TV
'రాష్ట్రపతిగా అమితాబ్'
పట్నా: బాలీవుడ్ మెగాస్టార్ అమితాబ్ బచ్చన్‌ను తదుపరి రాష్ట్రపతిగా ఎన్నుకోవాలని బీజేపీ ఎంపీ శతృఘ్నసిన్హా వ్యాఖ్యానించారు. అమితాబ్‌ను రాష్ట్రపతిని చేయడం మనందరికీ గర్వకారణమే అవుతుందన్నారు. సాంస్కృతిక, సామాజిక రంగాల్లో అమితాబ్ ఎన్నో మైలురాళ్లను దాటారని, రాష్ట్రపతి అయితే దేశానికి గొప్పపేరు తెస్తారని వ్యాఖ్యానించారు.
'రాష్ట్రపతి పదవికి గతంలో నా పేరును అమితాబ్ ప్రతిపాదించడం ఆయన గొప్పదనం'అని సిన్హా అన్నారు. రాజకీయాలను నుంచి ఇప్పుడప్పుడే రిటైర్ కాబోనని తెలిపారు. బీజేపీలోనే కొనసాగుతానని పునరుద్ఘాటించారు.
