వెస్టిండీస్‌తో జరుగుతున్న వన్డే సిరీస్‌లో టీమిండియా ఓపెనర్‌ ఇషాన్‌ కిషన్‌ హ్యాట్రిక్‌ అర్థసెంచరీతో మెరిశాడు. 43 బంతుల్లో అర్థసెంచరీ మార్క్‌ అందుకున్న ఇషాన్‌ కిషన్‌ ఓవరాల్‌గా 64 బంతుల్లో 77 పరుగులు చేసి ఔటయ్యాడు. అతని ఇన్నింగ్స్‌లో 8 ఫోర్లు, మూడు సిక్సర్లు ఉన్నాయి. ఒక దశలో గిల్‌ను ఒక ఎండ్‌లో నిల్చోబెట్టి వేగంగా ఆడిన ఇషాన్‌ సెంచరీ చేసేలా కనిపించాడు. అయితే కారియా బౌలింగ్‌లో స్టంప్‌ అవుట్‌గా వెనుదిరిగాడు. ఈ క్రమంలో ఇషాన్‌ కిషన్‌ అరుదైన రికార్డు సాధించాడు. ద్వైపాక్షిక మూడు మ్యాచ్‌ల వన్డే సిరీస్‌లో హ్యాట్రిక్‌ అర్థసెంచరీలు బాదిన ఆరో టీమిండియా క్రికెటర్‌గా ఇషాన్‌ కిషన్‌ నిలిచాడు. ఇషాన్‌ కంటే ముందు క్రిష్ణమాచారి శ్రీకాంత్‌ వర్సెస్‌ శ్రీలంక(1982), దిలీప్‌ వెంగ్‌సర్కార్‌ వర్సెస్‌ శ్రీలంక(1985), మహ్మద్‌ అజారుద్దీన్‌ వర్సెస్‌ శ్రీలంక(1993), ఎంఎస్‌ ధోని వర్సెస్‌ ఆస్ట్రేలియా(2019), శ్రేయాస్‌ అయ్యర్‌ వర్సెస్‌ న్యూజిలాండ్‌(2020) ఉన్నారు. ఇక టీమిండియా ప్రస్తుతం 25 ఓవర్లలో రెండు వికెట్ల నష్టానికి 175 పరుగులు చేసింది. గిల్‌ 61, సంజూ శాంసన్‌ 18 పరుగులతో ఆడుతున్నారు.  क्या किशन का यह फ़ॉर्म उन्हें विश्व कप की भारतीय प्लेइंग-XI में शामिल करवा पाएगा?#WIvIND #ishankishan pic.twitter.com/VmrLVqKrR5 — ESPNcricinfo हिंदी (@CricinfoHindi) August 1, 2023 చదవండి: WTC 2023-25: చివరి టెస్టులో విజయం.. ఆసీస్‌తో సమానంగా ఇంగ్లండ్‌

ఐపీఎల్‌ 16వ సీజన్‌లో ఆర్‌సీబీ స్టార్‌ విరాట్‌ కోహ్లి తన సూపర్‌ఫామ్‌ను కంటిన్యూ చేస్తున్నాడు. తాజాగా శనివారం ఢిల్లీ క్యాపిటల్స్‌తో మ్యాచ్‌లో కోహ్లి మరో అర్థసెంచరీతో మెరిశాడు. ఈ సీజన్‌లో కోహ్లికి ఇది ఆరో ఫిఫ్టీ కావడం విశేషం.  ఈ క్రమంలో కోహ్లి ఐపీఎల్‌లో 50వ అర్థశతకం సాధించి కొత్త రికార్డు అందుకున్నాడు. వార్నర్‌ తర్వాత ఐపీఎల్‌లో 50 ఫిఫ్టీలు సాధించిన రెండో క్రికెటర్‌గా.. టీమిండియా తరపున తొలి క్రికెటర్‌గా కోహ్లి చరిత్రకెక్కాడు. వార్నర్‌ 172 మ్యాచ్‌ల్లో 59 అర్థశతకాలు సాధించి తొలి స్థానంలో ఉండగా.. కోహ్లి 233 మ్యాచ్‌ల్లో 50 అర్థశతకాలు అందుకున్నాడు. వీరిద్దరి తర్వాత శిఖర్‌ ధావన్‌ 49 అర్థసెంచరీతో మూడో స్థానంలో, రోహిత్‌ శర్మ 41 అర్థసెంచరీలతో నాలుగో స్థానంలో, ఏబీ డివిలియర్స్‌ 40 అర్థసెంచరీలతో ఐదో స్థానంలో ఉన్నాడు. దీంతో పాటు మరో రికార్డు కూడా కోహ్లి తన ఖాతాలో వేసుకున్నాడు. ఐపీఎల్‌లో ఢిల్లీ క్యాపిటల్స్‌పై వెయ్యి పరుగులు పూర్తి చేసుకున్నాడు. ఢిల్లీపై తొమ్మిదో అర్థసెంచరీ సాధించిన కోహ్లి.. ఢిల్లీ క్యాపిటల్స్‌పై అత్యధిక హాఫ్‌ సెంచరీలు సాధించిన తొలి బ్యాటర్‌గా కోహ్లి నిలిచాడు.  The 'boy from Delhi' is putting up a stellar show against the Capitals 😍#DCvRCB #TATAIPL #IPLonJioCinema pic.twitter.com/trldI0zEN0 — JioCinema (@JioCinema) May 6, 2023 చదవండి:'ఎక్కడ తగ్గాలో తెలిసినోడు'.. చిన్ననాటి కోచ్‌ కాళ్లు మొక్కి 

టీమిండియా గబ్బర్‌ శిఖర్‌ ధావన్‌ ఐపీఎల్‌లో సరికొత్త చరిత్ర సృష్టించాడు. బుధవారం రాజస్తాన్‌ రాయల్స్‌తో మ్యాచ్‌లో ధావన్‌ సూపర్‌ ఇన్నింగ్స్‌తో మెరిశాడు. ఇన్నింగ్స్‌ ఆఖరి వరకు నిలిచిన గబ్బర్‌ 56 బంతుల్లో 9 ఫోర్లు, మూడు సిక్సర్ల సాయంతో 86 నాటౌట్‌ వింటేజ్‌ ధావన్‌ను తలపించాడు. తొలుత ప్రబ్‌సిమ్రన్‌ సింగ్‌ రెచ్చిపోతుంటే తాను యాంకర్‌పాత్ర పోషించాడు. Photo: IPL Website ప్రబ్‌సిమ్రన్‌ ఔటైన తర్వాత ధావన్‌ తన ఆట మొదలుపెట్టాడు. చహల్‌ వేసిన ఇన్నింగ్స్‌ 14వ ఓవర్‌ నాలుగో బంతిని బౌండరీ బాదడం ద్వారా ధావన్‌ అర్థసెంచరీ మార్క్‌ అందుకున్నాడు.  ఈ క్రమంలోనే ఐపీఎల్‌లో ధావన్‌ అరుదైన మైలురాయిని చేరుకున్నాడు. ఐపీఎల్‌లో ధావన్‌కు ఇది 48వ అర్థసెంచరీ కాగా ఓవరాల్‌గా అతనికి ఇది 50వ 50ప్లస్‌ స్కోరు కావడం విశేషం. ఐపీఎల్‌లో డేవిడ్‌ వార్నర్‌(54 అర్థసెంచరీలు) తర్వాత అత్యధిక హాఫ్‌ సెంచరీలు బాదిన రెండో ఆటగాడిగా.. టీమిండియా తరపున తొలి బ్యాటర్‌గా ధావన్‌ నిలిచాడు. ఇక కింగ్‌ కోహ్లి 45 హాఫ్‌ సెంచరీలతో మూడో స్థానంలో కొనసాగుతున్నాడు. ఇక రాజస్తాన్‌ రాయల్స్‌పై ధావన్‌కు ఇది ఏడో హాఫ్‌ సెంచరీ. Photo: IPL Website అయితే సీఎస్‌కేపై ధావన్‌ ఎనిమిది అర్థసెంచరీలు సాధించాడు. ఆ తర్వాత తాను ప్రస్తుతం ఆడుతున్న పంజాబ్‌ కింగ్స్‌, రాజస్తాన్‌ రాయల్స్‌పై ఏడు అర్థసెంచరీలు, ముంబై, కేకేఆర్‌, ఆర్‌సీబీలపై ఆరు అర్థసెంచరీలు సాధించాడు. ఇక రాజస్తాన్‌ రాయల్స్‌పై ధావన్‌ 22 మ్యాచ్‌ల్లో 126 స్ట్రైక్‌రేట్‌తో 576 పరుగులు సాధించాడు. తాజా మ్యాచ్‌లో 85 పరుగుల ఇ‍న్నింగ్స్‌ ధావన్‌కు అత్యధిక స్కోరుగా ఉంది. చదవండి: ధావన్‌కు అశ్విన్‌ వార్నింగ్‌.. వీడియో వైరల్‌ ధావన్‌ దెబ్బకు రిటైర్డ్‌హర్ట్‌.. ఐపీఎల్‌కు దూరమయ్యే చాన్స్‌! That's that from Match 8. @PunjabKingsIPL win their second game on the trot as they beat #RR by 5 runs. Scorecard - https://t.co/Cmk3rElYKu #TATAIPL #RRvPBKS #IPL2023 pic.twitter.com/R9j1jFpt5C — IndianPremierLeague (@IPL) April 5, 2023

వన్డే క్రికెట్‌ చరిత్రలో పాక్‌ బ్యాట్స్‌మెన్‌ బాబర్‌ ఆజం, ఇమాముల్‌ హక్‌లు అరుదైన ఫీట్‌ సాధించారు. తమ కెరీర్‌లోనే  ఈ ఇద్దరు భీకరమైన ఫామ్‌లో ఉన్నారు. కొడితే హాఫ్‌ సెంచరీ లేదంటే సెంచరీ అనేంతలా వీరిద్దరి ఇన్నింగ్స్‌లు ఉంటున్నాయి. తాజాగా వెస్టిండీస్‌తో జరుగుతున్న రెండో వన్డేలో బాబర్‌ అజం, ఇమాముల్‌ హక్‌లు హాఫ్‌ సెంచరీలతో మెరిశారు. కాగా ఈ ఇద్దరికి వరుసగా ఆరో అర్థశతకం కావడం విశేషం. వన్డే క్రికెట్‌ చరిత్రలో ఇలా ఒకేసారి ఇద్దరు పాక్‌ బ్యాట్స్‌మన్‌లు వరుసగా సమాన అర్థశతకాలు నమోదు చేయడం ఇదే మొదటిసారి. ఇక మ్యాచ్‌ విషయానికి వస్తే తొలుత బ్యాటింగ్‌ చేసిన పాకిస్తాన్‌ నిర్ణీత 50 ఓవర్లలో 8 వికెట్ల నష్టానికి 275 పరుగులు చేసింది. బాబర్‌ ఆజం 77, ఇమాముల్‌ హక్‌ 72 పరుగులు చేసి ఔటయ్యారు. చదవండి: PAK vs WI 2nd ODI: పాక్‌ కెప్టెన్‌పై తిట్ల దండకం.. వీడియో వైరల్‌

ఢిల్లీ క్యాపిటల్స్‌ ఓపెనర్‌ డేవిడ్‌ వార్నర్‌ ఐపీఎల్‌లో అరుదైన ఫీట్‌ సాధించాడు. ఆర్‌సీబీతో మ్యాచ్‌లో హాఫ్‌ సెంచరీతో మెరిసిన వార్నర్‌ 66 పరుగులు చేసి ఔటయ్యాడు. ఈ నేపథ్యంలో వార్నర్‌ ఒక రికార్డును అందుకున్నాడు. ఆర్‌సీబీపై తాజా దానితో కలిపి వార్నర్‌ 10 అర్థసెంచరీలు సాధించాడు. ఈ నేపథ్యంలో ఐపీఎల్‌ చరిత్రలో ఒకే జట్టుపై అత్యధిక అర్థసెంచరీలు సాధించిన బ్యాట్స్‌మన్‌గా వార్నర్‌ నిలిచాడు. ఈ జాబితాలో తొలి రెండు స్థానాలు వార్నరే ఉ‍న్నాడు. అంతకముంఉద పంజాబ్‌ కింగ్స్‌పై వార్నర్‌ 11 అర్థసెంచరీలు సాధించాడు. ఇక కోహ్లి సీఎస్‌కేపై ఇప్పటివరకు 9 అర్థసెంచరీలు సాధించి రెండో స్థానంలో ఉన్నాడు.  చదవండి: ఐపీఎల్‌ 2022 సీజన్‌ కోహ్లికి కలిసిరావడం లేదా!

Rohit Sharma creates Record in T20s: టి20 క్రికెట్‌లో రోహిత్‌ శర్మ అరుదైన రికార్డు సాధించాడు. టీ20ల్లో అత్యధిక సార్లు 50కుపైగా పరుగులు చేసిన విరాట్‌ కోహ్లి రికార్డును రోహిత్‌ సమం చేశాడు. రాంచీ వేదికగా న్యూజిలాండ్‌తో జరిగిన రెండో టీ20లో 55 పరుగులు చేసిన  హిట్‌మ్యాన్‌ ఈ ఘనత అందుకున్నాడు. రోహిత్‌ 118 ఇన్నింగ్స్‌ల్లో ఈ రికార్డును సాధించగా, కోహ్లి 95 ఇన్నింగ్స్‌ల్లోనే ఈ ఘనత సాధించాడు. రెండో స్ధానంలో పాక్‌ కెప్టెన్‌ బాబర్‌ ఆజాం ఉన్నాడు. కాగా టీ20ల్లో రోహిత్‌ 4 సెంచరీలు నమోదు చేయగా, కోహ్లి ఇప్పటివరకు ఒక్క సెంచరీ కూడా సాధించలేకపోయాడు. ఇక మ్యాచ్‌ విషయానికి వస్తే.. న్యూజిలాండ్‌పై భారత్‌ 7వికెట్ల తేడాతో ఘనవిజయం సాధించింది. దీంతో మూడు టీ20ల సిరీస్‌ను 2-0తో టీమిండియా కైవసం చేసుకుంది. చదవండి: IND Vs NZ 2nd T20 : రోహిత్‌ శర్మ పాదాలపై పడిన అభిమాని.. చివరకు ఏం జరిగిందంటే?

లండన్‌: ఇంగ్లండ్‌తో జరుగుతున్న నాలుగో టెస్టులో టీమిండియా ఆల్‌రౌండర్‌ శార్దూల్‌ ఠాకూర్‌ కొత్త రికార్డును అందుకున్నాడు. ఎనిమిదో స్థానంలో వచ్చి ఒకే టెస్టు మ్యాచ్‌లో రెండు అర్థసెంచరీలు సాధించిన నాలుగో టీమిండియా బ్యాట్స్‌మన్‌గా శార్దూల్‌ ఠాకూర్‌ నిలిచాడు. ఇంతకముందు హర్భజన్‌ సింగ్( వర్సెస్‌ న్యూజిలాండ్‌ , అహ్మదాబాద్‌, 2010); భువనేశ్వర్‌ కుమార్‌( వర్సెస్‌ ఇంగ్లండ్‌, నాటింగ్‌హమ్‌, 2014); వృద్ధిమాన్‌ సాహా( వర్సెస్‌ న్యూజిలాండ్‌, కోల్‌కతా, 2016) తొలి మూడు స్థానాల్లో ఉన్నారు. ఇక ఓవల్‌ టెస్టులో తొలి ఇన్నింగ్స్‌లో టీమిండియా ప్రధాన  బ్యాట్స్‌మన్‌ విఫలమైన చోట శార్దూల్‌ 37 బంతుల్లోనే 7 ఫోర్లు, 3 సిక్సర్లతో 57 పరుగులు చేశాడు. ఇక రెండో ఇన్నింగ్స్‌లోనూ కోహ్లి ఔటైన తర్వాత క్రీజులోకి వచ్చిన శార్దూల్‌ నిలకడైన ఆటతీరును ప్రదర్శించాడు. 72 బంతుల్లో 60 పరుగులు చేసి ఔటయ్యాడు. ఇక మ్యాచ్‌లో ప్రస్తుతం టీమిండియా 8 వికెట్ల నష్టానికి 435 పరుగులు చేసింది. ఓవరాల్‌గా ఇప్పటివరకు భారత్‌ 336 పరుగుల ఆధిక్యంలో ఉంది. బుమ్రా 9, ఉమేశ్‌ యాదవ్‌ 13 పరుగులతో ఆడుతున్నారు. చదవండి: Kohli Frustration: ఔటయ్యానన్న కోపంలో గోడను కొట్టిన కోహ్లి ENG Vs IND: బ్రాడ్‌మన్‌ తర్వాతి స్థానంలో రోహిత్‌ శర్మ We Call Him "LORD SHARDUL" For A Reason😌💙💙💙...Fearless & Aggressive😎💙💙💙...Well Played @imShard 🙌🏻💙...#LordShardul #ShardulThakur #ENGvINDpic.twitter.com/PsYueXD2WD — Bitan Sangram (@IAmBitan45) September 2, 2021 Indian No.8 or lower batsmen scoring two 50+ scores in a Test match: Harbhajan Singh v NZ, Ahmedabad, 2010 Bhuvneshwar Kumar v Eng, Nottingham, 2014 W Saha v NZ, Kolkata, 2016 Shardul Thakur v Eng, The Oval, 2021*#ENGvIND — Umang Pabari (@UPStatsman) September 5, 2021 Lord shardul 🙏🙏#INDvENG #BCCI @imShard pic.twitter.com/yJEtRlBsgR — Don Abhimanyu (@DonAbhimanyu_) September 5, 2021


 పల్లెకెలె: టీమిండియా ఓపెనర్ కేఎల్ రాహుల్ తన ఫామ్ ను కొనసాగిస్తున్నాడు. శ్రీలంకతో చివరిదైన మూడో టెస్టు తొలి ఇన్నింగ్స్ లో రాహుల్ (85;135 బంతుల్లో 8 ఫోర్లు) హాఫ్ సెంచరీ నమోదు చేశాడు. తద్వారా వరుసగా ఏడో హాఫ్ సెంచరీని రాహుల్ తన ఖాతాలో వేసుకున్నాడు. వరుస ఏడు టెస్టుల్లోనూ హాఫ్ సెంచరీలు సాధించిన తొలి భారత క్రికెటర్ గా రాహుల్ గుర్తింపు పొందాడు. అదే సమయంలో ఆ ఘనతను సాధించిన  ఆరో క్రికెటర్ గా రాహుల్ నిలిచాడు. అంతకుముందు ఈ ఘనత సాధించిన వారిలో ఎవర్టెన్ వీక్స్(వెస్టిండీస్), ఆండీ ఫ్లవర్(జింబాబ్వే), చందర్పాల్(వెస్టిండీస్), సంగక్కరా( శ్రీలంక), క్రిస్ రోజర్స్(ఆస్ట్రేలి్యా)లు ఉన్నారు.
 
 శ్రీలంకతో  మూడు టెస్టుల సిరీస్ లో భాగంగా తొలి టెస్టు మ్యాచ్ కు తీవ్ర జ్వరం కారణంగా రాహుల్ దూరమైన సంగతి తెలిసిందే. ఆపై రెండో టెస్టులో రాహుల్ హాఫ్ సెంచరీ సాధించాడు. తద్వారా వరుసగా ఆరు హాఫ్ సెంచరీలు సాధించిన మూడో భారత ఆటగాడిగా రాహుల్ గుర్తింపు పొందాడు.  భారత తరపున వరుసగా ఆరు టెస్టుల్లో అర్ధ శతకాలు చేసిన వారిలో గుండప్ప విశ్వనాథ్, రాహుల్ ద్రవిడ్ లు ఉన్నారు. భారత్ నుంచి వరుసగా ఏడు హాఫ్ సెంచరీలు సాధించిన ఏకైక క్రికెటర్ గా రాహుల్ రికార్డులకెక్కాడు. భారత గడ్డ మీద ఆస్ట్రేలియాతో జరిగిన టెస్టు సిరీస్‌లో రాహుల్ (90, 51, 67, 60, 51 నాటౌట్) వరుసగా ఐదు హాఫ్ సెంచరీలు సాధించాడు. అటు తరువాత శ్రీలంక సిరీస్ రాహుల్ కు మొదటిది. ఇక్కడ కూడా రాహుల్ తన నిలకడను కొనసాగిస్తూ భారత జట్టు  విజయాల్లో పాలు పంచుకుంటున్నాడు.


 కొలంబో: శ్రీలంకతో జరుగుతున్న రెండో టెస్టు సెకండ్ ఇన్నింగ్స్ లో భారత ఆటగాళ్లు మురళీ విజయ్, అజింక్య రహానే అర్ధసెంచరీలు సాధించారు. విజయ్ 104 బంతుల్లో 3 ఫోర్లతో హాఫ్ సెంచరీ పూర్తిచేశాడు. టెస్టుల్లో అతడికిది 11 అర్ధసెంచరీ. రహానే టెస్టుల్లో 8వ హాఫ్ సెంచరీ సాధించాడు. 118 బంతుల్లో 5 ఫోర్లతో అర్ధసెంచరీ బాదాడు. వీరిద్దరూ రెండో వికెట్ కు 228 బంతుల్లో 100 పరుగులు జోడించారు.
 
 భారత్ తన రెండో ఇన్నింగ్స్ లో 132/1 స్కోరుతో ఆట కొనసాగిస్తోంది. విజయ్(74), రహానే(55) క్రీజ్ లో ఉన్నారు. ఇప్పటివరకు లంకపై టీమిండియా 219 పరుగుల ఆధిక్యం సాధించింది.


 దూకుడుగా ఆడుతున్న ఓపెనర్ మురళీ విజయ్కి కెప్టెన్ విరాట్ కోహ్లీ తోడయ్యాడు. ఇక పరుగులు వరదలా రావడం మొదలైంది. ఓపెనర్ మురళీ విజయ్, కెప్టెన్ కోహ్లీ ఇద్దరూ అర్థసెంచరీలు పూర్తిచేశారు. చావో రేవో తేల్చుకోవాల్సిన సమయంలో శిఖర్ ధవన్ 9 పరుగులకే వెనుదిరగడం కొద్దిసేపు భారత జట్టును నిరాశపరిచినా, ఓవైపు మురళీ విజయ్, మరోవైపు విరాట్ కోహ్లీ చేతికి అందిన చెత్తబంతినల్లా బాదడం మొదలుపెట్టారు. దాంతో రెండో ఇన్నింగ్స్లో భారత్ 50 ఓవర్లలో 2 వికెట్ల నష్టానికి 165 పరుగులు చేసింది.
 
 మురళీ విజయ్ 6 ఫోర్లు, 1 సిక్సర్తో 165 బంతుల్లో 66 పరుగులు చేయగా, కెప్టెన్ విరాట్ కోహ్లీ మరింత దూకుడు ప్రదర్శించాడు. కేవలం 86 బంతుల్లోనే 8 ఫోర్లు, 1 సిక్సర్ కొట్టి.. 66 పరుగులు చేశాడు. దీంతో విజయానికి కేవలం 199 పరుగులు చేస్తే సరిపోయే స్థితికి భారత జట్టు చేరుకుంది.