాచౌదరి, పొంగులేటి తదితరులు వారిని బుజ్జగించేందుకు య త్నించినా ఫలితం లేకపోయింది. ఒకదశలో ఆ ముగ్గురు నేతలను ఉద్దేశించి పత్రికలో రాయలేని పదాలతో తిట్ల దండకం చదివారు. అయినప్పటికీ చేసేదేమీ లేక పొన్నాల, దామోదర సమావేశ మందిరం నుంచి బయటకు వచ్చి వాహనం ఎక్కారు. పార్టీ నాయకులు, కార్యకర్తలు సైతం వారి వెంట బయటకు వచ్చి తీవ్ర పద జాలాన్ని ఉపయోగిస్తూ తమ ఆక్రోశాన్ని వెళ్లగక్కారు. ఒక దశలో సహనం కోల్పోయిన దామోదర అక్కడి వారిపై రుసరుసలాడారు.
 
 ‘ఏం కిషన్.. మీడియా ముందు హీరో కావాలనుకుంటున్నావా? నువ్వు ఏం చేసుకుంటావో చేసుకో పో..’ అని వ్యాఖ్యానించారు. ‘అవసరం తీరాక ఇట్లనే ఉంటుంది. నువ్వు దళితుడివై ఉండి సాటి దళితుల గురించి ఏనాడైనా పట్టించుకున్నావా? మేం టికెట్ అడిగితే మమ్మల్ని కాదని పార్టీకి సంబంధం లేని అద్దంకి దయాకర్‌కు టికెట్ ఇప్పించుకున్నవ్. నీలాంటోడివల్లే పార్టీ నాశనమైంది’ అని అక్కడి నేతలు కూడా ఆగ్రహంతో ఊగిపోయారు. అదే సమయంలో కొందరు నగర కార్యకర్తలు మాజీ మంత్రి దానం నాగేందర్‌కు వ్యతిరేకంగా నినాదాలు చేశారు. దీంతో అక్కడే ఉన్న దానం అనుకూలవర్గం వారిపై దాడికి దిగింది. పరిస్థితి ఉద్రిక్తమవుతుందని గ్రహించిన టీపీసీసీ ముఖ్యులంతా అక్కడినుంచి వెళ్లిపోయారు. అనంతరం కిషన్, జ్ఞాన సుందర్ తదితరులు మీడియాతో మాట్లాడుతూ.. పొన్నాల, దామోదర, ఉత్తమ్ తమ పదవులకు తక్షణం రాజీనామా చేయాలని డిమాండ్ చేశారు. ఎన్నికల్లో ఓడిపోయిన వాళ్లు.. పార్టీ కార్యకర్తలకు ఎలా మనోధైర్యాన్నిస్తారని ప్రశ్నించారు.
 
 కార్యకర్తల ఆవేదనకు అర్థముంది: పొంగులేటి
 కార్యకర్తల ఆవేదనలో అర్థముందని ఎమ్మెల్సీ పొంగులేటి సుధాకర్‌రెడ్డి అన్నారు. పదేళ్లుగా కార్యకర్తలను నిర్లక్ష్యం చేసిన ఫలితంగానే పార్టీ ఓడిపోయిందన్నారు. ఓటమికి తామంతా సమష్టి బాధ్యత వహించడంతోపాటు కార్యకర్తలకు క్షమాపణ చెబుతున్నామన్నారు. పార్టీ క్లిష్ట పరిస్థితుల్లో ఉన్న ఈ సమయంలో కార్యకర్తల్లో మనోధైర్యాన్ని పెంచాల్సిన బాధ్యత అందరిపైనా ఉందన్నారు. కార్యకర్తల ఆవేదనను అర్ధం చేసుకున్నామని, ఫలితాలపై ఆత్మపరిశీలన చేసుకుని ముందుకు వెళ్లాల్సిన అవసరం ఉందని రేణుకా చౌదరి అన్నారు.
 
 నోరు మెదపని పొన్నాల
 గాంధీభవన్‌లో జరిగిన ఘటనపై మాట్లాడేందుకు పొన్నాల లక్ష్మయ్య నిరాకరించారు. ఎన్నికల ఫలితాలపై జూన్ మొదటి వారం నుంచి జిల్లాలవారీగా సమీక్షించాలని నిర్ణయించినట్లు చెప్పారు. హంగ్ నెలకొన్న మహబూబ్‌నగర్, మెదక్, రంగారెడ్డి జిల్లాల్లో జెడ్పీ చైర్మన్లను కైవసం చేసుకునేందుకు తగిన వ్యూహాన్ని రూపొందించామన్నారు. డీకే అరుణకు మహబూబ్‌నగర్, రాజనర్సింహకు మెదక్, సబితా ఇంద్రారెడ్డికి మెదక్ జెడ్పీ చైర్మన్ ఎన్నికల బాధ్యతను అప్పగించినట్లు చెప్పారు.
  
 ఓటమికి టీపీసీసీదే ఉమ్మడి బాధ్యత
 సోనియా, రాహుల్ నాయకత్వంలోనే పనిచేస్తాం 
 టీపీసీసీ సమావేశంలో ఏకగ్రీవ తీర్మానం
  
 తెలంగాణలో కాంగ్రెస్ ఓటమికి ఉమ్మడిగా బాధ్యత వహిస్తున్నట్లు తెలంగాణ ప్రదేశ్ కాంగ్రెస్ కమిటీ (టీపీసీసీ) పేర్కొంది. ఓటమికి నైతిక బాధ్యత వహిస్తూ సోనియాగాంధీ, రాహుల్‌గాంధీ చేసిన రాజీనామాలను తిరస్కరిస్తూ సీడబ్ల్యూసీ తీసుకున్న నిర్ణయాన్ని స్వాగతించింది. సోని యా, రాహుల్ నాయకత్వంలోనే పార్టీని తిరిగి బలోపేతం చేసేందుకు క్షేత్రస్థాయిలో క్రియాశీలకంగా పనిచేయాలని తీర్మానించింది. టీపీసీసీ అధ్యక్షుడు పొన్నాల లక్ష్మయ్య నేతృత్వంలో మంగళవారం గాంధీభవన్‌లో అందుబాటులో ఉన్న టీపీసీసీ సీనియర్ నేతలు సమావేశమయ్యారు.
 
 మాజీ ఉప ముఖ్యమంత్రి దామోదర రాజనర్సింహ, పీసీసీ మాజీ అధ్యక్షుడు డి.శ్రీనివాస్, మాజీ మంత్రి కె.జానారెడ్డి, అసెంబ్లీ మాజీ డిప్యూటీ స్పీకర్ మల్లు భట్టివిక్రమార్క, ఏఐసీసీ కార్యదర్శి జి.చిన్నారెడ్డి, ఎంపీ గుత్తా సుఖేందర్‌రెడ్డి, ఎమ్మెల్సీలు జగదీశ్వర్‌రెడ్డి, అమోస్, ఎమ్మెల్యే వంశీచంద్‌రెడ్డితోపాటు గండ్ర వెంకటరమణారెడ్డి, ఆకుల లలిత తదితరులు ఈ సమావేశానికి హాజరయ్యారు. ఈ సందర్భంగా పొన్నాల మాట్లాడుతూ.. ఎన్నికల్లో పార్టీ ఓటమి బాధాకరమైనప్పటికీ నిరాశపడాల్సిన అవసరం లేదన్నారు. అనంతరం రాజనర్సింహ టీపీసీసీ రూపొందించిన తీర్మానాన్ని చదివి విన్పించగా నేతలంతా ఏకగ్రీవంగా ఆమోదించారు.
 
 తీర్మానం సారాంశమిదే...
 ‘‘2014 సాధారణ ఎన్నికల్లో కాంగ్రెస్ ఓటమికి నైతిక బాధ్యత వహిస్తూ సోనియాగాంధీ, రాహుల్‌గాంధీ రాజీనామాకు సిద్ధపడటాన్ని మన్మోహన్‌సింగ్ సహా సీడబ్ల్యూసీ తిరస్కరిస్తూ తీర్మానించింది. ఓటమికి ప్రభుత్వపరంగా బాధ్యత తీసుకుంటానని మన్మోహన్‌సింగ్ చెప్పడాన్ని, సీడబ్ల్యూసీ నిర్ణయాన్ని ఆమోదిస్తూ టీపీసీసీ తీర్మానించింది. సోనియా, రాహుల్ నాయకత్వంలో పార్టీని తిరిగి బలోపేతం చేస్తూ క్షేత్రస్థాయిలో క్రియాశీలకంగా పనిచేయాలని తీర్మానించింది.
 
 రాజకీయ ప్రయోజనాలకు తావు లేకుండా సోనియాగాంధీ తెలంగాణ రాష్ట్ర ఏర్పాటు విషయంలో ప్రజల ఆకాంక్షను నెరవేర్చారు. తెలంగాణలో పార్టీ ఓటమికి తనదే బాధ్యతగా పొన్నాల లక్ష్మయ్య ప్రకటించారు. అయితే దేశంలో ఏర్పడిన రాజకీయ కారణాల వల్లే పార్టీ ఓటమి పాలైందని తెలంగాణ ప్రదేశ్ కాంగ్రెస్ కమిటీ ప్రాథమికంగా అంచనా వేస్తూ అందుకు ఉమ్మడి బాధ్యత స్వీకరిస్తుంది. భవిష్యత్తులో సోనియాగాంధీ కాంగ్రెస్ అధ్యక్షురాలిగా, రాహుల్‌గాంధీ ప్రతిపక్ష హోదాలో ప్రజాపక్షాన నిలబడాలని టీపీసీసీ తీర్మానించింది’’
  


 ‘అధికార పార్టీ’ హోదాలో ఎత్తుగడ  తెలంగాణలో తిరుగులేని పట్టు సాధించే వ్యూహం
  
 కాంగ్రెస్, టీడీపీ ఎమ్మెల్యేలు, జడ్పీటీసీలకు వల
 జడ్పీ చైర్మన్లను కైవసం చేసుకునే యత్నాలు
 తెరవెనుక మంతనాల్లో గులాబీ నేతలు బిజీ
 బెంబేలెత్తుతున్న విపక్ష నేతలు
  
 హెదరాబాద్: తెలంగాణ పగ్గాలు దక్కించుకున్న టీఆర్‌ఎస్ అదే ఊపులో తన ‘పవర్’ ఏంటో చూపించే పనిలో పడింది. కొత్త రాష్ర్టంలో తిరుగులేని పార్టీగా అవతరించేందుకు పక్కావ్యూహాన్ని సిద్ధం చేసుకుంది. భవిష్యత్తులో ప్రభుత్వ మనుగడకు ఢోకా లేకుండా ఇప్పుడే ఆపరేషన్ ఆకర్ష్‌కు తెరదీసింది. ముందుగా ‘స్థానికం’గా పట్టు సాధిం చేందుకు గులాబీ నేతలు ముమ్మర యత్నాలు చేస్తున్నారు. ఇటీవలి పరిషత్ ఫలితాల్లో హంగ్ ఏర్పడిన చోట్ల పరిస్థితిని తమకు అనుకూలంగా మార్చుకునే పనిలో పడ్డారు. ‘అధికార పార్టీ’ హోదాను అడ్డుపెట్టుకుని ఎలాగైనా జడ్పీటీసీ చైర్మన్ పదవులను కైవసం చేసుకోవాలని చూస్తున్నారు. బలమైన నేతలను తమవైపు ఆకర్షించి విపక్ష పార్టీలను కకావికలం చేసే లక్ష్యంతో గులాబీదళం ముందుకు సాగుతోంది. ఈ వ్యూహంలో టీఆర్‌ఎస్‌కు మొదటి టార్గెట్‌గా నిలుస్తోంది కాంగ్రెస్సే. ఎన్నికల ఫలితాలతో కోలుకోలేని విధంగా దెబ్బతిన్న ఆ పార్టీ పెద్దలు.. టీఆర్‌ఎస్ ఎత్తులను పార్టీ ఫిరాయింపుల నిరోధక చట్టంతో అడ్డుకోవాలని చూస్తున్నారు.
 
 గులాబీ నేతల ముందు జాగ్రత్త
 
 తెలంగాణలోని 119 అసెంబ్లీ సీట్లకుగాను 63 స్థానాలను దక్కించుకున్న టీఆర్‌ఎస్ సంపూర్ణ మెజారిటీని సాధించింది. ప్రభుత్వ ఏర్పాటుకు ఆ పార్టీకి ఎలాంటి ఢోకా లేదు. అయితే తాజా ఎమ్మెల్యేల్లో సుమారు 20మంది తెలంగాణ ఉద్యమం తో సంబంధంలేని, చివరి నిమిషం వరకు ఇతర పార్టీల నుంచి వచ్చిన వారే కావడం గమనార్హం. అందుకే గులాబీ నేతలు జాగ్రత్త పడుతున్నారు. ఆఖరు నిమిషంలో ఇతర పార్టీల నుంచి వచ్చిన నేతలు భవిష్యత్తులో పార్టీని వీడినా ఇబ్బంది లేకుండా ఉండేందుకు ఇతర పార్టీల ఎమ్మెల్యేలకు వలవేసే పనిలో ఉన్నారు. కాంగ్రెస్, టీడీపీతోపాటు వరంగల్ జిల్లా నర్సంపేట నుంచి గెలిచిన ఇండిపెండెంట్ ఎమ్మెల్యే దొంతి మాధవరెడ్డితో ఇప్పటికే మంతనాలు కూడా మొదలుపెట్టారు. ఈ నేపథ్యంలో టీఆర్‌ఎస్‌లో చేరేందుకు  ఆయన సానుకూలత వ్యక్తం చేసినట్లు సమాచారం.  మాధవరెడ్డి అనుచరులైన నలుగురు జడ్పీటీసీలు కూడా టీఆర్‌ఎస్‌కే మద్దతివ్వడం ఖాయమైంది. తద్వారా వరంగల్ జిల్లా జడ్పీ చైర్మన్ పదవిని కైవసం చేసుకోవచ్చని భావిస్తున్నారు. ఆదిలాబాద్ జిల్లాలో బీఎస్పీ తరఫున ఎన్నికైన ఇంద్రకరణ్‌రెడ్డి, కోనేరు కోనప్పలను కూడా ఇదివరకే సంప్రదించినట్లు తెలిసింది.
 
 కేసీఆర్ సొంత జిల్లాలోనూ ఇదే మంత్రం
 
  గజ్వేల్ మాజీ ఎమ్మెల్యే టి.నర్సారెడ్డిని టీఆర్‌ఎస్‌లో చేర్చుకోవడం వెనుక సైతం మెదక్ జడ్పీని కైవసం చేసుకోవాలనే వ్యూహం దాగి ఉంది. జిల్లాలో మొత్తం 46 జడ్పీటీసీ స్థానాలుండగా కాంగ్రెస్, టీఆర్‌ఎస్‌లకు చెరో 21 సీట్లు వచ్చాయి. నర్సారెడ్డిని పార్టీలో చేర్చుకోవడం ద్వారా ఆయన  అనుచరులైన ముగ్గురు జడ్పీటీసీలు కూడా టీఆర్‌ఎస్‌కు మద్దతివ్వడం ఖాయమైంది. తద్వారా మెదక్ జడ్పీ చైర్మన్ పదవిని టీఆర్‌ఎస్ కైవసం చేసుకోవడం లాంఛనమే అవుతుందని గులాబీ పెద్దలు భావిస్తున్నారు. మహబూబ్‌నగర్, రంగారెడ్డి జిల్లాల్లోనూ జడ్పీ పీఠాలను దక్కించుకునేందుకు కాంగ్రెస్, టీడీపీ జడ్పీటీసీ సభ్యులతో రహస్య మంతనాలు జరుపుతున్నారు.
 
  బలహీనంగా ఉన్న జిల్లాలపైనా దృష్టి
 
  నల్లగొండ, ఖమ్మం, రంగారెడ్డి జిల్లాల్లో పార్టీ బలహీనంగా ఉందని భావిస్తున్న గులాబీ పెద్దలు ఆయా జిల్లాలకు చెందిన టీడీపీ, కాంగ్రెస్, ఇతర పార్టీల ఎమ్మెల్యేలతో తెరవెనుక చర్చలు జరుపుతున్నారు. టీఆర్‌ఎస్ సీనియర్ ఎమ్మెల్యే లు ఈటెల రాజేందర్, హరీష్, కేటీఆర్ తదితరులు ఆయా జిల్లాల ఎమ్మెల్యేలకు ఫోన్లు చేసి టీఆర్‌ఎస్‌లోకి వస్తే భవిష్య త్తు ఉంటుందని, తెలంగాణలో ఇతర పార్టీల పనైపోయినట్లేనని చెబుతున్నట్లు తెలుస్తోంది. అందులో భాగంగా ఎమ్మెల్యేలకు పలు ప్యాకేజీలను ఆఫర్ చేస్తున్నట్లు సమాచారం.  
  
 ఫిరాయింపులను కొట్టిపారేస్తున్న కాంగ్రెస్
  
 మరోవైపు తమ పార్టీ ఎమ్మెల్యేలు, జడ్పీటీసీ సభ్యులు టీఆర్‌ఎస్‌లోకి వెళతారని జరుగుతున్న ప్రచారాన్ని కాంగ్రెస్ పెద్దలు కొట్టిపారేస్తున్నారు. పార్టీ ఫిరాయింపుల నిరోధక చట్టం ఉన్నందున ఏ ఒక్క ఎమ్మెల్యే, జడ్పీటీసీ సభ్యుడు కూడా కాంగ్రెస్‌ను వీడే సాహసం చేసే అవకాశాల్లేవని వారు అభిప్రాయపడుతున్నారు. ‘జడ్పీ చైర్మన్ ఎన్నికల్లో జడ్పీటీసీలకు పార్టీపరంగా విప్ జారీ చేస్తాం. ఎవరైనా దాన్ని ఉల్లంఘిస్తే వెంటనే సభ్యత్వాన్ని కోల్పోతారు’ అని టీపీసీసీ ముఖ్యనాయకుడొకరు వ్యాఖ్యానించారు. మరోవైపు టీఆర్‌ఎస్‌తో మంతనాలు జరుపుతున్న తమ పార్టీ నేతల వివరాలను కాంగ్రెస్ పెద్దలు ఆరా తీస్తున్నారు.   
 
 బేరసారాలు లేకుండా చూడండి: టీ-కాంగ్రెస్
 
  త్వరలో నిర్వహించబోయే కార్పొరేషన్ మేయర్లు, మున్సిపల్, జెడ్పీ చైర్మన్లు, వైస్ చైర్మన్లు, ఎంపీపీల ఎన్నికలో బేరసారాలకు తావులేకుండా చర్యలు తీసుకోవాలని తెలంగాణ కాంగ్రెస్ నాయకులు రాష్ట్ర ఎన్నికల కమిషనర్‌ను కోరారు. ఈ మేరకు టీపీసీసీ వర్కింగ్ ప్రెసిడెంట్ ఉత్తమ్‌కుమార్ రెడ్డి నేతృత్వంలోని ప్రతినిధి బృందం సోమవారం సాయంత్రం ఎన్నికల కమిషనర్ పి.రమాకాంత్‌రెడ్డిని కలసి విజ్ఞప్తి చేసింది. అనంతరం వారు విలేకరులతో మాట్లాడారు. స్థానిక సంస్థల చైర్మన్లు, అధ్యక్షుల ఎన్నికల్లో పార్టీ విప్‌కు వ్యతిరేకంగా వేసే ఓటును పరిగణనలోకి తీసుకోవద్దని, అలాంటి సభ్యులపై అనర్హత వేటు వేయాలని కమిషనర్‌ను కోరినట్లు చెప్పారు. ఓటింగ్‌కు గైర్హాజరైన వారిపైనా అనర్హత వేటు వేయాలని.. దీనికి సంబంధించి కలెక్టర్లకు తగు ఆదేశాలు జారీ చేయాలని విజ్ఞప్తి చేసినట్లు తెలిపారు. తమ విజ్ఞప్తులపై రమాకాంత్‌రెడ్డి సానుకూలత వ్యక్తం చేశారని ఉత్తమ్ తెలిపారు.
  
 ఫిరాయింపుల నిరోధక చట్టంలో ఏముందంటే..
  
 1985లో పార్టీ ఫిరాయింపుల నిరోధక చట్టం వచ్చింది. గతంలో మూడింట రెండు వంతులకు తగ్గకుండా పార్టీ సభ్యులు ఒక పక్షం నుంచి మరోపక్షానికి మారితే ిఫిరాయింపు చట్టం వర్తించేది కాదు. కానీ ఆ తర్వాత రాజ్యాంగ సవరణతో వచ్చిన కొత్తచట్టంతో ఈ వెసులుబాటును తొల గించారు. ఒక పార్టీ తరఫున ఎన్నికై మరో పార్టీలోకి ఎంతమంది చేరినా ఫిరాయింపుల చట్టం వర్తించేలా 2003లో ఎన్డీయే ప్రభుత్వం 52వ రాజ్యాంగ సవరణ చేసింది. దీని ప్రకారం.. చట్టసభలకు ప్రాతినిధ్యం వహిస్తున్న సభ్యుడు ఎవరైనా తనపార్టీ సభ్యత్వాన్ని స్వచ్ఛం దంగా వదులుకున్నప్పుడు కూడా అతనికి పార్టీ ఫిరాయింపుల నిరోధక చట్టం వర్తిస్తుంది. ప్రాతినిధ్యం వహిస్తున్న రాజకీయ పార్టీ సభ్వ త్వాన్ని స్వచ్ఛందంగా వదులుకోవడానికి, ఆ పార్టీకి రాజీనామా సమర్పించడానికి సాంకేతికంగా తేడా ఉంది.  ఒకవ్యక్తి తన పార్టీకిరాజీ నామా చేయనప్పటికీ, స్వచ్ఛం దంగా పార్టీ సభ్యత్వాన్ని వదులుకోవచ్చునని సుప్రీంకోర్టు తేల్చింది. ఈ రెండు వేర్వేరు పరిస్థితులే అయినప్పటికీ, ఫిరాయింపుల నిరోధక చట్టం రెండు సందర్భాల్లోనూ ఒకేలా వర్తిస్తుందని స్పష్టం చేసింది. ఏదైనా ఒక అంశంపై ఓటింగ్ జరిగినప్పుడు అందులో పాల్గొని పార్టీ ఆదేశాలకు భిన్నంగా ఓటు వేయడం లేదా ఓటింగ్‌కు గైర్హాజరవడం చేసినప్పుడు కూడా ఫిరాయింపుల నిరోధక చట్టం వర్తిస్తుంది. ఒకవేళ తమ సభ్యుడు విప్‌ని ధిక్కరించడంపై సదరు  పార్టీ 15రోజుల్లోగా ఫిర్యాదు చేయకపోతే మాత్రం ఈ చట్టం వర్తించదు. అంతేకాక ఒక పార్టీ టికెట్ మీద గెలిచిన సభ్యుడు, ప్రభుత్వాన్ని ఏర్పాటు చేసేందుకు ప్రత్యర్థి పార్టీ నేతను ఆహ్వానించాలని గవర్నర్‌ను రాతపూర్వకంగా కోరినప్పుడు కూడా సదరు ప్రజా ప్రతినిధికి ఈ చట్టం వర్తిస్తుంది. చట్ట సభలకు ఎన్నికైన వెంటనే ఎవరైనా స్వతంత్ర అభ్యర్థి ఏదో ఒక రాజకీయ పార్టీలో చేరినప్పుడు కూడా అతనికీ ఫిరాయింపుల చట్టం వర్తిస్తుంది.
  
  


 టీఆర్‌ఎస్ నేతలతో అసదుద్దీన్ ఒవైసీ
 
 హైదరాబాద్: కొత్తగా ఏర్పాటయ్యే తెలంగాణ రాష్ట్ర తొలి ప్రభుత్వంలో చేరికపై త్వరలోనే టీఆర్‌ఎస్ అధినేత కేసీఆర్‌తో చర్చలు జరుపుతామని ఎంఐఎం అధినేత అసదుద్దీన్ ఒవైసీ తెలిపారు. ఇదే అంశంపై ప్రాథమిక స్థాయిలో చర్చలు జరిగాయని, పూర్తిస్థాయి స్పష్టత రావాల్సి ఉందన్నా రు. తమకు ప్రభుత్వంలో చేరడం ముఖ్యం కాదని, హైదరాబాద్ అభివృద్ధి ముఖ్యమన్నారు. సోమవారం ఎంఐఎం అధినేత అసదుద్దీన్ ఒవైసీ, ఆయన సోదరుడు అక్బరుద్దీన్‌లతో టీఆర్‌ఎస్ నేతలు ఈటెల, కేటీఆర్, నాయిని, టి.పద్మారావు భేటీ అయ్యారు.
 
 అక్బరుద్దీన్ నివాసంలో గంటకు పైగా వీరు చర్చలు జరిపారు. టీఆర్‌ఎస్ ప్రభుత్వ ప్రాధాన్యతలు, కేబినెట్ రూపకల్పన, ఎంఐఎం భాగస్వామ్యం తదితర అం శాలు వీరిమధ్య చర్చకు వచ్చాయి. అనంతరం అసదుద్దీన్ మీడియాతో మాట్లాడుతూ.. టీఆర్‌ఎస్ చెప్పిన గంగా జమునా తెహజీబ్ తమకు నచ్చిందన్నారు. సెక్యులర్ పార్టీలతో కలసి పనిచేయడానికి సిద్ధంగా ఉన్నామని, కొత్త ప్రభుత్వానికి తమ మద్దతు, సహకారం ఉంటుందన్నారు.
  
  


 ఎమ్మెల్యే కోమటిరెడ్డి డిమాండ్
 
  తిప్పర్తి : కాంగ్రెస్ పార్టీ ఘోర వైఫల్యానికి బాధ్యత వహిస్తూ టీ-పీసీసీ ప్రెసిడెంట్, వర్కింగ్ ప్రెసిడెంట్ తమ పదవికి రాజీనామా చేయాలని డిమాండ్ చేశారు. నల్లగొండ జిల్లా తిప్పర్తిలో ఆదివారం జరిగిన విజయోత్సవ ర్యాలీలో ఆయన మాట్లాడారు. ప్రజల చిరకాల ఆకాంక్ష అయిన తెలంగాణ రాష్ట్రాన్ని సోనియాగాంధీ నాయకత్వంలోని యూపీఏ ప్రభుత్వం ఇచ్చినా.. ఆ విషయాన్ని ప్రజల్లోకి తీసుకుపోవడంలో టీ-పీసీసీ వైఫల్యం చెందిందని విమర్శించారు.
 
 దీనివల్లే తెలంగాణలో కాంగ్రెస్ పార్టీ ఓటమి పాలైందన్నారు. తెలంగాణ కోసం పోరాడిన వారిని పక్కనపెట్టి అనామకులకు టీపీసీసీ పగ్గాలు ఇచ్చారని.. దీంతో వారు ఎన్నికల్లో తమ నియోజకవర్గాలకే పరిమితమయ్యారని చెప్పారు. కాంగ్రెస్ పార్టీ సీఎల్పీ నేతను అందరి ఎమ్మెల్యేల అంగీకారంతో ఏకగ్రీవంగా ఎన్నుకోవాలని సూచించారు.
  


 మహమూద్‌కు డిప్యూటీ, హోం!  స్పీకరుగా పోచారం?  కేబినెట్ కూర్పుపై కేసీఆర్ కసరత్తు
  
 తొలుత 15 మందితో మంత్రివర్గం
 ఈటెలకు ఆర్థికం, హరీశ్‌కు సాగునీరు, విద్యుత్
 కేటీఆర్, కొప్పుల, చందూలాల్, పద్మారావులకు ఖాయం
 రేసులో సురేఖ, జూపల్లి, పద్మ, సోలిపేట, స్వామి గౌడ్
 దాస్యం, మధుసూదనాచారి, మహేందర్ రెడ్డి, రాజయ్య
 నల్లగొండకు మాత్రం మినహాయింపు
  
  హైదరాబాద్: తెలంగాణలో తొలి మంత్రివర్గ కూర్పుపై కేసీఆర్ కసరత్తును ముమ్మరం చేశారు. కనీసం రెండుసార్లు శాసనసభకు ఎన్నికైన వారికే అవకాశం కల్పించాలనిభావిస్తున్నారు. పాలన, ప్రభుత్వ వ్యవహారాల వంటివాటిపై అవగాహనలేని కొత్తవారిని కేబినెట్‌లోకి తీసుకుంటే ఇబ్బందని అంచనా వేస్తున్నారు. సీనియర్లు లేని నల్లగొండ జిల్లాకు మాత్రం ఈ విషయంలో మినహాయింపును ఇవ్వనున్నారు. టీఆర్‌ఎస్ ముఖ్యులు, కేసీఆర్ సన్నిహితులు అందించిన సమాచారం ప్రకారం.. మంత్రివర్గ కూర్పుపై కేసీఆర్ ఇప్పటికే కసరత్తును చాలావరకు పూర్తి చేశారు. జిల్లాలవారీగా సీనియారిటీ, విధేయత, సామాజిక సమతూకం వంటివాటిని దృష్టిలో పెట్టుకుని ముందుకు పోతున్నారు. తనతో కలిపి మొత్తం 15 మందికే కేబినెట్‌ను తొలుత పరిమితం చేయాలని కేసీఆర్ నిర్ణయిం చారు. అవసరాన్ని బట్టి విస్తరణకు వీలుగా కొంత అవకాశం ఉంచుకోవాలనుకుంటున్నారు. చీఫ్ విప్‌తో పాటు ముగ్గురు విప్‌లను నియమించనున్నారు.
 
 లోక్‌సభకు నాయిని!
  
 ముస్లిం మైనారిటీలకు ఉప ముఖ్యమంత్రి పదవి ఇస్తామన్న వాగ్దానం నేపథ్యంలో ఎమ్మెల్సీ మహమూద్ అలీకి ఆ పదవితో పాటు హోం శాఖను కూడా అప్పగిస్తారని సమాచారం. జంటనగరాల ప్రతినిధిగా సికింద్రాబాద్ ఎమ్మెల్యే టి.పద్మారావుకు కేబినెట్‌లో చోటు దక్కనుంది. సీనియర్ నేత నాయిని నర్సింహారెడ్డి కూడా స్థానం ఆశిస్తున్నారు. అవకాశమివ్వాలని కేసీఆర్ కూడా అనుకుంటున్నా నాయినికి ప్రస్తుతానికి అసెంబ్లీలో గానీ, మండిలిలో గానీ సభ్యత్వం లేదు. ఈ నేపథ్యంలో కేసీఆర్ రాజీనామా చేయబోయే మెదక్ లోక్‌సభ స్థానంలో ఆయనకు అవకాశం ఇచ్చే యోచనా ఉన్నట్టు సమాచారం.
 
  జగదీశ్‌కు బెర్తు ఖాయమే
 
  కరీంనగర్ నుండి ఈటెల రాజేందర్(హుజూరాబాద్), కేసీఆర్ తనయుడు కె.తారక రామారావు(సిరిసిల్ల), కొప్పుల ఈశ్వర్(ధర్మపురి)కు కేబినెట్‌లో స్థానం దక్కనుంది. ఈటెలకు ఆర్థికశాఖను కేటాయించనున్నారు. మెదక్ నుంచి కేసీఆర్ మేనల్లుడు టి.హరీశ్‌రావు(సిద్దిపేట)కు నీటిపారుదల, విద్యుత్తు శాఖలు కేటాయించవచ్చని కేసీఆర్ సన్నిహితులు వెల్లడించారు. జిల్లా నుండి పద్మా దేవేందర్ రెడ్డి, సోలిపేట రామలింగారెడ్డి కూడా రేసులో ఉన్నారు. వారికి విప్‌లుగా అవకాశం రావచ్చంటున్నారు. నిజామాబాద్ నుంచి పోచారం శ్రీనివాస్ రెడ్డి(బాన్సువాడ)కి స్పీకరుగా అవకాశం ఇవ్వాలని నిర్ణయించారు. కానీ అందుకాయన విముఖంగా ఉన్నట్టుగా తెలుస్తోంది. మహబూబ్‌నగర్‌లో సీనియర్లు జూపల్లి కృష్ణారావు (కొల్లాపూర్), సి.లక్ష్మా రెడ్డి(జడ్చర్ల)లకు కేబినెట్ బెర్తు దక్కనుంది. కేసీఆర్ సామాజికవర్గానికి చెందిన జూపల్లికి చీఫ్ విప్ వంటి ముఖ్యమైన పదవులను ఇచ్చేఅవకాశాన్ని కూడా పరిశీలిస్తున్నారు. రంగారెడ్డి జిల్లా కోటాలో ఎమ్మెల్సీ కె.స్వామిగౌడ్‌కు అవకాశం ఇవ్వాలని కేసీఆర్ యోచిస్తున్నారు. పి.మహేందర్ రెడ్డి కూడా మంత్రివర్గంలో చోటు కోసం తీవ్రంగా ప్రయత్నిస్తున్నారు. నల్లగొండ నుంచి కేసీఆర్‌కు అత్యంత సన్నిహితుడైన జి.జగదీశ్‌రెడ్డి(సూర్యాపేట)కి బెర్తు ఖాయమైంది. జిల్లా నుంచి గొంగిడి సునీత (ఆలేరు), పైళ్ల శేఖర్‌రెడ్డి (భువనగిరి) కూడా ప్రయత్నిస్తున్నారు.
 
 వరంగల్ జిల్లా నుంచి ఎ.చందూలాల్ (ములుగు)కు మంత్రివర్గంలో స్థానం ఖాయమైంది. అయితే జిల్లా నుంచి సీనియర్లు సిరికొండ మధుసూదనాచారి (భూపాలపల్లి), దాస్యం వినయ్‌భాస్కర్ (వరంగల్ పశ్చిమ) కూడా మంత్రి పదవులు ఆశిస్తున్నారు. పార్టీ ఆవిర్భావం నుండి కష్టపడుతున్న మధసూదనాచారికి ఇవ్వాలనే డిమాండు తీవ్రంగాఉంది. బీసీ వర్గానికి చెందిన మహిళగా కొండా సురేఖ (వరంగల్ తూర్పు) కూడా అవకాశం కోరుతున్నారు. ఎస్సీ సామాజిక వర్గానికి చెందిన డాక్టర్ టి.రాజయ్య (స్టేషన్ ఘన్‌పూర్) కూడా ఆశిస్తున్నారు. కానీ ఒక జిల్లా నుంచి గరిష్టంగా ఇద్దరికి మించి అవకాశం లేని నేపథ్యంలో వరంగల్ విషయంలో కేసీఆర్‌కు కొంత ఇబ్బందికరమైన పరిస్థితి ఉంది. ఆదిలాబాద్ నుంచి జోగు రామన్న(ఆదిలాబాద్)కు అవకాశముంది. ఖమ్మం జిల్లా నుంచి ఏకైక ఎమ్మెల్యే జలగం వెంకట్రావు (కొత్తగూడెం)కు దాదాపుగా బెర్తు ఖాయమేనంటున్నారు.
  
 ప్రజాకాంక్షలకు ప్రతిరూపం: టీవీవీ
 
 ఎన్నికల తీర్పు ప్రజల ఆకాంక్షలను ప్రతిబింబించిందని తెలంగాణ విద్యావంతుల వేదిక చైర్మన్ మల్లేపల్లి లక్ష్మయ్య ఒక ప్రకటనలో పేర్కొన్నారు. టీఆర్‌ఎస్ సాధించిన విజయానికి ఆయన అభినందనలు తెలియజేశారు.
  
  


 హైదరాబాద్: తెలంగాణ రాష్ట్రానికి దళితుడిని తొలి ముఖ్యమంత్రిగా చేస్తానని చెప్పిన టీఆర్‌ఎస్ అధినేత కేసీఆర్ ఇచ్చినమాటను తప్పారని మహాజన సోషలిస్ట్ పార్టీ అధ్యక్షుడు మంద కృష్ణమాదిగ ఆగ్రహం వ్యక్తం చేశారు. ఆదివారం ఆయన విలేకరులతో మాట్లాడుతూ, తెలంగాణ సీఎంగా కేసీఆర్ ప్రమాణ స్వీకారం చేసే రోజును దళితులను ఉరితీసే రోజుగా పరిగణించి నిరసన కార్యక్రమాలు చేపడతామన్నారు. తెలంగాణ రాష్ట్రం ఏర్పడితే దొరల పాలన వస్తుందని తాను గతంలోనే చెప్పిన మాట ఇప్పుడు అక్షరాలా నిజమైందన్నారు.
 
 టీఆర్‌ఎస్‌ఎల్పీ సమావేశంలో సీఎంగా కేసీఆర్ పేరును దళితులే ప్రతిపాదించడం సిగ్గుచేటన్నారు. టీఆర్‌ఎస్‌లోని దళిత ఎమ్మెల్యేలంతా దొరల వద్ద బానిసలేనని, దళితుల ఆత్మగౌరవాన్ని కాపాడుకునేందుకు త్వరలోనే కార్యాచరణ ప్రణాళికలు ప్రకటిస్తానని అన్నారు. తనలాంటి ఉద్యమకారులు చట్టసభల్లో అడుగుపెడితే దొరల ఆధిపత్యం దెబ్బతింటుందని వర్ధన్నపేట అసెంబ్లీ నియోజకవర్గంలో తన ఓటమికి కొందరు కుట్రలు పన్నారని విమర్శించారు.
  


 హైదరాబాద్: సార్వత్రిక ఎన్నికల్లో అటు సీమాంధ్ర, ఇటు తెలంగాణల్లో లోక్‌సత్తా పార్టీ వైఫల్యానికి పార్టీ వ్యవస్థాపక అధ్యక్షుడిగా తనదే పూర్తి బాధ్యతని జయప్రకాశ్ నారాయణ్ అన్నారు. అసెంబ్లీ, పార్లమెంట్ ఎన్నికల ఫలితాలపై ఆది వారం పార్టీ రాష్ర్ట అధ్యక్షుడు కటారి శ్రీనివాసరావుతో కలిసి విలేకరులతో మాట్లాడారు.
 
 పార్టీ ఏర్పాటైన తర్వాత అనేక మైలురాళ్లు సాధించామని, వచ్చేనెల 14, 15 తేదీల్లో జరగనున్న జాతీయ కార్యవర్గ సమావేశంలో మరిన్ని కీలక అంశాలపై చర్చిస్తామని చెప్పారు. మోడీ, చంద్రబాబు, కేసీఆర్‌ల విజయాన్ని అభినందించారు. కొత్తగా ఏర్పాటయ్యే ప్రభుత్వాలు ప్రజల ఆకాంక్షలు, ఉద్యోగాల కల్పన వంటి అంశాలపై దృష్టి సారించాలని కోరారు.
  


 వ్యూహం, ప్రచారం వారిదే.. అభ్యర్థుల ఎంపిక వారిష్టమే.. మాకు విలువేది?: టీ కాంగ్రెస్ నేతల ఆవేదన
  
 హైదరాబాద్: ‘అవును మొత్తం మీరే చేశారు..  మాకేం కావాలో మీరే సెలెక్ట్ చేస్తారు. మళ్లీ మీరే సూపర్ అంటారు. మేమేదో ఆడాలనుకుంటే.. అలా ఆడు, ఇలా ఆడు.. అంటూ మా ఆట కూడా మీరే ఆడతారు. జనం మమ్మల్ని చూసి నవ్వుతున్నారు.. మేం కోల్పోయింది ఇక చాలు.’ బొమ్మరిల్లు సినిమాలో తండ్రి ప్రకాశ్‌రాజ్‌తో హీరో సిద్ధార్థ డైలాగ్ ఇది.
 
  ‘నేనేం తప్పు చేశాను. మీరు సంతోషంగా ఉండాలని కోరుకోవడం నేను చేసిన తప్పా? మీకు గొప్ప లైఫ్ ఇవ్వాలనుకోవడం తప్పా?..’ సిద్ధార్థకు ప్రకాశ్‌రాజ్ ప్రశ్న ఇది.
 
  ఎన్నికల్లో ఘోర పరాజయం పాలైన కాంగ్రెస్ నేతలిప్పుడు ఇదే డైలాగులను వల్లె వేస్తున్నారు. తెలంగాణ ఇచ్చినా పార్టీ ఓడిపోవడాన్ని జీర్ణించుకోలేని ఢిల్లీ పెద్దలు దీనికంతటికీ తెలంగాణ కాంగ్రెస్ నేతల చేతకానితనమే కారణమంటూ నిందిస్తుండగా, ‘మొత్తం మీరే చేశారు.. మీవల్లే ఓడిపోయాం’ అంటూ టీ కాంగ్ నేతలు మండిపడుతున్నారు. ఓటమికి ఒకరిపై మరొకరు నె పం నెడుతున్నారు. ఎన్నికల ఫలితాలు వెలువడిన వెంటనే పార్టీ రాష్ట్ర వ్యవహారాల ఇన్‌చార్జి దిగ్విజయ్, జైరాం రమేశ్ ఇంతటి దారుణమైన ఫలితాలు వస్తాయని ఊహించలేదని వ్యాఖ్యానించారు. తెలంగా ణ ఇచ్చినా ఆశించిన స్థాయిలో ఫలితాలు రాబట్టడం లో స్థానిక నాయకత్వం విఫలమైందంటూ అసహనం వ్యక్తం చేశారు. మరోవైపు ఫలితాల సరళి, ఢిల్లీ పెద్దల తీరుపై టీ కాంగ్రెస్ నేతలు మండిపడుతున్నారు. ఫలి తాలు వెలువడిన మరుక్షణం నుంచే ఎవరికి వారే సమీక్షలు నిర్వహిస్తూ పార్టీ ఓటమికి హైకమాండ్ పెద్దలే కారణమని తేల్చేస్తున్నారు. పాల్వాయి గోవర్ధన్‌రెడ్డి వంటి సీనియర్ నేతలు బాహాటంగానే ఈ విషయం మాట్లాడుతుంటే, చాలామంది నాయకులు అంతర్గత చర్చల్లో ఢిల్లీ పెద్దలవల్లే ఓటమి పాలయ్యామని వాపోతున్నారు. తెలంగాణ బిల్లు ఆమోదం మొదలు ఎన్నికల ప్రచారం, అభ్యర్థుల ఖరారు వరకు అన్నింట్లోనూ హైకమాండ్ జోక్యమే ఎక్కువైందని, చేసేదేమీలేక వారు చెప్పినట్లే నడుచుకున్నామే తప్ప సొంతంగా చేసిందేమీ లేదంటున్నారు. ‘టీ బిల్లులో ఏం ఉండాలో, చివరకు తెలంగాణ ప్రజల వద్దకు ఎలావెళ్లాలనే విషయంలో మా మాటను ఢిల్లీ పెద్దలు పట్టించుకోలేదు. వాళ్లు చెప్పినట్టే నడుచుకోవాల్సి వచ్చింది. టీపీసీసీ చీఫ్ నియామకంలో మా మాట వినలేదు. తెలంగాణ మేనిఫెస్టోనూ వారే ఖరారు చేశారు. అన్నీ ఢిల్లీపెద్దలే నిర్ణయిస్తే ఫలితాలు ఇట్లా కాక మరెలా ఉంటాయి?’అని మాజీమంత్రి ఒకరు వ్యాఖ్యానించారు.
 
  హైకమాండ్ తీరుతోనే ఈ దుస్థితి
 
  విభజనలో హైకమాండ్ తీరే ఎన్నికల్లో పార్టీ పతనానికి కారణమైందని  పార్టీ సీనియర్ నేత,  పీసీసీ మాజీ అధ్యక్షుడు ఒకరు ఆరోపించారు.‘విభజన పేరుతో ఇన్నాళ్లు ఆటలాడుకున్నారు. నిజంగా తెలంగాణ ఇవ్వాలనుకుంటే 2009లోనే ఇచ్చేస్తే  ఏ గొడవా ఉండకపోయేది. ఆనాడు రాష్ట్రాన్ని విభజిస్తే ప్రభుత్వం పడిపోతుందేమోనని భయపడ్డారు. ప్రజలేమైనా ఫరవాలేదు, ప్రభుత్వం చివరిదాకా కొనసాగితే మేల ని నాలుగేళ్లు నాన్చారు. ప్రజలతో ఆడుకున్న పాపానికి  కాంగ్రెస్ ఫలితం అనుభవిస్తోంది’ అని అభిప్రాయపడ్డారు. ఇటీవల జైపాల్‌రెడ్డి, జానారెడ్డి నివాసాల్లో, పొన్నాల నివాసంలో ఓటమిపై సమీక్ష జరిపారు. హైకమాండ్ పెద్దల తీసుకున్న నిర్ణయాలవల్లే ఓడిపోయామని కొందరు, స్థానిక నేతలే తమను ఓడించారని మరికొందరు వాపోయారు.
 
  టీ నేతల వ ల్లే పరాజయం: ఢిల్లీపెద్దలు
 
  దేశవ్యాప్తంగా మోడీ పవనాలు వీచినప్పటికీ తెలంగాణలో కాంగ్రెస్ ఓటమికి మాత్రం స్థానిక నాయకుల వైఫల్యమేనని కాంగ్రెస్ పెద్దలు భావిస్తున్నారు. కాంగ్రెస్ వల్లే తెలంగాణ వచ్చిందనే అంశాన్ని ప్రజల్లోకి తీసుకెళ్లడంలో, కేసీఆర్‌ను ఎదుర్కొనే విషయంలో స్థానిక నేతలు విఫలమవడంవల్లే ఈ పరిస్థితి దాపురించిందని ఆరోపిస్తున్నారు. ‘తెలంగాణ ప్రజలు ప్రత్యేక రాష్ట్రాన్ని కోరుతున్నారని, రాష్ట్రాన్ని విభజిస్తే తెలంగాణలో 100 అసెంబ్లీ, 15 ఎంపీ సీట్లు కాంగ్రెస్‌కు సాధించి పెడతామని ఒత్తిడి తెచ్చారు. సీమాంధ్రలో పార్టీని ఫణంగా పెట్టి మరీ తెలంగాణ ఇచ్చాం. ఇంత చేసినా కాంగ్రెస్‌ను గెలిపించలేకపోయారు. టీ కాంగ్రెస్ నేతల అసమర్థత, నాయకత్వలేమివల్లే పరాజయం ఎదురైంది’ అని రాష్ట్ర వ్యవహారాలను పర్యవేక్షిస్తున్న ఢిల్లీ నేత ఒకరు వ్యాఖ్యానించారు.
 
  సోనియాకు నివేదిక: ఇదిలాఉండగా, తెలంగాణలో పార్టీ బాధ్యతలు నెత్తినేసుకున్న జైరాం రమేశ్, కొప్పుల రాజు ఇప్పటికే పార్టీ ఓటమికి దారితీసిన కారణాలపై ప్రాథమిక నివేదిక రూపొందించి సోనియాగాంధీ, రాహుల్‌గాంధీలకు అందజేసినట్టు తెలిసింది. సోమవారం కాంగ్రెస్ వర్కింగ్ కమిటీ సమావేశం నేపథ్యంలో దేశమంతా పార్టీ ఓటమితోపాటు తెలంగాణలో ఓటమిపై చర్చించనున్నట్టు తెలిసింది.
  


 విరసం నేత వరవరరావు డిమాండ్
 
 హైదరాబాద్: తెలంగాణ, ఆంధ్రప్రదేశ్  రెండు రాష్ట్రాల్లోనూ మావోయిస్టు పార్టీ, దాని అనుబంధ సంఘాలపై నిషేధాన్ని ఎత్తివేయాలని శనివారం విప్లవ రచయితల సంఘం నేత వరవరరావు డిమాండ్ చేశారు. రెండు రాష్ట్రాల్లో అధికారం చేపట్టబోతున్న టీఆర్‌ఎస్ అధినేత కె.చంద్రశేఖరరావు, టీడీపీ అధినేత ఎన్.చంద్రబాబు వెంటనే దీనిపై నిర్ణయం తీసుకోవాలని కోరారు. మావోయిస్టులతోపాటు వారి అనుబంధ ప్రజా సంఘాల నాయకులు, కార్యకర్తలపై కేసులను కూడా ఎత్తివేయాలన్నారు.
 
 జైళ్లలో ఉన్న మావోయిస్టులను రాజకీయ ఖైదీలుగా గుర్తించి, వారిలో ఏడు సంవత్సరాల శిక్ష పూర్తయినవారిని విడుదల చేయాలని విజ్ఞప్తి చేశారు. ఈ విషయంపై ఎన్నికల మానిఫెస్టోలో ఇచ్చిన హామీలను టీఆర్‌ఎస్ అమలు చేయాలని కోరారు. అలాగే జాతీయ స్థాయిలో చర్చలకు సిద్ధమేనని మావోయిస్టు కార్యదర్శి గణపతి గతంలో ప్రకటించారని, అయితే మావోయిస్టు పార్టీని రాజకీయ పార్టీగా గుర్తించి నిషేధాన్ని ఎత్తివేయాలని కేంద్రంలో అధికారంలోకి రానున్న బీజేపీని వరవరరావు డిమాండ్ చేశారు.
  
  


 8 మంది ఎంపీలపై సైతం.. ఫోరం ఫర్ గుడ్ గవర్నెన్స్ వెల్లడి
 
 హైదరాబాద్: తెలంగాణలో కొత్తగా ఎన్నికైన 119 వుంది ఎమ్మెల్యేల్లో 63 మందిపై వివిధ రకాల కేసులు ఉన్నాయుని ఫోరం ఫర్ గుడ్ గవర్నెన్స్ సంస్థ వెల్లడించింది. ఎన్నికల్లో పోటీ చేసే సమయంలో సమర్పించే అఫిడవిట్లలో అభ్యర్థులు కేసుల వివరాలను సరిగా చూపడం లేదని తెలిపింది. కొందరు రెండేళ్లకు పైబడి శిక్షపడే సెక్షన్ల కింద నమోదైన కేసులను కూడా అఫిడవిట్లలో చూపడం లేదని పేర్కొంది. ప్రస్తుతం ఎన్నికైన ఎమ్మెల్యేల్లో టీఆర్‌ఎస్‌లో 40 మంది, టీడీపీలో 9 మంది, కాంగ్రెస్‌లో ఆరుగురు, బీజేపీలో ఇద్దరు, ఎంఐఎంలో ముగ్గురిపై కేసులు న్నాయని సంస్థ వెల్లడించింది. 17 వుంది ఎంపీల్లో 8 వుందిపై కేసులు ఉన్నాయుని తెలిపింది. వారిలో కె. కవితపై అత్యధికంగా 8 కేసులు, కడియం శ్రీహరిపై ఆరు, అసదుద్దీన్ ఒవైసీపై ఐదు, జితేందర్‌రెడ్డిపై నాలుగు, బండారు దత్తాత్రేయపై 3 కేసులు ఉన్నాయుని తెలిపింది.
 
 ఎమ్మెల్యేల్లో అత్యధికంగా జి. కిషోర్ (తుంగతుర్తి)పై 54, ఎస్.రామలింగారెడ్డి (దుబ్బాక)పై 22, తాండూరు మహేందర్‌రెడ్డి, టి. రాజాసింగ్ (గోషామహల్)లపై 19 చొప్పున, ఎం.యాదగిరిరెడ్డి (జనగాం)పై 12, ఈటెల రాజేందర్‌పై 9, గంగుల కమలాకర్ (కరీంనగర్), పాషాఖాద్రి (చార్మినార్) మీద 8 చొప్పున, ఎర్రబెల్లి దయాకర్‌రావు (పాలకుర్తి), వి. వీరేశంపై ఏడు చొప్పున కేసులు నమోదై ఉన్నాయని పేర్కొంది. నేరచరిత్ర ఉన్న ఎమ్మెల్యేలు, ఎంపీలు సమర్పించే అఫిడవిట్లను రిటర్నింగ్ అధికారులు క్షుణ్ణంగా పరిశీలించాలని కోరింది.
  
  


 ఘోర పరాజయంపై పార్టీ నేతల పరస్పర ఆరోపణలు  పొన్నాల, దిగ్విజయ్, జానారెడ్డి లక్ష్యంగా విమర్శలు
  
 దిగ్విజయ్‌సింగ్, పొన్నాలా.. పార్టీ వదిలి వెళ్లిపోండి: పాల్వాయి
 పొన్నాలే బాధ్యుడు: మధుయాష్కీ
 పొన్నాల ను తప్పించాల్సిందే: శంకర్‌రావు     
  
 హైదరాబాద్: టీ కాంగ్రెస్‌లో ముసలం మొదలైంది. తెలంగాణలో ఘోర పరాజయం పాలై 24 గంటలు కూడా గడవక ముందే ఆ పార్టీ నేతలు రోడ్డున పడ్డా రు. ఓటమికి మీరంటే మీరే కారణమంటూ దూషణల పర్వానికి దిగుతున్నారు. తమ ఓటమికి స్థానిక నేతలే కారణమంటూ అసెంబ్లీ అభ్యర్థులు వాపోతోంటే... టీపీసీసీ నాయకత్వమే ప్రధాన కారణమంటూ ఎంపీ అభ్యర్థులు బాహాటంగానే విమర్శలు గుప్పిస్తున్నారు. కొందరు సీనియర్ నేతలైతే ఏకంగా కాంగ్రెస్ రాష్ట్ర వ్యవహారాల ఇన్‌చార్జి దిగ్విజయ్‌సింగ్, కేంద్ర మంత్రి జైరాం రమేశ్, ఏఐసీసీ ఎస్సీ విభాగం చైర్మన్ కొప్పుల రాజు, టీపీసీసీ అధ్యక్షుడు పొన్నాల లక్ష్మయ్యల వల్లే పార్టీ ఇంత ఘోర పరాజయాన్ని చవిచూడాల్సి వచ్చిందంటూ మండిపడుతున్నారు. పలువురు నేతలు దీనిపై నేరుగా సోనియాగాంధీకి ఫిర్యాదు చేసే పనిలో పడ్డారు.
 
 పొన్నాలే లక్ష్యం..
 
 ముఖ్యంగా పొన్నాల లక్ష్మయ్యకు విమర్శల తాకిడి ఎక్కువగా ఉంది. తక్షణమే ఆయనను టీ పీసీసీ అధ్యక్ష పదవి నుంచి తప్పించాలనే డిమాండ్లు పార్టీ నేతల నుంచి వస్తున్నాయి. సీమాంధ్రలో కాంగ్రెస్ పూర్తిగా దెబ్బతింటుందని తెలిసి కూడా తెలంగాణ రాష్ట్రం ఇచ్చినా... ఇక్కడ కాంగ్రెస్ ఘోర పరాజయం పాలైందంటే దానికి టీపీసీసీ నాయకత్వ వైఫల్యమే కారణమని పార్టీ సీనియర్ నేతలు వ్యాఖ్యానిస్తున్నారు. సోనియావల్లే తెలంగాణ వచ్చిందనే అంశాన్ని ప్రజల్లోకి తీసుకెళ్లడంలో, అందుకు తగిన కార్యక్రమాలు రూపొందించి జనాన్ని పార్టీవైపు ఆకర్షించడంలో పొన్నాల దారుణంగా విఫలమయ్యారని వారు మండిపడుతున్నారు. పార్లమెంటులో తెలంగాణ బిల్లు ఆమోదించిననాటి నుంచి ఎన్నికల నోటిఫికేషన్ వచ్చే వరకు ఒక్క బహిరంగ సభ కూడా నిర్వహించలేకపోయారంటే తెలంగాణ పార్టీ నాయకత్వ వైఫల్యం ఏమేరకు ఉందో అర్థమవుతోందని చెబుతున్నారు. మరికొందరు నేతలైతే ఏకంగా మాజీ మంత్రి జానారెడ్డితోపాటు తెలంగాణ సీఎం రేసులో ఉన్న నాయకులూ పార్టీ పరాభవానికి కారణమని మండిపడుతున్నారు. పీసీసీ చీఫ్‌గా పనిచేసిన సీనియర్ నేత ఒకరు మాట్లాడుతూ.. ‘‘ఓటమికి సోనియాను బాధ్యురాలిని చేయడం ఏమాత్రం సరికాదు. పార్టీ రాష్ట్ర ఇన్‌చార్జి చెప్పే మాటలు, ఇచ్చే నివేదికలపైనే ఆమె ఆధారపడతారు. దీనికంతటికీ దిగ్విజయ్‌సింగ్ కారణం. పొన్నాలను టీపీసీసీ సారథిగా నియమించాలనే ఆలోచన కూడా దిగ్విజయ్‌దే. సీమాంధ్రకు చెందిన ఒక రాజ్యసభ ఎంపీ చెప్పినట్లే దిగ్విజయ్ నడిచారు. తెలంగాణలో ఈ పరిస్థితిని తెచ్చారు..’’అని వాపోయారు.
 పొన్నాల ఓ బేవకూఫ్: పాల్వాయి
 
  కాంగ్రెస్ ఓటమికి దిగ్విజయ్‌సింగ్, పొన్నాల లక్ష్మయ్య, జానారెడ్డిలే ప్రధాన కారణమని ఆ పార్టీ సీనియర్ నేత పాల్వాయి గోవర్ధన్‌రెడ్డి మండిపడ్డారు. కేసీఆర్‌తో పొత్తు పెట్టుకోవాలని, తెలంగాణ బిల్లులో ఆయనను భాగస్వామిని చేయాలని చెప్పినా వారు వినలేదని, కేసీఆర్ వస్తే వాళ్లకు సీఎం పదవి దక్కదనే దురాశతో వ్యతిరేకించారన్నారు. అధికారాన్ని అనుభవించి డబ్బులు దండుకున్న మంత్రులు కూడా దీనికి ఒప్పుకోలేదని పేర్కొన్నారు. ‘‘అసలు పొన్నాల లక్ష్మయ్యను టీపీసీసీ అధ్యక్షుడిగా నియమించడమే బుద్ధి తక్కువ పని. పొన్నాల ముఖం చూస్తే ఎవరైనా ఓట్లేస్తరా? పార్టీని నడిపే శక్తి లేనోడు. సభలు నిర్వహించడం చేతకానోడు. టీపీసీసీ అధ్యక్షుడిగా ఉంటూ ఎవడైనా 30 వేల ఓట్లతో ఓడిపోతడా? అట్లాంటోడ్ని ఏమనాలి? అసలు పొన్నాలకు పార్టీ నాయకత్వం ఎట్లా అప్పగించిండ్రు? దీనికంతటికీ దిగ్విజయ్‌సింగే ప్రధాన కారణం. ఆయన కేవీపీ చెప్పినట్లే నడిచిండు. ఎమ్మెల్యే టికెట్లను కూడా అమ్ముకున్నరు. నా దగ్గర ఆధారాలున్నయి. సమయం వచ్చినప్పుడు బయటపెడతా. నెహ్రూతో కలిసి పనిచేసిన నాకు షోకాజ్ ఇస్తడా? ఇట్లాంటి బేవకూఫ్‌గాళ్లను గాంధీభవన్‌లో కూర్చోబెడితే పార్టీ ఓడిపోక ఏం జేస్తది? పొన్నాలను వెంటనే పార్టీ నుంచి తప్పించాలి. అట్లాగే దిగ్విజయ్‌సింగ్.. నువ్వు కూడా పార్టీని వదిలి పో.. నేను సోనియాగాంధీని కలిసి ఈ విషయాలన్నీ చెబుతా’’ అని పేర్కొన్నారు.
  
  పాల్వాయికి మతి చలించింది: టీపీసీసీ
  ఆ వ్యాఖ్యల్ని ఉపసంహరించుకోవాలి.. లేకుంటే బహిష్కరణే
 
  రాజ్యసభ సభ్యుడు పాల్వాయి గోవర్ధన్‌రెడ్డి పెద్ద బ్లాక్‌మెయిలర్ అని, ఆయనకు మతి చలించిందని టీపీసీసీ మండిపడింది. దిగ్విజయ్, పొన్నాల లక్ష్మయ్యలపై ఆయన చేసిన వ్యాఖ్యలను ఉపసంహరించుకుని, దీనిపై 24 గంటల్లోగా వివరణ ఇవ్వాలని ఆదేశించింది. లేనిపక్షంలో పార్టీ నుంచి బహిష్కరిస్తామని హెచ్చరించింది. శనివారం పాల్వాయి చేసిన వ్యాఖ్యలను సీరియస్‌గా తీసుకున్న పొన్నాల వెంటనే ప్రెస్‌మీట్ నిర్వహించాలని అధికార ప్రతినిధులను ఆదేశించారు. ఈ నేపథ్యంలో గాంధీభవన్‌లో టీపీసీసీ అధికార ప్రతినిధులు కొనగాల మహేష్, జిట్టా సురేందర్‌రెడ్డి మీడియా సమావేశం ఏర్పాటు చేసి పాల్వాయి వ్యాఖ్యలను ఖండించారు. ఆయనకు మతి పూర్తిగా చలించిందని ఎద్దేవా చేశారు. కనీసం ఎమ్మెల్యేగా కూడా గెలవలేని పాల్వాయిని అధిష్టానం రాజ్యసభకు పంపించిందని వ్యాఖ్యానించారు. కాంగ్రెస్ నుంచి షోకాజ్ అందుకున్న పాల్వాయికి దిగ్విజయ్, పొన్నాల గురించి మాట్లాడే నైతిక అర్హత లేదని పేర్కొన్నారు. పొన్నాలను టీపీసీసీ చీఫ్‌గా నియమించడం హైకమాండ్ నిర్ణయమని, దాన్ని వ్యతిరేకించడమంటే హైకమాండ్‌ను ధిక్కరించినట్లేనని వ్యాఖ్యానించారు.
  
  నియామకమే ఓటమికి సంకేతం: మధుయాష్కీ
 
 ‘‘టీపీసీసీ అధ్యక్షుడిగా పొన్నాల లక్ష్మయ్యను నియమించడమే కాంగ్రెస్ ఓటమికి తొలి మెట్టు. ఎన్నికల్లో పార్టీ నేతలెవరినీ కలుపుకొనిపోలేదు. సోనియాగాంధీ తెలంగాణ ఇచ్చినా ప్రజల్లోకి తీసుకెళ్లడంలో పార్టీ తెలంగాణ నాయకత్వం పూర్తిగా విఫలమైంది. ఎన్నికల్లో ఓటమికి పొన్నాల బాధ్యత వహించాల్సిందే.’’
 
  ఆయన వల్లే పార్టీ నాశనమైంది: పి.శంకర్‌రావు
 
  ‘‘తెలంగాణలో పార్టీ ఓటమికి పొన్నాల లక్ష్మయ్య నైతిక బాధ్యత వహించి తప్పుకోవాల్సిందే. ఆయనవల్లనే పార్టీ నాశనమైంది. ఎంతో కష్టపడి సోనియా తెలంగాణ ఇచ్చినా ప్రజలకు ఆ విషయాన్ని చెప్పలేకపోయిండు. సీనియర్లను ఏకతాటిపైకి నడిపించడంలో ఫెయిలైండు. పార్టీ అధికారంలోకి రాకపోయినా ఫరవాలేదన్నట్లు వ్యవహరించిండు. ఎన్నికల్లో సొంత నియోజకవర్గం దాట లేదు.’’
  
 
 
  


 ఓటమికి కారణాలను విశ్లేషిస్తున్న కాంగ్రెస్ పెద్దలు
 గ్రేటర్ నేతలతో పొన్నాల భేటీ
 అంతకుముందు జానారెడ్డితో కలిసి జైపాల్ నివాసంలో మంతనాలు
 
 హైదరాబాద్: తెలంగాణ ఎన్నికల్లో ఊహించని పరాజయం ఎదురుకావడా న్ని కాంగ్రెస్ పార్టీ నేతలు జీర్ణించుకోలేకపోతున్నారు. ప్రజల ఆకాంక్షల మేరకు తెలంగాణ ఇచ్చినా కాంగ్రెస్‌కు ఇంత దారుణ ఫలితాలెలా వచ్చాయని తలపట్టుకుంటున్నారు. దీనిపై సమీక్షలు కూడా ప్రారంభించారు. టీపీసీసీ అధ్యక్షుడు పొన్నాల లక్ష్మయ్య శనివారం పార్టీ సీనియర్ నేత జైపాల్‌రెడ్డి నివాసానికి వెళ్లారు. ఉత్తమ్‌కుమార్‌రెడ్డి, జానారెడ్డి, గుత్తా సుఖేందర్‌రెడ్డి, మల్లు రవి తదితరులు భేటీలో పాల్గొన్నారు. తెలంగాణలో ఇంత దారుణమైన ఫలితాలు వస్తాయని అంచనా వేయలేకపోయామని వారు అభిప్రాయపడ్డారు. దేశవ్యాప్తంగా కాంగ్రెస్ వ్యతిరేక పవనాలు వీచాయని, తెలంగాణలోనూ అదే కొనసాగిందనే భావన వ్యక్తమైంది. సోనియా తెలంగాణ ఇచ్చినా ఈ అంశాన్ని సరైన రీతిలో ప్రజల్లోకి తీసుకెళ్లడంలో విఫలమయ్యామనే అంచనాకు వచ్చినట్లు తెలిసిం ది. మొత్తంగా తెలంగాణలో పార్టీ ఓటమిపై లోతైన అధ్యయనం చేయాల్సి ఉందని నేతలు అభిప్రాయపడ్డారు. అందులో భాగంగా సోమవారం నుంచి ఎన్నికల ఫలితాలపై జిల్లాల వారీ సమీక్ష చేయాలని పొన్నాల నిర్ణయించారు. అదే సమయంలో సీఎల్పీ సమావేశం, ప్రతిపక్ష నేత ఎన్నిక వంటి అంశాలు కూడా  చర్చకు వచ్చినట్లు సమాచారం. హైకమాండ్ పెద్దలతో మాట్లాడిన తరువాత సీఎల్పీ సమావేశం నిర్వహించాలని నిర్ణయించినట్లు తెలిసింది. అనంతరం జానారెడ్డి నివాసంలోనూ టీ కాంగ్రెస్ నేతలు సమావేశమై తెలంగాణలో బలహీనపడిన పార్టీని ఏ విధంగా పునరుత్తేజితం చేయాలనే అంశంపైనా చర్చించినట్లు తెలిసింది.
 
  విభజనే కొంపముంచింది!: మరోవైపు టీపీసీసీ అధ్యక్షుడు పొన్నాల లక్ష్మయ్య గ్రేటర్ హైదరాబాద్ కాంగ్రెస్ కమిటీ నేతలతో సమావేశమయ్యారు. గ్రేటర్ కాంగ్రెస్ అధ్యక్షుడు దానం నాగేందర్ సహా పలువురు నేతలు పాల్గొన్న ఈ సమావేశంలో జిల్లాలో కాంగ్రెస్‌కు ఒక్క సీటు కూడా రాకపోవడానికి గల కారణాలను విశ్లేషించారు. తెలంగాణ, సీమాంధ్రతో పాటు అన్ని ప్రాంతాల వారూ నివాసం ఉంటున్న హైదరాబాద్‌లో విభజన అంశమే కొంపముంచిందని దానం వాపోయినట్లు తెలిసింది.
  
  
  


 కేంద్ర హోం మంత్రిత్వ శాఖ కసరత్తు
  
 హైదరాబాద్: రాష్ట్ర విభజన తేదీని కొంత ముందుకు జరపనున్నట్లు ఉన్నతస్థాయి వర్గాల సమాచారం. అసెంబ్లీ ఎన్నికల ఫలితాలు వెలువడిన తర్వాత ప్రజాస్వామ్యయుతంగా ఎన్నికైన ప్రభుత్వాలు ఏర్పాటు చేయకుండా జాప్యం చేయడం సమంజసం కాదనే వాదన అధికార వర్గాల్లో వ్యక్తం అవుతోంది. ఈ నేపథ్యంలో రాష్ట్రాన్ని విభజించి తెలంగాణ, ఆంధ్రప్రదేశ్ కొత్త రాష్ట్రాలు ఏర్పడే తేదీగా ఈ నెల 26ను (అపారుుంటెడ్ డే) నిర్ణయించే అవకాశం ఉందని తెలుస్తోంది. జూన్ 2వ తేదీని అపాయింటెడ్ డేగా ఇంతకుముందు నిర్ణయించిన విషయం తెలిసిందే. అరుుతే దీనివల్ల తెలంగాణ, సీమాంధ్రల్లో ప్రభుత్వాలు ఏర్పాటు చేయకుండా పక్షం రోజుల పాటు వేచి చూడాల్సి ఉంటుంది. ఈ కారణంగా అపాయింటెడ్ డేను ముందుకు జరపాలనే ఆలోచనలో కేంద్ర ప్రభుత్వం ఉన్నట్టు అధికార వర్గాలు పేర్కొంటున్నాయి. ఈ నెల 21వ తేదీన ప్రధానమంత్రిగా నరేంద్ర మోడీ ప్రమాణ స్వీకారం చేసే అవకాశం ఉన్నందున.. ఆ వెంటనే ఆపాయింటెడ్ డే ను ముందుకు జరిపేం దుకు ఆయన అనుమతి తీసుకోనున్నట్లు సమాచారం. మరోవైపు మోడీ ప్రమాణ స్వీకారంతో సంబంధం లేకుండా, ఆయనకు సమాచారం ఇవ్వడం ద్వారా కూడా విభజన తేదీని ముందుకు జరిపే యోచనలో కేంద్ర హోంశాఖ ఉన్నట్టు అధికార వర్గాలు పేర్కొన్నాయి.
 
  26 నుంచి ప్రయోగాత్మకంగా అమలు!: ఇలా ఉండగా ముందుగా నిర్ణరుుంచిన రాష్ట్ర విభజన తేదీ జూన్ 2 కంటే ముందుగానే అంటే.. ఈ నెల 26వ తేదీ నుంచే తెలంగాణ, ఆంధ్రప్రదేశ్ ప్రభుత్వాలను ప్రయోగాత్మకంగా పనిచేయించాలని ఉన్నతాధికారులు నిర్ణయించారు. సచివాలయంతో పాటు రాజధానిలోని పలు ప్రభుత్వరంగ సంస్థలు, శాఖలు, కమిషనరేట్లు, డెరైక్టరేట్లలో రెండు రాష్ట్ర ప్రభుత్వాలను ప్రయోగాత్మకంగా పని చేయించడం వల్ల అధికారులు, సిబ్బందికి సాధకబాధకాలు తెలిసివస్తాయనే అభిప్రాయం వ్యక్తమవుతోంది. అయితే, అధికారికంగా ఎటువంటి నిర్ణయాలను తీసుకోరు. ఒక వేళ అపాయింటెడ్ డే ఈ నెల 26గా అధికారికంగా నిర్ణయమైతే రెండు రాష్ట్రాల ప్రభుత్వాలు ఆ రోజు నుంచి అధికారికంగానే పని ప్రారంభిస్తారుు.
  
  


 మెదక్ : నాడు ఆంధ్రప్రదేశ్ ముఖ్యమంత్రిగా మెదక్ జిల్లా నుంచి టంగుటూరి అంజయ్య ఎన్నిక కాగా, నేడు తెలంగాణ తొలి ముఖ్యమంత్రిగా ఇదే జిల్లాకు చెందిన కల్వకుంట్ల చంద్రశేఖర్‌రావు ఎన్నిక కాబోతున్నారు. దేశ, రాష్ట్ర రాజకీయ యవనికపై మెతుకుసీమ ప్రతినిధులకు ప్రత్యేక గుర్తింపు ఉంది. 1980లో మెదక్ పార్లమెంట్ అభ్యర్థిగా ఎన్నికైన ఇందిరాగాంధీ దేశ ప్రధానిగా కొనసాగారు. అలాగే 1981లో ఇదేజిల్లా రామాయంపేట నియోజకవర్గం నుండి ఎమ్మెల్యేగా ఎన్నికైన టంగుటూరి అంజయ్య ఆంధ్ర ప్రదేశ్ ముఖ్యమంత్రిగా పనిచేశారు.
 
 1989లో నర్సాపూర్ నియోజకవర్గం నుండి ఎమ్మెల్యేగా ఎన్నికైన జగన్నాథరావు ఉపముఖ్యమంత్రిగా పనిచేశారు. అనంతరం 2009లో ఆందోల్ అసెంబ్లీ నియోజకవర్గం నుండి ఎమ్మెల్యేగా ఎన్నికైన దామోదర రాజనర్సింహ కూడా ఉపముఖ్యమంత్రిగా పనిచేశారు. 2014 ఎన్నికల్లో మెదక్ జిల్లా గజ్వేల్ అసెంబ్లీ నియోజకవర్గం నుండి ఎమ్మెల్యేగా ఎన్నికైన కేసీఆర్ త్వరలో తెలంగాణ తొలి ముఖ్యమంత్రిగా పదవీ బాధ్యతలు చేపట్టనున్నారు.
  
  


 ఆంధ్రకు ప్రసాదరావు, తెలంగాణకు అనురాగ్‌శర్మ , నగర పోలీసు కమిషనర్‌గా మహేందర్‌రెడ్డి?
  
  హైదరాబాద్: ఆంధ్రప్రదేశ్ రాష్ట్రానికి బి.ప్రసాదరావు, తెలంగాణ రాష్ట్రానికి అనురాగ్‌శర్మలు తొలి డెరైక్టర్ జనరల్ ఆఫ్ పోలీసు(డీజీపీ)లుగా నియామకం కానున్నారని ఐపీఎస్ వర్గాల్లో జోరుగా చర్చ సాగుతోంది. అలాగే, హైదరాబాద్‌కు సీనియర్ ఐపీఎస్ అధికారి ఎం.మహేందర్‌రెడ్డి పోలీస్ కమిషనర్‌గా కానున్నారనే చర్చా సాగుతోంది. ఈ విషయంలో ఇప్పటికే ఉన్నతస్థాయిలో నిర్ణయం జరిగిందని, వాటిని అపాయిం టెడ్ డే జూన్ 2న గానీ, అంతకంటే ముందే ప్రకటించే అవకాశాలు ఉన్నాయని భావిస్తున్నారు. హైదరాబాద్ నగర పోలీసు కమిషనర్‌గా ఉన్న 1982వ బ్యాచ్‌కు చెందిన సీనియర్ ఐపీఎస్ అధికారి, డీజీపీ హోదాలో ఉన్న అనురాగ్‌శర్మను తెలంగాణ డీజీపీగా నియమించే విషయంలో టీఆర్‌ఎస్ అధినేత సానుకూలం గా ఉన్నట్లు తెలిసింది. 1979వ బ్యాచ్‌కు చెందిన ప్రస్తుత డీజీపీ ప్రసాదరావు, రాష్ట్ర హోంశాఖ ముఖ్యకార్యదర్శి టీపీదాస్, రాష్ట్ర పోలీసు గృహనిర్మాణ సంస్థ చైర్మన్ సయ్యద్ అన్వరుల్ హుదాలు ఏపీ కేడర్‌లోకి మారనున్నట్లు సమాచారం. ఇక ఇదే బ్యాచ్‌కు చెంది, శివరాంపల్లిలోని జాతీయ పోలీసు అకాడమి డెరైక్టర్ గా ఉన్న అరుణాబహుగుణ తెలంగాణ రాష్ట్ర కేడర్‌కి మారనున్నారని తెలుస్తోంది.
 
 1980 బ్యాచ్‌కు చెందిన ఇద్దరు సీనియర్ ఐపీఎస్‌ల్లో ఒకరైన అంబటి శివనారాయణ పదవీ విరమణ చేయగా, వాసన్ ఢిల్లీలో కేంద్రంలో డిప్యూటేషన్‌లో ఉన్నారు. 1981 బ్యాచ్‌నకు చెందిన డీజీపీ హోదా కలిగిన అధికారుల్లో కోడె దుర్గాప్రసాద్‌రావు ఎస్‌పీజీ చీఫ్‌గా ఢిల్లీలో ఉన్నారు. గ్రేహౌండ్స్ డీజీపీగా జేవీ రాముడు, ఏసీబీ డెరైక్టర్ జనరల్‌గా ఉన్న ఏకేఖాన్ ఉండగా, మరో అధికారి ఆర్‌పీ మీనా పదవీవిరమణ చేశారు. 1982 బ్యాచ్‌కు చెందిన వారిలో అనురాగ్ శర్మతో పాటు ఎస్‌వీ రమణమూర్తి (రోడ్ సేఫ్టీ అథారిటీ చైర్మన్)గా ఉన్నారు. వాసన్ కేంద్ర సర్వీసులోనే కొనసాగే అవకాశాలు ఉండగా, జేవీ రాముడు, కోడె దుర్గాప్రసాద్, ఏకే ఖాన్, రమణమూర్తిలు ఏపీ కేడర్‌లోకి వెళ్లే అకాశాలున్నాయి. దీంతో సీనియార్టీ ప్రకారం బి. ప్రసాదరావును ఏపీ రాష్ర్ట డీజీపీగా నియమించే అవకాశాలు ఉన్నాయని పేర్కొంటున్నారు. ఇప్పటికే ఆయన డీజీపీగా సమర్థవంతంగా బాధ్యతలను నిర్వహించడం, వివాదాలకు అతీతుడు కావడంతో ఆయనకే ఏపీ పోలీసు పగ్గాలను అప్పగించవచ్చని భావిస్తున్నారు. తెలంగాణలో సీనియర్‌గా అరుణా బహుగుణ ఉన్నప్పటికీ శాంతిభద్రతల పరిరక్షణలో అనురాగ్‌శర్మకు ఉన్న సమర్థతను దృష్టిలో ఉంచుకొని ఆయనకే పోలీసుబాస్ పగ్గాలు దక్కనున్నాయని పోలీసు వర్గాలు పేర్కొంటున్నాయి. ఈ క్రమంలో నగర పోలీసు కమిషనర్‌గా ప్రస్తుత ఇంటెలిజెన్స్ చీఫ్ ఎం.మహేందర్‌రెడ్డిని నియమించడం ఖాయమని ఐపీఎస్ వర్గాలు భావిస్తున్నాయి. ఉమ్మడి రాజధాని అయిన హైదరాబాద్‌లో శాంతిభద్రతల పర్యవేక్షణ గవర్నర్ పరిధిలో ఉం డడం, ఆయనే నగర పోలీసు కమిషనర్‌ను నియమించాల్సి ఉంటుంది. అయితే, మహేందర్‌రెడ్డి విషయంలో గవర్నర్ సైతం సానుకూలంగా ఉన్నట్లు తెలుస్తోంది. కొత్తగా సీఎంలు సైతం మహేందర్‌రెడ్డి విషయంలో సానుకూలంగానే ఉండే అవకాశాలున్నాయని ఐపీఎస్ వర్గాలు లెక్కలేసుకుంటున్నాయి. చివరి క్షణంలో ఏదైనా మార్పులు చేర్పులు జరిగితే తప్ప.. ఈ ముగ్గురు అధికారులకు కీలక పోస్టులు లభించడం ఖాయమని అధికార వర్గాలు భావిస్తున్నాయి. 


 ప్రధాన కార్యదర్శిగా కె.రవీందర్‌రెడ్డి  ఏకగ్రీవంగా కార్యవర్గం ఎన్నిక
  
  హైదరాబాద్: తెలంగాణ నాన్ గెజిటెడ్ అధికారుల సంఘం (టీఎన్జీవో) అధ్యక్షుడిగా దేవీప్రసాద్, ప్రధాన కార్యదర్శిగా కె.రవీందర్‌రెడ్డి ఏకగ్రీవంగా ఎన్నికయ్యారు. సంఘం ఎన్నికల్లో నామినేషన్లు దాఖలు చేయడానికి ఆఖరు తేదీ 14వ తేదీ నాటికి ఒక్కొక్క సెట్ నామినేషన్ మాత్రమే దాఖలు కావడంతో వారు ఏకగ్రీవంగా ఎన్నికయినట్లు ప్రకటించా రు. అనంతరం కార్యవర్గాన్ని కూడా ఏకగ్రీవంగా ఎన్నుకున్నారు. 2012 జూలై 31న స్వామిగౌడ్ పదవీ విరమణ చేయడంతో దేవీప్రసాద్ టీఎన్జీవోల అధ్యక్షుడిగా తొలిసారి ఎన్నికైన విషయం విదితమే. ఈ ఎన్నికలను ప్రతి మూడేళ్లకోసారి నిర్వహిస్తారు. కాగా ఈ సందర్భంగా దేవీప్రసాద్ ఉద్యోగులను ఉద్దేశించి మా ట్లాడారు. తెలంగాణ ఉద్యమంలో కీలకపాత్ర పోషిం చిన ఉద్యోగులు.. సొంత రాష్ట్రంలో పీఆర్సీ, హెల్త్‌కార్డులు, సకల జనుల సమ్మె కాలాన్ని ప్రత్యేక సెలవుగా గుర్తించడం తదితర డిమాండ్ల సాధనకు ఉద్యమించాల్సిన అవసరం ఉందన్నారు. తెలంగాణలోఉన్న సీమాంధ్ర ఉ ద్యోగులందరినీ వెంటనే బదిలీ చేయాలని డిమాండ్ చేశారు.
 
  టీఎన్జీవో రాష్ట్ర కార్యవర్గం..
 
  అధ్యక్షుడిగా దేవీప్రసాద్, ప్రధాన కార్యదర్శిగా కారం రవీందర్‌రెడ్డి, సహాధ్యక్షుడుగా ఎం.రాజేందర్ (మెదక్), ఉపాధ్యక్షులుగా ఎం.ఉపేందర్‌రెడ్డి, రేచల్, ఎం.జగదీశ్వర్, ఎస్.కె.హస్నుద్దీన్ (వరంగల్), ఆర్.విజయలక్ష్మి, ఈ.వెంకటేశ్వర్లు (వరంగల్), బి.బుచ్చిరెడ్డి, కార్యదర్శులుగా బి.శంకర్, టి.దయానంద్, ఎ.నారాయణరెడ్డి, ఎస్.వెంకటేశ్వర్లు, పి.సత్తెమ్మ, పి.లక్ష్మీనారాయణ, ఎం.హరిబాబు, విజేత, ఆర్.శైలజాదేవి, కోశాధికారిగా వేణుగోపాల్, ఆర్గనైజింగ్ కార్యదర్శులుగా ఆర్.శ్రీనివాసరావు, ఎస్.జీవన్‌రావు, ప్రచార కార్యదర్శిగా ఆర్.ప్రతాప్, కార్యవర్గ సభ్యులుగా సి.హెచ్.మనోహర, భవానీసింగ్, వి.సుధాకర్, బి.మల్లేష్, జె.నర్సింగరావు, అమృత్‌కుమార్, కె.యాదయ్య, బి.రాము, ఇ.కొండల్‌రెడ్డి ఎన్నికయ్యారు. ఈ కార్యవర్గాన్ని ఎన్నికల అధికారులు గురువారం అధికారికంగా ప్రకటించనున్నారు.
  


 భగ్గుమన్న తెలంగాణ కార్మిక నేతలు
 నివేదిక మార్చకుంటే రేపటి నుంచి మెరుపు సమ్మె
 నేడు చర్చలకు ఆహ్వానించిన ఉన్నతాధికారులు
 ఆర్టీసీలో తీవ్ర ఉద్రిక్తతకు దారితీసిన ‘విభజన’ కసరత్తు
  
  జోనల్‌స్థాయిలో నియమితులైన సీమాంధ్ర అధికారులు తెలంగాణలోనే 
 ఆస్పత్రి, కల్యాణ మండపంలో ఆ రాష్ట్రానికి వాటా: ఆర్టీసీ నివేదిక సిద్ధం     
  
  హైదరాబాద్: తెలంగాణ ప్రయోజనాలను పణంగా పెట్టి ఆర్టీసీ ఆస్తులను విభజించేందుకు కుట్ర జరుగుతోందన్న వివాదంతో ఆర్టీసీలో సమ్మెకు దారితీసే పరిస్థితి ఏర్పడింది. రెండు రాష్ట్రాల మధ్య ఆర్టీసీ ఆస్తులు, ఉద్యోగుల పంపకం విషయానికి సంబంధించి ఇప్పటికే నివేదిక సిద్ధమైంది. దీన్ని గురువారం జరగనున్న ఆర్టీసీ బోర్డు సమావేశం ముందుంచి ఆమోదముద్ర వేయించి గవర్నర్‌కు అందజేసేందుకు ఏర్పాట్లు జరుగుతున్నాయి. కొన్ని రోజులుగా విభజన కసరత్తును కొలిక్కి తెస్తున్న ఆర్టీసీ ఎగ్జిక్యూటివ్ డెరైక్టర్లతో కూడిన కమిటీ వివరాలను గోప్యంగా ఉంచడంతో అవి బయటకు పొక్కలేదు. కానీ మంగళవారం ఉదయం ఆ వివరాలు వెలుగులోకి రావడం తో తెలంగాణ ప్రాంత కార్మిక నేతలు అగ్గిమీదగుగ్గిలమయ్యారు. తెలంగాణకు అన్యాయం జరిగేలా నివేదికలో అంశాలున్నాయని తీవ్రంగా ఆరోపిస్తున్న యూనియన్ నేతలు కమిటీ ప్రతినిధులను నిలదీశారు. ఎట్టిపరిస్థితిలో బుధవారం నాటికి దాన్ని మార్చాల్సిందేనని, ఉన్నదున్నట్టు బోర్డు ముందుంచితే గురువారం నుంచి మెరుపు సమ్మె ప్రారంభిస్తామని వారు  హెచ్చరించారు. దీంతో అప్పటికప్పుడు కమిటీ ప్రతినిధులు కొన్ని సవరణలకు అంగీకరించారు. బుధవారం మరోసారి యూనియన్లతో చర్చించి మార్పుచేర్పులు చేస్తామని హామీ ఇచ్చారు. అయితే అధికారుల హామీపై నమ్మకంగా లేకపోవడంతో కార్మికులు సమ్మెకు సైరన్ మోగించేందుకు సిద్ధమవుతున్నారు.
 
  ఇంతకూ నివేదికలో ఏముంది?
 
  ఆర్టీసీ ప్రధాన కార్యాలయభవనం బస్‌భవన్‌తోపాటు తార్నాకలోని ఆర్టీసీ ఆస్పత్రి, ట్రాన్స్‌పోర్టు అకాడమీ, బాగ్‌లింగంపల్లిలోని ఆర్టీసీ కల్యాణమండపం, బ్యాంకులను ఉమ్మడి ఆస్తులుగా నివేదికలో పొందుపరిచారు. పదేళ్లపాటు ఉమ్మడి రాజధానిగా ఉంటున్నందున బస్‌భవన్‌ను పాలనా సౌలభ్యం కోసం రెండుగా విభజిస్తే అభ్యంతరం లేదని తెలంగాణ సిబ్బంది పేర్కొన్నా... ఇప్పుడు దానిపై సీమాంధ్రకు హక్కు కల్పిస్తూ నివేదిక సిద్ధం చేశారు. అలాగే పైన పేర్కొన్న మిగతా ఆస్తులన్నింటిపైగా సీమాంధ్రకు హక్కు ఉండబోతోంది.
   ఆర్టీసీ ఆస్పత్రికి సంబంధించిన రేడియాలజీ విభాగం, బ్లడ్‌బ్యాంకు, ఆపరేషన్‌థియేటర్, మియాపూర్‌లోని బస్‌బాడీ ఫ్యాబ్రికేషన్ వర్క్‌షాపు, ప్రింటింగ్ ప్రెస్‌లను రెండుగా విభజించే వీలులేనందున వాటిని షేరింగ్ ప్రాపర్టీలుగా నిర్ధారించారు. అయితే వీటి నుంచి సేవలు పొందడమే కాకుండా వాటి విలువలో కూడా సీమాంధ్రకు వాటా ఉంటుందనేది నివేదిక సారాంశం.
 
   అధికారుల బదిలీల్లో జిల్లా, జోనల్ స్థాయి కాకుండా రాష్ట్రస్థాయి అధికారుల్లో స్థానికతను పరిగణనలోకి తీసుకుంటున్నట్టు పేర్కొన్నారు. దీని ప్రకారం డిపో మేనేజర్, అంతకంటే పైస్థాయి పోస్టుల్లో ఉన్న అధికారులనే ఏ ప్రాంతానికి చెందిన వారిని ఆ ప్రాంతానికి పంపుతారు. కానీ అసిస్టెంట్ మేనేజర్, సీనియర్ సూపర్‌వైజర్, అసిస్టెంట్ మెకానికల్ ఇంజినీర్, అసిస్టెంట్ మేనేజర్ ప్లానింగ్, అసిస్టెంట్ మేనేజర్ ఫైనాన్స్, అసిస్టెంట్ మేనేజర్ మెటీరియల్స్.. తదితరాలకు సంబంధించి సీమాంధ్రకు చెందిన వారు దాదాపు 400 మంది తెలంగాణలో పనిచేస్తున్నారు. రాష్ట్రం విడిపోయినా వీరు తెలంగాణలోనే పనిచేసే వెసులుబాటు ఉంటుంది.
  
 ఆర్టీసీ నష్టాలను జనాభా ప్రాతిపదికన పంచాలని నివేదికలో పేర్కొన్నారు. కానీ  కొన్నేళ్లుగా సీమాంధ్రలోనే నష్టాలెక్కువగా ఉంటున్నాయి. గడచిన ఐదేళ్లలో తెలంగాణలో రూ.557 కోట్ల నష్టాలొస్తే, సీమాంధ్రలో రూ.1168 కోట్ల వరకున్నాయి.
  ఈ అంశాలన్నింటిలో తెలంగాణకు అన్యాయం జరుగుతోందనేది ఈ ప్రాంత కార్మిక నేతల వాదన. ఎట్టిపరిస్థితిలో ఇక్కడి స్థిరాస్తులపై సీమాంధ్రకు హక్కు కల్పించొద్దని, ఐదేళ్ల నష్టాల ప్రాతిపదిక మేరకే నష్టాలను రెండు రాష్ట్రాల మధ్య పంచాలని, జోనల్ స్థాయిలో నియామకాలు జరిగీ రాష్ట్రస్థాయి కే డర్‌గా మారిన పోస్టులోనివారిని కూడా స్థానికత ప్రకారం ఆయా ప్రాంతాలకు పంపాలని కార్మికనేతలు గట్టిగా డిమాండ్ చేశారు. టీఎంయూ, ఈయూ, ఎన్‌ఎంయూ, తెలంగాణ ఆఫీసర్స్ అసోసియేషన్ నేతలు అధికారులను కలిసి హెచ్చరించారు.
  
  తీరు మారకుంటే మెరుపుసమ్మె: టీఎంయూ
 
  సీమాంధ్ర అధికారులు కుట్రపూరితంగా తెలంగాణకు అన్యాయం చేస్తూ నివేదిక సిద్ధం చేశారని టీఎంయూ ప్రధాన కార్యదర్శి అశ్వథ్థామరెడ్డి తెలిపారు. దాన్ని వెంటనే మార్చాలని కోరారు. ప్రస్తుత నివేదికను బోర్డు సమావేశంలో ప్రవేశపెడితే ఎక్కడి బస్సులు అక్కడే స్తంభింపజేస్తామన్నారు. నివేదిక మార్చే వరకు మెరుపు సమ్మె కొనసాగిస్తామని ఆయన హెచ్చరించారు.
  
  


  హైదరాబాద్: రాష్ట్ర విభజన నేపథ్యంలో తెలంగాణ, సీమాంధ్రల్లో శాఖల ఏర్పాటుకు సీపీఐ సన్నాహాలు చేస్తోంది. ఇందుకోసం ఈ నెల 22, 23 తేదీల్లో పార్టీ రాష్ట్ర కౌన్సిల్ భేటీ కానుంది. ఈ క్రమంలో రాష్ట్ర కార్యదర్శివర్గం ఈ నెల 21న సమావేశమై దీనికి సంబంధించిన అజెండాను ఖరారు చేస్తుంది. వాస్తవానికి ఏప్రిల్‌లోనే రెండు శాఖల్ని ఏర్పాటు చేయాలని పార్టీ నిర్ణయించినప్పటికీ ఎన్నికలు రావడంతో వాయిదా వేశారు.
 
 రెండు ప్రాంతాలకు ఎన్నికల కమిటీలను ఏర్పాటు చేసి ప్రస్తుత కార్యదర్శి కె. నారాయణను ఇప్పటి దాకా ఆ పదవిలో కొనసాగించారు. ఎన్నికలు పూర్తయిన నేపథ్యంలో రెండు రాష్ట్రాల్లో శాఖల ఏర్పాటు చేయనున్నారు. ఎన్నికల కమిటీలకు నాయకత్వం వహించిన చాడా వెంకటరెడ్డి తెలంగాణకు, సీమాంధ్రకు కె.రామకృష్ణ కార్యదర్శులుగా ఎంపికయ్యే అవకాశముంది.
  


 హైదరాబాద్: తెలంగాణ, సీమాంధ్రలోని పది జిల్లాల్లోని 29 పోలింగ్ కేంద్రాల్లో మంగళవారం రీ పోలింగ్ జరగనుంది. ఉదయం 7 గంటల నుంచి సాయంత్రం 6 గంటల వరకు పోలింగ్ నిర్వహిస్తారు. తెలంగాణలో గత నెల 30న, ఈ నెల 7న సీమాంధ్రలో పోలింగ్ సందర్భంగా చాలా చోట్ల ఓటింగ్ యంత్రాలు మధ్యలో పనిచేయడం మానేశాయి. వాటిని మార్చి కొత్త యంత్రాలను అమర్చి పోలింగ్ నిర్వహించారు. అయితే ఇలాంటి చోట్ల రీ పోలింగ్ అవసరం లేదని కలెక్టర్లు నివేదించినప్పటికీ కేంద్ర ఎన్నికల కమిషన్ రీ పోలింగ్ నిర్వహించాలని ఆదేశించింది. ఈ నేపథ్యంలో మంగళవారం 29 పోలింగ్ కేంద్రాల్లో రీ పోలింగ్ జరుగుతోంది. పోలింగ్ కేంద్రాల వివరాలు ఇవీ..
 
   నిజామాబాద్ లోక్‌సభకు బోధన్ అసెంబ్లీ పరిధిలోని 64వ పోలింగ్ కేంద్రం  జహీరాబాద్ లోక్‌సభకు జుక్కల్ అసెంబ్లీ పరిధిలోని 134వ పోలింగ్ కేంద్రం  బాన్సువాడ అసెంబ్లీ స్థానానికి 146వ పోలింగ్ కేంద్రం  జహీరాబాద్ లోక్‌సభకు బాన్సువాడ అసెంబ్లీ పరిధిలోని 39, 187 పోలింగ్ కేంద్రాలు  నిజామాబాద్ రూరల్ అసెంబ్లీ స్థానానికి 48, 168 పోలింగ్ కేంద్రాలు  నిజామాబాద్ రూరల్ అసెంబ్లీ పరిధిలోని 9వ పోలింగ్ కేంద్రం   కూకట్‌పల్లి అసెంబ్లీ స్థానానికి 371/ఎ పోలింగ్ కేంద్రం  కొత్తగూడెం అసెంబ్లీ స్థానానికి 161వ పోలింగ్ కేంద్రం  భద్రాచలం అసెంబ్లీ స్థానానికి 239వ పోలింగ్ కేంద్రం  శ్రీకాకుళం లోక్‌సభకు శ్రీకాకుళం అసెంబ్లీ పరిధిలోని 46వ పోలింగ్ కేంద్రం  కురుపాం అసెంబ్లీ స్థానానికి 192వ పోలింగ్ కేంద్రం  అరకు లోక్‌సభకు సాలూరు అసెంబ్లీ పరిధిలోని 134వ పోలింగ్ కేంద్రం అరకు లోక్‌సభ, పాడేరు అసెంబ్లీ స్థానానికి 68వ పోలింగ్ కేంద్రం  మచిలీ పట్నం లోక్‌సభకు గుడివాడ అసెంబ్లీ పరిధిలోని 123వ పోలింగ్ కేంద్రం  మచిలీపట్నం లోక్‌సభకు అవనిగడ్డ అసెంబ్లీ పరిధిలోని 29వ పోలింగ్ కేంద్రం  అవనిగడ్డ అసెంబ్లీ స్థానానికి 91వ పోలింగ్ కేంద్రం  పెనమలూరు అసెంబ్లీ స్థానానికి 59, 172 పోలింగ్ కేంద్రాలు  విజయవాడ లోక్‌సభకు విజయవాడ ఈస్ట్ అసెంబ్లీ పరిధిలోని 212వ పోలింగ్ కేంద్రం  విజయవాడ లోక్‌సభకు మైలవరం అసెంబ్లీ పరిధిలోని 123వ పోలింగ్ కేంద్రం  నందిగామ అసెంబ్లీ స్థానానికి 171, 174 పోలింగ్ కేంద్రాలు విజయవాడ లోక్‌సభకు జగ్గయ్యపేట అసెంబ్లీ పరిధిలోని 122వ పోలింగ్ కేంద్రం  కరీంనగర్ లోక్‌సభకు హుస్నాబాద్ పరిధిలోని 170వ పోలిం గ్ కేంద్రం  కడప పార్లమెంట్‌కు, జమ్మలమడుగు అసెంబ్లీకి 80, 81,82 పోలింగ్ కేంద్రాలు.
  


 తెలంగాణలో 59 ఎస్సీ, 32 ఎస్టీ కులాలు 
 మన్నెదొర, తోటి కులం కూడా ఉన్నట్లు గుర్తింపు 
 విభజన ఉత్తర్వుల్లో స్పష్టం చేసిన ప్రభుత్వం
  
  హన్మకొండ,   రాష్ట్ర విభజన నేపథ్యంలో తెలంగాణ ప్రాంతంలోని షెడ్యూల్డ్ కులాల లెక్క తేల్చారు. ఎస్సీ, ఎస్టీ వాస్తవ కులాలు, వాటి ఉపకులాలెన్ని.. ఏ ప్రాంతంలో ఎక్కువ.. కొన్ని ప్రాంతాలకే పరిమితమైన కులాలు..వీటన్నిటిపై స్పష్టంగా నివేదికల్లో పొందుపర్చారు. తెలంగాణ వ్యాప్తంగా 59 షెడ్యూల్ కులాలుం డగా కొన్నింటికి ఉపకులాలు కూడా ఉన్నాయి. 32 షెడ్యూల్ తెగలకు గాను ఉప కులాలు మరిన్ని ఉన్నా యి. ఎస్టీలకు సంబంధించి రెండు కులాలు మాత్రం కొన్ని జిల్లాల్లోనే ఉన్నట్లు జాబితాల్లో పేర్కొన్నారు. అయితే వీరి సంఖ్యను తేల్చలేదు. ఎస్టీ కులాల్లో ఎక్కువగా ఆదిలాబాద్, కరీంనగర్, ఖమ్మం, మహబూబ్‌నగర్, మెదక్, నల్లగొండ, నిజామాబాద్, వరంగల్ జిల్లాల్లో ఉన్నట్లు గుర్తించారు. వీటిలో తోటి అనే ఎస్టీ కులం ఉనికి ఆదిలాబాద్, కరీంనగర్, ఖమ్మం, మహబూబ్‌నగర్, మెదక్, నల్లగొండ, నిజామాబాద్ జిల్లాల్లో మన్నదొర కులం కూడా ఈ జిల్లాల్లోనే ఉన్నట్లు గుర్తిం చారు. గోదావరి పరీవాహక ప్రాంతంలోనే ఎస్టీలు, వాటి ఉప కులాలు నివాసం ఉంటున్నట్లు పేర్కొన్నారు. విభజన నేపథ్యంలో ఆంధ్ర కంటే తెలంగాణ ప్రాంతంలోనే ఎస్సీ, ఎస్టీ కులాలు ఎక్కువగా ఉన్నాయని తేల్చారు.ఈ మేరకు రెండు రోజుల క్రితం గవర్నర్ నుంచి ఆయా జిల్లాల అధికారులకు ఉత్తర్వులు అందాయి.
 
 
  ఉప కులాలూ ఎక్కువే: తెలంగాణలోని పది జిల్లాల్లో 59 షెడ్యూల్ కులాలుండగా వాటికి ఉప కులాలు సైతం ఎక్కువగానే ఉన్నాయి. ఎస్సీల జాబితాలోని చమర్ కులం పరిధిలో మోచి, మూచి, చమర్-రావిదాస్, చమర్-రొహిదాస్ కులాలున్నాయి. డక్కలకు ఉపకులంగా డక్కలవార్, దోమ్‌కు దోంబేరా, పైడీ, పానో, ఎల్లమల్వార్‌కు ఎల్లమ్మలవాండ్లు, ఘాసీ కులానికి హద్దీ, రేలీ, చెంచడి ఉప కులాలున్నాయి. కొలుపువాళ్ల కులానికి పంబాడా, పంబండా, పంబాల కులాలు, మాదాసి కురువ, మాదారి కురువగా గుర్తించారు. మాదిగ దాసుకు మస్తీం, మాల కులానికి మాల అయ్యవారు మాలా సాలీ, నేతాని కులాలు ఉప కులాలుగా ఉన్నట్లు నివేదికల్లో పేర్కొన్నారు. ఎస్టీ కులాల్లోనూ ఉప కులాలు అధికంగానే ఉన్నాయని జాబితాలో లెక్కగట్టారు.   ఆదిలాబాద్, వరంగల్, నిజామాబాద్ ప్రాంతాల్లో గోండు కులం ప్రత్యేకంగా నమోదై ఉన్నట్లు నివేదించారు. నాయక్ కులం కూడా కేవలం ఏజెన్సీ ప్రాంతాల్లోనే ఉన్నట్లు పేర్కొన్నారు. తెలంగాణలోని మరో ప్రధాన కులం లంబాడాను కూడా ఉప కులంగానే ఉందన్నారు. ప్రధాన కులం సుగాలీలకు లంబాడీలు, బంజారాలను ఉప కులాలుగా చూపించారు. గదబ కులానికి ఉప కులంగా బోడో గదబ, గూడోబ్ గదబ, కల్ల్యాయి గదబ, పరంగి గదబ, కత్తెర గదబ, కాపు గదబ కులాలు ఉప కులంగా నమోదయ్యాయి. అదేవిధంగా గోండుకు నాయక్‌పోడ్, రాజ్‌గొండు, కోయితూర్ కులాలున్నాయి. ఒకప్పుడు అటవీ ప్రాంతాలకే పరిమితమైన కొన్ని కులాలు ఇప్పుడు అంతటా వ్యాపించాయని పేర్కొన్నారు. వాటిలో కొండ కులం ఉన్నట్లు లెక్కల్లో చెప్పారు.
  


 కేసీఆరే రాజకీయ వ్యభిచారి: పొన్నాల
 హైదరాబాద్: టీఆర్‌ఎస్ అధినేత కేసీఆర్ గిచ్చితే తాను మరింతగా రెచ్చిపోతానని తెలంగాణ పీసీసీ అధ్యక్షుడు పొన్నాల లక్ష్మయ్య హెచ్చరిం చారు. రాజకీయాల్లో ఎప్పటికప్పుడు రంగులు మార్చే కేసీఆరే అసలైన వ్యభిచారి అని మండిపడ్డారు. ‘‘ఆకలితో, అవమాన భారంతో, కసితో అమెరికా వెళ్లొచ్చిన నన్ను విమర్శించే అర్హత కేసీఆర్‌కు లేదు. టీఆర్‌ఎస్‌ను చీలుస్తానంటూ నేనెన్నడూ మాట్లాడలేదు. అలాంటప్పుడు సంజాయిషీ ఇవ్వాల్సిన ఖర్మ నాకు లేదు. 55 మంది తెలంగాణ ద్రోహులకు కేసీఆర్ టికెట్లిచ్చారు. వారు గెలిస్తే ఎక్కడ టీఆర్‌ఎస్‌ను వీడతారోననే భయంతోనే ఇలాంటి వ్యాఖ్యలు చేస్తున్నారు. రాహుల్‌గాంధీకి మద్దతిస్తాననడం కూడా ఆ భయంతోనే తప్ప కేసీఆర్ చిత్తశుద్ధి లేదు. ఆయన నిజంగా మాకు మద్దతిస్తే స్వాగతిస్తాం. కానీ ఆయన మాటలు నమ్మలేం’’ అంటూ తూర్పారబట్టారు. పొన్నాల గాంధీభవన్‌లో శనివారం మీడియాతో మాట్లాడారు. ఆయన ఇంకా ఏమన్నారంటే...
 
   కేసీఆర్! నన్ను బ్రోకరంటావా? నువ్వు యువజన కాంగ్రెస్ ఉపాధ్యక్షుడిగా ఉన్న సమయంలో మనుషుల అక్రమ రవాణా, అక్రమ పాస్‌పోర్టుల జారీ వంటి నీ దందాలు బయటపడలేదా? యువజన కాంగ్రెస్ నుంచి నిన్ను బయటకు పంపుతారని తెలుసుకుని ఎన్టీఆర్ పంచన చేరలేదా?తరవాత చంద్రబాబుతో కలిసి ఎన్టీఆర్‌కు వెన్నుపోటు పొడిచి మంత్రి పదవి పొందలేదా? బాబు నీకు మంత్రి పదవి ఇవ్వలేదని టీఆర్‌ఎస్ పెట్టలేదా?   2004లో కాంగ్రెస్‌తో, 2009లో టీడీపీతో పొత్తు పెట్టుకుని, ఫలితాలు రాకముందే ఎన్డీయే వైపు వెళ్లలేదా? మొన్న ఎన్డీఏకు, నిన్న థర్డ్ ఫ్రంట్‌కు మద్దతిస్తానన్లేదా? ఈ రోజు మళ్లీ మాట మార్చి రాహుల్‌కు మద్దతిస్తానని అనడం లేదా? రోజుకో మాట మార్చే నీ నైతిక విలువలేమిటి? దీన్ని రాజకీ య వ్యభిచారం కాక మరేమంటారు? టీఆర్‌ఎస్ నుంచి ఎమ్మెల్యేలను చీల్చాల్సిన అవసరం మాకు లేదు.
  


 జూన్ 2 నుంచి అవుల్లోకి
 ఏపీ కౌన్సిల్‌కు వేణుగోపాల్‌రెడ్డి చైర్మన్!
 తెలంగాణ ఇన్‌చార్జి చైర్మన్‌గా సత్యనారాయుణ!
 వచ్చే ఏడాది ఎవరి ప్రవేశపరీక్షలు వారివే
  
  హైదరాబాద్: ఉన్నత విద్యా మండలిని రెండుగా విభజించే ప్రక్రియు దాదాపు పూర్తరుుంది. జూన్ 2 నుంచి రెండు రాష్ట్రాలకు వేర్వేరు ఉన్నత విద్యా మండలిలు అవుల్లోకి రానున్నారుు. 2015 జూన్ 2 వరకు ప్రస్తుత మండలి రెండు రాష్ట్రాలకు సేవలందించేలా ఏపీ పునర్‌వ్యవస్థీకరణ చట్టంలో పేర్కొన్నప్పటికీ, ఇప్పుడే రెండుగా విభజిస్తున్నారు. ఆంధ్రప్రదే శ్ రాష్ట్ర ఉన్నత విద్యా మండలికి ప్రస్తుత చైర్మన్ ప్రొఫెసర్ వేణుగోపాల్‌రెడ్డి చైర్మన్‌గా వ్యవహరించనుండగా, తెలంగాణ రాష్ట్ర ఉన్నత విద్యా మండలికి ఉస్మానియూ విశ్వవిద్యాలయుం వైస్ ఛాన్స్‌లర్ ప్రొఫెసర్ సత్యనారాయుణ ఇన్‌చార్జి చైర్మన్‌గా వ్యవహరించనున్నారని సమాచారం. ఆయున ఇప్పటికే ఉన్నత విద్యా మండలి ైవె స్ చైర్మన్-1గా నియమితులయ్యారు. అరుుతే ఆయున ఇంకా విధుల్లో చేరలేదు. విభజన జరిగిన వెంటనే ఇన్‌చార్జి చైర్మన్‌గా ఆయనకే బాధ్యతలను అప్పగించే అవకాశం ఉంది. వురోవైపు ప్రస్తుతం మండలి ైవె స్ చైర్మన్-2గా వ్యవహరిస్తున్న ప్రొఫెసర్ విజయుప్రకాష్ ఆంధ్రప్రదేశ్ కౌన్సిల్‌కు వైస్ చైర్మన్‌గా వ్యవహరించనున్నారు. తెలంగాణ కౌన్సిల్‌కు వురో వైస్ చైర్మన్‌ను నియుమించే అవకాశం ఉంది. అలాగే ప్రస్తుత ఉన్నత విద్యా మండలికి కార్యదర్శిగా వ్యవహరిస్తున్న ప్రొఫెసర్ సతీష్‌రెడ్డి తెలంగాణ కౌన్సిల్‌కు కార్యదర్శిగా ఉంటారు. ఏపీ కౌన్సిల్‌కు కొత్త కార్యదర్శిని నియుమించాల్సి ఉంటుంది.
 
 అప్పటివరకు ప్రస్తుత డిప్యూటీ డెరైక్టర్ కృష్ణవుూర్తిని ఏపీ కౌన్సిల్ ఇన్‌చార్జి కార్యదర్శిగా నియుమించే అవకాశం ఉంది. ఇక సిబ్బందిని 10:13 నిష్పత్తిలో విభజించారు. అవసరమైతే కొంత వుంది తెలంగాణ వారు ఆంధ్రప్రదేశ్ కౌన్సిల్‌లో, ఆంధ్రప్రదే శ్‌కు చెందిన వారు కొందరు తెలంగాణ కౌన్సిల్‌లో పనిచేసే అవకాశం ఉంది. ఈ వ్యవహారాలన్నింటిపై సోవువారం తుది నిర్ణయుం తీసుకునే అవకాశం ఉంది. ఇక వచ్చే ఏడాది రెండు రాష్ట్రాల్లో వేర్వేరుగానే ఎంసెట్, ఐసెట్, ఈసెట్, పాలీసెట్ తదితర ఉమ్మడి ప్రవేశ పరీక్షలు జరిగే అవకాశం ఉంది. రాష్ట్రస్థాయి యూనివర్సిటీలైన పొట్టి శ్రీరాములు తెలుగు యూనివర్సిటీ, శ్రీ పద్మావతి మహిళా విశ్వవిద్యాలయం, డాక్టర్ బీఆర్ అంబేద్కర్ ఓపెన్ యూనివర్సిటీ, హార్టికల్చర్ యూనివర్సిటీ, జవహర్‌లాల్ నెహ్రూ అర్కిటెక్చర్ అండ్ ఫైన్ ఆర్ట్స్ యూనివర్సిటీ,  ద్రవిడ విశ్వవిద్యాలయాలను కూడా విభజించనున్నారు. సాంకేతిక విద్యా శాఖ, కళాశాల విద్యా శాఖలనూ విభజిస్తారు. ఈనెల 12న వీటిపై తుది నిర్ణయుం తీసుకోనున్నారు.
  


  పొన్నాల మట్టికరవడం తథ్యం: టీఆర్‌ఎస్ నేత హరీశ్‌రావు
 
  సిద్దిపేట,  తెలంగాణ రాష్ట్ర ముఖ్యమంత్రి పదవిపై ఆశ పడుతున్న కాంగ్రెస్ పార్టీ సీనియర్ నాయకుల ఓటమి ఖాయమని సిద్దిపేట టీఆర్‌ఎస్ అభ్యర్థి హరీశ్‌రావు స్పష్టం చేశారు. ఆదివారం మెదక్ జిల్లా సిద్దిపేటలో ఆయన విలేకరుల సమావేశంలో మాట్లాడారు. టీపీసీసీ చీఫ్ పొన్నాల లక్ష్మయ్యతోపాటు సీనియర్ నేతలంతా మట్టికరవడం తథ్యమన్నారు. ఒకరిద్దరు తప్ప మిగతావారందరికీ ప్రజలు గుణపాఠం చెప్పనున్నారన్నారు. ఈనెల 16న వెలువడే తీర్పులో అందరి అంచనాలు తలకిందులవుతాయని చెప్పారు.
  
  
  


 అధికారంలోకి రావడంపై ధీమా
 
 16+1కే తెలంగాణ కేబినెట్ పరిమితం
 అనుబంధ మంత్రిత్వ శాఖల విలీనం
 మైనారిటీ వర్గానికి డిప్యూటీ సీఎం పదవి
 జిల్లాలు, సామాజిక వర్గాల ఆధారంగా సమతూకం
 సన్నిహితులతో టీఆర్‌ఎస్ చీఫ్ మంతనాలు
  
 తెలంగాణ అధికార పగ్గాలు చేపట్టడం ఖాయమని పూర్తి విశ్వాసంతో ఉన్న టీఆర్‌ఎస్ అధినేత కె.చంద్రశేఖర్‌రావు ఇప్పటికే మంత్రివర్గ కూర్పుపై కసరత్తు ప్రారంభించారు. జాతీయ రాజకీయ పరిణామాలు, మూడో ఫ్రంట్ అవకాశాలపై దృష్టి సారిస్తూనే.. తెలంగాణలో అధికారంలోకి వస్తే పార్టీలో ఎవరికి ప్రాధాన్యమివ్వాలన్న దానిపై ఆయన సమాలోచనలు చేస్తున్నారు. మెదక్ జిల్లా ఎర్రవల్లిలోని వ్యవసాయ క్షేత్రంలో కొద్ది మంది పార్టీ ముఖ్యులతోనే సమావేశమై పలు అంశాలపై చర్చలు జరుపుతున్నారు. తెలంగాణలో 119 అసెంబ్లీ స్థానాలున్న నేపథ్యంలో 17 మందిని(ఎమ్మెల్యే స్థానాల్లో గరిష్టంగా 15 శాతం) మించకుండా మంత్రివర్గాన్ని ఏర్పాటు చేయొచ్చు. దీంతో ఇప్పుడున్న 43 మంత్రిత్వ శాఖలను 17కు ఎలా కుదించాలనే దానిపైనా కేసీఆర్ దృష్టి పెట్టారు. భారీ, మధ్యతరహా, చిన్న తరహా నీటిపారుదల శాఖలను విలీనం చేసి ఒకటే మంత్రిత్వ శాఖను ఏర్పాటు చేయాలని కేసీఆర్ ప్రతిపాదించినట్లు సమాచారం. ఇదే కోవలో వైద్య ఆరోగ్య, వైద్య విద్యా శాఖలను కూడా విలీనం చేయాలనుకుంటున్నారు. ఉన్నత విద్యా శాఖలోనే ప్రాథమిక విద్యను, పంచాయతీ రాజ్‌లోనే గ్రామీణాభివృద్ధి శాఖను, వ్యవసాయంలోనే అన్ని అనుబంధ శాఖలను కలపాలని యోచిస్తున్నారు. పలు శాఖలను విలీనం చేస్తూ అధికారిక విభజన కమిటీలు కూడా ఇప్పటికే నివేదికలిచ్చిన సంగతి తెలిసిందే. ఏకీకృతం చేసిన ముఖ్యమైన పోర్ట్‌ఫోలియోలను జిల్లాల వారీగా సీనియర్లు, గెలిచే అవకాశమున్న విధేయులకు అప్పగించేందుకు కేసీఆర్ కసరత్తు చేస్తున్నారు. 17 మంది మంత్రులతో పాటు ఉప ముఖ్యమంత్రి, చీఫ్ విప్, ఇద్దరు లేదా ముగ్గురు విప్‌లు తదితర అంశాలపై పార్టీ ముఖ్యులతో ఆయన చర్చలు జరుపుతున్నారు. అన్ని జిల్లాలకు అవకాశమిస్తూ.. సామాజికవర్గాల మధ్య సమతూకం, నేతల అనుభవం వంటి అంశాల విషయంలోనూ జాగ్రత్త వహిస్తున్నారు.
 
  స్పీకర్‌గా పోచారం?
 
  శాసనసభ స్పీకర్‌గా పోచారం శ్రీనివాస్ రెడ్డి(బాన్సువాడ) పేరును కేసీఆర్ సీరియస్‌గా పరిశీలిస్తున్నట్లు సమాచారం. జూపల్లి కృష్ణారావు(కొల్లాపూర్), కొప్పుల హరీశ్వర్ రెడ్డి(పరిగి), డాక్టర్ సుధాకర్‌రావు(పాలకుర్తి) పేర్లు కూడా ప్రస్తావనకు వస్తున్నాయి. సామాజికవర్గాల మధ్య సమతూకం పాటించేలా ఈ ఎంపిక ఉంటుంది. హరీశ్వర్ రెడ్డికి గతంలో డిప్యూటీ స్పీకర్‌గా పనిచేసిన అనుభవం ఉంది. అయితే న్యాయభాషా పరిజ్ఞానం, ఇతర అంశాలను బట్టి పోచారానికే స్పీకర్‌గా అవకాశమిస్తే మంచిదన్న యోచనలో కేసీఆర్ ఉన్నట్లు తెలుస్తోంది. ఇక ప్రొటెం స్పీకరుగా ఎవరికి అవకాశమివ్వాలన్న దానిపై ఇంకా స్పష్టత రానట్లు సమాచారం. ఇతర పార్టీల నుంచి ఎన్నికైన సీనియర్లలో ఒకరికి అవకాశమిచ్చే విషయాన్ని కూడా కేసీఆర్ పరిశీలిస్తున్నారు.
  
 ఎవరికి పదవి?
 
  మంత్రివర్గంలోకి ఎవరిని తీసుకోవాలనే దానిపై అత్యంత సన్నిహితులతోనే కేసీఆర్ చర్చిస్తున్నారు. విశ్వసనీయవర్గాల సమాచారం మేరకు.. ఎమ్మెల్సీ మహమూద్ అలీకి డిప్యూటీ సీఎం ఇవ్వాలనుకుంటున్నారు. ఒకవేళ టీఆర్‌ఎస్‌కు స్పష్టమైన మెజారిటీ రాకుంటే మజ్లిస్ మద్దతును తీసుకుని అక్బరుద్దీన్ ఒవైసీకి అవకాశమిచ్చే ప్రతిపాదన కూడా ఉంది. మరో ఎమ్మెల్సీ కె.స్వామిగౌడ్‌ను మంత్రివర్గంలోకి తీసుకుని ఉద్యోగుల అంశాలను అప్పగిస్తామని కేసీఆర్ ఇప్పటికే హామీ ఇచ్చారు. నాయిని నర్సింహారెడ్డిని కూడా ఎమ్మెల్సీగా మంత్రివర్గంలోకి తీసుకోవాలనే ఆలోచనలో ఉన్నారు. వీరితో పాటు రిటైర్డు ఐఏఎస్ అధికారుల్లో ఒకరికి పదవి కట్టబెట్టే యోచన ఉంది. ఇక మెదక్ నుంచే కేసీఆర్ (గజ్వేల్), టి.హరీశ్‌రావు(సిద్దిపేట)తో పాటు సీనియర్ నేత ఎస్.రామలింగారెడ్డి(దుబ్బాక) కూడా ఉండటంతో జిల్లాకు ఎక్కువ పదవులు ఇస్తే విమర్శలు వస్తాయేమోనన్న అనుమానాలు వ్యక్తమవుతున్నట్లు తెలుస్తోంది.     
  
  కేబినెట్‌లో వీరికే అవకాశం!
 
  హైదరాబాద్: మహమూద్ అలీ (డిప్యూటీ సీఎం), నాయిని నర్సింహారెడ్డి, టి.పద్మారావు
  రంగారెడ్డి: కె.హరీశ్వర్ రెడ్డి
  మహబూబ్‌నగర్: డాక్టర్ సి.లక్ష్మారెడ్డి, జూపల్లి కృష్ణారావు (సామాజికవర్గం ప్రతిబంధకమయ్యే అవకాశముంది)
  మెదక్: కె.చంద్రశేఖర్‌రావు(సీఎం), టి.హరీశ్‌రావు, ఎస్.రామలింగారెడ్డి లేదా పద్మా దేవేందర్‌రెడ్డి
  నిజామాబాద్: పోచారం శ్రీనివాస్‌రెడ్డి(స్పీకర్), ఏనుగు రవీందర్ రెడ్డి లేదా గంపా గోవర ్థన్
  కరీంనగర్: కె.తారక రామారావు, ఈటెల రాజేందర్, కొప్పుల ఈశ్వర్
  ఆదిలాబాద్: నల్లాల ఓదేలు లేదా జోగు రామన్న
  వరంగల్: చందూలాల్, కొండా సురేఖ లేదా సత్యవతీ రాథోడ్, డాక్టర్ సుధాకర్‌రావు
  నల్లగొండ: జి.జగదీశ్‌రెడ్డి, జి. సునీతా మహేందర్‌రెడ్డి
  
  


 మల్లగుల్లాలు పడుతున్న టీ కాంగ్రెస్ పెద్దలు
  
  టీఆర్‌ఎస్‌ను మాత్రం అధికారంలోకి రానీయొద్దు..
  టీడీపీసహా చిన్న పార్టీలతో మంతనాలు
  ఎంఐఎం, సీపీఐలతో చర్చిస్తున్న నేతలు
  
  తెలంగాణలో తామే ప్రభుత్వాన్ని ఏర్పాటు చేయడమెలా? అన్న అంశంపై టీ కాంగ్రెస్ నేతలు ఇప్పటి నుంచే మల్లగుల్లాలు పడుతున్నారు. ఇటు కాంగ్రెస్‌కు, అటు టీఆర్‌ఎస్‌కు సొంతంగా ప్రభుత్వాన్ని ఏర్పాటు చేసే స్థాయిలో సీట్లు వచ్చే అవకాశం లేదని నమ్ముతున్న టీ పీసీసీ నేతలు ప్రభుత్వాన్ని ఏర్పాటు చేసే విషయంలో కాంగ్రెస్సే ముందుండేలా వ్యూహాన్ని రచిస్తున్నారు. తెలంగాణలో టీఆర్‌ఎస్ అతిపెద్ద (సింగిల్ లార్జెస్ట్ పార్టీ)గా అవతరించినా.. తెలుగుదేశం పార్టీతో సహా ఇతర పార్టీలన్నింటినీ కలుపుకొని ప్రభుత్వం ఏర్పాటు చేయాలనే లక్ష్యంతో ఇప్పటికే మంతనాలు ప్రారంభించారు. తెలంగాణలో ఏ పార్టీకీ స్పష్టమైన మెజారిటీ రాదని అంచనాలకు వచ్చిన తెలంగాణ కాంగ్రెస్ పెద్దలు పైకి మాత్రం ప్రభుత్వం ఏర్పాటు చేసేందుకు సరిపడా సీట్లు వస్తాయని చెబుతున్నా.. అంతర్గత చర్చల్లో కాంగ్రెస్‌కు 40 వరకు సీట్లు వస్తాయని లెక్కలేసి చెబుతున్నారు. ఇదే సమయంలో టీఆర్‌ఎస్‌కు కాంగ్రెస్‌తో పోలిస్తే నాలుగైదు సీట్లు ఎక్కువ వచ్చే అవకాశముందని కూడా అంగీకరిస్తున్నారు.
 
  వారి లెక్కల ప్రకారం.. టీఆర్‌ఎస్‌కు 45 నుంచి 50 సీట్లు వస్తాయని అంచనా వేస్తున్నారు. వాస్తవానికి తెలంగాణలోని మొత్తం 119 స్థానాలకుగాను 60 సీట్లు సాధిస్తేనే ఏ పార్టీకైనా సొంతంగా ప్రభుత్వాన్ని ఏర్పాటు చేయడం సాధ్యమవుతుంది. కాంగ్రెస్ 40 సీట్లకే పరిమితమైతే టీడీపీ, మజ్లిస్, సీపీఐ, సీపీఎంల మద్దతుతో ప్రభుత్వాన్ని ఏర్పాటు చేయాలని యోచిస్తున్నారు. సిద్ధాంతపరంగా బీజేపీతో వైరుధ్యం ఉన్నందున ఆ పార్టీకి దూరంగా ఉండక తప్పదని, అది మినహా మిగిలిన అన్ని పార్టీలతోనూ సంప్రదింపులు జరపాలని నిర్ణయించారు. అందులో భాగంగా ఇప్పటికే మజ్లిస్, సీపీఐ నేతలతో టచ్‌లో ఉన్నట్లు టీ పీసీసీ ముఖ్య నేత ఒకరు తెలిపారు. టీఆర్‌ఎస్ అధినేత కేసీఆర్‌ను తెలంగాణలోని ఏ ఒక్క పార్టీ న మ్మి మద్దతిచ్చే పరిస్థితి లేదని, ఆయనకు మద్దతిస్తే పొత్తు ధర్మాన్ని పాటించరనే భావన కూడా ఆయా పార్టీల్లో నెలకొందని పేర్కొన్నారు. ఈ విషయంలో టీఆర్‌ఎస్‌తో పోలిస్తే కాంగ్రెస్‌కు సర్దుకుపోయే తత్వం ఎక్కువనే విషయం అన్ని పార్టీలకూ తెలుసునని వ్యాఖ్యానించారు.
 
  ఈ నేపథ్యంలో ప్రభుత్వాన్ని ఏర్పాటు చేసేందుకు తాము ముందుకొస్తే తమకు మద్దతిచ్చే వారి సంఖ్యే ఎక్కువగా ఉంటుందని అభిప్రాయపడ్డారు. ఇప్పటివరకైతే మజ్లిస్, సీపీఐ పార్టీలు తమతోనే ఉన్నాయని, ఎన్నికల ఫలితాలు వెలువడిన తరువాత వచ్చే సీట్ల ఆధారంగా ఇతర పార్టీలతో నేరుగా మాట్లాడతామని తెలంగాణ కాంగ్రెస్ సీనియర్ నేత, మాజీ మంత్రి ఒకరు వ్యాఖ్యానించారు. ఈ విషయంలో తెలుగుదేశం పార్టీ తమకు మినహాయింపు కాదని పేర్కొన్నారు. ‘‘కిరణ్‌కుమార్‌రెడ్డి హయాంలో ప్రభుత్వాన్ని అనేక సందర్భాల్లో ఆదుకున్న పార్టీ తెలుగుదేశమేననే సంగతి ప్రజలందరికీ తెలుసు. ఎన్నికల తరువాత అవసరమైతే మళ్లీ వారి సహాయాన్ని కోరుతాం. వాళ్లు కూడా కాదనే పరిస్థితి లేదు. ఎందుకంటే  పదేళ్లుగా అధికారానికి దూరంగా ఉన్నారు. ఈ సారి ప్రభుత్వంలో భాగస్వామి కాలేకపోతే తెలంగాణలో తెలుగుదేశం బతికే పరిస్థితి కూడా ఉండదు. కాబట్టి, అధికార పార్టీకి మద్దతివ్వడం తెలుగుదేశం పార్టీకి అవసరం. ఎప్పటికప్పుడు రంగులు మార్చే కేసీఆర్ కంటే సర్దుకుపోయే కాంగ్రెస్సే మేలని చంద్రబాబుకూ తెలుసు..’’అని వ్యాఖ్యానించడం గమనార్హం.
  


 జూన్ 2కు ముందే రెండు రాష్ట్రాలకు వేర్వేరు పాలన  మే 25కల్లా పంపిణీలు పూర్తి
  
  హైదరాబాద్: తెలంగాణ రాష్ట్ర ఏర్పాటు తేదీ జూన్ 2వ తేదీ కన్నా వారం రోజుల ముందుగానే ఈ నెల 26వ తేదీ నుంచి ప్రయోగాత్మకంగా రెండు రాష్ట్రాలు వేర్వేరుగా పనిచేయనున్నాయి. ఇందుకు అనుగుణంగా అధికార యంత్రాంగం చర్యలు చేపడుతోంది. ఈ నెల 25వ తేదీలోగా విభజనకు సంబంధించి ఇరు రాష్ట్రాలకు అన్నిరకాల పంపిణీలు పూర్తి చేయనున్నా రు. ఇప్పటికే ఇరు రాష్ట్రాలకు ఎంత మంది పెన్షనర్లనే సంఖ్యను ఆర్థికశాఖ తేల్చేసింది. అలాగే విభజ నలో కీలకమైన ఫైళ్ల విభజన పూర్తయింది. ఉమ్మడి రాష్ట్రాలకు చెందిన ఫైళ్లను ముమ్మరంగా స్కాన్ చేస్తున్నారు. జూన్ 2వ తేదీ నుంచి అధికారికంగా రాష్ట్రం రెండుగా విడిపోయి పనిచేయాల్సి ఉంది. అయితే జూన్ 2నుంచి ఎటువంటి ఇబ్బందులు రాకుండా సాఫీగా పాలన కొనసాగేందుకు వీలుగా మే 26వ తేదీ నుంచే రెండు రాష్ట్రాల అధికార యంత్రాంగాల చేత ప్రయోగాత్మకంగా ముందస్తు అనుభవం కోసం వేర్వేరుగా పనిచేయించాలని నిర్ణయించారు.
 
 ఈ వారం రోజుల్లో తలెత్తే సమస్యలను, ఇబ్బందులను అధిగమించి జూన్ 2వ తేదీ నుంచి అధికారికంగా రెండు రాష్ట్రాలు విడిపోయి పనిచేయనున్నాయి. ఆర్థికశాఖ ఏ రాష్ట్రానికి ఎంత మంది పెన్షనర్లో లెక్కలు తేల్చింది. ఆంధ్రప్రదేశ్‌కు 3.40 లక్షల మంది పెన్షనర్లుగా, తెలంగాణకు 2.39లక్షల మంది పెన్షనర్లగా, ఇందులో ఒక్క హైదరాబాద్‌లో 92 వేల మంది పెన్షనర్లగా లెక్కలు కట్టారు. ఆంధ్రప్రదేశ్ పెన్షనర్లకు నెలకు రూ. 706 కోట్లు, తెలంగాణ పెన్షనర్లకు నెలకు రూ. 506 కో ట్లు చెల్లించనున్నారు. ఇరు రాష్ట్రాలకు చెందిన కరెంట్, డిస్పోజల్‌కు చెందిన 36లక్షల ఫైళ్ల విభజననూ పూర్తి చేశారు. అలాగే కరెంట్, డిస్పోజల్‌కు చెందిన 16.32 కోట్ల పేజీల వి భజనను పూర్తి చేశారు. ఇక రాష్ట్రంలో చరాస్థుల సంఖ్య 3,42,986 గా లెక్క తేల్చారు. ఇందులో కుర్చీలు, ఫర్నిచర్, టేబుళ్లు, ఫ్యాన్లు, ఫ్రిజ్‌లు, పెన్నులు, సూదులు తదిరం ఉ న్నాయి. వీటిని ఇరు రాష్ట్రాలకు పంపిణీ చేయనున్నారు. హైదరాబాద్‌లో 22,557 ప్రభుత్వ వాహనాలు ఉన్నట్లు లెక్క తేల్చారు. వీటిని ఇరు రాష్ట్రాలకు పంపిణీ చేయనున్నారు. రాష్ట్రంలో స్థిరాస్తులు అంటే భవనాలు వంటివి 55 వేలుగా లెక్క తేల్చారు.
  
  


 పార్టీ ఓడితే నేనే బాధ్యత వహిస్తా: పొన్నాల
 
  హైదరాబాద్: తెలంగాణలో కాంగ్రెస్ పార్టీ అవలీలగా తొలి ప్రభుత్వాన్ని ఏర్పాటు చేస్తుందని టీపీసీసీ అధ్యక్షుడు పొన్నాల లక్ష్మయ్య ధీమా వ్యక్తం చేశారు. పార్టీ అధ్యక్షురాలు సోనియా వల్లే తెలంగాణ వచ్చిందన్న కృతజ్ఞతాభావంతో గతంలో ఎన్నడూ లేని విధంగా ఓటర్లు జాతరలా తరలొచ్చి కాంగ్రెస్‌కు బ్రహ్మరథం పట్టారని, ఓటింగ్ శాతం పెరగడానికి అదే ప్రధాన కారణమని అభిప్రాయపడ్డారు. గాంధీభవన్‌లో బుధవారం సాయంత్రం ఆయన మీడియాతో మాట్లాడారు. ఈసారి హోరాహోరీ ప్రచారం జరిగినప్పటికీ తెలంగాణ ప్రజలు మాత్రం కాంగ్రెస్‌కే మద్దతు పలికారన్నారు. ఎన్నికల్లో కాంగ్రెస్ గెలిస్తే క్రెడిట్ అందరికీ దక్కుతుందని, ఓడిపోతే మాత్రం తానొక్కడినే బాధ్యత వహిస్తానన్న మాటకు కట్టుబడి ఉన్నట్లు తెలిపారు.
 
 తెలంగాణలో ప్రభుత్వాన్ని ఏర్పాటు చేసేందుకు టీఆర్‌ఎస్ అవసరం రానేరాదని పొన్నాల వ్యాఖ్యానించారు. కేంద్రంలోనూ కేసీఆర్ మద్దతు లేకుండా కాంగ్రెస్ ప్రభుత్వం ఏర్పాటవుతుందని ఆశాభావం వ్యక్తం చేశారు. ఎన్నికల హడావుడిలో తాను నవ్వడమే మర్చిపోయానని, ఇకపై మునుపటి పొన్నాల కనిపిస్తాడని నవ్వుతూ చెప్పారు.
  


 సిద్దిపేట,  స్పష్టమైన మెజార్టీ వస్తే తెలంగాణలో ప్రభుత్వ ఏర్పాటుకు తాము సిద్ధంగా ఉన్నట్లు టీఆర్‌ఎస్ అధినేత కె.చంద్రశేఖర్‌రావు తెలిపారు. బుధవారం మెదక్ జిల్లా సిద్దిపేట మండలం చింతమడకలో ఆయన తన ఓటు హక్కును వినియోగించుకున్నారు. గ్రామంలోని మండల పరిషత్ ప్రాథమిక పాఠశాలలో ఏర్పాటు చేసిన పోలింగ్ కేంద్రంలో కేసీఆర్ తన సతీమణి శోభతో కలిసి ఉదయం 10.30 గంటలకు ఓటు వేశారు.
 
 ఈ సందర్భంగా ఆయన మీడియాతో మాట్లాడారు. తెలంగాణలో ఏర్పడేది తమ ప్రభుత్వమేనని ధీమా వ్యక్తం చేశారు. ఈ ప్రాంతంలో బీజేపీ ప్రధాని అభ్యర్థి నరేంద్ర మోడీ ప్రభావం లేదని ఓ ప్రశ్నకు బదులిచ్చారు. పోలింగ్ శాతం పెంపునకు ఎన్నికల కమిషన్ చేపట్టిన చర్యల పట్ల సంతోషం వ్యక్తం చేశారు. అనంతరం గ్రామ ప్రజలను, చిన్ననాటి స్నేహితులను కేసీఆర్ ఆప్యాయంగా పలకరించారు.
  


 ఈసారి ఓటర్లు, పోలీసుల మధ్య ఇదే ప్రధాన వివాదం        
  
  హైదరాబాద్: రాష్ట్రంలో గతంలో ఎన్నడూ లేని ఉత్కంఠ రేకెత్తించిన తొలిదశ సార్వత్రిక ఎన్నికల పోలింగ్ చెదురుమదురు ఘటనలు మినహా ప్రశాంతంగా ముగిసింది. అత్యంత సమస్యాత్మకంగా భావించిన ప్రాంతాలు, మావోయిస్టు ప్రాబల్యం ఉన్న జిల్లాల్లోనూ అవాంఛనీయ ఘటనలు లేకుండానే ఓటింగ్ ఘట్టం పూర్తయింది.అయితే తెలంగాణలోని అనేక ప్రాంతాల్లో పోలింగ్ కేంద్రాల వద్ద ఓటర్లు, బందోబస్తు విధుల్లో ఉన్న పోలీసుల మధ్య వాగ్వాదాలు చోటు చేసుకోవడానికి పార్కింగ్ వివాదాలే కారణమయ్యాయి. ఓటింగ్ జరిగే రోజు పోలింగ్ కేంద్రానికి 100 మీటర్ల దూరం నుంచి నిషేధాజ్ఞలు అమలులో ఉంటాయి. దీన్ని నిర్దేశిస్తూ అధికారులు గీత కూడా గీస్తారు. సాధారణంగా పోలీసులు, పోలింగ్ కేంద్రాలవద్ద ఓటర్ స్లిప్పులు పంచే వివిధ పార్టీల కార్యకర్తల మధ్య తరచూ వాగ్వాదాలు జరుగుతూ ఉంటాయి. ఈసారి దీనికి భిన్నంగా ఓటర్లకు, పోలీసులకు మధ్య ఘర్షణలు చోటుచేసుకున్నాయి.
 
 ఓటు వేయడానికి వచ్చిన వారి వాహనాలను నిర్దేశిత వందమీటర్ల గీత లోపలి ప్రాంతంలో పార్కింగ్ చేయడానికి పోలీసులు అంగీకరించలేదు. అలాగని ఓటింగ్‌కు వచ్చే వారి కోసం ప్రత్యేక పార్కింగ్ సదుపాయాలూ కల్పించలేదు. దీనిగురించి ఎన్నికల సంఘం తరఫున ఉండే అధికారులు ముందుగా చెప్పకపోవడం, పోలీసు శాఖ నుంచి ఎలాంటి ప్రకటన లేకపోవడంతో తీవ్ర గందరగోళం నెలకొంది. సొంత వాహనాల్లో  పోలింగ్ కేంద్రాలకు వచ్చిన ఓటర్లను పోలీసులు... ‘గీత’ అవతల పార్కింగ్ చేసుకోమని చెప్తుండటం ఓటర్లను అసహనానికి గురి చేసింది. ఈ అంశం పైనే అనేక చోట్ల వాగ్వాదాలు చోటు చేసుకున్నాయి. పోలింగ్ ప్రారంభమైన తొలి రెండు గంటల్లో ఎదురైన పార్కింగ్ వాగ్వాదాలతో మేల్కొన్న పోలీసులు ఆ తరవాత చాలాచోట్ల ‘గీత’ దగ్గరే సిబ్బందిని ఏర్పాటు చేసి వ్యక్తిగత వాహనాలను అనుమతించలేదు. వృద్ధులు, వికలాంగుల్ని తీసుకువస్తున్న వాటినే ముందుకు వెళ్లనిచ్చారు.


 చెదురుమదురు సంఘటనలే జరిగారుు..
 నక్సల్స్ ప్రభావిత ప్రాంతాల్లో పరిస్థితి ప్రశాంతం
 బందోబస్తుతో సత్ఫలితం: డీజీపీ ప్రసాదరావు
  
   హైదరాబాద్: తెలంగాణలోని పది జిల్లాల్లో తొలి విడత పోలింగ్ బుధవారం చెదురుమదురు సంఘటనలు మినహా ప్రశాంతంగా జరిగిందని డీజీపీ ప్రసాదరావు తెలిపారు. నక్సల్స్ ప్రభావిత జిల్లాల్లో సైతం ఎలాంటి అవాంఛనీయ సంఘటనలు చోటుచేసుకోలేదని పేర్కొన్నారు. ఈ మేరకు ఆయున బుధవారం రాత్రి ప్రకటన విడుదల చేశారు. 90 వేల మంది పోలీసులు, 158 కంపెనీల కేంద్ర బలగాలు, 58 కంపెనీల  ఏపీఎస్‌పీ బలగాలతో కలపి కట్టుదిట్టంగా నిర్వహించిన బందోబస్తు మంచి ఫలితాలను ఇచ్చిందని తెలిపారు. అక్కడక్కడా కొన్ని చెదురువుదురు సంఘటనలు చోటుచేసుకున్నాయుని, అందుకు బాధ్యులైన వివిధ పార్టీలకు చెందిన కార్యకర్తలు, నాయుకులపై కేసులు నమోదు చేశావున్నారు. వివిధ ప్రాంతాల్లో  మొత్తం 15 కేసులు హింసాత్మకంగా నమోదయ్యాయున్నారు.
 
  డీజీపీ తెలిపిన వివరాల ప్రకారం హింసాత్మక సంఘటనలు
 
  ఒక చానల్ కెమెరావున్‌ను కొట్టినందుకు గజ్వేల్ టీడీపీ అభ్యర్థితో పాటు పలువురిపై కేసులు నమోదు చేశారు. నిందితుల్లో కొద్దివుంది గజ్వేల్ పోలీస్‌స్టేషన్‌లో లొంగిపోయూరు. ఖవ్ముంలో కానిస్టేబుల్‌పై చేరుుచేసుకున్న సీపీఐకి చెందిన ప్రభాకరరావుపై కేసు నమోదు చేశారు. మహబూబ్‌నగర్ జిల్లా ధన్వాడ మండలం వెంకటాపురం గ్రామంలో ఎస్‌ఐ శ్రీధర్ అల్లరిమూకను చెదరగొట్టే క్రమంలో ఒక గర్భిణీ కింద పడిపోరుుంది. దీంతో ఆగ్రహం చెందిన గ్రావుస్తులు పోలింగ్‌ను నిలిపివేశారు. నారాయణ్‌పూర్ డీఎస్‌పీ జోక్యం చేసుకుని ఎస్‌ఐపై చర్య తీసుకుంటావుని హామీ ఇవ్వడంతో పోలింగ్ తిరిగి ప్రారంభమైంది.  కొడంగల్‌లో టీడీపీ అభ్యర్థి  రేవంత్‌రెడ్డి తన అనుచరులతో టీఆర్‌ఎస్  కార్యకర్తలపై దాడికి పాల్పడడంతో ఉద్రిక్తత నెలకొంది.
 
 నల్లగొండ జిల్లా సూర్యాపేటలో ఇన్నోవా కారు ఇంజిన్‌తోపాటు, దగ్ధమైన స్థితిలోఉన్న లక్షాయూభైవేల రూపాయులను పోలీసులు స్వాధీనం చేసుకున్నారు. దీనిపై కేసు నమోదైంది. తనపై దాడి చేశాడని బీజేపీ కార్యకర్త శ్రీసాగర్ చేసిన ఫిర్యాదు మేరకు అంబర్‌పేట కాంగ్రెస్ అభ్యర్థి, ఎంపీ వి.హనుమంతరావుపై నారాయణగూడ పోలీసు స్టేషన్‌లో వివిధ సెక్షన్ల కింద కేసు నమోదైంది. టీడీపీ కార్యకర్తపై చేరుుచేసుకున్నందుకు ఎల్‌బీనగర్ కాంగ్రెస్ అభ్యర్థి సుధీర్‌రెడ్డిపై  కేసు నమోదుచేశారు.  బేగంపేట ఎస్‌ఐని అడ్డుకుని దుర్భాషలాడినందుకు కంటోన్మెంట్ కాంగ్రెస్ అభ్యర్థి గజ్జెల కాంతంపై కేసు నమోదైంది.
  


 పార్టీ అధికార ప్రతినిధి గట్టు రామచంద్రరావు వ్యాఖ్య
  
   హైదరాబాద్: ఆంధ్రప్రదేశ్‌లో వైఎస్సార్ కాంగ్రెస్ పార్టీ ఎలాగో కింగ్ అవుతుండగా, తెలంగాణ రాష్ట్రంలోనూ కీలక భూమిక పోషించనుందని వైఎస్సార్ కాంగ్రెస్ పార్టీ అధికార ప్రతినిధి గట్టు రామచంద్రరావు తెలిపారు. సీమాంధ్రలో అధికారంలోకి రాబోతున్న వైఎస్సార్‌సీపీని చూసి చంద్రబాబు బెంబేలెత్తిపోతున్నారని పేర్కొన్నారు. రెండు రాష్ట్రాల్లోనూ టీడీపీ పరిస్థితి అంతంతేనని, ఈ పరిస్థితుల్లో చంద్రబాబు డిప్రెషన్‌లో పడ్డారని, దీంతో టీడీపీని పిచ్చోడి చేతిలో రాయిలా ఉపయోగిస్తున్నాడని విమర్శించారు. పార్టీ కార్యాలయంలో బుధవారం ఆయన విలేకరులతో మాట్లాడారు. బాబుకి ఓటు వేసే చోట సీటు లేదని, సీటున్న చోట ఓటు లేదని.. ఆయన తనకు, తన పార్టీ గుర్తుకు ఓటేసుకోలేని దుస్థితిలో పడ్డారన్నారు.
  
 రాజ్యాంగంపై బాబుకు గౌరవం లేదు..
 
  చంద్రబాబునాయుడికి రాజ్యాంగం, చట్టాలపై గౌరవం లేదని గట్టు రామచంద్రరావు అన్నారు. ఎన్నికల్లో ఓటు ఎవరికి వేశామనే విషయాన్ని బహిర్గతం చేయకూడదన్న ఇంగిత జ్ఞానం సైతం ఆయనకు లేదన్నారు. ఓటు వేసి బయటకు వచ్చి రెండు ఓట్లు బీజేపీకే వేశానని చెప్పుకుంటున్నారంటే.. వారు అనుమానపడతారనా? లేక తమ లవ్వాటను నిరూపించుకునే ప్రయత్నం చేశారా? అని ప్రశ్నించారు.
 
  జైరాంకు ఈ స్థాయి రావడం వైఎస్ చలువే..
 
  సీమాంధ్రలో మొత్తం ఎమ్మెల్యే, ఎంపీ స్థానాలు వైఎస్సార్‌సీపీకి ఏకపక్షంగా వస్తాయన్నారు. ఈ పరిస్థితులతో బెంబేలెత్తిపోతున్న చంద్రబాబు, కిరణ్‌కుమార్‌రెడ్డి, జైరాంరమేష్ వైఎస్సార్‌సీపీపై దాడులకు సిద్ధపడుతోందన్నారు. జైరాం రమేష్‌కు జుట్టు పెరిగింది కాని, బుర్ర పెరగలేదన్నారు. జైరాం రమేష్‌కు ఎంపీ స్థాయి, మంత్రి పదవి అన్నీ వైఎస్ రాజశేఖరరెడ్డి, తెలుగు జాతి పెట్టిన బిక్ష అని పేర్కొన్నారు. ‘‘అలాంటి తెలుగుజాతిని ముక్కలు చేసిన నీవు.. జగన్‌మోహన్‌రెడ్డిపై ఆరోపణలు ఉన్నాయంటున్నావే.. మరి 13 ఏళ్లు రాజీవ్ గాంధీపై బోఫోర్స్ కేసు ఉంది కదా? మరి రాజీవ్‌గాంధీ రాజకీయాలకు పనికిరాడ ని మాట్లాడు..’’అని పేర్కొన్నారు. ‘‘జగన్ ఎందుకు జైలుకు వెళ్లారో నీకు తెలియదా? అది నీవు, టీడీపీ పన్నిన కుట్ర కాదా? జగన్‌పై ఆరోపణలు చేస్తూ లేఖ రాసిన శంకర్‌రావుకు, ఆరోపణలు చేసిన డీఎల్ రవీంద్రారెడ్డికి మంత్రి పదవులు ఇచ్చింది మీరు కాదా?’’ అని ప్రశ్నించారు.
 
 ‘‘వైఎస్ పేరును ఎఫ్‌ఐఆర్‌లో చేర్చి, వారి కుటుంబాన్ని వేధించినప్పుడు ఏం చేశావు? ఇప్పుడు ఆయన ఆత్మ క్షోభిస్తుందని అంటున్నావా? వైఎస్సార్‌సీపీ కుబేరుల పార్టీ అని విమర్శలు చేస్తున్నారే.. కాంగ్రెస్ పార్టీ గోచిగుడ్డ పార్టీనా? చొక్కా లాగు లేకుం డా కాంగ్రెస్ నాయకులు గుడ్డలు కట్టుకొని తిరుగుతున్నారా? కాంగ్రెస్ వారిపై ఆరోపణలు లేవా? కోట్ల ఆస్తులు లేవా? కాంగ్రెస్‌లో ఉన్న వ్యక్తులను ఒక్కసారి చూసుకో.. వైఎస్సార్‌సీపీలోకి వ్యాపారం కోసం పోతున్నారా? మరి టీడీపీలోకి ఎందుకు పోతున్నారు? కాంగ్రెస్‌ను పాడెపై పడుకొబెట్టి.. దానిని పట్టుకొని లెమ్మంటే లేవకుంటే.. పక్కవారిపై ఏడిస్తే ఏం వస్తది’ అన్నారు. వైఎస్సార్‌కు ప్రజాభిమానం ఉందని, ప్రజాదరణ నుంచి జగన్ వస్తున్నారని, 30 వేల కిలోమీటర్లు తిరిగి ప్రజల సమస్యలు తెలుసుకున్నారన్నారు. ఆయన అధికారంలో రాష్ట్రం సుభిక్షంగా ఉంటుందన్నారు.  
  


 టీఆర్‌ఎస్‌కు 80శాతానికి పైగా సీట్లు: ఈటెల  
 
  కమలాపూర్,   అధికార కాంగ్రెస్ పార్టీ అహంకారాన్ని, ప్రతిపక్ష టీడీపీ ధన ప్రవాహాన్ని తొక్కి పడేసి ధర్మానికి, న్యాయానికి పట్టం కట్టి ప్రజలు తెలంగాణ ఆత్మగౌరవాన్ని ఆవిష్కరించబోతున్నారని టీఆర్‌ఎస్ నేత ఈటెల రాజేందర్  అన్నారు. కరీంనగర్ జిల్లా కమలాపూర్‌లో బుధవారం ఆయన ఓటుహక్కు వినియోగించుకున్న అనంతరం విలేకరులతో మాట్లాడారు.
 
 రాష్ట్ర నిర్మాణ బాధ్యతను టీఆర్‌ఎస్ మీద పెడితేనే న్యాయం జరుగుతుందని యావత్ తెలంగాణ ప్రజానీకం భావిస్తోందని చెప్పారు.ప్రలోభాలకు లోనుకాకుండా ఆత్మగౌరవాన్ని ఆవిష్కరించే ప్రయత్నంలో భాగంగానే ఒక ప్రభంజనంలా, వెల్లువలా తీర్పు రాబోతోందని చెప్పారు. ఈ ఎన్నికల్లో టీఆర్‌ఎస్ 80 శాతానికి పైగా సీట్లు గెలుచుకుని ప్రభుత్వాన్ని ఏర్పాటు చేస్తుందని ధీమా వ్యక్తం చేశారు.
  


  చిత్తూరు,  తెలంగాణ విషయమై ద్వంద్వ వైఖరి అవలంబిస్తున్న టీడీపీ నేత చంద్రబాబును నమ్మొద్దని జై సమైక్యాంధ్ర పార్టీ అధినేత ఎన్. కిరణ్‌కుమార్‌రెడ్డి అన్నారు. బుధవారం చిత్తూరులో నిర్వహించిన ఎన్నికల సభలో ఆయన మాట్లాడారు. గోద్రా అల్లర్లకు నరేంద్రమోడీనే కారణమన్న చంద్రబాబు ఎన్నికల్లో ఆయనతో జట్టు కట్టేందుకు తహతహలాడారని  విమర్శించారు.
 
 రాష్ట్ర విభజనపై మే 5వ తేదీన సుప్రీంకోర్టులో తాను వేసిన కేసు విచారణకు వస్తుందని, విభజన తప్పని తీర్పు వస్తుందని నమ్మకం ఉందన్నారు. కోర్టు తీర్పు తర్వాత బిల్లు అసెంబ్లీకి వస్తుందన్నారు. తీర్పు వచ్చేనాటికి జేఎస్పీ ఎమ్మెల్యేలు అసెంబ్లీలో ఉంటే బిల్లును వ్యతిరేకించి రాష్ట్రాన్ని సమైక్యం గా ఉంచుతారన్నారు.  
  
  
  


 మరికొన్ని రోజుల్లో ఆవిర్భవించబోతున్న కొత్త రాష్ట్రం తెలంగాణ ప్రాంతంలోని 119 అసెంబ్లీ స్థానాలకూ, 17 లోక్‌సభ స్థానాలకూ బుధవారం ఎన్నికలు ప్రశాంతంగా ముగిశాయి. దేశవ్యాప్తంగా చూస్తే గుజరాత్, పంజాబ్, జమ్మూ-కాశ్మీర్, యూపీ, బీహార్, పశ్చిమబెంగాల్, మరో రెండు కేంద్ర పాలిత ప్రాంతాల్లోని 72 లోక్‌సభ స్థానాలకు కూడా ఎన్నికలు పూర్తయ్యాయి. దీంతో సార్వత్రిక ఎన్నికలకు సంబంధించిన 9 దశలలోనూ ఏడు దశలు ముగిసినట్టయింది. ప్రజాస్వామ్యంలో ఎన్నికలనేవి అత్యంత కీలకమైనవి. తమకు నచ్చిన పాలకులను తామే ఎన్నుకునే స్వేచ్ఛ ఈ ఎన్నికల ద్వారా పౌరులకు లభిస్తుంది.  సుప్రీంకోర్టు పుణ్యమా అని ‘పోటీచేసే అభ్యర్థుల్లో ఎవరూ సమ్మతం కాద’ని తెలియజేసేందుకు వీలుగా ఈసారి ఈవీఎంలకు అదనపు మీట జోడించడంతో వోటు హక్కు మరింత సంపూర్ణత్వాన్ని సంతరించు కుంది. వోటు హక్కును ఎలాంటి ప్రలోభాలకూ లోనుకాకుండా వినియోగించుకోవాలని, మంచి అభ్యర్థులను ఎంచుకోవాలని ఎన్నికల సంఘం ప్రతి ఎన్నికల సందర్భంలోనూ ఓటర్లను అభ్యర్థిస్తుంది. రాష్ట్ర ఎన్నికల ప్రధానాధికారి భన్వర్‌లాల్ ఈసారి దీన్ని మరింత ముందుకు తీసుకెళ్లారు. ఓటర్ల జాబితాలో పేరు నమోదు చేసుకోమని అభ్యర్థించడం దగ్గరనుంచి ఓటేయవలసిన అవసరాన్ని చెప్పడం వరకూ పౌరుల్లో చైతన్యం కలిగించడానికి అన్నిరకాల ప్రసారమాధ్యమాల ద్వారా ఆయన కృషిచేశారు. ఓటర్లలో తలెత్తిన సందేహాలకు వివిధ వేదికలద్వారా సమాధానాలిచ్చారు.
 
  కానీ, పోలింగ్ సరళిపై బుధవారం ఆయన విలేకరులతో మాట్లాడుతుండగా జరిగిన ఒక ఉదంతం అందరినీ దిగ్భ్రాంతికి గురిచేసింది. టీడీపీ నాయకులు విలేకరుల సమావేశంలోకి ఒక్కసారిగా చొరబడి ఆయనతో జగడానికి దిగారు. హైదరాబాద్ నగరంలోని ఒక పోలింగ్ కేంద్రంలో ఓటు హక్కు వినియోగించుకుని బయటికొచ్చాక తాను బీజేపీకి రెండు ఓట్లు వేశానని టీడీపీ అధినేత చంద్రబాబు చెప్పడంపై అంతక్రితం భన్వర్‌లాల్ అభ్యంతరం వ్యక్తంచేయడమే వీరి గొడవకు మూలకారణం. భన్వర్‌లాల్ పరిధికి మించి మాట్లాడలేదు. చట్టంలో లేని నిబంధనలేమీ బాబుకు వర్తింపజేయాలనుకోలేదు. తాము ఎవరికి ఓటేశామో చెప్పడం సరికాదని ఆయనన్నారు. బ్యాలెట్ పత్రం ఉన్నరోజుల్లో ఓటేసి దాన్ని అందరికీ చూపించినట్టయితే అది చెల్లబోదని ప్రకటించేవారని, ఇప్పుడు ఈవీ ఎంలు గనుక అది సాధ్యంకాదుగానీ...ఇలా మాట్లాడటం మాత్రం సరైందికాదని భన్వర్‌లాల్ వివరించారు. ఇందులో అసంగతమైనదిగానీ, కనీవినీ ఎరుగనిదిగానీ ఏమైనా ఉన్నదా? ఒకవేళ తమ నాయకుడిని ఇలా వేలెత్తిచూపడం మహాపరాధమని టీడీపీ నేతలు అనుకుంటే ఆ మేరకు అభ్యంతరం చెబుతూ ఆయనకు లేఖ ఇవ్వొచ్చు. అలా చేయడం ఇష్టంలేకపోతే భన్వర్‌లాల్ ప్రకటనవల్ల బాబుకు పరువు నష్టం జరిగిందని కేంద్ర ఎన్నికల సంఘానికి మొరపెట్టుకోవచ్చు. పోలింగ్ ప్రక్రియ కొనసాగుతుండగా నాయకులు విలేకరుల సమావేశాలు నిర్వహించరాదని, అది ప్రచారం చేయడంతో సమానమవుతుందని ఎన్నికల సంఘం చాలా ముందుగానే ప్రకటించింది. రాజకీయ పార్టీలు, నాయకులు సహకరించాలని విజ్ఞప్తిచేసింది. కానీ, బాబు చేసిందేమిటి? ఓటేసి బయటికొస్తూ సరిగ్గా అందుకు విరుద్ధంగా ప్రవర్తించారు. తాను బీజేపీకి ఓటేశానని చెప్పడంతోపాటు ఇలా చేయడం దేశంలో నెలకొన్న ప్రస్తుత పరిస్థితుల్లో చాలా అవసరమని గంభీరమైన ప్రసంగం చేశారు. వోటు హక్కు గోప్యతతో కూడినది. ఎవరికి ఓటు వేశామో చెప్పరాదన్నది సామా న్యులకు సైతం తెలిసిన విషయం. ఎన్నికల రాజకీయాల్లో మూడున్నర దశాబ్దాల అనుభవం మాత్రమేగాక... తొమ్మిదేళ్లు రాష్ట్రానికి ముఖ్యమంత్రిగా, మరో తొమ్మి దేళ్లు ప్రతిపక్ష నేతగా పనిచేసిన వ్యక్తికి ఈ మాత్రం ఎరుక లేకపోవడం చిత్రమే.
 
  సావాసదోషమో ఏమోగానీ...బాబు ఇలావుంటే ఆయనతో కొత్తగా పొత్తు కలిపిన గుజరాత్ ముఖ్యమంత్రి నరేంద్ర మోడీ మరో అడుగు ముందుకేశారు. గుజరాత్‌లోని గాంధీనగర్‌లో ఓటేసి బయటికొచ్చాక విలేకరుల సమావేశంలో పార్టీ గుర్తు అయిన కమలం బొమ్మను ప్రదర్శించారు. విలేకరుల సాక్షిగా ఆ బొమ్మ పట్టుకుని తన సెల్‌ఫోన్‌తో ముచ్చటగా ఒక ‘సెల్ఫీ’ కూడా తీసుకున్నారు. ఈ విషయంలో ఎన్నికల సంఘం చురుగ్గా స్పందించింది. షోకాజ్ నోటీసు జారీ చేయడంకాక నేరుగా ప్రజాప్రాతినిధ్య చట్టంకింద రెండు ఎఫ్‌ఐఆర్‌లు దాఖలు చేయాలని రాష్ట్రస్థాయి ఎన్నికల అధికారులను ఆదేశించింది. ఈ ఎఫ్‌ఐఆర్‌లపై దర్యాప్తు జరిగి, చివరకు న్యాయస్థానాల్లో ఏమవుతుందనేది వేరే చర్చ. కానీ, నరేంద్ర మోడీ బీజేపీలో సాధారణ నాయకుడు కాదు. ఆయన ఆ పార్టీకి ప్రధాని అభ్యర్థి. అచ్చం బాబులాగే నరేంద్ర మోడీ కూడా బ్యాలెట్ పోరులో కాకలు తీరిన యోధుడు. మూడు దఫాలనుంచి గుజరాత్ అసెంబ్లీ ఎన్నికల్లో తిరుగులేని విజయాలు సాధిస్తున్న నాయకుడు. అలాంటి వ్యక్తికి ఎన్నికల నిబంధనలుగానీ, చట్టాలుగానీ తెలియవనుకోలేము. తెలిసికూడా వాటిని ఉల్లంఘిస్తారని అసలే భావించలేము. సామాన్య పౌరులు లేదా పార్టీలోని సాధారణ కార్యకర్తలు అవగాహనా లోపంతో ఎన్నికల ప్రక్రియను దెబ్బతీసేలా ప్రవర్తించినప్పుడు బాబు, మోడీ స్థాయి నాయకులు వారికి మార్గనిర్దేశం చేయాలి. అలాంటి చర్యలు ప్రజాస్వామ్యానికి ఎంత చేటు కలిగిస్తాయో చెప్పాలి. కానీ, ఆశ్చర్యకరంగా వారిద్దరూ అందుకు విరుద్ధంగా ప్రవర్తించారు. పొరపాట్లు ఎవరికైనా సహజం. వాటిని నిదానంగానైనా గ్రహించి సరిదిద్దుకోవడం మంచి లక్షణం. ఆ సంగతిని ఇరువురు నాయకులూ గుర్తిస్తారని ఆశిద్దాం.


 ఈ ఎన్నికల స్పెషల్
 
 మోడీని ఏమైనా అంటే కేసీఆర్ తాట తీస్తా.... పవన్‌కల్యాణ్
 వాడెవడు? నేను చిటికేస్తే వేయి తుకడలైతడు... కేసీఆర్
 కేసీఆర్ ద్రోహి, నమ్మించి మోసం చేయడం అలవాటు... సోనియా
 రాక్షసుడు, మోసకారి, అబద్ధాలకోరు, సైకిల్‌తో తొక్కేస్తా... చంద్రబాబు
 దొంగ పాస్‌పోర్టులు, మనుషుల అక్రమ రవాణా... పొన్నాల
  
  తెలంగాణలో మైకులు మూగబోయాయి. కానీ ఈసారి పార్టీల ప్రచార సరళిని పరిశీలిస్తే.. వివిధ పార్టీల నాయకుల నడుమ మునుపెన్నడూ లేని రీతిలో వ్యక్తిగత వివుర్శల దాడి జోరుగా జరిగింది. కాలంతోపాటు రాజకీయ ప్రచారాల్లో ప్రమాణాల పతనం కనిపిస్తున్నా.. గడువు సవుయుం దగ్గరపడేకొద్దీ ఎన్నికల వేడి పెరుగుతూ తిట్ల పురాణానికి తెరలేచింది. వ్యక్తిగత వివుర్శలు, ప్రతి వివుర్శలు, ఆరోపణలు, ప్రత్యారోపణలు, బెదిరింపులు, ఎదురుదాడి యథేచ్ఛగా సాగిన తీరు మాత్రం అందరినీ విస్తుపోయేలా చేసింది.
  ఎన్నికలనగానే పార్టీలు, నాయకుల మధ్య వాగ్వివాదాలు, ఆరోపణలు పరిపాటే. కానీ పార్టీల సిద్ధాంతాలు, ప్రజా సమస్యలు, గత ప్రభుత్వాల పనితీరు, కొత్త హామీల గురించి ఉద్రిక్త వాతావరణం ఉందా అనే స్థారుులో వేడెక్కించే విమర్శలు కూడా సాధారణమే. కానీ, ఈసారి తెలంగాణ ప్రచారంలో కాంగ్రెస్, టీఆర్‌ఎస్ నడుమ నెలకొన్న పోటాపోటీ వాతావరణం, ఎంత ప్రయత్నించినా తన ఉనికి ప్రదర్శించలేకపోతున్న టీడీపీ ఉడుకుమోత్తనం, బీజేపీ కోసం పరిణతి లేని పవన్‌కల్యాణ్ రంగప్రవేశం కారణంగా ఈ పార్టీల నడు మ విమర్శలు కొన్ని ‘లక్ష్మణరేఖలు’ దాటేశారుు. వాస్తవానికి ముప్పేట దాడికీ, అన్ని వైపుల నుం చీ ఈ నిందారోపణలకు గురై న నాయకుడు కేసీఆర్ కాగా, వాచాలతను తీవ్ర స్థాయిలో ప్రదర్శించి, పరిస్థితిని మరింత దిగజార్చింది మాత్రం పవన్‌కల్యాణేనని చెప్పవచ్చు.
  
 పోటీ పెరిగే కొద్దీ వూటల సవురం
  
  పోటీ ఏకపక్షంగా లేదు. విలీనమనే మాట వదిలేసి ఒంటరిపోరుకు సిద్ధపడిన వెంటనే కేసీఆర్ కాంగ్రెస్ నాయకులకు లక్ష్యంగా మారారు. సుడిగాలిలా ఆయన తెలంగాణ అంతటా విసృ్తతంగా పర్యటిస్తూ ప్రచారంలో ముందుండేసరికి, కాంగ్రెస్ ఎంపీలు, మాజీ మంత్రులు సైతం విజయం కోసం చెమటోచ్చాల్సిన దుస్థితి నెలకొంది. దాంతో ఇక ఆ పార్టీ నేతలు కేసీఆర్‌పై వ్యక్తిగత విమర్శల దాడి మొదలెట్టారు. కేసీఆర్ కూడా మాటకుమాట అన్నట్లుగా ఎదురుదాడి ఆరంభించారు. ఇటు టీపీసీసీ అధ్యక్షుడు పొన్నాల లక్ష్మయ్య, అటు కేసీఆర్ రోజూ తమ విమర్శల తీవ్రతను పెంచుతూ వెళ్లారు. క్షేత్ర స్థాయిలో టీఆర్‌ఎస్ మరింత బలపడుతున్న తీరు గమనించిన కాంగ్రెస్ నాయకులు చివరకు సోనియా, రాహుల్ ద్వారా కేసీఆర్‌పై వాగ్బాణాలు సంధించేలా చేరుుంచడంలో సఫలీకృతవుయ్యూరు. ఢిల్లీ నుంచి గల్లీ నాయకుల దాకా కేసీఆర్ లక్ష్యంగా మారా రు. మరోవైపు ఎంత ప్రయత్నించినా ప్రజల నుంచి వీసమెత్తు ఆదరణ కనిపించని టీడీపీ అధినేత చంద్రబాబునాయుుడు కూడా కే సీఆర్‌ను టార్గెట్ చేయడం మొదలుపెట్టారు. ఈ ధోరణితో ఆయనలో పెరిగిపోతున్న నిరాశాని సృహల్ని బయుటపెట్టేశారు. ఎప్పుడైతే పవన్‌కల్యాణ్ రంగప్రవేశం చేశారో అప్పుడే ఈ విమర్శల పర్వం పక్కదోవ పట్టి పరిస్థితి మరింత దిగజారింది.
  
 పవన్ దుందుడుకు ధోరణి
  
  నాయకుల నడుమ విపరీత ధోరణిలో సాగే తిట్లు, వ్యక్తిగత నిందారోపణలను ప్రజలు ఎప్పుడూ స్వాగతించరు. గత ఎన్నికల్లో ప్రజారాజ్యం తరఫున ప్రచారం చేసిన పవన్‌కల్యాణ్ ‘పంచెలూడదీసి కొడతా’ వంటి తీవ్ర పదజాలాన్ని వాడిన తీరు ఆ పార్టీకి తీవ్ర నష్టాన్ని కలిగించింది. రాజకీయ పార్టీల చరిత్రలో తొలిసారిగా అన్నట్లు... బీజేపీ, టీడీపీలకు ప్రచారం చేయడం కోసమే సొంతంగా పార్టీ పెట్టిన పవన్‌కల్యాణ్ ఈసారి కూడా తన పరిణతిలేమిని, సంస్కార రాహిత్యాన్ని బయటపెట్టేశారు. కేసీఆర్ తాటతీస్తా అంటూ పవన్ చేసిన వ్యాఖ్యలు తెలంగాణలో తీవ్ర విమర్శలకు దారి తీశాయి. ఈ మాటల ధోరణి పట్ల ప్రజల్లో వ్యక్తమవుతున్న వ్యతిరేకత గమనించి చివరకు టీడీపీ, బీజేపీ శ్రేణులు సైతం తలలుపట్టుకుంటున్నాయి. ప్రచారంలో సోవువారం సా యుంత్రం వుుగియుడంతో ఓటర్లు ఒక్కసారిగా హమ్మయ్య అంటూ తేలికగా ఊపిరి పీల్చుకున్నారు. పార్టీలు, నాయకులను విమర్శించడంలో వివిధ పార్టీలకు చెందిన సీనియర్ నాయకులు కొందరు ప్రశంసనీయమైన సంయమనం పాటించారు. ప్రత్యేకించి వైఎస్‌ఆర్‌సీపీ తరఫున ప్రచారం చేసిన వైఎస్ జగన్, షర్మిల ఈవిషయంలో హుందాగా వ్యవహరించారు. చంద్రబాబు రాజకీయపరమైన సంస్కారాన్ని, మర్యాదలను తుంగలోతొక్కి ఏకవచనంలో జగన్‌పై ఇష్టారాజ్యంగా నిందారోపణలు చేస్తున్నా సరే... జగన్ ఒక్కసారైనా చంద్రబాబును తన ప్రసంగాల్లో కనీసం ఏకవచనంలో కూడా సంబోధించకపోవడం గవునార్హం.
  
  


 యూటీ చేయాలన్న ఆలోచన మోడీకి లేదు: ప్రకాశ్ జవదేకర్
  
   హైదరాబాద్: హైదరాబాద్ నగరం తెలంగాణ రాష్ట్రానికి మాత్రమే శాశ్వత రాజధానిగా ఉంటుందని బీజేపీ జాతీయ అధికార ప్రతినిధి ప్రకాశ్ జవదేకర్ పేర్కొన్నారు. పదేళ్లపాటు సీమాంధ్ర, తెలంగాణకు ఉమ్మడి రాజధానిగా ఉండనున్న హైదరాబాద్‌ను యూటీ చేసేందుకు నరేంద్రమోడీ ప్రయత్నిస్తున్నారంటూ టీఆర్‌ఎస్ అధినేత కేసీఆర్ చేస్తున్న ప్రచారం పూర్తిగా అసత్యవుని ఖండించారు. హైదరాబాద్‌ను యూటీ చేయాలన్న ఆలోచన బీజేపీకి అసలే లేదని, ఓటమి భయంతో కేసీఆర్ ప్రజలను రెచ్చగొట్టి ఓట్లు పొందాలనే దురుద్దేశంతోనే ఇలాంటి ఆరోపణలు చేస్తున్నారన్నారు.
 
 మంగళవారం బీజేపీ రాష్ట్ర కార్యాలయంలో ప్రకాశ్ జవదేకర్ విలేకరులతో మాట్లాడారు. మోడీ ప్రధాని కావాలని దేశవ్యాప్తంగా ప్రజలు కోరుకుంటున్న తరహాలోనే తెలంగాణలో కూడా ఆయన ప్రభంజనం ఉందని, దీంతో తమ ఓటమి ఖాయమని టీఆర్‌ఎస్ నిర్ణయానికి వచ్చినట్టుందని పేర్కొన్నారు. ఆ నిరాశానిస్పృహలతోనే కేసీఆర్.. మోడీపై అనుచిత, అసంబద్ధ ఆరోపణలు చేస్తున్నారని విమర్శించారు. ఏం చేసినా మోడీ హవాను అడ్డుకోలేరన్నారు.
  
  


 హైదరాబాద్: సీనియర్ పోలీసు అధికారులతో సోమవారం సమావేశమైన  డీజీపీ బి.ప్రసాదరావు తెలంగాణలో తాజా పరిస్థితిని సమీక్షించారు. పోలీసులు అప్రమత్తంగా వ్యవహరించాలని ఆదేశించారు. ముఖ్యంగా మంగళవారం ఒకరోజు అత్యంత కీలక మైందని... మద్యం, డబ్బు పంపిణీతో పాటు ఇతర గృహోపకరణ వస్తువులు పంపిణీ చేసి ఓటర్లను మచ్చిక చేసుకునే ప్రయత్నాలు జరుగుతాయని, పోలీసు యంత్రాంగం జాగ్రత్తగా మెలగాలని ఆదేశించారు. ప్రధానంగా ప్రతి అసెంబ్లీ సెగ్మెంట్‌లో స్థానికులు మాత్రమే ఉండేలా చర్యలు తీసుకోవాలని, ఇతర ప్రాంతాల వారు రాకుండా కన్నేసి ఉంచాలని, ఒక వేళ నియోజకవర్గాల్లో ఇతర ప్రాంతాల వారు ఉన్నట్లు తెలిస్తే వెంటనే వారిని పంపించి వేయాలని  సూచించారు.
  
  


 కేసీఆర్‌పై నిప్పులు చెరిగిన పవన్ కల్యాణ్
  
 నల్లగొండ, కోరుట్ల, కామారెడ్డి, న్యూస్‌లైన్: ‘కేసీఆర్ అహంకారంతో మాట్లాడుతున్న మాటలతో.. తెలంగాణకు నష్టం జరుగుతుంది. వాగ్భూషణం భూషణం అన్నారు పెద్దలు. వాక్కు అలంకారం కావాలి.. కానీ అహంకారం కాకూడదు..’ అని సినీనటుడు, జనసేన అధ్యక్షుడు పవన్ కల్యాణ్ వ్యాఖ్యానించారు. కేసీఆర్ కుటుంబం వల్లే తెలంగాణకు నష్టం జరుగుతుందని పేర్కొన్నారు. నల్లగొండ జిల్లా కేంద్రంలో, కరీంనగర్ జిల్లా కోరుట్ల, నిజామాబాద్ జిల్లా కామారెడ్డిలో సోమవారం నిర్వహించిన సభల్లో పవన్ ప్రసంగించారు. ‘కేసీఆర్ మూడేళ్ల తరువాత నిరంతర కరెంటు ఇస్తానంటాడు. అప్పటిదాకా పరిస్థితి ఇంతేనా.. కేసీఆర్ బాధ్యత లేని నాయకుడు కాబట్టే అలా మాట్లాడుతున్నాడు. అలాంటి వ్యక్తి చేతి లో తెలంగాణను పెడితే మరోసారి ఉద్యమం చేయాల్సి వస్తుంది..’ అని పవన్ అన్నారు.
  
 టీడీపీ మీద నాకేం ప్రేమ లేదు..
 
  తనకు టీడీపీ అంటే అంత ప్రేమేం లేదని, టీడీపీ పాలనలో రైతుల సమస్యలపై తాను పోరాడానని పవన్ చెప్పారు. అయితే బాబ్లీ ఎత్తును మహారాష్ర్ట ప్రభుత్వం పెంచినపుడు టీడీపీ పోరాటం చేసినందుకే ఆ పార్టీకి మద్దతు ఇచ్చానన్నారు. కేసీఆర్ మోడీని సన్నాసి అనడం బాధేసిందని పవన్ చెప్పారు.
 
  పవన్‌పై కేసు నమోదుకు కోర్టు ఆదేశం
 
  ఎన్నికల ప్రచారంలో కేసీఆర్‌పై అనుచిత వాఖ్యలు చేశారంటూ డిచ్‌పల్లి, నిజామాబాద్‌కు చెందిన న్యాయవాదులు రవికుమార్, మధు దాఖలు చేసిన ప్రైవేటు ఫిర్యాదుకు సంబంధించి పవన్‌కల్యాణ్‌పై కేసు నమోదు చేయాలని నిజామాబాద్ రెండో అదనపు జ్యుడిషియల్ కోర్డు డిచ్‌పల్లి పోలీసులను ఆదేశించింది.  ఐపీసీ సెక్షన్లు 153(ఏ), 506 కింద కేసు నమోదు చేయాలని మేజిస్ట్రేట్ రాధాకృష్ణ చౌహ న్ ఆదేశాల్లో పేర్కొన్నారు.
  
  


 పోలింగ్‌కు ముందే చేతులెత్తేసిన టీడీపీ
 ఎదురీదుతున్న అభ్యర్థులు
 బాబు రోజుకోజిల్లా తిరిగినా
 ఫలితం శూన్యం
  
  తెలంగాణలో పోలింగ్‌కు గడువు దగ్గరపడుతోంది. నేటితో ఎన్నికల ప్రచారానికి కూడా తెరే! కానీ, గెలుపు ధీమా లేకపోయినా... ఉనికినైనా నిలబెట్టుకోవాలనే తాపత్రయంతో బరిలోకి దిగిన తెలుగుదేశం అభ్యర్థులు మాత్రం పోలింగ్‌కు రెండు రోజుల ముందే చేతులెత్తేశారు.చంద్రబాబు, ఆయన కొడుకు లోకేశ్ కాళ్లకు బలపాలు కట్టుకుని జిల్లాల్లో తిరిగినా, సినీ మోజు మురిపిస్తుందనే ఆశతో పవన్ కల్యాణ్‌ను రంగంలోకి దించినా వీసమెత్తు కూడా ప్రయోజనం లేకుండా పోయిందని అభ్యర్థులు వాపోతున్నారు. తెలంగాణవాదం ముందు బాబు చెప్పే కబుర్లు జనం నెత్తికెక్కలేదంటున్నారు. స్థానిక పరిస్థితులు, ప్రచార సరళి, బట్టి చూస్తే తెలంగాణలో టీడీపీ పోటీ చేస్తున్న 72 సీట్లలో ఏకంగా 50 పైచిలుకు చోట్ల మూడో స్థానానికే పరిమితమయ్యే పరిస్థితులు కనిపిస్తున్నాయి.
 
  పని చేయని అగ్ర నేతల ప్రచారం
 
  హైదరాబాద్, నిజామాబాద్, మహబూబ్‌నగర్, కరీంనగర్‌లలో బీజేపీ ప్రధాని అభ్యర్థి నరేంద్ర మోడీ ప్రచారం చేసినా, బాబు, లోకేశ్ రోజుకో జిల్లా తిరిగినా ఓటర్లు వారిని పెద్దగా పట్టించుకోలేదని తెలుస్తోంది. ఆదిలాబాద్ పర్యటనలోనైతే బాబుపై కోడిగుడ్లతో దాడికే ప్రయత్నిం చారు. పవన్ పర్యటనలకు జనం వచ్చినా ఆయన ప్రసంగాల్లో స్పష్టత, గానీ జోష్ గానీ లేక  వెనుదిరిగారు. దాదాపుగా అన్ని చోట్లా టీడీపీ అభ్యర్థులు ఎదురీదుతున్నారు. పలుచోట్ల ఆశలు వదులుకుని ప్రచారాన్ని కూడా పక్కన పెట్టారంటే పరిస్థితిని అర్థం చేసుకోవచ్చు. ‘ఎన్టీఆర్ భవన్ (టీడీపీ ప్రధాన కార్యాలయం) నుంచి నిధులొస్తే ఏదో మా ఉనికి కాపాడుకోవడానికి డబ్బులు పంచి ప్రచారం చేస్తాం. లేదంటే మాత్రం ఈసారికింతే’ అనే ధోరణి టీడీపీ అభ్యర్థుల్లో కనిపిస్తోంది. పలుచోట్ల, ‘పార్టీని పక్కన పెట్టి, మమ్మల్ని చూసి ఓటేయండి’ అంటూ వారు ఓటర్లను ప్రాధేయపడుతున్నారు!
 
 అంతటా ఎదురీతే
  
 ఉత్తర తెలంగాణలోనే గాక గత ఎన్నికల్లో అధిక స్థానాలు సాధించిన మహబూబ్‌నగర్, ఖమ్మం, రంగారెడ్డి జిల్లాల్లో నూ ఈసారి టీడీపీ పూర్తిగా వెనకబడిపోయింది. మహబూబ్‌నగర్‌లో కొడంగల్, ఆలంపూర్‌లలో మాత్రమే కాస్త గట్టి పోటీ ఇస్తోంది. అందుకు పార్టీ కంటే కూడా వ్యక్తిగత, ఇతరత్రా కారణాలే పనిచేస్తున్నాయి. కొడంగల్‌ను టీడీపీ అభ్యర్థి రేవంత్‌రెడ్డి ప్రతిష్టాత్మకంగా తీసుకోగా ఆలంపూర్‌లో కాంగ్రెస్ అభ్యర్థి ఎంపిక అబ్రహంకు కలిసి రావచ్చ న్న అంచనాలున్నాయి. నిజామాబాద్‌లోని బాల్కొండలో మాత్రమే టీడీపీ అభ్యర్థి మల్లికార్జునరెడ్డి కాస్త పోటీ ఇస్తున్నారు. అదిలాబాద్‌లో బోథ్ మినహా మిగతా వాటిల్లో టీడీపీకి మూడో స్థానమేనని తెలుస్తోంది.కరీంనగర్‌లోనైతే తెలంగాణ టీడీపీ ఎన్నికల కమిటీ అధ్యక్షుడు ఎల్.రమణ సహా అభ్యర్థులందరికీ గడ్డు పరిస్థితే. గజ్వేల్, నారాయణఖేడ్‌లలో మాత్రమే కాస్త పోటీ ఇస్తోంది. వరంగంల్‌లో ములుగు, నర్సంపేట, పాలకుర్తి, పరకాలలో కాస్త పోటీలో ఉంది. ఖమ్మంలో టీడీపీ అభ్యర్థులు పూర్తిగా ఎదురీదుతున్నారు. వైఎస్సార్ కాంగ్రెస్ పార్టీకి జిల్లాలో ప్రజాదరణ అనూహ్యంగా పెరగడంతో చతుర్ముఖ పోటీలో టీడీపీ అభ్యర్థులు చమటోడుస్తున్నారు.
 
 ఖమ్మం, మధిర, వైరా, అశ్వరావుపేటల్లో మాత్రమే కాస్త పోటీ ఇస్తున్నారు. నామా, తుమ్మల వర్గ పోరు అభ్యర్థుల పాలిట శాపంగా మారింది. నల్లగొండలోనూ కాంగ్రెస్, టీఆర్‌ఎస్ హవాయే కొనసాగుతోంది. ఇక్కడ పరువు నిలుపుకోవాలని టీడీపీ ప్రయత్నిస్తోంది. రంగారెడ్డి అర్బన్ ప్రాంతంలోని ఏడు సీట్లలో కాంగ్రెస్, వైఎస్సార్‌సీపీ అభ్యర్థుల నుంచి టీడీపీ గట్టి పోటీ ఎదుర్కొం టోంది. ‘సీఎం అభ్యర్థి’ ప్రకటనఎల్‌బీ నగర్‌లో తన రాత మారుస్తుందేమోనని ఆర్.కృష్ణయ్య ఆశపడుతున్నారు. మహేశ్వరం, ఇబ్రహీంపట్నం, కూకట్‌పల్లి, మేడ్చల్, శేరిలింగంపల్లిల్లో పోటీ ఇవ్వకపోతామా అన్న భావన ఉంది. జిల్లాలోని రూరల్ స్థానాల్లో రెండో స్థానం కోసమే పోటీ పడుతోంది. పాతబస్తీలోని ఏడు సీట్లు ఎంఐఎం ఖాతాలోకేనని ఇప్పటికే నిర్ణయానికి వచ్చింది. సికింద్రాబాద్, సనత్‌నగర్, జూబ్లీహిల్స్, కంటోన్మెంట్లలో చెమటోడుస్తున్నాయి.
  
  


 సీఎం పదవి ఇవ్వనందుకే కేసీఆర్ పార్టీని విలీనం చేయలేదు: ఆజాద్
  
  హైదరాబాద్/ సంగారెడ్ చరిత్ర కలిగిన కాంగ్రెస్ పార్టీతోనే తెలంగాణ పునర్నిర్మాణం సాధ్యమని కేంద్రమంత్రి గులాం నబీ ఆజాద్ అన్నారు. ఎన్నికల ప్రచారంలో భాగంగా శనివారం ఆయన నగరంలోని కూకట్‌పల్లి, సికింద్రాబాద్ నియోజకవర్గాలలో, అలాగే మెదక్ జిల్లా కేంద్రమైన సంగారెడ్డిలో రోడ్‌షో నిర్వహించారు. ఈ సందర్భంగా ఆజాద్ మాట్లాడుతూ, తెలంగాణ ప్రజల చిరకాల ఆకాంక్షను కాంగ్రెస్ పార్టీ నెరవేర్చిందని, మరోసారి అవకాశం ఇస్తే ఈ ప్రాంతాన్ని అన్ని రంగాల్లో అభివృద్ధి చేస్తామని హామీ ఇచ్చారు. ముఖ్యమంత్రి పదవిని నిరాకరించినందుకే కేసీఆర్ తన పార్టీని కాంగ్రెస్‌లో విలీనం చేసేందుకు నిరాకరించారని  విమర్శించారు. పదవులపై ఎటువంటి వ్యామోహం లేదని చెప్పిన కేసీఆర్.. రాష్ర్టం ఏర్పాటు అవుతుందన్న విశ్వాసం కలిగాక తన పిల్లల్ని అమెరికా నుంచి రప్పించి రాజకీయాల్లోకి దింపారని దుయ్యబట్టారు. దళితుడిని ముఖ్యమంత్రి, మైనార్టీని ఉపముఖ్యమంత్రిని చేస్తామని ప్రకటించిన ఆయనకు రాష్ర్టం ఏర్పాటు కాగానే పదవీకాంక్ష కలిగిందన్నారు. దేశాన్ని అభివృద్ధి పథంలో నడిపించే సత్తా కేవలం కాంగ్రెస్‌కే ఉందన్నారు. దళితులు, మైనార్టీలు, బడుగుల సంక్షేమం కోసం అనేక పథకాలు చేపట్టిన ఘనత యూపీఏ-2కు దక్కిందన్నారు.
 
 తెలంగాణను తామే తెచ్చామని చెబుతున్న ఇతర పార్టీల నేతల మాటలను నమ్మొద్దని కోరారు. మతతత్వ పార్టీ అయిన బీజేపీకి ఓటు వేస్తే ప్రమాదమని, ముస్లింలు కాంగ్రెస్‌కే ఓటు వేయాలని ఆజాద్ కోరారు. కాగా, నగరంలో నిర్వహించిన రోడ్‌షోలో మల్కాజ్‌గిరి లోక్‌సభ కాంగ్రెస్ అభ్యర్థి సర్వే సత్యనారాయణ, కూకట్‌పల్లి అసెంబ్లీ కాంగ్రెస్ అభ్యర్థి ముద్దం నర్సింహయాదవ్, సికింద్రాబాద్ రోడ్‌షోలో లోక్‌సభ అభ్యర్థి అంజన్‌కుమార్‌యాదవ్, ఎమ్మెల్యే అభ్యర్థి జయసుధ, సంగారెడ్డి రోడ్‌షోలో మెదక్ లోక్‌సభ కాంగ్రెస్ అభ్యర్థి శ్రావణ్‌కుమార్ రెడ్డి, సంగారెడ్డి అసెంబ్లీ కాంగ్రెస్ అభ్యర్థి జగ్గారెడ్డి తదితరులు పాల్గొన్నారు.  
  


 హెచ్చరించిన ఇంటెలిజెన్స్ విభాగం
 
 హైదరాబాద్: భారతీయ జనతా పార్టీ తెలంగాణ అధ్యక్షుడు కిషన్‌రెడ్డికి ఉగ్రవాదుల నుంచి ముప్పు ఉన్నందున జాగ్రత్తగా ఉండాలని ఇంటెలిజెన్స్ విభాగం హెచ్చరించింది. ఉగ్రవాదుల హిట్‌లిస్ట్‌లో ఉన్న కిషన్‌రెడ్డి భద్రతా సూచనలు పక్కన పెట్టి ఉదయం వేళ తెలంగాణ జిల్లాల్లో ప్రచారం.. సాయంత్రం తన నియోజకవర్గంలో పాదయాత్రలు చేస్తున్నారు. ఈ నేపథ్యంలో కనీస రక్షణ చర్యలు లేకుండా ప్రజల్లోకి వెళ్లడం సరికాదని ఇంటెలిజెన్స్ హెచ్చరించినట్లు సమాచారం. కిషన్‌రెడ్డికి ప్రభుత్వం ‘వై’ కేటగిరి భద్రత కల్పించింది. ఇందులో భాగంగా ముగ్గురు చొప్పున గన్‌మన్లు ఆయన వెంట, ఇంటి వద్ద రక్షణగా ఉంటారు. ప్రత్యేకంగా ఆయనకు బుల్లెట్ ఫ్రూఫ్ స్కార్పియో వాహనాన్ని సమకూర్చారు.
 
 కానీ ప్రస్తుతం ఎన్నికల్లో ప్రచారం చేయాల్సి రావటంతో ఆయన భద్రతను గాలికొదిలేసి తిరుగుతున్నారు. ఉదయం హెలికాప్టర్‌లో జిల్లాలకు వెళ్తున్న ఆయన సాయంత్రం తాను పోటీ చేస్తున్న అంబర్‌పేట నియోజకవర్గంలో ప్రచారంలో పాల్గొంటున్నారు. జిల్లాలకు వెళ్లినప్పుడు బుల్లెట్ ఫ్రూఫ్ వాహనం అందుబాటులో లేకపోతుండటంతో సాధారణ కారులోనే తిరుగుతున్నారు. గన్‌మెన్లు కూడా పూర్తి సంఖ్యలో వెంట ఉండటం లేదు. ఈ నేపథ్యంలో ఇంటెలిజెన్స్ విభాగం తాజా హెచ్చరికలు జారీ చేసినట్టు సమాచారం. ఆయన ఎక్కడికి వెళ్తున్నారో ముందుగానే స్థానిక పోలీసు స్టేషన్‌కు సమాచారం ఇవ్వాలని, సాధారణ వాహనంలో కాకుండా కచ్చితంగా బుల్లెట్‌ప్రూఫ్ వాహనంలోనే తిరగాలని సూచించినట్టు తెలిసింది.
  
  


 కరీంనగర్ లోక్‌సభ కాంగ్రెస్ అభ్యర్థి పొన్నం
 
  వీణవంక జనసేన అధ్యక్షుడు పవన్‌కల్యాణ్‌కు తెలంగాణతో ఏం సంబంృం ఉందని కరీంనగర్ లోక్‌సభ కాంగ్రెస్ అభ్యర్థి పొన్నం ప్రభాకర్ ప్రశ్నించారు. కరీంనగర్ జిల్లా వీణవంకలో శనివారం ఆయన విలేకరులతో మాట్లాడారు. తెలంగాణ ఏర్పాటును వ్యతిరేకించిన పవన్.. ఇప్పుడు ఇక్కడ పర్యటించడం బీజేపీ దౌర్భాగ్యమని పేర్కొన్నారుృ  రెమ్యూనరేషన్ తీసుకొని సినిమాల్లో నటించే వ్యక్తి..
 
 అదే రెమ్యూనరేషన్ ఇచ్చి భార్యలకు విడాకులు ఇస్తున్నాడని, అటువంటి వ్యక్తిని బీజేపీ చేరదీసి తమ పార్టీ తరపున ప్రచారం చేయించడం సిగ్గుచేటన్నారు. పవన్ కేవలం డ్రామాలకే పనికి వస్తాడని విమర్శించారు. తెలంగాణ ద్రోహులను ఈ ప్రాంత ప్రజలు ఎప్పటికీ క్షమించరన్నారు.
  


 కాంగ్రెస్ అవినీతి ఖండాంతరాలు దాటింది : చంద్రబాబు
  
  మహబూబ్‌నగర్: ‘తెలంగాణలో కేసీఆర్‌లాంటి రాక్షసులు ఉండకూడదు. ఆయన అవినీతిలో కూరుకు పోయారు. అధికారంలోకి వస్తే దుర్మార్గ పాలన వస్తుంది’ అని టీడీపీ అధ్యక్షుడు చంద్రబాబు అన్నారు.  శనివారం ఆయన మహబూబ్‌నగర్ జిల్లాలోని ఐజ, అచ్చంపేట, జడ్చర్లలో టీడీపీ- బీజేపీ కూటమి అభ్యర్థులకు మద్దతుగా ప్రచార సభల్లో పాల్గొన్నారు. ఈ సందర్భంగా టీఆర్‌ఎస్ అధినేతపై తీవ్ర స్థాయిలో విరుచుకుపడ్డారు. కేసీఆర్ ఓ మాయల ఫకీరు.. వలసపక్షి.. టీఆర్ ఎస్ వసూళ్ల పార్టీ అని దుయ్యబట్టారు. నరేంద్ర మోడీతో సహా అందరినీ విమర్శిస్తే అభివృద్ధికి నిధులు ఎక్కడ నుంచి తెస్తాడు? అని ప్రశ్నించారు. కాంగ్రెస్ ఇంటికి పోయే ముందు గొప్పలు చెప్పుకుంటోంది. ఆ నేతల అవినీతి ఖండాంతరాలు దాటిందని విమర్శించారు. పదేళ్ల కాంగ్రెస్ పాలనలో దేశాన్ని భ్రష్టు పట్టించిందన్నారు. ఆరోపణలు ఎదుర్కొంటున్న కేవీపీ విషయంలో గవర్నర్ చొరవ చూపి వెంటనే అరెస్టుకు ఆదేశించాలని డిమాండ్ చేశారు.
 
 లేకపోతే ఆయనపైనా అనుమానాలు వ్యక్తమవుతాయన్నారు. రైతుల రుణమాఫీ విషయంలో  రాహుల్ గాంధీ, కేసీఆర్ టీడీపీ మేనిఫెస్టోను కాపీ కొడుతున్నారని బాబు దుయ్యబట్టారు.  కేసీఆర్‌ను గెలిపిస్తే గేటు వరకు వెళ్లవచ్చని, ఆర్.కృష్ణయ్యను గెలిపిస్తే బెడ్‌రూం వరకు వెళ్లవచ్చన్నారు. మాదిగ దండోరాకు అండగా ఉండాలనే ఉద్దేశంతో వరంగల్ జిల్లా వర్దన్నపేటలో పోటీ చేస్తున్న మంద కృష్ణ మాదిగకు మద్దతు పలుకుతున్నట్లు చంద్రబాబు తెలిపారు. కాంగ్రెస్‌ను గజదొంగల పార్టీగా పేర్కొన్న ఆర్.కృష్ణయ్య 66 ఏళ్ల కాంగ్రెస్ పాలనలో పేదరిక నిర్మూలన జరగలేదన్నారు. టీఆర్‌ఎస్ అబద్దపు పార్టీ అనీ, కేసీఆర్‌ను చిత్తశుద్ది లేని నాయకుడని ఆయన అభివర్ణించారు.
  
  


 మోడీ ముసుగులో చంద్రబాబు కుట్రలు  టీఆర్‌ఎస్ అధినేత కేసీఆర్ ఫైర్
  
 టీడీపీ అధినేత చంద్రబాబుతో కలిశాక బీజేపీ ప్రధాని అభ్యర్థి నరేంద్ర మోడీ జీరో అయ్యారని టీఆర్‌ఎస్ అధినేత కేసీఆర్ వ్యాఖ్యానించారు. తెలంగాణ వచ్చిన రోజు భారతమాత కన్నీళ్లు పెట్టుకుందని వ్యాఖ్యానించిన మోడీ తెలంగాణ ద్రోహిగా మిగిలిపోయారన్నారు. ‘చంద్రబాబు ఆంధ్రా బాబు. మోడీ ముసుగులో తెలంగాణలో కుట్రలు పన్నుతున్నాడు. బాబును వెంటేసుకొని మోడీ బొడ్లో కత్తిపెట్టుకొని వస్తున్నాడు’ అని టీఆర్‌ఎస్ అధినేత ధ్వజమెత్తారు. తల్లిని చంపి బిడ్డకు జన్మనిచ్చారంటూ తెలంగాణ ఏర్పాటుపై మోడీ మతిలేని మాటలు మాట్లాడుతున్నారని విమర్శించారు. మోడీని చూసి పొరపాటున బీజేపీకి ఓటేస్తే టీడీపీకి వేసినట్లేనన్నారు. ఇక తెలంగాణ తెచ్చింది కాంగ్రెస్ అనడం పెద్ద జోక్ అని కేసీఆర్  వ్యాఖ్యానించారు. మన రాష్ర్టంలో మన జెండానే ఉండాలని పిలుపునిచ్చారు. ఎన్నికల ప్రచారంలో భాగంగా శనివారం ఆయన నాలుగు జిల్లాల్లో సుడిగాలి పర్యటన చేశారు.
 
 కరీంగనర్ జిల్లా సిరిసిల్ల, మెదక్ జిల్లాలోని జహీరాబాద్, నారాయణఖేడ్, జోగిపేటల్లో, వరంగల్ జిల్లాలోని నర్సంపేట, పరకాల, స్టేషన్‌ఘన్‌పూర్, జనగామ కేంద్రాల్లో, నల్లగొండ జిల్లా ఆలేరు, భువనగిరిలలో నిర్వహించిన బహిరంగ సభల్లో కేసీఆర్ పాల్గొన్నారు. ఈ సందర్భంగా టీడీపీ-బీజేపీ, కాంగ్రెస్‌లపై విమర్శనాస్త్రాలు సంధించారు. తమది సెక్యులర్ పార్టీ అని, బీజేపీతో కలిసే ప్రసక్తే లేదని స్పష్టం చేశారు. తెలంగాణలోని అన్ని వర్గాలకు అండగా ఉంటామని భరోసానిచ్చిన కేసీఆర్.. పార్టీ మేనిఫెస్టోలోని హామీలను గుప్పిస్తూ ఓటర్లను ఆకట్టుకునే ప్రయత్నం చేశారు. తెలంగాణకు స్వీయ నాయకత్వం కావాలని, అందుకు టీఆర్‌ఎస్‌నే ఆదరించాలని కోరారు.
  
 పొన్నాల.. దళితుల భూములు తిరిగివ్వు
 
  టీపీసీసీ చీఫ్ పొన్నాల లక్ష్మయ్యపై కేసీఆర్ ధ్వజమెత్తారు. పొన్నాలకు సిగ్గూ, లజ్జ ఉంటే.. స్టేషన్ ఘన్‌పూర్ నియోజకవర్గ పరిధిలోని రాంపూర్ వద్ద ఆక్రమించిన భూమిని దళితులకు తిరిగివ్వాలన్నారు. అక్కడి 9 ఎకరాలను పొన్నాల కబ్జా చేశారని ఆరోపించారు. తాము ధర్నాలు చేసినా అధికారులు పట్టించుకోలేదని మండిపడ్డారు. అప్పుడు తెలియక కొన్నానని పొన్నాల పిట్టకథలు చెబుతున్నాడని, ఆయనేమైనా పాలు తాగే పిల్లాడా అని ఆగ్రహం వ్యక్తం చేశారు. తెలంగాణ తామే ఇచ్చామంటున్న కాంగ్రెస్ నాయకులు ఏనాడైనా ఉద్యమం చేశారా? జైలుకెళ్లారా? అని ప్రశ్నించారు. కాంగ్రెస్ సన్నాసుల పిచ్చి కూతలు నమ్మొద్దని ప్రజలకు సూచించారు. తెలంగాణ తెచ్చిన కీర్తి తనకు చాలన్నారు. అయితే సాధించుకున్న తెలంగాణను అసమర్థులు, దొంగలు, దెయ్యాల చేతిలో పెట్టొద్దనే ఉద్యమాన్ని కొనసాగిస్తున్నామని చెప్పారు.
 
  మొదటి సంతకం తండాలపైనే
 
  తమిళనాడు తరహాలో ముస్లింలకు 12 శాతం రిజర్వేషన్ కల్పిస్తామని, వక్ఫ్ ఆస్తులను కబ్జాల నుంచి విడిపించి.. వక్ఫ్ బోర్డుకు న్యాయాధికారాలను ఇస్తామని కేసీఆర్ పేర్కొన్నారు. ఎస్టీలకు 12 శాతం రిజర్వేషన్‌తో పాటు తండాలను గ్రామ పంచాయతీలుగా ప్రకటిస్తామన్నారు. తెలంగాణలో టీఆర్‌ఎస్ ప్రభుత్వం ఏర్పడిన తెల్లారే జీవో ఇస్తామని చెప్పారు. ఈ ఫైల్‌పైనే ముఖ్యమంత్రిగా తొలి సంతకం చేస్తానన్నారు. నేత కార్మికుల వ్యక్తిగత రుణాలను, ప్రైవేటు అప్పులను ప్రభుత్వమే చెల్లిస్తుందని, ఎవరూ ఆత్మహత్యలు చేసుకోవద్దని కేసీఆర్ భరోసా ఇచ్చారు. బ్యాంకు అప్పులపై మారటోరియం విధిస్తామని, సిరిసిల్ల ప్రాంతం సస్యశామలమవుతుందని, రెండు లక్షల ఎకరాలకు సాగునీరు అందిస్తామని స్పష్టం చేశారు. మహిళా సంఘాలకు పది లక్షల వరకు వడ్డీలేని రుణాలు అందిస్తామని, బీడీ కార్మికులకు ఇప్పుడొచ్చే పింఛన్‌కు తోడు అదనంగా రూ. వెయ్యి భృతిని అందిస్తామని హామీలిచ్చారు. జూన్ 2 తర్వాత కచ్చితంగా టీఆర్‌ఎస్ ప్రభుత్వం ఏర్పడుతుందని ధీమా వ్యక్తం చేశారు. తమ ప్రభుత్వం వచ్చిన వెంటనే లక్ష రూపాయల మేర వ్యవసాయ రుణాలను మాఫీ చేస్తామని, రైతులు ఉపయోగించుకుంటున్న ట్రాక్టర్లు, ట్రాలీలపై రవాణా పన్నులు తొలగిస్తామని చెప్పారు. మహిళా సంఘాల సభ్యులకు వడ్డీ లేకుండా రూ. 10 లక్షల వరకు రుణాలిస్తామని, పేదలకు డబుల్ బెడ్‌రూం ఇళ్లు నిర్మిస్తామని పునరుద్ఘాటించారు. కరెంటు విషయంలో తొలుత కొంత ఇబ్బంది తప్పదని, మూడేళ్లలోగా ఉత్పత్తిని పెంచి 24 గంటల విద్యుత్ సరఫరా చేస్తామని చెప్పారు. నిపుణులతో చర్చించాకే మేనిఫెస్టో రూపొందించామన్నారు. దీన్ని అమలు చేసి ప్రజల సంక్షేమానికి పాటుపడతామన్నారు.
  
  ధరల సంగతేంది?: కేసీఆర్‌ను ప్రశ్నించిన మహిళ
  
 ‘సార్ మీరు చెప్పేది బాగానే ఉంది గానీ ఉప్పు, పప్పు, నూనెలు, కూరగాయల ధరల సంగతేంది? జర వాటి గురించి ఆలోచించండి’ అని వరంగల్ జిల్లా స్టేషన్‌ఘన్‌పూర్ సభలో కేసీఆర్‌ను ఓ మహిళ ప్రశ్నించింది. టీఆర్‌ఎస్ మేనిఫెస్టోలోని హామీలను కేసీఆర్ వల్లెవేస్తుండగా స్టేషన్‌ఘన్‌పూర్ మండలం శివునిపల్లికి చెందిన రాజమ్మ లేచి నిత్యావసర వస్తువుల విషయాన్ని ప్రస్తావించింది. రూపాయికి కిలో బియ్యమిస్తూ మిగిలిన సరుకుల రేట్లు మాత్రం పెంచుతున్నారని పేర్కొంది. ఇందుకు కేసీఆర్ సానుకూలంగా స్పందిస్తూ ఆమెకు సమాధానమిచ్చారు. ఆమె అడిగిన ప్రశ్నలో న్యాయముందని, మేనిఫెస్టోలో నిత్యావసర వస్తువుల ధరల విషయం పెట్టలేదని కేసీఆర్ అన్నారు. కాంగ్రెస్ ప్రభుత్వం రూపాయికి కిలో బియ్యమిస్తూ ఇతర వస్తువుల ధరలు ఇష్టారాజ్యంగా పెంచిందని విమర్శించారు. టీఆర్‌ఎస్ ప్రభుత్వం ఏర్పాటు కాగానే నిత్యావసర వస్తువుల ధరల నియంత్రణకు తగిన చర్యలు తీసుకుంటామని హామీ ఇచ్చారు.
  
  గీతారెడ్డి ఫైవ్‌స్టార్ మంత్రి
 
  జహీరాబాద్ నుంచి పోటీ చేస్తున్న మాజీ మంత్రి గీతారెడ్డిని ఫైవ్‌స్టార్ మంత్రిగా కేసీఆర్ అభివర్ణించారు. ఆమె ఎవరినీ కలవరని, సమస్యలు పట్టించుకోరని విమర్శించారు. ఆమెపై సీబీఐ కేసుందని గుర్తుచేస్తూ.. ఆమెను గెలిపించినా ఎలాంటి ప్రయోజనం ఉండబోదన్నారు. ఆమె జైలుకు వెళ్లడం ఖాయమన్నారు. కాగా, జోగిపేటలో జరిగిన సభలో మాజీ ఉప ముఖ్యమంత్రి దామోదర రాజనర్సింహపై కేసీఆర్ ఎలాంటి వ్యాఖ్యలు చేయకపోవడం గమనార్హం. దామోదర ప్రతి రోజూ కేసీఆర్‌పై దుమ్మెత్తి పోస్తున్నా.. కేసీఆర్ మాత్రం పల్లెత్తుమాట అనకపోవడం స్థానికంగా చర్చనీయాంశమైంది.
  


 తెలంగాణ రాష్ట్రంలో తొలి ప్రభుత్వాన్ని తామే ఏర్పాటు చేస్తామని, ప్రజల ఆశించే తెలంగాణను సాధించడం కోసమే ఒంటరిగా పోటీ చేస్తున్నామని టీఆర్‌ఎస్ నేత ఈటెల రాజేందర్ స్పష్టం చేశారు. ఎన్నికల నేపథ్యంలో పలు అంశాలపై ‘సాక్షి’తో తన అభిప్రాయాలను పంచుకున్నారు.
 
 ఆ వివరాలు ఆయన మాటల్లోనే...     
  
  తెలంగాణ విభజన కోసం మూడు తరాలుగా ఉద్యమం జరుగుతోంది. కానీ 2001లో ఏర్పడిన టీఆర్‌ఎస్ పార్టీ ద్వారానే తెలంగాణ వచ్చిందనేది పచ్చి నిజం. ఎందరో అమరుల త్యాగాల ఫలితంగా, టీఆర్‌ఎస్ పోరాట పటిమను గుర్తించి ప్రజల ఆకాంక్షకు పట్టం కట్టారు. తెలంగాణను ప్రత్యేక రాష్ట్రంగా గుర్తించారు. అందుకే టీఆర్‌ఎస్ పార్టీకి ఓటేయాలని అంటున్నాం.
 
  ప్రజలు గుర్తించారు...
 
  సస్యశామలమైన, సామాజిక దృక్పథం కలిగిన తెలంగాణను సాధించి ఇస్తామని ప్రజలకు మేం మాట ఇచ్చాం. ఇప్పుడు తెలంగాణ వచ్చింది. ప్రజలకు ఇచ్చిన మాట నిలబెట్టుకోవాలంటే అధికారం కూడా కావాలి. ఉద్యోగాలు, ఉపాధి కల్పన, రాష్ట్ర సర్వతోముఖాభివృద్ధి సాధించాలంటే ఇంటి పార్టీ అయిన టీఆర్‌ఎస్‌తోనే సాధ్యం. మళ్లీ ప్రాంతీయేతర పార్టీలకు అధికారమిస్తే తెలంగాణకు అర్థం లేకుండా పోతుంది.
  
 కుటుంబ పార్టీలకు మూలం కాంగ్రెస్సే
 
  నెహ్రూ నుంచి రాహుల్‌గాంధీ వరకు దశాబ్దాలుగా ఆ పార్టీని శాసిస్తున్నారు. దేశంలోని అన్ని రాష్ట్రాల్లో ఇదే పరిసి ్థతి ఉంది. టీడీపీ కూడా అంతే. వీటికి మా పార్టీ భిన్నమే. ఎందుకంటే తెలంగాణ ఉద్యమాన్ని భుజానికెత్తుకున్న కేసీఆర్‌తో పాటు ఉన్నత ఉద్యోగాన్ని వదిలి ఉద్యమంలో పాల్గొన్న కేటీఆర్, తెలంగాణ జాగృతితో చైతన్యం తెచ్చిన కవిత గురించి అందరికీ తెలుసు. హరీష్‌రావు కూడా ఉద్యమకారుడే. వీరు పోటీ చేయడం తప్పెలా అవుతుంది.
  
 అర్థం లేని విమర్శలు
 
 విలీనం చేస్తామనే మాట మా పార్టీ ఎవ్వరికీ ఇవ్వలేదు. సాయం చేసిన వారికి మర్యాదపూర్వకంగా కలవడం తెలంగాణ బిడ్డల నైజం. అందుకే సోనియాకు, తెలంగాణకు సహకరించిన ప్రతి ఒక్కరికి కేసీఆర్ కృతజ్ఞతలు చెప్పారు. కానీ కాంగ్రెస్ తెరవెనుక కుట్రలకు పాల్పడింది. 1200 మంది అమరుల ప్రాణత్యాగాలను బలిగొని, మా పార్టీకి చెందిన విజయశాంతి, వివేక్, అరవిందరెడ్డి, విజయరామారావులను కాంగ్రెస్‌లో కలుపుకొంది.
 
  టీడీపీ భూస్థాపితం...
 
  టీడీపీ అధ్యక్షుడు చంద్రబాబు పెద్ద శిఖండి. చెప్పే మాటలకు చేసే పనులకు పొంతన లేదు. తెలంగాణలో మునిగిపోతున్న టీడీపీని భుజాన మోస్తున్న బీజేపీ కూడా మునిగిపోక తప్పదు. తెలంగాణ పేరు చెప్పి ఓట్లు అడిగే హక్కు టీఆర్‌ఎస్‌కే ఉంది. టీడీపీ మా పార్టీ నాయకులపై మొదట్లోనే కేసులు పెట్టించింది. తెలంగాణ ప్రజల ఆత్మగౌరవాన్ని దెబ్బతీసింది. ఎంతమందితో కలిసినా, సినిమా యాక్టర్లను తిప్పినా భూస్థాపితమయ్యే పార్టీ అది.
 
  పక్కా ప్రణాళికతో హామీలు నెరవేరుస్తాం...
 
  మా మేనిఫెస్టోకు పక్కా ప్రణాళిక ఉంది. తెలంగాణలో ఉన్న వనరులను ఉపయోగించుకుంటాం. ప్రజలకు అవసరమయ్యే ప్రతి పనిని చేసి చూపెడతాం. ఎన్నికల హామీలకు ప్రత్యేక బడ్జెట్‌ను కేటాయించి ఆ దిశగా పనిచేస్తాం.
 
  తెలంగాణ ఆంక్షాల మేరకే మద్దతు
 
  మా లక్ష్యం బంగారు తెలంగాణ. అధికారం కన్నా మాకు ఆకాంక్షే ముఖ్యం. మా డిమాండ్లను స్వాగతించి ఆ దిశగా అమలు చేసే వాళ్లకే కేంద్రంలో మా మద్దతు ఉంటుంది. ఫలితాల తర్వాతనే మా నిర్ణయం ప్రకటిస్తాం. ఏ పార్టీతో
  


 బయటివ్యక్తులు నియోజకవర్గాలను వీడి వెళ్లాలని ఈసీ ఆదేశం
  
  హైదరాబాద్: రాష్ట్రంలో ఈ నెల 30న పోలింగ్ జరిగే తెలంగాణలోని అన్ని జిల్లాల్లో సోమవారం సాయంత్రం 6 గంటలతో లోక్‌సభ, అసెంబ్లీ ఎన్నికల ప్రచారానికి తెరపడనుంది. అయితే నక్సలైట్ ప్రభావిత  11 అసెంబ్లీ నియోజకవర్గాల్లో మాత్రం ఆరోజు సాయంత్రం 4 గంటలకే ప్రచా రం ముగియనుంది. అంతే కాకుండా తెలంగాణ జిల్లాల్లోని నియోజకవర్గా ల్లో ఓట్లు లేని వారందరూ ఆయా నియోజకవర్గాలను సోమవారం సాయంత్రం 6 గంటలకల్లా విడిచి వెళ్లాలని రాష్ట్ర ప్రధాన ఎన్నికల అధికారి భన్వర్‌లాల్ శనివారం ఆదేశాలు జారీ చేశారు. హోటళ్లు, లాడ్జీలు, అతిథి గృహాలను తనిఖీలు చేసి అలాంటి వారు ఎవరైనా ఉంటే పంపించేయాల్సిందిగా జిల్లా అధికార యంత్రాంగాన్ని ఆదేశించారు. ఇక తెలంగాణ జిల్లాల్లో మావోయిస్టు ప్రభావిత నియోజకవర్గాలైన సిర్పూర్, ఆసిఫాబాద్, ఖానాపూర్, చెన్నూరు, మంథని, అచ్చంపేట, కల్వకుర్తి, కొల్లాపూర్, భూపాలపల్లి, ములుగు, భద్రాచలంలో 30వ తేదీ ఉదయం 7 గంటల నుంచి సాయంత్రం 4 గంటల వరకే పోలింగ్ జరుగుతుంది.
 
 మిగతా 108 నియోజకవర్గాల్లో ఉదయం 7 గంటల నుంచి సాయంత్రం 6 గంటల వరకు పోలింగ్ జరుగుతుంది. తెలంగాణలోని 17 లోక్‌సభ స్థానాల్లో మొత్తం 265 మంది అభ్యర్థులు పోటీ పడుతుండగా.. 119 అసెంబ్లీ స్థానాలకు గాను 1669 మంది అభ్యర్థులు బరిలో ఉన్నారు. ఈ నియోజకవర్గాల్లో మొత్తం 2,81,66,266 మంది ఓటు హక్కు వినియోగించడానికి వీలుగా 30,518 పోలింగ్ కేంద్రాలను ఏర్పాటు చేస్తున్నా రు. కాగా, ఈ ప్రాంతంలో 8 లోక్‌సభ, 31 అసెంబ్లీ స్థానాల్లో 15 మంది కన్నా ఎక్కువ అభ్యర్థులు పోటీలో ఉండడంతో అక్కడ రెండేసి ఈవీఎంలను వినియోగించనున్నారు. అంబర్‌పేట అసెంబ్లీకి అత్యధికంగా 32 మంది అభ్యర్థులు పోటీ పడుతున్నారు. తెలంగాణలో ఇప్పటికే 75 శాతం ఓటర్లకు ఫొటోతో కూడిన ఓటర్ స్లిప్‌ల పంపిణీ పూర్తి చేశారు. మిగతా స్లిప్‌ల పంపిణీ ఆదివారానికి పూర్తి చేయనున్నారు. ఇప్పటి వరకు రాష్ట్రంలో 125 కోట్ల రూపాయలను స్వాధీనం చేసుకున్నారు. 4.40 లక్షల లీటర్ల మద్యం స్వాధీనం చేసుకోవడంతో పాటు 14,661 మందిని అరెస్టు చేశారు. 8,227 బెల్ట్ షాపులను మూయించారు.
 
  పోలింగ్ ఎగ్జిట్‌పోల్ నిర్వహించరాదు..
 
  తెలంగాణలో 30న పోలింగ్ జరగనున్నందున 48 గంటల ముందు నుంచి ఎటువంటి ఒపీనియన్ పోల్ ప్రసారాలను ఎలక్ట్రానిక్, ప్రింట్ మీడియాలో ప్రసారం చేయరాదని కమిషన్ పేర్కొంది. అలాగే పోలింగ్‌రోజు ఎవరూ ఎగ్జిట్‌పోల్ ని ర్వహించరాదని.. తెలంగాణ జిల్లాల్లో ఎన్నికలకు సంబంధిం చి 28వ తేదీ సాయంత్రం నుంచి ఎలక్ట్రానిక్, ప్రింట్ మీడియాలో ఎటువంటి ప్రచారం ఇవ్వరాదని స్పష్టం చేశారు.
  


 ఇంటర్వ్యూ   దామోదర రాజనర్సింహ
  
  కేసీఆర్ మాటలు నమ్మొద్దు గడీల పాలన మనకొద్దు స్థానికత కచ్చితంగా ఉంటుంది వైఎస్ డైనమిక్ నాయకుడు
  
  
  
  వర్ధెల్లి వెంకటేశ్వర్లు, సంగారెడ్డి
 
  ‘తెలంగాణ పసిబిడ్డ తల్లి పొత్తిళ్లలో ఉంది. దాని బాగోగులు చూసే బాధ్యత తల్లి సోనియాకే ఇవ్వాలి. పూటకో మాట మాట్లాడే మాయల మరాఠి కేసీఆర్ మాటలు నమ్మి మోసపోవద్దు. ప్రాణాలు త్యాగం చేసి...కొట్లాడి తెచ్చుకున్న తెలంగాణలో మళ్లీ ‘బాంఛన్ నీ కాల్మొక్త’ అనే గడీల పాలన వద్దే వద్దు’ అంటున్నారు మాజీ డిప్యూటీ ముఖ్యమంత్రి, తెలంగాణ కాంగ్రెస్ ప్రచార కమిటీ చైర్మన్ సిలారపు దామోదర రాజనర్సింహ. సోనియాగాంధీ బహిరంగ సభకు వేదిక ఏర్పాట్లు పరిశీలించేందుకు వచ్చిన సందర్భంగా సాక్షికిచ్చిన ఇంటర్వ్యూ విశేషాలు ఆయన మాటల్లోనే..
  
  
  కేసీఆర్ మెర్జ్.. డీ మెర్జ్ అన్నాడు. మా దగ్గర రికార్డు ఉంది. పోలవరం ప్రాజెక్టు నిర్మాణానికి మేం వ్యతిరేకం  కాదు. కానీ పర్యావరణం, అక్కడి గిరిజనులకు ఎలాంటి నష్టం లేకుండా ప్రాజెక్టు కట్టాలని మేం డిమాండ్ చేస్తున్నాం. ఉద్యోగుల ఆప్షన్లు అంటారా..! రాష్ట్రాల విభజన కొత్తేమీ కాదు. ఈ రోజే జరుగుతున్న అంశం కాదు. కేసీఆర్ మాట మార్చి ఓట్ల కోసం ఉద్యోగుల ఆప్షన్లను తెర మీదకు తెచ్చాడు. ఉద్యోగుల బదిలీలు, పదోన్నతులపై ఒక కమిటీ ఉంది. ఆ కమిటీ నివేదిక ఆధారంగా నిర్ణయం తీసుకుంటారు. అందులో కచ్చితంగా స్థానికత ఉంటుంది. ఎస్సీ, ఎస్టీలు, ఇతర అంశాలను పరిగణనలోకి తీసుకున్నాకే ఉద్యోగుల బదిలీలుంటాయి. కేసీఆర్‌ను ఒక్క మాట అడుగుతున్న... పోలవరం ముంపు సమస్య ఉన్నప్పుడు, ఉద్యోగుల ఆప్షన్ల సమస్య ఉన్నప్పుడు కేసీఆర్ ఎందుకు తెలంగాణ వచ్చిన రోజు ఒంటెల మీద, గుర్రాల మీద కూర్చొని ఊరేగి సంబరాలు చేసుకున్నడు. అప్పుడు కనిపించలేదా ఈ సమస్యలు?. కేసీఆర్ ప్రజలకు సమాధానం చెప్పాలి.
  
 కేసీఆర్‌ని ప్రజలు గమనిస్తున్నారు
 
  కేసీఆర్ ఇదే ఆందోల్‌లో మీటింగ్ పెట్టి సింగూరు కట్ట మీద కుర్చీ వేసుకొని కూ ర్చుంటానని చెప్పాడు. సింగూరు నీళ్లను మెదక్ జిల్లాకు పారిస్తానని చెప్పాడు. సింగూరు నీళ్లే నిజాం సాగర్ వెళ్తాయి. నిజామాబాద్ పోయి ఏం చెప్పాడు? నిజాం సాగర్ కట్ట మీద కుర్చీ వేసుకొని కూర్చొని నిజామాబాద్‌కు నీళ్లు పారిస్తానని చెప్పాడు. ఇందులో ఏది నిజమో ఆయనే చెప్పాలి. కేసీఆర్ మాటలను ప్రజలు గమనిస్తున్నారు. అవకాశం వచ్చినప్పుడు ప్రజలే తగిన విధంగా స్పందిస్తారు.
 
  మోడీ గురించి తక్కువ మాట్లాడాలి
 
  మోడీ గురించి ఎంత తక్కువ మాట్లాడితే అంత మంచిది. కాకుంటే మోడీని చూసి మీడియాను ఎలా మేనేజ్ చేయాలో నేర్చుకోవచ్చు.
  ఆందోల్ ప్రగతికి ఎంతో కృషి పదేళ్ల కిందట ఆందోల్ ఎలా ఉండేది? ఇప్పుడు ఎలా తయారైంది. ఆందోల్ ప్రజలు ఎప్పుడైనా కలగన్నారా? జేఎన్‌టీయూ వస్తుందని. సింగూరు జలాల ట్రయల్ రన్ జరుగుతుందని ప్రజలు ఊహించారా? జోగిపేటలో మూడు పాలిటెక్నిక్, రెండు డిగ్రీ కళాశాలలు, పీజీ సెంటర్ ఉన్నాయి. మార్కెట్, రోడ్లు, సబ్‌స్టేషన్లు అన్ని తెచ్చాను. నా వంతు కృషి చేశాను. మిగిలింది ప్రజలు నిర్ణయిస్తారు.
 
  కేసీఆర్ మీడియా తయారు చేసిన నేత
 
 మీడియాకు, కేసీఆర్‌కు ఉన్న సంబంధమేంటో భగవంతుడికే తెలియాలి. కేసీఆర్ మీడియా తయారు చేసిన నాయకుడు. మీరు సామాన్యుని దగ్గరకు వెళ్లి తెలంగాణ
  
  వైఎస్ లాంటి డైనమిక్ లీడర్ లేడు
  
 వైఎస్సార్ లాంటి డైనమిక్ లీడర్ ఉన్నప్పుడు మాలాంటి వాళ్లంత తోసుకొని ముందుకు పోయాం. అలాంటి నేత ఇప్పుడు లేడు. తెలంగాణ ఇచ్చిన తల్లి సోనియా ఈ గడ్డ మీద కాలు పెడుతుంటే... ఆ తల్లిని చూడాలని లక్షలాది జనం ఆరాట పడుతున్నారు. కానీ వారందరినీ తీసుకొని రావడంలో మేం విఫలమయ్యాం. ఇది మా దౌర్భాగ్యం.
  
  


  సీమాంధ్రకు సీఎంను అయినా.. తెలంగాణను వదులుకోను  వైఎస్‌ఆర్ సీపీ అధ్యక్షుడు వైఎస్ జగన్‌మోహన్‌రెడ్డి
  
  వైఎస్‌ను మించిన కమ్యూనిస్టు లేడు
  
 2009లో మధిరలో రూ.150 కోట్లతో వైఎస్ అభివృద్ధి పనులకు శంకుస్థాపన చే శారు. అప్పట్లో ఇక్కడి ఎమ్మెల్యే వెంకటనర్సయ్య ముఖ్యమంత్రి వైఎస్ రాజశేఖరరెడ్డిని మించిన కమ్యూనిస్టు లేరని వైఎస్‌ను గొప్పగా పొగిడారు. దివంగత వైఎస్‌ను మించిన గొప్ప కమ్యూనిస్టు ఎవరూ లేరు. కులాలు, మతాలు, ప్రాంతాలు, రాజకీయాలు, పార్టీలకతీతంగా ప్రతి పేదవాడి గుండెల్లో రాజశేఖరరెడ్డి స్థానం సంపాదించుకున్నారు. - వైఎస్ జగన్
    
  
   ఖమ్మం/నల్లగొండ: తెలంగాణలో ఇతర పార్టీల దిమ్మ తిరిగేలా వైఎస్‌ఆర్ కాంగ్రెస్ పార్టీ అత్యధిక స్థానాల్లో అభ్యర్థులను నిలబెట్టిందని, ఎన్నికలయ్యాక కూడా తాము ఇక్కడ బలమైన శక్తిగా ఉంటామని వైఎస్‌ఆర్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి ఉద్ఘాటించారు. ‘‘తెలంగాణలో వైఎస్‌ఆర్ కాంగ్రెస్ పార్టీ ఉండనే ఉండదని కొందరన్నారు. అందరి గూబ పగిలేలా.. అందరికీ అర్థమయ్యేలా తెలంగాణలో 98 అసెంబ్లీ, 11 పార్లమెంట్ స్థానాలకు అభ్యర్థులను నిలబెట్టాం. మన భాషరాని, మన దేశస్తురాలు కాని సోనియా గాంధీ ఓట్ల కోసం, సీట్ల కోసం ఇక్కడ రాజకీయాలు చేస్తోంది. ఈ భాష తెలిసిన వాడిని, ఈగడ్డ మీద పుట్టిన వాడిని. ఈతెలంగాణ నాది. నేనెందుకు ఉండకూడదు తెలంగాణలో? దివంగత నేత వైఎస్ రాజశేఖరరెడ్డి నాకింత పెద్ద కుటుంబాన్ని ఇచ్చి వెళ్లారు’’ అని ఉద్వేగంగా వ్యాఖ్యానించారు. ‘‘తెలంగాణ ప్రజలకు రాజకీయ అవగాహన ఎక్కువ. ఇక్కడ ఎక్కువ స్థానాలు వచ్చే పార్టీకి కూడా 40 నుంచి 45 స్థానాలు మించవు. రానున్న రోజుల్లో వైఎస్‌ఆర్ కాంగ్రెస్ పార్టీ తెలంగాణలో ముఖ్య భూమిక పోషించబోతోంది’’ అని అన్నారు. సీమాంధ్రలో తమిళనాడు తరహా ఫలితాలు వస్తాయని, కుప్పం నుంచి శ్రీకాకుళం వరకు అంతా ఒకే పార్టీ.. వైఎస్‌ఆర్ కాంగ్రెస్‌కే ఓటేస్తారని విశ్వాసం వ్యక్తంచేశారు. రాబోయే రోజుల్లో తన సోదరి షర్మిల తన తరఫున తెలంగాణలో ఓదార్పు యాత్ర చేస్తారని, తెలంగాణపై ఆమె ఎక్కువ ధ్యాస పెడతారని చెప్పారు. ‘వైఎస్‌ఆర్ జనభేరి’ పేరుతో నిర్వహిస్తున్న ఎన్నికల ప్రచారంలో భాగంగా జగన్‌మోహన్‌రెడ్డి శనివారం నల్లగొండ జిల్లా కోదాడ, హుజూర్‌నగర్ నియోజకవర్గ కేంద్రాల్లోనూ, ఖమ్మం జిల్లా మధిర, కొత్తగూడెం నియోజకవర్గ కేంద్రాల్లోనూ బహిరంగ సభల్లో పాల్గొన్నారు. సభలకు పోటెత్తిన ప్రజల్ని ఉద్దేశించి ఆయన ఉద్వేగంగా ప్రసంగించారు. ప్రసంగాల సారాంశం ఆయన మాటల్లోనే..
  
 తెలంగాణను వదులుకోను..
 
  ‘‘రాబోయే రోజుల్లో సీమాంధ్ర సీఎంగా ప్రమాణ స్వీకారం చేస్తా.. అయినా తెలంగాణను మాత్రం మర్చిపోను. రాష్ట్రాన్ని విడగొట్టినా.. తెలుగుజాతిని, తెలుగు ప్రజల మనసును విడగొట్టలేరు. ఇక్కడి వారికి ఏ కష్టం వచ్చినా అక్కడి వారు తోడుగా ఉంటారు.. అక్కడి ప్రజలకు ఏ కష్టం వచ్చినా ఇక్కడి ప్రజలు తోడుగా ఉంటారు.. ఎట్టిపరిస్థితుల్లో తెలంగాణను విడిచిపెట్టేది లేదు. రాబోయే రోజుల్లో నా సోదరి షర్మిలతో తెలంగాణలో ఓదార్పు యాత్ర చేయిస్తా. ఓదార్పు యాత్రతో ఎవరూ వెళ్లని మారుమూల గ్రామాలకు వెళ్లినపుడు.. ప్రతి పేదవాడి దగ్గరకు వెళ్లి, వారి గుడిసెలోకి వెళ్లి, వారితో మాట్లాడినపుడు ఆ పేదవాడి తలంపులే మన తలంపులవుతాయి. ఆ పేద వ్యక్తి జీవితాన్ని ఎలా మార్చాలన్న ఆలోచన మన మదిలో పరుగెత్తుతుంది. అప్పుడు మంచి రాజకీయ నాయకులు తయారవుతారు.. పేదల కష్టాలు అర్థం అవుతాయి. అందుకే షర్మిల చేత ఓదార్పు యాత్ర చేయిస్తాను. ప్రతి పేదవాడి సమస్యలు తెలియాలంటే.. ప్రతీ రాజకీయ నేత ఓదార్పు కార్యక్రమం చేపట్టాలి.
  
 ఓదార్పుతోనే మేనిఫెస్టోకు అంకురార్పణ..
 
  ఓదార్పు అన్న ఒక్క మాట కోసం ఎంతవరకైనా వెళ్లాను. ప్రతి ఇంటికీవెళ్లా. ప్రతి వారితో మాట్లాడా. ఏడెనిమిది వందల ఇళ్లకు వెళ్లా. వారిని చూసే, వారి కష్టాలు తెలుసుకునే మేనిఫెస్టోను రూపొందించా. అక్కా చెల్లెమ్మల కోసం, వారి పిల్లల చదువుల కోసం, అవ్వా తాతల కోసం, రైతుల కోసం, డ్వాక్రా మహిళల కోసం పథకాలు రూపొందించా. రైతులకు కనీస మద్దతు ధర ఇప్పించేందుకు రూ.3వేల కోట్లతో స్థిరీకరణ నిధిని ఏర్పాటు చేస్తా. డ్వాక్రా మహిళా సంఘాలు తీసుకున్న రుణాలను మాఫీ చేస్తా. సీమాంధ్రలో సీఎంగా అధికారంలోకి రాగానే ఐదు సంతకాలు పెడతానని ప్రతి సభలో చెబుతున్నా.. వీటితోపాటు మరో ఆరు కార్యక్రమాలు కలిసి 11 కార్యక్రమాలు ఉంటాయి. ఇక్కడి సీఎంతో కూడా ఇవే కార్యక్రమాలను చేయించేందుకు కృషి చేస్తా.
  
 కాంగ్రెస్ వాళ్లను నిలదీయండి..
 
  మరో మూడు రోజుల తర్వాత సార్వత్రిక ఎన్నికలు జరుగుతున్నాయి. వైఎస్‌ఆర్ పాలనను గుర్తు తెచ్చుకోండి. సీఎం అంటే ఇలా ఉండాలని దేశానికి చాటిచెప్పిన మహానేత. ఆయన మన మధ్య లేకున్నా, ప్రతి వ్యక్తీ ఆయన తమ గుండె లోతుల్లో ఉన్నాడని అంటున్నారు. వైఎస్ ఎప్పుడూ పేదవాడి కి తోడూ నీడగా నిలిచారు. కులాలు, మతాలు, ప్రాంతాలని చూడలే దు. పేదవాడి గుండెల్లో స్థానం కోసమే చూశాడు. మహానేత అందించిన సువర్ణ పాలన కావాలంటే వైఎస్‌ఆర్ సీపీని ఆశీర్వదించండి. దివంగత ముఖ్యమంత్రి, మన ప్రియతమ నాయకుడు వైఎస్ రాజశేఖరరెడ్డి మరణం తర్వాత రాష్ట్రంలో ఒక్క రేషన్‌కార్డు, ఒక్క పింఛన్, ఒక్క ఇల్లు ఇచ్చారా..? అని ఎన్నికల కోసం ఓటడిగేందుకు వస్తున్న కాంగ్రెస్ పార్టీ వాళ్లని అడగండి. మీకెందుకు ఓటెయ్యాలని గట్టిగా ప్రశ్నించండి.
  
 కాంగెస్‌కు చరమ గీతం పాడండి
 
  కాంగ్రెస్‌కు మనస్సాక్షి లేదు.. కావాల్సింది ఓట్లే. అందుకే రాష్ట్రం, దేశం తలదించుకునేలా కాంగ్రెస్ రాజకీయం చేసింది, ఈ ఎన్నికల్లో ఆ పార్టీకి చరమగీతం పాడాలి. వైఎస్ మరణం తర్వాత రాష్ట్రంలో రాజకీయం అన్న పదానికి అర్థం మారింది. ఎంతగా రాజకీయాలు దిగజారాయంటే చదరంగంగా మారాయి. ఒకరిని తప్పిస్తే, ఒక పార్టీని లేకుండా చేస్తే, జైల్లో అక్రమంగా పెడితే ఓట్లు రాలుతాయేమోనని రాజకీయాలు చేశారు. ఓట్ల కోసం ఏగడ్డి అయినా తినడానికి ఇవాళ్టి రాజకీయ నాయకులు వెనుకాడటం లేదు. కాంగ్రెస్ పాలనను అంతమొందించి వైఎస్ సువర్ణయుగం తెచ్చుకునేందుకు పోరాడాలి. విశ్వసనీయత, నిజాయితీ - కుళ్లు, కుతంత్రాల మధ్య జరుగుతున్న ఈ ఎన్నికల్లో వైఎస్‌ఆర్ కాంగ్రెస్ అభ్యర్థులను ఆశీర్వదించండి.
  
  ఓటేసేముందు బాబు భయానక పాలనను గుర్తు తెచ్చుకోండి
  
 తన తొమ్మిదేళ్ల భయానక పాలనలో ఏఒక్క రోజూ పేదల గురించి, రైతులు, వృద్ధులు, వితంతువుల గురించి, పేదల ఆరోగ్యం, వృద్ధుల పింఛన్ గురించి ఆలోచించని చంద్రబాబు నాయుడు ఇప్పుడు అడ్డగోలుగా అబద్ధాలాడుతూ నోటికి ఏది వస్తే అది మాట్లాడుతున్నారని జగన్ విమర్శించారు. ఓటేసేందుకు వెళ్లే ముందు చంద్రబాబు భయానక పాలనను ఒక్కసారి గుర్తు తెచ్చుకోవాలని ఆయన కోరారు. నిజాయితీ అనే పదానికి అర్థం తెలియని, విశ్వసనీయత లేని మాటలు చంద్రబాబు మాట్లాడుతున్నారని, ఎన్నికల మందు ఒక మాట, ఆతర్వాత ఒక మాట్లాడటం బాబుకు కొత్తేమీ కాదని అన్నారు.
  
  ఖమ్మం, మహబూబాబాద్‌లో  నేడు జగన్ ప్రచారం
 
  హైదరాబాద్: సార్వత్రిక ఎన్నికల ప్రచారంలో భాగంగా వైఎస్సార్‌సీపీ అధ్యక్షుడు జగన్‌మోహన్‌రెడ్డి ‘వైఎస్సార్ జనభేరి’ పేరిట ఆదివారం సుడిగాలి పర్యటన చేయనున్నారు. ఖమ్మం, మహబూబాబాద్ పార్లమెంట్ సీట్ల పరిధిలోని పలు నియోజకవర్గాలతో పాటు గ్రేటర్ హైదరాబాద్ పరిధిలోని నియోజకవర్గాల్లో ఆయన పర్యటించనున్నట్లు పార్టీ కార్యక్రమాల సమన్వయకర్త తలశిల రఘురాం తెలిపారు. ఆదివారం ఉదయం 9.30 గంటలకు స త్తుపల్లిలో రోడ్‌షో, 11గంటలకు వైరాలో, 12.30కు ఖమ్మంలో రోడ్‌షో నిర్వహించనున్నారు. మధ్యా హ్నం 3కు మహబూబాబాద్ సభలో పాల్గొంటారు. సాయంత్రం 6 గంటలకు సికింద్రాబాద్‌లోని అడ్డగుట్టలో, రాత్రి 8 గంటలకు శేరిలింగంపల్లిలో ఏర్పాటు చేసే సభల్లో జగన్ ప్రసంగించనున్నారు.
  


 తెలంగాణ కాంగ్రెస్ వ్యవహారాలను చేతుల్లోకి తీసుకున్న అధిష్టానం
  స్థానికంగా మకాం వేసి వ్యక్తిగతంగా పర్యవేక్షిస్తున్న ఏఐసీసీ పెద్దలు
  తెలంగాణ సీనియర్ల తీరుపై అసహనం.. నామమాత్రంగా పొన్నాల
  
  పసునూరు మధు
 
  పేరుకే తెలంగాణ ప్రదేశ్ కాంగ్రెస్ కమిటీ. ఇక పెత్తనమంతా ఢిల్లీ పెద్దలదే. తెలంగాణలో కాంగ్రెస్ పార్టీని, ఎన్నికల వ్యవహారాన్ని అధిష్టానం పెద్దలు పూర్తిగా తమ చేతుల్లోకి తీసుకున్నారు. ఏఐసీసీకి చెందిన ఏడుగురు ప్రముఖులు ప్రస్తుతం తెలంగాణలోనే పూర్తిగా మకాం వేసి ఎన్నికలను పర్యవేక్షిస్తున్నారు. తెలంగాణలో ఏయే నియోజకవర్గాల్లో పార్టీ బలహీనంగా ఉంది? అధిగమించేందుకు ఏం చేయాలి? అభ్యర్థుల ప్రచార సరళి ఎలా ఉంది? తెలంగాణ కాంగ్రెస్ సీనియర్లు వారికి అప్పగించిన బాధ్యతలను ఏ విధంగా నెరవేరుస్తున్నారు? ఇలాంటి అంశాలపై ఎప్పటికప్పుడు వివరాలు సేకరించడంతో పాటు ఆయా ప్రాంతాల్లో అభ్యర్థుల గెలుపుకు తీసుకోవాల్సిన చర్యలపై నేతలను సమాయత్తపరుస్తున్నారు. పోలింగ్‌కు మరో మూడు రోజులే వ్యవధి ఉండటంతో పోల్ మేనేజ్‌మెంట్ దిశగా పావులు కదుపుతున్నారు. నియెజకవర్గాల్లో కాంగ్రెస్ బలహీనంగా ఉన్న పోలింగ్ స్టేషన్ల వివరాలు తెప్పించుకుని అక్కడ స్థానికంగా పట్టున్న నేతలను దారిలోకి తెచ్చుకునేందుకు అనుసరించాల్సిన వ్యూహాన్ని అభ్యర్థులకు వివరిస్తూ అవసరమైతే ఆర్థిక వనరులను కూడా సమకూర్చే పనిలో పడ్డారు.
 
  ఏడుగురూ హేమాహేమీలే
 
  తెలంగాణ రాష్ట్రాన్ని ఏర్పాటు చేస్తున్నా కాంగ్రెస్‌కు పూర్తిస్థాయిలో ఓట్లు రాలే పరిస్థితి లేకపోవడంతో అధిష్టానం పెద్దలంతా ఇప్పుడు తెలంగాణపైనే ప్రధానంగా దృష్టి సారించారు. ఇప్పటికే ప్రధానమం త్రి మన్మోహన్‌సింగ్, సోనియాగాంధీ ఒక్కోసారి, ఉపాధ్యక్షుడు రాహుల్‌గాంధీ రెండుసార్లు తెలంగాణలో ఎన్నికల ప్రచారం నిర్వహించారు. ఆదివావారం సోనియాగాంధీ మరోమారు తెలంగాణలోని రెండు లోక్‌సభ నియోజకవర్గాల పరిధిలో ప్రచారానికి సిద్దమయ్యారు. అయినప్పటికీ కాంగ్రెస్ మెజారిటీ సాధించే పరిస్థితి కన్పించకపోవడం, అదే సమయంలో టీఆర్‌ఎస్ దూసుకుపోతుండటంతో పునరాలోచనలో పడిన సోనియా, రాహుల్... రాష్ట్ర వ్యవహారాలతో సంబంధమున్న ఏఐసీసీ నేతలందరినీ రంగంలోకి దించారు. కేంద్ర మంత్రి జైరాం రమేశ్, ఏఐసీసీ ఎస్సీ విభాగం చైర్మన్ కొప్పుల రాజు పక్షం రోజులుగా తెలంగాణలోనే మకాం వేయడం తెలి సిందే. దిగ్విజయ్‌సింగ్, గులాంనబీ ఆజాద్, వయలార్ రవి, కేబీ కృష్ణమూర్తి కూడా రెండు రోజులుగా హైదరాబాద్‌లోనే మకాం వేశారు. రోజూ వీరంతా సమావేశమై ఏయే నియోజకవర్గాల్లో పార్టీ పరిస్థితి ఎలా ఉంది, కాంగ్రెస్ గెలుపు కోసం అభ్యర్థులు, నాయకులు ఏం చేస్తున్నారంటూ సమీక్షిస్తున్నారు.
  పొన్నాల నామమాత్రమే
  ఏ రాష్ట్రంలోనైనా పీసీసీ అధ్యక్షుడి పాత్ర చాలా క్రియాశీలకంగా ఉంటుంది. ముఖ్యమంత్రి, ప్రభుత్వం లేనిచోట్లలోనైతే ఆయన నిర్ణయాలే శిరోధార్యాలవుతాయి. కానీ తెలంగాణ ప్రదేశ్ కాంగ్రెస్ కమిటీకి తొలి అధ్యక్షుడిగా నియమితుడైన పొన్నాల లక్ష్మయ్య పాత్ర ఎన్నికల్లో నామమాత్రంగా మారింది. అభ్యర్థుల ఎంపిక, సీట్ల కేటాయింపు మొదలుకుని ఆర్థిక వనరుల వినియోగం దాకా అంతా అధిష్టానమే పర్యవేక్షిస్తోంది.
  ఆర్థిక వ్యవహారాలు ఆంధ్రా నేత చేతికి!
  టికెట్ల ఎంపికలో తన మాట చెల్లుబాటు కాకపోవడం తో ఆర్థిక వనరుల విషయంలో పెద్దలతో పొన్నాల అంటీముట్టనట్టుగా వ్యవహరిస్తున్నారు. దాంతో కాం గ్రెస్ అధిష్టానం టీపీసీసీ ద్వారా నిధుల వినియోగం, ఇతరత్రా అవసరాలకు సంబంధించిన ఆర్థిక వ్యవహారాలన్నీ సీమాంధ్రకు చెందిన పీసీసీ మాజీ చీఫ్ చేతిలో పెట్టింది. ఇక సీఎం ఆశావహులైన పలువురు కాంగ్రెస్ సీనియర్లను కూడా నియోజకవర్గాలకే పరిమితం చేసింది అధిష్టానం. ఒక్కొక్కరికీ మూడు సెగ్మెంట్ల బాధ్యతలు అప్పగించింది.  అక్కడి అభ్యర్థుల గెలుపును పూర్తిగా వారి చేతుల్లోనే పెట్టింది!
  
  


 కాంగ్రెస్‌ను వణికిస్తున్న ఓటమి భయం     మెజారిటీ స్థానాలు రావనే సంకేతాలు అందడంతో ఆందోళన
  
 {పజలను ఆకర్షించేందుకు ఇతర హామీలు
 కొత్త వివాదానికి తెరదీసిన ‘మహిళా సీఎం’
 మొన్న జైరాం నోట దళిత సీఎం మాట
 నేడు రాహుల్ మహిళా సీఎం మంత్రం
  
   హైదరాబాద్: కాంగ్రెస్ పార్టీ వెన్నులో వణుకు మొదలైంది. తెలంగాణలో మెజారిటీ స్థానాలు రావనే భయం పట్టుకుంది. ఈ మేరకు వివిధ మార్గాల ద్వారా అందుతున్న సర్వేలు అదే విషయాన్ని స్పష్టం చేయడంతో పునరాలోచనలో పడింది.  దేశవ్యాప్తంగా ఎన్ని విమర్శలు ఎదురైనా, చివరకు సొంత పార్టీలో తీవ్ర సంక్షోభం ఏర్పడినా లెక్క చేయకుండా తెలంగాణ రాష్ర్ట ఏర్పాటు చేస్తుంటే దానికి తగిన ప్రతిఫలం దక్కడం లేదనే సంకేతాలు కాంగ్రెస్ నేతలకు ఊపిరి సలపనీయడం లేదు. ఇలా జరిగితే దేశవ్యాప్తంగా తప్పుడు సంకేతాలు వెళతాయని భావించిన కాంగ్రెస్ పెద్దలు తెలంగాణ ప్రజలను ఆకట్టుకునేందుకు కొత్త హామీలను జపిస్తున్నారు. బ్యాంకులకు బకాయి ఉన్న రూ. 2 లక్షలలోపు రైతు రుణాలను మాఫీ చేస్తామనే కొత్త పల్లవి అందుకున్నారు. ఈ విషయాన్ని వరంగల్ వేదికగా రాహుల్‌తో  చెప్పించారు. ఈ హామీ ఓట్లను కురిపిస్తుందని కాంగ్రెస్ నేతల ఆశ పడుతున్నారు.
  
 నాడు కుదరదన్న వాళ్లే..నేడు హామీకి తెగబడ్డారు
 
  వాస్తవానికి కాంగ్రెస్ ఎన్నికల ప్రణాళికలో ఈ హామీ లేదు. ప్రదేశ్ ఎన్నికల హామీల కమిటీ సభ్యులు ఈ అంశంపై సుదీర్ఘంగా కసరత్తు చేశారు. పార్టీ రాష్ట్ర వ్యవహారాల ఇంచార్జీ దిగ్విజయ్‌సింగ్,  కేంద్ర మంత్రి జైరాం రమేశ్, ఏఐసీసీ ఎస్సీ సెల్ ఛైర్మన్ కొప్పుల రాజులు రుణమాఫీ సాధ్యాసాధ్యాలపై చర్చించారు. అయితే ఏఐసీసీ పెద్దలెవరూ దీనిని మేనిఫెస్టోలో చేర్చేందుకు ఒప్పుకోలేదు. రైతు రుణాలను మాఫీ చేయాలంటే వేల కోట్లు అవసరమవుతాయని, అంత డబ్బు ఎక్కడి నుంచి తెస్తారని ప్రశ్నించారు. అయితే తెలంగాణ రైతులను ఆకట్టుకోవాలంటే ఏదో ఒక హామీని ఇవ్వక తప్పదని మేనిఫెస్టో కమిటీ సభ్యులు చెప్పడంతో పార్టీ అధికారంలోకొస్తే బ్యాంకు ఖాతా ఉన్న ఒక్కో రైతుకు రూ. 10 వేల నగదు ప్రోత్సాహకం ఇవ్వాలని నిర్ణయించారు. ఆ అంశాన్నే మేనిఫెస్టోలో పొందుపర్చారు. కానీ ఎన్నికల్లో టీఆర్‌ఎస్ దూసుకుపోతుండటం, కాంగ్రెస్‌కు ఆశించిన ఫలితాలు దక్కేలా కన్పించకపోవడంతో హైకమాండ్ పెద్దల ఆలోచన మారింది. లక్ష రుణమాఫీ, రెండు బెడ్‌రూమ్‌ల ఇళ్ల నిర్మాణం వంటి అంశాలతో కేసీఆర్ ప్రజలను ఆకట్టుకుంటున్నందున కాంగ్రెస్ కూడా రుణమాఫీ అంశాన్ని ప్రస్తావించక తప్పదని నిర్ధారించారు. గురువారం రాత్రి దిగ్విజయ్‌సింగ్, వయలార్ రవి, జైరాం రమేశ్, కొప్పుల రాజు, కేబీ కృష్ణమూర్తి ఈ మేరకు ఒక నిర్ణయం తీసుకుని సోనియా, రాహుల్‌గాంధీ దృష్టికి తీసుకెళ్లారు. వారు గ్రీన్ సిగ్నల్ ఇవ్వడంతో శుక్రవారం ఉదయం ఆదిలాబాద్ జిల్లాలో పర్యటించిన జైరాం రమేశ్ తొలుత రైతులకు రూ. 2 లక్షల రుణాలను మాఫీ చేస్తామని ప్రకటించారు. ఆ వెంటనే రాహుల్‌గాంధీ వరంగల్ సభలో మాట్లాడుతూ ఇదే హామీని ప్రకటించారు. రాహుల్ తాజా హామీతో రూ. 2 లక్షల రుణమాఫీని అమలు చేస్తామని చెప్పాలా? లేక మేనిఫెస్టోలో పొందుపర్చినట్టు ప్రతి ఒక రైతుకు రూ. 10 వేల నగదు ప్రోత్సాహం అమలు చేస్తామని చెప్పాలా? లేక రెండు హామీలను అమలు చేస్తామని ప్రజల్లోకి వెళ్లాలా? అనే  దానిపై కాంగ్రెస్ పెద్దల్లో స్పష్టత లేకుండా పోయింది.
 
  ‘మహిళా సీఎం’ బాంబు... నైరాశ్యంలో సీనియర్లు
 
  ఇదిలాఉండగా, వరంగల్ సభలో రాహుల్‌గాంధీ ప్రస్తావించిన మహిళా సీఎం అంశం కాంగ్రెస్‌లో సంచలనం రేపుతోంది. తెలంగాణలో మహిళా సీఎంను చూడాలన్నదే తన కల అని, త్వరలోనే అది నెరవేరాలని ఆకాంక్షిస్తున్నానంటూ ఆయన చేసిన వ్యాఖ్యలు చర్చనీయాంశమయ్యాయి. రాహుల్ గాంధీ చేసిన ఈ వ్యాఖ్యల వెనుక ఆంతర్యమేమిటనే అంశంపై పార్టీ నేతలు భిన్నాభిప్రాయాలు వ్యక్తం చేస్తున్నారు. తెలంగాణలో 119 సీట్లకు గాను 9 మంది మహిళలే కాంగ్రెస్ తరఫున పోటీలో ఉన్నారు. వారిలో డీకే అరుణ, గీతారెడ్డి, సునీత లక్ష్మారెడ్డి మాత్రమే మంత్రులుగా పనిచేశారు. మిగిలిన వారిలో జయసుధ(సికింద్రాబాద్), కుంజా సత్యవతి(భద్రాచలం), మాలోతు కవిత(మహబూబాబాద్) ఎమ్మెల్యేలుగా ఉన్నారు. ఎంపీగా ఉన్న విజయశాంతి ప్రస్తుతం మెదక్ అసెంబ్లీకి పోటీ చేస్తున్నారు. ఇక ఎర్రబెల్లి స్వర్ణ, పద్మావతి ఉత్తమ్ (కెప్టెన్ ఉత్తమ్‌కుమార్‌రె డ్డి సతీమణి) తొలిసారిగా అసెంబ్లీకి పోటీచేస్తున్నారు.  రాహుల్ నోట మహిళా సీఎం అనే మాట విన్పించడంతో వీళ్లలో ఎవరికి అవకాశం ఉంటుందా? అనే చర్చలు కొనసాగుతున్నాయి. ఒకవేళ జైరాం ఇచ్చిన దళిత సీఎం, రాహుల్‌గాంధీ చెప్పిన మహిళా సీఎం హామీని అమలు చేసినట్లయితే మాజీమంత్రి గీతారెడ్డే సీఎం రేసులో ముందుంటారని పార్టీ వర్గాలు అభిప్రాయపడుతున్నాయి. రాజ్యసభ సభ్యురాలు రేణుకాచౌదరి కూడా సీఎం రేసులో ఉన్నారు. తెలంగాణలో పార్టీ అధికారంలోకి వస్తే సీఎం కావాలని డజను మంది కాంగ్రెస్ నాయకులు పావులు కదుపుతుంటే రాహుల్  వ్యాఖ్యలతో  వారు నిరాశ, నిస్పృహలకు లోనవుతున్నారు.
  
 రాహుల్ నోట మహిళా సీఎం మాట వ్యూహాత్మకమా? లేక హైకమాండ్ ఆలోచనల్లో భాగమేనా? అనేది కూడా పార్టీలో చర్చనీయాంశమైంది. సరిగ్గా 20 రోజుల క్రితం కేంద్ర మంత్రి జైరాం రమేశ్ తెలంగాణలో పర్యటిస్తూ, కాంగ్రెస్ పార్టీ అధికారంలోకొస్తే దళితుడినే తెలంగాణ తొలి ముఖ్యమంత్రిగా నియమిస్తామని ప్రకటించారు. జైరాం వ్యాఖ్యలు పార్టీలో పెద్ద దుమారాన్నే లేపాయి. ఇప్పుడు రాహుల్ తాజా వ్యాఖ్యలతో తెలంగాణ కాంగ్రెస్ పెద్దలు మళ్లీ  గందరగోళంలో పడ్డారు. కాగా, దళిత సామాజికవర్గ ఓట్లను కాంగ్రెస్‌వైపు తిప్పుకోవాలనే లక్ష్యంతోపాటు కేసీఆర్ ఈ విషయంలో మాట తప్పిన మనిషిగా ప్రజల్లోకి తీసుకెళ్లాలనే లక్ష్యంతో జైరాం  ద్వారా హైకమాండ్  పెద్దలు దళిత సీఎం మాటలు అనిపించారని భావిస్తున్నారు. తాజాగా మహిళా ఓట్లను రాబట్టుకునేందుకే రాహుల్ నోట ‘మహిళా సీఎం’ అనే వ్యాఖ్యలు రావడం కూడా అందులో భాగమేనని పేర్కొంటున్నారు.


  నాపై సీబీఐ కేసులు కాంగ్రెస్ కుట్ర  
 జనాదరణ చూసి ఓర్వలేకపోతున్నరు: కేసీఆర్
  
  కాంగ్రెస్ నేతల పిట్ట బెదిరింపులకు భయపడను
 నిప్పులెక్క బతికిన.. విచారణ చేసుకోండి
 పొన్నాల భూ ఆక్రమణల సంగతేంది?
 దీనిపై గవర్నర్‌కు ఫిర్యాదు చేస్తా
 పొన్నాలా.. సిగ్గూశరం ఉంటే రాజీనామా చెయ్
 చంద్రబాబు తెలంగాణ ద్రోహి
 మన రాష్ట్రంల మన జెండానే ఎగరాలె
 మహబూబ్‌నగర్ జిల్లాలో కేసీఆర్ ప్రచారం
  
  మహబూబ్‌నగర్:‘‘అందరూ వాళ్లలెక్క దొంగలే అని కాంగ్రెస్ వాళ్లు అనుకుంటున్నరేమో. ఇవాళ పొద్దున టీవీలో చూసిన. కేసీఆర్ మీద సీబీఐ కేసులు పెడుతరట. మోస్ట్ వెల్‌కం.. ఇది కాంగ్రెస్ పార్టీ చేస్తున్న కుట్ర. తెలంగాణలో ఎక్కడకు వెళ్లినా వేల సంఖ్యలో నా సభలకు జనం వస్తుంటే చూసి ఓర్వలేక, తట్టుకోలేక కుట్రలు చేస్తున్నరు. భారత రాష్ట్రపతికి ఒక విజ్ఞప్తి. సీబీఐ ఎంక్వైరీ పెట్టుకోండి.. ఇక్కడ ఎవరూ భయపడేవారు లేరు. నేను నిప్పులెక్క బతికిన మనిషిని. నా జీవితం తెరిచిన పుస్తకం..’’ అని టీఆర్‌ఎస్ అధ్యక్షుడు కె.చంద్రశేఖర్‌రావు పేర్కొన్నారు. తనపై సీబీఐ కోర్టు విచారణకు ఆదేశించడం కాంగ్రెస్ కుట్ర అని మండిపడ్డారు. శుక్రవారం మహబూబ్‌నగర్ జిల్లా వ్యాప్తంగా ఎనిమిది చోట్ల నిర్వహించిన టీఆర్‌ఎస్ బహిరంగసభల్లో కేసీఆర్ ప్రసంగించారు.
 
  ‘‘కాంగ్రెస్ నేతల పిట్ట బెదిరింపులకు ఎవరూ భయపడరు. నా మీద కేసులు ఉంటే ఇప్పటివరకు ఉంచుదురా? ఎప్పుడో బొందపెడుదురు..’’ అంటూ తీవ్ర స్థాయిలో  విరుచుకుపడ్డారు. తనపై విచారణకు అభ్యంతరం లేదని తెలంగాణ పీసీసీ అధ్యక్షుడు పొన్నాల లక్ష్మయ్యకు ఇప్పటికే చెప్పానని పేర్కొన్నారు. ముందు దళితుల వద్ద తీసుకున్న భూమిని తిరిగి వారికి అప్పగించాలని పొన్నాల లక్ష్మయ్యను డిమాండ్ చేశారు. సిగ్గూశరం ఉంటే వెంటనే పీసీసీ అధ్యక్ష పదవికి రాజీనామా చేయాలంటూ మండిపడ్డారు. ‘‘హైదరాబాద్‌లో ఎన్నికల ప్రచారానికి వచ్చిన రాహుల్ గాంధీని నేను అడుగుతున్నా. మీ పీసీసీ అధ్యక్షుడు పొన్నాల లక్ష్మయ్య దళితుల భూమిని దొంగిలించిండు. దీనికి సంబంధించిన అన్ని సాక్ష్యాలూ నా దగ్గర ఉన్నయి. తెలియక, పొరపాటున కొనుగోలు చేశానని చెబుతున్న లక్ష్మయ్య.. అప్పటికే ఎమ్మెల్యేగా మంత్రిగా ఉన్నడు. ఈ నిర్వాకంపై రాహుల్ సమాధానం చెప్పాలి..’’ అని కేసీఆర్ డిమాండ్ చేశారు. పొన్నాల భూ ఆక్రమణల వ్యవహారంపై శనివారం రాష్ట్ర గవర్నర్‌ను కలిసి దర్యాప్తు చేయాల్సిందిగా కోరుతానని చెప్పారు.
  
 కాంగ్రెస్‌కు బుద్ధి చెప్పాలె..
 
  ‘‘ఉద్యమకారులపై కేసులు పెట్టించి, లాఠీలతో కొట్టించిన కాంగ్రెస్‌కు తెలంగాణ ప్రజలు ఈ ఎన్నికల్లో తమ ఓటు ద్వారా తగిన గుణపాఠం చెప్పాలె. రెండు రాష్ట్రాలు ఏర్పడిన తర్వాత ఎక్కడి ఉద్యోగులు అక్కడ పనిచేయాలంటే.. కాంగ్రెస్ నాయకులు పెడర్థాలు తీస్తూ నానా యాగీ చేస్తూ ఆరోపణలు చేయడం సిగ్గుచేటు..’’ అని విమర్శించారు.
 
  చంద్రబాబు తెలంగాణ ద్రోహి..
 
  చంద్రబాబునాయుడేమీ మహా నాయకుడు కాదని కేసీఆర్ విమర్శించారు. ‘‘తెలంగాణ ఉద్యమాన్ని చంద్రబాబు అడుగడుగునా అడ్డుకున్నడు. బాబు తెలంగాణ ద్రోహి.. ఆయనను చూసి ఊసరవెల్లులే సిగ్గుపడుతున్నయి. నరేంద్ర మోడీని మతతత్వవాది అంటూ ఆనాడు విమర్శించిండు. ఇప్పుడు అదే మోడీని పొగుడుకుంట ప్రజలను మభ్యపెడుతున్నడు..’’ అని మండిపడ్డారు.
 
  మన రాత మన చేతుల్లోనే ఉన్నది..
 
  ‘‘సుదీర్ఘ పోరాటం తర్వాత తెలంగాణ రాష్ట్రం ఏర్పాటైంది. మన రాతలను మనమే మార్చుకోవాలి. అది మన చేతుల్లోనే ఉన్నది. తెలంగాణ పునర్నిర్మాణం టీఆర్‌ఎస్‌తోనే సాధ్యమయితది. తెలంగాణ భవిష్యత్‌కు మీరందరూ నిర్దేశకులు కావాలె. మన రాష్ట్రంలో మన జెండానే ఎగరాలె..’’ అని కేసీఆర్ పిలుపునిచ్చారు. ఈ ప్రాంత లోక్‌సభ సభ్యుడిగా తనకు మహబూబ్‌నగర్ జిల్లా బాధలు, కరువు, వలసలు అన్నీ తెలుసని, వాటన్నింటినీ పరిష్కరించడానికి కృషి చేస్తానని హామీ ఇచ్చారు. తాము అధికారంలోకి వస్తే... పాలమూరు పెండింగ్ ప్రాజెక్టులన్నీ పూర్తి చేసి 14 లక్షల ఎకరాలకు సాగునీరు అందిస్తానని చెప్పారు.
  
  కేసీఆర్‌కు అనారోగ్యం..
  
 మహబూబ్‌నగర్ జిల్లాలో శుక్రవారం నిర్వహించిన పర్యటనలో కేసీఆర్ 11 చోట్ల ఎన్నికల ప్రచార సభల్లో ప్రసంగించాల్సి ఉంది. కానీ, కేసీఆర్ స్వల్ప అనారోగ్యం కారణంగా నారాయణపేట, మక్తల్, కోస్గి (కొడంగల్) సభలకు ఆయన హాజరుకాలేదు. ఈ సభల్లో టీఆర్‌ఎస్ సెక్రటరీ జనరల్, ఎంపీ కె.కేశవరావు పాల్గొన్నారు. మధ్యాహ్నం 12 గంటలకే కేసీఆర్ కల్వకుర్తి సభలో పాల్గొనాల్సి ఉండగా.. రెండు గంటల సమయంలో హెలికాప్టర్ ద్వారా చేరుకున్నారు. జ్వరంతో పాటు కాళ్ల వాపులు రావడం వల్ల ఎక్కువ సేపు నిలబడలేకపోతున్నట్లు చెప్పిన కేసీఆర్... కల్వకుర్తి, అచ్చంపేట, కొల్లాపూర్, శాంతినగర్, గద్వాలలో త్వరగా ప్రసంగాలు ముగిం చారు. నాగర్‌కర్నూలు, కొత్తకోట (దేవరకద్ర), జడ్చర్లలో మాత్రం సుమారు 20 నిమిషాలకు పైగా ప్రసంగించారు.
  


 రుచికి ఇది.. వివాదాలకు అది చాలా ఫేమస్: జైరాం
 
  హైదరాబాద్: తెలంగాణ రాష్ట్ర సమితి వివాదాలకు ఉత్పత్తి కేంద్రంగా మారిందని కేంద్ర మంత్రి జైరాం రమేశ్ వ్యాఖ్యానించారు. హైదరాబాద్ బిర్యానీకి దేశవ్యాప్తంగా ఎంత ఆదరణ ఉందో రెచ్చగొట్టడంలో కేసీఆర్ నాలుకకు కూడా అంత పేరుందని పేర్కొన్నారు. రాష్ట్ర విభజనకు సంబంధించి ఉద్యోగుల విభజన సమస్యే కాదని... అయినప్పటికీ కేసీఆర్ ఈ అంశాన్ని వివాదం చేస్తూ రాజకీయంగా లబ్ధి పొందాలని చూస్తున్నారని విమర్శించారు.
  
  గాంధీభవన్‌లో ఏఐసీసీ ఎస్సీ సెల్ చైర్మన్ కొప్పుల రాజు, టీ పీసీసీ ముఖ్య అధికార ప్రతినిధి దాసోజు శ్రవణ్‌తో కలిసి జైరాం మీడియాతో మాట్లాడారు. దళితుల భూమిని పొన్నాల లక్ష్మయ్య ఆక్రమించారంటూ కేసీఆర్ చేసిన ఆరోపణలు తన దృష్టికి రాలేదన్న జైరాం.. తెలంగాణలో అతిపెద్ద భూస్వామి కేసీఆరేనని, ఫాంహౌస్ కూడా ఏర్పాటు చేసుకున్నారని విమర్శించారు. రాహుల్‌గాంధీ ‘మేడ్ ఇన్ తెలంగాణ’ కోసం ప్రయత్నిస్తుంటే.. కేసీఆర్  టీఆర్‌ఎస్‌ను వివాదాల ఉత్పత్తి కేంద్రంగా మారుస్తున్నారని విమర్శించారు. జూన్ 2లోపు ఇరు రాష్ట్రాల ప్రభుత్వాలకు ఉద్యోగుల తాత్కాలిక (ప్రొవిజనల్) కేటాయింపు జరుగుతుందని చెప్పారు.
  


 కలెక్టర్లకు భన్వర్‌లాల్ ఆదేశం
  
  హైదరాబాద్: రాష్ట్రంలో తొలిదశ పోలింగ్ జరిగే తెలంగాణ ప్రాంతం లో ఓటరు స్లిప్పుల పంపిణీని ఈనెల 25లోగా పూర్తి చేయాలని జిల్లా కలెక్టర్లు, ఎస్పీలను రాష్ట్ర ఎన్నికల అధికారి భన్వర్‌లాల్ ఆదేశించారు.లోక్‌సభ, రాష్ట్ర అసెంబ్లీ ఎన్నికలకు ఓటర్ స్లిప్పుల పంపిణీ, తెలంగాణ జిల్లాల్లో పోలింగ్ ఏర్పాట్లుపై ఆయన మంగళవారం జిల్లా కలెక్టర్లు, ఎస్పీలతో వీడియో కాన్ఫరెన్స్ నిర్వహించారు. ఓటర్ స్లిప్పుల పంపిణీ సందర్భంగా ఎవరైనా ఇం ట్లో లేకపోయినా, లేదా మృతిచెందినా, మరో చోటకు తరలిపోయిన ఓ టర్ల పేర్లతో విడిగా జాబితా రూపొందించాలని సూచించారు.
 
 పోలింగ్ రోజు ఈ జాబితాలోని వారు ఓటింగ్‌కు వస్తే ఒకటికి రెండుసార్లు ఆ వ్యక్తిని నిర్ధారించుకున్న తరువాతే ఓటింగ్‌కు అనుమతించాలన్నారు. రెండో దశలో పోలింగ్ జరిగే సీమాంధ్రలో ఓటర్ స్లిప్పులను బుధవారం నుంచి పం పిణీ చేయాలని ఆదేశించారు. సీమాంధ్రలో బుధవారం నామినేషన్ల గడువు ముగిశాక పోటీలో ఉన్న అభ్యర్థుల సంఖ్య ఆధారంగా ఏ జిల్లాకు ఎన్ని అదనపు ఈవీఎంలు అవసరమో నివేదిక పంపాలని కలెక్టర్లను ఆదేశించారు.
  


 హెలికాప్టర్ పైలట్‌తో పొన్నాల గొడవ  
 
 హైదరాబాద్: తెలంగాణ ప్రదేశ్ కాంగ్రెస్ కమిటీ అధ్యక్షుడు పొన్నాల లక్ష్మయ్యకు హెలికాప్టర్ కష్టాలొచ్చి పడ్డాయి. తెలంగాణ అంతటా తిరిగేందుకు హెలికాప్టర్ అద్దెకు తీసుకుంటే పార్టీ అభ్యర్థులెవరూ ప్రచారానికి పిలవకపోవడం కనీసం తన సొంత జిల్లాలో తిరిగేందుకైనా ఉపయోగించుకుందావునుకున్నా దానికీ తిప్పలే  ఎదురవుతున్నాయి. వుంగళవారం ఓచోటకు రావడానికి పెలైట్ నిరాకరించడంతో పొన్నాలకు ఆగ్రహం కట్టలు తెంచుకుంది. పైలట్‌ను తిట్టుకుంటూ హెలికాప్టర్ దిగి కారులో వెళ్లిపోయారు. దీంతో నిర్ఘాంతపోయిన  పైలట్ పైఅధికారికి ఫిర్యాదు చేశారు. వివరాలిలా ఉన్నాయి.
 
 సినీనటి విజయశాంతి, పీసీసీ క్రమశిక్షణా సంఘం చైర్మన్ కోదండరె డ్డిలతో కలిసి మంగళవారం మధ్యాహ్నం 12.30 గంటలకు పొన్నాల తన సొంత నియోజకవర్గంలోని మద్దూరుకు చేరుకుని బహిరంగ సభలో పాల్గొన్నారు. అనంతరం హనుమకొండ సమీపంలోని మడికొండకు వెళ్లేందుకు పొన్నాల హెలికాప్టర్ వద్దకు వచ్చారు. ఈనెల 25న రాహుల్‌గాంధీ మడికొండకు  వస్తున్నందున బహిరంగ సభ ఏర్పాట్లను పరిశీలించేందుకు అక్కడికి వెళ్లాలని పైలట్‌ను ఆదేశించారు. దీనికి పైలట్ నిరాకరించాడు. షెడ్యూల్ ప్రకారం బేగంపేటకు మాత్రమే తీసుకెళతానని, మడికొండకు వెళ్లేందుకు ఎయిర్ ట్రాఫిక్ కంట్రోల్ అనుమతి లేదన్నాడు. దీంతో అసహనానికి లోనైన పొన్నాల వెంటనే మీ పై అధికారికి ఫోన్ కలపాలంటూ వుండిపడ్డారు. దానికీ పైలట్ నిరాకరించడంతో ఆగ్రహంతో ఊగిపోయిన పొన్నాల  పైలట్‌ను దుర్భాషలాడి  హెలికాప్టర్ దిగి కారులో మడికొండ వెళ్లారు.
 
 దీంతో విజయశాంతి, కోదండరెడ్డిలను మాత్రమే తీసుకుని పైలట్ హైదరాబాద్‌కు చేరి పొన్నాలపై ఉన్నతాధికారికి ఫిర్యాదు చేశారు. కాగా, సాయంత్రం పొన్నాల హైదరాబాద్‌కు రోడ్డు మార్గానే బయలుదేరారు. నామినేషన్లు ముగిసిన నాటి నుంచి పోలింగ్ జరిగే వరకు తెలంగాణ అంతటా ప్రచారం చేయడానికి పొన్నాల హెలికాప్టర్‌ను అద్దెకు తీసుకున్నారు. గంటకు లక్షకుపైగా వెచ్చిస్తున్న హెలికాప్టర్ అనుకున్న రీతిలో ఉపయోగపడడం లేదనే భావనతో ఆయన ఉన్నారు. దీనికితోడు కాంగ్రెస్ అభ్యర్థులెవరూ ప్రచారానికి రావాలని తనను పిలవకపోవడం కూడా ఆయనకు ఇబ్బందిగా మారింది. వృథా చేయకుండా హెలికాప్టర్‌ను హైదరాబాద్-వరంగల్ షటిల్ సర్వీస్‌లా వాడుకుందామని భావిస్తే అదీ కుదరడం లేదని పొన్నాల బాధ.