పాతబస్తీలో ఎక్సైజ్ ‘బోనాల’ దాడులు

చార్మినార్: బోనాల ఉత్సవాల సందర్భంగా చార్మినార్ ఎక్సైజ్ అండ్ ప్రొహిబిషన్ వాఖ అధికారులు శనిఆదివారాల్లో పాతబస్తీలో దాడులు నిర్వహించారు. ఈ దాడుల్లో 3900 గుడుంబా ప్యాకెట్లు, 25 లీటర్ల కల్లు, 32 విస్కీ (180ఎంఎల్) బాటిళ్లను స్వాధీనం చేసుకొని ఏడుగురిపై కేసులు నమోదు చేశారు.

చార్మినార్ ఎక్సైజ్ ఇన్‌స్పెక్టర్ ఎస్. చంద్రశేఖర్ గౌడ్ తెలిపిన వివరాల ప్రకారం... లలితాబాగ్ , భయ్యాలాల్‌నగర్, ఉప్పుగూడ సాయిబాబానగర్, సరూర్‌నగర్ ఎర్రకుంట, చాంద్రాయణగుట్ట బండ్లగూడలోని అడ్డాలపై దాడులు చేసి పెద్ద మొత్తంలో గుడుంబాను, 32 విస్కీ (180ఎంఎల్) బాటిళ్లను స్వాధీనం చేసుకున్నారు. ఈ సందర్భంగా ఏడుగురిపై కేసు నమోదు చేసుకొని దర్యాప్తు చేస్తున్నారు.