ఫేస్ బుక్ మరో కొత్త సర్వీసులు

 

ఈ సర్వీసుల కమర్షియల్ లాంచింగ్ తో పాటు,  టెలికాం దిగ్గజం ఎయిర్ టెల్ తో భాగస్వామ్యం ఏర్పరుచుకున్నట్టు ఫేస్ బుక్ ప్రకటించింది. ఈ భాగస్వామ్యంలో అదనంగా 20వేల హాట్ స్పాట్లను ఫేస్ బుక్  లాంచ్ చేయనుంది. వచ్చే కొన్ని నెలల్లోనే ఈ వై-ఫై హాట్ స్పాట్లు అందుబాటులోకి రానున్నాయి. 130 కోట్ల మంది భారత జనాభాలో కేవలం 39 కోట్ల మందే ఇంటర్నెట్ తో కనెక్ట్ అయి ఉన్నారని ఫేస్ బుక్ ఆసియా పసిఫిక్ హెడ్ ఆఫ్ కనెక్టివిటీ సొల్యుషన్స్ మునీష్ సేథ్ తెలిపారు. తమ గ్లోబల్ కార్యక్రమ ఎక్స్ ప్రెస్ వై-ఫై ద్వారా ఈ కనెక్టివిటీని మరింత విస్తరించనున్నామని చెప్పారు. స్మార్ట్ ఫోన్లు చాలా సరసమైన ధరల్లో అందుబాటులోకి రావడం, ముఖ్యంగా రిలయన్స్ జియో ఎంట్రీతో డేటా ధరలు తగ్గడం ఫేస్ బుక్ కు బాగా కలిసి వచ్చి తమ ఇంటర్నెట్ యూజర్ బేస్ ను కంపెనీ భారత్ లో భారీగా పెంచుకుంది.