రాయచోటి: ఆంధ్రప్రదేశ్‌ పోలీసు శాఖ రాష్ట్ర ఉత్తమ నేర పరిశోధన కేసులకు గాను ఇచ్చే ప్రతిష్టాత్మక ఏబీసీడీ అవార్డు అన్నమయ్య జిల్లా దిశ పోలీసు స్టేషన్‌ సీఐ రవిశంకర్‌రెడ్డికి దక్కింది. బుధవారం విజయవాడలోని డీజీపీ కార్యాలయంలో చిత్తూరు జిల్లా ఎస్పీ వీన్‌ మణికంఠ చందోలుతో కలిసి డీజీపీ సీహెచ్‌ ద్వారకా తిరుమలరావు చేతుల మీదుగా అవార్డు అందుకున్నారు. ఈ ఏడాది జులై 7వ తేదీన చిత్తూరు జిల్లా గుడిపాల మండలంలో జరిగిన ఏటీఎం దొంగతనం కేసులో కరడుగట్టిన అంతర్‌రాష్ట్ర నేరస్తుడిని అరెస్టు చేసినందుకు ప్రతిష్టాత్మక ఏబీసీడీ అవార్డులో మొదటి స్థానంలో ఎంపికయ్యారు. అప్పట్లో చిత్తూరు వెస్ట్‌ సీఐగా పనిచేస్తున్న రవిశంకర్‌రెడ్డి ప్రస్తుతం అన్నమయ్య జిల్లా దిశ స్టేషన్‌ సీఐగా పనిచేస్తున్నారు.

సాక్షి కడప/సాక్షి రాయచోటి: తుఫానులు భయపెడుతున్నాయి. ఇదేంటి తుంపర వర్షమే కదా అనుకుంటున్నారా... నిజమే వరుణ దేవుడు కురిపించే తుంపరే టెన్షన్‌ పెడుతోంది. అందుకు కారణాలు లేకపోలేదు. ఒకటి కాదు, రెండు కాదు.. రెండు, మూడు నెలల వ్యవధిలోనే నాలుగైదు తుఫాన్లు రావడంతో పంటలు వేసిన రైతులతోపాటు వ్యాపారులు కూడా అమ్మో తుఫాను అంటూ హడలిపోతున్నారు. అందులోనూ శీతాకాలం సీజన్‌ కావడంతో తుఫాను ధాటికి చలి విపరీతంగా పెరిగి రాత్రి, తెల్లవారుజాము సమయాల్లో వాతావరణం మంచు దుప్పటిలా కప్పుకుంటోంది. చలి పెరగడం...వ్యాధులు పంజా విసురుతుండడం...పారిశుద్ధ్యం అధ్వానంగా మారడంతో జన జీవనం కూడా స్తంభించిపోతోంది. చిరు వ్యాపారుల్లో అలజడి ఆగ్నేయ బంగాళాఖాతంలో అల్పపీడన ప్రభావంతో తుఫాను ముప్పు పొంచి ఉందని వాతావరణ శాఖ హెచ్చరికలు జారీ చేయగానే చిరు వ్యాపారుల గుండెల్లో అలజడి మొదలైంది. సాధారణ వర్షమైతే అప్పటికప్పుడు లేదా ఒకరోజుతో తెరిపి లభిస్తుంది. కానీ, తుఫాను అయితే మూడు, నాలుగు రోజులపాటు తీవ్రత ఉండడంతో వ్యాపారాలు కూడా పూర్తి స్థాయిలో పడిపోతున్నాయి. అసలు చిన్నచిన్న షాపులకు వ్యాపారాలు లేక లబోదిబోమంటున్నారు. రోడ్డు వారగా విక్రయించే పండ్ల వ్యాపారులు, డ్రై ఫ్రూట్స్‌, దోసెలు, బజ్జీలు, టీకొట్లు, చిరుతిండ్ల బండ్లు ఇంటికే పరిమితం అవుతున్నాయి. అందుకే తుఫాను అనగానే ముందుగా వారి గుండెల్లోనే రైళ్లు పరిగెడుతున్నాయి. జనజీవనం అస్తవ్యస్తం ఇటీవల కురిసిన వర్షాలకు రైల్వేకోడూరు నియోజకవర్గంలో వాగులు, వంకలు పోటెత్తాయి. రిజర్వాయర్లకు కూడా నీటి ప్రవాహం పెరగడంతో దిగువకు వదిలారు. ప్రధానంగా రోడ్లు కొట్టుకుపోవడం, వాగులు, వంకల్లో నీటి ప్రవాహం పెరగడంతో పల్లెల మధ్య వాహనాల రాకపోకలు నిలిచిపోయాయి. ఏకధాటిగా కురుస్తున్న వర్షం కారణంగా ప్రధాన రహదారులపై జనాలు కనిపించడం లేదు. చాలా వరకు ప్రయాణాలు సైతం వాయిదా వేసుకుని ఇళ్లకే పరిమితం అవుతున్నాయి. ద్విచక్ర వాహనదారులకు కూడా ఇబ్బందులు తప్పడం లేదు. ఏది ఏమైనా ఇలా అనేక వర్గాలను తుఫాను టెన్షన్‌ వెంటాడుతోంది. పడకేస్తున్న పారిశుద్ధ్యం వైఎస్సార్‌, అన్నమయ్య జిల్లాల్లో వర్షంతోపాటు తుఫాను ప్రభావంతో పారిశుద్ధ్యం పడకేస్తోంది. తుఫాను ప్రభావం నెలకొన్న ప్రతిసారి రెండు, మూడు రోజులపాటు ఏకధాటి వర్షాలు కురుస్తుండడంతో గ్రామాలతోపాటు పట్టణాల్లోనూ పారిశుద్ధ్యం అధ్వానంగా మారుతోంది. వీఐపీల పర్యటన సమయంలోనే బ్లీచింగ్‌ పౌడర్‌ చల్లుతున్నారు తప్ప మిగతా సమయాల్లో పట్టణాలు, గ్రామీణ ప్రాంతాల్లో పారిశుద్ధ్యం గురించి పట్టించుకోవడం లేదు. అన్నదాతల్లోనూ ఆందోళన తుఫాను వచ్చిందంటే ప్రధానంగా అన్నదాత ఆందోళన చెందుతున్నాడు. సాగులో ఉన్న పంటలకు ప్రయోజనం కంటే నష్టాలే ఎక్కువగా మిగుల్చుతున్నాయి. ఇటీవలి తుఫానులో కురిసిన వర్షాలతో అటు వైఎస్సార్‌, ఇటు అన్నమయ్య జిల్లాల్లోని రైల్వేకోడూరు, రాజంపేట, తంబళ్లపల్లె, మదనపల్లె, మైదుకూరు, ఖాజీపేట, చాపాడు, చెన్నూరు ఇలా అనేక ప్రాంతాల్లో పండ్ల తోటలతోపాటు వరికి దెబ్బతగిలింది. నోటికాడికి వచ్చిన వరి పంట పొలాల్లోనే నేల వాలిన పరిస్థితి. ఇప్పుడు కూడా వరి పంట కోత దశలో ఉంది. కానీ తుఫాను అనగానే ఎలాంటి ఉపద్రవం ముంచుకొస్తుందోనన్న ఆందోళన అన్నదాతలను వెంటాడుతోంది. వరుస తుఫానులతో బెంబేలెత్తుతున్న జనం ఇటీవలి వర్షాలకు వరి పంటపై తీవ్ర ప్రభావం చిరు వ్యాపారుల జీవనానికి దెబ్బ మరోవైపు ముసురుకుంటున్న వ్యాధులు ఐదు నెలల్లో వచ్చిన తుఫాన్లు: 06 వైఎస్సార్‌జిల్లా వ్యాప్తంగా సాగైన మినుము: 12,540 హెక్టార్లు బుడ్డశనగ: 72,776 హెక్టార్లు అన్నమయ్య జిల్లా... కోత దశలో ఉన్న వరి: 1300 ఎకరాలు సాగైన మినుము: 9253 హెక్టార్లు

పీలేరు/కడప సెవెన్‌రోడ్స్‌: అన్నమయ్య, వైఎస్సార్‌ జిల్లాల్లోని రహదారులను అభివృద్ధి చేసేందుకు తక్షణం చర్యలు చేపట్టాలని రాజంపేట, కడప పార్లమెంటు సభ్యులు పీవీ మిథున్‌రెడ్డి, వైఎస్‌ అవినాష్‌రెడ్డి కోరారు. ఈ మేరకు బుధవారం ఢిల్లీలో కేంద్ర రోడ్డు రవాణా, జాతీయ రహదారుల శాఖ మంత్రి నితిన్‌ గడ్కరికి వారు వినతిపత్రమిచ్చారు.కడప – రేణిగుంట రోడ్డు విస్తరణ, మదనపల్లెకు బైపాస్‌ రోడ్డు, పుంగనూరు – పులిచెర్ల – చిన్నగొట్టిగల్లు రోడ్డు అభివృద్ధి, పీలేరు పట్టణంలో దొడ్డిపల్లె మీదుగా సర్వీసు రోడ్డు ఏర్పాటు చేయాలని మిథున్‌రెడ్డి విన్నవించారు. దీనిపై కేంద్ర మంత్రి సానుకూలంగా స్పందించారు. అలాగే జాతీయ రహదారి 716పైన ఉన్న భాకరాపేట నుంచి బద్వేలు (ఎన్‌హెచ్‌ 67), పోరుమామిళ్ల (ఎన్‌హెచ్‌ 167)మీదుగా ప్రకాశం జిల్లాలోని బెస్తవారిపేట (ఎన్‌హెచ్‌ 544డి) వరకు ఉన్న రహదారిని జాతీయ రహదారిగా ఉన్నతీకరించాలని వైఎస్‌ అవినాష్‌రెడ్డి కోరారు. రేణిగుంట నుంచి ముద్దనూరు వరకు గల ఎన్‌హెచ్‌ 716 ఎంతో కీలకమైందని తెలిపారు. కోడూరు, రాజంపేట, కడప, కమలాపురం, ఎర్రగుంట్ల, చిలంకూరు ద్వారా ముద్దనూరుకు వెళుతుందన్నారు. ఈ రహదారి వెంట సిమెంటు తదితర పరిశ్ర మలు ఉన్నాయని వివరించారు. ఈ రహదారిపై ట్రాఫిక్‌ అధికంగా ఉంటుందన్నారు. అందువల్ల కడప నుంచి ముద్దనూరు వరకు ఉన్న రహదారిని ఫోర్‌లేన్‌ రోడ్డుగా అభివృద్ధి చేయాల్సిన అవసరం ఉందన్నారు. కడప నుంచి రేణిగుంట వరకు 130 కిలోమీటర్ల మేర ఉన్న రహదారిని ఫోర్‌లేన్‌ రోడ్డుగా అభివృద్ధి చేసేందుకు నేషనల్‌ హైవే అథారిటీ ఆఫ్‌ ఇండియా ఇప్పటికే మంజూరు చేసిందని పేర్కొన్నారు. ఇక మిగిలి ఉన్న ముద్దనూరు–కడప (ఎన్‌హెచ్‌ 716)ను ఫోర్‌లేన్‌గా అభివృద్ధి చేయాలని కోరారు. వనిపెంట మీదుగా హైవే విస్తరణ పనులు చేపట్టాలిఎన్‌హెచ్‌ 167 మైదుకూరు నుంచి పోరుమామిళ్ల వెళుతోందన్నారు. గత ఏడాది సర్వే కూడా నిర్వహించారని పేర్కొన్నారు. మైదుకూరు నుంచి తొమ్మిది కిలోమీటర్ల దూరంలో వనిపెంట గ్రామం ఉంటుందన్నారు. ఈ జాతీయ రహదారి వనిపెంట గ్రామం మధ్య నుంచి వెళుతోందన్నారు. ఫలితంగా పలు కుటుంబాలు చిన్నచిన్న షాపులు, దుకాణాలు రహదారికి ఇరువైపులా పెట్టుకుని జీవనోపాధి పొందుతున్నాయన్నారు. ప్రస్తుతం ఉన్నఫళంగా ఈ జాతీయ రహదారిని వనిపెంట గ్రామంలో నుంచి కాకుండా బైపాస్‌లో వెళ్లేలా నిర్ణయించారన్నారు. బైపాస్‌ రహదారి వల్ల వ్యాపారాలు తీవ్రంగా దెబ్బతింటాయని పేర్కొన్నారు. పలు గ్రామాల ప్రజలు హైవే నిర్మాణానికి తమ భూములు ఇచ్చేందుకు సిద్ధంగా ఉన్నారని చెప్పారు. ఈ పరిస్థితులను గమనించి గ్రామ ప్రజలు కోరుతున్న విధంగా వనిపెంటలో నుంచే జాతీయ రహదారిని నిర్మించేందుకు చర్యలు చేపట్టాలని కోరారు. కడప– రేణిగుంట రోడ్డు విస్తరణ చేపట్టాలి భాకరాపేట నుంచి బెస్తవారిపేట రోడ్డును జాతీయ రహదారిగా మార్చాలి కడప–ముద్దనూరు మధ్య నాలుగు లేన్ల రహదారి నిర్మించాలి కేంద్ర మంత్రి నితిన్‌ గడ్కరికి వినతిపత్రమిచ్చిన ఎంపీలు పీవీ మిథున్‌రెడ్డి, వైఎస్‌ అవినాష్‌రెడ్డి

కలికిరి: జిల్లాలో భూ సమస్యలు లేకుండా చేయడమే రెవెన్యూ సదస్సుల లక్ష్యమని జిల్లా కలెక్టర్‌ శ్రీధర్‌ చామకూరి అన్నారు. మండల పరిధిలోని పారపట్ల గ్రామంలో బుధవారం జరిగిన గ్రామ రెవెన్యూ సదస్సుకు కలెక్టర్‌ హాజరయ్యారు. ఈ సందర్భంగా ఆయన మాట్లాడుతూ వీలైనంత వరకు సమస్యలను సదస్సులోనే పరిష్కరించేందుకు కృషి చేస్తున్నామన్నారు. కొన్ని సమస్యలకు నోటీసులిచ్చి పరిష్కరించేందుకు చర్యలు చేపడుతున్నట్లు తెలిపారు. పారపట్ల గ్రామంలో రీ సర్వేలో భూముల విస్తీర్ణం తక్కువ వచ్చినట్లు అందుతున్న ఫిర్యా దులను త్వరితగతిన పరిష్కరించాలని రెవెన్యూ అధికారులను ఆదేశించారు. రైతులు కూడా రెవెన్యూ సదస్సులను సద్వినియోగం చేసుకుని పరిష్కరించుకోవాలన్నారు. పారపట్ల గ్రామానికి చెందిన సుమారు ఇరవై మందికి పైగా రైతులకు పొలాలకు దారి సమస్య దీర్ఘకాలికంగా నెలకొందని రైతులు కలెక్టర్‌ దృష్టికి తీసుకురావడంతో విచారించిన ఆయన దారికి అవసరమైన భూమిని భూ సేకరణ చేసేందుకు నివేదికను సిద్ధం చేసి పంపాలని తహసీల్దార్‌ మహేశ్వరిబాయిని ఆదేశించారు. అలాగే గ్రామ పరిధిలో ప్రభుత్వ స్థలాన్ని ఆక్రమించుకుని గేటు ఏర్పాటు చేశారని అందిన ఫిర్యాదు మేరకు ఆక్రమిత స్థలాన్ని స్వయంగా పరిశీలించిన కలెక్టర్‌ ఆక్రమణలను తొలగించాలని ఆదేశించడంతో సాయంత్రానికే తహసీల్దార్‌ ఆక్రమణలను తొలగించారు. సదస్సులో రెవెన్యూ సిబ్బంది తీరుపై రైతులు కలెక్టర్‌కు వరుస ఫిర్యాదులు చేశారు. ఇసుక అక్రమ రవాణాపై కేసు నమోదు చేయండి పారపట్లలో జరిగిన గ్రామ రెవెన్యూ సదస్సుకు హాజరైన జిల్లా కలెక్టర్‌ తిరిగి వెళుతుండగా మార్గమధ్యం రంగనాథపురం వద్ద ఇసుక నిల్వను గమనించారు. దీంతో తహసీల్దార్‌ను పిలిచి విచారించారు. ఇసుక అక్రమంగా తరలించే వారిపై కేసు నమోదు చేసి చట్ట పరంగా చర్యలు తీసుకోవాలని ఆదేశించారు. మదనపల్లి సబ్‌ కలెక్టర్‌ మేఘస్వరూప్‌, మండల ప్రత్యేకాధికారి జయప్రకాష్‌, మండల సర్వేయర్‌ రెడ్డెప్ప, సబ్‌రిజిస్ట్రార్‌ కార్యాలయ సీనియర్‌ అసిస్టెంట్‌ భువనేశ్వరి, ఎండోమెంట్‌ అధాకారి మంజుల పాల్గొన్నారు. జిల్లా కలెక్టర్‌ శ్రీధర్‌ చామకూరి

ప్రతిసారి తుఫాన్లు వచ్చినప్పటి నుంచి చలి విపరీతంగా పెరగడం.. శీతాకాల సీజన్‌ కావడంతో సమస్య మరింత జఠిలమవుతోంది. జలుబు, జ్వరాలు, దగ్గు, శ్వాసకోశ వ్యాధులతో వృద్ధులతోపాటు చిన్నారులు వణికిపోతున్నారు. అంతేకాకుండా ఇతర వ్యాధులు కూడా విస్తరిస్తున్నాయి. తుఫాను ప్రభావం నేపథ్యంలో వ్యాధులతో ఆస్పత్రుల వైపు జనాలు పరుగులు తీస్తున్నారు. వైఎస్సార్‌ జిల్లా కేంద్రమైన కడపలోని రిమ్స్‌తోపాటు రాయచోటిలోని పెద్దాస్పత్రి, మదనపల్లె, ప్రొద్దుటూరులలోని జిల్లా ఆస్పత్రులు కిటకిటలాడుతున్నాయి. రెండు జిల్లాల్లోని మైదుకూరు, బద్వేలు, పులివెందుల, జమ్మలమడుగు, రాజంపేట, రాయచోటి, రైల్వేకోడూరు, పీలేరులోని ప్రైవేటు ఆస్పత్రులు కూడా రోగులతో నిత్యం రద్దీగా మారుతున్నాయి. ప్రధానంగా చలికి తోడు తుఫాను ప్రభావంతో వాతావరణంలో మార్పు ఫలితంగా చిన్నారులు, వృద్ధుల్లో దగ్గు, ఆయాసం ఒక్క ఉదుటున తగ్గకపోవడంతో ఎక్కువ ఆందోళన చెందుతున్నారు. రిమ్స్‌ సూపర్‌ స్పెషాలిటీ ఆసుపత్రికి ప్రతిరోజు వచ్చే రోగుల సంఖ్య: 1200 మదనపల్లె, ప్రొద్దుటూరులలో జిల్లా ఆస్పత్రులకు వచ్చే రోగులు: 1800-2000 రెండు జిల్లాల్లోని ప్రాథమిక ఆరోగ్య కేంద్రాలు, పట్టణ ఆరోగ్య కేంద్రాలకు రోజువారీగా వచ్చే రోగుల సంఖ్య:12 వేలకు పైగానే

పెద్దతిప్పసముద్రం : రుణాలు పొంది చెల్లించకుండా నిర్లక్ష్యంగా వ్యవహరిస్తూ బకాయిపడిన సభ్యులకు నోటీసులు అందజేసేందుకు అధికారులు బ్యాంకు సంసిద్ధమయ్యారు. వివరాల్లోకి వెళితే పెద్దతిప్పసముద్రం కేంద్రంగా బి.కొత్తకోట మండలానికి సంబంధించి గొర్రెలు, మేకల రైతు ఉత్పత్తిదారుల పరస్పర సంఘంలో 184 రైతు సంఘాల గ్రూపులున్నాయి. ఇందులో 1,923 మంది రైతులు సభ్యులుగా కొనసాగుతూ రుణాలు పొందుతున్నారు. సదరు గ్రూపు సభ్యుల లావాదేవీలు, బ్యాంకుల నుంచి మంజూరైన రుణాలు, చెల్లించిన రుణాలు, పొదుపు లావాదేవీలకు సంభంధించి ఏటా ఏప్రిల్‌లో ఆడిట్‌ నిర్వహిస్తారు. ఇటీవల జరిగిన ఆడిట్‌లో 23 గ్రూపులకు సంభంధించి రూ.18,32,041ల రుణాలు పెండింగ్‌లో ఉన్నట్లు అధికారులు గుర్తించారు. సదరు మొండి బకాయిదారుల నుంచి రుణాల రికవరీ కోసం ఇన్‌చార్జి ఏపీఎం, కార్యదర్శితో పాటు అధ్యక్షుడి సంతకాలతో నోటీసులను అందజేసేందుకు అధికారులు సమాయత్తమయ్యారు. అయితే సమాచారం లేకుండా కొంత మంది లీడర్లు సభ్యులను ఏమార్చి వారి నుంచి సంతకాలు తీసుకుని దొడ్డిదారిలో రుణాలు పొందారనే విమర్శలు వినిపిస్తున్నాయి. గొర్రెలు, మేకల ఉత్పత్తిదారుల సంఘం అధ్యక్షుడు నాగరాజు మాట్లాడుతూ గ్రూపులోని సభ్యులు సంతకాలు చేసే ముందు అధికారుల సూచనలు తీసుకోవాలని, ప్రభుత్వం అందజేస్తున్న రుణాలను రైతులు సద్వినియోగం చేసుకోవాలన్నారు.

ఏపీఎండీసీ అధికారులతీరుపై సర్వత్రా విమర్శలు ఓబులవారిపల్లె: రాష్ట్రంలో కూటమి ప్రభుత్వం అధికారంలోకి రాగానే అక్రమార్కుల ఆగడాలు పెరిగిపోతున్నాయి. సెప్టెంబర్‌ నెల 4వ తేదీన మంగంపేట ఏపీఎండీసీ కార్యాలయ సమీపంలోని పాత అయ్యపురెడ్డిపల్లెలో కూటమి నాయకుల అండతో రాత్రికి రాత్రి ఏపీఎండీసీ ఉద్యోగులు మట్టిని అక్రమంగా తరలించి విక్రయించారు. నేటి వరకు ఏపీఎండీసీ అధికారులు వారిపై చర్యలు తీసుకోలేదు. తాము ఏం చేసినా అడిగేవారు ఎవరూ లేరనే ధోరణిలో ఏపీఎండీసీ ఉద్యోగులు యథేచ్ఛగా వందలాది ట్రిప్పుల మట్టిని టిప్పర్ల సాయంతో తరలించి లక్షలాది రూపాయలు సొమ్ము చేసుకొన్నారు. కూటమి నాయకుల పలుకుబడి కారణంగా అటు రెవెన్యూ, ఇటు ఏపీఎండీసీ అధికారులు వారిపై ఎలాంటి చర్యలు తీసుకోలేదు. ఈ విషయంపై మంగంపేట ఏపీఎండీసీ సీపీఓ సుదర్శన్‌రెడ్డిని వివరణ కోరగా మట్టిని అనుమతులు లేకుండా తరలించిన విషయం వాస్తవమేనన్నారు. సంబంధిత ఉద్యోగులపై చర్యలు తీసుకోవాలని ఎండీకి సూచించామన్నారు. అయినా ఇప్పటి వరకు చర్యలు తీసుకున్నట్లు ఎలాంటి సమాచారం అందలేదన్నారు. ప్రతిపక్ష పార్టీకి చెందిన వారు చిన్న తప్పు చేసినా భూతద్దంలో చూసి అక్రమ కేసులు, చర్యలు తీసుకుంటున్న అధికారులు కూటమి నాయకుల అండదండలతో రెచ్చిపోతున్న ఉద్యోగులపై ఇప్పటి వరకు చర్యలు తీసుకోకపోవడం విమర్శలకు తావిస్తోంది. ఇప్పటికై నా సంబంధిత అధికారులు స్పందించి మట్టిని అక్రమంగా తరలించి లక్షలాది రూపాయలు కొల్లగొట్టిన ఉద్యోగులపై చర్యలు తీసుకోవాలని గ్రామస్తులు కోరుతున్నారు.

మదనపల్లె సిటీ: స్థానిక ప్రభుత్వ మహిళా డిగ్రీ కాలేజీలో కామర్స్‌ సబ్జెక్టు బోధించేందుకు అతిథి అఽధ్యాపకులుగా అర్హత కలిగిన అభ్యర్థులు దరఖాస్తు చేసుకోవాలని ప్రిన్సిపాల్‌ కృష్ణవేణి తెలిపారు. నెట్‌, ఏపీ సెట్‌, డాక్టరేట్‌ (పీహెచ్‌డీ) ఉన్నవారికి ప్రాధాన్యత ఇస్తారన్నారు. మహిళలకు ప్రాధాన్యత ఉంటుందన్నారు. అర్హత కలిగినవారు డిసెంబర్‌ 23 సోమవారం లోపు దరఖాస్తును కార్యాలయంలో అందజేయాలన్నారు. ప్రకృతి వ్యవసాయంపై రైతులకు అవగాహన పుల్లంపేట: మండల పరిధిలోని రాజుగారిపల్లిలో బుధవారం పొలం పిలుస్తోంది కార్యక్రమం జిల్లా వ్యవసాయ అధికారి చంద్ర నాయక్‌ ఆధ్వర్యంలో జరిగింది. ఈ సందర్భంగా ఆయన మాట్లాడుతూ రైతులు తప్పనిసరిగా రాగి, జొన్నలు, కొర్రలు పండించాలన్నారు. కౌలు గుర్తింపు కార్డు తీసుకున్న రైతులందరికి బ్యాంకు రుణాలు ఇప్పిస్తామని తెలిపారు. అనంతరం ఉద్యానవన శాస్త్రవేత్త సందీప్‌ నాయక్‌ ఆకుతోటల్లో, మామిడి పూలు, అరటితోటల్లో తీసుకోవాల్సిన జాగ్రత్తలు, సస్యరక్షణ చర్యలు వివరించారు. ఈ కార్యక్రమంలో రైతు సేవాకేంద్ర సిబ్బంది, ప్రకృతి వ్యవసాయ సిబ్బంది పి.మస్తాన్‌, లోకేశ్వర్‌ రెడ్డి, దిలీప్‌ కుమార్‌, రెడ్డి ప్రవీణ్‌, గాయత్రి, ఉదయభాను, శాంతకుమారి తదితరులు పాల్గొన్నారు. వినియోగదారుల హక్కులపై విద్యార్థులకు పోటీలు రాయచోటి టౌన్‌: ఈ నెల 22వ తేది ఆదివారం రాయచోటి డైట్‌ కళాశాలలో వినియోగదారుల దినోత్సవం సందర్భంగా విద్యార్థులకు వ్యాసరచన పోటీలు నిర్వహిస్తున్నట్లు అన్నమయ్య జిల్లా విద్యాశాఖ అధికారి డాక్టర్‌ సుబ్రహ్మణ్యం తెలిపారు. వినియోగదారుల హక్కులపై విద్యార్థులకు అవగాహన కల్పించేందుకే ఈ పోటీ పరీక్షలు నిర్వహిస్తున్నట్లు తెలిపారు. వ్యాసరచనతో పాటు వక్తృత్వ పోటీలు కూడా నిర్వహిహిస్తున్నట్లు పేర్కొన్నారు. ప్రభుత్వ పాఠశాలల విద్యార్థులు మాత్రమే అర్హులన్నారు. మరిన్ని వివరాల కోసం డైట్‌ అధ్యాపకులు శివభాస్కర్‌ 94413 28448, కె. శ్రీదేవి 7989189220, అసదుల్లా 94400 84715లకు ఫోన్‌ చేయాలన్నారు.రాష్ట్ర స్థాయి ఫెన్సింగ్‌ పోటీల ఎంపికకు దరఖాస్తు చేసుకోండి రాజంపేట టౌన్‌: ఈనెల 21వ తేదీ నుంచి మూడు రోజుల పాటు విజయవాడలో జరిగే రాష్ట్రస్థాయి ఫెన్సింగ్‌ పోటీలకు గూగుల్‌ షీట్‌లో ఆన్‌లైన్‌ ద్వారా ఈనెల 19వ తేదీలోపు దరఖాస్తు చేసుకోవాలని రాష్ట్ర ఫెన్సింగ్‌ అసోసియేషన్‌ కార్యదర్శి కృష్ణమోహన్‌ ఒక ప్రకటనలో తెలిపారు. రాష్ట్రస్థాయి పోటీలకు ఉమ్మడి వైఎస్సార్‌ జిల్లా క్రీడాకారులు ఆన్‌లైన్‌లో దరఖాస్తు కోసం రాజంపేట పట్టణంలోని ప్రభుత్వ జూనియర్‌ కళాశాలలో గురువారం సాయంత్రం 4 గంటల నుంచి సాంకేతిక సహాయం కోసం టెక్నికల్‌ అఫిషియల్‌ ఏ.రామాంజనేయులును సంప్రదించవచ్చన్నారు. దరఖాస్తు చేసుకునేవారు 18 సంవత్సరాలలోపు వారు అయితే ఎఫ్‌ఏఐ గుర్తింపు కార్డు, 18 సంవత్సరాలు పైబడిన వారైతే ఎఫ్‌ఏఐ గుర్తింపు కార్డుతో పాటు గతంలో పాల్గొన్న ఫె న్సింగ్‌ క్రీడ పార్టిసిపేషన్‌ సర్టిఫికెట్‌ తీసుకురావా లన్నారు. వివరాలకు 6301979079, 94908 6391 నంబర్లలో సంప్రదించాలని సూచించారు. పరీక్షలను సక్రమంగా నిర్వహించాలి గుర్రంకొండ: పాఠశాలల్లో నిర్వహిస్తున్న సమ్మెటివ్‌ అసెస్‌మెంట్‌ వన్‌ పరీక్షలను సక్రమంగా నిర్వహించాలని విద్యాశాఖ ఆర్జేడీ శామ్యూల్‌ అన్నారు. బుధవారం మండలంలోని ఖండ్రిగ ఉర్దూ హైస్కూల్‌లో ఆకస్మిక తనిఖీలు నిర్వహించారు. ఈ సందర్భంగా విద్యార్థులు రాస్తున్న బయోలాజికల్‌ పరీక్షలపై ఆరా తీశారు. తరగతి గదుల్లో విద్యార్థులకు కల్పించిన సౌకర్యాలను పరిశీలించి ఉపాధ్యాయులకు తగు సూచనలిచ్చా రు. రికార్డులు సక్రమంగా నిర్వహించాలని ఆదేశించారు. పరీక్షా పత్రాలను ఒక గంటముందు స్థానిక పోలీస్‌ స్టేషన్‌కు వెళ్లి ఉపాధ్యాయులు తెచ్చుకోవాలన్నారు. ఈ ప్రక్రియలో ఎలాంటి ని ర్లక్ష్యం చేసినా చర్యలు తప్పవని హెచ్చరించారు. కార్యక్రమంలో ఎంఈఓ సురేంద్రబాబు, హెడ్మాస్టర్‌ జావీద్‌, ఉపాధ్యాయులు పాల్గొన్నారు.

మదనపల్లె : పెద్దమండ్యం మండలం కలిచెర్ల మౌలాకాపహాడ్‌ ఉరుసు ఉత్సవాల నిర్వహణలో చట్టాన్ని అతిక్రమిస్తే చర్యలు తప్పవని సబ్‌ కలెక్టర్‌ మేఘస్వరూప్‌ హెచ్చరించారు. బుధవారం సాయంత్రం సబ్‌కలెక్టరేట్‌లో కడప అమీన్‌పీర్‌ దర్గా, కలిచెర్ల మౌలాకా పహాడ్‌ పీఠాధిపతి ఆరీపుల్లా హుస్సేని, హైదరాబాద్‌కు చెందిన అన్సారుల్‌ హక్‌ వర్గాలకు చెందిన వారితో పీస్‌ కమిటీ సమావేశం నిర్వహించారు. ఈ సందర్భంగా అన్సారుల్‌ హక్‌ వర్గం ఈనెల 26, 27, 28 తేదీల్లో కలిచెర్లలో ఉరుసు ఉత్సవాల నిర్వహణకు ప్రయత్నిస్తున్నారని ఆరీపుల్లా హుస్సేని ఆరోపించారు. ఈ దర్గాపై సర్వహక్కులు కలిగిన వారే ఉరుసు నిర్వహించాల్సి ఉంటుందన్నారు. అన్సరుల్‌హక్‌ మాట్లాడుతూ... తమ తాత, ముత్తాతల నుంచి దర్గాపై తమకు హక్కులు ఉన్నాయని, తామే ఉరుసు నిర్వహిస్తామన్నారు. దీనిపై సబ్‌ కలెక్టర్‌ మాట్లాడుతూ....ఇరువర్గాలు వారి వద్ద ఉన్న దర్గా డాక్యుమెంట్స్‌ తీసుకురావాలని, వాటిని పరిశీలించాకే దర్గా ఉరుసు ఉత్సవాలకు అనుమతిస్తామన్నారు. డీఎస్పీ కొండయ్య మాట్లాడుతూ... అనుమతి లేకుండా కలిచెర్ల ఉరుసు ఉత్సవాలకు ఏర్పాట్లు చేసి శాంతిభద్రతలకు విఘాతం కలిగిస్తే కేసులు నమోదుచేసి జైలుకు పంపుతామని హెచ్చరించారు. అంతవరకు కలిచెర్లలో ఎలాంటి అవాంఛనీయ సంఘటనలు జరగకుండా పోలీస్‌ బందోబస్తు నిర్వహించాలని పెద్దమండ్యం పోలీసులను ఆదేశించారు. సబ్‌ కలెక్టర్‌ మేఘస్వరూప్‌

రైల్వేకోడూరు అర్బన్‌ : జాతీయ స్థాయి బేస్‌బాల్‌ పోటీలకు తమ కళాశాల విద్యార్థి అరవింద్‌ ఎంపికై నట్లు ఎస్వీ జూనియర్‌ కళాశాల ప్రిన్సిపల్‌ శ్రీనివాసులు తెలిపారు. ఈ నెల 14వ తేది నుంచి 17వ తేది వరకు గుంటూరు జిల్లా నరసరావుపేటలో జరిగిన 68వ ఇంటర్‌ డిస్ట్రిక్ట్‌ రాష్ట్ర స్థాయి పోటీలలో తమ విద్యార్థి ప్రతిభ చూపారని తెలిపారు. అనంతరం అరవింద్‌ను అధ్యాపకులు, తోటి విద్యార్థులు అభినందించారు. తీగల చోరీ.. పైపు ధ్వంసం నిమ్మనపల్లె : గుర్తుతెలియని వ్యక్తులు కేసింగ్‌ పైపు ధ్వంసం చేసి, 60 మీటర్ల కేబుల్‌ తీగలు చోరీచేసిన సంఘటన నిమ్మనపల్లె మండలంలో జరిగింది. బాధిత రైతులు పోలీస్‌ స్టేషన్లో బుధవారం ఫిర్యాదు చేశారు. పోలీసుల వివరాల మేరకు.. ముష్టురు పంచాయతీ యరప్ప్రగారిపల్లెకు చెందిన కృష్ణప్పగారి సహదేవ, పెదనాన్న కుమారుడు కె.వెంకటరమణ కలిసి గ్రామ సమీపంలోని భూమిలో బోరు వేసుకుని వ్యవసాయం చేస్తున్నారు. ఇటీవల పొలంలో బావికి, బోరుకు సంబంధించిన స్టార్టర్లు గుర్తు తెలియని వ్యక్తులు చోరీ చేశారు. ఇదిలా ఉంటే మంగళవారం రాత్రి పొలం వద్ద ఎవరూలేని సమయంలో బోరు కేసింగ్‌, పైపులైన్‌ గేట్‌ వాల్వ్‌ పగలగొట్టి 60 మీటర్ల కేబుల్‌ తీగలు ఎత్తుకెళ్లారు. మోటారు తొలగించి బావిలో పడవేశారు. తమకు న్యాయం చేయాలని బాధితులు పోలీసులను ఆశ్రయించారు. ఎంహెచ్‌పీఎస్‌ జిల్లా అధ్యక్షురాలిగా హజీరా రాయచోటి అర్బన్‌ : మైనార్టీ హక్కుల పరిరక్షణ సమితి(ఎంహెచ్‌పీఎస్‌) అన్నమయ్య జిల్లా అధ్యక్షురాలిగా హజీరా ఏకగ్రీవంగా ఎంపికయ్యారు. పట్టణంలోని ఎంహెచ్‌పీఎస్‌ కార్యాలయంలో బుధవారం జిల్లా మహిళా విభాగం సమావేశం జరిగింది. సంఘం రాష్ట్ర కార్యదర్శి ఎస్‌.సగీర్‌, ఉమ్మడి కడప జిల్లా అధ్యక్షుడు ఖాదర్‌బాషా ఆధ్వర్యంలో జరిగిన ఈ కార్యక్రమంలో జిల్లా ఉపాధ్యక్షురాలిగా ఎస్‌.నాగజ్యోతి, సభ్యులుగా షబానా, ఫర్జానా, హస్నా, యాస్మిన్‌, సోఫియా, రాయచోటి పట్టణ ఉపాధ్యక్షురాలిగా షేక్‌ దిల్షాద్‌ ఎంపిక య్యారు. ఈ కార్యక్రమంలో ఎంహెచ్‌పీఎస్‌ రాయలసీమ యూత్‌ కన్వీనర్‌ ఇమ్రాన్‌ అలీ, జిల్లా ఉపాధ్యక్షుడు అష్రఫ్‌, బీసీ సెల్‌ ఉపాధ్యక్షుడు మస్తాన్‌, తదితరులు పాల్గొన్నారు. బైక్‌ అదుపు తప్పి వ్యక్తి మృతి జమ్మలమడుగు రూరల్‌ : బైక్‌ మరమ్మతులు చేసుకుని వెళ్తుండగా అదుపు తప్పి ఓ యువకుడు మృతి చెందాడు. స్థానికుల వివరాల మేరకు.. జమ్మలమడుగు మండలపరిధిలోని పి. బోమ్మేపల్లి గ్రామంలోని తండాకు చెందిన మూడే నారాయణ నాయక్‌(34) జమ్మలమడుగుకు వచ్చారు. బైక్‌ మరమ్మతు చేయించుకుని తిరిగి స్వగ్రామానికి వెళ్తున్నారు. మార్గమధ్యంలో జమ్మలమడుగు పరిధిలోని రోజా టవర్స్‌ వద్ద బైక్‌ అదుపు తప్పి కింద పడిపోయారు. తీవ్ర గాయాలపాలై అక్కడికక్కడే మృతిచెందారు. మృతుడికి భార్య, ఇద్దరు పిల్లలు ఉన్నారు. పూర్తి వివరాలు తెలియాల్సి ఉంది.

రామసముద్రం : మండలంలోని కురిజల గ్రామానికి చెందిన బొలెరో వాహనం ఢీకొనడంతో కర్నాటక రాష్ట్రం గుడిపల్లె పంచాయతీ నాగేపల్లె, కోనంగుంట గ్రామాలకు చెరందిన ఐదుగురు దుర్మరణం చెందారు. కర్ణాటక రాష్ట్రంలోని ములబాగల్‌ తాలూకా గుడిపల్లె పంచాయతీ సమీపంలో ఈ సంఘటన జరిగింది. స్థానికుల వివరాల మేరకు.. కర్నాటక రాష్ట్రం గుడిపల్లె పంచాయతీ నాగేపల్లెకు చెందిన భార్యాభర్తలు అప్పయ్య(45), గాయత్రి(40), కోనంగుంట గ్రామానికి చెందిన భార్యాభర్తలు వెంకటరమణప్ప(43), అలివేలమ్మ(38), అదే గ్రామానికి చెందిన రాధప్ప(45) కలిసి బైక్‌లపై ములబాగల్‌కు వెళ్తున్నారు. వడ్డిపల్లె నుంచి టమాటా బాక్సులతో వస్తున్న బొలెరో వాహనం ఎదురుగా వచ్చి అతివేగంతో రెండు బైకులను ఢీకొంది. దీంతో అప్పయ్య, గాయత్రి, వెంకటరమణప్ప, అలివేలమ్మ, రాధప్పలు అక్కడికక్కడే మృతిచెందారు. ములబాగల్‌ పోలీసులు కేసు నమోదుచేసి దర్యాప్తు చేస్తున్నారు.

ఓబులవారిపల్లె : రాత్రికి రాత్రి పెద్ద ఎత్తున మట్టి తరలింపును నిలిపివేసి అధికారులు నివేదిక పంపినా ఇప్పటి వరకూ చర్యలకు ఉపక్రమించలేదు. కూటమి ప్రభుత్వం అధికారం చేపట్టగానే మండలంలోని మంగంపేట ఏపీఎండీసీ కార్యలయం సమీపంలో పాత అయ్యపురెడ్డిపల్లె నందు మట్టి తరలింపు జోరందుకుంది. తమను అడ్డుకునే వారెవరంటూ ఏపీఎండీసీలో పనిచేస్తున్న ఉద్యోగులు రెచ్చిపోయారు. ఏపీఎండీసీ ఘనులకు కూతవేటు దూరంలో ఉన్న స్థలంలో గత సెప్టెంబరులో టిప్పర్ల సాయంతో యథేచ్ఛగా మట్టి తరలించి లక్షలాది రూపాయలు సొమ్ము చేసుకున్నారు. కూటమి నాయకుల అండ ఉండడంతో అక్రమార్కులపై రెవెన్యూ అధికారులు, ఇటు ఏపీంఎడీసీ అధికారులు చర్యలు తీసుకోలేదు. ప్రతి పక్ష పార్టీ నేతలు తప్పులు చేశారంటూ పదే పదే గళం విప్పే నేతలు ఈ మట్టి తరలింపులపై ఎందుకు స్పందించడం లేదని స్థానికులు అసహనం వ్యక్తం చేస్తున్నారు. ఉద్యోగులను విచారించి లక్షలాది రూపాయలు కొల్లగొట్టిన వారిపై చర్యలు తీసుకోవాలని గ్రామస్థులు కోరుతున్నారు. మంగంపేట ఏపీఎండీసీ సీపీఓ సుదర్శన్‌రెడ్డి వివరణ కోరగా అనుమతులు లేకుండా మట్టి తరలించిన విషయం వాస్తవమేనని, అందుకు కారణమైన ఉద్యోగులపై చర్యలు తీసుకోవాలని ఏండీకి నివేదిక పంపామని తెలిపారు. ఇప్పటి వరకు చర్యలు తీసుకోమని తమకు ఎలాంటి సమాచారం అందలేదని తెలిపారు.

స్పిన్నింగ్‌ మిల్లు విక్రయించిన ఏడాదికి నోటీసులు మదనపల్లె : ఏపీఎస్పీడీసీఎల్‌ అధికారుల మొద్దునిద్ర వీడటం లేదు. కాలగర్భంలో కలిసి పోయిన మదనపల్లె స్పిన్నింగ్‌ మిల్లు విక్రయం జరిగిపోయి, యంత్రాలు, సామగ్రి తరలించేసి, పూర్తిగా స్థలాన్ని చదును చేసేశాక... బకాయిలు చెల్లించాలంటూ నోటీసులు గోడకు అతికించడం ఇందుకు అద్దం పడుతోంది. ఏపీఎస్పీడీసీఎల్‌ అధికారులు స్పిన్నింగ్‌ మిల్లు నుంచి సంస్థకు హెచ్‌టీఎస్‌సీ నెం.టీపీటీ 235 కింద రూ.9.08 కోట్ల బకాయిలు చెల్లించాలని ఏపీఎస్పీడీసీఎల్‌ రాయచోటి అకౌంట్స్‌ ఆఫీసర్‌ బ్రహ్మయ్యచారి, మదనపల్లె ఆపరేషన్‌ ఈఈ ఎం.గంగాధరం, డిప్యూటీ ఈఈ బి.రురేంద్ర నాయక్‌, రూరల్‌ ఏఈ కే.రమేష్‌ తదితరులు వెళ్లి బకాయి నోటీసు గోడకు అతికించారు. సీటీఎం స్పిన్నింగ్‌ మిల్లు లాకౌట్‌ తర్వాత యాజమాన్యం మిల్లును బహిరంగ వేలం ద్వారా విక్రయించారు. ఇప్పటికే ఈ స్థలం ఇద్దరు వ్యక్తుల చేతులు మారినట్లు సమాచారం. ప్రస్తుత పరిస్థితుల్లో ఏపీఎస్పీడీసీఎల్‌ సంస్థకు రావాల్సిన బకాయి మొత్తం ఎవరు చెల్లించాలనేది ప్రశ్నార్థకంగా మారింది. ఈఈ గంగాధరం వివరణ కోరితే... ఇప్పటికే తమ సంస్థ స్పిన్నింగ్‌ మిల్లు యాజమాన్యానికి నోటీసులు జారీచేసిందని, లావాదేవీల విషయమై కోర్టులో కేసు నడుస్తుండటంతో బకాయి వసూలుకు ఆలస్యమైందని తెలిపారు. రెవెన్యూ రికవరీ యాక్ట్‌ 1864 కింద ఏపీఎస్పీడీసీఎల్‌కు రావాల్సిన బకాయిలను వడ్డీతో కలిపి వసూలుచేస్తామన్నారు.

రాజంపేట టౌన్‌ : ఉద్యోగుల బకాయిలను ప్రభుత్వం వెంటనే చెల్లించాలని ఎస్టీయూ రాష్ట్ర సంయుక్త అధ్యక్షుడు సుబ్రహ్మణ్యంరాజు, జిల్లా అధ్యక్షుడు అంకం శివారెడ్డి హెచ్చరించారు. స్థానిక మన్నూరు జెడ్పీ ఉన్నత పాఠశాలలో ఎస్టీయూ రీజనల్‌ కన్వీనర్‌ నరసింహులు అధ్యక్షతన జరిగిన సమావేశంలో వారు మాట్లాడుతూ పీఎఫ్‌, ఏపీజీఎల్‌ఐ, సరెండర్‌ లీవ్‌, మెడికల్‌ రీ అంబర్స్‌మెంట్‌ బకాయిలు చెల్లించేందుకు ప్రభుత్వం చర్యలు తీసుకోవాలని డిమాండ్‌ చేశారు. ప్రతినెలా ఉపాధ్యాయుల సర్దుబాటు పేరుతో ఇబ్బందులకు గురిచేయడం తగదన్నారు. 117 జీవో రద్దును స్వాగతిస్తున్నామని, హైస్కూల్‌ ప్లస్‌ స్థానంలో జిల్లా పరిషత్‌ జూనియర్‌ కళాశాల ఏర్పాటుచేసి ఉపాధ్యాయులకు రెండు ఇంక్రిమెంట్లతో పదోన్నతులు కల్పించేందుకు చర్యలు చేపట్టాలన్నారు. ఎస్టీయూ ఆధ్వర్యంలో రాష్ట్ర వ్యాప్తంగా తొలుత నిరసనలు, ఆందోళనలు చేపడతామని, అప్పటికీ ప్రభుత్వం స్పందించకుంటే ఉద్యమాలు చేసేందుకు వెనకాడబోయేది లేదని తెలిపారు. అనంతరం జిల్లా ఉత్తమ ఉపాధ్యాయులు ఓబులేసు, రాధాకృష్ణ, శ్రీనివాసవర్మ, సర్తాజ్‌లను ఎస్టీయూ నాయకులు ఘనంగా సత్కరించారు. ఈ కార్యక్రమంలో అల్లం అశోక్‌కుమార్‌, ఎల్లయ్య, మురళీ మనోహర్‌, శ్రీనివాసులు, రవిశంక్‌రెడ్డి, నాగరాజు, పిల్లి రామకృష్ణ, నరేంద్ర, గోపాల్‌, సత్యనారాయణ, స్వామినాథ్‌, యానాదయ్య, గంగాధర్‌, వేణుగోపాల్‌, తదితరులు పాల్గొన్నారు. ఎస్టీయూ రాష్ట్ర సంయుక్త అధ్యక్షుడు సుబ్రహ్మణ్యంరాజు

బి.కొత్తకోట : అధికారుల ఏకపక్ష ధోరణి, ప్రజా సమస్యలపై నిర్లక్ష్యం, అభివృద్ధిని కాలరాసే విధంగా సాగుతున్న చర్యలపై పెద్దతిప్పసముద్రం ఎంపీపీ మొహమూద్‌ హైకోర్టును ఆశ్రయించగా అధికారులకు చెంపపట్టు లాంటి తీర్పు ఇచ్చింది. పంచాయతీరాజ్‌ చట్టాన్ని అనుసరించి వారంలోగా మండల పరిషత్‌ సమావేశాన్ని నిర్వహించాలని అధికారులను ఆదేశించింది. కూటమి ప్రభుత్వం అధికారంలోకి రావడంతోనే తంబళ్లపల్లె నియోజకవర్గంలో అభివృద్దిని అడ్డుకోవడమే కాక మండల పరిషత్‌ సమావేశాలను జరగనివ్వకుండా అడ్డుపడుతూ శాంతిభద్రతల సమస్యను సృష్టిస్తున్నారు. ఈ నేపథ్యంలో పీటీఎం మండల పరిషత్‌ సమావేశ నిర్వహణపై హైకోర్టును ఆశ్రయించారు. వారంలో జరపండి : పెద్దతిప్పసముద్రం మండల పరిషత్‌ సమావేశాన్ని ఈ ఆగష్టు ఏడున నిర్వహిస్తున్నట్టు అధికారులు సర్కులర్‌ జారీ చేశారు. సమావేశానికి పై హాలులో ఎంపీపీ, ఎంపీటీసీలు హాజరయ్యారు. ఈ సమావేశం జరగనివ్వకుండా కూటమి నాయకులు అడ్డుపడి శాంతిభద్రతల సమస్యను సృష్టించారు. దీనిపై ఎంపీపీ హైకోర్టును ఆశ్రయించారు. సమావేశం జరగకుండా అడ్డుపడిన ఘటనలకు సంబంధించిన వివరాలు, అధికారుల తీరుపై ఆధారాలను సమర్పించారు. హైకోర్టు ఈ మేరకు తీర్పు ఇస్తూ నిబంధనల మేరకు వారంలోగా సమావేశం నిర్వహించాలని, శాంతిభద్రతల సమస్య లేకుండా సుహృద్భావ వాతావరణంలో సమావేశం నిర్వహించాలని ఆదేశించింది. ఈ మేరకు ఎంపీపీ, ఎంపీటీసీలు బుధవారం ఎంపీడీఓ అబ్దుల్‌కలాం అజాద్‌కు వినతిపత్రం అందించారు. హైకోర్టు ఆదేశాల మేరకు ఎలాంటి సమస్యలు లేకుండా సర్వసభ్య సమావేశం నిర్వహించాలని కోరారు. ఎంపీపీ అనుమతి లేకనే.. హైకోర్టు వారంలోగా సమావేశం నిర్వహించాలని హైకోర్టు ఇచ్చిన తీర్పు బుధవారం అందగా అధికారులు అత్యుత్సాహం చూపించారు. సాధారణంగా మండలమీట్‌ జరపాలంటే ఎంపీపీ ఇచ్చే తేది, అనుమతి పొందాక సర్కులర్‌ ద్వారా ప్రజాప్రతినిధులు, అధికారులకు సమాచారం ఇవ్వాలి. అయితే ఎంపీపీ మొహమూద్‌ అనుమతి లేకుండానే అధికారులు సమావేశ నిర్వహణకు నిర్ణయించి ఈనెల 11న సర్కులర్‌ జారీ చేశారు. గురువారం సమావేశ నిర్వహణకు ఏర్పాట్లు చేస్తున్నారు. వారంలోగా నిర్వహించాలని హైకోర్టు ఆదేశాలు శాంతిభద్రతలపై కోర్టుకు ఆధారాల సమర్పణ ఎంపీపీ అనుమతి లేకుండానే.. అధికారుల అత్యుత్సాహంతో నేడు మండల మీట్‌

ధర ఆశాజనకంగా ఉండడంతో రైతులు ఈ ఏడాది ఉలవ పంట సాగుపై దృష్టి సారించారు. ఎక్కువమంది పంట సాగుపై ఆసక్తి చూపడంతో ప్రభుత్వం రైతుకు ప్రోత్సాహకాలు అందిస్తోంది. జిల్లా వ్యాప్తంగా 400 రైతు సేవా కేంద్రాల ద్వారా 80 శాతం రాయితీతో ఉలవలు పంపిణీ చేసింది. దీంతో రైతులు 35, 127 హెక్టార్లలో ఉలవ పంట సాగు చేశారు. ● జిల్లాలో 35,127 హెక్టార్లలో సాగు చేసిన రైతులు ● 80 శాతం రాయితీతో 14,845 క్వింటాళ్ల పంపిణీ పీలేరు రూరల్‌ : ఖరీఫ్‌ సీజన్‌లో వేరువనగ సాగు చేసుకోలేని రైతులు ఉలవ పంట సాగు చేశారు. జిల్లాలో 63,573 మంది రైతులు దాదాపు 35,127 హెక్టార్లలో గత సెప్టెంబర్‌, అక్టోబర్‌ మాసాల్లో రైతులు పంట సాగు చేశారు. ఎకరాకు నాలుగు నుంచి ఆరు క్వింటాళ్ల వరకు దిగుబడి లభిస్తుందని రైతులు చెబుతున్నారు. ప్రస్తుతం మార్కెట్‌లో క్వింటా ఉలవలు రూ.5 వేల ధర పలుకుతున్నాయి. జిల్లాలో సాధారణ సాగు విస్తీర్ణం 7534 హెక్టార్లు కాగా, అందుకు నాలుగింతలు అధికంగా ఈ ఏడాది ఉలవ సాగు చేశారు. వాతావరణం బాగా అనుకూలించడంతో మంచి దిగుబడి వచ్చే అవకాశం ఉందని అధికారులు, రైతులు ఆశాభావం వ్యక్తం చేస్తున్నారు. నియోజకవర్గాల వారీగా ఉలవ సాగునియోజకవర్గం హెక్టార్లు పీలేరు 7790 మదనపల్లె 3973 తంబళ్లపల్లె 14456 రాయచోటి 7214 రాజంపేట 1694

గాలివీడు : పట్టణంలోని పెద్దూరులో నివాసముంటున్న గుండ్లూరి రత్నమ్మ కనిపించలేదంటూ ఆమె భర్త ఆంజనేయులు బుధవారం పోలీసులకు ఫిర్యాదు చేశారు. ఈ నెల 16వ తేదీ నుంచి రత్నమ్మ కనిపించలేదు. మతిస్థిమితం సరిగా లేని కారణంగా బయటికి వెళ్లి ఉంటుందని కుటుంబ సభ్యులు గాలించారు. ఆచూకీ తెలియకపోవడంతో పోలీసులకు ఫిర్యాదు చేశారు. ఆమె ఆచూకీ తెలిస్తే 7569690966 సెల్‌ నెంబర్‌కు సమాచారం అందించాలని వారు కోరారు. సోషల్‌ మీడియా యాక్టివిస్ట్‌ సుధారాణికి బెయిల్‌ మంజూరు మదనపల్లె : సోషల్‌ మీడియా యాక్టివిస్ట్‌ సుధారాణిపై అన్నమయ్య జిల్లా మదనపల్లె టూటౌన్‌ పోలీస్‌స్టేషన్‌లో నమోదైన కేసులో బుధవారం రెండో ఏడీఎం కోర్టు న్యాయమూర్తి ర్యెగులర్‌ బెయిల్‌ మంజూరు చేశారు. సుధారాణి తరపున లాయర్‌ ప్రసాదరెడ్డి న్యాయమూర్తి ఎదుట వాదనలు వినిపించారు. దీంతో సుధారాణికి ర్యెగులర్‌ బెయిల్‌ మంజూరైంది. పీటీ వారెంట్‌లో భాగంగా సుధారాణిని ఈనెల 12న నరసారావుపేట నుంచి తీసుకువచ్చి మదనపల్లె పోలీసులు కస్టడీకి తీసుకున్న విషయం తెలిసిందే. పోలీసు విచారణ తర్వాత 13వ తేదీన న్యాయమూర్తి ఎదుట హాజరుపరిస్తే ఈనెల 26 వరకు రిమాండ్‌ విధించారు. దీంతో ఆమెను పోలీసులు తిరిగి నరసారావుపేటకు తీసుకెళ్లారు. ఈ కేసుకు సంబంధించి దాఖలైన బెయిల్‌ పిటిషన్‌ విచారణలో సుధారాణికి ర్యెగులర్‌ బెయిల్‌ మంజూరైంది. బేస్‌బాల్‌ జాతీయ స్థాయి పోటీలకు ఎంపిక చిన్నమండెం : చిన్నమండెం మోడల్‌ స్కూల్‌లో ఎంపీసీ చదువుతున్న ఎ.వైష్ణవి, సీఈసీ చదువుతున్న వై.శ్రీహరినాయుడు ప్రతిభ కనపరిచి జాతీయ స్థాయి పోటీలకు ఎంపికయ్యారని ప్రిన్సిపల్‌ వి.రమేష్‌ తెలిపారు. ఈ నెల 14, 15, 16వ తేదీలలో గుంటూరు జిల్లా సత్తెనపల్లె సమీపంలోని లయోలా కాలేజీలో జరిగిన అండర్‌–19 రాష్ట్ర స్థాయి బేస్‌బాల్‌ పోటీలలో వారు ప్రతిభ కనబరిచారని తెలిపారు. ఈ సందర్భంగా ఫిజికల్‌ డైరెక్టర్‌ కె.రామాంజనేయులు, విద్యార్థులను ఉపాధ్యాయులు అభినందించారు. బద్వేల్‌ మున్సిపల్‌ వైస్‌ చైర్మన్‌ అరెస్టు మైదుకూరు : బద్వేల్‌ మున్సిపల్‌ వైస్‌ చైర్మన్‌ ఎర్రగొల్ల గోపాలస్వామిని అరెస్టు చేసినట్లు మైదుకూరు డీఎస్పీ రాజేంద ప్రసాద్‌ తెలిపారు. డీఎస్పీ తెలిపిన మేరకు.. గోపవరం మండలం ఎల్లారెడ్డి పేటకు చెందిన మేడిమెల సుశీల భర్త రత్నం 2018లో మృతి చెందాడు. అయితే అతను బతికి ఉన్నట్టు ఫోర్జరీ ఆధార్‌ సృష్టించి అతని పేరుతో ఉన్న చెన్నంరెడ్డిపల్లె పొలం సర్వే నంబర్‌ 1754/2లోని 1.02 ఎకరాల పొలాన్ని గోపాలస్వామి, డ్రైవర్‌ లక్ష్మీనారాయణ పేరుతో రిజిస్టర్‌ చేయించుకున్నాడు. ఆ విషయంపై రత్నం భార్య మేడిమెల సుశీల ఫిర్యాదు చేశారు. ఆ మేరకు బుధవారం ఎర్రగొల్ల గోపాలస్వామిని అరెస్టు చేసినట్టు డీఎస్పీ వివరించారు.

ఓబులవారిపల్లె : రాత్రికి రాత్రి పెద్ద ఎత్తున మట్టి తరలింపును నిలిపివేసి అధికారులు నివేదిక పంపినా ఇప్పటి వరకూ చర్యలకు ఉపక్రమించలేదు. కూటమి ప్రభుత్వం అధికారం చేపట్టగానే మండలంలోని మంగంపేట ఏపీఎండీసీ కార్యలయం సమీపంలో పాత అయ్యపురెడ్డిపల్లె నందు మట్టి తరలింపు జోరందుకుంది. తమను అడ్డుకునే వారెవరంటూ ఏపీఎండీసీలో పనిచేస్తున్న ఉద్యోగులు రెచ్చిపోయారు. ఏపీఎండీసీ ఘనులకు కూతవేటు దూరంలో ఉన్న స్థలంలో గత సెప్టెంబరులో టిప్పర్ల సాయంతో యథేచ్ఛగా మట్టి తరలించి లక్షలాది రూపాయలు సొమ్ము చేసుకున్నారు. కూటమి నాయకుల అండ ఉండడంతో అక్రమార్కులపై రెవెన్యూ అధికారులు, ఇటు ఏపీంఎడీసీ అధికారులు చర్యలు తీసుకోలేదు. ప్రతి పక్ష పార్టీ నేతలు తప్పులు చేశారంటూ పదే పదే గళం విప్పే నేతలు ఈ మట్టి తరలింపులపై ఎందుకు స్పందించడం లేదని స్థానికులు అసహనం వ్యక్తం చేస్తున్నారు. ఉద్యోగులను విచారించి లక్షలాది రూపాయలు కొల్లగొట్టిన వారిపై చర్యలు తీసుకోవాలని గ్రామస్థులు కోరుతున్నారు. మంగంపేట ఏపీఎండీసీ సీపీఓ సుదర్శన్‌రెడ్డి వివరణ కోరగా అనుమతులు లేకుండా మట్టి తరలించిన విషయం వాస్తవమేనని, అందుకు కారణమైన ఉద్యోగులపై చర్యలు తీసుకోవాలని ఏండీకి నివేదిక పంపామని తెలిపారు. ఇప్పటి వరకు చర్యలు తీసుకోమని తమకు ఎలాంటి సమాచారం అందలేదని తెలిపారు.

మదనపల్లె : రైతుల సమస్యల పరిష్కారం కోసమే రెవెన్యూ సదస్సులంటూ కూటమి ప్రభుత్వం ఆర్భాటంగా ప్రచారం చేసుకుంటుంటే....క్షేత్ర స్థాయిలో ఇందుకు భిన్నంగా కనిపిస్తోంది. సమస్యలు పట్టించుకోకుండా అధికారులు తమ పనుల్లో నిమగ్నమవుతున్నారు. మదనపల్లె మున్సిపల్‌ పరిధిలోని కమ్మపల్లెలో బుధవారం రెవెన్యూ సదస్సు జరిగింది. ప్రజలు తమ సమస్యలను వివరిస్తుంటే...నోడల్‌ అధికారి, డీఎల్‌డీఓ అమరనాథరెడ్డి మాత్రం తనకేమీ పట్టదన్నట్లు ఇలా న్యూస్‌ పేపర్‌ చదువుతూ కనిపించారు. రైతులు రెవెన్యూ సిబ్బందితో గొడవ పడుతున్నా.. ఆయన మాత్రం పేపర్‌ చదవడంలో నిమగ్నమై కనిపించారు. సదస్సు నిర్వహణకు నోడల్‌ అధికారిగా ఉన్న డీఎల్‌డీఓ ఇలా చేయడంతో రైతులు అసహనం వ్యక్తం చేశారు. ఎర్రచందనం కేసులో ఒకరికి జైలు శిక్ష సిద్దవటం : ఎర్రచందనం కేసులో నేరం రుజువు కావడంతో తమిళనాడుకు చెందిన పొన్నన్‌ పలణి స్వామికి ఐదేళ్ల జైలు శిక్ష, రూ.6 లక్షల జరిమానా విధిస్తూ జడ్జి బుధవారం తీర్పు వెలువరించినట్లు సిద్దవటం ఇన్‌చార్జి రేంజర్‌ నయూమ్‌అలీ తెలిపారు. సిద్దవటం అటవీశాఖ కార్యాలయంలో విలేకరులతో బుధవారం ఆయన మాట్లాడుతూ 11 ఎర్రచందనం దుంగల స్మగ్లింగ్‌లో తమిళనాడుకు చెందిన పొన్నన్‌ పలనీ స్వామి పాల్గొనడంతో అప్పటి సిద్దవటం అటవీ శాఖ అధికారి కె.ప్రసాద్‌ 15 అక్టోబర్‌, 2018లో నిందితుడిని పట్టుకుని కేసు నమోదు చేశారన్నారు. అనంతరం కోర్టులో హాజరుపరచగా.. అప్పటి సిద్దవటం బీట్‌ ఆఫీసర్‌ సుబ్రహ్మణ్యం, రేంజర్‌ ప్రసాద్‌ సాక్ష్యాలతో కేసు నిరూపణ కావడంతో పొన్నన్‌ పలనీస్వామికి ఐదేళ్ల జైలుశిక్ష, రూ.6లక్షల జరిమానా విధిస్తూ జడ్జి తీర్పునిచ్చారు. దీంతో నిందితుడిని నెల్లూరు జైలుకు తరలిస్తున్నట్లు పోలీసులు తెలిపారు.

మదనపల్లె : ఓ వ్యక్తిపై జరిగిన దాడి ఘటనపై ఎస్సీ, ఎస్టీ కేసు నమోదు కాగా, మంగళవారం డీఎస్పీ దర్బార్‌ కొండయ్యనాయుడు క్షేత్రస్థాయిలో విచారణ చేశారు. పట్టణంలోని ఎస్టేట్‌కు చెందిన జయభారత్‌పై ఈ నెల7న పట్టణానికి చెందిన రెడ్డిశేఖర్‌, మధుబాబు, మునీంద్రనాయక్‌లు బెంగళూరు రోడ్డులో దాడికి పాల్పడ్డారు. వీరి మధ్య ఓ భూమికి సంబంధించి క్రయ, విక్రయాల్లో భాగంగా జయభారత్‌ కొంత నగదు వీరికి బాకీ పడ్డాడు. నగదు సకాలంలో చెల్లించకపోవడంతో వారు దాడికి పాల్పడ్డారు. ఈ ఘటనపై బాధితుడు ఈనెల 13న వన్‌టౌన్‌ పోలీస్‌స్టేషన్‌లో ఫిర్యాదు చేశారు. ఈ మేరకు ఎస్‌ఐ శివకుమార్‌ దాడి, ఎస్సీ, ఎస్టీ కేసు నమోదు చేశారు. ఈ కేసు విచారణలో భాగంగా డీఎస్పీ బెంగళూరు రోడ్డులో ఘటన జరిగిన ప్రాంతంలో చుట్టుపక్కల వారిని విచారణ చేశారు. కోడిపందెం ఆటగాళ్ల అరెస్ట్‌ మదనపల్లె : కోడి పందెం ఆడుతున్న ముగ్గురు వ్యక్తులను అరెస్ట్‌ చేసినట్లు టూటౌన్‌ సీఐ రామచంద్ర తెలిపారు. పట్టణంలోని వీవర్స్‌ కాలనీ వద్ద కోడి పందెం నిర్వహిస్తున్నట్లు సమాచారం అందడంతో పోలీసులు దాడులు నిర్వహించారు. ముగ్గురు వ్యక్తులను అదుపులోకి తీసుకున్నారు. వారి వద్ద నుంచి రూ.7,840, రెండు పందెంకోళ్లు స్వాధీనం చేసుకున్నారు. నిందితులపై కేసు నమోదు చేసి రిమాండ్‌కు తరలించారు. ఇసుక ట్రాక్టర్లు స్వాధీనం సిద్దవటం : మండల పరిధి టక్కోలు గ్రామ సమీపంలోని పెన్నానది నుంచి అక్రమంగా ఇసుకను కడపకు తరలిస్తున్న 10 ట్రాక్టర్లను మంగళవారం స్వాధీనం చేసుకున్నామని ఇన్‌చార్జి తహసీల్దారు మాధవీలత తెలిపారు. ఆ ట్రాక్టర్లను స్థానిక పోలీసుస్టేషన్‌కు తరలించామని పేర్కొన్నారు. ప్రభుత్వ అనుమతులు లేకుండా ఇసుకను తరలిస్తే కఠిన చర్యలు తీసుకుంటామని ఆమె హెచ్చరించారు. రోడ్డు ప్రమాదంలో వైద్య విద్యార్థి దుర్మరణం రైల్వేకోడూరు అర్బన్‌ : రైల్వేకోడూరు– శెట్టిగుంట జాతీయ ప్రధాన రహదారిపై మంగళవారం జరిగిన రోడ్డు ప్రమాదంలో వైద్య విద్యార్థి దుర్మరణం చెందాడు. తిరుపతి ఎస్‌వీ మెడికల్‌ కళాశాలలో చదువుతున్న అనంతపురం జిల్లా కదిరి నియోజకవర్గం నల్లమల్ల తండాకు చెందిన మహేంద్ర నాయక్‌ (21) బైక్‌పై వెళ్తుండగా గుర్తు తెలియని వాహనం ఢీకొని అక్కడికక్కడే మృతి చెందాడు. విషయం తెలుసుకున్న పోలీసులు.. మృతుడి తల్లిదండ్రులు తులసీధర్‌ నాయక్‌, తిరుపాల్‌ భాయీలకు విషయం తెలియజేశారు. పోలీసులు కేసు నమోదు చేసి దర్యాప్తు చేస్తున్నారు.

రాయచోటి : పోలీస్‌ శాఖలో స్పెషల్‌ బ్రాంచ్‌(ఎస్‌బీ) విభాగం కీలక పాత్ర పోషిస్తోందని జిల్లా ఎస్పీ విద్యాసాగర్‌ నాయుడు అన్నారు. మంగళవారం రాయచోటిలోని జిల్లా పోలీసు సమావేశ మందిరంలో జిల్లాలోని స్పెషల్‌ బ్రాంచ్‌ అధికారులు, సిబ్బంది పనితీరుపై ఆయన సమీక్ష నిర్వహించారు. ఈ సందర్భంగా మాట్లాడుతూ రికార్డులను ఎప్పటికప్పుడు అప్‌డేట్‌ చేయాలని ఆదేశించారు. క్షేత్రస్థాయిలో కచ్చితమైన సమాచారం వచ్చేలా వ్యవస్థను పటిష్టం చేసుకోవాలని సూచించారు. ఇంకా పలు సూచనలు, సలహాలు ఇచ్చారు. ఈ సమావేశంలో స్పెషల్‌ బ్రాంచ్‌ ఇన్‌స్పెక్టర్‌లు పి.రాజ, రమేష్‌, ఏ సత్యనారాయణ, కె. రాజారెడ్డి, ఎస్‌ఐలు, సిబ్బంది పాల్గొన్నారు.

బి.కొత్తకోట : మండలంలోని గుమ్మసముద్రం పంచాయతీ గుడ్లవారిపల్లెకు చెందిన విజయనిర్మల (34) అనుమానాస్పద స్థితిలో మృతి చెందింది. సీఐ జీవన్‌ గంగనాథ్‌ బాబు తెలిపిన మేరకు వివరాలు ఇలా ఉన్నాయి. గుడ్లవారిపల్లెకు చెందిన జనార్దన్‌ భార్య విజయనిర్మల సోమవారం రాత్రి ఇంటిలో నిద్రిస్తున్నారు. రాత్రివేళ నిద్రలేచి చూడగా.. అపస్మారక స్థితిలో ఉండటం గమనించి కుటుంబీకులు మంగళవారం తెల్లవారుజామున మూడు గంటలకు బి.కొత్తకోట సీహెచ్‌సీకి తీసుకొచ్చారు. పరీక్షించిన వైద్యులు విజయనిర్మల అప్పటికే మృతి చెందినట్టు నిర్ధారించారు. మృతిపై అనుమానాలు వ్యక్తం కావడంతో విజయనిర్మల తమ్ముడు హరీష్‌ ఫిర్యాదు మేరకు పోలీసులు కేసు నమోదు చేశారు. హత్యనా, ఆత్మహత్యనా తేల్చేందుకు వారు దర్యాప్తు చేపట్టారు. పోస్టుమార్టం కోసం మృతదేహాన్ని మదనపల్లె జిల్లా ఆస్పత్రికి తరలించారు. బెల్టుషాపులు నిర్వహిస్తే కఠిన చర్యలు రైల్వేకోడూరు అర్బన్‌ : బెల్టు షాపులు నిర్వహిస్తే కఠిన చర్యలు తీసుకుంటామని ఎకై ్సజ్‌ ప్రొహిబిషన్‌ అసిస్టెంట్‌ సూపరింటెండెంట్‌ ఎం.రవి హెచ్చరించారు. స్థానిక ఎకై ్సజ్‌ కార్యాలయంలో సీఐ తులసీ, సిబ్బందితో ఆయన మంగళవారం సమీక్ష నిర్వహించారు. ఈ సందర్భంగా మాట్లాడుతూ రైల్వేకోడూరు పరిధిలో బెల్టు షాపులు నిర్వహిస్తే ఉక్కుపాదం మోపాలని ఆదేశించారు. మొదటిసారి దొరికితే కఠిన చర్యలు, రెండోసారి దొరికితే నాన్‌ బెయిల్‌బుల్‌ కేసులు నమోదు చేసి భారీ జరినామాలు విధించాలని ఆదేశించారు. ఈ కార్యక్రమంలో ఎస్‌ఐ జహీర్‌ అహ్మద్‌, తదితరులు పాల్గొన్నారు.

కడప వైఎస్‌ఆర్‌ సర్కిల్‌ : కాంగ్రెస్‌ కార్యాలయంలో ఆ పార్టీ జిల్లా అధ్యక్షురాలు విజయజ్యోతి, నగర అధ్యక్షుడు అఫ్జల్‌ఖాన్‌ మధ్య మంగళవారం వాగ్వాదం చోటుచేసుకుంది. ఏపీసీసీ అధ్యక్షురాలు షర్మిల జన్మదినం సందర్భంగా జిల్లా కాంగ్రెస్‌ కార్యాలయంలో కేక్‌ కట్‌ చేసేందుకు అఫ్జల్‌ఖాన్‌ ఏర్పాట్లు చేశారు. అప్పటికే నగరంలోని అశోక్‌నగర్‌లో కాంగ్రెస్‌ పార్టీ అసెంబ్లీ కో–ఆర్డినేటర్‌ బండి జకరయ్య ఆధ్వర్యంలో కేక్‌ కట్‌ చేసి దుప్పట్లు పంపిణీ చేశారు. ఆ కార్యక్రమాలు ముగించుకొని పార్టీ కార్యాలయానికి చేరుకోగానే.. నగర అధ్యక్షుడు కేక్‌ కట్‌ చేసేందుకు పిలిచారు. తనకు ముందస్తు సమాచారం లేకుండా.. ఎలా కేక్‌ కట్‌ చేస్తానంటూ విజయజ్యోతి మండి పడ్డారు. డీసీసీ అధ్యక్షురాలు మహిళ అని కూడా చూడకుండా, గౌరవంగా పిలవకపోవడం ఏమిటని వాగ్వాదానికి దిగారు. అక్కడ వివాదం నెలకొనడంతో ఆమె వెళ్లిపోయారు. ఈ విషయంపై డీసీసీ అధ్యక్షురాలు మాట్లాడుతూ నగర అధ్యక్షుడు అఫ్జల్‌ఖాన్‌కు కాంగ్రెస్‌ పార్టీ కార్యాలయంతో సంబంధం లేదని అన్నారు. తనకు సమాచారం పార్టీ రాష్ట్ర కార్యాలయం నుంచి వస్తుందన్నారు. నగర అధ్యక్షుడి తీరుపై అధిష్టానికి ఫిర్యాదు చేస్తామన్నారు. తనకు, పార్టీ కార్యాలయానికి సంబంధం ఉందో లేదో అధిష్టానం తేలుస్తుందని నగర అధ్యక్షుడు చెబుతున్నారు. షర్మిల జన్మదిన వేడుకల్లో డీసీసీ, నగర అధ్యక్షుల మధ్య వివాదం

కొండాపురం : మండల పరిధి లావనూరు–చెన్నమనేనిపల్లె గ్రామాలకు వెళ్లే రోడ్డులోని ఓ కల్వర్టు వద్ద ఓ వ్యక్తి అనుమానాస్పద స్థితిలో మృతి చెందాడు. హత్యా.. ఆత్మహత్యా.. అనే విషయం పోలీసులు తేల్చాల్సి ఉంది. స్థానికులు, బంధువులు తెలిపిన మేరకు వివరాలు ఇలా ఉన్నాయి. అనంతపురం జిల్లా శింగనమల నియోజకవర్గంలోని యల్లనూరు గ్రామానికి చెందిన చిన్నగుల్లి ఓబన్నగారి బాలయ్య పెద్దకుమారుడు చిన్నగుల్లి ఓబన్నగారి సురేష్‌(36) మంగవారం తెల్లవారుజామున మృతి చెందాడు. ఆయనకు చిలమకూరు గ్రామానికి చెందిన వీరకుమారితో 10 ఏళ్ల క్రితం వివాహం అయింది. వీర కుమారి ఆశా వర్కర్‌గా పని చేస్తోంది. వీరికి ఇద్దరు సంతానం. సురేష్‌ ఆటో నడుపుకొంటూ ఎల్లనూరులోనే నివాసం ఉంటున్నారు. సురేష్‌, వీరకుమారికి మనస్పర్థలు ఉన్నాయి. ఏడాది నుంచి వారు దూరంగా ఉంటున్నారు. కొండాపురం ఎస్‌ఐ విద్యాసాగర్‌ సురేష్‌ మృతదేహం వద్దకు చేరుకొని పరిశీలించారు. మృతదేహాన్ని తాడిపత్రి ప్రభుత్వ ఆసుపత్రికి పోస్టుమార్టం నిమిత్తం తరలించారు. కేసు నమోదు చేసి, దర్యాప్తు చేస్తున్నారు. అనుమానాస్పద స్థితిలో వ్యక్తి మృతి

గుర్రంకొండ : మండలంలోని తరిగొండ, మర్రిపాడు గ్రామాల పరిఽధిలో ఉన్న రామానాయిని చెరువు, హరిహరాదుల చెరువు పరిసరాల్లో ఉన్న ఇసుక డంప్‌లను రాత్రికి రాత్రే ఇసుకాసురులు ఖాళీ చేశారు. కాగా ఒక చోట సగం ఉన్న ఇసుక డంప్‌ను పోలీస్‌, రెవెన్యూ అధికారులు సీజ్‌ చేశారు. ‘సాక్షి’ల ప్రచురితమైన ‘పగలు తోడేస్తూ.. రాత్రిళ్లు తోలేస్తూ’ అనే కథనంపై అధికారులు స్పందించారు. మంగళవారం రామానాయిని చెరువు పరిసరాల్లోని రుద్రావాండ్లపల్లె, పిల్లగోవులవారిపల్లె, చెరువుమొరవపల్లె, రేగడపల్లె, కొత్తపల్లె గ్రామాల సమీప పొలాల్లో అక్రమంగా నిల్వ ఉంచిన ఇసుక డంప్‌లపై పోలీస్‌, రెవెన్యూ అధికారులు దాడులు నిర్వహించారు. అయితే ఇసుకాసురులు రాత్రికి రాత్రే ఇసుక డంప్‌లను ఖాళీ చేసేశారు. ఆయా గ్రామాల పరిధిలో సుమారు పది చోట్ల ఉన్న ఇసుక డంప్‌లను వారు సోమవారం రాత్రే జేసీబీలతో టిప్పర్లు, ట్రాక్టర్ల ద్వారా బయట ప్రాంతాలకు తరలించేశారు. ఉదయం అధికారులు దాడులు నిర్వహించే సమాయానికే డంప్‌లు ఖాళీ చేసేశారు. మంగళవారం ఉదయం హెడ్‌కానిస్టేబుల్‌ రమణ, వీఆర్వో నారాయణ తమ సిబ్బందితో కలసి డంప్‌లపై దాడులు నిర్వహించారు. పలుచోట్ల అప్పటికే ఖాళీ చేసిన ఇసుక డంప్‌లను గుర్తించారు. రుద్రావాండ్లపల్లెలో మాత్రం సగం ఖాళీ చేసిన ఇసుక డంప్‌ను గుర్తించి అందులోని నాలుగు ట్రాక్టర్ల ఇసుకను సీజ్‌ చేశారు. తదుపరి ఆదేశాలు జారీ చేసేంత వరకు సదరు ఇసుకను ఎవరూ కూడా వినియోగించకూడదంటూ తహసీల్దార్‌ శ్రీనివాసులు ఆదేశాలు జారీ చేశారు. ఒక డంప్‌ను సీజ్‌ చేసిన అధికారులు