సెప్టెంబరు నెలలో సినిమా అభిమానులకు పండుగే అని చెప్పవచ్చు.. ఇదే నెలలో 7కు పైగా పెద్ద సినిమాలు విడుదలకు రెడీగా ఉన్నాయి. అంతేకాకుండా మరికొన్ని చిన్న సినిమాలు కూడా ఉన్నాయి.  సెప్టెంబరు 18న వినాయక చవితి పండుగ ఉండటంతో సెప్టెంబరు 15న ఏకంగా మూడు సినిమాలు విడుదల అవుతున్నాయి.  సెప్టెంబరు 1 'ఖుషి' విజయ్‌ దేవరకొండ-సమంత  కాంబినేషన్‌లో వస్తున్న సినిమా 'ఖుషి'. శివ నిర్వాణ దర్శకత్వంలో రూపొందుతున్న చిత్రమిది. 2019లో వచ్చిన మజిలీ సినిమా తర్వాత ఖుషి వస్తుండటంతో ఫ్యాన్స్‌ అంచనాలు భారీగానే ఉన్నాయి. ఈ మూవీని  నవీన్‌ ఎర్నేని, వై.రవిశంకర్‌ సంయుక్తంగా నిర్మిస్తున్నారు. పాన్‌ ఇండియా స్థాయిలో రూపొందిన ఈ చిత్రం సెప్టెంబరు 1న ప్రేక్షకుల ముందుకొస్తోంది.  సెప్టెంబర్‌ 7  'జవాన్‌' కోలీవుడ్‌ డైరెక్టర్‌ అట్లీ, బాలీవుడ్‌ కింగ్‌ షారుక్‌ ఖాన్ కాంబినేషన్‌లో వస్తున్న సినిమా 'జవాన్‌'. పఠాన్‌ తర్వాత భారీ అంచనాలతో ఈ సినిమా విడుదల కానుంది. ఇందులో నయనతార,దీపికా పదుకోన్‌ వంటి స్టార్స్‌ ఉన్నారు. ఈ చిత్రం సెప్టెంబర్‌ 7న ప్రేక్షకుల ముందుకు రానుంది.   సెప్టెంబర్‌ 7 'మిస్ శెట్టి.. మిస్టర్ పోలిశెట్టి' యంగ్ హీరో నవీన్ పోలిశెట్టి, అనుష్క జంటగా మహేష్ బాబు. పి దర్శకత్వంలో తెరకెక్కిన సినిమా మిస్ శెట్టి.. మిస్టర్ పోలిశెట్టి. యూవీ క్రియేషన్స్ నిర్మిస్తున్న ఈ చిత్రం సెప్టెంబర్‌ 7న తెలుగు, తమిళ, కన్నడ, మలయాళ భాషల్లో గ్రాండ్‌గా విడుదల కానుందీ చిత్రం.. ఇప్పటికే ఈ చిత్రం నుంచి రిలీజైన పోస్టర్స్, టీజర్, సాంగ్స్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమా ట్రైలర్ ను మేకర్స్ రిలీజ్ చేశారు. ఇప్పుడు యూట్యూబ్‌లో ట్రెండ్‌ అవుతుంది. సెప్టెంబర్ 15 'స్కంద' రామ్ పోతినేని- శ్రీ లీల జంటగా బోయపాటి శ్రీను దర్శకత్వంలో తెరకెక్కిన మాస్‌, ఫ్యామిలీ ఎంటర్‌టైనర్‌ 'స్కంద'. శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి ఈ చిత్రాన్ని నిర్మిస్తున్నారు. రామ్‌ను పక్కా మాస్‌ లుక్‌లో బోయపాటి చూపించాడు. ఇందులోని యాక్షన్‌ సీన్స్‌ ప్రేక్షకులతో ఈలలు వేయించేలా ఉన్నాయి. ఇందులో రామ్‌ రెండు కోణాలు ఉన్న పాత్రలో కనిపించనున్నారు.  పాన్ ఇండియా సినిమాగా తెరకెక్కిన 'స్కంద' సెప్టెంబర్ 15న వినాయక చవితి సందర్భంగా ప్రేక్షకుల ముందుకు రానుంది. సెప్టెంబర్ 15 'చంద్రముఖి 2' రజనీకాంత్‌ నటించిన చంద్రముఖి సినిమా అప్పట్లో ఒక సంచలన విజయం. ఈ సినిమాకు సీక్వెల్‌గా ఇప్పుడు 'చంద్రముఖి 2' విడుదలకు రెడీగా ఉంది. ఇందులో రాఘవ లారెన్స్‌-కంగనా రనౌత్‌ నటిస్తున్నారు. పి.వాసు దర్శకత్వంలో తెరకెక్కిన ఈ సినిమా సెప్టెంబర్ 15న విడుదలకు సిద్ధంగా ఉంది. ఈ సినిమాకు కీరవాణి సంగీతం అందిస్తున్నారు. సెప్టెంబర్ 15 'మార్క్ ఆంథోని' హీరో విశాల్.. ఇప్పుడు 'మార్క్ ఆంథోని'గా వచ్చేస్తున్నాడు. సైన్స్ ఫిక్షన్, హై వోల్టేజ్ యాక్షన్ థ్రిల్లర్‌గా తీసిన ఈ సినిమాలో విశాల్‌కి జోడీగా రీతూవర్మ నటించింది. ఎస్.జె.సూర్య, సునీల్, సెల్వ రాఘవన్ ముఖ్య పాత్రలు పోషించారు. అధిక్ రవిచంద్రన్ దర్శకత్వం వహించారు. ఎస్.వినోద్ కుమార్ నిర్మించారు. ఈ సినిమా కూడా సెప్టెంబర్ 15న వినాయక చవితి సందర్భంగా విడుదల కానుంది. సెప్టెంబర్ 28 'సలార్‌' ప్రభాస్  హీరోగా ప్రశాంత్‌ నీల్‌ దర్శకత్వంలో తెరకెక్కిన 'సలార్‌' సెప్టెంబర్ 28న విడుదలకు రెడీగా ఉంది. ఇందుకు సంబంధించిన ట్రైలర్‌ను సెప్టెంబర్ 3న విడుదల చేసేందుకు హోంబలే ఫిలిమ్స్‌ ప్లాన్‌ చేస్తుంది.  ఈ సినిమాకు సంబంధించిన ప్రమోషన్‌ కార్యక్రమాలు కూడా అదే రోజు నుంచి ప్రారంభించనున్నట్లు తెలుస్తోంది. సెప్టెంబర్‌ నెలలో విడుదలయ్యే అతిపెద్ద సినిమా 'సలార్‌' అనే చెప్పవచ్చు. (ఇదీ చదవండి: చిరంజీవి 'చూడాలని ఉంది' సినిమాకు 25 ఏళ్లు.. ఈ విషయాలు తెలుసా?)


 ఖుషీ చిత్రం తమిళం, తెలుగు భాషల్లో ఎంత పెద్ద విజయం సాధించిందో ప్రత్యేకంగా చెప్పనక్కర్లేదు. తమిళంలో విజయ్‌కు, తెలుగులో పవన్‌కల్యాణ్‌కు అంత ఘన విజయాలను అందించిన దర్శకుడు ఎస్‌జే.సూర్య అన్నది తెలిసిందే. ఆ తరువాత ఎస్‌జే.సూర్య హీరోగా అవతారమెత్తి న్యూ,అఆ తదితర చిత్రాల్లో నటించారు. ఆ మధ్య ఇసై అనే చిత్రంలో నటించి దర్శకత్వం వహించారు. ఏదేమైనా హీరోగా అంతగా సక్సెస్‌ను అందుకోలేక పోయిన ఎస్‌జే.సూర్య క్యారెక్టర్ ఆర్టిస్ట్‌గా ప్రాధాన్యం ఉన్న పాత్రలో నటిస్తున్నారు.
 
 తాజాగా మళ్లీ మెగాఫోన్ పట్టడానికి సిద్ధమయ్యారు. ఖుషీ చిత్రానికి సీక్వెల్ తెరకెక్కించాలన్న నిర్ణయానికి వచ్చి కథను తయారు చేసుకున్నారు. ఇందులో విజయ్‌ను నటింపజేయడానికి పులి చిత్ర షూటింగ్‌లో ఉన్న ఆయన చుట్టూ తిరిగారు. ఒక దశలో వీరి కాంబినేషన్‌లో చిత్రం తెరకెక్కనుందనే ప్రచారం జరిగింది. అయితే విజయ్ వేరే దర్శకుడికి కాల్‌షీట్స్ ఇచ్చి ఎస్‌జే.సూర్యకు షాక్ ఇచ్చారు. దీంతో ఆయన ఖుషీ-2ను ముందుగా తెలుగు తెరకెక్కించడానికి సిద్ధమయ్యారు.
 
 అందుకు పవన్‌కల్యాణ్ ఓకే చెప్పడంతో అక్కడ ఖుషీ-2 తెర రూపం దాల్చనుంది. ఇందులో శ్రుతిహాసన్ నాయకిగా నటించనున్నట్లు ప్రచారంలో ఉంది. తెలుగులో నిర్మాణం పూర్తి అయిన తరువాత ఆ చిత్రాన్ని తమిళంలోనూ రీమేక్ చేయాలని ఎస్‌జే.సూర్య నిర్ణయించుకున్నారని సమాచారం.అప్పుడు మరోసారి విజయ్‌ను కాల్‌షీట్స్ అడగనున్నట్లు, అప్పటికీ ఆయన ముఖం చాటేస్తే తానే ఖుషీ-2లో హీరోనవ్వాలని ఎస్‌జే.సూర్య నిర్ణయించుకున్నట్లు కోలీవుడ్ వర్గాల టాక్.