చాలామంది హీరోయిన్లకు యాక్టింగ్ రాదు. ఏదో గ్లామర్‌తో మేనేజ్ చేసేస్తుంటారంతే! అయితే తమకు నటించడం రాదని ఎవరైనా చెబుతారా? కానీ బాలీవుడ్ నటి పూజా బేడీ ఇప్పుడు అదే చేసింది. తనకు అస్సలు యాక్టింగ్ రాదని, దీని నుంచి తప్పించుకునే బాడీ పార్ట్స్ చూపించి తప్పించుకునేదాన్ని అని షాకింగ్ కామెంట్స్ చేసింది.(ఇదీ చదవండి: మొదటి భర్త గురించి అమలాపాల్ ఇన్‌డైరెక్ట్ కామెంట్స్)బాలీవుడ్ నటుడు కబీర్ బేడీ కూతురు పూజా బేడీ. పలు హిందీ సినిమాల్లో ఈమె నటించగా, అవి హిట్ అయ్యాయి. కాకపోతే ఈమె పెద్దగా మూవీస్ చేయలేదు. తెలుగులో చిట్టెమ్మ గారి మొగుడు, ఎన్టీఆర్ 'శక్తి' చిత్రాల్లో యాక్ట్ చేసింది. ఇవి రెండూ డిజాస్టర్స్ కావడంతో తెలుగులో మరో అవకాశం రాలేదు.రీసెంట్‌గా ఫిక్కీ (FICCI) ఈవెంట్‌లో పాల్గొన్న ఈమె.. తనో దారుణమైన నటి అని చెప్పింది. క్లీవేజ్(ఛాతీ భాగం) చూపించి మేనేజే చేసేదాన్ని అని పూజా బేడీ చెప్పుకొచ్చింది. ప్రస్తుతం పూజా బేడీ కూతురు ఆలయ.. బాలీవుడ్‌లో హీరోయిన్‌గా చేస్తోంది. తన కుమార్తె మాత్రం తనలాంటిది కాదని, ఉదయం 6 గంటలకే నిద్రలేస్తుందని.. యాక్టింగ్ ప్రొఫెషన్ అంటే ఆమెకు డెడికేషన్ అని చెప్పుకొచ్చింది. సరే ఇదంతా పక్కనబెడితే పూజా బేడీ చేసిన లేటెస్ట్ కామెంట్స్ మాత్రం సోషల్ మీడియాలో తెగ వైరల్ అయిపోతున్నాయి.(ఇదీ చదవండి: డబ్బు లాక్కొని హీరోయిన్‌ని భయపెట్టిన బిచ్చగాడు)

సాక్షి, సిటీబ్యూరో, రాయదుర్గం: నా జీవితంలో చోటుచేసుకున్న ప్రతి విషాదం నన్ను దృఢంగా చేసిందని ప్రముఖ నటి పూజా బేడీ అన్నారు. గచ్చిబౌలో గురువారం ఓ ప్రైవేటు కార్యక్రమానికి హాజరైన ఆమె కాసేపు మీడియాతో ముచ్చటించారు. చాలా తెలుగు సినిమాల్లో నటించాను. మోహన్‌బాబు నుంచి జూ.ఎన్టీఆర్‌ లాంటి అగ్ర హీరోల వరకూ అనేక సినిమాల్లో నటించాను.హైదరాబాద్‌ షూటింగ్‌ ప్రదేశాలను ఎంతగానో ఎంజాయ్‌ చేశాను. చారి్మనార్‌ గల్లీల్లో తిరిగాను, గాజుల దుకాణాలు ఆకట్టుకుంటాయి. స్థానిక పర్యాటక ప్రాంతాలను సందర్శించాను. ప్రత్యేకించి హైదరాబాద్‌ ధమ్‌ బిర్యానీకి పెద్ద ఫ్యాన్‌ను. అలాగే సలాడ్‌ కూడా ఇష్టం. వివిధ సందర్భాల్లో వచి్చనపుడు బిర్యానీతో పాటు హలీం తినడానికి ఇష్టపడతాను. హైదరాబాద్‌ నుంచి ముంబయి వెళ్లే సమయంలో పెద్ద పెద్ద బాక్సుల్లో బిర్యానీ పార్శిల్స్‌ వచ్చేవి. తిరుపతి వేంకటేశ్వరస్వామి దర్శనం చేసుకోవడం ఇష్టం అని తెలిపారు. అంతకు ముందు ఎఫ్‌ఐసీసీఐ లేడీస్‌ ఆర్గనైజేషన్‌ (ఎఫ్‌ఎల్‌ఓ) గచి్చబౌలి చాప్టర్‌ సత్వ నాలెడ్జ్‌ సిటీలో ‘లిమిటేషన్‌ టు లిబరేషన్‌ అండ్‌ అన్‌లాక్‌ యువర్‌ ఇన్నర్‌ స్ట్రెంక్త్‌’ అనే అంశంపై ఫిల్మ్‌ స్టార్, వెల్నెస్‌ ఎవాంజెలిస్ట్‌ పూజా బేడితో ఇంటరాక్టివ్‌ సెషన్‌ను నిర్వహించారు. కార్యక్రమంలో ఎఫ్‌ఎల్‌ఓ ఛైర్‌పర్సన్‌ ప్రియా గజ్దర్, ఫ్లో సభ్యులు పాల్గొన్నారు.నేనెప్పుడూ ఏడవలేదు..విద్యార్థి దశలో నేను తరగతిలో ఫస్ట్‌ ఉండేదాన్ని. సినిమాల్లోకి వస్తానని అస్సలు అనుకోలేదు. మా అమ్మ మంచి డ్యాన్సర్‌. ఈ ఫీల్డ్‌లోకి వచ్చాక ఎక్కడా వెనుదిరిగి చూడలేదు. గత కొన్నేళ్లుగా నా కుటుంబంలో ప్రతి ఆరు నెలలకూ చెడు వార్త వినాల్సి వచ్చింది. అమ్మమ్మ చనిపోయింది. నాకు ఇష్టమైన కుక్క మృతి చెందింది. తండ్రిలాంటి వ్యక్తిని కోల్పోయాను. నా తమ్ముడికి మరో సమస్య వచి్చంది. నాకు విడాకుల సమస్య. నేనెప్పుడూ ఏడవలేదు. విచారిస్తూ నా లక్ష్యాన్ని మర్చిపోలేదు. ఆత్మస్థైర్యం కోల్పోలేదు. పరిస్థితులను ధైర్యంగా ఎదుర్కొన్నాను. వెల్‌నెస్‌ సంస్థను నిర్మించాను. ప్రతి విషాదం నన్నో దృఢమైన వ్యక్తిని చేసింది. జీవితం చాలా చిన్నది. ఇదొక ప్రయాణం. అందరికీ సమస్యలు ఉంటాయి. జీవితంలో అవి ఒక భాగం మాత్రమే. వాటిని మనం ఎలా ఎదుర్కొంటామనేదే నిజమైన వ్యక్తిత్వం.అలా విముక్తి లభించింది..‘నా జీవితంలో ప్రతి విషాదం నన్ను బలమైన వ్యక్తిగా తయారు చేసింది. విడాకుల సమయంలోనూ 12 ఏళ్ల సంతోషమైన జీవితం కోసం 50 ఏళ్లు దయనీయంగా ఉండరాదనుకున్నా. అప్పుడు నాకు విముక్తి లభించింది’ అని తెలిపారు.ఇవి చదవండి: బ్లాక్‌బస్టర్‌ మూవీకి బంపరాఫర్.. కేవలం ఒక్క రోజు మాత్రమే!

కట్టుకున్న భర్త పరాయి ఆడదాన్ని కన్నెత్తి చూస్తేనే మహిళలు భరించలేరు. కానీ ఇక్కడ చెప్పుకునే మహిళ మాత్రం భర్త రెండో పెళ్లి చేసుకుంటే వారి పెళ్లికి వెళ్లి మరీ ఆశీర్వదించింది. ఇంతకీ ఆ మహిళ మరెవరో కాదు బాలీవుడ్‌ సీనియర్‌ నటి పూజా బేడీ. భర్త రెండో పెళ్లి చేసుకుంటే ఆమెతో స్నేహం కూడా చేసిందట. ఈ విషయాలన్నింటినీ పూజా బేడీ కూతురు, నటి ఆలయ ఎఫ్‌ తాజాగా ఓ ఇంటర్వ్యూలో వెల్లడించింది.నాన్న రెండో పెళ్లికి..'నా తల్లిదండ్రులు విడిపోయారు. కానీ ఎప్పుడూ కలిసే కనిపించేవారు. మంచి ఫ్రెండ్స్‌లా కలిసిమెలిసుంటారు. ఇప్పటికీ గొప్ప మిత్రులుగానే కొనసాగుతున్నారు. ఎంతలా అంటే.. మా నాన్న రెండో పెళ్లి చేసుకుంటే ఆ వేడుకకు అమ్మ కూడా హాజరైంది. నాక్కూడా ఆ పిన్ని అంటే చాలా ఇష్టం. ఆ పిన్నికి పుట్టిన కుమారుడిని నా సొంత సోదరుడిలానే భావిస్తాను. వాళ్లిద్దరూ నాకెంతో ఇష్టం.విడాకులు మంచి నిర్ణయంనా జీవితంలో వాళ్లు లేకపోయుంటే అన్న ఆలోచనే చాలా భయంకరంగా అనిపిస్తుంది. నా వరకైతే అమ్మానాన్న విడాకులు తీసుకుని మంచి పనే చేశారు. విడాకులను అంత పెద్ద సమస్యగా చూడకుండా చక్కగా హ్యాండిల్‌ చేశారు. వీళ్లు విడిపోయాక నాకు మంచి మనసున్న పిన్ని, తమ్ముడు దొరికారు.అమ్మ, పిన్ని ఎలా ఉంటారంటే?విడిపోయారన్న మాటే కానీ అమ్మానాన్నలు ఎప్పుడూ ఒకరిగురించి మరొకరు చెడుగా మాట్లాడుకోవటం నేను వినలేదు. పైగా అమ్మ, పిన్ని కూడా ఫ్రెండ్స్‌లా కలిసిపోవడం విశేషం' అని ఆలయ చెప్పుకొచ్చింది. పూజా బేడీ, బిజినెస్‌మెన్‌ ఫర్హాన్‌ 1994లో పెళ్లి చేసుకున్నారు. 2003లో ఈ దంపతులు విడాకులు తీసుకున్నారు. కాగా ఆలయ ఎఫ్‌.. ఈ ఏడాది రిలీజైన బడే మియా చోటే మియా, శ్రీకాంత్‌ సినిమాల్లో నటించి ఆకట్టుకుంది.చదవండి: Laya: రోడ్డునపడ్డా.. అడుక్కుతింటున్నా అని ప్రచారం చేశారు.. బాధేసింది!

Alaya F Recovered From Covid 19 Reveals Two Times Negative: భారతదేశంలో కరోనా మళ్లీ విజృంభిస్తోంది. చాపకింద నీరులా రోజురోజుకీ తన ఉనికిని చాటుతోంది. సామాన్యులు, సెలబ్రిటీలు అంటూ తేడా లేకుండా క్రమంగా పాజిటివ్‌ కేసుల సంఖ్య పెంచుకుంటూ పోతూ బాలీవుడ్‌లో కలకలం సృష్టిస్తోంది. ఇప్పటికే అర్జున్ కపూర్‌, కరీనా కపూర్‌, నోరా ఫతేహీ, జాన్ అబ్రహం, ఆయన భార్య ప్రియా రుంచల్‌ కరోనా బారిన పడిన సంగతి తెలిసిందే. అయితే బీటౌన్‌లో ప్రముఖులు కరోనా చేతులకి చిక్కగా బాలీవుడ్‌ బ్యూటీ అలయ ఎఫ్‌ గుడ్‌ న్యూస్‌ చెప్పింది. తాను కొవిడ్‌ నుంచి కోలుకున్నట్లు తెలిపింది. ఈ విషయాన్ని తను సోషల్‌ మీడియా వేదికగా ప్రకటించింది.  అలయ తన ఇన్‌స్టా స్టోరీలో అందరికీ నమస్కారం. 'నేను ఒక వారం క్రితం కొవిడ్‌ పరీక్ష చేయించుకోగా పాజిటివ్‌ అని తేలింది. అప్పుడు నాకు ఎలాంటి కరోనా లక్షణాలు లేవు. నా చుట్టూ ఉన్న వారిలో కూడా లేవు. కాకపోతే నేను చాలా చోట్లకు ఎక్కువగా ప్రయాణిస్తాను కాబట్టి కరోనా పరీక్ష చేయించుకున్నాను. పాజిటివ్‌ అని తెలిసాక ఐసోలేట్‌ అయ్యాను. ఆరోగ్యం బాగా ఉందని నాకు అనిపించాక డిసెంబర్‌ 30, జనవరి 1న రెండు సార్లు కరోనా పరీక్షలు చేసుకున్నాను. రెండుసార్లు నెగెటివ్‌ అని వచ్చింది. కొవిడ్‌ నిబంధనలకు అనుగుణంగా నేను సంప్రదింపులు జరుపుతున్నాను. మాస్క్‌ ధరించి సురక్షితంగా ఉండండి.' అని పేర్కొంది.  బాలీవుడ్‌ నటుడు ఫర్హాన్ ఇబ్రహీం ఫర్నిచర్ వాలా, పూజా బేడి కుమార్తె అయిన అలయ 2020 లో 'జవానీ జనేమాన్' చిత్రంతో బాలీవుడ్‌లోకి అడుగుపెట్టింది. నితిన్ కక్కర్ దర్శకత్వం వహించిన ఈ చిత్రంలో సైఫ్ అలీ ఖాన్, టబు ప్రధాన పాత్రల్లో నటించారు.  ఇదీ చదవండి:  ప్రముఖ నిర్మాతకు కరోనా పాజిటివ్‌.. జాగ్రత్తగా ఉన్నప్పటికీ

'విషకన్య' చిత్రంతో వెండితెరపై అడుగు పెట్టింది బాలీవుడ్‌ నటి పూజా బేడీ. చేసింది తక్కువ సినిమాలే అయినా ఎక్కువ పాపులారిటీ సంపాదించుకుందావిడ. తెలుగులో 'చిట్టమ్మ మొగుడు', 'శక్తి' సినిమాల్లోనూ సహాయక పాత్రల్లో కనిపించి తెలుగు ప్రేక్షకులను అలరించింది. పెళ్లి తర్వాత వెండితెరకు దూరమైన పూజా బేడీ దీనికి తన మాజీ భర్త ఫర్హాన్‌, అతడి కుటుంబమే కారణమని చెప్తోంది. 'నా మాజీ భర్త ఫర్హాన్‌ పెళ్లికి ముందే నాతో ఈ విషయం చెప్పాడు. అతడి కుటుంబం సాంప్రదాయాలకు ఎక్కువ విలువిస్తుందని, పెళ్లయ్యాక నేను సినిమాల్లో నటించడం కుదరదన్నాడు. అప్పుడు నాకు నా తల్లి చెప్పిన మాట గుర్తొచ్చింది. మీరేం చేసినా అందులో 100 శాతం ఇవ్వాల్సిందేనని అమ్మ మాకు పదే పదే చెప్పేది. ఇక అప్పుడు నేను సాధారణ గృహిణిగానే ఉండిపోతానని ఫిక్సయ్యా. అప్పటివరకు సాగిన సినీప్రయాణాన్ని వదిలేసి, కొత్త జర్నీ మొదలు పెట్టాలనుకున్నాను. అనుకున్నట్లుగానే అన్నింటికీ ఫుల్‌స్టాప్‌ పెట్టేసి ఉత్తమ భార్యనయ్యాను' అని పూజా చెప్పుకొచ్చింది. కాగా పూజా బేడీ ఫర్హాన్‌ను 1994లో పెళ్లి చేసుకుంది. వీరికి ఆలయ, ఒమర్‌ అని ఒక కూతురు, కొడుకు ఉన్నారు. తర్వాతి కాలంలో పూజా, ఫర్హాన్‌ మధ్య సఖ్యత కుదరకపోవడంతో 2003లో విడాకులు తీసుకున్నారు. ఆ తర్వాత ఆమె జలక్‌దిక్‌లాజా 1, నాచ్‌ బలియే 3, హిందీ బిగ్‌బాస్‌ 5వ సీజన్స్‌లో కంటెస్టెంట్‌గా బుల్లితెర మీద నానా హంగామా చేసింది. చదవండి: సోనమ్‌ను ఏడిపిస్తారా? అంటూ హీరో ప్రతాపం! చివరికి.. ఆగిన MI-7 షూటింగ్​..టామ్​ క్రూజ్​కి కరోనా!

బాలీవుడ్‌ సీనియర్‌ నటి పూజ బేడీ ఐశ్వరీ ఠాక్రేతో తన కూతురు, నటి అలయ ఎఫ్‌ ప్రేమ వ్యవహరంపై స్పందించింది. జవానీ జానెమాన్‌తో బాలీవుడ్‌ ఎంట్రీ ఇచ్చిన అలయా ఎఫ్‌ గత కొంతకాలంగా దివంగత శివసేన వ్యవస్థాపకులు బాల్‌ ఠాక్రే మనవడైన ఐశ్వరీ ఠాక్రేతో ప్రేమలో ఉన్నట్లు కొంతకాలంగా వార్తలు వినిపిస్తున్న సంగతి తెలిసిందే. అయితే గతేడాది అలయ తన బర్త్‌డే సెలబ్రేషన్స్‌లో భాగంగా ఐశ్వరీ ఠాక్రేతో కలిసి దుబాయ్‌లో సందడి చేసిన ఫొటోలు వైరల్‌ అయ్యాయి. దీంతో అప్పటి నుంచి వారిద్దరూ డేటింగ్‌లో ఉన్నారంటూ బీ-టౌన్‌లో టాక్‌. ఈ నేపథ్యంలో ఇటీవల ఓ ఛానెల్‌కు ఇచ్చిన ఇంటర్వ్యూలో పూజా బేడీ ఈ రూమర్స్‌పై మాట్లాడుతూ.. ఈ మధ్య కాలంలో అలయకు సంబంధించిన ప్రతి విషయం వార్తల్లో నిలుస్తుందన్నారు. ‘అలయ వ్యక్తిగతం జీవితంపై, ఆమె ఎవరెవరితో డేటింగ్‌ చేస్తుంది ఇలా చాలా రూమర్స్‌ పుట్టుకొచ్చాయి. ఇప్పటికి తన డేటింగ్‌పై దాదాపు 7 వార్తలు చూశాను. ఆపై తను ఎవరితో ఉండాలనుకుంటుంది అనే ప్రశ్న కూడా తలెత్తింది. ఇదంతా పక్కన పెడితే ప్రస్తుత రోజుల్లో నటిగా ఏ వయసులో ఎలా ఉండాలి అంటూ వారిని ఓ నిర్థిష్ట పద్దతిలో అంచనా వేయనవసరం లేదు. నా సమయంలో అయితే రిలేషన్‌షిప్‌లో లేని మహిళ ఖచ్చితంగా కన్య అయి ఉండాలి, అవివాహితురాలై ఉండాలి. కానీ ఇప్పటి కాలంలో అలాంటి పట్టింపులు లేవు. కానీ ఇప్పుడ ఒక నటి వ్యక్తిగత జీవితాన్ని ఆనందంగా గడిపే హక్కు తనకుంది’ అంటూ ఆమె చెప్పుకొచ్చింది. ఇక హీరోయిన్‌ కరీనా కపూర్‌ను ఉద్దేశిస్తూ ఆమె  మాట్లాడుతూ... కరీనా చూడండి వివాహ ఆనంతరం ఆమె ఆనందంగా లేదాని, కాబట్టి ఇండస్ట్రీలో ప్రస్తుతం ఎన్నో మార్పులు వచ్చాయన్నారు. అలాగే సోషల్‌ మీడియా వల్ల ప్రేక్షకుల చూసే విధానంలో కూడా అనుహ్యా మార్పులు వచ్చాయంటూ పూజా స్పష్టత నిచ్చింది. అయితే అలయ ఐశ్వరీ ఠాక్రేతో పలు విందువినోదాలకు, లేట్‌నైట్‌ డిన్నర్లకు వెళ్లడం, అంతేగాక ఈ ఏడాది ప్రారంభంలో ఐశ్వరీతో పాటు అతడి తల్లి స్మిత ఠాక్రేతో కలిసి ఆమె ఓ రెస్టారెంట్‌కు వెళ్లడంతో వీరిద్దరి రిలేషపై వస్తున్న ఊహాగానాలు మరింత బలపడ్డాయి. అంతేగాక ఆ మధ్య  అలయ ఐశ్వరీ  తన ఫ్యామిలీ ఫ్రెండ్‌ అంటూ చేసిన కామెంట్లను కొట్లిపారెసిన సంగతి తెలిసిందే.  చదవండి:  నా లోపం చాలా చిన్నది, అందుకే వద్దనుకున్న: అలయ

తన లోపం చాలా చిన్నదని, దాన్ని ప్రజలు అంగీకరిస్తారో లేదో తను తెలియదు కానీ  సర్జరీకి మాత్రం వెళ్లనంటోంది బాలీవుడ్‌ భామ అలయ. బాలీవుడ్‌ సీనియర్‌ నటి పూజ బేడీ గారాల పట్టి అయిన అలయ జవాని జానేమన్‌తో బాలీవుడ్‌ ఎంట్రీ ఇచ్చింది. అయితే సినీ తారలంతా తమ అందాన్ని మరింత పెంచుకునేందుకు ప్రత్యేక సర్జరీలు చేసుకుంటారనే విషయం తెలిసిందే. పాత తరం నుంచి నేటి తరం హీరోయిన్లు సైతం  ​కాస్మోటిక్‌ సర్జరీలు చేయించుకుని తమ అందానికి మెరుగులందుకుంటున్నారు. అయితే నేటి తరం హీరోయిన్‌ అలయ మాత్రం తాను సర్జరీలు చేయించుకోనని తెల్చి చెప్పింది. ఈ నేపథ్యంలో ఇటీవల ఓ ఇంటర్వ్యూలో మాట్లాడుతూ.. తన ముక్కకు కాస్మెటిక్‌ సర్జరీ చేయించుకోవాలనుకున్నట్లు వెల్లడించింది. ‘అవును నేను నా ముక్కుకు కాస్మెటిక్‌ సర్జరీ చేయించుకోవాలనుకున్నాను. ఎందుకంటే నా ముక్కు ఒకవైపు ఎత్తుగా ఉంటుంది. మరోవైపు బాగుంటుంది. అయితే ఇది చాలా చిన్న విషయమనిపించింది. అందుకే సర్జరీ చేయించుకోవాలన్న ఆలోచన మానుకున్నాను. ప్రజలు ఇలా చూస్తారో లేదో నాకు తెలియదు.కానీ నేను మాత్రం సర్జరీ చేయించుకోను’ అంటూ చెప్పుకొచ్చింది. అయితే ప్రస్తుతం చాలా మంది హీరోయిన్‌లు కాస్మెటీకి సర్జరీకి వెళ్లి అందాన్ని మరింత పెంచుకుంటున్నప్పటికి తాను మాత్రం చేయనని చెప్పింది. కాగా నటుడు ఫర్హాన్ ఇబ్రహీం ఫర్నిచర్ వాలా, పూజా బేడి కుమార్తె అయిన అలయ 2020 లో జవానీ జనేమాన్ చిత్రం బాలీవుడ్‌లోకి అడుగుపెట్టింది. నితిన్ కక్కర్ దర్శకత్వం వహించిన ఈ చిత్రంలో సైఫ్ అలీ ఖాన్, టబు ప్రధాన పాత్రల్లో నటించారు. అలయ తదుపరి ఏక్ జౌర్ గజాబ్ కహానీలో నటిస్తోంది. చదవండి:  షాకింగ్‌: నటికి సర్జరీ మిస్‌ఫైర్‌ కావడంతో ఫ్యాట్‌‌ సర్జరీ.. సగం రక్తం కోల్పోయా: నటి

పెళ్లి మాట ఎత్తితే చాలు హీరో హీరోయిన్లు మొహం చాటేస్తారు. మరీ గుచ్చి గుచ్చి అడిగితే.. అప్పుడే పెళ్లేంటి? అన్నట్లు ఓ లుక్కిస్తారు. పోనీ, ఎప్పుడు చేసుకుంటారో చెప్పండి అంటే.. ఇంకా సాధించాల్సింది చాలా ఉంది అంటూ ఇప్పట్లో పెళ్లి చేసుకునే ఉద్దేశ్యమే లేదన్నట్లుగా మాట్లాడతారు. చిత్ర పరిశ్రమలో లేటు పెళ్లిళ్లు, అసలు పెళ్లిళ్లే చేసుకోకపోవడాలు అనేవి సర్వసాధారణం. అయితే ఏది ఏమైనా 30కు ముందు పెళ్లి చేసుకోవద్దంటున్నారు బాలీవుడ్‌ సీనియర్‌ నటి పూజా బేడీ. పెళ్లికి అంత తొందర అవసరం లేదని, లేటుగా పెళ్లి చేసుకోమని తన పిల్లలు ఆలియా, ఒమర్‌లకు సూచనలిస్తున్నారు. ఈ విషయాన్ని ఆలియా ఓ ఇంటర్వ్యూలో బయటపెట్టారు. (చదవండి: సినిమాల్లో నటించను: షాహిద్‌ భార్య) 'నీ కాళ్ల మీద నువ్వు నిలబడగలిగాలి అని నా తల్లిదండ్రులు ఎప్పుడూ నాకు చెప్తూ ఉండేవారు. ముఖ్యంగా అందరి పేరెంట్స్‌లా పెళ్లి చేసుకోమని ఎప్పుడూ ఒత్తిడి చేయలేదు. పైగా ముప్పై ఏళ్ల లోపు పెళ్లి చేసుకోవడం కన్నా మూర్ఖత్వం మరొకటి ఉండదని హెచ్చరించేవాళ్లు. ముందుగా చేసే పని మీద, కెరీర్‌ మీద ధ్యాస పెట్టమని సూచించేవాళ్లు" అని ఆలియా చెప్పుకొచ్చారు. కాగా ఆలియా ఐదేళ్ల వయసులోనే ఆమె తల్లిదండ్రులు పూజా బేడీ - ఫర్హాన్‌ ఫర్నిచర్‌ వాలా విడిపోయారు. అనంతరం ఫర్హాన్‌.. ఫిరోజ్‌ ఖాన్‌ కూతురు లైలా ఖాన్‌ను వివాహం చేసుకోగా వారికి ఓ బిడ్డ కూడా జన్మించింది. ఇక ఆలియా సినిమాల విషయానికి వస్తే.. దర్శకుడు నితిన్‌ కక్కర్‌ తెరకెక్కించిన ‘జవానీ జానేమన్‌’ సినిమాతో ఆమె హీరోయిన్‌గా పరిచయమయ్యారు. ప్రస్తుతం ఆమె అనురాగ్‌ కశ్యప్‌ డైరెక్షన్‌లో నటించనున్నట్లు సమాచారం. (చదవండి: ‘మా నాన్న నాలుగు పెళ్లిళ్లు చేసుకున్నారు’)

ముంబై : మోడల్‌, నటుడు మిలింద్‌ సోమన్‌ బీచ్‌లో నగ్నంగా పరిగెడుతున్న వివాదాస్పద చిత్రాన్ని సోషల్‌ మీడియాలో పోస్ట్‌ చేయడాన్ని సినీ నటి పూజా బేడీ సమర్థించారు. నిజానికి ఆ ఫోటో చూడటానికి అంత అశ్లీలంగా ఏమీ లేదని, అది అతని సౌందర్యమని ఆమె అభివర్ణించింది. మిలింద్‌ చిత్రాన్ని ట్విట్టర్‌లో నాగ సాధువులతో పోల్చి, వీరు బూడిద పూసుకొని నగ్నంగా తిరిగితే తప్పు లేనప్పుడు, మిలింద్‌ ఫోటోలో కూడా కచ్ఛితంగా ఎలాంటి తప్పు లేదని  పేర్కొన్నారు. ‘‘అశ్లీలత అనేది చూసే వారి దృష్టిలో ఉంటుంది. అందంగా కనిపించడం, ఫేమస్‌ అవడం, తనకు ఒక బెంచ్‌ మార్క్‌ను ఏర్పాటు చేసుకోవడం అతను చేసిన నేరమా.? ఒకవేళ నగ్న చిత్రమే నేరమైతే నాగ బాలందరినీ అరెస్ట్‌ చేయాలి. బూడిద పూసుకొని తిరగడం ఆమోదయోగ్యం కాదని’’ ఆమె ట్వీట్‌ చేశారు. కాగా, మిలింద్‌ తన 55 వ పుట్టిన రోజున గోవా బీచ్‌లో నగ్నంగా పరుగెత్తుతున్నప్పుడు అతని భార్య అంకితా కొన్వర్‌ తీసిన ఫోటోను, ‘‘హ్యాప్పీ బర్త్‌డే టు మీ 55’’ అనే క్యాప్షన్‌తో సోషల్‌ మీడియాలో పంచుకున్నారు. ఈ ఫోటోను అప్‌లోడ్‌ చేసినందుకు మిలింద్‌పై అశ్లీలతకు కేసు నమోదయ్యింది. సమాచార సాంకేతిక చట్టంలోని ఇతర  సంబంధిత విభాగాలతో పాటు భారతీయ శిక్షాస్మృతిలోని సెక్షన్‌ 294 (అశ్లీలత) కింద కేసు నమోదు చేసినట్లు దక్షిణ గోవా పోలీస్‌ సూపరిండెంట్‌ పంకజ్‌ కుమార్‌ సింగ్‌ హిందుస్తాన్‌ టైమ్స్‌తో చెప్పారు. ఇటీవల ఇదే తరహాలో మోడల్‌, నటి పూనం పాండే కూడా అభ్యంతరకరమైన వీడియో చిత్రీకరించినందుకు, ఆమెను, ఆమె భర్త సామ్‌ను గోవా పోలీసులు అరెస్ట్ చేశారు. ఇరవై వేల రూపాయల బెయిల్ బాండ్ విధించారు. కెనకోనా న్యాయమూర్తి వారికి బెయిల్ మంజూరు చేస్తున్నప్పుడు, అన్ని నగ్న చిత్రాలను అశ్లీలంగా పరిగణించలేమని అన్నారు. ‘‘ఇలాంటి ప్రాతినిథ్యం కలిగిన కళను ప్రదర్శించేటప్పుడు దీన్నొక మినహాయింపుగా గమనించడం ముఖ్యం. చలన చిత్రాలను రూపొందించటమనేది ఒక కళాత్మక ప్రయోగం. వాస్తవాలు, పరిస్థితులను బట్టి నగ్నత్వం అంతా అశ్లీలమని ఒక నిర్ణయానికి రాకూడదని’’ ఆయన అన్నారు.

ముంబై: బాలీవుడ్‌ ఒక్క పరిశ్రమే డ్రగ్స్ వాడుతున్నట్లు మీడియా హడావుడి చేస్తుందని ప్రముఖ బాలీవుడ్‌ నటి పూజా బేడీ విమర్శించారు. బాలీవుడ్‌ కాకుండా మిగతా రంగాలలో విపరీతంగా డ్రగ్స్‌(మాదక ద్రవ్యాల) వాడుతన్నా, మీడియాకు కనిపించట్లేదా అని ప్రశ్నించారు. కాగా బాలీవుడ్‌ నటుడు సుశాంత్‌ సింగ్‌ రాజపుత్‌ ఆత్మహత్యతో డ్రగ్స్ ప్రమేయం ఏమైనా ఉన్నదా అని దర్యాప్తు అధికారులు విచారిస్తున్నారు. ఇటీవల బాలీవుడ్ డ్రగ్స్‌ సంబంధాలపై విచారణలో భాగంగా హీరోయిన్‌ రకుల్‌ ప్రీత్‌ సింగ్‌ను ప్రశ్నించనున్నట్లు నార్కోటిక్స్‌ కంట్రోల్‌ బ్యూరో(ఎన్‌సీబీ) పేర్కొంది. ఈ అంశంపై ఎన్‌సీబీ పలువురు బాలీవుడ్‌ సినీ ప్రముఖులను ప్రశ్నిస్తోంది. వీరిలో దీపికా పదుకొణె, శ్రద్ధా కపూర్, సారా అలీఖాన్, రకుల్‌ప్రీత్‌ సింగ్‌లకు సమన్లు జారీ చేసన విషయం తెలిసిందే. మరోవైపు 39 మంది బాలీవుడ్‌ సెలబ్రిటీలపై డ్రగ్స్ కేసు సంబంధించి విచారించే అవకాశముందని బాలీవుడ్‌ వర్గాలు తెలిపాయి. సంచలన అంశాలను మీడియా పక్కదారి పట్టించే ప్రయత్నం చేస్తుందని పూజా బేడీ పేర్కొంది.

ముంబై: తను మళ్లీ పెళ్లి చేసుకోవాలన్నది తన పిల్లల కోరిక అంటూ బాలీవుడ్‌ సీనియర్‌ నటి పూజా బేడీ పేర్కొన్నారు. పూజా మాజీ భర్త ఫర్హాన్ ఫర్నిచర్ వాలాతో విడాకులు అనంతరం మనేక్ కాంట్రాక్టర్‌తో ఆమె ప్రేమలో ఉన్న విషయం తెలిసిందే. మనేక్‌తో రిలేషన్‌షిప్‌లో ఉన్నట్లు గతేడాది వాలంటైన్స్‌ డేకు ఆమె ప్రకటించారు. ఇటీవల పూజా ఓ ఇంగ్లీష్‌ ఛానల్‌కు ఇచ్చిన ఇంటర్య్వూలో మాట్లాడుతూ.. తన పిల్లలతో తనకు ఉన్న అనుబంధం గురించి చెప్పారు. అలాగే తన పిల్లలు కూడా మనేక్‌ను ఇష్టపడతారన్నారు. మనేక్‌తో తన పెళ్లి గురించి అడగ్గా.. ‘ఇప్పుడు నేను పెళ్లి చేసుకోవడం కంటే కూడా  జీవితంలో ఇది నాది అనేలా నేను స్థిరపడాలని నా పిల్లలు(అలియా ఫర్నిచర్‌ వాలా, ఒమర్‌ ఫర్నిచర్‌ వాలా) కోరుకుంటున్నార’ని చెప్పారు. (చదవండి: న‌టుడు దిలీప్‌కుమార్ సోద‌రుడు మృతి) ‘వారి జీవితంలోకి నేను తీసుకువచ్చిన అద్భుతమైన వ్యక్తిని వారు ఇష్టపడుతున్నారు. అలాగే నా మాజీ భర్తను కూడా వారు ఇష్టపడతారు. కానీ వీటి కారణంగా నేను ఆందోళన, గందరగోళానికి గురికావొద్దని వారు నాకు చెబుతారు. అంతేగాక వాళ్ల డాడీ (ఫర్హాన్‌ ఫర్నిచర్‌ వాలా) మరో పెళ్లి చేసుకున్నట్లే.. నన్ను కూడా మరో పెళ్లి చేసుకోమని అడుగుతూ ఉంటార’ని పిల్లలు తరచూ తనతో అంటుంటారని పూజా చెప్పుకొచ్చారు. ‘జీవితంలో ఎదురయ్యే ఎన్నో అనుభవాలు మన మంచికే అనుకోవాలి.  మా నాన్న కబీర్‌ బేడీ నాలుగు వివాహలు చేసుకున్నాడు. వాటి వల్ల ఆయన మరింత బలవంతుడు అయ్యాడు’ అని పూజా అన్నారు. (చదవండి: సారాను పెళ్లి చేసుకుంటా: నటి కూతురు) పూజా బేడీ 1994లో ఫర్హాన్‌ ఫర్నిచర్‌వాలాను వివాహం చేసుకున్నారు. వైవాహిక బంధంలో వచ్చిన కొన్ని మనస్ఫర్థల కారణంగా పూజా, ఫర్హాన్‌లు 2003 విడాకులు తీసుకుని విడిపోయారు. వీరికి అలియా, ఒమర్‌లు ఇద్దరూ పిల్లలు ఉన్నారు. ప్రస్తుతం వారు పూజాతో నివసిస్తున్నారు. అయితే పూజా భర్త ఫర్హాన్‌ ఆమెతో విడిపోయిన అనంతరం  ఫిరోజ్‌ ఖాన్‌ కూతురు లైలా ఖాన్‌ను వివాహం చేసుకున్నాడు. ఇప్పుడు వారికి ఓ బిడ్డ కూడా ఉంది. 

నెపోటిజమ్‌పై అనన్య పాండేకు మంచి అభిప్రాయం లేదంటున్నారు బాలీవుడ్‌ నటి పూజ బేడి కూతురు అలయా. కాగా అలయా ‘జవానీ జానేమాన్’ చిత్రంతో బాలీవుడ్‌లో తెరంగేట్రం చేయనున్నారు. ఈ చిత్రంలో స్టార్‌ హీరో సైఫ్‌ అలీఖాన్‌ ప్రత్యేక పాత్రలో నటిస్తున్నారు. ఈ నేపథ్యంలో అలయ ఓ ఇంటర్యూలో మాట్లాడుతూ.. ‘అవును.. అనన్యకు నెపోటిజమ్‌ మీద మంచి అభిప్రాయం లేదు కానీ నాకు ఉంది’ అని చెప్పుకొచ్చారు. అంతేగాక ప్రస్తుత వర్థమాన నటి, నటుల చిత్రాలను చూస్తున్నానని, వారి నటన తీరు, ప్రతి కదలికను గమనిస్తూనే ఉంటున్నానని చెప్పారు. కాగా కార్తిక్‌ ఆర్యన్‌, సారా అలీ ఖాన్‌లు నటిస్తున్న తాజా చిత్రం ‘లవ్‌ ఆజ్‌ కల్‌’ టైలర్‌ ఇటివలే విడుదలైన సంగతి తెలిసిందే. దీనిపై అలయా మాట్లాడుతూ.. ‘సారా, కార్తీక్‌ల బెడ్‌ సీన్‌ చూశాను. అది చూసిన తర్వాత నాకు కూడా కార్తిక్‌తో అలాంటి సన్నివేశంలో నటించాలనిపించింది’ అంటూ అభిప్రాయం వ్యక్తం చేశారు. ఇక కార్తిక్‌ను మీ బెడ్‌పై చూస్తే అప్పుడు మీ స్పందన ఎంటి అని అడిగిన ప్రశ్నకు ‘ఒకవేళ నేను లేచేసరికి కార్తిక్‌ నా బెడ్‌పై కనిపించినా ఆశ్చర్యపోను.. ఎందుకంటే అది నేను కోరుకున్న విషయమే.. ఇది ఇంతకు ముందే చెప్పాను’ అని తనదైన శైలిలో సమాధానం ఇచ్చింది ఈ అమ్మడు. అంతేకాదు ‘నేను ఒంటరిగా ఉండటానికే ఇష్టపడతాను. ఎందుకంటే ఓ బంధంలో ఉండటమంటే నా దృష్టిలో కష్టమే’  అని పేర్కొన్నారు. కాగా రాపిడ్‌ ఫైర్‌ గేమ్‌లో భాగంగా అడిగిన ప్రశ్నలకు.. ‘పెళ్లి వరుణ్‌ దావన్‌ చేసుకుంటాను. డేటింగ్‌ కార్తిక్‌ ఆర్యన్‌తో చేస్తాను. ఇషాన్‌ ఖత్తర్‌ను చంపేస్తాను’ అంటూ చమత్కారంగా సమాధానం ఇచ్చారు. అలాగే ఒకే జెండర్‌తో అయితే ‘సారా అలీఖాన్‌ను పెళ్లి చేసుకుంటా, జాన్వీ కపూర్‌తో డేటింగ్‌ చేస్తా.. అనన్యను చంపేస్తా’ అని  చమత్కరించడం విశేషం.

సాక్షి, ముంబై : ఓ మహిళపై లైంగిక దాడికి పాల్పడి, బ్లాక్‌మెయిల్‌కు గురిచేశాడన్న ఆరోపణలపై అరెస్ట్‌ అయిన టీవీ నటుడు కరణ్‌ ఒబెరాయ్‌ను నటి పూజా బేడీ సమర్ధించారు. ఒబెరాయ్‌పై అక్రమంగా లైంగిక దాడి కేసు నమోదు చేశారని, ఇది పూర్తిగా నకిలీ కేసని ఆమె వ్యాఖ్యానించారు. కాగా కరణ్‌ ఒబెరాయ్‌ను ముంబై కోర్టు 14 రోజుల జ్యుడిషియల్‌ కస్టడీకి తరలించింది. కోర్టు నిర్ణయాన్ని కరణ్‌ క్లోజ్‌ ఫ్రెండ్‌ పూజా బేడీ స్వాగతిస్తూ తాము ఇప్పుడు బెయిల్‌ కోసం అప్పీల్‌ చేస్తామని చెప్పారు. నిరాధార ఆరోపణతో కరణ్‌ ఒబెరాయ్‌పై లైంగిక దాడి కేసు నమోదు చేశారని ఆమె ఆరోపించారు. కొందరు మహిళలు చట్టాలను దుర్వినియోగం చేస్తున్నారని అన్నారు. కాగా పలు టీవీ సీరియల్స్‌లో నటించిన కరణ్‌ను ఓ మహిళ ఫిర్యాదు మేరకు పోలీసులు ఆదివారం అరెస్ట్‌ చేశారు. పెళ్లి చేసుకుంటానని నమ్మించిన కరణ్‌ తనపై లైంగిక దాడికి పాల్పడ్డాడని, తన అభ్యంతరకర వీడియోలను బహిర్గతం చేస్తానని బ్లాక్‌మెయిల్‌ చేశాడని 2016 నుంచి అతనితో సన్నిహితంగా ఉంటున్న మహిళ ఈ ఫిర్యాదు చేశారు.

బాలీవుడ్‌లో స్టార్‌ కిడ్స్‌ ఎంట్రీ ఈ మధ్య బాగా కనిపిస్తోంది. శ్రీదేవి తనయ జాన్వీ ఆల్రెడీ ఎంట్రీ ఇవ్వగా సైఫ్‌ కుమార్తె సారా అలీఖాన్‌ రెడీగా ఉన్నారు. ఇప్పుడు బాలీవుడ్‌ హీరోయిన్‌ పూజా బేడీ కుమార్తె కూడా సిల్వర్‌ స్క్రీన్‌పై ఎంట్రీ ఇవ్వడానికి సిద్ధమయ్యారు. హిందీ చిత్రాలు ‘జో జీతా వహీ సికందర్, లూటేరా’ చిత్రాల్లో కీలక పాత్రల్లో కనిపించారు పూజా బేడి. తెలుగులో ‘చిట్టెమ్మ మొగుడు, శక్తి’ సినిమాల్లోనూ ఆమె కనిపించిన సంగతి గుర్తుండే ఉంటుంది. దర్శకుడు నితిన్‌ కక్కర్‌ తెరకెక్కించనున్న ‘జవానీ జానేమన్‌’ సినిమా ద్వారా పూజా బేడి కుమార్తె ఆలియా ఫర్నీచర్‌వాలా పరిచయం కానున్నారు. ఈ సినిమాలో సైఫ్‌ అలీ ఖాన్‌ ముఖ్య పాత్రలో కనిపిస్తారు. సైఫ్‌ కుమార్తెగా ఆలియా నటించనున్నారని టాక్‌. ఈ సినిమా వచ్చే ఏడాది సెట్స్‌ మీదకు వెళ్లనుంది.

యస్‌... ఫేమస్‌ బ్యూటిషియన్‌ షానాజ్‌ హుసేన్‌ జీవితం ఆధారంగా రూపొందనున్న సినిమాలో ఐశ్వర్యా రాయ్‌ నటించనున్నారట. కథానాయికగా పలు హిందీ చిత్రాల్లో నటించి, ఆరేళ్ల క్రితం చిన్న ఎన్టీఆర్‌ ‘శక్తి’లో క్యారెక్టర్‌ నటిగా కనిపించిన పూజా బేడీ ఈ చిత్రానికి దర్శకురాలు. ముందు ఈ సినిమాలో ప్రియాంకా చోప్రాని కథానాయికగా అనుకున్నారట. అయితే, ప్రియాంక హాలీవుడ్‌ చిత్రాలతో బిజీగా ఉండటం వల్ల ఈ బయోపిక్‌ విషయమై క్లారిటీ ఇవ్వడంలేదట. దాంతో పూజా బేడీ మనసులోకి ఐశ్వర్యా రాయ్‌ వచ్చారు. ఈ చిత్రానికి కమలేశ్‌ పాండే కథ అందిస్తున్నారు. ఆయన కూడా షానాజ్‌ హుసేన్‌ పాత్రకు ఐశ్వర్యా రాయ్‌ అయితేనే బాగుంటుందని అనుకుంటున్నారు. చేస్తే ఐశ్వర్యే చేయాలన్నంతగా పూజా బేడీ ఫిక్స్‌ అయ్యారట. ఆమె అలా ఫిక్స్‌ కావడానికి కారణం ‘సరబ్‌జిత్‌’ సినిమా. పంజాబ్‌కి చెందిన సరబ్‌జిత్‌ పొరపాటున పాక్‌ సరిహద్దుల్లోకి వెళ్లడం, అక్కడి ప్రభుత్వం అరెస్ట్‌ చేసి, జైల్లో పెట్టడం, తమ్ముణ్ణి విడిపించడానికి అక్క దల్బీర్‌ కౌర్‌ పడిన ఆరాటం, చివరికి సరబ్‌జిత్‌ పాక్‌ జైల్లోనే కన్ను మూయడం తెలిసిందే. ‘సరబ్‌జిత్‌’ సినిమాలో దల్బీర్‌ కౌర్‌ పాత్రను ఐష్‌ అద్భుతంగా చేయడంతో, ‘షానాజ్‌’ బయోపిక్‌కు ఐష్‌ న్యాయం చేస్తారని పూజా బేడి భావిస్తున్నారట. ఈ కథను ఐష్‌కి చెప్పారట కూడా. ఈ అందాల సుందరి ఇంప్రెస్‌ అయ్యారని టాక్‌. ఆమె గ్రీన్‌ సిగ్నల్‌ ఇచ్చే అవకాశాలు ఉన్నాయట. ప్రస్తుతం ఐశ్వర్యా రాయ్‌ ‘ఫాన్నీ ఖాన్‌’లో నటిస్తున్నారు. ఆ సినిమా డేట్స్‌ చూసుకుని, పూజా బేడీకి డేట్స్‌ ఇవ్వాలనుకుంటున్నారట. ఇంతకీ షానాజ్‌ హుసేన్‌ ఎవరంటే...సాందర్య సాధనాల వ్యాపారవేత్త. రసాయనాలు లేకుండా మూలికలతో తయారు చేసిన ఉత్పత్తులు షానాజ్‌ స్పెషాల్టీ. చిన్నగా మొదలై, పెద్ద స్థాయికి ఎదిగారామె. ‘పద్మశ్రీ’ అవార్డుగ్రహీత కూడా. ఉత్తమ మహిళా వ్యాపారవేత్తగా పేరుంది. టోటల్‌గా షానాజ్‌ది సక్సెస్‌ఫుల్‌ స్టోరీ. ఆమె జీవితం చాలామందికి ఆదర్శంగా ఉంటుందనే పూజా బేడీ ఈ బయోపిక్‌ తీయాలనుకున్నారు.


 బాలీవుడ్ హీరో సల్మాన్ ఖాన్ ‘రేప్ వ్యాఖ్యల’ వివాదం ఇంకా ఆన్ లైన్ ను కుదిపేస్తూనే ఉంది. ’సుల్తాన్’ సినిమా షూటింగ్ చేసే సమయంలో తన పరిస్థితి ‘రేప్ కు గురైన మహిళ’లా ఉండేదని సల్మాన్ ఖాన్ చేసిన వ్యాఖ్యలపై తీవ్ర ఆగ్రహం వ్యక్తమవుతోంది. ఈ వివాదంపై బాలీవుడ్ ప్రముఖులు చాలామంది సేఫ్ జోన్ లో ఉండేందుకు ప్రయత్నిస్తున్నారు. ఒకరిద్దరు మినహా ఇంతవరకు బాలీవుడ్ ప్రముఖులెవరూ సల్మాన్ వ్యాఖ్యలను ఖండించలేదు. రేణుకా సహనే, సోనా మోహపాత్ర, కంగన రనౌత్ వంటి ఇద్దరు ముగ్గురు మాత్రమే ఈ వ్యాఖ్యలపై తమ ఆక్రోశాన్ని వెళ్లగక్కారు. కాగా, బాలీవుడ్ నటి, దర్శకురాలు పూజాబేడి మాత్రం సల్మాన్ ఖాన్ కు మద్దతుగా వ్యాఖ్యలు చేసింది. ‘సల్మాన్ వ్యాఖ్యలను వివాదాస్పదం చేయడం సమంజసమా? ఏనుగులా నేను లావుగా ఉన్నాను అంటే నాపై పెటా కేసు పెడుతుందా? భారత్ మరీ సున్నితంగా మారిపోతున్నది’ అంటూ పూజాబేడి ట్వీట్ చేసింది.
 
 
 
 అయితే, ఆమె వ్యాఖ్యలపై నెటిజన్లు మండిపడ్డారు. సల్మాన్ కు మద్దతుగా వ్యాఖ్యలు చేసిన ఆమె తీరును తప్పుబడుతూ పలువురు ట్విట్టర్ లో కామెంట్ చేశారు. ‘ఒక మహిళవై ఉండి సల్మాన్ కు మద్దతుగా మాట్లాడటం సిగ్గుపడాల్సిన విషయం. అత్యాచారానికి గురైన మహిళలు అనుభవించే క్షోభ మాటలకు అందనిది. దానిని దేనితోటి పోల్చలేం’ అని నెటిజన్ అభిప్రాయపడగా.. ‘భారత్ లో ఈ సమస్య ఇంత తీవ్రంగా ఉండటానికి నీలాంటి వ్యక్తులే కారణం. సమస్యను నిరాకరించే తత్వమే ఇందుకు కారణం’ అని మరొకరు ట్వీట్ చేశారు.
  


 బాలీవుడ్ నటుడు కబీర్ బేడీ, ఆయన కుమార్తె పూజాబేడీ మధ్య విభేదాలు ఇప్పుడు రచ్చకెక్కాయి. కబీర్‌ బేడీ నాలుగో పెళ్లి చేసుకోవడంపై పూజాబేడీ బాహాటంగా విమర్శలు చేశారు. 70వ పుట్టినరోజున తన తండ్రి వివాహం చేసుకున్న పర్వీన్ దుసాంజ్‌ను 'మంత్రెగత్తె'గా, 'రాక్షసమైన సవతి తల్లి'గా అభివర్ణించారు. ట్విట్టర్‌లో చేసిన ఈ వ్యాఖ్యలు దుమారం రేపడంతో పూజాబేడీ వాటిని ఉపసంహరించుకున్నారు. 70వ ఏట ఘనంగా తండ్రి చేసుకున్న నాలుగు పెళ్లికి ఆమె దూరంగా ఉన్నారు.
 
 తండ్రీకూతుళ్ల మధ్య సత్సంబంధాలు లేని విషయం ఇది చాటుతున్నా.. తాజాగా కూతురు పూజాబేడీ తీరుపై కబీర్ బేడీ ట్విట్టర్‌లో ఆగ్రహం వ్యక్తం చేశారు. 'మేం పెళ్లి చేసుకున్న వెంటనే పర్వీన్ దుసాంజ్‌పై నా కూతురు పూజ చేసిన విషపూరిత వ్యాఖ్యలు నన్ను తీవ్రంగా బాధించాయి. చెడు ప్రవర్తనను ఎంతమాత్రం క్షమించను' అంటూ ఆయన ట్వీట్ చేశారు.


 గుబురు గడ్డం... గుర్తుపట్టే రూపం... గంభీరమైన స్వరం... కబీర్ బేడీని చూడగానే ఇవన్నీ బొమ్మ కడతాయి. ఆరడుగుల అందగాడు, ఆజానుబాహుడైన కబీర్ బేడీ అనగానే, అప్పట్లో ప్రసిద్ధమైన దుస్తుల అడ్వర్టైజ్‌మెంట్స్ గుర్తొచ్చేవి. ప్రముఖ నటి పూజా బేడీ తండ్రి అయిన కబీర్ బేడీ తన 70వ పుట్టినరోజు సందర్భంగా ఇప్పుడు మళ్ళీ వార్తల్లో వ్యక్తి అయ్యారు. చిరకాలంగా తన స్నేహితురాలైన 40 ఏళ్ళ పర్వీన్ దుసంజ్‌ను తన పుట్టినరోజైన శనివారం నాడు అగ్నిసాక్షిగా వివాహం చేసుకొని, పార్టీకి వచ్చిన బంధుమిత్రుల్నీ, అతిథుల్నీ ఆశ్చర్యపరిచారు. కబీర్ బేడీకి ఇది నాలుగో పెళ్ళి.
 నిజానికి, పర్వీన్, కబీర్ బేడీలు గడచిన పదేళ్ళుగా కలిసి ఉంటున్నారు. కబీర్ బేడీ కుమార్తె పూజా బేడీ కన్నా పర్వీన్ నాలుగేళ్ళు చిన్న. ఈ పెళ్ళి విషయం తండ్రి తనకు ముందుగా చెప్పలేదని ఆరోపించిన పూజా బేడీకి సహజంగానే ఈ వివాహం నచ్చలేదు. ‘ప్రతి అద్భుత జానపద గాథలో ఒక మంత్రగత్తె కానీ, దుష్టురాలైన సవతి తల్లి కానీ ఉంటుంది. నాకిప్పుడు అలాంటి ఆవిడ వచ్చింది! పర్వీన్ దుసంజ్‌ను కబీర్ బేడీ పెళ్ళి చేసుకున్నారు’ అని పూజాబేడీ ఆదివారం ట్వీట్ చేశారు. అయితే, ఆ తరువాత ఆ ట్వీట్‌ను తానే తొలగించారు!
 
  ముంబయ్‌లో జరిగిన పుట్టినరోజు పార్టీకి అమెరికా, బ్రిటన్, దుబాయ్, మలేసియా, ఐరోపా తదితర దేశాల నుంచి మిత్రుల్ని కబీర్ బేడీ ఆహ్వానించారు. ‘కబీర్ బేడీ, పర్వీన్ దుసంజ్‌ల సంయుక్త ఆహ్వానం’ అని ఆహ్వానపత్రికలోనే పేర్కొన్నారు. తండ్రీ కూతుళ్ళ మధ్య విభేదాలను బహిర్గతం చేసిన ఆ పాత ట్వీట్ సంచలనం రేపడంతో, దాన్ని తొలగించిన పూజా బేడీ కొత్తగా మరో ట్వీట్ చేశారు. ‘‘మా నాన్న గారి నాలుగో పెళ్ళి గురించి చేసిన గత ట్వీట్‌ను తొలగించాను.
 అంతా సానుకూలంగా చూద్దాం. ఆయనకు అంతా మంచి జరగాలని కోరుకుంటున్నా’’ అని ఆ ట్వీట్‌లో పూజా బేడీ పేర్కొన్నారు. అతిథులతో సహా ఎవరికీ ముందుగా సమాచారం లేని ఈ పెళ్ళికి పూజ గైర్హాజరవడం గమనార్హం. కాగా, ఈ విషయమై ఆమె వివరణనిస్తూ, ‘‘గడచిన రెండు మూడేళ్ళుగా నాకూ, మా నాన్న గారికీ మధ్య కొన్ని వ్యక్తిగత తగాదాలున్నాయి. వాటిని పరిష్కరించుకోవచ్చు. కానీ, నాకూ, పర్వీన్‌కూ మధ్య ఉన్న శత్రుత్వం వల్ల ఆ తగాదాలు పెరిగిపోయాయి. నన్ను వాళ్ళ పెళ్ళికి పిలవలేదు’’ అని చెప్పారు.
 
  ప్రసిద్ధ ఒడిస్సీ నర్తకి అయిన మొదటి భార్య ప్రతిమా బేడీ ద్వారా కబీర్ బేడీకి కలిగిన సంతానం - నటి పూజా బేడీ. ఆ తరువాత ఆయన సుసాన్ హమ్‌ఫ్రేస్, నిక్కీ బేడీలను వివాహం చేసుకున్నారు. ఆ బంధాలన్నీ విచ్ఛిన్నమయ్యాక పర్వీన్‌కు దగ్గరైన కబీర్ సుదీర్ఘ కాలం సహజీవనం తర్వాత ఇప్పుడు ఆమెను పెళ్ళి చేసుకున్నారు. నాన్న చేసుకున్న కొత్త పెళ్ళితో సహజంగానే కుమార్తె అలిగినట్లుంది.
  


 ముంబై: బాలీవుడ్ నటుడు కబీర్‌ బేడీ మరోసారి పెళ్లి చేసుకున్నారు. చాలాకాలంగా తనతో కలిసి ఉంటున్న 40 ఏళ్ల పర్వీన్ దుసాంజ్‌ను తన 70వ పుట్టినరోజున వివాహమాడారు. అయితే, వీరి పెళ్లిపై కబీర్‌ బేడీ కూతురు, నటి పూజాబేడి ట్విట్టర్‌లో చేసిన వ్యాఖ్యలు హల్‌చల్‌ చేశాయి.
 
 'ప్రతి సాహస కథలోనూ ఒక క్రూరమైన మంత్రగత్తె లేదా రాక్షస సవతి తల్లి ఉంటుంది. నా విషయంలో ఇప్పుడే వచ్చింది. కబీర్ బేడీ ఇప్పుడే పర్వీన్‌ను పెళ్లి చేసుకున్నారు' అంటూ పూజాబేడీ ట్వీట్ చేసింది. ఈ కామెంట్‌ ట్విట్టర్‌లో హల్‌చల్ చేసింది. దీంతో ఈ కామెంట్‌ను పూజాబేడి తొలగించారు. తన తండ్రిపై చేసిన వ్యాఖ్యను తొలగించానని, ఈ విషయంలో సానుకూలంగా ఆలోచించాలని అన్నారు.
 
 కబీర్‌ బేడీ, ఆయన మొదటి భార్య, ఒడిస్సీ డాన్సర్‌ ప్రతిమా బేడీకు పూజాబేడీ పుట్టారు. ఆ తర్వాత ప్రతిమా బేడీతో విడిపోయిన కబీర్‌ మరో ఇద్దరిని సుసాన్ హంఫ్రేయ్స్‌, నిక్కీ బేడిని వివాహమాడారు. ఈ పెళ్లిలు కూడా పెటాకులు కావడంతో గతకొంతకాలంగా పర్వీన్‌తో ఆయన సహజీవనం చేస్తున్నారు. కబీర్‌ బేడీతో కూతురు పూజాబేడీకి విభేదాలు ఉన్న విషయం తాజా కామెంట్‌తో మరోసారి వెల్లడైంది.
  


 ముంబై: బాలీవుడ్ నటి మినీషా లంబా తన చిరకాల ప్రియుడు రియాన్ థామ్ ను సోమవారం వివాహం చేసుకుంది. ముంబైలో జరిగిన వీరి వివాహానికి సన్నిహితులు, కుటుంబ సభ్యులు మాత్రమే హాజరయ్యారు. 30 ఏళ్ల మినీషా లంబా చివరిసారిగా సెలబ్రిటీ రియాలిటీ షో 'బిగ్ బాస్'లో కనిపించింది.
 
 మినీషా, రియాన్ లకు పెళ్లైన విషయాన్ని నటి పూజా బేడి ట్విటర్ ద్వారా వెల్లడించింది. వివాహ విందు సందర్భంగా దిగిన గ్రూపు ఫోటోను షేర్ చేసింది. 'హేపీ మ్యారీడ్ లైఫ్' అంటూ శుభాకాంక్షలు తెలిపింది. తన సోదరుడిని పెళ్లాడిన మినీషాను తమ కుటుంబంలోకి ఆహ్వానించింది.
 
 2005లో విడుదలైన యహాన్ సినిమాతో మినీషా బాలీవుడ్ లో తెరంగ్రేటం చేసింది. హనీమూన్ ట్రావెల్స్ ప్రైవేట్ లిమిటెడ్, వెల్డన్ అబ్బా, బెజా ఫ్రై 2 తదితర చిత్రాల్లో నటించింది.


  బాలీవుడ్‌లో తారలే కాదు... వారి పరివారం కూడా ఎప్పుడూ ఏదో ఒక హడావుడి చేసి వార్తల్లో వేడి పుట్టిస్తుంటారు. పూజాబేడీ కుమార్తె అలియా ఫర్నిచర్‌వాలా... దర్శకుడు రామానంద్‌సాగర్ ముని మనవరాలు సాక్షి పబ్‌లో ఒకరిపై ఒకరు పడి కొట్టుకున్నారట. ట్రిస్ట్ పబ్‌లో జరిగిన ఈ ట్విస్టింగ్ సీన్‌కు అక్కడున్నవారంతా షాకయ్యారట. ఇద్దరి బ్యాచ్‌లూ వేరువేరుగా పార్టీ చేసుకుంటుండగా, మత్తు తలకెక్కిన అలియా గ్రూప్... సాక్షి గుంపుపై పడిందట. వారూ అదే మత్తులో ఊగుతున్నారేమో... దిమ్మ ‘తిరిగేలా’ రియాక్టయ్యారట. చివరకు పోలీస్ స్టేషన్‌లో పూజాబేడీ... సాక్షి తల్లి మీనాక్షిలు పరస్పరం ఫిర్యాదు చేసుకున్నారనేది ఓ స్థానిక పత్రిక కథనం.