బంజారాహిల్స్‌: ఫేస్‌బుక్‌ పరిచయం ఆమె పాలిట శాపమైంది. కువైట్‌లో ఉన్న ఓ వ్యక్తి ఫేస్‌బుక్‌ చాట్‌లో తీయటి మాటలతో ఓ వివాహితను లోబర్చుకున్నాడు. హైదరాబాద్‌ వచ్చిన ప్రతిసారీ ఆమెతో శారీరకంగా కలవడమే కాకుండా ప్రైవేటు ఫొటోలను, వీడియోలను కూడా తీశాడు. ఫేస్‌బుక్‌ మెసెంజర్‌లో ఆ ఫొటోలను పోస్ట్‌ చేసి బ్లాక్‌మెయిలింగ్‌కు పాల్పడుతుండటంతో బాధితురాలు జూబ్లీహిల్స్‌ పోలీసులను ఆశ్రయించింది. పోలీసులు తెలిపిన వివరాల ప్రకారం.. కువైట్‌లో ఉంటున్న కుడుపూడి ప్రసాదరావుతో నగరానికి చెందిన ఓ వివాహితకు ఫేస్‌బుక్‌లో పరిచయమైంది. ఆ తర్వాత తరచూ చాటింగ్‌ చేసుకోవడంతో ఇద్దరి మధ్య స్నేహం ఏర్పడింది. తన పట్ల ప్రసాదరావు కనబరుస్తున్న ప్రేమతో అతనిని నమ్మడం ప్రారంభించింది. 2020లో ఇరువురూ శారీరకంగా ఒక్కటయ్యారు. హైదరాబాద్‌ వచ్చినప్పుడల్లా ప్రసాదరావు ఆమెతో 2, 3 రోజులుగా గడిపేవాడు. డబ్బు, బంగారం ఇచ్చేవాడు. కువైట్‌లో ఉన్నప్పుడు ఆమెతో వీడియో కాల్‌లో మాట్లాడేటప్పుడు ప్రైవేటు పార్ట్స్‌ను స్క్రీన్‌ రికార్డ్‌ చేశాడు. ప్రైవేటుగా కలిసే సమయంలో ఆమె ఫొటోలను సేవ్‌ చేశాడు. రోజులు గడిచే కొద్దీ ప్రసాదరావు ప్రవర్తన ఆమె పట్ల మారుతూ వచ్చింది. ఆమె కోసం ఖర్చు చేసిన డబ్బును తిరిగి అడగడం ప్రారంభించాడు. లేదంటే తనతో ఉన్న ప్రైవేటు ఫొటోలను సోషల్‌ మీడియాలో పోస్ట్‌ చేస్తానని బెదిరించసాగాడు. ఈ క్రమంలో వీరిద్దరి ఫొటోలను తన ఐడీ ద్వారా ఫేస్‌బుక్‌ స్నేహితులకు మెసెంజర్‌లో పోస్ట్‌ చేశాడు. ఈ నేపథ్యంలోనే శుక్రవారం ఏపీలోని రాజోలు పొన్నమండలో ఉండే ప్రసాదరావు భార్య భవాని, తండ్రి రామకృష్ణ తదితరులు కలిసి ఆమె ఇంటికి వెళ్లి రూ.4,28,800 చెల్లించాలంటూ తెల్ల కాగితంపై బలవంతంగా సంతకం చేయించుకున్నారు. బాధితురాలితో పాటు ఆమె కుమార్తెను బెదిరించి గొలుసు, ఉంగరాలు సహా 28 గ్రాముల బంగారాన్ని తీసుకున్నారు. బాధితురాలు తనకు న్యాయం చేయాలంటూ శనివారం జూబ్లీహిల్స్‌ పోలీసులను ఆశ్రయించడంతో కేసు దర్యాప్తు జరుపుతున్నారు.

సాక్షి, ఖమ్మం: అధికార పార్టీ అభ్యర్థుల జాబితా ప్రకటనకు ఇంకా ఒక్కరోజే ఉంది. ఈలోపు  టికెట్ల కుంపటి భగ్గుమనే స్థాయికి చేరుకుంది. ఖమ్మం జిల్లాలోనూ బీఆర్‌ఎస్‌లో టికెట్ల వార్‌ కొనసాగుతుండగా.. వైరాలో అది మరో టర్న్‌ తీసుకుంది.  వైరా టికెట్‌ తనకే మళ్లీ వస్తుందంటూ ఎమ్మెల్యే రాములు నాయక్‌ ధీమాగా ఉండగా.. తమకే వస్తుందంటూ అనుచరులతో హల్‌ చల్‌ చేయించుకుంటున్నారు మాజీలు మదన్‌లాల్‌, బానోతు చంద్రావతిలు. ఈ క్రమంలో మదన్‌లాల్‌కే టికెట్‌ అనే ప్రచారాన్ని బలంగా తీసుకెళ్తున్న ఆయన వర్గీయులకు ఊహించని ఝలక్‌ తగిలింది. మాజీ ఎమ్మెల్యే మదన్ లాల్  రాసలీలలు  ఫోటోలు తెరపైకి వచ్చి వైరల్ ప్రకంపనలు సృష్టించాయి.  వైరా మాజీ ఎమ్మెల్యే బానోతు మదన్ లాల్ ఓ మహిళతో అత్యంత సన్నిహితంగా ఉన్న ఫోటోలు ప్రస్తుతం అక్కడి వాట్సాప్‌ గ్రూపుల్లో, సోషల్‌ మీడియా అకౌంట్‌లలో చక్కర్లు కొడుతున్నాయి. ఇలాంటి వ్యక్తికి ఎమ్మెల్యే టికెట్‌ ఇస్తారా? అంటూ ప్రత్యర్థి గ్రూపులు ప్రశ్నలు గుప్పిస్తున్నాయి. అయితే.. అవి మార్ఫింగ్‌ ఫొటోలు అని, మదన్‌లాల్‌కే బీఆర్‌ఎస్‌ అధిష్టానం టికెట్‌ ఇవ్వనుందని, అది తట్టుకోలేకే ఎమ్మెల్యే రాములు నాయక్‌ వర్గమే ఈ పని చేయించిందని మదన్‌లాల్‌ వర్గీయులు ఆరోపిస్తున్నారు. రాములు నాయక్‌ వర్గం మాత్రం ఆ అవసరం తమకు లేదని చెబుతోంది.  డీజీపీకి ఫిర్యాదు చేస్తా: మదన్‌లాల్‌ తనపై సోషల్ మీడియాలో జరుగుతున్న దుష్ప్రచారంపై వైరా మాజీ ఎమ్మెల్యే మదన్ లాల్  తీవ్రస్థాయిలో మండిపడ్డారు. మార్పింగ్ చేసిన ఫొటోలతో తనపై దుష్ప్రచారం చేస్తున్న వారిపై డీజీపీకి ఫిర్యాదు చేస్తానని హెచ్చరించారు. మరోవైపు ఈ ప్రచారంపై ఇంటెలిజెన్స్‌ వర్గాలు ఆరా తీస్తున్నట్లు తెలుస్తోంది. 

Physics Teacher kirsty buchan.. పగలు పాఠశాలలో విద్యార్థులకు విద్యాబుద్దులు నేర్పే చీచర్‌ ఆమె.. కానీ, రాత్రి అయితే మాత్రం ఆమె తన అర్ధనగ్న ఫొటోలను తీసుకుంటూ వాటిని అడల్ట్‌ సైట్స్‌లో పెడుతోంది. ఈ విషయం కాస్తా విద్యార్థులకు తెలియడంతో చివరకు టీచర్‌ జాబ్‌కు రాజీనామా చేసింది.  వివరాల ప్రకారం.. స్కాట్‌లాండ్‌లోని బానర్మన్‌ హైస్కూల్‌లో క్రిస్టీ బూచన్‌ ఫిజిక్స్ టీచర్‌గా పనిచేస్తోంది. దీంతో, ఆమె ఉదయం పూట కొన్ని సంవర్సతరాలుగా పిల్లలకు ఫిజిక్స్‌ పాఠాలు బోధిస్తోంది. కానీ, రాత్రి అవగానే ఆమె మరో పని కూడా చేస్తూ విద్యార్థుల కంటపడకుండా జాగ్రత్తపడింది. కాగా, రోజూ అర్ధరాత్రి వరకూ మెలకువగానే ఉంటూ ఓన్లీ ఫ్యాన్స్‌ అనే అడల్ట్‌ వెబ్‌సైట్లో తన నగ్న చిత్రాలను పోస్ట్‌ చేసేది. వెబ్‌సైట్లో పోస్ట్‌ చేసేందుకు ఫొటో షూట్‌ నిర్వహించుకుని వాటిని సైట్‌లో పోస్ట్‌ చేసేది. ఇలా చేయడం ద్వారా ఆమెకు కొంత ఆదాయం వచ్చేది. అలా కొన్నేళ్లపాటు చేసుకుంటూ కాలం వెళ్లదీసింది.  అయితే, టైమ్‌ ఎప్పుడూ ఒకేలా ఉండదు కదా.. దొరకనంత వరకూ దొర.. దొరికిన తర్వాత ఎంతటి వారినైనా దొంగే అంటారనే సమేత ఉంది కదా. ఆమెకు ఇదే సమెత వర్తించింది. ఇలా చేస్తున్న క్రమంలో సదరు ఫిజిక్స్‌ టీచర్‌ ఫొటోలు ఓ విద్యార్థి కంటపడ్డాయి. దీంతో, అతడు ఈ విషయాన్ని స్కూల్‌లో అందరికీ చెప్పేశాడు. దీంతో, స్కూల్‌ క్రమశిక్షణా కమిటీ ఆమెను విచారణకు రావాలని కోరింది. ఈ క్రమంలో వారు.. తనను తప్పుబట్టేది ఏంటని.. ఆమె తన ఉద్యోగానికి రాజీనామా చేసింది.  ఫొటోలు పోస్టు చేయడానికి కారణమిదే.. అయితే, ఫిజిక్స్‌ టీచర్‌ క్రిస్టీ బూచన్‌కు కుమారుడు(11) ఉన్నాడు. అతడిని పోషించుకునేందుకు డబ్బు సరిపోకపోవడంతో తాను ఈ పని చేస్తున్నట్టు చెప్పుకొచ్చింది. తన కుమారుడికి దీర్ఘకాలిక వ్యాధులు ఉండటంతో సర్జరీలకు చాలా ఖర్చు చేయాల్సి వస్తోందని పేర్కొంది. ఇలా, నగ్న చిత్రాలను పోస్ట్‌ చేసి నెలకు వేల డాలర్లు సంపాదిస్తున్నట్లు తెలిపింది. డబ్బు కోసమే తాను ఈ పని చేస్తున్నట్టు పేర్కొంది. ఆ పని చేస్తున్నందుకు తాను నరకం అనుభవిస్తున్నానని వెల్లడించింది. ఉదయం టీచర్‌ పనిచేస్తూ.. అర్ధరాత్రి వరకు నిద్రలేకుండా ఈ పని చేస్తున్నానని ఆవేదన వ్యక్తం చేసింది. తన కుమారుడి కోసం తాను కరెక్ట్‌గానే చేస్తున్నానని చెప్పుకొచ్చింది.  A physics teacher has resigned from her job after pornographic images of her emerged online. Kirsty Buchan, 33, left her post at Bannerman High School in Baillieston, Glasgow, after explicit pictures from her Only Fans site were circulated among pupils. pic.twitter.com/tuBFfUU3qR — vijay banga (@lekh27) December 1, 2022

చెన్నై: మోస పోయిన వారికి న్యాయం జరిగేలా చూడాల్సిన బాధ్యత పోలీసులది. తప్పు చేసిన వారిని శిక్షించి సమాజంలో శాంతి భద్రతలను కాపాడాల్సిన బాధ్యత వాళ్లది. అలాంటి గౌరవమైన వృత్తిలో ఉన్న ఓ  ఉన్నత అధికారి నీచానికి దిగజారారు. తోటి మహిళా పోలీసులకు అసభ్యకర ఫోటోలు షేర్‌ చేస్తూ లైంగికంగా వేధింపులకు గురిచేశాడు. తన ప్రైవేటు ఫోటోలను వాట్సాప్‌లో పంపి రాక్షస ఆనందం పొందాడు. చివరికి తను తీసుకున్న గోతిలో తానే పడినట్లు డీఎస్పీ కామ క్రీడల వ్యవహారం అతన్ని చిక్కుల్లో పడేసింది.  ఐపీఎస్‌ అధికారి పారా వాసుదేవన్‌ తమిళనాడులోని తిరుచ్చి డీఎస్పీగా(డిప్యూటీ సూపరింటెండెంట్ ఆఫ్ పోలీస్) విధులు నిర్వహిస్తున్నారు. ఈ ఏడాది మే 19న నేర సంబంధిత విషయాల కోసం ఏర్పాటు చేసిన వాట్సాప్‌ గ్రూప్‌లో తన న్యూడ్‌ ఫోటోలు షేర్‌ చేశాడు. కాసేపటి తరువాత ఆ ఫోటోలు డిలీట్‌ చేసినప్పటికీ అప్పటికే అవి నెట్టింట్లో లీక్‌ అయ్యాయి. దీంతో అసభ్యకర ఫోటోలు షేర్‌ చేసి వేధింపులకు గురిచేస్తున్నాడని మహిళా పోలీసులు పారా వాసుదేవన్‌పై ఫిర్యాదు చేశారు. దీంతో అతనిపై కఠిన చర్యలు తీసుకోవాలని జిల్లా మహిళా పోలీస్‌ అధికారులు డిమాండ్‌ చేశారు.  ఉన్నత అధికారులకు రాసిన లేఖలో.. తమ అనుమతి లేకుండా మహిళా పోలీసులను అసభ్యకరంగా ఫోటోలు తీసి తనతో శృంగారంలో పాల్గొనాలని పారా వాసుదేవన్‌ బలవంతం చేసినట్లు ఆరోపించారు. ఇప్పటికే డీఎస్పీపై మే 23, సెప్టెంబరు 30న ఫిర్యాదు చేసినప్పటికీ డీఎంకే మంత్రి అండదండలతో అతనిపై ఎలాంటి చర్యలు తీసుకోలేదని పేర్కొన్నారు. తాజాగా ఈ లేఖ వైరల్ కావడంతో విచారణ కోరుతూ పారా వాసుదేవన్‌ను పోలీస్‌ శాఖ వెయిటింగ్ లిస్ట్‌లో పెట్టింది. చదవండి: సాయం కోరిన స్నేహితుడి ప్రేయసిపై కన్నేసిన యువకుడు.. ఇద్దరిని ఇంటికి పిలిపించి..

బొమ్మనహళ్లి: ప్రియుడు తన ప్రైవేటు ఫొటోలను సోషల్‌ మీడియాలో ప్రచారం చేశాడనే ఆగ్రహంతో ప్రియురాలు రౌద్రరూపం దాల్చింది. ముగ్గురు మగ స్నేహితులతో కలిసి ప్రియున్ని ఇష్టానుసారం కొట్టడంతో కోమాలోకి వెళ్లి మృతి చెందాడు. ఈ సంఘటన బెంగళూరులో బేగూరు పరిధిలో చో­టు­చేసుకుంది. నిందితురాలు ప్రతిభ (26), ఆమె స్నేహితులు సుశీల్, గౌతమ్‌లను పోలీసులు అరెస్ట్‌ చేశారు.   ఉక్రెయిన్‌లో చదివి వచ్చి   వివరాలు... చెన్నై నగరానికి చెందిన వికాస్‌ (27), ప్రతిభ ప్రేయసీ ప్రియులు. ఉక్రెయిన్‌లో వైద్య కోర్సు చదివి వచ్చిన వికాస్‌ చెన్నైలో డాక్టర్‌గా పని చేసేవాడు. ఆరు నెలల క్రితం ఉన్నత చదువుల కోసం బెంగళూరుకు వచ్చి మైకో లేఔట్‌ వద్ద నివాసం ఉంటున్నాడు. బెంగళూరు హెచ్‌ఎస్‌ఆర్‌ లేఔట్‌లో ఒక ఆర్కిటెక్ట్‌ కంపెనీలో పని చేస్తున్న ప్రతిభతో వికాస్‌కు రెండేళ్ల కిందట సోషల్‌ మీడియా ద్వారా పరిచయమైంది. వికాస్‌ బెంగళూరుకు వచ్చాక అది ప్రేమగా మారింది. వీరి ప్రేమను ఇరు కుటుంబాల వారు కూడా ఒప్పుకొన్నారు. నవంబర్‌ నెలలో పెళ్లి చేసుకుందామని జంట అనుకుంది.   ఇన్‌ స్టాలో ఫొటోల పోస్టింగ్‌తో గొడవ   ప్రతిభ నగ్న చిత్రాలను వికాస్‌ ఇన్‌ స్టా గ్రామ్‌లో పోస్ట్‌ చేశాడు. అది ఆమె కంటపడింది. దాంతో ప్రతిభ కుటుంబీకులు వికాస్‌తో గొడవ పడ్డారు. ప్రేమించినవాడు మోసం చేశాడని, కుటుంబం ముందు పరువు తీశాడని ప్రతిభ కుమిలిపోయింది. ఆఫీసులో స్నేహితులైన సుశీల్, గౌతమ్, సూర్యతో గోడు చెప్పుకుంది. అతనికి బుద్ధి చెప్పాలని అందరు కలిసి వారం రోజుల క్రితం వికాస్‌ గదికి వెళ్లి తీవ్రంగా కొట్టారు. ఆ తరువాత వారే ఆస్పత్రికి తీసుకెళ్లి ఎవరో కొట్టి పారిపోయారని చెప్పారు. అక్కడ చేర్చుకోకపోవడంతో సెయింట్‌ జాన్స్‌ ఆస్పత్రిలో చేర్చారు. అప్పటి నుంచి కోమాలో ఉన్న బాధితుడు ఆదివారం రాత్రి చనిపోయాడు. బేగూరు పొలీసులు కేసు నమోదు చేసుకొని ముగ్గురిని అరెస్టు చేశారు. మరో నిందితుడు సూర్య పరారీలో ఉన్నాడు.  (చదవండి: మహిళను వాటేసుకుని ముద్దుపెట్టబోయిన కాంగ్రెస్‌ నాయకుడు.. చితకబాదిన బాధితురాలి ప్రియుడు)

Jacqueline Fernandez Request To Media Not Circulate Her Private Photos: శ్రీలంక బ్యూటీ, బీటౌన్‌ ముద్దుగుమ్మ జాక్వెలిన్‌ ఫెర్నాండెజ్‌ గతేడాది నుంచి వార్తల్లో నిలుస్తోంది. సుకేష్‌ చంద్రశేఖర్‌ మనీలాండరింగ్‌ కేసులో నిందితురాలిగా జాక్వెలిన్‌ ఆరోపణలు ఎదుర్కొంటున్న సంగతి తెలిసిందే. పలు బాలీవుడ్‌ హీరోయిన్స్‌తోపాటు జాక్వెలిన్‌కు సుకేష్‌ ఖరీదైన బహుమతులు ఇవ్వడంతో ఈడీ ఆమెను విచారించింది. అప్పటినుంచి ఫిల్మ్‌ దునియాలో తరచుగా, వార్తల్లో అప్పుడప్పుడూ జాక్వెలిన్‌ పేరు వింటూనే ఉన్నాం. తాజాగా జాక్వెలిన్‌ మీడియాకు విన్నవించుకుంటూ సోషల్‌ మీడియాలో ఒక పోస్ట్‌ పెట్టింది. సుకేష్‌ చంద్రశేఖర్‌తో లీక్‌ అయిన తన ఫొటోను ప్రసారం చేయొద్దని మీడియాను అభ్యర్థించింది. తన గోపత్యకు భంగం కలిగిస్తోందని పేర్కొంది జాక్వెలిన్‌. 'ఈ దేశం, ఈ ప్రజలు నాకు విపరీతమైన ప్రేమ, గౌరవాన్ని ఇస్తున్నారు. ప్రస్తుతం నేను కఠినమైన పరిస్థితిలో ఉన్నాను. అది నా స్నేహితులు, అభిమానులు గమనిస్తూనే ఉన్నారని తెలుసు. ఈ నమ్మకంతోనే నా వ్యక్తిగత చిత్రాలను ప్రసారం చేయొద్దని మీడియా మిత్రులను అభ్యర్థిస్తున్నాను. నేను ఇప్పటికే చాలా నేర్చుకున్నాను. నా ప్రైవసీకి భంగం కలిగించరని ఆశిస్తున్నాను. మీరు మీ ప్రియమైన వారికి ఇలా చేయరు కదా. అలాగే నాకు కూడా ఇలా చేయరని నమ్ముతున్నా. న్యాయం, మంచి గెలుస్తుందని ఆశిస్తున్నాను. ధన్యవాదాలు.' అని పోస్ట్‌లో రాసుకొచ్చింది జాక్వెలిన్‌.   View this post on Instagram A post shared by Jacqueline Fernandez (@jacquelinef143) ఇదీ చదవండి: జాక్వెలిన్‌ను సుకేష్‌ ఇలా ముగ్గులోకి దింపాడట..

కోల్‌కతా: దేశ వ్యాప్తంగా ‘‘బాయ్స్‌ లాకర్‌ రూం’’ ఉదంతం ప్రకంపనలు సృష్టిస్తున్న వేళ పశ్చిమ బెంగాల్‌లోని ఓ యూనివర్సిటీ విద్యార్థులు సైతం ఇదే తరహా అకృత్యాలకు ఒడిగట్టిన విషయం బయటపడింది. ఐయూబ్రోస్‌ పేరిట ట్విటర్‌ ఖాతా నిర్వహిస్తున్న ఓ మహిళ సంచలన విషయాలు వెలుగులోకి తెచ్చారు. జాదవ్‌పూర్‌ యూనివర్సిటీ(జేయూ)కి చెందిన ఎస్‌ అనే వ్యక్తి గూగుల్‌ డ్రైవ్‌లో అమ్మాయిల ప్రైవేట్‌ ఫొటోలు పెట్టి.. తన తోటి విద్యార్థులు, స్నేహితులకు వాటిని వీక్షించే వెసలుబాటు కల్పించాడని పేర్కొన్నారు. తోటి విద్యార్థినులతో పరిచయం పెంచుకుని వారితో సన్నిహితంగా మెలుగుతూ ఫొటోలు పంపించాలని ఒత్తిడి చేసేవాడని ఆమె తెలిపారు. ఇందుకు సంబంధించిన ట్వీట్‌ వైరల్‌ కావడంతో సదరు ఎస్‌ తమను కూడా ఇలాగే వేధించాడని పలువురు యూనివర్సిటీ విద్యార్థినులు సోషల్‌ మీడియాలో తమ అనుభవాలు పంచుకున్నారు. 2016లో క్రియేట్‌ చేసిన ఆ గూగుల్‌ డ్రైవ్‌ను‌.. అతడు ఓపెన్‌ సీక్రెట్‌గా మార్చేశాడని చెప్పుకొచ్చారు. (బాయ్స్‌ లాకర్‌ రూం.. డర్టీ ఛాట్‌) ఈ విషయం గురించి ఐయూబ్రోస్‌ ట్విటర్‌ యూజర్‌ ఓ జాతీయ మీడియాతో మాట్లాడుతూ.. 2015లో ఎస్‌ అనే వ్యక్తితో తనకు స్నేహం ఏర్పడిందని.. యూనివర్సిటీ డిబేటింగ్ క్లబ్‌లో తామిద్దరం కలిసి పాల్గొనేవాళ్లమని తెలిపారు. ఈ క్రమంలో అతడు తరచూ చాటింగ్‌ చేసే వాడని.. ఓ రోజు పర్సనల్‌ ఫొటోలు పంపాలని కోరాడన్నారు. వెంటనే డెలీట్‌ చేస్తానని చెప్పాడని.. అతడి ఒత్తిడి భరించలేక ఫొటో షేర్‌ చేశానని చెప్పుకొచ్చారు. అయితే 2018లో తనకు సంబంధించిన అశ్లీల ఫొటోలను ఎస్‌ గూగుల్‌ డ్రైవ్‌లో చూశానని ఓ వ్యక్తి చెప్పడంతో షాక్‌కు గురయ్యానని.. ఈ విషయం గురించి ఎవరికీ చెప్పుకోలేక తనలో తానే కుమిలిపోయానని ఆవేదన వ్యక్తం చేశారు.(ఫొటోలు పెట్టి.. తప్పు చేశానా అమ్మా?) ఈ క్రమంలో తమ యూనివర్సిటీకి చెందిన ఓ విద్యార్థిని తన మీటూ స్టోరీని బహిర్గతం చేయడంతో.. ఆమె కూడా తనలాగే ఎస్‌ అకృత్యాలకు బలైన విషయం గురించి తెలుసుకున్నానన్నారు. ఎస్‌ జూనియర్‌ విద్యార్థినులు కూడా అతడి వల్ల తాము తీవ్ర ఇబ్బందులు ఎదుర్కొన్నట్లు తెలిపారు. ఎస్‌ తమను లైంగికంగా వేధించాడని.. అయినప్పటికీ అతడికి లొంగకపోవడంతో అందరితో తమ ఫొటోలు షేర్‌ చేసుకున్నాడని పేర్కొన్నారు. తమ ఫొటోలు ఇప్పటికే జేయూ సర్క్యూట్‌లో ఉండటం షాకింగ్‌గా ఉందని.. అయితే అందులో కొంతమంది ఫొటోలు మాత్రమే ఉన్నట్లు అతడి స్నేహితుడు చెప్పాడని పేర్కొన్నారు. వ్యక్తిగత విషయం.. ఎలా జరిగిందో తెలియదు ఈ విషయం గురించి సదరు మీడియా ప్రతినిధులు ఎస్‌ను ప్రశ్నించగా.. తాను గూగుల్‌ డ్రైవ్‌లో సదరు అమ్మాయిల ప్రైవేట్‌ ఫొటోలు స్టోర్‌ చేసిన మాట వాస్తవేమనని... అయితే అది తన వ్యక్తిగత అంశమని పేర్కొన్నాడు. కానీ తాను ఎన్నడూ వాటిని బయటపెట్టలేదని.. తన ఫోన్‌ పోగొట్టుకున్న కారణంగా ఈ విధంగా జరిగి ఉంటుందని అభిప్రాయపడ్డాడు. అయినప్పటికీ థర్డ్‌పార్టీ తన ఫొటోలు ఎలా చూశారో అర్థం కావడం లేదని వాపోయాడు. 2018లో తన ఇంజనీరింగ్‌ పూర్తి చేసుకుని కోల్‌కతాను వీడి వెళ్లినట్లు పేర్కొన్నాడు.(‘ఇన్‌స్టా’లో ‘బాయిస్‌’ బీభత్సం) ఇక ఈ విషయంపై స్పందించిన ఐయూబ్రోస్‌ ట్విటర్‌ యూజర్‌ ఎస్‌తో పాటు ‘ఏ’ కూడా ఇందులో భాగ్వస్వామ్యమయ్యాడని.. సెమినార్లు జరుగుతున్న సమయంలో అమ్మాయిల ఫొటోలు తీసి ముఖభాగం మార్ఫ్‌ చేసేవాడని పేర్కొన్నారు. బాయ్స్‌ లాకర్‌ రూం తరహాలో అనేక మంది అబ్బాయిలు.. తమ తోటి విద్యార్థినుల గురించి అసభ్య కామెంట్స్‌ చేస్తూ.. వారి అశ్లీల చిత్రాలను షేర్‌ చేసి రాక్షసానందం పొందుతున్నారని మండిపడ్డారు. ఇది కేవలం ఢిల్లీ, కోల్‌కతాకే పరిమితం కాదని.. అనేక విద్యా సంస్థల్లో ఇలాంటి వారు ఉన్నారని పేర్కొన్నారు. అమ్మాయిలు ఇలాంటి విషయాల గురించి బయట చెప్పుకోలేరనే భావనతో అకృత్యాలకు ఒడిగడుతున్నారని అభిప్రాయపడ్డారు. అయితే ఈ విషయంపై పోలీసులకు ఫిర్యాదు చేసే అంశంపై ఆమె స్పష్టతనివ్వలేదు. 

ముంబై : హీరోయిన్లే కాదు హీరోలను కూడా వదలడం లేదు సైబర్‌ నేరగాళ్లు. ఇటీవలే తమ ఫోన్లు హ్యాకింగ్‌ గురయ్యాయంటూ హీరోయిన్లు అక్షరా హసన్‌, హన్సిక ఆవేదన వ్యక్తం చేసిన సంగతి తెలిసిందే. తమ ప్రైవేటు ఫొటోలు లీక్‌ అవడంతో.. సోషల్‌ మీడియా ద్వారా అభిమానులకు వివరణ ఇచ్చుకున్నారు ఈ ముద్దుగుమ్మలు. తాజాగా.. బాలీవుడు నటుడు అలీ ఫజల్‌ కూడా వీరి కోవలో చేరిపోయాడు. తనకు సంబంధించిన నగ్న ఫొటోలు ఆన్‌లైన్‌లో దర్శనమివ్వడంతో అలీ షాక్‌కు గురయ్యాడు. ఈ విషయం గురించి మాట్లాడుతూ.. ‘ అవును ఆ ఫొటోలో ఉంది నేనే.. అయితే ఆ ఫొటోలు ఎలా బయటికి వచ్చాయో నాకు తెలీదు. సమయం వచ్చినపుడు నేను అన్నీ వివరిస్తాను’ అంటూ అలీ ఇన్‌స్టాగ్రామ్‌లో సెల్ఫీ వీడియో పోస్ట్‌ చేశాడు. ఇది నిజంగా చీప్‌ టెక్నిక్‌, వాళ్లది వరస్ట్‌ టేస్ట్‌ అని మండిపడ్డాడు. కాగా అలీ ఫజల్‌ నటించిన ‘మిలాన్‌ టాకీస్‌’సినిమా మార్చి 15న విడుదల కానుంది. అలీ ప్రస్తుతం ఈ మూవీ ప్రమోషన్లలో బిజీగా ఉన్నాడు. View this post on Instagram Not Cool... A post shared by ali fazal (@alifazal9) on Feb 23, 2019 at 4:33am PST

ఇటీవల కమల్‌హాసన్‌ కూతురు అక్షరా హాసన్‌కు సంబంధించిన కొన్ని వ్యక్తిగత ఫొటోలు లీక్‌ అయ్యి సోషల్‌ మీడియాలో వైరల్‌గా మారిన విషయం గుర్తుండే ఉంటుంది. ఇప్పుడు కథానాయిక హన్సిక వ్యక్తిగత ఫొటోలు సోషల్‌ మీడియాలో హాల్‌ చల్‌ చేస్తున్నాయి. ఇటీవల ఆమె న్యూయార్క్‌ హాలిడేకి వెళ్లినప్పటి ఫొటోలు అవని ఊహాగానాలు వినిపిస్తున్నాయి. వాటిలో హన్సిక బికినీ ధరించిన ఫొటోలు కూడా ఉన్నాయి. ఈ విషయం గురించి హన్సిక స్పందిస్తూ – ‘‘నా ఫోన్, ట్వీటర్‌ అకౌంట్‌ హ్యాక్‌ అయ్యాయి. వాటి నుంచి వచ్చే మెసేజ్‌లకు స్పందించవద్దు. కంట్రోల్‌ చేయడానికి మా టీమ్‌ వర్క్‌ చేస్తున్నారు’’ అని పేర్కొన్నారు. సో... హ్యాక్‌ చేసినవాళ్లే హన్సిక ఫొటోలు బయట పెట్టి ఉంటారనుకోవాలేమో. ఇక ఆమె సినిమాల ప్రస్తావనకు వస్తే... తమిళంలో ‘100’ అనే పోలీస్‌ థ్రిల్లర్‌ చేశారు. ఈ చిత్రం రిలీజ్‌కి రెడీగా ఉంది. ప్రస్తుతం ‘మహా’ అనే లేడీ ఓరియంటెడ్‌ సినిమాలో నటిస్తున్నారు. తెలుగులో సందీప్‌ కిషన్‌ సరసన   ఓ సినిమాకి కమిట్‌ అయ్యారు హన్సిక.

యూనివర్సల్‌ హీరో కమల్‌హాసన్‌ చిన్న కుమార్తె, నటి అక్షరాహాసన్‌ పర్సనల్‌ ఫొటోలు ఇటీవల లీక్‌ అయిన సంగతి తెలిసిందే. తన మాజీ ప్రియుడు తనూజ్‌ విర్వానీతో గతంలో దిగిన ఫొటోలను ఆమె ఫోన్‌లో నుంచి అజ్ఞాత వ్యక్తి హ్యాక్‌ చేసి ఇంటర్‌నెట్‌లోకి వదిలాడు. ఈ విషయమై అక్షర ముంబై సైబర్‌ క్రైమ్‌ పోలీసులకు ఫిర్యాదు చేశారు కూడా. ఈ క్రమంలో... 2013లో తనూజ్‌తో అక్షర షేర్‌ చేసుకున్న ఫొటోలు హ్యాక్‌కు గురైనట్లు ప్రాథమిక విచారణలో తేలిందని పోలీసులు తెలిపారు. ఇందులో భాగంగా తనూజ్‌ని విచారించాల్సిన అవసరం ఉందని పేర్కొన్నారు. ఈ వార్తలపై తనూజ్‌ మేనేజర్‌ స్పందించాడు. అక్షర ఫొటోల లీక్‌తో తనూజ్‌కు ఎటువంటి సంబంధం లేదని పేర్కొన్నాడు. ఆమె పరువును బజారుకు ఈడ్చాలని చూసిన వారెవరైనా వదిలిపెట్టవద్దని, అందుకోసం తనూజ్‌ నుంచి పూర్తి సహకారం ఉంటుందని తెలిపాడు. కాగా బాలీవుడ్‌ నటి రతి అగ్రిహోత్రి తనయుడు తనూజ్‌ విర్వానీ, అక్షర చాలా ఏళ్ల పాటు డేటింగ్‌లో ఉన్నారు. మనస్పర్ధల కారణంగా విడిపోయిన ఈ జంట ప్రస్తుతం స్నేహితులుగా మెలుగుతున్నారని అతడి మేనేజర్‌ పేర్కొన్నాడు. View this post on Instagram @mumbaipolice @cybercrime_cell A post shared by Akshara Haasan (@aksharaa.haasan) on Nov 7, 2018 at 6:49am PST

కమల్‌హాసన్‌ చిన్న కుమార్తె, నటి అక్షరాహాసన్‌ పర్సనల్‌ ఫొటోలు ఇటీవల లీక్‌ అయ్యాయి. ఓ ఫొటోషూట్‌కి సంబంధించి అక్షర దిగిన ఫొటోలను ఆమె ఫోన్‌లో నుంచి ఎవరో అజ్ఞాత వ్యక్తి హ్యాక్‌ చేసి ఇంటర్‌నెట్‌లోకి వదిలాడు. నెట్‌లో ఇప్పుడు చక్కర్లు కొడుతున్న ఆ హాట్‌ హాట్‌ ఫొటోలు అక్షరని వార్తల్లో నిలిచేలా చేశాయి. ఈ విషయం గురించి అక్షర స్పందించారు. ‘‘ఇటీవల నా పర్సనల్‌ ఫొటోలు కొన్ని ఇంటర్‌నెట్‌లో లీక్‌ అయ్యాయి. అది ఎవరు చేశారు? ఎందుకు చేశారో ఇంకా తెలియదు. కామాంధుడైన ఒక సైకోను అతడి ఆలోచనలు ఒక అమ్మాయి పర్సనల్‌ విషయాల్ని లీక్‌ చేయమని ప్రేరేపిస్తే..  ఇతరులు ఆమెను బాధితురాలిగా నిలబెట్టడం, ఆ ఫొటోలకు ఏదో ఓ హెడ్డింగ్‌ పెట్టి షేర్‌ చేయడం నన్ను ఇంకా భయానికి గురిచేసింది. అలాగే నన్ను వేధించడంలో, నిస్సహాయురాలిని చేయడంలో మీ (ఫొటోలు షేర్‌ చేసిన వ్యక్తులు) అందరూ పాల్గొన్నారనిపిస్తోంది. తాజాగా ‘మీటూ’ అనే ఉద్యమం ద్వారా దేశం మొత్తం స్త్రీల సంరక్షణ విషయంలో జాగ్రత్తపడుతుంటే.. ఇంకా కొంతమంది వ్యక్తులు అమ్మాయిల పర్సనల్‌ ఫొటోలు షేర్‌ చేస్తూ పైశాచిక ఆనందాన్ని పొందుతున్నారు. ఈ విషయాన్ని ముంబై పోలీసులకు తెలియజేశాను. త్వరలోనే అతణ్ని ఎలాగూ పట్టుకుంటారు. అప్పటివరకూ నేను అందర్నీ వేడుకునేది ఒక్కటే.. ‘లివ్‌ అండ్‌ లెట్‌ లివ్‌’. మీరు హుందాగా బతకండి.. మరొకర్ని బతకనివ్వండి’’ అని అక్షర ఆగ్రహావేదన వ్యక్తం చేశారు. 

సాక్షి, బెంగళూరు:  తనతో సంబంధాన్ని కొనసాగించలేదనే అక్కసుతో ప్రియురాలిపై ఆగ్రహం పెంచుకున్నాడు. ప్రియురాలి నగ్నచిత్రాలను ఫేస్‌బుక్‌లో పెట్టి, ఆమె వ్యభిచారి అని పేర్కొంటూ ఫోన్‌ నెంబర్‌ కూడా ఆ కామాంధుడు పోస్ట్‌ చేశాడు. బెంగళూరుకు చెందిన ఆ నిందితుడిని ముంబయి పోలీసులు బుధవారం అరెస్ట్‌ చేశారు. ఆ వివరాలిలా ఉన్నాయి.. బెంగళూరులోని ఓ ప్రైవేటు కాలేజీలో శోవిక్‌ భువన్‌ (22) అనే యువకుడు బీబీఎం రెండో ఏడాది చదువుతున్నాడు. అసోంకు చెందిన ఓ యువతి స్థానికంగా ఉంటోంది. ఆమెకు శోవిక్‌తో పరిచయం ఏర్పడి అది ప్రేమకు దారితీసింది. ఆ సమయంలో ఇద్దరు కలిసి చాలా సన్నిహితంగా ఫొటోలు దిగారు. కొంతకాలం కిందట ఆమె ఉద్యోగ నిమిత్తం ముంబయికి వెళ్లిపోయింది. అప్పటినుంచి భువన్‌తో మాటామంతీ తగ్గిపోయింది. అతడు తరచూ ఫోన్‌ చేసి తనతో సంబంధాన్ని కొనసాగించాలని ఒత్తిడి చేయగా, ఇందుకు ఆమె నిరాకరించింది. కోపోద్రిక్తుడైన శోవిక్‌ ఆమెపై పగ పెంచుకున్నాడు. ఆమె నగ్నంగా ఉన్న ఫొటోలను ఫేస్‌బుక్‌లో పోస్ట్‌ చేశాడు. అంతేకాకుండా ఆమె వేశ్య అని, ఎవరైనా సంప్రదించవచ్చునంటూ ఏకంగా ఆమె ఫోన్‌ నెంబరునూ పోస్ట్ చేశాడు. ఇది తెలిసిన బాధితురాలు సోమవారం తన ప్రియుడిపై ముంబయి పోలీస్‌స్టేషన్‌లో ఫిర్యాదు చేశారు. కేసు నమోదు చేసుకున్న ముంబయి డీసీపీ నవీన్‌ చంద్రారెడ్డి, ఇన్‌స్పెక్టర్‌ శైలేష్‌ పసాల్హర్‌ నేతృత్వంలో బృందాన్ని పంపారు. బుధవారం ముంబయి నుంచి ప్రియురాలు వచ్చి పలానాస్థలంలో వేచి చూస్తున్నట్లు పథకం రూపొందించిన పోలీసులు.. భువన్ అక్కడికి రాగానే అరెస్ట్‌ చేశారు. ఆ కామాంధుడు 20కి పైగా యువతి నగ్నఫొటోలను సోషల్ మీడియాలో పోస్ట్‌ చేసినట్లు పోలీసులు గుర్తించారు. నిందితుడిని అక్కడినుంచి ముంబయికి తరలించి విచారణ చేపట్టారు.


 హైదరాబాద్: ప్రేమించాలంటూ ఓ యువతిని ఆన్‌లైన్‌లో వేధిస్తున్న యువకుడిని పోలీసులు శనివారం అరెస్టు చేశారు. సైబర్‌ క్రైం ఇన్‌స్పెక్టర్‌ మోహన్‌ రెడ్డి కథనం ప్రకారం... బాధితురాలు ఓ ప్రైవేట్‌ కంపెనీలో ఉద్యోగం చేసే సమయంలో సహోద్యోగి అయిన బి.దినేశ్‌ కుమార్‌తో ఆమెకు పరిచయం ఏర్పడింది. కొన్ని రోజుల తర్వాత ప్రేమిస్తున్నానని దినేశ్‌ కుమార్‌ చెప్పడంతో ఆమె నో చెప్పింది. అప్పటినుంచీ ఆమెకు తెలియకుండా సెల్‌ఫోన్‌లోని వ్యక్తిగత ఫొటోలు, కాంటాక్ట్‌ నంబర్లు సేకరించాడు. తనను ప్రేమించకుంటే ఆ వ్యక్తిగత ఫొటోలను తల్లిదండ్రులు, బంధువులకు పంపుతానంటూ బాధితురాలిని బెదిరించాడు.
 
 ఆమె లొంగకపోవటంతో పలు నంబర్ల నుంచి, పలు మెయిల్‌ ఐడీల నుంచి బాధితురాలి బంధువులకు ఫొటోలు పంపించాడు. తన ఫేస్‌బుక్‌ ఖాతా నుంచి కూడా ఆమె వ్యక్తిగత ఫొటోలను బాధితురాలి కుటుంబసభ్యులు, స్నేహితులు, బంధువులకు సెండ్ చేశాడు . దినేశ్ వేధింపులు ఎక్కువవడంతో బాధితురాలు ఉద్యోగానికి రాజీనామా చేసింది. అయినప్పటికీ వేధింపులు ఆగకపోవటంతో రాచకొండ సైబర్‌ పోలీసులను ఆశ్రయించింది. కేసు నమోదు చేసుకున్న పోలీసులు విచారణ చేపట్టారు. ఈ మేరకు ఇన్‌స్పెక్టర్ మోహన్‌ రెడ్డి నేతృత్వంలోని బృందం దినేశ్‌ ను హిమాయత్‌నగర్‌లో అదుపులోకి తీసుకుంది. పోలీసులు అతని వద్ద నుంచి రెండు సెల్‌ఫోన్లను స్వాధీనం చేసుకున్నారు.