బెంగళూరు: ఇన్ఫోసిస్‌ సహ వ్యవస్థాపకుడు సేనాపతి క్రిస్‌ గోపాలకృష్ణన్‌ పై ఎస్సీ, ఎస్టీ అట్రాసిటీ కేసు నమోదు అయ్యింది. ఇండియన్‌ ఇనిస్టిట్యూట్‌ ఆఫ్‌ సైన్స్‌(Indian Institute of Science)లో ఓ ప్రొఫెసర్‌ విషయంలో హనీట్రాప్‌కు పాల్పడ్డారన్న ఆరోపణలతో ఈ పరిణామం చోటు చేసుకుంది.గతంలో.. సంచలన అభియోగాల మీద ప్రొఫెసర్‌గా పని చేసిన దుర్గప్పను ఐఐఎస్సీ(IISc) విధుల నుంచి తొలగించింది. అయితే.. సేనాపతి క్రిష్‌ గోపాలకృష్ణన్‌(Senapathy Kris Gopalakrishnan)తో పాటు మాజీ ఐఐఎస్సీ డైరెక్టర్‌ బలరాం సహా మరికొందరు తనపై కుట్ర చేశారని, హనీట్రాప్‌ కేసులో ఇరికించారని దుర్గప్ప ఆరోపిస్తున్నారు. అంతేకాదు కులం పేరుతో తనను దూషించి బెదిరింపులకు పాల్పడ్డారని ఫిర్యాదులో పేర్కొన్నారు. ఈ మేరకు..సోమవారం కోర్టును ఆశ్రయించారు. దీంతో.. మొత్తం 18 మందిపై కేసు నమోదు చేయాలని పోలీసులకు 71వ సిటీ సివిల్‌ అండ్‌ సెషన్‌ కోర్టు ఆదేశాలు జారీ చేసింది. దీంతో.. బెంగళూరు సదాశివనగర్‌ పోలీస్‌ స్టేషన్‌లో కేసు నమోదయ్యింది. ఈ ఆరోపణలపై ఇటు గోపాలకృష్ణన్‌కానీ, అటు ఐఐఎస్ బోర్డుకానీ స్పందించలేదు. ప్రస్తుతం గోపాలకృష్ణన్‌ బోర్డులో సభ్యుడిగా కూడా ఉన్నారు.1981, జులై 2వ తేదీన ఇన్ఫోసిస్‌ ప్రారంభమైన సంగతి తెలిసిందే. నారాయణమూర్తితో పాటు సేనాపతి క్రిష్‌ గోపాలకృష్ణన్‌, మరో ఐదుగురు కలిసి ఈ కంపెనీని పుణే(మహారాష్ట్ర)లో తొలుత ప్రారంభించారు.

హీరో కమల్‌హాసన్, దర్శకుడు శంకర్‌ కాంబినేషన్‌లో రూపొందిన చిత్రం ‘ఇండియన్‌ 2’ (తెలుగులో ‘భారతీయుడు 2’). 1996లో విడుదలైన బ్లాక్‌బస్టర్‌ సినిమా ‘ఇండియన్‌’కి సీక్వెల్స్‌గా ‘ఇండియన్‌ 2, ఇండియన్‌ 3’ సినిమాలు రూసొందాయి. కమల్‌హాసన్‌ హీరోగా శంకర్‌ దర్శకత్వం వహించిన ఈ సీక్వెల్స్‌లో ముందు ‘ఇండియన్‌ 2’ చిత్రం తెలుగు, తమిళ, హిందీ భాషల్లో జూలై 12న విడుదల కానుంది. ఈ సందర్భంగా ఇటీవల ఈ సినిమా ట్రైలర్‌ను విడుదల చేశారు. ట్రైలర్‌లో సేనాపతిగా కమల్‌హాసన్‌ కొన్ని మార్షల్‌ ఆర్ట్స్, యాక్షన్‌ సీక్వెన్స్‌లు చేశారు. అయితే ‘ఇండియన్‌’ సినిమాలో సేనాపతికి 75 సంవత్సరాలు. ఈ ప్రకారం 2024లో ఆయన వయస్సు 103కి చేరుతుంది. అలాంటప్పుడు అంత వయసులో సేనాపతి మార్షల్‌ ఆర్ట్స్, భారీ యాక్షన్‌ సీక్వెన్స్‌లు ఎలా చేయగలుగుతున్నాడు అనే సందేహాలను వ్యక్తపరచారు కొందరు నెటిజన్లు. ఈ విషయంపై ఇటీవల జరిగిన ఓ మీడియా సమావేశంలో శంకర్‌ స్పందించారు. ‘‘నా దృష్టిలో సేనాపతి ఓ సూపర్‌ హీరో. ‘భారతీయుడు’ కథ రాసుకున్నప్పుడు సేనాపతిని ఓ స్వాతంత్య్ర సమరయోధుడిగా చూపించాలని అప్పుడు సేనాపతికి 75 సంవత్సరాలు అన్నట్లుగా చూపించాం. అప్పుడు సీక్వెల్‌ ఆలోచన లేదు. ఇప్పుడు ‘భారతీయుడు 2’లో చైనా మార్షల్‌ ఆర్ట్స్‌ ఫైటర్‌గా సేనాపతి కనిపిస్తాడు. అత్యధిక వయసు కలిగిన ఫైటర్స్‌ చైనాలో ఉన్నారు. 108 సంవత్సరాలు ఉన్న లు జీజీయన్‌ అనే చైనా మార్షల్‌ ఆర్ట్స్‌ ఫైటర్‌ ఇప్పటికీ యాక్టివ్‌గా ఉన్నారు. వారి సాధన, క్రమశిక్షణ వారిని అలా తీర్చిదిద్దుతుంది. సేనాపతి కూడా అలాంటివాడే’’ అని చెప్పుకొచ్చారు శంకర్‌. ఈ చిత్రంలో కాజల్‌ అగర్వాల్, రకుల్‌ప్రీత్‌ సింగ్, సిద్ధార్థ్, బాబీ సింహా, ఎస్‌జే సూర్య, గుల్షన్‌ గ్రోవర్‌ కీలక పాత్రల్లో నటించారు. ఇక ‘ఇండియన్‌ 3’ చిత్రం వచ్చే ఏడాది ప్రారంభంలో విడుదల కానుంది.

Megastar Chiranjeevi Review On Rajendra Prasad Senapathi Movie: నటకిరీటి రాజేంద్ర ప్రసాద్‌, నరేశ్‌ అగస్త్య, హర్ష వర్థన్‌, జ్ఞానేశ్వరి, సత్య ప్రకాశ్ కీల‌క‌ పాత్ర‌ల్లో నటించిన చిత్రం సేనాపతి. ఇటీవల ఓటీటీలో విడుద‌లైన‌ ఈ మూవీకి ప్రేక్షకుల నుంచి మంచి స్పందన వస్తోంది. మెగాస్టార్‌ చిరంజీవి పెద్ద కూతురు సుస్మిత కొణిదెల ఈ సినిమాకు నిర్మాతగా వ్వవహరించిన సంగతి తెలిసిందే. యువ దర్శ‌కుడు పవన్‌ సాదినేని రూపొందించిన ఈ సినిమా రెండు రోజుల క్రితం ప్రముఖ తెలుగు ఓటీటీ సంస్థ ఆహాలో విడుద‌లైంది. తాజాగా ఈ సినిమా చూసిన మెగాస్టార్‌ సేనాపతిపై రివ్యూ ఇచ్చాడు. చదవండి: కొత్త సంవత్సరంలో బ్యాడ్‌ న్యూస్‌ చెప్పిన మీనా, ఆందోళనలో ఫ్యాన్స్‌ ఈ సినిమాపై చిరు ప్ర‌శంస‌ల జ‌ల్లు కురిపిస్తూ ట్వీట్‌ చేశాడు. సేనాపతి సినిమా చూశాను. యువ ద‌ర్శ‌కుడు ప‌వ‌న్ ఎంతో ఆసక్తికరంగా, అద్భుతంగా తీశాడు.  అనుక్షణం ఉత్కంఠభరితంగా ఉండేలా ఈ మూవీని మలిచాడు. మంచి అభిరుచికి అద్దంపెట్టే చిత్రాన్ని నిర్మించి యువ నిర్మాతలు సుస్మిత కొణిదెల, విష్ణులకు నా ప్రేమాభినందనలు. అన్నింటికీ మించి సీనియర్‌ నటుడు, న‌ట‌కిరీటి రాజేంద్రప్ర‌సాద్ ఈ సినిమాలో వినూత్న పాత్ర‌లో అద్భుతంగా న‌టించారు. ఆయన నటనా ప్రతిభకు ఈ చిత్రం ఓ మచ్చు తనక’ అంటూ మూవీ టీంపై చిరు ప్రశంసలు కురిపించాడు. అంతేగాక ఈ మూవీ త‌ప్ప‌కుండా ప్రేక్ష‌కుల మ‌న్న‌న‌లు పొందుతుంద‌ని ఆశిస్తున్న‌ట్లు ఆయన పేర్కొన్నారు.  చదవండి: నాకింగా 29 మాత్రమే, 30 తర్వాత ఆలోచిస్తా: సాయి పల్లవి Hearty Congrats Team #SENAPATHI !! A terrific thriller!#SenapathionAha #DrRajendraPrasad @Pavansadineni #LSVishnuPrasad@sushkonidela @ahavideoIN pic.twitter.com/WJcSBeqhK3 — Chiranjeevi Konidela (@KChiruTweets) January 5, 2022

సమాజంలో లంచాన్ని నిర్మూలించాలని స్వాతంత్య్ర సమరయోధుడు సేనాపతిగా ‘భారతీయుడు’ సినిమాలో కమల్‌హాసన్‌ పోరాటం చేశారు. ఇప్పుడు మరోసారి సేనాపతిగా తిరిగి రానున్న సంగతి తెలిసిందే. ఈ సేనాపతి తమిళ కొత్త సంవత్సరం రోజున థియేటర్స్‌లోకి రానున్నారని టాక్‌. కమల్‌హాసన్‌ – దర్శకుడు శంకర్‌ కాంబినేషన్‌లో 1996లో వచ్చిన చిత్రం ‘భారతీయుడు’. ఇప్పుడు ఆ సినిమాకు సీక్వెల్‌ రూపొందుతోంది. కాజల్, రకుల్‌ప్రీత్‌ సింగ్, సిద్ధార్థ్, ప్రియా భవానీ శంకర్‌ ముఖ్య పాత్రల్లో నటిస్తున్నారు. కమల్‌హాసన్‌ రాజకీయాల్లో బిజీగా ఉండటంతో ఈ సినిమాకు చిన్న బ్రేక్‌ వచ్చింది. ప్రస్తుతం షూటింగ్‌ రాజమండ్రిలో జరుగుతోంది. ఈ చిత్రాన్ని 2021 ఏప్రిల్‌ 14న తమిళ సంవత్సరాది సందర్భంగా రిలీజ్‌ చేయాలనుకుంటున్నారు. లైకా ప్రొడక్షన్స్‌ నిర్మిస్తున్న ఈ చిత్రానికి అనిరు«ద్‌ సంగీత దర్శకుడు.


 చాలా రోజుల తరువాత ఆడో రకం ఈడోరకం సినిమాతో సక్సెస్ కొట్టిన మంచు విష్ణు, అదే జోరులో వరుస సినిమాలకు కమిట్ అవుతున్నాడు. ఇప్పటికే కార్తీక్ రెడ్డి దర్శకత్వంలో సరద అనే సినిమా చేస్తున్న విష్ణు, మరో రెండు సినిమాలకు లైన్లో పెట్టాడు. అంతేకాదు ఆ రెండు సినిమాలకు టైటిల్స్  కూడా ప్రకటించేసి అందరినీ ఆశ్చర్య పరుస్తున్నాడు విష్ణు.సరద సినిమా షూటింగ్ చివరి దశకు రావటంతో తను చేయబోయే నెక్ట్స్ సినిమా మీద క్లారిటీ ఇచ్చాడు.
 
 గీతాంజలి సినిమాతో ఆకట్టుకున్న రాజ్ కిరణ్ దర్శకత్వంలో ఓ యాక్షన్ కామెడీ సినిమాలో నటించనున్నాడు. ఈ సినిమాను ఎంవివి సినిమా బ్యానర్పై ఎంవివి సత్యనారాయణ నిర్మించనున్నాడు. ఈసినిమాకు లక్కున్నోడు అనే టైటిల్ను ఎనౌన్స్ చేశారు. ఈ సినిమాతో పాటు మోహన్ బాబుతో కలిసి సేనపతి అనే సినిమాకు కూడా పట్టాలెక్కించేందుకు రెడీ అవుతున్నాడు విష్ణు.


 సక్సెస్ జోష్లో ఉన్న యంగ్ హీరో మంచు విష్ణు సొంత బ్యానర్లో మరో సినిమాకు రెడీ అవుతున్నాడు. ప్రస్తుతం అడ్డా ఫేం కార్తీక్ రెడ్డి దర్శకత్వంలో సరదా అనే సినిమా చేస్తున్న విష్ణు. ఈ సినిమా తరువాత లక్ష్మీ ప్రసన్న పిక్చర్స్ బ్యానర్పై సినిమా చేసేందుకు ప్లాన్ చేసుకుంటున్నాడు. ఈ విషయాన్ని కన్ఫామ్ చేసిన మోహన్ బాబు..,  సినిమాకు సేనాపతి అనే టైటిల్ను నిర్ణయించినట్టుగా ప్రకటించారు.
 
 ప్రస్తుతం చర్చల దశలో ఉన్న ఈ ప్రాజెక్ట్లో మోహన్ బాబు కీలక పాత్రలో నటించనున్నారు. అయితే ఈ సినిమాకు దర్శకుడు, ఇతర సాంకేతిక నిపుణులు, నటీనటుల వివరాలు మాత్రం వెల్లడించలేదు. సేనాపతి సినిమాతో పాటు మనోజ్ హీరోగా కూడా ఓ సినిమాను నిర్మించేందుకు రెడీ అవుతున్నారు మోహన్ బాబు.