సుడిగాలి సుధీర్‌ హీరోగా నాలుగో సినిమా ‘ఎస్‌ఎస్‌4’ (వర్కింగ్‌ టైటిల్‌) షురూ అయింది. ‘పాగల్‌’ ఫేమ్‌ నరేష్‌ కుప్పిలి దర్శకత్వం వహిస్తున్న ఈ చిత్రంలో దివ్య భారతి హీరోయిన్‌. లక్కీ మీడియా–మహారాజా క్రియేషన్స్‌ బ్యానర్స్‌పై చంద్రశేఖర్‌ రెడ్డి మొగుళ్ల, బెక్కం వేణుగోపాల్‌ నిర్మిస్తున్నారు. ఈ   సినిమా పూజా కార్యక్రమానికి నిర్మాతలు డి. సురేశ్‌ బాబు, కేఎస్‌ రామారావు, సూర్యదేవర రాధాకృష్ణ, కేఎల్‌ దామోదర ప్రసాద్‌ అతిథులుగా హాజరయ్యారు. తొలి సీన్‌కి నిర్మాత పి. కిరణ్‌ కెమెరా స్విచ్చాన్‌ చేయగా, మరో నిర్మాత చదలవాడ శ్రీనివాసరావు క్లాప్‌ కొట్టారు. ‘‘మంచి కథాంశంతో రూపొందుతున్న చిత్రం ఇది’’ అన్నారు చంద్రశేఖర్‌ రెడ్డి మొగుళ్ల, బెక్కం వేణుగోపాల్‌. ‘‘ఒక గంట కథ వినగానే ఒప్పుకున్న సుధీర్‌కి థ్యాంక్స్‌’’ అన్నారు నరేష్‌ కుప్పిలి. ఈ చిత్రానికి సంగీతం: లియోన్‌ జేమ్స్, కెమెరా: బాలాజీ సుబ్రహ్మణ్యం. 

గన్‌ను ఫుల్‌గా లోడ్‌ చేసి రంగంలోకి దిగారు వరుణ్‌ తేజ్‌. ప్రవీణ్‌ సత్తారు దర్శకత్వంలో వరుణ్‌ తేజ్‌ హీరోగా ఓ సినిమా తెరకెక్కుతున్న సంగతి తెలిసిందే. నాగబాబు సమర్పణలో ఎస్‌వీసీసీ పతాకంపై బాపినీడు, బీవీఎస్‌ఎన్‌ ప్రసాద్‌ ఈ సినిమాను నిర్మిస్తున్నారు. ఈ సినిమా షూటింగ్‌ సోమవారం లండన్‌లో ప్రారంభమైంది. హీరో వరుణ్‌ తేజ్‌పై కీలక సన్నివేశాలను చిత్రీకరిస్తున్నారు. ‘‘షూటింగ్‌ మొదలైంది. ది గేమ్‌ ఆఫ్‌ లైఫ్‌ అండ్‌ డెత్‌ బిగిన్స్‌’ అంటూ లొకేషన్‌ వీడియోను షేర్‌ చేశారు వరుణ్‌ తేజ్‌. కాగా ఈ చిత్రంలో వరుణ్‌ తేజ్‌ ఇంటర్‌నేషనల్‌ గూఢచారి పాత్రలో కనిపిస్తారని టాక్‌.

Sivakarthikeyan Aditi Shankar Maaveeran Goes On Floors In Chennai: వరుసగా హిట్‌ సినిమాలతో దూసుకుపోతున్నాడు కోలీవుడ్‌ హీరో శివ కార్తికేయన్‌. తాజాగా ఆయన నటిస్తున్న చిత్రం 'మావీరన్‌'. తెలుగులో 'మహవీరుడు'గా రాబోతుంది. తమిళ చిత్రం 'మండేలా' చిత్రానికి దర్శకత్వం వహించిన మడోనా అశ్విన్‌ ఈ సినిమాను తెరకెక్కిస్తున్నారు. అంతేకాకుండా ఈ మూవీలో ప్రముఖ డైరెక్టర్‌ శంకర్‌ కుమార్తె అదితి శంకర్‌ హీరోయిన్‌గా నటిస్తోంది. అదితి ఇదివరకే కార్తీ హీరోగా నటించిన 'విరుమన్‌' చిత్రంతో హీరోయిన్‌గా తెరంగేట్రం చేసింది. ఈ సినిమా ఆగస్టు 12న విడుదల కానుంది.  ఈ సినిమా షూటింగ్‌ శుక్రవారం (ఆగస్టు 5) చెన్నైలో ప్రారంభమైంది. ఈ వేడుకకు శంకర్ ముఖ్య అతిథిగా హాజరయ్యారు. యోగిబాబు, సరిత, దర్శకుడు మిస్కిన్‌ కీలక పాత్రల్లో నటిస్తున్న ఈ సినిమాకు భరత్‌ శంకర్‌ సంగీతం అందిస్తున్నారు. ఇక శివ కార్తికేయన్‌ నటిస్తున్న ద్విభాషా (తెలుగు, తమిళ్‌) చిత్రం ‘ప్రిన్స్‌’ ఈ ఏడాది దీపావళి సందర్భంగా విడుదల కానున్న సంగతి తెలిసిందే. ఈ చిత్రానికి ‘జాతి రత్నాలు’ ఫేమ్‌ కేవీ అనుదీప్‌ ఈ సినిమాకు దర్శకత్వం వహించారు.

Satna Titus Starrer Who Are You Movie Shooting Started In Hyderabad: సురేష్‌ సపవత్, సత్నా టైటస్‌ హీరో హీరోయిన్లుగా వైకుంఠ్‌ బోణు దర్శకత్వంలో రూపొందుతున్న చిత్రం ‘హు ఆర్‌ యు?’. బొక్కిశం భూలక్ష్మి నిర్మిస్తున్న ఈ సినిమా పూజా కార్యక్రమాలు శుక్రవారం హైదరాబాద్‌లో జరిగాయి. ముహూర్తపు సన్నివేశానికి ప్రియా నాయుడు క్లాప్‌ ఇవ్వగా, లలిత కెమెరా స్విచాన్‌ చేశారు. వైకుంఠ్‌ బోణు మాట్లాడుతూ- ‘‘సస్పెన్స్‌ క్రైమ్‌ డ్రామా నేపథ్యంలో చాలా సినిమాలు వచ్చాయి. కానీ మా సినిమా వాటికి భిన్నంగా ఉంటుంది. కుటుంబ నేపథ్యంతో ముడిపడిన ఓ భిన్నమైన కథతో ఈ చిత్రాన్ని తెరకెక్కిస్తున్నా. కచ్చితంగా ప్రేక్షకులకు నచ్చుతుందనే నమ్మకం ఉంది.’’ అని అన్నారు.  అలాగే బిచ్చగాడు సినిమాతో ఆకట్టుకున్న హీరోయిన్‌ సత్నా టైటస్‌, హీరో సురేష్‌లో జోడీ ఆకట్టుకునేలా ఉంటుంది. నీవెవరు ? అని ఇందులో ఎవరు ఎవరిని ప్రశ్నించారనేది ఆసక్తికరంగా ఉంటుంది. అని డైరెక్టర్‌ వైకుంఠ్‌ బోణ్‌ తెలిపారు. ‘‘ప్రియా నాయుడు మంచి కథ అందించారు. మంచి టీమ్‌ కుదిరింది. ఏకధాటిగా సినిమా చిత్రీకరణను ప్లాన్‌ చేశాం’’ అని నిర్మాత భూలక్ష్మి పేర్కొన్నారు. ఈ సినిమాకు ఛాయాగ్రహకుడిగా సురేష్‌ గొంట్ల పనిచేయగా శ్రీనివాస్‌ తేజ సంభాషణలు రాశారు. 

‘‘షూటింగ్‌ కోసం సెట్‌లోకి వెళ్తుంటే యుద్ధభూమిలోకి వెళ్తున్న భావన కలుగుతోంది’’ అంటున్నారు హీరోయిన్‌ అదా శర్మ. లాక్‌డౌన్‌ తర్వాత తొలిసారి షూటింగ్‌లో పాల్గొంటున్నారామె. ఈ విషయం గురించి అదా మాట్లాడుతూ – ‘‘బ్యాక్‌ టు సెట్‌. లాక్‌డౌన్‌ ఎత్తేసిన తర్వాత నేను తొలిసారి సెట్‌లోకి అడుగుపెట్టాను. ఓ వాణిజ్య ప్రకటన కోసం ఒక్కరోజు షూటింగ్‌ చేయాలి. సెట్‌లో ఇరవైమంది మాత్రమే ఉన్నారు. అందరూ మాస్క్‌లు ధరించారు. శానిటైజ్‌ అయ్యారు. ఇలా అన్ని జాగ్రత్తలు తీసుకుని సెట్‌లోకి అడుగుపెడుతుంటే యుద్ధభూమిలోకి వెళ్తున్నట్లు ఉంది. లాక్‌డౌన్‌ తర్వాత షూటింగ్‌కు వెళ్తున్న అతికొద్ది నటీనటుల జాబితాలో నా పేరు కూడా ఉంటుందనుకుంటున్నాను’’ అని అన్నారు. ∙సెట్‌లో అదా శర్మ

‘ఆర్‌ఎక్స్‌ 100’తో టాలీవుడ్‌లో రికార్డుల మోత మోగించారు. ఈ సినిమాతో హీరో కార్తీకేయ, హీరోయిన్‌ పాయల్‌ రాజ్‌పుత్‌లకు భారీగా క్రేజ్‌ వచ్చేసింది. పాయల్‌ ఇటీవలె ఎన్టీఆర్‌ కథానాయకుడిలో అతిథి(జయసుధ)పాత్రలో మెరవగా.. హీరో కార్తీకేయ హిప్పీ అనే చిత్రంతో బిజీగా ఉన్నాడు. ఈ సినిమాయే కాకుండా మరో కొత్త ప్రాజెక్ట్‌ను కూడా ఈ యంగ్‌ హీరో ప్రారంభించాడు. నూతన దర్శకుడైన అర్జున్‌ జంధ్యాల, కార్తీకేయ కాంబినేషన్‌లో తెరకెక్కబోతున్న ఈ మూవీ షూటింగ్‌ నేటి(జనవరి 17) నుంచి ఒంగోలులో జరుగుతుందని మేకర్స్‌ ప్రకటించారు. ఈ చిత్రాన్ని అనిల్‌ కడియాలా, తిరుమల్‌ రెడ్డి సంయుక్తంగా నిర్మిస్తుండగా.. చైతన్‌ సంగీతాన్ని అందిస్తున్నారు. ఈ చిత్రానికి సంబంధించిన మిగతా వివరాలను త్వరలోనే ప్రకటిస్తామని తెలిపారు. 


  శ్రవణ్ కథానాయకుడిగా రూపొందుతోన్న చిత్రం ‘నచ్చలా’. శంకర్ స్వీయ దర్శకత్వంలో రూపొందుతోన్న ఈ చిత్రం హైదరాబాద్‌లో మొదలైంది. ముహూర్తపు దృశ్యానికి గురు ప్రసాదరావు కెమెరా స్విచాన్ చేయగా, ‘హ్యాపీడేస్’ఫేం వంశీకృష్ణ క్లాప్ ఇచ్చారు. ప్రేమ పవిత్రతను చాటిచెప్పే కథాంశంతో ఈ చిత్రాన్ని తెరకెక్కిస్తున్నామనీ, కొత్తదనంతో కూడిన కథాంశం కాబట్టే వైరైటీగా ‘నచ్చలా’ అని టైటిల్ పెట్టామనీ, వచ్చే నెల తొలివారంలో షూటింగ్ ప్రారంభించి 40 రోజుల్లో పూర్తి చేస్తామని దర్శక, నిర్మాత చెప్పారు. ఇంకా కథానాయిక ఎంపిక కాని ఈ చిత్రానికి కెమెరా: వెంకట హనుమ, సంగీతం: రేవంత్ శివకోటి.