అమెరికాలో అధ్యక్ష ఎన్నికలు వారం రోజుల్లో జరగనున్నాయి. పురుష ఓటర్లలో రిపబ్లికన్‌ అభ్యర్థి డొనాల్డ్‌ ట్రంప్‌కే భారీ ఆదరణ కన్పిస్తుండగా మహిళలు మాత్రం డెమొక్రాట్ల అభ్యర్థి కమలా హారిస్‌ వైపే మొగ్గుతున్నారు. అగ్రరాజ్యంలోనూ రాజకీయంగా నెలకొని ఉన్న లింగ వివక్షను ఇది ప్రతిబింబిస్తోంది. ఎన్నికల ఫలితాలను నిర్ణయించడంలో కూడా ఈ అంశం కీలకంగా మారింది. హారిస్‌ తొలినుంచీ ఇలాంటి గుర్తింపు రాజకీయాల జోలికి వెళ్లలేదు. ఎక్కడా తను మహిళను కనుక ఓటేయండని కోరలేదు. దాన్ని ప్రచారాంశంగా మలచుకునే ప్రయత్నమూ చేయలేదు. జాతి, జెండర్‌తో నిమిత్తం లేకుండా అమెరికన్లందరి శ్రేయస్సు కోసం పని చేయడానికి తానే సమర్థురాలినని నమ్ముతున్నట్టు పలు ఇంటర్వ్యూల్లో హారిస్‌ స్పష్టం చేశారు కూడా. అలా జెండర్‌ను తటస్థంగా ఉంచడానికి ఆమె ఎంత ప్రయత్నించినా అది ప్రధానాంశంగానే ఉంటూ వస్తోంది. ఎందుకంటే ‘మేడం ప్రెసిడెంట్‌’ అనేది అమెరికాకు చాలా కొత్త విషయం. ఇప్పటిదాకా ఒక్క మహిళ కూడా అత్యున్నత పీఠాన్ని అధిరోహించింది లేదు. ఈ నేపథ్యంలో హారిస్‌ ప్రెసిడెంట్‌ అవడమనే ఆలోచననే చాలామంది ఓటర్లు ఇష్టపడుతున్నారు. పలువురు అమెరికన్లు మాత్రం ఈ తరహా కొత్తదనాన్ని ఇబ్బందికరంగా భావిస్తున్నారు. బహిరంగ రహస్యమే హారిస్‌ తన ప్రచారంలో ఎక్కడా జెండర్‌ విషయాన్ని ప్రస్తావించకపోయినా లైంగికత అనేది అమెరికా సమాజంలోనే అంతర్లీనంగా దాగుందని, అధ్యక్షురాలిగా ఓ మహిళకు ఓటేయడానికి చాలామందికి ఇదో అడ్డంకిగా కనిపిస్తోందని భావిస్తున్నారు. ట్రంప్‌ ప్రచార బృందం కూడా పైకి జెండర్‌తో సంబంధం లేదని చెబుతున్నా, ‘‘హారిస్‌ బలహీనురాలు. నిజాయితీ లేని వ్యక్తి. ప్రమాదకరమైన ఉదారవాది’’ తరహా ప్రచారంతో ఊదరగొడుతోంది. అమెరికా ప్రజలు ఆమెను తిరస్కరించడం ఖాయమంటోంది. అంతేగాక అధ్యక్ష అభ్యర్థుల్లోని ఈ లింగపరమైన తేడా తమకే లాభిస్తుందని ట్రంప్‌ ప్రచార బృందం సీనియర్‌ సలహాదారు బ్రయాన్‌ లాంజా బాహాటంగానే అన్నారు. ఫలితంగా ట్రంపే గెలుస్తారని తాను నమ్ముతున్నట్టు చెప్పుకొచ్చారు. ‘మీటూ’ ప్రభావమెంత? సమాజంలో తన స్థానంపై మహిళల దృక్కోణంలో 2016 నుంచి పెను మార్పులొచ్చాయి. 2017లో ‘మీ టూ’ ఉద్యమం పని ప్రదేశాల్లో మహిళలు ఎదుర్కొనే వివక్షపై సమాజంలో అవగాహనను ఎంతో పెంచింది. మహిళల గురించి మాట్లాడే విధానాన్నీ మార్చింది. కానీ భిన్నత్వం, సమానత్వం, సమ్మిళితం వంటి అంశాల్లో అంతటి పెద్ద ముందడుగును జీరి్ణంచుకునే స్థితిలో అమెరికా సంప్రదాయ యువకులు లేరు. దీన్ని కేవలం తమకు వ్యతిరేకంగా జరుగుతున్న ప్రచారంగా వారు భావిస్తున్నారు. అధ్యక్ష రేసులో లింగ అంతరం ప్రారంభమైందన్న సీబీఎస్‌ న్యూస్‌ పోల్‌ తాజా ఫలితాలు ఇందుకు అద్దం పట్టేవే. అమెరికాలో పురుషులు ప్రధానంగా ట్రంప్‌ మద్దతుదారులుగానే ఉన్నారు. హారిస్‌ను బలమైన నేతగా చూసే పురుషులు కూడా తక్కువగా ఉన్నారు. యువకులు చాలావరకు ట్రంప్, ఎలాన్‌ మస్క్‌ ‘బ్రో కల్చర్‌’లో నిండా మునిగి తేలుతున్నారు. ‘‘డెమొక్రాట్లు ఎంతసేపూ మహిళలు, గర్భస్రావ హక్కులు, ఎల్జీటీబీక్యూ సంస్కృతి గురించే మాట్లాడుతున్నారు. మరి మా పరిస్థితేమిటి?’’ అన్నది అమెరికా యువత నుంచి గట్టిగా వినిపిస్తున్న ప్రశ్న. దీన్ని డెమొక్రాట్ల పాలిట డేంజర్‌ బెల్‌గా విశ్లేషకులు అభివరి్ణస్తున్నారు! ఎంతో అంతరం అమెరికా పురుషుల్లో 51 శాతం మంది ట్రంప్‌కు మద్దతిస్తుండగా హారిస్‌కు 45 శాతం మాత్రమే సానుకూలంగా ఉన్నట్టు ఇటీవలి సీఎన్‌ఎన్‌ జాతీయ ఓటర్ల సర్వే తేలి్చంది. హార్వర్డ్‌ యూత్‌ పోల్‌లో 30 ఏళ్ల లోపు మహిళల్లో హారిస్‌ ఏకంగా 47 శాతం ఆధిక్యంలో ఉన్నారు. అదే 30 ఏళ్లలోపు పురుషుల్లో ఆమెకు మద్దతిస్తున్నది కేవలం 17 శాతమే. దీంతో హారిస్‌ ప్రస్తుతం ఈ అంతరాన్ని తగ్గించే పనిలో పడ్డారు. గత వారాంతంలో స్వింగ్‌ స్టేట్స్‌లోని పురుషులను లక్ష్యంగా చేసుకుని కొత్త ప్రకటనలకు తెరతీశారు. ‘బీ ఏ మాన్‌.. ఓట్‌ ఫర్‌ ఉమన్‌’ వంటి నినాదాలను నమ్ముకున్నారు. హారిస్‌ రన్నింగ్‌ మేట్‌ టిమ్‌ వాల్జ్‌ ప్రచార కూడా పలు కార్యక్రమాలు, ఇంటర్వ్యూలు, డిజిటల్‌ మీడియా కంటెంట్‌తో పురుష ఓటర్లకు చేరువయ్యే ప్రయత్నంలో ఉన్నారు. ట్రంప్‌ మాత్రం మరిన్ని ఇంటర్వ్యూలతో పురుష ఓటర్లకు మరింత దగ్గరవుతున్నారు. మొత్తంగా చూస్తే ఈసారి అమెరికా అధ్యక్ష ఎన్నికల ఫలితాలను ‘లేడీస్‌ అండ్‌ జంటిల్‌మెన్‌’, ‘బాయ్స్‌ అండ్‌ గాళ్స్‌’ డిసైడ్‌ చేయబోతున్నారు. ఆ లెక్కన అమెరికన్ల జీవితంలో మహిళల పాత్రపై దీన్ని రెఫరెండంగా కూడా భావించొచ్చేమో! ‘పురుష నిస్పృహ’.. ట్రంప్‌ ఆయుధం! అమెరికాలో యువతులతో పోలిస్తే యువకుల తీరు తీసికట్టుగానే ఉన్నట్టు గణాంకాలన్నీ చెబుతున్నాయి. కళాశాలలో యువకులు తక్కువగా చేరుతున్నారు. సమాజంతో సంబంధాలను కొనసాగించడమూ తక్కువే. ఆత్మహత్య రేటూ వారిలోనే ఎక్కువ. యువతులు బాగా చదువుకుంటున్నారు. సేవా రంగంలో రాణిస్తున్నారు. యువకులతో పోలిస్తే ఎక్కువ సంపాదిస్తున్నారు. ట్రంప్‌ అధ్యక్షుడయ్యాక యువకుల కంటే యువతులే బాగా ఉదారంగా మారినట్టు గాలప్‌ పోలింగ్‌ బృందం తెలిపింది. అయితే ఇవన్నీ అమెరికా సమాజంలో లింగ విభేదాలను మరింతగా పెంచేందుకే దోహదపడుతుండటం చింతించాల్సిన విషయమే. యువత అసంతృప్తులను ట్రంప్‌ బాగా అర్థం చేసుకున్నారు. అందుకే ప్రచారం చివరి రోజుల్లో ఈ పురుష నిస్పృహపైనే ప్రధానంగా దృష్టి సారించారు. ‘పురుషత్వం దాడికి గురవుతోంది’ అనే హెచ్చరికను తన సోషల్‌ మీడియా టూల్‌ ట్రూత్‌లో తిరిగి పోస్ట్‌ చేశారు.హిల్లరీకీ ఇదే పరిస్థితి!అమెరికా అధ్యక్ష ఎన్నికల బరిలో దిగిన తొలి మహిళగా హిల్లరీ క్లింటన్‌ చరిత్రలో నిలిచిపోయారు. అయితే ఎనిమిదేళ్ల క్రితం జరిగిన ఆ హోరాహోరీ పోరులో హిల్లరీ ఓటమికి లింగ వివక్ష, స్త్రీల పట్ల అమెరికా సమాజంలో దాగున్న వ్యతిరేకత కూడా కారణమైంది. అప్పుడు కూడా ప్రధాన ప్రత్యరి్థ, అధ్యక్ష పోరులో అంతిమ విజేత ట్రంపే కావడం విశేషం. ఈసారి వివక్ష కాస్త తగ్గినట్టు కనిపిస్తున్నా మరోసారి గెలుపోటములను నిర్ణయించే కీలకాంశం కావచ్చన్న విశ్లేషణలు విన్పిస్తున్నాయి!1920లో మహిళలకు ఓటు హక్కు అమెరికా మహిళలు తొలిసారిగా 1920 అధ్యక్ష ఎన్నికల్లో ఓటు హక్కు వినియోగించుకున్నారు. ఆ ఎన్నికల్లో అఖండ విజయం సాధించిన వారెన్‌ జి.హార్డింగ్‌ మొదటి ప్రపంచ యుద్ధం తాలూకు అనిశ్చితి నుంచి దేశం త్వరలోనే సాధారణ స్థితికి వస్తుందని హామీ ఇచ్చారు. కానీ ఆ ‘సాధారణ స్థితి’ అంటే ఏమిటో 100 ఏళ్లు గడిచినా సగటు అమెరికన్లకు అర్థం కావడం లేదు. 2024లో కూడా అమెరికన్‌ అంటే ‘పురుషుడా, లేక మహిళా?’ అనే ప్రశ్న అడుగడుగునా తలెత్తుతూనే ఉంది. చారిత్రికంగా తెల్లజాతి పితృస్వామ్యంలో నిండా మునిగి తేలుతూ వస్తున్న అగ్ర రాజ్యం ఇప్పుడు తమ నాయకురాలిగా నల్లజాతీయురాలైన మహిళను నామినేట్‌ చేసింది. ఫలితంగా ఎన్నో సవాళ్లను ఎదుర్కొంటోంది. 1920తో పోల్చుకుంటే ఆర్థిక, సామాజికంగా ఎంతో అభివృద్ధి చెందినా అమెరికా మహిళలు ఇప్పటికీ తమ శరీరాలపై హక్కులు తదితరాల కోసం పోరాడాల్సే వస్తోంది. రాజకీయంగా పోటీని మరింత బలంగా ఎదుర్కోవాల్సి వస్తోంది. – సాక్షి, నేషనల్‌ డెస్క్‌

సాక్షి, అమరావతి: రాష్ట్రంలో పురుషుల కన్నా మహిళా ఓటర్లే ఎక్కువగా ఉన్నారు. ప్రతీ వెయ్యి మంది పురుష ఓటర్లకు 1,025 మంది మహిళా ఓటర్లు ఉన్నారు. ముసాయిదా ఓటర్ల జాబితా ప్రకారం రాష్ట్రంలో 1.96 కోట్ల పురుష ఓటర్లుండగా 2.01 కోట్లు మహిళా ఓటర్లు ఉన్నారు. 26 జిల్లాలకు గాను 24 జిల్లాల్లో మహిళా ఓటర్లే నిర్ణేతలుగా ఉన్నారు. విశాఖపట్టణం, శ్రీ సత్యసాయి జిల్లాల్లో మాత్రమే మహిళలకన్నా పురుష ఓటర్లు ఎక్కువగా ఉండగా మిగతా 24 జిల్లాల్లో మహిళా ఓటర్లదే పైచేయిగా ఉంది. శ్రీ పొట్టి శ్రీరాములు నెల్లూరు జిల్లాలో అత్యధికంగా 9.65 లక్షల మహిళా ఓటర్లు ఉన్నారు. ఆ తరువాత అత్యధికంగా కర్నూలు జిల్లాలో 9.60 లక్షలు, అనంతపురం జిల్లాలో 9.56 లక్షలు, విశాఖ జిల్లాలో 9.38 లక్షలు, శ్రీకాకుళం జిల్లాలో 9.10 లక్షల మహిళా ఓటర్లు ఉన్నారు. ఇక ముసాయిదా ఓటర్ల జాబితా ప్రకారం సాధారణ ఓటర్లలో అత్యధికంగా కర్నూలు జిల్లాలో 19.12 లక్షల ఓటర్లు ఉండగా ఆ తరువాత అనంతపురం జిల్లాలో 19.11 మంది,  శ్రీ పొట్టి శ్రీరాములు నెల్లూరు జిల్లాలో 18.98 లక్షల ఓటర్లు ఉన్నారు. అత్యల్పంగా బాపట్ల జిల్లాలో 12.61 లక్షల ఓటర్లు, పార్వతీపురం మన్యం జిల్లాలో 7.68 లక్షలు, అల్లూరి సీతారామరాజు జిల్లాలో 7.15 లక్షల ఓటర్లు ఉన్నారు. 

సాక్షి, ఆదిలాబాద్‌ : రాబోయే ఎన్నికల్లో మహిళలు నిర్ణయాత్మక పాత్ర పోషించబోతున్నారు. ఉమ్మడి ఆదిలాబాద్‌ జిల్లాలోని 10 నియోజకవర్గాల్లో ఐదింట మహిళలే అధికంగా ఉండగా, మిగతా ఐదు చోట్ల సైతం పురుషుల కన్నా మహిళా ఓటర్లలో తేడా స్వల్పమే. ఈ నేపథ్యంలో రాజకీయ పార్టీలన్నీ మహిళా అభ్యర్థుల చుట్టూ ప్రదక్షణలు చేసే పరిస్థితి ఏర్పడింది. సాధారణంగా స్థానిక ప్రాంతాల అభివృద్ధి, కుటుంబ సంక్షేమానికి ఎక్కువ ప్రాధాన్యత ఇచ్చే మహిళలు ప్రజలకు ఉపయోగపడే అభ్యర్థిని ఎన్నుకోవడానికే ప్రాధాన్యత  ఇస్తారు. ఇంట్లో భర్త అభిప్రాయం ఎలా ఉన్నా, అభ్యర్థి గుణగణాలను పరిగణనలోకి తీసుకొని ఓటేయడంలో భార్య ముందుంటుంది. ఈ లెక్కన ఉమ్మడి ఆదిలాబాద్‌ జిల్లాలో మహిళా ఓటర్లు ఈసారి ఎన్నికల్లో కీలకం కాబోతున్నారు. ఉమ్మడి ఆదిలాబాద్‌ జిల్లాలో 19,26,927 మంది ఓటర్లు ఉండగా, అందులో మహిళా ఓటర్లు 9,69,951 మంది కాగా, పురుషులు 9,56,689, ఇతరులు 287 మంది ఉన్నారు. ఈ మేరకు ఎన్నికల కమిషన్‌ తుది జాబితా విడుదల చేసింది.   2014 కన్నా 32వేలు తగ్గిన ఓటర్లు సాధారణంగా ఏయేటికాయేడు ఓటర్ల సంఖ్య పెరగాలి. 18 సంవత్సరాల వయస్సు గల వారందరికీ ఎన్నికల సంఘం ఓటు హక్కు కల్పిస్తున్న నేపథ్యంలో 2014 ఎన్నికలకు ఇప్పటికి ఓటర్ల సంఖ్య గణనీయంగా పెరగాలి. ఉమ్మడి జిల్లాలో ఓటర్ల సంఖ్య నాలుగున్నరేళ్లలో 32,733 తగ్గింది. 2014 ఎన్నికల్లో 19,59,660 మంది ఓటర్లు ఉండగా, ప్రస్తుతం ఆ సంఖ్య 19,26,927గా ఉంది. అత్యధికంగా ఆదిలాబాద్‌లో 20వేలకు పైగా ఓట్లు తగ్గగా, మంచిర్యాల ఆ తరువాత స్థానంలో ఉంది.  ఓటర్ల జాబితా సవరణలతో పెరిగిన ఓటర్లు సెప్టెంబర్‌లో వెలువరించిన ముసాయిదా ఓటర్ల జాబితా ప్రకారం ఉమ్మడి జిల్లాలో 17,67,165 మంది మాత్రమే. అంటే 2014 ఎన్నికలతో పోలిస్తే 2,05,174 మంది ఓటర్లు తగ్గారు. అధికార యంత్రాంగం ఇష్టానుసారంగా బోగస్‌ ఓటర్ల పేరుతో తొలగింపు కార్యక్రమం చేపట్టడంతో ఈ పరిస్థితి ఏర్పడింది. రాజకీయ పార్టీలు, ప్రజా సంఘాల నుంచి వచ్చిన విమర్శల నేపథ్యంలో రెండు నెలల నుంచి రెండుసార్లు ఓటర్ల సవరణకు అవకాశం ఇచ్చారు. ఆన్‌లైన్‌ ఓటరు దరఖాస్తుల విషయంలో శ్రద్ధ చూపడం, ప్రత్యేకంగా ఓటర్ల నమోదు కార్యక్రమం చేపట్టడంతో రెండు నెలల్లో సుమారు లక్షన్నర ఓటర్లు ఉమ్మడి జిల్లాలో పెరిగారు.  నిర్మల్‌లో పురుషుల కన్నా 11,607 మంది మహిళా ఓటర్లు అదనంగా ఉన్నారు. గట్టిపోటీ నెలకొన్న ప్రస్తుత తరుణంలో 11వేల ఓట్లు కీలకం కానున్నాయనడంలో అతిశయోక్తి లేదు. పశ్చిమ జిల్లాలోని ఖానాపూర్, ఆదిలాబాద్, బోథ్, ముథోల్‌లలో కూడా పురుషుల కన్నా మహిళా ఓటర్లే అధికంగా ఉండడం గమనార్హం. ఈ నేపథ్యంలో అభ్యర్థులు మహిళా ఓటర్లను ప్రసన్నం చేసుకునే పనిలో పడిపోయారు. కాగా ఉమ్మడి జిల్లాలో ఈసారి థర్డ్‌జెండర్‌(ఇతరులు) ఓట్లు 287 నమోదు కాగా, అత్యధికంగా మంచిర్యాల, ఆదిలాబాద్‌లలో వరుసగా 49, 46 ఓట్లు ఉన్నాయి.  మరిన్ని వార్తలు...

సాక్షి, సుపర్‌బజార్‌(కొత్తగూడెం): జిల్లాలోని 5 నియోజకవర్గాల్లో పురుష ఓటర్ల కంటే మహిళా ఓటర్లే అధికంగా ఉన్నారు. ఎన్నికల బరిలో ఉన్న నేతల తలరాతలు మార్చడంలో మహిళలు కూడా కీలకపాత్ర పోషించనున్నారు. జిల్లాలో అత్యధికంగా కొత్తగూడెంలో, భద్రాచలం నియోజకవర్గంలో అత్యల్పంగా ఓటర్లు ఉన్నారు.    నియోజకవర్గం మొత్తం ఓటర్లు పురుష ఓటర్లు మహిళా ఓటర్లు  ఇతరులు కొత్తగూడెం 2,11,279 1,03,527 1,07,713 39   ఓటర్ల సంఖ్యలో జిల్లాలోమొదటి స్థానంలో ఉంది, పురుషుల కంటే మహిళా ఓటర్లు 4186 మంది ఎక్కువగా ఉన్నారు. నియోజకవర్గం మొత్తం ఓటర్లు పురుషులు మహిళా ఓటర్లు ఇతరులు ఇల్లెందు 1,96,793 97,552 99,230 16 ఓటర్ల సంఖ్యలో జిల్లాలో ద్వితీయస్థానంలో ఉంది. పురుష ఓటర్ల కంటే మహిళా ఓటర్లు 1,670 మంది అధికంగా ఉన్నారు. నియోజకవర్గం మొత్తం ఓటర్లు పురుష ఓటర్లు మహిళా ఓటర్లు, ఇతరులు పినపాక 1,75,469 87,537 87,923 8 ఓటర్ల సంఖ్యలో జిల్లాలో మూడవ స్థానంలో ఉంది. ఈ నియోజకవర్గంలో పురుషుల కంటే మహిళా ఓటర్లు 386 మంది మాత్రమే అధికంగా ఉన్నారు.    నియోజకవర్గం మొత్తం ఓటర్లు పురుష ఓటర్లు మహిళా ఓటర్లు ఇతరులు అశ్వారావుపేట 1,43,617 70,463 73,142 12 ఓటర్ల సంఖ్యలో నాల్గవ స్థానంలో ఉంది. పురుష ఓటర్ల కంటే 2,679 మంది మహిళా ఓటర్లు అధికంగా ఉన్నారు. నియోజకవర్గం మొత్తం ఓటర్లు పురుష  ఓటర్లు మహిళా ఓటర్లు ఇతరులు భద్రాచలం 1,36,726 66,321 70,381 24  ఓటర్ల సంఖ్యలో చివరిస్థానంలో  ఉంది. భద్రాచలం నియోజకవర్గంలో మంది ఉన్నారు. పురుష ఓటర్ల కంటే మహిళా ఓటర్ల సంఖ్య 4060 అధికంగా ఉండటం గమనార్హం.   5 నియోజకవర్గాలు పురుష ఓటర్లు మహిళా ఓటర్లు 4,25,400 4,38,389 పురుష ఓటర్ల కంటే జిల్లాలో 12,989 మంది మహిళా ఓటర్లు అధికంగా ఉండటంతో వీరి ఓట్లు అభ్యర్థుల జయాపజయాలలో కీలకంగా మారనున్నాయి.   


 సాక్షి, సంగారెడ్డి: జిల్లాలో ఓటర్ల సంఖ్య పెరిగింది. మహిళా ఓటర్లతో పోలిస్తే పురుష ఓటర్లు పెరిగారు. ఎన్నికల అధికారులు ఓటర్ల జాబితా సవరణ చేపట్టి తుది ఓటర్ల జాబితాను వెలువరించారు.  నవంబర్, 2014 ఓటర్ల జాబితాను అనుసరించి జిల్లాలో 22,10,253 మంది ఓటర్లు ఉన్నారు. కాగా సవరణల అనంతరం జిల్లాలో ఓటర్ల సంఖ్య 22,16,697కు చేరుకుంది. జిల్లాలో మొత్తం 31,97,684 మంది జనాభా ఉండగా వీరిలో22,16,697 మంది ఓటర్లుగా నమోదు అయ్యారు.
  
 జిల్లాలో ఓటర్ల సవరణల కోసం మొత్తం 24,418 దరఖాస్తులు వచ్చాయి. వీటిలో 11,935 దరఖాస్తులను వేర్వేరు కారణాలతో తిరస్కరించారు. పరిగణలోకి తీసుకున్న 12,483 దరఖాస్తులను పరిశీలించగా వీటిలో 6039 మంది ఓటర్లను తిరస్కరించటం జరిగింది. దీంతో కొత్తగా 6444 మంది ఓటర్లు పేర్లు తుది జాబితాలో చేర్చటం జరిగింది. సవరించిన తుది ఓటర్ల జాబితాతో పోలిస్తే జిల్లాలో ఓటర్లు 6444 మంది పెరిగారు.
 
 తుది జాబితాను పరిగణనలోకి తీసుకుంటే జిల్లాలో 0.29 శాతం మేర ఓటర్లు పెరిగారు. కాగా సవరణ జాబితా ప్రకారం జిల్లాలో పురుష ఓటర్ల సంఖ్య పెరిగింది. 2014 ఓటర్ల జాబితాలో జిల్లాలో 11,16,844 మంది పురుష ఓటర్లు ఉండగా తాజాగా పురుష ఓటర్ల సంఖ్య 11,20,163కు చేరుకుంది. 3319 మేర పురుష ఓటర్లు పెరిగారు. మహిళా ఓటర్లు గత ఓటర్ల జాబితాలో 10,93,289 మంది ఉండగా తాజా జాబితాలో మహిళా ఓటర్ల సంఖ్య 10,96,412కు చేరుకుంది. ఇతర ఓటర్లు 122 మంది ఉన్నారు. కొత్త ఓటరు జాబితాలో 18 నుంచి 19 ఏళ్ల వయస్సు ఉన్న వారు పురుషులు 1950 మంది, మహిళలు 1377 మంది కొత్త ఓటర్లుగా నమోదు అయ్యారు.


 జిల్లాలో మహిళా ఓటర్లతో పోల్చితే 2117 ఎక్కువ
  
  నక్కలగుట్ట :  జిల్లాలో మహిళా ఓటర్లతో పోల్చితే పురుష ఓటర్లు అధికంగా ఉన్నారు. ఓటర్ల జాబితా సవరణ అనంతరం ఎన్నికల సంఘం తుది జాబితాను ప్రకటించింది. జిల్లాలో మహిళా ఓటర్ల కంటే పురుష ఓటర్లు 2,117 అధికంగా నమోదయ్యారు. జిల్లాలో మొత్తం ఓటర్లు 25,65,394 మంది ఓటర్లు ఉన్నారు. ఇందులో జనవ రి ఒకటి నాటికి జిల్లాలో 12,83,654 మంది పురుష ఓటర్లు నమోదు కాగా, 12,81,543 మంది మహిళా ఓటర్లు నమోదయ్యారు. జిల్లాలో ఓటర్ల నమోదు 62 శాతం అధికంగా నమోదైంది. జిల్లాలోని 12 శాసనసభ నియోజకవర్గాల్లో మొత్తం 25,65,394 మంది ఓటర్లు నమోదైనట్లు కేంద్ర ఎన్నికల సంఘం ప్రకటించింది.
  
 వరంగల్ జిల్లాలో సాధారణ ఎన్నికల్లో నమోదైన 25,49,688 ఓటర్లకు అదనంగా కొత్తగా 19,550 మంది ఓటర్లు నమోదయ్యారు. ఫారం 6 ద్వారా కొత్తగా 30,463 మంది ఓటర్ల నమోదుకు దరఖాస్తులు చేసుకోగా, అందులో 19,550 మంది ఓట్ల నమోదును కేంద్ర ఎన్నికల సంఘం ఆమోదించింది. 10,913 దరఖాస్తులను తిరస్కరించింది. ఫారం 7 ద్వారా తమ  ఓట్లను తొలగించాలని కొత్తగా దరఖాస్తులు చేసుకున్న 1860 మంది ఓటర్ల అభ్యర్థనలను ఎన్నికల సంఘం తిరస్కరించింది.  జిల్లాలో కొత్తగా 15,706 మంది ఓటర్లను నమోదు చేసుకున్న ఎన్నికల సంఘం, ఓటర్ల తిరస్కరణ నిబంంధన 21 ప్రకారం జిల్లాలో 3844 మంది ఓటర్లను ఓటర్ల జాబితాలో నుంచి తొలగించింది. సాధారణ ఎన్నికల తర్వాత జిల్లాలో కొత్తగా నమోదైన ఓటర్ల సంఖ్య జిల్లా లో 0.62 శాతంగా నమోదయ్యింది.
  


 మన దేశంలో జరగబోయే ఎన్నికలు ప్రపంచంలోనే అతిపెద్ద ఎన్నికలు. మన దేశంలో మొత్తం ఓటర్ల సంఖ్య 81.5 కోట్లు. ఇది అమెరికా ఓటర్ల కన్నా నాలుగు రెట్లు ఎక్కువ. అమెరికాలో మొత్తం ఓటర్ల సంఖ్య కేవలం 21.9 కోట్లే. భారతదేశం తరువాత ఎక్కువ ఓటర్లున్న దేశాలు అమెరికా, ఇండోనీసియా, బ్రెజిల్, రష్యా, బంగ్లాదేశ్ లు. ఈ అయిదు దేశాల మొత్తం ఓటర్లు కలిపినా మన దేశంలోని ఓటర్ల కన్నా తక్కువే. ఈ అయిదు దేశాల మొత్తం ఓటర్ల సంఖ్య 74.9 కోట్లే.
 
 *ఇందులో మహిళా ఓటర్ల సంఖ్య 38.8 కోట్లు. పురుష ఓటర్ల సంఖ్య 42.7 కోట్లు. ఆడ, మగ కాక ఇతర క్యాటగరీలో 28,341 మంది ఓటర్లున్నారు.
 
 * గత లోకసభ ఎన్నికలు 2009 లో జరిగాయి. అప్పటికీ ఇప్పటికీ దేశంలో 9.7 కోట్ల మంది కొత్త ఓటర్లు వచ్చి చేరారు. ఈ సంఖ్య ఫిలిప్పీన్స్ మొత్తం ఓటర్ల సంఖ్య కన్నా ఎక్కువ. 1952 లో జరిగిన మొదటి సార్వత్రిక ఎన్నికలలో మొత్తం ఓటర్ల సంఖ్య కేవలం 17.3 కోట్లే. అంటే 1952 నుంచి ఇప్పటికి ఓటర్ల సంఖ్య అయిదింతలు అయ్యిందన్నమాట.
 
 *ఈ ఎన్నికల్లో తొలిసారి వోటు వేయబోతున్న యువ ఓటర్ల సంఖ్య 2.30 కోట్లు. వీరంతా 18-21 ఏళ్ల వయసున్న వారు.
 
 * భారతదేశంలో ఎన్నికలంటే మాటలు కాదు. మొత్తం ఓటర్లలో 96 శాతం మందికి ఓటరు గుర్తింపు కార్డులు ఉన్నాయి. ఎన్నికలు నిర్వహించడానికి దేశవ్యాప్తంగా 9.30 లక్షల పోలింగ్ బూత్ లు ఏర్పాటయ్యాయి. ఇందులో 17 లక్షల ఎలక్ట్రానిక్ వోటింగ్ యంత్రాలు ఏర్పాటవుతాయి. ఎన్నికలను నిర్వహించడానికి 11 లక్షల మంది సిబ్బంది పనిచేస్తారు.
 
 ఒక్క మాటలో చెప్పాలంటే మన ఎన్నికలు నిజంగా ప్రజాస్వామ్యపు పండుగ!