మోడల్‌, నటి సన్నీ లియోన్‌ గురించి పెద్దగా పరిచయం అవసరం లేదు. పోర్న్ స్టార్‌గా కెరీర్‌ను స్టార్ట్ చేసి బాలీవుడ్‌ సినిమాల్లో నటించి ఆకట్టుకుంది. సన్నీ లియోన్‌. 2011లో ప్రియుడు డేనియల్ వెబర్‌ను వివాహమాడింది. ప్రస్తుతం ముగ్గురు పిల్లలు హాయిగా జీవిస్తోంది ఈ జంట. అయితే వీరికి పెళ్లికి సంబంధించి ఒక వార్త వైరల్‌గా మారింది. టైమ్స్ కథనం ప్రకారం పదమూడేళ్ల వివాహ బంధం తరువాత తన ముగ్గురు పిల్లలు నిషా, నోహ్ ఆషెర్‌ల ముందు మళ్లీ పెళ్లి ప్రమాణాలు చేసుకున్నారట. మాల్దీవుల్లో వీరిద్దరూ మళ్లీ వధూవరుల్లా ముస్తాబై వేడుక చేసుకున్నారు. సన్నీ తెల్లటి గౌనులో నెక్‌లైన్‌తో యువరాణిలా కనిపించింది. పూల కిరీటం, అందమైన చెవిపోగులు, బ్రాస్‌లెట్, ఉంగరం, డ్యూ మేకప్‌తో అందంగా కనిపిస్తే, మరోవైపు, డేనియల్ స్ఫుటమైన తెల్లటి చొక్కా జీన్స్‌లో హుందాగా కనిపించాడు. అలాగే కూతురు నిషా తెల్లటి గౌనులో క్యూట్ గా కనిపించి బొకే పట్టుకుంది. నోహ్, ఆషేర్ కూడా అందంగా కనిపించారు. కుటుంబం, ప్రేమ, బంధాలు, విలువను తమ పిల్లలు అర్థం చేసుకోవాలని దంపతులు అభిలాష అని నివేదిక పేర్కొంది. దీంతో ఈ ఫోటోలు నెట్టింట చక్కర్లు కొడుతున్నాయి.సన్నీ లియోన్ పెళ్లికి అతిథులు 50 మంది కంటే తక్కువే!సన్నీ లియోన్ తన 11వ వివాహ వార్షికోత్సవం సందర్భంగా సన్నీ కొన్ని విషయాలను సోషల్‌మీడియాలో పోస్ట్‌ చేసింది. ‘‘పెళ్లయి 11 ఏళ్లు. చేతిలో పెద్దగా డబ్బుల్లేని రోజులవి. కేవలం 50మంది అతిథులు. రిసెప్షన్‌ కోసం వెడ్డింగ్‌ కోసం వచ్చిన బహుమతుల కోసం వెదికాం. డెకరేషన్‌లో మిస్టేక్‌, కొంతమంది తాగి పిచ్చిగా మాట్లాడారు, వెడ్డింగ్ కేక్ కూడా ఏమంత బాగాలేదు. అయినా అక్కడ నుండి ఇక్కడ దాకా చేరుకున్నాం. నీ ప్రేమ లేకపోతే ఇదంతా సాధ్యమయ్యేది కాదు.’’ ఏప్రిల్ 9, 2022న తన భర్తకు విషెస్‌ తెలిపింది.సన్నీ లియోన్ డేనియల్ వెబర్‌ ప్రేమ ఎలా మొదలైంది?వేగాస్‌లోని ఒక క్లబ్‌లో అతని బ్యాండ్‌మేట్ ద్వారా అమెరికాకు చెందిన మ్యూజిషియన్, యాక్టర్ అయిన డ్యానియల్ వెబర్‌ను కలిసింది. ఆ పరిచయం క్రమంగా ప్రేమగా మారింది. 2011 ఏప్రిల్ 9న వీరి వివాహం జరిగింది .2017లో నిషా అనే ఓ అమ్మాయిని దత్తత తీసుకుందీ జంట. 2018లో సరోగసీ ద్వారా వీరికి కుమారులు నోహ్ , ఆషేర్ జన్మించారు.

సన్నీ లియోన్ గురించి సినిమా ప్రేమికులకు కొత్తగా చెప్పాల్సిన పనిలేదు. ఎందుకంటే పోర్న్‌స్టార్‌గా ఉన్న ఈమె.. ఆ తర్వాత నటిగా బాలీవుడ్‌లోకి ఎంటరైంది. స్పెషల్ సాంగ్స్‌తో పాటు పలు పాత్రల్లోనూ నటించి ఆకట్టుకుంది. తెలుగులోనూ కొన్ని సినిమాలు చేసిన ఈ బ్యూటీ.. ఇప్పుడు భర్తతో కలిసి కొత్తగా ఓ వ్యాపారంలోకి అడుగుపెట్టింది. అందుకు సంబంధించిన వీడియోని కూడా సోషల్ మీడియాలో పోస్ట్ చేసింది.  (ఇదీ చదవండి: అత్తారింట్లో కండీషన్స్? మెగా కోడలు లావణ్య త్రిపాఠి ఇంట్రెస్టింగ్ కామెంట్స్) మారిపోయిన సన్నీ లియోనీ సన్నీ లియోన్ పేరు చెప్పగానే చాలామంది తప్పుగా అర్థం చేసుకుంటారు. ఒకప్పుడు పోర్న్ చిత్రాల్లో నటించడమే దీనికి కారణం. ఆ ఇండస్ట్రీని వదిలి ఏళ్లకు ఏళ్లకు గడిచిపోయినా సరే ఇప్పటికీ చాలామంది.. ఈమెని ఆ ఉద్దేశంతోనే చూస్తుంటారు. కానీ సన్నీ లియోనీ.. ఇండస్ట్రీలోకి వచ్చిన తర్వాత వ్యాంప్ క్యారెక్టర్స్ చేసినా సరే.. బయట మాత్రం కొన్ని మంచి పనులు చేసింది. ఓ అనాథ బాలికని కూడా దత్తత తీసుకుని పెంచుకుంటోంది. ఏంటా బిజినెస్? గత కొన్నేళ్ల నుంచి సినిమాల పరంగా ఈమెకు పెద్దగా అవకాశాలు రావట్లేదు. దీంతో రూట్ మార్చేసింది. భర్త డేనియల్ వెబర్‌తో రెస్టారెంట్ బిజినెస్ మొదలుపెట్టింది. ఢిల్లీలోని నోయిడాలో 'చికలోక' పేరుతో ఓ రెస్టారెంట్ ఈ మధ్య ఓపెన్ చేసింది. ఇందులో కుక్ చేస్తున్న ఓ వీడియో తన ఇన్ స్టాలో పోస్ట్ చేసింది. దీంతో వ్యాపారంలోకి సన్నీ లియోన్ అడుగుపెట్టిన విషయం అందరికీ తెలిసింది. (ఇదీ చదవండి: టీనేజీలోనే గట్టిగా సంపాదిస్తున్న మహేశ్ కూతురు సితార.. నెలకు ఎన్ని లక్షలంటే?) View this post on Instagram A post shared by Chica Loca Noida (@chicalocanoida)

సన్నీ లియోన్ పేరు చెప్పగానే మీలో చాలామంది అలెర్ట్ అయిపోతారు. ఆమె గతం ఏంటనేది పక్కనబెడితే నటిగా పాన్ ఇండియా స్టార్‌డమ్ సంపాదించుకుంది. ప్రస్తుతం ముగ్గురు పిల్లలలో కలిసి ఫ్యామిలీ లైఫ్‌ని ఎంజాయ్ చేస్తోంది. మరోవైపు పలు భాషల్లో సినిమాలు చేస్తూ బిజీగా ఉంది. ఇప్పుడు ఓ విషయంలో భర్త తనని మోసం చేశాడని చెబుతూ వీడియో పోస్ట్ చేసింది.  (ఇదీ చదవండి: వైద్యం కోసం విదేశాలకు సమంత.. అతడు ఎమోషనల్!) శృంగార తారగా చాలా క్రేజ్ తెచ్చుకున్న సన్నీ లియోన్.. భారత మూలాలున్న అమెరికన్ నటి. కెనడాలోని ఓ సిక్కు కుటుంబంలో ఈమె పుట్టింది. 2012లో 'జిస్మ్ 2'తో బాలీవుడ్‌లోకి ఎంట్రీ ఇచ్చింది. రెండేళ్ల తర్వాత 'కరెంట్ తీగ' సినిమాతో తెలుగు ప్రేక్షకుల్ని పలకరించింది. ఆ తర్వాత గరుడవేగ మూవీలో స్పెషల్ సాంగ్ చేసింది. చివరగా మంచు విష్ణు 'జిన్నా' సినిమాలో కనిపించింది. ఈ మధ్యే భర్తతో కలిసి మాల్దీవులు టూర్ కి వెళ్లిన సన్నీ లియోన్.. దాని తర్వాత ఆస్ట్రేలియాలోని సిడ్నీ ఫిల్మ్ ఫెస్టివల్‌కి వెళ్లింది. ప్రస్తుతం భర్త డేనియల్ వెబర్ తో కలిసి దుబాయి వెకేషన్‌లో ఉంది. ఈ క్రమంలోనే రూమ్ లో భర్త దొంగచాటుగా ఐస్ క్రీమ్ తినడాన్ని సన్నీ చూసేసింది. ఈ మొత‍్తాన్ని వీడియోగా తీసి, ఇన్ స్టాలో పోస్ట్ చేసింది. దీనికే 'నా భర్త నన్ను మోసం చేస్తున్నప్పుడు' అనే క్యాప్షన్ పెట్టుకొచ్చింది. View this post on Instagram A post shared by Sunny Leone (@sunnyleone) (ఇదీ చదవండి: 'బేబి' ఓటీటీ పార్ట్‌నర్ ఫిక్స్.. స్ట్రీమింగ్ అప‍్పుడే!)

సోషల్‌ మీడియాలో యాక్టివ్‌గా ఉండే బాలీవుడ్‌ హాట్‌ బ్యూటీ సన్నీ లియోన్‌ శనివారం నాడు తన పెళ్లినాటి ఫొటోను షేర్‌ చేసింది. ఈ సందర్భంగా 11 ఏళ్ల క్రితం జరిగిన తన వివాహ వేడుక తాలూకు జ్ఞాపకాలను నెమరు వేసుకుంది. 'ఈ రోజుతో నాకు పెళ్లై 11 ఏళ్లు. ఆ సమయంలో చేతిలో డబ్బులు కూడా లేవు. 50 మంది కంటే తక్కువమంది అతిథుల సమక్షంలో మా వివాహం జరిగింది. వాళ్లు మా చేతిలో పెట్టిన ఎన్విలాప్‌ కవర్లు గబగబా తీసి అందులో ఉన్న డబ్బుతో రిసెప్షన్‌ ఫీజులు కట్టాము. కొందరు తాగిన మత్తులో ఏదేదో వాగారు. ఇద్దరం కలిసి ఎంతోదూరం ప్రయాణించాము. ప్రేమతోనే అది సాధ్యమైంది. మా పెళ్లి స్టోరీ అంటే నాకెంతో ఇష్టం. మేము ఎంతో దూరం వచ్చేశాం. హ్యాపీ యానివర్సరీ బేబీ' అని రాసుకొచ్చింది. అటు సన్నీలియోన్‌ భర్త డేనియల్‌ కూడా వారిద్దరి ఫొటో షేర్‌ చేస్తూ భార్యకు పెళ్లిరోజు శుభాకాంక్షలు తెలిపాడు. కాగా సన్నీ, డేనియల్‌ వివాహం జరిగింది. వీరు 2017లో నిషా అనే ఆడపిల్లను దత్తత తీసుకున్నారు. ఆ తర్వాతి ఏడాది సరోగసి ద్వారా ఆశర్‌, నోవా అనే కవలలకు జన్మనిచ్చారు. ఇటీవలే సన్నీలియోన్‌ ఫ్యామిలీ మాల్దీవులకు కూడా వెళ్లివచ్చింది. View this post on Instagram A post shared by Sunny Leone (@sunnyleone) View this post on Instagram A post shared by Sunny Leone (@sunnyleone) View this post on Instagram A post shared by Daniel "Dirrty" Weber (@dirrty99) చదవండి: ఆమెతో కమెడియన్‌ లవ్‌ ట్రాక్‌.. ఒక్క ఫొటోతో బండారం బయటపెట్టిన కంగనా ఒంటిపై బట్టల్లేకుండా ఫొటోలు.. కాంప్రమైజ్‌ కావాలనేవారు

బాలీవుడ్‌ నటి సన్నీ లియోన్‌కి ఉన్న పాపులారిటీ అందరికీ తెలిసిందే. జిస్మ్‌తో హిందీ చిత్ర పరిశ్రమకి పరిచయమైన ఈ బ్యూటీ దేశవ్యాప్తంగా గుర్తింపు సాధించింది. అయితే తాజాగా ఆమె తన భర్త డేనియల్ వెబర్‌తో చేసిన ఫ్రాంక్‌ వీడియో సోషల్‌ మీడియాలో వైరల్‌గా మారింది. ఆ వీడియోలో.. సన్నీ తాళ్లతో కలిపి కట్టిన సీసాలను రెండు చేతుల్లో పట్టుకోమని చెప్పింది. అనంతరం బుక్స్‌, దానిపై పిండి బుట్టను పెట్టింది. అంత అయిపోయాకా కూడా ఇంకా ఏదో పెడుతున్నట్లు నటించిన ఈ భామ కత్తెరతో తాళ్లను కత్తిరించింది. దీంతో పిండి మొత్తం డేనియల్ ముఖంపై పడింది. దీంతో నువ్వు చాలా స్ట్రాంగ్‌ అంటూ సన్నీ పగలబడిన నవ్విన ఆ వీడియో ఇన్‌స్టాగ్రామ్‌లో షేర్‌ చేయగా వైరల్‌ అయ్యింది. కాగా సన్నీ అండ్‌ ఫన్నీ అంటూ ఎంతోమంది ఫ్యాన్స్‌ కామెంట్స్‌ పెడుతున్నారు. చదవండి: వారిపై పగ తీర్చుకుంటా: తాప్సీ View this post on Instagram A post shared by Sunny Leone (@sunnyleone)

మనుషులు యంత్రాల్లా మారిపోయిన రోజులివి. ఉరుకుల పరుగుల జీవితంలో పక్కనోడిని కాదు కదా కనీసం నా అన్నవాడిని కూడా పట్టించుకునే పరిస్థితి లేదు. సినీ తారల పరిస్థితి మరీ ఘోరం. టంచనుగా షూటింగ్‌కు వెళ్లాల్సిదేనంటూ సూర్యుడు ఉదయించకముందే గడప దాటి మళ్లీ ఏ అర్ధరాత్రో, అపరాత్రో ఇంటికి చేరుకుంటారు. షూటింగ్స్‌ లేని రోజుల్లో అయినా ఖాళీగా ఉంటారా? అంటే అదీ కుదరదు. ఏదో ఒక వేడుకకు రమ్మని వారికి నిత్యం ఆహ్వానాలు అందుతూనే ఉంటాయి. తాజాగా బాలీవుడ్‌ తార సన్నీలియోన్‌ తన భర్త డేనియల్‌ వెబర్‌తో ఫిల్మ్‌ఫేర్‌ అవార్డుల కార్యక్రమానికి వెళ్లింది. అవార్డుల ఫంక్షన్‌ ముగిశాక శనివారం రాత్రి ఇద్దరూ కారులో ఇంటికి తిరుగుపయనమయ్యారు. దారిలో రోడ్డు మీద ఓ మహిళ తన కారు టైర్‌ మార్చేందుకు తెగ ఇబ్బందులు పడటం డేనియల్‌ కంట పడింది. ఇంకేముందీ, వెంటనే అతడు కారు ఆపేసి ఆమె దగ్గరికి వెళ్లి సాయం చేశాడు. అతడి హెల్పింగ్‌ నేచర్‌కు ముచ్చటపడిపోయిన సన్నీ 'ట్రూ జెంటిల్‌మెన్‌' అంటూ దీన్నంతటినీ వీడియో తీసి షేర్‌ చేసింది. ఇది చూసిన అభిమానులు 'వావ్‌.. మీరెంత మంచివాళ్లు' అంటూ ప్రశంసలు కురిపిస్తున్నారు. 'ఇందుకే మీరు మా అందరికీ ఫేవరెట్‌ కపుల్'‌ అని కామెంట్లు చేస్తున్నారు. కాగా సన్నీ, డేనియల్‌ 2011లో వివాహం చేసుకున్నారు. వీళ్లు నిశా అనే అమ్మాయిని దత్తత తీసుకుని పెంచుకుంటున్నారు. సరోగసీ ద్వారా ఇద్దరు మగ కవలలు నోవా, అశెర్‌కు జన్మనిచ్చారు. చదవండి: సన్నీలియోన్‌ భర్తకు షాకిచ్చిన డ్రైవర్‌ భర్త నగ్న ఫొటోను షేర్‌ చేసిన సన్నీ లియోన్‌

శృంగార తారగా పేరొందిన నటి సన్నీ లియోన్‌ సోషల్‌ మీడియాలో యాక్టివ్‌గా ఉంటుంది. తనకు సంబంధించిన విషయాలను ఫాలోవర్లతో పంచుకుంటుంది. తాజాగా తన భర్త డేనియల్‌ వెబెర్‌కు సంబంధించిన ఓ ఫొటో పంచుకుంది. ఆ ఫొటో వైరల్‌గా మారింది. ఎందుకంటే వెబెర్‌ నగ్నంగా ఉన్నాడు. నగ్నంగా ఉండి అక్కడ మాత్రం టోపీ ఉంచాడు. ఆ ఫొటోను షేర్‌ చేస్తూ దీనిపై ఏమీ అడగొద్దు అంటూ ఫేస్‌బుక్‌ స్టోరీస్‌లో సన్నీ పేర్కొంది. ‘ఎంటీవీ స్పిట్స్‌విల్లా 13’ షో సన్నీ లియోన్‌ నిర్వహిస్తోంది. ఈ షోకు సంబంధించి షూటింగ్‌ కేరళలో ముగిసింది. దీంతో తిరిగి ముంబైకు చేరుకుంది. ఈ సందర్భంగా భర్తతో కలిసి సందడి చేసింది. ఈ క్రమంలోనే ‘అతడిని ఈ పరిస్థితిలో చూశా. దయచేసి ఏమీ అడగొద్దు’ అంటూ పడుకుని భర్త పుస్తకం చదువుతున్న ఫొటోను పంచుకుంది. ఆ ఫొటోను చూసి సన్నీ నోరెళ్లబెట్టింది. ఎందుకంటే భర్త వెబెర్‌ ఒంటిపై ఎలాంటి దుస్తులు లేకుండా బెడ్‌పై ఉన్నాడు. తన క్యాప్‌ను వెబెర్‌ నడుం కింద పెట్టుకుని ఉన్నాడు. 

శృంగార తారగా పేరొందిన నటి సన్నీ లియోన్‌ భర్త డేనియల్‌ వెబెర్‌కు ముంబైలోని ఓ వ్యక్తి షాకిచ్చాడు. వెబెర్‌కు సంబంధించిన కారు నంబర్‌ తన కారుకు పెట్టుకుని ముంబైలో యథేచ్ఛగా తిరిగాడు. దీంతో ముంబై ట్రాఫిక్‌ పోలీసులు భారీగా చలాన్లు వేశారు. అయితే డేనియల్‌కు సంబంధించిన కారు నంబర్‌ గుర్తించిన డ్రైవర్‌ ఈ విషయంపై పోలీసులకు ఫిర్యాదు చేశారు. దీంతో అతడిని బుధవారం పోలీసులు అరెస్ట్‌ చేశారు. ప్రముఖుల కార్ల నంబర్లను తన కారుకు పెట్టుకుని తిరగడం అతడికి అలవాటు అని పోలీసులు తెలిపారు. సన్నీలియోన్‌ భర్త డేనియల్‌ వెబెర్‌ కారు డ్రైవర్‌ అక్బర్‌ ఖాన్‌. అతడు ఇటీవల ముంబైలో ఒకచోట అచ్చం తన యజమాని కారు నంబర్‌ పెట్టుకున్న ఓ కారును గుర్తించాడు. దీన్ని చూసి షాక్‌కు గురయి వెంటనే ట్రాఫిక్‌ పోలీసులకు సమాచారం ఇచ్చారు. దీంతో ఆ కారును ట్రాప్‌ చేసి పట్టుకోగా పీయూష్‌ సేన్‌ అందులో ఉన్నాడు. పీయూశ్‌ సేన్‌ డేనియల్‌ కారు నంబర్‌ను తన మెర్సిడెస్‌ బెంజ్‌ కారుకు పెట్టుకున్నాడు. ఆ కారులో విచ్చలవిడిగా నిబంధనలు ఉల్లంఘిస్తూ తిరగడంతో ట్రాఫిక్‌ పోలీసులు చలాన్లు వేశారు. అయితే ఆ చలాన్లు అన్నీ కూడా సన్నీలియోన్‌ భర్త డేనియల్‌ వెబెర్‌కు వెళ్లాయి. సెప్టెంబర్‌ 2020లో చలాన్లు వెళ్లగా షాక్‌కు గురయిన డేనియల్‌ ఏం జరుగుతుందో అతడికి తెలియలేదు. తాజాగా ముంబైలో ఆ కారును నంబర్‌ను పీయూష్‌ సేన్‌ వినియోగించడంతో ఆ చలాన్లు వచ్చాయని గుర్తించాడు. అయితే పీయూష్‌ను పోలీస్‌స్టేషన్‌కు తీసుకెళ్లి అతడి కారు పత్రాలు పరిశీలించగా తప్పుడు వివరాలు వచ్చాయి. సన్నీలియోన్‌ భర్త డేనియల్‌ కూడా స్టేషన్‌కు వచ్చి పత్రాలు సమర్పించాడు. డేనియల్‌ వివరాలు సక్రమంగా ఉన్నాయి. దీంతో ఇతరుల నంబర్‌ వినియోగిస్తూ పీయూష్‌ ర్యాష్‌ డ్రైవింగ్‌ చేస్తున్నాడని పోలీసులు గుర్తించి అతడిని అదుపులోకి తీసుకున్నారు. అయితే గతంలో కూడా ప్రముఖుల కార్ల నంబర్లను పీయూష్‌ వినియోగిస్తున్నాడని తెలిసింది. ఈ సందర్భంగా పీయూష్‌పై వాహనదారుల చట్టం 139, ఐపీసీ సెక్షన్‌ 420, 465, 468 కింద కేసు నమోదు చేసినట్లు ట్రాఫిక్‌ డీసీపీ యశస్వీ యాదవ్‌ తెలిపారు.

లాక్‌డౌన్ నేప‌థ్యంలో ఇంటిప‌ట్టునే ఉన్న సెల‌బ్రిటీలు త‌మ క‌ళ‌ల‌కు ప‌దును పెడుతూ దొరికిన స‌మ‌యాన్ని స‌ద్వినియోగం చేసుకుంటున్నారు. బాలీవుడ్ భామ స‌న్నీలియోన్ త‌న ముగ్గురు పిల్ల‌ల‌ను ఎంట‌ర్‌టైన్ చేసేందుకు సిద్ధ‌మైంది. ఇందుకోసం వారిని ఏదో పిక్నిక్‌కు తీసుకెళుతున్న‌ట్లు రెడీ చేయించి బ‌య‌ట‌కు తీసుకొచ్చింది. అనంత‌రం జ‌స్టిన్ టింబ‌ర్‌లేక్ ఆల‌పించిన‌ పాట‌కు స‌న్నీ, ఆమె భ‌ర్త డేనియ‌ల్ వెబ‌ర్‌తో క‌లిసి స్టెప్పులేసింది. పిల్ల‌ల చుట్టూ తిరుగుతూ డ్యాన్స్ చేస్తూ వారిని సంతోష‌పెట్టింది. ఇది అటు పిల్ల‌ల‌తో పాటు అభిమానుల‌ను అల‌రిస్తోంది. ఈ డ్యాన్స్ వీడియోను స‌న్నీ ఇన్‌స్టాగ్రామ్‌లో షేర్ చేసింది. ఇందులో నోహా, అశేర్‌, నిషా ముగ్గురూ డ్యాన్స్‌కు ఊగిపోతూ చ‌ప్ప‌ట్లతో సంతోషాన్ని వ్య‌క్తం చేశారు. అంతేకాక చేతులు ఊపుతూ  తాము కూడా డ్యాన్స్ చేసేందుకు ప్ర‌యత్నించారు. "చాలా రోజుల నుంచి నా పిల్లలు ఇంట్లోనే బందీకి గుర‌య్యారు.. అందుకే ఇలా.." అంటూ స‌న్నీ క్యాప్ష‌న్ జోడించింది. ప్ర‌భుత్వాలు స్వీయ నిర్బంధాన్ని ప్ర‌క‌టించిన తొలి రోజునుంచే ఆమె పిల్ల‌ల‌కు మాస్క్ ధ‌రించ‌డాన్ని నేర్పిస్తూ కోవిడ్-19 వ్యాప్తి అరిక‌ట్టేందుకు సిద్ధ‌మైన విష‌యం తెలిసిందే. ఈ మేర‌కు గ‌తంలోనూ కుటుంబం అంతా క‌లిసి మాస్క్ ధ‌రించిన ఫొటోను షేర్ చేసిన విష‌యం తెలిసిందే. కాగా సన్నీ నిషాను ద‌త్త‌త తీసుకోగా, స‌రోగ‌సి ద్వారా నోహా, అశేర్‌ అనే ఇద్ద‌రు మ‌గ క‌వ‌ల‌ల‌కు త‌ల్ల‌య్యారు. (మాస్క్‌ల శిక్షకు మొదటి రోజు: సన్నీలియోన్‌)

కరోనా వైరస్‌(కోవిడ్‌-19) విజృంభణ నేపథ్యంలో ఎక్కడ చూసినా ప్రజలు మాస్క్‌లతో దర్శనమిస్తున్నారు. ఇక ప్రముఖులు, సెలబ్రిటీలు సైతం ఇందుకు మినహాయింపు కాదు. ఈ క్రమంలో బాలీవుడ్‌ నటి సన్నీలియోన్‌, ఆమె భర్త డేనియల్ వెబర్, వారి ముగ్గురు పిల్లలు మాస్క్‌లు ధరించిన ఫొటోను తాజాగా సన్నీ సోషల్‌ మీడియాలో షేర్‌ చేశారు. కరోనా కారణంగా కొన్ని రోజులుగా ఇంటికే పరిమితమైన ఆమె.. ఫ్యామిలీతో మంగళవారం బయటకు వచ్చారు. భారత్‌ గట్టేక్కాలంటే ఈ ఐదూ పాటించాల్సిందే! ఈ క్రమంలో వారంతా మాస్క్‌లు ధరించాల్సి వచ్చిందంటూ.. ‘ఇదీ కొత్త శకం! నా పిల్లలు ఇలా మాస్క్‌లు ధరించి ఇబ్బంది పడుతుంటే నాకు చాలా బాధగా ఉంది. కానీ ఇది ఇప్పుడు చాలా అవసరం. ఈ పసివారి మాస్క్‌ల శిక్షకు ఇది మొదటి రోజు’ అంటూ ఇన్‌స్టాలో షేర్‌ చేస్తూ తల్లిగా ఆవేదన వ్యక్తం చేశారు. కాగా సన్నీకి నిషా అనే నాలుగేళ్ల కూతురు.. నోహా, అశేర్‌ అనే కవల పిల్లలు ఉన్నారు. నిషాను మహారాష్ట్ర లాతురులో దత్తత తీసుకోగా.. సరోగసి ద్వారా ఇద్దరూ మగ కవలలకు తల్లయ్యారు సన్నీ. (ఉమెన్స్‌ డే.. సన్నీ బంపర్‌ ఆఫర్‌)  View this post on Instagram A new era! So sad that my kids have to now live like this but it’s necessary. Training toddlers to wear a mask Day 1... @dirrty99 and Nathalina team family effort! A post shared by Sunny Leone (@sunnyleone) on Mar 16, 2020 at 8:09am PDT కాగా... కరోనా వైరస్‌ కారణం‍గా సినిమా షూటింగ్‌లు వాయిదా పడటంతో నటీనటులు ఇంటికి పరిమితమయ్యారు. ఇక ఇంట్లో కుటుంబంతో గడుపుతున్న ఫొటోలను, వారి రోజువారి కార్యకలపాలను సెలబ్రిటీలు తరచూ సోషల్‌ మీడియాలో పంచుకుంటున్న సంగతి తెలిసిందే. ఈ క్రమంలో బాలీవుడ్‌ బ్యూటీ కత్రినాకైఫ్‌ వ్యాయామం చేస్తున్న ఫొటోలను, వీడియోలను వరుసగా షేర్‌ చేస్తుండగా... ఇక హీరో అర్జున్‌ కపూర్‌ కూడా ఇంట్లో సినిమాలు చూస్తూ కాలక్షేపం చేస్తున్నానంటూ ఫొటోలను షేర్‌ చేశారు.

ఒకప్పటి శృంగార తార, ప్రస్తుతం వెండితెరపై అందాల ఆరబోతతో కుర్రకారులో వేడి పుట్టిస్తోంది సన్నీలియోన్‌. ఆమె పేరు తెలియని ప్రేక్షకులు ఉండరంటే అతిశయోక్తి కాదు. ఇక సోషల్‌ మీడియాలో యాక్టివ్‌గా ఉండేవారికి ఆమె సుపరిచితురాలే. గూగుల్‌ సర్చ్‌లో ప్రతీ యేటా టాప్‌లో ఉండే ఈ భామ తాజాగా ఓ ఇంటర్వ్యూలో మాట్లాడుతూ ఆసక్తికర విషయాలను వెల్లడించారు. ఇంట్లో తన భర్త డానియల్‌ వెబర్‌.. బూబ్ల అని ముద్దుగా పిలుస్తాడని చెప్పుకొచ్చింది. మైఖేల్‌ జోర్డాన్‌ తన ఫస్ట్‌ క్రష్‌ అని పేర్కొంది. ఇక ఇంతవరకు తను నటించిన వారందరిల్లో కెల్లా.. ఎవరితో ముద్దు సన్నివేశాల్లో నటించడం సరదాగా ఉందనే ప్రశ్నకు.. నా భర్తలా ఎవరూ బాగా కిస్‌ చేయలేరు అంటూ వెంటనే సమాధానమిచ్చింది. 

న్యూఢిల్లీ: బాలీవుడ్‌ నటి సన్నీలియోన్‌కు అరుదైన గౌరవం దక్కింది. ఢిల్లీలోని ప్రతిష్టాత్మక మేడమ్‌ టుస్సాడ్స్‌ మ్యూజియంలో మంగళవారం సన్నీ మైనపు విగ్రహం కొలువుదీరింది. విశేషంగా సన్నీ మైనపు విగ్రహాన్ని ఆమే అవిష్కరించారు. ఈ కార్యక్రమంలో ఆమె భర్త డానియల్‌ వెబర్‌ కూడా పాల్గొన్నారు. ఈ సందర్భంగా ఆమె తన మైనపు విగ్రహంతో ఫొటోలు దిగుతూ మురిసిపోయారు. గతంలో అమితాబ్‌ బచ్చన్‌, విరాట్‌ కోహ్లి, షారుక్‌ ఖాన్‌, అనిల్‌ కపూర్‌ వంటి ప్రముఖల మైనపు విగ్రహాలు ఇక్కడ కొలువుదీరిన సంగతి తెలిసిందే. మేడమ్‌ టుస్సాడ్స్‌ మ్యూజియంలో తన మైనపు విగ్రహాన్ని ఉంచడంపై ఆమె తన ఆనందాన్ని వ్యక్తం చేశారు. ఆమె మాట్లాడుతూ.. ‘నా విగ్రహానికి సరైన ఆకృతి తీసుకురావడానికి చాలా మంది కష్టపడ్డారు. వారి కష్టాన్ని నేను అభినందిస్తున్నాను. ఈ గొప్ప గౌరవం దక్కినందుకు నేను చాలా సంతోషంగా ఉన్నాన’ని తెలిపారు. ఆమె భర్త డెనియల్‌ వెబర్‌ కూడా దీనిపై తన ఆనందాన్ని ట్విటర్‌లో వ్యక్తం చేశారు. సన్నీ మైనపు విగ్రహాంతో తాను దిగిన ఓ వీడియోను పోస్ట్‌ చేశారు. మరోవైపు సన్నీతో సెల్ఫీ దిగాలంటే ఢిల్లీలోని టుస్సాడ్స్‌ మ్యూజియం వెళితే సరిపోతుందంటూ.. నెటిజన్లు సోషల్‌ మీడియాలో ఫన్నీ కామెంట్‌లు చేస్తున్నారు. కాగా ఇటీవలే సన్నీ జీవితం ఆధారంగా తెరకెక్కిన కరణ్‌జిత్‌ కౌర్‌ ప్రేక్షకుల ముందుకు వచ్చిన సంగతి తెలిసిందే. 

ఒకప్పుడు పోర్న్‌ స్టార్‌గా ఓ వెలుగు వెలిగిన సన్నీలియోన్‌ ప్రస్తుతం బాలీవుడ్‌ నటిగా ప్రయాణం కొనసాగిస్తుంది. సరిగ్గా ఏడేళ్ల క్రితం ఇదే రోజు ఆమె తన సహనటుడు డానియల్‌ వెబర్‌ని వివాహం చేసుకుని కొత్త జీవితాన్ని ప్రారంభించిచారు. సోషల్‌ మీడియాలో యాక్టివ్‌గా ఉండే సన్నీ బుధవారం తమ వివాహ వార్షికోవత్సం సందర్భంగా ట్విటర్‌ వేదికగా భర్త వెబర్‌కి స్వీట్‌ విషెస్‌ తెలిపారు. ‘ఏడేళ్ల కిందట దేవుడి సన్నిధిలో ఒక్కటయ్యాం. ఎప్పుడూ ఇద్దరం ఒకరినొకరు ఇష్టపడుతూనే ఉన్నాం. పెళ్లి నాటి కన్నా ఇప్పుడు నిన్ను అమితంగా ఇష్టపడుతున్నాను. చివరివరకు ఇలాంటి జీవితమే కొనసాగిద్దాం. లవ్‌ యూ వెబర్‌, హ్యాపీ మ్యారేజ్ యానివర్సరీ’  అంటూ తమ పెళ్లి నాటి ఫొటోని ట్వీట్‌ చేశారు సన్నీ. ప్రస్తుతం ఈ దంపతులకు ముగ్గురు పిల్లలున్నారు. అందులో నిషా వెబర్‌ని ఏడాది క్రితం ఈ జంట దత్తత తీసుకుంది. గత నెల మార్చిలో సన్నీ సరోగసి ద్వారా మగ కవలలకు జన్మనిచ్చింది. వీరికి అపెర్‌ సింగ్‌ వెబర్‌, నోహ్‌ సింగ్‌ వెబర్‌గా పేర్లు పెట్టారు. చివరిసారిగా తెరా ఇంతిజార్‌ సినిమాలో కనిపించిన సన్నీ, ప్రస్తుతం తమిళ సినీ పరిశ్రమలో అడుగుపెట్టడానికి యత్నిస్తున్నారు. 7yrs ago we vowed in front of God to always love each other no matter what life throws at us!I can say that I love you more today then I did that day!We are on this crazy journey of life together!Love you so much @DanielWeber99 Happy Anniversary!! pic.twitter.com/mo45C75xq4 — Sunny Leone (@SunnyLeone) April 11, 2018

బాలీవుడ్‌ నటి సన్నీలియోన్‌ సరోగసి ద్వారా ఇద్దరు కవల పిల్లలకు జన్మనిచ్చారు. ఈ విషయాన్ని ఆమె తన ట్విటర్ ద్వారా వెల్లడించారు. సన్నీలియోన్‌, ఆమె భర్త డానియెల్‌ వెబర్‌, పెంపుడు కూతురు నిషా కౌర్‌తో పాటు కవలలు ఉన్న ఓ ఫోటోను పోస్ట్‌ చేశారు. ప్రస్తుతం తమ కుటుంబం చాలా సంతోషంగా ఉందని సన్నీ ట్వీట్‌ చేశారు. అతి తక్కువ సమయంలో దేవుడు తమకు ముగ్గురు పిల్లలని ఇవ్వడం ఎంతో ఆనందంగా ఉందని సన్నీ పేర్కొన్నారు.  God's Plan! Surprise! pic.twitter.com/PEwxTdGAAU — Sunny Leone (@SunnyLeone) 5 March 2018 మాకు కొన్ని వారాల కిందట ఇద్దరు అబ్బాయిలు జన్మించారంటూ సన్నీలియోన్‌, వెబర్‌లు దంపతులు తమ సంతోషాన్ని సోషల్‌ మీడియాలో షేర్‌ చేసుకున్నారు.  వారికి ‘అషెర్‌ సింగ్‌ వెబర్‌, నోహ్‌ సింగ్‌ వెబర్’అని పేర్లు పెట్టినట్లు తెలిపారు. కాగా సన్నీలియోన్ తన సహ నటుడు డానియెల్‌ వెబర్‌ ను 2011 లో ప్రేమించి పెళ్లి చేసుకున్నారు.  మహారాష్ట్రలోని లాతూర్ ప్రాంతానికి చెందిన 21 నెలల వయసున్న పాపను సన్నీ - వెబర్‌ దంపతులు 2017 జూలైలో దత్తత తీసుకుని నిషా కౌర్‌ వెబర్‌ అని పేరు పెట్టిన విషయం తెలిసిందే. 

ముంబై: జంతు సంరక్షణ కోసం బాలీవుడ్‌ నటి సన్నీలియోన్‌ భర్త డెనియల్‌ వెబర్‌తో కలిసి నగ్న ప్రదర్శన చేసింది. జంతు సంరక్షణ సంస్థ ‘పెటా’ (పీపుల్‌ ఫర్‌ ఎథికల్‌ ట్రీట్‌మెంట్‌ ఆఫ్‌ యానిమల్‌)కు ప్రచారకర్తైన సన్నీ జంతువుల సంరక్షణ ప్రచారంలో భాగంగా ఈ నగ్న ఫొటోలకు ఫోజుచ్చింది.  జంతువులను చంపి వాటి చర్మంతో తయారు చేసిన దుస్తులు ధరించరాదనే సందేశాన్ని ఈ నగ్నత్వంలోనే గ్రహించాలని ఆమె అభిమానులను కోరింది. ఈ  ఫొటోను పెటా ఇండియా అధికారిక ట్విట్టర్‌లో ‘ జంతు సంరక్షణ ప్రచారంలో భాగంగా స్టన్నింగ్‌ బ్యూటీ సన్నీ, ఆమె భర్త డెనియల్‌ వెబర్‌ ఫొటో షూట్‌ అని ట్వీట్‌ చేసింది. అంతేగాకుండా జంతువుల చర్మలతో దుస్తులు ఎలా తయారుచేస్తున్నారనే వీడియోను సైతం పెటా షేర్‌ చేసింది. జంతు చర్మంతో కాకుండా తయారు చేసిన వస్తువులు కూడా మనకు అందుబాటులో ఉన్నాయి. అలాంటి వస్తువులనే ఎంచుకోండి అని సన్నీ అభిమానులకు పిలుపునిచ్చింది. మేం జంతువుల పక్షాన పోరాడుతున్నాం. వాటి సంరక్షణ కోసం పాటుపడుతున్నామని సన్నీ భర్త డెనియల్‌ తెలిపాడు. Stunning beauty @SunnyLeone and her husband @DanielWeber99 in new PETA campaign promote animal-free fashion. https://t.co/egUvr9xaHF Thanks @subisamuel for this beautiful shot. Thanks @hitendra1480 for styling & #TomasMoucka for hair & make-up. pic.twitter.com/polWc6EGQB — PETA India (@PetaIndia) 28 November 2017


 నటిగా సన్నీ లియోన్‌ గురించి చెప్పాలంటే... తప్పకుండా ‘బీ–టౌన్‌ ఎంట్రీకి ముందు, ఆ తర్వాత’ అనాలి. హిందీ చిత్రపరిశ్రమలో ప్రవేశించక ముందు సన్నీ నీలి చిత్రాల్లో నటించారు. ఇప్పుడు పూర్తిగా వాటిని వదిలేసి, నటిగా తనని తాను సరికొత్తగా ఆవిష్కరించుకోవడానికి ప్రయత్నిస్తున్నారు. మరి, వ్యక్తిగా ఆమె గురించి చెప్పాలంటే... ‘నిషా ఎంట్రీకి ముందు, ఆ తర్వాత’ అనాలంటున్నారు సన్నీ లియోన్‌.
 
 ఈ నిషా ఎవరనుకుంటున్నారా? డానియేల్‌ వెబర్‌–సన్నీ లియోన్‌ దంపతుల దత్త పుత్రిక. ఇటీవలే సన్నీ దంపతులు నిషాను దత్తత తీసుకున్న సంగతి తెలిసిందే. దత్త పుత్రిక గురించి సన్నీ మాట్లాడుతూ –‘‘నిషా వచ్చిన తర్వాత మా జీవితాలు మారాయి. ఇప్పుడు మరింత సంతోషంగా ఉంటున్నాను. నా కూతురికి గోరుముద్దలు తినిపించడం, తనను నిద్రపుచ్చడం భలే సరదాగా ఉంది. నేనూ తనతోనే ఆడుకుంటూ నేలపైనే ఎక్కువ టైమ్‌ గడుపుతున్నా. ఈ మాతృత్వాన్ని బాగా ఎంజాయ్‌ చేస్తున్నాను. లైఫ్‌లోకి ఎవర్ని ఎప్పుడు పంపాలో దేవుడికి బాగా తెలుసు’’ అన్నారు.


 ‘‘అమ్మా.. నాన్నా... అనిపించుకోవడానికి అందరికీ తొమ్మిదినెలలు పడుతుంది. కానీ, నాకూ, మా ఆయనకీ జస్ట్‌ మూడువారాలే పట్టింది’’ అంటున్నారు సన్నీ లియోన్‌. నవమాసాలు మోసి, బిడ్డను కంటారు కదా.. మూడు వారాలే అంటున్నారేంటి? అని ఆశ్చర్యపోవచ్చు. ఆ విషయం గురించి సన్నీ క్లారిటీ ఇచ్చారు. 2011లో డానియల్‌ వెబర్‌ని సన్నీ పెళ్లాడారు. ఈ భార్యాభర్తలిద్దరూ మమ్మీ డాడీ కాలేదు. కెరీర్‌వైజ్‌గా బిజీగా ఉన్న సన్నీకి తల్లయ్యే తీరిక దొరకడంలేదట. కానీ, పిల్లలంటే ఈ బ్యూటీకి బోలెడంత ప్రేమ. అందుకే మహారాష్ట్రలో లాతూర్‌లోని ఓ అనాథాశ్రమం నుంచి నిషా అనే పాపను దత్తత తీసుకున్నారు.
 
 సన్నీ మాట్లాడుతూ– ‘‘అమ్మ, నాన్న అనిపించుకోవడానికి అందరికీ తొమ్మిది నెలలు పడుతుంది. కానీ, మాకు మూడు వారాలే పట్టింది. నిషా వయసు 21 నెలలు. తనను దత్తత తీసుకోవడానికి కావాల్సిన ఏర్పాట్లన్నీ పూర్తి కావడానికి మూడు వారాలు పట్టింది. బిడ్డను దత్తత తీసుకోవాలని ఎప్పుడూ అనుకోలేదు. కానీ, ఆశ్రమంలో కొందరు చేసిన సేవ చూసి మనసు మార్చుకున్నాం. నా భర్త పేరూ నా పేరూ కలసి వచ్చేలా నిషాకి ‘నిషా కౌర్‌ వెబర్‌’ అని పేరు పెట్టాం’’ అన్నారు.


 బాలీవుడ్‌ నటి సన్నీలియోన్‌, డానియెల్‌ వెబర్‌ దంపతులు పాపను దత్తత తీసుకున్నారు. తొలుత ఈ విషయాన్ని నటి షెర్లిన్‌ చోప్రా ట్వీట్‌ చేయగా.. అందుకు రిప్లై ఇచ్చిన సన్నీ బేబీని దత్తత తీసుకున్న విషయాన్ని ధ్రువీకరించారు.
 
 సన్నీలియోన్‌, వెబర్‌లకు 2011లో వివాహం జరిగింది. మహారాష్ట్రలోని లాతూర్ ప్రాంతానికి చెందిన 21 నెలల వయసున్న పాపను సన్నీ-వెబర్‌ దంపతులు దత్తత తీసుకున్నారు. ఆమెకు నిషా కౌర్‌ వెబర్‌ అని పేరు పెట్టారు. షెర్లిన్‌ ఆమె చేసిన ట్వీట్‌కు నిషా ఫోటోను కూడా జత చేశారు.
 
 అమ్మను కావడం తనను ఎంతో ఆనందానికి గురి చేసిందని సన్నీ ఓ జాతీయ పత్రికతో చెప్పారు. తన భావాలు వ్యక్తం చేయలేకపోతున్నాని ఆనందం వ్యక్తం చేశారు. కాగా, లాతూర్‌ మహారాష్ట్రలో అత్యంత నీటి ఎద్దడి ఎదుర్కొనే ప్రాంతం అన్న విషయం తెలిసిందే.
 
 
 
  
 
 
 So #happy for @sunnyleone and #danielweber who have welcomed into their lives a little #angel , #nishakaurweber
 
 
  


 బుధవారం మహారాష్ట్రలోని లాతూర్‌ అనే స్మాల్‌ సిటీలో ఓ ఈవెంట్‌లో పాల్గొనడానికి శృంగారతార సన్నీ లియోన్, ఆమె భర్త డానియెల్‌ వెబర్‌ అండ్‌ టీమ్‌ ఫ్లైట్‌లో వెళ్లారు. వీళ్లు వెళ్లింది చిన్నా చితకా ఫ్లైట్‌లో కాదు... లార్జ్‌ ప్రయివేట్‌ జెట్‌లో వెళ్లారు. లాతూర్‌ చేరుకున్న తర్వాత ఎయిర్‌పోర్ట్‌ సిబ్బంది చావు కబురు చల్లగా చెప్పినట్టు... ‘వుయ్‌ ఆర్‌ సో సారీ సన్నీ! మా రన్‌వే అంత పెద్ద ఫ్లైట్‌ ల్యాండ్‌ కావడానికి చాలదు. స్మాల్‌ ఫ్లైట్స్‌కి మాత్రమే పర్మిషన్‌ ఉంది’ అన్నారు.
 
 చేసేది ఏమీ లేక సన్నీ అండ్‌ కో గాల్లో ఉండగానే (ఫ్లైట్‌ ల్యాండ్‌ కాకుండానే) వెనుదిరిగారు. ముంబయ్‌కి రిటర్న్‌ వచ్చే టైమ్‌లో భారీ తుఫాను గాలుల్లో ఫ్లైట్‌ చిక్కుకుంది. దాంతో ఫ్లైట్‌లో జనాలకు హార్ట్‌ ఎటాక్‌ వచ్చినంత పనైందట! ఈ ఘటన గురించి సన్నీ లియోన్‌ మాట్లాడుతూ – ‘‘విపరీతమైన భయమేసింది. ఆల్మోస్ట్‌ ఫ్లైట్‌లో ప్రాణాలు పోతాయేమో! అన్నంతగా భయపడ్డాం. తుఫానులో ఫ్లైట్‌ చిక్కుకుంటుందని ఎవరూ ఊహించలేదు. పైలట్స్‌ ధైర్యంగా, సేఫ్‌గా ఫ్లైట్‌ను ల్యాండ్‌ చేశారు. నేల మీదకు దిగిన తర్వాత బతికి బయటపడినందుకు దేవుడికి థ్యాంక్స్‌ చెప్పుకున్నా’’ అన్నారు.


 పుట్టిన రోజు సందర్భంగా బాలీవుడ్ హాట్ హీరోయిన్ సన్నీ లియోన్ అభిమానులకు ఓ అరుదైన గిఫ్ట్ ఇచ్చింది. ఆమె కెమెరా ముందు ముద్దు సన్నివేశాల్లో నటించదన్న అభిప్రాయాన్ని ఇక అందరూ చెరిపేసుకునేలా.. ఒక ఘాటైన ముద్దు ఫొటోను ట్విట్టర్‌లో షేర్ చేసింది. శుక్రవారం నాడే 35 ఏళ్లు నిండిన సన్నీ.. తన భర్త డేనియల్ వెబర్‌కు ఘాటైన ముద్దు ఇచ్చి, ఆ ఫొటోను అందరికీ చూపించింది. ''నేను కెమెరా ముందు ముద్దు పెట్టనని ఎవరు చెప్పారు.. హెహే డేనియల్ వెబర్'' అని ఆ ఫొటోకు ఓ వ్యాఖ్య కూడా పెట్టింది. జిస్మ్ 2, రాగిణి ఎంఎంఎస్ 2, ఏక్ పహేలి లీలా, కుఛ్ కుఛ్ లోచా హై, మస్తీజాదే లాంటి ఎ రేటెడ్ సినిమాల్లో సన్నీ లియోన్ హాట్‌గా నటించిన విషయం తెలిసిందే.
 
 తాజాగా ఆమె నటించిన 'వన్ నైట్ స్టాండ్' కూడా విడుదలైంది. మస్తీజాదే సినిమా తనకు చాలా ప్రత్యేకమని, తన అభిమానులు అంతా ఆ సినిమా పట్ల అపార ప్రేమాభిమానాలు కురిపించారని సన్నీ ఖుషీ ఖుషీగా చెప్పింది. ఆ సినిమాలో సన్నీ డబుల్ రోల్ పోషించిన విషయం తెలిసిందే. తన అభిమానులంతా ఈ సినిమాను ఎప్పుడు కావాలంటే అప్పుడు 'హంగామా ప్లే'లో చూసుకోవచ్చని.. ఇంతకంటే మంచి బర్త్‌డే గిఫ్టును తాను అడగలేనని సన్నీ చెప్పింది. ఈ అడల్ట్ కామెడీ సినిమాలో తుషార్ కపూర్, వీర్‌దాస్ ప్రధాన పాత్రలు పోషించారు.
  
 
 Who said I don't kiss on camera?!?!? Hehe :) @DanielWeber99 pic.twitter.com/VjG6CNHTJ2
 — Sunny Leone (@SunnyLeone) 13 May 2016
  
  


 హోలీ కార్యక్రమం కోసం వెళ్లిన మాజీ పోర్న్ స్టార్ సన్నీలియోన్ అక్కడ ఓ జర్నలిస్టును చెంపదెబ్బ కొట్టిందని వస్తున్న వార్తల్లో వాస్తవం లేదని ఆమె భర్త డేనియల్ వెబర్ అంటున్నాడు. నేటి మధ్యాహ్నం తన భార్యపై వచ్చిన కథనాలపై తీవ్రంగా మండిపడ్డాడు. గతంలో మీరు పోర్న్ స్టార్.. ఇప్పుడు మీరు హీరోయిన్ అయిపోయారు కదా, మరి రాత్రి కార్యక్రమాలకు ఇప్పుడు ఎంత తీసుకుంటున్నారని అడగడంతో పట్టలేని కోపం వచ్చిన సన్నీ వెంటనే టీవీ రిపోర్టర్ ను చెంపమీద కొట్టిందని వార్తలు వచ్చిన విషయం తెలిసిందే.
 
 టీవీ రిపోర్టర్ కు తన భార్య సరైన సమాధానం ఇచ్చిందని, కానీ అతడిని కొట్టిందని అనడంలో నిజం లేదని కొట్టిపారేశాడు వెబర్. ఆ జర్నలిస్టుపై మేం ఫిర్యాదు కూడా చేయలేదని చెప్పాడు. 'సన్నీలియోన్‌తో హోలీ' అనే ఈ కార్యక్రమ నిర్వాహకులలో కాలేజీ విద్యార్థులు ఉన్నారని వారి కెరీర్ కు ఆటంకం కలుగుతుందని భావించి వెనక్కి తగ్గామని సన్నీ లియోన్ భర్త వివరించాడు. ఈవెంట్ కు వెళ్లి, కార్యక్రమం ముగించుకుని వచ్చేశాం.. అక్కడ అంతకు మించి ఏం జరగలేదన్నాడు. ఇన్ని విషయాలు చెప్పుకొచ్చిన వెబర్ అసలు ఆ సమయంలో అక్కడ జర్నలిస్టులే లేరని చివర్లో ట్విస్ట్ ఇచ్చాడు.


 సినిమాల్లో ఎన్ని ‘వేషాలు’ వేసినా... భర్త డానియల్ వెబర్‌పై తనకున్న మమకారం అంతకంతకూ పెరుగుతుందే కానీ తగ్గడం లేదు సన్నీ లియోన్‌కు. తాజాగా అతగాడి బర్త్‌డేను ఘనంగా సెలబ్రేట్ చేసిందీ సెక్సీ సుందరి. అక్కడా ఇక్కడా కాకుండా... ఇద్దరికీ నచ్చిన ప్లేస్... థాయ్‌లాండ్‌లో... సన్నిహితుల మధ్య జరిపింది. స్పెషల్‌గా బ్యాట్‌మాన్, సూపర్‌మాన్ వంటి కేక్‌లు కట్ చేయించి విభిన్నంగా... మెమరబుల్‌గా మార్చేసింది పుట్టిన రోజుని. గతంలో ‘ఎ’ సినిమాల్లో చేసినప్పుడు కూడా డానియల్ తనను అర్థం చేసుకుని ఎంతో సహకరించేవాడని సన్నీ చాలాసార్లు చెప్పింది.