నటీనటులు ఎవరైనా విడాకులు తీసుకుంటే ఒకప్పుడు అంతా అయిపోయాక తెలిసేది. కానీ ఇప్పుడు ఇన్ స్టాలో ఫొటోలు డిలీట్ చేస్తే నెటిజన్స్ త్వరలో డివోర్స్ కన్ఫర్మ్ అని ఫిక్సయిపోతున్నారు. కలర్స్ స్వాతి కూడా ఇలా ఫొటోలు తొలగించేసరికి ఆమె కూడా విడాకులు తీసుకోనుందనే న్యూస్ వైరల్ అయింది. కొన్ని రోజుల నుంచి ఈ టాపిక్ చర్చనీయాంశంగా మారింది. (ఇదీ చదవండి: హీరో శ్రీకాంత్ ఇంట్లో పెళ్లి సందడి!) తెలుగమ్మాయి అయిన స్వాతి.. 'సుబ్రహ్మణ్యపురం' అనే తమిళ మూవీతో హీరోయిన్‌ అయిపోయింది. 'అష్టాచమ్మా' తెలుగులోనూ సక్సెస్ అందుకుంది. ఆ తర్వాత పలు సినిమాలు చేసినప్పటికీ నిఖిల్ తో ఈమె చేసిన 'స్వామిరారా', 'కార్తికేయ' మాత్రమే చెప్పుకోదగ్గ హిట్స్‌గా నిలిచాయి. ఫామ్‌లో ఉండగానే వికాస్ అనే వ్యక్తిని పెళ్లి చేసుకున్న ఈ బ్యూటీ.. ఫారెన్ వెళ్లిపోయింది. గతేడాది 'పంచతంత్రం' అనే తెలుగు మూవీతో రీఎంట్రీ ఇచ్చిన స్వాతి.. ప్రస్తుతం 'మంత్ ఆఫ్ మధు' చిత్రంతోపాటు 'సత్య' అనే షార్ట్ ఫిల్మ్ చేస్తోంది. సరే ఇది పక్కనబెడితే విడాకుల రూమర్స్ నిజమేనా కాదా అని స్వాతిని ఓ ప‍్రముఖ మీడియా హౌస్ సంప్రదించగా.. 'చెప్పడానికి ఏం లేదు, అలాంటిది ఏమైనా ఉంటే నేనే చెప్తాను' అని మెసేజ్ ఇచ్చినట్లు సమాచారం. 2020లోనూ ఫొటోలు డిలీట్ చేసినప్పుడు ఇలా వదంతలు వచ్చాయి. కానీ వాటిని ఆర్కైవ్‌లో దాచినట్లు క్లారిటీ ఇచ్చింది.  (ఇదీ చదవండి: ఇక్కడ 'బేబీ'.. కన్నడలో ఆ చిన్న సినిమా!) View this post on Instagram A post shared by Swathi (@swati194)

సాధారణంగా తెలుగమ్మాయిలకు టాలీవుడ్‌లో హీరోయిన్‌గా ఛాన్స్ ఇవ్వరు. ఒకవేళ ఇచ్చినా పెద్దగా సక్సెస్ కాలేరు అనే మాట ఎక్కువగా వినిపిస్తుంటుంది. అయితే ఆ కామెంట్స్‌ని బ్రేక్ చేసిన బ్యూటీస్‌లో పైన కనిపిస్తున్న ఆమె కూడా ఒకరు. ఎందుకంటే తమిళంలో ఫస్ట్ హిట్ కొట్టి, ఆ తర్వాత టాలీవుడ్‌లోకి ఎంటరైంది. ఈ మధ్య న్యూస్‌లో ఎప్పటికప్పుడు హాట్ టాపిక్ అవుతోంది. ఇంతకీ ఎవరామె? (ఇదీ చదవండి: హీరోయిన్ల చీరలు లాగి లాగి చిరాకొచ్చింది: ప్రముఖ నటుడు) పైన ఫొటోలో కనిపిస్తున్న పాప పేరు స్వాతి రెడ్డి. ఇలా చెబితే మీకు గుర్తురాకపోవచ్చు. కలర్స్ స్వాతి అంటే మాత్రం టక్కున గుర్తుపట్టేస్తారు. తండ్రి నేవీ అధికారి కావడంతో ఆయన రష్యాలో జాబ్ చేస్తున్నప్పుడు అక్కడ పుట్టింది. పాపకు స్వెత్లానా అని పేరు పెట్టారు. కొన్నాళ్లకు స్వాతి అని మార్చేశారు. చిన్నతనంలో తొలుత ముంబయిలో ఉన్న స్వాతి ఫ్యామీలీ ఆ తర్వాత వైజాగ్‌కి షిఫ్ట్ అయిపోయారు.  ఇక ఇంటర్మీడియట్ చదివేందుకు హైదరాబాద్ వచ్చిన స్వాతి.. టీనేజ్ లో ఉండగానే 'కలర్స్' అనే ప్రోగ్రాంలో యాంకర్‌గా ఛాన్స్ కొట్టేసింది. నాగార్జున, ఉదయ్ కిరణ్ లాంటి హీరోలని ఇంటర్వ్యూ చేసి గుర్తింపు తెచ్చుకుంది. అలా కలర్స్ స్వాతిగా క్రేజ్ సంపాదించింది. తొలుత కృష్ణవంశీ తీసిన 'డేంజర్' మూవీలో నటించింది. వెంకీ-త్రిష 'ఆడవారి మాటలకు అర్థాలే వేరులో' చిన్న రోల్ చేసి చాలా పేరు తెచ్చుకుంది.  (ఇదీ చదవండి: ఇక్కడ 'బేబీ'.. కన్నడలో ఆ చిన్న సినిమా!) తమిళ చిత్రం 'సుబ్రహ్మణ్యపురం'తో హీరోయిన్  అయిపోయిన స్వాతి.. తెలుగులో 'అష్టాచమ్మా'తో హీరోయిన్ గా అద్భుతమైన సక్సెస్ సొంతం చేసుకుంది. ఆ తర్వాత స్వామిరారా, కార్తికేయ తదితర చిత్రాల్లో హీరోయిన్ గా చేసింది. మంచి ఫామ్ లో ఉండగానే వికాస్ అనే వ‍్యక్తిని పెళ్లి చేసుకుని ఫారెన్‌లో సెటిలైపోయింది. గతేడాది 'పంచతంత్రం' సినిమాతో ప్రేక్షకుల్ని పలకరించింది. ప్రస్తుతం 'మంత్ ఆఫ్ మధు' మూవీ, 'సత్య' అనే షార్ట్ ఫిల్మ్ తో బిజీగా ఉంది.  ఇకపోతే స్వాతి విడాకులు తీసుకోనుందనే వార్త కొన్నిరోజుల ముందు తెగ వైరల్ అయింది. ఆమె ఇన్ స్టాలో భర్తతో కలిసున్న ఫొటోలని డిలీట్ చేయడమే ఈ సందేహం రావడానికి కారణం. తాజాగా బుర‍్ఖాతో కనిపించి తెగ సందడి చేసింది. ఇలా గత కొన్నిరోజుల నుంచి న్యూస్ లో ఉన్న స్వాతి చిన్నప్పటి ఫొటో ఇప్పుడు వైరల్ అయింది. దీంతో ఆ ఫొటోని గుర్తుపట్టిన నెటిజన్స్ కామెంట్స్ చేస్తున్నారు. View this post on Instagram A post shared by Swathi (@swati194) (ఇదీ చదవండి: విడాకుల రూమర్స్.. బుర్ఖాలో కనిపించిన కలర్స్ స్వాతి!)

హీరోయిన్ కలర్స్ స్వాతి గురించి ఈ మధ్య ఓ రూమర్ వచ్చింది. భర్త నుంచి విడాకులు తీసుకుందని మాట్లాడుకున్నారు. అందుకు తగ్గట్లే తన ఇన్‌స్టా నుంచి ఇద్దరూ కలిసున్న ఫొటోలని డిలీట్ చేయడం పలు సందేహాలు రేకెత్తించింది. సరే ఇందులో నిజానిజాల సంగతి పక్కనబెడితే ఈ భామ.. ఇప్పుడు సడన్‌గా బుర్ఖాలో కనిపించింది. అందుకు సంబంధించిన వీడియోని స్వయంగా ఆమెనే పోస్ట్ చేసింది.  (ఇదీ చదవండి: ఈ వారం ఓటీటీల్లో 17 సినిమాలు రిలీజ్) బుర్ఖా అందుకేనా ఈ వీడియోలో కలర్స్ స్వాతి.. ఎక్కడికో ప్రయాణమవుతూ కనిపించింది. సికింద్రాబాద్ రైల్వేస్టేషన్‌లో బుర్ఖా ధరించి అటు ఇటు తిరుగుతూ సందడి చేసింది. అయితే ఇదంతా కేవలం ఫన్ కోసమే చేసినట్లు తెలుస్తోంది. అయితే ట్రైన్ ఎక్కిన తర్వాత బుర్ఖా తీసేసి నార్మల్‌గానే కనిపించింది. ఆ తర్వాత చీరకట్టు, ఫిల్టర్ ఛాయ్ విజువల్స్‌తో వీడియోని ఎండ్ చేసింది. విడాకుల రూమర్స్ దృష్ట్యా ఈ వీడియో ఇప్పుడు వైరల్ అయింది. రిలీజ్‌కి సినిమాలు రెడీ స్వాతి సినీ కెరీర్ చూసుకుంటే.. యాంకర్‌గా కెరీర్ మొదలుపెట్టిన ఈమె 'అష్టాచమ్మా' సినిమాతో హీరోయిన్ అయిపోయింది. ఆ తర్వాత స్వామి రారా, కార్తికేయ చిత్రాలతో ప్రేక్షకుల్ని అలరించింది. అయితే తెలుగులో ఈమె పలు మూవీస్ చేసినా అవి హిట్ కాకపోవడంతో తమిళ, మలయాళ చిత్రాల్లో నటిస్తూ క్రేజ్ సంపాదించింది. గతేడాది 'పంచతంత్రం' మూవీ చేసింది. ప్రస్తుతం 'మంత్ ఆఫ్ మధు' సినిమాతో పాటు సాయిధరమ్ తేజ్‌తో 'సత్య' అనే షార్ట్ ఫిల్మ్‌లో నటించింది. ఇవి విడుదల కావాల్సి ఉంది. View this post on Instagram A post shared by Swathi (@swati194) (ఇదీ చదవండి: 'బిగ్‌బాస్ 7' సీక్రెట్ బయటపెట్టిన నాగార్జున!)

బుల్లితెర నుంచి తన సరదా మాటలతో ప్రేక్షకులను అలరించి ఆ తర్వాత వెండితెరపై మెరిసింది కలర్స్ స్వాతి. తెలుగులోనే కాకుండా దక్షిణాది భాషల్లో తనదైన నటనతో మెప్పించింది.   ‘ఆడవారి మాటలకు అర్థాలే వేరులే’ లో వెంకటేష్‌కు మరదలిగా నటించి మరింత గుర్తింపు తెచ్చుకుంది. తర్వాత స్వామిరారా,కార్తికేయ్‌ వంటి సూపర్‌ హిట్‌ సినిమాలతో మంచి ఫ్యాన్‌ బేస్‌ను క్రియేట్‌ చేసుకుంది.  హీరో నాని సరసన ‘అష్టా చమ్మా’లో అద్భుతమైన నటనతో కలర్స్‌ స్వాతి ఎన్నో ప్రశంసలు అందుకుంది. ఈ సినిమాకు నంది అవార్డును కూడా ఆమె సొంతం చేసుకున్న విషయం తెలిసిందే. (ఇదీ చదవండి: 50 దాటేసిన వరలక్ష్మి  శరత్‌ కుమార్‌ ... అప్పట్లో ఈ బ్లాక్‌ బస్టర్‌ సినిమా చేసుంటేనా?) తాజాగా స్వాతి గురించి ఒక వార్త సోషల్‌ మీడియాలో ప్రచారం జరుగుతుంది. కొద్దిరోజుల నుంచి తన భర్త వికాస్‌కు దూరంగా ఉంటున్నట్లు ఒక వార్త వైరల్‌ అవుతుంది. ఈ ప్రచారానికి ప్రధాన కారణం తన భర్త ఫోటోలను ఇన్‌స్టాగ్రామ్‌ నుంచి స్వాతి తొలగించడమే అని చెప్పుకొస్తున్నారు. గతంలో సమంత కూడా నాగ చైతన్యతో విడిపోతున్నప్పుడు తన సోషల్‌ మీడియా ఖాతాలో అక్కినేని అనే ఇంటి పేరుతో పాటు వారిద్దరూ ఉన్న ఫోటోలను కూడా  తొలగించింది. ఈ మధ్యే విడాకులు తీసుకున్న నిహారిక-చైతన్య విషయంలో కూడా ఇలాగే జరిగింది. దీంతో తాజాగా కలర్స్‌ స్వాతి కూడా తన భర్త ఫోటోలను ఇన్‌స్టాగ్రామ్‌ నుంచి తొలగించిందని, తను కూడా విడాకులు తీసుకోబోతుందని పలు యూట్యూబ్‌ చానల్స్‌తో పాటు సోషల్‌ మీడియాలో వైరల్‌ అవుతుంది. స్వాతి విషయంలో ఇలాంటి ప్రచారం జరగడం ఇది కొత్తేమి కాదు. సుమారు రెండేళ్ల క్రితం కూడా తన వివాహబంధం విషయంలో ఇలాంటి ప్రచారమే జరిగింది.  విడాకుల విషయంపై గతంలో స్వాతి ఇచ్చిన వివరణ సుమారు రెండేళ్ల క్రితం కూడా స్వాతి విడాకులు తీసుకోబోతుందని ప్రచారం జరిగింది. ఇన్‌స్టాగ్రామ్‌లో తన భర్త ఫోటోలు ఎందుకు లేవో కూడా కారణం అప్పట్లోనే ఇలా తెలిపింది.  భర్తతో కలిసి దిగిన ఫోటోలను ఆర్కివ్స్ లో దాచుకున్నానని చెబుతూ.. తన ఫోన్‌లో ఉన్న వాటిని చూపించింది. అంతేకాదు వాటిన్నంటిని ఓ చిన్న వీడియోగా తీసి అప్పట్లోనే పోస్ట్ చేసింది. దీంతో ఆ సమయంలో విడాకుల పుకార్లు ఆగిపోయాయి. (ఇదీ చదవండి: బిగ్‌బాస్‌లోకి ఈ జంట ఎంట్రీ ఖాయం.. వాళ్లకు బిగ్‌ సపోర్ట్‌ ఎవరో తెలిస్తే) తాజాగా ఎందుకోగాని మళ్లీ స్వాతి విషయంలో మళ్లీ ఇదే ప్రచారం జరుగుతుంది. 2018లో మలయాళీ కుటుంబానికి చెందిన పైలెట్ వికాస్ వాసును స్వాతి ప్రేమించి పెళ్లి చేసుకుంది. ఆ తర్వాత వీరిద్దరూ థాయ్‌ల్యాండ్‌లో సెటిల్‌ అయ్యారు. అప్పట్లో సినిమాలకు గ్యాప్‌ ఇచ్చిన స్వాతి మళ్లీ 2019లో మళయాలంలో త్రిశూరపురం అనే సినిమాలో నటించింది. తెలుగులో కూడా పంచతంత్రంతో పాటు మరో రెండు సినిమాలు చేసింది. ఇప్పుడు సినిమాలు చేస్తూ హైదరాబాద్‌లోనే స్వాతి ఉంటుందని, భర్త వికాస్‌ మాత్రం థాయ్‌ల్యాండ్‌లోనే ఉంటున్నారని ప్రచారం జరుగుతుంది.  ఇందులో నిజమెంత అనేది తెలియదు కానీ, గతంలో మాదిరే మళ్లీ తను రియాక్ట్‌ అయి ఇలాంటి వార్తలు ప్రచారం చేసే వారికి సమాధానం చెబుతుందేమో తెలియాల్సి ఉంది. విడాకుల ప్రచారంపై గతంలో స్వాతి షేర్‌ చేసిన వీడియో View this post on Instagram A post shared by Swathi (@swati194)  

హైదరాబాద్‌ నాంపల్లి ఎగ్జిబిషన్‌లో హీరో సాయిధరమ్‌ తేజ్‌, హీరోయిన్‌ కలర్స్‌ స్వాతి సందడి చేశారు. జనవరి26 గణతంత్ర దినోత్సవం సందర్భంగా.. ఓ సాంగ్‌ షూటింగ్‌ కోసం నాంపల్లి ఎగ్జిబిషన్‌కు వచ్చారు. ఈ నేపథ్యంలో హీరో, హీరోయిన్లతో ఫోటోలు దిగేందుకు అభిమానులు ఎగబడ్డారు. దీనికి సంబంధించిన ఫోటోలు నెట్టింట చక్కర్లు కొడుతున్నాయి. కాగా పెళ్లి తర్వాత ఈమధ్యే సినిమాల్లో రీఎంట్రీ ఇచ్చిన స్వాతి ఇటీవలె పంచతంత్రం సినిమాతో ఆకట్టుకున్న సంగతి తెలిసిందే. ఇక ఇదిలా ఉంటే.. ప్రతి ఏడాదిలాగే ఈసారి కూడా నాంపల్లి ఎగ్జిబిషన్‌ జరుగుతున్న సంగతి తెలిసిందే. జనవరి1న ప్రారంభమైన ఈ ప్రదర్శన ఫిబ్రవరి 15వరకు జరగనుంది. దేశంలోనే అతిపెద్ద పారిశ్రామిక ఎగ్జిబిషన్‌గా పేరొందిన నాంపల్లి నుమాయిష్‌ ఎగ్జిబిషన్‌కు భారీ సంఖ్యలో ప్రజలు విచ్చేస్తుంటారన్న సంగతి తెలిసిందే. 

కలర్స్‌ స్వాతి తెలుగు ప్రేక్షకులకు పెద్దగా పరిచయం అక్కర్లేని పేరు. యాంకర్‌గా కెరియర్‌ స్టార్ట్‌ చేసి హీరోయిన్‌గా ఎదిగిన ఆమె అష్టాచమ్మాలో మహేశ్‌.. మహేశ్‌ అంటూ ప్రేక్షకులను అలరించింది. ఎప్పుడు తన చలాకీ మాటలతో తనదైన నటనతో ఎంతోమంది ప్రేక్షకుల ఆదరణను పొందిన స్వాతి 2018లో పైలట్‌ వికాస్‌ వాసును వివాహం చేసుకుంది. ఆ తర్వాత ఇండోనేషియాకు మకాం మార్చిన ఆమె అప్పటి నుంచి సినిమాలకు దూరమైంది. పెళ్లి అనంతరం కాస్త బొద్దుగా మారిన స్వాతి సినీ కేరీర్‌ ముగిసినట్లేనని అందరూ భావించారు. అయితే వాటన్నింటికి చెక్‌ పెడుతూ స్వాతి తిరిగి సినిమాల్లోకి ఎంట్రీ ఇవ్వబోతుంది. ‘పంచతంత్రం’ మూవీతో సెకండ్‌ ఇన్నింగ్స్‌ మొదలుపెట్టనుంది. తాజాగా స్వాతి పంచతంత్రం మూవీ షూటింగ్‌లో పాల్గొన్న ఫొటోలు బయటకు వచ్చాయి. సెట్స్‌లో ఓ సన్నివేశానికి సంబంధించిన స్టిల్‌ లీక్‌ కాగా.. ప్రస్తుతం ఈ ఫొటో నెట్టింట హల్‌చల్‌ చేస్తోంది. ఇటీవల బొద్దుగా తయారైన స్వాతి ఈ తాజా స్టిల్‌లో ఒకప్పటి స్వాతిలా సన్నగా నాజుగ్గా దర్శనం ఇచ్చి ఫ్యాన్స్‌ను సర్‌ప్రైజ్‌ చేసింది. చాలా గ్యాప్‌ తర్వాత స్వాతిని ఇలా చూసి ఆమె అభిమానులు మురిసిపోతున్నారు. ఇక తిరిగి తను సినిమాల్లో నటిస్తుందని తెలిసి ఆనందం వ్యక్తం చేస్తున్నారు.  చదవండి:  రాధే శ్యామ్‌ క్లైమాక్స్‌ సీన్‌ లీక్‌, కన్నీరు పెట్టించే ప్రేరణ మృతి!

పెళ్లి చేసుకున్న తర్వాత స్వాతి సినిమాల్లో కనిపించరేమో అని భావించారంతా. ‘స్క్రిప్ట్‌ కుదిరితే మళ్లీ నటిస్తా’ అని ఆ మధ్య ‘సాక్షి’కి ఇచ్చిన ఇంటర్వ్యూలో స్వాతి పేర్కొన్నారు. అన్నట్లుగానే  స్క్రీన్‌ మీద కనిపించడానికి రెడీ అయ్యారామె. చందు మొండేటి దర్శకత్వంలో నిఖిల్, స్వాతి జంటగా కనిపించిన చిత్రం ‘కార్తికేయ’. 2014లో రిలీజ్‌ అయిన ఈ మిస్టరీ థ్రిల్లర్‌ సూపర్‌ హిట్‌. ఈ సినిమాకు సీక్వెల్‌ ప్లాన్‌ చేశారు దర్శకుడు చందు. ఈ సీక్వెల్‌లోనూ నిఖిల్, స్వాతి జంటగా నటిస్తారని తెలిసింది. పెళ్లి తర్వాత స్వాతి చేయబోయే మొదటి సినిమా ఇదే. పీపుల్స్‌ మీడియా ఫ్యాక్టరీ బ్యానర్‌పై టీజీ విశ్వప్రసాద్‌ ఈ సినిమాను నిర్మిస్తారు. త్వరలోనే ఈ సినిమా సెట్స్‌ మీదకు వెళ్లనుంది.

బుల్లితెర నుంచి వెండితెర మీద అడుగుపెట్టిన అందాల భామ కలర్స్‌ స్వాతి. హీరోయిన్‌ గా పెద్దగా సక్సెస్‌ కాలేకపోయినా నటిగా మంచి గుర్తింపు తెచ్చుకుంది. కెరీర్ పూర్తిగా గాడిలో పడకముందే పెళ్లి చేసేసుకోవటంతో స్వాతి సినిమాలకు గుడ్‌బై చెప్పేస్తుందని భావించారు. తరువాత ఒకటి రెండు ఇంటర్వ్యూలలో రీ ఎంట్రీ గురించి ప్రస్తావించినా సీరియస్‌గా అలాంటి ప్రయత్నాలు చేయకపోవటంతో ఇక కెరీర్‌ ముగినట్టే అని భావించారు. అయితే తాజాగా కలర్స్‌ స్వాతి రీ ఎంట్రీకి రంగం సిద్ధమైనట్టుగా తెలుస్తోంది. స్వాతి కెరీర్‌లో మంచి విజయం సాధించిన కార్తీకేయ సినిమాకు సీక్వెల్‌ను తెరకెక్కించేందుకు చాలా రోజులుగా ప్రయత్నాలు జరుగుతున్నాయి. త్వరలో సెట్స్‌ మీదకు వెళ్లనున్న ఈ సినిమాతోనే స్వాతి రీ ఎంట్రీకి సిద్ధమవుతున్నట్టుగా తెలుస్తోంది. మరి రీ ఎంట్రీలో అయిన స్వాతి స్టార్ ఇమేజ్‌ అందుకుంటుందేమో చూడాలి.

మనసును గాయపరుస్తున్నారు అంటూ ఆవేదనను వ్యక్తం చేస్తోంది నటి స్వాతి. ఈ తెలుగమ్మాయి కోలీవుడ్‌లోనూ సుబ్రమణిపురం, వడకర్రి వంటి సక్సెస్‌పుల్‌ చిత్రాలతో ప్రేక్షకుల మనసులను దోచుకుంది. ఇక మాతృభాషలోనూ మొదట కలర్స్‌స్వాతిగా పేరు తెచ్చుకుని ఆ తరువాత కథానాయకిగా మంచి గుర్తింపునే తెచ్చుకున్న స్వాతికి నటిగా తగినంత స్టార్‌డమ్‌ రాలేదు. పక్కింటి అమ్మాయి ఇమేజ్‌ను సొంతం చేసుకున్న స్వాతి ఆ చట్రం బయట పడదామా? లేక అదే ముద్రతో ముందుకు సాగుదామా? అన్న ఆలోచనలతో సతమతం అవుతున్న తరుణంలో వదంతులు మరో పక్క వేదనకు గురిచేస్తున్నాయని కంటతడిపెడుతోంది.  తనపై వస్తున్న రూమర్లపై స్పందించిన స్వాతి.. తమిళ నటులు జై, కృష్ణ వంటి యువ హీరోలతో సంబంధాలు అంటగడుతూ అసత్య ప్రచారం చేస్తున్నారనే బాధను వ్యక్తం చేసింది. టాలీవుడ్ లో కూడా ఇలాంటి వదంతులకు కొదవ లేదని చెప్పింది. హీరోయిన్లు మనలాంటి మనుషులేననీ, వారికి మనసు ఉంటుందనీ, అది అవాస్తవ ప్రచారాలతో గాయపడుతుందని ప్రజలు గుర్తించాలని అంది. సినీరంగంలో ఇలాంటి వదంతులు సాధారణం అని తాను సరిపెట్టుకునే ప్రయత్నం చేస్తున్నా, కుటుంబ సభ్యులు, మిత్రులు ఆవేదన చెందుతున్నారని స్వాతి పేర్కొంది. దయ చేసి ఇలాంటి నిరాధార వార్తలను ప్రచారం చేయరాదని కోరింది.


 
 బుల్లి తెర నుంచి వెండితెర మీదకు వచ్చి సత్తా చాటిన తెలుగమ్మాయి కలర్స్ స్వాతి. హీరోయిన్గా కెరీర్ స్టార్టింగ్లో మంచి విజయాలు సాధించిన ఈ ముద్దుగుమ్మ తరువాత వరుస ఫ్లాప్లతో డీలా పడిపోయింది. ముఖ్యంగా త్రిపుర సినిమా ప్లాప్ స్వాతి జోష్కు బ్రేక్ వేసింది. తెలుగు, తమిళ సినిమాలు కూడా నిరాశపరచటంతో లాంగ్ గ్యాప్ తీసుకున్న స్వాతి ఇప్పుడు రీ ఎంట్రీకి రెడీ అవుతోంది.
 
 తమిళ సిమా రీమేక్తో టాలీవుడ్లో సత్తా చాటాలని భావిస్తోంది. విజయ్ సేతుపతి హీరోగా కోలీవుడ్లో మంచి విజయం సాధించిన అందవన్ కట్టలై సినిమాకు రీమేక్గా టాలీవుడ్లో తెరకెక్కుతున్న లండన్ బాబులు సినిమాలో స్వాతి హీరోయిన్గా నటిస్తోంది. బి చిన్ని కృష్ణ దర్శకత్వంలో తెరకెక్కుతున్న ఈ సినిమాను మారుతి టాకీస్ బ్యానర్పై మారుతి నిర్మిస్తున్నాడు. రక్షిత్ హీరోగా పరిచయం అవుతున్న ఈ సినిమా ట్రైలర్ త్వరలో విడుదల చేస్తున్నట్టుగా తెలిపారు చిత్రయూనిట్.
  


 యాంకర్గా ఎంట్రీ ఇచ్చి తరువాత హీరోయిన్గా మారిన తెలుగమ్మాయి స్వాతి. కలర్స్ ప్రోగ్రామ్తో గుర్తింపు తెచ్చుకున్న ఈ బ్యూటీ., హీరోయిన్గా మారిన తరువాత కూడా కలర్స్ స్వాతిగానే ప్రాచుర్యం పొందింది. హీరోయిన్గా స్వామిరారా, కార్తీకేయ, గోల్కొండ హై స్కూల్ లాంటి సక్సెస్లు సాధించిన ఈ భామ తరువాత ఆ హవా కొనసాగించలేకపోయింది. టాలీవుడ్లో వరుస ఫ్లాప్లు పలకరించటంతో కోలీవుడ్ మీద దృష్టి పెట్టింది.
 
 కోలీవుడ్లో కూడా పరిస్థితి మారలేదు. అక్కడ కూడా వరుస ఫ్లాప్లు స్వాతి కెరీర్ ను డైలామాలో పడేశాయి. దీంతో షార్ట్ బ్రేక్ తీసుకున్న స్వాతి ఇప్పుడు ఓ రీమేక్ సినిమాతో ప్రేక్షకుల ముందుకు వచ్చేందుకు రెడీ అవుతోంది. తమిళ్లో ఘనవిజయం సాధించిన అందవన్ కట్టాలయ్ తెలుగు రీమేక్లో స్వాతి హీరోయిన్గా నటిస్తోంది. బ్రదర్ ఆఫ్ బొమ్మాళీ ఫేం చిన్ని కృష్ణ దర్శకత్వంలో తెరకెక్కుతున్న ఈ సినిమాతో రక్షక్ అనే కొత్త  కుర్రాడు హీరోగా పరిచయం అవుతున్నాడు.


 ‘కలర్స్’ స్వాతి తొలిసారిగా టైటిల్ రోల్ చేస్తున్న చిత్రం ‘త్రిపుర’. అసలు త్రిపుర ఎవరు..? ఏం చేస్తుంది? అనేది సస్పెన్స్ అంటున్నారు చిత్ర దర్శకుడు రాజకిరణ్. క్రేజీ మీడియా పతాకంపై ఎ. చినబాబు, ఎం. రాజశేఖర్ నిర్మిస్తున్న ఈ సినిమా షూటింగ్ తుది దశకు చేరుకుంది. నిర్మాతలు మాట్లాడుతూ-‘‘ఈ నెల 15 నుంచి క్లైమాక్స్ చిత్రీకరణ ప్రారంభించాం. త్రిపుర పాత్రకు ఇంకెవరూ సరిపోరనేంత బాగా స్వాతి నటిస్తున్నారు. కథాకథనాలు ఈ చిత్రానికి హైలైట్‌గా నిలుస్తాయి.
 
 హారర్ థ్రిల్లర్‌గా తెరకెక్కుతున్న ఈ చిత్రం అందరినీ ఆకట్టుకుంటుంది’’ అని తెలిపారు. ఈ చిత్రానికి స్క్రీన్‌ప్లే: కోనవెంకట్, శ్రీనివాస్ వెలిగొండ, మాటలు: రాజా, సినిమాటోగ్రఫీ: రవికుమార్ సానా, సమర్పణ: జవ్వాజి రామాంజనేయులు.


  కథా నాయకుల కంటే కథా నాయికలే అధికంగా బహుభాషా నటీమణులుగా వెలుగొందుతున్నారన్నది నిజం. అయితే చాలామంది హీరోయిన్లు ఒక భాషలో మార్కెట్ తగ్గితే మరో భాషపై దృష్టి సారిస్తుండడం సహజం. అలాగైనా తమ స్థానాన్ని పదిలపరచుకోవడానికి నానా తంటాలు పడుతుంటారు. విజయం తనతో దోబూచులాడుతున్న నటి తాప్సీకి కాంచన -2 చిత్రం చాలా ఊరటనిచ్చింది. అయినా అందం, అభినయం ఈ రెండింటిలో తనకేమి కొరత అని తెలుగులో అవకాశాలు రావడం లేదు అంటూ వాపోయిందీ భామ.
  
  అలాంటిది నటి స్వాతి, తెలుగు, తమిళం, మలయా ళం అంటూ మూడు భాషల్లోనూ మంచి పేరుతో పాటు వరుసగా అవకాశాలు సంపాదించుకోవడం విశేషం. పక్కింటి అమ్మాయి ఇమేజ్‌ను సొంతం చేసుకున్న స్వాతి పదహారణాల తెలుగింటి ఆడపడచు అన్న విషయం తెలిసిందే. ఇంట గెలచి రచ్చ గెలవాలంటారు. స్వాతి ఇంటినే కాదు పొరుగింటిలోనూ ఇరుగింటిలోను గెలిచి నటిగా కెరీర్‌ను విస్తరించుకుంటున్నారు. పెద్దగా స్టార్‌డమ్‌ను సంపాదించుకోకపోయినా చిన్న నిర్మాతలకు అనువైన నటిగా పేరు తెచ్చుకున్న స్వాతికి తమిళంలో ఆ మధ్య విడుదలైన వడకరై చిత్రం రిజల్ట్స్ సంతృప్తినే ఇచ్చింది. స్వాతి త్రిభాషా నటి కావడంతో నిర్మాతలు ఆమెను అలా ఉపయోగించుకుంటున్నారు.
  
   మలయాళంలో నటించిన మోసైయిలే కుదిరమీనుగళ్ చిత్రం మంచి విజయాన్ని సాధించింది. ఈ ఏడాది మొదట్లో తెరపైకి వచ్చిన మలయాళ చిత్రం ఆడు మిశ్రమ స్పందనను తెచ్చుకుంది. అయినా అవకాశాలు స్వాతి తలుపు తడుతూనే ఉన్నాయి. ప్రస్తుతం ఆమె రెండు ద్విభాషా చిత్రాలు చేస్తున్నారు. అందులో ఒకటి డబుల్ బేరల్ కాగా మరొకటి విష్ణువర్ధన్ దర్శకత్వం వహిస్తున్న యట్చన్. విశేషం ఏమిటంటే ఈ రెండు చిత్రాల్లోనూ స్వాతికి హీరో ఆర్యనే. ఇలా ఒకేసారి ఆర్యతో రెండు చిత్రాలు చేయడం వినూత్న అనుభవం అంటున్నారు స్వాతి. అదే విధంగా ఈ రెండు చిత్రాలు తన కెరీర్‌ను మరింత పెంచే విధంగా ఉంటాయనే ఆశాభావాన్ని కలర్ భామ వ్యక్తం చేస్తున్నారు.
  


 సునీల్, కలర్స్ స్వాతి కలిసి నటించిన చిత్రం కథ, స్క్రీన్‌ప్లే, దర్శకత్వం: అప్పర్రాజు'. అయితే ఈ సినిమా బాక్సాఫీస్ దారుణంగా చతికిలబడింది. వీరిద్దరూ చేజార్చుకున్న మరో సినిమా సూపర్హిట్ అయింది. సినిమా'మాయ' అందే ఇదేనేమో. వీరిద్దరూ నటించాల్సిన రెండో సినిమా 'గీతాంజలి'గా తెరకెక్కి ఇప్పుడు ఘన విజయం సాధించింది.
 
 ఇందులో కథానాయిక పాత్ర కోసం ముందు అమలాపాల్, కలర్ స్వాతిలను అడిగితే, వారు శ్రీనివాసరెడ్డితో నటించడానికి సుముఖత చూపలేదని దర్శకుడు రాజ్కిరణ్ వెల్లడించారు. అలాగే ఈ సినిమాలో సునీల్ ను హీరోగా పెట్టాలని నిర్మాత బెల్లకొండ సురేష్ సూచించారని అందుకు తాను ఒప్పుకోదని ఆయన తెలిపారు. దీంతో సునీల్, స్వాతి సెకండ్ కాంబినేషన్ కుదరకుండాపోయింది. తర్వాత శ్రీనివాసరెడ్డి, అంజలి ముఖ్యపాత్రధారులుగా 'గీతాంజలి'ని తెరకెక్కించారు.


  ‘ఏంటి?... నాకు పెళ్లా! నాకు తెలీదే... ముహూర్తం ఎప్పుడు? పెళ్లి కొడుకెవరు? ఎలా ఉంటాడు?’... ఓ కోలీవుడ్ చానల్ ఇంటర్‌వ్యూలో.. మీకు పెళ్లంటగా? అని ఓ జర్నలిస్ట్ అడిగితే... ఆమెపై స్వాతి సంధించిన ప్రశ్నల పరంపర ఇది. ‘నా పెళ్లి గురించి మా అమ్మానాన్నకు కూడా లేని తొందర మీడియాకు ఎక్కువైపోయింది’ అని ఆ ఇంటర్‌వ్యూలో మీడియాపై సెటైర్లు విసిరారు స్వాతి. ‘‘ప్రస్తుతం కెరీర్‌ని చక్కదిద్దుకోవడమే నా పని. మరిన్ని సినిమాలు చేయాలి.
  
  ‘మంచి నటి’ అనిపించుకోవాలి. అప్పుడుగానీ పెళ్లి గురించి ఆలోచించను’’ అన్నారు స్వాతి. మీ ‘పెళ్లి’ గురించి మీడియాలో వదంతులు వినిపించినప్పుడు మీకు కోపం వచ్చిందా? అనడిగితే- ‘‘కాదు నవ్వొచ్చింది. ఇంట్లోవాళ్లు కూడా హాయిగా నవ్వుకున్నారు. అయితే... పోను పోను జనాల నుంచి ప్రశ్నలెక్కువయ్యాయి. దాంతో కాస్త చిరాకనిపించింది’’ అని చెప్పారు. ఆమె నటించిన తెలుగు సినిమా ‘కార్తీకేయ’, తమిళ సినిమా ‘వడకర్రీ’ త్వరలో విడుదల కానున్న విషయం తెలిసిందే.
  


 నటి స్వాతి చెన్నైకి చెందిన వ్యాపారవేత్తతో ప్రేమాయణం సాగిస్తున్నారని, వీరి ప్రేమకు పెద్దలు గ్రీన్ సిగ్నల్ ఇచ్చేసినట్లు ఈ ఏడాది చివరిలో ఏడడుగులకు ముహూర్తం కుదిరినట్లు ప్రచారం జోరుగా సాగుతోంది. టాలీవుడ్‌లో కలర్స్ స్వాతిగా ప్రాచుర్యం పొందిన ఈ తెలుగమ్మాయి తమిళంలో యువ హీరోయిన్‌గా గుర్తింపు పొందారు. తాజాగా మాలీవుడ్‌లోకి రంగప్రవేశం చేసిన ఈ బహుభాషా నటికి కల్యాణ ఘడియలు దగ్గర పడినట్లు సమాచారం. తమిళంలో సుబ్రమణిపురం చిత్రం ద్వారా పరిచయమై స్వాతి ప్రస్తుతం వడకర్రి చిత్ర విడుదల కోసం ఎదురు చూస్తున్నారు. తన ప్రేమ, పెళ్లి విషయాల గురించి అడగ్గా అదంతా అసత్యప్రచారం అంటూ కొట్టేశారు.
 
 ఇలాంటి నిరాధార వార్తలు ఎవరు ప్రచారం చేస్తున్నారో గానీ తానెవరినీ ప్రేమించలేదని స్పష్టం చేశారు. అసలు తాను ఈ మధ్య కాలంలో చెన్నైకి రాలేదన్నారు. మూడు నెలల క్రితం వడకర్రి చిత్ర షూటింగ్ కోసం చెన్నై వచ్చానని చెప్పారు. అయితే ఇలాంటి వదంతులు ఇంతకు ముందు కూడా ప్రచారం అయ్యాయని, తాను చెన్నైకి వచ్చిన ప్రతి సారి ఇలాంటి న్యూసెన్స్ క్రియేట్ చేస్తున్నారని ఆవేదన వ్యక్తం చేశారు. తాను కేవలం షూటింగ్ నిమిత్తమే చెన్నైకి వస్తానన్నారు. షూటింగ్‌లో పాల్గొంటే నటనపైనే తన పోకడ ఉంటుందన్నారు. ఒక వేళ ఏదైనా షాపింగ్ చెయ్యాలనుకుంటే యూనిట్‌లోని మిత్రులతో కలిసే వెళతానన్నారు. అలాంటిది ఎవరో ప్రచారం చేస్తున్నట్లు ఆ వ్యాపారవేత్తను కలుసుకునే అవకాశమెక్కడుంటుందని స్వాతి ఆవేశంగా  ప్రశ్నిస్తున్నారు.  
  


 ఇది రాజకీయాల సమయం. త్వరలో ఈ రంగంలో పెద్ద సమరమే జరగనుంది. అదే విధంగా ప్రతి ఒక్కరూ రాయకీయాలపై ఆసక్తిని, అవగాహనను పెంపొందించుకుంటున్న కాలం ఇది. ఒకప్పుడు రాజకీయం, సినిమా వేర్వేరు. ప్రస్తుతం ఈ రెండూ కలగంపగా మారాయి. తారలు ప్రజాకర్షణతో లబ్ధి పొందాలనుకుంటున్నారు. చాలా మంది తారలు ఈ రాజకీయ గోదాలోకి దిగుతున్నారు. యువ నటి స్వాతి తానేమి తక్కువ కాదంటూ తన రాజకీయ ఆపేక్షను చెప్పకనే చెబుతున్నారు. తమిళంలో సుబ్రమణిపురం, పోరాళి, ఇదర్కుదానే ఆశై పట్టాయ్ బాలకుమారా తదితర చిత్రాల్లో నటించిన ఈ టాలీవుడ్ బ్యూటీ తెలుగులోనూ పలు చిత్రాలు చేశారు.
  
 చాలా మంది తారల మాదిరిగానే ఈ అమ్మడికి రాజకీయ వ్యామోహం పెరిగిందనిపిస్తోంది. సీఎం అయితే ఏమి చేస్తారన్న ప్రశ్నకు స్వాతి కొంచెం కూడా తడుముకోకుండా పెద్ద ఉపన్యాసం ఇచ్చారు. అవినీతి లేని సమాజాన్ని రూపొందించాలి. గ్రామీణ ప్రాంతాల్లోని ప్రజలకు సత్వర న్యాయం లభించడంలేదు. అలాంటి వారికి వెంటనే న్యాయం జరగాలి.
  
 అందుకు రాష్ట్ర వ్యాప్తంగా మొబైల్ న్యాయస్థానంతో న్యాయమైన తీర్పులు అందించే చర్యలు తీసుకోవాలి అంటూ టకటకా చెప్పేస్తున్నారు. అయితే ఆమె చెప్పేవన్నీ నిజ జీవితంలో జరగడం అంతసాధ్యం కాదు. అలాంటి పాత్రలను సినిమాలో పోషించి స్వాతి తన ఆశలు నెరవేర్చుకోవాలని కోలీవుడ్ వర్గాలు సలహా ఇస్తున్నాయి. మరి స్వాతి ఏంచేస్తుందో వేచి చూడాలి.