Kristen Stewart Wants Her Child Is Look Like To Hrithik Roshan: బాలీవుడ్‌ గ్రీక్‌ గాడ్‌ హృతిక్‌ రోషన్‌ అందం, ఆహార్యం, అద్భుత నటనతో ప్రతి ఒక్కరి దృష్టిని ఆకర్షిస్తాడు. హృతిక్‌కు ప్రపంచవ్యాప్తంగా సినీ ఇండస్ట్రీ నుంచి అభిమానులు ఉన్నారు. జనవరి 10న హృతిక్‌ పుట్టినరోజు సందర్భంగా సినీ స్టార్స్‌ బర్త్‌డే విషెస్‌ చేశారు. దీపికా పదుకొణె నుంచి రణ్‌వీర్‌ సింగ్‌ వరకు అనేక మంది బాలీవుడ్‌ తారలు హృతిక్‌ పట్ల ప్రేమను వ్యక్తం చేశారు. ఈ క్రిష్‌ పట్ల హాలీవుడ్‌ నటులు సైతం ప్రేమాభినాలు చూపకుండా ఉండలేకపోయారు. హాలీవుడ్‌ స్టార్‌ హీరోయిన్‌ క్రిస్టెన్‌ స్టీవర్ట్‌ కూడా హృతిక్‌ అంటే ఎంత ఇష్టమో చెప్పి అందరినీ ఆశ్యర్యపరిచింది. అయితే ఆమె ఇ‍ప్పుడు చెప్పలేదు.  క్రిస్టెన్‌ నటించిన ప్రముఖ చిత్రాల్లో ఒకటైనా 'ట్విలైట్‌: బ్రేకింగ్‌ డాన్‌ పార్ట్‌ 2' సినిమా సమయంలో ఒక ఇంటర్వ్యూలో హృతిక్‌పై ఇష్టాన్ని వ్యక్తపరిచింది. 'ఎవరైనా మంచి స్క్రిప్ట్‌తో వస్తే బాలీవుడ్‌ చిత్రంలో నటించాలని ఉంది. హృతిక్‌ రోషన్‌తో కలిసి పనిచేయడం అంటే నాకు చాలా ఇష్టం. అతను చాలా అద్భుతమైన నటుడు, అందంగా కూడా ఉంటాడు. ఒకవేళ నాకు కొడుకు ఉన్నట్లయితే, హృతిక్‌లా ఉండాలని, అతనిలా కనిపించాలని కోరుకుంటా. కానీ కళ్లు మాత్రం రాబ్‌ల (క్రిస్టెన్‌ ప్రియుడు రాబర్ట్‌ ప‍్యాటిన్సన్‌) ఉండాలి.' అని చెప్పింది ఈ హాలీవుడ్‌ భామ. ఇదీ చదవండి: రక్తంతో తడిసిన హృతిక్‌ రోషన్‌.. బర్త్‌డే స్పెషల్‌ ట్రీట్‌

Kristen Stewart And Dylan Meyer Are Engaged: ప్రముఖ హాలీవుడ్‌ నటి క్రిస్టెన్ స్టెవర్ట్ షాకింగ్‌ ప్రకటన చేశారు. సహనటి డైలాన్ మేయర్‌తో తనకు ఎంగేజ్‌మెంట్‌ అయ్యిందని.. త్వరలోనే వివాహం చేసుకోబోతున్నట్లు ప్రకటించి ఆశ్చర్యానికి గురి చేశారు. రెండేళ్ల నుంచి తాము డేటింగ్‌లో ఉన్నట్లు ప్రకటించారు. అయితే వీరద్దరు రహస్యంగా వివాహం చేసుకున్నట్లు గతంలో వార్తలు వచ్చాయి. తాజా ప్రకటనతో వీరి బంధం గురించి జనాలకు ఓ క్లారిటీ వచ్చింది. సైరస్‌ఎక్స్‌ఎం ది హోవార్డ్ స్టెర్న్ షోకు గెస్ట్‌గా వచ్చిన క్రిస్టెన్‌ తన ఎంగేజ్‌మెంట్‌ వార్తను ప్రకటించారు. పెళ్లి పనులు జరుగుతున్నాయని తెలిపారు. ఈ సందర్భంగా క్రిస్టెన్‌ మాట్లాడుతూ.. ‘‘అతి త్వరలో నేను, డైలాన్‌ వివాహం చేసుకోబోతున్నాం. మేం​ ఒకరి కోసం ఒకరం జీవించాలని కోరుకుంటున్నాం. నా కోసం తను.. డైలాన్‌ కోసం నేను.. మమ్మల్ని మార్చుకున్నాం. మేం తప్పకుండా పెళ్లి చేసుకుంటాం’’ అని తెలిపారు. (చదవండి: డయానాలా మాట్లాడగలనా అని భయం) ఇక క్రిస్టెన్‌, డైలాన్‌ 2019 నుంచి డేటింగ్‌లో ఉన్నారనే వార్తలు ప్రచారం అయ్యాయి. కానీ ఇరువురు ఈ వార్తలపై స్పందించలేదు. కొన్ని రోజుల క్రితం ఇన్‌స్టైల్‌ మ్యాగ్‌జైన్‌ ఇంటర్వ్యూ సందర్భంగా క్రిస్టెన్‌ తనకు, డైలాన్‌కు మధ్య ఉన్న అనుబంధం గురించి వివరించారు. ‘‘నేను నా గర్ల్‌ఫ్రెండ్‌ని కలవడానికి ప్రతిరోజు బయటకు వెళ్లేదాన్ని. తనతో ఆప్యాయంగా ఉన్న సమయంలో నన్ను ఫోటో తీయడానికి చాలా మంది ఎదురు చూస్తూ ఉంటారని నాకు తెలుసు. కానీ నేను వాటి గురించి పట్టించుకునేదాన్ని కాదు’’ అన్నారు.  ‘‘నేను ఎంతో ఒత్తిడిని అనుభవించాను. కానీ ఈ ఒత్తిడి నన్ను నేను ఎల్‌జీబీటీక్యూ  కమ్యూనిటీకి చెందిన దాన్ని అని ఫీల్‌ అయ్యేలా చేయలేదు. జనాలు నాకు సంబంధించిన ఫోటోలు చూస్తున్నారు.. వార్తలు చదువుతున్నారు. ఆ తర్వాత వారు బయటకు వచ్చి తమ గురించి ప్రకటించుకోగలుగుతున్నారు. ఈ విషయంలో చిన్నతనంలో నేను చాలా అవమానాలు ఎదుర్కొన్నాను. నాలా బాధపడేవారికి ఉపశమనం కలిగించేందుకు నేను చేస్తున్న ప్రయత్నాలు నాకు తృప్తిని ఇస్తున్నాయి’’ అని తెలిపారు. (చదవండి: గర్ల్‌ఫ్రెండ్‌తో నటి రహస్య వివాహం!)  డైలాన్ మేయర్ ఒక నటి, రచయిత. ఆమె మోక్సీ, రాక్ బాటమ్, మిస్ 2059 వంటి చిత్రాలతో ప్రసిద్ధి చెందింది. క్రిస్టెన్ స్టెవర్ట్ తదుపరి స్పెన్సర్‌లో కనిపించనుంది. ఇందులో ఆమె యువరాణి డయానాగా నటించనుంది. క్రిస్టెన్ స్టీవర్ట్ గతంలో సూపర్ మోడల్ స్టెల్లా మాక్స్‌వెల్, ట్విలైట్ సహనటుడు రాబర్ట్ ప్యాటిన్సన్‌లతో డేటింగ్ చేసింది.  చదవండి: ముచ్చటగా మూడోసారి బ్రిట్నీ స్పియర్స్ ఎంగేజ్మెంట్‌.. వైరల్‌

సెలబ్రిటీల వ్యక్తిగత విషయాలకు సంబంధించిన ప్రతీది ఇప్పుడో న్యూస్‌ టాపిక్‌గా మారింది. ఈ విషయంలో కొన్ని విమర్శలు వినిపిస్తున్నప్పటికీ.. అభిమానులు మాత్రం వాటిని సానుకూలంగానే స్వీకరిస్తుంటారు. ఇదిలా ఉంటే ‘ట్విలైట్’ భామ క్రిస్టెన్‌ స్టెవార్ట్‌ రహస్య వివాహం చేసుకుందని, అదీ తన గర్ల్‌ఫ్రెండ్‌నేనన్న వార్తలు హాలీవుడ్‌లో చర్చనీయాంశంగా మారాయి.  చైల్డ్‌ ఆర్టిస్ట్‌గా కెరీర్‌ మొదలుపెట్టి.. ‘ట్విలైట్‌’, ‘స్నో వైట్‌ అండ్‌ ది హంట్స్‌మ్యాన్‌’ లాంటి సినిమాతో మంచి గుర్తింపు దక్కించుకున్న క్రిస్టెన్‌(31).. స్క్రీన్ రైటర్ డైలాన్‌ మెయెర్‌తో 2019 నుంచి డేటింగ్‌లో ఉంది. చాలాకాలం తర్వాత ఈమధ్యే లాస్‌ ఏంజెల్స్‌లోని ఓ సెలూన్‌ వద్ద క్రిస్టెన్‌ ఫొటోగ్రాఫర్ల కెమెరాకు చిక్కింది. అయితే ఆమె చేతికి ఒక రింగ్‌ కనిపించడం, అలాంటి రింగ్‌ ఒకటి కొన్నిరోజుల క్రితం ఓ ఈవెంట్‌కు హాజరైన డైలాన్‌ వేలికి కూడా కనిపించడంతో ఇద్దరి రహస్య వివాహం జరిగిపోయిందని కథనాలు వెలువడుతున్నాయి. అయితే ఈ పుకార్లపై ఇద్దరూ స్పందించాల్సి ఉంది.   ఇదిలా ఉంటే తాను ఫెమినిస్ట్‌నని, బైసెక్సువల్‌ అని బహిరంగంగా ప్రకటించుకున్న స్టెవార్ట్‌.. గతంలో ట్విలైట్‌ హీరో రాబర్ట్‌ పాటిన్‌సన్‌తోనూ రిలేషన్‌షిప్‌ నడిపించింది. ఆ తర్వాత డైరెక్టర్‌ రుపెర్ట్ శాండర్స్‌తో కొన్నాళ్లూ, తిరిగి పాటిన్‌సన్‌తో ఏడాది డేటింగ్‌ చేసింది. అటుపై విజువల్‌ ఎఫెక్ట్స్‌ ప్రొడ్యూసర్‌ అలిసియా కార్గిలేతో, న్యూజిలాండ్‌ మోడల్‌ స్టెల్లా మాక్స్‌వెల్‌తోనూ డేటింగ్‌ చేసింది. ఆపై ఓ టీవీ షో టైంలో డైలాన్‌ మెయర్‌కి దగ్గరై డేటింగ్‌ చేస్తూ.. లాస్‌ ఏంజెల్స్‌లో ఇద్దరూ ఒకే ఇంట్లో కలిసి ఉంటున్నారు. గర్ల్‌ఫ్రెండ్‌తో బయట కనిపిస్తే ఛాన్స్‌లు ఇవ్వమని కొందరు ప్రొడ్యూసర్లు ఆమెతో చెప్పినప్పటికీ.. క్రిస్టెన్‌ మాత్రం ఆ వార్నింగ్‌ను లైట్‌ తీసుకుంది. గర్ల్‌ఫ్రెండ్‌తో చెట్టాపట్టాలేసుకుని తిరగడమే కాకుండా.. పార్టీలకు సైతం హాజరవుతూ వస్తోంది.

‘స్పెన్సర్‌’ అని ఒక హాలీవుడ్‌ మూవీ వచ్చే ఏడాది మొదలు కాబోతోంది. ప్రిన్సెస్‌ డయానా బయోపిక్‌. అందులో డయానాగా అచ్చు డయానాలా లేని క్రిస్టెన్‌ స్టీవార్ట్‌ నటిస్తున్నారు. అంతేకదా, డయానాలా ఉండేవారు ఈ భూమి మీద ఎవరు దొరుకుతారు? డయానాకు ఇద్దరూ మగ పిల్లలే. అదొక సృష్టి అసంపూర్ణత. డయానాలా ఆ ఇంగ్లిష్‌ అదీ మాట్లాడాలన్నా ఏళ్ల ప్రాక్టీసు కూడా సరిపోదు. యూట్యూబ్‌లో వెతికి వినండి. ఆమె స్పీచ్‌లు వినడం కాదు. ఒరిజినల్‌ మాట తీరు దొరుకుతుంది కాస్త కష్టపడి గాలిస్తే. ‘తనలా మాట్లాడగలనా అని భయం వేస్తోంది’ అని అప్పుడే మొదలుపెట్టేశారు క్రిస్టెన్‌. ఆ ఉచ్చారణ నోరు తిరగట్లేదట. గొప్ప ఇంగ్లిష్‌ అని కాదు. డయానా స్వరంలోంచి ఆ ప్రత్యేకమైన యాక్సెంట్‌కి ప్రాణం తేవడం! ‘ప్రిన్సెస్‌ డయానాకు నా మేకప్‌తో పోలికలు తేగలిగిన మహామహులు ఉన్నారు. అయితే ఆమె మాటకు పోలిక తేవడం నా వల్ల అవుతుందా?’ అని క్రిస్టెన్‌. ‘కానీ మీరే చెప్పాలి క్రిస్టెన్‌. డయానాలా యాక్ట్‌ చేస్తున్నవారే డయానా మాటనూ యాక్ట్‌ చేయగలరని నా నమ్మకం. దానర్థం నేను మిమ్ముల్ని నమ్ముతున్నానని’ అన్నారట డైరెక్టర్‌. ఈ ‘స్పెన్సర్‌’ చిత్రం డయానా ప్రేమ, పెళ్లి, పిల్లలు వరకే ఉంటుంది. ఆమె ట్రాజిక్‌ డెత్‌ వైపు వెళ్లడం లేదు డైరెక్టర్‌ పాబ్లో లారైన్, ఆయన నిర్మాతలు. మంచిదైంది. లేడీ డయానాకు కొన్ని నప్పవు. మరణం అసలే నప్పదు.  

ప్రిన్సెస్‌ డయానా పుట్టిన ముప్పైఏళ్లకు జన్మించిన క్రిస్టెన్‌ స్టెవార్ట్‌ ఇప్పుడు తన ముప్పై ఏళ్ల వయసులో డయానా ముప్పై ఏళ్ల వయసులోని పాత్రను పోషించబోతున్నారు. ఈ విషయాన్ని ఇంతకన్నా సరళంగా చెప్పాలంటే... ప్రిన్స్‌చార్లెస్‌తో తన దాంపత్యం సవ్యంగా లేదని డయానా గ్రహించిన ఒకనాటి వీకెండ్‌ చుట్టూ కథను నిర్మించుకుని చిలీ దర్శకుడు పాబ్లో లారెయిన్‌ తీస్తున్న ‘స్పెన్సర్‌’ అనే చిత్రంలో క్రిస్టెన్‌ కథానాయికగా నటిస్తున్నారు. 20 ఏళ్ల వయసులో ప్రిన్స్‌ చార్లెస్‌తో డయానాకు పెళ్లయింది. తర్వాత పదేళ్ల కన్నా తక్కువ కాలంలోనే భర్తతో మానసికంగా ఆమె బంధం తెగిపోయింది. తెగిందని రూఢీ అయిన ఆ శని, ఆది వారాలలో డయానా మానసిక స్థితిని ఈ సినిమాలో క్రిస్టెన్‌ ప్రతిఫలింప జేయబోతున్నారు. బ్రిటన్‌ యువరాణిగా అభినయించనున్న ఈ అమెరికన్‌ నటి తన అత్యద్భుతమైన ప్రదర్శనను అలవోకగా ఇవ్వగలదని లారెయిన్‌ నమ్ముతున్నారు. బహుశా ఆ నమ్మకం రెండు కారణాల వల్ల ఆయనకు కలిగి వుండొచ్చు. ఒకటి స్టీవెన్‌ నైట్‌ స్క్రిప్టు ఇంకోటి క్రిస్టెన్‌ నవ్వు. ఆమె నవ్వితే అచ్చు నవ్వీనవ్వకుండా డయానా నవ్వినట్లే ఉంటుంది.

హాలీవుడ్‌లో మంచి వసూళ్లను సాధించిన ‘ట్విలైట్‌’ చిత్రంతో పేరు ప్రఖ్యాతులు సంపాదించుక్ను హీరోయిన్‌ క్రిస్టెన్‌ స్టీవార్ట్‌. ఈ హీరోయిన్‌ గతంలో పలువురు సెలబ్రిటీలతో డేటింగ్‌లో పాల్గొనగా ప్రస్తుతం స్వలింగ సంపర్కురాలిగా ముద్ర వేయించుకున్న సంగతి తెలిసిందే. అయితే ట్విలైట్‌ సినిమాల సిరీస్‌లో తనతోపాటు స్క్రీన్‌ షేర్‌ చేసుకున్న హీరో రాబర్ట్‌ పాటిన్‌సన్‌తో ఉన్న రిలేషన్‌ను మరోసారి ఆమె బయటపెట్టింది. ట్విలైట్‌ సిరీస్‌లో తెరపై కనిపించే ప్రేమ నిజజీవితంలోనూ అలాగే ఉండేదని తెలిపింది. ఆ ప్రేమ అబద్ధం కాదని స్పష్టం చేసింది. గతంలో విచ్చలవిడిగా తిరిగిన ఈ జంట డేటింగ్‌ కూడా చేసింది. గతంలో రాబర్ట్‌తో సాగిన ప్రయాణాన్ని ఓసారి గుర్తు చేసుకుంది. ఈ సందర్భంగా తాము చాలా సంవత్సరాలు కలిసి ఉన్నామని, అతనితో చిగురించిన ప్రేమే తనకు ఫస్ట్‌ లవ్‌ అని క్రిస్టెన్‌ చెప్పుకొచ్చింది. అతనే తన బెస్ట్‌ అని ప్రకటించింది. ఇక పాటిన్‌సన్‌ నిన్ను పెళ్లి చేసుకోమని అడిగితే ఒప్పుకుంటారా అని ఓ వ్యక్తి అడిగిన ప్రశ్నకు చెప్పలేమన్నట్టుగా మాట దాటవేసింది. లెస్బియన్‌గా ప్రకటించుకున్న స్టీవార్ట్‌ ప్రస్తుతం డైలన్‌ మేయర్‌ అనే సహనటితో డేటింగ్‌లో ఉంది. ఇక క్రిస్టెన్‌ స్టీవార్ట్‌, నవోమీ స్కాట్‌, ఎల్లా బాలిన్‌స్కా ప్రధాన పాత్రల్లో నటించిన చార్లెస్‌ ఏంజెల్స్‌ నవంబర్‌ 15న విడుదల కానుంది. మరోవైపు క్రిస్టెన్‌ మాజీ ప్రియుడు పాటిన్‌సన్‌ బాట్‌మన్‌ కోసం సిద్ధమవుతున్నాడు. ఈ చిత్రం 2021, జూలై 25న విడుదల కానుంది.


 లాస్ ఏంజెలెస్: గత కొంతకాలం నుంచి సహజీవనం చేస్తున్న మహిళా సెలబ్రిటీలు మూడుముళ్ల బంధంతో ఒక్కటవనున్నారు. హాలీవుడ్ ప్రముఖ నటి క్రిస్టిన్ స్టెవార్ట్(27), ఐర్లాండ్ మోడల్ స్టెల్లా మాక్స్‌వెల్(26) పెళ్లి చేసుకోవాలని డిసైడ్ అయ్యారు. ఓ పెర్ఫ్యూమ్ ప్రకటన కోసం అర్ధనగ్నంగా ఫొటోలకు పోజులిచ్చి వార్తల్లోకెక్కిన 'పర్సనల్ షాపర్' ఫేమ్ క్రిస్టిన్.. ఆ తర్వాత తన భాగస్వామి ఆడా.. మగా ఎవరో ఇప్పుడే చెప్పలేనంటూ వ్యాఖ్యలు చేసి తన అభిమానులకు షాకిచ్చిన విషయం తెలిసిందే.
 
 గతేడాది నుంచి చెట్టాపట్టాలేసుకుని తిరుగుతున్న క్రిస్టెన్ స్టెవార్ట్, మోడల్ స్టెల్లాలు దక్షిణ కాలిఫోర్నియాలో తమ మ్యారెజ్ ప్లేస్‌గా ఫిక్సయ్యారని కథనాలు వచ్చాయి. పెళ్లిదుస్తులు , ఇతరత్రా సామాగ్రి కోసం షాపింగ్ మొదలుపెట్టారని వీరి సన్నిహితులు చెబుతున్నారు. పెళ్లిని వినూత్నంగా చేసుకోవాలని, సెలబ్రేషన్ అందరినీ ఆకట్టుకునేలా ఉండాలని డిజైనర్లను సంప్రదించారట. తన మాజీ గాళ్ ఫ్రెండ్ అలీసియా కార్గైల్‌తో ప్రేమాయణం నడిపిన నటి క్రిస్టెన్ విభేదాల తలెత్తడంతో బ్రేకప్ చెప్పేసింది. అప్పటినుంచి ఐర్లాండ్ మోడల్‌తో కలిసి ఉంటోంది. తొలుత నటుడు రాబర్ట్ పాటిన్సన్‌తో డేటింగ్ చేసిన క్రిస్టెన్ అతడితో బ్రేకప్ చేసుకుని ఆ తర్వాత సింగర్ స్టెఫానీ 'సోకో'తోనూ ప్రణయబంధాన్ని కొనసాగించింది. చివరికి మోడల్ స్టెల్లానే తన జీవితభాగస్వామి అంటూ ఇటీవల ప్రకటించింది.


 లాస్ ఏంజెలెస్: తన గాళ్ ఫ్రెండ్ అలీసియా కార్జిల్ తో కలిసి రొమాంటిక్ లంచ్ కు వెళ్లిన హాలీవుడ్ స్టార్‌ హీరోయిన్‌, 'ట్విలైట్‌' కథనాయిక క్రిస్టన్ స్టివార్ట్ కెమెరాకు చిక్కింది. కార్జిల్ తో కలిసి చిరునవ్వులు చిందిస్తూ లాస్ ఫెలిజ్ లోని రెస్టరెంట్ నుంచి స్టివార్ట్ బయటకు రావడం కెమెరా కంటపడిందని పీపుల్స్ మేగజీన్ వెల్లడించింది. స్టివార్ట్ తెలుపురంగు టీషర్ట్, నలుపు జెగ్గింగ్స్ ధరించి మెడలో గొలుసు వేసుకుంది. ఆమె గాళ్ ఫ్రెండ్ కాసువల్ బ్లాక్ టాప్ ధరించి, టోపి పెట్టుకుంది.
 
 తామిద్దరం రిలేషన్షిప్ లో ఉన్నట్టు గతనెలలో స్టివార్ట్ వెల్లడించింది. కార్జిల్ తో తాను ఎంతో సంతోషంగా ఉన్నానని, ఆమె జీవితంలో మగాళ్లు ఎవరూ లేరని 26 ఏళ్ల 'కేఫ్ సొసైటీ' స్టార్ తెలిపింది. గతంలో గాయని స్టెఫానీ 'సోకో'తో ప్రణయబంధాన్ని స్టివార్ట్ కొనసాగించింది. అంతకుముందు నటుడు రాబర్ట్ పాటిన్సన్‌తోనూ డేటింగ్ చేసింది.


 హాలీవుడ్ స్టార్‌ హీరోయిన్‌, 'ట్విలైట్‌' కథనాయిక క్రిస్టన్ స్టెవార్ట్‌ తన లైంగికత గురించి చెప్పేందుకు నిరాకరించింది. లైంగికపరంగా తాను ఏమిటో నిర్వహించించడం కష్టమని ఈ భామ చెప్పుకొచ్చింది. తాను మనిషినని, లైంగికపరంగా ఆడో-మగో చెప్పలేనని పేర్కొంది.
 
 గతంలో రాబర్ట్ పాటిన్సన్‌తో డేటింగ్ చేసిన ఈ అమ్మడు.. నిన్నమొన్నటి వరకు పలువురు గర్ల్‌ఫ్రెండ్స్‌తో చెట్టాపట్టాలేసుకొని తిరిగింది. మొన్నటివరకు గాయనీ స్టెఫానీ 'సోకో'తో ప్రణయబంధాన్ని కొనసాగించింది. తాజాగా ఆమెతో కూడా తెగదెంపులు చేసుకున్న ఈ బ్యూటీ సెక్సువాలిటీ పరంగా తనపై ఓ ముద్రవేసుకోవడం ఇష్టంలేదని చెప్తోంది.
 
 'నేను ఏమిటి అన్నది నేను ఇప్పుడే చెప్పలేను. అది మీకు అర్థం కాకపోతే దానిని వివరించి చెప్పేందుకు నా దగ్గర అంత టైమ్‌ లేదు. యాక్సెప్టెన్సీ ఉన్నంతవరకు ఎలా ఉన్నా పర్వాలేదు. మిమ్మల్ని మీరు వెంటనే నిర్వహించుకోవాల్సిన అవసరం లేదు' అని క్రిస్టెన్ తెలిపింది. తాజాగా 'వెరైటీ' మ్యాగజీన్‌ కవర్ పేజీపై పోజిచ్చిన ఈ అమ్మడు పలువురికి ఆదర్శంగా ఉండాలని గతంలో అనుకొనే దానిని, కానీ, ఇప్పుడా అవసరం లేదని గుర్తించానని, అందుకే తనపై ఓ ముద్ర వేసుకొని జీవించడం ఇష్టం లేదని ఆమె తెలిపింది.
 
 
  


 హాలీవుడ్ నటి క్రిస్టెన్ స్టెవార్ట్ సంచలనం సృష్టించింది. ఓ పెర్ఫ్యూమ్ ప్రకటన కోసం అర్ధనగ్నంగా ఫొటోలకు పోజులిచ్చింది. 23 ఏళ్ల ఈ నటీమణి రంగురంగుల పెర్ఫ్యూమ్ బాటిల్ పట్టుకుని టాప్లెస్గా నలుపు తెలుపు ఫొటో తీయించుకుని ఫోజు ఇచ్చింది. ఫ్రెంచి కంపెనీ బాలెన్సిగా రూపొందించిన రోసాబొటానికా అనే బ్రాండు కోసం ఆమె ఈ ఫొటో తీయించుకుంది.
 
 ఈ చిత్రాన్ని మిర్రర్.కో.యుకె వెబ్సైట్ ప్రచురించింది. ఈ ఫొటోలో రంగుల్లో కనిపించేది కేవలం పెర్ఫ్యూమ్ బాటిల్ మాత్రమే. మిగిలినదంతా నలుపు తెలుపుల్లోనే ఉంటుంది. దాంతోపాటు క్రిస్టెన్ భుజాల మీద నుంచి ఓ పూలదండ కూడా వేలాడుతూ కనిపిస్తుంది. ఈ ప్రకటన ప్రస్తుతం హాలీవుడ్ ప్రపంచంలో సంచలనం రేకెత్తిస్తోంది.