రేస్‌కు గుర్రం రెడీ

సమ్మర్ బాక్సాఫీస్ రేస్‌లో సత్తా చాటడానికి ‘రేసుగుర్రం’ రెడీ అయ్యింది. అల్లు అర్జున్ పాత్ర చిత్రణే ప్రధాన ఆకర్షణగా ఈ చిత్రం ఉండనుందని సమాచారం. బన్నీ కెరీర్‌లో గుర్తుండిపోయేలా దర్శకుడు సురేందర్‌రెడ్డి ఈ చిత్రాన్ని తెరకెక్కించినట్లు యూనిట్ సభ్యులు చెబుతున్నారు. ఇందులో బన్నీ పాత్ర చిత్రణ అత్యంత శక్తిమంతంగా ఉంటుందట. శ్రుతీహాసన్ కథానాయికగా నటిస్తున్న ఈ చిత్రాన్ని నల్లమలుపు శ్రీనివాస్ (బుజ్జి), కె.వెంకటేశ్వరరావు కలిసి నిర్మిస్తున్నారు. తమన్ స్వరాలందించిన ఈ చిత్రం పాటలను ఈ నెల 16న విడుదల చేయనున్నారు. ఏప్రిల్ 4న సినిమా ప్రేక్షకుల ముందుకు రానుంది.