నానితో స్పెషల్ సాంగ్‌లో..!

నేచురల్‌ స్టార్‌ నాని ప్రస్తుతం క్రికెట్ నేపథ్యంలో తెరకెక్కుతున్న జెర్సీ సినిమాలో నటిస్తున్న సంగతి తెలిసిందే. మళ్ళీరావా ఫేం గౌతమ్‌ తిన్ననూరి తెరకెక్కిస్తున్న ఈ సినిమాలో శ్రద్ధా శ్రీనాథ్ హీరోయిన్‌గా నటిస్తోంది. ప్రస్తుతం నిర్మాణ దశలో ఉన్న ఈ సినిమాకు మరింత గ్లామర్‌ యాడ్‌ చేసే పనిలో ఉన్నారు చిత్రయూనిట్‌. ఈ సినిమాలో ఓ స్పెషల్ సాంగ్‌ కోసం హీరోయిన్‌ను సంప్రదించినట్టుగా తెలుస్తోంది.

హర్ట్‌ ఎటాక్‌ సినిమాతో టాలీవుడ్‌కు పరిచయం అయిన అదాశర్మ తరువాత ఆశించిన స్థాయిలో విజయాలు సాధించలేకపోయింది. దీంతో బాలీవుడ్ బాట పట్టిన ఈ భామకు అక్కడ కూడా పెద్దగా కలిసి రాలేదు. దీంతో స్పెషల్ సాంగ్స్‌మీద దృష్టి పెట్టినట్టుగా ప్రచారం జరుగుతోంది. అందుకే నాని జెర్సీలో ప్రత్యేక గీతంలో కనిపించేందుక అదా శర్మ రెడీ అవుతున్నారన్న టాక్‌ వినిపిస్తోంది.