వరలక్ష్మీ శరత్‌కుమార్‌.. లేడీ విలన్‌, సహాయ నటిగా వైవిధ్యభరితమైన పాత్రలు చేస్తూ సినీప్రియుల్ని మెప్పిస్తోంది. రీసెంట్‌గా హనుమాన్‌, కోట బొమ్మాళి పీఎస్‌ చిత్రాలతో మెప్పించింది. శరత్‌కుమార్‌ వారసురాలిగా ఇండస్ట్రీలో అడుగుపెట్టిన ఆమె సరైన పాత్రలు ఎంచుకుంటూ రాణిస్తుంది. త్వరలో ఆమె పెళ్లి పీటలెక్కబోతుందనే విషయం తెలిసిందే.  ప్రముఖ గ్యాలరిస్ట్‌ నికోలయ్‌ సచ్‌దేవ్‌తో వరలక్ష్మీ శరత్‌కుమార్‌ నిశ్చితార్థం కొద్దిరోజుల క్రితం జరిగింది. ముంబయి వేదికగా జరిగిన ఈ వేడుకలో కుటుంబసభ్యులు, అతి కొద్ది మంది స్నేహితులు మాత్రమే పాల్గొన్నారు. నిశ్చితార్థం జరిగిన తర్వాత తొలిసారి కాబోయే భర్తతో సరదాగా విదేశాలకు విహారయాత్రకు వెళ్లింది. ఇద్దరూ జంటగా థాయ్‌లాండ్ వెళ్లి అక్కడ సేద తీరుతున్నారు. అందుకు సంబంధించిన ఫోటోలను వరలక్ష్మీ శరత్‌కుమార్‌ ఇన్‌స్టాగ్రామ్‌లో షేర్‌ చేసింది. ‍ప్రస్తుతం అవి నెట్టింట వైరల్‌ అవుతున్నాయి. నికోలయ్‌ సచ్‌దేవ్‌ ముంబయికి చెందిన వ్యాపారవేత్త. ఆర్ట్‌ గ్యాలరీలను నిర్వహిస్తుంటారు. ఆన్‌లైన్‌ వేదికగానూ వివిధ రకాల పెయింటింగ్‌లు, కళాకృతులను విక్రయిస్తుంటారు. నికోలయ్‌, వరలక్ష్మీలకు 14ఏళ్లుగా పరిచయం ఉంది. ప్రస్తుతం ఇద్దరూ తమ వృత్తిగత జీవితాల్లో బిజీగా ఉన్నారు. దంతో వచ్చే ఏడాది వీరి వివాహం జరిగే అవకాశం ఉందని కొందరు చెబుతున్నారు. View this post on Instagram A post shared by Varalaxmi Sarathkumar (@varusarathkumar)

మిచౌంగ్ తుపాను ధాటికి చెన్నై అతలాకుతులం అవుతోంది. ఇప్పటికే పలు లోతట్లు ప్రాంతాలు జల దిగ్భందంలో చిక్కుకున్నాయి. ఈ నేపథ్యంలో తమిళనాడు ప్రభుత్వం ఆపదలో ఉ‍న్నవారి కోసం సహాయక చర్యలు ముమ్మరంగా చేపడుతోంది. ఇప్పటికే తుపాను దెబ్బకు ఇంటి పైకి ఎక్కినట్లు కోలీవుడ్ హీరో విష్ణు విశాల్ ట్వీట్ చేశారు. హీరో సాయం కోరడంపై స్పందించిన అధికారులు వెంటనే చర్యలకు దిగారు. విశాల్‌ను సురక్షిత ప్రాంతానికి తరలించారు. అయితే విష్ణు విశాల్‌తో పాటు బాలీవుడ్ హీరో అమిర్ ఖాన్ కూడా ఉండటం గమనార్హం.   ఈ సందర్భంగా విష్ణు విశాల్ తమిళనాడు ప్రభుత్వానికి ధన్యవాదాలు తెలిపారు. మాలాంటి వారికి సహాయం చేస్తున్న అగ్నిమాపక, రెస్క్యూ విభాగానికి కృతజ్ఞతలు తెలిపారు. ప్రస్తుతం కరపాక్కంలో సహాయక చర్యలు ప్రారంభమయ్యాయని వెల్లడించారు. నిర్విరామంగా సహాయక చర్యల్లో పాల్గొంటున్న ప్రతి ఒక్కరికి అభినందనలు అంటూ ట్విటర్(ఎక్స్‌)లో పోస్ట్ చేశారు.  అయితే ఇప్పటి వరకు అంతా బాగానే ఉన్నప్పటికీ.. సడన్‌గా అమిర్ ఖాన్‌ చెన్నైలో దర్శనమివ్వడంపై నెటిజన్స్ ఆశ్చర్యం వ్యక్తం చేస్తున్నారు. అక్కడ ఉన్నది నిజంగా అమిర్ ఖాన్ యేనా అంటూ కామెంట్స్ చేస్తున్నారు.  ఇంతకీ అమిర్ చెన్నైలో ఏం చేస్తున్నాడంటూ మరికొందరు ప్రశ్నిస్తున్నారు. మొత్తానికి వరదలో చిక్కుకున్న స్టార్ హీరోలిద్దరినీ సేఫ్‌గా బయటకు రావడంతో అభిమానులు ఊపిరి పీల్చుకుంటున్నారు.  Thanks to the fire and rescue department in helping people like us who are stranded Rescue operations have started in karapakkam.. Saw 3 boats functioning already Great work by TN govt in such testing times Thanks to all the administrative people who are working relentlessly https://t.co/QdoW7zaBuI pic.twitter.com/qyzX73kHmc — VISHNU VISHAL - VV (@TheVishnuVishal) December 5, 2023

కోలీవుడ్‌ ప్రముఖ కథానాయకుల్లో శింబు ఒకరిని ప్రత్యేకంగా చెప్పాల్సిన అవసరం ఉండదు. ఈయనకు సంచలన నటుడు అనే ముద్ర కూడా ఉంది. శింబు జయాపజయాలకు అతీతుడనే చెప్పాలి. ఇటీవల ఆయన నటించిన మానాడు, వెందు తనిందదు కాడు చిత్రాలు విజయాన్ని సాధించాయి. ఆ తరువాత నటించిన పత్తుతల నిరాశ పరచింది. తాజాగా తన 48వ చిత్రాన్ని కమలహాసన్‌ సొంత సంస్థ రాజ్‌కమల్‌ ఫిలిం ఇంటర్నేషనల్‌లో నటించనున్నారు. (ఇదీ చదవండి: Salaar Release Date: ప్రభాస్‌ సలార్‌ విడుదలపై అఫిషీయల్‌ ప్రకటన వచ్చేసింది) దీనికి కన్నుమ్‌ కన్నుమ్‌ కొల్లైయడిత్తాల్‌ చిత్రం ఫేమ్‌ డేసింగు పెరియసామి దర్శకత్వం వహించనున్నారు. ఈ చిత్రం కోసం శింబు మార్షల్‌ ఆర్ట్స్‌లో శిక్షణ తీసుకున్నట్లు సమాచారం. కాగా 40 ఏళ్ల నటుడు శింబు మోస్ట్‌ ఎలిజిబుల్‌ బ్యాచిలర్‌ అనే విషయం తెలిసిందే. తన పెళ్లి గురించి మీడియా ఎప్పుడు అడిగినా బదులు దాటేస్తూ వస్తున్నారు. ఆయన తండ్రి, దర్శకుడు, నటుడు టి.రాజేంద్రన్‌ సమయం వచ్చినప్పుడు తన కొడుకు పెళ్లి అవుతుందని చెబుతున్నారు. తాజాగా మరోసారి శింబు పెళ్లి గురించి ప్రచారం సామాజిక మాధ్యమాల్లో వైరల్‌ అవుతోంది. శింబుకు కల్యాణ గడియలు ఆసన్నమయ్యాయని, ఒక సినీ ఫైనాన్సియర్‌ కూతురుతో శింబు ఏడడుగులు వేయడానికి సిద్ధం అవుతున్నట్లు టాక్‌. అయితే దీని గురించి శింబు తరఫు నుంచి ఎలాంటి స్పందన లేదన్నది గమనార్హం.

సౌత్‌ ఇండియాలో నిత్యా మీనన్‌కు ప్రత్యేకమైన గుర్తింపు ఉంది. ఇప్పటి వరకు తను కూడా మంచి కథతో పాటు నటనకు స్కోప్‌ ఉన్న సినిమాలనే ఎంచుకుంటూ వచ్చింది. అంతేకాకుండా వివాదాలకు కూడా దూరంగా ఉంటుంది. కానీ గత కొన్ని రోజులుగా ఆమెపై పలు వార్తలు వైరల్‌ అయ్యాయి. తమిళ సినీ ఇండస్ట్రీపై ఆమె వివాదస్పద వ్యాఖ్యలు చేశారంటూ కొన్ని రూమర్లు చక్కర్లు కొడుతున్నాయి. ఈ పుకార్లు సోషల్ మీడియాలో దుమారాన్ని రేపుతున్నాయి. అయితే, నిత్య ఆ వ్యాఖ్యలు చేయలేదని తెలుస్తోంది.  ఆ రూమర్స్‌ ఎంటి..? 'ఓ తమిళ హీరో నన్ను చాలా వేధించాడు.. షూటింగ్‌లో నన్ను ఇబ్బంది పెట్టాడు.. తమిళ ఇండస్ట్రీలో నేను చాలా సమస్యలు ఎదుర్కొన్నాను. తెలుగు సినిమాల్లో ఇప్పటి వరకు ఎలాంటి ఇబ్బందులు ఎదుర్కొనలేదు.' అంటూ నిత్యా మీనన్ చెప్పినట్టుగా కొన్ని తమిళ మీడియా సంస్థలు ప్రచురించాయి. అవి ఒక్కసారిగా సోషల్ మీడియాలో వైరల్ అయ్యాయి. వాటిని నిత్యా మీనన్‌ కూడా ఖండించింది. ఇది అవాస్తవం.. జర్నలిజంలోని కొన్ని వర్గాలు ఇలా దిగజారడం చాలా బాధాకరం. ఇలాంటి చెత్తపనులు ఎలా చేస్తారు. 'నేను ఇప్పటి వరకు ఎక్కడా ఇంటర్వ్యూనే ఇవ్వలేదు. ఇలాంటి తప్పుడు వార్తలు ఇవ్వకండి. దీని కంటే మెరుగ్గా ఉండండి. ఇలాంటివి పక్కన పెట్టి కాస్త మంచి పనులు చేయండి.' అని నిత్యా మీనన్ పోస్ట్ వేసింది. దొంగ దొరికాడు అంటూ నిత్యామీనన్‌ మరోక పోస్ట్‌ చేసింది. కొన్ని సోషల్‌ మీడియా ఖాతాలను స్క్రీన్‌ షాట్‌ తీసి తన ఇన్‌స్టాగ్రామ్‌లో షేర్‌ చేసింది. 'మిమ్మల్ని చూస్తే సిగ్గేస్తోంది.. మనం అందరం ఈ భూమ్మీద తక్కువ సమయమే ఉంటాం. ఒకరికొకరం ఇలాంటి ఎంత పెద్ద తప్పులు  చేస్తున్నామో అనుకుంటే ఆశ్చర్యం వేస్తుంది. నేను దీనిని ఎందుకు ఎత్తి చూపుతున్నాననంటే.. జవాబుదారీతనం మాత్రమే చెడు ప్రవర్తనను ఆపుతుంది. ఈ తప్పుడు ప్రచారం చేసిన వారు ఇప్పటికైన మారండి. ఇలాంటి వారిని అనుసరించిన వారు కూడా తప్పును తెలుసుకోండి.' అని నిత్యా మీనన్‌ చెప్పింది. (ఇదీ చదవండి: విజయ్‌ దేవరకొండ సినిమా నుంచి శ్రీలీల ఔట్‌.. క్రేజీ హీరోయిన్‌కు ఛాన్స్‌) ప్రస్తుతం నిత్యా మీనన్.. తన తరువాతి ప్రాజెక్ట్స్‌తో బిజీగా ఉంది. ఒకవైపు సినిమాలతో పాటు మరోవైపు వెబ్ సిరీస్‌లు చేయడానికి కూడా నిత్యా వెనకాడడం లేదు. అందుకే ‘కుమారి శ్రీమతి’ అనే వెబ్ సిరీస్‌తో త్వరలోనే ప్రేక్షకుల ముందుకు రానుంది. సెప్టెంబర్ 28న ఈ సిరీస్ అమెజాన్‌ ప్రైమ్‌లో విడుదల కానుంది. View this post on Instagram A post shared by Nithya Menen (@nithyamenen) View this post on Instagram A post shared by Nithya Menen (@nithyamenen)

కోలీవుడ్‌లో హీరోయిన్‌గా మంచి గుర్తింపు తెచ్చుకున్న మలయాళీ బ్యూటీ మంజిమా మోహన్‌. నటుడు శింబుకు జంటగా 'అచ్చం యంబదు మడమయడా' చిత్రంలో కథానాయికగా నటించి గుర్తింపు తెచ్చుకుంది. ఆ తరువాత విజయ్‌ సేతుపతి, గౌతమ్‌ కార్తీక్‌ వంటి యువ హీరోలతో జత కట్టింది. అలా గౌతమ్‌ కార్తీక్‌తో పరిచయం ప్రేమగా మారింది. ఇటీవలే ఈ ప్రేమజంట పెళ్లి చేసుకోబోతున్నట్లు సోషల్ మీడియాలో అధికారికంగా ప్రకటించారు. (చదవండి: హీరోతో డేటింగ్‌, పెళ్లి.. ఇన్‌స్టా పోస్ట్స్‌ డిలీట్‌ చేసిన మంజిమా మోహన్‌) ఈ నెల 28వ తేదీ ఒక్కటవుతున్న ఈ జంట ప్రీ వెడ్డింగ్ ఫోటో షూట్ ఫోటోలు వైరలవుతున్నాయి. వీరి వివాహానికి  చెన్నైలోని ఒక ప్రైవేటు గెస్ట్‌ హౌస్‌ వేదికగా కానుందని సమాచారం. తాజాగా మంజిమా మోహన్ తన ఇన్‌స్టాలో గౌతమ్‌ కార్తీక్‌తో ఉన్న ప్రీ వెెడ్డింగ్‌ ఫోటోలను పంచుకుంది. తాజా ఫోటోషూట్‌లో కొత్త జంట ఫోటోలకు పోజులిచ్చింది. మంజిమా మోహన్ ఆకుపచ్చ జాతి దుస్తులలో అద్భుతంగా కనిపించగా.... గౌతమ్ కార్తీక్ పైజామాతో సంప్రదాయ దు‍స్తుల్లో అందంగా కనిపించారు. దీంతో ఆమె అభిమానులు కాబోయే జంటకు ముందుగానే కంగ్రాట్స్‌ చెబుతున్నారు. తమ పెళ్లి విషయంలో తల్లిదండ్రులు చాలా సంతోషంగా ఉన్నారని మంజిమా మోహన్ వెల్లడించారు. ఈ వివాహానికి కుటుంబ సభ్యులు, స్నేహితులు మాత్రమే హాజరుకానున్నట్లు తెలిపారు. 

కరోనా మహామ్మారి రాకతో కేంద్రప్రభుత్వం లాక్‌డౌన్‌ అమలు చేసింది. దీంతో అనేక వ్యవస్థలు కార్యకలాపాలు స్తంభించిపోయాయి. అనేక సంస్థలతోపాటు ఎంటర్‌టైన్‌మెంట్‌కు మూల స్థంభాలైన థియేటర్లు కూడా మూతపడ్డాయి. లాక్‌డౌన్‌ కారణంగా ఏ ఒక్కరూ బయటకు వెళ్లకుండా ఇంట్లోనే గడపాల్సిన పరిస్థతి. అప్పుడే ప్రతీ సినీ ప్రేక్షకుడికి ఓటీటీ ప్లాట్‌ఫామ్‌లు వినోదపు ప్లాట్‌ఫామ్‌ల్లా దర్శనమిచ్చాయి. పెద్ద హీరోల నుంచి చిన్న సినిమాలు వరకు అన్ని ఈ ఓటీటీల్లోనే రిలీజయ్యాయి.  చదవండి: రిలీజైన నెలలోనే అత్యధిక వ్యూస్​ సాధించిన ఓటీటీ సిత్రాలు.. డిఫరెంట్‌ కాన్సెప్ట్‌తో వచ్చిన వెబ్ సిరీస్‌లతో ఓటీటీలు కళకళలాడాయి. దీంతో మూవీ లవర్స్‌ అందరూ బయటకు వెళ్లే పనిలేకుండా అరచేతిలో, ఇంటి హాల్లోనే సినిమాలు, వెబ్‌సిరీస్‌లను ఆస్వాదించారు. ఇప్పటికీ కూడా థియేటర్లలో విడుదలైన పెద్ద హీరోల సినిమాలను సైతం ఒక నెలలోపే ఓటీటీల్లో రిలీజ్ చేస్తున్నారు. దీన్ని బట్టి అర్థం చేసుకోవచ్చు ఓటీటీలకు ఎలాంటి క్రేజ్‌ ఉందనేది. ఇదిలా ఉంటే ప్రస్తుతం ఓటీటీల్లో మూవీ లవర్స్‌ కచ్చితంగా మిస్‌ అవ్వకూడని టాప్‌ 6 పర భాష చిత్రాలేంటో చూద్దాం.  1. ప్రవీణ్ తాంబే ఎవరు ?, డిస్నీ ప్లస్‌ హాట్‌స్టార్‌ 2. 83, డిస్నీ ప్లస్‌ హాట్‌స్టార్‌, నెట్‌ఫ్లిక్స్‌ 3. డ్యూన్, అమెజాన్‌ ప్రైమ్‌ వీడియో 4. ఇరుది పక్కమ్‌ (తమిళం), అమెజాన్‌ ప్రైమ్‌ వీడియో 5. పడా (మలయాళం), అమెజాన్‌ ప్రైమ్‌ వీడియో 6. స్పైడర్‌ మ్యాన్: నో వే హోమ్‌, బుక్‌ మై షో చదవండి: టాలీవుడ్​ టూ హాలీవుడ్​.. ఓటీటీల్లో రచ్చ చేస్తున్న సినిమాలు ఇవే

స్టార్‌ హీరోయిన్‌ సమంత కోలీవుడ్‌లో కాతువాకుల రెండు కాదల్‌ సినిమా చేస్తోన్న సం‍గతి తెలిసిందే. ట్రయాంగిల్‌ ప్రేమకథతో రొమాంటిక్‌ డ్రామాగా తెరకెక్కిన ఈ చిత్రంలో విజయ్‌ సేతపతి, నయనతార నటించారు. నయనతార ప్రియుడు విగ్నేష్ శివన్ ఈ చిత్రానికి దర్శకత్వం వహించారు. ఇక ఈ సినిమా ద్వారా నయనతార, సమంతల మధ్యఫ్రెండ్‌షిప్‌ మరింత బలపడినట్లు తెలుస్తుంది. ఈ క్రమంలో సమంత కోసం నయనతార ఓ సర్‌ప్రైజ్‌ గిఫ్ట్‌ పంపించింది. 'డియర్ ఖతీజా.. విత్ లవ్.. కణ్మణి' అంటూ నయన్‌ సమంత కోసం కాస్ట్‌లీ గిఫ్ట్‌ పంపించింది. దీనికి సంబంధించిన ఫోటోలను సామ్‌ తన ఇన్‌స్టాగ్రామ్‌లో షేర్‌ చేస్తూ.. థ్యాంక్యూ డార్లింగ్‌ నయన్‌ అంటూ పోస్ట్‌ చేసింది. తెలుగు, తమిళ భాషల్లో విడుదల కానున్న ఈ సినిమా ఏప్రిల్‌ 28న విడుదల కానుంది. కాగా ఈ చిత్రంతో పాటు శాకుంతలం, యశోద సినిమాలతో పాటు సామ్‌ హిందీలో ఓ వెబ్‌సిరీస్‌ చేస్తున్న సంగతి తెలిసిందే. 

తమిళ స్టార్‌ హీరో విశాల్‌ ఎప్పుడూ విభిన్నమైన సినిమాలతో అలరిస్తుంటాడు. విశాల్‌ హీరోగానే కాకుండా నిర్మాతగా పలు మంచి సినిమాలను తెరకెక్కించాడు. తాజాగా విశాల్‌ కథానాయకుడిగా రొమాంటిక్‌ యాక్షన్‌ డ్రామాగా రూపొందిన చిత్రం సామాన్యుడు. 'నాట్‌ ఏ కామన్‌ మ్యాన్‌' అనేది ఉపశీర్షిక. విశాల్‌ తన సొంత బ్యానర్‌ 'విశాల్ ఫిల్మ్‌ ఫ్యాక్టరీ'పై (VFL) నిర్మిస్తున్న ఈ చిత్రానికి తు. పా. శరవణన్‌ దర్శకత్వం వహించారు. తెలుగు, తమిళం రెండు భాషల్లో విడుదలకానుంది ఈ సినిమా. ఇదివరకు విడుదలైన టీజర్‌, ప్రచార చిత్రాలు సామాన్యుడిపై అంచనాలు పెరిగేలా చేశాయి. తాజాగా బుధవారం ఈ సినిమా ట్రైలర్‌ను విడుదల చేశారు మేకర్స్‌. (చదవండి: ప్రభాస్‌ తర్వాత స్థానంలో అ‍ల్లు అర్జున్‌.. దేనిలో అంటే ?) ఒక మంచి క్రైమ్ స్టోరీ చెప్పనా అంటూ విశాల్‌ వాయిస్‌తో ట్రైలర్‌ ప్రారంభమవుతుంది. సినిమాలో రొమాంటిక్‌ అంశాలు ఉన్నప్పటికీ అంతకుమించి యాక్షన్  సీన్లు ఉన్నట్లు ట్రైలర్‌ చూస్తే తెలుస్తోంది. సమాజంలో రెండు రకాల మనుషులు ఉంటారని చెప్పడం, నేరస్థుడి పుట్టుక వంటి డైలాగ్‌లు ఆకట్టుకున్నాయి. అలాగే ఇతర సంభాషణలు హైలెట్‌ కానున్నాయి. యాక్షన్‌, ఎమోషనల్‌ సీన్లలో విశాల్‌ ఎప్పటిలానే అదరగొట్టాడు. యువన్‌ శంకర్‌ రాజా సంగీతం సినిమాకు ప్లస్  కానున్నట్లు తెలుస్తోంది. ట్రైలర్‌ యువన్‌ బీజీఎం ఆకట్టుకునేలా ఉంది. విశాల్‌ సరసన డింపుల్ హయాతి హీరోయిన్‌గా నటించింది.  కవిన్‌ రాజా సినిమాటోగ్రఫీ బాగుంది. సినిమాలో యోగి బాబు, బాబురాజ్‌ జాకబ్‌, పీఏ తులసి, రవీనా రవి తదితరులు నటించారు. సామాన్యుడు త్వరలో ప్రేక్షకుల మందుకు రానున్నాడు.  (చదవండి: ప్రముఖ హీరోయిన్‌ ఇంట్లో చోరీ.. పోలీసులకు ఫిర్యాదు)

బుజ్జిగాడు హీరోయిన్ సంజన గల్రానీ చెల్లెలు నిక్కీ గల్రానీ కోలీవుడ్‌లో మంచి గుర్తింపు తెచ్చుకుంది. 'డార్లింగ్‌', 'వెలయిన్ను వందుట్టా వెల్లైక్కారన్‌', 'కడవుల్ ఇరుక్కన్‌ కుమారు', 'మొట్ట శివ కెట్ట శివ', 'హరహర మహాదేవకి', 'మరగత నానయం' వంటి తమిళ చిత్రాలతో చాలా పాపులర్ అయింది. జనవరి 11న తన దగ్గర పనిచేసే 19 ఏళ్ల యువకుడు ధనుష్‌పై పోలీస్ స్టేషన్‌లో ఫిర్యాదు చేసింది నిక్కీ. చెన్నై రాయపేటలోని నిక్కీ గల్రానీ ఇంట్లో పని చేస్తున్నాడు ధనుష్‌. ఈ క్రమంలో నిక్కీకి చెందిన బట్టలు, ఖరీదైన కెమెరా కనిపించలేదు. ఈ సంఘటన తర్వాత ధనుష్‌ పరారీలో ఉండటంతో అతనే దొంగతనం చేసినట్లుగా భావించి పోలీస్‌లకు ఫిర్యాదు చేసింది. ధనుష్‌పై తగిన చర్యలు తీసుకోవాలని కోరింది నిక్కీ.  (చదవండి: ఆ హీరో ఇంట్లో విషాదం.. అతనే సర్వస్వం అంటూ ఎమోషనల్‌) రంగంలోకి దిగిన పోలీసులు ధనుష్‌ తిరుపూర్‌లోని తన స్నేహితుడి ఇంట్లో దాక్కున్నట్లు గుర్తించారు. సోమవారం తిరుపూర్‌లో ధనుష్‌ను అరెస్టు చేసి, అతను దొంగలించిన వస్తువులను స్వాధీనం చేసుకున్నారు. విచారణ నిమిత్తం ధనుష్‌ను చైన్నైకి తీసుకొచ్చారు పోలీసులు. అనంతరం దుస్తులు, కెమెరాను తిరిగి నిక్కీ గల్రానీకి అప్పగించారు. దీంతో నిక్కీ తన ఫిర్యాదు ఉపసంహరించుకున్నట్లు తెలిపింది. ధనుష్‌పై తదుపరి చర్యలు తీసుకోవద్దని కోరినట్లు సమాచారం. ఎందుకంటే తన వస్తువులు తనకు తిరిగి దొరికాయన్న సంతృప్తి చాలని నిక్కీ పేర్కొన్నట్లు తెలుస్తోంది. ఆ వస్తువుల విలువ సుమారు రూ.  లక్షకుపైగా ఉంటుందని అంచనా.  (చదవండి:  ప్రభాస్‌ తర్వాత స్థానంలో అ‍ల్లు అర్జున్‌.. దేనిలో అంటే ?)

Dhanush Aishwarya Divorce Fans Shocking Reactions: తమిళ స్టార్‌ హీరో ధనుష్‌కు ఎనలేని ఫ్యాన్‌ ఫాలోయింగ్‌ ఉంది. కోలీవుడ్‌లోనే కాకుండా వివిధ చిత్ర పరిశ్రమలో అభిమానులు ఉన్నారు. టాలీవుడ్‌, బాలీవుడ్‌ అంటూ తేడా లేకుండా ధనుష్‌కు ప్రత్యేకమైన స్థానం ఉంది. సూపర్‌ స్టార్‌ రజనీ కాంత్ అల్లుడిగా కాకుండా తనకంటూ సొంత బ్రాండ్‌ ఇమేజ్ ఏర్పర్చుకున్నాడు ధనుష్‌. ప్రముఖ బాలీవుడ్‌ డైరెక్టర్‌ ఆనంద్‌ ఎల్‌ రాయ్‌ దర్శకత్వంలో రాంజన సినిమాతో హిందీలో తెరంగ్రేటం చేశాడు. తర్వాత పలు హిందీ చిత్రాల్లో నటించడమే కాకుండా, ధనుష్‌ చిత్రాలు కొన్ని వివిధ భాషల్లో విడుదలయ్యాయి. ఇలా ధనుష్‌ వివిధ వర్గాల ప్రేక్షకులను అలరించాడు.   ఇదీ చదవండి: ధనుష్-ఐశ్వర్య విడాకులపై ఆర్జీవీ షాకింగ్‌ ట్వీట్లు.. ధనుష్‌ హీరోగానే కాకుండా గాయకుడిగా కూడా మంచి గుర్తింపు తెచ్చుకున్నాడు. ఆయన పాడిన 'కొలవెరి ఢీ' సాంగ్‌ ఎంత హిట్‌ అయిందో అందరికీ తెలిసిందే. అయితే తాజాగా తన భార్య ఐశ్వర్యతో విడాకులు తీసుకుంటున్నట్లు సోమవారం ప్రకటించాడు ధనుష్‌. టాలీవుడ్‌ క్యూట్ కపుల్‌ సమంత, నాగచైతన్య విడాకుల నుంచి ఇప్పుడిప్పుడే తేరుకుంటున్న ప్రేక్షకజనానికి ధనుష్ ప్రకటన షాక్‌కు గురి చేసింది. ధనుష్‌ అభిమానులు బాధ అయితే వర్ణనాతీతం. ఏం చేయాలో తెలియక సోషల్‌ మీడియాలో తమ బాధను వెల్లబోసుకుంటున్నారు ధనుష్‌ అభిమానులు.  ఇదీ చదవండి: విడాకుల ప్రకటనకు ముందు రజనీకి ధనుష్‌ ఫోన్‌ కాల్‌.. కారణం ఇదేనా?   That's unexpected and shocking! The reasons behind the break-up are none of our business. Media and fans should give them the space they need. We just wish #Dhanush and @ash_r_dhanush sis all the best for the future! Be strong Thalaivaa @rajinikanth ❤️😢 pic.twitter.com/v4cRtclPXn — 𝗩 𝗠 𝗧 ツ | 𝗔 𝗞 (@VMT_0fficial) January 17, 2022 This icons picture becomes meaningless now😢...#dhanush whyyyyy???????? @rajinikanth love you thalaivaaa pic.twitter.com/wc6jpsTIBM — elsa (@elsa_Amna) January 17, 2022 🥺😢 Please Be Strong Thalaiva @rajinikanth❤ #Dhanush #AishwaryaDhanush pic.twitter.com/iovD0lD5Lp — Rajan (@Subash1899) January 17, 2022 Kind request to all not to make fun of #Dhanush & #AishwaryaD separation You don't know how it affects when we are in a situation to leave our loved one 💔 It's heartbreaking one but still we respect you both @dhanushkraja & @ash_r_dhanush ❤️ Stay strong @rajinikanth sir 🥺 pic.twitter.com/FanxThypae — RaGuVaRaN (@MemesSingle) January 17, 2022 Shocking 🥺🥺 💔💔 Dhanush & Aiswarya divorce #Dhanush #aishwarya #Rajinikanth #divorce #tamilcinema pic.twitter.com/3Tb8dp082B — Salam Mass (@SALAMMASS1) January 17, 2022 This one is not even an year old ra 💔#Dhanush pic.twitter.com/9k3I2zc4Q7 — Troll Cinema ( TC ) (@Troll_Cinema) January 17, 2022 Despite of the Issue inside his family, this Man greeted his fans(Pongal) at his door step with Smile on his face to give the due respect to his fans gathered ❤️🙏 Anta Manasu Tan Sir Kadavul😍 Stay Strong Thalaivaa!🙏#Rajinikanth #Thalaivar @rajinikanth#Dhanush pic.twitter.com/QQk1ihmtJ8 — ONLINE RAJINI FANS🤘 (@OnlineRajiniFC) January 17, 2022

Suriya Jai Bhim Features On The Oscars Official Youtube Channel: మాస్ పాత్రల్లోనే కాకుండా, క్లాస్‌, వైవిధ్యమైన రోల్స్‌లో అదరగొడుతుంటాడు తమిళ స్టార్‌ హీరో సూర్య. ఇటీవల సూర్య నటించిన చిత్రం 'జైభీమ్‌'. సినిమా అంటే మూడు ఫైట్లు, నాలుగు పాటలు, హీరోయిన్‌తో  ప్రేమాయణం, ఐటెం సాంగ్‌లు కాదని నిరూపించి, సూపర్‌ డూపర్‌ హిట్ కొట్టిన చిత్రం జైభీమ్. సినిమాకు సామాజిక బాధ్యతకు ఉన్న అవినాభావ సంబంధాన్ని మరోసారి తట్టిలేపింది. ఒక ఆడబిడ్డ నిజజీవిత గాథను, పోరాటాన్ని ప్రయోగాత్మకంగా తెరకెక్కించి సత్తా చాటింది. టీజే జ్ఞానవేల్‌ డైరెక్ట్‌ చేసిన ఈ సినిమాను సూర్య నిర్మించారు. గతేడాది నవంబరులో ఓటీటీలో విడుదలైన ఈ చిత్రం విమర్శకుల నుంచి ప్రశంసలు దక్కించుకుంది.  అంతేకాకుండా ఐఎండీబీ రేటింగ్స్‌లో హాలీవుడ్ క్లాసిక్‌ హిట్‌ 'ది షాషాంక్‌ రిడంప్షన్‌' చిత్రాన్ని అధిగమించి 73 వేలకుపైగా ఓట్లతో 9.6 రేటింగ్‌ సాధించింది. ఇప్పటివరకూ ఏ సౌత్‌ సినిమాకు ఇలాంటి రేటింగ్‌  రాలేదు. అలాగే గోల్డెన్‌ గ్లోబ్ 2022 పురస్కారానికి కూడా నామినే​ట్‌ అయిన సంగతి తెలిసిందే. వాస్తవ సంఘటనల ఆధారంగా కోర్టు డ్రామా కథాశంతో తెరకెక్కిన 'జైభీమ్‌' చిత్రానికి మరో అరుదైన గౌరవం దక్కింది. అకాడమీ ఆఫ్‌ మోషన్‌ పిక్చర్ ఆర్ట్స్‌ అండ్‌ సైన్సెస్‌ (ఆస్కార్‌) అధికారిక యూట్యూబ్‌ ఛానెల్‌లో 'సీన్‌ ఎట్‌ ది అకాడమీ' పేరుతో ఈ సినిమాలోని ఓ వీడియోను ఉంచారు. అకాడమీ యూట్యూబ్ వేదికగా ఒక తమిళ చిత్రానికి సంబంధించిన వీడియో క్లిప్‌ను ఉంచటం ఇదే మొదటిసారి. కాగా అకాడమీ యూట్యూబ్‌ ఛానెల్‌లో జైభీమ్‌ సినిమా వీడియో ఉండటంపై చిత్రబృందంతోపాటు అభిమానులు సంతోషపడుతున్నారు. 'జైభీమ్‌' ఇండియన్‌ సినిమా స్థాయిని మరో మెట్టు ఎక్కించిందని పండుగ చేసుకుంటున్నారు. ఈ చిత్రాన్ని 'జస్టిస్‌ చంద్రు' జీవిత కథ ఆధారంగా తెరకెక్కించిన సంగతి తెలిసిందే.  ఇదీ చదవండి: సూర్య ‘జై భీమ్‌’ మూవీ ఎలా ఉందంటే..? #Suriya's #JaiBhim scenes uploaded to #Oscars Official YouTube channel.👍👏@Suriya_offl ➡️ https://t.co/AXQwY2av72 pic.twitter.com/QmgFrz827n — Suresh Kondi (@SureshKondi_) January 18, 2022 • #JaiBhim is now the only Tamil Movie to be shown in The Academy #Oscars YouTube channel 🔥💯 Ever Proudful @Suriya_offl na 😇❤️ pic.twitter.com/3JhxVZhX1q — CHENTHUR (@ck__tweetz) January 18, 2022 #JaiBhim getting bigger and bigger 🔥 First Tamil movie scenes to shown in #Oscars utube ❤@Suriya_offl #EtharkkumThunindhavan#VaadiVaasal pic.twitter.com/qJcs0TsIQd — Mass Syed 💥 (@SuriyaFanstren4) January 18, 2022

Ram Gopal Varma Sensational Tweets Regarding Dhanush Aishwarya Divorce: సినీ ఇండస్ట్రీలో వివాహ బంధాలు ఇలా ముడిపడుతున్నాయి. అలా తెగిపోతున్నాయి. ఇంతకుముందు సెలబ్రిటీల పెళ్లిల్లు అంటే ప్రతి ఒక్కరికీ ఎంతో ఆసక్తి ఉండేది. వారి వివాహనికి ఎలాంటి ఏర్పాట్లు చేశారు. విందు భోజనంలోకి ఎన్ని వెరైటీలు వడ్డించారు. ఎంత ఖర్చు చేశారు అంటూ ఆరా తీసేవారు. ప్రస్తుతం సెలబ్రిటీలు విడిపోవడంపై కూడా అంతే ఆసక్తి కనబరుస్తున్నారు. కాకపోతే ఇక్కడ అందరినీ వేధించే ప్రశ్న ఒక్కటే. అదే 'ఎందుకు విడిపోయారు ? అసలు కారణం ఏంటీ ?' అని. ఇదంతా ఎందుకు చెబుతున్నామో అర్థమైందిగా. అవును.. కోలీవుడ్‌ బ్యూటీఫుల్‌ కపుల్‌ ధనుష్‌, ఐశ్వర్యలు వారి 18 ఏళ్ల దాంపత్య జీవితానికి స్వస్తి పలికారు. వారు ఎందుకు విడిపోయారు అని ప్రేక్షకలోకం ఓ వైపు ఉత్సుకతో, మరోవైపు జాలిగా స్పందిస్తోంది.  ఇదీ చదవండి: ఇంటికి బొకే పంపి.. టచ్‌లో ఉండమని చెప్పింది.. ధనుష్‌-ఐశ్వర్యల లవ్‌స్టోరీ అయితే వీరందరికి కాస్త భిన్నంగా సంచలన డైరెక్టర్ రామ్‌ గోపాల్‌ వర్మ స్పందించాడు. అందరిలా రియాక్షన్‌ ఇస్తే అతను ఆర్జీవీ ఎందుకు అవుతాడు. ఎలాంటి సంఘటన జరిగిన విభిన్నమైన రీతిలో స్పందించడమే ఆర్జీవీ స్టైల్‌. తాజగా ధనుష్‌, ఐశ్వర్యలు విడిపోయినట్లు ప్రకటించేసరికి తనదైన శైలిలో ట్వీట్‌ చేశాడు ఆర్జీవీ. 'పెళ్లిల్లు ఎంత ప్రమాదకరమో హెచ్చరించడానికి తారల విడాకులే మంచి ట్రెండ్‌ సెట్టర్స్‌' అని ఆర్జీవీ ట్వీటాడు. అంతే కాకుండా 'సంతోషంగా ఉండటానికి రహస్యం ఏంటంటే.. పెళ్లి అనే జైలుకు వెళ్లడం కంటే వీలైనంతవరకూ ప్రేమించడం ఉత్తమం', 'స్మార్ట్‌ పీపుల్‌ లవ్‌ చేస్తారు. మూర్ఖులే పెళ్లి చేసుకుంటారు' అంటూ వరుస ట్వీట్లు చేశాడు రామ్‌ గోపాల్ వర్మ.   Star divorces are good trend setters to warn young people about the dangers of marriages — Ram Gopal Varma (@RGVzoomin) January 18, 2022 Nothing murders love faster than marriage ..The secret of happiness is to keep loving as long as it remains and then move on instead of getting into the jail called marriage — Ram Gopal Varma (@RGVzoomin) January 18, 2022 Love in a marriage lasts for lesser days than the days they celebrate it , which is 3 to 5 days — Ram Gopal Varma (@RGVzoomin) January 18, 2022 Smart people love and dumbos marry — Ram Gopal Varma (@RGVzoomin) January 18, 2022 Only divorces should be celebrated with sangeet because of getting liberated and marriages should happen quietly in process of testing each other’s danger qualities — Ram Gopal Varma (@RGVzoomin) January 18, 2022 Marriage is the most evil custom thrust upon society by our nasty ancestors in promulgating a continuous cycle of unhappiness and sadness — Ram Gopal Varma (@RGVzoomin) January 18, 2022 ఇదీ చదవండి: హీరో ధనుష్‌, ఐశ్వర్య విడాకులు

Rashmika Mandanna: అతి తక్కువ సమయంలోనే స్టార్‌ హీరోయిన్‌గా ఎదిగింది కన్నడ భామ రష్మిక. కిరాక్కు పార్టీ అనే కన్నడ చిత్రం ద్వారా హీరోయిన్‌గా పరిచయమైన ఈ ముద్దుగుమ్మకు తక్కువ సమయంలోనే టాలీవుడ్‌ నుంచి పిలుపొచ్చింది. ఇక్కడ నటించిన తొలి సినిమా ‘ఛలో’తో సూపర్‌ హిట్‌ కొట్టి మంచి గుర్తింపు తెచ్చుకుంది. ఆ తర్వాత విజయ్‌ దేవరకొండ ‘గీతగోవిందం’లో నటించి స్టార్‌ హీరోయిన్‌గా మారిపోయింది. ప్రస్తుతం ఈ అల్లరి భామ అల్లు అర్జున్‌- సుకుమార్ కాంబోలో వస్తున్న హ్యాట్రిక్‌ మూవీ ‘పుష్ప’లో నటిస్తుంది. ఇలా తెలుగులో దూసుకెళ్తూనే కోలివుడ్‌పై కన్నేసింది ఈ కన్నడ బ్యూటీ. ఇటీవల కార్తీ నటించిన 'సుల్తాన్‌' సినిమా ద్వారా కోలీవుడ్‌ ఎంట్రీ ఇచ్చింది. ఈ సినిమా ఫ్లాప్‌ అయినప్పటీకీ.. రష్మిక పాత్రకు మాత్రం మంచి మార్కులే పడ్డాయి. ఇదిలా ఉంటే తాజాగా రష్మిక మాట్లాడుతూ.. తమిళనాడు అంటే తనకు ఎంతో ఇష్టమని, అక్కడ ప్రజలు,  సంప్రదాయం తనను ఎంతగానో ఆకర్షించిందని చెప్పింది. ముఖ్యంగా అక్కడి వంటకాలు అంటే అమితమైన ఇష్టమని చెప్పుకొచ్చింది. అందుకే ఎప్పటికైనా తమిళ ఇంటి కోడలు కావాలన్నదే తన కోరిక అని మనసులోని మాటను బయటపెట్టింది. మరి రష్మిక కోరిక నెరవేరుతుందో లేదో చూడాలి. చదవండి: ఓటిటిలోకి ఏక్ మినీ కథ.. చిన్న సినిమాకి అన్ని కోట్ల లాభమా! నా భర్తకు తెలియకుండా పూరి జగన్నాథ్‌కి డబ్బులిచ్చేదాన్ని : హేమ

చెన్నై చిన్నది త్రిషకు ఏమైంది? ప్రస్తుతం కోలీవుడ్‌లో చక్కర్లు కొడుతున్న ప్రశ్న ఇదే. కోలీవుడ్‌లో బిజీ హీరోయిన్లలో ఒకరు నటి త్రిష. ఇటీవల ఈ బ్యూటీ నటించిన 96, రజనీకాంత్‌తో నటించిన పేట చిత్రాల విజయాలు ఆమెలో నూతనోత్సాహాన్ని నింపాయన్నది నిజం. కాగా ఆ మధ్య నయనతార, అనుష్కల తరహాలో హీరోయిన్‌ సెంట్రిక్‌ కథ చిత్రాల్లో రాణించాలని ప్రయత్నించినా, ఆ తరహా చిత్రాల్లో సక్సెస్‌ కాలేకపోయింది. కారణం కథల ఎంపికలో లోపమో, లేక దర్శకులు త్రిషలోని నటనా సత్తాను సరిగ్గా ఉపయోగించుకోలేకపోయారో గానీ, హీరోయిన్‌ ఓరియెంటెడ్‌ కథా చిత్రాలు ఈ అమ్మడికి అచ్చిరాలేదు. అయితే ప్రస్తుతం పట్టు వదలని విక్రమార్కుడి తరహాలో త్రిష మరో హీరోయిన్‌ ఓరియెంటెడ్‌ కథా చిత్రంలో నటిస్తోంది. దీనికి ప్రముఖ దర్శకుడు ఏఆర్‌.మురుగదాస్‌ కథ, మాటలను అందించడం విశేషం. ఇంతకు ముందు ఎంగేయుమ్‌ ఎప్పోదుమ్‌ వంటి హిట్‌ చిత్రాన్ని తెరకెక్కించిన శరవణన్‌ త్రిష నటిస్తున్న సెంట్రిక్‌ కథా చిత్రానికి దర్శకత్వం వహిస్తున్నారు. ఇటీవలే షూటింగ్‌ ప్రారంభమైన ఈ చిత్రానికి రాంగీ అనే టైటిల్‌ను నిర్ణయించారు. ఈ చిత్ర షూటింగ్‌లో పాల్గొంటున్న త్రిష సడన్‌గా స్పృహ తప్పి పడిపోయిందని, వెంటనే ఆమెను సమీపంలోని ఆస్పత్రిలో చేర్చినట్లు, ప్రస్తుతం ఆమె చికిత్స పొందుతున్నట్లు ప్రచారం సామాజిక మాధ్యమాల్లో వైరల్‌ అయ్యింది. దీంతో త్రిష అభిమానులు ఆమెకు ఏమైందనే ఆందోళనను వ్యక్తం చేస్తూ ట్విట్టర్‌లో ప్రశ్నలు వర్షం కురిపిస్తున్నారు. నిజం చెప్పాలంటే ఈ బ్యూటీకి అభిమానుల సంఖ్య కాస్త అధికమే. దీంతో స్పందించిన త్రిష తల్లి ఉమాకృష్ణన్‌ త్రిషకు ఎలాంటి సమస్య లేదని, తను ఆరోగ్యంగా ఉందని, రాంగీ చిత్ర షూటింగ్‌లో విరామం లేకుండా రాత్రి పగలు పాల్గొంటున్నట్లు తెలిపారు. అంతే కాదు త్రిష గురించి జరుగుతున్న ప్రచారం నిజం కాదని, ఇలాంటి వదంతులను ఎవరూ నమ్మవద్దని త్రిష తల్లి వివరణ ఇవ్వాల్సి వచ్చింది. అయితే నటి త్రిష నిజంగానే స్పృహ కోల్పోయిందా? లేక ఆమె తల్లి చెప్పినట్లు అది కేవలం వదంతి మాత్రమేనా అనే సందేహాలు అభిమానుల్లో తొలిచేస్తుండడం సహజమే. 

సాక్షి. సినిమా: నటుడు జై, అంజలిల మధ్య ప్రేమాయణం చాలా కాలంగా సాగుతోందనే ప్రచారం కోడైకూస్తున్న విషయం తెలిసిందే. ఎంగేయుమ్‌ ఎప్పోదుమ్‌ చిత్రంలో కలిసి నటించిన ఈ జంట మధ్య అప్పటి నుంచే ఒకరినొకరు ఇష్ట పడ్డారని, ఒకే ఇంటిలో కలిసి జీవిస్తున్నారనే ప్రచారం విసృతంగా జరిగింది. ఆ తరువాత కూడా జై, అంజలి కలిసి కొన్ని చిత్రాల్లో నటించారు. వీరిద్దరూ కలిసి నటించిన చివరి చిత్రం బెలూన్‌. ఆ మధ్య నటి జ్యోతిక ప్రధాన పాత్రలో నటించిన మగళీర్‌ మట్టుం చిత్ర యూనిట్‌ దోసె పోటీని సవాల్‌గా తీసుకుని జై తన ఇంట్లో దోసెలు వేసి అంజలికి స్వయంగా పెట్టారు.  ఆ ఫొటోలను ట్విటర్‌లో పొందుపరిచి ఫుల్‌ పబ్లిసిటీ పొందారు. అదేవిధంగా గత ఏడాది అంజలి పుట్టిన రోజు వేడుక బెలూన్‌ చిత్ర షూటింగ్‌ సెట్‌లో జరగ్గా, జైకి షూటింగ్‌ లేకపోయినా ఆయన ఆ వేడుకలో పాల్గొని సందడి చేశారు. దీంతోపాటు ట్విటర్‌లో అంజలికి కవిత రూపంలో శుభాకాంక్షలు కూడా తెలిపారు. అలాంటిది గత 17న అంజలి పుట్టిన రోజు సందర్భంగా నటుడు జై ఎలాంటి శుభాకాంక్షలు చెప్పకపోవడం ఇప్పుడు చర్చనీయాంశంగా మారింది. దీంతో ప్రస్తుతం వీరిద్దరి మధ్య మనస్పర్థలు ఏర్పడ్డాయనే ప్రచారం వైరల్‌ అవుతోంది.  అదే విధంగా నటి అంజలి జై కు తనకు మధ్య ప్రేమ లాంటిదేమీ లేదని చెప్పడం విశేషం. ఇకపోతే కొద్ది కాలంగా జై, అంజలి నటించిన చిత్రాలు ఆశించిన విజయాలను సాధించడం లేదు. ఇది కూడా వీరి మధ్య విబేధాలకు కారణం అని కోలీవుడ్‌ వర్గాల్లో వినిపిస్తోంది‌. ప్రస్తుతం వీరిద్దరూ నటించే చిత్రాలపై దృష్టి సారిస్తున్నారు. ప్రస్తుతం నటి అంజలి తమిళం, తెలుగు అంటూ నాలుగైదు చిత్రాలతో బిజీగా ఉంది. సోషల్‌ మీడియాల్లో మాత్రం జై, అంజలిల లవ్‌ బ్రేకప్‌ అనే ప్రచారాన్ని జోరుగా చేస్తున్నారు.

సాక్షి, తమిళ సినిమా: ఒక సంచలన కలయికకు రంగం సిద్ధం అవుతుందనే ప్రచారం కోలీవుడ్‌లో తాజాగా హల్‌చల్‌ చేస్తోంది. నటుడు కమలహాసన్‌ రాజకీయరంగ ప్రవేశానికి సిద్ధం అవుతున్న విషయం తెలిసిందే. త్వరలోనే పార్టీ పేరు, గుర్తును వెల్లడించే అవకాశం ఉంది. దీంతో ఆయన నటిస్తున్న విశ్వరూపం–2, శభాష్‌నాయుడు చిత్రాలను తొందరగా విడుదల చేసే పనిలో మునిగిపోయారు. తాజాగా కమలహాసన్‌ సొంత నిర్మాణ సంస్థ రాజ్‌కమల్‌ ఫిలిం ఇంటర్నేషనల్‌ పతాకంపై ఒక క్రేజీ చిత్రాన్ని నిర్మించడానికి సన్నాహాలు జరుగుతున్నాయనే ప్రచారం సోషల్‌ మీడియాలో వైరల్‌ అవుతోంది. ఈ చిత్రానికి రాజేశ్‌ సెల్వ దర్శకత్వం వహించనున్నట్లు సమాచారం. రాజేశ్‌ ఇంతకుముందు కమలహాసన్, త్రిష జంటగా నటించిన తూంగావనం చిత్రానికి దర్శకత్వం వహించారు. కమల్‌ ఇంతకుముందు కూడా తాను నిర్మాతగా నాజర్‌ ప్రధాన పాత్రలో మగళీర్‌ మట్టుం, సత్యరాజ్‌ హీరోగా కడమై కన్నియం కట్టుపాటు, మాధవన్‌ కథానాయకుడిగా నలదమయంతి వంటి చిత్రాలను నిర్మించిన విషయం తెలిసిందే. త్వరలో రాజకీయాలపై పూర్తిగా దృష్టి సారించనున్న కమలహాసన్‌ చిత్ర పరిశ్రమకు దూరం కాకుండా మంచి చిత్రాలను నిర్మించాలనే ఆలోచనలో ఉన్నట్టు ప్రచారం జరుగుతోంది. తాజాగా విక్రమ్‌ హీరోగా ఒక భారీ చిత్రాన్ని నిర్మించడానికి సిద్ధం అవుతున్నట్లు టాక్‌ వినిపిస్తోంది. ఇందులో ఆయన అతిథిగా మెరిసే అవకాశం లేకపోలేదు. అయితే ఈ చిత్రం గురించి అధికారిక ప్రకటన వెలువడాల్సి ఉంది.

మిస్‌ ఫెమినా, మిస్‌ ఇండియా, మిస్‌ వరల్డ్‌లకు సినీ రంగంలో మంచి డిమాండ్‌ ఉంటుందని ప్రత్యేకంగా చెప్పనక్కర్లేదు. సుస్మితాసేన్, ఐశ్వర్యరాయ్‌ల నుంచి చాలామంది సిల్వర్‌స్క్రీన్‌పై వెలిగారు. తాజాగా మిస్‌ ఫెమినా 2015 కిరీటాన్ని గెలుచుకున్న తాన్య హోప్‌ కోలీవుడ్‌కు పరిచయం అవుతోంది. యువ నటుడు అరుణ్‌ విజయ్‌తో రొమాన్స్‌ చేస్తోంది. కుట్రం 23 వంటి విజయవంతమైన చిత్రం తరువాత అరుణ్‌విజయ్‌ నటిస్తున్న తాజా చిత్రం తడం. మగిళ్‌ తిరుమేణి దర్శకత్వం వహిస్తున్న ఈ చిత్రాన్ని రెదన్‌ ఫిలింస్‌ సంస్థ నిర్మిస్తోంది. జూన్‌ నెల నుంచే చిత్రీకరణ జరుపుకుంటున్న ఈ చిత్రంలో హీరోయిన్‌గా మిస్‌ ఫెమినా 2015 తాన్యా హోప్‌ను ఎంపిక చేశారు. ఈ చిత్రంలో నటించడం గురించి ఈ సుందరి మాట్లాడుతూ మిస్‌ ఫెమినా కీరీటం గెలుచుకున్న తరువాత పలు భాషా చిత్రాల్లో అవకాశాలు వస్తున్నాయన్నారు. మోడలింగ్‌లో కొనసాగుతున్న తనకు కోలీవుడ్‌లో తడమ్‌ చిత్రంలో నటించే అవకాశం రావడం సంతోషాన్ని కలిగించిందన్నారు. బాలీవుడ్‌ తరువాత అందరి దృష్టినీ ఆకర్షించేది కోలీవుడ్‌ చిత్రాలేనని పేర్కొన్నది. ఇక్కడ పేరు, ప్రఖ్యాతులు లభిస్తాయనే అభిప్రాయాన్ని వ్యక్తం చేసింది. ‘తడమ్‌’తో తనకు కోలీవుడ్‌లో మంచి పేరు వస్తుందనే నమ్మకం ఉందన్నారు. ఇక్కడ మరిన్ని చిత్రాలు చేయాలని కోరుకుంటున్నానని తన ఆకాంక్షను వ్యక్తం చేసింది. ఈ బ్యూటీ ఇప్పటికే టాలీవుడ్‌లో అప్పట్లో ఒకడుండేవాడు చిత్రం ద్వారా పరిచయం అయ్యారన్నది గమనార్హం.   


 తమిళ హీరో, రజనీకాంత్ అల్లుడు ధనుష్ తన తదుపరి సినిమాలో బ్రిటిష్ నటి అమీ జాక్సన్తో జత కడుతున్నాడు. ఈ తమిళ సినిమాకు ఇంకా పేరు పెట్టలేదు. ఇటీవలే వీఐపీ సినిమాతో తనకు బ్లాక్బస్టర్ విజయాన్ని అందించిన దర్శకుడు వేల్రాజ్ దర్శకత్వంలోనే ఈ సినిమా కూడా రాబోతోంది. వీఐపీ జట్టు మళ్లీ వస్తోందని, ఫిబ్రవరిలో షూటింగ్ మొదలవుతుందని ధనుష్ ట్వీట్ చేశాడు. అమీజాక్సన్ ఈ సినిమాలో హీరోయిన్గా చేస్తోందని, వివరాలు త్వరలోనే వెల్లడవుతాయని కూడా అన్నాడు.
 
 ధనుష్ స్వయంగా నిర్మాతగా వ్యవహరించిన వీఐపీ సినిమా ఈ సంవత్సరంలోనే కోలీవుడ్లో అతిపెద్ద హిట్గా నిలిచింది. కేవలం రూ. 8 కోట్లతో తీసిన ఈ సినిమా రూ. 50 కోట్లకు పైగా వసూలు చేసింది. ఆర్. బాలకృష్ణన్ దర్శకత్వంలో వచ్చిన షమితాబ్ సినిమాలోకూడా ధనుష్ నటించాడు. ప్రస్తుతం తమిళ రొమాంటిక్ కామెడీ చిత్రం మారిలో నటిస్తున్నాడు. అనేగన్ అనే సినిమా షూటింగ్ పూర్తయిపోయింది. దాని విడుదల కోసం ఎదురుచూస్తున్నాడు.
  
 
 VIP team is getting back again.February shoot. @iamAmyJackson will be playing d female lead. Title will be revealed soon :)
 
 — Dhanush (@dhanushkraja) December 2, 2014


 వరుసపెట్టి ఫ్లాపులు దండెత్తిన చాలా కాలం తర్వాత ఓ సినిమా మంచి హిట్ కావడంతో తమిళ హీరో కార్తీ కాస్త ఊపిరి పీల్చుకున్నాడు. అతడు తాజాగా నటించిన తమిళ చిత్రం 'మద్రాస్'ను ఇటు ప్రేక్షకులు, అటు విమర్శకులు కూడా మెచ్చుకుంటున్నారు. దాంతో ఇన్నాళ్లకు కార్తీ కొంచెం ఊరటగా కనిపిస్తున్నాడు. తాను ప్రతిసారీ మంచి సినిమాలే చేయాలనుకుంటాను గానీ, కొన్ని సార్లు అవి ఎందుకు ఫెయిలవుతాయో తెలియదన్నాడు.
 
 మద్రాస్ చిత్రం విడుదలైనప్పటి నుంచి తనకు అన్ని వర్గాల వాళ్ల నుంచి ఫోన్లు వస్తున్నాయని, ఈ సినిమాను విజయవంతం చేసినందుకు ముందుగా ప్రేక్షకులకు కృతజ్ఞతలు చెప్పుకోవాలని అన్నాడు. రజనీత్ దర్శకత్వం వహించిన ఈ సినిమాలో కార్తీ సరసన కేథరిన్ త్రెసా నటించింది. వాస్తవానికి కేథరిన్ తెలుగులో చాలా సినిమాల్లో చేసినా ఇక్కడ మాత్రం ఆమెకు సరైన హిట్ ఒక్కటి కూడా రాలేదు. రెండు మైనస్లు కలిస్తే ఒక ప్లస్ అయినట్లు.. వరుస ఫ్లాపులతో బాధపడుతున్న కార్తీ, కేథరిన్ కలిసి నటించేసరికి అది కాస్తా మంచి హిట్ అయ్యింది.