న్యూఢిల్లీ: భారత ప్రింటింగ్ పరిశ్రమ 2015 నాటికి 2,100 కోట్ల డాలర్లకు చేరే అవకాశాలున్నాయని వాణిజ్యం, పరిశ్రమల శాఖ సహాయ మంత్రి ఈఎంఎస్. నాచియప్పన్ గురువారం తెలిపారు. ప్రింటింగ్ పరిశ్రమలో కొత్త టెక్నాలజీని వినియోగించడం, చౌక ధరలు, ప్రింటింగ్ పరిశ్రమ ఉత్పత్తులకు డిమాండ్ పెరగడం వంటివి దీనికి ప్రధాన కారణాలని వివరించారు.  ప్రస్తుతం 1,210 కోట్లు డాలర్లుగా ఉన్న భారత ప్రింటింగ్ పరిశ్రమ రెండేళ్లలో ప్రపంచంలోనే అగ్రస్థానానికి చేరుకుంటుందని పేర్కొన్నారు. గ్రేటర్ నోయిడాలోని పామెక్స్(పీఏఎంఈఎక్స్)2013 ప్రారంభోత్సవంలో ఈ వివరాలు వెల్లడించారు.