షారుక్‌ ఖాన్‌ – కాజోల్‌ అప్పట్లో బాలీవుడ్‌ సూపర్‌ హిట్‌ జోడీ. ‘దిల్‌వాలే దుల్హనియా లేజాయేంగే, కుచ్‌ కుచ్‌ హోతా హై, కభీ ఖుషీ కభీ గమ్, మైనేమ్‌ ఈజ్‌ ఖాన్‌’ వంటి బాక్సాఫీస్‌ హిట్స్‌లో ఈ ఇద్దరూ  నటించారు. ఇప్పుడు షారుక్‌ ఖాన్‌ – దీపికా పదుకోన్‌ అలాంటి జోడీలా మారింది. ఈ ఇద్దరూ ఆల్రెడీ ‘ఓంశాంతి ఓం, చెన్నై ఎక్స్‌ప్రెస్, హ్యాపీ న్యూ ఇయర్‌’ సినిమాల్లో కనిపించారు. తాజాగా షారుక్‌ ఖాన్‌ చేయబోతున్న రెండు సినిమాల్లోనూ హీరోయిన్‌గా దీపికా పదుకోన్‌ నటిస్తారని టాక్‌. సిద్ధార్థ్‌ ఆనంద్‌ దర్శకత్వంలో చేయబోతున్న ‘పఠాన్‌’, తమిళ దర్శకుడు అట్లీతో చేయబోతున్న ‘సంకీ’ (ప్రచారంలో ఉన్న టైటిల్‌)లోనూ కథానాయికగా దీపిక పేరునే పరిశీలిస్తున్నారట. మరి ఈ ఇద్దరూ మళ్లీ జంటగా నటిస్తే... ముందు సినిమాల మ్యాజిక్‌ను రిపీట్‌ చేస్తారా? వేచి చూడాలి.

నయనతార – విఘ్నేష్‌ శివన్‌ ప్రేమలో ఉన్నారు. ఆ విషయాన్ని అధికారికంగా బయటపెట్టకపోయినా వాళ్ల ప్రేమను మాత్రం వీలున్నప్పుడల్లా బయటపెడుతూనో, బయటపడుతూనో ఉంటారు. హాలీడేయింగ్, ఒకరి పుట్టినరోజు ఒకరు జరపడం. ఒకరికి హిట్‌ వస్తే ఇంకొకరు సెలబ్రేట్‌ చేసుకోవడంలాగా అన్నమాట. బుధవారం విఘ్నేష్‌ బర్త్‌డే. బాయ్‌ఫ్రెండ్‌ బర్త్‌డే పార్టీను ఫ్రెండ్స్‌తో కలిసి ఘనంగా చేశారు నయనతార. ఈ ఫంక్షన్‌కు డ్రెస్‌ కోడ్‌ బ్లాక్‌ అండ్‌ బ్లాక్‌. దర్శకుడు అట్లీ, సంగీత దర్శకుడు అనిరు«ద్, నటుడు అరవింద్‌ స్వామి, హీరో విజయ్‌ సేతుపతి మరికొందరు ఈ పార్టీకు హాజరయ్యారు. ఇటీవలే విఘ్నేష్‌ నిర్మాణంలో నయనతార హీరోయిన్‌గా ఓ సినిమా ప్రారంభం అయింది.


 కోలీవుడ్‌లో లేటెస్ట్‌గా ఒక కొత్త న్యూస్ హల్‌చల్ చేస్తోంది. యువ దర్శకుడు అట్లీ టాలీవుడ్ సూపర్‌స్టార్ మహేశ్‌బాబును డెరైక్ట్ చేయడానికి సిద్ధం అవుతున్నారన్నదే ఈ క్రేజీ వార్త. రాజారాణి చిత్రంతో దర్శకుడిగా పరిచయమైన ఈయన తొలి చిత్రంతోనే దక్షిణాది చిత్రపరిశ్రమ దృష్టి తన వైపు చూసేలా చేసుకున్నారు. స్టార్ దర్శకుడు శంకర్ శిష్యుడైన అట్లీకి రాజారాణి చిత్ర విజయం తరువాత పలు అవకాశాలు తలుపు తట్టాయి. ఆయన మాత్రం ఇళయదళపతి విజయ్‌ను దర్శకత్వం చేసే అవకాశాన్ని ఎంచుకున్నారు. వీరి కలయికలో కలైపులి ఎస్ థాను నిర్మించిన తెరి చిత్రం భారీ అంచనాల మధ్య రేపు(గురువారం) తెరపైకి రానుంది.
 
 అట్లీ తాజాగా మరో సూపర్‌స్టార్ మహేశ్‌బాబుకు గురి పెట్టారన్నది తాజా సమాచారం. ఇటీవల ఆయన హైదరాబాద్‌లో బ్రహ్మోత్సవం చిత్ర షూటింగ్‌లో ఉన్న మహేశ్‌బాబును కలసి కథ వినిపించినట్లు, ఆ కథ తెగ నచ్చేయడంతో నటించడానికి అంగీకరించిన మహేశ్‌బాబు దాన్ని డెవలప్ చేయమని చెప్పినట్లు కోలీవుడ్ మీడియాలో ప్రచారం హల్‌చల్ చేస్తోంది.
 
 ఈ మధ్య కోలీవుడ్‌పై ప్రత్యేక దృష్టి సారిస్తున్న మహేశ్‌బాబు తన చిత్రాలను తెలుగుతో పాటు తమిళంలోనూ ఏక కాలంలో రూపొందేలా ప్రణాళికను సిద్ధం చేసుకుంటున్నారు. అందులో భాగంగానే తాజా చిత్రం బ్రహ్మోత్సవం చిత్రం ద్విభాషాచిత్రంగా తెరకెక్కుతోంది. ఇక అట్లీ దర్శకత్వంలో నటించే చిత్రం అదే తరహాలో ఉంటుందని ఆశించవచ్చు. అయితే ఈ చిత్రానికి సంబంధించి అధికారిక ప్రకటన వెలువడలేదన్నది గమనార్హం.


 ‘బ్రహ్మోత్సవం’ చిత్రీకరణలో బిజీబిజీగా ఉన్న మహేశ్‌బాబు, ఓ పక్క తన తదుపరి సినిమాలకు స్క్రిప్ట్‌లు వింటూ ఓకే చేసేస్తున్నారా? వరుస చూస్తే అలానే ఉంది. ఇప్పటికే మురుగుదాస్ దర్శకత్వంలో ఓ చిత్రానికి గ్రీన్‌సిగ్నల్ ఇచ్చి అభిమానులకు ఓ క్లారిటీ  ఇచ్చేశారు మహేశ్. తాజాగా మరో తమిళ దర్శకుడు చెప్పిన కథకు ఆయన ఇంప్రెస్ అయ్యారట.  ‘రాజా-రాణి’ ఫేమ్ అట్లీ ‘పోలీసోడు’(తమిళంలో ‘తెరి’) చిత్రంతో ప్రేక్షకులను పలకరించడడానికి సిద్ధమవుతున్నారు.
 
 ఇటీవల హైదరాబాద్‌కు వచ్చిన  అట్లీ ‘బ్రహ్మోత్సవం’ సెట్‌లోనే మహేశ్‌ను కలిసి, ఒక కథ వినిపించారట. ఆ కథ బాగా నచ్చేసి, స్క్రిప్ట్‌గా డెవలప్ చేసుకురమ్మని మహేశ్ గ్రీన్‌సిగ్నల్ ఇచ్చారట. మహేశ్ బాడీ లాంగ్వేజ్‌కు తగ్గట్టు రొమాంటిక్, హై వోల్టేజ్ యాక్షన్  ఎంటర్‌టైనర్ స్క్రిప్ట్‌ను తీర్చిదిద్దే పనిలో అట్లీ ఉన్నట్టు భోగట్టా.


 - సమంత
 విజయ్ హీరోగా నటించిన  తమిళ చిత్రం ‘తెరి’ తమిళనాట ఇప్పుడు హాట్ టాపిక్ . అదే చిత్రం తెలుగులో ‘పోలీసోడు’గా రానుంది. సమంత, అమీ జాక్సన్ కథానాయికలు. ‘రాజా- రాణి’ ఫేమ్ అట్లీ దర్శకత్వం వహించిన ఈ చిత్రాన్ని ‘దిల్’ రాజు, కలైపులి ఎస్. థాను ఈ నెల 14న విడుదల కానుంది. ‘దిల్’ రాజు మాట్లాడుతూ, ‘‘ ‘రాజా-రాణి’ కథను తెలుగులో తీయాలనుకున్నా. కానీ కుదరలేదు.  తెలుగు ప్రేక్షకులకు నచ్చే అంశాలన్నీ ‘పోలీసోడు’లో ఉన్నాయి’’ అని చెప్పారు. కథానాయిక సమంత మాట్లాడుతూ- ‘‘నేను ఇప్పటివరకూ పాతిక సినిమాలు చేశాను.
 
 అన్నిటికీ ఏదో రకంగా టెన్షన్ పడ్డాను. కానీ ఈ సినిమా విడుదల కోసం చాలా రిలాక్స్‌డ్‌గా ఎదురుచూస్తున్నా’’ అని అన్నారు. ‘‘ఈ ‘పోలీసోడు’ ఎమోషనల్ యాక్షన్ థ్రిల్లర్‌గా తెరకెక్కింది. అందరికీ నచ్చుతుందనే ఆశిస్తున్నా.  తమిళంలో ఓ భారీ బడ్జెట్ చిత్రం చేశాకే తెలుగులో సినిమా చేస్తానని గతంలో చెప్పాను. ఇప్పుడిక నా తదుపరి చిత్రం తెలుగులోనే ఉంటుంది’’ అని దర్శకుడు అట్లీ అన్నారు.


 ఇళయదళపతి విజయ్ 60వ చిత్రానికి దర్శకుడెవరనే చర్చ కోలీవుడ్‌లో చాలా కాలంగానే సాగుతోంది. చాలామంది ప్రముఖ దర్శకుల పేర్లు ప్రచారంలో ఉన్నాయి కూడా. విజయ్ 58వ చిత్రం పులి తన అభిమానుల్ని సంతృప్తి పరచలేకపోయింది. 59వ చిత్రాన్ని అట్లీ దర్శకత్వంలో వి క్రియోషన్స్ పతాకంపై కలైపులి ఎస్.ధాను భారీ ఎత్తున నిర్మిస్తున్నారు. ఇందులో సమంత, ఎమీజాక్సన్ హీరోయిన్లుగా నటిస్తున్నారు. ఒళయదళపతి మరోసారి పోలీస్ అధికారిగా నటిస్తున్న ఈ చిత్రానికి కాక్కి అనే పేరు పరిశీలనలో ఉన్నట్లు సమాచారం.
 
 కాగా విజయ్ తదుపరి చిత్రానికి రెడీ అవుతున్నారు. ఆయన 60వ చిత్రంగా తెరకెక్కనున్న ఈ చిత్రాన్ని కమర్శియల్ దర్శకుడిగా పేరొందిన హరి హ్యాండిల్ చేయనున్నారన్నది తాజా సమాచారం. ప్రశాంత్ మొదలు విక్రమ్, విశాల్, సూర్య, శింబు, భరత్ వరకూ పలువురు హీరోలతో చిత్రాలు చేసి కమర్శియల్ విజయాలను సాధించిన దర్శకుడు హరి ఒక్క సూర్యతోనే నాలుగు చిత్రాలు చేశారు. ఐదో చిత్రంగా సింగం-3ని త్వరలో సెట్ పైకి తీసుకెళ్లనున్నారు. కాగా తొలి సారిగా ఇళయదళపతితో ఆయన 60వ చిత్రానికి చేతులు కలపనున్నారన్నది గమనార్హం.
 
 ఈ బారీ చిత్రాన్ని ప్రముఖ చిత్ర నిర్మాణ సంస్థ విజయ వాహిని నిర్మించనుందని సమాచారం. ఇక్కడో విషయం చెప్పాలి. ప్రశాంత్ హీరోగా హరి దర్శకత్వం వహించిన తమిళ్ చిత్రం విజయ్ నటించిన తమిళన్ చిత్రం అప్పట్లో ఒకే రోజు విడుదలయ్యి పోటీ పడ్డాయన్నది గమనార్హం.


 మీనా తన చిన్నప్పుడు బోల్డన్ని సినిమాల్లో నటించారు. బాలతారగా ఆమె అప్పట్లో చాలా పాపులర్. కథానాయికగా కూడా మీనా ఓ వెలుగు వెలిగిన విషయం తెలిసిందే. ఇప్పుడు మీనా కూతురు కూడా బాలనటిగా తెరపై మెరిసే అవకాశం ఉందని చెన్నయ్ టాక్.
  
  విజయ్ హీరోగా అట్లీ దర్శకత్వంలో ఓ చిత్రం రూపొందనుంది. ఇందులో విజయ్ కూతురి పాత్రకు నైనికాని అడిగారట.
  
  మీనా కూడా తన కూతుర్ని నటింపజేయడానికి సుముఖంగా ఉన్నట్లు సమాచారం. అప్పట్లో బేబీ మీనా భలే ముద్దుగా ఉండేది. నైనికా కూడా భలే ముద్దుగా ఉంది కదూ.