ట్విట్టర్ నిజంగా అమ్మేస్తున్నారా..?

న్యూయార్క్ : సోషల్ మీడియా ప్లాట్ఫామ్లో కోల్పోతున్న తన ప్రాభవాన్ని తిరిగి సంపాదించుకోవాలని ఎంతలా తాపత్రయపడుతున్నా ట్విట్టర్ అమ్మక వార్తలు మాత్రం ఆగడం లేదు. ఈ సోషల్ మీడియా దిగ్గజాన్ని విక్రయిస్తున్నారంటూ మళ్లీ రూమర్లు చక్కర్లు కొడుతున్నాయి. సోషల్ కమ్యూనికేషన్ కంపెనీల డైరెక్టర్స్ గురువారం శాన్ఫ్రాన్సిస్కోలో భేటీ కాబోతున్నారని, ఆ భేటీలో ట్విట్టర్ భవితవ్యంపై చర్చించనున్నారని తెలుస్తోంది. సోషల్ మీడియా ప్లాట్ఫామ్లో ఎక్కువగా పేరొందిన ట్విట్టర్ను స్వాధీన పరుచుకోవాలని చాలా కంపెనీలే ప్లాన్స్ వేస్తున్నాయట. టెక్ దిగ్గజాలు గూగుల్, యాపిల్ ఈ కంపెనీ కొనుగోలుపై బాగా ఆసక్తి చూపుతున్నట్టు గత నెల నుంచి రూమర్లు చక్కర్లు కొడుతున్న సంగతి తెలిసిందే.