డబుల్‌ హ్యాట్రిక్‌పై గురి

మాస్‌ ప్లస్‌ మాస్‌ ఈక్వెల్‌ టు ఊరమాస్‌. అదేనండి... బోయపాటి శ్రీను మార్క్‌ మాస్‌. ఇప్పటివరకూ ఆయన దర్శకత్వం వహించిన చిత్రాలే అందుకు నిదర్శనం.  ఇప్పుడు రామ్‌చరణ్‌తో మాంచి మాస్‌ మూవీ తీయడానికి రెడీ అయ్యారు. ఈ సినిమా రెగ్యులర్‌ షూట్‌ను జనవరి 19న స్టార్ట్‌ చేయాలనుకుంటున్నారు. అంతేకాదు మేజర్‌ షూట్‌ను రాజస్థాన్‌లోని ఓ ప్యాలెస్‌ బ్యాక్‌డ్రాప్‌లో జరపనున్నారని ఫిల్మ్‌నగర్‌లో గుసగుసలు వినిపిస్తున్నాయి. ‘‘లెజెండ్, సరైనోడు, జయజానకి నాయక విజయాలతో హ్యాట్రిక్‌ కంప్లీట్‌ చేశాను. రామ్‌చరణ్‌తో చేయబోయే సినిమా నా డబుల్‌ హాట్రిక్‌కు నాంది అవుతుంది.

ఈ సినిమాలో హీరో క్యారెక్టరైజేషన్‌ మాస్‌ ఆడియన్స్‌కు సూపర్‌ కిక్‌ ఇస్తుంది’’ అన్నారు బోయపాటి. ఇదిలా ఉంటే.. ఈ చిత్రంలో  హీరోయిన్‌గా నిన్నమొన్నటి వరకు రకుల్‌ ప్రీత్‌సింగ్, పూజా హెగ్డే పేర్లు వినిపించాయి. తాజాగా కియరా అద్వాని పేరు రేస్‌లోకి వచ్చింది. మరి.. ఈ రేస్‌లో ఫైనల్‌గా విన్‌ అయ్యేది ఎవరో తెలియాలంటే మరికొన్ని రోజులు ఆగక తప్పదు. సుకుమార్‌ దర్శకత్వంలో రామ్‌చరణ్‌ హీరోగా రూపొందుతున్న ‘రంగస్థలం’ చిత్రం మార్చి 30న రిలీజ్‌ కానున్న సంగతి తెలిసిందే.