బాలీవుడ్‌ నటుడు సంజయ్‌ కపూర్‌ సోషల్‌ మీడియాలో ఓ ఆసక్తికర పోస్ట్‌ షేర్‌ చేశాడు. ఇండస్ట్రీకి వచ్చిన తొలినాళ్లలో జరిగిన ఫోటోషూట్‌కు సంబంధించిన ఫోటోలను ఇన్‌స్టాగ్రామ్‌ ఖాతా ద్వారా అభిమానులతో పంచుకున్నాడు. ఈ ఫోటోలు చూసి అభిమానులు సర్‌ప్రైజ్‌ అవుతున్నారు. 1987లో ముంబైలో ఓ ఫోటోగ్రాఫర్‌ ఈ ఫోటోలు క్లిక్‌మనిపించారు. ఇందులో సంజయ్‌ బ్లూ కలర్‌ షర్ట్‌లో హ్యాండ్‌సమ్‌గా కనిపిస్తున్నాడు. అతడి పక్కనే అమల అక్కినేని ఉండగా ఆమె కూడా బ్లూ కలర్‌ డ్రెస్‌ ధరించి ఉంది. 'ఇది నా ఫస్ట్‌ ఫోటోషూట్‌.. అందమైన, తెలివైన అమలతో కలిసి ఈ షూట్‌లో పాల్గొన్నాను. అన్నీ వర్కవుట్‌ అయ్యుంటే తనే నాతో కలిసి నటించిన తొలి హీరోయిన్‌ అయ్యుండేది, కానీ అలా జరగలేదు' అని క్యాప్షన్‌లో రాసుకొచ్చాడు. ఈ పోస్ట్‌పై సంజయ్‌ కపూర్‌ భార్య మహీప్‌ కపూర్‌ స్పందిస్తూ.. 1987.. అప్పుడు నాకు కేవలం 14 ఏళ్లే అని కామెంట్‌ చేసింది. కాగా అమల అక్కినేని తమిళ చిత్రం 'మైథిలి ఎన్నై కాదలై'తో తన కెరీర్‌ మొదలుపెట్టింది. ఈ చిత్రం 1986లో రిలీజైంది. ఆ మరుసటి ఏడాదే సంజయ్‌ కపూర్‌తో ఫోటోషూట్‌లో పాల్గొంది. ఇకపోతే టాప్‌ హీరోయిన్‌గా వెలుగొందుతున్న సమయంలో టాలీవుడ్‌ మన్మథుడు అక్కినేని నాగార్జునను పెళ్లాడింది. తర్వాత సినిమాలకు గుడ్‌బై చెప్పింది. ఇకపోతే సంజయ్‌ కపూర్‌ 1995లో వచ్చిన 'ప్రేమ్‌' సినిమాతో తన సినీప్రయాణం ప్రారంభించాడు. చివరగా అతడు 'బ్లడీ డాడీ' సినిమాలో కనిపించాడు. ప్రస్తుతం సంజయ్‌.. 'మెర్రీ క్రిస్‌మస్‌' మూవీ చేస్తున్నాడు. ఈ చిత్రం డిసెంబర్‌ 15న విడుదల కానుంది. దీనితో పాటు 'మర్డర్‌ ముబారక్‌', 'మేడ్‌ ఇన్‌ హెవెన్‌ 2' కూడా చేస్తున్నాడు. View this post on Instagram A post shared by Sanjay Kapoor (@sanjaykapoor2500) చదవండి: అలా జరగాలని కోరుకుంటే లేనిపోని ఒత్తిడి: నిహారిక

ఎట్టకేలకు తన చిరకాల నేరవేరిందంటూ సోషల్‌ మీడియా వేదికగా ఆనందం వ్యక్తం చేసింది ‘లైగర్‌’ బ్యూటీ అనన్య పాండే. ఈమేరకు ఆమె  ఇన్‌స్టాగ్రామ్‌ స్టోరీ షేర్‌ చేస్తూ ఫ్యాన్‌గర్ల్‌ మూమెంట్‌ని ఎంజాయ్‌ చేస్తుంది. తన అభిమాన ఆటగాడు డేవిడ్ బెక్‌హాంను కలుసుకున్నానంటూ  ఆమె మురిసిపోయింది. కాగా ఖతర్‌ వేదికగా జరుగుతున్న ఫిఫా వరల్డ్‌కప్‌ సెమిఫైనల్స్‌ చూసేందుకు అనన్య హజరైంది. ఈ సందర్భంగా తన అభిమాన ఆటగాడు, మాజీ ఫుట్‌బాల్‌ ప్లేయర్‌ డేవిడ్‌ బేక్‌హాంను ఆమె కలుసుకుంది.  డ్రెస్సింగ్‌ రూం వద్ద ఫార్మల్‌ సూట్‌లో ఉన్న డేవిడ్‌ను స్టేడియంలో ఉన్న అనన్య ఆయనను చూసింది. డేవిడ్‌ తన ఫ్యాన్స్‌కి చేయి ఊపాడు. అదే సమయంలో అనన్య తన అభిమాన ఆటగాడిని తన ఫోన్‌ కెమెరాలో క్లిక్‌ మనిపించింది. ఇక ఆ ఫొటోను తన ఇన్‌స్టాగ్రామ్‌ స్టోరీలో షేర్‌ చేస్తూ.. ‘ఓకే.. ఐ యామ్‌ డన్‌.. ఇది నా చిరకాల కోరిక.. డేవిడ్‌ బేక్‌హాం పూర్తిగా నావైపే చేయి ఉపారు’ అంటూ అనన్య మురిసిపోయింది. డిసెంబర్‌ 14న సెమిఫైనల్స్‌లో తలపడిన అర్జెంటీనా వర్సెస్‌ క్రొయేషియా మ్యాచ్‌ చూసేందుకు అనన్యతో పాటు పలువురు బాలీవుడ్‌ స్టార్‌ నటులు సంజయ్‌ కపూర్‌, చుంకీ పాండే, ఆదిత్య రాయ్‌ కపూర్‌తో తదితరలు హాజరయ్యారు. అలాగే టెన్నిస్‌ స్టార్‌ సానియా మీర్జా తన సోదరితో కలిసి ఈ మ్యాచ్‌ను వీక్షించారు.  🤩Popular Bollywood actors Sanjay Kapoor, Aditya Roy Kapur & Chunky Panday, tennis star Sania Mirza and other personalities spotted at Nammos, Al Maha Island! #ILoveQatar #Qatar #Qatar2022 #WorldCupQatar2022 #almahaisland pic.twitter.com/yLJFFyxAov — ILoveQatar - Live (@ILQLive) December 13, 2022 చదవండి:  ‘సాంగు భళా’: ఈ ఏడాది బాగా అలరించిన సాంగ్స్‌, అవేంటంటే.. మహేశ్‌-రాజమౌళి మూవీ నుంచి క్రేజీ అప్‌డేట్‌! సూపర్‌ స్టార్‌కు తండ్రిగా ఆ స్టార్‌ నటుడు?

బాలీవుడ్‌ సీనియర్‌ హీరో, నటుడు సంజయ్‌ కపూర్‌ కూతురు షనయా కపూర్‌ కొత్త కారును కొనుగోలు చేసింది. ప్రముఖ నివేదికల ప్రకారం షనయా విలాసవంతమైన 'ఆడి క్యూ 7 ఫేస్‌ లిఫ్ట్‌' కారును కొనుగోలు చేసింది. ఈ కారు విలువ రూ. 80 లక్షలు. ఈ ఆడి క్యూ7 2022 వెర్షన్‌ కారు రెడు వేరియంట్‌లలో వస్తుంది. ఒకటి ప్రీమియం ప్లస్‌ (రూ. 80 లక్షలు). మరొకటి టెక్నాలజీ  (రూ. 88 లక్షలు). ఈ విషయాన్ని 'ఆడి ముంబై వెస్ట్‌' కంపెనీ తన ఇన్‌స్టా గ్రామ్‌ పేజి హ్యాండిల్‌లో షేర్‌ చేసింది. ఈ పోస్ట్‌లో తన కొత్త కారుతో షనయా ఫోజులిచ్చిన ఫొటోలను షేర్ చేసింది ఆడి కంపెనీ. ఈ ఫొటోలలో షనయా తల్లిదండ్రులు సంజయ్‌ కపూర్‌, మహీప్‌ కపూర్‌ ఉన్నారు.  ఇదిలా ఉంటే ఈ నెల ప్రారంభంలో ప్రముఖ బాలీవుడ్‌ దర్శక నిర్మాత కరణ్‌ జోహార్ సినిమా బేధడక్‌తో షనయా బాలీవుడ్‌లో తెరంగ్రేటం అవుతుందని ప్రకటించారు. బేధడక్‌ సినిమాను శశాంక్‌ ఖైతాన్‌ దర్శకత్వంలో కరణ్‌ జోహార్‌ నిర్మాతగా ధర్మ ప్రొడక్షన్‌ బ్యానర్‌లో తెరకెక్కనుంది. ఇందులో లక్ష్య, గుర్ఫతే పిర్జాదా నటిస్తున్నారు. 2020లో విడుదలైన గుంజన్ సక్సేనా ది కార్గిల్‌ గర్ల్‌ చిత్రంతో సహాయ దర్శకురాలిగా షనయా బీటౌన్‌లో తన కెరీర్‌ను ప్రారంభించింది. అలాగే నెట్‌ఫ్లిక్స్ సిరీస్‌ ది ఫ్యాబులెస్‌ లైవ్స్‌ ఆఫ్‌  బాలీవుడ్‌ వైవ్స్‌లో అతిథి పాత్రలో మెరిసింది షనయా కపూర్‌. ఇందులో ఆమె తల్లి మహీప్‌ కపూర్‌ నటించింది.    View this post on Instagram A post shared by Audi Mumbai West (@audi_mumbaiwest)

టాలీవుడ్‌, బాలీవుడ్‌, హాలీవుడ్‌.. ఇలా ఏ వుడ్‌ అయినా సరే హీరోయిన్‌గా రాణించాలంటే అందంతో పాటు ప్రతిభ కూడా చాలా ముఖ్యం. మరీ ముఖ్యంగా డ్యాన్స్‌ కచ్చితంగా వచ్చి ఉండాలి. తమలోని డ్యాన్స్‌ స్కిల్స్‌కు పదును పెట్టుకోవడానికి.. మరింత మెరుగ్గా రాణించడానికి హీరోయిన్‌లు, అప్‌కమింగ్‌ యాక్టర్స్‌  ప్రత్యేకంగా శిక్షణ కూడా తీసుకుంటారు. ప్రస్తుతం చాలా మంది ఎక్కువగా బెల్లీ డ్యాన్స్‌కే అధిక ప్రాధాన్యత ఇస్తున్నారు.  ఇప్పటికే పలువురు హీరోయిన్‌లు తమ బెల్లీ డ్యాన్స్‌ కోచింగ్‌ సెషన్‌లు, ప్రదర్శనకు సంబంధించిన వీడియోలను సోషల్‌ మీడియాలో పోస్ట్‌ చేసి ప్రశంసలు పొందుతుండగా.. తాజాగా ఈ జాబితాలోకి సంజయ్‌ కపూర్‌ కుమార్తె, అప్‌ కమింగ్‌ హీరోయిన్‌ షనయా కపూర్‌ చేరారు. ప్రస్తుతం ఈమె చేసిన బెల్లీ డ్యాన్స్‌ వీడియో సోషల్‌ మీడియాలో తెగ వైరలవుతోంది. పలువురు షనయా డ్యాన్స్‌ స్కిల్స్‌ని ప్రశంసించగా.. బిగ్‌ బీ అమితాబ్‌ బచ్చన్‌ మనవరాలు నవ్య నవేలీ నందా చేసిన కామెంట్‌ మాత్రం తెగ నవ్విస్తోంది. ఆ వివరాలు.. షనయా కపూర్‌ బెల్లీ డ్యాన్స్‌ నేర్చుకుంటున్న వీడియోని తన ఇన్‌స్టాగ్రామ్‌లో పోస్ట్‌ చేశారు. ‘‘మేం డ్యాన్స్‌ ఎలా నేర్చుకుంటామంటే ప్రాక్టీస్‌ సెషన్స్‌ విత్‌ బెస్ట్‌ సంజన ముత్రేజా అనే క్యాప్షన్‌తో వీడియోని షేర్‌ చేశారు. ఈ వీడియో చూసిన నెటిజనులు షనయా కపూర్‌ డ్యాన్స్‌పై ప్రశంసలు కురిపిస్తున్నారు. దీనిపై బిగ్‌ బీ మనవరాలు నవ్య నవేలీ నందా కాస్త వెరైటీగా కామెంట్‌ చేశారు. ‘‘నీ డ్యాన్స్‌ చూస్తే.. నాకు కడుపునొప్పి వస్తుంది’’ అంటూ ఫన్నీ కామెంట్‌ చేశారు నవ్య నవేలీ. షనయా కపూర్‌ త్వరలో ధర్మ ప్రొడక్షన్స్ ప్రాజెక్టుతో బాలీవుడ్‌లోకి ఎంట్రీ ఇవ్వనున్న సంగతి తెలిసిందే. కొద్ది రోజుల క్రితమే ఆమె కరణ్ జోహార్ ధర్మ కార్నర్‌స్టోన్ ఏజెన్సీ (డీసీఏ) లో చేరారు. ఈ క్రమంలో మార్చిలో తన ఇన్‌స్టాగ్రామ్ ఖాతాలో తన కొత్త చిత్రాన్ని ప్రకటించిన ఆమె ఇలా రాసుకొచ్చారు: "ఈ రోజు చాలా కృతజ్ఞతతో హృదయపూర్వకంగా మేల్కొన్నాను! ఇక్కడ ధర్మ కార్నర్‌స్టోన్ ఏజెన్సీ కుటుంబంతో ఒక గొప్ప ప్రయాణం ప్రారంభం కాబోతుంది. ఈ జూలై నాటికి నా మొదటి సినిమాను ప్రారంభిచబోతున్నాను’’ అని ప్రకటించారు. 

ముంబై : బాలీవుడ్‌ నటుడు సంజయ్‌ కపూర్‌, మహీప్‌ కపూర్‌ల ముద్దుల కూతురు షనయా కపూర్‌ ఈ ఏడాది హీరోయిన్‌గా ఎంట్రీ ఇస్తున్న సంగతి తెలిసిందే. ధర్మ ప్రొడక‌్షన్స్‌ బ్యానర్‌పై కరణ్‌జోహార్‌ ఆమెను హీరోయిన్‌గా ఇంట్రడ్యూస్‌ చేయనున్నారు. ఈ నేపథ్యంలో కూతురు షనయా నటించిన కిస్సింగ్‌, రొమాంటిక్‌ సీన్లను చూస్తే సంజయ్‌ కపూర్‌ ఎలా రియాక్ట్‌ అవుతాడని ఓ ఇంటర్వ్యూలో అడిగిన ప్రశ్నకు సంజయ్‌ భార్య మహీప్‌ సమాధానం ఇచ్చారు. 'సినిమాలో పాత్రకు తగ్గట్లు నటించడం కామన్‌ విషయమే అయినా కూతురిని అలాంటి సీన్లలో చూసినప్పుడు ఒక సాధారణ తండ్రిలానే రియాక్ట్‌ అవుతారు. అసలు అక్కడుంది తన కూతురేనా అని సంజయ్‌ మొదట ఆశ్చర్యపోతాడు. అయితే కూతురి వృత్తి విషయంలో మాత్రం ఏమాత్రం జోక్యం చేసుకోడు. కానీ మనసులో మాత్రం 'ఓ మై గాడ్‌.. నేనెం చూస్తున్నాను' అని షాకవుతాడు' అని తెలిపారు. కూతురి విషయంలో సంజయ్‌ చాలా ప్రొటెక్టివ్‌ అని, ఒక్కోసారి షనయాకు వచ్చిన ఐ లవ్‌యూ మెసేజ్‌లకు కూడా ఆయనే రిప్లై ఇస్తాడని తెలిపింది. చాలామంది షనయాకు లవ్‌యూ అంటూ మెయిల్స్‌, మెసేజ్‌లు చేస్తుంటారని ఇంత ప్రేమను ఊహించలేదని చెప్పుకొచ్చింది. ఇక షనయా ఇప్పటికే బాలీవుడ్‌లో తన సోదరి జాన్వీకపూర్‌ నటించిన గుంజన్ సక్సేనా: ది కార్గిల్ గర్ల్ చిత్రానికి అసిస్టెంట్ డైరెక్టర్‌గా పనిచేసింది. చదవండి :  ముద్దు వీడియోపై నటి ప్రీతి జింటా రియాక్షన్‌ 18 ఏళ్లకే ఫస్ట్‌ కిస్‌, నాన్న ప్రోత్సాహంతోనే: పూజా భట్‌  

ముంబై: బాలీవుడ్‌ నిర్మాత కరణ్‌ జోహార్‌ ధర్మ ప్రోడక్షన్‌లో నిర్మించిన ‘ది ఫ్యాబులస్‌ లైఫ్‌ ఆఫ్‌ బాలీవుడ్‌ వైవ్స్‌’ సిరీస్‌ గత శుక్రవారం నెట్‌ఫ్లిక్స్‌లో విడుదలైంది. ఈ రియాలిటీ షోలో ప్రముఖ బాలీవుడ్‌ నటుల భార్యలు కథానాయికలకు నటిస్తున్నారు. అయితే ఈ సిరీస్‌ విడుదలైనప్పటి నుంచి సోషల్‌ మీడియాలో ట్రోల్స్‌ ఎదుర్కొంటొంది. ఇందులో సోహై ఖాన్‌(సల్మాన్‌ ఖాన్‌ సోదరుడు) భార్య సీమా ఖాన్‌ కూడా నటిస్తున్న విషయం తెలిసిందే. ఇటీవల ప్రసారమైన నాలుగవ ఎపీసోడ్‌లో సీమా-సోహైల్‌ ఖాన్‌లను నెటిజన్‌లు ట్రోల్‌ చేసిన సంగతి తెలిసిందే. ఇక తాజాగా ఈ షో నిర్మాత కరణ్‌ జోహార్‌ కూడా ట్రోల్స్‌ ఎదుర్కొన్నారు. అది చూసిన కరణ్‌ తనదైన శైలీలో ట్రోలర్‌కు సమాధానం ఇచ్చాడు. (చదవండి: రియాలిటీ షో: వారిద్దరూ కలిసుండటం లేదా!) Ok this really made me laugh! 🤣 A troll with a sense of humour is so refreshing! Thanks Doc! https://t.co/nuelRifxzI — Karan Johar (@karanjohar) November 29, 2020 అయితే ఈ వెబ్‌ సిరీస్‌పై డాక్టర్‌ అఖిలేష్‌ గాంధీ అనే ట్విటర్‌ యూజర్‌ కరణ్‌ను ఉద్దేశిస్తూ.. ‘ఫ్యాబులస్‌ లైప్‌ ఆఫ్‌ బాలీవుడ్‌ వైవ్స్‌లో మన అభిమాన భార్య కరణ్‌ జోహార్‌ అని మనమంతా అంగీకరించక తప్పదని నా అభిప్రాయం’ అంటూ కామెంట్‌ చేశాడు. అది  చూసిన కరణ్‌ సదరు నెటిజన్‌ కామెంట్‌పై స్పందిస్తూ.. ‘ఓకె నీ ట్వీట్‌ నిజంగా నన్ను నవ్వించింది. ఈ ట్రోల్‌ నన్ను రీఫ్రెష్‌ చేసింది. ధన్యవాదలు మిస్టర్‌ డాక్టర్‌’ అంటూ కరణ్‌ చురకలు అట్టించారు. కాగా కరణ్‌ జోహార్‌, అపూర్వ మెహతాలు కలిసి ‘ది ఫ్యాబులస్‌ లైఫ్‌ ఆఫ్‌ బాలీవుడ్‌ వైవ్స్‌’ రియాలిటీ షోను రూపొందించారు. ఇందులో ప్రముఖ బాలీవుడ్‌ నటులు సోహైల్‌ ఖాన్‌ భార్య నీలం ఖాన్‌, సంజయ్‌ కపూర్‌ భార్య మహీప్‌ కపూర్‌, చుంకీ పాండే భార్య భావన పాండే, సమీర్‌ సోనీ భార్య నీలం కొఠారీలు నటిస్తున్నారు. 

మాధురీ దీక్షిత్‌ నటి. ఇది అందరికీ తెలిసిన విషయమే. మరి.. ‘నటి’ అని ప్రత్యేకంగా చెప్పాల్సిన పనేంటీ అంటే... ఆమె నటించనున్న తాజా వెబ్‌ సిరీస్‌ టైటిల్‌ ‘యాక్ట్రెస్‌’ (నటి). ఈ సిరీస్‌లో మాధురి టైటిల్‌ రోల్‌లో కనిపిస్తారు. ఒకప్పుడు బాగా వెలిగి అకస్మాత్తుగా మాయమైపోయే సినిమా స్టార్స్‌ జీవితం ఎలా ఉంటుంది? అనే కథాంశంతో తెరకెక్కుతోంది. విశేషం ఏంటంటే.. 23 ఏళ్ల గ్యాప్‌ తర్వాత సంజయ్‌ కపూర్, మాధురీ దీక్షిత్‌ ఈ సిరీస్‌లో స్క్రీన్‌ షేర్‌ చేసుకుంటున్నారు. ఈ ఇద్దరి కాంబినేషన్‌ అనగానే గుర్తొచ్చే సినిమా ‘రాజా’. 1995లో విడుదలైన ఈ సినిమా పెద్ద సక్సెస్‌. ఆ తర్వాత ‘మొహబ్బత్‌’ (1997) సినిమాలో మళ్లీ కలసి నటించారు. ఇన్నేళ్లకు మళ్లీ కలసి నటిస్తున్నారు. కరణ్‌ జోహార్‌ నిర్మిస్తున్న ఈ సిరీస్‌ చిత్రీకరణ జరుగుతోంది.

ముంబై: బాలీవుడ్‌ సీనియర్‌ హీరో అనిల్‌ కపూర్‌ తన సోదరుడు, నటుడు సంజయ్‌ కపూర్‌ పుట్టిన రోజు సందర్భంగా శనివారం ప్రత్యేకంగా శుభాకాంక్షలు తెలిపాడు. ఇవాళ (అక్టోబర్‌ 17) సంజయ్‌ 55వ వసంతంలోకి అడుగు పెడుతున్న సందర్భంగా శుక్రవారం రాత్రి ఆయన పుట్టిన రోజు వేడుకను కుటుంబ సభ్యుల మధ్య జరుపుకున్నారు. ఈ కార్యక్రమంలో సంజయ్‌తో కలిసి చేసిన బూమారాంగ్‌ వీడియోను అనిల్‌ షేర్‌ చేస్తూ శుభాకాంక్షలు తెలిపాడు. (చ‌ద‌వండి: మహేశ్‌ వర్సెస్‌ అనిల్‌) ‘నా ప్రియమైన సోదరుడు, మై ఫన్నీయర్‌ వెర్షన్‌కు పుట్టిన రోజు శుభాకాంక్షలు. హ్యాపీ బర్త్‌డే సంజయ్‌. లవ్‌ యూ’ అంటూ తన సోదరుడికి శుభాకాంక్షలు తెలిపాడు. నిన్న రాత్రి జరిగిన సంజయ్‌ బర్త్‌డే పార్టీకి సంబంధించిన పలు ఫొటోలను ఆయన భార్య మహీప్‌ కపూర్‌ పలు ఫొటోలను షేర్‌ చేశారు. హ్యాపీ బర్త్‌డే హస్భెండ్‌ అంటూ షేర్‌ చేసిన ఈ ఫొటోల్లో బోణికపూర్‌, అర్జున్‌ కపూర్‌, మోహిత్‌, సందీప్‌ మార్వాలు ఉన్నారు. అది చూసిన పలువురు బాలీవుడ్ ప్రముఖులు‌ సంజయ్‌కు పుట్టినరోజు శుభాకాంక్షలు తెలుపుతున్నారు. (చ‌ద‌వండి: 20 ఏళ్ల తర్వాత సందర్శించా: అనిల్‌ కపూర్‌) To the younger, brighter, fun-ner version of me... Happy Birthday #SanjayKapoor! When the situation allows, let's get away for a family vacation 🤗 Have a great day brother! Love you! pic.twitter.com/k7FZax4rsy — Anil Kapoor (@AnilKapoor) October 17, 2020

ప‌లు రాష్ట్రాల్లోని ఆరెంజ్‌, గ్రీన్ జోన్ల‌లో లాక్‌డౌన్ స‌డ‌లింపులు అమ‌ల్లోకి వ‌చ్చాయి. ప‌లు ప‌రిశ్ర‌మ‌లు కొన్ని నిబంధ‌న‌లు పాటిస్తూ తిరిగి యథావిధిగా ప‌ని చేసుకోవాల్సి ఉంటుంది. మ‌రి చిత్ర ప‌రిశ్ర‌మ‌? సామాజిక దూరం పాటించ‌డం, ఫేస్ మాస్క్ ధ‌రించ‌డం, ప‌రిమిత వ్య‌క్తుల‌తో ప‌నిచేయ‌డం ఎంత‌వ‌ర‌కు జ‌రిగే ప‌ని? ఇది అసాధ్య‌మంటున్నాడు బాలీవుడ్ న‌టుడు సంజ‌య్ క‌పూర్‌. క‌రోనా కార‌ణంగా ఇప్ప‌టికే షూటింగ్‌లు ఎక్క‌డిక‌క్క‌డ నిలిచిపోయాయి. సినిమాలు వాయిదా ప‌డ్డాయి. క‌రోనా త‌ర్వాత ప‌రిస్థితులు ఎంత‌లా మార‌నున్నాయో త‌ల‌చుకుంటేనే ఆందోళ‌గా ఉందంటున్నాడు‌.  తిరిగి సెట్స్‌కు వెళ్లాలంటే త‌న‌కూ అభ‌ద్ర‌త‌గానే ఉందంటున్నాడు. (‘నాకు కరోనా రాలేదు.. వచ్చింది మలేరియా’) "లాక్‌డౌన్ త‌ర్వాత‌ న‌టుడు ఫేస్ మాస్క్ లేకుండానే కెమెరా ముందుకు వెళ్లాల్సి ఉంటుంది. యాక్ష‌న్ స‌న్నివేశాల నుంచి ఇత‌రుల‌తో అత్యంత స‌న్నిహితంగా మెల‌గ‌డం వ‌ర‌కు అన్నీ ఉంటాయి. వీట‌న్నింటినీ ఇండ‌స్ట్రీ ఎలా ఎదుర్కొంటుందా అని ఆలోచిస్తున్నాను. ఇక మా ఇంటి విష‌యానికొస్తే.. నా పిల్ల‌లు ఇప్పుడు బుద్ధిగా ఆలోచిస్తున్నారు. నా కుమార్తె మా ఇంటి ఎదురుగా ఉన్న ఇంటికి వెళ్లి అక్క‌డ త‌న స్నేహితురాలితో ఆడుకునేది. కానీ ఇప్పుడున్న ప‌రిస్థితుల‌ను అర్థం చేసుకుని అక్క‌డికి వెళ్ల‌డ‌మే మానేసింది. లాక్‌డౌన్ త‌న ఇంట్లో ఎన్నో పాజిటివ్ అంశాల‌ను నేర్పించింది" అంటున్నాడు సంజ‌య్ క‌పూర్‌. కాగా ఆయ‌న సినీ ప‌రిశ్ర‌మ‌కు వ‌చ్చి నేటితో 25 వ‌సంతాలు పూర్త‌య్యాయి. (బుల్‌ బుల్‌ మ్యారేజ్‌ హాల్‌)

బాలీవుడ్‌ హీరో సంజయ్‌ కపూర్‌ ముద్దుల తనయ షనయా కపూర్‌ తన బెల్లి డ్యాన్స్‌తో ఓవర్‌ నైట్‌ స్టార్‌ అయిన విషయం తెలిసిందే. ప్రముఖ బెల్లి డ్యాన్సర్‌ సంజన ముత్రేజ్‌ ఆమె గురువు. ఇక సంజన, షనయాతో పాటు మిగతా స్టార్‌ కిడ్స్‌కు కూడా బెల్లి డ్యాన్స్‌ నేర్పిస్తుంటారు. ఈ క్రమంలో షనయాకు ఆన్‌లైన్‌లో డ్యాన్స్‌ పాఠాలు చెబుతున్న ఫొటోను గురువారం తన ఇన్‌స్టాగ్రామ్‌లో షేర్‌ చేశారు. ‘లాక్‌డౌన్‌కు ముందు, లాక్‌డౌన్‌ సమయంలో.. ఫేస్‌ టైమ్‌ డ్యాన్స్‌ లెస్సన్‌’ అంటూ షనయా కపూర్‌ను ట్యాగ్‌ చేశారు. అది చూసిన షనయా అభిమానులు ఆమె పట్టుదలపై ప్రశంసల జల్లు కురిపిస్తున్నారు. మరికొందరు హార్ట్‌ ఎమోజీలతో తమ స్పందనను తెలుపుతున్నారు. (బెల్లీడాన్స్ నేర్చుకుంటున్న స్టార్‌ తనయ!) View this post on Instagram Before lockdown and during lockdown FaceTime dance lessons with @shanayakapoor02 #onlinebellydanceclasses #bellydance #dance #danceteacher #artofbellydancewithsanjana #shanayakapoor A post shared by Sanjana Muthreja (@sanjanamuthreja) on Apr 15, 2020 at 12:17am PDT కాగా షనయా గతేడాది షేర్‌ చేసిన తన బెల్లీ డ్యాన్స్‌ వీడియో నెట్టింట వైరల్‌గా మారింది. ఆమె డ్యాన్స్‌కు నెటిజన్ల ఫిదా అవుతూ కామెంట్లు పెట్టారు. ఇక పారిస్‌లో ‘లే బాల్‌’ ఫ్యాషన్‌ షోలో పాల్గొన్న షనయా, బాలీవుడ్‌ నిర్మాత కరణ్‌ జోహార్‌కు తాను పెద్ద అభిమాని అని చెప్పారు. అంతేగాక ఓ ఇంటర్యూలో మాట్లాడుతూ.. ‘కరణ్‌ జోహార్‌ అద్భుతమైన దర్శకుడు, నిర్మాత. ఆయన దర్శకత్వంలో నటించాడానికి ఏ నటుడు కూడా నో చెప్పరని నేను భావిస్తున్నాను. ఆయన దర్శకత్వంలో నటించే అవకాశం నాకు ఇవ్వకుంటే నేను ఏడుస్తాను. చెప్పాలంటే భావోద్వేగానికి లోనై చచ్చిపోతాను కూడా’ అంటూ చెప్పుకొచ్చారు. (బాలీవుడ్‌ నటుడు మృతి)

ఆఫ్‌ స్క్రీన్‌ ఫ్యామిలీ మెంబర్స్‌ ఆన్‌ స్క్రీన్‌ కలిసి యాక్ట్‌ చేస్తే ఆ యాక్టర్స్‌కే కాదు ప్రేక్షకులకు కూడా చాలా థ్రిల్లింగ్‌గా ఉంటుంది. ఇప్పుడదే థ్రిల్లింగ్‌ మూమొంట్‌ను ఎంజాయ్‌ చేస్తున్నారు సోనమ్‌. ఒకసారి కాదు వరుసగా రెండోసారి తన ఫ్యామిలీ మెంబర్స్‌తో కలిసి యాక్ట్‌ చేస్తున్నారు సోనమ్‌. ప్రస్తుతం ఆమె నటిస్తున్న ‘ఏక్‌ లడ్కీకో దేఖాతో ఏశా లగా’ సినిమాలో తండ్రి అనిల్‌ కపూర్‌తో తొలిసారి స్క్రీన్‌ షేర్‌ చేసుకుంటున్నారు. ఇందులో సోనమ్, అనిల్‌ తండ్రీ కూతుళ్లుగా కనిపించనున్నారు. ఈ సినిమా తర్వాత మలయాళ నటుడు దుల్కర్‌ సల్మాన్‌తో కలిసి యాక్ట్‌ చేస్తున్న ‘జోయా ఫ్యాక్టర్‌’లో సోనమ్‌ బాబాయ్‌ సంజయ్‌ కపూర్‌ కూడా యాక్ట్‌ చేయబోతున్నారట. బాబాయ్‌ సంజయ్‌ కపూర్‌ ఈ సినిమాలో సోనమ్‌కి తండ్రిగా కనిపిస్తారట. ఆల్రెడీ ‘ముబారకన్‌’ సినిమాలో అన్నయ్య అనిల్‌ కపూర్, మరో అన్నయ్య బోనీ కపూర్‌ కుమారుడు అర్జున్‌ కపూర్‌తో స్క్రీన్‌ షేర్‌ చేసుకున్నారు సంజయ్‌. ‘‘సోనమ్‌ నా కళ్ల ముందే పెరిగింది. తను నా కూతురు లాంటిదే. తనతో వర్క్‌ చేయడం చాలా ఎగై్జటింగ్‌గా ఉంది. ఫ్యామిలీ మెంబర్స్‌తో కలిసి వర్క్‌ చేయడం కంటే హ్యాపీ ఏం ఉంటుంది’’ అన్నారు సంజయ్‌కపూర్‌.

సాక్షి, ముంబై : బాలీవుడ్‌ నిర్మాత బోనీ కపూర్‌- శ్రీదేవి దంపతుల కూతురు జాన్వీ కపూర్‌ ‘దడక్‌’  సినిమాతో ఈ ఏడాది బాలీవుడ్‌ ఎంట్రీ ఇవ్వనున్న సంగతి తెలిసిందే. తాజాగా కపూర్ల ఫ్యామిలీ నుంచి మరో అమ్మాయి కూడా ఇండస్ట్రీలో తన అదృష్టాన్ని పరీక్షించుకునేందుకు సిద్ధమవుతున్నారని వినికిడి. బోనీ కపూర్‌ సోదరుడు సంజయ్‌ కపూర్‌ కూతురు షనాయాను ఈ ఏడాది హీరో​యిన్‌గా పరిచయం చేసేందుకు కపూర్ల ఫ్యామిలీ సన్నాహాకాలు చేస్తోందట. ఈ విషయం గురించి సంజయ్‌ కపూర్‌ ఓ జాతీయ మీడియాతో మాట్లాడుతూ....‘ షనాయా ప్రస్తుతం ప్లస్‌ టూ పూర్తి చేసింది. అయితే ఏం జరుగుతుందో ముందే ఊహించలేం కదా. తన కెరీర్‌ గురించి ఇంకా నిర్ణయం తీసుకోలేదు. కానీ కచ్చితంగా తను అనుకున్నది సాధిస్తుంది. ఇప్పటివరకైతే ఏ మూవీకి సైన్‌ చేయలేదు. అందుకోసం ప్రయత్నాలు జరుగుతున్నాయం’టూ పేర్కొన్నారు. అక్క సోనమ్‌ పెళ్లిలో, జాన్వీ కపూర్‌ ‘దడఖ్‌’  ట్రైలర్‌ విడుదల సమయంలో ఫొటోగ్రాఫర్ల దృష్టిని ఆకర్షించిన షనాయాకు ఇప్పటికే సోషల్‌ మీడియాలో ఫ్యాన్‌ ఫ్యాలోయింగ్‌ పెరిగిపోయింది.

సాక్షి, న్యూఢిల్లీ : అనిల్‌కపూర్‌ గారాలపట్టి సోనం కపూర్‌ పెళ్లి రోజు దగ్గరపడుతున్న కొద్దీ బాలీవుడ్‌లో సందడి పెరుగుతోంది. ఆమె పెళ్లిలో హంగామా కోసం డ్యాన్స్‌ స్టెప్‌లను ప్రాక్టీస్‌ చేస్తుండటం నుంచి దుస్తుల ఎంపికతో వివాహ ఏర్పాట్లు ఘనంగా జరుగుతున్నాయి. ఇక సోనం పెళ్లిలో డ్యాన్స్‌ చేసేందుకు తాను ఎంతో ఉద్వేగంగా ఎదురుచూస్తున్నానని ఆమె బాబాయి సంజయ్‌ కపూర్‌ చెబుతున్నారు. ‘20 ఏళ్ల కిందట నా పెళ్లిలో మనం డ్యాన్స్‌ చేశాం..ఇప్పుడు నీ పెళ్లిలో నేను డ్యాన్స్‌ చేయబోతున్నా’నంటూ ఇన్‌స్టాగ్రామ్‌లో ఫోటోను పోస్ట్‌ చేస్తూ సంజయ్‌ వ్యాఖ్యానించారు. మే 8న సోనం, ఢిల్లీ వ్యాపారి ఆనంద్‌ అహుజాల వివాహ వేడుకకు కపూర్‌ మ్యాన్షన్‌ను సర్వాంగ సుందరంగా తీర్చిదిద్దారు. బంధువులు, అత్యంత సన్నిహితుల మధ్య వివాహ వేడుకను జరిపించేందుకు కపూర్‌, అహుజా కుటుంబాలు నిర్ణయించాయి. ఇక సినిమాల పరంగా సోనం కపూర్‌ నటించిన వీరే ది వెడ్డింగ్‌ మూవీ జూన్‌ 1న థియేటర్ల ముందుకు రానుంది. ఈ మూవీలో సోనంతో పాటు కరీనా కపూర్‌, స్వర భాస్కర్‌, శిఖా తల్సానియా స్క్రీన్‌ను పంచుకోనున్నారు. 

ముంబై : లెజెండ్‌ శ్రీదేవి హఠాన్మరణానికి సంబంధించిన వార్త ప్రపంచ వ్యాప్తంగా ఉన్న ఆమె అభిమానులను ఒక్కసారిగా కలచివేసింది. మేనల్లుడి పెళ్లి కోసం దుబాయ్ వెళ్లిన శ్రీదేవి.. తాను బస చేసిన జుమేరియా ఎమిరేట్స్ టవర్ హోటల్లో అస్వస్థతకు గురై కుప్పకూలిపోయారు. దగ్గర్లోని రషీద్‌ ఆస్పత్రికి తీసుకెళ్లగా అప్పటికే ఆమె మరణించినట్లు వైద్యులు చెప్పారు. శనివారం రాత్రి ఈ ఘటన జరిగింది. శ్రీదేవి మరణించిన విషయాన్ని మొదట మీడియాకు చెప్పింది ఆమె మరిది సంజయ్‌ కపూర్‌. శ్రీదేవీ మరణించిన కొద్దిసేపటికే సంజయ్‌ కపూర్‌.. దుబాయ్‌లోని ప్రఖ్యాత ‘ఖలీజ్ టైమ్స్‌’తో మాట్లాడారు. శ్రీదేవి హఠాన్మరణంతో తమ కుటుంబం మొత్తం షాక్‌కు గురైందని, ఆమెకు ఎలాంటి గుండె జ‌బ్బులూ లేవ‌ని చెప్పారు. హోటల్‌ గదిలో ఉన్నప్పుడే నొప్పితో ఆమె కుప్పకూలిపోయారని వివరించారు. వివాహకార్యక్రమంలో పాల్గొనేందుకు సంజయ్‌ శనివారం ఉదయమే దుబాయ్‌కి వెళ్లారు. శ్రీదేవి దంపతులతోపాటే వేడుకలో పాల్గొన్నారు. ప్రస్తుతం దుబాయ్‌లోనే ఉన్న అతను.. వదిన పార్థివదేహం తరలింపునకు సంబంధించిన పనుల్లో నిమగ్నమయ్యారు. సోమవారం మధ్యాహ్నానికి శ్రీదేవి మృతదేహం ముంబై చేరుకోనుంది. అభిమానుల సందర్శనార్థం పార్థివదేహాన్ని మెహబూబా స్టూటియోలో ఉంచుతారు. అనంతరం జుహూలోని శాంతా క్రజ్‌ శ్మశాన వాటికలో అంత్యక్రియలు నిర్వహిస్తారు. భర్త బోనీ, మరుదులు సంజయ్‌,అనిల్‌ - తోటికోడళ్లతో శ్రీదేవి (పాత ఫొటో)  


 న్యూఢిల్లీ: బాలీవుడ్ నటి కరిష్మా కపూర్, ఆమె మాజీ భర్త సంజయ్ కపూర్ మధ్య విడాకుల వివాదం ముగిసింది. ఇద్దరూ ఓ ఒప్పందానికి రావడంతో ఏళ్లుగా సాగుతున్న వివాదానికి ఫుల్‌స్టాప్ పడింది. ఒప్పందం ప్రకారం.. వారి ఇద్దరు పిల్లలు కరిష్మ సంరక్షణలో ఉంటారు. సంజయ్‌కి ఆ పిల్లల సందర్శన హక్కులుంటాయి. ఈ మేరకు తాము అంగీకారానికి వచ్చినట్లు వారి తరఫు న్యాయవాదులు శుక్రవారం సుప్రీంకోర్టుకు తెలపగా, ధర్మాసనం అందుకు సమ్మతించింది.


 న్యూఢిల్లీ: బాలీవుడ్ లో ఒకప్పటి టాప్ హీరోయిన్ కరిష్మా కపూర్, ఆమె భర్త సంజయ్ కపూర్ మధ్య వివాదం వ్యవహారం రోజురోజుకు ముదరుతున్నట్లు కనిపిస్తోంది. తనను వేధింపులకు గురి చేస్తున్నారంటూ భర్త సంజయ్‌కపూర్, అత్తపై ఇటీవల పోలీసులకు ఫిర్యాదు చేసిన విషయం తెలిసిందే. ఈ కేసుకు సంబంధించి విచారణకు హాజరుకావాలని ఈ దంపతులకు సుప్రీంకోర్టు సూచించింది. ఈ విషయమై కరిష్మా కోర్టుకు హాజరుకాగా, సంజయ్ కపూర్ డుమ్మా కొట్టాడు. తన ప్రాణాలకు అపాయం ఉందని పేర్కొంటూ ఈ వివాదం కేసును ముంబై నుంచి ఢిల్లీ కోర్టుకు అప్పగించాలని సుప్రీంకోర్టులో పిల్ దాఖలు చేశాడు.
 
 భర్త, అతని కుటుంబం తనను మానసికంగా వేధిస్తున్నారని ఆమె తన ఫిర్యాదులో పేర్కొంది.  కరిష్మా స్టేట్మెంట్ రికార్డు చేసుకున్న పోలీసులు సంజయ్‌కపూర్, అతని తల్లి రాణి సురీందర్ కపూర్పై  సెక్షన్ 498ఏ, 34కింద  కేసు నమోదు చేశారు. కరిష్మా, సంజయ్‌కపూర్ విడాకుల కేసు ముంబయి బాంద్రా ఫ్యామిలీ కోర్టులో విచారణలో ఉంది. కరిష్మ, సంజయ్ ల మధ్య మనస్పర్థలు రావడంతో వీరు గత అయిదేళ్లుగా విడిగా ఉంటున్నారు. కరిష్మా వద్ద ఉన్న పిల్లల్ని తన కస్టడీకి అప్పగించాలని కోరుతూ భర్త సంజయ్ కపూర్ గత ఏడాది ఫ్యామిలీ కోర్టును ఆశ్రయించాడు. సంజయ్ తన సంతానం ఒక్కోక్కరికి గానూ నెలకు రూ.10 లక్షలు చెల్లించడంతో పాటు విడాకుల నేపథ్యంలో రూ.14 కోట్లు ఇవ్వడానికి సిద్ధంగా ఉన్నారని ఆయన తరఫు లాయర్ తెలిపారు.


 ముంబయి:  తనను వేధింపులకు గురి చేస్తున్నారంటూ బాలీవుడ్ నటి కరిష్మా కపూర్ ..భర్త, అత్తపై పోలీసులకు ఫిర్యాదు చేసింది. భర్త సంజయ్‌కపూర్, అతని కుటుంబం తనను మానసికంగా వేధిస్తున్నారని ఆమె  తన ఫిర్యాదులో పేర్కొంది.  కరిష్మా స్టేట్మెంట్ రికార్డు చేసుకున్న పోలీసులు సంజయ్‌కపూర్, అతని తల్లి రాణి సురీందర్ కపూర్పై  సెక్షన్ 498ఏ, 34కింద  కేసు నమోదు చేశారు. కాగా కరిష్మా, సంజయ్‌కపూర్ విడాకుల కేసు ముంబయి బాంద్రా ఫ్యామిలీ కోర్టులో విచారణలో ఉన్న విషయం తెలిసిందే.
 
 ఈ కేసు మార్చి 3న విచారణకు రానుంది. ఈ నేపథ్యంలో సంజయ్ కపూర్ ఫ్యామిలీపై కరిష్మా తనను వేధింపులకు గురి చేస్తున్నారంటూ ఫిర్యాదు చేయడం గమనార్హం.  కరిష్మ, సంజయ్ కపూర్ మధ్య మనస్పర్థలు రావడంతో వీరు గత అయిదేళ్లుగా విడిగా ఉంటున్నారు.  మరోవైపు  కరిష్మా వద్ద ఉన్న పిల్లల్ని తన కస్టడీకి అప్పగించాలని కోరుతూ భర్త సంజయ్ కపూర్ గత ఏడాది ఫ్యామిలీ కోర్టును ఆశ్రయించాడు.


 న్యూఢిల్లీ : దేశ అత్యుత్తమ దర్శకులలో వికాస్ బహల్ ఒకరని బాలీవుడ్ నిర్మాత, నటుడు సంజయ్ కపూర్ కితాబిచ్చాడు. బహల్ దర్శకత్వం వహించిన 'షాన్దార్' త్వరలో విడుదల కానుంది. ఈ మూవీలో తాను నటించేందుకు కేవలం దర్శకుడే కారణమని సంజయ్ పేర్కొన్నాడు. 'తేవర్' నిర్మిస్తున్న సమయంలో తన తదుపరి చిత్రంలో నటించాలంటూ దర్శకుడు  ఫోన్ చేశాడని గుర్తుచేసుకున్నాడు. సినిమాలపై ఎంతో ముందుచూపు ఉన్న అతికొద్ది మంది దర్శకులలో వికాస్ ఒకరని చెప్పుకొచ్చాడు.
 
 ఈ మూవీలో సింధూకి చెందిన వ్యాపారిగా తాను కనిపిస్తానన్నాడు. వికాస్, తాను కలిసి తరుణ్ మన్సుఖానీ దగ్గరకు వెళ్లి మూడ్రోజులు సింధి భాషపై అవగహనా కోసం వెళ్లాం, అయితే కొద్దిసమయంలోనే వికాస్ మాత్రం సింధీ తరహాలో డైలాగ్లు చెప్పడం ఆశ్చర్యానికి గురిచేసిందని వివరించాడు. షాహిద్కపూర్, అలియా భట్, పంకజ్కపూర్, సుప్రియా పథక్ నటించిన 'షాన్దార్' మూవీ ఈ శుక్రవారం విడుదలకు సిద్ధంగా ఉంది. వికాస్ బహల్ గతంలో 'క్వీన్' చిత్రంతో అద్భుత విజయాన్ని అందుకున్న విషయం అందరికి విదితమే.


 ముంబై: సంజయ్ కపూర్ నుంచి విడాకులు తీసుకున్న బాలీవుడ్ నటి కరిష్మా కపూర్ త్వరలోనే మళ్లీ పెళ్లికి సిద్ధపడుతోంది. కొన్నాళ్లుగా సందీప్ తోష్నీ వాల్‌తో ప్రేమాయణం సాగిస్తున్న ఆమె త్వరలోనే సందీప్‌ను పెళ్లాడనున్నట్లు బాలీవుడ్‌లో వదంతులు వినిపిస్తున్నాయి. కోర్టు వ్యవహారాల్లో కరిష్మాకు ఎంతగానో సాయం చేసిన సందీప్ ముంబైలోని ఓ హెల్త్ కంపెనీకి సీఈవోగా పనిచేస్తున్నాడు. వారిద్దరూ ఏడాదిగా అత్యంత సన్నిహితంగా కనిపిస్తున్నారని బాలీవుడ్ వర్గాలు చెబుతున్నాయి.
  
 సందీప్ కూడా ఇదివరకే తన మొదటి భార్యకు విడాకులిచ్చేశాడు.  దీంతో  ఇద్దరు పిల్లలతో ముంబైలో ఉంటున్నకరిష్మా  మళ్లీ పెళ్లి చేసుకోవడానికి  మార్గం సుగుమం అయినట్లు తెలుస్తోంది.


 చల్ల చల్లని కూల్ కూల్ అంటూ ఏసీ వేసుకుని హాయిగా సేద తీరుతుంటాం. కానీ, టైమ్ బాగా లేకపోతే అదే ఏసీ ఒక్కోసారి వేడి పుట్టించేస్తుంది. అప్పుడు మాత్రం టెన్షన్ పడక తప్పదు. శనివారం శ్రీదేవి ఇంటిల్లిపాదినీ ఆమె పడకగదిలోని ఏసీ అలానే టెన్షన్‌లో పడేసింది. అందులోంచి ఒక్కసారిగా మంటలు వెలువడ్డాయట. ఆ సమయంలో ఇంట్లో తన ఇద్దరు కూతుళ్లు జాన్వీ, ఖుషి, తన అత్తగారితో ఉన్నారట శ్రీదేవి. 
  
  సకాలంలో స్పందించి మంటలను ఆర్పడంతో పెద్ద ప్రమాదం తప్పిందట. ఇంటికి కిలోమీటర్ దూరంలోనే బోనీకపూర్ ఆఫీసు ఉండటంతో, ఆయన అగ్నిప్రమాదం గురించి తెలుసుకుని హుటాహుటిన ఇంటికి చేరుకున్నారట. ఈ అగ్ని ప్రమాదంలో ఎవరికీ ఏమీ కాకపోవడంతో కుటుంబ సభ్యులు ఊపిరి పీల్చుకున్నారు. షార్ట్ సర్క్యూట్ కారణంగా ఈ ప్రమాదం సంభవించిందని తెలుస్తోంది. దీనివల్ల శ్రీదేవి ఇంట్లో విద్యుత్ సరఫరా నిలిచిపోయిందని సమాచారం. దాంతో ఆ రాత్రి ఈ కుటుంబం ఓ హోటల్‌లో బస చేశారట.