న్యూఢిల్లీ: ప్రజలు సుస్థిర ప్రభుత్వాన్ని ఎన్నుకోవడం వల్లే వారికిచ్చిన వాగ్దానాలను ప్రభుత్వం నెరవేర్చగలిగిందని ప్రధాని మోదీ వ్యాఖ్యానించారు. కేంద్రంలో అధికారంలోకి వచ్చి శుక్రవారంతో తొమ్మిదేళ్లు పూర్తయిన సందర్భంగా వచ్చిన అభినందనపై ఆయన స్పందించారు. ‘ పౌరులు సుస్థిరమైన ప్రభుత్వాన్ని ఎన్నుకోవడం వల్లే ప్రజలకు మేం ఇచ్చిన కీలకమైన హామీల సాధన సాధ్యమైంది. ఈ ట్వీట్ల ద్వారా మీరు చూపించే ఆదరణ ప్రజల కోసం మరింత శ్రమించేందుకు కావాల్సిన స్థైర్యాన్ని నాకు అందిస్తోంది. గత తొమ్మిదేళ్లలో విస్తృతంగా క్షేత్రస్థాయిలో పనిచేశాం. ఈ అమృతకాలంలో మరింత పటిష్ట, సుసంపన్నమైన భారతావనిని ఆవిష్కరిస్తాం. మీ సాటిలేని మద్దతే మా శక్తిసామర్థ్యాలకు ఆధారం’ అని మోదీ ట్వీట్‌చేశారు. 

సాక్షి, బళ్లారి/ కృష్ణరాజపురం: కర్ణాటకలో సుస్థిర ప్రభుత్వం ఏర్పడాలంటే బీజేపీకే ఓటేయాలని ప్రజలకు ప్రధాని నరేంద్ర మోదీ పిలుపునిచ్చారు. అభివృద్ధి కోసం కుట్రపూరిత రాజకీయాలను రాష్ట్రం నుంచి పారదోలాల్సిన అవసరం ఉందన్నారు. రాష్ట్రాన్ని పార్టీ నేతల జేబులు నింపే ఏటీఎంలాగా మార్చాలని కాంగ్రెస్‌ చూస్తోందని దుయ్యబట్టారు. కర్ణాటకలో శనివారం ప్రధాని విస్తృతంగా పర్యటించారు. బెంగళూరులో కేఆర్‌ పురం–వైట్‌ఫీల్డ్‌ నూతన నమ్మ మెట్రో రైలు మార్గాన్ని ప్రారంభించారు. టిక్కెట్‌ కొని ప్రయాణించారు. రైలు సిబ్బంది, విద్యార్థులతో ముచ్చటించారు. తర్వాత చిక్కబళ్లాపురలో మోక్షగుండం విశ్వేశ్వరయ్య సమాధిని, మ్యూజియాన్ని సందర్శించి నివాళులర్పించారు. అనంతరం దావణగెరెలో విజయ సంకల్పయాత్రలో ప్రసంగించారు. భారీ రోడ్‌ షో ద్వారా సభాస్థలికి చేరుకున్నారు. ‘‘ఇది విజయ సంకల్పయాత్రలా లేదు. రాష్ట్రంలో బీజేపీ విజయోత్సవ సభలా ఉంది. డబుల్‌ ఇంజిన్‌ సర్కారు వల్లే కర్ణాటకలో ఎన్నో అభివృద్ధి పనులు జరిగాయి. దేశాభివృద్ధే బీజేపీ మంత్రం’’ అన్నారు. మోదీ వైపు పరుగెత్తుతూ వచ్చిన ఓ వ్యక్తి దావణగెరె రోడ్‌షోలో మోదీ వైపు ఓ వ్యక్తి పరుగెత్తుతూ రావడం కలకలం రేపింది. భద్రతా సిబ్బందిని తప్పించుకుని మోదీ ప్రయాణిస్తున్న కారు వైపు దూసుకొచ్చిన ఆ వ్యక్తిని పోలీసులు ముందుగానే పట్టుకున్నారు. ఈ విషయంలో ఎటువంటి భద్రతా పరమైన ఉల్లంఘన చోటుచేసుకోలేదని పోలీసులు చెప్పారు. కాగా, ఘటనకు సంబంధించిన వీడియో వైరల్‌ అవుతోంది. కొప్పాల్‌కు చెందిన ఆ వ్యక్తిని విచారిస్తున్నామని ఎస్‌పీ రిష్యంత్‌ చెప్పారు.

సూరత్‌ / దండి: భారత్‌లో తాము అధికారం లోకి రాకముందు ఏ రాజకీయ పార్టీకీ పూర్తిస్థాయి మెజారిటీ రాకపోవడంతో దేశాభివృద్ధి ఆగిపోయిందని ప్రధాని నరేంద్ర మోదీ తెలిపారు. రాజకీయ అస్థిరత కారణంగా కొన్నిరంగాల్లో భారత్‌ తిరోగమనం దిశగా వెళ్లిందని వ్యాఖ్యానించారు. దేశాభివృద్ధి కోసం కేంద్రంలో పూర్తిస్థాయి మెజారిటీ ఉన్న ప్రభుత్వం ఏర్పాటు కావాల్సిన అవసరముందని అభిప్రాయపడ్డారు. గుజరాత్‌లోని సూరత్‌లో విమానాశ్రయం విస్తరణ పనులకు శంకుస్థాపన చేసిన అనంతరం బహిరంగ సభలో మాట్లాడిన మోదీ.. ప్రతిపక్షాల వ్యవహారశైలిని తీవ్రంగా తప్పుపట్టారు. ‘రియల్‌’ ధరలు తగ్గుముఖం: భారత్‌లో గత 30 ఏళ్లలో ఏ పార్టీకి మెజారిటీ దక్కలేదు. దీంతో సంకీర్ణ ప్రభుత్వాలు ఏర్పడి దేశాభివృద్ధి కుంటుపడింది. కానీ యువతరం 2014లో విజ్ఞతతో ఆలోచించి ఓటేయడంతో భారత్‌ ఈరోజు పురోగమిస్తోంది. యువతీయువకుల ఓట్లు 30 ఏళ్ల రోగాన్ని నిర్మూలించాయి. కేంద్రంలో పూర్తి మెజారిటీతో ఉన్న సుస్థిర ప్రభుత్వం ఏర్పడింది. అధికారం అప్పగిం చినందుకు మీరేం చేశారు? అని ప్రజలు నన్ను ప్రశ్నించవచ్చు. నేను జవాబిచ్చేందుకు సిద్ధం గా ఉన్నా. ఒకవేళ మెజారిటీ కాకుండా సంకీర్ణ ప్రభుత్వం ఏర్పడి ఉంటే మీకు చాలా కారణాలు చెప్పి ఉండేవాడిని. యూపీఏ ప్రభుత్వం 25 లక్షల ఇళ్లను నిర్మిస్తే.. మా ప్రభుత్వం నాలుగున్నరేళ్ల కాలంలో ఏకంగా 1.30 కోట్ల గృహాల నిర్మాణం పూర్తిచేసింది. ఈ లక్ష్యాన్ని చేరుకోవాలంటే కాంగ్రెస్‌కు ఇంకో పాతికేళ్లు పడుతుంది’ అని మోదీ తెలిపారు. నోట్ల రద్దుపై స్పందిస్తూ..‘నోట్ల రద్దు తర్వాత యువత తక్కువ ధరలకే వాళ్లు ఇళ్లను కొనుగోలు చేయగలుగుతున్నారు. నోట్ల రద్దు, రియల్‌ఎస్టేట్‌ నియంత్రణ సంస్థతో రియల్‌ఎస్టేట్‌ రంగంలో పేరుకుపోయిన నల్లధ నాన్ని నియంత్రించగలిగాం. సంపూర్ణ మెజారిటీ ఉన్న కారణంగానే ముద్ర పథకాన్ని తీసుకొచ్చాం’ అని వెల్లడించారు. అగ్రవర్ణాల పేదలకు 10% కోటా కల్పించే విషయంలో ఎన్డీయే ప్రభుత్వం ధైర్యంగా ముందడుగు వేసిందన్నారు. ఆ ప్రశ్నలను ప్రజలు మర్చిపోలేదు... సూరత్‌ సభ తర్వాత నవ్‌సరి జిల్లాలోని దండికి చేరుకున్న ప్రధాని.. గాంధీ వర్ధంతి నేపథ్యంలో జాతీయ ఉప్పు సత్యాగ్రహ సార్మకం, మ్యూజియాన్ని ప్రారంభించారు. ఆ తర్వాత మాట్లాడుతూ..‘మహాత్మా గాంధీ దండియాత్ర (ఉప్పు సత్యాగ్రహం) సందర్భంగా ఇది సాధ్యమా? అని పలువురు అనుమానం వ్యక్తం చేశారు. కానీ ఉప్పుకున్న శక్తి, సమాజంలో వేర్వేరు వర్గాలతో దానికున్న అనుబంధం గాంధీకి తెలుసు. అందువల్లే బాపూ ముందుకు సాగారు. ఒకవేళ ఇలాంటి ప్రతికూల మనస్తత్వమున్న వ్యక్తుల ప్రభావానికి గాంధీ లోనై ఉద్యమాన్ని ఆపేసుంటే ఏం జరిగేది? దురదృష్టవశాత్తూ ఇలాంటి వ్యక్తులు మన దేశంలో ఇంకా ఉన్నారు. మరుగుదొడ్లు కట్టడం వల్లే ఏం మార్పు వస్తుంది? ఇది ప్రధాని చేయాల్సిన పనేనా? గ్యాస్‌ కనెక్షన్లు సామాన్యుల జీవితాన్ని ఎలా బాగుచేస్తాయి? ఇలా వారువేసిన ప్రశ్నలను ప్రజలు ఇంకా మర్చిపోలేదు. 2014 నుంచి ఇప్పటివరకూ 9 కోట్ల మరుగుదొడ్లను నిర్మించాం. ఫ్రాన్స్‌లోని ఈఫిల్‌ టవర్, అమెరికాలోని స్టాచ్యూ ఆఫ్‌ లిబర్టీ వంటి చారిత్రక కట్టడాలపై ఆయా దేశాల పౌరులు ఎన్నడూ విమర్శించలేదు’ అని  మోదీ పేర్కొన్నారు.

న్యూఢిల్లీ: రానున్న పదేళ్లు భారత్‌కు దృఢమైన, స్థిరమైన, నిర్ణయాత్మక ప్రభుత్వం అవసరమని జాతీయ భద్రతా సలహాదారు అజిత్‌ దోవల్‌ వ్యాఖ్యానించారు. బలహీనమైన సంకీర్ణ ప్రభుత్వాలు మంచివి కావని, జాతీయ, రాజకీయ, ఆర్థిక పరమైన లక్ష్యాలను సాధించడానికి దృఢమైన ప్రభుత్వమే కావాలని ఆయన పేర్కొన్నారు. గురువారం సర్దార్‌ పటేల్‌ మెమోరియల్‌ ‘డ్రీమ్‌ ఇండియా 2030– అవాయ్‌డింగ్‌ ద పిట్‌ఫాల్స్‌’అనే అంశంపై ఆయన ప్రసంగించారు.  బలహీనమైన ప్రజాస్వామ్యాలు దేశాన్ని మరింత బలహీనంగా మార్చగలవు. రానున్న కొన్నేళ్లలో భారత్‌ అలాంటి వాటికి తలొగ్గకుండా దృఢమైన నిర్ణయాలు తీసుకోవాలి’ అని అన్నారు. ప్రజాస్వామ్యం బలహీనంగా ఉన్నప్పుడు రాజీపడాల్సి వస్తుందని, ఎప్పుడైతే రాజీ పడతామో అప్పుడు జాతీయత కన్నా రాజకీయ మనుగడకే ప్రాధాన్యం ఉంటుందని ఉద్ఘాటించారు. విచ్ఛిన్న రాజకీయాలు, బలహీనమైన ప్రభుత్వాలు భారత్‌ లక్ష్యాలను చేరుకోకుండా అడ్డుపడతాయన్నారు. ఇందుకు దోవల్‌ తన ప్రసంగంలో బ్రెజిల్‌ను ఉదహరించారు. ప్రపంచ వ్యాప్తంగా అన్ని రంగాల్లో ముందున్న బ్రెజిల్‌.. రాజకీయ అస్థిరత కారణంగా వృద్ధిలో వెనుకబడి ఉందన్నారు.  


 ముంబై: దేశం 10 శాతం వృద్ధి రేటును సాధించడానికి తగిన పరిస్థితులు ఉన్నాయని హౌసింగ్ డెవలప్‌మెంట్ కార్పొరేషన్ (హెచ్‌డీఎఫ్‌సీ) చైర్మన్ దీపక్ పరేఖ్ పేర్కొన్నారు. స్థూల ఆర్థిక పరిస్థితులు, ఫండమెంటల్స్ ఇందుకు అనుకూలంగానే ఉన్నాయని అన్నారు.
 
  అయితే ఈ లక్ష్యాన్ని సాధించడానికి ఎంత సమయం పడుతుందన్న విషయాన్ని తాను చెప్పలేనని పేర్కొన్నారు. ఇక్కడ జరిగిన ఐఎస్‌బీ కేపిటల్ మార్కెట్ల సదస్సులో పరేఖ్ మాట్లాడుతూ, స్టాక్ మార్కెట్ల ర్యాలీ, చమురు ధరల పతనం, స్థిరమైన, మెజారిటీ ప్రభుత్వం ఇవన్నీ భారత ఆర్థిక వ్యవస్థకు పూర్తి సానుకూలమైనవని వివరించారు.
 
  అయితే వీటికితోడు న్యాయ, ఎన్నికలు, పోలీస్, కార్మిక, భూ సంస్కరణలతోపాటు ఫైనాన్షియల్ రంగంలోనూ సంస్కరణలు అవసరమని అన్నారు. అయితే ఇప్పటికిప్పుడు 6.5 నుంచి 7% వృద్ధి సాధనకు మరింత కష్టపడాల్సిన అవసరం ఉందన్నారు.


 దేశంలో పూర్తి మెజారిటీతో సుస్థిర ప్రభుత్వం ఏర్పడటం 30 ఏళ్ల తర్వాత ఇదే తొలిసారని, నరేంద్రమోడీ లాంటి బలమైన నాయకుడివల్లే ఇది సాధ్యమైందని ఎన్డీయే భాగస్వామ్యపక్షం శివసేన చెప్పింది. భయంకరమైన పీడకల తర్వాత మంచి కల వచ్చి, అది నిజమైనట్లు ఉందని, భారతీయులు పూజిస్తున్న దేవుళ్లు, దేవతలు అంతా ఏకగ్రీవంగా దేశప్రజలను ఈ ఎన్నికల ఫలితాలతో దీవించినట్లు అయ్యిందని తమ అధికార పత్రిక 'సామ్నా'లో రాసిన సంపాదకీయంలో శివసేన పేర్కొంది. 1977లో జనతా పార్టీ నేతృత్వంలోని సంకీర్ణ ప్రభుత్వం సాధించిన విజయం కంటే ఇది పెద్దదని తెలిపింది.
 
 దేశానికి స్వేచ్ఛ కల్పించేందుకు మోడీ వచ్చారని, ఆయన వెనక దేశమంతా బ్యాలట్ రూపంలో వెంటనిలిచిందని అన్నారు. ఆ ధాటికి మహావృక్షాలు సైతం కూకటివేళ్లతో పెకలించుకుపోయాయని, దాంతో కాంగ్రెస్ పార్టీకి తీరని నష్టం వాటిల్లిందని చెప్పారు. ప్రస్తుతానికిది మన్మోహన్ సర్కారు ఓటమే అయినా.. గాంధీ కుటుంబానికి అతిపెద్ద నష్టమని, రాబోయే పరిణామాల నుంచి వాళ్లు తప్పించుకోవడం అంత సులభం కాదని ఆ సంపాదకీయంలో పేర్కొన్నారు.


 * ప్రజలకు రాష్ట్రపతి పిలుపు
 *  జాతినుద్దేశించి పంద్రాగస్టు ప్రసంగం
 *  యుద్ధ క్షేత్రాల్లా శాసన వ్యవస్థలు
 *  పార్లమెంటులో ప్రతిష్టంభనపై ఆందోళన
 *  పాక్ కవ్వింపు చర్యలపై హెచ్చరిక
  
 న్యూఢిల్లీ: దేశంలో వ్యవస్థల పనితీరు, ప్రభుత్వ పాలనపై సర్వత్రా అసంతృప్తి వ్యక్తమవుతున్న నేపథ్యంలో స్థిరమైన ప్రభుత్వాన్ని ఎన్నుకునేందుకు 2014 సార్వత్రిక ఎన్నికలు ఓ అవకాశమని రాష్ట్రపతి ప్రణబ్‌ముఖర్జీ అన్నారు. భద్రత, ఆర్థికాభివృద్ధి అందించే ప్రభుత్వానికే పట్టం కట్టాలని ప్రజలకు పిలుపునిచ్చారు. 67వ స్వాతంత్య్ర దినం సందర్భంగా దేశ ప్రజలను ఉద్దేశించి ప్రణబ్ బుధవారం ప్రసంగించారు. పార్లమెంటు ప్రతిష్టంభన, అవినీతి, ఆర్థిక సంస్కరణలు, శాసన-కార్యనిర్వాహక-న్యాయ వ్యవస్థల మధ్య సమతుల్యత, పాక్ కవ్వింపు చర్యలు తదితరాలను సృ్పశిస్తూ సాగిన రాష్ట్రపతి ప్రసంగంలోని ముఖ్యాంశాలు ఆయన మాటల్లోనే...
 
 ప్రతి ఎన్నికా మైలురాయి కావాలి : సామాజిక సామరస్యం, శాంతి, సౌభాగ్యాల సాధన దిశగా దేశం అడుగులు వేసేందుకు ప్రతి ఎన్నికా కీలక మైలురాయి కావాలి. మరో స్వర్ణయుగం నిర్మించుకునేందుకు ప్రజాస్వామ్యం మన దేశానికి చక్కటి అవకాశమిచ్చింది. దీన్ని చేజార్చుకోకూడదు. ప్రజాస్వామ్యమంటే ఐదేళ్లకోసారి ఓటు వేయడమే కాదు. నేతల బాధ్యతలను, పౌరుల విధులను దాని స్ఫూర్తి ప్రభావితం చేయాలి. నా అభిప్రాయాలను ప్రజలపై రుద్దాలని భావించడం లేదు. నాకు సరైనదనిపించిన దాన్నే మీ ముందుంచా. ఇందులో ఏది సరైనదో మీ అంతరాత్మ తేల్చుకోవాలి. (భగవద్గీతలోని ఓ శ్లోకాన్ని ప్రస్తావిస్తూ) మీ నిర్ణయాలపైనే ప్రజాస్వామ్య భవిష్యత్తు ఆధారపడి ఉంది.
 
 పాలన, వ్యవస్థల పనితీరుపై ప్రస్తుతం తీవ్ర అసంతృప్తి వ్యక్తం అవుతోంది. పాలనపై ప్రజల్లో భ్రమలు తొలగిపోయాయి. మన శాసన వ్యవస్థలు యుద్ధ క్షేత్రాలనే తలపిస్తున్నాయి. అవినీతి అతిపెద్ద సవాలుగా మారింది. దేశ వనరులు సోమరితనం, ఉదాసీనత వల్ల వృథా అవుతున్నాయి. శాసన, కార్యనిర్వాహక, న్యాయ వ్యవస్థలకు రాజ్యంగం కల్పించిన సమానాధికారాలను సజావుగా కొనసాగించాల్సిన అవసరముంది.
 
 పొరుగు దేశాలతో సత్సంబంధాలు కొనసాగించేందుకు ప్రయత్నిస్తున్నప్పటికీ సరిహద్దులో ఉద్రిక్తతలు, నియంత్రణ రేఖ వెంబడి పదేపదే కాల్పుల విరమణ ఉల్లంఘనలు ప్రాణ నష్టానికి దారితీశాయి. శాంతి కాముకులమే అయినా మన సహనానికి కూడా హద్దుంటుంది. దేశ భద్రత, భౌగోళిక సమగ్రతల పరిరక్షణకు అన్ని చర్యలూ తీసుకుంటాం. దేశ భద్రతను కాపాడే క్రమంలో అసువులు బాసిన జవాన్లకు నా నివాళులు.
 
 ప్రపంచశ్రేణి విశ్వవిద్యాలయం...
 దేశానికి ప్రపంచ స్థాయి విశ్వవిద్యాలయం అవసరం చాలా ఉంది. తక్షశిల, నలంద, విక్రమశిల, వల్లభి, సోమపుర, ఉద్ధంతపురి వంటి భారత పురాతన విశ్వవిద్యాలయాల వ్యవస్థ క్రీస్తుపూర్వం 6వ శతాబ్దం నుంచి 1,800 ఏళ్ల పాటు ప్రపంచాన్ని శాసించింది. మనం తిరిగి ఆ స్థానాన్ని చేరుకోవాలి. అభివృద్ధి కోసం పర్యావరణాన్ని దెబ్బతీయకుడదు. ఇందుకు ఉత్తరాఖండ్ వరద విలయమే సంకేతం. అది మనకు మేలుకొలుపు కావాలి. వరద మృతులకు నా నివాళులు. దేశాన్ని ఈ స్థాయికి తీసుకొచ్చిన ఆర్థిక సంస్కరణలను పాలనలోని అన్ని స్థాయిల్లో కొనసాగించాల్సిన అవసరముంది.