దాదాపు అరడజను సినిమాలతో తీరిక లేకుండా ఉన్నారు కథానాయిక తాప్సీ. ప్రమోషన్లు, షూటింగ్‌లు, లొకేషన్‌ షిఫ్టింగ్‌లు అంటూ ఆమె డైరీ ఫుల్‌గా ఉంది. కానీ ఇంతలో ఆమె పెళ్లికి కూడా డేట్స్‌ ఇచ్చారనీ, బ్యాడ్మింటన్‌ ప్లేయర్‌ మాథ్యూస్‌ బోయితో ఏడడుగులు వేయనున్నారని ఓ వెబ్‌సైట్‌లో వార్త షికారు చేస్తోంది. అంతేకాదు.. తాప్సీ ఎంగేజ్‌మెంట్‌ను ఫిక్స్‌ చేయడం కోసమే ఆమె తల్లిదండ్రులు గోవా కూడా వెళ్లారనేది ఆ వార్త సారాంశం. అయితే ఈ విషయంపై తాప్సీ స్పందించారు. ‘‘నిజంగానా?.. నా నిశ్చితార్థానికి నన్ను కూడా కాస్త పిలవండి’’ అంటూ కాస్త కొంటెగా సమాధానం చెప్పారు. ఇంకా చెబుతూ–‘‘ మా తల్లిదండ్రులు గత పదేళ్లుగా గోవా వేళ్లలేదు. ఈ లెక్క ప్రకారం నాకు పదేళ్ల క్రితమే నిశ్చితార్థం జరిగిందని మీరూ ఊహించుకోవచ్చేమో’’ అని ఘాటుగానే స్పందించారు. ఇక సినిమాల విషయానికోస్తే.. ఆమె నటిస్తోన్న హిందీ చిత్రాల్లో ‘బద్లా’ ఒకటి.  సుజోయ్‌ ఘోష్‌ దర్శకత్వంలో అమితాబ్‌ బచ్చన్, తాప్సీ  నటిస్తోన్న ఈ సినిమాను వచ్చే ఏడాది మార్చి 8న విడుదల చేయనున్నట్లు చిత్రబృందం అధికారికంగా ప్రకటించింది.


 మీడియా హీరోయిన్లను పెళ్లి కాకుండానే తల్లుల్ని చేసేస్తోందా? వారి  ఆరోపణలను చూస్తుంటే అలాగే అనిపిస్తోంది. ఆ మధ్య నటి అంజలికి కూతురు ఉంది అంటూ ప్రచారం హల్‌చల్ చేసింది. తాజాగా నటి తాప్సీ బిడ్డను కన్నది అనే ప్రచారం దుమారం రేపుతోంది. నటి తాప్సీకి విదేశీ బాడ్మింటన్ క్రీడాకారుడు మాథ్యూ బోకు మధ్య ప్రేమ వ్యవహారం సాగుతోందని ప్రచారం చాలా కాలంగా జరుగుతుంది. అయితే ఈ విషయాన్ని తాప్సీ ఖండించారు.
  
  మాథ్యూబో తనకు మంచి స్నేహితుడు మాత్రమే నని నొక్కి వక్కానిస్తూ వస్తున్నారు. ఇదిలా ఉంటే ఇటీవల అంతర్జాతీయ మీడియా నటి తాప్సీకి ఆమె ప్రేమికుడు మ్యాథ్యూబోకు ఒక బిడ్డ పుట్టినట్టు దీంతో మ్యాథ్యూబో తదుపరి బ్యాడ్మింటన్ క్రీడా పోటీలో పాల్గొనకుండా వైదొలగినట్లు ప్రచారం హోరెత్తించింది. నిజానికి మ్యాథ్యూబో స్నేహితుడు కెర్‌స్టన్‌కు బిడ్డ పుట్టాడు.
  
   దాన్ని తప్పుగా ప్రచారం చేసింది. తాప్సీ స్పందిస్తూ తనకు తెలియకుండానే తమకు బిడ్డ పుట్టాడా? అంటూ ఆశ్చర్యం వ్యక్తం చేశారు. ప్రస్తుతం తాను దక్షిణాది చిత్రాలతో బిజీగా ఉన్నానని నిజానికి తనకు అమ్మ పాత్రలు పోషించడానికే తీరిక లేదని అన్నారు. మ్యాథ్యూబో సహ క్రీడాకారుడు కెర్‌స్టన్ తండ్రి కాబోతున్నట్టు తెలుసన్నారు. తాను  కంపెనీ పనుల్లోనూ తలమునకలై ఉన్నట్లు, తాను నటించిన హిందీ చిత్రం రన్నింగ్ షాది చిత్ర విడుదల కోసం ఎదురు చూస్తున్నట్లు తాప్సీ పేర్కొన్నారు.