ప్రముఖ స్టార్ క్రికెటర్ విరాట్ కోహ్లీ, నటి అనుష్క శర్మ కలిసి 2019లో ఆల్కెమ్ ల్యాబ్స్ ఎండి సందీప్ సింగ్ స్థాపించిన గుడ్ ఫుడ్ ఇన్స్టిట్యూట్ ఇండియా(జీఎఫ్ఐ) మద్దతు గల బ్లూ ట్రైబ్ లో పెట్టుబడులు పెట్టినట్లుగా వారు పేర్కొన్నారు. అలాగే, ఈ స్టార్టప్‌కి బ్రాండ్ అంబాసిడర్లుగా వీరిద్దరూ పనిచేయనున్నారు. మాంసంకృత్తులు అధిక స్థాయిలో గల మొక్కలతో తయారు చేసిన ఉత్పత్తులను ఈ సంస్థ విక్రయిస్తుంది. మాంసం రుచి గల మొక్కలతో తయారు చేసిన మటన్ కీమా, సాసేజ్, మోమోలను ఈ స్టార్టప్‌ కంపెనీ విక్రయిస్తుంది.  విరాట్ కోహ్లీ, అనుష్క శర్మ గత కొన్ని సంవత్సరాలుగా మాంస ఆహారాన్ని తినడం లేదని, కేవలం మాంసంకృత్తులు అధిక స్థాయిలో గల మొక్కలతో తయారు చేసిన తమ ఆహారాన్ని తింటున్నారని జీఎఫ్ఐ పేర్కొంది. "విరాట్, నేను ఎల్లప్పుడూ జంతు ప్రేమికులు. మేము మాంసం లేని జీవనశైలిని స్వీకరించాలని నిర్ణయించి సంవత్సరాలు అయింది. బ్లూ ట్రైబ్ సహకారం అందుకు సరిగ్గా దోహద పడింది" అని అనుష్క శర్మ అన్నారు. విరాట్ కోహ్లీ తాను ఆహార ప్రియులనని పేర్కొంది. మాంసాహారం లేకుండా మాంసాన్ని తిన్న అనుభూతినిచ్చేలా మొక్కలతో తయారు చేసిన ఆహారాన్ని బ్లూ ట్రైబ్ విక్రయిస్తుంది వారు పేర్కొన్నారు. స్మార్ట్ ప్రోటీన్ రంగంలో ప్రపంచవ్యాప్తంగా 2020- 2021 మధ్య కాలంలో 3 బిలియన్ డాలర్లకు పైగా పెట్టుబడులు వచ్చాయని జీఎఫ్ఐ పరిశోధనలో తేలింది. ఈ రంగంలో భారత దేశంలో పెట్టుబడులు వస్తున్నాయని జీఎఫ్ఐ పేర్కొంది. Anushka and I are thrilled to join the #PlanetFriendlyTribe 🌍☘️ We all have the power to protect our planet. And @bluetribefoods's palate-friendly, planet-friendly alternatives are a great way to relish the experience of eating meat,without leaving an impact on the planet 💙 #ad pic.twitter.com/h8UGJTKjpf — Virat Kohli (@imVkohli) February 8, 2022 (చదవండి: బ్యాటిల్‌ గ్రౌండ్‌ గేమ్‌ని నిషేధించండి.. తెలంగాణ హైకోర్టులో పిల్‌)

సినిమాలో ఆటా (డ్యాన్స్‌) పాటా హీరోయిన్లకు కామన్‌. అయితే సినిమాలో వేరే ఆట (స్పోర్ట్స్‌) ఆడాల్సి వస్తే! సినిమా ఆటే కదా అని తేలికగా తీసుకోరు. కెమెరా ముందే అయినా... తగ్గేదే లే! అంటూ విజృంభిస్తారు. తాప్సీ, అనుష్కా శర్మ, జాన్వీ కపూర్‌... ఈ ముగ్గురూ వెండితెరపై అసలు సిసలైన క్రికెటర్లు అనిపించుకోవడానికి శిక్షణ తీసుకున్నారు. ఆగేదే లే అంటూ బరిలోకి దిగారు.  ఆ ఆట విశేషాలు తెలుసుకుందాం. గ్లామర్‌కి చిరునామా అనే తరహా పాత్రలు తాప్సీ చాలానే చేశారు. అయితే చాన్స్‌ వస్తే అందుకు భిన్నమైన పాత్రలు చేయడానికి వెనకాడరు. పింక్, నామ్‌ షబానా, సూర్మ, సాండ్‌ కీ ఆంఖ్, రష్మీ రాకెట్‌ తదితర హిందీ చిత్రాలతో కెరీర్‌ ఇన్నింగ్స్‌ని బ్రహ్మాండంగా తీసుకెళుతున్నారు తాప్సీ. ఇప్పటికే సూర్మ, సాండ్‌ కీ ఆంఖ్, రష్మీ రాకెట్‌ వంటి క్రీడా నేపథ్యం ఉన్న చిత్రాల్లో నిరూపించుకున్నారు. ఇప్పుడు ‘శభాష్‌ మిథు’లో క్రికెటర్‌గా తెరపై దూసుకు రావడానికి రెడీ అయ్యారు. భారతీయ ప్రముఖ మహిళా క్రికెట్‌ టీమ్‌ మాజీ కెప్టెన్‌ మిథాలీ రాజ్‌ జీవితం ఆధారంగా శ్రీజిత్‌ ముఖర్జీ దర్శకత్వంలో ఈ చిత్రం రూపొందింది. ఈ సినిమా కోసం మాజీ క్రికెటర్‌ నూషిన్‌ అల్‌ ఖదీర్‌ దగ్గర ప్రత్యేకంగా శిక్షణ తీసుకున్నారు తాప్సీ. ‘‘నిర్భయంగా ఆడే ప్రతి క్రీడాకారుల వెనక ఓ నిర్భయమైన కోచ్‌ ఉంటారు. నాలోని బెస్ట్‌ని బయటికి తీసుకొచ్చినందుకు ధన్యవాదాలు నూషిన్‌’’ అని గత ఏడాది టీచర్స్‌ డే సందర్భంగా తాప్సీ పేర్కొన్నారు. ఇక అచ్చంగా మిథాలీ రాజ్‌లా కనబడటం మీద కాదు కానీ ఆమెలా ఆడటం, ప్రవర్తించడం మీద ఎక్కువగా దృష్టి పెట్టామని కూడా తాప్సీ అన్నారు. ‘‘పోస్టర్‌ షూట్‌కి ముందు నేను మిథాలీ రాజ్‌తో మాట్లాడాను. పోస్టర్‌ చూశాక తనకూ, నాకూ పెద్దగా తేడా ఉన్నట్లు అనిపించలేదని మిథాలీ అన్నారు. సినిమా చూశాక కూడా ఆమె ఈ మాట అనాలని ఎదురు చూస్తున్నాను’’ అన్నారు తాప్సీ. వచ్చే నెల 4న ఈ చిత్రాన్ని థియేటర్స్‌లో విడుదల చేయనున్నట్లు ఇటీవల ఈ చిత్రబృందం ప్రకటించింది. ఇక బాలీవుడ్‌లో ఉన్న మరో గ్లామరస్‌ హీరోయిన్‌ అనుష్కా శర్మ. తాప్సీలానే అనుష్క కూడా చాలెంజింగ్‌ రోల్స్‌ చేస్తుంటారు. ‘ఎన్‌హెచ్‌ 10, పరీ, సూయీ థాగా’ చిత్రాలు అందుకు ఓ ఉదాహరణ. 2017లో క్రికెటర్‌ విరాట్‌ కోహ్లీని పెళ్లి చేసుకుని, నటనకు చిన్న బ్రేక్‌ ఇచ్చారు అనుష్కా శర్మ. ఇప్పుడు మళ్లీ నటించాలనుకుంటున్నారు. బ్రేక్‌ తర్వాత ఓ చాలెంజింగ్‌ రోల్‌తో ప్రేక్షకులకు కనిపించనున్నారు. భారత ప్రముఖ మహిళా క్రికెటర్‌ ఝులన్‌ గోస్వామి బయోపిక్‌లో అనుష్క నటిస్తున్నారు. ‘చక్‌ద ఎక్స్‌ప్రెస్‌’ టైటిల్‌తో ప్రోసిత్‌ రాయ్‌ దర్శకత్వంలో ఈ చిత్రం రూపొందుతోంది. కాగా కాన్సెప్ట్‌ నచ్చి, ‘ఎన్‌హెచ్‌ 10’, ‘పరీ’లాంటి చిత్రాలను నిర్మించిన అనుష్కా శర్మ ‘చక్‌ద ఎక్స్‌ప్రెస్‌’ని కూడా నిర్మిస్తున్నారు. ఈ సినిమా చాలామందికి ఓ కనువిప్పు అని అనుష్కా శర్మ చెబుతూ – ‘‘మహిళలు క్రికెట్‌ ఆడటం అనేది పెద్ద విషయంగా అనుకుంటున్న సమయంలో ఝలన్‌ క్రికెటర్‌గా మారి, ప్రపంచ వేదికపై తన దేశం గర్వపడేలా చేయాలని నిర్ణయించుకున్నారు. ఈ సినిమా ఆమె జీవితం గురించి మాత్రమే కాదు.. మహిళా క్రికెట్‌ గురించి కూడా చెబుతుంది. క్రికెట్‌ ఆడటం ద్వారా మహిళలకు ఓ మంచి కెరీర్‌ ఉండదనే ఆలోచనా ధోరణిని మార్చేందుకు ఝులన్‌ కృషి చేశారు. భారతదేశంలో మహిళా క్రికెట్‌లో విప్లవాత్మక మార్పులు చేసినందుకు ఝులన్, ఆమె సహచరులకు సెల్యూట్‌ చేయాలి’’ అన్నారు. ఇక.. ప్రాక్టీస్‌ అంటారా? ఇంట్లోనే మంచి క్రికెటర్‌ ఉన్నారు కాబట్టి.. క్రికెటర్‌ పాత్ర కోసం భర్త విరాట్‌ నుంచి అనుష్క టిప్స్‌ అడిగి తెలుసుకుని ఉంటారని ప్రత్యేకంగా చెప్పక్కర్లేదు. ఇటు తాప్సీ సినిమాల పరంగా స్కోర్‌ యాభైకి టచ్‌ అవుతుంటే అటు అనుష్కా శర్మ స్కోర్‌ పాతిక చిత్రాల వరకూ ఉంది. అయితే పట్టుమని పది సినిమాల స్కోర్‌ కూడా లేని జాన్వీ కపూర్‌ కూడా క్రికెట్‌ బ్యాట్‌తో నటిగా ప్రేక్షకుల నుంచి మంచి స్కోర్‌ దక్కించుకోవడానికి రెడీ అయ్యారు. దివంగత నటి  శ్రీదేవి కుమార్తె జాన్వీ ‘ధడక్‌’ చిత్రంతో కథానాయికగా పరిచయం అయిన విషయం తెలిసిందే. అయితే ఆ తర్వాత ‘గుంజన్‌ సక్సేనా’ బయోపిక్‌ని జాన్వీ అంగీకరించడం విశేషం. 1999లో జరిగిన కార్గిల్‌ యుద్ధంలో ఎయిర్‌ ఫోర్స్‌లో తొలి మహిళా అధికారిగా పాల్గొన్న గుంజన్‌ సక్సేనా పాత్రలో జాన్వీ మెప్పించగలిగారు. ఇప్పుడు క్రికెట్‌ నేపథ్యంలో ఉన్న సినిమా సైన్‌ చేశారు. ‘మిస్టర్‌ అండ్‌ మిసెస్‌ మహీ’ టైటిల్‌తో రూపొందుతున్న ఈ చిత్రంలో హీరో రాజ్‌కుమార్‌ రావ్, జాన్వీ కపూర్‌ క్రికెటర్లుగా కనిపించనున్నారు. ఈ పాత్ర కోసం టీమిండియా క్రికెటర్‌ దినేష్‌ కార్తీక్‌ వద్ద శిక్షణ తీసుకుంటున్నారు జాన్వీ. హెల్మెట్‌ పెట్టుకుని ప్రాక్టీస్‌ చేస్తున్న ఫొటోను బుధవారం షేర్‌ చేసి, ‘‘క్రికెట్‌ క్యాంప్‌.. ‘మిస్టర్‌ అండ్‌ మిసెస్‌ మహీ’’ అని పేర్కొన్నారు జాన్వీ. శరన్‌ శర్మ దర్శకత్వంలో రూపొందుతున్న ఈ చిత్రం అక్టోబర్‌ 7న విడుదల కానుంది. ‘శభాష్‌ మిథు’, ‘చక్‌ద ఎక్స్‌ప్రెస్‌’, ‘మిస్టర్‌ అండ్‌ మిసెస్‌ మహీ’ .. చిత్రాలపై మంచి అంచనాలు ఉన్నాయి. తాప్సీ, అనుష్కా శర్మ, జాన్వీ కపూర్‌ మంచి ఆర్టిస్టులే కాబట్టి వెండితెర క్రికెటర్లుగా ప్రేక్షకుల నుంచి మంచి స్కోర్‌ దక్కించుకుంటారని చెప్పొచ్చు.

ముంబై: సోషల్ మీడియాలో ఎప్పుడూ యాక్టివ్‌గా  ఉండే అమితాబ్ బచ్చన్,  విరాట్ కోహ్లీ పేరుపై జోక్‌ వేశాడు. బచ్చన్ తరచూ రోజువారిగా  జరిగిన సంఘటనలను, తన బ్లాగ్‌లో, సోషల్ మీడియాలో సరదాగా నెటిజన్లతో పంచుకుంటాడు. శనివారం ఓ ఆసక్తి కరమైన విషయాన్ని పోస్ట్‌ చేశాడు బీగ్‌ బీ. అదేంటంటే  "అనుష్కకు భారీ అపార్ట్మెంట్ ఉంది!"అని సోషల్‌ మీడియాలో రాసుకొచ్చాడు. ఏంటి ఇక్కడ జోక్‌ ఏం ఉందని ఆలోచిస్తున్నారా..! అసలు విషయం ఏంటంటే  హిందీలో ‘ అనుష్క కే పాస్‌  విరాట్‌ ఖోలీ హై’ ను ఇంగ్లీషులో అనుష్క హాజ్‌ ఏ యూజ్‌ అపార్ట్‌మెంట్‌ అని అనువాదించాడు. ఇక్కడ కోహ్లీ పేరును హిందీలో ఖోలీగా రాశాడు. ఖోలీ అంటే హిందీలో  గది అని,  విరాట్‌ను ఇంగ్లీషులో ​హ్యూజ్‌ అని రాసుకొచ్చాడు. ఈ పోస్ట్‌ను ఇన్‌స్టాగ్రామ్‌లో షేర్‌ చేశాడు.  బీగ్‌ బీ సెన్స్‌ ఆఫ్‌ హ్యూమర్‌కి నెటిజన్లు ఫిదా అవుతున్నారు. అంతేకాకుండా తన పోస్ట్‌లో హోళీ పండుగ గురించి రాశాడు. కాగా, ప్రస్తుతం బిగ్‌ బీ రష్మికా మందనతో ఓ సినిమా షూటింగ్‌ మొదలుకానుంది. View this post on Instagram A post shared by Amitabh Bachchan (@amitabhbachchan) చదవండి:  అమితాబ్‌ సినిమా విడుదల మళ్లీ వాయిదా, కారణం ఇదే

సాక్షి, ముంబై: భారత కెప్టెన్ విరాట్ కోహ్లీ, సినీ నటి అనుష్క శర్మ  నేటితో ( శుక్రవారం, డిసెంబరు 11, 2020) ముచ్చటగా మూడవ వివాహ వార్షికోత్సవంలోకి అడుగు పె‍ట్టారు.  ఈ సందర్భంగా ఈ సెలబ్రిటీ కపుల్‌కి సోషల్‌ మీడియాలో అభినందనల వెల్లువ కురుస్తోంది. ముఖ్యంగా త్వరలోనే తల్లిదండ్రులుగా ప్రమోషన్‌ పొందబోతున్న తరుణంలో ఈ ఏడాది మరింత ప్రాధాన్యతను సంతరించుకుంది. అటు క్రికెట్‌ అభిమానులు,ఇటు బాలీవుడ్‌ ఫ్యాన్స్‌  విరుష్క  జంటకు  శుభాకాంక్షలతో సందడి చేస్తున్నారు.  దీంతో ట్విట​ర్‌లో ట్రెండింగ్‌గా విరుష్కాల పెళ్లిరోజు మారడం విశేషం. ఆల్ ఫార్మాట్ ద్వైపాక్షిక సిరీస్ కోసం ప్రస్తుతం ఆస్ట్రేలియాలో ఉన్న  విరాట్ కోహ్లీ తమ మూడవ వివాహ వార్షికోత్సవం సందర్భంగా భార్య అనుష్కకు ట్విటర్‌ ద్వారా విషెస్‌ తెలిపారు. అందమైన బ్లాక్‌ అండ్‌ వైట్‌ ఫోటోను  షేర్‌ చేశారు.  అటు  అనుష్క శర్మ కూడా  ఇన్‌స్టాలో తన ఫీలింగ్స్‌ను పంచుకున్నారు.  మూడేళ్ల బంధం.. త్వరలోనే ముగ్గురం కాబోతున్నాం..మిస్‌ యూ అంటూ  వ్యాఖ్యానించారు. 2017, డిసెంబర్ 11న కోహ్లీ, అనుష్కల పెళ్లి జరిగింది. ఇటలీలో డెస్టినేషన్ వెడ్డింగ్ తరహాలో జరిగిన ఈ పెళ్లి అప్పట్లో టాక్ ఆఫ్ ది ఇండస్ట్రీగా నిలిచిన సంగతి తెలిసిందే. 3 years and onto a lifetime together ❤️ pic.twitter.com/a30gdU87vS — Virat Kohli (@imVkohli) December 11, 2020 View this post on Instagram A post shared by AnushkaSharma1588 (@anushkasharma)

ఐపీఎల్‌ 2020లో భారత  క్రికెట్‌ కెప్టెన్‌ విరాట్‌ కోహ్లి సారథ్యం వహిస్తున్న రాయల్‌ ఛాలెంజర్స్‌ బెంగళూరు టీం వరుస రెండు పరాజయాలు మూటగట్టుకున్న సంగతి తెలిసిందే. ఆదివారం నాడు బెంగుళూరు టీం ధోని సారథ్యం చెన్నైసూపర్‌ కింగ్స్‌తో తలపడి 8 వికెట్ల నష్టంతో ఓడిపోయింది. మ్యాచ్‌ ఫలితం ఎలా ఉన్నప్పటికి ఆ మ్యాచ్‌ సమయంలో విరాట్‌ కోహ్లి తన భార్య అనుష్కపై చూపిన ప్రేమ మాత్రం ప్రస్తుతం నెటిజన్లను ఆకట్టుకుంటోంది. ఈ సీజన్‌ ఐపీఎల్‌ దుబాయ్‌లో జరుగుతున్న నేపథ్యంలో అనుష్క కూడా విరాట్‌తో పాటు అక్కడికి వెళ్లి బెంగుళూరు టీంను ఉత్సాహపరుస్తున్న సంగతి తెలిసిందే. ఆదివారం జరిగిన మ్యాచ్‌లో విరాట్‌ తన సహచరులతో మాట్లాడుతూ లాబీలో ఉన్న అనుష్క వైపు చూస్తూ తిన్నవా అంటూ  చేతితో సైగ చేస్తాడు. దానికి అనుష్క అవును అన్నట్టు ఏదో చెబుతూ థమ్స్‌ అప్‌ సింబల్‌ చూపించారు. విరాట్‌ తన భార్య పట్ల చూపిస్తున్న ఆదరణ అభిమానుల ప్రశంసలు అందుకుంటుంది. దీనికి సంబంధించిన వీడియోను పరమిందర్‌సింగ్‌ అనే వ్యక్తి తన ట్విటటర్‌ ఖాతాలో పోస్ట్‌ చేశాడు. అనుష్క విరాట్‌ల జంట త్వరలో తల్లిదండ్రులు కాబోతున్నట్లు ఇటీవల ప్రకటించారు. ఈ జనవరిలో వారింటికి మూడో వ్యక్తి రాబోతున్నాడంటూ సంతోషకరమైన వార్తను విరాట్‌ తన ట్విటర్‌ ద్వారా అభిమానులతో పంచుకున్న విషయం తెలిసిందే.  ఈ వీడియోను షేర్‌ చేస్తూ ‘ఈ వ్యక్తిని అందరూ ఇష్టపడటానికి చాలా విలువైన కారణాలు ఉన్నాయి. మీ ఇ‍ద్దరు చాలా క్యూట్‌గా ఉంటారు’ అంటూ పరమిందర్‌ ట్వీట్‌ చేశారు. చదవండి: అయ్యో కోహ్లి.. బుమ్రా ‘సెంచరీ’

న్యూఢిల్లీ: ‘విరాట్‌ నేను పర్యటించిన ప్రతిసారి అది మా ట్రిప్‌ కాదు. కొన్నిసార్లు కలిసి భోజనం మాత్రమే చేసేవాళ్లం’ అని బాలీవుడ్‌ స్టార్‌ హీరోయిన్‌ అనుష్క శర్మ చెప్పారు. ఇటీవల ఓ ఛానల్‌కు ఇచ్చిన ఇంటర్యూలో అనుష్క మాట్లాడుతూ.. విరాట్‌, నేను కలిసి పర్యటించామంటే అవి సెలవు రోజులు అనుకుంటారంతా. కానీ అది నిజం కాదు. ఎందుకంటే విరాట్‌ ఎప్పుడు బిజీగా ఉంటాడు. కొన్నిసార్లు మా ట్రిప్‌ అంటే కలిసి భోజనం చేయడం మాత్రమే. నిజానికి మా వివాహమైన మొదటి 6 నెలల్లో విరాట్‌ నేను 21 రోజులే కలిసి ఉన్నాం. కొన్నిసార్లు కలిసి భోజనం చేసేందుకే విదేశాల్లో కలుసుకునే వాళ్లం’ అంటూ చెప్పుకొచ్చారు. (‘అనుష్కతో నేను మాట్లాడటం కోహ్లికి నచ్చలేదు’) టీమిండియా కెప్టెన్‌ విరాట్‌ కోహ్లి  మాట్లాడుతూ.. ‘నేను అనుష్కను కలిసినప్పుడల్లా మా బంధం ఎప్పటిదో అనిపిస్తుంది. మేము ప్రతిరోజూ ఒకరినొకరు ప్రేమిస్తూ జీవిస్తాం. మా సంబంధం ఎల్లప్పుడూ ప్రేమతో మాత్రమే నిండి ఉంటుంది. ఇది కొన్నిరోజుల క్రితం కాదు యుగయుగాలుగా నుంచి ఉందన్న భావన కలుగుతుంది’’ అని చెప్పాడు. కోహ్లి, అనుష్కల వివాహం 2017 డిసెంబర్‌ 11న ఇటలీలో కుటుంబ సభ్యులు, సన్నిహితులు కొద్దిమంది బాలీవుడ్‌, క్రికెట్‌ ప్రముఖుల సమక్షంలో జరిగిన విషయం తెలిసిందే. (ఆ దెయ్యం రక్తం తాగుతుంది తెలుసా!)

1 ప్రముఖ నవలా రచయిత్రి యద్దనపూడి సులోచనారాణి రాసిన రచనల్లో  సినిమాగా వచ్చిన మొదటి నవల ఏది? ఎ) మీనా    బి) రాధాకృష్ణ     సి) సెక్రటరీ    డి) అగ్నిపూలు 2 సులోచనారాణి నవలా చిత్రాల్లో ఎక్కువగా నటించిన తెలుగు హీరో  ఎవరో కనుక్కోండి? ఎ) ఎన్టీఆర్‌ బి) కృష్ణ  సి) చిరంజీవి  డి) అక్కినేని నాగేశ్వరరావు 3 ‘ఇడియట్‌’ సినిమా హీరోగా రవితేజకు, దర్శకుడిగా పూరి జగన్నాథ్‌కు మైల్‌స్టోన్‌ లాంటిది. కానీ మొదట ఆ సినిమాను కన్నడ భాషలో తీశారు పూరి. ఆ సినిమా ద్వారా పరిచయమైన హీరో ఎవరో తెలుసా? ఎ) ఉపేంద్ర    బి) శివ రాజ్‌కుమార్‌    సి) పునీత్‌ రాజ్‌కుమార్‌    డి) సుదీప్‌ 4 సులోచనారాణి  రాసిన ‘గిరిజా కల్యాణం’ నవల ఆధారంగా రూపొందిన ‘గిరిజా కల్యాణం’ చిత్రంలో హీరోయిన్‌గా నటించిందెవరు? ఎ) జయసుధ   బి) జయప్రద   సి) వాణిశ్రీ   డి) జయలలిత 5 బాలీవుడ్‌ నటుడు సంజయ్‌ దత్‌ జీవితం ఆధారంగా తెరకెక్కుతున్న చిత్రం ‘సంజు’. ఈ చిత్రంలో టైటిల్‌ రోల్‌ చేస్తోన్న హీరో ఎవరు? ఎ) రణ్‌బీర్‌ కపూర్‌  బి) అర్జున్‌ కపూర్‌  సి) షాహిద్‌ కపూర్‌  డి) సంజయ్‌ కపూర్‌ 6 తేజ దర్శకత్వంలో వచ్చిన ‘జయం’ సినిమా ద్వారా హీరోగా పరిచయమయ్యారు నితిన్‌. కానీ ఆ సినిమాలో మొదట హీరోగా అనుకున్నది నితిన్‌ని కాదు. మరి ఆ హీరో ఎవరయ్యుంటారు? ఎ) ప్రభాస్‌  బి) అల్లు అర్జున్‌  సి) ఉదయ్‌ కిరణ్‌        డి) గోపీచంద్‌ 7 నాగులపాటి శ్రీనివాస  చక్రవర్తి ఈ నటుని అసలు పేరు. ఎవరా నటుడు? ఎ) కల్యాణ్‌ చక్రవర్తి   బి) శ్రీకాంత్‌  సి) జేడీ చక్రవర్తి     డి) రామ్‌కీ 8 దర్శకురాలు నందినీ రెడ్డి తన కొత్త ప్రాజెక్టును వైజయంతి మూవీస్‌లో చేస్తున్నారు. ఆ చిత్రంలో హీరో ఎవరో తెలుసా? ఎ) నానీ    బి) నాగశౌర్య    సి) విజయ్‌ దేవరకొండ    డి) దుల్కర్‌ సల్మాన్‌ 9 అల్లు అర్జున్‌ సరసన  ‘ఇద్దరమ్మాయిలతో’ సినిమాలో ఓ హీరోయిన్‌గా కేథరిన్‌ థెరిస్సా నటించారు. మరో హీరోయిన్‌ ఎవరు? ఎ) దిశా పాట్ని బి) ఇలియానా  సి) అమలా పాల్‌ డి) మన్నారా చోప్రా 10  65వ జాతీయ చలనచిత్ర అవార్డ్సులో ‘బెస్ట్‌ ఫీచర్‌ ఫిల్మ్‌ ఇన్‌ తెలుగు’ అవార్డును సొంతం  చేసుకున్న చిత్రమేదో చెప్పుకోండి చూద్దాం? ఎ) శతమానం భవతి  బి) ఘాజీ సి) పెళ్లి చూపులు    డి) బాహుబలి 11 యద్దనపూడి  సులోచనారాణి  అమెరికాలోని ఏ రాష్ట్రంలో  స్వర్గస్తులైనారోతెలుసా? ఎ) టెక్సాస్‌  బి) డల్లాస్‌  సి) కాలిఫోర్నియా  డి) వాషింగ్టన్‌ 12 ‘గంగోత్రి’ నుండి ‘నా పేరు సూర్య–నా ఇల్లు ఇండియా’ వరకు హీరోగా అల్లు అర్జున్‌ ఎన్ని చిత్రాల్లో నటించారో తెలుసా? (అతిథి పాత్రలు కాకుండా) ఎ) 18  బి) 24   సి) 26  డి) 21 13 కె. విశ్వనాథ్‌ దర్శకత్వంలో వచ్చిన  ‘స్వాతిముత్యం’ సినిమాలో హీరోయిన్‌ రాధిక.  ఆ సినిమా హిందీ రీమేక్‌ ‘ఈశ్వర్‌’లో నటించిన హీరోయిన్‌ ఎవరో కనుక్కోండి? ఎ) రాధిక   బి) రాధ   సి) గీత   డి) విజయశాంతి 14 íహీరోలు సిక్స్‌ ప్యాక్‌ చేయడం కామన్‌. అలాంటిది కమెడియన్‌పాత్రలతో పైకొచ్చిన ఈ నటుడు సిక్స్‌ ప్యాక్‌ చేశారు. ఎవరతను? ఎ) ‘వెన్నెల’ కిశోర్‌    బి) శ్రీనివాసరెడ్డి     సి) సునీల్‌    డి) అలీ 15 రీసెంట్‌గా ప్రముఖ వ్యాపారవేత్త ఆనంద్‌ అహూజాను పెళ్లాడిన బాలీవుడ్‌ నటి ఎవరో తెలుసా? ఎ) ప్రియాంకా చోప్రా  బి) సోనమ్‌ కపూర్‌  సి) అనుష్కా శర్మ  డి) కత్రినా కైఫ్‌   16 సులోచనా రాణి సెక్రటరీ నవలను అదే పేరుతో సినిమాగా తీశారు డి. రామానాయుడు. అక్కినేని, వాణిశ్రీల కాంబినేష లో ఆయన ఈ చిత్రాన్ని ఏ దర్శకునితో నిర్మించారో తెలుసా? ఎ) ఎ.కోదండ రామిరెడ్డి  బి) కె.యస్‌.ప్రకాశ్‌రావు సి) కె.రాఘవేంద్రరావు డి) ప్రత్యగాత్మ 17 ‘బిచ్చగాడు’ ఫేమ్‌ విజయ్‌ ఆంటోని హీరో కాకముందు ఓ శాఖలో మంచి టెక్నీషియన్‌. ఏ శాఖలో ఆయన పని చేశారో తెలుసా? ఎ) ఫైట్‌ మాస్టర్‌  బి) సింగర్‌    సి) సంగీత దర్శకుడు డి) ఎడిటర్‌ 18 ‘మీనా’ చిత్రదర్శకురాలెవరో కనుక్కోండి? చిన్న క్లూ: దర్శకురాలిగా ఆమెకది మొదటి సినిమా ఎ) సావిత్రి     బి) జమున     సి) అంజలీ దేవి     డి) విజయ నిర్మల 19 ఈ ఫొటోలోని చిన్నారి ఎవరు? ఎ) అనుష్క బి) త్రిష సి) ఆలియాభట్‌ డి) సమంత 20 పై స్టిల్‌లో ఉన్న ప్రముఖ నటుడెవరో తెలుసా? ఎ) రేలంగి  బి) రాజనాల  సి) పధ్మనాభం    డి) రమణా రెడ్డి మీరు 6 సమాధానాల కంటే తక్కువ చెబితే... మీకు సినిమా అంటే ఇష్టం      10 సమాధానాల వరకూ చెప్పగలిగితే...   మీకు సినిమా అంటే ఇంట్రెస్ట్‌ 15 సమాధానాల వరకూ చెప్పగలిగితే... మీకు సినిమా అంటే పిచ్చి 20 సమాధానాలూ చెప్పగలిగితే...  ఇంకోసారి ఈ క్విజ్‌ చదవకండి! సమాధానాలు 1) ఎ 2) డి 3) సి 4) బి5) ఎ 6) బి 7) సి 8) సి 9) సి 10) బి 11) సి 12) డి 13) డి 14) సి 15) బి 16) బి 17) సి 18) డి 19) ఎ 20) ఎ నిర్వహణ: శివ మల్లాల

...మూవీస్‌ను ఎనౌన్స్‌ చేయడానికి రెడీ అవుతున్నారట అనుష్కా శర్మ. ఆల్రెడీ హిందీ చిత్రాలు ‘సూయిధాగా, జీరో’ల్లో కథానాయికగా నటిస్తున్నారామె. సంజయ్‌దత్‌ బయోపిక్‌ ‘సంజు’లోనూ స్క్రీన్‌పై మెరవనున్నారు. సో.. ఈ ఏడాది అరడజనుకు పైగా వెండితెరపై అనుష్కా శర్మను చూడొచ్చని సంబరపడిపోకండి. ఇక్కడే ఉంది అసలు మెలిక. త్వరలో అనుష్కా శర్మ ఎనౌన్స్‌ చేయబోయే మూడు సినిమాలు కథానాయికగా కాదు. నిర్మాతగా. నాలుగేళ్ల క్రితం తన సోదరుడు కర్నేష్‌ శర్మతో కలిసి క్లీన్‌ స్లేట్‌ ఫిలిమ్స్‌ నిర్మాణ సంస్థను స్టార్ట్‌ చేశారు అనుష్కా శర్మ. తొలి ప్రయత్నంగా ‘ఎన్‌హెచ్‌ 10’ నిర్మించారు. ఆ తర్వాత ఫిల్హౌరీ, పరీ సినిమాల నిర్మాణంలో భాగమైంది క్లీన్‌ స్లేట్‌ ఫిలిమ్స్‌. ఇప్పుడు సోలో నిర్మాతగా సినిమాలను నిర్మించాలనుకుంటున్నారట. మంచి స్క్రిప్ట్‌ అండ్‌ టాలెంటెడ్‌ డైరెక్టర్స్‌ కోసం చూస్తున్నారట అనుష్కా శర్మ. అదండీ మేటర్‌.

ముంబై: ట్వీటర్‌లో ఈ ఏడాది ఎక్కువ మంది మాట్లాడుకున్న సంఘటనగా విరుష్కల పెళ్లి నిలిచింది. భారత క్రికెట్‌ జట్టు కెప్టెన్‌ కోహ్లిని పెళ్లి చేసుకున్నట్లు బాలీవుడ్‌ నటి అనుష్కా శర్మ ట్వీటర్‌లో ప్రకటించడం తెల్సిందే. ఈ విషయాన్నే ఈ ఏడాది ‘గోల్డెన్‌ ట్వీట్‌’గా ట్వీటర్‌ అభివర్ణించింది. అలాగే ప్రముఖల జాబితాలో షారుక్, సల్మాన్‌ల గురించి ఈ ఏడాది ఎక్కువ మంది ట్వీటర్‌లో మాట్లాడుకున్నారు. కాగా, మహిళా నటుల్లో వివాదాస్పద చిత్రం ‘పద్మావతి’లో నటించిన హీరోయిన్‌∙ దీపికా పదుకొనె గురించి ఈ ఏడాది ట్వీటర్‌లో ఎక్కువ మంది మాట్లాడుకున్నారు. 

అతి రహస్యంగా ఇటలీలో ఇటీవల పెళ్లిచేసుకున్న టీమిండియా కెప్టెన్‌ విరాట్‌ కోహ్లి, బాలీవుడ్‌ హీరోయిన్‌ అనుష్క శర్మ హనీమూన్‌లో బిజీబిజీగా ఉన్నారు. తమ హనీమూన్‌ ఫోటోను అనుష్క, ఇన్‌స్టాగ్రామ్‌లో షేర్‌ చేసింది. ఫోటో షేర్‌చేసిన గంటల్లోనే ఏడున్నర లక్షలకు పైగా లైక్స్‌ను సొంతం చేసుకుంది. కామెంట్ల వెల్లువ కురుస్తోంది. సౌత్‌ఆఫ్రికాలోని ఒక చిన్నదీవిలో వీరు హనీమూన్‌ను ఎంజాయ్‌ చేస్తున్నట్టు తెలుస్తోంది. ఈ సందర్భంగా అనుష్క షేర్‌ చేసిన ఈ ఫోటో హల్‌చల్‌ చేస్తోంది. కాగా, హనీమూన్‌ అనంతరం డిసెంబర్‌ నెల 21న ఢిల్లీలో తాజ్‌ డిప్లొమాటిక్‌ ఎంక్లేవ్‌లో బంధువులకు, 26న ముంబైలో క్రికెటర్లు, బాలీవుడ్ సెలబ్రిటీలకు  గ్రాండ్‌ రిసెప్షన్‌ ప్లాన్‌ చేసిన సంగతి తెలిసిందే. ఈమేరకు ఆహ్వానితులకు ఇన్విటేషన్లు కూడా అందాయి.