యూఎస్‌లో జరిగిన ‘యూఎన్‌ సమ్మిట్ ఆఫ్ ది ఫ్యూచర్‌’ కార్యక్రమంలో ‘గ్లోబల్ ఏఐ ఆపర్చునిటీ ఫండ్‌’ పేరుతో గూగుల్‌ సీఈఓ సుందర్‌పిచాయ్‌ 120 మిలియన్‌ డాలర్ల(రూ.వెయ్యి కోట్లు) నిధిని ప్రకటించారు. ప్రపంచవ్యాప్తంగా ఉన్న వివిధ కమ్యూనిటీల్లో ఏఐ ఎడ్యుకేషన్‌, ట్రెయినింగ్‌ కోసం దీన్ని ఖర్చు చేయనున్నట్లు తెలిపారు.న్యూయార్క్‌లో జరిగిన 79వ ఐక్యరాజ్యసమితి జనరల్ అసెంబ్లీ (యూఎన్‌జీఏ) సమావేశంలో ప్రపంచవ్యాప్తంగా ఉన్న నాయకులు పాల్గొన్నారు. ‘యూఎన్‌ సమ్మిట్ ఆఫ్ ది ఫ్యూచర్’ కార్యక్రమంలో భాగంగా ‘గ్లోబల్ ఏఐ ఆపర్చునిటీ ఫండ్‌’ను ఏర్పాటు చేయబోతున్నట్లు ఆల్ఫాబెట్‌ ఇంక్‌, గూగుల్‌ సీఈఓ సుందర్‌పిచాయ్‌ ప్రకటించారు. గూగుల్‌ తరఫున ఈ ఫండ్‌లో భాగంగా 120 మిలియన్‌ డాలర్లు(రూ.వెయ్యి కోట్లు) సమకూరుస్తున్నట్లు చెప్పారు. ప్రపంచవ్యాప్తంగా ఉన్న వివిధ కమ్యూనిటీల్లో ఏఐ ఎడ్యుకేషన్‌, ట్రెయినింగ్‌ కోసం దీన్ని ఖర్చు చేస్తామన్నారు. ఇందుకోసం లాభాపేక్షలేని సంస్థలు, ఎన్‌జీఓలతో భాగస్వామ్యం కుదుర్చుకుంటామని తెలిపారు. ఈ ఏఐ ఎడ్యుకేషన్‌, శిక్షణను స్థానిక భాషల్లో అందిస్తామని పేర్కొన్నారు.ఇదీ చదవండి: పెరుగుతున్న ఈఎంఐ కల్చర్‌!ఈ సందర్భంగా సుందర్‌ మాట్లాడుతూ..‘ప్రపంచవ్యాప్తంగా 15 గూగుల్‌ ఉత్పత్తులు ఒక్కోటి 50 కోట్ల వినియోగదారుల చొప్పున సేవలందిస్తోంది. వాటిలో ప్రధానంగా గూగుల్‌ సెర్చింజన్‌, మ్యాప్స్, డ్రైవ్ ఉన్నాయి. కంపెనీ రెండు దశాబ్దాలుగా ఏఐ సెర్చ్‌, టెక్నాలజీ మౌలిక సదుపాయాల్లో పెట్టుబడి పెడుతోంది. ఏఐని ఉపయోగించి గతేడాదిలోనే ప్రపంచవ్యాప్తంగా 50 కోట్ల మందికి అందుబాటులో ఉండే 110 కొత్త భాషల్లోకి గూగుల్‌ ట్రాన్స్‌లేట్‌ను విస్తరించాం. దాంతో ప్రస్తుతం గూగుల్‌ సేవలందించే ఈ భాషల సంఖ్య 246కు చేరుకుంది. ప్రపంచంలో అత్యధికంగా మాట్లాడే 1,000 భాషల్లో గూగుల్‌ ట్రాన్స్‌లేట్‌ను అందుబాటులోకి తీసుకొచ్చేలా ప్రయత్నిస్తున్నాం. ఏఐ ప్రపంచ శ్రామిక ఉత్పాదకతను 1.4 శాతం పాయింట్లకు పెంచుతుంది. రాబోయే దశాబ్దంలో ఏఐ ప్రపంచ జీడీపీ ఏడు శాతం పెరిగేలా తోడ్పడుతుంది. ఉదాహరణకు ప్రపంచంలో కనెక్టివిటీ, ఇన్‌ఫ్రాస్ట్రక్చర్, ట్రాఫిక్ రద్దీ పెద్ద సవాళ్లుగా మారుతున్నాయి. అభివృద్ధి చెందుతున్న మార్కెట్‌లో కార్యకలాపాలు, లాజిస్టిక్‌లను మెరుగుపరచడంలో ఏఐ సాయం చేస్తోంది’ అన్నారు.

న్యూఢిల్లీ: దేశీయ విద్యాసంస్థల్లో ఉన్నత చదువులు అభ్యసించే విద్యార్థులకు రూ.10 లక్షల వరకు విద్యా రుణాలు అందించనున్నట్లు బడ్జెట్‌లో కేంద్ర ప్రభుత్వం ప్రకటించింది. విద్యా రుణాలకు సంబంధించి ఏటా లక్ష మంది విద్యార్థులకు రుణాలపై మూడు శాతం సబ్సిడీతో ఈ–వోచర్లు నేరుగా అందించనున్నట్లు కేంద్ర ఆర్థిక మంత్రి నిర్మలా సీతారామన్‌ తెలిపారు.విద్యార్థులు, విద్యారంగానికి ఇది మేలు చేస్తుందని విద్యాశాఖ మంత్రి ధర్మేంద్ర ప్రదాన్‌ పేర్కొన్నారు. యువత ఆకాంక్షలను నెరవేర్చడం, నాణ్యమైన విద్య, మెరుగైన నైపుణ్యాలు అందుబాటులోకి రావడంతోపాటు వచ్చే ఐదేళ్లలో 4.1 కోట్ల ఉద్యోగాలను కొత్తగా సృష్టించవచ్చన్నారు.మేనేజ్‌మెంట్‌ విద్య బోధించే ప్రతిష్టాత్మక బిజినెస్‌ స్కూళ్లు ఇండియన్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌ (ఐఐఎం)లకు వరుసగా రెండో ఏడాదీ కేంద్రం కేటాయింపులు కుదించింది. గత ఆర్థిక ఏడాది సవరించిన అంచనాలతో పోలిస్తే పాఠశాల విద్యకు కేటాయింపులు రూ.535 కోట్లకుపైగా పెంచగా ఉన్నత విద్య గ్రాంట్‌ను రూ.9,600 కోట్లకుపైగా కుదించింది. మొత్తమ్మీద విద్యారంగానికి కేటాయింపులు రూ.9,000 కోట్లకుపైగా తగ్గాయి. విద్యాశాఖకు 2024–25 బడ్జెట్‌లో రూ.1.25 లక్షల కోట్లను కేంద్ర ప్రభుత్వం కేటాయించింది. ఆవిష్కరణలు, సృజనాత్మకతకు ప్రోత్సాహం విద్యాసంస్థలలో ఆవిష్కరణలు, సృజనాత్మకతను ప్రోత్సహించేందుకు బడ్జెట్‌లో మరో రూ.161 కోట్లు అదనంగా కేటాయించారు. ప్రపంచ స్థాయి విద్యాసంస్థలకు కేటాయింపులు రూ.1,300 కోట్ల (సవరించిన అంచనాలు) నుంచి రూ.1,800 కోట్లకు పెరిగాయి.యూజీసీకి నిధుల కేటాయింపులు గతేడాది సవరించిన అంచనాలు రూ.6,409 కోట్లతో పోలిస్తే ఈసారి 60.99 శాతం తగ్గించి రూ.2,500 కోట్లకు కుదించారు. ఐఐఎంలకు బడ్జెట్‌లో కోతలు తప్పలేదు. గతేడాది బడ్జెట్‌లో ఐఐఎంలకు కేటాయింపులు సవరించిన అంచనాలు రూ.608.23 కోట్లతో పోలిస్తే రూ.300 కోట్లకు కుదించగా ఈసారి మరింత కోత పడింది. ఈ ఏడాది సవరించిన అంచనాలు రూ.331 కోట్లతో పోలిస్తే కేటాయింపులు రూ.212 కోట్లకు కుదించారు. సెంట్రల్‌ వర్సిటీలకు మరికొంత.. దేశంలో అత్యున్నత సాంకేతిక విద్యకు నిలయాలైన ఐఐటీలకు కూడా బడ్జెట్‌ కేటాయింపులు గతేడాది సవరించిన అంచనాలతో పోలిస్తే స్వల్పంగా తగ్గాయి. సవరించిన అంచనాలు రూ.10,384.21 కోట్లతో పోలిస్తే కేటాయింపులు రూ.10,324.50 కోట్లకు తగ్గాయి. కేంద్రీయ విశ్వవిద్యాలయాల (సెంట్రల్‌ వర్సీటీలు) కేటాయింపులు మాత్రం 28 శాతం పెరిగాయి.సెంట్రల్‌ వర్సిటీలకు సవరించిన అంచనాలు రూ.12,000.08 కోట్లతో పోలిస్తే కేటాయింపులు రూ.15,472 కోట్లకు పెరిగాయి. పాఠశాల విద్యకు సంబంధించి కేంద్రీయ విద్యాలయాలు, నవోదయ, ఎన్‌సీఈఆరీ్ట, పీఎంశ్రీ స్కూళ్లు, రాష్ట్ర ప్రభుత్వాలు, కేంద్ర పాలిత ప్రాంతాల్లో నిర్వహించే గ్రాంట్‌ ఇన్‌ ఎయిడ్‌ స్కూళ్లకు బడ్జెట్‌లో కేటాయింపులు పెరిగాయి.

సాక్షి, అమరావతి: కనీస సదుపాయాల లేమి.. శిథిలమైన గదులు.. ఇది ఒకప్పటి ప్రభుత్వ పాఠశాలల దుస్థితి. ప్రస్తుతం వైఎస్సార్‌సీపీ ప్రభుత్వం వచ్చాక ప్రభుత్వ పాఠశాలల రూపురేఖలు పూర్తిగా మారిపోయాయి. కార్పొరేట్‌ సదుపాయాలతో అవి కళకళలాడుతున్నాయి. గతంలో విద్యార్థులకు టెక్ట్స్‌ బుక్స్‌ కూడా లేని పరిస్థితుల నుంచి బూట్లు, బెల్టు, టై, నోటు పుస్తకాలతో సహా ప్రభుత్వ బడుల్లో విద్యార్థులు సగర్వంగా చదువుకుంటున్నారు. ఈ విద్యా సంవత్సరం ప్రారంభంలో రాష్ట్ర ప్రభుత్వం ఉన్నత పాఠశాలల్లో ఇంటరాక్టివ్‌ ఫ్లాట్‌ ప్యానెళ్ల(ఐఎఫ్‌పీ)ను అందు­బాటులోకి తేవడంతో డిజిటల్‌ వైపు అడుగులు వేసింది. ఇప్పుడు వాటిని సమర్థంగా వినియోగించి, పేదింటి విద్యార్థులను ఉన్నతంగా తీర్చిదిద్దాలన్న లక్ష్యంతో అన్ని ప్రభు­త్వ బడులను ఇంటర్నెట్‌తో అనుసంధానం చేస్తోంది. ప్రభుత్వ పాఠశాలల్లో చదువుతున్న విద్యార్థులకు నిరంతరాయంగా డిజిటల్‌ బోధన అందించేందుకు, సమకాలీన ప్రపంచ పోకడలపై విద్యార్థులకు అవగాహన కల్పించేందుకు అన్ని పాఠశాలలను డిజిటలైజేషన్‌ చేయనున్నారు. ఇందుకోసం ప్రతి పాఠశాలకు ప్రభుత్వం ఇంటర్నెట్‌ సదుపాయాన్ని కల్పి స్తోంది. ఇప్పటికే 8,700 పాఠశాలలకు నెట్‌ సదుపాయాన్ని అందుబాటులోకి తీసుకురాగా, ఇందులో 3,700 ఉన్నత పాఠశాలలు, మరో 5 వేలు ప్రాథమిక పాఠశాలలున్నాయి. వచ్చే రెండు, మూడు నెలల్లో అన్ని ప్రభుత్వ బడులకు నెట్‌ సదుపాయం కల్పించే లక్ష్యంతో పాఠశాల విద్యాశాఖ మౌలిక సదుపాయాల కల్పన విభాగం పనిచేస్తోంది.  100 ఎంబీపీఎస్‌ వేగంతో నెట్‌ సదుపాయం  ఈ ఏడాది ప్రారంభంలో 4,800 ఉన్నత పాఠశాలల్లో ఆరు నుంచి 10వ తరగతి, +2 వరకు సెక్షన్‌కు ఒకటి చొప్పున 30,715 ఐఎఫ్‌పీ స్క్రీన్లను అందుబాటులోకి తీసు­కువచ్చిన రాష్ట్ర ప్రభుత్వం డిజిటల్‌ బోధనను అందుబాటులోకి తెచ్చింది. ప్రాథమిక పాఠశాలల్లో 60మంది విద్యార్థులకు ఒక స్మార్ట్‌ టీవీ చొప్పున 10,038 స్మార్ట్‌ టీవీలను అందించి, టోఫెల్‌ బోధన చేపట్టారు. రెండో దఫాలో 32వేల ఐఎఫ్‌పీలు, 22వేల స్మార్ట్‌ టీవీలను పాఠశాలలకు అందించింది. వీటితోపాటు విద్యార్థులకు మెరుగైన బోధన, ఉత్తమ కంటెంట్‌ను అందించేందుకు, 4 డీటీహెచ్‌ (ఈ విద్య) చానెళ్లు, 5 దీక్ష–ఏపీ చానె­ళ్లు, ఏపీ ఈ–పాఠశాల పోర్టల్‌ ద్వారా కూడా కంటెంట్‌ను పంపిస్తున్నారు. ఇప్పుడు విద్యా­ర్థులకు టోఫెల్‌ బోధన అందిస్తున్నారు. 8వ తరగతి విద్యార్థులకు బైజూస్‌ కంటెంట్‌తో ట్యాబ్‌లు, మ్యాథ్స్‌ ల్యాబ్స్‌ పాల్‌ ల్యాబ్స్, కంప్యూటర్‌ ల్యాబ్స్‌­ను అందుబాటులోకి తెచ్చి విద్యపై దృష్టి పెట్టిన ప్రభు­త్వం.. ఇకపై విద్యార్థులకు ఫ్యూచర్‌ టెక్‌ పాఠాలను సైతం బోధించేందుకు ఏర్పా­ట్లు చేస్తోంది. విద్యార్థుల్లో ఆలోచన శక్తిని విస్తరించడం, విజ్ఞానంలో ముందుండేలా ఆర్టిఫిషియల్‌ ఇంటెలిజెన్స్, డేటా మేనేజ్‌మెంట్, మెషిన్‌ లెర్నింగ్‌ (ఎంఎల్‌), లార్జ్‌ లెర్నింగ్‌ మాడ్యూల్స్, 3డీ ప్రింటింగ్, గేమింగ్‌ వంటి భవిష్యత్‌ సాంకేతిక పరిజ్ఞానంలో శిక్షణ ఇవ్వనున్నారు. పాఠశాలల్లో డిజిటల్‌ లెర్నింగ్‌ కోసమే ప్రభుత్వం దాదాపు రూ.2400 కోట్లు ఖర్చు చేసింది. ప్రతి పాఠశాలలోను డిజిటల్‌ లెర్నింగ్‌ అంతరాయం లేకుండా కొనసాగేందుకు అన్ని ప్రభుత్వ పాఠశాలల్లోను హైస్పీడ్‌ ఇంటర్నెట్‌ సదుపాయాన్ని సైతం కల్పిస్తోంది. హైసూ్కళ్లకు ఏపీ ఫైబర్‌నెట్, బీఎస్‌ఎన్‌ఎల్‌ ద్వారా 100 ఎంబీపీఎస్‌ వేగంతో బ్రాడ్‌­బ్యాండ్‌ సదుపాయా­న్ని, ప్రాథమిక పాఠశా­ల­లకు జియో ద్వారా నెట్‌ అందిస్తోంది. అందుకు అవసరమైన 5జీ సిమ్‌ కార్డులతో వైఫై రౌటర్లను సరఫరా చేస్తోంది.

వీడియోలను విరివిగా చూడటం అనేది కోవిడ్ కాలం తర్వాత వేగంగా పెరిగింది. ఇంట్లోనే ఉండాల్సిన నాటి సమయంలో వినోదం కోసం వీడియోలను చూస్తూ టైమ్‌పాస్‌ చేశారు. వీడియోలపై ప్రేక్షకులకు పెరుగుతున్న క్రేజ్‌ను గమనించిన బడా టెలివిజన్ నెట్‌వర్క్‌లు ఓటీటీ ప్లాట్‌ఫారమ్‌లోకి ప్రవేశించాయి.  ఇప్పుడు ఓటీటీలకు ప్రత్యామ్నాయంగా పాడ్‌కాస్ట్‌ల ట్రెండ్ మరింతగా పెరుగుతోంది. పాడ్‌కాస్ట్..అంటే మోడ్రన్ రేడియో.. విద్య, వినోదం, వార్తలు, మత ప్రసంగాలు, నవలలు, మతపరమైన పుస్తకాలు, సాహిత్యం... ఇలా సమస్తం ఇప్పుడు ఆడియో రూపంలో మనకు అందుబాటులోకి వస్తున్నాయి. యువత, ఉద్యోగులు, మహిళలు, విద్యార్థులలో పాడ్‌కాస్ట్‌పై విపరీతమైన క్రేజ్ పెరుగుతోంది. భారీ కోచింగ్ సెంటర్లు, పాఠశాలలు, కళాశాలలు చదువును ఎలా సులభతరం చేయాలనే దానిపై దృష్టి సారిస్తున్నాయి. కోవిడ్ కాలంలో ఆన్‌లైన్ తరగతులు విరివిగా నిర్వహించేవారు. అయితే ఇప్పుడు పెద్దపెద్ద విద్యా కేంద్రాలు సిలబస్‌ను ఆడియో రూపంలో మార్చడానికి, విద్యార్థులకు సరళమైన భాషలో పాఠాలను బోధించేందుకు కృషి చేస్తున్నాయి.  ఆడియో బుక్‌కు సంబంధించిన మెటీరియల్‌ను వివిధ సబ్జెక్టుల నిపుణులు సరళమైన భాషలో సిద్ధం చేస్తున్నారు. వాటిని నిపుణుల సహకారంతో ఆడియో బుక్‌గా మార్చి విద్యార్థులకు అందుబాటులో ఉంచుతున్నారు. మొబైల్‌లోని విద్యాసంబంధిత పాడ్‌కాస్ట్‌ను ఆన్ చేసి, చెవుల్లో ఇయర్‌ఫోన్‌లు పెట్టుకుని విద్యార్థులు సులభంగా వాటిని వినవచ్చు. అర్థం కాని సందర్భంలో మరోమారు వినేందుకు కూడా అవకాశం ఏర్పడుతుంది.  వినోదం కోసం ఇప్పుడు స్టోరీ పాడ్‌కాస్ట్‌లు అందుబాటులోకి వచ్చాయి. ఫలితంగా వివిధ రకాల కథలను వినేందుకు అవకాశం ఏర్పడుతోంది. క్రైమ్, హర్రర్, కామెడీ ఇలా విభిన్న తరహాలలోని కథలు మనం వినవచ్చు. సెలబ్రిటీ వాయిస్‌లలో రికార్డ్ చేసిన పాడ్‌కాస్ట్‌లు, ఆడియో పుస్తకాలు ఇప్పుడు ఆన్‌లైన్‌లో అందుబాటులో ఉన్నాయి. వాటికి విపరీతమైన డిమాండ్‌ ఉంది. ప్రేరణాత్మక ప్రసంగాలు మొదలుకొని మతపరమైన ప్రసంగాల వరకు సమస్తం పాడ్‌కాస్ట్‌ రూపంలో మన ముందుకు వచ్చాయి. వివిధ పాడ్‌కాస్ట్ యాప్‌లలో ఇవి అందుబాటులో  ఉన్నాయి. పలువురు మోటివేషనల్‌ స్పీకర్లు తమ పాడ్‌కాస్ట్‌లను విడుదల చేస్తున్నారు. ప్రపంచం, దేశం, రాష్ట్రం, స్థానిక వార్తలను అందించే పలు పాడ్‌కాస్ట్‌లు ఆదరణ పొందుతున్నాయి. న్యూస్ యాప్‌లలో ఉదయం, మధ్యాహ్నం, సాయంత్రం, రాత్రి వేళల్లో ప్రత్యేక పాడ్‌కాస్ట్‌ బులెటిన్‌లను చాలామంది క్రమం తప్పక వింటున్నారు. ఇప్పుడు పాడ్‌కాస్ట్‌లలో షేర్ ట్రేడింగ్ మొదలుకొని ఉద్యోగంలో విజయం వరకు అనేక రకాల సమాచారం విశేష ఆదరణ పొందుతోంది. ఇది కూడా చదవండి: ఒడిశా, బీహార్‌ గుణపాఠాల తర్వాత రైల్వేశాఖ ఏం చేస్తున్నదంటే..

సాక్షి, అమరావతి: రాష్ట్రంలో ప్రతి విద్యార్థికీ అత్యున్నత స్థాయి విద్య అందించాలని, వారు అంతర్జాతీయ స్థాయికి ఎదిగేలా తీర్చిదిద్దాలన్నది ముఖ్యమంత్రి వైఎస్‌ జగన్‌మోహన్‌రెడ్డి ఆకాంక్ష. అందుకు అనుగుణంగా సీఎంగా బాధ్యతలు చేపట్టిన వెంటనే రాష్ట్రంలో విద్యా రంగంలో పలు సంస్కరణలు తెచ్చారు. పేద విద్యార్థులకు కూడా కార్పొరేట్‌ స్కూళ్లలో మాదిరిగా అత్యాధునిక పద్ధతుల్లో బోధన, వసతులు ఉండాలనే సంకల్పంతో ప్రభుత్వ పాఠశాలల్లో సమూల మార్పులు తెస్తున్నారు. ఇందుకోసం గత నాలుగున్నరేళ్లలో రూ. 66 వేల కోట్లకు పైగా ఖర్చు చేశారు. ‘నాడు – నేడు’ కార్యక్రమం ద్వారా పాఠశాలలకు నూతన భవనాల నిర్మాణంతోపాటు అత్యాధునిక బోధన పద్ధతులను ప్రవేశపెట్టారు. రాష్ట్రంలో పాఠశాల విద్యను పూర్తిగా డిజిటలైజేషన్‌ చేస్తున్నారు. ఇందుకోసం ప్రాథమిక పాఠశాలల్లో స్మార్ట్‌ టీవీలు, ఉన్నత పాఠశాలల్లో ఇంటరాక్టివ్‌ ఫ్లాట్‌ ప్యానెళ్లు (ఐఎఫ్‌పీలు) ఏర్పాటు చేస్తున్నారు. డిసెంబర్‌ నాటికి అన్ని ఉన్నత పాఠశాలల్లో మరో 32 వేల ఐఎఫ్‌పీ స్క్రీన్లు, ప్రాథమిక పాఠశాలల్లో 23 వేల స్మార్ట్‌ టీవీలు అందించనున్నారు.   సామాన్యుల పిల్లలు చదువుకునే ప్రభుత్వ బడుల్లో అత్యాధునిక సాంకేతికతతో కూడిన బోధనను ఈ (2023–24) విద్యా సంవత్సరం నుంచి ప్రభుత్వం అందుబాటులోకి తెచ్చింది. రాష్ట్రంలో పాఠశాల విద్యను దేశంలోనే అతి పెద్ద డిజిటల్‌ ప్లాట్‌ఫారంగా మారుస్తోంది. తొలివిడత నాడు–నేడులో ఆధునీకరించిన పాఠశాలల్లో నూతన తరగతి గదులు, డబుల్‌ డెస్క్‌ బెంచీలు, ద్విభాషా పాఠ్య పుస్తకాలతో పాటు కార్పొరేట్‌ పిల్లలకు మాత్రమే సాధ్యమైన బైజూస్‌ కంటెంట్‌ ఉన్న ట్యాబ్‌లను వైఎస్‌ జగన్‌ ప్రభుత్వం  ఉచితంగా అందించింది. అనంతరం అమెరికా వంటి అగ్ర దేశాల్లో మాత్రమే విద్యా బోధనకు వినియోగించే అత్యాధునిక టెక్నాలజీ గల ఇంటరాక్టివ్‌ ఫ్లాట్‌ ప్యానెళ్ల ను, స్మార్ట్‌ టీవీలను 11,315 పాఠశాలల్లో ఈ ఏడాది జూన్‌ నెలలోనే అందుబాటులోకి తెచ్చింది. 4,800 ఉన్నత పాఠశాలల్లో 30,715 ఐఎఫ్‌పీ స్క్రీన్లను ఏర్పాటు చేయగా, 6,515 ప్రాథమిక పాఠశాలల్లో 10,038 స్మార్ట్‌ టీవీలను ఏర్పాటు చేసింది. ఈ డిసెంబరు మొదటి వారానికి మరో 32 వేల ఐఎఫ్‌పీలను హైస్కూళ్లకు అందించనుంది. గతంలో పాఠశాలలకు సరఫరా చేసిన ఐఎఫ్‌పీలనే ఇప్పుడూ తీసుకోవాలని పాఠశాల విద్యాశాఖ నిర్ణయించింది. ఈమేరకు అధికారులు టెండర్‌ ప్రక్రియ ప్రారంభించారు. ప్రాథమిక పాఠశాలల్లో ఏర్పాటు చేసే 23 వేల స్మార్ట్‌ టీవీల టెండర్ల జ్యుడిíÙయల్‌ ప్రివ్యూ పూర్తయింది. ఈ టెండర్లను ఖరారు చేసి వచ్చే నెలలోనే స్మార్ట్‌ టీవీల పంపిణీ ప్రారంభించనున్నారు. ఈ ప్రక్రియ పూర్తయితే దేశంలో పాఠశాల విద్యను పూర్తిస్థాయిలో డిజిటలైజేషన్‌ చేసిన రాష్ట్రంగా ఆంధ్రప్రదేశ్‌ నిలవనుంది. ఈ ఏడాది టోఫెల్‌ కూడా ప్రవేశపెట్టడం, స్మార్ట్‌ టీవీలు, ఐఎఫ్‌పీల ద్వారా బోధన వల్ల కలిగే మంచి ఫలితాలు ఇటీవల ముగిసిన ఫార్మాటివ్‌ అసెస్‌మెంట్‌ 1, 2 పరీక్షల్లో కనపడటంతో అన్ని పాఠశాలల్లో కొత్త ఐఎఫ్‌పీలు, స్మార్ట్‌ టీవీలు ఏర్పాటు చేస్తున్నారు. ఐఎఫ్‌పీలతో అత్యాధునిక పద్ధతిలో బోధన  ఐఎఫ్‌పీలు అత్యాధునిక బోధనకు ప్రతీకగా నిలుస్తాయి. 165 సెంటీమీటర్ల వైశాల్యం ఉండే ఈ స్క్రీన్లపై  ఓ పక్క వీడియోలో బోధన చేస్తూనే.., మరోపక్క విద్యారి్థకి అర్థం కాని అంశాలను ఉపాధ్యాయులు బోర్డు మీద రాసి చూపించవచ్చు. అవసరమనుకుంటే అదే అంశాన్ని ప్రింట్‌ తీసుకోవచ్చు. మొత్తం పాఠాన్ని లింక్‌ రూపంలో ఆన్‌లైన్‌లో పెట్టొచ్చు. అంటే ఒకే బోర్డుపై అనేక విధాలుగా బోధన (మల్టీ టాస్కింగ్‌) చేయొచ్చు. ఈ ఐఎఫ్‌పీ ప్యానెళ్లలో పాఠ్యాంశాలు, బైజూస్‌ కంటెంట్‌ను తెలుగు, ఇంగ్లిష్, హిందీతో పాటు మొత్తం ఏడు భాషల్లో అందిస్తారు. గూగుల్‌ అసిస్టెంట్‌తో వచ్చే ఈ ఇంటరాక్టివ్‌ స్మార్ట్‌ ప్యానెళ్లు 6 నుంచి 10వ తరగతి వరకు సెక్షన్‌కు ఒకటి చొప్పున ఏర్పాటు చేస్తున్నారు. తొలివిడత ఐఎఫ్‌పీ స్క్రీన్లు ఏర్పాటుచేసిన పాఠశాలల్లో విద్యార్థులు మెరుగైన ఫలితాలు సాధించినట్టు గుర్తించారు.

సాక్షి, హైదరాబాద్‌: డిగ్రీ ఆన్‌లైన్‌ సర్వీసెస్, తెలంగాణ (దోస్త్‌) ఖాళీ సీట్ల భర్తీకి చేపట్టిన ప్రత్యేక దశ కేటాయింపులో 6,843 మంది సీట్లు పొందినట్లు ఉన్నత విద్యా మండలి చైర్మన్‌ ప్రొఫెసర్‌ ఆర్‌ లింబాద్రి శుక్రవారం ఓ ప్రకటనలో వెల్లడించారు. వీరిలో మొదటి ప్రాధాన్యత ద్వారా 6,061 మందికి, రెండో ప్రాధాన్యత ద్వారా 782 సీట్లు వచి్చనట్టు తెలిపారు. ఆర్ట్స్‌లో 1,026, కామర్స్‌లో 2,131, లైఫ్‌ సైన్స్‌లో 2,240, ఫిజికల్‌ సైన్స్‌లో 618, డేటాసైన్స్‌లో 61, బీఎస్సీ ఆనర్స్‌ (కంప్యూటర్‌ సైన్స్‌)లో 43, బీఎస్సీ (బయో–టెక్నాలజీ)లో 20, అప్రెంటిస్‌íÙప్‌ ఎంబెడెడ్‌ ప్రోగ్రామ్‌లో 104, ఇతర బ్రాంచీల్లో 600 సీట్లు కేటాయించినట్టు వెల్లడించారు. సీట్టు పొందిన వారు శనివారంలోగా కాలేజీల్లో రిపోర్టు చేయాలని సూచించారు. ఇదే రోజు నుంచి అక్టోబర్‌ 3 వరకూ అన్ని కాలేజీల్లో ఇంట్రా–కాలేజ్‌ ఫేజ్‌–2కి వెబ్‌ ఆప్షన్లు ఇచ్చే అవకాశం కలి్పస్తున్నట్లు తెలిపారు.

న్యూఢిల్లీ: చాలా తెలివైన విద్యార్థి. కష్టపడి చదివేవాడు.10, 12వ తరగతిలో టాపర్‌.. IITలో సీటు కోసం కష్టపడ్డా... దొరక్కపోవడంతో కాన్పూర్‌లోని హార్కోర్ట్ బట్లర్ కాలేజీలో అడ్మిషన్ తో సరిపెట్టుకున్నాడు. అయితేనేం ఇపుడు కోట్లు సంపాదిస్తున్నాడు. ఆయనే UPకి చెందిన అలఖ్ పాండే.  ఐఐటీ రాలేదని  నిరాశ చెందకుండా ట్యూషన్‌ టీచర్‌గా కెరియర్‌ మొదలు పెట్టి ఇప్పుడు విజయవంతమైన ఎంటర్ ప్రెన్యూర్ గా ఎదిగాడు. ఆన్‌లైన్‌ లర్నింగ్‌ ప్లాట్‌ఫాం ద్వారా బిలియనీర్‌గా ఎదిగాడు.  దిమాక్‌ ఉన్నోడు దునియా మొత్తం ఏలతాడు అన్నట్టు తనలాంటి వారికి స్ఫూర్తిగా నిలుస్తున్నాడు. అలహాబాద్‌ కుర్రోడు బిలియనీర్‌గా అలహాబాద్‌కు చెందిన అలఖ్‌ పాండే ఇంటర్ చదువుతున్నపుడు ఐఐటీ గురించి కలలు కన్నాడు. కానీ దురదృష్టవశాత్తూ అది  సాధ్యం కాలేదు. అయినా కుంగిపోలేదు. ఇంజనీరింగ్‌ మూడో సంవత్సరంలోనే చదువుకు టాటా చెప్పేసాడు. సొంత కంపెనీ ప్రారంభించాలని నిర్ణయించుకున్నాడు. ఈ క్రమంలో ట్యూషన్‌ టీచర్‌గా ప్రయాణాన్ని మొదలుపెట్టి కోట్లు సంపాదించే స్థాయికి ఎదిగాడు. ట్యూటర్‌గా అతని తొలి సంపాదన రూ. 5వేలు మాత్రమే. మరిపుడు వేల కోట్ల విలువైన "ఫిజిక్స్ వాలా" అనే కంపెనీ వ్యవస్థాపకుడిగా, సీఈవోగా శబాష్‌ అనిపించుకుంటున్నాడు. యూట్యూబర్ కూడా అయిన అలఖ్ పాండే విద్యార్థులకు ట్రైనింగ్‌ ఇస్తాడు.  అలాగే తన యాప్‌ ద్వారా దాదాపు 5 లక్షల మంది విద్యార్థులు రోజుకు కనీసం 1.5 గంటలు శిక్షణ తీసుకుంటున్నారంటే అతని క్రేజ్‌ ఎంత ఉందో అర్థం చేసుకోవచ్చు. ఫిజిక్స్ వాలాలో జేఈఈ-నీట్‌ శిక్షణను కూడా ప్రారంభించాడు. అంతేకాదు ఈనెల (ఫిబ్రవరి) 28న విశ్వాస్‌ దివస్‌ పేరుతో ప్రపంచంలోనే బిగ్గెస్ట్‌ ఎడ్యుకేషన్‌ ఫెస్ట్‌ లాంచ్‌ చేయబోతున్నానని  ప్రకటించాడు అలఖ్ పాండే.  ఫిజిక్స్ వాలా ఆవిర్భావం ఇంజినీరింగ్ వదిలి అలహాబాద్ తిరిగొచ్చి 2016లో ఫిజిక్స్ వాలా ఛానెల్‌ని ప్రారంభించాడు. దీని తరువాత 2020లో ఒక యాప్‌ను కూడా ప్రారంభించాడు. ఇటీవల భారీ పెట్టుబడులతో  పాండే కంపెనీ మొత్తం నికర విలువ రూ.8500 కోట్లుగా నిలిచింది. అలఖ్‌ యూట్యూబ్‌ ఛానల్ కు  9.75 మిలియన్ సబ్‌స్క్రైబర్లు ఉన్నారు. గతేడాది ఆయన కంపెనీ రూ.350 కోట్లు ఆర్జించింది. కంపెనీలో 19వేల మంది ఉద్యోగులు ఉన్నారు. బిలియన్‌ డాలర్ల విలువైన కంపెనీగా ఫిజిక్స్‌వాలా దేశంలోని 101వ యునికార్న్‌గా ఉంది. తాజాగా ఆయన రూ.777 కోట్ల పెట్టుబడులను సమీకరించారు.  దేశీయ 101వ యూనికార్న్‌ ఫిజిక్స్ వాలా  ఎడ్‌టెక్ ప్లాట్‌ఫారమ్ ఫిజిక్స్ వాలా (PWగా  పాపులర్‌) వెస్ట్‌బ్రిడ్జ్ క్యాపిటల్, GSV వెంచర్స్ నుండి సిరీస్ A  ఫండింగ్ 100 మిలియన్లను సేకరించడం ద్వారా భారతదేశపు 101వ యునికార్న్‌గా అవతరించింది. 2020, 2021లో నేషనల్ ఎలిజిబిలిటీ ఎంట్రన్స్ టెస్ట్, జాయింట్ ఎంట్రన్స్ ఎగ్జామినేషన్ వంటి పోటీ పరీక్షలలో 10వేల మంది విద్యార్థులు ఉత్తీర్ణులయ్యారని  కంపెనీ గతంలో ప్రకటించింది. భారతదేశంలో కనీసం ఆరుగురిలో ఒకరు వైద్య విద్యార్థులు, 10మంది ఇంజినీరింగ్ విద్యార్థులు ఫిజిక్స్‌వాలాకి చెందిన వారుంటారని పేర్కొంది. అలాగే బైజూస్, వేదాంతా వంటి ఇతర అనేక ఎడ్‌టెక్ ప్లాట్‌ఫారమ్‌ల మాదిరిగా కాకుండా ఇప్పటికే 18 నగరాల్లో 20 కంటే  ఎక్కువ కేంద్రాలను క్షేత్ర స్థాయిలో ఏర్పాటు చేశారు పాండే.  300 మంది సామూహిక వివాహాలకు ఫండింగ్‌  ఫిబ్రవరి 22న జర్నలిస్ట్ శివాని దూబేతో ఏడు అడుగులు వేశాడు అలఖ్‌. మరో విశేషం ఏమిటంటే తమ పెళ్లి సందర్బంగా ఉత్తరప్రదేశ్‌ ప్రభుత్వం నిర్వహించే సామూహిక వివాహాలకు ఫండింగ్‌కు ముందుకొచ్చాడు. అంతేకాదు పెళ్లి తరువాత కూడా చదువు కొనసాగించాలనుకునే వారికి చదువుకునేందుకు అన్ని రకాలుగా  సహకరిస్తామని హామీ ఇచ్చారు పాండే. మార్చి ప్రారంభంలో ప్రయాగ్‌రాజ్‌, తేలియార్‌గంజ్‌లోని NRIPT గ్రౌండ్‌లో 300మందికి  సామూహిక వివాహ వేడుకలను నిర్వహించనున్నారు. View this post on Instagram A post shared by Physics Wallah (PW) (@physicswallah)  

ఎడ్యుటెక్‌ స్టార్టప్‌ ‘ట్యూటరూట్‌ టెక్నాలజీస్‌’ ఇంటర్నేషనల్‌ ఎగ్జామ్‌ ఎక్స్‌లెన్స్‌ సెంటర్‌ (ఐఈఈసీ)ను ప్రారంభించింది. అంతర్జాతీయ స్కూళ్లలో ప్రవేశాల కోసం పరీక్షలు రాసే విద్యార్థులకు ఈ కేంద్రం ద్వారా ట్యూషన్లు చెప్పనుంది. ముందుగా సెకండరీ, సీనియర్‌ సెకండరీ పరీక్షలైన ఐజీసీఎస్‌ఈ, ఐబీడీపీలు రాసేందుకు కావాల్సిన నైపుణ్యాల బోధనపై ఐఈఈసీ దృష్టి సారించనున్నట్టు కంపెనీ ప్రకటించింది. ప్రపంచవ్యాప్తంగా ఉన్నత విద్యా కోర్సులు, యూనివర్సిటీల్లో ప్రవేశాల కోసం పోటీపడే విద్యార్థులకు ట్యూషన్లు అందించడానికి ఐఈఈసీ ప్రాధాన్యం ఇస్తుందని ట్యూటరూట్‌ టెక్నాలజీస్‌ వ్యవస్థాపకుడు సత్యేంద్ర మంచాల తెలిపారు. చదవండి: Income Tax Return: ఇన్ కం ట్యాక్స్ చెల్లింపులు: ‘పే లేటర్‌’ జోలికి వెళ్లకండి, ఎందుకంటే! 

సాక్షి, న్యూఢిల్లీ: దేశంలోనే తొలి వర్చువల్‌ స్కూల్‌ను ప్రారంభించారు ఢిల్లీ ముఖ్యమంత్రి అరవింద్ కేజ్రీవాల్. దేశంలోని అన్ని రాష్ట్రాల విద్యార్థలు ఈ స్కూల్‌లో చేరేందుకు అర్హులేనని తెలిపారు. ఢిల్లీ మోడల్‌ వర్చువల్ స్కూల్‌-డీఎంవీఎస్‌లో బుధవారం నుంచి దరఖాస్తుల స్వీకరణ మొదలైంది. 9-12వ తరగతి వరకు 13 నుంచి 18 ఏళ్ల వయసు విద్యార్థులు చేరేందుకు దరఖాస్తు చేసుకోవచ్చు. నీట్‌, సీయూఈటీ, జేఈఈ వంటి పరీక్షలకు వర్చువల్‌ పాఠశాలలో నిపుణులతో శిక్షణ ఇస్తామని తెలిపారు కేజ్రీవాల్‌.   ఢిల్లీ మోడల్‌ వర్చువల్ పాఠశాలను దేశ విద్యారంగంలో మైలురాయిగా అభివర్ణించారు ముఖ్యమంత్రి కేజ్రీవాల్‌. ‘దూరం వంటి అనేక కారణాలతో చాలా మంది పిల్లలు బడికి వెళ్లలేకపోతున్నారు. అమ్మాయిలను దూరప్రాంతాలకు పంపేందుకు తల్లిదండ్రులు ఇష్టపడడంలేదు. అలాంటి వారందరి కోసమే ఢిల్లీ వర్చువల్‌ స్కూల్‌ను అందుబాటులోకి తీసుకొచ్చాం. వర్చువల్‌ విధానంలోనే తరగతులు జరుగుతాయి. టీచర్లు పాఠాలు చెప్పే వీడియోలను ఆన్‌లైన్‌లో అప్‌లోడ్‌ చేస్తారు.’ అని వెల్లడించారు కేజ్రీవాల్‌.  ఢిల్లీ బోర్డ్ ఆఫ్‌ స్కూల్‌ ఎడ్యుకేషన్‌కు అనుబంధంగా ఈ వర్చువల్ స్కూల్‌ పనిచేస్తుంది. మార్కుల మెమోలు, ఇతర ధ్రువీకరణ పత్రాలు అన్నీ డీబీఎస్ఈ జారీ చేస్తుంది. ఇవి ఇతర బోర్డులు ఇచ్చే ధ్రువపత్రాలతో సమానం. వీటి ఆధారంగా విద్యార్థులు అండర్​ గ్రాడ్యుయేట్ కోర్సుల్లో చేరవచ్చు. వర్చువల్ స్కూల్‌లో చేరే విద్యార్థుల నుంచి ఎలాంటి ఫీజు వసూలు చేయరు. తొలి బ్యాచ్‌లో ఎంత మంది విద్యార్థులను తీసుకోవాలో ఇంకా ఏమీ నిర్ణయించలేదని, రిజిస్ట్రేషన్ల ఆధారంగా నిర్ణయించనున్నట్లు అధికారులు తెలిపారు.   స్కూల్​నెట్, గూగుల్ కలిసి అభివృద్ధి చేసిన స్కూలింగ్ ప్లాట్​ఫాం ద్వారా ఆన్‌లైన్‌లో పాఠాలు బోధిస్తారు. విద్యార్థుల అటెండన్స్​ తీసుకునేందుకు ఈ ఆన్‌లైన్​ ప్లాట్​ఫాంలోనే ప్రత్యేక ఫీచర్ ఉంటుంది. పరీక్షలు వర్చువల్​ మోడ్​లో జరిగినా కాపీకి ఆస్కారం లేకుండా ప్రత్యేక జాగ్రత్తలు తీసుకుంటారు. ఒక్కో టాపిక్‌పై విద్యార్థుల అవగాహనను తెలుసుకునేలా పరీక్షలు ఉంటాయి. వీటిలో కాపీ కొట్టేందుకు అవకాశాలు చాలా తక్కువ. అయితే.. రెండు టెర్మ్​-ఎండ్ పరీక్షల కోసం విద్యార్థులు తప్పనిసరిగా ఢిల్లీకి రావాల్సి ఉంటుంది. ఢిల్లీలోని ఎంపిక చేసిన పాఠశాలల్లో కంప్యూటర్ ద్వారా విద్యార్థులు ఈ పరీక్షలు రాయాలి. వర్చువల్ స్కూల్​లో ఇంగ్లీష్‌, హిందీ మాధ్యమాల్లో పాఠాలు బోధిస్తారు. आज शिक्षा के क्षेत्र में बहुत बड़ी क्रांति की शुरुआत हो रही है। आज देश का पहला वर्चुअल स्कूल दिल्ली में शुरू। https://t.co/PIms2geisB — Arvind Kejriwal (@ArvindKejriwal) August 31, 2022 ఇదీ చదవండి: ప్రాక్టికల్స్‌లో ఫెయిల్‌.. టీచర్‌ను చెట్టుకు కట్టేసి చితకబాదిన విద్యార్థులు

తొలి,మలి దశ కరోనా మహమ్మారి ప్రపంచవ్యాప్తంగా అన్నిరంగాల అభివృద్ధికి అంతరాయం కలిగించింది మరీ ముఖ్యంగా చదువులను దాదాపుగా అటకెక్కించింది, ప్రాథమిక, మాధ్యమిక పాఠశాల విద్యార్థులు వ్యక్తిగతంగా తరగతులకు హాజరుకాలేదు. మరోవైపు ప్రైవేట్‌ పాఠశాలల్లో డ్రాపౌట్ల పెరుగుదల నమోదైంది. ఈ నేపధ్యంలో విద్యా సంస్థలు పునఃప్రారంభమై చదువులు గాడిన పడుతున్నాయనుకుంటున్న దశలో...మరోసారి కరోనా పంజా విసిరింది. విద్యా ప్రగతి పట్టాలు తప్పింది. మళ్లీ ఆన్‌లైన్‌ తరగతుల ప్రస్తావ తెచ్చింది. ఇది విద్యారంగానికి మేలు చేసేదేనా? మరిప్పుడు ఏం చేయాలి?దీనిపై విద్యావేత్త ఎక్స్‌లెన్షియా ఇన్‌స్టిట్యూషన్స్‌కు చెందిన వెంకట్‌ మురికి, అపోలో క్రెడిల్‌ ఆసుపత్రి వైద్యులు డా.బి.వి.ఎల్‌ నర్సింహారావులు ఏమంటున్నారంటే... ఆన్‌లైన్‌ చదువు...ఓ తాజా చేదు జ్ఞాపకం..  గతంలో  లాక్‌డౌన్‌ల కారణంగా అకస్మాత్తుగా పాఠశాలలు మూసివేయడం వల్ల గ్రామీణ ప్రాంతాల పిల్లలు బాగా నష్టపోయారని పలు  నివేదికలు సూచిస్తున్నాయి. ఆన్‌లైన్‌ విద్యాభ్యాసం ఉపాధ్యాయులు, విద్యార్థులు  తల్లిదండ్రులకు సవాలుగా మారడం దీనికో కారణం. ఉపాధ్యాయులు ఆన్‌లైన్‌ ప్లాట్‌ఫారమ్‌ల ద్వారా పూర్తిగా భిన్నమైన బోధనా శైలికి సరిపోయేలా వారి పాఠ్య ప్రణాళికలను పునర్నిర్మించుకోవాల్సి వచ్చింది. వర్చువల్‌ లెర్నింగ్‌ కారణంగా విద్యార్థులు నేర్చుకునే క్రమంలో ఆన్‌లైన్‌లో తరగతులకు శ్రద్ధ చూపడంలో ఇబ్బందులు ఎదుర్కొన్నారు ఇంటర్నెట్‌ కనెక్షన్‌లను సెటప్‌ చేయడం, పిల్లలు శ్రద్ధ మళ్లించకుండా తరగతులకు హాజరయ్యేలా చూసుకోవడం ఇలా ఓ వైపు పిల్లల చదువుకు బాధ్యత వహిస్తూ తమ స్వంత పనులపై దృష్టి పెట్టడం తల్లిదండ్రులకు సవాలుగా మారింది.  విద్యకు వ్యాక్సిన్‌...  ఈ పరిస్థితుల్లో తాజాగా 15–18 సంవత్సరాల వయసులోని టీనేజర్లకు వ్యాక్సినేషన్‌ ప్రకటన దేశవ్యాప్తంగా చదువుల పునరుజ్జీవనానికి ఊపిరిలూదింది. .కోవిన్‌ పోర్టల్‌ చెబుతున్న డేటా ప్రకారం, 15–18 ఏళ్ల మధ్య వయస్కుల టీకా డ్రైవ్‌లో మొదటి రోజు 40 లక్షల మంది  టీకాలు వేయించుకున్నారు. అంతేకాకుండా పాఠశాలల ప్రాంగణంలోనే విద్యార్థులకు టీకాలు వేసేందుకు ప్రయత్నాలు చేస్తున్నారు. ఈ కార్యక్రమం వల్ల చాలా మంది విద్యార్థులు కోవిడ్‌–19 బారిన పడటం గురించి ఆందోళన లేకుండా పాఠశాలకు తిరిగి వెళ్లడం పట్ల తమ ఉత్సాహాన్ని వ్యక్తం చేశారు,  టీకా డ్రైవ్‌తోనే సమస్యకి పరిష్కారం ఏ విధంగా చూసినా చదువులు పూర్తిగా గాడిన పడాలంటే... టీకా డ్రైవ్‌ ఊపందుకోవడం తప్పనిసరి. థర్డ్‌ వేవ్‌  ఓమిక్రాన్‌ కేసులు పెరుగుతున్న నేపథ్యంలో మొదటి డోస్‌తో టీకాలు వేసిన విద్యార్థులు రోగనిరోధక శక్తిని పొండం తరగతులను సురక్షితంగా ప్రారంభించడానికి బాటలు వేస్తుంది. విద్యార్ధుల మానసిక ఆరోగ్యాన్ని రిఫ్రెష్‌ చేస్తుంది. వ్యాక్సినేషన్‌ డ్రైవ్‌ హైబ్రిడ్‌ లెర్నింగ్‌ కోసం కొత్త మార్గాలను, ఇంటరాక్టివ్‌ లెర్నింగ్‌ కోసం వినూత్న పరిష్కారాలను మరింత తెరుస్తుంది.  హైస్కూలర్‌లు  ప్రీ–యూనివర్శిటీ కాలేజీకి వెళ్లేవారికి, విద్యాసంస్థలకు వ్యాక్సినేషన్‌ డ్రైవ్‌ ద్వారా సాధారణ స్థితికి తిరిగి తీసుకురావడం అంటే అది ఆర్థిక పునరుద్ధరణ అని అర్థం.  ల్యాబ్‌లలో సైన్స్‌ ప్రయోగాలు, సెమినార్‌లను ప్రదర్శించడం, క్రీడా కార్యకలాపాలలో భాగం కావడం, సంగీతం, నృత్యం, థియేటర్‌ తదితర విద్యా అనుబంధ కార్యకలాపాలు ఊపందుకుంటాయి. విద్యా రంగం కూడా కోర్సు మాడ్యూళ్లను పునరాలోచించవచ్చు, వాటిని మరింత సమకాలీన పంధాకు మార్చవచ్చు; మొత్తం మీద, టీకా డ్రైవ్‌ ఖచ్చితంగా పాఠశాలలు మరియు మొత్తం విద్యా రంగంపై సానుకూల ప్రభావాన్ని చూపుతుంది, భావి భారత దార్శనికులకు మంచి భవిష్యత్తును రూపొందిస్తుంది.  –డాక్టర్‌ బి వి ఎల్‌ నరసింహారావు, పీడియాట్రిషియన్, నియోనాటాలజిస్ట్, అపోలో క్రెడిల్‌ – చిల్డ్రన్స్‌ హాస్పిటల్‌  అపోలో స్పెక్ట్రా హాస్పిటల్స్, కొండాపూర్, హైదరాబాద్‌.  –వెంకట్‌ మురికి, ఎక్సలెన్షియా ఇన్‌స్టిట్యూషన్స్‌

ఇంగ్లిష్‌.. ఈ పేరు వినగానే తెలుగు మీడియం విద్యార్థులు హడలిపోతుంటారు. ఎంత సబ్జెక్ట్‌ నాలెడ్జ్‌ ఉన్నా.. తమకు ఇంగ్లిష్‌ రాదని బాధ పడుతుంటారు. ఇంగ్లిష్‌లో మాట్లాడాల్సిన పరిస్థితి వస్తే ఆందోళన చెందుతుంటారు. పొరపాట్లు మాట్లాడితే.. అవతలి వాళ్లు అపార్థం చేసుకుంటారని ఊహించుకొని వెనకడుగు వేస్తుంటారు. ముఖ్యంగా ఇంటర్వ్యూలకు హాజరయ్యే అభ్యర్థులు ఇంగ్లిష్‌ను తలచుకొని ముందే భయపడిపోతుంటారు. అయితే ఇంగ్లిష్‌ భాషను మాట్లాడుతూ తేలిగ్గానే నేర్చుకోవచ్చు అంటున్నారు నిపుణులు. ఇంగ్లిష్‌ను నేర్చుకునేందుకు అనేక మార్గాలున్నాయి. అవేంటో తెలుసుకుందాం...  విదేశాల్లో ఉన్నత విద్యను అభ్యసించాలంటే.. మన విద్యార్థులు ఐఈఎల్‌టీఎస్, టోఫెల్‌ వంటి ఇంగ్లిష్‌ లాంగ్వేజ్‌ ప్రొఫిషియెన్సీ టెస్టులు రాయాల్సి ఉంటుంది. ఇందుకోసం ప్రత్యేకంగా కోచింగ్‌ సైతం తీసుకుంటారు. కానీ ఇది పరీక్ష వరకు ఉపయోగపడినా.. నిత్యం దైనందిన జీవితంలో మనగలగాలంటే.. ఇంగ్లిష్‌లో అనర్గళంగా మాట్లాడటంతోపాటు చక్కగా రాయడం రావాలి.  ఇంగ్లిష్‌ సినిమాలు భాష ఏదైనా సులభంగా నేర్చుకునే మార్గాల్లో శ్రద్ధగా వినిడానికి మించిన సాధనం లేదు. ఇంగ్లిష్‌ను ఆసక్తిగా వినగలిగితే.. మాట్లాడటం నల్లేరుపై నడకే! ఇందుకు ఇంగ్లిష్‌ సినిమాలు సరైన మార్గం. సినిమాలంటే.. ప్రతి ఒక్కరికీ ఆసక్తి ఉంటుంది. ఆ ఆసక్తినే సాధనంగా చేసుకొని.. ఇంగ్లిష్‌ చిత్రాలు చూడటం ద్వారా ఇంగ్లిష్‌ను మెరుగుపరచుకోవచ్చు. భాషను సహజంగా అర్థం చేసుకోవడానికి.. ఇంగ్లిష్‌ వ్యవహారిక, సంభాషణ రూపాలకు అలవాటు పడటానికి.. భాషతో అనుభూతి పొందడానికి ఇంగ్లిష్‌ సినిమాలు దోహదపడతాయని నిపుణులు పేర్కొంటున్నారు. అదేవిధంగా ప్రస్తుతం ప్రతి ఒక్కరూ స్మార్ట్‌ఫోన్‌లో యూట్యూబ్‌ చూడటం పరిపాటిగా మారింది. యూట్యూబ్‌లో ఇంగ్లిష్‌ స్పీకింగ్‌/లెర్నింగ్‌ వీడియోలు చూడటం ద్వారా.. భాషా నైపుణ్యాలు మెరుగుపరచుకోవచ్చు. అలాగే, ఇంగ్లిష్‌ డాక్యుమెంటరీలు కూడా భాషను నేర్చుకోవడానికి ఉపయోగపడతాయి.  న్యూస్‌ పేపర్లు–టీవీలు ఇంగ్లిష్‌ భాషా పరిజ్ఞానాన్ని పొందేందుకు నిత్యం ఇంగ్లిష్‌ పత్రికలు శ్రద్ధగా చదవడం అలవాటు చేసుకోవాలి. అలాగే ప్రామాణిక ఇంగ్లిష్‌ న్యూస్‌ ఛానళ్లు ఏకాగ్రతతో చూడటం, వినడం వంటివి చేయాలి. ఇంగ్లిష్‌ భాషలో వెలువడే వార్తా పత్రికలు, మ్యాగజైన్స్‌ మంచి భాషను నేర్చుకునేందుకు ఉపయోగపడతాయి. చేయి తిరిగిన జర్నలిస్టులు పత్రికల్లో రాసే వార్తలు, వ్యాసాల ద్వారా ఎక్కడ ఎలాంటి పదాలు వాడాలో తెలుస్తుంది. అది పరీక్షల్లో సమాధానాలు రాయడంతోపాటు..ఇంటర్వ్యూలో మాట్లాడటంలోనూ ఉపయోగపడతుంది. అంతేకాకుండా ఇంగ్లిష్‌ వొకాబ్యులరీ మెరుగవుతుంది. ఇంగ్లిష్‌ పత్రికలు చదవడం, టీవీ ఛానళ్లను చూడటం ద్వారా స్పెల్లింగ్స్, ఉచ్ఛరణ, వాక్య నిర్మాణం వంటివి నేర్చుకోవచ్చు. (నిరుద్యోగులకు గుడ్‌న్యూస్, ఊపందుకున్న ఉద్యోగ నియామకాలు) వొకాబ్యులరీని ఒడిసిపట్టండిలా భాషను చక్కగా, అద్భుతంగా మాట్లాడాలంటే.. ముందు పదజాలం(వొకాబ్యులరీ)పై పట్టు సాధించాలి. అందుకు ఇంగ్లిష్‌ పత్రికల్లోని పదాలను అర్థాలతో సహా ఒక నోట్స్‌లో రాసుకోవాలి. దీంతోపాటు ప్రతి రోజూ ఉపయోగించే పదాలు, పదబంధాల జాబితాను తయారు చేయడం ప్రారంభించాలి. కొత్త పదం ఎప్పుడు ఎదురైనా.. దానిని ఎక్కడెక్కడ ఉపయోగిస్తున్నారో గమనించాలి. ఆయా పదానికి సంబంధించిన పర్యాయపదాలు, వ్యతిరేకార్థాలు, పద బంధాలను సైతం తెలుసుకోవాలి. ఏ సందర్భంలో ఏ పదాన్ని ఎలా వాడాలో రాసుకోవాలి.  ఇంగ్లిష్‌లో సంభాషణ వినడం,చదవడంతోపాటు తరచూ మాట్లాడం ద్వారా ఇంగ్లిష్‌ను త్వరగా నేర్చుకోవచ్చు. ప్రతి సందర్భంలోనూ ఇంగ్లిష్‌లో మాట్లాడేందుకు ప్రయత్నించాలి. సొంతంగా మాట్లాడే నైపుణ్యాలను పెంచుకోవాలి. అందుకోసం ఇంగ్లిష్‌ నేర్చుకోవాలనే తపన ఉన్న వారితోగాని, ఇంగ్లిష్‌ అప్పటికే బాగా వచ్చిన వారితోగాని స్నేహం చేయాలి. ఈ రెండూ కుదరకపోతే అద్దం ముందు నిల్చొని.. సొంతంగా మాట్లాడం ప్రాక్టీస్‌ చేయాలి. లేదా ఏదైనా ఒక టాపిక్‌పై ఇంగ్లిష్‌లో మాట్లాడుతూ.. దాన్ని రికార్డ్‌ చేసుకొని వినాలి. దీనిద్వారా భాషపై పట్టు సాధించడంతోపాటు లోటుపాట్లను సరిచేసుకోవచ్చు.  ప్రాక్టీస్‌.. ప్రాక్టీస్‌ ఇంగ్లిష్‌ భాషా పరిజ్ఞానం పెంచుకునేందుకు నిరంతరం ప్రాక్టీస్‌ చేయాలి. రోజుకు ఒక పదంతో మొదలుపెట్టి.. పదుల సంఖ్యలో పదాలు, అర్థాలు, పదబంధాలు నేర్చుకునే స్థాయికి వెళ్లాలి. కేవలం పదాలను, పదబంధాలను చదివి గుర్తు పెట్టుకుంటే ఉపయోగం ఉండదు. ఆయా పదాలు ఏయే సందర్భాల్లో వినియోగించాలో కూడా తెలుసుకోవాలి. సాధ్యమైనంత తరచుగా ఆయా పదాలను వాడటానికి ప్రయత్నించాలి. సందర్భాలను కల్పించుకొని..అందు కు తగ్గట్టుగా ఇంగ్లిష్‌లో మాట్లాడాలి. ఇది నిత్యం దీర్ఘకాలం పాటు కొనసాగాలి. దీనివల్ల ఇంగ్లిష్‌లో అనర్గళంగా మాట్లాడే నైపుణ్యం సొంతమవుతుంది.  సరదా.. సరదాగా..  ఇంగ్లిష్‌ను నేర్చుకునేటప్పుడు తొలుత కొంత శ్రమతో కూడుకున్నదిగా, భారంగా అనిపించొచ్చు. దానివల్ల త్వరగా ఆసక్తి కోల్పోయే ఆస్కారముంది. కాబట్టి మిమ్మల్ని మీరు నిరంతరం ప్రేరణనిచ్చుకుంటూ ముందుకు సాగాలి. కొత్త భాషను నేర్చుకోవడాన్ని ఆస్వాదించాలి. మీ ఆలోచనలను గౌరవించే స్నేహితులతో ‘వర్డ్‌ గేమ్స్‌’ ఆడటం, ఇంగ్లిష్‌ పజిల్స్‌ పూర్తిచేయడం వంటివి చేయాలి. దానివల్ల ఇంగ్లిష్‌ సరదాగా నేర్చుకున్నట్లు అవుతుంది. భాషను నేర్చుకునే క్రమంలో.. ఇంగ్లిష్‌లో ఆలోచించడం, ఇంగ్లిష్‌లో సంభాషించడం మేలు చేస్తుంది.  గ్రామర్‌ అధ్యయనం కొత్త భాష కావడం వల్ల తొలుత అదో బ్రహ్మ పదార్థంగా కనిపిస్తుంది. ఇంగ్లిష్‌ గ్రామర్‌ చదవడం చాలామందికి విసుగు పుట్టిస్తుంది. గ్రామర్‌ను స్కూల్‌ స్థాయిలో చదివే ఉంటాం. కాబట్టి మరోసారి గ్రామర్‌ రూల్స్‌ అధ్యయనం చేస్తే.. పొరపాట్లు లేకుండా ఇంగ్లిష్‌లో రాయడం, మాట్లాడటం అలవడుతుంది. విషయాన్ని చక్కగా కమ్యూనికేట్‌ చేయాలంటే.. భాష తీరుపై సంపూర్ణ అవగాహన అవసరం. అందుకు గ్రామర్‌ ఉపయోగపడుతుంది. టోఫెల్‌ వంటి పరీక్షల్లోనూ, ఉన్నత స్థాయి ఉద్యోగ ఇంటర్వ్యూల్లోనూ.. గ్రామర్‌ తప్పులు లేకుండా రాయడం, మాట్లాడటం తప్పనిసరి. అందుకు వ్యాకరణ నియమాలు దోహదం చేస్తాయి.  వీలైనంతగా మాట్లాడాలి  చాలామంది ఎదుటివారు ఏమనుకుంటారోనని భయపడి.. ఇంగ్లిష్‌లో మాట్లాడేందుకు జంకుతుంటారు. తమను తాము కంఫర్ట్‌ జోన్‌లో ఉంచేసుకుంటారు. నిజానికి మాట్లాడటం ద్వారానే ఎలా మాట్లాడాలో తెలుస్తుంది. కాబట్టి ఎంత ఎక్కువగా ఇంగ్లిష్‌లో మాట్లాడితే అంత బాగా మన మనసు, మెదడు ఇంగ్లిష్‌ పదాలకు అలవాటు పడతాయి. ఇంగ్లిష్‌ భాషను నేర్చుకోవడం అనేది దీర్ఘకాలిక ప్రక్రియగా భావించాలి. కేవలం వారం, నెల రోజుల్లోనే నేర్చేసుకుందామనుకుంటే.. అది సాధ్యమయ్యే పనికాదని గుర్తించాలి. ఇంగ్లిష్‌లో పట్టు సాధించాలంటే.. భాషకు అంకితం అవ్వాలి. అప్పుడు మాత్రమే అనుకున్న ఫలితాలను సాధించగలం!! 

దేశంలోని విద్యార్ధులకు కొత్త టెక్నాలజీని సహాయంతో ఆన్‌లైన్ ద్వారా విధ్య బోదన చేస్తూ ఒకేసారి మార్కెట్లోకి దూసుకోచింది బైజూస్‌ ఎడ్యుకేషన్ యాప్. దీనిలో ఎల్ కేజీ నుంచి ఐఏఎస్ వరకు శిక్షణ తీసుకుంటారు. ప్రస్తుతం క‌రోనా కార‌ణంగా విద్యా సంస్థ‌లు మూత‌ప‌డ‌డంతో ఆన్‌లైన్ ఎడ్యుకేష‌న్‌కు బాగా డిమాండ్ పెరగడంతో దేశ వ్యాప్తంగా ఇది ఫేమస్ అయ్యింది. ఈ యాప్ సేవలను 8 కోట్ల మందికి పైగా విద్యార్థులు వినియోగించుకుంటున్నారు. ఈ సంస్థ తాజాగా యుబిఎస్ గ్రూప్, జూమ్ వ్యవస్థాపకుడు ఎరిక్ యువాన్, బ్లాక్‌స్టోన్, అబుదాబి సావరిన్ ఫండ్ ఎడిక్యూ, ఫీనిక్స్ రైజింగ్-బెకన్ హోల్డింగ్స్ వంటి పెట్టుబడిదారుల నుంచి 2,500 కోట్ల రూపాయల(సుమారు 340 మిలియన్ డాలర్స్)ను సేకరించింది. దీంతో బైజుస్ స్టార్ట‌ప్‌ కంపెనీ విలువ 16.5 బిలియన్ డాలర్లుకు పెరగింది. ఈ రౌండ్ ఫండింగ్‌ సేకరించిన తర్వాత బైజూస్ మార్కెట్ విలువ ఏకంగా రూ.1.20 ల‌క్ష‌ల కోట్లు దాటేసింది. ఇప్పటి వరకు అగ్రస్థానంలో ఉన్న స్టార్ట‌ప్‌ కంపెనీ పేటీఎంను బైజుస్ కంపెనీ అధిగమించింది. ప్రస్తుతం పేటీఎమ్ మార్కెట్ విలువ 16 బిలియన్ డాల‌ర్లగా ఉంది. 2020లో బైజు సుమారు 1 బిలియన్ నిదులను సేకరించింది. వెంచర్ ఇంటెలిజెన్స్ గణాంకాల ప్రకారం.. 2019లో 553 మిలియన్ డాలర్లతో పోలిస్తే భారతదేశ ఎడ్-టెక్ స్టార్టప్‌లు 2020లో 2.2 బిలియన్ డాలర్లు సేకరించాయి. గడిచిన ఆర్థిక సంవత్సరం (2020-21)లో కంపెనీ ఆదాయం 100 శాతం పెరిగి రూ.5,600 కోట్లకు చేరుకుంది. చదవండి: ఎయిర్‌టెల్ 5జీ ఇంటర్నెట్ స్పీడ్ ఎంతో తెలుసా?

సాక్షి, అమరావతి: గత ఏడాది కాలంగా ఎదుర్కొంటున్న కరోనా సంక్షోభం వల్ల మారుమూల గిరిజన ప్రాంతాల విద్యార్థులు చదువులో వెనుకబడి పోకూడదు అన్న లక్ష్యంతో ప్రభుత్వం ప్రత్యేక దృష్టి పెట్టింది. ఇందులో భాగంగా అన్ని గిరిజన సంక్షేమ గురుకుల విద్యాలయాల్లో వర్చువల్‌ విద్యా విధానాన్ని ప్రవేశపెట్టింది. ప్రత్యేకంగా 10వ తరగతి, ఇంటర్మీడియెట్‌ విద్యార్థులకు పలు సబ్జెక్టుల్లో నిపుణులైన ఉపాధ్యాయుల ద్వారా ఆన్‌లైన్‌లో పాఠాలు బోధించే కార్యక్రమాన్ని చేపట్టింది. మొత్తం 190 గిరిజన సంక్షేమ గురుకుల స్కూళ్లు ఉండగా అందులో 81 స్కూళ్లను హాస్టళ్ల నుంచి కన్వర్ట్‌ చేశారు. వీటిలో మూడు నుంచి ఆరో తరగతి వరకు విద్యార్థులు ఉంటారు. ఇవి మినహా మిగిలిన అన్ని గిరిజన సంక్షేమ స్కూళ్లలో విద్యార్థులు ఆన్‌లైన్‌ పాఠాలు వినేందుకు వీలుగా వర్చువల్‌ క్లాస్‌ రూములు ఏర్పాటు చేశారు. రాష్ట్రంలోని ఏదైనా ఒక స్కూలు నుంచి ఒక సబ్జెక్ట్‌ ఎక్స్‌పర్ట్‌ వర్చువల్‌ క్లాసు చెబుతుంటే ఆ క్లాసును రాష్ట్రంలోని అన్ని గిరిజన గురుకుల స్కూళ్లలోని విద్యార్థులు వినే అవకాశం కల్పించారు. ప్రధానంగా 10వ తరగతి, ఇంటర్మీడియెట్‌ విద్యార్థులకు ప్రతిరోజు వర్చువల్‌ క్లాసులు జరుగుతున్నాయి. కొన్ని సబ్జెక్టుల్లో మంచి ప్రతిభ కనబరుస్తున్న విద్యార్థులతో కూడా ఉపాధ్యాయుల పర్యవేక్షణలో క్లాసులు చెప్పిస్తున్నారు. ప్రస్తుతం పదో తరగతిలో గిరిజన గురుకుల విద్యార్థులు 3,399 మంది ఉన్నారు. ఇంటర్‌ మొదటి సంవత్సరంలో 5,713 మంది, రెండో సంవత్సరంలో 5,217 మంది చదువుతున్నారు. ఇంటర్‌ విద్యార్థులకు ప్రధానంగా మ్యాథమ్యాటిక్స్, ఇంగ్లిష్, వృక్షశాస్త్రం, జంతుశాస్త్రం సబ్జెక్టులపై ప్రత్యేకంగా వర్చువల్‌ క్లాసులు నిర్వహిస్తున్నారు. మంచి ఫలితాలు వస్తున్నాయి.. హాస్టల్‌ కన్వర్టెడ్‌ రెసిడెన్సియల్స్‌ కాకుండా మిగిలిన అన్ని స్కూళ్లలోనూ వర్చువల్‌ క్లాసు రూములు ఏర్పాటు చేశాం. వర్చువల్‌ క్లాసుల నిర్వహణను ప్రత్యేకంగా పర్యవేక్షిస్తున్నాం. విద్యార్థులు కూడా సమగ్రంగా అర్థం చేసుకుని తోటి విద్యార్థులకు క్లాసులు చెబుతున్నారంటే ఆశ్చర్యంగా ఉంది. దీని వల్ల మంచి ఫలితాలు వస్తున్నాయి.  – గిరిజన సంక్షేమ గురుకుల కార్యదర్శి కె శ్రీకాంత్‌ ప్రభాకర్‌ 

సాక్షి, హైదరాబాద్‌: ఇంజనీరింగ్, ఫార్మసీ తదితర వృత్తి సాంకేతిక విద్యా కోర్సుల్లో ఆన్‌లైన్‌ బోధనను ప్రారంభించాలని జేఎన్‌టీయూ నిర్ణయించింది. ప్రస్తుత కరోనా పరిస్థితుల్లో ప్రత్యక్ష బోధనపై ప్రభుత్వం ఇంకా నిర్ణయం తీసుకోలేదు. ఈ నేపథ్యంలో ప్రథమ సంవత్సరంలో చేరిన విద్యార్థులకు ఆన్‌లైన్‌లో బోధన ప్రారంభించేందుకు చర్యలు చేపట్టింది. ఈ మేరకు సోమవారం పూర్తిస్థాయి షెడ్యూల్‌ను జారీ చేసింది. ఆన్‌లైన్‌ విద్యా బోధనతోపాటు పరీక్షలు, సెలవులు ఇతరత్రా అన్ని వివరాలను పొందుపరిచింది. 

కడప ఎడ్యుకేషన్‌: జిల్లావ్యాప్తంగా 2020–21 విద్యా సంవత్సరానికి సంబంధించి 1వ తరగతి నుంచి 10వ తరగతి విద్యార్థుల కోసం దూరదర్శన్‌ చానల్‌ ద్వారా సబ్జెక్టు నిపుణులతో వీడియో పాఠశాలను ప్రసారం చేయనున్నట్లు పాఠశాల విద్య ఆర్జేడీ మర్తాల వెంకట క్రిష్ణారెడ్డి తెలిపారు. ఈ నెల 13వ తేదీ నుంచి ఉదయం 11 గంటల నుంచి 12 గంటల వరకు 1,2 తరగతుల విద్యార్థులకు, 12 గంటల నుంచి 1 గంట వరకు 3,4,5వ తరగతుల విద్యార్థులకు క్లాసులు ఉంటాయన్నారు.  మధ్యాహ్నం 2  నుంచి 3  వరకు 6,7 తరగతుల విద్యార్థులకు..  సాయంత్రం 3  నుంచి 4 రకు 8,9 తరగతుల విద్యార్థులకు క్లాసులు ఉంటాయన్నారు. 10వ తరగతి విద్యార్థులకు  ఉదయం 10 నుంచి 11 గంటల వరకు లాంగ్వేజెస్, సాయంత్రం 4 గంటల నుంచి 5 గంటల వరకు నాన్‌లాంగ్వేజ్‌ సబ్జెక్టు వీడియో పాఠాలను  ప్రసారం చేస్తారని ఒక ప్రకటనలో పేర్కొన్నారు. 31వ తేదీ వరకు తరగతుల వారిగా షెడ్యూల్‌ ప్రకారం పాఠాల బోధన ప్రసారం అవుతుందన్నారు. జిల్లాలోని అన్ని యాజమాన్యాల పాఠశాలల ప్రధానోపాధ్యాయులు, ఉపాధ్యాయులు తమ పరిధిలోని విద్యార్థులకు సంబంధిత సమాచారాన్ని తెలియచేయాలన్నారు. అలాగే విద్యార్థులు ఈ అవకాశాన్ని సద్వినియోగం చేసుకునేలా చూడాలని ఆర్జేడీ వెంకట క్రిష్ణారెడ్డి తెలిపారు.  

కరోనా వైరస్‌ నేపథ్యంలో ప్రస్తుత పరిస్థితులకు అనుగుణంగా విద్యావ్యవస్థలో సమూల మార్పులు తప్పవనే సంకేతాలు వస్తున్నాయి. ఈ దిశగా ప్రభుత్వం కూడా సమాలోచనలు చేస్తోంది. ఇందులో భాగంగా 6 నుంచి 10వ తరగతి వరకు విద్యార్థులకు టీవీ, టీసాట్‌ ద్వారా ఆన్‌లైన్‌ విధానంలో పాఠాలు బోధించారు. ఎక్కువ శాతం మంది విద్యావేత్తలు ఈ విద్యాసంవత్సరంలో మార్పులు చేయాల్సి ఉంటుందని  అభిప్రాయపడుతున్నారు.  – విద్యారణ్యపురి వార్షిక సిలబస్‌ అంతా ఉపాధ్యాయుడు తరగతి గదిలో బోధించే పరిస్థితులు ఉండనందున, కొంత సిలబస్‌ తరగతి గదిలో, మరికొంత ఆన్‌లైన్‌ ద్వారా బోధించాల్సి ఉంటుందనే అభిప్రాయం వ్యక్తమవుతోంది. ఇదే జరిగితే భవిష్యత్‌లో తరగతి గదుల్లో ఉపాధ్యాయుడు కనుమ రుగయ్యే ప్రమాదం కూడా లేకపోలేదు. గతంలో డాక్టర్‌ డీ.ఎస్‌.కొఠారి చెప్పినట్లుగా దేశ భవిష్యత్‌ తరగతి గదిలో కాకుండా సాంకేతిక పరికరాల ద్వారా నిర్మించే ప్రయత్నాలు జరుగుతాయి. విజయవంతంపై అనుమానాలు కోవిడ్‌ కారణంగా విద్యారంగంలో మార్పుల పేరుతో చేపడుతున్న ఆన్‌లైన్‌ బోధన ఏ మేరకు విజయవంతమవుతుందో చెప్పలేని పరిస్థితులు ఉన్నాయి. ఎందుకంటే పట్టణ ప్రాంత విద్యార్థులకు కొంతమేరకు ఉపయోగపడుతాయి. కానీ గ్రామీణ ప్రాంతాలు, మారుమూల ప్రాంతాల విద్యార్థులకు ఆన్‌లైన్‌ విద్య అందని ద్రాక్ష గానే మారనుందని భావిస్తున్నారు. ఉమ్మడి వరంగల్‌ జిల్లాలో పలు ప్రొఫెషనల్‌ కోర్సుల విద్యార్థులకే కాకుండా ఇతర కళాశాలల, హైస్కూల్‌ స్థాయి విద్యార్థులకు ఆన్‌లైన్‌లో పాఠాలు బోధిస్తున్నారు. తాజాగా పదో తరగతి విద్యార్థుల పరీక్షలను కూడా ప్రభుత్వం రద్దు చేసినా కొత్త విద్యాసంవత్సరం ఇప్పట్లో ప్రారంభమయ్యేలా కనిపించడం లేదు. కానీ పలు ప్రైవేట్‌ విద్యాసంస్థలు ఆన్‌లైన్‌లో విద్యనందిస్తామంటూ తల్లిదండ్రులకు మెస్సేజ్‌ పంపుతున్నాయి. దీంతో విద్యాసంవత్సరంపై బెంగ ఉన్న తల్లిదండ్రులు కొందరు తప్పనిసరి పరిస్థితుల్లో తమ పిల్లలను ఆన్‌లైన్‌ విద్య వైపు అడుగులు వేయించాల్సి వస్తోంది.  ఆత్మన్యూనతా భావం పెరిగే అవకాశం ఆన్‌లైన్‌ విద్య ఎప్పటికీ ప్రత్యక్ష బోధనకు ప్రత్నామాయం కాదనే అభిప్రాయం ఉపాధ్యాయుల నుంచి వ్యక్తమవుతోంది. ప్రత్యక్షంగా ఉపాధ్యాయులు కలిగించే ప్రభావం, స్ఫూర్తి ఏ సాంకేతికత కలిగించదని చెబుతున్నారు. సాంకేతిక పరిజ్ఞానంలో తేడాలు, విద్యలో అసమానతలు , అంతరాలు మరింతగా వ్యవïస్తీకృతం చేస్తాయి. పలు కారణాలతో గ్రామీణ ప్రాంత విద్యార్థులకు ఆన్‌లైన్‌ విద్య అందక వారు ఆత్మనూన్యతభావంతో చదువులో వెనుకబడడమో లేదంటే విద్యకు దూరం కావడమో జరగొచ్చనే ఆందోళన కూడా వెల్లువెత్తుతోంది. అంతేకాకుండా ఆన్‌లైన్‌ విద్యావిధానం కామన్‌స్కూల్‌ విద్యావిధానానికి విరుద్ధగా ఉంటుంది. సాంకేతిక పరికరాలైన ల్యాప్‌టాప్, కంప్యూటర్, ట్యాబ్, ఆండ్రాయిడ్‌ ఫోన్లు కొద్దిమందికి మాత్రమే అందుబాటులో ఉన్న విషయాన్ని గుర్తిచాలని నిపుణులు సూచిస్తున్నారు. గ్రామీణ ప్రాంతాల్లో అందరికీ ఆండ్రాయిడ్‌ ఫోన్లు లేకపోగా.. ఒకవేళ ఉన్నా సిగ్నల్‌ సమస్యలు ఆన్‌లైన్‌ బోధనను దూరం చేస్తాయి. కుటుంబమంతా ఒకే గదిలో నివసించే పరిస్థితులు కూడా ఆన్‌లైన్‌ బోధనను ఎంత మేరకు విజయవంతం చేస్తాయో ఆలోచించాలి. ఆన్‌లైన్‌ విద్యాబోధన రెగ్యులర్‌ బోధనకు అనుబంధంగా ఉంటేనే ఫలితం ఉంటుందని పలువురు నిపుణులను చెబుతున్నారు. ఇక ఈ విధానం ఉన్నత విద్యలో ఉపయోగపడినా ప్రాధమిక స్థాయిలో విజయవంతం కాదని అభిప్రాయం వ్యక్తమవుతోంది. అలాగే, ఈ విధానంలో విద్యార్థులు అప్పటికప్పుడు తమ సందేహాలను నివృత్తి చేసుకునే పరిస్థితి ఉండదు.   పరిష్కారం కానే కాదు... ఆన్‌లైన్‌ విద్య గ్రామీణ ప్రాంత విద్యార్థులకు సరిపోదు, ఉపయోగపడదు. భౌతిక పరిస్థితులను పర్యవేక్షించకుండా ఆన్‌లైన్‌ విద్యను ప్రవేశపెడితే అణగారిన వర్గాలు విద్యకు మరింత దూరమయ్యే ప్రమాదం ఉంది. ఆన్‌లైన్‌ విద్య పొందాలంటే సెల్‌ఫోన్, ల్యాప్‌టాప్‌ వంటి పరికరాలు ఉండాలి. గ్రామీణ ప్రాంత విద్యార్థులకు ఇవి   అంతగా అందుబాటులో ఉండవు. ఆన్‌లైన్‌ విద్యపై దేశవ్యాప్తంగా యూనివర్సిటీల్లో సర్వే చేస్తే మెజార్టీ విద్యార్థులు వద్దనే చెప్పారు. ఆన్‌లైన్‌ విద్య ప్రత్యక్ష బోధనకు ప్రత్యామ్నాయం కానే కాదు. విద్యలో సాంకేతికత అవసరమే అయినా దానిపైనే పూర్తిగా ఆధారపడకూడదు. కోవిడ్‌తో సరైన సమయానికి విద్యాసంవత్సరం ప్రారంభించే పరిస్థితులు లేవు. కానీ తర్వాత అయినా కొన్ని నిబంధనలను పాటిస్తూ తరగతులు జరిగేలా చూడాలి. తొలుత 6నుంచి 10వ తరగతి విద్యార్థులకు జూలైలో తరగతులను ప్రారంభించాలి.  అకాడమిక్‌ క్యాలెండర్‌ తయారీలో ప్రభుత్వం ఉపాధ్యాయ సంఘాలతో చర్చలు జరిపి అభిప్రాయాలను సేకరించాలి. ఆ తర్వాతే విద్యాసంవత్సరాన్ని ప్రారంభించాలి. – ఎం.శ్రీనివాస్,  టీపీటీఎఫ్‌ రాష్ట్ర ప్రధాన కార్యదర్శి


 బెంగళూరు : నిర్బంద విద్యా హక్కు (రైట్ టు ఎడ్యుకేషన్) చట్టం కింద ప్రైవేటు పాఠశాల్లో ప్రవేశాలు పొందడానికి ఇకపై ఆన్‌లైన్‌లో దరఖాస్తు చేసుకోవాల్సి ఉంటుంది. ఈ మేరకు రాష్ట్ర విద్యాశాఖ అధికారిక ప్రకటన వెలువరించింది. అంతేకాకుండా వచ్చే విద్యా సంవత్సరం నుంచి విద్యార్థుల నివాస గృహానికి చుట్టుపక్కల ఉన్న మూడు పాఠశాలల్లో మాత్రమే ఆర్టీఈ కింద దరఖాస్తు చేసుకోవడానికి అవకాశం ఉంటుంది. ఇప్పటి వరకూ ఎన్ని పాఠశాల్లోనైనా ఆర్టీఈ కింద దరఖాస్తు చేసుకునే అవకాశం ఉండేది. రాష్ట్రవిద్యాశాఖ వచ్చే విద్యా ఏడాది ఆర్టీఈ క్యాలండర్‌ను కూడా ప్రకటించింది. స్థానిక బ్లాక్ ఎడ్యుకేషన్ అధికారి తన పరిధిలోని పాఠశాలల్లో ఉన్న ఆర్టీఈ సీట్ల వివరాలను www.schooleduction.kar.nic.in వెబ్‌సైట్‌లో 2015 జనవరి 12న అందుబాటులోకి      తీసుకువస్తారు.
 
 అదేనెల 13 నుంచి ఫిబ్రవరి 14 వరకూ విద్యార్థుల తల్లిదండ్రులు ఒకటోతరగతి, ప్రీ ప్రైమరి తరగతులకు తమ పిల్లలను ఆర్టీఈ చట్టం ప్రకారం ప్రైవేటు పాఠశాలల్లో చేర్పించడానికి దరఖాస్తు చేసుకోవచ్చు. కాగా, ఁమూడు పాఠశాలకే దరఖాస్తు* నిబంధనను సడలించే అవకావం ఉన్నట్లు తెలుస్తోంది.
 
 ► ఫిబ్రవరి 16 దరఖాస్తుల స్క్రూటినికి చివరి తేది
 ►ఫిబ్రవరి 19 అర్హత కలిగిన విద్యార్థుల పేర్ల ప్రకటన
 ► ఫిబ్రవరి 28 ఎంపికయిన విద్యార్థుల పేర్ల ప్రకటన
 ► ఫిబ్రవరి 28 నుంచి మార్చ్ 4 అభ్యంతరాలు స్వీకరణ
 ► మార్చ్ 7 తుది జాబితా ప్రకటన
 ► మార్చ్ 10 ఆర్టీఈ కింది ప్రవేశాల ప్రక్రియ ప్రారంభం