విజేత నరేందర్‌

సాక్షి, హైదరాబాద్‌: అంతర్జాతీయ మాస్టర్స్‌ గేమ్స్‌ అసోసియేషన్‌ ఆధ్వర్యంలో జరుగుతోన్న యూరోపియన్‌ మాస్టర్స్‌ స్విమ్మింగ్‌ చాంపియన్‌షిప్‌లో భారత్‌కు ప్రాతినిధ్యం వహించిన తెలంగాణ స్విమ్మర్‌ బండి నరేందర్‌ సత్తా చాటాడు. ఇటలీలో జరుగుతోన్న ఈ పోటీల్లో పీర్జాదిగూడకు చెందిన నరేందర్‌ 800మీ. ఫ్రీస్టయిల్‌ ఈవెంట్‌లో విజేతగా నిలిచి పసిడి పతకాన్ని అందుకున్నాడు.

ఈ ఈవెంట్‌లో అమెరికాకు చెందిన వెన్‌ పీటర్‌ రజతాన్ని గెలుచుకోగా... రష్యా స్విమ్మర్‌ బుచర్‌ రాబర్ట్‌ కాంస్య పతకాన్ని అందుకున్నాడు. ఈ క్రీడల్లో నరేందర్‌ స్విమ్మింగ్‌తో పాటు ఆర్చరీలోనూ రాణిస్తున్నాడు. ఆర్చరీలో అతను రెండోరౌండ్‌ పోటీలకు అర్హత సాధించాడు.