రన్‌వే కాదు.. హైవే

రన్‌వే కాదు.. హైవే

బీజింగ్: చైనా వాయుసేనకు చెందిన ఈ యుద్ధవిమానం టేకాఫ్ అవుతున్నది విమానాశ్రయం రన్‌వేపై కాదు. మధ్య చైనాలోని హెనాన్ ప్రావిన్స్‌లో ఉన్న ఝెంగ్‌ర-మిన్‌క్వాన్ హైవేపై. ఆదివారం చైనా ఎయిర్‌ఫోర్స్ తొలిసారిగా యుద్ధవిమానాలను ఇలా హైవేపై ప్రయోగాత్మకంగా పరీక్షించింది.

చైనాలోని అత్యుత్తమ రహదారుల్లో ఒకటైన ఈ హైవేను పౌర, రవాణా విమానాల ల్యాండింగ్, టేకాఫ్‌లకు ప్రత్యామ్నాయ విమానాశ్రయంగా కూడా ఉపయోగించవచ్చని సైన్యాధికారులు వెల్లడించారు. యుద్ధం, అత్యవసర సమయాల్లో యుద్ధవిమానాలను సైతం ఈ హైవేపై సురక్షితంగా దింపగలిగేలా చైనా వాయుసేన ఈ పరీక్షల ద్వారా సత్తా చాటిందని తెలిపారు.