కంటెంట్ ఉంటే హీరో క‌టౌట్‌తో ప‌నిలేకుండా సెంచ‌రీలు కొట్టేస్తున్న రోజులివి. తాజాగా జరుగుతున్న ఐపీఎల్ క్రికెట్‌లో కొత్త ఆటగాళ్లు ఎలా దంచికొడుతున్నారో.. సినిమాల్లోకి కొత్త‌గా వ‌చ్చిన హీరోలు కూడా అలాగే వ‌సూళ్ల‌తో ఇండ‌స్ట్రీని షేక్ చేస్తున్నారు. ఇటీవ‌ల రిలీజ్ అయిన టిల్లు స్క్వేర్ చిత్రం విజ‌యం సాధించడంతో సిద్దు జొన్న‌ల‌గ‌డ్డ 100 కోట్ల క్ల‌బ్‌లో చేరిన విషయం తెలిసిందే. సిద్దు సెంచ‌రీ కొట్టడంతో టిల్లు క్యూబ్‌ అంటూ తన తదుపరి చిత్రంపై కూడా మరింత అంచనాలను పెంచగలిగాడు. ఆ ర‌కంగా సిద్దు ఇండ‌స్ట్రీలో త‌న‌ని తానే సెంచ‌రీ స్టార్‌గా తీర్చిదిద్దుకున్నాడు. టిల్లుతో త‌న‌లో ఉన్న రైటింగ్ స్కిల్స్ అత‌న్ని 100 కోట్ల హీరోగా తీర్చి దిద్దడంలో కీల‌క పాత్ర పోషించాయి అన్న‌ది వాస్త‌వం. అయితే ఇత‌డి కంటే ముందు తేజ స‌జ్జ హ‌నుమాన్ చిత్రంతో పాన్ ఇండియా స్థాయిలో సంచ‌ల‌నం సృష్టించాడు. అలాగే హీరో నాని ద‌స‌రా చిత్రంతో 100 కోట్ల క్ల‌బ్‌లో చేరాడు.గీత‌గోవిందంతో విజ‌య్ దేవ‌ర‌కొండ‌, ఎఫ్-2 తో వ‌రుణ్ తేజ్, 100 కోట్ల క్ల‌బ్‌లో చేరగా.. కార్తికేయ‌-2 తో నిఖ‌ల్ వంద కోట్లు సాధించడంతో పాటు పాన్ ఇండియా స్థాయిలో పేరు తెచ్చుకున్నాడు.  ఇక తన తొలి సినిమా ఉప్పెన చిత్రంతోనే మెగా మేన‌ల్లుడు వైష్ణ‌వ్ తేజ్ కూడా వంద‌కోట్ల క్ల‌బ్‌లో చేరిన‌ వాడే. మ‌రి ఈ రేసులో త‌దుప‌రి సెంచరీ కొట్టే స్టార్ ఎవరు? అంటే ఆ ఛాన్స్ అడివి శేష్‌కు ఉంద‌ని చెప్పొచ్చు. గతంలో శేష్‌ నటించిన గుఢ‌చారి, హిట్-2, ఎవ‌రు, మేజ‌ర్ లాంటి సినిమాలతో అడ‌వి శేష్‌ పేరు సంచ‌ల‌న‌మైన సంగ‌తి తెలిసిందే. ఈ చిత్రాలు 50-60 కోట్ల‌కు పైగా వ‌సూళ్లు సాధించాయి. మేజ‌ర్ పాన్ ఇండియా స్థాయిలో హిట్‌గా నిలిచి 60 కోట్ల‌కు పైగా వ‌సూళ్ల‌ను సాధించింది. ప్ర‌స్తుతం శేష్‌ గుఢ‌చారి-2 లో న‌టిస్తున్న విషయం తెలిసిందే. ఈ సినిమాపై ఇండ‌స్ట్రీలో భారీ అంచనాలున్నాయి. ఈ చిత్రాలతో నటనతో పాటు రైటింగ్‌లో కూడా శేష్‌కు అపార అనుభ‌వం ఉంది. త‌న‌ని స్టార్‌గా మార్చుకోవ‌డంలో రైటింగ్‌ స్కిల్ అత‌డికి ఎంతో ఉప‌యోగపడుతోందని చెప్పాలి. గుఢ‌చారి-2 తో అడివి శేష్‌ 100 కోట్ల క్ల‌బ్‌లోకి అడుగుపెడ‌తాడు అనే అంచ‌నాలున్నాయి. ట్రేడ్ సైతం ఈ సినిమాతో సాధ్య‌మ‌ని భావిస్తోంది. ఈ చిత్రం పాన్ ఇండియా స్థాయిలో చిత్రీకరిస్తున్న విషయం తెలిసిందే.

‘అక్టోబర్, సర్దార్‌ ఉదమ్‌’ వంటి హిందీ చిత్రాలతో, తమిళ చిత్రం ‘ఆదిత్య వర్మ’తో హీరోయిన్‌గా మంచి గుర్తింపు తెచ్చుకున్నారు బనితా సంధు. ఈ బ్యూటీ ‘జీ 2’ (గూఢచారి 2) చిత్రంతో పాన్‌ ఇండియా ప్రేక్షకులకు పరిచయం కానున్నారు. అడివి శేష్‌ హీరోగా రూపొందిన సూపర్‌ హిట్‌ ఫిల్మ్‌ (2018) ‘గూఢచారి’కి సీక్వెల్‌గా పాన్‌ ఇండియా స్థాయిలో ‘జీ 2’ తెరకెక్కుతోంది. గూఢచారిగా హీరో అడివి శేష్‌ నటిస్తున్నారు. ఈ స్పై సరసన బనితా సంధు హీరోయిన్‌గా నటిస్తున్నారు. వినయ్‌ కుమార్‌ సిరిగినీడి దర్శకత్వంలో ఈ చిత్రాన్ని టీజీ విశ్వప్రసాద్, అభిషేక్‌ అగర్వాల్‌ నిర్మిస్తున్నారు. ప్రస్తుతం ఈ చిత్రం షూటింగ్‌ గుజరాత్‌లోని భుజ్‌లో జరుగుతోంది. ఈ షెడ్యూల్‌లో బనితా జాయిన్‌ అయిన విషయాన్ని చిత్రబృందం అధికారికంగా ప్రకటించింది. ‘‘శేష్, బనితాలపై కీలక సన్నివేశాలను చిత్రీకరిస్తున్నాం. తెరపై ఇద్దరి కెమిస్ట్రీ అద్భుతంగా ఉంటుంది. హై ఆక్టేన్‌ యాక్షన్‌ మూవీగా ప్రేక్షకులకు గొప్ప అనుభూతిని అందించాలనే లక్ష్యంతో ఈ సినిమాని రూపొందిస్తున్నాం’’ అని చిత్ర యూనిట్‌ పేర్కొంది. ‘‘ఈ చిత్రంలో నటించడం క్రియేటివ్‌గా నాకు చాలా హ్యాపీగా ఉంది. ఇప్పటివరకూ చేయని పాత్రను ఈ చిత్రంలో చేస్తున్నాను’’ అని బనితా సంధు అన్నారు. ఈ చిత్రంలో బాలీవుడ్‌ నటుడు ఇమ్రాన్‌ హష్మీ కీలక పాత్ర చేస్తున్నారు.   View this post on Instagram A post shared by Banita Sandhu (@banitasandhu)

సెట్స్‌లో ఉన్నప్పుడు ‘గూఢచారి’ చిన్న సినిమా. రిలీజయ్యాక పెద్ద సినిమా. తక్కువ బడ్జెట్‌తో తీసిన ఈ సినిమా భారీ వసూళ్లు సాధించి, పెద్ద సినిమా అయింది. అడవి శేష్, శోభిత, సుప్రియ తదితరులతో శశికిరణ్‌ తిక్క దర్శకత్వం వహించిన ఈ స్పై థ్రిల్లర్‌ సీక్వెల్‌ పనులు మొదలయ్యాయి. ‘గూఢచారి’ సినిమా స్క్రిప్ట్‌ వర్క్‌కి అసిస్టెంట్‌గా చేసిన రాహుల్‌ పాకాల సీక్వెల్‌కి దర్శకత్వం వహించనున్నారు. సోమవారం అడవి శేష్‌ పుట్టినరోజు సందర్భంగా సీక్వెల్‌ని అనౌన్స్‌ చేశారు. ‘‘రెండో భాగాన్ని భారీ బడ్జెట్‌తో ప్లాన్‌ చేశాం. ఫస్ట్‌ పార్ట్‌ సంచలనం సృష్టించిన నేపథ్యంలో సెకండ్‌ పార్ట్‌ ఇంకా పెద్ద స్కేల్‌లో ఉండాలన్నది మా ఆలోచన. వచ్చే ఏడాది షూటింగ్‌ ప్రారంభిస్తాం. 2020లో సినిమాని విడుదల చేస్తాం’’ అని చిత్రబృందం పేర్కొంది.

‘పక్కింటి అమ్మాయిలా ఉండటం’ అనేది తెలుగు సినిమా హీరోయిన్లు మామూలుగా సంపాదించుకునే ఓ కాంప్లిమెంట్‌. అలాగే ‘గ్లామరస్‌గా కనిపించడం’ ఇంకో రకమైన కాంప్లిమెంట్‌. అయితే ఈ రెండు రకాల కాంప్లిమెంట్స్‌ అందుకునేవాళ్లు తెలుగమ్మాయిలు అయి ఉండరు. ఎప్పుడో గానీ తెలుగు సినిమాల్లో తెలుగు హీరోయిన్లు కనిపించరు. తాజాగా ఈమధ్యే విడుదలై సూపర్‌హిట్‌ కొట్టిన ‘గూఢచారి’లో హీరోయిన్‌గా నటించిన శోభిత ధూళిపాళ మాత్రం పక్కా తెలుగమ్మాయి. లేటెస్ట్‌ సెన్సేషన్‌ శోభిత గురించి కొన్ని విశేషాలు...  పక్కా తెలుగమ్మాయి...  శోభిత ధూళిపాళ తెనాలిలో పుట్టింది. ఆ తర్వాత చదువంతా విశాఖపట్నంలో సాగింది. చిన్నప్పట్నుంచీ సినిమాలంటే పిచ్చి. ఎలాగైనా సినిమాల్లోకి వెళ్లాలని కలలు కంటూ ఉండేది. సరిగ్గా అప్పుడే ముంబైలో పై చదువులు చదివే అవకాశం రావడంతో, చదువుకుంటూనే మోడలింగ్‌లోకి వచ్చింది. 2013లో ‘మిస్‌ ఇండియా ఎర్త్‌’ టైటిల్‌ కూడా సంపాదించింది. ఆ టైటిల్‌ ఇచ్చిన ఉత్సాహంతో 2014లో కింగ్‌ఫిషర్‌ క్యాలెండర్‌లో బికినీతో కనిపించి మోడలింగ్‌లో సెన్సేషనల్‌ స్టార్‌ అయింది. బాలీవుడ్‌లో  బోల్డ్‌ ఎంట్రీ!  కింగ్‌ఫిషర్‌ క్యాలెండర్‌లో కనిపించాక శోభిత చాలా మేగజైన్స్‌లో వరుసగా కవర్‌పేజీలపై దర్శనమిచ్చింది. ఆ సమయంలోనే ఇండియాలో పాపులర్‌ డైరెక్టర్స్‌లో ఒకరైన అనురాగ్‌ కశ్యప్‌ తన ‘రమణ్‌ రాఘవ్‌ 2.0’ సినిమాలో శోభితికు హీరోయిన్‌ అవకాశం ఇచ్చాడు. ఆ సినిమాకు మంచి రివ్యూలు వచ్చాయి. శోభితకూ సూపర్‌ పాపులారిటీ వచ్చింది. ఈ సినిమాలోనే ఆమె న్యూడ్‌గా కనిపించి ఆశ్చర్యపరిచింది.  తెలుగు సినిమాతో ఫుల్‌ సర్కిల్‌...  బాలీవుడ్‌లో ‘రమణ్‌ రాఘవ్‌ 2.0’ తర్వాత శోభితకు వరుసగా సినిమా అవకాశాలు వస్తున్నాయి. అనురాగ్‌ కశ్యప్‌ ప్రొడక్షన్‌లోనే మూడు సినిమాలు ఒప్పుకుంది. మాతృభాష తెలుగులో మాత్రం సినిమా చేయాలన్న ఆశ శోభితకు మొదట్నుంచీ ఉంది. గత నెలలో విడుదలై సూపర్‌హిట్‌ అయిన ‘గూఢచారి’తో ఆ కల నెరవేర్చుకుంది. ఈ సినిమాలో సమీరా రావ్‌ పాత్రలో ఆమె అద్భుతంగా నటించి కుర్రకారుకు లేటెస్ట్‌ క్రష్‌గా మారిపోయింది. ‘తెలుగులో నటించడంతో నా కల ఇప్పుడు ఫుల్‌ సర్కిల్‌కు వచ్చిందని అనుకుంటున్నా’ అంది ‘గూఢచారి’ సక్సెస్‌ ఇచ్చిన ఆనందాన్ని పంచుకుంటూ.  మలయాళం ఎంట్రీ! ఫ్యాషన్‌ ఇండస్ట్రీ, బాలీవుడ్, టాలీవుడ్‌లలో ఇప్పటికే కుర్రకారు హృదయాలను దోచుకున్న శోభిత ఇప్పుడు చిన్న సినిమాలకు పెద్ద స్టార్‌. ఈ ఏడాది చివర్లో మలయాళ సినీ పరిశ్రమకూ పరిచయమవుతోంది. ‘మూథన్‌’ పేరుతో తెరకెక్కుతోన్న ఈ సినిమాలో నివిన్‌ పాలీ హీరో.  పాత్ర కోసం ఎంత దూరమైనా!  కింగ్‌ఫిషర్‌లో బికినీతో కనిపించిన శోభిత, ‘రమణ్‌ రాఘవ్‌ 2.0’లో ఏకంగా న్యూడ్‌గా కనిపించింది. పాత్ర కోసం ఇలాంటి సాహసాలు చెయ్యడానికి వెనుకాడనని చెప్తోన్న శోభిత, అన్ని రకాల పాత్రలు చేసి మెప్పించడం ఇష్టమని అంటోంది.  

సినిమాల్లో పెద్దా చిన్న ఉండదు. కానీ చిన్న సినిమా ఒక్కోసారి పెద్దగా కనబడుతుంది.కథా వస్తువు గొప్పదనమే అనలేం! ఇవ్వాళ చిన్న సినిమా పెద్దగా కనబడటానికి కారణం కథ కంటే పెద్ద కథనమే! నిజానికి చిన్న సినిమాలకు పెద్ద సినిమాల మధ్య వెంట్రుక వాసంత సందు కూడా దొరికేది కాదు.ఊపిరాడక డబ్బాల్లోనే చచ్చిపోయేవి. కానీ టైమ్‌ మారింది. కాదు.. కాదు.. సినిమా మారింది. కాదు.. కాదు.. కాదు.. ఆడియన్స్‌ మారారు. సినిమాను మారుస్తున్నారు.  2018లో వచ్చిన ఆరు పే...ద్ద.. చిన్న సినిమాల దర్శకులతో మీకోసం ‘సాక్షి ఫన్‌డే’ స్పెషల్‌..!  ఛలో  విడుదల తేదీ: ఫిబ్రవరి 2, 2018 దర్శకుడు: వెంకీ కుడుముల నటీనటులు: నాగశౌర్య, రష్మిక మందన్న నిర్మాత: ఉష ముల్పురి సంగీతం:  మహతి స్వరసాగర్‌ ‘ఛలో’..  ఫిబ్రవరి నెల ప్రారంభంలోనే వచ్చిన ఈ సినిమా చిన్న సినిమాల్లో పెద్ద బ్లాక్‌బస్టర్‌. నాగశౌర్య హీరోగా తెరకెక్కిన ఈ సినిమాతో దర్శకుడిగా పరిచయమయ్యారు వెంకీ కుడుముల. ‘ఛలో’తో పాపులర్‌ అయిన ఈ దర్శకుడి ఫ్యూచర్‌ ప్లాన్‌ గురించి.. ఆయన మాటల్లోనే...   ∙ ఇంట్లో వాళ్లను ముందే ప్రిపేర్‌ చేశా!  మాది భద్రాద్రి జిల్లా. హైదరాబాద్‌లో అగ్రికల్చర్‌ బిజినెస్‌ మేనేజ్‌మెంట్‌ చదివాను. చిన్నతనం నుంచే  సినిమాలపై ఆసక్తి ఉంది. సినిమాల్లో కెరీర్‌ను బిల్డ్‌ చేసుకోబోతున్నట్లు ఇంట్లో నేరుగా చెప్పకుండా ముందు అమ్మానాన్నల్ను ప్రిపేర్‌ చేశా. చదువు కొనసాగిస్తూనే సినిమాల్లో అవకాశాల కోసం ప్రయత్నిస్తానని చెప్పా. ఆ తర్వాత ‘పై చదువులు చదువుతావా?’ అని అడిగారు. లేదన్నాను. సినిమా ఫీల్డ్‌లోనే కెరీర్‌ అని నేను స్ట్రాంగ్‌గా ఫిక్స్‌ అవ్వడంతో వాళ్లూ నో చెప్పలేదు. ∙ సోషల్‌ మీడియా పరిచయాలతో ఇండస్ట్రీలోకి..!   కాలేజీ డేస్‌లోనే సినిమా ఫీల్డ్‌లో ఉన్న వాళ్లకు సోషల్‌ మీడియాలో మెసేజ్‌లు పెట్టేవాడ్ని. డైలాగ్స్‌ను స్టేటస్‌లుగా పెడుతుండేవాడ్ని. హీరో శివబాలాజీ, కమెడియన్‌ శ్రీనివాసరెడ్డి, ‘అదుర్స్‌’ రవి వీరందరూ నాకు ఇలానే పరిచయం. అలా ‘ఇంకోసారి’ సినిమా దర్శకుడు సుమన్‌ పాతూరి పరిచయం అయ్యారు. ఆయన దగ్గర నాకు రైటర్‌ బలభద్రపాత్రుని రమణిగారు పరిచయం అయ్యారు. ఆవిడ నన్ను దర్శకుడు తేజగారికి పరిచయం చేశారు. నిజానికి నేను యాక్టర్‌ అవుదామని వెళ్లాను. కానీ తేజగారు నాలో డైరెక్షన్‌ స్కిల్స్‌ ఉన్నాయని చెప్పి ఆ దిశగా ప్రోత్సహించారు. ఆ టైమ్‌లో డైరెక్షన్‌పై ఇంట్రెస్ట్‌ మరింత పెరిగింది. ఆ తర్వాత డైరెక్టర్‌ యోగిగారి దగ్గర, నాగశౌర్య ‘జాదుగాడు’ సినిమాకు పనిచేశా. ఆ తర్వాత త్రివిక్రమ్‌గారి దగ్గర కూడా వర్క్‌ చేశా. ∙ ‘ఛలో’ అలా మొదలైంది!  ‘అజ్ఞాతవాసి’ సినిమా ప్రీ–ప్రొడక్షన్‌ వర్క్స్‌ చేస్తున్నప్పుడు, ఈ సినిమా తర్వాత డైరెక్షన్‌ ప్రయత్నాలు స్టార్ట్‌ చేయమన్నారు త్రివిక్రమ్‌గారు. ‘జాదుగాడు’ సినిమా టైమ్‌లో హీరో నాగశౌర్య పరిచయం అయ్యారు. ‘మనం సినిమా చేద్దాం కథ రెడీ చేయ్‌!’ అన్నారు. నేను చెప్పిన కథ ఆయనకు నచ్చింది. ఓ నిర్మాతకు కథ చెప్పాం. ‘కథ కమర్షియల్‌గా ఉంది. వేరే హీరోకి వెళ్దామా?’ అన్నారు. శౌర్యతో ఇంకో లవ్‌స్టోరీ చేయవచ్చు కదా అని ఆయన అభిప్రాయం. ‘నేను శౌర్యతోనే చేస్తాను’ అని చెప్పా. ఆ సమయంలోనే శౌర్య తన పేరెంట్స్‌కు నేను చెప్పిన కథ చెప్పాడు. వాళ్లు ఎగై్జట్‌ అయ్యారు. అలా ఐరా క్రియేషన్స్‌ ప్రొడక్షన్‌లో నా తొలి సినిమా ‘ఛలో’ మొదలైంది.  ∙ ‘ఛలో’ కథ అప్పుడే పుట్టింది!  ఆంధ్రప్రదేశ్‌ విభజనలో భాగంగా మా ఊరు అశ్వరావుపేట తెలంగాణ బోర్డర్‌లోకి వచ్చింది. అంటే మా ఇంటి దగ్గర్నుంచి మూడు కిలోమీటర్లు వెళితే ఇప్పుడు ఆంధ్ర వస్తుంది. ఓకే.. ఇప్పుడు ఆంధ్ర, తెలంగాణ కాకుండా.. ఆంధ్ర, తమిళనాడు బోర్డర్‌ అయితే ఎలా ఉంటుంది? హీరో తమిళనాడు అమ్మాయిని లవ్‌ చేస్తే? ఈ బ్యాక్‌డ్రాప్‌లో స్క్రీన్‌ప్లే వర్కౌట్‌ అవుతుంది కదా అనిపించింది. అలా ‘ఛలో’ సబ్జెక్ట్‌ను టేకప్‌ చేశాను. ∙ నితిన్‌తో చేస్తున్నా!   నితిన్‌తో ఓ సినిమా చేయబోతున్నా. స్క్రిప్ట్‌ వర్క్‌ ఫైనల్‌ స్టేజ్‌లో ఉంది.  అక్టోబర్‌ ఫస్ట్‌ వీక్‌లో సినిమా సెట్స్‌పైకి వెళుతుంది. తొలిప్రేమ విడుదల తేదీ:  ఫిబ్రవరి 10, 2018 దర్శకుడు: వెంకీ అట్లూరి నటీనటులు: వరుణ్‌తేజ్, రాశిఖన్నా నిర్మాత: బీవీఎస్‌ఎన్‌ ప్రసాద్‌  సంగీతం: ఎస్‌. థమన్‌  వరుణ్‌తేజ్‌కు హీరోగా ఫస్ట్‌ మేజర్‌ బాక్సాఫీస్‌ హిట్‌ ‘ఫిదా’ తర్వాత వచ్చిన ‘తొలిప్రేమ’ కూడా అంతే పెద్ద హిట్‌. వెంకీ అట్లూరి ఈ సినిమాతో దర్శకుడిగా పరిచయమయ్యారు. ఒక సింపుల్‌ ప్రేమకథనే రిఫ్రెషింగ్‌ కథనంతో నడిపించి దర్శకుడిగా మంచి పేరు తెచ్చుకున్నారాయన. నటుడిగా కెరీర్‌ మొదలుపెట్టి దర్శకుడిగా మారిన వెంకీ అట్లూరి తన కెరీర్‌ గురించి చెప్పిన విశేషాలు...   ∙ యాక్టింగ్‌ నుంచి డైరెక్షన్‌కి!  నాది హైదరాబాద్‌. ఇంజనీరింగ్‌ చదువుతున్నప్పటి నుంచే సినిమాల్లో కెరీర్‌ను బిల్డ్‌ చేసుకోవాలనే ఆలోచన వచ్చింది. థర్డ్‌ ఇయర్‌ చదువుతున్నప్పుడు రైటింగ్‌పై ఆసక్తి కలిగింది. ముందు ‘స్నేహగీతం’ సినిమాలో నటించాను. ఆ తర్వాత నాకు యాక్టింగ్‌ కన్నా, రైటింగ్‌ అండ్‌ డైరెక్షన్‌ అంటేనే మక్కువ ఏర్పడింది. అందుకే ‘స్నేహగీతం’ సినిమా చేసిన తర్వాత రైటింగ్‌ అండ్‌ డైరెక్షన్‌పై ఫోకస్‌ పెట్టాను. దాదాపు ఎనిమిది సంవత్సరాలు గడిచిపోయాయి. ఫైనల్లీ ‘తొలిప్రేమ’తో డైరెక్టర్‌ అయ్యాను. నిజానికి ‘తొలిప్రేమ’ సినిమా సక్సెస్‌.. టీమ్‌ వర్క్‌ అని చెబుతా. ∙ ‘తొలిప్రేమ’కు నో చెప్పారు! మొదట్లో ‘తొలిప్రేమ’ కథకు చాలా మంది ఓకే చెప్పలేదు. ఆ తర్వాతే అది దాని దారి వెతుక్కొని ఇలా వచ్చింది. మన పని మనం జాగ్రత్తగా చేసుకుంటూ ఎవరి పని వాళ్లని చేయనిస్తే ఆటోమేటిక్‌గా సక్సెస్‌ అనేది 95 పర్సెంట్‌ కన్ఫర్మ్‌ అయిపోతుంది. ఒక ఫైవ్‌ ఫర్సెంట్‌ లక్‌ ఉండాలి. ‘తొలిప్రేమ’ సినిమాకు అన్నీ కలిసొచ్చాయి. ∙ పొలిటికల్‌ డ్రామా చేస్తా!  లవ్‌స్టోరీస్‌తో పాటు నాకు ఫ్యామిలీ డ్రామాలంటే ఆసక్తి ఎక్కువ. పొలిటికల్‌ డ్రామాలన్నా ఇష్టమే. భవిష్యత్‌లో నానుంచి పొలిటికల్‌ బ్యాక్‌డ్రాప్‌లో ఓ సినిమాను ఆశించవచ్చు. ∙ అఖిల్‌తో సినిమా చేస్తున్నా!  ప్రస్తుతం అఖిల్‌తో సినిమా చేస్తున్నాను. ఇప్పుడు దృష్టంతా ఈ సినిమాపైనే. ఒక సినిమా సెట్స్‌పై ఉన్నప్పుడు మరో సినిమా గురించి ఆలోచించను. ఎఫర్ట్‌ అంతా సినిమా మీదనే పెడతా. ప్యారలల్‌గా మరో సినిమా చేయడం నాకు కంఫర్ట్‌గా అనిపించదు. ఏకాగ్రత తగ్గుతుందేమోనని నా భయం. మణిరత్నం, త్రివిక్రమ్‌ నా ఫేవరైట్‌ డైరెక్టర్స్‌. వాళ్ల నుంచి ఎక్కువ ఇన్‌స్పయిర్‌ అయ్యాననే చెప్తా.  అ! విడుదల తేదీ:  ఫిబ్రవరి 16, 2018 దర్శకుడు: ప్రశాంత్‌ వర్మ నటీనటులు: కాజల్, శ్రీనివాస్‌  అవసరాల, రెజీనా, నిత్యామీనన్‌  నిర్మాతలు: నాని, ప్రశాంతి త్రిపురనేని  సంగీతం:  మార్క్‌ కె. రాబిన్‌  హీరో నాని నిర్మాతగా తెరకెక్కించిన సినిమా ‘అ!’తో దర్శకుడిగా పరిచయమయ్యారు ప్రశాంత్‌ వర్మ. ఒక మంచి ప్రయోగంగా పేరు తెచ్చుకున్న ఈ సినిమాకు అర్బన్‌ ఆడియన్స్‌ నుంచి అద్భుతమైన రెస్పాన్స్‌ వచ్చింది. డిఫరెంట్‌ కథల్ని తెరకెక్కించాలన్న డ్రీమ్‌తో ముందుకెళ్తానంటున్న ప్రశాంత్‌ వర్మ తన గురించి చెప్పిన కొన్ని విశేషాలు....  ∙ సినిమాలను పిచ్చిగా చూసేవాడ్ని!  మాది భీమవరం దగ్గర పాలకొల్లు. సినిమాలంటే చిన్నప్పటి నుంచి బాగా ఇంట్రెస్ట్‌ ఉండేది. కానీ సినిమాల్లోకి వెళ్లాలని ఎప్పుడూ అనుకోలేదు. స్కూల్‌లో మంచి స్టూడెంట్‌ని. చిన్నప్పుడు ప్రతి సినిమా చూసేవాణ్ని. అయితే డైరెక్టర్‌ అవ్వాలనే ఆలోచన ఎప్పుడూ లేదు. ఇంజనీరింగ్‌ సెకండ్‌ ఇయర్‌ నుంచి షార్ట్‌ ఫిల్మ్స్, మ్యూజిక్‌ వీడియోస్‌ చేయడం స్టార్ట్‌ చేశాను. అవి కూడా బాగా వైరల్‌ అయ్యాయి. తర్వాత ఫిల్మ్స్‌ మీద ఇంట్రెస్ట్‌ పెరిగింది. సినిమా గురించి తెలుసుకోవడం, చదవడం మొదలెట్టాను. ఆ తర్వాత యాడ్స్‌ చేశాను. ∙ ‘అ!’ నా 33వ కథ...  ‘అ!’.. ఫ్రస్ట్రేషన్‌తో రాసిన కథ. 2017 న్యూ ఇయర్‌కు నా కొత్త సినిమా స్టార్ట్‌ కావల్సింది. కానీ అనుకోని కారణాల వల్ల అది ఆగిపోయింది. అప్పుడు ఈ కథ రాశాను. ఆడియన్స్‌ ఎప్పుడూ చూడని ఒక కొత్త కథ చెబుదాం అన్న ఉద్దేశంతోనే ఈ పాయింట్‌ పిక్‌ చేసుకున్నాను. ఇది నేను రాసిన 33వ కథ. అలా అని ముందు 32 కథలు రిజెక్ట్‌ అయ్యాయని అనను. ఏవేవో కారణాలతో సినిమా ఫైనలైజ్‌ కాలేదు. ‘అ!’ సినిమా నా సొంత ప్రొడక్షన్‌లోనే చిన్న సినిమాలా కొత్త వాళ్లతో చేద్దాం అనుకున్నాను. మెల్లిగా కాజల్, నాని వచ్చి పెద్ద ప్రాజెక్ట్‌ అయింది. ∙ ఇన్‌సెక్యూరిటీ ఫీలింగ్స్‌ లేవు!  మన దగ్గర మాత్రమే ‘నా కథతో నేనే సినిమా తీస్తాను’ అనుకుంటాం. హాలీవుడ్‌లో ఒకరు కథ రాస్తారు. మరొకరు స్క్రీన్‌ప్లే. ఆ తర్వాత ఆ ప్రొడక్షన్‌ కంపెనీ ఒక డైరెక్టర్‌ని నియమించుకుంటుంది. ఇలాగే బాలీవుడ్‌ ‘క్వీన్‌’ రీమేక్‌ ‘దటీజ్‌ మహాలక్ష్మి’ నా దగ్గరికొచ్చింది. ‘అ!’ పనుల్లో బిజీగా ఉండి చేయడం కుదర్లేదు. ఆ సినిమా మధ్యలో ఆగిపోతే, మిగతా భాగమంతా వెళ్లి పూర్తి చేసి వచ్చాను. డైరెక్షన్‌ అనేది ఒక జాబ్‌ అని అనుకుంటాను నేను. అలానే వెళ్లి ఆ సినిమా చేసి వచ్చాను. నా తర్వాతి సినిమా వేరే అతని కథతో చేస్తున్నాను. ‘కథ’ అని అతనికి టైటిల్‌ వేస్తాను. నాకెలాంటి ఇన్‌సెక్యూరిటీ ఫీలింగ్స్‌ లేవు.  ∙ ఆ బ్రాండ్‌ నా డ్రీమ్‌! ‘స్క్రిప్ట్‌ విల్లా’ అనే కంపెనీ ద్వారా మంచి కథల కోసం వెతికే ప్రొడక్షన్‌ హౌస్‌లకు, యాక్టర్స్‌కు మా సంస్థ నుంచి కథలను అందించే ప్రయత్నం మొదలుపెడుతున్నా. వీలైనన్ని  కొత్త కథలు ఆడియన్స్‌కు చెప్పడమే నా డ్రీమ్‌. ‘వీడు ఇప్పటివరకూ మనం అనుకున్నట్టుగా కాకుండా, కొత్తగా కథలు చెబుతాడ్రా!’ అనే బ్రాండ్‌ని క్రియేట్‌ చేసుకుంటే చాలు.  ఆర్‌ఎక్స్‌ 100 విడుదల తేదీ:   జూలై 12, 2018 దర్శకుడు: అజయ్‌ భూపతి  నటీనటులు: కార్తికేయ,  పాయల్‌ రాజ్‌పుత్‌  నిర్మాత: అశోక్‌రెడ్డి  సంగీతం:  చైతన్‌ భరద్వాజ్‌  2018లో చిన్న సినిమాల్లో అతిపెద్ద సెన్సేషన్‌ ‘ఆర్‌ఎక్స్‌100’. కొత్త దర్శకుడు అజయ్‌ భూపతి కొత్త నటీనటులతో చేసిన ఈ సినిమా యూత్‌ ఆడియన్స్‌కు తెగ నచ్చేసింది. బాక్సాఫీస్‌ వద్ద కాసుల వర్షం కురిపించిన ఈ సినిమా దర్శకుడు అజయ్‌ భూపతి. ఫ్యూచర్‌లో ఎంత పెద్ద హీరోలతో సినిమా చేసే అవకాశం వచ్చినా వాళ్లను తన స్టైల్లోకి తీసుకొచ్చుకొని సినిమా చేస్తానంటున్న అజయ్‌ ఫ్యూచర్‌ ప్లాన్‌ గురించి.. ఆయన మాటల్లోనే..  ∙ సినిమాలో మా ఊరే!  మాది ఆత్రేయపురం. సినిమాలో మీరు చూసిందే. నా ఆరో తరగతి నుంచి డిగ్రీ దాకా మా ఊర్లోనే చదువుకున్నాను. మాది మిడిల్‌ క్లాస్‌ ఫ్యామిలీ. సినిమాల్లోకి వెళ్తా అన్నప్పుడు మా నాన్న గారు ‘నీకు నేనేం ఆస్తులు ఇవ్వలేదు. ఒకవేళ ఇస్తే నువ్విలా ఉండు. అలా ఉండు అని చెప్పొచ్చు. నీకు నచ్చింది నువ్వు చెయ్‌’ అన్నారు.  ∙ అప్పుడే ఫిక్స్‌ అయ్యా!  నా పదో తరగతిలోనే ఫిక్స్‌ అయ్యా, సినిమా డైరెక్టర్‌ అవ్వాలని. ఆ తర్వాత చదువుకోవడం కూడా టైమ్‌ వేస్ట్‌లా ఫీల్‌ అయ్యాను. ఎవ్వరైనా సరే వాళ్లేమవ్వాలనుకుంటున్నారు అనే చిన్న క్లారిటీ ఉంటే చాలు.. అది ఎంత కష్టమైనా చేసేయొచ్చు. అసిస్టెంట్‌ డైరెక్టర్‌గా నాని ‘రైడ్‌’, రవితేజ ‘వీర’ సినిమాలకు పని చేశాను. ఆ తర్వాత మా బాస్‌ రామ్‌గోపాల్‌ వర్మ ‘అటాక్‌’, ‘కిల్లింగ్‌ వీరప్పన్‌’, ‘వంగవీటి’ సినిమాలకు వర్క్‌ చేశాను. ∙ ఎన్నో అవమానాలు.. చీదరింపులు...  సినిమాల్లోకి రావాలనుకున్నాక అవమానాలు, చీదరింపులు, పస్తులు ఉండటాలు... అన్నీ ఉన్నాయి. కానీ ‘ఆర్‌ఎక్స్‌ 100’ కథను చాలామందికి చెప్పా. ఎవ్వరూ రిజెక్ట్‌ చేయలేదు కానీ, వాళ్ల వాళ్ల కారణాల వల్ల సినిమా చేయడం కుదర్లేదు. కార్తికేయకి బాగా నచ్చేసింది. తర్వాత నిర్మాత అశోక్‌ వచ్చారు. నాకు రియలిస్టిక్‌ సినిమాలంటే చాలా ఇష్టం. ఈ పాయింట్‌ బావుంటుందని గట్టి నమ్మకం ఉండేది. నేను తప్ప ఎవ్వరూ పెద్దగా నమ్మలేదు ఈ సబ్జెక్ట్‌ని. ‘ఆర్‌ఎక్స్‌ 100’లో  మీరు చూసిన హీరో క్యారెక్టర్‌ మన ఊర్లో కనబడే రెబల్‌ కుర్రాడిలానే ఉంటుంది, పంచాయతీ ప్రెసిడెంట్, రాంకీగారి పాత్ర.. ఇలా ప్రతీ పాత్రను ప్రేక్షకులు రిలేట్‌ చేసుకునేలా డిజైన్‌ చే శాను. ∙ నెక్ట్స్‌ మల్టీస్టారర్‌...  ‘ఆర్‌ఎక్స్‌100’ సక్సెస్‌ తర్వాత పెద్ద పెద్ద ప్రొడక్షన్‌ హౌస్‌ల నుంచి ఆఫర్స్‌ వచ్చాయి. ఇప్పటివరకైతే ఏదీ ఫైనల్‌ చేయలేదు. కానీ నెక్ట్స్‌ సినిమా మాత్రం మల్టీస్టారర్‌ ఉంటుంది. రెండు భిన్న మనస్తత్వాలు ఉన్న ఇద్దరి వ్యక్తుల కథ. స్క్రిప్ట్‌ వర్క్‌ స్టార్ట్‌ చేశాను. రెండు నెలల్లో ఫుల్‌ డీటైల్స్‌ అనౌన్స్‌ చేస్తాను. ఏ కథ చెప్పినా రియలిస్టిక్‌ అప్రోచ్‌తో చెప్పడమే నా లక్ష్యం. అలాగే ప్రభాస్, రామ్‌ చరణ్‌తో సినిమా చేయడం నా డ్రీమ్‌. ఒకవేళ మా స్టైల్‌లో సినిమా కావాలని వాళ్లు అడిగినా స్టోరీ సిట్టింగ్స్‌లో వాళ్లను నా దారిలోకి తెచ్చేసి నా స్టైల్లో సినిమా తీసేస్తా! చి.ల.సౌ విడుదల తేదీ:  ఆగస్టు 3, 2018 దర్శకుడు: రాహుల్‌ రవీంద్రన్‌  నటీనటులు: సుశాంత్, రుహాని శర్మ నిర్మాతలు: నాగార్జున,  జశ్వంత్‌ నడిపల్లి  సంగీతం: ప్రశాంత్‌ ఆర్‌. విహారి  ‘డాక్టర్‌ కాబోయి యాక్టర్‌ అయ్యా’. జనరల్‌గా చాలా మంది నటీనటులు చెప్పే మాట ఇది. అయితే రాహుల్‌ రవీంద్రన్‌ మాత్రం ‘డైరెక్టర్‌ కాబోయి యాక్టర్‌ అయ్యా’ అంటున్నారు. హీరోగా సినిమాలతో మెప్పిస్తూనే ఉన్న రాహుల్, దర్శకుడిగా మారి తెరకెక్కించిన ‘చి.ల.సౌ.’ సినిమా ఈ నెల్లోనే విడుదలై సూపర్‌ హిట్‌గా ప్రేక్షకుల మన్ననలు అందుకుంటోంది. డైరెక్టర్‌గా మారిన ఈ యాక్టర్‌ సినిమా గురించి, తన ఫ్యూచర్‌ ప్లాన్‌ గురించి చెప్పిన విశేషాలు...  ∙ చిన్నప్పట్నుంచీ కథలంటే ఇష్టం!  నేను పుట్టి, పెరిగిందంతా చెన్నైలోనే! నాన్న ఎన్‌.రవీంద్రన్, అమ్మ వసుమతి. నాన్న బిజినెస్‌మేన్‌. చిన్నప్పట్నుంచీ అమ్మ రామాయణం, మహాభారతం కథలు చెబుతూ, యాక్టింగ్‌ చేసి చూపించేది. అప్పుడే నాకు కథలంటే ఇష్టం పెరిగింది. ఎనిమిదో తరగతి చదువుతున్నప్పుడు మణిరత్నంగారి ‘నాయగన్‌’ (తెలుగులో ‘నాయకుడు’) సినిమాను టీవీలో చూశా. చాలా కొత్తగా, ఫ్రెష్‌గా అనిపించింది. ఓ సినిమాని ఇలా కూడా తీయొచ్చా? అనిపించింది. అప్పట్నుంచి సినిమా, డైరెక్షన్‌ సైడ్‌ ఇష్టం పుట్టింది. ఇంటర్‌కి వచ్చాక ఫిల్మ్‌మేకర్‌ అవ్వాలనుకుని డిసైడ్‌ అయ్యా. నటుడవ్వాలని మాత్రం ఎప్పుడూ అనుకోలేదు. ∙ అసిస్టెంట్‌గా చాన్స్‌ దొరకలేదు.. హీరో అయ్యా!  మా ఫ్యామిలీలో ఎవరూ సినిమా ఇండస్ట్రీలో లేరు. మాది ఆ నేపథ్యం కాదు. అందుకే ఫస్ట్‌ చదువు పూర్తి చేసి తర్వాత ప్రయత్నిద్దామనుకుని అహ్మదాబాద్‌లో ‘మైకా’ కళాశాలలో ఎంబీఏ మార్కెటింగ్‌ చేశా. తర్వాత బాంబేలో ఏడాదిన్నర పాటు రేడియో సిటీలో అసిస్టెంట్‌ బ్రాండ్‌ మేనేజర్‌గా చేశా.  2007లో చెన్నైలో అసిస్టెంట్‌ డైరెక్టర్‌గా జాయిన్‌ అవ్వాలనుకున్నా. కానీ, ఎవరి వద్దా అపాయింట్‌మెంట్‌ కూడా దొరకలేదు. ఓ రోజు ఆడిషన్స్‌కి రమ్మని కాల్‌ వచ్చింది. వెళ్లగానే యాక్టింగ్‌ రోల్‌ అన్నారు. ఏ పాత్ర అంటే.. హీరో అన్నారు. అసిస్టెంట్‌ డైరెక్టర్‌గా చాన్స్‌ రాలేదు. హీరోగా వచ్చింది. చేస్తే ఫిల్మ్‌ మేకింగ్‌ నేర్చుకోవచ్చు. డబ్బులు కూడా వస్తాయని చేశా. రవివర్మన్‌ డైరెక్షన్‌లో ‘మాస్కోవిన్‌ కావేరి’ చిత్రం చేశా.  ∙ ‘అందాల రాక్షసి’ మొత్తం మార్చేసింది!  ‘అందాల రాక్షసి’ చిత్రా నికి ఇద్దరు హీరోలు కావాలి. నవీన్‌ చంద్ర ఓ హీరోగా ఓకే. రెండో హీరో సెట్‌ అవడం లేదు. మీకు తెలిసినవారు ఎవరైనా ఉన్నారా? అని పాటల రచయిత లక్ష్మీ భూపాల్‌గారు అహ్మదాబాద్‌లో నాతోపాటు చదువుకున్న ఫ్రెండ్‌ దీప్తిని అడిగారు. తను నా గురించి చెప్పింది. తెలుగు రాదు అంది. పర్లేదు ఫొటోలు పంపమన్నారు. దీప్తికి పంపా. హను రాఘవపూడిగారు ఆడిషన్స్‌ చేసి ఓకే చేశారు. ఆ సినిమా నాకు టర్నింగ్‌ పాయింట్‌. అక్కడి నుంచి హైదరాబాద్‌లో సెటిల్‌ అయ్యా. సాయి కొర్రపాటిగారు బాగా ప్రమోషన్‌ చేశారు. నాకు, నవీన్‌ చంద్ర, లావణ్యా త్రిపాఠికి మంచి లైఫ్‌ వచ్చింది. ఆ సినిమా విడుదలై ఆరేళ్లయింది.  ∙ డైరెక్షన్‌ ట్రయల్స్‌..  హీరో అయినా, ఆ వెంటనే దర్శకుడిగానూ ప్రయత్నాలు మొదలుపెట్టా. నాలుగున్నరేళ్ల క్రితం ఓ హీరోకి ‘చిలసౌ’ కథ చెప్పా. అప్పుడది వర్కవుట్‌ అవ్వలేదు. ఈలోగా మళ్లీ హీరోగా బిజీ. తర్వాత సుశాంత్‌కి చెప్పా. ఓకే. నచ్చింది అన్నాడు. ఎగ్జిక్యూటివ్‌ ప్రొడ్యూసర్‌ హరీష్‌కి చెప్పాడు. ఆయన నిర్మాతలు భరత్, జశ్వంత్‌లకు  చెప్పారు. వారు కథ విని ఫస్ట్‌ సిట్టింగ్‌లోనే ఓకే చేశారు. ఇప్పుడు సినిమా విడుదలై ఇంత పెద్ద హిట్‌ అయిందంటే చాలా హ్యాపీగా ఉంది.  ∙ చిన్మయి హ్యాపీ!  ‘అందాల రాక్షసి’ టైమ్‌లో పరిచయమైన సింగర్‌ చిన్మయి కొద్దిరోజుల్లోనే మంచి ఫ్రెండయింది. తను నా లైఫ్‌ పార్ట్‌నర్‌ అయితే బాగుంటుందని నేనే ప్రపోజ్‌ చేశా. తను కొద్దికాలం ఆలోచించి ఓకే చెప్పింది. తను నాకు, నేను తనకు బలం. ‘చి.ల.సౌ.’ రిలీజయ్యాక, నేను నా కలను సాధించినందుకు తను ఎంతో హ్యాపీ! ∙ యాక్టింగ్, డైరెక్షన్‌ రెండూ చేస్తా!  తెలుగు చిత్ర పరిశ్రమలో యంగ్‌ టాలెంట్‌ను నిర్మాతలు బాగా ఎంకరేజ్‌ చేస్తారు. ‘చిలసౌ’ రిలీజ్‌కి ముందే చాలామంది కలిసి సినిమాలు చేయమన్నారు. అయితే రెండో సినిమా అన్నపూర్ణ బ్యానర్‌లో చేసేందుకు అడ్వాన్స్‌ తీసుకున్నా. ఇకపై డైరెక్షన్‌కే నా మొదటి ప్రాధాన్యత. మంచి సినిమాలు తీస్తా. అయితే యాక్టింగ్‌ వదులుకోను. ప్రస్తుతం ‘యూ టర్న్‌’, ‘దృష్టి’ సినిమాలు చేశా. త్వరలో రిలీజ్‌ కానున్నాయి.  గూఢచారి విడుదల తేదీ: ఆగస్టు 3, 2018 దర్శకుడు: శశికిరణ్‌ తిక్క  నటీనటులు: అడివిశేష్, శోభిత దూళిపాల, మధుశాలిని  నిర్మాతలు: అభిషేక్‌ నామ,  టీజీ విశ్వప్రసాద్, అభిషేక్‌ అగర్వాల్‌  సంగీతం: శ్రీచరణ్‌ పాకాల హీరో అడివి శేష్‌ ‘క్షణం’ సినిమాతో రెండేళ్ల క్రితం న్యూ వేవ్‌ సినిమా అంటూ రవికాంత్‌ పేరు అనే ఒక కొత్త దర్శకుడిని పరిచయం చేశారు. మళ్లీ రెండేళ్లకు అదే న్యూ వేవ్‌  అంటూ ‘గూఢచారి’తో మరో కొత్త దర్శకుడు శశికిరణ్‌ తిక్కను పరిచయం చేశారు. ఆగస్టు 3న విడుదలైన ఈ సినిమా మొదటి రోజు నుంచే సూపర్‌హిట్‌ టాక్‌తో దూసుకెళ్తోంది. రిఫ్రెషింగ్‌ స్పై థ్రిల్లర్‌గా, లో బడ్జెట్‌లో తెరకెక్కిన బెస్ట్‌ విజువల్స్‌తో మెప్పిస్తోన్న ఈ సినిమా గురించి, ఫ్యూచర్‌ ప్లాన్స్‌ గురించి శశికిరణ్‌ మాటల్లో....  ∙ కేరాఫ్‌ అమలాపురం  నేను పుట్టింది అమలాపురంలో. అమ్మానాన్న రాజమండ్రిలో సెటిల్‌ అయ్యారు. నాన్న గతంలో కొబ్బరి, కన్‌స్ట్రక్షన్‌ బిజినెస్‌లు చేసేవారు. ఇప్పుడు రిటైర్‌ అయ్యారు. అన్నయ్య రాజమండ్రిలో బిజినెస్‌ చూసుకుంటున్నారు.  ∙ 15 మంది నిర్మాతలకు కథ చెప్పా!  నాకు మొదట్నుంచీ డైరెక్షన్‌ అంటే చాలా ఇష్టం. డైరెక్టర్‌ కావాలనే అమెరికాలో న్యూయార్క్‌ ఫిల్మ్‌ అకాడమీలో డైరెక్షన్, రైటింగ్‌లో రెండేళ్లపాటు శిక్షణ తీసుకున్నా. ఇండియాకొచ్చి శేఖర్‌ కమ్ములగారి దగ్గర ‘లీడర్‌’ సినిమాకు డైరెక్షన్‌ డిపార్ట్‌మెంట్‌లో పనిచేశా. ‘లీడర్‌’కు పనిచేసిన తర్వాత కొన్ని కథలు రాసుకొని దాదాపు 15మంది నిర్మాతలకి చెప్పా. కొందరు చేద్దామన్నా రకరకాల కారణాల వల్ల కుదర్లేదు. ఓ సినిమా అయితే రేపు లాంచ్‌ అనగా ఆగిపోయింది. ఈ గ్యాప్‌లో ఫ్రెండ్స్‌కి రైటింగ్‌ సైడ్‌ హెల్ప్‌ చేశా. అడివి శేష్‌ ‘కర్మ’ సినిమాకి ప్రమోషన్స్‌ విషయంలో హెల్ప్‌ చేశా.   ∙ ‘గూఢచారి’ అలా పుట్టిందే! ‘కర్మ’ సినిమా అప్పుడే అడివి శేష్‌తో మంచి స్నేహం కుదిరింది. శేష్‌ రాసిన స్పై థ్రిల్లర్‌ ‘గూఢచారి’ కథను ఆయనతో కలిసి నేను, రాహుల్‌ పాకాల (రైటర్‌) ఎనిమిది నెలలు కష్టపడి పూర్తి స్క్రిప్ట్‌గా రెడీ చేశాం. కథని అబ్బూరి రవిగారికి వినిపించాం. ఆయన సలహాలు మాకు బాగా ఉపయోగపడ్డాయి.  ∙ ఇంత పెద్ద సక్సెస్‌ ఊహించలేదు!  ‘గూఢచారి’ హిట్‌ అవుతుందనుకున్నా. కానీ ఇంత పెద్ద హిట్‌ అవుతుందనుకోలేదు. ఈ సినిమా సక్సెస్‌ కాగానే చాలా మంది నిర్మాతలు అడిగారు. ఇంకా ఎవరి వద్దా అడ్వాన్సులు తీసుకోలేదు. ఎవరితో చేయాలన్నది నిర్ణయించుకోలేదు. నాకు డబ్బు ముఖ్యం కాదు, పని సంతృప్తినివ్వడమే ముఖ్యం. నావల్ల నిర్మాతలు హ్యాపీగా ఉండాలి. అప్పుడే నేను హ్యాపీగా ఉంటాను.  ∙ అన్ని జానర్స్‌ చెయ్యాలి!  స్పై థ్రిల్లర్‌తో డెబ్యూట్‌ ఇచ్చినా నాకు కామెడీ అంటే ఇష్టం. ఫ్యూచర్‌లో అన్ని జానర్స్‌లో సినిమాలు చేయాలనుంది. నాకిష్టమైన దర్శకుల నుంచి ఇన్‌స్పైరై ఇంకా బాగా పని చేయాలనుకుంటా.                       – సాక్షి సినిమా డెస్క్‌ 

‘‘గూఢచారి’ టీమ్‌ అంతా న్యూ జనరేషన్‌ యాక్టర్స్, టెక్నీషియన్స్‌. మీరంతా తెలుగు సినిమా భవిష్యత్తు. మీతో పాటు ట్రావెల్‌ చేయాలనుకుంటున్నాను. లేకుంటే నేను వెనకబడిపోతాను’’ అని నాగార్జున అన్నారు. అడివి శేష్, శోభితా ధూళిపాళ జంటగా శశికిరణ్‌ తిక్క దర్శకత్వంలో తెరకెక్కిన చిత్రం ‘గూఢచారి’. అభిషేక్‌ నామా, టి.జి.విశ్వప్రసాద్, అభిషేక్‌ అగర్వాల్‌ నిర్మించిన ఈ సినిమా సక్సెస్‌మీట్‌ హైదరాబాద్‌లో జరిగింది. ముఖ్య అతిథి నాగార్జున మాట్లాడుతూ– ‘‘గూఢచారి’ బడ్జెట్‌ తెలుసుకుని ఎలా సాధ్యమైందని ఆలోచించా. ఇప్పటి వరకు మేం చేస్తున్న సినిమాలు చూసి మేం అంత సోంబేరులా? బద్ధకస్తులమా? సినిమా తీయడం మాకు తెలియదా? అనిపించింది. ఈ చిత్రం చూశాక నాకు తెలియని లొకేషన్స్‌ అన్నపూర్ణలో ఉన్నాయా? అనిపించింది. సిగ్గేసింది. నాన్నగారు (అక్కినేని నాగేశ్వరరావు) ఉండుంటే చాలా హ్యాపీగా ఫీలయ్యేవారు. నాకు ఇలాంటి సినిమా చేసే అవకాశం రాలేదు. నేను క్రియేటర్‌ని కాను. అందుకనే డైరెక్టర్స్, రైటర్స్‌పైన ఆధారపడతాను. ఓ స్పై మూవీ తెలుగులో ఎలా ఆడుతుంది? మణిరత్నం ‘బాంబే’ సినిమా కంటే ఏం చేస్తారు? అనిపించింది. ఈ సంవత్సరం ‘రంగస్థలం, మహానటి’ తర్వాత ‘గూఢచారి’ మాత్రమే ఆడింది. అలాగని ఇతర సినిమాలను తక్కువ చేయడం లేదు. సుప్రియను ఇన్ని రోజులు పట్టించుకోలేదు. తను రా ఆఫీసర్‌ రోల్‌కి చక్కగా సూట్‌ అయింది. 1989లో ‘శివ’ వచ్చినప్పుడు దర్శకులకు, నిర్మాతలకు ఎంత ఇన్‌స్పిరేషన్‌ వచ్చిందో.. ‘గూఢచారి’ కూడా చాలా మందికి ఇన్‌స్పిరేషన్‌గా నిలిచింది. ఈ సక్సెస్‌ ఇలాగే కంటిన్యూ కావాలి. ‘గూఢచారి 2’కి ఆల్‌ ది బెస్ట్‌’’ అన్నారు. ‘‘నేను ఇక్కడ నిలబడి ఉన్నానంటే కారణం నా నిర్మాతలే.మా కలను, మా సినిమాను ప్రపంచానికి చూపించిన అనిల్‌గారికి థ్యాంక్స్‌. నా కెరీర్‌లో బిగ్గెస్ట్‌ హిట్‌ మూవీ ఇచ్చిన శశికి థ్యాంక్స్‌. మా సినిమాని సపోర్ట్‌ చేసినవారికి కృతజ్ఞతలు’’ అన్నారు అడివి శేష్‌. నిర్మాతలు అభిషేక్‌ నామా, అభిషేక్‌ అగర్వాల్, అనిల్‌ సుంకర, సహ నిర్మాత వివేక్‌ కూచిభొట్ల, కెమెరామేన్‌ షానీల్‌ డియో, సంగీత దర్శకుడు శ్రీచరణ్‌ పాకాల, నటీమణులు సుప్రియ, మధుశాలిని పాల్గొన్నారు.

‘‘శేఖర్‌ కమ్ములగారి దగ్గర ‘లీడర్‌’ సినిమాకు పనిచేశా. నేను, శేష్‌ కలిసి ‘గూఢచారి’ రాయడం వల్ల  యాక్షన్‌ సినిమా చేశాం. శేష్‌ లేకుండా ఉంటే ‘గూఢచారి’ వంటి యాక్షన్‌ సినిమా చేయలేకపోయేవాణ్ని. ఎందుకంటే నాకు గొడవలంటే ఇష్టం ఉండదు’’ అని డైరెక్టర్‌ శశికిరణ్‌ తిక్క అన్నారు. అడివి శేష్, శోభితా ధూళిపాళ జంటగా అభిషేక్‌ నామా, టి.జి.విశ్వప్రసాద్, అభిషేక్‌ అగర్వాల్‌ నిర్మించిన ‘గూఢచారి’ ఈ నెల 3న విడుదలైంది.  దర్శకుడు శశికిరణ్‌ తిక్క మాట్లాడుతూ– ‘‘స్పై సినిమాలు వచ్చి చాలా కాలమైంది. అది కూడా మాకు మంచిదే అయింది. అప్పట్లో కృష్ణగారు, చిరంజీవిగారు చేసిన స్పై మూవీస్‌ అప్పటి టెక్నాలజీకి తగ్గట్టు అప్‌డేటెడ్‌గా ఉంటాయి. ప్రస్తుతం ఇప్పటి టెక్నాలజీ ప్రకారం సినిమా చేయాలి. ‘గూఢచారి’ రిజల్ట్‌ గురించి ఆలోచించలేదు. మంచి సినిమా తీయాలనే ఓ మొండి ధైర్యంతో ముందుకెళ్లిపోయా. సినిమా చూసిన వాళ్లు పొగడ్తలతో ముంచెత్తుతారని అనుకోలేదు. చిన్నప్పట్నుంచి ఇంగ్లీష్‌ సినిమాలు చూడటం వల్ల ఆ ప్రభావం ఉంది. సడెన్‌గా ఓ హాలీవుడ్‌ స్క్రిప్ట్‌ ఇచ్చి సినిమా చేయమంటే చేయలేను. ఎందుకంటే కల్చర్‌ ప్రకారం నేను తెలుగువాణ్ణి. ‘గూఢచారి’ మేకింగ్, స్టైలిష్‌నెస్‌ ఇంగ్లీష్‌ సినిమాలా అనిపించినా, కంటెంట్‌ పరంగా తెలుగు సినిమానే. సుప్రియగారిని ఈ సినిమాలో నటింప చేయాలనే ఆలోచన అడివి శేష్‌దే. తనకు సుప్రియ మంచి ఫ్రెండ్‌. ‘గూఢచారి’ సీక్వెల్‌ చేస్తే బావుంటుందని శేష్‌ కూడా అన్నాడు. తను వేరే సినిమాలు చేస్తూ బిజీగా ఉన్నాడు. నేను బయట సినిమా చేసిన తర్వాత ఈ సీక్వెల్‌ గురించి ఇద్దరం ఆలోచిస్తాం. ప్రస్తుతం ఏ సినిమా చేయడం లేదు. నా మైండ్‌లో కొన్ని ఐడియాలున్నాయి. ఇంకా పూర్తి స్థాయి కథలు ప్రిపేర్‌ చేయలేదు.

‘‘ఓ రోజు శేష్, శశి నా వద్దకొచ్చి ‘గూఢచారి’ కథ చెప్పి, నాదియా పాత్ర నన్ను చేయమన్నారు. జోక్‌ చేస్తున్నారేమో అనుకున్నా. నేను నటించి దాదాపు 22 ఏళ్లవుతోంది. ఇప్పుడు నటించగలనా? లేదా? అనే నమ్మకం లేదు. ‘నేను ఆడిషన్‌ ఇస్తా. తర్వాత మీరే నో అంటారు’ అన్నా. ఆడిషన్‌ ఇచ్చాక మీకు నచ్చితే ఓకే’ అని చెప్పా. ‘ఓ నటి అయ్యుండి ఆడిషన్‌ ఇస్తానన్న ఫస్ట్‌ వ్యక్తి మీరే’ అంటూ జోక్‌ చేశారు. కథ, నా పాత్ర బాగా నచ్చడంతో ‘గూఢచారి’ సినిమా చేశా’’ అని సుప్రియ అన్నారు. అడివి శేష్, శోభిత ధూళిపాళ జంటగా శశి కిరణ్‌ తిక్క దర్శకత్వంలో తెరకెక్కిన చిత్రం ‘గూఢచారి’. అభిషేక్‌ నామా, టీజీ విశ్వప్రసాద్, అభిషేక్‌ అగర్వాల్‌ నిర్మించిన ఈ చిత్రం శుక్రవారం విడుదలైంది. ఈ సినిమాలో ముఖ్య పాత్ర చేసిన సుప్రియ శనివారం విలేకరులతో మాట్లాడారు. ► ‘అక్కడ అమ్మాయి ఇక్కడ అబ్బాయి’ తర్వాత నేను కెమెరా ముందుకు రాకపోయినా ప్రొడక్షన్‌ చూసుకుంటూ సెట్స్‌పైనే ఉంటాను కాబట్టి కెమెరా కొత్తేం కాదు. అయితే.. ఇప్పుడు కెమెరా ముందుకు అంటే కొంచెం కష్టంగా అనిపించింది. కెమెరా మన ముందున్నా లేనట్టు పలు హావభావాలతో నటించాలి. మనల్ని ఎవరో జడ్జ్‌ చేస్తున్నారనే భావన ఉండకూడదు. అది నిజంగా గ్రేట్‌ క్వాలిటీ. నిజం చెప్పాలంటే అది నాకు కొంచెం భయంగా అనిపించింది. అందుకే యాక్టింగ్‌ వద్దనుకున్నానేమో. నటనకు దూరమయ్యా నని ఫీల్‌ అవ్వలేదు. ‘గూఢచారి’ టీమ్‌ వల్ల కంఫర్ట్‌గా కెమెరాను ఎదుర్కొన్నా. కాకపోతే ఫస్ట్‌ డే అడ్జస్ట్‌ అవడానికి టైమ్‌ పట్టింది. ► నేను సినిమా చేస్తానన్నప్పుడు ‘ఎందుకమ్మా.. నీకు నచ్చదు’ అని అప్పుడు తాతగారు (అక్కినేని నాగేశ్వరరావు) అన్నారు. చేయకపోతే నచ్చదనే విషయం తెలియదు కదా తాతగారు అన్నా. కట్‌ చేస్తే.. ఈవీవీ సత్యనారాయణగారి డైరెక్షన్‌లో సినిమా చేశా. ‘అక్కడ అమ్మాయి ఇక్కడ అబ్బాయి’ సినిమాకి నేను డైలాగ్స్‌ రిహార్సల్స్‌ చేసుకుని వెళితే ‘ఏంటి డల్‌గా ఉన్నావు’ అనేవారు. ఆ సినిమా నాకు సరిగ్గా వర్కవుట్‌ కాలేదు. ‘తర్వాత ఏంటి?’ అనుకుని ప్రొడక్షన్‌లోకి వచ్చేశాను. అయితే ప్రొడక్షన్‌లో చాలా కష్టం ఉంటుంది. ► ‘గూఢచారి’లో క్లైమాక్స్‌ బాగా నచ్చింది. తండ్రి, కొడుకుల మధ్య ఎమోషన్‌ సూపర్బ్‌. ఓ సినిమాని మహిళలు, పురుషులు చూసే ఫీలింగ్‌ వేర్వేరుగా ఉంటుంది. ‘గూఢచారి’ సినిమా చూసి, ఏఎన్‌ఆర్‌ మనవరాలు బాగా చేసిందని రాజమండ్రి నుంచి ఫోన్‌ చేశారని నిర్మాత చెప్పినప్పుడు వెరీ హ్యాపీ. ఇప్పటికీ తాతగారి ఫ్యాన్స్‌ ఫోన్‌ చేసి బాగా చేశానని అంటుంటే హ్యాపీగా ఉంది. వారికి హ్యాట్సాఫ్‌. మహేశ్‌బాబు సినిమా చూసి బాగా చేశావన్నారు. ► రెగ్యులర్‌ కథలను మనం బ్రేక్‌ చేయాలి. ‘బాహుబలి, అర్జున్‌రెడ్డి, రంగస్థలం, మహానటి, ఆర్‌ఎక్స్‌ 100’ వంటి సినిమాలు చక్కటి కథాంశంతో వచ్చాయి. శుక్రవారం వచ్చిందంటే సినిమాల మధ్య పోటీ ఉండాలి. ఏ సినిమా చూద్దాం అనే ఛాయిస్‌ ప్రేక్షకులకు ఉండాలి.  ► పవన్‌ కల్యాణ్‌ హీరోయిన్‌ మళ్లీ వచ్చింది అని సోషల్‌ మీడియాలో అంటుంటే ఫీల్‌ అవడం లేదు. మేం నటించి 22ఏళ్లవుతోంది. ఇప్పుడు తను స్టార్‌. అయితే నాకంటూ ఇప్పుడు ఓ ఐడెంటిటీ ఉంది కదా?. ప్రస్తుతం అన్నపూర్ణ స్టూడియోస్‌లో నేను ఫుల్‌ టైమ్‌ ఉద్యోగిని (నవ్వుతూ). ► డైరెక్షన్‌ గొప్ప కళ. నాకు ప్రొడక్షన్‌వైపు అన్ని విభాగాల్లో పట్టు ఉన్నా డైరెక్షన్‌ చేసేంత కళ లేదు. అందుకే అటువైపు వెళ్లను. కథలు రాయాలనే ఇండస్ట్రీకి వచ్చా. కానీ, ప్రొడక్షన్‌లోకి దిగాల్సి వచ్చింది. కథలు రాస్తా. అయితే అవి సినిమాకన్నా పెద్దగా ఉంటాయి. ► ‘అక్కడ అమ్మాయి ఇక్కడ అబ్బాయి’ తర్వాత టైమ్‌ వేస్ట్‌ చేయకూడదని చిన మావయ్య (నాగార్జున)కి ఫోన్‌ చేసి బోర్‌ కొడుతోంది ఏం చేయాలన్నాను. అన్నపూర్ణ బ్యానర్‌లో ‘ఆహా’ సినిమా చేస్తున్నాం. ఆ వ్యవహారాలు చూసుకో అనడంతో వెరీ హ్యాపీ. ఆ సినిమాకి జయసుధగారితో రెమ్యునరేషన్‌ గురించి ఫోనులో మాట్లాడటం ఇప్పటికీ గుర్తుంది (నవ్వుతూ). అప్పుడు నాన్నగారు ఫోన్‌ తీసుకుని, జయసుధగారితో మాట్లాడారు. అప్పుడే తెలిసింది.. నాకు ఎలా మాట్లాడాలో. ► ‘గూఢచారి’కి ముందు ఓ తమిళ సినిమా ఆఫర్‌ వచ్చింది. భాష రాదని చేయలేదు. ‘గూఢచారి’ తర్వాత నటించాలా? వద్దా? అని ఆలోచించలేదు. ఇందులో నా పాత్ర కొంచెం నెగటివ్‌ షేడ్స్‌లో ఉంటుంది. ప్రతినాయక పాత్రలంటే ఇష్టం. వాటికి నేను బాగా సరిపోతానన్నది నా ఫీలింగ్‌. పాత్ర నన్ను ఎగై్జట్‌ చేస్తే చేస్తా.

‘‘సినిమాలపై ఆసక్తితో అడివి శేష్‌ అమెరికా నుంచి ఇక్కడకు వచ్చాడు. ‘క్షణం’ తర్వాత చేసిన చిత్రమిది. విజువల్స్‌ చూస్తేనే సినిమా ఏంటో అర్థం చేసుకోవచ్చు. 160 రోజుల్లో 168 లొకేషన్స్‌లో ‘గూఢచారి’ చిత్రం షూట్‌ చేయడం గొప్ప విషయం’’ అని నిర్మాత డి.సురేశ్‌ బాబు అన్నారు. అడివి శేష్, శోభితా ధూళిపాళ్ల జంటగా శశి కిరణ్‌ తిక్క దర్శకత్వంలో తెరకెక్కిన చిత్రం ‘గూఢచారి’. అభిషేక్‌ నామా, టి.జి.విశ్వప్రసాద్, అభిషేక్‌ అగర్వాల్‌ నిర్మించిన ఈ సినిమా నేడు విడుదలవుతోంది. ఈ సందర్భంగా నిర్వహించిన ప్రీ రిలీజ్‌ ఫంక్షన్‌లో అడివి శేష్‌ మాట్లాడుతూ– ‘‘డైరెక్టర్‌ శశితో నేను సింక్‌ కావడానికి టైమ్‌ పట్టింది. తనను నేను నమ్మితే... తను నన్ను నమ్మాడు. శ్రీచరణ్‌ పాకాల ఈ చిత్రానికి హీరో అనొచ్చు. అద్భుతమైన రీ రికార్డింగ్‌ ఇచ్చాడు. ఈ సినిమాను హిందీ, తమిళంలో రీమేక్‌ చేయాలనుకుంటున్నారు’’ అన్నారు. ‘‘శేష్‌ విజన్‌ని నేను షేర్‌ చేసుకోగలనా? అనుకున్నాను. 10 నెలలు నేను, రాహుల్, శేష్‌ కలిసి స్క్రిప్ట్‌ రాశాం. మధ్య మధ్యలో అబ్బూరి రవిగారిని కలిసేవాళ్లం. ఆయన దగ్గర రియల్‌ ఫిల్మ్‌ స్కూల్‌ అంటే ఏంటో నేర్చుకున్నా’’ అన్నారు శశికిరణ్‌ తిక్క. ‘‘నేను తెలుగమ్మాయినే. తెలుగులో నాకిది ఫస్ట్‌ మూవీ. మంచి టీమ్‌తో పనిచేశాననే ఫీలింగ్‌ కలిగింది’’ అన్నారు శోభితా దూళిపాళ్ల.  ‘‘గూఢచారి’ వంటి మంచి సినిమాలు మరిన్ని చేయాలనుకుంటున్నాం’’ అన్నారు టి.జి. విశ్వప్రసాద్‌. ‘‘ఈ సినిమా టీజర్‌ చూసి థ్రిల్‌ అయ్యాను. అంత తక్కువ బడ్జెట్‌లో ఇంత మంచి సినిమా చేయడం కుదురుతుందా? నేనైతే చేయలేను. 20–30 కోట్ల రూపాయల సినిమాలా అనిపిస్తో్తంది’’ అని ఈ చిత్రాన్ని విడుదల చేస్తున్న నిర్మాత అనిల్‌ సుంకర అన్నారు.  డైరెక్టర్‌ నాగ్‌ అశ్విన్, రచయిత కోన వెంకట్, డైరెక్టర్‌ బాబీ, నిర్మాత భరత్‌ చౌదరి పాల్గొన్నారు.

‘‘క్షణం’ రిలీజ్‌ తర్వాత ఓ 50 సినిమాలకు ఆఫర్‌ వచ్చింది. కానీ ఆ కథలు  నచ్చక ఒప్పుకోలేదు. మనసుకు నచ్చిన సినిమా చేస్తే అది ఫ్లాప్‌ అయినా సంతృప్తి ఉంటుంది. నచ్చని సినిమా చేసి, అది ఫ్లాప్‌ అయితే చాలా బాధగా ఉంటుంది. ‘క్షణం’ రిలీజ్‌ అయిన 20 రోజులకు ‘గూఢచారి’కి సంతకం చేశా’’ అని అడవి శేష్‌ అన్నారు. ఆయన హీరోగా నటించి, కథ అందించిన చిత్రం ‘గూఢచారి’. శోభిత ధూళిపాళ కథానాయిక. శశికిరణ్‌ తిక్క దర్శకత్వంలో అభిషేక్‌ నామా, టీజీ విశ్వప్రసాద్, అభిషేక్‌ అగర్వాల్‌ నిర్మించారు. ఏకే ఎంటర్‌టైన్‌మెంట్స్‌పై అనిల్‌ సుంకర ఈ శుక్రవారం ఈ సినిమాను విడుదల చేస్తున్నారు. ఈ సందర్భంగా అడవి శేష్‌ చెప్పిన చిత్ర విశేషాలు. ► నేను హీరోగా నటించి దర్శకత్వం వహించిన ‘కిస్‌’ విడుదల తర్వాత కొందరు నాతో ‘డైరెక్షన్‌ లేదా యాక్టింగ్‌.. ఏదో ఒకటే చేయండి. రెండూ కష్టం’ అన్నారు. కరెక్టే అనిపించింది. అప్పటి నుంచి డైరెక్షన్‌ చేయలేదు. నా డైరెక్షన్‌లో నేను నటించను. ► పది నెలలు కష్టపడి ‘గూఢచారి’ కథ రాశా. గతంలో నా సినిమా విడుదలవుతోందంటే ప్రేక్షకులకు నచ్చుతుందో? లేదో? అని నెర్వస్‌గా ఉండేది. కానీ నా కెరీర్‌లో ఫస్ట్‌ టైమ్‌ ‘గూఢచారి’ విషయంలో ప్రశాంతంగా ఉన్నా. సినిమా రషెస్‌ చూసిన వారి ఉత్సాహం చూస్తుంటే నెర్వస్‌నెస్‌ పోయి కాన్ఫిడెన్స్‌ వచ్చింది. ► ఓ సామాన్య స్టూడెంట్‌ ‘గూఢచారి’గా ఎలా మారాడు? అన్నదే కథ. ‘గూఢచారి 116’లో కృష్ణగారి కౌబాయ్‌ పాత్ర నన్ను ప్రభావితం చేసింది. మా సినిమాలో నటించమని ఆయన్ని అడిగాం. ఇప్పుడు నేను నటించడం లేదు అన్నారు. ► నా సినిమా, రాహుల్‌ చేసిన ‘చి..ల..సౌ’ శుక్రవారం విడుదలవుతుండటం పోటీగా భావించం. మా కలలు నెరవేర్చుకుంటున్నామనే సంతోషం. ‘చి..ల..సౌ’ చాలా బాగుంది. ► ప్రస్తుతం నేను చేస్తున్న ‘టు స్టేట్స్‌’ రీమేక్‌ 50 శాతం çపూర్తయింది. ఆ తర్వాత రామ్‌జీతో పీవీపీ బ్యానర్‌లో ఓ సినిమా, మరో కొత్త డైరెక్టర్‌తో మరో సినిమా ఉంటుంది.

ఇంట గెలిచి రచ్చ గెలవాలంటారు. కొందరి విషయంలో ఇది రివర్స్‌లో జరుగుతుంది. తెలుగమ్మాయి శోభిత ధూళిపాళ ముందు రచ్చ గెలిచి, ఇప్పుడు ఇంట గెలవడానికి రెడీ అయ్యారు. అడవి శేష్‌ హీరోగా శశికిరణ్‌ తిక్క దర్శకత్వంలో రూపొందిన ‘గూఢచారి’లో ఆమె  కథానాయికగా నటించారు. ఆగస్టు 3న ఈ చిత్రం రిలీజ్‌ కానుంది. ఈ సందర్భంగా శోభిత గురించి కొన్ని విశేషాలు.. తెనాలికి చెందిన శాంతాకామాక్షి, వేణుగోపాలరావు దంపతులకు 1992లో జన్మించారు శోభిత. తండ్రి మెరైన్‌ ఇంజినీర్‌. వృత్తిరీత్యా విశాఖకు మకాం మార్చారు. శోభిత ముంబైలో చదువుకున్నారు. కామర్స్‌లో డిగ్రీ చేసిన శోభిత, సింబయాసిస్‌ యూనివర్శిటీలో ఎకనామిక్స్‌లో పీజీలో చేరారు. చిన్నతనంలోనే కూచిపూడి, భరతనాట్యం నేర్చుకున్న శోభితకు విభిన్న రంగాల్లో ప్రవేశం, విజయం సాధించాలనేది ఆసక్తి. 2013లో బెంగళూరులో ఫెమీనా మిస్‌ ఇండియా పోటీలో ‘మిస్‌ ఇండియా ఎర్త్‌’ కిరీటాన్ని గెలుచుకున్నారు. మిస్‌ టాలెంటెడ్, మిస్‌ డ్యాన్సింగ్‌ క్వీన్, మిస్‌ ఎటిమెస్‌ డిజిటల్‌ దివా బహుమతులను గెలుచుకున్నారు. ఫిలిప్పైన్స్‌లో జరిగిన మిస్‌ ఎర్త్‌–2013 పోటీలకు ప్రాతినిధ్యం వహించారు. మిస్‌ ఫొటోజెనిక్, మిస్‌ ఎకో బ్యూటీ, మిస్‌ టాలెంట్‌ అవార్డులను గెలిచారామె. మోడల్‌గా అవకాశాల వెల్లువ రచ్చ గెలిచి ఇంట గెలిచేందుకు వచ్చినట్టుగా బాలీవుడ్‌లో గుర్తింపు తెచ్చుకుని టాలీవుడ్‌లో ఎంట్రీ ఇస్తున్నారు శోభిత. 2014 కింగ్‌ఫిషర్‌ క్యాలెండర్‌లో మెరిసిన శోభితకు ఫ్యాషన్‌ ప్రపంచం ఆహ్వానం పలికింది. జాతీయస్థాయిలో పలు అగ్రశ్రేణి పత్రికలు ఆమె ఫొటోలను ప్రచురించాయి. ప్రముఖ ఫ్యాషన్, జ్యూవెలరీ డిజైనర్ల ఫ్యాషన్‌ షోలు, భారీ అవార్డు ఫంక్షన్లు శోభితకు రెడ్‌ కార్పెట్‌ పరిచాయి. రాష్ట్రంలోని ఓ ప్రముఖ  వస్త్రపరిశ్రమకు బ్రాండ్‌ అంబాసిడర్‌గా చేశారు.   హిందీలో తొలి అడుగు బాలీవుడ్‌లో అదృష్టాన్ని పరీక్షించుకోవాలని చూసిన శోభితకు తొలి ఆడిషన్స్‌లోనే దర్శకుడు అనురాగ్‌ కశ్యప్‌ ‘రామన్‌ రాఘవ్‌ 2.0’ సినిమాలో లీడ్‌ రోల్‌ దక్కింది. ఈ చిత్రంలో  శోభిత నటనకు ‘క్రిటిక్స్‌ ఛాయిస్‌ బెస్ట్‌ ఫెర్ఫార్మెన్స్‌’ లభించింది. తర్వాత అక్షయవర్మ దరకత్వంలో ‘కాలాకాండీ’ సినిమా చేశారామె. ప్రస్తుతం గీతూ మోహన్‌దాస్‌ హిందీ, మలయాళ భాషల్లో తెరకెక్కిస్తున్న ‘మూథూన్‌’ సినిమాలో శోభిత సెక్స్‌వర్కర్‌గా నటిస్తున్నారు. ‘దృశ్యం’ సినిమా దర్శకుడు హిందీలో తొలిసారిగా తీస్తున్న ‘ది బాడీ’ సినిమాలోనూ ఇమ్రాన్‌ హష్మీ, రిషికపూర్‌తో నటిస్తున్నారు.   మాతృభాషలో సినిమా ఎప్పుడూ స్పెషలే ‘‘సొంత భాషలో సినిమా అవకాశమంటే స్పెషలే. నా తొలి హిందీ సినిమా విడుదలయ్యాక ‘గూఢచారి’ కోసం ఫోన్‌ చేశారు. భిన్నమైన థీమ్‌ కావటంతో అంగీకరించా. దర్శకత్వం నుంచీ అన్ని విభాగాల్లో అందరూ కష్టపడ్డారు. మంచి రిజల్ట్‌ వస్తుంది. తెలుగు పరిశ్రమలో పరిచయాల్లేవు. చాన్స్‌ వచ్చినపుడు నిరూపించుకోవాలనుకున్నా. తొలి సినిమానే సంతృప్తినిచ్చింది. మంచి కథ ఉన్నపుడు అన్ని పాత్రలూ ఎలివేట్‌ అవుతాయి. ఇప్పుడు తెలుగులో మంచి సినిమాలు వస్తున్నాయి. నాకైతే తెలుగుతో సహా అన్ని భాషల్లోనూ సినిమాలు చేయాలనుంది. భాషలు వేరైనా మనిషి ఎమోషన్స్‌ ఒకేలా ఉంటాయి కదా.   – బి.ఎల్‌. నారాయణ (సాక్షి, తెనాలి)

‘‘లాస్ట్‌ టైమ్‌ నేను ‘అర్జున్‌ రెడ్డి’ ట్రైలర్‌ రిలీజ్‌ చేశాను. అది సూపర్‌ హిట్‌. శేష్‌ అద్భుతమైన నటుడు. ఎందుకో తనకు రావాల్సినంత గుర్తింపు రావడం లేదని ఫీల్‌ అయ్యేవాణ్ని. కానీ ఆ లోటు ‘గూ«ఢచారి’ సినిమా తీరుస్తుంది. ఇది శేష్‌కి  కరెక్ట్‌ సినిమా’’ అని హీరో నాని అన్నారు.  ‘క్షణం’ తర్వాత హీరో అడవి శేష్‌ కథను అందించి, నటించిన చిత్రం ‘గూఢచారి’. శశికిరణ్‌ తిక్క దర్శకత్వంలో అభిషేక్‌ నామా, టి.జి. విశ్వప్రసాద్, అభిషేక్‌ అగర్వాల్‌ సంయుక్తంగా నిర్మించారు. శోభిత ధూళిపాళ్ల కథానాయికగా నటించారు. ఏకే ఎంటర్‌టైన్‌మెంట్స్‌ ద్వారా ఆగస్ట్‌ 3న ఈ చిత్రాన్ని అనిల్‌ సుంకర రిలీజ్‌ చేయనున్నారు. శుక్రవారం ఈ చిత్రం టీజర్‌ను హీరో నాని రిలీజ్‌ చేసి, మాట్లాడుతూ – ‘‘శేష్‌ ఏ సినిమా గురించి అయినా సోషల్‌ మీడియాలో చాలా పాజిటివ్‌గా మాట్లాడతాడు. అలాంటి వ్యక్తికి నేను సపోర్ట్‌గా ఉండాలని ఈ ఫంక్షన్‌కు వచ్చాను. ట్రైలర్‌ అదిరిపోయింది. ఫొటోగ్రఫీ, ఎడిటింగ్, రీ రికార్డింగ్, పెర్ఫార్మెన్స్‌ అన్నీ అద్భుతంగా ఉన్నాయి.  ట్రైలరే ఈ రేంజ్‌లో ఉంటే సినిమా ఏ రేంజ్‌లో ఉంటుందో? ప్రేక్షకులు ఈ సినిమాను బ్లాక్‌ బస్టర్‌ చేయాలని కోరుకుంటున్నాను’’ అన్నారు. ‘‘టీజర్‌కు మంచి రెస్పాన్స్‌ వచ్చింది. ట్రైలర్‌లో మా సినిమా కంటెంట్‌ ఏంటి అనేది చూపిస్తున్నాం. సాధారణ కాలేజ్‌ స్టూడెంట్‌ గూఢచారిలా మారితే ఎలా ఉంటుంది? అనేది మా చిత్రం కాన్సెప్ట్‌. చాలా నెర్వస్‌గా ఉంది. సినిమా ఇంత బాగా రావడానికి మా టీమ్‌ ముఖ్య కారణం. అందరం రాత్రీ పగలు కష్టపడ్డాం. ట్రైలర్‌ రిలీజ్‌ చేసినందుకు నానికి స్పెషల్‌ థ్యాంక్స్‌’’ అన్నారు అడవి శేష్‌. ‘‘ టీమ్‌ అంతా కమిట్‌మెంట్‌తో వర్క్‌ చేశారు. ఇలాంటి చిత్రాన్ని మా బ్యానర్‌ ద్వారా రిలీజ్‌ చేయడం ఆనందంగా ఉంది’’ అన్నారు అనిల్‌ సుంకర.  ఈ చిత్రానికి సంగీతం : శ్రీచరణ్‌ పాకల, మాటలు: అబ్బూరి రవి, కెమెరా : షానీ డియోల్‌.

‘అక్కడ అమ్మాయి ఇక్కడ అబ్బాయి’ చిత్రంతో టాలీవుడ్‌కి హీరో, హీరోయిన్లుగా పరిచయమయ్యారు పవన్‌ కల్యాణ్, సుప్రియ. ఆ సినిమాలో తన నటనతో ప్రేక్షకులను మెప్పించిన సుప్రియ తర్వాత నటనకు ఫుల్‌స్టాప్‌ పెట్టి, సినిమా నిర్మాణం చూసుకుంటున్నారు. దాదాపు రెండు దశాబ్దాల తర్వాత సుప్రియ మళ్లీ నటనవైపు అడుగులేసి ‘గూఢచారి’ సినిమాతో రీ–ఎంట్రీ ఇస్తున్నారు. అడివి శేష్, మిస్‌ ఇండియా శోభిత ధూళిపాళ్ల జంటగా శశికిరణ్‌ తిక్క దర్శకత్వంలో ఈ చిత్రం తెరకెక్కింది. అభిషేక్‌ నామా, టీజీ విశ్వప్రసాద్, అభిషేక్‌ అగర్వాల్‌ నిర్మించిన ఈ చిత్రంలో సుప్రియ కీలక పాత్ర చేశారు. ఈ చిత్రంలో ఆమె పోషించిన నదియా ఖురేషి పాత్ర లుక్‌ను గురువారం విడుదల చేశారు. ‘‘త్రినేత్ర అనే సీక్రెట్‌ ఏజెన్సీకి వర్క్‌ చేసే మిస్టీరియస్‌ ఏజెంట్‌గా ఆమె కనిపిస్తారు. రా ఏజెన్సీలో డిప్యూటీ డైరెక్టర్‌ ఆఫ్‌ చీఫ్‌ టాస్క్‌ ఇన్వెస్టిగేషన్‌ డిపార్ట్‌మెంట్‌లో ఉంటూ 92 ఎఫ్‌ఎస్‌ తుపాకీని క్యారీ చేస్తుంటారు. సుప్రియ పాత్ర ప్రత్యేక ఆకర్షణగా నిలవడమే కాదు.. సినిమాకి కీలకం. పోస్ట్‌ ప్రొడక్షన్‌ పనులు శరవేగంగా జరుగుతున్నాయి. ఆగస్ట్‌ 3న సినిమా విడుదల చేస్తాం’’ అని చిత్రబృందం పేర్కొంది. ఈ చిత్రానికి కెమెరా: షానిల్‌ డియో, సంగీతం: శ్రీచరణ్‌ పాకాల, ఎగ్జిక్యూటివ్‌ ప్రొడ్యూసర్‌: కిట్టు సూర్యన్, సహ నిర్మాత: వివేక్‌ కూచిభొట్ల.

‘‘గూఢచారి’ చిత్రం టీజర్‌ చాలా బాగుంది. సినిమా హై బడ్జెట్‌లో తీసినట్లు రిచ్‌గా ఉంది. ఈ చిత్రం టీజర్‌ లాంచ్‌ చెయ్యడం వెరీ హ్యాపీ. ‘క్షణం’ సినిమాలాగే ‘గూఢచారి’ కూడా పెద్ద హిట్‌ అవ్వాలి. ఈ సినిమా కోసం అందరిలాగే నేనూ వేచి చేస్తున్నా’’ అని కథానాయిక సమంత అన్నారు. అడవి శేష్‌ హీరోగా శశికిరణ్‌ దర్శకత్వంలో తెరకెక్కిన చిత్రం ‘గూఢచారి’. ఈ చిత్రం ద్వారా తెలుగమ్మాయి, మోడల్‌ శోభిత హీరోయిన్‌గా పరిచయమవుతున్నారు. అభిషేక్‌ నామా, టి.జి. విశ్వప్రసాద్, అభిషేక్‌ అగర్వాల్‌ నిర్మించిన ఈ సినిమా టీజర్‌ని సమంత విడుదల చేసారు. అడవి శేష్‌ మాట్లాడుతూ– ‘‘డైరెక్టర్‌ శశి ఈ సినిమాను గొప్పగా తెరకెక్కించారు. విజువల్స్‌ ప్రేక్షకులను అలరిస్తాయి. 168 లొకేషన్స్‌లో ఈ చిత్రం తీశాం. మంచి బడ్జెట్‌ ఇచ్చి మాకు సహకరించిన నిర్మాతలకు థ్యాంక్స్‌. ‘గూఢచారి’ సినిమా ప్రేక్షకులను థ్రిల్‌ చేయబోతోంది’’ అన్నారు. ‘‘ఈ సినిమా చెయ్యడానికి సహకరించిన నిర్మాతలకు, టెక్నీషియన్స్‌కు కృతజ్ఞతలు. సినిమా బాగా వచ్చింది. టీజర్‌కు మంచి రెస్పాన్స్‌ వచ్చింది’’ అన్నారు శశికిరణ్‌. ‘‘160 రోజుల్లో ఈ సినిమా చిత్రీకరించాం. అవుట్‌పుట్‌ చూసా. సినిమా బాగా వచ్చింది. ఆగస్టు 3న రిలీజ్‌ చేస్తున్నాం’’ అన్నారు అభిషేక్‌ నామా. నిర్మాత అనిల్‌ సుంకర, మాటల రచయిత అబ్బూరి రవి పాల్గొన్నారు. ఈ చిత్రానికి  కెమెరా: శనీల్‌ డియో, సంగీతం: శ్రీ చరణ్‌ పాకాల, ఎగ్జిక్యూటివ్‌ ప్రొడ్యూసర్‌: కిట్టు సూర్యన్, సహ నిర్మాత: వివేక్‌ కూచిభొట్ల.

ఎటువంటి రహస్యాలనైనా ఇట్టే శోధించగలిగే గూఢచారి అతడు. తను చేసిన సాహసాలను చూడాలంటే ఆగస్ట్‌ 3 వరకూ ఆగాల్సిందే అని అడవి శేష్‌ అంటున్నారు. అడవి శేష్, శోభిత ధూలిపాళ్ల జంటగా నూతన దర్శకుడు శశికరణ్‌ తిక్కా రూపొందించిన చిత్రం ‘గూఢచారి’. అభిషేక్‌ పిక్చర్స్, పీపుల్స్‌ మీడియా ఫ్యాక్టరీ సంయుక్తంగా నిర్మించాయి. ఈ సినిమాను ఆగస్ట్‌ 3న రిలీజ్‌ చేయనున్నారు. ‘‘షూటింగ్‌ కంప్లీట్‌ అయింది. ప్రస్తుతం పోస్ట్‌ ప్రొడక్షన్‌ పనులు జరుగుతున్నాయి. అమెరికా, హిమాచల్‌ ప్రదేశ్, పూణే, ఢిల్లీలో షూటింగ్‌ జరిపాం. ‘అక్కడ అమ్మాయి ఇక్కడ అబ్బాయి’ హీరోయిన్‌ సుప్రియ యార్లగడ్డ ఈ సినిమా ద్వారా రీ–ఎంట్రీ ఇవ్వనున్నారు. ఆమె ఓ మంచి పాత్ర చేశారు’’ అని చిత్రబృందం పేర్కొంది. ఈ సినిమాకు సంగీతం: శ్రీచరణ్‌ పాకాల. కెమెరా: షనీల్‌ డియో.

అడివి శేష్, మిస్‌ ఇండియా శోభిత ధూళిపాళ్ల జంటగా నటిస్తోన్న చిత్రం ‘గూఢచారి’. శశికిరణ్‌ తిక్క దర్శకత్వంలో పీపుల్‌ మీడియా ఫ్యాక్టరీ నేతృత్వంలో అభిషేక్‌ పిక్చర్స్‌–విస్టా డ్రీమ్‌ మర్చంట్స్‌ సంస్థలు నిర్మిస్తున్న ఈ సినిమా తాజా షెడ్యూల్‌ అమెరికాలో జరుగుతోంది. అడివి శేష్‌ ఈ చిత్రానికి కథ అందించడం విశేషం. నిర్మాతలు అభిషేక్‌ నామా, టీజీ విశ్వప్రసాద్, అభిషేక్‌ అగర్వాల్‌ మాట్లాడుతూ– ‘‘ఇప్పటివరకూ తెలుగు తెరపై చూడని కొత్త కాన్సెప్ట్‌తో ‘గూఢచారి‘ తెరకెక్కుతోంది. అడివి శేష్‌ గూఢచారి పాత్రను అద్భుతంగా చేస్తున్నారు. ఫస్ట్‌ లుక్‌ పోస్టర్‌కి మంచి స్పందన వచ్చింది.  ఈ చిత్రం ప్రేక్షకులకు సరికొత్త సినిమాటిక్‌ ఎక్స్‌పీరియన్స్‌ను ఇస్తుంది. వేసవిలో విడుదల చేస్తాం’’ అన్నారు. ఈ చిత్రానికి కెమెరా: షానిల్‌ డియో, మాటలు: అబ్బూరి రవి, సంగీతం: శ్రీచరణ్‌ పాకాల, సహ నిర్మాత: వివేక్‌ కూచిభొట్ల.

‘క్షణం’ లాంటి ట్రెండ్ సెట్టింగ్ హిట్ తరువాత అడివి శేష్ కథానాయకుడిగా నటిస్తున్న సినిమా ‘గూఢచారి’.. పీపుల్ మీడియా ఫ్యాక్టరీ తో పాటు అభిషేక్ పిక్చర్స్-విస్టా డ్రీమ్ మర్చంట్స్ సంస్థలు సంయుక్తంగా నిర్మిస్తున్న ఈ చిత్రానికి శశికిరణ్ తిక్క దర్శకుడు. అడివి శేష్ ఈ చిత్రానికి కథ సమకూర్చగా.. మిస్ ఇండియా శోభిత ధూళిపాళ్ళ కథానాయికగా నటిస్తోంది. ఈ చిత్రం తాజా షెడ్యూల్ అమెరికాలో జరుగుతోంది. ఈ సందర్భంగా నిర్మాతలు అభిషేక్ నామా - టిజి విశ్వప్రసాద్ - అభిషేక్ అగర్వాల్  మాట్లాడుతూ.. ‘ఇప్పటివరకూ తెలుగు తెరపై చూడని సరికొత్త కాన్సెప్ట్ తో ‘గూఢచారి’ తెరకెక్కుతోంది. అడివి శేష్ ఈ చిత్రంలో ఒక స్పై పాత్రలో కనిపించనున్నారు. ఇప్పటికే విడుదలై ఫస్ట్ లుక్ పోస్టర్ కి మంచి రెస్పాన్స్ వచ్చింది. ప్రస్తుతం అమెరికాలో కీలక సన్నివేశాల చిత్రీకరణ జరుగుతోంది. హై టెక్నికల్ వేల్యూస్ తో తెరకెక్కుతున్న ఈ చిత్రం ప్రేక్షకులకు ఒక సరికొత్త సినిమాటిక్ ఎక్స్ పీరియన్స్ ను ఇస్తుంది. వేసవి కానుకగా ‘గూఢచారి’ సినిమా విడుదల చేయనున్నాం’ అన్నారు.

దాదాపు 22 సంవత్సరాల తర్వాత కమ్‌బ్యాక్‌ ఇవ్వబోతున్నారు సుప్రియ. ‘అక్కడ అమ్మాయి ఇక్కడ అబ్బాయి’ సినిమాతో వెండితెరకు పరిచయం అయిన సుప్రియ ఆ తర్వాత కథానాయికగా చేయలేదు. నటనకు బ్రేక్‌ ఇచ్చేశారు. కానీ సినిమాలకు దూరం కాలేదు. కొన్ని సంవత్సరాలుగా ‘అన్నపూర్ణ స్టూడియోస్‌’ బ్యానర్‌లో వస్తున్న సినిమాలకు నిర్మాతగా వ్యవహరిస్తున్నారు సుప్రియ. తెరవెనక ఈ బాధ్యతను సుప్రియ చాలా సమర్థవంతంగా చేస్తుంటుందని పలు సందర్భాల్లో ఆమె మేనమామ, హీరో నాగార్జున పేర్కొన్నారు. ఇప్పుడు సుప్రియ మళ్లీ తెరపైకి రానున్నారు. అడవి శేష్, శోభిత హీరో హీరోయిన్లుగా తెరకెక్కుతున్న ‘గూఢచారి’ సినిమాలో సుప్రియ నటిస్తున్నారు. ఏజెంట్‌ పాత్రలో కనిపిస్తారామె. శశికాంత్‌ టిక్కా దర్శకత్వం వహిస్తున్న ఈ సినిమాకు అడవి శేషే కథ అందించారు. అభిషేక్‌ పిక్చర్స్‌ పతాకం పై అభిషేక్‌ నామా ఈ సినిమాను నిర్మిస్తున్నారు. ఈ నెల 14న ఈ సినిమా ఫస్ట్‌ లుక్‌ విడుదల కానుంది.

గన్నులోంచి బుల్లెట్‌ బయటకొచ్చింది! బట్, అదెవరి మీదకు గురి పెట్టింది? అనేదే టాపిక్‌! ‘క్షణం’ వంటి సూపర్‌హిట్‌ తర్వాత అడివి శేష్‌ హీరోగా నటించిన సినిమా ‘గూఢచారి’. శనివారం ఈ సినిమా టైటిల్‌ లోగో, కాన్సెప్ట్‌ పోస్టర్‌ను విడుదల చేశారు. టైటిల్‌ కింద ‘త్రినేత్ర 116’ను క్యాప్షన్‌ టైపులో బార్‌కోడ్‌తో డిజైన్‌ చేశారు. టైటిల్‌ అండ్‌ కాన్సెప్ట్‌ పోస్టర్‌ డిజైన్‌లోనే హీరో ‘స్పై’ క్యారెక్టర్‌ చేస్తున్నాడనేది క్లియర్‌! అయితే... గూఢచారి ఎవర్ని టార్గెట్‌ చేశాడనేది కథ! అదెప్పుడు చెబుతారో? శశికిరణ్‌ తిక్క దర్శకత్వంలో అభిషేక్‌ పిక్చర్స్, విస్టా డ్రీమ్‌ మర్చంట్స్, పీపుల్స్‌ మీడియా ఫ్యాక్టరీ సంస్థలు సంయుక్తంగా నిర్మించిన ఈ సినిమాలో మాజీ మిస్‌ ఇండియా, తెలుగమ్మాయి శోభితా ధూళిపాళ హీరోయిన్‌గా నటించారు. ‘‘హై టెక్నికల్‌ వేల్యూస్‌తో వంద రోజుల్లో సినిమా చిత్రీకరణ పూర్తి చేశాం. వచ్చే ఏడాది వేసవిలో సినిమాను, ఈ డిసెంబర్‌ 17న సినిమా ఫస్ట్‌ లుక్‌ విడుదల చేస్తాం’’ అని చిత్రనిర్మాతలు తెలిపారు. ఈ చిత్రానికి ప్రొడక్షన్‌ డిజైన్‌: శివంరావ్, ఎడిటర్‌: గ్యారీ బీహెచ్, కెమెరా: షానిల్‌ డియో, మాటలు: అబ్బూరి రవి, సంగీతం: శ్రీచరణ్‌ పాకాల, సహ నిర్మాత: వివేక్‌ కూచిభొట్ల, కథ: అడివి శేష్, నిర్మాతలు: అభిషేక్‌ నామా, టీజీ విశ్వప్రసాద్, అభిషేక్‌ అగర్వాల్‌.


 విలన్గా  క్యారెక్టర్ ఆర్టిస్ట్గా మంచి గుర్తింపు తెచ్చుకున్న అడవి శేష్, క్షణం సినిమాతో హీరోగానూ సక్సెస్ సాధించాడు. ఈ సినిమాతో కథ రచయితగా కూడా ఘన విజయం సాధించిన శేష్, తన నెక్ట్స్ సినిమా విషయంలో లాంగ్ గ్యాప్ తీసుకున్నాడు. క్షణం సక్సెస్ అయిన వెంటనే అభిషేక్ పిక్చర్స్ బ్యానర్లో ఓ సినిమాను ఎనౌన్స్ చేశాడు.
 
 ఆ సినిమాను శుక్రవారం లాంచనంగా ప్రారంభించారు. గూడచారి పేరుతో తెరకెక్కుతున్న ఈ సినిమాలో అడవి శేష్ ఆసక్తికరమైన పాత్రలో అలరించనున్నాడట. త్వరలోనే రెగ్యులర్ షూటింగ్కు వెళ్లనున్న ఈ సినిమాలో తెలుగమ్మాయి శోభితా దూళిపాల హీరోయిన్గా నటిస్తోంది. దర్శకద్వయం రాహుల్ పాకల, శశి కిరణ్లు డైరెక్ట్ చేస్తున్నారు.